% Ramayana: Sundarakanda % Last updated: Sat Sep 25 2021 % Encoding: ASCII % 5001001a tato rAvaNanItAyAH sItAyAH zatrukarzanaH 5001001c iyeSa padam anveSTuM cAraNAcarite pathi 5001002a atha vaidUryavarNeSu zAdvaleSu mahAbalaH 5001002c dhIraH salilakalpeSu vicacAra yathAsukham 5001003a dvijAn vitrAsayan dhImAn urasA pAdapAn haran 5001003c mRgAMz ca subahUn nighnan pravRddha iva kesarI 5001004a nIlalohitamAJjiSThapadmavarNaiH sitAsitaiH 5001004c svabhAvavihitaiz citrair dhAtubhiH samalaMkRtam 5001005a kAmarUpibhir AviSTam abhIkSNaM saparicchadaiH 5001005c yakSakiMnaragandharvair devakalpaiz ca pannagaiH 5001006a sa tasya girivaryasya tale nAgavarAyute 5001006c tiSThan kapivaras tatra hrade nAga ivAbabhau 5001007a sa sUryAya mahendrAya pavanAya svayambhuve 5001007c bhUtebhyaz cAJjaliM kRtvA cakAra gamane matim 5001008a aJjaliM prAGmukhaH kurvan pavanAyAtmayonaye 5001008c tato hi vavRdhe gantuM dakSiNo dakSiNAM dizam 5001009a plavaMgapravarair dRSTaH plavane kRtanizcayaH 5001009c vavRdhe rAmavRddhyarthaM samudra iva parvasu 5001010a niSpramANa zarIraH sa&l lilaGghayiSur arNavam 5001010c bAhubhyAM pIDayAm Asa caraNAbhyAM ca parvatam 5001011a sa cacAlAcalAz cAru muhUrtaM kapipIDitaH 5001011c tarUNAM puSpitAgrANAM sarvaM puSpam azAtayat 5001012a tena pAdapamuktena puSpaugheNa sugandhinA 5001012c sarvataH saMvRtaH zailo babhau puSpamayo yathA 5001013a tena cottamavIryeNa pIDyamAnaH sa parvataH 5001013c salilaM saMprasusrAva madaM matta iva dvipaH 5001014a pIDyamAnas tu balinA mahendras tena parvataH 5001014c rItir nirvartayAm Asa kAJcanAJjanarAjatIH 5001014e mumoca ca zilAH zailo vizAlAH samanaHzilAH 5001015a giriNA pIDyamAnena pIDyamAnAni sarvazaH 5001015c guhAviSTAni bhUtAni vinedur vikRtaiH svaraiH 5001016a sa mahAsattvasaMnAdaH zailapIDAnimittajaH 5001016c pRthivIM pUrayAm Asa dizaz copavanAni ca 5001017a zirobhiH pRthubhiH sarpA vyaktasvastikalakSaNaiH 5001017c vamantaH pAvakaM ghoraM dadaMzur dazanaiH zilAH 5001018a tAs tadA saviSair daSTAH kupitais tair mahAzilAH 5001018c jajvaluH pAvakoddIptA vibhiduz ca sahasradhA 5001019a yAni cauSadhajAlAni tasmiJ jAtAni parvate 5001019c viSaghnAny api nAgAnAM na zekuH zamituM viSam 5001020a bhidyate 'yaM girir bhUtair iti matvA tapasvinaH 5001020c trastA vidyAdharAs tasmAd utpetuH strIgaNaiH saha 5001021a pAnabhUmigataM hitvA haimam AsanabhAjanam 5001021c pAtrANi ca mahArhANi karakAMz ca hiraNmayAn 5001022a lehyAn uccAvacAn bhakSyAn mAMsAni vividhAni ca 5001022c ArSabhANi ca carmANi khaDgAMz ca kanakatsarUn 5001023a kRtakaNThaguNAH kSIbA raktamAlyAnulepanAH 5001023c raktAkSAH puSkarAkSAz ca gaganaM pratipedire 5001024a hAranUpurakeyUra pArihArya dharAH striyaH 5001024c vismitAH sasmitAs tasthur AkAze ramaNaiH saha 5001025a darzayanto mahAvidyAM vidyAdharamaharSayaH 5001025c sahitAs tasthur AkAze vIkSAM cakruz ca parvatam 5001026a zuzruvuz ca tadA zabdam RSINAM bhAvitAtmanAm 5001026c cAraNAnAM ca siddhAnAM sthitAnAM vimale 'mbare 5001027a eSa parvatasaMkAzo hanUmAn mArutAtmajaH 5001027c titIrSati mahAvegaM samudraM makarAlayam 5001028a rAmArthaM vAnarArthaM ca cikIrSan karma duSkaram 5001028c samudrasya paraM pAraM duSprApaM prAptum icchati 5001029a dudhuve ca sa romANi cakampe cAcalopamaH 5001029c nanAda ca mahAnAdaM sumahAn iva toyadaH 5001030a AnupUrvyAc ca vRttaM ca lAGgUlaM romabhiz citam 5001030c utpatiSyan vicikSepa pakSirAja ivoragam 5001031a tasya lAGgUlam Aviddham ativegasya pRSThataH 5001031c dadRze garuDeneva hriyamANo mahoragaH 5001032a bAhU saMstambhayAm Asa mahAparighasaMnibhau 5001032c sasAda ca kapiH kaTyAM caraNau saMcukopa ca 5001033a saMhRtya ca bhujau zrImAMs tathaiva ca zirodharAm 5001033c tejaH sattvaM tathA vIryam Aviveza sa vIryavAn 5001034a mArgam Alokayan dUrAd UrdhvapraNihitekSaNaH 5001034c rurodha hRdaye prANAn AkAzam avalokayan 5001035a padbhyAM dRDham avasthAnaM kRtvA sa kapikuJjaraH 5001035c nikuJcya karNau hanumAn utpatiSyan mahAbalaH 5001035e vAnarAn vAnarazreSTha idaM vacanam abravIt 5001036a yathA rAghavanirmuktaH zaraH zvasanavikramaH 5001036c gacchet tadvad gamiSyAmi laGkAM rAvaNapAlitAm 5001037a na hi drakSyAmi yadi tAM laGkAyAM janakAtmajAm 5001037c anenaiva hi vegena gamiSyAmi surAlayam 5001038a yadi vA tridive sItAM na drakSyAmi kRtazramaH 5001038c baddhvA rAkSasarAjAnam AnayiSyAmi rAvaNam 5001039a sarvathA kRtakAryo 'ham eSyAmi saha sItayA 5001039c AnayiSyAmi vA laGkAM samutpATya sarAvaNAm 5001040a evam uktvA tu hanumAn vAnarAn vAnarottamaH 5001040c utpapAtAtha vegena vegavAn avicArayan 5001041a samutpatati tasmiMs tu vegAt te nagarohiNaH 5001041c saMhRtya viTapAn sarvAn samutpetuH samantataH 5001042a sa mattakoyaSTibhakAn pAdapAn puSpazAlinaH 5001042c udvahann Uruvegena jagAma vimale 'mbare 5001043a UruvegoddhatA vRkSA muhUrtaM kapim anvayuH 5001043c prasthitaM dIrgham adhvAnaM svabandhum iva bAndhavAH 5001044a tam UruvegonmathitAH sAlAz cAnye nagottamAH 5001044c anujagmur hanUmantaM sainyA iva mahIpatim 5001045a supuSpitAgrair bahubhiH pAdapair anvitaH kapiH 5001045c hanumAn parvatAkAro babhUvAdbhutadarzanaH 5001046a sAravanto 'tha ye vRkSA nyamajja&l lavaNAmbhasi 5001046c bhayAd iva mahendrasya parvatA varuNAlaye 5001047a sa nAnAkusumaiH kIrNaH kapiH sAGkurakorakaiH 5001047c zuzubhe meghasaMkAzaH khadyotair iva parvataH 5001048a vimuktAs tasya vegena muktvA puSpANi te drumAH 5001048c avazIryanta salile nivRttAH suhRdo yathA 5001049a laghutvenopapannaM tad vicitraM sAgare 'patat 5001049c drumANAM vividhaM puSpaM kapivAyusamIritam 5001050a puSpaugheNAnubaddhena nAnAvarNena vAnaraH 5001050c babhau megha ivodyan vai vidyudgaNavibhUSitaH 5001051a tasya vegasamudbhUtaiH puSpais toyam adRzyata 5001051c tArAbhir abhirAmAbhir uditAbhir ivAmbaram 5001052a tasyAmbaragatau bAhU dadRzAte prasAritau 5001052c parvatAgrAd viniSkrAntau paJcAsyAv iva pannagau 5001053a pibann iva babhau cApi sormijAlaM mahArNavam 5001053c pipAsur iva cAkAzaM dadRze sa mahAkapiH 5001054a tasya vidyutprabhAkAre vAyumArgAnusAriNaH 5001054c nayane viprakAzete parvatasthAv ivAnalau 5001055a piGge piGgAkSamukhyasya bRhatI parimaNDale 5001055c cakSuSI saMprakazete candrasUryAv iva sthitau 5001056a mukhaM nAsikayA tasya tAmrayA tAmram Ababhau 5001056c saMdhyayA samabhispRSTaM yathA sUryasya maNDalam 5001057a lAGgalaM ca samAviddhaM plavamAnasya zobhate 5001057c ambare vAyuputrasya zakradhvaja ivocchritaH 5001058a lAGgUlacakreNa mahAJ zukladaMSTro 'nilAtmajaH 5001058c vyarocata mahAprAjJaH pariveSIva bhAskaraH 5001059a sphigdezenAbhitAmreNa rarAja sa mahAkapiH 5001059c mahatA dAriteneva girir gairikadhAtunA 5001060a tasya vAnarasiMhasya plavamAnasya sAgaram 5001060c kakSAntaragato vAyur jImUta iva garjati 5001061a khe yathA nipataty ulkA uttarAntAd viniHsRtA 5001061c dRzyate sAnubandhA ca tathA sa kapikuJjaraH 5001062a patatpataMgasaMkAzo vyAyataH zuzubhe kapiH 5001062c pravRddha iva mAtaMgaH kakSyayA badhyamAnayA 5001063a upariSTAc charIreNa chAyayA cAvagADhayA 5001063c sAgare mArutAviSTA naur ivAsIt tadA kapiH 5001064a yaM yaM dezaM samudrasya jagAma sa mahAkapiH 5001064c sa sa tasyAGgavegena sonmAda iva lakSyate 5001065a sAgarasyormijAlAnAm urasA zailavarSmaNAm 5001065c abhighnaMs tu mahAvegaH pupluve sa mahAkapiH 5001066a kapivAtaz ca balavAn meghavAtaz ca niHsRtaH 5001066c sAgaraM bhImanirghoSaM kampayAm Asatur bhRzam 5001067a vikarSann UrmijAlAni bRhanti lavaNAmbhasi 5001067c atyakrAman mahAvegas taraGgAn gaNayann iva 5001068a plavamAnaM samIkSyAtha bhujaGgAH sAgarAlayAH 5001068c vyomni taM kapizArdUlaM suparNam iti menire 5001069a dazayojanavistIrNA triMzadyojanam AyatA 5001069c chAyA vAnarasiMhasya jale cArutarAbhavat 5001070a zvetAbhraghanarAjIva vAyuputrAnugAminI 5001070c tasya sA zuzubhe chAyA vitatA lavaNAmbhasi 5001071a plavamAnaM tu taM dRSTvA plavagaM tvaritaM tadA 5001071c vavRSuH puSpavarSANi devagandharvadAnavAH 5001072a tatApa na hi taM sUryaH plavantaM vAnarezvaram 5001072c siSeve ca tadA vAyU rAmakAryArthasiddhaye 5001073a RSayas tuSTuvuz cainaM plavamAnaM vihAyasA 5001073c jaguz ca devagandharvAH prazaMsanto mahaujasaM 5001074a nAgAz ca tuSTuvur yakSA rakSAMsi vibudhAH khagAH 5001074c prekSyAkAze kapivaraM sahasA vigataklamam 5001075a tasmin plavagazArdUle plavamAne hanUmati 5001075c ikSvAkukulamAnArthI cintayAm Asa sAgaraH 5001076a sAhAyyaM vAnarendrasya yadi nAhaM hanUmataH 5001076c kariSyAmi bhaviSyAmi sarvavAcyo vivakSatAm 5001077a aham ikSvAkunAthena sagareNa vivardhitaH 5001077c ikSvAkusacivaz cAyaM nAvasIditum arhati 5001078a tathA mayA vidhAtavyaM vizrameta yathA kapiH 5001078c zeSaM ca mayi vizrAntaH sukhenAtipatiSyati 5001079a iti kRtvA matiM sAdhvIM samudraz channam ambhasi 5001079c hiraNyanAbhaM mainAkam uvAca girisattamam 5001080a tvam ihAsurasaMghAnAM pAtAlatalavAsinAm 5001080c devarAjJA girizreSTha parighaH saMnivezitaH 5001081a tvam eSAM jJAtavIryANAM punar evotpatiSyatAm 5001081c pAtAlasyAprameyasya dvAram AvRtya tiSThasi 5001082a tiryag Urdhvam adhaz caiva zaktis te zailavardhitum 5001082c tasmAt saMcodayAmi tvAm uttiSTha nagasattama 5001083a sa eSa kapizArdUlas tvAm uparyeti vIryavAn 5001083c hanUmAn rAmakAryArthaM bhImakarmA kham AplutaH 5001084a tasya sAhyaM mayA kAryam ikSvAkukulavartinaH 5001084c mama ikSvAkavaH pUjyAH paraM pUjyatamAs tava 5001085a kuru sAcivyam asmAkaM na naH kAryam atikramet 5001085c kartavyam akRtaM kAryaM satAM manyum udIrayet 5001086a salilAd Urdhvam uttiSTha tiSThatv eSa kapis tvayi 5001086c asmAkam atithiz caiva pUjyaz ca plavatAM varaH 5001087a cAmIkaramahAnAbha devagandharvasevita 5001087c hanUmAMs tvayi vizrAntas tataH zeSaM gamiSyati 5001088a kAkutsthasyAnRzaMsyaM ca maithilyAz ca vivAsanam 5001088c zramaM ca plavagendrasya samIkSyotthAtum arhasi 5001089a hiraNyanAbho mainAko nizamya lavaNAmbhasaH 5001089c utpapAta jalAt tUrNaM mahAdrumalatAyutaH 5001090a sa sAgarajalaM bhittvA babhUvAtyutthitas tadA 5001090c yathA jaladharaM bhittvA dIptarazmir divAkaraH 5001091a zAtakumbhamayaiH zRGgaiH sakiMnaramahoragaiH 5001091c AdityodayasaMkAzair Alikhadbhir ivAmbaram 5001092a tasya jAmbUnadaiH zRGgaiH parvatasya samutthitaiH 5001092c AkAzaM zastrasaMkAzam abhavat kAJcanaprabham 5001093a jAtarUpamayaiH zRGgair bhrAjamAnaiH svayaM prabhaiH 5001093c AdityazatasaMkAzaH so 'bhavad girisattamaH 5001094a tam utthitam asaMgena hanUmAn agrataH sthitam 5001094c madhye lavaNatoyasya vighno 'yam iti nizcitaH 5001095a sa tam ucchritam atyarthaM mahAvego mahAkapiH 5001095c urasA pAtayAm Asa jImUtam iva mArutaH 5001096a sa tadA pAtitas tena kapinA parvatottamaH 5001096c buddhvA tasya kaper vegaM jaharSa ca nananda ca 5001097a tam AkAzagataM vIram AkAze samavasthitam 5001097c prIto hRSTamanA vAkyam abravIt parvataH kapim 5001097e mAnuSaM dharayan rUpam AtmanaH zikhare sthitaH 5001098a duSkaraM kRtavAn karma tvam idaM vAnarottama 5001098c nipatya mama zRGgeSu vizramasva yathAsukham 5001099a rAghAvasya kule jAtair udadhiH parivardhitaH 5001099c sa tvAM rAmahite yuktaM pratyarcayati sAgaraH 5001100a kRte ca pratikartavyam eSa dharmaH sanAtanaH 5001100c so 'yaM tat pratikArArthI tvattaH saMmAnam arhati 5001101a tvannimittam anenAhaM bahumAnAt pracoditaH 5001101c yojanAnAM zataM cApi kapir eSa samAplutaH 5001101e tava sAnuSu vizrAntaH zeSaM prakramatAm iti 5001102a tiSTha tvaM harizArdUla mayi vizramya gamyatAm 5001102c tad idaM gandhavat svAdu kandamUlaphalaM bahu 5001102e tad AsvAdya harizreSTha vizrAnto 'nugamiSyasi 5001103a asmAkam api saMbandhaH kapimukhyas tvayAsti vai 5001103c prakhyAtas triSu lokeSu mahAguNaparigrahaH 5001104a vegavantaH plavanto ye plavagA mArutAtmaja 5001104c teSAM mukhyatamaM manye tvAm ahaM kapikuJjara 5001105a atithiH kila pUjArhaH prAkRto 'pi vijAnatA 5001105c dharmaM jijJAsamAnena kiM punar yAdRzo bhavAn 5001106a tvaM hi devavariSThasya mArutasya mahAtmanaH 5001106c putras tasyaiva vegena sadRzaH kapikuJjara 5001107a pUjite tvayi dharmajJa pUjAM prApnoti mArutaH 5001107c tasmAt tvaM pUjanIyo me zRNu cApy atra kAraNam 5001108a pUrvaM kRtayuge tAta parvatAH pakSiNo 'bhavan 5001108c te 'pi jagmur dizaH sarvA garuDAnilaveginaH 5001109a tatas teSu prayAteSu devasaMghAH saharSibhiH 5001109c bhUtAni ca bhayaM jagmus teSAM patanazaGkayA 5001110a tataH kruddhaH sahasrAkSaH parvatAnAM zatakratuH 5001110c pakSAMz ciccheda vajreNa tatra tatra sahasrazaH 5001111a sa mAm upagataH kruddho vajram udyamya devarAT 5001111c tato 'haM sahasA kSiptaH zvasanena mahAtmanA 5001112a asmi&l lavaNatoye ca prakSiptaH plavagottama 5001112c guptapakSaH samagraz ca tava pitrAbhirakSitaH 5001113a tato 'haM mAnayAmi tvAM mAnyo hi mama mArutaH 5001113c tvayA me hy eSa saMbandhaH kapimukhya mahAguNaH 5001114a asminn evaMgate kArye sAgarasya mamaiva ca 5001114c prItiM prItamanA kartuM tvam arhasi mahAkape 5001115a zramaM mokSaya pUjAM ca gRhANa kapisattama 5001115c prItiM ca bahumanyasva prIto 'smi tava darzanAt 5001116a evam uktaH kapizreSThas taM nagottamam abravIt 5001116c prIto 'smi kRtam AtithyaM manyur eSo 'panIyatAm 5001117a tvarate kAryakAlo me ahaz cApy ativartate 5001117c pratijJA ca mayA dattA na sthAtavyam ihAntarA 5001118a ity uktvA pANinA zailam Alabhya haripuMgavaH 5001118c jagAmAkAzam Avizya vIryavAn prahasann iva 5001119a sa parvatasamudrAbhyAM bahumAnAd avekSitaH 5001119c pUjitaz copapannAbhir AzIrbhir anilAtmajaH 5001120a athordhvaM dUram utpatya hitvA zailamahArNavau 5001120c pituH panthAnam AsthAya jagAma vimale 'mbare 5001121a bhUyaz cordhvagatiM prApya giriM tam avalokayan 5001121c vAyusUnur nirAlambe jagAma vimale 'mbare 5001122a tad dvitIyaM hanumato dRSTvA karma suduSkaram 5001122c prazazaMsuH surAH sarve siddhAz ca paramarSayaH 5001123a devatAz cAbhavan hRSTAs tatrasthAs tasya karmaNA 5001123c kAJcanasya sunAbhasya sahasrAkSaz ca vAsavaH 5001124a uvAca vacanaM dhImAn paritoSAt sagadgadam 5001124c sunAbhaM parvatazreSThaM svayam eva zacIpatiH 5001125a hiraNyanAbhazailendraparituSTo 'smi te bhRzam 5001125c abhayaM te prayacchAmi tiSTha saumya yathAsukham 5001126a sAhyaM kRtaM te sumahad vikrAntasya hanUmataH 5001126c kramato yojanazataM nirbhayasya bhaye sati 5001127a rAmasyaiSa hi dautyena yAti dAzarather hariH 5001127c satkriyAM kurvatA zakyA toSito 'smi dRDhaM tvayA 5001128a tataH praharSam alabhad vipulaM parvatottamaH 5001128c devatAnAM patiM dRSTvA parituSTaM zatakratum 5001129a sa vai dattavaraH zailo babhUvAvasthitas tadA 5001129c hanUmAMz ca muhUrtena vyaticakrAma sAgaram 5001130a tato devAH sagandharvAH siddhAz ca paramarSayaH 5001130c abruvan sUryasaMkAzAM surasAM nAgamAtaram 5001131a ayaM vAtAtmajaH zrImAn plavate sAgaropari 5001131c hanUmAn nAma tasya tvaM muhUrtaM vighnam Acara 5001132a rAkSasaM rUpam AsthAya sughoraM parvatopamam 5001132c daMSTrAkarAlaM piGgAkSaM vaktraM kRtvA nabhaHspRzam 5001133a balam icchAmahe jJAtuM bhUyaz cAsya parAkramam 5001133c tvAM vijeSyaty upAyena viSadaM vA gamiSyati 5001134a evam uktA tu sA devI daivatair abhisatkRtA 5001134c samudramadhye surasA bibhratI rAkSasaM vapuH 5001135a vikRtaM ca virUpaM ca sarvasya ca bhayAvaham 5001135c plavamAnaM hanUmantam AvRtyedam uvAca ha 5001136a mama bhakSaH pradiSTas tvam Izvarair vAnararSabha 5001136c ahaM tvAM bhakSayiSyAmi pravizedaM mamAnanam 5001137a evam uktaH surasayA prAJjalir vAnararSabhaH 5001137c prahRSTavadanaH zrImAn idaM vacanam abravIt 5001138a rAmo dAzarathir nAma praviSTo daNDakAvanam 5001138c lakSmaNena saha bhrAtrA vaidehyA cApi bhAryayA 5001139a asya kAryaviSaktasya baddhavairasya rAkSasaiH 5001139c tasya sItA hRtA bhAryA rAvaNena yazasvinI 5001140a tasyAH sakAzaM dUto 'haM gamiSye rAmazAsanAt 5001140c kartum arhasi rAmasya sAhyaM viSayavAsini 5001141a atha vA maithilIM dRSTvA rAmaM cAkliSTakAriNam 5001141c AgamiSyAmi te vaktraM satyaM pratizRNomi te 5001142a evam uktA hanumatA surasA kAmarUpiNI 5001142c abravIn nAtivarten mAM kaz cid eSa varo mama 5001143a evam uktaH surasayA kruddho vAnarapuMgavaH 5001143c abravIt kuru vai vaktraM yena mAM viSahiSyase 5001144a ity uktvA surasAM kruddho dazayojanam AyataH 5001144c dazayojanavistAro babhUva hanumAMs tadA 5001145a taM dRSTvA meghasaMkAzaM dazayojanam Ayatam 5001145c cakAra surasApy AsyaM viMzadyojanam Ayatam 5001146a hanumAMs tu tataH kruddhas triMzadyojanam AyataH 5001146c cakAra surasA vaktraM catvAriMzat tathocchritam 5001147a babhUva hanumAn vIraH paJcAzadyojanocchritaH 5001147c cakAra surasA vaktraM SaSTiyojanam Ayatam 5001148a tathaiva hanumAn vIraH saptatiM yojanocchritaH 5001148c cakAra surasA vaktram azItiM yojanAyatam 5001149a hanUmAn acala prakhyo navatiM yojanocchritaH 5001149c cakAra surasA vaktraM zatayojanam Ayatam 5001150a tad dRSTvA vyAditaM tv AsyaM vAyuputraH sa buddhimAn 5001150c dIrghajihvaM surasayA sughoraM narakopamam 5001151a sa saMkSipyAtmanaH kAyaM jImUta iva mArutiH 5001151c tasmin muhUrte hanumAn babhUvAGguSThamAtrakaH 5001152a so 'bhipatyAzu tad vaktraM niSpatya ca mahAjavaH 5001152c antarikSe sthitaH zrImAn idaM vacanam abravIt 5001153a praviSTo 'smi hi te vaktraM dAkSAyaNi namo 'stu te 5001153c gamiSye yatra vaidehI satyaM cAstu vacas tava 5001154a taM dRSTvA vadanAn muktaM candraM rAhumukhAd iva 5001154c abravIt surasA devI svena rUpeNa vAnaram 5001155a arthasiddhyai harizreSTha gaccha saumya yathAsukham 5001155c samAnaya ca vaidehIM rAghaveNa mahAtmanA 5001156a tat tRtIyaM hanumato dRSTvA karma suduSkaram 5001156c sAdhu sAdhv iti bhUtAni prazazaMsus tadA harim 5001157a sa sAgaram anAdhRSyam abhyetya varuNAlayam 5001157c jagAmAkAzam Avizya vegena garuNopamaH 5001158a sevite vAridhAribhiH patagaiz ca niSevite 5001158c carite kaizikAcAryair airAvataniSevite 5001159a siMhakuJjarazArdUlapatagoragavAhanaiH 5001159c vimAnaiH saMpatadbhiz ca vimalaiH samalaMkRte 5001160a vajrAzanisamAghAtaiH pAvakair upazobhite 5001160c kRtapuNyair mahAbhAgaiH svargajidbhir alaMkRte 5001161a bahatA havyam atyantaM sevite citrabhAnunA 5001161c grahanakSatracandrArkatArAgaNavibhUSite 5001162a maharSigaNagandharvanAgayakSasamAkule 5001162c vivikte vimale vizve vizvAvasuniSevite 5001163a devarAjagajAkrAnte candrasUryapathe zive 5001163c vitAne jIvalokasya vitato brahmanirmite 5001164a bahuzaH sevite vIrair vidyAdharagaNair varaiH 5001164c kapinA kRSyamANAni mahAbhrANi cakAzire 5001165a pravizann abhrajAlAni niSpataMz ca punaH punaH 5001165c prAvRSIndur ivAbhAti niSpatan pravizaMs tadA 5001166a plavamAnaM tu taM dRSTvA siMhikA nAma rAkSasI 5001166c manasA cintayAm Asa pravRddhA kAmarUpiNI 5001167a adya dIrghasya kAlasya bhaviSyAmy aham AzitA 5001167c idaM hi me mahat sattvaM cirasya vazam Agatam 5001168a iti saMcintya manasA chAyAm asya samakSipat 5001168c chAyAyAM saMgRhItAyAM cintayAm Asa vAnaraH 5001169a samAkSipto 'smi sahasA paGgUkRtaparAkramaH 5001169c pratilomena vAtena mahAnaur iva sAgare 5001170a tiryag Urdhvam adhaz caiva vIkSamANas tataH kapiH 5001170c dadarza sa mahAsattvam utthitaM lavaNAmbhasi 5001171a kapirAjJA yad AkhyAtaM sattvam adbhutadarzanam 5001171c chAyAgrAhi mahAvIryaM tad idaM nAtra saMzayaH 5001172a sa tAM buddhvArthatattvena siMhikAM matimAn kapiH 5001172c vyavardhata mahAkAyaH prAvRSIva balAhakaH 5001173a tasya sA kAyam udvIkSya vardhamAnaM mahAkapeH 5001173c vaktraM prasArayAm Asa pAtAlAmbarasaMnibham 5001174a sa dadarza tatas tasyA vikRtaM sumahan mukham 5001174c kAyamAtraM ca medhAvI marmANi ca mahAkapiH 5001175a sa tasyA vivRte vaktre vajrasaMhananaH kapiH 5001175c saMkSipya muhur AtmAnaM niSpapAta mahAbalaH 5001176a Asye tasyA nimajjantaM dadRzuH siddhacAraNAH 5001176c grasyamAnaM yathA candraM pUrNaM parvaNi rAhuNA 5001177a tatas tasya nakhais tIkSNair marmANy utkRtya vAnaraH 5001177c utpapAtAtha vegena manaHsaMpAtavikramaH 5001178a tAM hatAM vAnareNAzu patitAM vIkSya siMhikAm 5001178c bhUtAny AkAzacArINi tam UcuH plavagarSabham 5001179a bhImam adya kRtaM karma mahat sattvaM tvayA hatam 5001179c sAdhayArtham abhipretam ariSTaM plavatAM vara 5001180a yasya tv etAni catvAri vAnarendra yathA tava 5001180c dhRtir dRSTir matir dAkSyaM sa karmasu na sIdati 5001181a sa taiH saMbhAvitaH pUjyaH pratipannaprayojanaH 5001181c jagAmAkAzam Avizya pannagAzanavat kapiH 5001182a prAptabhUyiSTha pAras tu sarvataH pratilokayan 5001182c yojanAnAM zatasyAnte vanarAjiM dadarza saH 5001183a dadarza ca patann eva vividhadrumabhUSitam 5001183c dvIpaM zAkhAmRgazreSTho malayopavanAni ca 5001184a sAgaraM sAgarAnUpAn sAgarAnUpajAn drumAn 5001184c sAgarasya ca patnInAM mukhAny api vilokayan 5001185a sa mahAmeghasaMkAzaM samIkSyAtmAnam AtmanA 5001185c nirundhantam ivAkAzaM cakAra matimAn matim 5001186a kAyavRddhiM pravegaM ca mama dRSTvaiva rAkSasAH 5001186c mayi kautUhalaM kuryur iti mene mahAkapiH 5001187a tataH zarIraM saMkSipya tan mahIdharasaMnibham 5001187c punaH prakRtim Apede vItamoha ivAtmavAn 5001188a sa cArunAnAvidharUpadhArI; paraM samAsAdya samudratIram 5001188c parair azakyapratipannarUpaH; samIkSitAtmA samavekSitArthaH 5001189a tataH sa lambasya gireH samRddhe; vicitrakUTe nipapAta kUTe 5001189c saketakoddAlakanAlikere; mahAdrikUTapratimo mahAtmA 5001190a sa sAgaraM dAnavapannagAyutaM; balena vikramya mahormimAlinam 5001190c nipatya tIre ca mahodadhes tadA; dadarza laGkAm amarAvatIm iva 5002001a sa sAgaram anAdhRSyam atikramya mahAbalaH 5002001c trikUTazikhare laGkAM sthitAM svastho dadarza ha 5002002a tataH pAdapamuktena puSpavarSeNa vIryavAn 5002002c abhivRSTaH sthitas tatra babhau puSpamayo yathA 5002003a yojanAnAM zataM zrImAMs tIrtvApy uttamavikramaH 5002003c anizvasan kapis tatra na glAnim adhigacchati 5002004a zatAny ahaM yojanAnAM krameyaM subahUny api 5002004c kiM punaH sAgarasyAntaM saMkhyAtaM zatayojanam 5002005a sa tu vIryavatAM zreSThaH plavatAm api cottamaH 5002005c jagAma vegavA&l laGkAM laGghayitvA mahodadhim 5002006a zAdvalAni ca nIlAni gandhavanti vanAni ca 5002006c gaNDavanti ca madhyena jagAma nagavanti ca 5002007a zailAMz ca tarusaMchannAn vanarAjIz ca puSpitAH 5002007c abhicakrAma tejasvI hanumAn plavagarSabhaH 5002008a sa tasminn acale tiSThan vanAny upavanAni ca 5002008c sa nagAgre ca tAM laGkAM dadarza pavanAtmajaH 5002009a saralAn karNikArAMz ca kharjUrAMz ca supuSpitAn 5002009c priyAlAn muculindAMz ca kuTajAn ketakAn api 5002010a priyaGgUn gandhapUrNAMz ca nIpAn saptacchadAMs tathA 5002010c asanAn kovidArAMz ca karavIrAMz ca puSpitAn 5002011a puSpabhAranibaddhAMz ca tathA mukulitAn api 5002011c pAdapAn vihagAkIrNAn pavanAdhUtamastakAn 5002012a haMsakAraNDavAkIrNA vApIH padmotpalAyutAH 5002012c AkrIDAn vividhAn ramyAn vividhAMz ca jalAzayAn 5002013a saMtatAn vividhair vRkSaiH sarvartuphalapuSpitaiH 5002013c udyAnAni ca ramyANi dadarza kapikuJjaraH 5002014a samAsAdya ca lakSmIvA&l laGkAM rAvaNapAlitAm 5002014c parikhAbhiH sapadmAbhiH sotpalAbhir alaMkRtAm 5002015a sItApaharaNArthena rAvaNena surakSitAm 5002015c samantAd vicaradbhiz ca rAkSasair ugradhanvibhiH 5002016a kAJcanenAvRtAM ramyAM prAkAreNa mahApurIm 5002016c aTTAlakazatAkIrNAM patAkAdhvajamAlinIm 5002017a toraNaiH kAJcanair divyair latApaGktivicitritaiH 5002017c dadarza hanumA&l laGkAM divi devapurIm iva 5002018a girimUrdhni sthitAM laGkAM pANDurair bhavanaiH zubhaiH 5002018c dadarza sa kapiH zrImAn puram AkAzagaM yathA 5002019a pAlitAM rAkSasendreNa nirmitAM vizvakarmaNA 5002019c plavamAnAm ivAkAze dadarza hanumAn purIm 5002020a saMpUrNAM rAkSasair ghorair nAgair bhogavatIm iva 5002020c acintyAM sukRtAM spaSTAM kuberAdhyuSitAM purA 5002021a daMSTribhir bahubhiH zUraiH zUlapaTTizapANibhiH 5002021c rakSitAM rAkSasair ghorair guhAm AzIviSair api 5002022a vapraprAkArajaghanAM vipulAmbunavAmbarAm 5002022c zataghnIzUlakezAntAm aTTAlakavataMsakAm 5002023a dvAram uttaram AsAdya cintayAm Asa vAnaraH 5002023c kailAsazikharaprakhyam Alikhantam ivAmbaram 5002023e dhriyamANam ivAkAzam ucchritair bhavanottamaiH 5002024a tasyAz ca mahatIM guptiM sAgaraM ca nirIkSya saH 5002024c rAvaNaM ca ripuM ghoraM cintayAm Asa vAnaraH 5002025a AgatyApIha harayo bhaviSyanti nirarthakAH 5002025c na hi yuddhena vai laGkA zakyA jetuM surair api 5002026a imAM tu viSamAM durgAM laGkAM rAvaNapAlitAm 5002026c prApyApi sa mahAbAhuH kiM kariSyati rAghavaH 5002027a avakAzo na sAntvasya rAkSaseSv abhigamyate 5002027c na dAnasya na bhedasya naiva yuddhasya dRzyate 5002028a caturNAm eva hi gatir vAnarANAM mahAtmanAm 5002028c vAliputrasya nIlasya mama rAjJaz ca dhImataH 5002029a yAvaj jAnAmi vaidehIM yadi jIvati vA na vA 5002029c tatraiva cintayiSyAmi dRSTvA tAM janakAtmajAm 5002030a tataH sa cintayAm Asa muhUrtaM kapikuJjaraH 5002030c girizRGge sthitas tasmin rAmasyAbhyudaye rataH 5002031a anena rUpeNa mayA na zakyA rakSasAM purI 5002031c praveSTuM rAkSasair guptA krUrair balasamanvitaiH 5002032a ugraujaso mahAvIryo balavantaz ca rAkSasAH 5002032c vaJcanIyA mayA sarve jAnakIM parimArgitA 5002033a lakSyAlakSyeNa rUpeNa rAtrau laGkA purI mayA 5002033c praveSTuM prAptakAlaM me kRtyaM sAdhayituM mahat 5002034a tAM purIM tAdRzIM dRSTvA durAdharSAM surAsuraiH 5002034c hanUmAMz cintayAm Asa viniHzvasya muhur muhuH 5002035a kenopAyena pazyeyaM maithilIM janakAtmajAm 5002035c adRSTo rAkSasendreNa rAvaNena durAtmanA 5002036a na vinazyet kathaM kAryaM rAmasya viditAtmanaH 5002036c ekAm ekaz ca pazyeyaM rahite janakAtmajAm 5002037a bhUtAz cArtho vipadyante dezakAlavirodhitAH 5002037c viklavaM dUtam AsAdya tamaH sUryodaye yathA 5002038a arthAnarthAntare buddhir nizcitApi na zobhate 5002038c ghAtayanti hi kAryANi dUtAH paNDitamAninaH 5002039a na vinazyet kathaM kAryaM vaiklavyaM na kathaM bhavet 5002039c laGghanaM ca samudrasya kathaM nu na vRthA bhavet 5002040a mayi dRSTe tu rakSobhI rAmasya viditAtmanaH 5002040c bhaved vyartham idaM kAryaM rAvaNAnartham icchataH 5002041a na hi zakyaM kva cit sthAtum avijJAtena rAkSasaiH 5002041c api rAkSasarUpeNa kim utAnyena kena cit 5002042a vAyur apy atra nAjJAtaz cared iti matir mama 5002042c na hy asty aviditaM kiM cid rAkSasAnAM balIyasAm 5002043a ihAhaM yadi tiSThAmi svena rUpeNa saMvRtaH 5002043c vinAzam upayAsyAmi bhartur arthaz ca hIyate 5002044a tad ahaM svena rUpeNa rajanyAM hrasvatAM gataH 5002044c laGkAm abhipatiSyAmi rAghavasyArthasiddhaye 5002045a rAvaNasya purIM rAtrau pravizya sudurAsadAm 5002045c vicinvan bhavanaM sarvaM drakSyAmi janakAtmajAm 5002046a iti saMcintya hanumAn sUryasyAstamayaM kapiH 5002046c AcakAGkSe tadA vIrA vaidehyA darzanotsukaH 5002046e pRSadaMzakamAtraH san babhUvAdbhutadarzanaH 5002047a pradoSakAle hanumAMs tUrNam utpatya vIryavAn 5002047c praviveza purIM ramyAM suvibhaktamahApatham 5002048a prAsAdamAlAvitatAM stambhaiH kAJcanarAjataiH 5002048c zAtakumbhamayair jAlair gandharvanagaropamAm 5002049a saptabhaumASTabhaumaiz ca sa dadarza mahApurIm 5002049c talaiH sphATikasaMpUrNaiH kArtasvaravibhUSitaiH 5002050a vaidUryamaNicitraiz ca muktAjAlavibhUSitaiH 5002050c talaiH zuzubhire tAni bhavanAny atra rakSasAm 5002051a kAJcanAni vicitrANi toraNAni ca rakSasAm 5002051c laGkAm uddyotayAm AsuH sarvataH samalaMkRtAm 5002052a acintyAm adbhutAkArAM dRSTvA laGkAM mahAkapiH 5002052c AsId viSaNNo hRSTaz ca vaidehyA darzanotsukaH 5002053a sa pANDurodviddhavimAnamAlinIM; mahArhajAmbUnadajAlatoraNAm 5002053c yazasvinAM rAvaNabAhupAlitAM; kSapAcarair bhImabalaiH samAvRtAm 5002054a candro 'pi sAcivyam ivAsya kurvaMs; tArAgaNair madhyagato virAjan 5002054c jyotsnAvitAnena vitatya lokam; uttiSThate naikasahasrarazmiH 5002055a zaGkhaprabhaM kSIramRNAlavarNam; udgacchamAnaM vyavabhAsamAnam 5002055c dadarza candraM sa kapipravIraH; poplUyamAnaM sarasIva haMsaM 5003001a sa lambazikhare lambe lambatoyadasaMnibhe 5003001c sattvam AsthAya medhAvI hanumAn mArutAtmajaH 5003002a nizi laGkAM mahAsattvo viveza kapikuJjaraH 5003002c ramyakAnanatoyADhyAM purIM rAvaNapAlitAm 5003003a zAradAmbudharaprakhyair bhavanair upazobhitAm 5003003c sAgaropamanirghoSAM sAgarAnilasevitAm 5003004a supuSTabalasaMguptAM yathaiva viTapAvatIm 5003004c cArutoraNaniryUhAM pANDuradvAratoraNAm 5003005a bhujagAcaritAM guptAM zubhAM bhogavatIm iva 5003005c tAM savidyudghanAkIrNAM jyotirmArganiSevitAm 5003006a caNDamArutanirhrAdAM yathendrasyAmarAvatIm 5003006c zAtakumbhena mahatA prAkAreNAbhisaMvRtAm 5003007a kiGkiNIjAlaghoSAbhiH patAkAbhir alaMkRtAm 5003007c AsAdya sahasA hRSTaH prAkAram abhipedivAn 5003008a vismayAviSTahRdayaH purIm Alokya sarvataH 5003008c jAmbUnadamayair dvArair vaidUryakRtavedikaiH 5003009a maNisphaTika muktAbhir maNikuTTimabhUSitaiH 5003009c taptahATakaniryUhai rAjatAmalapANDuraiH 5003010a vaidUryatalasopAnaiH sphATikAntarapAMsubhiH 5003010c cArusaMjavanopetaiH kham ivotpatitaiH zubhaiH 5003011a krauJcabarhiNasaMghuSTe rAjahaMsaniSevitaiH 5003011c tUryAbharaNanirghoSaiH sarvataH pratinAditAm 5003012a vasvokasArApratimAM samIkSya nagarIM tataH 5003012c kham ivotpatitAM laGkAM jaharSa hanumAn kapiH 5003013a tAM samIkSya purIM laGkAM rAkSasAdhipateH zubhAm 5003013c anuttamAm RddhiyutAM cintayAm Asa vIryavAn 5003014a neyam anyena nagarI zakyA dharSayituM balAt 5003014c rakSitA rAvaNabalair udyatAyudhadhAribhiH 5003015a kumudAGgadayor vApi suSeNasya mahAkapeH 5003015c prasiddheyaM bhaved bhUmir maindadvividayor api 5003016a vivasvatas tanUjasya harez ca kuzaparvaNaH 5003016c RkSasya ketumAlasya mama caiva gatir bhavet 5003017a samIkSya tu mahAbAho rAghavasya parAkramam 5003017c lakSmaNasya ca vikrAntam abhavat prItimAn kapiH 5003018a tAM ratnavasanopetAM koSThAgArAvataMsakAm 5003018c yantrAgArastanIm RddhAM pramadAm iva bhUSitAm 5003019a tAM naSTatimirAM dIpair bhAsvaraiz ca mahAgRhaiH 5003019c nagarIM rAkSasendrasya dadarza sa mahAkapiH 5003020a praviSTaH sattvasaMpanno nizAyAM mArutAtmajaH 5003020c sa mahApatham AsthAya muktApuSpavirAjitam 5003021a hasitodghuSTaninadais tUryaghoSa puraH saraiH 5003021c vajrAGkuzanikAzaiz ca vajrajAlavibhUSitaiH 5003021e gRhamedhaiH purI ramyA babhAse dyaur ivAmbudaiH 5003022a prajajvAla tadA laGkA rakSogaNagRhaiH zubhaiH 5003022c sitAbhrasadRzaiz citraiH padmasvastikasaMsthitaiH 5003022e vardhamAnagRhaiz cApi sarvataH suvibhASitaiH 5003023a tAM citramAlyAbharaNAM kapirAjahitaMkaraH 5003023c rAghavArthaM caraJ zrImAn dadarza ca nananda ca 5003024a zuzrAva madhuraM gItaM tristhAnasvarabhUSitam 5003024c strINAM madasamRddhAnAM divi cApsarasAm iva 5003025a zuzrAva kAJcIninAdaM nUpurANAM ca niHsvanam 5003025c sopAnaninadAMz caiva bhavaneSu mahAtmanam 5003025e AsphoTitaninAdAMz ca kSveDitAMz ca tatas tataH 5003026a svAdhyAya niratAMz caiva yAtudhAnAn dadarza saH 5003026c rAvaNastavasaMyuktAn garjato rAkSasAn api 5003027a rAjamArgaM samAvRtya sthitaM rakSobalaM mahat 5003027c dadarza madhyame gulme rAkSasasya carAn bahUn 5003028a dIkSitAJ jaTilAn muNDAn go'jinAmbaravAsasaH 5003028c darbhamuSTipraharaNAn agnikuNDAyudhAMs tathA 5003029a kUTamudgarapANIMz ca daNDAyudhadharAn api 5003029c ekAkSAnekakarNAMz ca calallambapayodharAn 5003030a karAlAn bhugnavaktrAMz ca vikaTAn vAmanAMs tathA 5003030c dhanvinaH khaDginaz caiva zataghnI musalAyudhAn 5003030e parighottamahastAMz ca vicitrakavacojjvalAn 5003031a nAtiSThUlAn nAtikRzAn nAtidIrghAtihrasvakAn 5003031c virUpAn bahurUpAMz ca surUpAMz ca suvarcasaH 5003032a zaktivRkSAyudhAMz caiva paTTizAzanidhAriNaH 5003032c kSepaNIpAzahastAMz ca dadarza sa mahAkapiH 5003033a sragviNas tv anuliptAMz ca varAbharaNabhUSitAn 5003033c tIkSNazUladharAMz caiva vajriNaz ca mahAbalAn 5003034a zatasAhasram avyagram ArakSaM madhyamaM kapiH 5003034c prAkArAvRtam atyantaM dadarza sa mahAkapiH 5003035a triviSTapanibhaM divyaM divyanAdavinAditam 5003035c vAjiheSitasaMghuSTaM nAditaM bhUSaNais tathA 5003036a rathair yAnair vimAnaiz ca tathA gajahayaiH zubhaiH 5003036c vAraNaiz ca caturdantaiH zvetAbhranicayopamaiH 5003037a bhUSitaM ruciradvAraM mattaiz ca mRgapakSibhiH 5003037c rAkSasAdhipater guptam Aviveza gRhaM kapiH 5004001a tataH sa madhyaM gatam aMzumantaM; jyotsnAvitAnaM mahad udvamantam 5004001c dadarza dhImAn divi bhAnumantaM; goSThe vRSaM mattam iva bhramantam 5004002a lokasya pApAni vinAzayantaM; mahodadhiM cApi samedhayantam 5004002c bhUtAni sarvANi virAjayantaM; dadarza zItAMzum athAbhiyAntam 5004003a yA bhAti lakSmIr bhuvi mandarasthA; tathA pradoSeSu ca sAgarasthA 5004003c tathaiva toyeSu ca puSkarasthA; rarAja sA cArunizAkarasthA 5004004a haMso yathA rAjatapaJjurasthaH; siMho yathA mandarakandarasthaH 5004004c vIro yathA garvitakuJjarasthaz; candro 'pi babhrAja tathAmbarasthaH 5004005a sthitaH kakudmAn iva tIkSNazRGgo; mahAcalaH zveta ivoccazRGgaH 5004005c hastIva jAmbUnadabaddhazRGgo; vibhAti candraH paripUrNazRGgaH 5004006a prakAzacandrodayanaSTadoSaH; pravRddharakSaH pizitAzadoSaH 5004006c rAmAbhirAmeritacittadoSaH; svargaprakAzo bhagavAn pradoSaH 5004007a tantrI svanAH karNasukhAH pravRttAH; svapanti nAryaH patibhiH suvRttAH 5004007c naktaMcarAz cApi tathA pravRttA; vihartum atyadbhutaraudravRttAH 5004008a mattapramattAni samAkulAni; rathAzvabhadrAsanasaMkulAni 5004008c vIrazriyA cApi samAkulAni; dadarza dhImAn sa kapiH kulAni 5004009a parasparaM cAdhikam AkSipanti; bhujAMz ca pInAn adhivikSipanti 5004009c mattapralApAn adhivikSipanti; mattAni cAnyonyam adhikSipanti 5004010a rakSAMsi vakSAMsi ca vikSipanti; gAtrANi kAntAsu ca vikSipanti 5004010c dadarza kAntAz ca samAlapanti; tathAparAs tatra punaH svapanti 5004011a mahAgajaiz cApi tathA nadadbhiH; sUpUjitaiz cApi tathA susadbhiH 5004011c rarAja vIraiz ca viniHzvasadbhir; hrado bhujaGgair iva niHzvasadbhiH 5004012a buddhipradhAnAn rucirAbhidhAnAn; saMzraddadhAnAJ jagataH pradhAnAn 5004012c nAnAvidhAnAn rucirAbhidhAnAn; dadarza tasyAM puri yAtudhAnAn 5004013a nananda dRSTvA sa ca tAn surUpAn; nAnAguNAn AtmaguNAnurUpAn 5004013c vidyotamAnAn sa ca tAn surUpAn; dadarza kAMz cic ca punar virUpAn 5004014a tato varArhAH suvizuddhabhAvAs; teSAM striyas tatra mahAnubhAvAH 5004014c priyeSu pAneSu ca saktabhAvA; dadarza tArA iva suprabhAvAH 5004015a zriyA jvalantIs trapayopagUDhA; nizIthakAle ramaNopagUDhAH 5004015c dadarza kAz cit pramadopagUDhA; yathA vihaMgAH kusumopagUDAH 5004016a anyAH punar harmyatalopaviSTAs; tatra priyAGkeSu sukhopaviSTAH 5004016c bhartuH priyA dharmaparA niviSTA; dadarza dhImAn manadAbhiviSTAH 5004017a aprAvRtAH kAJcanarAjivarNAH; kAz cit parArdhyAs tapanIyavarNAH 5004017c punaz ca kAz cic chazalakSmavarNAH; kAntaprahINA rucirAGgavarNAH 5004018a tataH priyAn prApya mano'bhirAmAn; suprItiyuktAH prasamIkSya rAmAH 5004018c gRheSu hRSTAH paramAbhirAmA; haripravIraH sa dadarza rAmAH 5004019a candraprakAzAz ca hi vaktramAlA; vakrAkSipakSmAz ca sunetramAlAH 5004019c vibhUSaNAnAM ca dadarza mAlAH; zatahradAnAm iva cArumAlAH 5004020a na tv eva sItAM paramAbhijAtAM; pathi sthite rAjakule prajAtAm 5004020c latAM praphullAm iva sAdhujAtAM; dadarza tanvIM manasAbhijAtAm 5004021a sanAtane vartmani saMniviSTAM; rAmekSaNIM tAM madanAbhiviSTAm 5004021c bhartur manaH zrImad anupraviSTAM; strIbhyo varAbhyaz ca sadA viziSTAm 5004022a uSNArditAM sAnusRtAsrakaNThIM; purA varArhottamaniSkakaNThIm 5004022c sujAtapakSmAm abhiraktakaNThIM; vane pravRttAm iva nIlakaNThIm 5004023a avyaktalekhAm iva candralekhAM; pAMsupradigdhAm iva hemalekhAm 5004023c kSataprarUDhAm iva bANalekhAM; vAyuprabhinnAm iva meghalekhAm 5004024a sItAm apazyan manujezvarasya; rAmasya patnIM vadatAM varasya 5004024c babhUva duHkhAbhihataz cirasya; plavaMgamo manda ivAcirasya 5005001a sa nikAmaM vinAmeSu vicaran kAmarUpadhRk 5005001c vicacAra kapir laGkAM lAghavena samanvitaH 5005002a AsasAdAtha lakSmIvAn rAkSasendranivezanam 5005002c prAkAreNArkavarNena bhAsvareNAbhisaMvRtam 5005003a rakSitaM rAkSasair bhImaiH siMhair iva mahad vanam 5005003c samIkSamANo bhavanaM cakAze kapikuJjaraH 5005004a rUpyakopahitaiz citrais toraNair hemabhUSitaiH 5005004c vicitrAbhiz ca kakSyAbhir dvAraiz ca rucirair vRtam 5005005a gajAsthitair mahAmAtraiH zUraiz ca vigatazramaiH 5005005c upasthitam asaMhAryair hayaiH syandanayAyibhiH 5005006a siMhavyAghratanutrANair dAntakAJcanarAjataiH 5005006c ghoSavadbhir vicitraiz ca sadA vicaritaM rathaiH 5005007a bahuratnasamAkIrNaM parArdhyAsanabhAjanam 5005007c mahArathasamAvAsaM mahArathamahAsanam 5005008a dRzyaiz ca paramodArais tais taiz ca mRgapakSibhiH 5005008c vividhair bahusAhasraiH paripUrNaM samantataH 5005009a vinItair antapAlaiz ca rakSobhiz ca surakSitam 5005009c mukhyAbhiz ca varastrIbhiH paripUrNaM samantataH 5005010a muditapramadA ratnaM rAkSasendranivezanam 5005010c varAbharaNanirhrAdaiH samudrasvananiHsvanam 5005011a tad rAjaguNasaMpannaM mukhyaiz ca varacandanaiH 5005011c bherImRdaGgAbhirutaM zaGkhaghoSavinAditam 5005012a nityArcitaM parvahutaM pUjitaM rAkSasaiH sadA 5005012c samudram iva gambhIraM samudram iva niHsvanam 5005013a mahAtmAno mahad vezma mahAratnaparicchadam 5005013c mahAjanasamAkIrNaM dadarza sa mahAkapiH 5005014a virAjamAnaM vapuSA gajAzvarathasaMkulam 5005014c laGkAbharaNam ity eva so 'manyata mahAkapiH 5005015a gRhAd gRhaM rAkSasAnAm udyAnAni ca vAnaraH 5005015c vIkSamANo hy asaMtrastaH prAsAdAMz ca cacAra saH 5005016a avaplutya mahAvegaH prahastasya nivezanam 5005016c tato 'nyat pupluve vezma mahApArzvasya vIryavAn 5005017a atha meghapratIkAzaM kumbhakarNanivezanam 5005017c vibhISaNasya ca tathA pupluve sa mahAkapiH 5005018a mahodarasya ca tathA virUpAkSasya caiva hi 5005018c vidyujjihvasya bhavanaM vidyunmAles tathaiva ca 5005018e vajradaMSTrasya ca tathA pupluve sa mahAkapiH 5005019a zukasya ca mahAvegaH sAraNasya ca dhImataH 5005019c tathA cendrajito vezma jagAma hariyUthapaH 5005020a jambumAleH sumAlez ca jagAma hariyUthapaH 5005020c razmiketoz ca bhavanaM sUryazatros tathaiva ca 5005021a dhUmrAkSasya ca saMpAter bhavanaM mArutAtmajaH 5005021c vidyudrUpasya bhImasya ghanasya vighanasya ca 5005022a zukanAbhasya vakrasya zaThasya vikaTasya ca 5005022c hrasvakarNasya daMSTrasya romazasya ca rakSasaH 5005023a yuddhonmattasya mattasya dhvajagrIvasya nAdinaH 5005023c vidyujjihvendrajihvAnAM tathA hastimukhasya ca 5005024a karAlasya pizAcasya zoNitAkSasya caiva hi 5005024c kramamANaH krameNaiva hanUmAn mArutAtmajaH 5005025a teSu teSu mahArheSu bhavaneSu mahAyazAH 5005025c teSAm RddhimatAm RddhiM dadarza sa mahAkapiH 5005026a sarveSAM samatikramya bhavanAni samantataH 5005026c AsasAdAtha lakSmIvAn rAkSasendranivezanam 5005027a rAvaNasyopazAyinyo dadarza harisattamaH 5005027c vicaran harizArdUlo rAkSasIr vikRtekSaNAH 5005027e zUlamudgarahastAz ca zakto tomaradhAriNIH 5005028a dadarza vividhAn gulmAMs tasya rakSaHpater gRhe 5005029a raktAJ zvetAn sitAMz caiva harIMz caiva mahAjavAn 5005029c kulInAn rUpasaMpannAn gajAn paragajArujAn 5005030a niSThitAn gajazikhAyAm airAvatasamAn yudhi 5005030c nihantqn parasainyAnAM gRhe tasmin dadarza saH 5005031a kSarataz ca yathA meghAn sravataz ca yathA girIn 5005031c meghastanitanirghoSAn durdharSAn samare paraiH 5005032a sahasraM vAhinIs tatra jAmbUnadapariSkRtAH 5005032c hemajAlair avicchinnAs taruNAdityasaMnibhAH 5005033a dadarza rAkSasendrasya rAvaNasya nivezane 5005033c zibikA vividhAkArAH sa kapir mArutAtmajaH 5005034a latAgRhANi citrANi citrazAlAgRhANi ca 5005034c krIDAgRhANi cAnyAni dAruparvatakAn api 5005035a kAmasya gRhakaM ramyaM divAgRhakam eva ca 5005035c dadarza rAkSasendrasya rAvaNasya nivezane 5005036a sa mandaratalaprakhyaM mayUrasthAnasaMkulam 5005036c dhvajayaSTibhir AkIrNaM dadarza bhavanottamam 5005037a anantaratnanicayaM nidhijAlaM samantataH 5005037c dhIraniSThitakarmAntaM gRhaM bhUtapater iva 5005038a arcirbhiz cApi ratnAnAM tejasA rAvaNasya ca 5005038c virarAjAtha tad vezma razmimAn iva razmibhiH 5005039a jAmbUnadamayAny eva zayanAny AsanAni ca 5005039c bhAjanAni ca zubhrANi dadarza hariyUthapaH 5005040a madhvAsavakRtakledaM maNibhAjanasaMkulam 5005040c manoramam asaMbAdhaM kuberabhavanaM yathA 5005041a nUpurANAM ca ghoSeNa kAJcInAM ninadena ca 5005041c mRdaGgatalaghoSaiz ca ghoSavadbhir vinAditam 5005042a prAsAdasaMghAtayutaM strIratnazatasaMkulam 5005042c suvyUDhakakSyaM hanumAn praviveza mahAgRham 5006001a sa vezmajAlaM balavAn dadarza; vyAsaktavaidUryasuvarNajAlam 5006001c yathA mahat prAvRSi meghajAlaM; vidyutpinaddhaM savihaMgajAlam 5006002a nivezanAnAM vividhAz ca zAlAH; pradhAnazaGkhAyudhacApazAlAH 5006002c manoharAz cApi punar vizAlA; dadarza vezmAdriSu candrazAlAH 5006003a gRhANi nAnAvasurAjitAni; devAsuraiz cApi supUjitAni 5006003c sarvaiz ca doSaiH parivarjitAni; kapir dadarza svabalArjitAni 5006004a tAni prayatnAbhisamAhitAni; mayena sAkSAd iva nirmitAni 5006004c mahItale sarvaguNottarANi; dadarza laGkAdhipater gRhANi 5006005a tato dadarzocchritamegharUpaM; manoharaM kAJcanacArurUpam 5006005c rakSo'dhipasyAtmabalAnurUpaM; gRhottamaM hy apratirUparUpam 5006006a mahItale svargam iva prakIrNaM; zriyA jvalantaM bahuratnakIrNam 5006006c nAnAtarUNAM kusumAvakIrNaM; girer ivAgraM rajasAvakIrNam 5006007a nArIpravekair iva dIpyamAnaM; taDidbhir ambhodavad arcyamAnam 5006007c haMsapravekair iva vAhyamAnaM; zriyA yutaM khe sukRtAM vimAnam 5006008a yathA nagAgraM bahudhAtucitraM; yathA nabhaz ca grahacandracitram 5006008c dadarza yuktIkRtameghacitraM; vimAnaratnaM bahuratnacitram 5006009a mahI kRtA parvatarAjipUrNA; zailAH kRtA vRkSavitAnapUrNAH 5006009c vRkSAH kRtAH puSpavitAnapUrNAH; puSpaM kRtaM kesarapatrapUrNam 5006010a kRtAni vezmAni ca pANDurANi; tathA supuSpA api puSkariNyaH 5006010c punaz ca padmAni sakesarANi; dhanyAni citrANi tathA vanAni 5006011a puSpAhvayaM nAma virAjamAnaM; ratnaprabhAbhiz ca vivardhamAnam 5006011c vezmottamAnAm api coccamAnaM; mahAkapis tatra mahAvimAnam 5006012a kRtAz ca vaidUryamayA vihaMgA; rUpyapravAlaiz ca tathA vihaMgAH 5006012c citrAz ca nAnAvasubhir bhujaMgA; jAtyAnurUpAs turagAH zubhAGgAH 5006013a pravAlajAmbUnadapuSpapakSAH; salIlam AvarjitajihmapakSAH 5006013c kAmasya sAkSAd iva bhAnti pakSAH; kRtA vihaMgAH sumukhAH supakSAH 5006014a niyujyamAnAz ca gajAH suhastAH; sakesarAz cotpalapatrahastAH 5006014c babhUva devI ca kRtA suhastA; lakSmIs tathA padmini padmahastA 5006015a itIva tad gRham abhigamya zobhanaM; savismayo nagam iva cAruzobhanam 5006015c punaz ca tat paramasugandhi sundaraM; himAtyaye nagam iva cArukandaram 5006016a tataH sa tAM kapir abhipatya pUjitAM; caran purIM dazamukhabAhupAlitAm 5006016c adRzya tAM janakasutAM supUjitAM; suduHkhitAM patiguNaveganirjitAm 5006017a tatas tadA bahuvidhabhAvitAtmanaH; kRtAtmano janakasutAM suvartmanaH 5006017c apazyato 'bhavad atiduHkhitaM manaH; sucakSuSaH pravicarato mahAtmanaH 5007001a tasyAlayavariSThasya madhye vipulam Ayatam 5007001c dadarza bhavanazreSThaM hanUmAn mArutAtmajaH 5007002a ardhayojanavistIrNam AyataM yojanaM hi tat 5007002c bhavanaM rAkSasendrasya bahuprAsAdasaMkulam 5007003a mArgamANas tu vaidehIM sItAm AyatalocanAm 5007003c sarvataH paricakrAma hanUmAn arisUdanaH 5007004a caturviSANair dviradais triviSANais tathaiva ca 5007004c parikSiptam asaMbAdhaM rakSyamANam udAyudhaiH 5007005a rAkSasIbhiz ca patnIbhI rAvaNasya nivezanam 5007005c AhRtAbhiz ca vikramya rAjakanyAbhir AvRtam 5007006a tan nakramakarAkIrNaM timiMgilajhaSAkulam 5007006c vAyuvegasamAdhUtaM pannagair iva sAgaram 5007007a yA hi vaizvaraNe lakSmIr yA cendre harivAhane 5007007c sA rAvaNagRhe sarvA nityam evAnapAyinI 5007008a yA ca rAjJaH kuberasya yamasya varuNasya ca 5007008c tAdRzI tad viziSTA vA RddhI rakSo gRheSv iha 5007009a tasya harmyasya madhyasthaM vezma cAnyat sunirmitam 5007009c bahuniryUha saMkIrNaM dadarza pavanAtmajaH 5007010a brahmaNo 'rthe kRtaM divyaM divi yad vizvakarmaNA 5007010c vimAnaM puSpakaM nAma sarvaratnavibhUSitam 5007011a pareNa tapasA lebhe yat kuberaH pitAmahAt 5007011c kuberam ojasA jitvA lebhe tad rAkSasezvaraH 5007012a IhA mRgasamAyuktaiH kAryasvarahiraNmayaiH 5007012c sukRtair AcitaM stambhaiH pradIptam iva ca zriyA 5007013a merumandarasaMkAzair ullikhadbhir ivAmbaram 5007013c kUTAgAraiH zubhAkAraiH sarvataH samalaMkRtam 5007014a jvalanArkapratIkAzaM sukRtaM vizvakarmaNA 5007014c hemasopAnasaMyuktaM cArupravaravedikam 5007015a jAlavAtAyanair yuktaM kAJcanaiH sthATikair api 5007015c indranIlamahAnIlamaNipravaravedikam 5007015e vimAnaM puSpakaM divyam Aruroha mahAkapiH 5007016a tatrasthaH sa tadA gandhaM pAnabhakSyAnnasaMbhavam 5007016c divyaM saMmUrchitaM jighran rUpavantam ivAnilam 5007017a sa gandhas taM mahAsattvaM bandhur bandhum ivottamam 5007017c ita ehIty uvAceva tatra yatra sa rAvaNaH 5007018a tatas tAM prasthitaH zAlAM dadarza mahatIM zubhAm 5007018c rAvaNasya manaHkAntAM kAntAm iva varastriyam 5007019a maNisopAnavikRtAM hemajAlavirAjitAm 5007019c sphATikair AvRtatalAM dantAntaritarUpikAm 5007020a muktAbhiz ca pravAlaiz ca rUpyacAmIkarair api 5007020c vibhUSitAM maNistambhaiH subahustambhabhUSitAm 5007021a samair Rjubhir atyuccaiH samantAt suvibhUSitaiH 5007021c stambhaiH pakSair ivAtyuccair divaM saMprasthitAm iva 5007022a mahatyA kuthayAstrINaM pRthivIlakSaNAGkayA 5007022c pRthivIm iva vistIrNAM sarASTragRhamAlinIm 5007023a nAditAM mattavihagair divyagandhAdhivAsitAm 5007023c parArdhyAstaraNopetAM rakSo'dhipaniSevitAm 5007024a dhUmrAm agarudhUpena vimalAM haMsapANDurAm 5007024c citrAM puSpopahAreNa kalmASIm iva suprabhAm 5007025a manaHsaMhlAdajananIM varNasyApi prasAdinIm 5007025c tAM zokanAzinIM divyAM zriyaH saMjananIm iva 5007026a indriyANIndriyArthais tu paJca paJcabhir uttamaiH 5007026c tarpayAm Asa mAteva tadA rAvaNapAlitA 5007027a svargo 'yaM devaloko 'yam indrasyeyaM purI bhavet 5007027c siddhir veyaM parA hi syAd ity amanyata mArutiH 5007028a pradhyAyata ivApazyat pradIpAMs tatra kAJcanAn 5007028c dhUrtAn iva mahAdhUrtair devanena parAjitAn 5007029a dIpAnAM ca prakAzena tejasA rAvaNasya ca 5007029c arcirbhir bhUSaNAnAM ca pradIptety abhyamanyata 5007030a tato 'pazyat kuthAsInaM nAnAvarNAmbarasrajam 5007030c sahasraM varanArINAM nAnAveSavibhUSitam 5007031a parivRtte 'rdharAtre tu pAnanidrAvazaM gatam 5007031c krIDitvoparataM rAtrau suSvApa balavat tadA 5007032a tat prasuptaM viruruce niHzabdAntarabhUSaNam 5007032c niHzabdahaMsabhramaraM yathA padmavanaM mahat 5007033a tAsAM saMvRtadantAni mIlitAkSANi mArutiH 5007033c apazyat padmagandhIni vadanAni suyoSitAm 5007034a prabuddhAnIva padmAni tAsAM bhUtvA kSapAkSaye 5007034c punaHsaMvRtapatrANi rAtrAv iva babhus tadA 5007035a imAni mukhapadmAni niyataM mattaSaTpadAH 5007035c ambujAnIva phullAni prArthayanti punaH punaH 5007036a iti vAmanyata zrImAn upapattyA mahAkapiH 5007036c mene hi guNatas tAni samAni salilodbhavaiH 5007037a sA tasya zuzubhe zAlA tAbhiH strIbhir virAjitA 5007037c zAradIva prasannA dyaus tArAbhir abhizobhitA 5007038a sa ca tAbhiH parivRtaH zuzubhe rAkSasAdhipaH 5007038c yathA hy uDupatiH zrImAMs tArAbhir abhisaMvRtaH 5007039a yAz cyavante 'mbarAt tArAH puNyazeSasamAvRtAH 5007039c imAs tAH saMgatAH kRtsnA iti mene haris tadA 5007040a tArANAm iva suvyaktaM mahatInAM zubhArciSAm 5007040c prabhAvarNaprasAdAz ca virejus tatra yoSitAm 5007041a vyAvRttagurupInasrakprakIrNavarabhUSaNAH 5007041c pAnavyAyAmakAleSu nidrApahRtacetasaH 5007042a vyAvRttatilakAH kAz cit kAz cid udbhrAntanUpurAH 5007042c pArzve galitahArAz ca kAz cit paramayoSitaH 5007043a mukhA hAravRtAz cAnyAH kAz cit prasrastavAsasaH 5007043c vyAviddharazanA dAmAH kizorya iva vAhitAH 5007044a sukuNDaladharAz cAnyA vicchinnamRditasrajaH 5007044c gajendramRditAH phullA latA iva mahAvane 5007045a candrAMzukiraNAbhAz ca hArAH kAsAM cid utkaTAH 5007045c haMsA iva babhuH suptAH stanamadhyeSu yoSitAm 5007046a aparAsAM ca vaidUryAH kAdambA iva pakSiNaH 5007046c hemasUtrANi cAnyAsAM cakravAkA ivAbhavan 5007047a haMsakAraNDavAkIrNAz cakravAkopazobhitAH 5007047c ApagA iva tA rejur jaghanaiH pulinair iva 5007048a kiGkiNIjAlasaMkAzAs tA hemavipulAmbujAH 5007048c bhAvagrAhA yazastIrAH suptA nadya ivAbabhuH 5007049a mRduSv aGgeSu kAsAM cit kucAgreSu ca saMsthitAH 5007049c babhUvur bhUSaNAnIva zubhA bhUSaNarAjayaH 5007050a aMzukAntAz ca kAsAM cin mukhamArutakampitAH 5007050c upary upari vaktrANAM vyAdhUyante punaH punaH 5007051a tAH pAtAkA ivoddhUtAH patnInAM ruciraprabhAH 5007051c nAnAvarNasuvarNAnAM vaktramUleSu rejire 5007052a vavalguz cAtra kAsAM cit kuNDalAni zubhArciSAm 5007052c mukhamArutasaMsargAn mandaM mandaM suyoSitAm 5007053a zarkarAsavagandhaH sa prakRtyA surabhiH sukhaH 5007053c tAsAM vadananiHzvAsaH siSeve rAvaNaM tadA 5007054a rAvaNAnanazaGkAz ca kAz cid rAvaNayoSitaH 5007054c mukhAni sma sapatnInAm upAjighran punaH punaH 5007055a atyarthaM saktamanaso rAvaNe tA varastriyaH 5007055c asvatantrAH sapatnInAM priyam evAcaraMs tadA 5007056a bAhUn upanidhAyAnyAH pArihArya vibhUSitAH 5007056c aMzukAni ca ramyANi pramadAs tatra zizyire 5007057a anyA vakSasi cAnyasyAs tasyAH kA cit punar bhujam 5007057c aparA tv aGkam anyasyAs tasyAz cApy aparA bhujau 5007058a UrupArzvakaTIpRSTham anyonyasya samAzritAH 5007058c parasparaniviSTAGgyo madasnehavazAnugAH 5007059a anyonyasyAGgasaMsparzAt prIyamANAH sumadhyamAH 5007059c ekIkRtabhujAH sarvAH suSupus tatra yoSitaH 5007060a anyonyabhujasUtreNa strImAlAgrathitA hi sA 5007060c mAleva grathitA sUtre zuzubhe mattaSaTpadA 5007061a latAnAM mAdhave mAsi phullAnAM vAyusevanAt 5007061c anyonyamAlAgrathitaM saMsaktakusumoccayam 5007062a vyativeSTitasuskantham anyonyabhramarAkulam 5007062c AsId vanam ivoddhUtaM strIvanaM rAvaNasya tat 5007063a uciteSv api suvyaktaM na tAsAM yoSitAM tadA 5007063c vivekaH zakya AdhAtuM bhUSaNAGgAmbarasrajAm 5007064a rAvaNe sukhasaMviSTe tAH striyo vividhaprabhAH 5007064c jvalantaH kAJcanA dIpAH prekSantAnimiSA iva 5007065a rAjarSipitRdaityAnAM gandharvANAM ca yoSitaH 5007065c rakSasAM cAbhavan kanyAs tasya kAmavazaM gatAH 5007066a na tatra kA cit pramadA prasahya; vIryopapannena guNena labdhA 5007066c na cAnyakAmApi na cAnyapUrvA; vinA varArhAM janakAtmajAM tu 5007067a na cAkulInA na ca hInarUpA; nAdakSiNA nAnupacAra yuktA 5007067c bhAryAbhavat tasya na hInasattvA; na cApi kAntasya na kAmanIyA 5007068a babhUva buddhis tu harIzvarasya; yadIdRzI rAghavadharmapatnI 5007068c imA yathA rAkSasarAjabhAryAH; sujAtam asyeti hi sAdhubuddheH 5007069a punaz ca so 'cintayad ArtarUpo; dhruvaM viziSTA guNato hi sItA 5007069c athAyam asyAM kRtavAn mahAtmA; laGkezvaraH kaSTam anAryakarma 5008001a tatra divyopamaM mukhyaM sphATikaM ratnabhUSitam 5008001c avekSamANo hanumAn dadarza zayanAsanam 5008002a tasya caikatame deze so 'gryamAlyavibhUSitam 5008002c dadarza pANDuraM chatraM tArAdhipatisaMnibham 5008003a bAlavyajanahastAbhir vIjyamAnaM samantataH 5008003c gandhaiz ca vividhair juSTaM varadhUpena dhUpitam 5008004a paramAstaraNAstIrNam AvikAjinasaMvRtam 5008004c dAmabhir varamAlyAnAM samantAd upazobhitam 5008005a tasmiJ jImUtasaMkAzaM pradIptottamakuNDalam 5008005c lohitAkSaM mahAbAhuM mahArajatavAsasaM 5008006a lohitenAnuliptAGgaM candanena sugandhinA 5008006c saMdhyAraktam ivAkAze toyadaM sataDidguNam 5008007a vRtam AbharaNair divyaiH surUpaM kAmarUpiNam 5008007c savRkSavanagulmADhyaM prasuptam iva mandaram 5008008a krIDitvoparataM rAtrau varAbharaNabhUSitam 5008008c priyaM rAkSasakanyAnAM rAkSasAnAM sukhAvaham 5008009a pItvApy uparataM cApi dadarza sa mahAkapiH 5008009c bhAskare zayane vIraM prasuptaM rAkSasAdhipam 5008010a niHzvasantaM yathA nAgaM rAvaNaM vAnarottamaH 5008010c AsAdya paramodvignaH so 'pAsarpat subhItavat 5008011a athArohaNam AsAdya vedikAntaram AzritaH 5008011c suptaM rAkSasazArdUlaM prekSate sma mahAkapiH 5008012a zuzubhe rAkSasendrasya svapataH zayanottamam 5008012c gandhahastini saMviSTe yathAprasravaNaM mahat 5008013a kAJcanAGgadanaddhau ca dadarza sa mahAtmanaH 5008013c vikSiptau rAkSasendrasya bhujAv indradhvajopamau 5008014a airAvataviSANAgrair ApIDitakRtavraNau 5008014c vajrollikhitapInAMsau viSNucakraparikSitau 5008015a pInau samasujAtAMsau saMgatau balasaMyutau 5008015c sulakSaNa nakhAGguSThau svaGgulItalalakSitau 5008016a saMhatau parighAkArau vRttau karikaropamau 5008016c vikSiptau zayane zubhre paJcazIrSAv ivoragau 5008017a zazakSatajakalpena suzItena sugandhinA 5008017c candanena parArdhyena svanuliptau svalaMkRtau 5008018a uttamastrIvimRditau gandhottamaniSevitau 5008018c yakSapannagagandharvadevadAnavarAviNau 5008019a dadarza sa kapis tasya bAhU zayanasaMsthitau 5008019c mandarasyAntare suptau mahArhI ruSitAv iva 5008020a tAbhyAM sa paripUrNAbhyAM bhujAbhyAM rAkSasAdhipaH 5008020c zuzubhe 'calasaMkAzaH zRGgAbhyAm iva mandaraH 5008021a cUtapuMnAgasurabhir bakulottamasaMyutaH 5008021c mRSTAnnarasasaMyuktaH pAnagandhapuraHsaraH 5008022a tasya rAkSasasiMhasya nizcakrAma mukhAn mahAn 5008022c zayAnasya viniHzvAsaH pUrayann iva tad gRham 5008023a muktAmaNivicitreNa kAJcanena virAjatA 5008023c mukuTenApavRttena kuNDalojjvalitAnanam 5008024a raktacandanadigdhena tathA hAreNa zobhitA 5008024c pInAyatavizAlena vakSasAbhivirAjitam 5008025a pANDureNApaviddhena kSaumeNa kSatajekSaNam 5008025c mahArheNa susaMvItaM pItenottamavAsasA 5008026a mASarAzipratIkAzaM niHzvasantaM bhujaGgavat 5008026c gAGge mahati toyAnte prasutamiva kuJjaram 5008027a caturbhiH kAJcanair dIpair dIpyamAnaiz caturdizam 5008027c prakAzIkRtasarvAGgaM meghaM vidyudgaNair iva 5008028a pAdamUlagatAz cApi dadarza sumahAtmanaH 5008028c patnIH sa priyabhAryasya tasya rakSaHpater gRhe 5008029a zaziprakAzavadanA varakuNDalabhUSitAH 5008029c amlAnamAlyAbharaNA dadarza hariyUthapaH 5008030a nRttavAditrakuzalA rAkSasendrabhujAGkagAH 5008030c varAbharaNadhAriNyo niSannA dadRze kapiH 5008031a vajravaidUryagarbhANi zravaNAnteSu yoSitAm 5008031c dadarza tApanIyAni kuNDalAny aGgadAni ca 5008032a tAsAM candropamair vaktraiH zubhair lalitakuNDalaiH 5008032c virarAja vimAnaM tan nabhas tArAgaNair iva 5008033a madavyAyAmakhinnAs tA rAkSasendrasya yoSitaH 5008033c teSu teSv avakAzeSu prasuptAs tanumadhyamAH 5008034a kA cid vINAM pariSvajya prasuptA saMprakAzate 5008034c mahAnadIprakIrNeva nalinI potam AzritA 5008035a anyA kakSagatenaiva maDDukenAsitekSaNA 5008035c prasuptA bhAminI bhAti bAlaputreva vatsalA 5008036a paTahaM cArusarvAGgI pIDya zete zubhastanI 5008036c cirasya ramaNaM labdhvA pariSvajyeva kAminI 5008037a kA cid aMzaM pariSvajya suptA kamalalocanA 5008037c nidrAvazam anuprAptA sahakAnteva bhAminI 5008038a anyA kanakasaMkAzair mRdupInair manoramaiH 5008038c mRdaGgaM paripIDyAGgaiH prasuptA mattalocanA 5008039a bhujapArzvAntarasthena kakSageNa kRzodarI 5008039c paNavena sahAnindyA suptA madakRtazramA 5008040a DiNDimaM parigRhyAnyA tathaivAsaktaDiNDimA 5008040c prasuptA taruNaM vatsam upagUhyeva bhAminI 5008041a kA cid ADambaraM nArI bhujasaMbhogapIDitam 5008041c kRtvA kamalapatrAkSI prasuptA madamohitA 5008042a kalazIm apaviddhyAnyA prasuptA bhAti bhAminI 5008042c vasante puSpazabalA mAleva parimArjitA 5008043a pANibhyAM ca kucau kA cit suvarNakalazopamau 5008043c upagUhyAbalA suptA nidrAbalaparAjitA 5008044a anyA kamalapatrAkSI pUrNendusadRzAnanA 5008044c anyAm AliGgya suzroNI prasuptA madavihvalA 5008045a AtodyAni vicitrANi pariSvajya varastriyaH 5008045c nipIDya ca kucaiH suptAH kAminyaH kAmukAn iva 5008046a tAsAm ekAntavinyaste zayAnAM zayane zubhe 5008046c dadarza rUpasaMpannAm aparAM sa kapiH striyam 5008047a muktAmaNisamAyuktair bhUSaNaiH suvibhUSitAm 5008047c vibhUSayantIm iva ca svazriyA bhavanottamam 5008048a gaurIM kanakavarNAbhAm iSTAm antaHpurezvarIm 5008048c kapir mandodarIM tatra zayAnAM cArurUpiNIm 5008049a sa tAM dRSTvA mahAbAhur bhUSitAM mArutAtmajaH 5008049c tarkayAm Asa sIteti rUpayauvanasaMpadA 5008049e harSeNa mahatA yukto nananda hariyUthapaH 5008050a AsphoTayAm Asa cucumba pucchaM; nananda cikrIDa jagau jagAma 5008050c stambhAn arohan nipapAta bhUmau; nidarzayan svAM prakRtiM kapInAm 5009001a avadhUya ca tAM buddhiM babhUvAvasthitas tadA 5009001c jagAma cAparAM cintAM sItAM prati mahAkapiH 5009002a na rAmeNa viyuktA sA svaptum arhati bhAminI 5009002c na bhoktuM nApy alaMkartuM na pAnam upasevitum 5009003a nAnyaM naram upasthAtuM surANAm api cezvaram 5009003c na hi rAmasamaH kaz cid vidyate tridazeSv api 5009003e anyeyam iti nizcitya pAnabhUmau cacAra saH 5009004a krIDitenAparAH klAntA gItena ca tathA parAH 5009004c nRttena cAparAH klAntAH pAnaviprahatAs tathA 5009005a murajeSu mRdaGgeSu pIThikAsu ca saMsthitAH 5009005c tathAstaraNamukhyyeSu saMviSTAz cAparAH striyaH 5009006a aGganAnAM sahasreNa bhUSitena vibhUSaNaiH 5009006c rUpasaMlApazIlena yuktagItArthabhASiNA 5009007a dezakAlAbhiyuktena yuktavAkyAbhidhAyinA 5009007c ratAbhiratasaMsuptaM dadarza hariyUthapaH 5009008a tAsAM madhye mahAbAhuH zuzubhe rAkSasezvaraH 5009008c goSThe mahati mukhyAnAM gavAM madhye yathA vRSaH 5009009a sa rAkSasendraH zuzubhe tAbhiH parivRtaH svayam 5009009c kareNubhir yathAraNyaM parikIrNo mahAdvipaH 5009010a sarvakAmair upetAM ca pAnabhUmiM mahAtmanaH 5009010c dadarza kapizArdUlas tasya rakSaHpater gRhe 5009011a mRgANAM mahiSANAM ca varAhANAM ca bhAgazaH 5009011c tatra nyastAni mAMsAni pAnabhUmau dadarza saH 5009012a raukmeSu ca vizaleSu bhAjaneSv ardhabhakSitAn 5009012c dadarza kapizArdUla mayUrAn kukkuTAMs tathA 5009013a varAhavArdhrANasakAn dadhisauvarcalAyutAn 5009013c zalyAn mRgamayUrAMz ca hanUmAn anvavaikSata 5009014a kRkarAn vividhAn siddhAMz cakorAn ardhabhakSitAn 5009014c mahiSAn ekazalyAMz ca chAgAMz ca kRtaniSThitAn 5009014e lekhyam uccAvacaM peyaM bhojyAni vividhAni ca 5009015a tathAmlalavaNottaMsair vividhai rAgaSADavaiH 5009015c hAra nUpurakeyUrair apaviddhair mahAdhanaiH 5009016a pAnabhAjanavikSiptaiH phalaiz ca vividhair api 5009016c kRtapuSpopahArA bhUr adhikaM puSyati zriyam 5009017a tatra tatra ca vinyastaiH suzliSTaiH zayanAsanaiH 5009017c pAnabhUmir vinA vahniM pradIptevopalakSyate 5009018a bahuprakArair vividhair varasaMskArasaMskRtaiH 5009018c mAMsaiH kuzalasaMyuktaiH pAnabhUmigataiH pRthak 5009019a divyAH prasannA vividhAH surAH kRtasurA api 5009019c zarkarAsavamAdhvIkAH puSpAsavaphalAsavAH 5009019e vAsacUrNaiz ca vividhair mRSTAs tais taiH pRthakpRthak 5009020a saMtatA zuzubhe bhUmir mAlyaiz ca bahusaMsthitaiH 5009020c hiraNmayaiz ca karakair bhAjanaiH sphATikair api 5009020e jAmbUnadamayaiz cAnyaiH karakair abhisaMvRtA 5009021a rAjateSu ca kumbheSu jAmbUnadamayeSu ca 5009021c pAnazreSThaM tadA bhUri kapis tatra dadarza ha 5009022a so 'pazyac chAtakumbhAni zIdhor maNimayAni ca 5009022c rAjatAni ca pUrNAni bhAjanAni mahAkapiH 5009023a kva cid ardhAvazeSANi kva cit pItAni sarvazaH 5009023c kva cin naiva prapItAni pAnAni sa dadarza ha 5009024a kva cid bhakSyAMz ca vividhAn kva cit pAnAni bhAgazaH 5009024c kva cid annAvazeSANi pazyan vai vicacAra ha 5009025a kva cit prabhinnaiH karakaiH kva cid AloDitair ghaTaiH 5009025c kva cit saMpRktamAlyAni jalAni ca phalAni ca 5009026a zayanAny atra nArINAM zUnyAni bahudhA punaH 5009026c parasparaM samAzliSya kAz cit suptA varAGganAH 5009027a kA cic ca vastram anyasyA apahRtyopaguhya ca 5009027c upagamyAbalA suptA nidrAbalaparAjitA 5009028a tAsAm ucchvAsavAtena vastraM mAlyaM ca gAtrajam 5009028c nAtyarthaM spandate citraM prApya mandam ivAnilam 5009029a candanasya ca zItasya zIdhor madhurasasya ca 5009029c vividhasya ca mAlyasya puSpasya vividhasya ca 5009030a bahudhA mArutas tatra gandhaM vividham udvahan 5009030c snAnAnAM candanAnAM ca dhUpAnAM caiva mUrchitaH 5009030e pravavau surabhir gandho vimAne puSpake tadA 5009031a zyAmAvadAtAs tatrAnyAH kAz cit kRSNA varAGganAH 5009031c kAz cit kAJcanavarNAGgyaH pramadA rAkSasAlaye 5009032a tAsAM nidrAvazatvAc ca madanena vimUrchitam 5009032c padminInAM prasuptAnAM rUpam AsId yathaiva hi 5009033a evaM sarvam azeSeNa rAvaNAntaHpuraM kapiH 5009033c dadarza sumahAtejA na dadarza ca jAnakIm 5009034a nirIkSamANaz ca tatas tAH striyaH sa mahAkapiH 5009034c jagAma mahatIM cintAM dharmasAdhvasazaGkitaH 5009035a paradArAvarodhasya prasuptasya nirIkSaNam 5009035c idaM khalu mamAtyarthaM dharmalopaM kariSyati 5009036a na hi me paradArANAM dRSTir viSayavartinI 5009036c ayaM cAtra mayA dRSTaH paradAraparigrahaH 5009037a tasya prAdurabhUc cintApunar anyA manasvinaH 5009037c nizcitaikAntacittasya kAryanizcayadarzinI 5009038a kAmaM dRSTvA mayA sarvA vizvastA rAvaNastriyaH 5009038c na tu me manasaH kiM cid vaikRtyam upapadyate 5009039a mano hi hetuH sarveSAm indriyANAM pravartate 5009039c zubhAzubhAsv avasthAsu tac ca me suvyavasthitam 5009040a nAnyatra hi mayA zakyA vaidehI parimArgitum 5009040c striyo hi strISu dRzyante sadA saMparimArgaNe 5009041a yasya sattvasya yA yonis tasyAM tat parimArgyate 5009041c na zakyaM pramadA naSTA mRgISu parimArgitum 5009042a tad idaM mArgitaM tAvac chuddhena manasA mayA 5009042c rAvaNAntaHpuraM saraM dRzyate na ca jAnakI 5009043a devagandharvakanyAz ca nAgakanyAz ca vIryavAn 5009043c avekSamANo hanumAn naivApazyata jAnakIm 5009044a tAm apazyan kapis tatra pazyaMz cAnyA varastriyaH 5009044c apakramya tadA vIraH pradhyAtum upacakrame 5010001a sa tasya madhye bhavanasya vAnaro; latAgRhAMz citragRhAn nizAgRhAn 5010001c jagAma sItAM prati darzanotsuko; na caiva tAM pazyati cArudarzanAm 5010002a sa cintayAm Asa tato mahAkapiH; priyAm apazyan raghunandanasya tAm 5010002c dhruvaM nu sItA mriyate yathA na me; vicinvato darzanam eti maithilI 5010003a sA rAkSasAnAM pravareNa bAlA; svazIlasaMrakSaNa tat parA satI 5010003c anena nUnaM pratiduSTakarmaNA; hatA bhaved Aryapathe pare sthitA 5010004a virUparUpA vikRtA vivarcaso; mahAnanA dIrghavirUpadarzanAH 5010004c samIkSya sA rAkSasarAjayoSito; bhayAd vinaSTA janakezvarAtmajA 5010005a sItAm adRSTvA hy anavApya pauruSaM; vihRtya kAlaM saha vAnaraiz ciram 5010005c na me 'sti sugrIvasamIpagA gatiH; sutIkSNadaNDo balavAMz ca vAnaraH 5010006a dRSTam antaHpuraM sarvaM dRSTvA rAvaNayoSitaH 5010006c na sItA dRzyate sAdhvI vRthA jAto mama zramaH 5010007a kiM nu mAM vAnarAH sarve gataM vakSyanti saMgatAH 5010007c gatvA tatra tvayA vIra kiM kRtaM tad vadasva naH 5010008a adRSTvA kiM pravakSyAmi tAm ahaM janakAtmajAm 5010008c dhruvaM prAyam upeSyanti kAlasya vyativartane 5010009a kiM vA vakSyati vRddhaz ca jAmbavAn aGgadaz ca saH 5010009c gataM pAraM samudrasya vAnarAz ca samAgatAH 5010010a anirvedaH zriyo mUlam anirvedaH paraM sukham 5010010c bhUyas tAvad viceSyAmi na yatra vicayaH kRtaH 5010011a anirvedo hi satataM sarvArtheSu pravartakaH 5010011c karoti saphalaM jantoH karma yac ca karoti saH 5010012a tasmAd anirveda kRtaM yatnaM ceSTe 'ham uttamam 5010012c adRSTAMz ca viceSyAmi dezAn rAvaNapAlitAn 5010013a ApAnazAlAvicitAs tathA puSpagRhANi ca 5010013c citrazAlAz ca vicitA bhUyaH krIDAgRhANi ca 5010014a niSkuTAntararathyAz ca vimAnAni ca sarvazaH 5010014c iti saMcintya bhUyo 'pi vicetum upacakrame 5010015a bhUmIgRhAMz caityagRhAn gRhAtigRhakAn api 5010015c utpatan nipataMz cApi tiSThan gacchan punaH kva cit 5010016a apAvRNvaMz ca dvArANi kapATAny avaghaTTayan 5010016c pravizan niSpataMz cApi prapatann utpatann api 5010016e sarvam apy avakAzaM sa vicacAra mahAkapiH 5010017a caturaGgulamAtro 'pi nAvakAzaH sa vidyate 5010017c rAvaNAntaHpure tasmin yaM kapir na jagAma saH 5010018a prAkarAntararathyAz ca vedikaz caityasaMzrayAH 5010018c zvabhrAz ca puSkariNyaz ca sarvaM tenAvalokitam 5010019a rAkSasyo vividhAkArA virUpA vikRtAs tathA 5010019c dRSTA hanUmatA tatra na tu sA janakAtmajA 5010020a rUpeNApratimA loke varA vidyAdhara striyaH 5010020c dRSTA hanUmatA tatra na tu rAghavanandinI 5010021a nAgakanyA varArohAH pUrNacandranibhAnanAH 5010021c dRSTA hanUmatA tatra na tu sItA sumadhyamA 5010022a pramathya rAkSasendreNa nAgakanyA balAd dhRtAH 5010022c dRSTA hanUmatA tatra na sA janakanandinI 5010023a so 'pazyaMs tAM mahAbAhuH pazyaMz cAnyA varastriyaH 5010023c viSasAda mahAbAhur hanUmAn mArutAtmajaH 5010024a udyogaM vAnarendrANaM plavanaM sAgarasya ca 5010024c vyarthaM vIkSyAnilasutaz cintAM punar upAgamat 5010025a avatIrya vimAnAc ca hanUmAn mArutAtmajaH 5010025c cintAm upajagAmAtha zokopahatacetanaH 5011001a vimAnAt tu susaMkramya prAkAraM hariyUthapaH 5011001c hanUmAn vegavAn AsId yathA vidyudghanAntare 5011002a saMparikramya hanumAn rAvaNasya nivezanAn 5011002c adRSTvA jAnakIM sItAm abravId vacanaM kapiH 5011003a bhUyiSThaM loDitA laGkA rAmasya caratA priyam 5011003c na hi pazyAmi vaidehIM sItAM sarvAGgazobhanAm 5011004a palvalAni taTAkAni sarAMsi saritas tathA 5011004c nadyo 'nUpavanAntAz ca durgAz ca dharaNIdharAH 5011004e loDitA vasudhA sarvA na ca pazyAmi jAnakIm 5011005a iha saMpAtinA sItA rAvaNasya nivezane 5011005c AkhyAtA gRdhrarAjena na ca pazyAmi tAm aham 5011006a kiM nu sItAtha vaidehI maithilI janakAtmajA 5011006c upatiSTheta vivazA rAvaNaM duSTacAriNam 5011007a kSipram utpatato manye sItAm AdAya rakSasaH 5011007c bibhyato rAmabANAnAm antarA patitA bhavet 5011008a atha vA hriyamANAyAH pathi siddhaniSevite 5011008c manye patitam AryAyA hRdayaM prekSya sAgaram 5011009a rAvaNasyoruvegena bhujAbhyAM pIDitena ca 5011009c tayA manye vizAlAkSyA tyaktaM jIvitam AryayA 5011010a upary upari vA nUnaM sAgaraM kramatas tadA 5011010c viveSTamAnA patitA samudre janakAtmajA 5011011a Aho kSudreNa cAnena rakSantI zIlam AtmanaH 5011011c abandhur bhakSitA sItA rAvaNena tapasvinI 5011012a atha vA rAkSasendrasya patnIbhir asitekSaNA 5011012c aduSTA duSTabhAvAbhir bhakSitA sA bhaviSyati 5011013a saMpUrNacandrapratimaM padmapatranibhekSaNam 5011013c rAmasya dhyAyatI vaktraM paJcatvaM kRpaNA gatA 5011014a hA rAma lakSmaNety eva hAyodhyeti ca maithilI 5011014c vilapya bahu vaidehI nyastadehA bhaviSyati 5011015a atha vA nihitA manye rAvaNasya nivezane 5011015c nUnaM lAlapyate mandaM paJjarastheva zArikA 5011016a janakasya kule jAtA rAmapatnI sumadhyamA 5011016c katham utpalapatrAkSI rAvaNasya vazaM vrajet 5011017a vinaSTA vA pranaSTA vA mRtA vA janakAtmajA 5011017c rAmasya priyabhAryasya na nivedayituM kSamam 5011018a nivedyamAne doSaH syAd doSaH syAd anivedane 5011018c kathaM nu khalu kartavyaM viSamaM pratibhAti me 5011019a asminn evaMgate karye prAptakAlaM kSamaM ca kim 5011019c bhaved iti matiM bhUyo hanumAn pravicArayan 5011020a yadi sItAm adRSTvAhaM vAnarendrapurIm itaH 5011020c gamiSyAmi tataH ko me puruSArtho bhaviSyati 5011021a mamedaM laGghanaM vyarthaM sAgarasya bhaviSyati 5011021c pravezaz civa laGkAyA rAkSasAnAM ca darzanam 5011022a kiM vA vakSyati sugrIvo harayo va samAgatAH 5011022c kiSkindhAM samanuprAptau tau vA dazarathAtmajau 5011023a gatvA tu yadi kAkutsthaM vakSyAmi param apriyam 5011023c na dRSTeti mayA sItA tatas tyakSyanti jIvitam 5011024a paruSaM dAruNaM krUraM tIkSNam indriyatApanam 5011024c sItAnimittaM durvAkyaM zrutvA sa na bhaviSyati 5011025a taM tu kRcchragataM dRSTvA paJcatvagatamAnasaM 5011025c bhRzAnurakto medhAvI na bhaviSyati lakSmaNaH 5011026a vinaSTau bhrAtarau zrutvA bharato 'pi mariSyati 5011026c bharataM ca mRtaM dRSTvA zatrughno na bhaviSyati 5011027a putrAn mRtAn samIkSyAtha na bhaviSyanti mAtaraH 5011027c kausalyA ca sumitrA ca kaikeyI ca na saMzayaH 5011028a kRtajJaH satyasaMdhaz ca sugrIvaH plavagAdhipaH 5011028c rAmaM tathA gataM dRSTvA tatas tyakSyanti jIvitam 5011029a durmanA vyathitA dInA nirAnandA tapasvinI 5011029c pIDitA bhartRzokena rumA tyakSyati jIvitam 5011030a vAlijena tu duHkhena pIDitA zokakarzitA 5011030c paJcatvagamane rAjJas tArApi na bhaviSyati 5011031a mAtApitror vinAzena sugrIva vyasanena ca 5011031c kumAro 'py aGgadaH kasmAd dhArayiSyati jIvitam 5011032a bhartRjena tu zokena abhibhUtA vanaukasaH 5011032c zirAMsy abhihaniSyanti talair muSTibhir eva ca 5011033a sAntvenAnupradAnena mAnena ca yazasvinA 5011033c lAlitAH kapirAjena prANAMs tyakSyanti vAnarAH 5011034a na vaneSu na zaileSu na nirodheSu vA punaH 5011034c krIDAm anubhaviSyanti sametya kapikuJjarAH 5011035a saputradArAH sAmAtyA bhartRvyasanapIDitAH 5011035c zailAgrebhyaH patiSyanti sametya viSameSu ca 5011036a viSam udbandhanaM vApi pravezaM jvalanasya vA 5011036c upavAsam atho zastraM pracariSyanti vAnarAH 5011037a ghoram ArodanaM manye gate mayi bhaviSyati 5011037c ikSvAkukulanAzaz ca nAzaz caiva vanaukasAm 5011038a so 'haM naiva gamiSyAmi kiSkindhAM nagarIm itaH 5011038c na hi zakSyAmy ahaM draSTuM sugrIvaM maithilIM vinA 5011039a mayy agacchati cehasthe dharmAtmAnau mahArathau 5011039c AzayA tau dhariSyete vanarAz ca manasvinaH 5011040a hastAdAno mukhAdAno niyato vRkSamUlikaH 5011040c vAnaprastho bhaviSyAmi adRSTvA janakAtmajAm 5011041a sAgarAnUpaje deze bahumUlaphalodake 5011041c citAM kRtvA pravekSyAmi samiddham araNIsutam 5011042a upaviSTasya vA samyag liGginaM sAdhayiSyataH 5011042c zarIraM bhakSayiSyanti vAyasAH zvApadAni ca 5011043a idam apy RSibhir dRSTaM niryANam iti me matiH 5011043c samyag ApaH pravekSyAmi na cet pazyAmi jAnakIm 5011044a sujAtamUlA subhagA kIrtimAlAyazasvinI 5011044c prabhagnA cirarAtrIyaM mama sItAm apazyataH 5011045a tApaso vA bhaviSyAmi niyato vRkSamUlikaH 5011045c netaH pratigamiSyAmi tAm adRSTvAsitekSaNAm 5011046a yadItaH pratigacchAmi sItAm anadhigamya tAm 5011046c aGgadaH sahitaiH sarvair vAnarair na bhaviSyati 5011047a vinAze bahavo doSA jIvan prApnoti bhadrakam 5011047c tasmAt prANAn dhariSyAmi dhruvo jIvati saMgamaH 5011048a evaM bahuvidhaM duHkhaM manasA dhArayan muhuH 5011048c nAdhyagacchat tadA pAraM zokasya kapikuJjaraH 5011049a rAvaNaM vA vadhiSyAmi dazagrIvaM mahAbalam 5011049c kAmam astu hRtA sItA pratyAcIrNaM bhaviSyati 5011050a atha vainaM samutkSipya upary upari sAgaram 5011050c rAmAyopahariSyAmi pazuM pazupater iva 5011051a iti cintA samApannaH sItAm anadhigamya tAm 5011051c dhyAnazokA parItAtmA cintayAm Asa vAnaraH 5011052a yAvat sItAM na pazyAmi rAmapatnIM yazasvinIm 5011052c tAvad etAM purIM laGkAM vicinomi punaH punaH 5011053a saMpAti vacanAc cApi rAmaM yady AnayAmy aham 5011053c apazyan rAghavo bhAryAM nirdahet sarvavAnarAn 5011054a ihaiva niyatAhAro vatsyAmi niyatendriyaH 5011054c na matkRte vinazyeyuH sarve te naravAnarAH 5011055a azokavanikA cApi mahatIyaM mahAdrumA 5011055c imAm abhigamiSyAmi na hIyaM vicitA mayA 5011056a vasUn rudrAMs tathAdityAn azvinau maruto 'pi ca 5011056c namaskRtvA gamiSyAmi rakSasAM zokavardhanaH 5011057a jitvA tu rAkSasAn devIm ikSvAkukulanandinIm 5011057c saMpradAsyAmi rAmAyA yathAsiddhiM tapasvine 5011058a sa muhUrtam iva dhyAtvA cintAvigrathitendriyaH 5011058c udatiSThan mahAbAhur hanUmAn mArutAtmajaH 5011059a namo 'stu rAmAya salakSmaNAya; devyai ca tasyai janakAtmajAyai 5011059c namo 'stu rudrendrayamAnilebhyo; namo 'stu candrArkamarudgaNebhyaH 5011060a sa tebhyas tu namaskRtvA sugrIvAya ca mArutiH 5011060c dizaH sarvAH samAlokya azokavanikAM prati 5011061a sa gatvA manasA pUrvam azokavanikAM zubhAm 5011061c uttaraM cintayAm Asa vAnaro mArutAtmajaH 5011062a dhruvaM tu rakSobahulA bhaviSyati vanAkulA 5011062c azokavanikA cintyA sarvasaMskArasaMskRtA 5011063a rakSiNaz cAtra vihitA nUnaM rakSanti pAdapAn 5011063c bhagavAn api sarvAtmA nAtikSobhaM pravAyati 5011064a saMkSipto 'yaM mayAtmA ca rAmArthe rAvaNasya ca 5011064c siddhiM me saMvidhAsyanti devAH sarSigaNAs tv iha 5011065a brahmA svayambhUr bhagavAn devAz caiva dizantu me 5011065c siddhim agniz ca vAyuz ca puruhUtaz ca vajradhRt 5011066a varuNaH pAzahastaz ca somAdityai tathaiva ca 5011066c azvinau ca mahAtmAnau marutaH sarva eva ca 5011067a siddhiM sarvANi bhUtAni bhUtAnAM caiva yaH prabhuH 5011067c dAsyanti mama ye cAnye adRSTAH pathi gocarAH 5011068a tad unnasaM pANDuradantam avraNaM; zucismitaM padmapalAzalocanam 5011068c drakSye tad AryAvadanaM kadA nv ahaM; prasannatArAdhipatulyadarzanam 5011069a kSudreNa pApena nRzaMsakarmaNA; sudAruNAlAMkRtaveSadhAriNA 5011069c balAbhibhUtA abalA tapasvinI; kathaM nu me dRSTapathe 'dya sA bhavet 5012001a sa muhUrtam iva dhyatvA manasA cAdhigamya tAm 5012001c avapluto mahAtejAH prAkAraM tasya vezmanaH 5012002a sa tu saMhRSTasarvAGgaH prAkArastho mahAkapiH 5012002c puSpitAgrAn vasantAdau dadarza vividhAn drumAn 5012003a sAlAn azokAn bhavyAMz ca campakAMz ca supuSpitAn 5012003c uddAlakAn nAgavRkSAMz cUtAn kapimukhAn api 5012004a athAmravaNasaMchannAM latAzatasamAvRtAm 5012004c jyAmukta iva nArAcaH pupluve vRkSavATikAm 5012005a sa praviSya vicitrAM tAM vihagair abhinAditAm 5012005c rAjataiH kAJcanaiz caiva pAdapaiH sarvatovRtAm 5012006a vihagair mRgasaMghaiz ca vicitrAM citrakAnanAm 5012006c uditAdityasaMkAzAM dadarza hanumAn kapiH 5012007a vRtAM nAnAvidhair vRkSaiH puSpopagaphalopagaiH 5012007c kokilair bhRGgarAjaiz ca mattair nityaniSevitAm 5012008a prahRSTamanuje kale mRgapakSisamAkule 5012008c mattabarhiNasaMghuSTAM nAnAdvijagaNAyutAm 5012009a mArgamANo varArohAM rAjaputrIm aninditAm 5012009c sukhaprasuptAn vihagAn bodhayAm Asa vAnaraH 5012010a utpatadbhir dvijagaNaiH pakSaiH sAlAH samAhatAH 5012010c anekavarNA vividhA mumucuH puSpavRSTayaH 5012011a puSpAvakIrNaH zuzubhe hanumAn mArutAtmajaH 5012011c azokavanikAmadhye yathA puSpamayo giriH 5012012a dizaH sarvAbhidAvantaM vRkSaSaNDagataM kapim 5012012c dRSTvA sarvANi bhUtAni vasanta iti menire 5012013a vRkSebhyaH patitaiH puSpair avakIrNA pRthagvidhaiH 5012013c rarAja vasudhA tatra pramadeva vibhUSitA 5012014a tarasvinA te taravas tarasAbhiprakampitAH 5012014c kusumAni vicitrANi sasRjuH kapinA tadA 5012015a nirdhUtapatrazikharAH zIrNapuSpaphaladrumAH 5012015c nikSiptavastrAbharaNA dhUrtA iva parAjitAH 5012016a hanUmatA vegavatA kampitAs te nagottamAH 5012016c puSpaparNaphalAny Azu mumucuH puSpazAlinaH 5012017a vihaMgasaMghair hInAs te skandhamAtrAzrayA drumAH 5012017c babhUvur agamAH sarve mAruteneva nirdhutAH 5012018a vidhUtakezI yuvatir yathA mRditavarNikA 5012018c niSpItazubhadantauSThI nakhair dantaiz ca vikSatA 5012019a tathA lAGgUlahastaiz ca caraNAbhyAM ca marditA 5012019c babhUvAzokavanikA prabhagnavarapAdapA 5012020a mahAlatAnAM dAmAni vyadhamat tarasA kapiH 5012020c yathA prAvRSi vindhyasya meghajAlAni mArutaH 5012021a sa tatra maNibhUmIz ca rAjatIz ca manoramAH 5012021c tathA kAJcanabhUmIz ca vicaran dadRze kapiH 5012022a vApIz ca vividhAkArAH pUrNAH paramavAriNA 5012022c mahArhair maNisopAnair upapannAs tatas tataH 5012023a muktApravAlasikatA sphaTikAntarakuTTimAH 5012023c kAJcanais tarubhiz citrais tIrajair upazobhitAH 5012024a phullapadmotpalavanAz cakravAkopakUjitAH 5012024c natyUharutasaMghuSTA haMsasArasanAditAH 5012025a dIrghAbhir drumayuktAbhiH saridbhiz ca samantataH 5012025c amRtopamatoyAbhiH zivAbhir upasaMskRtAH 5012026a latAzatair avatatAH santAnakasamAvRtAH 5012026c nAnAgulmAvRtavanAH karavIrakRtAntarAH 5012027a tato 'mbudharasaMkAzaM pravRddhazikharaM girim 5012027c vicitrakUTaM kUTaiz ca sarvataH parivAritam 5012028a zilAgRhair avatataM nAnAvRkSaiH samAvRtam 5012028c dadarza kapizArdUlo ramyaM jagati parvatam 5012029a dadarza ca nagAt tasmAn nadIM nipatitAM kapiH 5012029c aGkAd iva samutpatya priyasya patitAM priyAm 5012030a jale nipatitAgraiz ca pAdapair upazobhitAm 5012030c vAryamANAm iva kruddhAM pramadAM priyabandhubhiH 5012031a punar AvRttatoyAM ca dadarza sa mahAkapiH 5012031c prasannAm iva kAntasya kAntAM punar upasthitAm 5012032a tasyAdUrAt sa padminyo nAnAdvijagaNAyutAH 5012032c dadarza kapizArdUlo hanumAn mArutAtmajaH 5012033a kRtrimAM dIrghikAM cApi pUrNAM zItena vAriNA 5012033c maNipravarasopAnAM muktAsikatazobhitAm 5012034a vividhair mRgasaMghaiz ca vicitrAM citrakAnanAm 5012034c prAsAdaiH sumahadbhiz ca nirmitair vizvakarmaNA 5012034e kAnanaiH kRtrimaiz cApi sarvataH samalaMkRtAm 5012035a ye ke cit pAdapAs tatra puSpopagaphalopagAH 5012035c sacchatrAH savitardIkAH sarve sauvarNavedikAH 5012036a latApratAnair bahubhiH parNaiz ca bahubhir vRtAm 5012036c kAJcanIM ziMzupAm ekAM dadarza sa mahAkapiH 5012037a so 'pazyad bhUmibhAgAMz ca gartaprasravaNAni ca 5012037c suvarNavRkSAn aparAn dadarza zikhisaMnibhAn 5012038a teSAM drumANAM prabhayA meror iva mahAkapiH 5012038c amanyata tadA vIraH kAJcano 'smIti vAnaraH 5012039a tAM kAJcanais tarugaNair mArutena ca vIjitAm 5012039c kiGkiNIzatanirghoSAM dRSTvA vismayam Agamat 5012040a supuSpitAgrAM rucirAM taruNAGkurapallavAm 5012040c tAm Aruhya mahAvegaH ziMzapAM parNasaMvRtAm 5012041a ito drakSyAmi vaidehIM rAma darzanalAlasAm 5012041c itaz cetaz ca duHkhArtAM saMpatantIM yadRcchayA 5012042a azokavanikA ceyaM dRDhaM ramyA durAtmanaH 5012042c campakaiz candanaiz cApi bakulaiz ca vibhUSitA 5012043a iyaM ca nalinI ramyA dvijasaMghaniSevitA 5012043c imAM sA rAmamahiSI nUnam eSyati jAnakI 5012044a sA rAma rAmamahiSI rAghavasya priyA sadA 5012044c vanasaMcArakuzalA nUnam eSyati jAnakI 5012045a atha vA mRgazAvAkSI vanasyAsya vicakSaNA 5012045c vanam eSyati sA ceha rAmacintAnukarzitA 5012046a rAmazokAbhisaMtaptA sA devI vAmalocanA 5012046c vanavAsaratA nityam eSyate vanacAriNI 5012047a vanecarANAM satataM nUnaM spRhayate purA 5012047c rAmasya dayitA bhAryA janakasya sutA satI 5012048a saMdhyAkAlamanAH zyAmA dhruvam eSyati jAnakI 5012048c nadIM cemAM zivajalAM saMdhyArthe varavarNinI 5012049a tasyAz cApy anurUpeyam azokavanikA zubhA 5012049c zubhA yA pArthivendrasya patnI rAmasya saMmitA 5012050a yadi jivati sA devI tArAdhipanibhAnanA 5012050c AgamiSyati sAvazyam imAM zivajalAM nadIm 5012051a evaM tu matvA hanumAn mahAtmA; pratIkSamANo manujendrapatnIm 5012051c avekSamANaz ca dadarza sarvaM; supuSpite parNaghane nilInaH 5013001a sa vIkSamANas tatrastho mArgamANaz ca maithilIm 5013001c avekSamANaz ca mahIM sarvAM tAm anvavaikSata 5013002a santAna kalatAbhiz ca pAdapair upazobhitAm 5013002c divyagandharasopetAM sarvataH samalaMkRtAm 5013003a tAM sa nandanasaMkAzAM mRgapakSibhir AvRtAm 5013003c harmyaprAsAdasaMbAdhAM kokilAkulaniHsvanAm 5013004a kAJcanotpalapadmAbhir vApIbhir upazobhitAm 5013004c bahvAsanakuthopetAM bahubhUmigRhAyutAm 5013005a sarvartukusumai ramyaiH phalavadbhiz ca pAdapaiH 5013005c puSpitAnAm azokAnAM zriyA sUryodayaprabhAm 5013006a pradIptAm iva tatrastho mArutiH samudaikSata 5013006c niSpatrazAkhAM vihagaiH kriyamANAm ivAsakRt 5013006e viniSpatadbhiH zatazaz citraiH puSpAvataMsakaiH 5013007a AmUlapuSpanicitair azokaiH zokanAzanaiH 5013007c puSpabhArAtibhAraiz ca spRzadbhir iva medinIm 5013008a karNikAraiH kusumitaiH kiMzukaiz ca supuSpitaiH 5013008c sa dezaH prabhayA teSAM pradIpta iva sarvataH 5013009a puMnAgAH saptaparNAz ca campakoddAlakAs tathA 5013009c vivRddhamUlA bahavaH zobhante sma supuSpitAH 5013010a zAtakumbhanibhAH ke cit ke cid agnizikhopamAH 5013010c nIlAJjananibhAH ke cit tatrAzokAH sahasrazaH 5013011a nandanaM vividhodyAnaM citraM caitrarathaM yathA 5013011c ativRttam ivAcintyaM divyaM ramyaM zriyA vRtam 5013012a dvitIyam iva cAkAzaM puSpajyotirgaNAyutam 5013012c puSparatnazataiz citraM paJcamaM sAgaraM yathA 5013013a sarvartupuSpair nicitaM pAdapair madhugandhibhiH 5013013c nAnAninAdair udyAnaM ramyaM mRgagaNair dvijaiH 5013014a anekagandhapravahaM puNyagandhaM manoramam 5013014c zailendram iva gandhADhyaM dvitIyaM gandhamAdanam 5013015a azokavanikAyAM tu tasyAM vAnarapuMgavaH 5013015c sa dadarzAvidUrasthaM caityaprAsAdam Urjitam 5013016a madhye stambhasahasreNa sthitaM kailAsapANDuram 5013016c pravAlakRtasopAnaM taptakAJcanavedikam 5013017a muSNantam iva cakSUMSi dyotamAnam iva zriyA 5013017c vimalaM prAMzubhAvatvAd ullikhantam ivAmbaram 5013018a tato malinasaMvItAM rAkSasIbhiH samAvRtAm 5013018c upavAsakRzAM dInAM niHzvasAntIM punaH punaH 5013018e dadarza zuklapakSAdau candrarekhAm ivAmalAm 5013019a mandaprakhyAyamAnena rUpeNa ruciraprabhAm 5013019c pinaddhAM dhUmajAlena zikhAm iva vibhAvasoH 5013020a pItenaikena saMvItAM kliSTenottamavAsasA 5013020c sapaGkAm analaMkArAM vipadmAm iva padminIm 5013021a vrIDitAM duHkhasaMtaptAM parimlAnAM tapasvinIm 5013021c graheNAGgArakeNaiva pIDitAm iva rohiNIm 5013022a azrupUrNamukhIM dInAM kRzAm ananazena ca 5013022c zokadhyAnaparAM dInAM nityaM duHkhaparAyaNAm 5013023a priyaM janam apazyantIM pazyantIM rAkSasIgaNam 5013023c svagaNena mRgIM hInAM zvagaNAbhivRtAm iva 5013024a nIlanAgAbhayA veNyA jaghanaM gatayaikayA 5013024c sukhArhAM duHkhasaMtaptAM vyasanAnAm akodivAm 5013025a tAM samIkSya vizAlAkSIm adhikaM malinAM kRzAm 5013025c tarkayAm Asa sIteti kAraNair upapAdibhiH 5013026a hriyamANA tadA tena rakSasA kAmarUpiNA 5013026c yathArUpA hi dRSTA vai tathArUpeyam aGganA 5013027a pUrNacandrAnanAM subhrUM cAruvRttapayodharAm 5013027c kurvantIM prabhayA devIM sarvA vitimirA dizaH 5013028a tAM nIlakezIM bimbauSThIM sumadhyAM supratiSThitAm 5013028c sItAM padmapalAzAkSIM manmathasya ratiM yathA 5013029a iSTAM sarvasya jagataH pUrNacandraprabhAm iva 5013029c bhUmau sutanum AsInAM niyatAm iva tApasIm 5013030a niHzvAsabahulAM bhIruM bhujagendravadhUm iva 5013030c zokajAlena mahatA vitatena na rAjatIm 5013031a saMsaktAM dhUmajAlena zikhAm iva vibhAvasoH 5013031c tAM smRtIm iva saMdigdhAm RddhiM nipatitAm iva 5013032a vihatAm iva ca zraddhAm AzAM pratihatAm iva 5013032c sopasargAM yathA siddhiM buddhiM sakaluSAm iva 5013033a abhUtenApavAdena kIrtiM nipatitAm iva 5013033c rAmoparodhavyathitAM rakSoharaNakarzitAm 5013034a abalAM mRgazAvAkSIM vIkSamANAM tatas tataH 5013034c bASpAmbupratipUrNena kRSNavaktrAkSipakSmaNA 5013034e vadanenAprasannena niHzvasantIM punaH punaH 5013035a malapaGkadharAM dInAM maNDanArhAm amaNDitAm 5013035c prabhAM nakSatrarAjasya kAlameghair ivAvRtAm 5013036a tasya saMdidihe buddhir muhuH sItAM nirIkSya tu 5013036c AmnAyAnAm ayogena vidyAM prazithilAm iva 5013037a duHkhena bubudhe sItAM hanumAn analaMkRtAm 5013037c saMskAreNa yathAhInAM vAcam arthAntaraM gatAm 5013038a tAM samIkSya vizAlAkSIM rAjaputrIm aninditAm 5013038c tarkayAm Asa sIteti kAraNair upapAdayan 5013039a vaidehyA yAni cAGgeSu tadA rAmo 'nvakIrtayat 5013039c tAny AbharaNajAlAni gAtrazobhIny alakSayat 5013040a sukRtau karNaveSTau ca zvadaMSTrau ca susaMsthitau 5013040c maNividrumacitrANi hasteSv AbharaNAni ca 5013041a zyAmAni cirayuktatvAt tathA saMsthAnavanti ca 5013041c tAny evaitAni manye 'haM yAni rAmo 'vnakIrtayat 5013042a tatra yAny avahInAni tAny ahaM nopalakSaye 5013042c yAny asyA nAvahInAni tAnImAni na saMzayaH 5013043a pItaM kanakapaTTAbhaM srastaM tad vasanaM zubham 5013043c uttarIyaM nagAsaktaM tadA dRSTaM plavaMgamaiH 5013044a bhUSaNAni ca mukhyAni dRSTAni dharaNItale 5013044c anayaivApaviddhAni svanavanti mahAnti ca 5013045a idaM ciragRhItatvAd vasanaM kliSTavattaram 5013045c tathA hi nUnaM tad varNaM tathA zrImad yathetarat 5013046a iyaM kanakavarNAGgI rAmasya mahiSI priyA 5013046c pranaSTApi satI yasya manaso na praNazyati 5013047a iyaM sA yat kRte rAmaz caturbhiH paritapyate 5013047c kAruNyenAnRzaMsyena zokena madanena ca 5013048a strI pranaSTeti kAruNyAd Azritety AnRzaMsyataH 5013048c patnI naSTeti zokena priyeti madanena ca 5013049a asyA devyA yathA rUpam aGgapratyaGgasauSThavam 5013049c rAmasya ca yathArUpaM tasyeyam asitekSaNA 5013050a asyA devyA manas tasmiMs tasya cAsyAM pratiSThitam 5013050c teneyaM sa ca dharmAtmA muhUrtam api jIvati 5013051a duSkaraM kurute rAmo ya imAM mattakAzinIm 5013051c sItAM vinA mahAbAhur muhUrtam api jIvati 5013052a evaM sItAM tadA dRSTvA hRSTaH pavanasaMbhavaH 5013052c jagAma manasA rAmaM prazazaMsa ca taM prabhum 5014001a prazasya tu prazastavyAM sItAM tAM haripuMgavaH 5014001c guNAbhirAmaM rAmaM ca punaz cintAparo 'bhavat 5014002a sa muhUrtam iva dhyAtvA bASpaparyAkulekSaNaH 5014002c sItAm Azritya tejasvI hanumAn vilalApa ha 5014003a mAnyA guruvinItasya lakSmaNasya gurupriyA 5014003c yadi sItApi duHkhArtA kAlo hi duratikramaH 5014004a rAmasya vyavasAyajJA lakSmaNasya ca dhImataH 5014004c nAtyarthaM kSubhyate devI gaGgeva jaladAgame 5014005a tulyazIlavayovRttAM tulyAbhijanalakSaNAm 5014005c rAghavo 'rhati vaidehIM taM ceyam asitekSaNA 5014006a tAM dRSTvA navahemAbhAM lokakAntAm iva zriyam 5014006c jagAma manasA rAmaM vacanaM cedam abravIt 5014007a asyA hetor vizAlAkSyA hato vAlI mahAbalaH 5014007c rAvaNapratimo vIrye kabandhaz ca nipAtitaH 5014008a virAdhaz ca hataH saMkhye rAkSaso bhImavikramaH 5014008c vane rAmeNa vikramya mahendreNeva zambaraH 5014009a caturdazasahasrANi rakSasAM bhImakarmaNAm 5014009c nihatAni janasthAne zarair agnizikhopamaiH 5014010a kharaz ca nihataH saMkhye trizirAz ca nipAtitaH 5014010c dUSaNaz ca mahAtejA rAmeNa viditAtmanA 5014011a aizvaryaM vAnarANAM ca durlabhaM vAlipAlitam 5014011c asyA nimitte sugrIvaH prAptavA&l lokasatkRtam 5014012a sAgaraz ca mayA krAntaH zrImAn nadanadIpatiH 5014012c asyA hetor vizAlAkSyAH purI ceyaM nirIkSitA 5014013a yadi rAmaH samudrAntAM medinIM parivartayet 5014013c asyAH kRte jagac cApi yuktam ity eva me matiH 5014014a rAjyaM vA triSu lokeSu sItA vA janakAtmajA 5014014c trailokyarAjyaM sakalaM sItAyA nApnuyAt kalAm 5014015a iyaM sA dharmazIlasya maithilasya mahAtmanaH 5014015c sutA janakarAjasya sItA bhartRdRDhavratA 5014016a utthitA medinIM bhittvA kSetre halamukhakSate 5014016c padmareNunibhaiH kIrNA zubhaiH kedArapAMsubhiH 5014017a vikrAntasyAryazIlasya saMyugeSv anivartinaH 5014017c snuSA dazarathasyaiSA jyeSThA rAjJo yazasvinI 5014018a dharmajJasya kRtajJasya rAmasya viditAtmanaH 5014018c iyaM sA dayitA bhAryA rAkSasI vazam AgatA 5014019a sarvAn bhogAn parityajya bhartRsnehabalAt kRtA 5014019c acintayitvA duHkhAni praviSTA nirjanaM vanam 5014020a saMtuSTA phalamUlena bhartRzuzrUSaNe ratA 5014020c yA parAM bhajate prItiM vane 'pi bhavane yathA 5014021a seyaM kanakavarNAGgI nityaM susmitabhASiNI 5014021c sahate yAtanAm etAm anarthAnAm abhAginI 5014022a imAM tu zIlasaMpannAM draSTum icchati rAghavaH 5014022c rAvaNena pramathitAM prapAm iva pipAsitaH 5014023a asyA nUnaM punar lAbhAd rAghavaH prItim eSyati 5014023c rAjA rAjyaparibhraSTaH punaH prApyeva medinIm 5014024a kAmabhogaiH parityaktA hInA bandhujanena ca 5014024c dhArayaty Atmano dehaM tatsamAgamakAGkSiNI 5014025a naiSA pazyati rAkSasyo nemAn puSpaphaladrumAn 5014025c ekasthahRdayA nUnaM rAmam evAnupazyati 5014026a bhartA nAma paraM nAryA bhUSaNaM bhUSaNAd api 5014026c eSA hi rahitA tena zobhanArhA na zobhate 5014027a duSkaraM kurute rAmo hIno yad anayA prabhuH 5014027c dhArayaty Atmano dehaM na duHkhenAvasIdati 5014028a imAm asitakezAntAM zatapatranibhekSaNAm 5014028c sukhArhAM duHkhitAM dRSTvA mamApi vyathitaM manaH 5014029a kSitikSamA puSkarasaMnibhAkSI; yA rakSitA rAghavalakSmaNAbhyAm 5014029c sA rAkSasIbhir vikRtekSaNAbhiH; saMrakSyate saMprati vRkSamUle 5014030a himahatanalinIva naSTazobhA; vyasanaparamparayA nipIDyamAnA 5014030c sahacararahiteva cakravAkI; janakasutA kRpaNAM dazAM prapannA 5014031a asyA hi puSpAvanatAgrazAkhAH; zokaM dRDhaM vai janayaty azokAH 5014031c himavyapAyena ca mandarazmir; abhyutthito naikasahasrarazmiH 5014032a ity evam arthaM kapir anvavekSya; sIteyam ity eva niviSTabuddhiH 5014032c saMzritya tasmin niSasAda vRkSe; balI harINAm RSabhas tarasvI 5015001a tataH kumudaSaNDAbho nirmalaM nirmalaH svayam 5015001c prajagAma nabhaz candro haMso nIlam ivodakam 5015002a sAcivyam iva kurvan sa prabhayA nirmalaprabhaH 5015002c candramA razmibhiH zItaiH siSeve pavanAtmajam 5015003a sa dadarza tataH sItAM pUrNacandranibhAnanAm 5015003c zokabhArair iva nyastAM bhArair nAvam ivAmbhasi 5015004a didRkSamANo vaidehIM hanUmAn mArutAtmajaH 5015004c sa dadarzAvidUrasthA rAkSasIr ghoradarzanAH 5015005a ekAkSIm ekakarNAM ca karNaprAvaraNAM tathA 5015005c akarNAM zaGkukarNAM ca mastakocchvAsanAsikAm 5015006a atikAyottamAGgIM ca tanudIrghazirodharAm 5015006c dhvastakezIM tathAkezIM kezakambaladhAriNIm 5015007a lambakarNalalATAM ca lambodarapayodharAm 5015007c lambauSThIM cibukauSThIM ca lambAsyAM lambajAnukAm 5015008a hrasvAM dIrghAM ca kubjAM ca vikaTAM vAmanAM tathA 5015008c karAlAM bhugnavastrAM ca piGgAkSIM vikRtAnanAm 5015009a vikRtAH piGgalAH kAlIH krodhanAH kalahapriyAH 5015009c kAlAyasamahAzUlakUTamudgaradhAriNIH 5015010a varAhamRgazArdUlamahiSAjazivA mukhAH 5015010c gajoSTrahayapAdAz ca nikhAtaziraso 'parAH 5015011a ekahastaikapAdAz ca kharakarNyazvakarNikAH 5015011c gokarNIr hastikarNIz ca harikarNIs tathAparAH 5015012a anAsA atinAsAz ca tiryan nAsA vinAsikAH 5015012c gajasaMnibhanAsAz ca lalATocchvAsanAsikAH 5015013a hastipAdA mahApAdA gopAdAH pAdacUlikAH 5015013c atimAtrazirogrIvA atimAtrakucodarIH 5015014a atimAtrAsya netrAz ca dIrghajihvAnakhAs tathA 5015014c ajAmukhIr hastimukhIr gomukhIH sUkarImukhIH 5015015a hayoSTrakharavaktrAz ca rAkSasIr ghoradarzanAH 5015015c zUlamudgarahastAz ca krodhanAH kalahapriyAH 5015016a karAlA dhUmrakezIz ca rakSasIr vikRtAnanAH 5015016c pibantIH satataM pAnaM sadA mAMsasurApriyAH 5015017a mAMsazoNitadigdhAGgIr mAMsazoNitabhojanAH 5015017c tA dadarza kapizreSTho romaharSaNadarzanAH 5015018a skandhavantam upAsInAH parivArya vanaspatim 5015018c tasyAdhastAc ca tAM devIM rAjaputrIm aninditAm 5015019a lakSayAm Asa lakSmIvAn hanUmAJ janakAtmajAm 5015019c niSprabhAM zokasaMtaptAM malasaMkulamUrdhajAm 5015020a kSINapuNyAM cyutAM bhUmau tArAM nipatitAm iva 5015020c cAritrya vyapadezADhyAM bhartRdarzanadurgatAm 5015021a bhUSaNair uttamair hInAM bhartRvAtsalyabhUSitAm 5015021c rAkSasAdhipasaMruddhAM bandhubhiz ca vinAkRtAm 5015022a viyUthAM siMhasaMruddhAM baddhAM gajavadhUm iva 5015022c candralekhAM payodAnte zAradAbhrair ivAvRtAm 5015023a kliSTarUpAm asaMsparzAd ayuktAm iva vallakIm 5015023c sItAM bhartRhite yuktAm ayuktAM rakSasAM vaze 5015024a azokavanikAmadhye zokasAgaram AplutAm 5015024c tAbhiH parivRtAM tatra sagrahAm iva rohiNIm 5015024c dadarza hanumAn devIM latAm akusumAm iva 5015025a sA malena ca digdhAGgI vapuSA cApy alaMkRtA 5015025c mRNAlI paGkadigdheva vibhAti ca na bhAti ca 5015026a malinena tu vastreNa parikliSTena bhAminIm 5015026c saMvRtAM mRgazAvAkSIM dadarza hanumAn kapiH 5015027a tAM devIM dInavadanAm adInAM bhartRtejasA 5015027c rakSitAM svena zIlena sItAm asitalocanAm 5015028a tAM dRSTvA hanumAn sItAM mRgazAvanibhekSaNAm 5015028c mRgakanyAm iva trastAM vIkSamANAM samantataH 5015029a dahantIm iva niHzvAsair vRkSAn pallavadhAriNaH 5015029c saMghAtam iva zokAnAM duHkhasyormim ivotthitAm 5015030a tAM kSAmAM suvibhaktAGgIM vinAbharaNazobhinIm 5015031c praharSam atulaM lebhe mArutiH prekSya maithilIm 5015031a harSajAni ca so 'zrUNi tAM dRSTvA madirekSaNAm 5015031c mumoca hanumAMs tatra namaz cakre ca rAghavam 5015032a namaskRtvA ca rAmAya lakSmaNAya ca vIryavAn 5015032c sItAdarzanasaMhRSTo hanUmAn saMvRto 'bhavat 5016001a tathA viprekSamANasya vanaM puSpitapAdapam 5016001c vicinvataz ca vaidehIM kiM cic cheSA nizAbhavat 5016002a SaDaGgavedaviduSAM kratupravarayAjinAm 5016002c zuzrAva brahmaghoSAMz ca virAtre brahmarakSasAm 5016003a atha maGgalavAditraiH zabdaiH zrotramanoharaiH 5016003c prAbodhyata mahAbAhur dazagrIvo mahAbalaH 5016004a vibudhya tu yathAkAlaM rAkSasendraH pratAvapAn 5016004c srastamAlyAmbaradharo vaidehIm anvacintayat 5016005a bhRzaM niyuktas tasyAM ca madanena madotkaTaH 5016005c na sa taM rAkSasaH kAmaM zazAkAtmani gUhitum 5016006a sa sarvAbharaNair yukto bibhrac chriyam anuttamAm 5016006c tAM nagair vividhair juSTAM sarvapuSpaphalopagaiH 5016007a vRtAM puSkariNIbhiz ca nAnApuSpopazobhitAm 5016007c sadAmadaiz ca vihagair vicitrAM paramAdbhutAm 5016008a IhAmRgaiz ca vividhaiz vRtAM dRSTimanoharaiH 5016008c vIthIH saMprekSamANaz ca maNikAJcanatoraNAH 5016009a nAnAmRgagaNAkIrNAM phalaiH prapatitair vRtAm 5016009c azokavanikAm eva prAvizat saMtatadrumAm 5016010a aGganAzatamAtraM tu taM vrajantam anuvrajat 5016010c mahendram iva paulastyaM devagandharvayoSitaH 5016011a dIpikAH kAJcanIH kAz cij jagRhus tatra yoSitaH 5016011c bAlavyajanahastAz ca tAlavRntAni cAparAH 5016012a kAJcanair api bhRGgArair jahruH salilam agrataH 5016012c maNDalAgrAn asIMz caiva gRhyAnyAH pRSThato yayuH 5016013a kA cid ratnamayIM pAtrIM pUrNAM pAnasya bhAminI 5016013c dakSiNA dakSiNenaiva tadA jagrAha pANinA 5016014a rAjahaMsapratIkAzaM chatraM pUrNazaziprabham 5016014c sauvarNadaNDam aparA gRhItvA pRSThato yayau 5016015a nidrAmadaparItAkSyo rAvaNasyottamastriyaH 5016015c anujagmuH patiM vIraM ghanaM vidyullatA iva 5016016a tataH kAJcIninAdaM ca nUpurANAM ca niHsvanam 5016016c zuzrAva paramastrINAM sa kapir mArutAtmajaH 5016017a taM cApratimakarmANam acintyabalapauruSam 5016017c dvAradezam anuprAptaM dadarza hanumAn kapiH 5016018a dIpikAbhir anekAbhiH samantAd avabhAsitam 5016018c gandhatailAvasiktAbhir dhriyamANAbhir agrataH 5016019a kAmadarpamadair yuktaM jihmatAmrAyatekSaNam 5016019c samakSam iva kandarpam apaviddha zarAsanam 5016020a mathitAmRtaphenAbham arajo vastram uttamam 5016020c salIlam anukarSantaM vimuktaM saktam aGgade 5016021a taM patraviTape lInaH patrapuSpaghanAvRtaH 5016021c samIpam upasaMkrAntaM nidhyAtum upacakrame 5016022a avekSamANaz ca tato dadarza kapikuJjaraH 5016022c rUpayauvanasaMpannA rAvaNasya varastriyaH 5016023a tAbhiH parivRto rAjA surUpAbhir mahAyazAH 5016023c tanmRgadvijasaMghuSTaM praviSTaH pramadAvanam 5016024a kSIbo vicitrAbharaNaH zaGkukarNo mahAbalaH 5016024c tena vizravasaH putraH sa dRSTo rAkSasAdhipaH 5016025a vRtaH paramanArIbhis tArAbhir iva candramAH 5016025c taM dadarza mahAtejAs tejovantaM mahAkapiH 5016026a rAvaNo 'yaM mahAbAhur iti saMcintya vAnaraH 5016026c avapluto mahAtejA hanUmAn mArutAtmajaH 5016027a sa tathApy ugratejAH san nirdhUtas tasya tejasA 5016027c patraguhyAntare sakto hanUmAn saMvRto 'bhavat 5016028a sa tAm asitakezAntAM suzroNIM saMhatastanIm 5016028c didRkSur asitApAGgIm upAvartata rAvaNaH 5017001a tasminn eva tataH kAle rAjaputrI tv aninditA 5017001c rUpayauvanasaMpannaM bhUSaNottamabhUSitam 5017002a tato dRSTvaiva vaidehI rAvaNaM rAkSasAdhipam 5017002c prAvepata varArohA pravAte kadalI yathA 5017003a UrubhyAm udaraM chAdya bAhubhyAM ca payodharau 5017003c upaviSTA vizAlAkSI rudantI varavarNinI 5017004a dazagrIvas tu vaidehIM rakSitAM rAkSasIgaNaiH 5017004c dadarza dInAM duHkhArtaM nAvaM sannAm ivArNave 5017005a asaMvRtAyAm AsInAM dharaNyAM saMzitavratAm 5017005c chinnAM prapatitAM bhUmau zAkhAm iva vanaspateH 5017005e malamaNDanadigdhAGgIM maNDanArhAm amaNDitAm 5017006a samIpaM rAjasiMhasya rAmasya viditAtmanaH 5017006c saMkalpahayasaMyuktair yAntIm iva manorathaiH 5017007a zuSyantIM rudatIm ekAM dhyAnazokaparAyaNAm 5017007c duHkhasyAntam apazyantIM rAmAM rAmam anuvratAm 5017008a veSTamAnAm athAviSTAM pannagendravadhUm iva 5017008c dhUpyamAnAM graheNeva rohiNIM dhUmaketunA 5017009a vRttazIle kule jAtAm AcAravati dhArmike 5017009c punaH saMskAram ApannAM jAtam iva ca duSkule 5017010a sannAm iva mahAkIrtiM zraddhAm iva vimAnitAm 5017010c prajJAm iva parikSINAm AzAM pratihatAm iva 5017011a AyatIm iva vidhvastAm AjJAM pratihatAm iva 5017011c dIptAm iva dizaM kAle pUjAm apahRtAm iva 5017012a padminIm iva vidhvastAM hatazUrAM camUm iva 5017012c prabhAm iva tapodhvastAm upakSINAm ivApagAm 5017013a vedIm iva parAmRSTAM zAntAm agnizikhAm iva 5017013c paurNamAsIm iva nizAM rAhugrastendumaNDalAm 5017014a utkRSTaparNakamalAM vitrAsitavihaMgamAm 5017014c hastihastaparAmRSTAm AkulAM padminIm iva 5017015a patizokAturAM zuSkAM nadIM visrAvitAm iva 5017015c parayA mRjayA hInAM kRSNapakSe nizAm iva 5017016a sukumArIM sujAtAGgIM ratnagarbhagRhocitAm 5017016c tapyamAnAm ivoSNena mRNAlIm aciroddhRtAm 5017017a gRhItAmAlitAM stambhe yUthapena vinAkRtAm 5017017c niHzvasantIM suduHkhArtAM gajarAjavadhUm iva 5017018a ekayA dIrghayA veNyA zobhamAnAm ayatnataH 5017018c nIlayA nIradApAye vanarAjyA mahIm iva 5017019a upavAsena zokena dhyAnena ca bhayena ca 5017019c parikSINAM kRzAM dInAm alpAhArAM tapodhanAm 5017020a AyAcamAnAM duHkhArtAM prAJjaliM devatAm iva 5017020c bhAvena raghumukhyasya dazagrIvaparAbhavam 5017021a samIkSamANAM rudatIm aninditAM; supakSmatAmrAyatazuklalocanAm 5017021c anuvratAM rAmam atIva maithilIM; pralobhayAm Asa vadhAya rAvaNaH 5018001a sa tAM parivRtAM dInAM nirAnandAM tapasvinIm 5018001c sAkArair madhurair vAkyair nyadarzayata rAvaNaH 5018002a mAM dRSTvA nAganAsorugUhamAnA stanodaram 5018002c adarzanam ivAtmAnaM bhayAn netuM tvam icchasi 5018003a kAmaye tvAM vizAlAkSi bahumanyasva mAM priye 5018003c sarvAGgaguNasaMpanne sarvalokamanohare 5018004a neha ke cin manuSyA vA rAkSasAH kAmarUpiNaH 5018004c vyapasarpatu te sIte bhayaM mattaH samutthitam 5018005a svadharme rakSasAM bhIru sarvathaiSa na saMzayaH 5018005c gamanaM vA parastrINAM haraNaM saMpramathya vA 5018006a evaM caitad akAmAM ca na tvAM sprakSyAmi maithili 5018006c kAmaM kAmaH zarIre me yathAkAmaM pravartatAm 5018007a devi neha bhayaM kAryaM mayi vizvasihi priye 5018007c praNayasva ca tattvena maivaM bhUH zokalAlasA 5018008a ekaveNI dharAzayyA dhyAnaM malinam ambaram 5018008c asthAne 'py upavAsaz ca naitAny aupayikAni te 5018009a vicitrANi ca mAlyAni candanAny agarUNi ca 5018009c vividhAni ca vAsAMsi divyAny AbharaNAni ca 5018010a mahArhANi ca pAnAni yAnAni zayanAni ca 5018010c gItaM nRttaM ca vAdyaM ca labha mAM prApya maithili 5018011a strIratnam asi maivaM bhUH kuru gAtreSu bhUSaNam 5018011c mAM prApya tu kathaM hi syAs tvam anarhA suvigrahe 5018012a idaM te cArusaMjAtaM yauvanaM vyativartate 5018012c yad atItaM punar naiti srotaH zIghram apAm iva 5018013a tvAM kRtvoparato manye rUpakartA sa vizvakRt 5018013c na hi rUpopamA tv anyA tavAsti zubhadarzane 5018014a tvAM samAsAdya vaidehi rUpayauvanazAlinIm 5018014c kaH pumAn ativarteta sAkSAd api pitAmahaH 5018015a yad yat pazyAmi te gAtraM zItAMzusadRzAnane 5018015c tasmiMs tasmin pRthuzroNi cakSur mama nibadhyate 5018016a bhava maithili bhAryA me moham enaM visarjaya 5018016c bahvInAm uttamastrINAM mamAgramahiSI bhava 5018017a lokebhyo yAni ratnAni saMpramathyAhRtAni me 5018017c tAni te bhIru sarvANi rAjyaM caitad ahaM ca te 5018018a vijitya pRthivIM sarvAM nAnAnagaramAlinIm 5018018c janakAya pradAsyAmi tava hetor vilAsini 5018019a neha pazyAmi loke 'nyaM yo me pratibalo bhavet 5018019c pazya me sumahad vIryam apratidvandvam Ahave 5018020a asakRt saMyuge bhagnA mayA vimRditadhvajAH 5018020c azaktAH pratyanIkeSu sthAtuM mama surAsurAH 5018021a iccha mAM kriyatAm adya pratikarma tavottamam 5018021c saprabhANy avasajjantAM tavAGge bhUSaNAni ca 5018021e sAdhu pazyAmi te rUpaM saMyuktaM pratikarmaNA 5018022a pratikarmAbhisaMyuktA dAkSiNyena varAnane 5018022c bhuGkSva bhogAn yathAkAmaM piba bhIru ramasva ca 5018022e yatheSTaM ca prayaccha tvaM pRthivIM vA dhanAni ca 5018023a lalasva mayi visrabdhA dhRSTam AjJApayasva ca 5018023c matprabhAvAl lalantyAz ca lalantAM bAndhavAs tava 5018024a RddhiM mamAnupazya tvaM zriyaM bhadre yazaz ca me 5018024c kiM kariSyasi rAmeNa subhage cIravAsasA 5018025a nikSiptavijayo rAmo gatazrIr vanagocaraH 5018025c vratI sthaNDilazAyI ca zaGke jIvati vA na vA 5018026a na hi vaidehi rAmas tvAM draSTuM vApy upalapsyate 5018026c puro balAkair asitair meghair jyotsnAm ivAvRtAm 5018027a na cApi mama hastAt tvAM prAptum arhati rAghavaH 5018027c hiraNyakazipuH kIrtim indrahastagatAm iva 5018028a cArusmite cArudati cArunetre vilAsini 5018028c mano harasi me bhIru suparNaH pannagaM yathA 5018029a kliSTakauzeyavasanAM tanvIm apy analaMkRtAm 5018029c tAM dRSTvA sveSu dAreSu ratiM nopalabhAmy aham 5018030a antaHpuranivAsinyaH striyaH sarvaguNAnvitAH 5018030c yAvantyo mama sarvAsAm aizvaryaM kuru jAnaki 5018031a mama hy asitakezAnte trailokyapravarAH striyaH 5018031c tAs tvAM paricariSyanti zriyam apsaraso yathA 5018032a yAni vaizravaNe subhru ratnAni ca dhanAni ca 5018032c tAni lokAMz ca suzroNi mAM ca bhuGkSva yathAsukham 5018033a na rAmas tapasA devi na balena na vikramaiH 5018033c na dhanena mayA tulyas tejasA yazasApi vA 5018034a piba vihara ramasva bhuGkSva bhogAn; dhananicayaM pradizAmi medinIM ca 5018034c mayi lala lalane yathAsukhaM tvaM; tvayi ca sametya lalantu bAndhavAs te 5018035a kusumitatarujAlasaMtatAni; bhramarayutAni samudratIrajAni 5018035c kanakavimalahArabhUSitAGgI; vihara mayA saha bhIru kAnanAni 5019001a tasya tad vacanaM zrutvA sItA raudrasya rakSasaH 5019001c ArtA dInasvarA dInaM pratyuvAca zanair vacaH 5019002a duHkhArtA rudatI sItA vepamAnA tapasvinI 5019002c cintayantI varArohA patim eva pativratA 5019003a tRNam antarataH kRtvA pratyuvAca zucismitA 5019003c nivartaya mano mattaH svajane kriyatAM manaH 5019004a na mAM prArthayituM yuktas tvaM siddhim iva pApakRt 5019004c akAryaM na mayA kAryam ekapatnyA vigarhitam 5019004e kulaM saMprAptayA puNyaM kule mahati jAtayA 5019005a evam uktvA tu vaidehI rAvaNaM taM yazasvinI 5019005c rAkSasaM pRSThataH kRtvA bhUyo vacanam abravIt 5019006a nAham aupayikI bhAryA parabhAryA satI tava 5019006c sAdhu dharmam avekSasva sAdhu sAdhuvrataM cara 5019007a yathA tava tathAnyeSAM rakSyA dArA nizAcara 5019007c AtmAnam upamAM kRtvA sveSu dAreSu ramyatAm 5019008a atuSTaM sveSu dAreSu capalaM calitendriyam 5019008c nayanti nikRtiprajJAM paradArAH parAbhavam 5019009a iha santo na vA santi sato vA nAnuvartase 5019009c vaco mithyA praNItAtmA pathyam uktaM vicakSaNaiH 5019010a akRtAtmAnam AsAdya rAjAnam anaye ratam 5019010c samRddhAni vinazyanti rASTrANi nagarANi ca 5019011a tatheyaM tvAM samAsAdya laGkA ratnaugha saMkulA 5019011c aparAdhAt tavaikasya nacirAd vinaziSyati 5019012a svakRtair hanyamAnasya rAvaNAdIrghadarzinaH 5019012c abhinandanti bhUtAni vinAze pApakarmaNaH 5019013a evaM tvAM pApakarmANaM vakSyanti nikRtA janAH 5019013c diSTyaitad vyasanaM prApto raudra ity eva harSitAH 5019014a zakyA lobhayituM nAham aizvaryeNa dhanena vA 5019014c ananyA rAghaveNAhaM bhAskareNa prabhA yathA 5019015a upadhAya bhujaM tasya lokanAthasya satkRtam 5019015c kathaM nAmopadhAsyAmi bhujam anyasya kasya cit 5019016a aham aupayikI bhAryA tasyaiva vasudhApateH 5019016c vratasnAtasya viprasya vidyeva viditAtmanaH 5019017a sAdhu rAvaNa rAmeNa mAM samAnaya duHkhitAm 5019017c vane vAzitayA sArdhaM kareNveva gajAdhipam 5019018a mitram aupayikaM kartuM rAmaH sthAnaM parIpsatA 5019018c vadhaM cAnicchatA ghoraM tvayAsau puruSarSabhaH 5019019a varjayed vajram utsRSTaM varjayed antakaz ciram 5019019c tvadvidhaM na tu saMkruddho lokanAthaH sa rAghavaH 5019020a rAmasya dhanuSaH zabdaM zroSyasi tvaM mahAsvanam 5019020c zatakratuvisRSTasya nirghoSam azaner iva 5019021a iha zIghraM suparvANo jvalitAsyA ivoragAH 5019021c iSavo nipatiSyanti rAmalakSmaNalakSaNAH 5019022a rakSAMsi parinighnantaH puryAm asyAM samantataH 5019022c asaMpAtaM kariSyanti patantaH kaGkavAsasaH 5019023a rAkSasendramahAsarpAn sa rAmagaruDo mahAn 5019023c uddhariSyati vegena vainateya ivoragAn 5019024a apaneSyati mAM bhartA tvattaH zIghram ariMdamaH 5019024c asurebhyaH zriyaM dIptAM viSNus tribhir iva kramaiH 5019025a janasthAne hatasthAne nihate rakSasAM bale 5019025c azaktena tvayA rakSaH kRtam etad asAdhu vai 5019026a AzramaM tu tayoH zUnyaM pravizya narasiMhayoH 5019026c gocaraM gatayor bhrAtror apanItA tvayAdhama 5019027a na hi gandham upAghrAya rAmalakSmaNayos tvayA 5019027c zakyaM saMdarzane sthAtuM zunA zArdUlayor iva 5019028a tasya te vigrahe tAbhyAM yugagrahaNam asthiram 5019028c vRtrasyevendrabAhubhyAM bAhor ekasya nigrahaH 5019029a kSipraM tava sa nAtho me rAmaH saumitriNA saha 5019029c toyam alpam ivAdityaH prANAn AdAsyate zaraiH 5019030a giriM kuberasya gato 'tha vAlayaM; sabhAM gato vA varuNasya rAjJaH 5019030c asaMzayaM dAzarather na mokSyase; mahAdrumaH kAlahato 'zaner iva 5020001a sItAyA vacanaM zrutvA paruSaM rAkSasAdhipaH 5020001c pratyuvAca tataH sItAM vipriyaM priyadarzanAm 5020002a yathA yathA sAntvayitA vazyaH strINAM tathA tathA 5020002c yathA yathA priyaM vaktA paribhUtas tathA tathA 5020003a saMniyacchati me krodhaM tvayi kAmaH samutthitaH 5020003c dravato mArgam AsAdya hayAn iva susArathiH 5020004a vAmaH kAmo manuSyANAM yasmin kila nibadhyate 5020004c jane tasmiMs tv anukrozaH snehaz ca kila jAyate 5020005a etasmAt kAraNAn na tAM ghatayAmi varAnane 5020005c vadhArhAm avamAnArhAM mithyApravrajite ratAm 5020006a paruSANi hi vAkyAni yAni yAni bravISi mAm 5020006c teSu teSu vadho yuktas tava maithili dAruNaH 5020007a evam uktvA tu vaidehIM rAvaNo rAkSasAdhipaH 5020007c krodhasaMrambhasaMyuktaH sItAm uttaram abravIt 5020008a dvau mAsau rakSitavyau me yo 'vadhis te mayA kRtaH 5020008c tataH zayanam Aroha mama tvaM varavarNini 5020009a dvAbhyAm UrdhvaM tu mAsAbhyAM bhartAraM mAm anicchatIm 5020009c mama tvAM prAtarAzArtham Arabhante mahAnase 5020010a tAM tarjyamAnAM saMprekSya rAkSasendreNa jAnakIm 5020010c devagandharvakanyAs tA viSedur vipulekSaNAH 5020011a oSThaprakArair aparA netravaktrais tathAparAH 5020011c sItAm AzvAsayAm Asus tarjitAM tena rakSasA 5020012a tAbhir AzvAsitA sItA rAvaNaM rAkSasAdhipam 5020012c uvAcAtmahitaM vAkyaM vRttazauNDIryagarvitam 5020013a nUnaM na te janaH kaz cid asin niHzreyase sthitaH 5020013c nivArayati yo na tvAM karmaNo 'smAd vigarhitAt 5020014a mAM hi dharmAtmanaH patnIM zacIm iva zacIpateH 5020014c tvadanyas triSu lokeSu prArthayen manasApi kaH 5020015a rAkSasAdhama rAmasya bhAryAm amitatejasaH 5020015c uktavAn asi yat pApaM kva gatas tasya mokSyase 5020016a yathA dRptaz ca mAtaGgaH zazaz ca sahitau vane 5020016c tathA dviradavad rAmas tvaM nIca zazavat smRtaH 5020017a sa tvam ikSvAkunAthaM vai kSipann iha na lajjase 5020017c cakSuSo viSayaM tasya na tAvad upagacchasi 5020018a ime te nayane krUre virUpe kRSNapiGgale 5020018c kSitau na patite kasmAn mAm anAryanirIkSitaH 5020019a tasya dharmAtmanaH patnIM snuSAM dazarathasya ca 5020019c kathaM vyAharato mAM te na jihvA pApa zIryate 5020020a asaMdezAt tu rAmasya tapasaz cAnupAlanAt 5020020c na tvAM kurmi dazagrIva bhasma bhasmArhatejasA 5020021a nApahartum ahaM zakyA tasya rAmasya dhImataH 5020021c vidhis tava vadhArthAya vihito nAtra saMzayaH 5020022a zUreNa dhanadabhrAtA balaiH samuditena ca 5020022c apohya rAmaM kasmAd dhi dAracauryaM tvayA kRtam 5020023a sItAyA vacanaM zrutvA rAvaNo rAkSasAdhipaH 5020023c vivRtya nayane krUre jAnakIm anvavaikSata 5020024a nIlajImUtasaMkAzo mahAbhujazirodharaH 5020024c siMhasattvagatiH zrImAn dIptajihvogralocanaH 5020025a calAgramakuTaH prAMzuz citramAlyAnulepanaH 5020025c raktamAlyAmbaradharas taptAGgadavibhUSaNaH 5020026a zroNIsUtreNa mahatA mekakena susaMvRtaH 5020026c amRtotpAdanaddhena bhujaMgeneva mandaraH 5020027a taruNAdityavarNAbhyAM kuNDalAbhyAM vibhUSitaH 5020027c raktapallavapuSpAbhyAm azokAbhyAm ivAcalaH 5020028a avekSamANo vaidehIM kopasaMraktalocanaH 5020028c uvAca rAvaNaH sItAM bhujaMga iva niHzvasan 5020029a anayenAbhisaMpannam arthahInam anuvrate 5020029c nAzayAmy aham adya tvAM sUryaH saMdhyAm ivaujasA 5020030a ity uktvA maithilIM rAjA rAvaNaH zatrurAvaNaH 5020030c saMdideza tataH sarvA rAkSasIr ghoradarzanAH 5020031a ekAkSIm ekakarNAM ca karNaprAvaraNAM tathA 5020031c gokarNIM hastikarNIM ca lambakarNIm akarNikAm 5020032a hastipadya zvapadyau ca gopadIM pAdacUlikAm 5020032c ekAkSIm ekapAdIM ca pRthupAdIm apAdikAm 5020033a atimAtrazirogrIvAm atimAtrakucodarIm 5020033c atimAtrAsyanetrAM ca dIrghajihvAm ajihvikAm 5020033e anAsikAM siMhamukhIM gomukhIM sUkarImukhIm 5020034a yathA madvazagA sItA kSipraM bhavati jAnakI 5020034c tathA kuruta rAkSasyaH sarvAH kSipraM sametya ca 5020035a pratilomAnulomaiz ca sAmadAnAdibhedanaiH 5020035c Avartayata vaidehIM daNDasyodyamanena ca 5020036a iti pratisamAdizya rAkSasendraH punaH punaH 5020036c kAmamanyuparItAtmA jAnakIM paryatarjayat 5020037a upagamya tataH kSipraM rAkSasI dhAnyamAlinI 5020037c pariSvajya dazagrIvam idaM vacanam abravIt 5020038a mayA krIDa mahArAjasItayA kiM tavAnayA 5020038c akAmAM kAmayAnasya zarIram upatapyate 5020038e icchantIM kAmayAnasya prItir bhavati zobhanA 5020039a evam uktas tu rAkSasyA samutkSiptas tato balI 5020039c jvaladbhAskaravarNAbhaM praviveza nivezanam 5020040a devagandharvakanyAz ca nAgakanyAz ca tAs tataH 5020040c parivArya dazagrIvaM vivizus tad gRhottamam 5020041a sa maithilIM dharmaparAm avasthitAM; pravepamAnAM paribhartsya rAvaNaH 5020041c vihAya sItAM madanena mohitaH; svam eva vezma praviveza bhAsvaram 5021001a ity uktvA maithilIM rAjA rAvaNaH zatrurAvaNaH 5021001c saMdizya ca tataH sarvA rAkSasIr nirjagAma ha 5021002a niSkrAnte rAkSasendre tu punar antaHpuraM gate 5021002c rAkSasyo bhImarUpAs tAH sItAM samabhidudruvuH 5021003a tataH sItAm upAgamya rAkSasyaH krodhamUrchitAH 5021003c paraM paruSayA vAcA vaidehIm idam abruvan 5021004a paulastyasya variSThasya rAvaNasya mahAtmanaH 5021004c dazagrIvasya bhAryAtvaM sIte na bahu manyase 5021005a tatas tv ekajaTA nAma rAkSasI vAkyam abravIt 5021005c Amantrya krodhatAmrAkSI sItAM karatalodarIm 5021006a prajApatInAM SaNNAM tu caturtho yaH prajApatiH 5021006c mAnaso brahmaNaH putraH pulastya iti vizrutaH 5021007a pulastyasya tu tejasvI maharSir mAnasaH sutaH 5021007c nAmnA sa vizravA nAma prajApatisamaprabhaH 5021008a tasya putro vizAlAkSi rAvaNaH zatrurAvaNaH 5021008c tasya tvaM rAkSasendrasya bhAryA bhavitum arhasi 5021008e mayoktaM cArusarvAGgi vAkyaM kiM nAnumanyase 5021009a tato harijaTA nAma rAkSasI vAkyam abravIt 5021009c vivRtya nayane kopAn mArjArasadRzekSaNA 5021010a yena devAs trayastriMzad devarAjaz ca nirjitaH 5021010c tasya tvaM rAkSasendrasya bhAryA bhavitum arhasi 5021011a vIryotsiktasya zUrasya saMgrAmeSv anivartinaH 5021011c balino vIryayuktasyA bhAryAtvaM kiM na lapsyase 5021012a priyAM bahumatAM bhAryAM tyaktvA rAjA mahAbalaH 5021012c sarvAsAM ca mahAbhAgAM tvAm upaiSyati rAvaNaH 5021013a samRddhaM strIsahasreNa nAnAratnopazobhitam 5021013c antaHpuraM samutsRjya tvAm upaiSyati rAvaNaH 5021014a asakRd devatA yuddhe nAgagandharvadAnavAH 5021014c nirjitAH samare yena sa te pArzvam upAgataH 5021015a tasya sarvasamRddhasyA rAvaNasya mahAtmanaH 5021015c kimarthaM rAkSasendrasya bhAryAtvaM necchase 'dhame 5021016a yasya sUryo na tapati bhIto yasya ca mArutaH 5021016c na vAti smAyatApAGge kiM tvaM tasya na tiSThasi 5021017a puSpavRSTiM ca taravo mumucur yasya vai bhayAt 5021017c zailAz ca subhru pAnIyaM jaladAz ca yadecchati 5021018a tasya nairRtarAjasya rAjarAjasya bhAmini 5021018c kiM tvaM na kuruSe buddhiM bhAryArthe rAvaNasya hi 5021019a sAdhu te tattvato devi kathitaM sAdhu bhAmini 5021019c gRhANa susmite vAkyam anyathA na bhaviSyasi 5022001a tataH sItAm upAgamya rAkSasyo vikRtAnanAH 5022001c paruSaM paruSA nArya Ucus tA vAkyam apriyam 5022002a kiM tvam antaHpure sIte sarvabhUtamanohare 5022002c mahArhazayanopete na vAsam anumanyase 5022003a mAnuSI mAnuSasyaiva bhAryAtvaM bahu manyase 5022003c pratyAhara mano rAmAn na tvaM jAtu bhaviSyasi 5022004a mAnuSI mAnuSaM taM tu rAmam icchasi zobhane 5022004c rAjyAd bhraSTam asiddhArthaM viklavaM tam anindite 5022005a rAkSasInAM vacaH zrutvA sItA padmanibhekSaNA 5022005c netrAbhyAm azrupUrNAbhyAm idaM vacanam abravIt 5022006a yad idaM lokavidviSTam udAharatha saMgatAH 5022006c naitan manasi vAkyaM me kilbiSaM pratitiSThati 5022007a na mAnuSI rAkSasasya bhAryA bhavitum arhati 5022007c kAmaM khAdata mAM sarvA na kariSyAmi vo vacaH 5022007e dIno vA rAjyahIno vA yo me bhartA sa me guruH 5022008a sItAyA vacanaM zrutvA rAkSasyaH krodhamUrchitAH 5022008c bhartsayanti sma paruSair vAkyai rAvaNacoditAH 5022009a avalInaH sa nirvAkyo hanumAJ ziMzapAdrume 5022009c sItAM saMtarjayantIs tA rAkSasIr azRNot kapiH 5022010a tAm abhikramya saMrabdhA vepamAnAM samantataH 5022010c bhRzaM saMlilihur dIptAn pralambadazanacchadAn 5022011a Ucuz ca paramakruddhAH pragRhyAzu parazvadhAn 5022011c neyam arhati bhartAraM rAvaNaM rAkSasAdhipam 5022012a sA bhartsyamAnA bhImAbhI rAkSasIbhir varAnanA 5022012c sA bASpam apamArjantI ziMzapAM tAm upAgamat 5022013a tatas tAM ziMzapAM sItA rAkSasIbhiH samAvRtA 5022013c abhigamya vizAlAkSI tasthau zokapariplutA 5022014a tAM kRzAM dInavadanAM malinAmbaradhAriNIm 5022014c bhartsayAM cakrire bhImA rAkSasyas tAH samantataH 5022015a tatas tAM vinatA nAma rAkSasI bhImadarzanA 5022015c abravIt kupitAkArA karAlA nirNatodarI 5022016a sIte paryAptam etAvad bhartRsneho nidarzitaH 5022016c sarvatrAtikRtaM bhadre vyasanAyopakalpate 5022017a parituSTAsmi bhadraM te mAnuSas te kRto vidhiH 5022017c mamApi tu vacaH pathyaM bruvantyAH kuru maithili 5022018a rAvaNaM bhaja bhartAraM bhartAraM sarvarakSasAm 5022018c vikrAntaM rUpavantaM ca surezam iva vAsavam 5022019a dakSiNaM tyAgazIlaM ca sarvasya priyavAdinam 5022019c mAnuSaM kRpaNaM rAmaM tyaktvA rAvaNam Azraya 5022020a divyAGgarAgA vaidehi divyAbharaNabhUSitA 5022020c adya prabhRti sarveSAM lokAnAm IzvarI bhava 5022020e agneH svAhA yathA devI zacIvendrasya zobhane 5022021a kiM te rAmeNa vaidehi kRpaNena gatAyuSA 5022022a etad uktaM ca me vAkyaM yadi tvaM na kariSyasi 5022022c asmin muhUrte sarvAs tvAM bhakSayiSyAmahe vayam 5022023a anyA tu vikaTA nAma lambamAnapayodharA 5022023c abravIt kupitA sItAM muSTim udyamya garjatI 5022024a bahUny apratirUpANi vacanAni sudurmate 5022024c anukrozAn mRdutvAc ca soDhAni tava maithili 5022024e na ca naH kuruSe vAkyaM hitaM kAlapuraskRtam 5022025a AnItAsi samudrasya pAram anyair durAsadam 5022025c rAvaNAntaHpuraM ghoraM praviSTA cAsi maithili 5022026a rAvaNasya gRhe rudhA asmAbhis tu surakSitA 5022026c na tvAM zaktaH paritrAtum api sAkSAt puraMdaraH 5022027a kuruSva hitavAdinyA vacanaM mama maithili 5022027c alam azruprapAtena tyaja zokam anarthakam 5022028a bhaja prItiM praharSaM ca tyajaitAM nityadainyatAm 5022028c sIte rAkSasarAjena saha krIDa yathAsukham 5022029a jAnAsi hi yathA bhIru strINAM yauvanam adhruvam 5022029c yAvan na te vyatikrAmet tAvat sukham avApnuhi 5022030a udyAnAni ca ramyANi parvatopavanAni ca 5022030c saha rAkSasarAjena cara tvaM madirekSaNe 5022031a strIsahasrANi te sapta vaze sthAsyanti sundari 5022031c rAvaNaM bhaja bhartAraM bhartAraM sarvarakSasAm 5022032a utpATya vA te hRdayaM bhakSayiSyAmi maithili 5022032c yadi me vyAhRtaM vAkyaM na yathAvat kariSyasi 5022033a tataz caNDodarI nAma rAkSasI krUradarzanA 5022033c bhrAmayantI mahac chUlam idaM vacanam abravIt 5022034a imAM hariNalokAkSIM trAsotkampapayodharAm 5022034c rAvaNena hRtAM dRSTvA daurhRdo me mahAn abhUt 5022035a yakRtplIham athotpIDaM hRdayaM ca sabandhanam 5022035c antrANy api tathA zIrSaM khAdeyam iti me matiH 5022036a tatas tu praghasA nAma rAkSasI vAkyam abravIt 5022036c kaNTham asyA nRzaMsAyAH pIDayAmaH kim Asyate 5022037a nivedyatAM tato rAjJe mAnuSI sA mRteti ha 5022037c nAtra kaz cana saMdehaH khAdateti sa vakSyati 5022038a tatas tv ajAmukhI nAma rAkSasI vAkyam abravIt 5022038c vizasyemAM tataH sarvAn samAn kuruta pIlukAn 5022039a vibhajAma tataH sarvA vivAdo me na rocate 5022039c peyam AnIyatAM kSipraM mAlyaM ca vividhaM bahu 5022040a tataH zUrpaNakhA nAma rAkSasI vAkyam abravIt 5022040c ajAmukhA yad uktaM hi tad eva mama rocate 5022041a surA cAnIyatAM kSipraM sarvazokavinAzinI 5022041c mAnuSaM mAMsam AsAdya nRtyAmo 'tha nikumbhilAm 5022042a evaM saMbhartsyamAnA sA sItA surasutopamA 5022042c rAkSasIbhiH sughorAbhir dhairyam utsRjya roditi 5023001a tathA tAsAM vadantInAM paruSaM dAruNaM bahu 5023001c rAkSasInAm asaumyAnAM ruroda janakAtmajA 5023002a evam uktA tu vaidehI rAkSasIbhir manasvinI 5023002c uvAca paramatrastA bASpagadgadayA girA 5023003a na mAnuSI rAkSasasya bhAryA bhavitum arhati 5023003c kAmaM khAdata mAM sarvA na kariSyAmi vo vacaH 5023004a sA rAkSasI madhyagatA sItA surasutopamA 5023004c na zarma lebhe duHkhArtA rAvaNena ca tarjitA 5023005a vepate smAdhikaM sItA vizantIvAGgam AtmanaH 5023005c vane yUthaparibhraSTA mRgI kokair ivArditA 5023006a sA tv azokasya vipulAM zAkhAm Alambya puSpitAm 5023006c cintayAm Asa zokena bhartAraM bhagnamAnasA 5023007a sA snApayantI vipulau stanau netrajalasravaiH 5023007c cintayantI na zokasya tadAntam adhigacchati 5023008a sA vepamAnA patitA pravAte kadalI yathA 5023008c rAkSasInAM bhayatrastA vivarNavadanAbhavat 5023009a tasyA sA dIrghavipulA vepantyAH sItayA tadA 5023009c dadRze kampinI veNI vyAlIva parisarpatI 5023010a sA niHzvasantI duHkhArtA zokopahatacetanA 5023010c ArtA vyasRjad azrUNi maithilI vilalApa ha 5023011a hA rAmeti ca duHkhArtA punar hA lakSmaNeti ca 5023011c hA zvazru mama kausalye hA sumitreti bhAvini 5023012a lokapravAdaH satyo 'yaM paNDitaiH samudAhRtaH 5023012c akAle durlabho mRtyuH striyA vA puruSasya vA 5023013a yatrAham AbhiH krUrAbhI rAkSasIbhir ihArditA 5023013c jIvAmi hInA rAmeNa muhUrtam api duHkhitA 5023014a eSAlpapuNyA kRpaNA vinaziSyAmy anAthavat 5023014c samudramadhye nau pUrNA vAyuvegair ivAhatA 5023015a bhartAraM tam apazyantI rAkSasIvazam AgatA 5023015c sIdAmi khalu zokena kUlaM toyahataM yathA 5023016a taM padmadalapatrAkSaM siMhavikrAntagAminam 5023016c dhanyAH pazyanti me nAthaM kRtajJaM priyavAdinam 5023017a sarvathA tena hInAyA rAmeNa viditAtmanA 5023017c tISkNaM viSam ivAsvAdya durlabhaM mama jIvitam 5023018a kIdRzaM tu mayA pApaM purA dehAntare kRtam 5023018c yenedaM prApyate duHkhaM mayA ghoraM sudAruNam 5023019a jIvitaM tyaktum icchAmi zokena mahatA vRtA 5023019c rAkSasIbhiz ca rakSantyA rAmo nAsAdyate mayA 5023020a dhig astu khalu mAnuSyaM dhig astu paravazyatAm 5023020c na zakyaM yat parityaktum Atmacchandena jIvitam 5024001a prasaktAzrumukhIty evaM bruvantI janakAtmajA 5024001c adhomukhamukhI bAlA vilaptum upacakrame 5024002a unmatteva pramatteva bhrAntacitteva zocatI 5024002c upAvRttA kizorIva viveSTantI mahItale 5024003a rAghavasyApramattasya rakSasA kAmarUpiNA 5024003c rAvaNena pramathyAham AnItA krozatI balAt 5024004a rAkSasI vazam ApannA bhartyamAnA sudAruNam 5024004c cintayantI suduHkhArtA nAhaM jIvitum utsahe 5024005a na hi me jIvitenArtho naivArthair na ca bhUSaNaiH 5024005c vasantyA rAkSasI madhye vinA rAmaM mahAratham 5024006a dhiG mAm anAryAm asatIM yAhaM tena vinA kRtA 5024006c muhUrtam api rakSAmi jIvitaM pApajIvitA 5024007a kA ca me jIvite zraddhA sukhe vA taM priyaM vinA 5024007c bhartAraM sAgarAntAyA vasudhAyAH priyaM vadam 5024008a bhidyatAM bhakSyatAM vApi zarIraM visRjAmy aham 5024008c na cApy ahaM ciraM duHkhaM saheyaM priyavarjitA 5024009a caraNenApi savyena na spRzeyaM nizAcaram 5024009c rAvaNaM kiM punar ahaM kAmayeyaM vigarhitam 5024010a pratyAkhyAtaM na jAnAti nAtmAnaM nAtmanaH kulam 5024010c yo nRzaMsa svabhAvena mAM prArthayitum icchati 5024011a chinnA bhinnA vibhaktA vA dIpte vAgnau pradIpitA 5024011c rAvaNaM nopatiSTheyaM kiM pralApena vaz ciram 5024012a khyAtaH prAjJaH kRtajJaz ca sAnukrozaz ca rAghavaH 5024012c sadvRtto niranukrozaH zaGke madbhAgyasaMkSayAt 5024013a rAkSasAnAM janasthAne sahasrANi caturdaza 5024013c yenaikena nirastAni sa mAM kiM nAbhipadyate 5024014a niruddhA rAvaNenAham alpavIryeNa rakSasA 5024014c samarthaH khalu me bhartA rAvaNaM hantum Ahave 5024015a virAdho daNDakAraNye yena rAkSasapuMgavaH 5024015c raNe rAmeNa nihataH sa mAM kiM nAbhipadyate 5024016a kAmaM madhye samudrasya laGkeyaM duSpradharSaNA 5024016c na tu rAghavabANAnAM gatirodhI ha vidyate 5024017a kiM nu tat kAraNaM yena rAmo dRDhaparAkramaH 5024017c rakSasApahRtAM bhAryAm iSTAM nAbhyavapadyate 5024018a ihasthAM mAM na jAnIte zaGke lakSmaNapUrvajaH 5024018c jAnann api hi tejasvI dharSaNAM marSayiSyati 5024019a hRteti yo 'dhigatvA mAM rAghavAya nivedayet 5024019c gRdhrarAjo 'pi sa raNe rAvaNena nipAtitaH 5024020a kRtaM karma mahat tena mAM tadAbhyavapadyatA 5024020c tiSThatA rAvaNadvandve vRddhenApi jaTAyuSA 5024021a yadi mAm iha jAnIyAd vartamAnAM sa rAghavaH 5024021c adya bANair abhikruddhaH kuryAl lokam arAkSasaM 5024022a vidhamec ca purIM laGkAM zoSayec ca mahodadhim 5024022c rAvaNasya ca nIcasya kIrtiM nAma ca nAzayet 5024023a tato nihatanathAnAM rAkSasInAM gRhe gRhe 5024023c yathAham evaM rudatI tathA bhUyo na saMzayaH 5024023e anviSya rakSasAM laGkAM kuryAd rAmaH salakSmaNaH 5024024a na hi tAbhyAM ripur dRSTo muhUtam api jIvati 5024024c citA dhUmAkulapathA gRdhramaNDalasaMkulA 5024024e acireNa tu laGkeyaM zmazAnasadRzI bhavet 5024025a acireNaiva kAlena prApsyAmy eva manoratham 5024025c duSprasthAno 'yam AkhyAti sarveSAM vo viparyayaH 5024026a yAdRzAni tu dRzyante laGkAyAm azubhAni tu 5024026c acireNaiva kAlena bhaviSyati hataprabhA 5024027a nUnaM laGkA hate pApe rAvaNe rAkSasAdhipe 5024027c zoSaM yAsyati durdharSA pramadA vidhavA yathA 5024028a puSyotsavasamRddhA ca naSTabhartrI sarAkSasA 5024028c bhaviSyati purI laGkA naSTabhartrI yathAGganA 5024029a nUnaM rAkSasakanyAnAM rudantInAM gRhe gRhe 5024029c zroSyAmi nacirAd eva duHkhArtAnAm iha dhvanim 5024030a sAndhakArA hatadyotA hatarAkSasapuMgavA 5024030c bhaviSyati purI laGkA nirdagdhA rAmasAyakaiH 5024031a yadi nAma sa zUro mAM rAmo raktAntalocanaH 5024031c jAnIyAd vartamAnAM hi rAvaNasya nivezane 5024032a anena tu nRzaMsena rAvaNenAdhamena me 5024032c samayo yas tu nirdiSTas tasya kAlo 'yam AgataH 5024033a akAryaM ye na jAnanti nairRtAH pApakAriNaH 5024033c adharmAt tu mahotpAto bhaviSyati hi sAmpratam 5024034a naite dharmaM vijAnanti rAkSasAH pizitAzanAH 5024034c dhruvaM mAM prAtarAzArthe rAkSasaH kalpayiSyati 5024035a sAhaM kathaM kariSyAmi taM vinA priyadarzanam 5024035c rAmaM raktAntanayanam apazyantI suduHkhitA 5024036a yadi kaz cit pradAtA me viSasyAdya bhaved iha 5024036c kSipraM vaivasvataM devaM pazyeyaM patinA vinA 5024037a nAjAnAj jIvatIM rAmaH sa mAM lakSmaNapUrvajaH 5024037c jAnantau tau na kuryAtAM norvyAM hi mama mArgaNam 5024038a nUnaM mamaiva zokena sa vIro lakSmaNAgrajaH 5024038c devalokam ito yAtas tyaktvA dehaM mahItale 5024039a dhanyA devAH sagandharvAH siddhAz ca paramarSayaH 5024039c mama pazyanti ye nAthaM rAmaM rAjIvalocanam 5024040a atha vA na hi tasyArthe dharmakAmasya dhImataH 5024040c mayA rAmasya rAjarSer bhAryayA paramAtmanaH 5024041a dRzyamAne bhavet prItaH sauhRdaM nAsty apazyataH 5024041c nAzayanti kRtaghrAs tu na rAmo nAzayiSyati 5024042a kiM nu me na guNAH ke cit kiM vA bhAgya kSayo hi me 5024042c yAhaM sItA varArheNa hInA rAmeNa bhAminI 5024043a zreyo me jIvitAn martuM vihInA yA mahAtmanA 5024043c rAmAd akliSTacAritrAc chUrAc chatrunibarhaNAt 5024044a atha vA nyastazastrau tau vane mUlaphalAzanau 5024044c bhrAtarau hi nara zreSThau carantau vanagocarau 5024045a atha vA rAkSasendreNa rAvaNena durAtmanA 5024045c chadmanA ghAtitau zUrau bhrAtarau rAmalakSmaNau 5024046a sAham evaMgate kAle martum icchAmi sarvathA 5024046c na ca me vihito mRtyur asmin duHkhe 'pi vartati 5024047a dhanyAH khalu mahAtmAno munayaH satyasaMmatAH 5024047c jitAtmAno mahAbhAgA yeSAM na staH priyApriye 5024048a priyAn na saMbhaved duHkham apriyAd adhikaM bhayam 5024048c tAbhyAM hi ye viyujyante namas teSAM mahAtmanAm 5024049a sAhaM tyaktA priyeNeha rAmeNa viditAtmanA 5024049c prANAMs tyakSyAmi pApasya rAvaNasya gatA vazam 5025001a ity uktAH sItayA ghoraM rAkSasyaH krodhamUrchitAH 5025001c kAz cij jagmus tad AkhyAtuM rAvaNasya tarasvinaH 5025002a tataH sItAm upAgamya rAkSasyo ghoradarzanAH 5025002c punaH paruSam ekArtham anarthArtham athAbruvan 5025003a hantedAnIM tavAnArye sIte pApavinizcaye 5025003c rAkSasyo bhakSayiSyanti mAMsam etad yathAsukham 5025004a sItAM tAbhir anAryAbhir dRSTvA saMtarjitAM tadA 5025004c rAkSasI trijaTAvRddhA zayAnA vAkyam abravIt 5025005a AtmAnaM khAdatAnAryA na sItAM bhakSayiSyatha 5025005c janakasya sutAm iSTAM snuSAM dazarathasya ca 5025006a svapno hy adya mayA dRSTo dAruNo romaharSaNaH 5025006c rAkSasAnAm abhAvAya bhartur asyA bhavAya ca 5025007a evam uktAs trijaTayA rAkSasyaH krodhamUrchitAH 5025007c sarvA evAbruvan bhItAs trijaTAM tAm idaM vacaH 5025008a kathayasva tvayA dRSTaH svapne 'yaM kIdRzo nizi 5025009a tAsAM zrutvA tu vacanaM rAkSasInAM mukhodgatam 5025009c uvAca vacanaM kAle trijaTAsvapnasaMzritam 5025010a gajadantamayIM divyAM zibikAm antarikSagAm 5025010c yuktAM vAjisahasreNa svayam AsthAya rAghavaH 5025011a svapne cAdya mayA dRSTA sItA zuklAmbarAvRtA 5025011c sAgareNa parikSiptaM zvetaparvatam AsthitA 5025011e rAmeNa saMgatA sItA bhAskareNa prabhA yathA 5025012a rAghavaz ca mayA dRSTaz caturdantaM mahAgajam 5025012c ArUDhaH zailasaMkAzaM cacAra sahalakSmaNaH 5025013a tatas tau narazArdUlau dIpyamAnau svatejasA 5025013c zuklamAlyAmbaradharau jAnakIM paryupasthitau 5025014a tatas tasya nagasyAgre AkAzasthasya dantinaH 5025014c bhartrA parigRhItasya jAnakI skandham AzritA 5025015a bhartur aGkAt samutpatya tataH kamalalocanA 5025015c candrasUryau mayA dRSTA pANibhyAM parimArjatI 5025016a tatas tAbhyAM kumArAbhyAm AsthitaH sa gajottamaH 5025016c sItayA ca vizAlAkSyA laGkAyA upari sthitaH 5025017a pANDurarSabhayuktena rathenASTayujA svayam 5025017c zuklamAlyAmbaradharo lakSmaNena samAgataH 5025017e lakSmaNena saha bhrAtrA sItayA saha bhAryayA 5025018a vimAnAt puSpakAd adya rAvaNaH patito bhuvi 5025018c kRSyapANaH striyA dRSTo muNDaH kRSNAmbaraH punaH 5025019a rathena kharayuktena raktamAlyAnulepanaH 5025019c prayAto dakSiNAm AzAM praviSTaH kardamaM hradam 5025020a kaNThe baddhvA dazagrIvaM pramadA raktavAsinI 5025020c kAlI kardamaliptAGgI dizaM yAmyAM prakarSati 5025021a varAheNa dazagrIvaH ziMzumAreNa cendrajit 5025021c uSTreNa kumbhakarNaz ca prayAto dakSiNAM dizam 5025022a samAjaz ca mahAn vRtto gItavAditraniHsvanaH 5025022c pibatAM raktamAlyAnAM rakSasAM raktavAsasAm 5025023a laGkA ceyaM purI ramyA savAjirathasaMkulA 5025023c sAgare patitA dRSTA bhagnagopuratoraNA 5025024a pItva tailaM pranRttAz ca prahasantyo mahAsvanAH 5025024c laGkAyAM bhasmarUkSAyAM sarvA rAkSasayoSitaH 5025025a kumbhakarNAdayaz ceme sarve rAkSasapuMgavAH 5025025c raktaM nivasanaM gRhya praviSTA gomayahrade 5025026a apagacchata nazyadhvaM sItAm Apnoti rAghavaH 5025026c ghAtayet paramAmarSI sarvaiH sArdhaM hi rAkSasaiH 5025027a priyAM bahumatAM bhAryAM vanavAsam anuvratAm 5025027c bhartsitAM tarjitAM vApi nAnumaMsyati rAghavaH 5025028a tad alaM krUravAkyair vaH sAntvam evAbhidhIyatAm 5025028c abhiyAcAma vaidehIm etad dhi mama rocate 5025029a yasyA hy evaM vidhaH svapno duHkhitAyAH pradRzyate 5025029c sA duHkhair bahubhir muktA priyaM prApnoty anuttamam 5025030a bhartsitAm api yAcadhvaM rAkSasyaH kiM vivakSayA 5025030c rAghavAd dhi bhayaM ghoraM rAkSasAnAm upasthitam 5025031a praNipAta prasannA hi maithilI janakAtmajA 5025031c alam eSA paritrAtuM rAkSasyo mahato bhayAt 5025032a api cAsyA vizAlAkSyA na kiM cid upalakSaye 5025032c viruddham api cAGgeSu susUkSmam api lakSmaNam 5025033a chAyA vaiguNya mAtraM tu zaGke duHkham upasthitam 5025033c aduHkhArhAm imAM devIM vaihAyasam upasthitAm 5025034a arthasiddhiM tu vaidehyAH pazyAmy aham upasthitAm 5025034c rAkSasendravinAzaM ca vijayaM rAghavasya ca 5025035a nimittabhUtam etat tu zrotum asyA mahat priyam 5025035c dRzyate ca sphurac cakSuH padmapatram ivAyatam 5025036a ISac ca hRSito vAsyA dakSiNAyA hy adakSiNaH 5025036c akasmAd eva vaidehyA bAhur ekaH prakampate 5025037a kareNuhastapratimaH savyaz corur anuttamaH 5025037c vepan sUcayatIvAsyA rAghavaM purataH sthitam 5025038a pakSI ca zAkhA nilayaM praviSTaH; punaH punaz cottamasAntvavAdI 5025038c sukhAgatAM vAcam udIrayANaH; punaH punaz codayatIva hRSTaH 5026001a sA rAkSasendrasya vaco nizamya; tad rAvaNasyApriyam apriyArtA 5026001c sItA vitatrAsa yathA vanAnte; siMhAbhipannA gajarAjakanyA 5026002a sA rAkSasI madhyagatA ca bhIrur; vAgbhir bhRzaM rAvaNatarjitA ca 5026002c kAntAramadhye vijane visRSTA; bAleva kanyA vilalApa sItA 5026003a satyaM batedaM pravadanti loke; nAkAlamRtyur bhavatIti santaH 5026003c yatrAham evaM paribhartsyamAnA; jIvAmi kiM cit kSaNam apy apuNyA 5026004a sukhAd vihInaM bahuduHkhapUrNam; idaM tu nUnaM hRdayaM sthiraM me 5026004c vidIryate yan na sahasradhAdya; vajrAhataM zRGgam ivAcalasya 5026005a naivAsti nUnaM mama doSam atra; vadhyAham asyApriyadarzanasya 5026005c bhAvaM na cAsyAham anupradAtum; alaM dvijo mantram ivAdvijAya 5026006a nUnaM mamAGgAny acirAd anAryaH; zastraiH zitaiz chetsyati rAkSasendraH 5026006c tasminn anAgacchati lokanAthe; garbhasthajantor iva zalyakRntaH 5026007a duHkhaM batedaM mama duHkhitAyA; mAsau cirAyAbhigamiSyato dvau 5026007c baddhasya vadhyasya yathA nizAnte; rAjAparAdhAd iva taskarasya 5026008a hA rAma hA lakSmaNa hA sumitre; hA rAma mAtaH saha me jananyA 5026008c eSA vipadyAmy aham alpabhAgyA; mahArNave naur iva mUDha vAtA 5026009a tarasvinau dhArayatA mRgasya; sattvena rUpaM manujendraputrau 5026009c nUnaM vizastau mama kAraNAt tau; siMharSabhau dvAv iva vaidyutena 5026010a nUnaM sa kAlo mRgarUpadhArI; mAm alpabhAgyAM lulubhe tadAnIm 5026010c yatrAryaputraM visasarja mUDhA; rAmAnujaM lakSmaNapUrvakaM ca 5026011a hA rAma satyavrata dIrghavAho; hA pUrNacandrapratimAnavaktra 5026011c hA jIvalokasya hitaH priyaz ca; vadhyAM na mAM vetsi hi rAkSasAnAm 5026012a ananyadevatvam iyaM kSamA ca; bhUmau ca zayyA niyamaz ca dharme 5026012c pativratAtvaM viphalaM mamedaM; kRtaM kRtaghneSv iva mAnuSANAm 5026013a mogho hi dharmaz carito mamAyaM; tathaikapatnItvam idaM nirartham 5026013c yA tvAM na pazyAmi kRzA vivarNA; hInA tvayA saMgamane nirAzA 5026014a pitur nirdezaM niyamena kRtvA; vanAn nivRttaz caritavrataz ca 5026014c strIbhis tu manye vipulekSaNAbhiH; saMraMsyase vItabhayaH kRtArthaH 5026015a ahaM tu rAma tvayi jAtakAmA; ciraM vinAzAya nibaddhabhAvA 5026015c moghaM caritvAtha tapovrataM ca; tyakSyAmi dhig jIvitam alpabhAgyA 5026016a sA jIvitaM kSipram ahaM tyajeyaM; viSeNa zastreNa zitena vApi 5026016c viSasya dAtA na tu me 'sti kaz cic; chastrasya vA vezmani rAkSasasya 5026017a zokAbhitaptA bahudhA vicintya; sItAtha veNyudgrathanaM gRhItvA 5026017c udbadhya veNyudgrathanena zIghram; ahaM gamiSyAmi yamasya mUlam 5026018a itIva sItA bahudhA vilapya; sarvAtmanA rAmam anusmarantI 5026018c pravepamAnA parizuSkavaktrA; nagottamaM puSpitam AsasAda 5026019a upasthitA sA mRdur sarvagAtrI; zAkhAM gRhItvAtha nagasya tasya 5026019c tasyAs tu rAmaM pravicintayantyA; rAmAnujaM svaM ca kulaM zubhAGgyAH 5026020a zokAnimittAni tadA bahUni; dhairyArjitAni pravarANi loke 5026020c prAdurnimittAni tadA babhUvuH; purApi siddhAny upalakSitAni 5027001a tathAgatAM tAM vyathitAm aninditAM; vyapetaharSAM paridInamAnasAm 5027001c zubhAM nimittAni zubhAni bhejire; naraM zriyA juSTam ivopajIvinaH 5027002a tasyAH zubhaM vAmam arAlapakSma; rAjIvRtaM kRSNavizAlazuklam 5027002c prAspandataikaM nayanaM sukezyA; mInAhataM padmam ivAbhitAmram 5027003a bhujaz ca cArvaJcitapInavRttaH; parArdhya kAlAgurucandanArhaH 5027003c anuttamenAdhyuSitaH priyeNa; cireNa vAmaH samavepatAzu 5027004a gajendrahastapratimaz ca pInas; tayor dvayoH saMhatayoH sujAtaH 5027004c praspandamAnaH punar Urur asyA; rAmaM purastAt sthitam AcacakSe 5027005a zubhaM punar hemasamAnavarNam; ISadrajodhvastam ivAmalAkSyAH 5027005c vAsaH sthitAyAH zikharAgradantyAH; kiM cit parisraMsata cArugAtryAH 5027006a etair nimittair aparaiz ca subhrUH; saMbodhitA prAg api sAdhusiddhaiH 5027006c vAtAtapaklAntam iva pranaSTaM; varSeNa bIjaM pratisaMjaharSa 5027007a tasyAH punar bimbaphalopamauSThaM; svakSibhrukezAntam arAlapakSma 5027007c vaktraM babhAse sitazukladaMSTraM; rAhor mukhAc candra iva pramuktaH 5027008a sA vItazokA vyapanItatandrI; zAntajvarA harSavibuddhasattvA 5027008c azobhatAryA vadanena zukle; zItAnzunA rAtrir ivoditena 5028001a hanumAn api vikrAntaH sarvaM zuzrAva tattvataH 5028001c sItAyAs trijaTAyAz ca rAkSasInAM ca tarjanam 5028002a avekSamANas tAM devIM devatAm iva nandane 5028002c tato bahuvidhAM cintAM cintayAm Asa vAnaraH 5028003a yAM kapInAM sahasrANi subahUny ayutAni ca 5028003c dikSu sarvAsu mArgante seyam AsAditA mayA 5028004a cAreNa tu suyuktena zatroH zaktim avekSitA 5028004c gUDhena caratA tAvad avekSitam idaM mayA 5028005a rAkSasAnAM vizeSaz ca purI ceyam avekSitA 5028005c rAkSasAdhipater asya prabhAvo rAvaNasya ca 5028006a yuktaM tasyAprameyasya sarvasattvadayAvataH 5028006c samAzvAsayituM bhAryAM patidarzanakAGkSiNIm 5028007a aham AzvAsayAmy enAM pUrNacandranibhAnanAm 5028007c adRSTaduHkhAM duHkhasya na hy antam adhigacchatIm 5028008a yadi hy aham imAM devIM zokopahatacetanAm 5028008c anAzvAsya gamiSyAmi doSavad gamanaM bhavet 5028009a gate hi mayi tatreyaM rAjaputrI yazasvinI 5028009c paritrANam avindantI jAnakI jIvitaM tyajet 5028010a mayA ca sa mahAbAhuH pUrNacandranibhAnanaH 5028010c samAzvAsayituM nyAyyaH sItAdarzanalAlasaH 5028011a nizAcarINAM pratyakSam akSamaM cAbhibhASaNam 5028011c kathaM nu khalu kartavyam idaM kRcchra gato hy aham 5028012a anena rAtrizeSeNa yadi nAzvAsyate mayA 5028012c sarvathA nAsti saMdehaH parityakSyati jIvitam 5028013a rAmaz ca yadi pRcchen mAM kiM mAM sItAbravId vacaH 5028013c kim ahaM taM pratibrUyAm asaMbhASya sumadhyamAm 5028014a sItAsaMdezarahitaM mAm itas tvarayA gatam 5028014c nirdahed api kAkutsthaH kruddhas tIvreNa cakSuSA 5028015a yadi ced yojayiSyAmi bhartAraM rAmakAraNAt 5028015c vyartham AgamanaM tasya sasainyasya bhaviSyati 5028016a antaraM tv aham AsAdya rAkSasInAm iha sthitaH 5028016c zanair AzvAsayiSyAmi saMtApabahulAm imAm 5028017a ahaM hy atitanuz caiva vanaraz ca vizeSataH 5028017c vAcaM codAhariSyAmi mAnuSIm iha saMskRtAm 5028018a yadi vAcaM pradAsyAmi dvijAtir iva saMskRtAm 5028018c rAvaNaM manyamAnA mAM sItA bhItA bhaviSyati 5028019a avazyam eva vaktavyaM mAnuSaM vAkyam arthavat 5028019c mayA sAntvayituM zakyA nAnyatheyam aninditA 5028020a seyam Alokya me rUpaM jAnakI bhASitaM tathA 5028020c rakSobhis trAsitA pUrvaM bhUyas trAsaM gamiSyati 5028021a tato jAtaparitrAsA zabdaM kuryAn manasvinI 5028021c jAnamAnA vizAlAkSI rAvaNaM kAmarUpiNam 5028022a sItayA ca kRte zabde sahasA rAkSasIgaNaH 5028022c nAnApraharaNo ghoraH sameyAd antakopamaH 5028023a tato mAM saMparikSipya sarvato vikRtAnanAH 5028023c vadhe ca grahaNe caiva kuryur yatnaM yathAbalam 5028024a taM mAM zAkhAH prazAkhAz ca skandhAMz cottamazAkhinAm 5028024c dRSTvA viparidhAvantaM bhaveyur bhayazaGkitAH 5028025a mama rUpaM ca saMprekSya vanaM vicarato mahat 5028025c rAkSasyo bhayavitrastA bhaveyur vikRtAnanAH 5028026a tataH kuryuH samAhvAnaM rAkSasyo rakSasAm api 5028026c rAkSasendraniyuktAnAM rAkSasendranivezane 5028027a te zUlazaranistriMza vividhAyudhapANayaH 5028027c Apateyur vimarde 'smin vegenodvignakAriNaH 5028028a saMkruddhas tais tu parito vidhaman rakSasAM balam 5028028c zaknuyaM na tu saMprAptuM paraM pAraM mahodadheH 5028029a mAM vA gRhNIyur Aplutya bahavaH zIghrakAriNaH 5028029c syAd iyaM cAgRhItArthA mama ca grahaNaM bhavet 5028030a hiMsAbhirucayo hiMsyur imAM vA janakAtmajAm 5028030c vipannaM syAt tataH kAryaM rAmasugrIvayor idam 5028031a uddeze naSTamArge 'smin rAkSasaiH parivArite 5028031c sAgareNa parikSipte gupte vasati jAnakI 5028032a vizaste vA gRhIte vA rakSobhir mayi saMyuge 5028032c nAnyaM pazyAmi rAmasya sahAyaM kAryasAdhane 5028033a vimRzaMz ca na pazyAmi yo hate mayi vAnaraH 5028033c zatayojanavistIrNaM laGghayeta mahodadhim 5028034a kAmaM hantuM samartho 'smi sahasrANy api rakSasAm 5028034c na tu zakSyAmi saMprAptuM paraM pAraM mahodadheH 5028035a asatyAni ca yuddhAni saMzayo me na rocate 5028035c kaz ca niHsaMzayaM kAryaM kuryAt prAjJaH sasaMzayam 5028036a eSa doSo mahAn hi syAn mama sItAbhibhASaNe 5028036c prANatyAgaz ca vaidehyA bhaved anabhibhASaNe 5028037a bhUtAz cArthA vinazyanti dezakAlavirodhitAH 5028037c viklavaM dUtam AsAdya tamaH sUryodaye yathA 5028038a arthAnarthAntare buddhir nizcitApi na zobhate 5028038c ghAtayanti hi kAryANi dUtAH paNDitamAninaH 5028039a na vinazyet kathaM kAryaM vaiklavyaM na kathaM bhavet 5028039c laGghanaM ca samudrasya kathaM nu na vRthA bhavet 5028040a kathaM nu khalu vAkyaM me zRNuyAn nodvijeta ca 5028040c iti saMcintya hanumAMz cakAra matimAn matim 5028041a rAmam akliSTakarmANaM svabandhum anukIrtayan 5028041c nainAm udvejayiSyAmi tad bandhugatamAnasAm 5028042a ikSvAkUNAM variSThasya rAmasya viditAtmanaH 5028042c zubhAni dharmayuktAni vacanAni samarpayan 5028043a zrAvayiSyAmi sarvANi madhurAM prabruvan giram 5028043c zraddhAsyati yathA hIyaM tathA sarvaM samAdadhe 5028044a iti sa bahuvidhaM mahAnubhAvo; jagatipateH pramadAm avekSamANaH 5028044c madhuram avitathaM jagAda vAkyaM; drumaviTapAntaram Asthito hanUmAn 5029001a evaM bahuvidhAM cintAM cintayitva mahAkapiH 5029001c saMzrave madhuraM vAkyaM vaidehyA vyAjahAra ha 5029002a rAjA dazaratho nAma rathakuJjaravAjinAm 5029002c puNyazIlo mahAkIrtir Rjur AsIn mahAyazAH 5029002e cakravartikule jAtaH puraMdarasamo bale 5029003a ahiMsAratir akSudro ghRNI satyaparAkramaH 5029003c mukhyaz cekSvAkuvaMzasya lakSmIvA&l lakSmivardhanaH 5029004a pArthivavyaJjanair yuktaH pRthuzrIH pArthivarSabhaH 5029004c pRthivyAM caturantayAM vizrutaH sukhadaH sukhI 5029005a tasya putraH priyo jyeSThas tArAdhipanibhAnanaH 5029005c rAmo nAma vizeSajJaH zreSThaH sarvadhanuSmatAm 5029006a rakSitA svasya vRttasya svajanasyApi rakSitA 5029006c rakSitA jIvalokasya dharmasya ca paraMtapaH 5029007a tasya satyAbhisaMdhasya vRddhasya vacanAt pituH 5029007c sabhAryaH saha ca bhrAtrA vIraH pravrajito vanam 5029008a tena tatra mahAraNye mRgayAM paridhAvatA 5029008c janasthAnavadhaM zrutvA hatau ca kharadUSaNau 5029008e tatas tv amarSApahRtA jAnakI rAvaNena tu 5029009a yathArUpAM yathAvarNAM yathAlakSmIM vinizcitAm 5029009c azrauSaM rAghavasyAhaM seyam AsAditA mayA 5029010a virarAmaivam uktvAsau vAcaM vAnarapuMgavaH 5029010c jAnakI cApi tac chrutvA vismayaM paramaM gatA 5029011a tataH sA vakrakezAntA sukezI kezasaMvRtam 5029011c unnamya vadanaM bhIruH ziMzapAvRkSam aikSata 5029012a sA tiryag UrdhvaM ca tathApy adhastAn; nirIkSamANA tam acintya buddhim 5029012c dadarza piGgAdhipater amAtyaM; vAtAtmajaM sUryam ivodayastham 5030001a tataH zAkhAntare lInaM dRSTvA calitamAnasA 5030001c sA dadarza kapiM tatra prazritaM priyavAdinam 5030002a sA tu dRSTvA harizreSThaM vinItavad upasthitam 5030002c maithilI cintayAm Asa svapno 'yam iti bhAminI 5030003a sA taM samIkSyaiva bhRzaM visaMjJA; gatAsukalpeva babhUva sItA 5030003c cireNa saMjJAM pratilabhya caiva; vicintayAm Asa vizAlanetrA 5030004a svapno mayAyaM vikRto 'dya dRSTaH; zAkhAmRgaH zAstragaNair niSiddhaH 5030004c svasty astu rAmAya salakSmaNAya; tathA pitur me janakasya rAjJaH 5030005a svapno 'pi nAyaM na hi me 'sti nidrA; zokena duHkhena ca pIDitAyAH 5030005c sukhaM hi me nAsti yato 'smi hInA; tenendupUrNapratimAnanena 5030006a ahaM hi tasyAdya mano bhavena; saMpIDitA tad gatasarvabhAvA 5030006c vicintayantI satataM tam eva; tathaiva pazyAmi tathA zRNomi 5030007a manorathaH syAd iti cintayAmi; tathApi buddhyA ca vitarkayAmi 5030007c kiM kAraNaM tasya hi nAsti rUpaM; suvyaktarUpaz ca vadaty ayaM mAm 5030008a namo 'stu vAcaspataye savajriNe; svayambhuve caiva hutAzanAya 5030008c anena coktaM yad idaM mamAgrato; vanaukasA tac ca tathAstu nAnyathA 5031001a tAm abravIn mahAtejA hanUmAn mArutAtmajaH 5031001c zirasy aJjalim AdhAya sItAM madhurayA girA 5031002a kA nu padmapalAzAkSI kliSTakauzeyavAsinI 5031002c drumasya zAkhAm Alambya tiSThasi tvam aninditA 5031003a kimarthaM tava netrAbhyAM vAri sravati zokajam 5031003c puNDarIkapalAzAbhyAM viprakIrNam ivodakam 5031004a surANAm asurANAM ca nAgagandharvarakSasAm 5031004c yakSANAM kiMnarANAM ca kA tvaM bhavasi zobhane 5031005a kA tvaM bhavasi rudrANAM marutAM vA varAnane 5031005c vasUnAM vA varArohe devatA pratibhAsi me 5031006a kiM nu candramasA hInA patitA vibudhAlayAt 5031006c rohiNI jyotiSAM zreSThA zreSThA sarvaguNAnvitA 5031007a kopAd vA yadi vA mohAd bhartAram asitekSaNA 5031007c vasiSThaM kopayitvA tvaM nAsi kalyANy arundhatI 5031008a ko nau putraH pitA bhrAta bhartA vA te sumadhyame 5031008c asmAl lokAd amuM lokaM gataM tvam anuzocasi 5031009a vyaJjanAni hi te yAni lakSaNAni ca lakSaye 5031009c mahiSI bhUmipAlasya rAjakanyAsi me matA 5031010a rAvaNena janasthAnAd balAd apahRtA yadi 5031010c sItA tvam asi bhadraM te tan mamAcakSva pRcchataH 5031011a sA tasya vacanaM zrutvA rAmakIrtanaharSitA 5031011c uvAca vAkyaM vaidehI hanUmantaM drumAzritam 5031012a duhitA janakasyAhaM vaidehasya mahAtmanaH 5031012c sItA ca nAma nAmnAhaM bhAryA rAmasya dhImataH 5031013a samA dvAdaza tatrAhaM rAghavasya nivezane 5031013c bhuJjAnA mAnuSAn bhogAn sarvakAmasamRddhinI 5031014a tatas trayodaze varSe rAjyenekSvAkunandanam 5031014c abhiSecayituM rAjA sopAdhyAyaH pracakrame 5031015a tasmin saMbhriyamANe tu rAghavasyAbhiSecane 5031015c kaikeyI nAma bhartAraM devI vacanam abravIt 5031016a na pibeyaM na khAdeyaM pratyahaM mama bhojanam 5031016c eSa me jIvitasyAnto rAmo yady abhiSicyate 5031017a yat tad uktaM tvayA vAkyaM prItyA nRpatisattama 5031017c tac cen na vitathaM kAryaM vanaM gacchatu rAghavaH 5031018a sa rAjA satyavAg devyA varadAnam anusmaran 5031018c mumoha vacanaM zrutvA kaikeyyAH krUram apriyam 5031019a tatas tu sthaviro rAjA satyadharme vyavasthitaH 5031019c jyeSThaM yazasvinaM putraM rudan rAjyam ayAcata 5031020a sa pitur vacanaM zrImAn abhiSekAt paraM priyam 5031020c manasA pUrvam AsAdya vAcA pratigRhItavAn 5031021a dadyAn na pratigRhNIyAn na brUyat kiM cid apriyam 5031021c api jIvitahetor hi rAmaH satyaparAkramaH 5031022a sa vihAyottarIyANi mahArhANi mahAyazAH 5031022c visRjya manasA rAjyaM jananyai mAM samAdizat 5031023a sAhaM tasyAgratas tUrNaM prasthitA vanacAriNI 5031023c na hi me tena hInAyA vAsaH svarge 'pi rocate 5031024a prAg eva tu mahAbhAgaH saumitrir mitranandanaH 5031024c pUrvajasyAnuyAtrArthe drumacIrair alaMkRtaH 5031025a te vayaM bhartur AdezaM bahu mAnyadRDhavratAH 5031025c praviSTAH sma purAd dRSTaM vanaM gambhIradarzanam 5031026a vasato daNDakAraNye tasyAham amitaujasaH 5031026c rakSasApahRtA bhAryA rAvaNena durAtmanA 5031027a dvau mAsau tena me kAlo jIvitAnugrahaH kRtaH 5031027c UrdhvaM dvAbhyAM tu mAsAbhyAM tatas tyakSyAmi jIvitam 5032001a tasyAs tad vacanaM zrutvA hanUmAn hariyUthapaH 5032001c duHkhAd duHkhAbhibhUtAyAH sAntam uttaram abravIt 5032002a ahaM rAmasya saMdezAd devi dUtas tavAgataH 5032002c vaidehi kuzalI rAmas tvAM ca kauzalam abravIt 5032003a yo brAhmam astraM vedAMz ca veda vedavidAM varaH 5032003c sa tvAM dAzarathI rAmo devi kauzalam abravIt 5032004a lakSmaNaz ca mahAtejA bhartus te 'nucaraH priyaH 5032004c kRtavAJ zokasaMtaptaH zirasA te 'bhivAdanam 5032005a sA tayoH kuzalaM devI nizamya narasiMhayoH 5032005c prItisaMhRSTasarvAGgI hanUmAntam athAbravIt 5032006a kalyANI bata gatheyaM laukikI pratibhAti me 5032006c ehi jIvantam Anado naraM varSazatAd api 5032007a tayoH samAgame tasmin prItir utpAditAdbhutA 5032007c paraspareNa cAlApaM vizvastau tau pracakratuH 5032008a tasyAs tad vacanaM zrutvA hanUmAn hariyUthapaH 5032008c sItAyAH zokadInAyAH samIpam upacakrame 5032009a yathA yathA samIpaM sa hanUmAn upasarpati 5032009c tathA tathA rAvaNaM sA taM sItA parizaGkate 5032010a aho dhig dhik kRtam idaM kathitaM hi yad asya me 5032010c rUpAntaram upAgamya sa evAyaM hi rAvaNaH 5032011a tAm azokasya zAkhAM sA vimuktvA zokakarzitA 5032011c tasyAm evAnavadyAGgI dharaNyAM samupAvizat 5032012a avandata mahAbAhus tatas tAM janakAtmajAm 5032012c sA cainaM bhayavitrastA bhUyo naivAbhyudaikSata 5032013a taM dRSTvA vandamAnaM tu sItA zazinibhAnanA 5032013c abravId dIrgham ucchvasya vAnaraM madhurasvarA 5032014a mAyAM praviSTo mAyAvI yadi tvaM rAvaNaH svayam 5032014c utpAdayasi me bhUyaH saMtApaM tan na zobhanam 5032015a svaM parityajya rUpaM yaH parivrAjakarUpadhRt 5032015c janasthAne mayA dRSTas tvaM sa evAsi rAvaNaH 5032016a upavAsakRzAM dInAM kAmarUpa nizAcara 5032016c saMtApayasi mAM bhUyaH saMtApaM tan na zobhanam 5032017a yadi rAmasya dUtas tvam Agato bhadram astu te 5032017c pRcchAmi tvAM harizreSTha priyA rAma kathA hi me 5032018a guNAn rAmasya kathaya priyasya mama vAnara 5032018c cittaM harasi me saumya nadIkUlaM yathA rayaH 5032019a aho svapnasya sukhatA yAham evaM cirAhRtA 5032019c preSitaM nAma pazyAmi rAghaveNa vanaukasaM 5032020a svapne 'pi yady ahaM vIraM rAghavaM sahalakSmaNam 5032020c pazyeyaM nAvasIdeyaM svapno 'pi mama matsarI 5032021a nAhaM svapnam imaM manye svapne dRSTvA hi vAnaram 5032021c na zakyo 'bhyudayaH prAptuM prAptaz cAbhyudayo mama 5032022a kiM nu syAc cittamoho 'yaM bhaved vAtagatis tv iyam 5032022c unmAdajo vikAro vA syAd iyaM mRgatRSNikA 5032023a atha vA nAyam unmAdo moho 'py unmAdalakSmaNaH 5032023c saMbudhye cAham AtmAnam imaM cApi vanaukasaM 5032024a ity evaM bahudhA sItA saMpradhArya balAbalam 5032024c rakSasAM kAmarUpatvAn mene taM rAkSasAdhipam 5032025a etAM buddhiM tadA kRtvA sItA sA tanumadhyamA 5032025c na prativyAjahArAtha vAnaraM janakAtmajA 5032026a sItAyAz cintitaM buddhvA hanUmAn mArutAtmajaH 5032026c zrotrAnukUlair vacanais tadA tAM saMpraharSayat 5032027a Aditya iva tejasvI lokakAntaH zazI yathA 5032027c rAjA sarvasya lokasya devo vaizravaNo yathA 5032028a vikrameNopapannaz ca yathA viSNur mahAyazAH 5032028c satyavAdI madhuravAg devo vAcaspatir yathA 5032029a rUpavAn subhagaH zrImAn kandarpa iva mUrtimAn 5032029c sthAnakrodhaprahartA ca zreSTho loke mahArathaH 5032029e bAhucchAyAm avaSTabdho yasya loko mahAtmanaH 5032030a apakRSyAzramapadAn mRgarUpeNa rAghavam 5032030c zUnye yenApanItAsi tasya drakSyasi yat phalam 5032031a nacirAd rAvaNaM saMkhye yo vadhiSyati vIryavAn 5032031c roSapramuktair iSubhir jvaladbhir iva pAvakaiH 5032032a tenAhaM preSito dUtas tvatsakAzam ihAgataH 5032032c tvadviyogena duHkhArtaH sa tvAM kauzalam abravIt 5032033a lakSmaNaz ca mahAtejAH sumitrAnandavardhanaH 5032033c abhivAdya mahAbAhuH so 'pi kauzalam abravIt 5032034a rAmasya ca sakhA devi sugrIvo nAma vAnaraH 5032034c rAjA vAnaramukhyAnAM sa tvAM kauzalam abravIt 5032035a nityaM smarati rAmas tvAM sasugrIvaH salakSmaNaH 5032035c diSTyA jIvasi vaidehi rAkSasI vazam AgatA 5032036a nacirAd drakSyase rAmaM lakSmaNaM ca mahAratham 5032036c madhye vAnarakoTInAM sugrIvaM cAmitaujasaM 5032037a ahaM sugrIvasacivo hanUmAn nAma vAnaraH 5032037c praviSTo nagarIM laGkAM laGghayitvA mahodadhim 5032038a kRtvA mUrdhni padanyAsaM rAvaNasya durAtmanaH 5032038c tvAM draSTum upayAto 'haM samAzritya parAkramam 5032039a nAham asmi tathA devi yathA mAm avagacchasi 5032039c vizaGkA tyajyatAm eSA zraddhatsva vadato mama 5033001a tAM tu rAma kathAM zrutvA vaidehI vAnararSabhAt 5033001c uvAca vacanaM sAntvam idaM madhurayA girA 5033002a kva te rAmeNa saMsargaH kathaM jAnAsi lakSmaNam 5033002c vAnarANAM narANAM ca katham AsIt samAgamaH 5033003a yAni rAmasya liGgAni lakSmaNasya ca vAnara 5033003c tAni bhUyaH samAcakSva na mAM zokaH samAvizet 5033004a kIdRzaM tasya saMsthAnaM rUpaM rAmasya kIdRzam 5033004c katham UrU kathaM bAhU lakSmaNasya ca zaMsa me 5033005a evam uktas tu vaidehyA hanUmAn mArutAtmajaH 5033005c tato rAmaM yathAtattvam AkhyAtum upacakrame 5033006a jAnantI bata diSTyA mAM vaidehi paripRcchasi 5033006c bhartuH kamalapatrAkSi saMkhyAnaM lakSmaNasya ca 5033007a yAni rAmasya cihnAni lakSmaNasya ca yAni vai 5033007c lakSitAni vizAlAkSi vadataH zRNu tAni me 5033008a rAmaH kamalapatrAkSaH sarvabhUtamanoharaH 5033008c rUpadAkSiNyasaMpannaH prasUto janakAtmaje 5033009a tejasAdityasaMkAzaH kSamayA pRthivIsamaH 5033009c bRhaspatisamo buddhyA yazasA vAsavopamaH 5033010a rakSitA jIvalokasya svajanasya ca rakSitA 5033010c rakSitA svasya vRttasya dharmasya ca paraMtapaH 5033011a rAmo bhAmini lokasya cAturvarNyasya rakSitA 5033011c maryAdAnAM ca lokasya kartA kArayitA ca saH 5033012a arciSmAn arcito 'tyarthaM brahmacaryavrate sthitaH 5033012c sAdhUnAm upakArajJaH pracArajJaz ca karmaNAm 5033013a rAjavidyAvinItaz ca brAhmaNAnAm upAsitA 5033013c zrutavAJ zIlasaMpanno vinItaz ca paraMtapaH 5033014a yajurvedavinItaz ca vedavidbhiH supUjitaH 5033014c dhanurvede ca vede ca vedAGgeSu ca niSThitaH 5033015a vipulAMso mahAbAhuH kambugrIvaH zubhAnanaH 5033015c gUDhajatruH sutAmrAkSo rAmo devi janaiH zrutaH 5033016a dundubhisvananirghoSaH snigdhavarNaH pratApavAn 5033016c samaH samavibhaktAGgo varNaM zyAmaM samAzritaH 5033017a tristhiras tripralambaz ca trisamas triSu connataH 5033017c trivalIvAMs tryavaNataz caturvyaGgas trizIrSavAn 5033018a catuSkalaz caturlekhaz catuSkiSkuz catuHsamaH 5033018c caturdazasamadvandvaz caturdaSTaz caturgatiH 5033019a mahauSThahanunAsaz ca paJcasnigdho 'STavaMzavAn 5033019c dazapadmo dazabRhat tribhir vyApto dvizuklavAn 5033019e SaDunnato navatanus tribhir vyApnoti rAghavaH 5033020a satyadharmaparaH zrImAn saMgrahAnugrahe rataH 5033020c dezakAlavibhAgajJaH sarvalokapriyaMvadaH 5033021a bhrAtA ca tasya dvaimAtraH saumitrir aparAjitaH 5033021c anurAgeNa rUpeNa guNaiz caiva tathAvidhaH 5033022a tvAm eva mArgamANo tau vicarantau vasuMdharAm 5033022c dadarzatur mRgapatiM pUrvajenAvaropitam 5033023a RzyamUkasya pRSThe tu bahupAdapasaMkule 5033023c bhrAtur bhAryArtam AsInaM sugrIvaM priyadarzanam 5033024a vayaM tu harirAjaM taM sugrIvaM satyasaMgaram 5033024c paricaryAmahe rAjyAt pUrvajenAvaropitam 5033025a tatas tau cIravasanau dhanuHpravarapANinau 5033025c RzyamUkasya zailasya ramyaM dezam upAgatau 5033026a sa tau dRSTvA naravyAghrau dhanvinau vAnararSabhaH 5033026c abhipluto gires tasya zikharaM bhayamohitaH 5033027a tataH sa zikhare tasmin vAnarendro vyavasthitaH 5033027c tayoH samIpaM mAm eva preSayAm Asa satvaraH 5033028a tAv ahaM puruSavyAghrau sugrIvavacanAt prabhU 5033028c rUpalakSaNasaMpannau kRtAJjalir upasthitaH 5033029a tau parijJAtatattvArthau mayA prItisamanvitau 5033029c pRSTham Aropya taM dezaM prApitau puruSarSabhau 5033030a niveditau ca tattvena sugrIvAya mahAtmane 5033030c tayor anyonyasaMbhASAd bhRzaM prItir ajAyata 5033031a tatra tau kIrtisaMpannau harIzvaranarezvarau 5033031c parasparakRtAzvAsau kathayA pUrvavRttayA 5033032a taM tataH sAntvayAm Asa sugrIvaM lakSmaNAgrajaH 5033032c strIhetor vAlinA bhrAtrA nirastam uru tejasA 5033033a tatas tvan nAzajaM zokaM rAmasyAkliSTakarmaNaH 5033033c lakSmaNo vAnarendrAya sugrIvAya nyavedayat 5033034a sa zrutvA vAnarendras tu lakSmaNeneritaM vacaH 5033034c tadAsIn niSprabho 'tyarthaM grahagrasta ivAMzumAn 5033035a tatas tvadgAtrazobhIni rakSasA hriyamANayA 5033035c yAny AbharaNajAlAni pAtitAni mahItale 5033036a tAni sarvANi rAmAya AnIya hariyUthapAH 5033036c saMhRSTA darzayAm Asur gatiM tu na vidus tava 5033037a tAni rAmAya dattAni mayaivopahRtAni ca 5033037c svanavanty avakIrNanti tasmin vihatacetasi 5033038a tAny aGke darzanIyAni kRtvA bahuvidhaM tataH 5033038c tena devaprakAzena devena paridevitam 5033039a pazyatas tasyA rudatas tAmyataz ca punaH punaH 5033039c prAdIpayan dAzarathes tAni zokahutAzanam 5033040a zayitaM ca ciraM tena duHkhArtena mahAtmanA 5033040c mayApi vividhair vAkyaiH kRcchrAd utthApitaH punaH 5033041a tAni dRSTvA mahArhANi darzayitvA muhur muhuH 5033041c rAghavaH sahasaumitriH sugrIve sa nyavedayat 5033042a sa tavAdarzanAd Arye rAghavaH paritapyate 5033042c mahatA jvalatA nityam agninevAgniparvataH 5033043a tvatkRte tam anidrA ca zokaz cintA ca rAghavam 5033043c tApayanti mahAtmAnam agnyagAram ivAgnayaH 5033044a tavAdarzanazokena rAghavaH pravicAlyate 5033044c mahatA bhUmikampena mahAn iva ziloccayaH 5033045a kAnAnAni suramyANi nadIprasravaNAni ca 5033045c caran na ratim Apnoti tvam apazyan nRpAtmaje 5033046a sa tvAM manujazArdUlaH kSipraM prApsyati rAghavaH 5033046c samitrabAndhavaM hatvA rAvaNaM janakAtmaje 5033047a sahitau rAmasugrIvAv ubhAv akurutAM tadA 5033047c samayaM vAlinaM hantuM tava cAnveSaNaM tathA 5033048a tato nihatya tarasA rAmo vAlinam Ahave 5033048c sarvarkSaharisaMghAnAM sugrIvam akarot patim 5033049a rAmasugrIvayor aikyaM devy evaM samajAyata 5033049c hanUmantaM ca mAM viddhi tayor dUtam ihAgatam 5033050a svarAjyaM prApya sugrIvaH samanIya mahAharIn 5033050c tvadarthaM preSayAm Asa dizo daza mahAbalAn 5033051a AdiSTA vAnarendreNa sugrIveNa mahaujasaH 5033051c adrirAjapratIkAzAH sarvataH prasthitA mahIm 5033052a aGgado nAma lakSmIvAn vAlisUnur mahAbalaH 5033052c prasthitaH kapizArdUlas tribhAgabalasaMvRtaH 5033053a teSAM no vipranaSTAnAM vindhye parvatasattame 5033053c bhRzaM zokaparItanAm ahorAtragaNA gatAH 5033054a te vayaM kAryanairAzyAt kAlasyAtikrameNa ca 5033054c bhayAc ca kapirAjasya prANAMs tyaktuM vyavasthitAH 5033055a vicitya vanadurgANi giriprasravaNAni ca 5033055c anAsAdya padaM devyAH prANAMs tyaktuM vyavasthitAH 5033056a bhRzaM zokArNave magnaH paryadevayad aGgadaH 5033056c tava nAzaM ca vaidehi vAlinaz ca tathA vadham 5033056e prAyopavezam asmAkaM maraNaM ca jaTAyuSaH 5033057a teSAM naH svAmisaMdezAn nirAzAnAM mumUrSatAm 5033057c kAryahetor ivAyAtaH zakunir vIryavAn mahAn 5033058a gRdhrarAjasya sodaryaH saMpAtir nAma gRdhrarAT 5033058c zrutvA bhrAtRvadhaM kopAd idaM vacanam abravIt 5033059a yavIyAn kena me bhrAtA hataH kva ca vinAzitaH 5033059c etad AkhyAtum icchAmi bhavadbhir vAnarottamAH 5033060a aGgado 'kathayat tasya janasthAne mahad vadham 5033060c rakSasA bhImarUpeNa tvAm uddizya yathAtatham 5033061a jaTAyos tu vadhaM zrutvA duHkhitaH so 'ruNAtmajaH 5033061c tvAm Aha sa varArohe vasantIM rAvaNAlaye 5033062a tasya tad vacanaM zrutvA saMpAteH prItivardhanam 5033062c aGgadapramukhAH sarve tataH saMprasthitA vayam 5033062e tvaddarzanakRtotsAhA hRSTAs tuSTAH plavaMgamAH 5033063a athAhaM harisainyasya sAgaraM dRzya sIdataH 5033063c vyavadhUya bhayaM tIvraM yojanAnAM zataM plutaH 5033064a laGkA cApi mayA rAtrau praviSTA rAkSasAkulA 5033064c rAvaNaz ca mayA dRSTas tvaM ca zokanipIDitA 5033065a etat te sarvam AkhyAtaM yathAvRttam anindite 5033065c abhibhASasva mAM devi dUto dAzarather aham 5033066a tvaM mAM rAmakRtodyogaM tvannimittam ihAgatam 5033066c sugrIva sacivaM devi budhyasva pavanAtmajam 5033067a kuzalI tava kAkutsthaH sarvazastrabhRtAM varaH 5033067c guror ArAdhane yukto lakSmaNaz ca sulakSaNaH 5033068a tasya vIryavato devi bhartus tava hite rataH 5033068c aham ekas tu saMprAptaH sugrIvavacanAd iha 5033069a mayeyam asahAyena caratA kAmarUpiNA 5033069c dakSiNA dig anukrAntA tvanmArgavicayaiSiNA 5033070a diSTyAhaM harisainyAnAM tvannAzam anuzocatAm 5033070c apaneSyAmi saMtApaM tavAbhigamazaMsanAt 5033071a diSTyA hi na mama vyarthaM devi sAgaralaGghanam 5033071c prApsyAmy aham idaM diSTyA tvaddarzanakRtaM yazaH 5033072a rAghavaz ca mahAvIryaH kSipraM tvAm abhipatsyate 5033072c samitrabAndhavaM hatvA rAvaNaM rAkSasAdhipam 5033073a kaurajo nAma vaidehi girINAm uttamo giriH 5033073c tato gacchati gokarNaM parvataM kesarI hariH 5033074a sa ca devarSibhir dRSTaH pitA mama mahAkapiH 5033074c tIrthe nadIpateH puNye zambasAdanam uddharat 5033075a tasyAhaM hariNaH kSetre jAto vAtena maithili 5033075c hanUmAn iti vikhyAto loke svenaiva karmaNA 5033075e vizvAsArthaM tu vaidehi bhartur uktA mayA guNAH 5033076a evaM vizvAsitA sItA hetubhiH zokakarzitA 5033076c upapannair abhijJAnair dUtaM tam avagacchati 5033077a atulaM ca gatA harSaM praharSeNa tu jAnakI 5033077c netrAbhyAM vakrapakSmAbhyAM mumocAnandajaM jalam 5033078a cAru tac cAnanaM tasyAs tAmrazuklAyatekSaNam 5033078c azobhata vizAlAkSyA rAhumukta ivoDurAT 5033078e hanUmantaM kapiM vyaktaM manyate nAnyatheti sA 5033079a athovAca hanUmAMs tAm uttaraM priyadarzanAm 5033080a hate 'sure saMyati zambasAdane; kapipravIreNa maharSicodanAt 5033080c tato 'smi vAyuprabhavo hi maithili; prabhAvatas tatpratimaz ca vAnaraH 5034001a bhUya eva mahAtejA hanUmAn mArutAtmajaH 5034001c abravIt prazritaM vAkyaM sItApratyayakAraNAt 5034002a vAnaro 'haM mahAbhAge dUto rAmasya dhImataH 5034002c rAmanAmAGkitaM cedaM pazya devy aGgulIyakam 5034002e samAzvasihi bhadraM te kSINaduHkhaphalA hy asi 5034003a gRhItvA prekSamANA sA bhartuH karavibhUSaNam 5034003c bhartAram iva saMprAptA jAnakI muditAbhavat 5034004a cAru tad vadanaM tasyAs tAmrazuklAyatekSaNam 5034004c babhUva praharSodagraM rAhumukta ivoDurAT 5034005a tataH sA hrImatI bAlA bhartuH saMdezaharSitA 5034005c parituTSA priyaM zrutvA prAzaMsata mahAkapim 5034006a vikrAntas tvaM samarthas tvaM prAjJas tvaM vAnarottama 5034006c yenedaM rAkSasapadaM tvayaikena pradharSitam 5034007a zatayojanavistIrNaH sAgaro makarAlayaH 5034007c vikramazlAghanIyena kramatA goSpadIkRtaH 5034008a na hi tvAM prAkRtaM manye vanaraM vanararSabha 5034008c yasya te nAsti saMtrAso rAvaNAn nApi saMbhramaH 5034009a arhase ca kapizreSTha mayA samabhibhASitum 5034009c yady asi preSitas tena rAmeNa viditAtmanA 5034010a preSayiSyati durdharSo rAmo na hy aparIkSitam 5034010c parAkramam avijJAya matsakAzaM vizeSataH 5034011a diSTyA ca kuzalI rAmo dharmAtmA dharmavatsalaH 5034011c lakSmaNaz ca mahAtejAH sumitrAnandavardhanaH 5034012a kuzalI yadi kAkutsthaH kiM nu sAgaramekhalAm 5034012c mahIM dahati kopena yugAntAgnir ivotthitaH 5034013a atha vA zaktimantau tau surANAm api nigrahe 5034013c mamaiva tu na duHkhAnAm asti manye viparyayaH 5034014a kaccic ca vyathate rAmaH kaccin na paripatyate 5034014c uttarANi ca kAryANi kurute puruSottamaH 5034015a kaccin na dInaH saMbhrAntaH kAryeSu ca na muhyati 5034015c kaccin puruSakAryANi kurute nRpateH sutaH 5034016a dvividhaM trividhopAyam upAyam api sevate 5034016c vijigISuH suhRt kaccin mitreSu ca paraMtapaH 5034017a kaccin mitrANi labhate mitraiz cApy abhigamyate 5034017c kaccit kalyANamitraz ca mitraiz cApi puraskRtaH 5034018a kaccid AzAsti devAnAM prasAdaM pArthivAtmajaH 5034018c kaccit puruSakAraM ca daivaM ca pratipadyate 5034019a kaccin na vigatasneho vivAsAn mayi rAghavaH 5034019c kaccin mAM vyasanAd asmAn mokSayiSyati vAnaraH 5034020a sukhAnAm ucito nityam asukhAnAm anUcitaH 5034020c duHkham uttaram AsAdya kaccid rAmo na sIdati 5034021a kausalyAyAs tathA kaccit sumitrAyAs tathaiva ca 5034021c abhIkSNaM zrUyate kaccit kuzalaM bharatasya ca 5034022a mannimittena mAnArhaH kaccic chokena rAghavaH 5034022c kaccin nAnyamanA rAmaH kaccin mAM tArayiSyati 5034023a kaccid akSauhiNIM bhImAM bharato bhrAtRvatsalaH 5034023c dhvajinIM mantribhir guptAM preSayiSyati matkRte 5034024a vAnarAdhipatiH zrImAn sugrIvaH kaccid eSyati 5034024c matkRte haribhir vIrair vRto dantanakhAyudhaiH 5034025a kaccic ca lakSmaNaH zUraH sumitrAnandavardhanaH 5034025c astravic charajAlena rAkSasAn vidhamiSyati 5034026a raudreNa kaccid astreNa rAmeNa nihataM raNe 5034026c drakSyAmy alpena kAlena rAvaNaM sasuhRjjanam 5034027a kaccin na tad dhemasamAnavarNaM; tasyAnanaM padmasamAnagandhi 5034027c mayA vinA zuSyati zokadInaM; jalakSaye padmam ivAtapena 5034028a dharmApadezAt tyajataz ca rAjyAM; mAM cApy araNyaM nayataH padAtim 5034028c nAsId vyathA yasya na bhIr na zokaH; kaccit sa dhairyaM hRdaye karoti 5034029a na cAsya mAtA na pitA na cAnyaH; snehAd viziSTo 'sti mayA samo vA 5034029c tAvad dhy ahaM dUtajijIviSeyaM; yAvat pravRttiM zRNuyAM priyasya 5034030a itIva devI vacanaM mahArthaM; taM vAnarendraM madhurArtham uktvA 5034030c zrotuM punas tasya vaco 'bhirAmaM; rAmArthayuktaM virarAma rAmA 5034031a sItAyA vacanaM zrutvA mArutir bhImavikramaH 5034031c zirasy aJjalim AdhAya vAkyam uttaram abravIt 5034032a na tvAm ihasthAM jAnIte rAmaH kamalalocanaH 5034032c zrutvaiva tu vaco mahyaM kSipram eSyati rAghavaH 5034033a camUM prakarSan mahatIM haryRSkagaNasaMkulAm 5034033c viSTambhayitvA bANaughair akSobhyaM varuNAlayam 5034033e kariSyati purIM laGkAM kAkutsthaH zAntarAkSasAm 5034034a tatra yady antarA mRtyur yadi devAH sahAsurAH 5034034c sthAsyanti pathi rAmasya sa tAn api vadhiSyati 5034035a tavAdarzanajenArye zokena sa pariplutaH 5034035c na zarma labhate rAmaH siMhArdita iva dvipaH 5034036a dardareNa ca te devi zape mUlaphalena ca 5034036c malayena ca vindhyena meruNA mandareNa ca 5034037a yathA sunayanaM valgu bimbauSThaM cArukuNDalam 5034037c mukhaM drakSyasi rAmasya pUrNacandram ivoditam 5034038a kSipraM drakSyasi vaidehi rAmaM prasravaNe girau 5034038c zatakratum ivAsInaM nAkapRSThasya mUrdhani 5034039a na mAMsaM rAghavo bhuGkte na cApi madhusevate 5034039c vanyaM suvihitaM nityaM bhaktam aznAti paJcamam 5034040a naiva daMzAn na mazakAn na kITAn na sarIsRpAn 5034040c rAghavo 'panayed gatrAt tvadgatenAntarAtmanA 5034041a nityaM dhyAnaparo rAmo nityaM zokaparAyaNaH 5034041c nAnyac cintayate kiM cit sa tu kAmavazaM gataH 5034042a anidraH satataM rAmaH supto 'pi ca narottamaH 5034042c sIteti madhurAM vANIM vyAharan pratibudhyate 5034043a dRSTvA phalaM vA puSpaM vA yac cAnyat strImanoharam 5034043c bahuzo hA priyety evaM zvasaMs tvAm abhibhASate 5034044a sa devi nityaM paritapyamAnas; tvAm eva sItety abhibhASamANaH 5034044c dhRtavrato rAjasuto mahAtmA; tavaiva lAbhAya kRtaprayatnaH 5034045a sA rAmasaMkIrtanavItazokA; rAmasya zokena samAnazokA 5034045c zaranmukhenAmbudazeSacandrA; nizeva vaidehasutA babhUva 5035001a sItA tad vacanaM zrutvA pUrNacandranibhAnanA 5035001c hanUmantam uvAcedaM dharmArthasahitaM vacaH 5035002a amRtaM viSasaMsRSTaM tvayA vAnarabhASitam 5035002c yac ca nAnyamanA rAmo yac ca zokaparAyaNaH 5035003a aizvarye vA suvistIrNe vyasane vA sudAruNe 5035003c rajjveva puruSaM baddhvA kRtAntaH parikarSati 5035004a vidhir nUnam asaMhAryaH prANinAM plavagottama 5035004c saumitriM mAM ca rAmaM ca vyasanaiH pazya mohitAn 5035005a zokasyAsya kadA pAraM rAghavo 'dhigamiSyati 5035005c plavamAnaH parizrAnto hatanauH sAgare yathA 5035006a rAkSasAnAM kSayaM kRtvA sUdayitvA ca rAvaNam 5035006c laGkAm unmUlitAM kRtvA kadA drakSyati mAM patiH 5035007a sa vAcyaH saMtvarasveti yAvad eva na pUryate 5035007c ayaM saMvatsaraH kAlas tAvad dhi mama jIvitam 5035008a vartate dazamo mAso dvau tu zeSau plavaMgama 5035008c rAvaNena nRzaMsena samayo yaH kRto mama 5035009a vibhISaNena ca bhrAtrA mama niryAtanaM prati 5035009c anunItaH prayatnena na ca tat kurute matim 5035010a mama pratipradAnaM hi rAvaNasya na rocate 5035010c rAvaNaM mArgate saMkhye mRtyuH kAlavazaM gatam 5035011a jyeSThA kanyAnalA nama vibhISaNasutA kape 5035011c tayA mamaitad AkhyAtaM mAtrA prahitayA svayam 5035012a avindhyo nAma medhAvI vidvAn rAkSasapuMgavaH 5035012c dhRtimAJ zIlavAn vRddho rAvaNasya susaMmataH 5035013a rAmAt kSayam anuprAptaM rakSasAM pratyacodayat 5035013c na ca tasyApi duSTAtmA zRNoti vacanaM hitam 5035014a AzaMseti harizreSTha kSipraM mAM prApsyate patiH 5035014c antarAtmA hi me zuddhas tasmiMz ca bahavo guNAH 5035015a utsAhaH pauruSaM sattvam AnRzaMsyaM kRtajJatA 5035015c vikramaz ca prabhAvaz ca santi vAnararAghave 5035016a caturdazasahasrANi rAkSasAnAM jaghAna yaH 5035016c janasthAne vinA bhrAtrA zatruH kas tasya nodvijet 5035017a na sa zakyas tulayituM vyasanaiH puruSarSabhaH 5035017c ahaM tasyAnubhAvajJA zakrasyeva pulomajA 5035018a zarajAlAMzumAJ zUraH kape rAmadivAkaraH 5035018c zatrurakSomayaM toyam upazoSaM nayiSyati 5035019a iti saMjalpamAnAM tAM rAmArthe zokakarzitAm 5035019c azrusaMpUrNavadanAm uvAca hanumAn kapiH 5035020a zrutvaiva tu vaco mahyaM kSipram eSyati rAghavaH 5035020c camUM prakarSan mahatIM haryRkSagaNasaMkulAm 5035021a atha vA mocayiSyAmi tAm adyaiva hi rAkSasAt 5035021c asmAd duHkhAd upAroha mama pRSTham anindite 5035022a tvaM hi pRSThagatAM kRtvA saMtariSyAmi sAgaram 5035022c zaktir asti hi me voDhuM laGkAm api sarAvaNAm 5035023a ahaM prasravaNasthAya rAghavAyAdya maithili 5035023c prApayiSyAmi zakrAya havyaM hutam ivAnalaH 5035024a drakSyasy adyaiva vaidehi rAghavaM sahalakSmaNam 5035024c vyavasAya samAyuktaM viSNuM daityavadhe yathA 5035025a tvaddarzanakRtotsAham AzramasthaM mahAbalam 5035025c puraMdaram ivAsInaM nAgarAjasya mUrdhani 5035026a pRSTham Aroha me devi mA vikAGkSasva zobhane 5035026c yogam anviccha rAmeNa zazAGkeneva rohiNI 5035027a kathayantIva candreNa sUryeNeva suvarcalA 5035027c matpRSTham adhiruhya tvaM tarAkAzamahArNavam 5035028a na hi me saMprayAtasya tvAm ito nayato 'Ggane 5035028c anugantuM gatiM zaktAH sarve laGkAnivAsinaH 5035029a yathaivAham iha prAptas tathaivAham asaMzayam 5035029c yAsyAmi pazya vaidehi tvAm udyamya vihAyasaM 5035030a maithilI tu harizreSThAc chrutvA vacanam adbhutam 5035030c harSavismitasarvAGgI hanUmantam athAbravIt 5035031a hanUman dUram adhvanaM kathaM mAM voDhum icchasi 5035031c tad eva khalu te manye kapitvaM hariyUthapa 5035032a kathaM vAlpazarIras tvaM mAm ito netum icchasi 5035032c sakAzaM mAnavendrasya bhartur me plavagarSabha 5035033a sItAyA vacanaM zrutvA hanUmAn mArutAtmajaH 5035033c cintayAm Asa lakSmIvAn navaM paribhavaM kRtam 5035034a na me jAnAti sattvaM vA prabhAvaM vAsitekSaNA 5035034c tasmAt pazyatu vaidehI yad rUpaM mama kAmataH 5035035a iti saMcintya hanumAMs tadA plavagasattamaH 5035035c darzayAm Asa vaidehyAH svarUpam arimardanaH 5035036a sa tasmAt pAdapAd dhImAn Aplutya plavagarSabhaH 5035036c tato vardhitum Arebhe sItApratyayakAraNAt 5035037a merumandArasaMkAzo babhau dIptAnalaprabhaH 5035037c agrato vyavatasthe ca sItAyA vAnararSabhaH 5035038a hariH parvatasaMkAzas tAmravaktro mahAbalaH 5035038c vajradaMSTranakho bhImo vaidehIm idam abravIt 5035039a saparvatavanoddezAM sATTaprAkAratoraNAm 5035039c laGkAm imAM sanathAM vA nayituM zaktir asti me 5035040a tad avasthApya tAM buddhir alaM devi vikAGkSayA 5035040c vizokaM kuru vaidehi rAghavaM sahalakSmaNam 5035041a taM dRSTvAcalasaMkAzam uvAca janakAtmajA 5035041c padmapatravizAlAkSI mArutasyaurasaM sutam 5035042a tava sattvaM balaM caiva vijAnAmi mahAkape 5035042c vAyor iva gatiM cApi tejaz cAgnir ivAdbhutam 5035043a prAkRto 'nyaH kathaM cemAM bhUmim Agantum arhati 5035043c udadher aprameyasya pAraM vAnarapuMgava 5035044a jAnAmi gamane zaktiM nayane cApi te mama 5035044c avazyaM sAmpradhAryAzu kAryasiddhir ihAtmanaH 5035045a ayuktaM tu kapizreSTha mayA gantuM tvayA saha 5035045c vAyuvegasavegasya vego mAM mohayet tava 5035046a aham AkAzam AsaktA upary upari sAgaram 5035046c prapateyaM hi te pRSThAd bhayAd vegena gacchataH 5035047a patitA sAgare cAhaM timinakrajhaSAkule 5035047c bhayeyam Azu vivazA yAdasAm annam uttamam 5035048a na ca zakSye tvayA sArdhaM gantuM zatruvinAzana 5035048c kalatravati saMdehas tvayy api syAd asaMzayam 5035049a hriyamANAM tu mAM dRSTvA rAkSasA bhImavikramAH 5035049c anugaccheyur AdiSTA rAvaNena durAtmanA 5035050a tais tvaM parivRtaH zUraiH zUlam udgara pANibhiH 5035050c bhaves tvaM saMzayaM prApto mayA vIra kalatravAn 5035051a sAyudhA bahavo vyomni rAkSasAs tvaM nirAyudhaH 5035051c kathaM zakSyasi saMyAtuM mAM caiva parirakSitum 5035052a yudhyamAnasya rakSobhis tatas taiH krUrakarmabhiH 5035052c prapateyaM hi te pRSThad bhayArtA kapisattama 5035053a atha rakSAMsi bhImAni mahAnti balavanti ca 5035053c kathaM cit sAmparAye tvAM jayeyuH kapisattama 5035054a atha vA yudhyamAnasya pateyaM vimukhasya te 5035054c patitAM ca gRhItvA mAM nayeyuH pAparAkSasAH 5035055a mAM vA hareyus tvaddhastAd vizaseyur athApi vA 5035055c avyavasthau hi dRzyete yuddhe jayaparAjayau 5035056a ahaM vApi vipadyeyaM rakSobhir abhitarjitA 5035056c tvatprayatno harizreSTha bhaven niSphala eva tu 5035057a kAmaM tvam api paryApto nihantuM sarvarAkSasAn 5035057c rAghavasya yazo hIyet tvayA zastais tu rAkSasaiH 5035058a atha vAdAya rakSAMsi nyasyeyuH saMvRte hi mAm 5035058c yatra te nAbhijAnIyur harayo nApi rAghavaH 5035059a Arambhas tu madartho 'yaM tatas tava nirarthakaH 5035059c tvayA hi saha rAmasya mahAn Agamane guNaH 5035060a mayi jIvitam AyattaM rAghavasya mahAtmanaH 5035060c bhrAtqNAM ca mahAbAho tava rAjakulasya ca 5035061a tau nirAzau madarthe tu zokasaMtApakarzitau 5035061c saha sarvarkSaharibhis tyakSyataH prANasaMgraham 5035062a bhartur bhaktiM puraskRtya rAmAd anyasya vAnara 5035062c nAhaM spraSTuM padA gAtram iccheyaM vAnarottama 5035063a yad ahaM gAtrasaMsparzaM rAvaNasya gatA balAt 5035063c anIzA kiM kariSyAmi vinAthA vivazA satI 5035064a yadi rAmo dazagrIvam iha hatvA sarAkSasaM 5035064c mAm ito gRhya gaccheta tat tasya sadRzaM bhavet 5035065a zrutA hi dRSTAz ca mayA parAkramA; mahAtmanas tasya raNAvamardinaH 5035065c na devagandharvabhujaMgarAkSasA; bhavanti rAmeNa samA hi saMyuge 5035066a samIkSya taM saMyati citrakArmukaM; mahAbalaM vAsavatulyavikramam 5035066c salakSmaNaM ko viSaheta rAghavaM; hutAzanaM dIptam ivAnileritam 5035067a salakSmaNaM rAghavam AjimardanaM; dizAgajaM mattam iva vyavasthitam 5035067c saheta ko vAnaramukhya saMyuge; yugAntasUryapratimaM zarArciSam 5035068a sa me harizreSTha salakSmaNaM patiM; sayUthapaM kSipram ihopapAdaya 5035068c cirAya rAmaM prati zokakarzitAM; kuruSva mAM vAnaramukhya harSitAm 5036001a tataH sa kapizArdUlas tena vAkyena harSitaH 5036001c sItAm uvAca tac chrutvA vAkyaM vAkyavizAradaH 5036002a yuktarUpaM tvayA devi bhASitaM zubhadarzane 5036002c sadRzaM strIsvabhAvasya sAdhvInAM vinayasya ca 5036003a strItvaM na tu samarthaM hi sAgaraM vyativartitum 5036003c mAm adhiSThAya vistIrNaM zatayojanam Ayatam 5036004a dvitIyaM kAraNaM yac ca bravISi vinayAnvite 5036004c rAmAd anyasya nArhAmi saMsparzam iti jAnaki 5036005a etat te devi sadRzaM patnyAs tasya mahAtmanaH 5036005c kA hy anyA tvAm Rte devi brUyAd vacanam IdRzam 5036006a zroSyate caiva kAkutsthaH sarvaM niravazeSataH 5036006c ceSTitaM yat tvayA devi bhASitaM mama cAgrataH 5036007a kAraNair bahubhir devi rAma priyacikIrSayA 5036007c snehapraskannamanasA mayaitat samudIritam 5036008a laGkAyA duSpravezatvAd dustaratvAn mahodadheH 5036008c sAmarthyAd Atmanaz caiva mayaitat samudAhRtam 5036009a icchAmi tvAM samAnetum adyaiva raghubandhunA 5036009c gurusnehena bhaktyA ca nAnyathA tad udAhRtam 5036010a yadi notsahase yAtuM mayA sArdham anindite 5036010c abhijJAnaM prayaccha tvaM jAnIyAd rAghavo hi yat 5036011a evam uktA hanumatA sItA surasutopamA 5036011c uvAca vacanaM mandaM bASpapragrathitAkSaram 5036012a idaM zreSTham abhijJAnaM brUyAs tvaM tu mama priyam 5036012c zailasya citrakUTasya pAde pUrvottare tadA 5036013a tApasAzramavAsinyAH prAjyamUlaphalodake 5036013c tasmin siddhAzrame deze mandAkinyA adUrataH 5036014a tasyopavanaSaNDeSu nAnApuSpasugandhiSu 5036014c vihRtya salilaklinnA tavAGke samupAvizam 5036015a paryAyeNa prasuptaz ca mamAGke bharatAgrajaH 5036016a tato mAMsasamAyukto vAyasaH paryatuNDayat 5036016c tam ahaM loSTam udyamya vArayAmi sma vAyasaM 5036017a dArayan sa ca mAM kAkas tatraiva parilIyate 5036017c na cApy uparaman mAMsAd bhakSArthI balibhojanaH 5036018a utkarSantyAM ca razanAM kruddhAyAM mayi pakSiNe 5036018c sraMsamAne ca vasane tato dRSTA tvayA hy aham 5036019a tvayA vihasitA cAhaM kruddhA saMlajjitA tadA 5036019c bhakSya gRddhena kAlena dAritA tvAm upAgatA 5036020a AsInasya ca te zrAntA punar utsaGgam Avizam 5036020c krudhyantI ca prahRSTena tvayAhaM parisAntvitA 5036021a bASpapUrNamukhI mandaM cakSuSI parimArjatI 5036021c lakSitAhaM tvayA nAtha vAyasena prakopitA 5036022a AzIviSa iva kruddhaH zvasAn vAkyam abhASathAH 5036022c kena te nAganAsoru vikSataM vai stanAntaram 5036022e kaH krIDati saroSeNa paJcavaktreNa bhoginA 5036023a vIkSamANas tatas taM vai vAyasaM samavaikSathAH 5036023c nakhaiH sarudhirais tIkSNair mAm evAbhimukhaM sthitam 5036024a putraH kila sa zakrasya vAyasaH patatAM varaH 5036024c dharAntaracaraH zIghraM pavanasya gatau samaH 5036025a tatas tasmin mahAbAhuH kopasaMvartitekSaNaH 5036025c vAyase kRtavAn krUrAM matiM matimatAM vara 5036026a sa darbhasaMstarAd gRhya brahmaNo 'streNa yojayaH 5036026c sa dIpta iva kAlAgnir jajvAlAbhimukho dvijam 5036027a cikSepitha pradIptAM tAm iSIkAM vAyasaM prati 5036027c anusRSTas tadA kAlo jagAma vividhAM gatim 5036027e trANakAma imaM lokaM sarvaM vai vicacAra ha 5036028a sa pitrA ca parityaktaH suraiH sarvair maharSibhiH 5036028c trI&l lokAn saMparikramya tvAm eva zaraNaM gataH 5036029a taM tvaM nipatitaM bhUmau zaraNyaH zaraNAgatam 5036029c vadhArham api kAkutstha kRpayA paryapAlayaH 5036029e na zarma labdhvA lokeSu tvAm eva zaraNaM gataH 5036030a paridyUnaM viSaNNaM ca sa tvam AyAntam uktavAn 5036030c moghaM kartuM na zakyaM tu brAhmam astraM tad ucyatAm 5036031a tatas tasyAkSi kAkasya hinasti sma sa dakSiNam 5036032a sa te tadA namaskRtvA rAjJe dazarathAya ca 5036032c tvayA vIra visRSTas tu pratipede svam Alayam 5036033a matkRte kAkamAtre 'pi brahmAstraM samudIritam 5036033c kasmAd yo mAM harat tvattaH kSamase taM mahIpate 5036034a sa kuruSva mahotsAhaM kRpAM mayi nararSabha 5036034c AnRzaMsyaM paro dharmas tvatta eva mayA zrutaH 5036035a jAnAmi tvAM mahAvIryaM mahotsAhaM mahAbalam 5036035c apArapAram akSobhyaM gAmbhIryAt sAgaropamam 5036035e bhartAraM sasamudrAyA dharaNyA vAsavopamam 5036036a evam astravidAM zreSThaH sattvavAn balavAn api 5036036c kimartham astraM rakSaHsu na yojayasi rAghava 5036037a na nAgA nApi gandharvA nAsurA na marudgaNAH 5036037c rAmasya samare vegaM zaktAH prati samAdhitum 5036038a tasyA vIryavataH kaz cid yady asti mayi saMbhramaH 5036038c kimarthaM na zarais tIkSNaiH kSayaM nayati rAkSasAn 5036039a bhrAtur Adezam AdAya lakSmaNo vA paraMtapaH 5036039c kasya hetor na mAM vIraH paritrAti mahAbalaH 5036040a yadi tau puruSavyAghrau vAyvindrasamatejasau 5036040c surANAm api durdharSo kimarthaM mAm upekSataH 5036041a mamaiva duSkRtaM kiM cin mahad asti na saMzayaH 5036041c samarthAv api tau yan mAM nAvekSete paraMtapau 5036042a kausalyA lokabhartAraM suSuve yaM manasvinI 5036042c taM mamArthe sukhaM pRccha zirasA cAbhivAdaya 5036043a srajaz ca sarvaratnAni priyA yAz ca varAGganAH 5036043c aizvaryaM ca vizAlAyAM pRthivyAm api durlabham 5036044a pitaraM mAtaraM caiva saMmAnyAbhiprasAdya ca 5036044c anupravrajito rAmaM sumitrA yena suprajAH 5036044e AnukUlyena dharmAtmA tyaktvA sukham anuttamam 5036045a anugacchati kAkutsthaM bhrAtaraM pAlayan vane 5036045c siMhaskandho mahAbAhur manasvI priyadarzanaH 5036046a pitRvad vartate rAme mAtRvan mAM samAcaran 5036046c hriyamANAM tadA vIro na tu mAM veda lakSmaNaH 5036047a vRddhopasevI lakSmIvAJ zakto na bahubhASitA 5036047c rAjaputraH priyazreSThaH sadRzaH zvazurasya me 5036048a mattaH priyataro nityaM bhrAtA rAmasya lakSmaNaH 5036048c niyukto dhuri yasyAM tu tAm udvahati vIryavAn 5036049a yaM dRSTvA rAghavo naiva vRddham Aryam anusmarat 5036049c sa mamArthAya kuzalaM vaktavyo vacanAn mama 5036049e mRdur nityaM zucir dakSaH priyo rAmasya lakSmaNaH 5036050a idaM brUyAz ca me nAthaM zUraM rAmaM punaH punaH 5036050c jIvitaM dhArayiSyAmi mAsaM dazarathAtmaja 5036050e UrdhvaM mAsAn na jIveyaM satyenAhaM bravImi te 5036051a rAvaNenoparuddhAM mAM nikRtyA pApakarmaNA 5036051c trAtum arhasi vIra tvaM pAtAlAd iva kauzikIm 5036052a tato vastragataM muktvA divyaM cUDAmaNiM zubham 5036052c pradeyo rAghavAyeti sItA hanumate dadau 5036053a pratigRhya tato vIro maNiratnam anuttamam 5036053c aGgulyA yojayAm Asa na hy asyA prAbhavad bhujaH 5036054a maNiratnaM kapivaraH pratigRhyAbhivAdya ca 5036054c sItAM pradakSiNaM kRtvA praNataH pArzvataH sthitaH 5036055a harSeNa mahatA yuktaH sItAdarzanajena saH 5036055c hRdayena gato rAmaM zarIreNa tu viSThitaH 5036056a maNivaram upagRhya taM mahArhaM; janakanRpAtmajayA dhRtaM prabhAvAt 5036056c girivarapavanAvadhUtamuktaH; sukhitamanAH pratisaMkramaM prapede 5037001a maNiM dattvA tataH sItA hanUmantam athAbravIt 5037001c abhijJAnam abhijJAtam etad rAmasya tattvataH 5037002a maNiM tu dRSTvA rAmo vai trayANAM saMsmariSyati 5037002c vIro jananyA mama ca rAjJo dazarathasya ca 5037003a sa bhUyas tvaM samutsAhe codito harisattama 5037003c asmin kAryasamArambhe pracintaya yaduttaram 5037004a tvam asmin kAryaniryoge pramANaM harisattama 5037004c tasya cintaya yo yatno duHkhakSayakaro bhavet 5037005a sa tatheti pratijJAya mArutir bhImavikramaH 5037005c zirasAvandya vaidehIM gamanAyopacakrame 5037006a jJAtvA saMprasthitaM devI vAnaraM mArutAtmajam 5037006c bASpagadgadayA vAcA maithilI vAkyam abravIt 5037007a kuzalaM hanuman brUyAH sahitau rAmalakSmaNau 5037007c sugrIvaM ca sahAmAtyaM vRddhAn sarvAMz ca vAnarAn 5037008a yathA ca sa mahAbAhur mAM tArayati rAghavaH 5037008c asmAd duHkhAmbusaMrodhAt tvaM samAdhAtum arhasi 5037009a jIvantIM mAM yathA rAmaH saMbhAvayati kIrtimAn 5037009c tat tvayA hanuman vAcyaM vAcA dharmam avApnuhi 5037010a nityam utsAhayuktAz ca vAcaH zrutvA mayeritAH 5037010c vardhiSyate dAzaratheH pauruSaM madavAptaye 5037011a matsaMdezayutA vAcas tvattaH zrutvaiva rAghavaH 5037011c parAkramavidhiM vIro vidhivat saMvidhAsyati 5037012a sItAyAs tad vacaH zrutvA hanumAn mArutAtmajaH 5037012c zirasy aJjalim AdhAya vAkyam uttaram abravIt 5037013a kSipram eSyati kAkutstho haryRkSapravarair vRtaH 5037013c yas te yudhi vijityArIJ zokaM vyapanayiSyati 5037014a na hi pazyAmi martyeSu nAmareSv asureSu vA 5037014c yas tasya vamato bANAn sthAtum utsahate 'grataH 5037015a apy arkam api parjanyam api vaivasvataM yamam 5037015c sa hi soDhuM raNe zaktas tavahetor vizeSataH 5037016a sa hi sAgaraparyantAM mahIM zAsitum Ihate 5037016c tvan nimitto hi rAmasya jayo janakanandini 5037017a tasya tad vacanaM zrutvA samyak satyaM subhASitam 5037017c jAnakI bahu mene 'tha vacanaM cedam abravIt 5037018a tatas taM prasthitaM sItA vIkSamANA punaH punaH 5037018c bhartuH snehAnvitaM vAkyaM sauhArdAd anumAnayat 5037019a yadi vA manyase vIra vasaikAham ariMdama 5037019c kasmiMz cit saMvRte deze vizrAntaH zvo gamiSyasi 5037020a mama ced alpabhAgyAyAH sAmnidhyAt tava vIryavAn 5037020c asya zokasya mahato muhUrtaM mokSaNaM bhavet 5037021a gate hi harizArdUla punarAgamanAya tu 5037021c prANAnAm api saMdeho mama syAn nAtra saMzayaH 5037022a tavAdarzanajaH zoko bhUyo mAM paritApayet 5037022c duHkhAd duHkhaparAmRSTAM dIpayann iva vAnara 5037023a ayaM ca vIra saMdehas tiSThatIva mamAgrataH 5037023c sumahAMs tvatsahAyeSu haryRkSeSu harIzvara 5037024a kathaM nu khalu duSpAraM tariSyanti mahodadhim 5037024c tAni haryRkSasainyAni tau vA naravarAtmajau 5037025a trayANAm eva bhUtAnAM sAgarasyeha laGghane 5037025c zaktiH syAd vainateyasya tava vA mArutasya vA 5037026a tad asmin kAryaniryoge vIraivaM duratikrame 5037026c kiM pazyasi samAdhAnaM tvaM hi kAryavidAM varaH 5037027a kAmam asya tvam evaikaH kAryasya parisAdhane 5037027c paryAptaH paravIraghna yazasyas te balodayaH 5037028a balaiH samagrair yadi mAM rAvaNaM jitya saMyuge 5037028c vijayI svapuraM yAyAt tat tu me syAd yazaskaram 5037029a balais tu saMkulAM kRtvA laGkAM parabalArdanaH 5037029c mAM nayed yadi kAkutsthas tat tasya sadRzaM bhavet 5037030a tad yathA tasya vikrAntam anurUpaM mahAtmanaH 5037030c bhaved Ahava zUrasya tathA tvam upapAdaya 5037031a tad arthopahitaM vAkyaM sahitaM hetusaMhitam 5037031c nizamya hanumAJ zeSaM vAkyam uttaram abravIt 5037032a devi haryRkSasainyAnAm IzvaraH plavatAM varaH 5037032c sugrIvaH sattvasaMpannas tavArthe kRtanizcayaH 5037033a sa vAnarasahasrANAM koTIbhir abhisaMvRtaH 5037033c kSipram eSyati vaidehi rAkSasAnAM nibarhaNaH 5037034a tasya vikramasaMpannAH sattvavanto mahAbalAH 5037034c manaHsaMkalpasaMpAtA nideze harayaH sthitAH 5037035a yeSAM nopari nAdhastAn na tiryak sajjate gatiH 5037035c na ca karmasu sIdanti mahatsv amitatejasaH 5037036a asakRt tair mahotsahaiH sasAgaradharAdharA 5037036c pradakSiNIkRtA bhUmir vAyumArgAnusAribhiH 5037037a madviziSTAz ca tulyAz ca santi tatra vanaukasaH 5037037c mattaH pratyavaraH kaz cin nAsti sugrIvasaMnidhau 5037038a ahaM tAvad iha prAptaH kiM punas te mahAbalAH 5037038c na hi prakRSTAH preSyante preSyante hItare janAH 5037039a tad alaM paritApena devi zoko vyapaitu te 5037039c ekotpAtena te laGkAm eSyanti hariyUthapAH 5037040a mama pRSThagatau tau ca candrasUryAv ivoditau 5037040c tvatsakAzaM mahAsattvau nRsiMhAv AgamiSyataH 5037041a tau hi vIrau naravarau sahitau rAmalakSmaNau 5037041c Agamya nagarIM laGkAM sAyakair vidhamiSyataH 5037042a sagaNaM rAvaNaM hatvA rAghavo raghunandanaH 5037042c tvAm AdAya varArohe svapuraM pratiyAsyati 5037043a tad Azvasihi bhadraM te bhava tvaM kAlakAGkSiNI 5037043c nacirAd drakSyase rAmaM prajvajantam ivAnilam 5037044a nihate rAkSasendre ca saputrAmAtyabAndhave 5037044c tvaM sameSyasi rAmeNa zazAGkeneva rohiNI 5037045a kSipraM tvaM devi zokasya pAraM yAsyasi maithili 5037045c rAvaNaM caiva rAmeNa nihataM drakSyase 'cirAt 5037046a evam Azvasya vaidehIM hanUmAn mArutAtmajaH 5037046c gamanAya matiM kRtvA vaidehIM punar abravIt 5037047a tam arighnaM kRtAtmAnaM kSipraM drakSyasi rAghavam 5037047c lakSmaNaM ca dhanuSpANiM laGkAdvAram upasthitam 5037048a nakhadaMSTrAyudhAn vIrAn siMhazArdUlavikramAn 5037048c vAnarAn vAraNendrAbhAn kSipraM drakSyasi saMgatAn 5037049a zailAmbudanikAzAnAM laGkAmalayasAnuSu 5037049c nardatAM kapimukhyAnAm Arye yUthAny anekazaH 5037050a sa tu marmaNi ghoreNa tADito manmatheSuNA 5037050c na zarma labhate rAmaH siMhArdita iva dvipaH 5037051a mA rudo devi zokena mA bhUt te manaso 'priyam 5037051c zacIva pathyA zakreNa bhartrA nAthavatI hy asi 5037052a rAmAd viziSTaH ko 'nyo 'sti kaz cit saumitriNA samaH 5037052c agnimArutakalpau tau bhrAtarau tava saMzrayau 5037053a nAsmiMz ciraM vatsyasi devi deze; rakSogaNair adhyuSito 'tiraudre 5037053c na te cirAd AgamanaM priyasya; kSamasva matsaMgamakAlamAtram 5038001a zrutvA tu vacanaM tasya vAyusUnor mahAtmanaH 5038001c uvAcAtmahitaM vAkyaM sItA surasutopamA 5038002a tvAM dRSTvA priyavaktAraM saMprahRSyAmi vAnara 5038002c ardhasaMjAtasasyeva vRSTiM prApya vasuMdharA 5038003a yathA taM puruSavyAghraM gAtraiH zokAbhikarzitaiH 5038003c saMspRzeyaM sakAmAhaM tathA kuru dayAM mayi 5038004a abhijJAnaM ca rAmasya dattaM harigaNottama 5038004c kSiptAm ISikAM kAkasya kopAd ekAkSizAtanIm 5038005a manaHzilAyAs tikalo gaNDapArzve nivezitaH 5038005c tvayA pranaSTe tilake taM kila smartum arhasi 5038006a sa vIryavAn kathaM sItAM hRtAM samanumanyase 5038006c vasantIM rakSasAM madhye mahendravaruNopama 5038007a eSa cUDAmaNir divyo mayA suparirakSitaH 5038007c etaM dRSTvA prahRSyAmi vyasane tvAm ivAnagha 5038008a eSa niryAtitaH zrImAn mayA te vArisaMbhavaH 5038008c ataH paraM na zakSyAmi jIvituM zokalAlasA 5038009a asahyAni ca duHkhAni vAcaz ca hRdayacchidaH 5038009c rAkSasInAM sughorANAM tvatkRte marSayAmy aham 5038010a dhArayiSyAmi mAsaM tu jIvitaM zatrusUdana 5038010c mAsAd UrdhvaM na jIviSye tvayA hInA nRpAtmaja 5038011a ghoro rAkSasarAjo 'yaM dRSTiz ca na sukhA mayi 5038011c tvAM ca zrutvA vipadyantaM na jIveyam ahaM kSaNam 5038012a vaidehyA vacanaM zrutvA karuNaM sAzrubhASitam 5038012c athAbravIn mahAtejA hanumAn mArutAtmajaH 5038013a tvacchokavimukho rAmo devi satyena te zape 5038013c rAme zokAbhibhUte tu lakSmaNaH paritapyate 5038014a dRSTA kathaM cid bhavatI na kAlaH parizocitum 5038014c imaM muhUrtaM duHkhAnAm antaM drakSyasi bhAmini 5038015a tAv ubhau puruSavyAghrau rAjaputrAv aninditau 5038015c tvaddarzanakRtotsAhau laGkAM bhasmIkariSyataH 5038016a hatvA tu samare krUraM rAvaNaM saha bAndhavam 5038016c rAghavau tvAM vizAlAkSi svAM purIM prApayiSyataH 5038017a yat tu rAmo vijAnIyAd abhijJAnam anindite 5038017c prItisaMjananaM tasya bhUyas tvaM dAtum arhasi 5038018a sAbravId dattam eveha mayAbhijJAnam uttamam 5038018c etad eva hi rAmasya dRSTvA matkezabhUSaNam 5038018e zraddheyaM hanuman vAkyaM tava vIra bhaviSyati 5038019a sa taM maNivaraM gRhya zrImAn plavagasattamaH 5038019c praNamya zirasA devIM gamanAyopacakrame 5038020a tam utpAtakRtotsAham avekSya haripuMgavam 5038020c vardhamAnaM mahAvegam uvAca janakAtmajA 5038020e azrupUrNamukhI dInA bASpagadgadayA girA 5038021a hanUman siMhasaMkAzau bhrAtarau rAmalakSmaNau 5038021c sugrIvaM ca sahAmAtyaM sarvAn brUyA anAmayam 5038022a yathA ca sa mahAbAhur mAM tArayati rAghavaH 5038022c asmAd duHkhAmbusaMrodhAt tat samAdhAtum arhasi 5038023a imaM ca tIvraM mama zokavegaM; rakSobhir ebhiH paribhartsanaM ca 5038023c brUyAs tu rAmasya gataH samIpaM; zivaz ca te 'dhvAstu haripravIra 5038024a sa rAjaputryA prativeditArthaH; kapiH kRtArthaH parihRSTacetAH 5038024c tad alpazeSaM prasamIkSya kAryaM; dizaM hy udIcIM manasA jagAma 5039001a sa ca vAgbhiH prazastAbhir gamiSyan pUjitas tayA 5039001c tasmAd dezAd apakramya cintayAm Asa vAnaraH 5039002a alpazeSam idaM kAryaM dRSTeyam asitekSaNA 5039002c trIn upAyAn atikramya caturtha iha dRzyate 5039003a na sAma rakSaHsu guNAya kalpate; na danam arthopaciteSu vartate 5039003c na bhedasAdhyA baladarpitA janAH; parAkramas tv eSa mameha rocate 5039004a na cAsya kAryasya parAkramAd Rte; vinizcayaH kaz cid ihopapadyate 5039004c hRtapravIrAs tu raNe hi rAkSasAH; kathaM cid Iyur yad ihAdya mArdavam 5039005a kArye karmaNi nirdiSTo yo bahUny api sAdhayet 5039005c pUrvakAryavirodhena sa kAryaM kartum arhati 5039006a na hy ekaH sAdhako hetuH svalpasyApIha karmaNaH 5039006c yo hy arthaM bahudhA veda sa samartho 'rthasAdhane 5039007a ihaiva tAvat kRtanizcayo hy ahaM; yadi vrajeyaM plavagezvarAlayam 5039007c parAtmasaMmarda vizeSatattvavit; tataH kRtaM syAn mama bhartRzAsanam 5039008a kathaM nu khalv adya bhavet sukhAgataM; prasahya yuddhaM mama rAkSasaiH saha 5039008c tathaiva khalv AtmabalaM ca sAravat; samAnayen mAM ca raNe dazAnanaH 5039009a idam asya nRzaMsasya nandanopamam uttamam 5039009c vanaM netramanaHkAntaM nAnAdrumalatAyutam 5039010a idaM vidhvaMsayiSyAmi zuSkaM vanam ivAnalaH 5039010c asmin bhagne tataH kopaM kariSyati sa rAvaNaH 5039011a tato mahat sAzvamahArathadvipaM; balaM samAneSv api rAkSasAdhipaH 5039011c trizUlakAlAyasapaTTizAyudhaM; tato mahad yuddham idaM bhaviSyati 5039012a ahaM tu taiH saMyati caNDavikramaiH; sametya rakSobhir asaMgavikramaH 5039012c nihatya tad rAvaNacoditaM balaM; sukhaM gamiSyAmi kapIzvarAlayam 5039013a tato mArutavat kruddho mArutir bhImavikramaH 5039013c Uruvegena mahatA drumAn kSeptum athArabhat 5039014a tatas tad dhanumAn vIro babhaJja pramadAvanam 5039014c mattadvijasamAghuSTaM nAnAdrumalatAyutam 5039015a tad vanaM mathitair vRkSair bhinnaiz ca salilAzayaiH 5039015c cUrNitaiH parvatAgraiz ca babhUvApriyadarzanam 5039016a latAgRhaiz citragRhaiz ca nAzitair; mahoragair vyAlamRgaiz ca nirdhutaiH 5039016c zilAgRhair unmathitais tathA gRhaiH; pranaSTarUpaM tad abhUn mahad vanam 5039017a sa tasya kRtvArthapater mahAkapir; mahad vyalIkaM manaso mahAtmanaH 5039017c yuyutsur eko bahubhir mahAbalaiH; zriyA jvalaMs toraNam AzritaH kapiH 5040001a tataH pakSininAdena vRkSabhaGgasvanena ca 5040001c babhUvus trAsasaMbhrAntAH sarve laGkAnivAsinaH 5040002a vidrutAz ca bhayatrastA vinedur mRgapakSuNaH 5040002c rakSasAM ca nimittAni krUrANi pratipedire 5040003a tato gatAyAM nidrAyAM rAkSasyo vikRtAnanAH 5040003c tad vanaM dadRzur bhagnaM taM ca vIraM mahAkapim 5040004a sa tA dRSTva mahAbAhur mahAsattvo mahAbalaH 5040004c cakAra sumahad rUpaM rAkSasInAM bhayAvaham 5040005a tatas taM girisaMkAzam atikAyaM mahAbalam 5040005c rAkSasyo vAnaraM dRSTvA papracchur janakAtmajAm 5040006a ko 'yaM kasya kuto vAyaM kiMnimittam ihAgataH 5040006c kathaM tvayA sahAnena saMvAdaH kRta ity uta 5040007a AcakSva no vizAlAkSi mA bhUt te subhage bhayam 5040007c saMvAdam asitApAGge tvayA kiM kRtavAn ayam 5040008a athAbravIt tadA sAdhvI sItA sarvAGgazobhanA 5040008c rakSasAM kAmarUpANAM vijJAne mama kA gatiH 5040009a yUyam evAsya jAnIta yo 'yaM yad vA kariSyati 5040009c ahir eva aheH pAdAn vijAnAti na saMzayaH 5040010a aham apy asya bhItAsmi nainaM jAnAmi ko 'nvayam 5040010c vedmi rAkSasam evainaM kAmarUpiNam Agatam 5040011a vaidehyA vacanaM zrutvA rAkSasyo vidrutA drutam 5040011c sthitAH kAz cid gatAH kAz cid rAvaNAya niveditum 5040012a rAvaNasya samIpe tu rAkSasyo vikRtAnanAH 5040012c virUpaM vAnaraM bhImam AkhyAtum upacakramuH 5040013a azokavanikA madhye rAjan bhImavapuH kapiH 5040013c sItayA kRtasaMvAdas tiSThaty amitavikramaH 5040014a na ca taM jAnakI sItA hariM hariNalocaNA 5040014c asmAbhir bahudhA pRSTA nivedayitum icchati 5040015a vAsavasya bhaved dUto dUto vaizravaNasya vA 5040015c preSito vApi rAmeNa sItAnveSaNakAGkSayA 5040016a tena tvadbhUtarUpeNa yat tat tava manoharam 5040016c nAnAmRgagaNAkIrNaM pramRSTaM pramadAvanam 5040017a na tatra kaz cid uddezo yas tena na vinAzitaH 5040017c yatra sA jAnakI sItA sa tena na vinAzitaH 5040018a jAnakIrakSaNArthaM vA zramAd vA nopalabhyate 5040018c atha vA kaH zramas tasya saiva tenAbhirakSitA 5040019a cArupallavapatrADhyaM yaM sItA svayam AsthitA 5040019c pravRddhaH ziMzapAvRkSaH sa ca tenAbhirakSitaH 5040020a tasyograrUpasyograM tvaM daNDam AjJAtum arhasi 5040020c sItA saMbhASitA yena tad vanaM ca vinAzitam 5040021a manaHparigRhItAM tAM tava rakSogaNezvara 5040021c kaH sItAm abhibhASeta yo na syAt tyaktajIvitaH 5040022a rAkSasInAM vacaH zrutvA rAvaNo rAkSasezvaraH 5040022c hutAgir iva jajvAla kopasaMvartitekSaNaH 5040023a AtmanaH sadRzAJ zUrAn kiMkarAn nAma rAkSasAn 5040023c vyAdideza mahAtejA nigrahArthaM hanUmataH 5040024a teSAm azItisAhasraM kiMkarANAM tarasvinAm 5040024c niryayur bhavanAt tasmAt kUTamudgarapANayaH 5040025a mahodarA mahAdaMSTrA ghorarUpA mahAbalAH 5040025c yuddhAbhimanasaH sarve hanUmadgrahaNonmukhAH 5040026a te kapiM taM samAsAdya toraNastham avasthitam 5040026c abhipetur mahAvegAH pataGgA iva pAvakam 5040027a te gadAbhir vicitrAbhiH parighaiH kAJcanAGgadaiH 5040027c Ajaghnur vAnarazreSThaM zarair AdityasaMnibhaiH 5040028a hanUmAn api tejasvI zrImAn parvatasaMnibhaH 5040028c kSitAv Avidhya lAGgUlaM nanAda ca mahAsvanam 5040029a tasya saMnAdazabdena te 'bhavan bhayazaGkitAH 5040029c dadRzuz ca hanUmantaM saMdhyAmegham ivonnatam 5040030a svAmisaMdezaniHzaGkAs tatas te rAkSasAH kapim 5040030c citraiH praharaNair bhImair abhipetus tatas tataH 5040031a sa taiH parivRtaH zUraiH sarvataH sa mahAbalaH 5040031c AsasAdAyasaM bhImaM parighaM toraNAzritam 5040032a sa taM parigham AdAya jaghAna rajanIcarAn 5040033a sa pannagam ivAdAya sphurantaM vinatAsutaH 5040033c vicacArAmbare vIraH parigRhya ca mArutiH 5040034a sa hatvA rAkSasAn vIraH kiMkarAn mArutAtmajaH 5040034c yuddhAkAGkSI punar vIras toraNaM samupasthitaH 5040035a tatas tasmAd bhayAn muktAH kati cit tatra rAkSasAH 5040035c nihatAn kiMkarAn sarvAn rAvaNAya nyavedayan 5040036a sa rAkSasAnAM nihataM mahAbalaM; nizamya rAjA parivRttalocanaH 5040036c samAdidezApratimaM parAkrame; prahastaputraM samare sudurjayam 5041001a tataH sa kiMkarAn hatvA hanUmAn dhyAnam AsthitaH 5041001c vanaM bhagnaM mayA caityaprAsAdo na vinAzitaH 5041001e tasmAt prAsAdam apy evam imaM vidhvaMsayAmy aham 5041002a iti saMcintya hanumAn manasA darzayan balam 5041002c caityaprAsAdam Aplutya meruzRGgam ivonnatam 5041002e Aruroha harizreSTho hanUmAn mArutAtmajaH 5041003a saMpradhRSya ca durdharSaz caityaprAsAdam unnatam 5041003c hanUmAn prajvala&l lakSmyA pAriyAtropamo 'bhavat 5041004a sa bhUtvA tu mahAkAyo hanUmAn mArutAtmajaH 5041004c dhRSTam AsphoTayAm Asa laGkAM zabdena pUrayan 5041005a tasyAsphoTitazabdena mahatA zrotraghAtinA 5041005c petur vihaMgA gaganAd uccaiz cedam aghoSayat 5041006a jayaty atibalo rAmo lakSmaNaz ca mahAbalaH 5041006c rAjA jayati sugrIvo rAghaveNAbhipAlitaH 5041007a dAso 'haM kosalendrasya rAmasyAkliSTakarmaNaH 5041007c hanumAJ zatrusainyAnAM nihantA mArutAtmajaH 5041008a na rAvaNasahasraM me yuddhe pratibalaM bhavet 5041008c zilAbhis tu praharataH pAdapaiz ca sahasrazaH 5041009a ardayitvA purIM laGkAm abhivAdya ca maithilIm 5041009c samRddhArtho gamiSyAmi miSatAM sarvarakSasAm 5041010a evam uktvA vimAnasthaz caityasthAn haripuMgavaH 5041010c nanAda bhImanirhrAdo rakSasAM janayan bhayam 5041011a tena zabdena mahatA caityapAlAH zataM yayuH 5041011c gRhItvA vividhAn astrAn prAsAn khaDgAn parazvadhAn 5041011e visRjanto mahAkSayA mArutiM paryavArayan 5041012a Avarta iva gaGgAyAs toyasya vipulo mahAn 5041012c parikSipya harizreSThaM sa babhau rakSasAM gaNaH 5041013a tato vAtAtmajaH kruddho bhImarUpaM samAsthitaH 5041014a prAsAdasya mahAMs tasya stambhaM hemapariSkRtam 5041014c utpATayitvA vegena hanUmAn mArutAtmajaH 5041014e tatas taM bhrAmayAm Asa zatadhAraM mahAbalaH 5041015a sa rAkSasazataM hatvA vajreNendra ivAsurAn 5041015c antarikSasthitaH zrImAn idaM vacanam abravIt 5041016a mAdRzAnAM sahasrANi visRSTAni mahAtmanAm 5041016c balinAM vAnarendrANAM sugrIvavazavartinAm 5041017a zataiH zatasahasraiz ca koTIbhir ayutair api 5041017c AgamiSyati sugrIvaH sarveSAM vo niSUdanaH 5041018a neyam asti purI laGkA na yUyaM na ca rAvaNaH 5041018c yasmAd ikSvAkunAthena baddhaM vairaM mahAtmanA 5042001a saMdiSTo rAkSasendreNa prahastasya suto balI 5042001c jambumAlI mahAdaMSTro nirjagAma dhanurdharaH 5042002a raktamAlyAmbaradharaH sragvI rucirakuNDalaH 5042002c mahAn vivRttanayanaz caNDaH samaradurjayaH 5042003a dhanuH zakradhanuH prakhyaM mahad rucirasAyakam 5042003c visphArayANo vegena vajrAzanisamasvanam 5042004a tasya visphAraghoSeNa dhanuSo mahatA dizaH 5042004c pradizaz ca nabhaz caiva sahasA samapUryata 5042005a rathena kharayuktena tam Agatam udIkSya saH 5042005c hanUmAn vegasaMpanno jaharSa ca nanAda ca 5042006a taM toraNaviTaGkasthaM hanUmantaM mahAkapim 5042006c jambumAlI mahAbAhur vivyAdha nizitaiH zaraiH 5042007a ardhacandreNa vadane zirasy ekena karNinA 5042007c bAhvor vivyAdha nArAcair dazabhis taM kapIzvaram 5042008a tasya tac chuzubhe tAmraM zareNAbhihataM mukham 5042008c zaradIvAmbujaM phullaM viddhaM bhAskararazminA 5042009a cukopa bANAbhihato rAkSasasya mahAkapiH 5042009c tataH pArzve 'tivipulAM dadarza mahatIM zilAm 5042010a tarasA tAM samutpATya cikSepa balavad balI 5042010c tAM zarair dazabhiH kruddhas tADayAm Asa rAkSasaH 5042011a vipannaM karma tad dRSTvA hanUmAMz caNDavikramaH 5042011c sAlaM vipulam utpATya bhrAmayAm Asa vIryavAn 5042012a bhrAmayantaM kapiM dRSTvA sAlavRkSaM mahAbalam 5042012c cikSepa subahUn bANAJ jambumAlI mahAbalaH 5042013a sAlaM caturbhir ciccheda vAnaraM paJcabhir bhuje 5042013c urasy ekena bANena dazabhis tu stanAntare 5042014a sa zaraiH pUritatanuH krodhena mahatA vRtaH 5042014c tam eva parighaM gRhya bhrAmayAm Asa vegitaH 5042015a ativego 'tivegena bhrAmayitvA balotkaTaH 5042015c parighaM pAtayAm Asa jambumAler mahorasi 5042016a tasya caiva ziro nAsti na bAhU na ca jAnunI 5042016c na dhanur na ratho nAzvAs tatrAdRzyanta neSavaH 5042017a sa hatas tarasA tena jambumAlI mahArathaH 5042017c papAta nihato bhUmau cUrNitAGgavibhUSaNaH 5042018a jambumAliM ca nihataM kiMkarAMz ca mahAbalAn 5042018c cukrodha rAvaNaH zrutvA kopasaMraktalocanaH 5042019a sa roSasaMvartitatAmralocanaH; prahastaputre nihate mahAbale 5042019c amAtyaputrAn ativIryavikramAn; samAdidezAzu nizAcarezvaraH 5043001a tatas te rAkSasendreNa coditA mantriNaH sutAH 5043001c niryayur bhavanAt tasmAt sapta saptArcivarcasaH 5043002a mahAbalaparIvArA dhanuSmanto mahAbalAH 5043002c kRtAstrAstravidAM zreSThAH parasparajayaiSiNaH 5043003a hemajAlaparikSiptair dhvajavadbhiH patAkibhiH 5043003c toyadasvananirghoSair vAjiyuktair mahArathaiH 5043004a taptakAJcanacitrANi cApAny amitavikramAH 5043004c visphArayantaH saMhRSTAs taDidvanta ivAmbudAH 5043005a jananyas tAs tatas teSAM viditvA kiMkarAn hatAn 5043005c babhUvuH zokasaMbhrAntAH sabAndhavasuhRjjanAH 5043006a te parasparasaMgharSAs taptakAJcanabhUSaNAH 5043006c abhipetur hanUmantaM toraNastham avasthitam 5043007a sRjanto bANavRSTiM te rathagarjitaniHsvanAH 5043007c vRSTimanta ivAmbhodA vicerur nairRtarSabhAH 5043008a avakIrNas tatas tAbhir hanUmAJ zaravRSTibhiH 5043008c abhavat saMvRtAkAraH zailarAD iva vRSTibhiH 5043009a sa zarAn vaJcayAm Asa teSAm AzucaraH kapiH 5043009c rathavegAMz ca vIrANAM vicaran vimale 'mbare 5043010a sa taiH krIDan dhanuSmadbhir vyomni vIraH prakAzate 5043010c dhanuSmadbhir yathA meghair mArutaH prabhur ambare 5043011a sa kRtvA ninadaM ghoraM trAsayaMs tAM mahAcamUm 5043011c cakAra hanumAn vegaM teSu rakSaHsu vIryavAn 5043012a talenAbhihanat kAMz cit pAdaiH kAMz cit paraMtapaH 5043012c muSTinAbhyahanat kAMz cin nakhaiH kAMz cid vyadArayat 5043013a pramamAthorasA kAMz cid UrubhyAm aparAn kapiH 5043013c ke cit tasyaiva nAdena tatraiva patitA bhuvi 5043014a tatas teSv avapanneSu bhUmau nipatiteSu ca 5043014c tat sainyam agamat sarvaM dizo dazabhayArditam 5043015a vinedur visvaraM nAgA nipetur bhuvi vAjinaH 5043015c bhagnanIDadhvajacchatrair bhUz ca kIrNAbhavad rathaiH 5043016a sa tAn pravRddhAn vinihatya rAkSasAn; mahAbalaz caNDaparAkramaH kapiH 5043016c yuyutsur anyaiH punar eva rAkSasais; tad eva vIro 'bhijagAma toraNam 5044001a hatAn mantrisutAn buddhvA vAnareNa mahAtmanA 5044001c rAvaNaH saMvRtAkAraz cakAra matim uttamAm 5044002a sa virUpAkSayUpAkSau durdharaM caiva rAkSasaM 5044002c praghasaM bhAsakarNaM ca paJcasenAgranAyakAn 5044003a saMdideza dazagrIvo vIrAn nayavizAradAn 5044003c hanUmadgrahaNe vyagrAn vAyuvegasamAn yudhi 5044004a yAta senAgragAH sarve mahAbalaparigrahAH 5044004c savAjirathamAtaGgAH sa kapiH zAsyatAm iti 5044005a yat taiz ca khalu bhAvyaM syAt tam AsAdya vanAlayam 5044005c karma cApi samAdheyaM dezakAlavirodhitam 5044006a na hy ahaM taM kapiM manye karmaNA pratitarkayan 5044006c sarvathA tan mahad bhUtaM mahAbalaparigraham 5044006e bhaved indreNa vA sRSTam asmadarthaM tapobalAt 5044007a sanAgayakSagandharvA devAsuramaharSayaH 5044007c yuSmAbhiH sahitaiH sarvair mayA saha vinirjitAH 5044008a tair avazyaM vidhAtavyaM vyalIkaM kiM cid eva naH 5044008c tad eva nAtra saMdehaH prasahya parigRhyatAm 5044009a nAvamanyo bhavadbhiz ca hariH krUraparAkramaH 5044009c dRSTA hi harayaH zIghrA mayA vipulavikramAH 5044010a vAlI ca saha sugrIvo jAmbavAMz ca mahAbalaH 5044010c nIlaH senApatiz caiva ye cAnye dvividAdayaH 5044011a naiva teSAM gatir bhImA na tejo na parAkramaH 5044011c na matir na balotsAho na rUpaparikalpanam 5044012a mahat sattvam idaM jJeyaM kapirUpaM vyavasthitam 5044012c prayatnaM mahad AsthAya kriyatAm asya nigrahaH 5044013a kAmaM lokAs trayaH sendrAH sasurAsuramAnavAH 5044013c bhavatAm agrataH sthAtuM na paryAptA raNAjire 5044014a tathApi tu nayajJena jayam AkAGkSatA raNe 5044014c AtmA rakSyaH prayatnena yuddhasiddhir hi caJcalA 5044015a te svAmivacanaM sarve pratigRhya mahaujasaH 5044015c samutpetur mahAvegA hutAzasamatejasaH 5044016a rathaiz ca mattair nAgaiz ca vAjibhiz ca mahAjavaiH 5044016c zastraiz ca vividhais tIkSNaiH sarvaiz copacitA balaiH 5044017a tatas taM dadRzur vIrA dIpyamAnaM mahAkapim 5044017c razmimantam ivodyantaM svatejorazmimAlinam 5044018a toraNasthaM mahAvegaM mahAsattvaM mahAbalam 5044018c mahAmatiM mahotsAhaM mahAkAyaM mahAbalam 5044019a taM samIkSyaiva te sarve dikSu sarvAsv avasthitAH 5044019c tais taiH praharaNair bhImair abhipetus tatas tataH 5044020a tasya paJcAyasAs tIkSNAH sitAH pItamukhAH zarAH 5044020c zirasty utpalapatrAbhA durdhareNa nipAtitAH 5044021a sa taiH paJcabhir AviddhaH zaraiH zirasi vAnaraH 5044021c utpapAta nadan vyomni dizo daza vinAdayan 5044022a tatas tu durdharo vIraH sarathaH sajjakArmukaH 5044022c kiraJ zarazatair naikair abhipede mahAbalaH 5044023a sa kapir vArayAm Asa taM vyomni zaravarSiNam 5044023c vRSTimantaM payodAnte payodam iva mArutaH 5044024a ardyamAnas tatas tena durdhareNAnilAtmajaH 5044024c cakAra ninadaM bhUyo vyavardhata ca vegavAn 5044025a sa dUraM sahasotpatya durdharasya rathe hariH 5044025c nipapAta mahAvego vidyudrAzir girAv iva 5044026a tatas taM mathitASTAzvaM rathaM bhagnAkSakUvaram 5044026c vihAya nyapatad bhUmau durdharas tyaktajIvitaH 5044027a taM virUpAkSayUpAkSau dRSTvA nipatitaM bhuvi 5044027c saMjAtaroSau durdharSAv utpetatur ariMdamau 5044028a sa tAbhyAM sahasotpatya viSThito vimale 'mbare 5044028c mudgarAbhyAM mahAbAhur vakSasy abhihataH kapiH 5044029a tayor vegavator vegaM vinihatya mahAbalaH 5044029c nipapAta punar bhUmau suparNasamavikramaH 5044030a sa sAlavRkSam AsAdya samutpATya ca vAnaraH 5044030c tAv ubhau rAkSasau vIrau jaghAna pavanAtmajaH 5044031a tatas tAMs trIn hatAJ jJAtvA vAnareNa tarasvinA 5044031c abhipede mahAvegaH prasahya praghaso harim 5044032a bhAsakarNaz ca saMkruddhaH zUlam AdAya vIryavAn 5044032c ekataH kapizArdUlaM yazasvinam avasthitau 5044033a paTTizena zitAgreNa praghasaH pratyapothayat 5044033c bhAsakarNaz ca zUlena rAkSasaH kapisattamam 5044034a sa tAbhyAM vikSatair gAtrair asRgdigdhatanUruhaH 5044034c abhavad vAnaraH kruddho bAlasUryasamaprabhaH 5044035a samutpATya gireH zRGgaM samRgavyAlapAdapam 5044035c jaghAna hanumAn vIro rAkSasau kapikuJjaraH 5044036a tatas teSv avasanneSu senApatiSu paJcasu 5044036c balaM tad avazeSaM tu nAzayAm Asa vAnaraH 5044037a azvair azvAn gajair nAgAn yodhair yodhAn rathai rathAn 5044037c sa kapir nAzayAm Asa sahasrAkSa ivAsurAn 5044038a hatair nAgaiz ca turagair bhagnAkSaiz ca mahArathaiH 5044038c hataiz ca rAkSasair bhUmI ruddhamArgA samantataH 5044039a tataH kapis tAn dhvajinIpatIn raNe; nihatya vIrAn sabalAn savAhanAn 5044039c tad eva vIraH parigRhya toraNaM; kRtakSaNaH kAla iva prajAkSaye 5045001a senApatIn paJca sa tu pramApitAn; hanUmatA sAnucarAn savAhanAn 5045001c samIkSya rAjA samaroddhatonmukhaM; kumAram akSaM prasamaikSatAkSatam 5045002a sa tasya dRSTyarpaNasaMpracoditaH; pratApavAn kAJcanacitrakArmukaH 5045002c samutpapAtAtha sadasy udIrito; dvijAtimukhyair haviSeva pAvakaH 5045003a tato mahad bAladivAkaraprabhaM; prataptajAmbUnadajAlasaMtatam 5045003c rathAM samAsthAya yayau sa vIryavAn; mahAhariM taM prati nairRtarSabhaH 5045004a tatas tapaHsaMgrahasaMcayArjitaM; prataptajAmbUnadajAlazobhitam 5045004c patAkinaM ratnavibhUSitadhvajaM; manojavASTAzvavaraiH suyojitam 5045005a surAsurAdhRSyam asaMgacAriNaM; raviprabhaM vyomacaraM samAhitam 5045005c satUNam aSTAsinibaddhabandhuraM; yathAkramAvezitazaktitomaram 5045006a virAjamAnaM pratipUrNavastunA; sahemadAmnA zazisUryavarvasA 5045006c divAkarAbhaM ratham Asthitas tataH; sa nirjagAmAmaratulyavikramaH 5045007a sa pUrayan khaM ca mahIM ca sAcalAM; turaMgamataGgamahArathasvanaiH 5045007c balaiH sametaiH sa hi toraNasthitaM; samartham AsInam upAgamat kapim 5045008a sa taM samAsAdya hariM harIkSaNo; yugAntakAlAgnim iva prajAkSaye 5045008c avasthitaM vismitajAtasaMbhramaH; samaikSatAkSo bahumAnacakSuSA 5045009a sa tasya vegaM ca kaper mahAtmanaH; parAkramaM cAriSu pArthivAtmajaH 5045009c vicArayan khaM ca balaM mahAbalo; himakSaye sUrya ivAbhivardhate 5045010a sa jAtamanyuH prasamIkSya vikramaM; sthiraH sthitaH saMyati durnivAraNam 5045010c samAhitAtmA hanumantam Ahave; pracodayAm Asa zarais tribhiH zitaiH 5045011a tataH kapiM taM prasamIkSya garvitaM; jitazramaM zatruparAjayor jitam 5045011c avaikSatAkSaH samudIrNamAnasaH; sabANapANiH pragRhItakArmukaH 5045012a sa hemaniSkAGgadacArukuNDalaH; samAsasAdAzu parAkramaH kapim 5045012c tayor babhUvApratimaH samAgamaH; surAsurANAm api saMbhramapradaH 5045013a rarAsa bhUmir na tatApa bhAnumAn; vavau na vAyuH pracacAla cAcalaH 5045013c kapeH kumArasya ca vIkSya saMyugaM; nanAda ca dyaur udadhiz ca cukSubhe 5045014a tataH sa vIraH sumukhAn patatriNaH; suvarNapuGkhAn saviSAn ivoragAn 5045014c samAdhisaMyogavimokSatattvavic; charAn atha trIn kapimUrdhny apAtayat 5045015a sa taiH zarair mUrdhni samaM nipAtitaiH; kSarann asRgdigdhavivRttalocanaH 5045015c navoditAdityanibhaH zarAMzumAn; vyarAjatAditya ivAMzumAlikaH 5045016a tataH sa piGgAdhipamantrisattamaH; samIkSya taM rAjavarAtmajaM raNe 5045016c udagracitrAyudhacitrakArmukaM; jaharSa cApUryata cAhavonmukhaH 5045017a sa mandarAgrastha ivAMzumAlI; vivRddhakopo balavIryasaMyutaH 5045017c kumAram akSaM sabalaM savAhanaM; dadAha netrAgnimarIcibhis tadA 5045018a tataH sa bANAsanazakrakArmukaH; zarapravarSo yudhi rAkSasAmbudaH 5045018c zarAn mumocAzu harIzvarAcale; balAhako vRSTim ivAcalottame 5045019a tataH kapis taM raNacaNDavikramaM; vivRddhatejobalavIryasAyakam 5045019c kumAram akSaM prasamIkSya saMyuge; nanAda harSAd ghanatulyavikramaH 5045020a sa bAlabhAvAd yudhi vIryadarpitaH; pravRddhamanyuH kSatajopamekSaNaH 5045020c samAsasAdApratimaM raNe kapiM; gajo mahAkUpam ivAvRtaM tRNaiH 5045021a sa tena bANaiH prasabhaM nipAtitaiz; cakAra nAdaM ghananAdaniHsvanaH 5045021c samutpapAtAzu nabhaH sa mArutir; bhujoruvikSepaNa ghoradarzanaH 5045022a samutpatantaM samabhidravad balI; sa rAkSasAnAM pravaraH pratApavAn 5045022c rathI rathazreSThatamaH kiraJ zaraiH; payodharaH zailam ivAzmavRSTibhiH 5045023a sa tAJ zarAMs tasya vimokSayan kapiz; cacAra vIraH pathi vAyusevite 5045023c zarAntare mArutavad viniSpatan; manojavaH saMyati caNDavikramaH 5045024a tam AttabANAsanam AhavonmukhaM; kham AstRNantaM vividhaiH zarottamaiH 5045024c avaikSatAkSaM bahumAnacakSuSA; jagAma cintAM ca sa mArutAtmajaH 5045025a tataH zarair bhinnabhujAntaraH kapiH; kumAravaryeNa mahAtmanA nadan 5045025c mahAbhujaH karmavizeSatattvavid; vicintayAm Asa raNe parAkramam 5045026a abAlavad bAladivAkaraprabhaH; karoty ayaM karma mahan mahAbalaH 5045026c na cAsya sarvAhavakarmazobhinaH; pramApaNe me matir atra jAyate 5045027a ayaM mahAtmA ca mahAMz ca vIryataH; samAhitaz cAtisahaz ca saMyuge 5045027c asaMzayaM karmaguNodayAd ayaM; sanAgayakSair munibhiz ca pUjitaH 5045028a parAkramotsAhavivRddhamAnasaH; samIkSate mAM pramukhAgataH sthitaH 5045028c parAkramo hy asya manAMsi kampayet; surAsurANAm api zIghrakAriNaH 5045029a na khalv ayaM nAbhibhaved upekSitaH; parAkramo hy asya raNe vivardhate 5045029c pramApaNaM tv eva mamAsya rocate; na vardhamAno 'gnir upekSituM kSamaH 5045030a iti pravegaM tu parasya tarkayan; svakarmayogaM ca vidhAya vIryavAn 5045030c cakAra vegaM tu mahAbalas tadA; matiM ca cakre 'sya vadhe mahAkapiH 5045031a sa tasya tAn aSTahayAn mahAjavAn; samAhitAn bhArasahAn vivartane 5045031c jaghAna vIraH pathi vAyusevite; talaprahAlaiH pavanAtmajaH kapiH 5045032a tatas talenAbhihato mahArathaH; sa tasya piGgAdhipamantrinirjitaH 5045032c sa bhagnanIDaH parimuktakUbaraH; papAta bhUmau hatavAjir ambarAt 5045033a sa taM parityajya mahAratho rathaM; sakArmukaH khaDgadharaH kham utpatat 5045033c tapo'bhiyogAd RSir ugravIryavAn; vihAya dehaM marutAm ivAlayam 5045034a tataH kapis taM vicarantam ambare; patatrirAjAnilasiddhasevite 5045034c sametya taM mArutavegavikramaH; krameNa jagrAha ca pAdayor dRDham 5045035a sa taM samAvidhya sahasrazaH kapir; mahoragaM gRhya ivANDajezvaraH 5045035c mumoca vegAt pitRtulyavikramo; mahItale saMyati vAnarottamaH 5045036a sa bhagnabAhUrukaTIziro dharaH; kSarann asRn nirmathitAsthilocanaH 5045036c sa bhinnasaMdhiH pravikIrNabandhano; hataH kSitau vAyusutena rAkSasaH 5045037a mahAkapir bhUmitale nipIDya taM; cakAra rakSo'dhipater mahad bhayam 5045038a maharSibhiz cakracarair mahAvrataiH; sametya bhUtaiz ca sayakSapannagaiH 5045038c suraiz ca sendrair bhRzajAtavismayair; hate kumAre sa kapir nirIkSitaH 5045039a nihatya taM vajrasutopamaprabhaM; kumAram akSaM kSatajopamekSaNam 5045039c tad eva vIro 'bhijagAma toraNaM; kRtakSaNaH kAla iva prajAkSaye 5046001a tatas tu rakSo'dhipatir mahAtmA; hanUmatAkSe nihate kumAre 5046001c manaH samAdhAya tadendrakalpaM; samAdidezendrajitaM sa roSAt 5046002a tvam astravic chastrabhRtAM variSThaH; surAsurANAm api zokadAtA 5046002c sureSu sendreSu ca dRSTakarmA; pitAmahArAdhanasaMcitAstraH 5046003a tavAstrabalam AsAdya nAsurA na marudgaNAH 5046003c na kaz cit triSu lokeSu saMyuge na gatazramaH 5046004a bhujavIryAbhiguptaz ca tapasA cAbhirakSitaH 5046004c dezakAlavibhAgajJas tvam eva matisattamaH 5046005a na te 'sty azakyaM samareSu karmaNA; na te 'sty akAryaM matipUrvamantraNe 5046005c na so 'sti kaz cit triSu saMgraheSu vai; na veda yas te 'strabalaM balaM ca te 5046006a mamAnurUpaM tapaso balaM ca te; parAkramaz cAstrabalaM ca saMyuge 5046006c na tvAM samAsAdya raNAvamarde; manaH zramaM gacchati nizcitArtham 5046007a nihatA iMkarAH sarve jambumAlI ca rAkSasaH 5046007c amAtyaputrA vIrAz ca paJca senAgrayAyinaH 5046008a sahodaras te dayitaH kumAro 'kSaz ca sUditaH 5046008c na tu teSv eva me sAro yas tvayy ariniSUdana 5046009a idaM hi dRSTvA matiman mahad balaM; kapeH prabhAvaM ca parAkramaM ca 5046009c tvam Atmanaz cApi samIkSya sAraM; kuruSva vegaM svabalAnurUpam 5046010a balAvamardas tvayi saMnikRSTe; yathA gate zAmyati zAntazatrau 5046010c tathA samIkSyAtmabalaM paraM ca; samArabhasvAstravidAM variSTha 5046011a na khalv iyaM matiH zreSThA yat tvAM saMpreSayAmy aham 5046011c iyaM ca rAjadharmANAM kSatrasya ca matir matA 5046012a nAnAzastraiz ca saMgrAme vaizAradyam ariMdama 5046012c avazyam eva boddhavyaM kAmyaz ca vijayo raNe 5046013a tataH pitus tad vacanaM nizamya; pradakSiNaM dakSasutaprabhAvaH 5046013c cakAra bhartAram adInasattvo; raNAya vIraH pratipannabuddhiH 5046014a tatas taiH svagaNair iSTair indrajit pratipUjitaH 5046014c yuddhoddhatakRtotsAhaH saMgrAmaM pratipadyata 5046015a zrImAn padmapalAzAkSo rAkSasAdhipateH sutaH 5046015c nirjagAma mahAtejAH samudra iva parvasu 5046016a sa pakSi rAjopamatulyavegair; vyAlaiz caturbhiH sitatIkSNadaMSTraiH 5046016c rathaM samAyuktam asaMgavegaM; samArurohendrajid indrakalpaH 5046017a sa rathI dhanvinAM zreSThaH zastrajJo 'stravidAM varaH 5046017c rathenAbhiyayau kSipraM hanUmAn yatra so 'bhavat 5046018a sa tasya rathanirghoSaM jyAsvanaM kArmukasya ca 5046018c nizamya harivIro 'sau saMprahRSTataro 'bhavat 5046019a sumahac cApam AdAya zitazalyAMz ca sAyakAn 5046019c hanUmantam abhipretya jagAma raNapaNDitaH 5046020a tasmiMs tataH saMyati jAtaharSe; raNAya nirgacchati bANapANau 5046020c dizaz ca sarvAH kaluSA babhUvur; mRgAz ca raudrA bahudhA vineduH 5046021a samAgatAs tatra tu nAgayakSA; maharSayaz cakracarAz ca siddhAH 5046021c nabhaH samAvRtya ca pakSisaMghA; vinedur uccaiH paramaprahRSTAH 5046022a AyantaM sarathaM dRSTvA tUrNam indrajitaM kapiH 5046022c vinanAda mahAnAdaM vyavardhata ca vegavAn 5046023a indrajit tu rathaM divyam Asthitaz citrakArmukaH 5046023c dhanur visphArayAm Asa taDidUrjitaniHsvanam 5046024a tataH sametAv atitIkSNavegau; mahAbalau tau raNanirvizaGkau 5046024c kapiz ca rakSo'dhipatez ca putraH; surAsurendrAv iva baddhavairau 5046025a sa tasya vIrasya mahArathasyA; dhanuSmataH saMyati saMmatasya 5046025c zarapravegaM vyahanat pravRddhaz; cacAra mArge pitur aprameyaH 5046026a tataH zarAn AyatatIkSNazalyAn; supatriNaH kAJcanacitrapuGkhAn 5046026c mumoca vIraH paravIrahantA; susaMtatAn vajranipAtavegAn 5046027a sa tasya tat syandananiHsvanaM ca; mRdaGgabherIpaTahasvanaM ca 5046027c vikRSyamANasya ca kArmukasya; nizamya ghoSaM punar utpapAta 5046028a zarANAm antareSv Azu vyavartata mahAkapiH 5046028c haris tasyAbhilakSasya mokSaya&l lakSyasaMgraham 5046029a zarANAm agratas tasya punaH samabhivartata 5046029c prasArya hastau hanumAn utpapAtAnilAtmajaH 5046030a tAv ubhau vegasaMpannau raNakarmavizAradau 5046030c sarvabhUtamanogrAhi cakratur yuddham uttamam 5046031a hanUmato veda na rAkSaso 'ntaraM; na mArutis tasya mahAtmano 'ntaram 5046031c parasparaM nirviSahau babhUvatuH; sametya tau devasamAnavikramau 5046032a tatas tu lakSye sa vihanyamAne; zareSu mogheSu ca saMpatatsu 5046032c jagAma cintAM mahatIM mahAtmA; samAdhisaMyogasamAhitAtmA 5046033a tato matiM rAkSasarAjasUnuz; cakAra tasmin harivIramukhye 5046033c avadhyatAM tasya kapeH samIkSya; kathaM nigacched iti nigrahArtham 5046034a tataH paitAmahAM vIraH so 'stram astravidAM varaH 5046034c saMdadhe sumahAtejAs taM haripravaraM prati 5046035a avadhyo 'yam iti jJAtvA tam astreNAstratattvavit 5046035c nijagrAha mahAbAhur mArutAtmajam indrajit 5046036a tena baddhas tato 'streNa rAkSasena sa vAnaraH 5046036c abhavan nirviceSTaz ca papAta ca mahItale 5046037a tato 'tha buddhvA sa tadAstrabandhaM; prabhoH prabhAvAd vigatAlpavegaH 5046037c pitAmahAnugraham Atmanaz ca; vicintayAm Asa haripravIraH 5046038a tataH svAyambhuvair mantrair brahmAstram abhimantritam 5046038c hanUmAMz cintayAm Asa varadAnaM pitAmahAt 5046039a na me 'strabandhasya ca zaktir asti; vimokSaNe lokaguroH prabhAvAt 5046039c ity evam evaMvihito 'strabandho; mayAtmayoner anuvartitavyaH 5046040a sa vIryam astrasya kapir vicArya; pitAmahAnugraham Atmanaz ca 5046040c vimokSazaktiM paricintayitvA; pitAmahAjJAm anuvartate sma 5046041a astreNApi hi baddhasya bhayaM mama na jAyate 5046041c pitAmahamahendrAbhyAM rakSitasyAnilena ca 5046042a grahaNe cApi rakSobhir mahan me guNadarzanam 5046042c rAkSasendreNa saMvAdas tasmAd gRhNantu mAM pare 5046043a sa nizcitArthaH paravIrahantA; samIkSya karI vinivRttaceSTaH 5046043c paraiH prasahyAbhigatair nigRhya; nanAda tais taiH paribhartsyamAnaH 5046044a tatas taM rAkSasA dRSTvA nirviceSTam ariMdamam 5046044c babandhuH zaNavalkaiz ca drumacIraiz ca saMhataiH 5046045a sa rocayAm Asa paraiz ca bandhanaM; prasahya vIrair abhinigrahaM ca 5046045c kautUhalAn mAM yadi rAkSasendro; draSTuM vyavasyed iti nizcitArthaH 5046046a sa baddhas tena valkena vimukto 'streNa vIryavAn 5046046c astrabandhaH sa cAnyaM hi na bandham anuvartate 5046047a athendrajit taM drumacIrabandhaM; vicArya vIraH kapisattamaM tam 5046047c vimuktam astreNa jagAma cintAm; anyena baddho hy anuvartate 'stram 5046048a aho mahat karma kRtaM nirarthakaM; na rAkSasair mantragatir vimRSTA 5046048c punaz ca nAstre vihate 'stram anyat; pravartate saMzayitAH sma sarve 5046049a astreNa hanumAn mukto nAtmAnam avabudhyate 5046049c kRSyamANas tu rakSobhis taiz ca bandhair nipIDitaH 5046050a hanyamAnas tataH krUrai rAkSasaiH kASThamuSTibhiH 5046050c samIpaM rAkSasendrasya prAkRSyata sa vAnaraH 5046051a athendrajit taM prasamIkSya muktam; astreNa baddhaM drumacIrasUtraiH 5046051c vyadarzayat tatra mahAbalaM taM; haripravIraM sagaNAya rAjJe 5046052a taM mattam iva mAtaGgaM baddhaM kapivarottamam 5046052c rAkSasA rAkSasendrAya rAvaNAya nyavedayan 5046053a ko 'yaM kasya kuto vApi kiM kAryaM ko vyapAzrayaH 5046053c iti rAkSasavIrANAM tatra saMjajJire kathAH 5046054a hanyatAM dahyatAM vApi bhakSyatAm iti cApare 5046054c rAkSasAs tatra saMkruddhAH parasparam athAbruvan 5046055a atItya mArgaM sahasA mahAtmA; sa tatra rakSo'dhipapAdamUle 5046055c dadarza rAjJaH paricAravRddhAn; gRhaM mahAratnavibhUSitaM ca 5046056a sa dadarza mahAtejA rAvaNaH kapisattamam 5046056c rakSobhir vikRtAkAraiH kRSyamANam itas tataH 5046057a rAkSasAdhipatiM cApi dadarza kapisattamaH 5046057c tejobalasamAyuktaM tapantam iva bhAskaram 5046058a sa roSasaMvartitatAmradRSTir; dazAnanas taM kapim anvavekSya 5046058c athopaviSTAn kulazIlavRddhAn; samAdizat taM prati mantramukhyAn 5046059a yathAkramaM taiH sa kapiz ca pRSTaH; kAryArtham arthasya ca mUlam Adau 5046059c nivedayAm Asa harIzvarasya; dUtaH sakAzAd aham Agato 'smi 5047001a tataH sa karmaNA tasya vismito bhImavikramaH 5047001c hanumAn roSatAmrAkSo rakSo'dhipam avaikSata 5047002a bhAjamAnaM mahArheNa kAJcanena virAjatA 5047002c muktAjAlAvRtenAtha mukuTena mahAdyutim 5047003a vajrasaMyogasaMyuktair mahArhamaNivigrahaiH 5047003c haimair AbharaNaiz citrair manaseva prakalpitaiH 5047004a mahArhakSaumasaMvItaM raktacandanarUSitam 5047004c svanuliptaM vicitrAbhir vividhabhiz ca bhaktibhiH 5047005a vipulair darzanIyaiz ca rakSAkSair bhImadarzanaiH 5047005c dIptatIkSNamahAdaMSTraiH pralambadazanacchadaiH 5047006a zirobhir dazabhir vIraM bhrAjamAnaM mahaujasaM 5047006c nAnAvyAlasamAkIrNaiH zikharair iva mandaram 5047007a nIlAJjanacaya prakhyaM hAreNorasi rAjatA 5047007c pUrNacandrAbhavaktreNa sabalAkam ivAmbudam 5047008a bAhubhir baddhakeyUraiz candanottamarUSitaiH 5047008c bhrAjamAnAGgadaiH pInaiH paJcazIrSair ivoragaiH 5047009a mahati sphATike citre ratnasaMyogasaMskRte 5047009c uttamAstaraNAstIrNe upaviSTaM varAsane 5047010a alaMkRtAbhir atyarthaM pramadAbhiH samantataH 5047010c vAlavyajanahastAbhir ArAt samupasevitam 5047011a durdhareNa prahastena mahApArzvena rakSasA 5047011c mantribhir mantratattvajJair nikumbhena ca mantriNA 5047012a upopaviSTaM rakSobhiz caturbhir baladarpitaiH 5047012c kRtsnaiH parivRtaM lokaM caturbhir iva sAgaraiH 5047013a mantribhir mantratattvajJair anyaiz ca zubhabuddhibhiH 5047013c anvAsyamAnaM sacivaiH surair iva surezvaram 5047014a apazyad rAkSasapatiM hanUmAn atitejasaM 5047014c viSThitaM meruzikhare satoyam iva toyadam 5047015a sa taiH saMpIDyamAno 'pi rakSobhir bhImavikramaiH 5047015c vismayaM paramaM gatvA rakSo'dhipam avaikSata 5047016a bhrAjamAnaM tato dRSTvA hanumAn rAkSasezvaram 5047016c manasA cintayAm Asa tejasA tasya mohitaH 5047017a aho rUpam aho dhairyam aho sattvam aho dyutiH 5047017c aho rAkSasarAjasya sarvalakSaNayuktatA 5047018a yady adharmo na balavAn syAd ayaM rAkSasezvaraH 5047018c syAd ayaM suralokasya sazakrasyApi rakSitA 5047019a tena bibhyati khalv asmAl lokAH sAmaradAnavAH 5047019c ayaM hy utsahate kruddhaH kartum ekArNavaM jagat 5047020a iti cintAM bahuvidhAm akaron matimAn kapiH 5047020c dRSTvA rAkSasarAjasya prabhAvam amitaujasaH 5048001a tam udvIkSya mahAbAhuH piGgAkSaM purataH sthitam 5048001c roSeNa mahatAviSTo rAvaNo lokarAvaNaH 5048002a sa rAjA roSatAmrAkSaH prahastaM mantrisattamam 5048002c kAlayuktam uvAcedaM vaco vipulam arthavat 5048003a durAtmA pRcchyatAm eSa kutaH kiM vAsya kAraNam 5048003c vanabhaGge ca ko 'syArtho rAkSasInAM ca tarjane 5048004a rAvaNasya vacaH zrutvA prahasto vAkyam abravIt 5048004c samAzvasihi bhadraM te na bhIH kAryA tvayA kape 5048005a yadi tAvat tvam indreNa preSito rAvaNAlayam 5048005c tattvam AkhyAhi mA te bhUd bhayaM vAnara mokSyase 5048006a yadi vaizravaNasya tvaM yamasya varuNasya ca 5048006c cArurUpam idaM kRtvA yamasya varuNasya ca 5048007a viSNunA preSito vApi dUto vijayakAGkSiNA 5048007c na hi te vAnaraM tejo rUpamAtraM tu vAnaram 5048008a tattvataH kathayasvAdya tato vAnara mokSyase 5048008c anRtaM vadataz cApi durlabhaM tava jIvitam 5048009a atha vA yannimittas te pravezo rAvaNAlaye 5048010a evam ukto harivaras tadA rakSogaNezvaram 5048010c abravIn nAsmi zakrasya yamasya varuNasya vA 5048011a dhanadena na me sakhyaM viSNunA nAsmi coditaH 5048011c jAtir eva mama tv eSA vAnaro 'ham ihAgataH 5048012a darzane rAkSasendrasya durlabhe tad idaM mayA 5048012c vanaM rAkSasarAjasya darzanArthe vinAzitam 5048013a tatas te rAkSasAH prAptA balino yuddhakAGkSiNaH 5048013c rakSaNArthaM ca dehasya pratiyuddhA mayA raNe 5048014a astrapAzair na zakyo 'haM baddhuM devAsurair api 5048014c pitAmahAd eva varo mamApy eSo 'bhyupAgataH 5048015a rAjAnaM draSTukAmena mayAstram anuvartitam 5048015c vimukto aham astreNa rAkSasais tv atipIDitaH 5048016a dUto 'ham iti vijJeyo rAghavasyAmitaujasaH 5048016c zrUyatAM cApi vacanaM mama pathyam idaM prabho 5049001a taM samIkSya mahAsattvaM sattvavAn harisattamaH 5049001c vAkyam arthavad avyagras tam uvAca dazAnanam 5049002a ahaM sugrIvasaMdezAd iha prAptas tavAlayam 5049002c rAkSasendra harIzas tvAM bhrAtA kuzalam abravIt 5049003a bhrAtuH zRNu samAdezaM sugrIvasya mahAtmanaH 5049003c dharmArthopahitaM vAkyam iha cAmutra ca kSamam 5049004a rAjA dazaratho nAma rathakuJjaravAjimAn 5049004c piteva bandhur lokasya surezvarasamadyutiH 5049005a jyeSThas tasya mahAbAhuH putraH priyakaraH prabhuH 5049005c pitur nidezAn niSkrAntaH praviSTo daNDakAvanam 5049006a lakSmaNena saha bhrAtrA sItayA cApi bhAryayA 5049006c rAmo nAma mahAtejA dharmyaM panthAnam AzritaH 5049007a tasya bhAryA vane naSTA sItA patim anuvratA 5049007c vaidehasya sutA rAjJo janakasya mahAtmanaH 5049008a sa mArgamANas tAM devIM rAjaputraH sahAnujaH 5049008c RzyamUkam anuprAptaH sugrIveNa ca saMgataH 5049009a tasya tena pratijJAtaM sItAyAH parimArgaNam 5049009c sugrIvasyApi rAmeNa harirAjyaM niveditam 5049010a tatas tena mRdhe hatvA rAjaputreNa vAlinam 5049010c sugrIvaH sthApito rAjye haryRkSANAM gaNezvaraH 5049011a sa sItAmArgaNe vyagraH sugrIvaH satyasaMgaraH 5049011c harIn saMpreSayAm Asa dizaH sarvA harIzvaraH 5049012a tAM harINAM sahasrANi zatAni niyutAni ca 5049012c dikSu sarvAsu mArgante adhaz copari cAmbare 5049013a vainateya samAH ke cit ke cit tatrAnilopamAH 5049013c asaMgagatayaH zIghrA harivIrA mahAbalAH 5049014a ahaM tu hanumAn nAma mArutasyaurasaH sutaH 5049014c sItAyAs tu kRte tUrNaM zatayojanam Ayatam 5049014e samudraM laGghayitvaiva tAM didRkSur ihAgataH 5049015a tad bhavAn dRSTadharmArthas tapaH kRtaparigrahaH 5049015c paradArAn mahAprAjJa noparoddhuM tvam arhasi 5049016a na hi dharmaviruddheSu bahv apAyeSu karmasu 5049016c mUlaghAtiSu sajjante buddhimanto bhavadvidhAH 5049017a kaz ca lakSmaNamuktAnAM rAmakopAnuvartinAm 5049017c zarANAm agrataH sthAtuM zakto devAsureSv api 5049018a na cApi triSu lokeSu rAjan vidyeta kaz cana 5049018c rAghavasya vyalIkaM yaH kRtvA sukham avApnuyAt 5049019a tat trikAlahitaM vAkyaM dharmyam arthAnubandhi ca 5049019c manyasva naradevAya jAnakI pratidIyatAm 5049020a dRSTA hIyaM mayA devI labdhaM yad iha durlabham 5049020c uttaraM karma yac cheSaM nimittaM tatra rAghavaH 5049021a lakSiteyaM mayA sItA tathA zokaparAyaNA 5049021c gRhya yAM nAbhijAnAsi paJcAsyAm iva pannagIm 5049022a neyaM jarayituM zakyA sAsurair amarair api 5049022c viSasaMsRSTam atyarthaM bhuktam annam ivaujasA 5049023a tapaHsaMtApalabdhas te yo 'yaM dharmaparigrahaH 5049023c na sa nAzayituM nyAyya AtmaprANaparigrahaH 5049024a avadhyatAM tapobhir yAM bhavAn samanupazyati 5049024c AtmanaH sAsurair devair hetus tatrApy ayaM mahAn 5049025a sugrIvo na hi devo 'yaM nAsuro na ca mAnuSaH 5049025c na rAkSaso na gandharvo na yakSo na ca pannagaH 5049026a mAnuSo rAghavo rAjan sugrIvaz ca harIzvaraH 5049026c tasmAt prANaparitrANaM kathaM rAjan kariSyasi 5049027a na tu dharmopasaMhAram adharmaphalasaMhitam 5049027c tad eva phalam anveti dharmaz cAdharmanAzanaH 5049028a prAptaM dharmaphalaM tAvad bhavatA nAtra saMzayaH 5049028c phalam asyApy adharmasya kSipram eva prapatsyase 5049029a janasthAnavadhaM buddhvA buddhvA vAlivadhaM tathA 5049029c rAmasugrIvasakhyaM ca budhyasva hitam AtmanaH 5049030a kAmaM khalv aham apy ekaH savAjirathakuJjarAm 5049030c laGkAM nAzayituM zaktas tasyaiSa tu vinizcayaH 5049031a rAmeNa hi pratijJAtaM haryRkSagaNasaMnidhau 5049031c utsAdanam amitrANAM sItA yais tu pradharSitA 5049032a apakurvan hi rAmasya sAkSAd api puraMdaraH 5049032c na sukhaM prApnuyAd anyaH kiM punas tvadvidho janaH 5049033a yAM sItety abhijAnAsi yeyaM tiSThati te vaze 5049033c kAlarAtrIti tAM viddhi sarvalaGkAvinAzinIm 5049034a tad alaM kAlapAzena sItA vigraharUpiNA 5049034c svayaM skandhAvasaktena kSamam Atmani cintyatAm 5049035a sItAyAs tejasA dagdhAM rAmakopaprapIDitAm 5049035c dahyamanAm imAM pazya purIM sATTapratolikAm 5049036a sa sauSThavopetam adInavAdinaH; kaper nizamyApratimo 'priyaM vacaH 5049036c dazAnanaH kopavivRttalocanaH; samAdizat tasya vadhaM mahAkapeH 5050001a tasya tad vacanaM zrutvA vAnarasya mahAtmanaH 5050001c AjJApayad vadhaM tasya rAvaNaH krodhamUrchitaH 5050002a vadhe tasya samAjJapte rAvaNena durAtmanA 5050002c niveditavato dautyaM nAnumene vibhISaNaH 5050003a taM rakSo'dhipatiM kruddhaM tac ca kAryam upasthitam 5050003c viditvA cintayAm Asa kAryaM kAryavidhau sthitaH 5050004a nizcitArthas tataH sAmnApUjya zatrujidagrajam 5050004c uvAca hitam atyarthaM vAkyaM vAkyavizAradaH 5050005a rAjan dharmaviruddhaM ca lokavRttez ca garhitam 5050005c tava cAsadRzaM vIra kaper asya pramApaNam 5050006a asaMzayaM zatrur ayaM pravRddhaH; kRtaM hy anenApriyam aprameyam 5050006c na dUtavadhyAM pravadanti santo; dUtasya dRSTA bahavo hi daNDAH 5050007a vairUpyAm aGgeSu kazAbhighAto; mauNDyaM tathA lakSmaNasaMnipAtaH 5050007c etAn hi dUte pravadanti daNDAn; vadhas tu dUtasya na naH zruto 'pi 5050008a kathaM ca dharmArthavinItabuddhiH; parAvarapratyayanizcitArthaH 5050008c bhavadvidhaH kopavaze hi tiSThet; kopaM niyacchanti hi sattvavantaH 5050009a na dharmavAde na ca lokavRtte; na zAstrabuddhigrahaNeSu vApi 5050009c vidyeta kaz cit tava vIratulyas; tvaM hy uttamaH sarvasurAsurANAm 5050010a na cApy asya kaper ghAte kaM cit pazyAmy ahaM guNam 5050010c teSv ayaM pAtyatAM daNDo yair ayaM preSitaH kapiH 5050011a sAdhur vA yadi vAsAdhur parair eSa samarpitaH 5050011c bruvan parArthaM paravAn na dUto vadham arhati 5050012a api cAsmin hate rAjan nAnyaM pazyAmi khecaram 5050012c iha yaH punar Agacchet paraM pAraM mahodadhiH 5050013a tasmAn nAsya vadhe yatnaH kAryaH parapuraMjaya 5050013c bhavAn sendreSu deveSu yatnam AsthAtum arhati 5050014a asmin vinaSTe na hi dUtam anyaM; pazyAmi yas tau nararAjaputrau 5050014c yuddhAya yuddhapriyadurvinItAv; udyojayed dIrghapathAvaruddhau 5050015a parAkramotsAhamanasvinAM ca; surAsurANAm api durjayena 5050015c tvayA manonandana nairRtAnAM; yuddhAyatir nAzayituM na yuktA 5050016a hitAz ca zUrAz ca samAhitAz ca; kuleSu jAtAz ca mahAguNeSu 5050016c manasvinaH zastrabhRtAM variSThAH; koTyagrazaste subhRtAz ca yodhAH 5050017a tad ekadezena balasya tAvat; ke cit tavAdezakRto 'payAntu 5050017c tau rAjaputrau vinigRhya mUDhau; pareSu te bhAvayituM prabhAvam 5051001a tasya tad vacanaM zrutvA dazagrIvo mahAbalaH 5051001c dezakAlahitaM vAkyaM bhrAtur uttamam abravIt 5051002a samyag uktaM hi bhavatA dUtavadhyA vigarhitA 5051002c avazyaM tu vadhAd anyaH kriyatAm asya nigrahaH 5051003a kapInAM kila lAGgUlam iSTaM bhavati bhUSaNam 5051003c tad asya dIpyatAM zIghraM tena dagdhena gacchatu 5051004a tataH pazyantv imaM dInam aGgavairUpyakarzitam 5051004c samitrA jJAtayaH sarve bAndhavAH sasuhRjjanAH 5051005a AjJApayad rAkSasendraH puraM sarvaM sacatvaram 5051005c lAGgUlena pradIptena rakSobhiH pariNIyatAm 5051006a tasya tad vacanaM zrutvA rAkSasAH kopakarkazAH 5051006c veSTante tasya lAGgUlaM jIrNaiH kArpAsikaiH paTaiH 5051007a saMveSTyamAne lAGgUle vyavardhata mahAkapiH 5051007c zuSkam indhanam AsAdya vaneSv iva hutAzanaH 5051008a tailena pariSicyAtha te 'gniM tatrAvapAtayan 5051009a lAGgUlena pradIptena rAkSasAMs tAn apAtayat 5051009c roSAmarSaparItAtmA bAlasUryasamAnanaH 5051010a sa bhUyaH saMgataiH krUrai rAkasair harisattamaH 5051010c nibaddhaH kRtavAn vIras tatkAlasadRzIM matim 5051011a kAmaM khalu na me zaktA nibadhasyApi rAkSasAH 5051011c chittvA pAzAn samutpatya hanyAm aham imAn punaH 5051012a sarveSAm eva paryApto rAkSasAnAm ahaM yudhi 5051012c kiM tu rAmasya prItyarthaM viSahiSye 'ham IdRzam 5051013a laGkA carayitavyA me punar eva bhaved iti 5051013c rAtrau na hi sudRSTA me durgakarmavidhAnataH 5051013e avazyam eva draSTavyA mayA laGkA nizAkSaye 5051014a kAmaM bandhaiz ca me bhUyaH pucchasyoddIpanena ca 5051014c pIDAM kurvantu rakSAMsi na me 'sti manasaH zramaH 5051015a tatas te saMvRtAkAraM sattvavantaM mahAkapim 5051015c parigRhya yayur hRSTA rAkSasAH kapikuJjaram 5051016a zaGkhabherIninAdais tair ghoSayantaH svakarmabhiH 5051016c rAkSasAH krUrakarmANaz cArayanti sma tAM purIm 5051017a hanumAMz cArayAm Asa rAkSasAnAM mahApurIm 5051017c athApazyad vimAnAni vicitrANi mahAkapiH 5051018a saMvRtAn bhUmibhAgAMz ca suvibhaktAMz ca catvarAn 5051018c rathyAz ca gRhasaMbAdhAH kapiH zRGgATakAni ca 5051019a catvareSu catuSkeSu rAjamArge tathaiva ca 5051019c ghoSayanti kapiM sarve cArIka iti rAkSasAH 5051020a dIpyamAne tatas tasya lAGgUlAgre hanUmataH 5051020c rAkSasyas tA virUpAkSyaH zaMsur devyAs tad apriyam 5051021a yas tvayA kRtasaMvAdaH sIte tAmramukhaH kapiH 5051021c lAGgUlena pradIptena sa eSa pariNIyate 5051022a zrutvA tad vacanaM krUram AtmApaharaNopamam 5051022c vaidehI zokasaMtaptA hutAzanam upAgamat 5051023a maGgalAbhimukhI tasya sA tadAsIn mahAkapeH 5051023c upatasthe vizAlAkSI prayatA havyavAhanam 5051024a yady asti patizuzrUSA yady asti caritaM tapaH 5051024c yadi cAsty ekapatnItvaM zIto bhava hanUmataH 5051025a yadi kaz cid anukrozas tasya mayy asti dhImataH 5051025c yadi vA bhAgyazeSaM me zIto bhava hanUmataH 5051026a yadi mAM vRttasaMpannAM tatsamAgamalAlasAm 5051026c sa vijAnAti dharmAtmA zIto bhava hanUmataH 5051027a yadi mAM tArayaty AryaH sugrIvaH satyasaMgaraH 5051027c asmAd duHkhAn mahAbAhuH zIto bhava hanUmataH 5051028a tatas tIkSNArcir avyagraH pradakSiNazikho 'nalaH 5051028c jajvAla mRgazAvAkSyAH zaMsann iva zivaM kapeH 5051029a dahyamAne ca lAGgUle cintayAm Asa vAnaraH 5051029c pradIpto 'gnir ayaM kasmAn na mAM dahati sarvataH 5051030a dRzyate ca mahAjvAlaH karoti ca na me rujam 5051030c zizirasyeva saMpAto lAGgUlAgre pratiSThitaH 5051031a atha vA tad idaM vyaktaM yad dRSTaM plavatA mayA 5051031c rAmaprabhAvAd AzcaryaM parvataH saritAM patau 5051032a yadi tAvat samudrasya mainAkasya ca dhImatha 5051032c rAmArthaM saMbhramas tAdRk kim agnir na kariSyati 5051033a sItAyAz cAnRzaMsyena tejasA rAghavasya ca 5051033c pituz ca mama sakhyena na mAM dahati pAvakaH 5051034a bhUyaH sa cintayAm Asa muhUrtaM kapikuJjaraH 5051034c utpapAtAtha vegena nanAda ca mahAkapiH 5051035a puradvAraM tataH zrImAJ zailazRGgam ivonnatam 5051035c vibhaktarakSaHsaMbAdham AsasAdAnilAtmajaH 5051036a sa bhUtvA zailasaMkAzaH kSaNena punar AtmavAn 5051036c hrasvatAM paramAM prApto bandhanAny avazAtayat 5051037a vimuktaz cAbhavac chrImAn punaH parvatasaMnibhaH 5051037c vIkSamANaz ca dadRze parighaM toraNAzritam 5051038a sa taM gRhya mahAbAhuH kAlAyasapariSkRtam 5051038c rakSiNas tAn punaH sarvAn sUdayAm Asa mArutiH 5051039a sa tAn nihatvA raNacaNDavikramaH; samIkSamANaH punar eva laGkAm 5051039c pradIptalAGgUlakRtArcimAlI; prakAzatAditya ivAMzumAlI 5052001a vIkSamANas tato laGkAM kapiH kRtamanorathaH 5052001c vardhamAnasamutsAhaH kAryazeSam acintayat 5052002a kiM nu khalv aviziSTaM me kartavyam iha sAmpratam 5052002c yad eSAM rakSasAM bhUyaH saMtApajananaM bhavet 5052003a vanaM tAvat pramathitaM prakRSTA rAkSasA hatAH 5052003c balaikadezaH kSapitaH zeSaM durgavinAzanam 5052004a durge vinAzite karma bhavet sukhaparizramam 5052004c alpayatnena kArye 'smin mama syAt saphalaH zramaH 5052005a yo hy ayaM mama lAGgUle dIpyate havyavAhanaH 5052005c asya saMtarpaNaM nyAyyaM kartum ebhir gRhottamaiH 5052006a tataH pradIptalAGgUlaH savidyud iva toyadaH 5052006c bhavanAgreSu laGkAyA vicacAra mahAkapiH 5052007a mumoca hanumAn agniM kAlAnalazikhopamam 5052008a zvasanena ca saMyogAd ativego mahAbalaH 5052008c kAlAgnir iva jajvAla prAvardhata hutAzanaH 5052009a pradIptam agniM pavanas teSu vezmasu cArayat 5052010a tAni kAJcanajAlAni muktAmaNimayAni ca 5052010c bhavanAny avazIryanta ratnavanti mahAnti ca 5052011a tAni bhagnavimAnAni nipetur vasudhAtale 5052011c bhavanAnIva siddhAnAm ambarAt puNyasaMkSaye 5052012a vajravidrumavaidUryamuktArajatasaMhitAn 5052012c vicitrAn bhavanAd dhAtUn syandamAnAn dadarza saH 5052013a nAgnis tRpyati kASThAnAM tRNAnAM ca yathA tathA 5052013c hanUmAn rAkSasendrANAM vadhe kiM cin na tRpyati 5052014a hutAzanajvAlasamAvRtA sA; hatapravIrA parivRttayodhA 5052014c hanUmAtaH krodhabalAbhibhUtA; babhUva zApopahateva laGkA 5052015a sasaMbhramaM trastaviSaNNarAkSasAM; samujjvalaj jvAlahutAzanAGkitAm 5052015c dadarza laGkAM hanumAn mahAmanAH; svayambhukopopahatAm ivAvanim 5052016a sa rAkSasAMs tAn subahUMz ca hatvA; vanaM ca bhaGktvA bahupAdapaM tat 5052016c visRjya rakSo bhavaneSu cAgniM; jagAma rAmaM manasA mahAtmA 5052017a laGkAM samastAM saMdIpya lAGgUlAgniM mahAkapiH 5052017c nirvApayAm Asa tadA samudre harisattamaH 5053001a saMdIpyamAnAM vidhvastAM trastarakSo gaNAM purIm 5053001c avekSya hAnumA&l laGkAM cintayAm Asa vAnaraH 5053002a tasyAbhUt sumahAMs trAsaH kutsA cAtmany ajAyata 5053002c laGkAM pradahatA karma kiMsvit kRtam idaM mayA 5053003a dhanyAs te puruSazreSTha ye buddhyA kopam utthitam 5053003c nirundhanti mahAtmAno dIptam agnim ivAmbhasA 5053004a yadi dagdhA tv iyaM laGkA nUnam AryApi jAnakI 5053004c dagdhA tena mayA bhartur hataM kAryam ajAnatA 5053005a yad artham ayam Arambhas tat kAryam avasAditam 5053005c mayA hi dahatA laGkAM na sItA parirakSitA 5053006a ISatkAryam idaM kAryaM kRtam AsIn na saMzayaH 5053006c tasya krodhAbhibhUtena mayA mUlakSayaH kRtaH 5053007a vinaSTA jAnakI vyaktaM na hy adagdhaH pradRzyate 5053007c laGkAyAH kaz cid uddezaH sarvA bhasmIkRtA purI 5053008a yadi tad vihataM kAryaM mayA prajJAviparyayAt 5053008c ihaiva prANasaMnyAso mamApi hy atirocate 5053009a kim agnau nipatAmy adya Ahosvid vaDavAmukhe 5053009c zarIram Aho sattvAnAM dadmi sAgaravAsinAm 5053010a kathaM hi jIvatA zakyo mayA draSTuM harIzvaraH 5053010c tau vA puruSazArdUlau kAryasarvasvaghAtinA 5053011a mayA khalu tad evedaM roSadoSAt pradarzitam 5053011c prathitaM triSu lokeSu kapitam anavasthitam 5053012a dhig astu rAjasaM bhAvam anIzam anavasthitam 5053012c IzvareNApi yad rAgAn mayA sItA na rakSitA 5053013a vinaSTAyAM tu sItAyAM tAv ubhau vinaziSyataH 5053013c tayor vinAze sugrIvaH sabandhur vinaziSyati 5053014a etad eva vacaH zrutvA bharato bhrAtRvatsalaH 5053014c dharmAtmA sahazatrughnaH kathaM zakSyati jIvitum 5053015a ikSvAkuvaMze dharmiSThe gate nAzam asaMzayam 5053015c bhaviSyanti prajAH sarvAH zokasaMtApapIDitAH 5053016a tad ahaM bhAgyarahito luptadharmArthasaMgrahaH 5053016c roSadoSaparItAtmA vyaktaM lokavinAzanaH 5053017a iti cintayatas tasya nimittAny upapedire 5053017c pUram apy upalabdhAni sAkSAt punar acintayat 5053018a atha vA cArusarvAGgI rakSitA svena tejasA 5053018c na naziSyati kalyANI nAgnir agnau pravartate 5053019a na hi dharmAn manas tasya bhAryAm amitatejasaH 5053019c svacAritrAbhiguptAM tAM spraSTum arhati pAvakaH 5053020a nUnaM rAmaprabhAvena vaidehyAH sukRtena ca 5053020c yan mAM dahanakarmAyaM nAdahad dhavyavAhanaH 5053021a trayANAM bharatAdInAM bhrAtqNAM devatA ca yA 5053021c rAmasya ca manaHkAntA sA kathaM vinaziSyati 5053022a yad vA dahanakarmAyaM sarvatra prabhur avyayaH 5053022c na me dahati lAGgUlaM katham AryAM pradhakSyati 5053023a tapasA satyavAkyena ananyatvAc ca bhartari 5053023c api sA nirdahed agniM na tAm agniH pradhakSyati 5053024a sa tathA cintayaMs tatra devyA dharmaparigraham 5053024c zuzrAva hanumAn vAkyaM cAraNAnAM mahAtmanAm 5053025a aho khalu kRtaM karma durviSahyaM hanUmatA 5053025c agniM visRjatAbhIkSNaM bhImaM rAkSasasadmani 5053026a dagdheyaM nagarI laGkA sATTaprAkAratoraNA 5053026c jAnakI na ca dagdheti vismayo 'dbhuta eva naH 5053027a sa nimittaiz ca dRSTArthaiH kAraNaiz ca mahAguNaiH 5053027c RSivAkyaiz ca hanumAn abhavat prItamAnasaH 5053028a tataH kapiH prAptamanorathArthas; tAm akSatAM rAjasutAM viditvA 5053028c pratyakSatas tAM punar eva dRSTvA; pratiprayANAya matiM cakAra 5054001a tatas tu ziMzapAmUle jAnakIM paryavasthitAm 5054001c abhivAdyAbravId diSTyA pazyAmi tvAm ihAkSatAm 5054002a tatas taM prasthitaM sItA vIkSamANA punaH punaH 5054002c bhartRsnehAnvitaM vAkyaM hanUmantam abhASata 5054003a kAmam asya tvam evaikaH kAryasya parisAdhane 5054003c paryAptaH paravIraghna yazasyas te balodayaH 5054004a balais tu saMkulAM kRtvA laGkAM parabalArdanaH 5054004c mAM nayed yadi kAkutsthas tasya tat sAdRzaM bhavet 5054005a tad yathA tasya vikrAntam anurUpaM mahAtmanaH 5054005c bhavaty AhavazUrasya tattvam evopapAdaya 5054006a tad arthopahitaM vAkyaM prazritaM hetusaMhitam 5054006c nizamya hanumAMs tasyA vAkyam uttaram abravIt 5054007a kSipram eSyati kAkutstho haryRkSapravarair vRtaH 5054007c yas te yudhi vijityArIJ zokaM vyapanayiSyati 5054008a evam AzvAsya vaidehIM hanUmAn mArutAtmajaH 5054008c gamanAya matiM kRtvA vaidehIm abhyavAdayat 5054009a tataH sa kapizArdUlaH svAmisaMdarzanotsukaH 5054009c Aruroha girizreSTham ariSTam arimardanaH 5054010a tuGgapadmakajuSTAbhir nIlAbhir vanarAjibhiH 5054010c sAlatAlAzvakarNaiz ca vaMzaiz ca bahubhir vRtam 5054011a latAvitAnair vitataiH puSpavadbhir alaMkRtam 5054011c nAnAmRgagaNAkIrNaM dhAtuniSyandabhUSitam 5054012a bahuprasravaNopetaM zilAsaMcayasaMkaTam 5054012c maharSiyakSagandharvakiMnaroragasevitam 5054013a latApAdapasaMbAdhaM siMhAkulitakandaram 5054013c vyAghrasaMghasamAkIrNaM svAdumUlaphaladrumam 5054014a tam ArurohAtibalaH parvataM plavagottamaH 5054014c rAmadarzanazIghreNa praharSeNAbhicoditaH 5054015a tena pAdatalAkrAntA ramyeSu girisAnuSu 5054015c saghoSAH samazIryanta zilAz cUrNIkRtAs tataH 5054016a sa tam Aruhya zailendraM vyavardhata mahAkapiH 5054016c dakSiNAd uttaraM pAraM prArthaya&l lavaNAmbhasaH 5054017a adhiruhya tato vIraH parvataM pavanAtmajaH 5054017c dadarza sAgaraM bhImaM mInoraganiSevitam 5054018a sa mAruta ivAkAzaM mArutasyAtmasaMbhavaH 5054018c prapede harizArdUlo dakSiNAd uttarAM dizam 5054019a sa tadA pIDitas tena kapinA parvatottamaH 5054019c rarAsa saha tair bhUtaiH prAvizad vasudhAtalam 5054019e kampamAnaiz ca zikharaiH patadbhir api ca drumaiH 5054020a tasyoruvegAn mathitAH pAdapAH puSpazAlinaH 5054020c nipetur bhUtale rugNAH zakrAyudhahatA iva 5054021a kandarodarasaMsthAnAM pIDitAnAM mahaujasAm 5054021c siMhAnAM ninado bhImo nabho bhindan sa zuzruve 5054022a srastavyAviddhavasanA vyAkulIkRtabhUSaNA 5054022c vidyAdharyaH samutpetuH sahasA dharaNIdharAt 5054023a atipramANA balino dIptajihvA mahAviSAH 5054023c nipIDitazirogrIvA vyaveSTanta mahAhayaH 5054024a kiMnaroragagandharvayakSavidyAdharAs tathA 5054024c pIDitaM taM nagavaraM tyaktvA gaganam AsthitAH 5054025a sa ca bhUmidharaH zrImAn balinA tena pIDitaH 5054025c savRkSazikharodagrAH praviveza rasAtalam 5054026a dazayojanavistAras triMzadyojanam ucchritaH 5054026c dharaNyAM samatAM yAtaH sa babhUva dharAdharaH 5055001a sacandrakumudaM ramyaM sArkakAraNDavaM zubham 5055001c tiSyazravaNakadambam abhrazaivalazAdvalam 5055002a punarvasu mahAmInaM lohitAGgamahAgraham 5055002c airAvatamahAdvIpaM svAtIhaMsaviloDitam 5055003a vAtasaMghAtajAtormiM candrAMzuzizirAmbumat 5055003c bhujaMgayakSagandharvaprabuddhakamalotpalam 5055004a grasamAna ivAkAzaM tArAdhipam ivAlikhan 5055004c harann iva sanakSatraM gaganaM sArkamaNDalam 5055005a mArutasyAlayaM zrImAn kapir vyomacaro mahAn 5055005c hanUmAn meghajAlAni vikarSann iva gacchati 5055006a pANDurAruNavarNAni nIlamAJjiSThakAni ca 5055006c haritAruNavarNAni mahAbhrANi cakAzire 5055007a pravizann abhrajAlAni niSkramaMz ca punaH punaH 5055007c pracchannaz ca prakAzaz ca candramA iva lakSyate 5055008a nadan nAdena mahatA meghasvanamahAsvanaH 5055008c AjagAma mahAtejAH punar madhyena sAgaram 5055009a parvatendraM sunAbhaM ca samupaspRzya vIryavAn 5055009c jyAmukta iva nArAco mahAvego 'bhyupAgataH 5055010a sa kiM cid anusaMprAptaH samAlokya mahAgirim 5055010c mahendrameghasaMkAzaM nanAda haripuMgavaH 5055011a nizamya nadato nAdaM vAnarAs te samantataH 5055011c babhUvur utsukAH sarve suhRddarzanakAGkSiNaH 5055012a jAmbavAn sa harizreSThaH prItisaMhRSTamAnasaH 5055012c upAmantrya harIn sarvAn idaM vacanam abravIt 5055013a sarvathA kRtakAryo 'sau hanUmAn nAtra saMzayaH 5055013c na hy asyAkRtakAryasya nAda evaMvidho bhavet 5055014a tasyA bAhUruvegaM ca ninAdaM ca mahAtmanaH 5055014c nizamya harayo hRSTAH samutpetus tatas tataH 5055015a te nagAgrAn nagAgrANi zikharAc chikharANi ca 5055015c prahRSTAH samapadyanta hanUmantaM didRkSavaH 5055016a te prItAH pAdapAgreSu gRhya zAkhAH supuSpitAH 5055016c vAsAMsIva prakAzAni samAvidhyanta vAnarAH 5055017a tam abhraghanasaMkAzam ApatantaM mahAkapim 5055017c dRSTvA te vAnarAH sarve tasthuH prAJjalayas tadA 5055018a tatas tu vegavAMs tasya girer girinibhaH kapiH 5055018c nipapAta mahendrasya zikhare pAdapAkule 5055019a tatas te prItamanasaH sarve vAnarapuMgavAH 5055019c hanUmantaM mahAtmAnaM parivAryopatasthire 5055020a parivArya ca te sarve parAM prItim upAgatAH 5055020c prahRSTavadanAH sarve tam arogam upAgatam 5055021a upAyanAni cAdAya mUlAni ca phalAni ca 5055021c pratyarcayan harizreSThaM harayo mArutAtmajam 5055022a vinedur muditAH ke cic cakruH kila kilAM tathA 5055022c hRSTAH pAdapazAkhAz ca Aninyur vAnararSabhAH 5055023a hanUmAMs tu gurUn vRddhAJ jAmbavat pramukhAMs tadA 5055023c kumAram aGgadaM caiva so 'vandata mahAkapiH 5055024a sa tAbhyAM pUjitaH pUjyaH kapibhiz ca prasAditaH 5055024c dRSTA devIti vikrAntaH saMkSepeNa nyavedayat 5055025a niSasAda ca hastena gRhItvA vAlinaH sutam 5055025c ramaNIye vanoddeze mahendrasya gires tadA 5055026a hanUmAn abravId dhRSTas tadA tAn vAnararSabhAn 5055026c azokavanikAsaMsthA dRSTA sA janakAtmajA 5055027a rakSyamANA sughorAbhI rAkSasIbhir aninditA 5055027c ekaveNIdharA bAlA rAmadarzanalAlasA 5055027e upavAsaparizrAntA malinA jaTilA kRzA 5055028a tato dRSTeti vacanaM mahArtham amRtopamam 5055028c nizamya mAruteH sarve muditA vAnarA bhavan 5055029a kSveDanty anye nadanty anye garjanty anye mahAbalAH 5055029c cakruH kila kilAm anye pratigarjanti cApare 5055030a ke cid ucchritalAGgUlAH prahRSTAH kapikuJjarAH 5055030c aJcitAyatadIrghANi lAGgUlAni pravivyadhuH 5055031a apare tu hanUmantaM vAnarA vAraNopamam 5055031c Aplutya girizRGgebhyaH saMspRzanti sma harSitAH 5055032a uktavAkyaM hanUmantam aGgadas tu tadAbravIt 5055032c sarveSAM harivIrANAM madhye vAcam anuttamAm 5055033a sattve vIrye na te kaz cit samo vAnaravidyate 5055033c yad avaplutya vistIrNaM sAgaraM punar AgataH 5055034a diSTyA dRSTA tvayA devI rAmapatnI yazasvinI 5055034c diSTyA tyakSyati kAkutsthaH zokaM sItA viyogajam 5055035a tato 'GgadaM hanUmantaM jAmbavantaM ca vAnarAH 5055035c parivArya pramuditA bhejire vipulAH zilAH 5055036a zrotukAmAH samudrasya laGghanaM vAnarottamAH 5055036c darzanaM cApi laGkAyAH sItAyA rAvaNasya ca 5055036e tasthuH prAJjalayaH sarve hanUmad vadanonmukhAH 5055037a tasthau tatrAGgadaH zrImAn vAnarair bahubhir vRtaH 5055037c upAsyamAno vibudhair divi devapatir yathA 5055038a hanUmatA kIrtimatA yazasvinA; tathAGgadenAGgadabaddhabAhunA 5055038c mudA tadAdhyAsitam unnataM mahan; mahIdharAgraM jvalitaM zriyAbhavat 5056001a tatas tasya gireH zRGge mahendrasya mahAbalAH 5056001c hanumatpramukhAH prItiM harayo jagmur uttamAm 5056002a taM tataH pratisaMhRSTaH prItimantaM mahAkapim 5056002c jAmbavAn kAryavRttAntam apRcchad anilAtmajam 5056003a kathaM dRSTA tvayA devI kathaM vA tatra vartate 5056003c tasyAM vA sa kathaM vRttaH krUrakarmA dazAnanaH 5056004a tattvataH sarvam etan naH prabrUhi tvaM mahAkape 5056004c zrutArthAz cintayiSyAmo bhUyaH kAryavinizcayam 5056005a yaz cArthas tatra vaktavyo gatair asmAbhir AtmavAn 5056005c rakSitavyaM ca yat tatra tad bhavAn vyAkarotu naH 5056006a sa niyuktas tatas tena saMprahRSTatanUruhaH 5056006c namasyaJ zirasA devyai sItAyai pratyabhASata 5056007a pratyakSam eva bhavatAM mahendrAgrAt kham AplutaH 5056007c udadher dakSiNaM pAraM kAGkSamANaH samAhitaH 5056008a gacchataz ca hi me ghoraM vighnarUpam ivAbhavat 5056008c kAJcanaM zikharaM divyaM pazyAmi sumanoharam 5056009a sthitaM panthAnam AvRtya mene vighnaM ca taM nagam 5056010a upasaMgamya taM divyaM kAJcanaM nagasattamam 5056010c kRtA me manasA buddhir bhettavyo 'yaM mayeti ca 5056011a prahataM ca mayA tasya lAGgUlena mahAgireH 5056011c zikharaM sUryasaMkAzaM vyazIryata sahasradhA 5056012a vyavasAyaM ca me buddhvA sa hovAca mahAgiriH 5056012c putreti madhurAM bANIM manaHprahlAdayann iva 5056013a pitRvyaM cApi mAM viddhi sakhAyaM mAtarizvanaH 5056013c mainAkam iti vikhyAtaM nivasantaM mahodadhau 5056014a pakSvavantaH purA putra babhUvuH parvatottamAH 5056014c chandataH pRthivIM cerur bAdhamAnAH samantataH 5056015a zrutvA nagAnAM caritaM mahendraH pAkazAsanaH 5056015c ciccheda bhagavAn pakSAn vajreNaiSAM sahasrazaH 5056016a ahaM tu mokSitas tasmAt tava pitrA mahAtmanA 5056016c mArutena tadA vatsa prakSipto 'smi mahArNave 5056017a rAmasya ca mayA sAhye vartitavyam ariMdama 5056017c rAmo dharmabhRtAM zreSTho mahendrasamavikramaH 5056018a etac chrutvA mayA tasya mainAkasya mahAtmanaH 5056018c kAryam Avedya tu girer uddhataM ca mano mama 5056019a tena cAham anujJAto mainAkena mahAtmanA 5056019c uttamaM javam AsthAya zeSam adhvAnam AsthitaH 5056020a tato 'haM suciraM kAlaM vegenAbhyagamaM pathi 5056020c tataH pazyAmy ahaM devIM surasAM nAgamAtaram 5056021a samudramadhye sA devI vacanaM mAm abhASata 5056021c mama bhakSyaH pradiSTas tvam amArair harisattamam 5056021e tatas tvAM bhakSayiSyAmi vihitas tvaM cirasya me 5056022a evam uktaH surasayA prAJjaliH praNataH sthitaH 5056022c vivarNavadano bhUtvA vAkyaM cedam udIrayam 5056023a rAmo dAzarathiH zrImAn praviSTo daNDakAvanam 5056023c lakSmaNena saha bhrAtrA sItayA ca paraMtapaH 5056024a tasya sItA hRtA bhAryA rAvaNena durAtmanA 5056024c tasyAH sakAzaM dUto 'haM gamiSye rAmazAsanAt 5056025a kartum arhasi rAmasya sAhyaM viSayavAsini 5056026a atha vA maithilIM dRSTvA rAmaM cAkliSTakAriNam 5056026c AgamiSyAmi te vaktraM satyaM pratizRNoti me 5056027a evam uktA mayA sA tu surasA kAmarUpiNI 5056027c abravIn nAtivarteta kaz cid eSa varo mama 5056028a evam uktaH surasayA dazayojanam AyataH 5056028c tato 'rdhaguNavistAro babhUvAhaM kSaNena tu 5056029a matpramANAnurUpaM ca vyAditaM tanmukhaM tayA 5056029c tad dRSTvA vyAditaM tv AsyaM hrasvaM hy akaravaM vapuH 5056030a tasmin muhUrte ca punar babhUvAGguSThasaMmitaH 5056030c abhipatyAzu tad vaktraM nirgato 'haM tataH kSaNAt 5056031a abravIt surasA devI svena rUpeNa mAM punaH 5056031c arthasiddhyai harizreSTha gaccha saumya yathAsukham 5056032a samAnaya ca vaidehIM rAghaveNa mahAtmanA 5056032c sukhI bhava mahAbAho prItAsmi tava vAnara 5056033a tato 'haM sAdhu sAdhvIti sarvabhUtaiH prazaMsitaH 5056033c tato 'ntarikSaM vipulaM pluto 'haM garuDo yathA 5056034a chAyA me nigRhItA ca na ca pazyAmi kiM cana 5056034c so 'haM vigatavegas tu dizo daza vilokayan 5056034e na kiM cit tatra pazyAmi yena me 'pahRtA gatiH 5056035a tato me buddhir utpannA kiM nAma gamane mama 5056035c IdRzo vighna utpanno rUpaM yatra na dRzyate 5056036a adho bhAgena me dRSTiH zocatA pAtitA mayA 5056036c tato 'drAkSam ahaM bhImAM rAkSasIM salile zayAm 5056037a prahasya ca mahAnAdam ukto 'haM bhImayA tayA 5056037c avasthitam asaMbhrAntam idaM vAkyam azobhanam 5056038a kvAsi gantA mahAkAya kSudhitAyA mamepsitaH 5056038c bhakSaH prINaya me dehaM ciram AhAravarjitam 5056039a bADham ity eva tAM vANIM pratyagRhNAm ahaM tataH 5056039c Asya pramANAd adhikaM tasyAH kAyam apUrayam 5056040a tasyAz cAsyaM mahad bhImaM vardhate mama bhakSaNe 5056040c na ca mAM sA tu bubudhe mama vA vikRtaM kRtam 5056041a tato 'haM vipulaM rUpaM saMkSipya nimiSAntarAt 5056041c tasyA hRdayam AdAya prapatAmi nabhastalam 5056042a sA visRSTabhujA bhImA papAta lavaNAmbhasi 5056042c mayA parvatasaMkAzA nikRttahRdayA satI 5056043a zRNomi khagatAnAM ca siddhAnAM cAraNaiH saha 5056043c rAkSasI siMhikA bhImA kSipraM hanumatA hRtA 5056044a tAM hatvA punar evAhaM kRtyam AtyayikaM smaran 5056044c gatvA ca mahad adhvAnaM pazyAmi nagamaNDitam 5056044e dakSiNaM tIram udadher laGkA yatra ca sA purI 5056045a astaM dinakare yAte rakSasAM nilayaM purIm 5056045c praviSTo 'ham avijJAto rakSobhir bhImavikramaiH 5056046a tatrAhaM sarvarAtraM tu vicinvaJ janakAtmajAm 5056046c rAvaNAntaHpuragato na cApazyaM sumadhyamAm 5056047a tataH sItAm apazyaMs tu rAvaNasya nivezane 5056047c zokasAgaram AsAdya na pAram upalakSaye 5056048a zocatA ca mayA dRSTaM prAkAreNa samAvRtam 5056048c kAJcanena vikRSTena gRhopavanam uttamam 5056049a sa prAkAram avaplutya pazyAmi bahupAdapam 5056050a azokavanikAmadhye ziMzapApAdapo mahAn 5056050c tam Aruhya ca pazyAmi kAJcanaM kadalI vanam 5056051a adUrAc chiMzapAvRkSAt pazyAmi vanavarNinIm 5056051c zyAmAM kamalapatrAkSIm upavAsakRzAnanAm 5056052a rAkSasIbhir virUpAbhiH krUrAbhir abhisaMvRtAm 5056052c mAMsazoNitabhakSyAbhir vyAghrIbhir hariNIM yathA 5056053a tAM dRSTvA tAdRzIM nArIM rAmapatnIm aninditAm 5056053c tatraiva ziMzapAvRkSe pazyann aham avasthitaH 5056054a tato halahalAzabdaM kAJcInUpuramizritam 5056054c zRNomy adhikagambhIraM rAvaNasya nivezane 5056055a tato 'haM paramodvignaH svarUpaM pratyasaMharam 5056055c ahaM ca ziMzapAvRkSe pakSIva gahane sthitaH 5056056a tato rAvaNadArAz ca rAvaNaz ca mahAbalaH 5056056c taM dezaM samanuprAptA yatra sItAbhavat sthitA 5056057a taM dRSTvAtha varArohA sItA rakSogaNezvaram 5056057c saMkucyorU stanau pInau bAhubhyAM parirabhya ca 5056058a tAm uvAca dazagrIvaH sItAM paramaduHkhitAm 5056058c avAkzirAH prapatito bahu manyasva mAm iti 5056059a yadi cet tvaM tu mAM darpAn nAbhinandasi garvite 5056059c dvimAsAnantaraM sIte pAsyAmi rudhiraM tava 5056060a etac chrutvA vacas tasya rAvaNasya durAtmanaH 5056060c uvAca paramakruddhA sItA vacanam uttamam 5056061a rAkSasAdhama rAmasya bhAryAm amitatejasaH 5056061c ikSvAkukulanAthasya snuSAM dazarathasya ca 5056061e avAcyaM vadato jihvA kathaM na patitA tava 5056062a kiMsvid vIryaM tavAnArya yo mAM bhartur asaMnidhau 5056062c apahRtyAgataH pApa tenAdRSTo mahAtmanA 5056063a na tvaM rAmasya sadRzo dAsye 'py asyA na yujyase 5056063c yajJIyaH satyavAk caiva raNazlAghI ca rAghavaH 5056064a jAnakyA paruSaM vAkyam evam ukto dazAnanaH 5056064c jajvAla sahasA kopAc citAstha iva pAvakaH 5056065a vivRtya nayane krUre muSTim udyamya dakSiNam 5056065c maithilIM hantum ArabdhaH strIbhir hAhAkRtaM tadA 5056066a strINAM madhyAt samutpatya tasya bhAryA durAtmanaH 5056066c varA mandodarI nAma tayA sa pratiSedhitaH 5056067a uktaz ca madhurAM vANIM tayA sa madanArditaH 5056067c sItayA tava kiM kAryaM mahendrasamavikrama 5056067e mayA saha ramasvAdya madviziSTA na jAnakI 5056068a devagandharvakanyAbhir yakSakanyAbhir eva ca 5056068c sArdhaM prabho ramasveha sItayA kiM kariSyasi 5056069a tatas tAbhiH sametAbhir nArIbhiH sa mahAbalaH 5056069c utthApya sahasA nIto bhavanaM svaM nizAcaraH 5056070a yAte tasmin dazagrIve rAkSasyo vikRtAnanAH 5056070c sItAM nirbhartsayAm Asur vAkyaiH krUraiH sudAruNaiH 5056071a tRNavad bhASitaM tAsAM gaNayAm Asa jAnakI 5056071c tarjitaM ca tadA tAsAM sItAM prApya nirarthakam 5056072a vRthAgarjitanizceSTA rAkSasyaH pizitAzanAH 5056072c rAvaNAya zazaMsus tAH sItAvyavasitaM mahat 5056073a tatas tAH sahitAH sarvA vihatAzA nirudyamAH 5056073c parikSipya samantAt tAM nidrAvazam upAgatAH 5056074a tAsu caiva prasuptAsu sItA bhartRhite ratA 5056074c vilapya karuNaM dInA prazuzoca suduHkhitA 5056075a tAM cAhaM tAdRzIM dRSTvA sItAyA dAruNAM dazAm 5056075c cintayAm Asa vizrAnto na ca me nirvRtaM manaH 5056076a saMbhASaNArthe ca mayA jAnakyAz cintito vidhiH 5056076c ikSvAkukulavaMzas tu tato mama puraskRtaH 5056077a zrutvA tu gaditAM vAcaM rAjarSigaNapUjitAm 5056077c pratyabhASata mAM devI bASpaiH pihitalocanA 5056078a kas tvaM kena kathaM ceha prApto vAnarapuMgava 5056078c kA ca rAmeNa te prItis tan me zaMsitum arhasi 5056079a tasyAs tad vacanaM zrutvA aham apy abruvaM vacaH 5056079c devi rAmasya bhartus te sahAyo bhImavikramaH 5056079e sugrIvo nAma vikrAnto vAnarendo mahAbalaH 5056080a tasya mAM viddhi bhRtyaM tvaM hanUmantam ihAgatam 5056080c bhartrAhaM prahitas tubhyaM rAmeNAkliSTakarmaNA 5056081a idaM ca puruSavyAghraH zrImAn dAzarathiH svayam 5056081c aGgulIyam abhijJAnam adAt tubhyaM yazasvini 5056082a tad icchAmi tvayAjJaptaM devi kiM karavANy aham 5056082c rAmalakSmaNayoH pArzvaM nayAmi tvAM kim uttaram 5056083a etac chrutvA viditvA ca sItA janakanandinI 5056083c Aha rAvaNam utsAdya rAghavo mAM nayatv iti 5056084a praNamya zirasA devIm aham AryAm aninditAm 5056084c rAghavasya manohlAdam abhijJAnam ayAciSam 5056085a evam uktA varArohA maNipravaram uttamam 5056085c prAyacchat paramodvignA vAcA mAM saMdideza ha 5056086a tatas tasyai praNamyAhaM rAjaputryai samAhitaH 5056086c pradakSiNaM parikrAmam ihAbhyudgatamAnasaH 5056087a uttaraM punar evAha nizcitya manasA tadA 5056087c hanUman mama vRttAntaM vaktum arhasi rAghave 5056088a yathA zrutvaiva nacirAt tAv ubhau rAmalakSmaNau 5056088c sugrIvasahitau vIrAv upeyAtAM tathA kuru 5056089a yady anyathA bhaved etad dvau mAsau jIvitaM mama 5056089c na mAM drakSyati kAkutstho mriye sAham anAthavat 5056090a tac chrutvA karuNaM vAkyaM krodho mAm abhyavartata 5056090c uttaraM ca mayA dRSTaM kAryazeSam anantaram 5056091a tato 'vardhata me kAyas tadA parvatasaMnibhaH 5056091c yuddhakAGkSI vanaM tac ca vinAzayitum Arabhe 5056092a tad bhagnaM vanaSaNDaM tu bhrAntatrastamRgadvijam 5056092c pratibuddhA nirIkSante rAkSasyo vikRtAnanAH 5056093a mAM ca dRSTvA vane tasmin samAgamya tatas tataH 5056093c tAH samabhyAgatAH kSipraM rAvaNAyAcacakSire 5056094a rAjan vanam idaM durgaM tava bhagnaM durAtmanA 5056094c vAnareNa hy avijJAya tava vIryaM mahAbala 5056095a durbuddhes tasya rAjendra tava vipriyakAriNaH 5056095c vadham AjJApaya kSipraM yathAsau vilayaM vrajet 5056096a tac chrutvA rAkSasendreNa visRSTA bhRzadurjayAH 5056096c rAkSasAH kiMkarA nAma rAvaNasya mano'nugAH 5056097a teSAm azItisAhasraM zUlamudgarapANinAm 5056097c mayA tasmin vanoddeze parigheNa niSUditam 5056098a teSAM tu hatazeSA ye te gatA laghuvikramAH 5056098c nihataM ca mayA sainyaM rAvaNAyAcacakSire 5056099a tato me buddhir utpannA caityaprAsAdam Akramam 5056100a tatrasthAn rAkSasAn hatvA zataM stambhena vai punaH 5056100c lalAma bhUto laGkAyA mayA vidhvaMsito ruSA 5056101a tataH prahastasya sutaM jambumAlinam Adizat 5056102a tam ahaM balasaMpannaM rAkSasaM raNakovidam 5056102c parigheNAtighoreNa sUdayAmi sahAnugam 5056103a tac chrutvA rAkSasendras tu mantriputrAn mahAbalAn 5056103c padAtibalasaMpannAn preSayAm Asa rAvaNaH 5056103e parigheNaiva tAn sarvAn nayAmi yamasAdanam 5056104a mantriputrAn hatAJ zrutvA samare laghuvikramAn 5056104c paJcasenAgragAJ zUrAn preSayAm Asa rAvaNaH 5056104e tAn ahaM saha sainyAn vai sarvAn evAbhyasUdayam 5056105a tataH punar dazagrIvaH putram akSaM mahAbalam 5056105c bahubhI rAkasaiH sArdhaM preSayAm Asa saMyuge 5056106a taM tu mandodarI putraM kumAraM raNapaNDitam 5056106c sahasA khaM samutkrAntaM pAdayoz ca gRhItavAn 5056106e carmAsinaM zataguNaM bhrAmayitvA vyapeSayam 5056107a tam akSam AgataM bhagnaM nizamya sa dazAnanaH 5056107c tata indrajitaM nAma dvitIyaM rAvaNaH sutam 5056107e vyAdideza susaMkruddho balinaM yuddhadurmadam 5056108a tasyApy ahaM balaM sarvaM taM ca rAkSasapuMgavam 5056108c naSTaujasaM raNe kRtvA paraM harSam upAgamam 5056109a mahatA hi mahAbAhuH pratyayena mahAbalaH 5056109c preSito rAvaNenaiSa saha vIrair madotkaTaiH 5056110a brAhmeNAstreNa sa tu mAM prabadhnAc cAtivegataH 5056110c rajjUbhir abhibadhnanti tato mAM tatra rAkSasAH 5056111a rAvaNasya samIpaM ca gRhItvA mAm upAnayan 5056111c dRSTvA saMbhASitaz cAhaM rAvaNena durAtmanA 5056112a pRSTaz ca laGkAgamanaM rAkSasAnAM ca tad vadham 5056112c tat sarvaM ca mayA tatra sItArtham iti jalpitam 5056113a asyAhaM darzanAkAGkSI prAptas tvadbhavanaM vibho 5056113c mArutasyaurasaH putro vAnaro hanumAn aham 5056114a rAmadUtaM ca mAM viddhi sugrIvasacivaM kapim 5056114c so 'haM dautyena rAmasya tvatsamIpam ihAgataH 5056115a zRNu cApi samAdezaM yad ahaM prabravImi te 5056115c rAkSaseza harIzas tvAM vAkyam Aha samAhitam 5056115e dharmArthakAmasahitaM hitaM pathyam ivAzanam 5056116a vasato RSyamUke me parvate vipuladrume 5056116c rAghavo raNavikrAnto mitratvaM samupAgataH 5056117a tena me kathitaM rAjan bhAryA me rakSasA hRtA 5056117c tatra sAhAyyahetor me samayaM kartum arhasi 5056118a vAlinA hRtarAjyena sugrIveNa saha prabhuH 5056118c cakre 'gnisAkSikaM sakyaM rAghavaH sahalakSmaNaH 5056119a tena vAlinam utsAdya zareNaikena saMyuge 5056119c vAnarANAM mahArAjaH kRtaH saMplavatAM prabhuH 5056120a tasya sAhAyyam asmAbhiH kAryaM sarvAtmanA tv iha 5056120c tena prasthApitas tubhyaM samIpam iha dharmataH 5056121a kSipram AnIyatAM sItA dIyatAM rAghavasya ca 5056121c yAvan na harayo vIrA vidhamanti balaM tava 5056122a vAnarANAM prabhavo hi na kena viditaH purA 5056122c devatAnAM sakAzaM ca ye gacchanti nimantritAH 5056123a iti vAnararAjas tvAm Ahety abhihito mayA 5056123c mAm aikSata tato ruSTaz cakSuSA pradahann iva 5056124a tena vadhyo 'ham AjJapto rakSasA raudrakarmaNA 5056125a tato vibhISaNo nAma tasya bhrAtA mahAmatiH 5056125c tena rAkSasarAjo 'sau yAcito mama kAraNAt 5056126a dUtavadhyA na dRSTA hi rAjazAstreSu rAkSasa 5056126c dUtena veditavyaM ca yathArthaM hitavAdinA 5056127a sumahaty aparAdhe 'pi dUtasyAtulavikramaH 5056127c virUpakaraNaM dRSTaM na vadho 'stIha zAstrataH 5056128a vibhISaNenaivam ukto rAvaNaH saMdideza tAn 5056128c rAkSasAn etad evAdya lAGgUlaM dahyatAm iti 5056129a tatas tasya vacaH zrutvA mama pucchaM samantataH 5056129c veSTitaM zaNavalkaiz ca paTaiH kArpAsakais tathA 5056130a rAkSasAH siddhasaMnAhAs tatas te caNDavikramAH 5056130c tad AdIpyanta me pucchaM hanantaH kASThamuSTibhiH 5056131a baddhasya bahubhiH pAzair yantritasya ca rAkSasaiH 5056131c na me pIDA bhavet kA cid didRkSor nagarIM divA 5056132a tatas te rAkSasAH zUrA baddhaM mAm agnisaMvRtam 5056132c aghoSayan rAjamArge nagaradvAram AgatAH 5056133a tato 'haM sumahad rUpaM saMkSipya punar AtmanaH 5056133c vimocayitvA taM bandhaM prakRtiSThaH sthitaH punaH 5056134a AyasaM parighaM gRhya tAni rakSAMsy asUdayam 5056134c tatas tan nagaradvAraM vegenAplutavAn aham 5056135a pucchena ca pradIptena tAM purIM sATTagopurAm 5056135c dahAmy aham asaMbhrAnto yugAntAgnir iva prajAH 5056136a dagdhvA laGkAM punaz caiva zaGkA mAm abhyavartata 5056136c dahatA ca mayA laGkAM dagdhA sItA na saMzayaH 5056137a athAhaM vAcam azrauSaM cAraNAnAM zubhAkSarAm 5056137c jAnakI na ca dagdheti vismayodantabhASiNAm 5056138a tato me buddhir utpannA zrutvA tAm adbhutAM giram 5056138c punar dRSTA ca vaidehI visRSTaz ca tayA punaH 5056139a rAghavasya prabhAvena bhavatAM caiva tejasA 5056139c sugrIvasya ca kAryArthaM mayA sarvam anuSThitam 5056140a etat sarvaM mayA tatra yathAvad upapAditam 5056140c atra yan na kRtaM zeSaM tat sarvaM kriyatAm iti 5057001a etad AkhyAnaM tat sarvaM hanUmAn mArutAtmajaH 5057001c bhUyaH samupacakrAma vacanaM vaktum uttaram 5057002a saphalo rAghavodyogaH sugrIvasya ca saMbhramaH 5057002c zIlam AsAdya sItAyA mama ca plavanaM mahat 5057003a AryAyAH sadRzaM zIlaM sItAyAH plavagarSabhAH 5057003c tapasA dhArayel lokAn kruddhA vA nirdahed api 5057004a sarvathAtipravRddho 'sau rAvaNo rAkSasAdhipaH 5057004c yasya tAM spRzato gAtraM tapasA na vinAzitam 5057005a na tad agnizikhA kuryAt saMspRSTA pANinA satI 5057005c janakasyAtmajA kuryAd utkrodhakaluSIkRtA 5057006a azokavanikAmadhye rAvaNasya durAtmanaH 5057006c adhastAc chiMzapAvRkSe sAdhvI karuNam AsthitA 5057007a rAkSasIbhiH parivRtA zokasaMtApakarzitA 5057007c meghalekhAparivRtA candralekheva niSprabhA 5057008a acintayantI vaidehI rAvaNaM baladarpitam 5057008c pativratA ca suzroNI avaSTabdhA ca jAnakI 5057009a anuraktA hi vaidehI rAmaM sarvAtmanA zubhA 5057009c ananyacittA rAme ca paulomIva puraMdare 5057010a tad ekavAsaHsaMvItA rajodhvastA tathaiva ca 5057010c zokasaMtApadInAGgI sItA bhartRhite ratA 5057011a sA mayA rAkSasI madhye tarjyamAnA muhur muhuH 5057011c rAkSasIbhir virUpAbhir dRSTA hi pramadA vane 5057012a ekaveNIdharA dInA bhartRcintAparAyaNA 5057012c adhaHzayyA vivarNAGgI padminIva himAgame 5057013a rAvaNAd vinivRttArthA martavyakRtanizcayA 5057013c kathaM cin mRgazAvAkSI vizvAsam upapAditA 5057014a tataH saMbhASitA caiva sarvam arthaM ca darzitA 5057014c rAmasugrIvasakhyaM ca zrutvA prItim upAgatA 5057015a niyataH samudAcAro bhaktir bhartari cottamA 5057016a yan na hanti dazagrIvaM sa mahAtmA dazAnanaH 5057016c nimittamAtraM rAmas tu vadhe tasya bhaviSyati 5057017a evam Aste mahAbhAgA sItA zokaparAyaNA 5057017c yad atra pratikartavyaM tat sarvam upapAdyatAm 5058001a tasya tad vacanaM zrutvA vAlisUnur abhASata 5058001c jAmbavatpramukhAn sarvAn anujJApya mahAkapIn 5058002a asminn evaMgate kArye bhavatAM ca nivedite 5058002c nyAyyaM sma saha vaidehyA draSTuM tau pArthivAtmajau 5058003a aham eko 'pi paryAptaH sarAkSasagaNAM purIm 5058003c tAM laGkAM tarasA hantuM rAvaNaM ca mahAbalam 5058004a kiM punaH sahito vIrair balavadbhiH kRtAtmabhiH 5058004c kRtAstraiH plavagaiH zaktair bhavadbhir vijayaiSibhiH 5058005a ahaM tu rAvaNaM yuddhe sasainyaM sapuraHsaram 5058005c saputraM vidhamiSyAmi sahodarayutaM yudhi 5058006a brAhmam aindraM ca raudraM ca vAyavyaM vAruNaM tathA 5058006c yadi zakrajito 'strANi durnirIkSyANi saMyuge 5058006e tAny ahaM vidhamiSyAmi nihaniSyAmi rAkSasAn 5058007a bhavatAm abhyanujJAto vikramo me ruNaddhi tam 5058008a mayAtulA visRSTA hi zailavRSTir nirantarA 5058008c devAn api raNe hanyAt kiM punas tAn nizAcarAn 5058009a sAgaro 'py atiyAd velAM mandaraH pracaled api 5058009c na jAmbavantaM samare kampayed arivAhinI 5058010a sarvarAkSasasaMghAnAM rAkSasA ye ca pUrvakAH 5058010c alam eko vinAzAya vIro vAyusutaH kapiH 5058011a panasasyoruvegena nIlasya ca mahAtmanaH 5058011c mandaro 'py avazIryeta kiM punar yudhi rAkSasAH 5058012a sadevAsurayuddheSu gandharvoragapakSiSu 5058012c maindasya pratiyoddhAraM zaMsata dvividasya vA 5058013a azviputrau mahAvegAv etau plavagasattamau 5058013c pitAmahavarotsekAt paramaM darpam Asthitau 5058014a azvinor mAnanArthaM hi sarvalokapitAmahaH 5058014c sarvAvadhyatvam atulam anayor dattavAn purA 5058015a varotsekena mattau ca pramathya mahatIM camUm 5058015c surANAm amRtaM vIrau pItavantau plavaMgamau 5058016a etAv eva hi saMkruddhau savAjirathakuJjarAm 5058016c laGkAM nAzayituM zaktau sarve tiSThantu vAnarAH 5058017a ayuktaM tu vinA devIM dRSTabadbhiH plavaMgamAH 5058017c samIpaM gantum asmAbhI rAghavasya mahAtmanaH 5058018a dRSTA devI na cAnItA iti tatra nivedanam 5058018c ayuktam iva pazyAmi bhavadbhiH khyAtavikramaiH 5058019a na hi vaH plavate kaz cin nApi kaz cit parAkrame 5058019c tulyaH sAmaradaityeSu lokeSu harisattamAH 5058020a teSv evaM hatavIreSu rAkSaseSu hanUmatA 5058020c kim anyad atra kartavyaM gRhItvA yAma jAnakIm 5058021a tam evaM kRtasaMkalpaM jAmbavAn harisattamaH 5058021c uvAca paramaprIto vAkyam arthavad arthavit 5058022a na tAvad eSA matir akSamA no; yathA bhavAn pazyati rAjaputra 5058022c yathA tu rAmasya matir niviSTA; tathA bhavAn pazyatu kAryasiddhim 5059001a tato jAmbavato vAkyam agRhNanta vanaukasaH 5059001c aGgadapramukhA vIrA hanUmAMz ca mahAkapiH 5059002a prItimantas tataH sarve vAyuputrapuraHsarAH 5059002c mahendrAgraM parityajya pupluvuH plavagarSabhAH 5059003a merumandarasaMkAzA mattA iva mahAgajAH 5059003c chAdayanta ivAkAzaM mahAkAyA mahAbalAH 5059004a sabhAjyamAnaM bhUtais tam AtmavantaM mahAbalam 5059004c hanUmantaM mahAvegaM vahanta iva dRSTibhiH 5059005a rAghave cArthanirvRttiM bhartuz ca paramaM yazaH 5059005c samAdhAya samRddhArthAH karmasiddhibhir unnatAH 5059006a priyAkhyAnonmukhAH sarve sarve yuddhAbhinandinaH 5059006c sarve rAmapratIkAre nizcitArthA manasvinaH 5059007a plavamAnAH kham Aplutya tatas te kAnanaukSakaH 5059007c nandanopamam Asedur vanaM drumalatAyutam 5059008a yat tan madhuvanaM nAma sugrIvasyAbhirakSitam 5059008c adhRSyaM sarvabhUtAnAM sarvabhUtamanoharam 5059009a yad rakSati mahAvIryaH sadA dadhimukhaH kapiH 5059009c mAtulaH kapimukhyasya sugrIvasya mahAtmanaH 5059010a te tad vanam upAgamya babhUvuH paramotkaTAH 5059010c vAnarA vAnarendrasya manaHkAntatamaM mahat 5059011a tatas te vAnarA hRSTA dRSTvA madhuvanaM mahat 5059011c kumAram abhyayAcanta madhUni madhupiGgalAH 5059012a tataH kumAras tAn vRddhAJ jAmbavatpramukhAn kapIn 5059012c anumAnya dadau teSAM nisargaM madhubhakSaNe 5059013a tataz cAnumatAH sarve saMprahRSTA vanaukasaH 5059013c muditAz ca tatas te ca pranRtyanti tatas tataH 5059014a gAyanti ke cit praNamanti ke cin; nRtyanti ke cit prahasanti ke cit 5059014c patanti ke cid vicaranti ke cit; plavanti ke cit pralapanti ke cit 5059015a parasparaM ke cid upAzrayante; parasparaM ke cid atibruvante 5059015c drumAd drumaM ke cid abhiplavante; kSitau nagAgrAn nipatanti ke cit 5059016a mahItalAt ke cid udIrNavegA; mahAdrumAgrANy abhisaMpatante 5059016c gAyantam anyaH prahasann upaiti; hasantam anyaH prahasann upaiti 5059017a rudantam anyaH prarudann upaiti; nudantam anyaH praNudann upaiti 5059017c samAkulaM tat kapisainyam AsIn; madhuprapAnotkaTa sattvaceSTam 5059017e na cAtra kaz cin na babhUva matto; na cAtra kaz cin na babhUva tRpto 5059018a tato vanaM tat paribhakSyamANaM; drumAMz ca vidhvaMsitapatrapuSpAn 5059018c samIkSya kopAd dadhivaktranAmA; nivArayAm Asa kapiH kapIMs tAn 5059019a sa taiH pravRddhaiH paribhartsyamAno; vanasya goptA harivIravRddhaH 5059019c cakAra bhUyo matim ugratejA; vanasya rakSAM prati vAnarebhyaH 5059020a uvAca kAMz cit paruSANi dhRSTam; asaktam anyAMz ca talair jaghAna 5059020c sametya kaiz cit kalahaM cakAra; tathaiva sAmnopajagAma kAMz cit 5059021a sa tair madAc cAprativArya vegair; balAc ca tenAprativAryamANaiH 5059021c pradharSitas tyaktabhayaiH sametya; prakRSyate cApy anavekSya doSam 5059022a nakhais tudanto dazanair dazantas; talaiz ca pAdaiz ca samApnuvantaH 5059022c madAt kapiM taM kapayaH samagrA; mahAvanaM nirviSayaM ca cakruH 5060001a tAn uvAca harizreSTho hanUmAn vAnararSabhaH 5060001c avyagramanaso yUyaM madhu sevata vAnarAH 5060002a zrutvA hanumato vAkyaM harINAM pravaro 'GgadaH 5060002c pratyuvAca prasannAtmA pibantu harayo madhu 5060003a avazyaM kRtakAryasya vAkyaM hanumato mayA 5060003c akAryam api kartavyaM kim aGga punar IdRzam 5060004a andagasya mukhAc chrutvA vacanaM vAnararSabhAH 5060004c sAdhu sAdhv iti saMhRSTA vAnarAH pratyapUjayan 5060005a pUjayitvAGgadaM sarve vAnarA vAnararSabham 5060005c jagmur madhuvanaM yatra nadIvega iva drutam 5060006a te prahRSTA madhuvanaM pAlAn Akramya vIryataH 5060006c atisargAc ca paTavo dRSTvA zrutvA ca maithilIm 5060007a utpatya ca tataH sarve vanapAlAn samAgatAH 5060007c tADayanti sma zatazaH saktAn madhuvane tadA 5060008a madhUni droNamAtrANi bahubhiH parigRhya te 5060008c ghnanti sma sahitAH sarve bhakSayanti tathApare 5060009a ke cit pItvApavidhyanti madhUni madhupiGgalAH 5060009c madhUcciSTena ke cic ca jaghnur anyonyam utkaTAH 5060010a apare vRkSamUleSu zAkhAM gRhya vyavasthitaH 5060010c atyarthaM ca madaglAnAH parNAny AstIrya zerate 5060011a unmattabhUtAH plavagA madhumattAz ca hRSTavat 5060011c kSipanty api tathAnyonyaM skhalanty api tathApare 5060012a ke cit kSveDAn prakurvanti ke cit kUjanti hRSTavat 5060012c harayo madhunA mattAH ke cit suptA mahItale 5060013a ye 'py atra madhupAlAH syuH preSyA dadhimukhasya tu 5060013c te 'pi tair vAnarair bhImaiH pratiSiddhA dizo gatAH 5060014a jAnubhiz ca prakRSTAz ca devamArgaM ca darzitAH 5060014c abruvan paramodvignA gatvA dadhimukhaM vacaH 5060015a hanUmatA dattavarair hataM madhuvanaM balAt 5060015c vayaM ca jAnubhiH kRSTA devamArgaM ca darzitAH 5060016a tato dadhimukhaH kruddho vanapas tatra vAnaraH 5060016c hataM madhuvanaM zrutvA sAntvayAm Asa tAn harIn 5060017a etAgacchata gacchAmo vAnarAn atidarpitAn 5060017c balenAvArayiSyAmo madhu bhakSayato vayam 5060018a zrutvA dadhimukhasyedaM vacanaM vAnararSabhAH 5060018c punar vIrA madhuvanaM tenaiva sahitA yayuH 5060019a madhye caiSAM dadhimukhaH pragRhya sumahAtarum 5060019c samabhyadhAvad vegenA te ca sarve plavaMgamAH 5060020a te zilAH pAdapAMz cApi pASANAMz cApi vAnarAH 5060020c gRhItvAbhyAgaman kruddhA yatra te kapikuJjarAH 5060021a te svAmivacanaM vIrA hRdayeSv avasajya tat 5060021c tvarayA hy abhyadhAvanta sAlatAlazilAyudhAH 5060022a vRkSasthAMz ca talasthAMz ca vAnarAn baladarpitAn 5060022c abhyakrAmanta te vIrAH pAlAs tatra sahasrazaH 5060023a atha dRSTvA dadhimukhaM kruddhaM vAnarapuMgavAH 5060023c abhyadhAvanta vegena hanUmatpramukhAs tadA 5060024a taM savRkSaM mahAbAhum ApatantaM mahAbalam 5060024c AryakaM prAharat tatra bAhubhyAM kupito 'GgadaH 5060025a madAndhaz a na vedainam Aryako 'yaM mameti saH 5060025c athainaM niSpipeSAzu vegavad vasudhAtale 5060026a sa bhagnabAhur vimukho vihvalaH zoNitokSitaH 5060026c mumoha sahasA vIro muhUrtaM kapikuJjaraH 5060027a sa kathaM cid vimuktas tair vAnarair vAnararSabhaH 5060027c uvAcaikAntam Agamya bhRtyAMs tAn samupAgatAn 5060028a ete tiSThantu gacchAmo bhartA no yatra vAnaraH 5060028c sugrIvo vipulagrIvaH saha rAmeNa tiSThati 5060029a sarvaM caivAGgade doSaM zrAvayiSyAmi pArthiva 5060029c amarSI vacanaM zrutvA ghAtayiSyati vAnarAn 5060030a iSTaM madhuvanaM hy etat sugrIvasya mahAtmanaH 5060030c pitRpaitAmahaM divyaM devair api durAsadam 5060031a sa vAnarAn imAn sarvAn madhulubdhAn gatAyuSaH 5060031c ghAtayiSyati daNDena sugrIvaH sasuhRjjanAn 5060032a vadhyA hy ete durAtmAno nRpAjJA paribhAvinaH 5060032c amarSaprabhavo roSaH saphalo no bhaviSyati 5060033a evam uktvA dadhimukho vanapAlAn mahAbalaH 5060033c jagAma sahasotpatya vanapAlaiH samanvitaH 5060034a nimeSAntaramAtreNa sa hi prApto vanAlayaH 5060034c sahasrAMzusuto dhImAn sugrIvo yatra vAnaraH 5060035a rAmaM ca lakSmaNaM caiva dRSTvA sugrIvam eva ca 5060035c samapratiSThAM jagatIm AkAzAn nipapAta ha 5060036a sa nipatya mahAvIryaH sarvais taiH parivAritaH 5060036c harir dadhimukhaH pAlaiH pAlAnAM paramezvaraH 5060037a sa dInavadano bhUtvA kRtvA zirasi cAJjalim 5060037c sugrIvasya zubhau mUrdhnA caraNau pratyapIDayat 5061001a tato mUrdhnA nipatitaM vAnaraM vAnararSabhaH 5061001c dRSTvaivodvignahRdayo vAkyam etad uvAca ha 5061002a uttiSThottiSTha kasmAt tvaM pAdayoH patito mama 5061002c abhayaM te bhaved vIra satyam evAbhidhIyatAm 5061003a sa tu vizvAsitas tena sugrIveNa mahAtmanA 5061003c utthAya ca mahAprAjJo vAkyaM dadhimukho 'bravIt 5061004a naivarkSarajasA rAjan na tvayA nApi vAlinA 5061004c vanaM nisRSTapUrvaM hi bhakSitaM tat tu vAnaraiH 5061005a ebhiH pradharSitAz caiva vAritA vanarakSibhiH 5061005c madhUny acintayitvemAn bhakSayanti pibanti ca 5061006a ziSTam atrApavidhyanti bhakSayanti tathApare 5061006c nivAryamANAs te sarve bhruvau vai darzayanti hi 5061007a ime hi saMrabdhatarAs tathA taiH saMpradharSitAH 5061007c vArayanto vanAt tasmAt kruddhair vAnarapuMgavaiH 5061008a tatas tair bahubhir vIrair vAnarair vAnararSabhAH 5061008c saMraktanayanaiH krodhAd dharayaH saMpracAlitAH 5061009a pANibhir nihatAH ke cit ke cij jAnubhir AhatAH 5061009c prakRSTAz ca yathAkAmaM devamArgaM ca darzitAH 5061010a evam ete hatAH zUrAs tvayi tiSThati bhartari 5061010c kRtsnaM madhuvanaM caiva prakAmaM taiH prabhakSyate 5061011a evaM vijJApyamAnaM tu sugrIvaM vAnararSabham 5061011c apRcchat taM mahAprAjJo lakSmaNaH paravIrahA 5061012a kim ayaM vAnaro rAjan vanapaH pratyupasthitaH 5061012c kaM cArtham abhinirdizya duHkhito vAkyam abravIt 5061013a evam uktas tu sugrIvo lakSmaNena mahAtmanA 5061013c lakSmaNaM pratyuvAcedaM vAkyaM vAkyavizAradaH 5061014a Arya lakSmaNa saMprAha vIro dadhimukhaH kapiH 5061014c aGgadapramukhair vIrair bhakSitaM madhuvAnaraiH 5061015a naiSAm akRtakRtyAnAm IdRzaH syAd upakramaH 5061015c vanaM yathAbhipannaM taiH sAdhitaM karma vAnaraiH 5061016a dRSTA devI na saMdeho na cAnyena hanUmatA 5061016c na hy anyaH sAdhane hetuH karmaNo 'sya hanUmataH 5061017a kAryasiddhir hanumati matiz ca haripuMgava 5061017c vyavasAyaz ca vIryaM ca zrutaM cApi pratiSThitam 5061018a jAmbavAn yatra netA syAd aGgadasya balezvaraH 5061018c hanUmAMz cApy adhiSThAtA na tasya gatir anyathA 5061019a aGgadapramukhair vIrair hataM madhuvanaM kila 5061019c vicintya dakSiNAm AzAm Agatair haripuMgavaiH 5061020a Agataiz ca praviSTaM tad yathA madhuvanaM hi taiH 5061020c dharSitaM ca vanaM kRtsnam upayuktaM ca vAnaraiH 5061020e vAritAH sahitAH pAlAs tathA jAnubhir AhatAH 5061021a etadartham ayaM prApto vaktuM madhuravAg iha 5061021c nAmnA dadhimukho nAma hariH prakhyAtavikramaH 5061022a dRSTA sItA mahAbAho saumitre pazya tattvataH 5061022c abhigamya yathA sarve pibanti madhu vAnarAH 5061023a na cApy adRSTvA vaidehIM vizrutAH puruSarSabha 5061023c vanaM dAtta varaM divyaM dharSayeyur vanaukasaH 5061024a tataH prahRSTo dharmAtmA lakSmaNaH saharAghavaH 5061024c zrutvA karNasukhAM vANIM sugrIvavadanAc cyutAm 5061025a prAhRSyata bhRzaM rAmo lakSmaNaz ca mahAyazAH 5061025c zrutvA dadhimukhasyedaM sugrIvas tu prahRSya ca 5061025e vanapAlaM punar vAkyaM sugrIvaH pratyabhASata 5061026a prIto 'smi saumya yad bhuktaM vanaM taiH kRtakarmabhiH 5061026c marSitaM marSaNIyaM ca ceSTitaM kRtakarmaNAm 5061027a icchAmi zIghraM hanumatpradhAnAn; zAkhAmRgAMs tAn mRgarAjadarpAn 5061027c draSTuM kRtArthAn saha rAghavAbhyAM; zrotuM ca sItAdhigame prayatnam 5062001a sugrIveNaivam uktas tu hRSTo dadhimukhaH kapiH 5062001c rAghavaM lakSmaNaM caiva sugrIvaM cAbhyavAdayat 5062002a sa praNamya ca sugrIvaM rAghavau ca mahAbalau 5062002c vAnaraiH sahitaiH zUrair divam evotpapAta ha 5062003a sa yathaivAgataH pUrvaM tathaiva tvarito gataH 5062003c nipatya gaganAd bhUmau tad vanaM praviveza ha 5062004a sa praviSTo madhuvanaM dadarza hariyUthapAn 5062004c vimadAn uddhatAn sarvAn mehamAnAn madhUdakam 5062005a sa tAn upAgamad vIro baddhvA karapuTAJjalim 5062005c uvAca vacanaM zlakSNam idaM hRSTavad aGgadam 5062006a saumya roSo na kartavyo yad ebhir abhivAritaH 5062006c ajJAnAd rakSibhiH krodhAd bhavantaH pratiSedhitAH 5062007a yuvarAjas tvam Izaz ca vanasyAsya mahAbala 5062007c maurkhyAt pUrvaM kRto doSas tad bhavAn kSantum arhati 5062008a yathaiva hi pitA te 'bhUt pUrvaM harigaNezvaraH 5062008c tathA tvam api sugrIvo nAnyas tu harisattama 5062009a AkhyAtaM hi mayA gatvA pitRvyasya tavAnagha 5062009c ihopayAnaM sarveSAm eteSAM vanacAriNAm 5062010a sa tvadAgamanaM zrutvA sahaibhir hariyUthapaiH 5062010c prahRSTo na tu ruSTo 'sau vanaM zrutvA pradharSitam 5062011a prahRSTo mAM pitRvyas te sugrIvo vAnarezvaraH 5062011c zIghraM preSaya sarvAMs tAn iti hovAca pArthivaH 5062012a zrutvA dadhimukhasyaitad vacanaM zlakSNam aGgadaH 5062012c abravIt tAn harizreSTho vAkyaM vAkyavizAradaH 5062013a zaGke zruto 'yaM vRttAnto rAmeNa hariyUthapAH 5062013c tat kSamaM neha naH sthAtuM kRte kArye paraMtapAH 5062014a pItvA madhu yathAkAmaM vizrAntA vanacAriNaH 5062014c kiM zeSaM gamanaM tatra sugrIvo yatra me guruH 5062015a sarve yathA mAM vakSyanti sametya hariyUthapAH 5062015c tathAsmi kartA kartavye bhavadbhiH paravAn aham 5062016a nAjJApayitum Izo 'haM yuvarAjo 'smi yady api 5062016c ayuktaM kRtakarmANo yUyaM dharSayituM mayA 5062017a bruvataz cAGgadaz caivaM zrutvA vacanam avyayam 5062017c prahRSTamanaso vAkyam idam Ucur vanaukasaH 5062018a evaM vakSyati ko rAjan prabhuH san vAnararSabha 5062018c aizvaryamadamatto hi sarvo 'ham iti manyate 5062019a tava cedaM susadRzaM vAkyaM nAnyasya kasya cit 5062019c saMnatir hi tavAkhyAti bhaviSyac chubhabhAgyatAm 5062020a sarve vayam api prAptAs tatra gantuM kRtakSaNAH 5062020c sa yatra harivIrANAM sugrIvaH patir avyayaH 5062021a tvayA hy anuktair haribhir naiva zakyaM padAt padam 5062021c kva cid gantuM harizreSTha brUmaH satyam idaM tu te 5062022a evaM tu vadatAM teSAm aGgadaH pratyabhASata 5062022c bADhaM gacchAma ity uktvA utpapAta mahItalAt 5062023a utpatantam anUtpetuH sarve te hariyUthapAH 5062023c kRtvAkAzaM nirAkAzaM yajJotkSiptA ivAnalAH 5062024a te 'mbaraM sahasotpatya vegavantaH plavaMgamAH 5062024c vinadanto mahAnAdaM ghanA vAteritA yathA 5062025a aGgade hy ananuprApte sugrIvo vAnarAdhipaH 5062025c uvAca zokopahataM rAmaM kamalalocanam 5062026a samAzvasihi bhadraM te dRSTA devI na saMzayaH 5062026c nAgantum iha zakyaM tair atIte samaye hi naH 5062027a na matsakAzam Agacchet kRtye hi vinipAtite 5062027c yuvarAjo mahAbAhuH plavatAM pravaro 'GgadaH 5062028a yady apy akRtakRtyAnAm IdRzaH syAd upakramaH 5062028c bhavet tu dInavadano bhrAntaviplutamAnasaH 5062029a pitRpaitAmahaM caitat pUrvakair abhirakSitam 5062029c na me madhuvanaM hanyAd ahRSTaH plavagezvaraH 5062030a kausalyA suprajA rAma samAzvasihi suvrata 5062030c dRSTA devI na saMdeho na cAnyena hanUmatA 5062030e na hy anyaH karmaNo hetuH sAdhane tadvidho bhavet 5062031a hanUmati hi siddhiz ca matiz ca matisattama 5062031c vyavasAyaz ca vIryaM ca sUrye teja iva dhruvam 5062032a jAmbavAn yatra netA syAd aGgadaz ca balezvaraH 5062032c hanUmAMz cApy adhiSThAtA na tasya gatir anyathA 5062033a mA bhUz cintA samAyuktaH saMpraty amitavikrama 5062034a tataH kila kilA zabdaM zuzrAvAsannam ambare 5062034c hanUmat karmadRptAnAM nardatAM kAnanaukasAm 5062034e kiSkindhAm upayAtAnAM siddhiM kathayatAm iva 5062035a tataH zrutvA ninAdaM taM kapInAM kapisattamaH 5062035c AyatAJcitalAGgUlaH so 'bhavad dhRSTamAnasaH 5062036a Ajagmus te 'pi harayo rAmadarzanakAGkSiNaH 5062036c aGgadaM purataH kRtvA hanUmantaM ca vAnaram 5062037a te 'GgadapramukhA vIrAH prahRSTAz ca mudAnvitAH 5062037c nipetur harirAjasya samIpe rAghavasya ca 5062038a hanUmAMz ca mahAbahuH praNamya zirasA tataH 5062038c niyatAm akSatAM devIM rAghavAya nyavedayat 5062039a nizcitArthaM tatas tasmin sugrIvaM pavanAtmaje 5062039c lakSmaNaH prItimAn prItaM bahumAnAd avaikSata 5062040a prItyA ca ramamANo 'tha rAghavaH paravIrahA 5062040c bahu mAnena mahatA hanUmantam avaikSata 5063001a tataH prasravaNaM zailaM te gatvA citrakAnanam 5063001c praNamya zirasA rAmaM lakSmaNaM ca mahAbalam 5063002a yuvarAjaM puraskRtya sugrIvam abhivAdya ca 5063002c pravRttam atha sItAyAH pravaktum upacakramuH 5063003a rAvaNAntaHpure rodhaM rAkSasIbhiz ca tarjanam 5063003c rAme samanurAgaM ca yaz cApi samayaH kRtaH 5063004a etad AkhyAnti te sarve harayo rAma saMnidhau 5063004c vaidehIm akSatAM zrutvA rAmas tUttaram abravIt 5063005a kva sItA vartate devI kathaM ca mayi vartate 5063005c etan me sarvam AkhyAta vaidehIM prati vAnarAH 5063006a rAmasya gaditaM zrutva harayo rAmasaMnidhau 5063006c codayanti hanUmantaM sItAvRttAntakovidam 5063007a zrutvA tu vacanaM teSAM hanUmAn mArutAtmajaH 5063007c uvAca vAkyaM vAkyajJaH sItAyA darzanaM yathA 5063008a samudraM laGghayitvAhaM zatayojanam Ayatam 5063008c agacchaM jAnakIM sItAM mArgamANo didRkSayA 5063009a tatra laGketi nagarI rAvaNasya durAtmanaH 5063009c dakSiNasya samudrasya tIre vasati dakSiNe 5063010a tatra dRSTA mayA sItA rAvaNAntaHpure satI 5063010c saMnyasya tvayi jIvantI rAmA rAma manoratham 5063011a dRSTA me rAkSasI madhye tarjyamAnA muhur muhuH 5063011c rAkSasIbhir virUpAbhI rakSitA pramadAvane 5063012a duHkham Apadyate devI tavAduHkhocitA satI 5063012c rAvaNAntaHpure ruddhvA rAkSasIbhiH surakSitA 5063013a ekaveNIdharA dInA tvayi cintAparAyaNA 5063013c adhaHzayyA vivarNAGgI padminIva himAgame 5063014a rAvaNAd vinivRttArthA martavyakRtanizcayA 5063014c devI kathaM cit kAkutstha tvanmanA mArgitA mayA 5063015a ikSvAkuvaMzavikhyAtiM zanaiH kIrtayatAnagha 5063015c sa mayA narazArdUla vizvAsam upapAditA 5063016a tataH saMbhASitA devI sarvam arthaM ca darzitA 5063016c rAmasugrIvasakhyaM ca zrutvA prItim upAgatA 5063017a niyataH samudAcAro bhaktiz cAsyAs tathA tvayi 5063017c evaM mayA mahAbhAgA dRSTA janakanandinI 5063017e ugreNa tapasA yuktA tvadbhaktyA puruSarSabha 5063018a abhijJAnaM ca me dattaM yathAvRttaM tavAntike 5063018c citrakUTe mahAprAjJa vAyasaM prati rAghava 5063019a vijJApyaz ca nara vyAghro rAmo vAyusuta tvayA 5063019c akhileneha yad dRSTam iti mAm Aha jAnakI 5063020a idaM cAsmai pradAtavyaM yatnAt suparirakSitam 5063020c bruvatA vacanAny evaM sugrIvasyopazRNvataH 5063021a eSa cUDAmaNiH zrImAn mayA te yatnarakSitaH 5063021c manaHzilAyAs tikalas taM smarasveti cAbravIt 5063022a eSa niryAtitaH zrImAn mayA te vArisaMbhavaH 5063022c etaM dRSTvA pramodiSye vyasane tvAm ivAnagha 5063023a jIvitaM dhArayiSyAmi mAsaM dazarathAtmaja 5063023c UrdhvaM mAsAn na jIveyaM rakSasAM vazam AgatA 5063024a iti mAm abravIt sItA kRzAGgI dharma cAriNI 5063024c rAvaNAntaHpure ruddhA mRgIvotphullalocanA 5063025a etad eva mayAkhyAtaM sarvaM rAghava yad yathA 5063025c sarvathA sAgarajale saMtAraH pravidhIyatAm 5063026a tau jAtAzvAsau rAjaputrau viditvA; tac cAbhijJAnaM rAghavAya pradAya 5063026c devyA cAkhyAtaM sarvam evAnupUrvyAd; vAcA saMpUrNaM vAyuputraH zazaMsa 5064001a evam ukto hanumatA rAmo dazarathAtmajaH 5064001c taM maNiM hRdaye kRtvA praruroda salakSmaNaH 5064002a taM tu dRSTvA maNizreSThaM rAghavaH zokakarzitaH 5064002c netrAbhyAm azrupUrNAbhyAM sugrIvam idam abravIt 5064003a yathaiva dhenuH sravati snehAd vatsasya vatsalA 5064003c tathA mamApi hRdayaM maNiratnasya darzanAt 5064004a maNiratnam idaM dattaM vaidehyAH zvazureNa me 5064004c vadhUkAle yathA baddham adhikaM mUrdhni zobhate 5064005a ayaM hi jalasaMbhUto maNiH pravarapUjitaH 5064005c yajJe paramatuSTena dattaH zakreNa dhImatA 5064006a imaM dRSTvA maNizreSThaM tathA tAtasya darzanam 5064006c adyAsmy avagataH saumya vaidehasya tathA vibhoH 5064007a ayaM hi zobhate tasyAH priyAyA mUrdhni me maNiH 5064007c adyAsya darzanenAhaM prAptAM tAm iva cintaye 5064008a kim Aha sItA vaidehI brUhi saumya punaH punaH 5064008c parAsum iva toyena siJcantI vAkyavAriNA 5064009a itas tu kiM duHkhataraM yad imaM vArisaMbhavam 5064009c maNiM pazyAmi saumitre vaidehIm AgataM vinA 5064010a ciraM jIvati vaidehI yadi mAsaM dhariSyati 5064010c kSaNaM saumya na jIveyaM vinA tAm asitekSaNAm 5064011a naya mAm api taM dezaM yatra dRSTA mama priyA 5064011c na tiSTheyaM kSaNam api pravRttim upalabhya ca 5064012a kathaM sA mama suzroNi bhIru bhIruH satI tadA 5064012c bhayAvahAnAM ghorANAM madhye tiSThati rakSasAm 5064013a zAradas timironmukho nUnaM candra ivAmbudaiH 5064013c AvRtaM vadanaM tasyA na virAjati rAkSasaiH 5064014a kim Aha sItA hanumaMs tattvataH kathayasva me 5064014c etena khalu jIviSye bheSajenAturo yathA 5064015a madhurA madhurAlApA kim Aha mama bhAminI 5064015c madvihInA varArohA hanuman kathayasva me 5064015e duHkhAd duHkhataraM prApya kathaM jIvati jAnakI 5065001a evam uktas tu hanumAn rAghaveNa mahAtmanA 5065001c sItAyA bhASitaM sarvaM nyavedayata rAghave 5065002a idam uktavatI devI jAnakI puruSarSabha 5065002c pUrvavRttam abhijJAnaM citrakUTe yathA tatham 5065003a sukhasuptA tvayA sArdhaM jAnakI pUrvam utthitA 5065003c vAyasaH sahasotpatya virarAda stanAntare 5065004a paryAyeNa ca suptas tvaM devyaGke bharatAgraja 5065004c punaz ca kila pakSI sa devyA janayati vyathAm 5065005a tataH punar upAgamya virarAda bhRzaM kila 5065005c tatas tvaM bodhitas tasyAH zoNitena samukSitaH 5065006a vAyasena ca tenaiva satataM bAdhyamAnayA 5065006c bodhitaH kila devyAs tvaM sukhasuptaH paraMtapa 5065007a tAM tu dRSTvA mahAbAho rAditAM ca stanAntare 5065007c AzIviSa iva kruddho niHzvasann abhyabhASathAH 5065008a nakhAgraiH kena te bhIru dAritaM tu stanAntaram 5065008c kaH krIDati saroSeNa paJcavaktreNa bhoginA 5065009a nirIkSamANaH sahasA vAyasaM samavaikSatAH 5065009c nakhaiH sarudhirais tIkSNair mAm evAbhimukhaM sthitam 5065010a sutaH kila sa zakrasya vAyasaH patatAM varaH 5065010c dharAntaracaraH zIghraM pavanasya gatau samaH 5065011a tatas tasmin mahAbAho kopasaMvartitekSaNaH 5065011c vAyase tvaM kRtvAH krUrAM matiM matimatAM vara 5065012a sa darbhaM saMstarAd gRhya brahmAstreNa nyayojayaH 5065012c sa dIpta iva kAlAgnir jajvAlAbhimukhaH khagam 5065013a sa tvaM pradIptaM cikSepa darbhaM taM vAyasaM prati 5065013c tatas tu vAyasaM dIptaH sa darbho 'nujagAma ha 5065014a sa pitrA ca parityaktaH suraiH sarvair maharSibhiH 5065014c trI&l lokAn saMparikramya trAtAraM nAdhigacchati 5065015a taM tvaM nipatitaM bhUmau zaraNyaH zaraNAgatam 5065015c vadhArham api kAkutstha kRpayA paripAlayaH 5065016a mogham astraM na zakyaM tu kartum ity eva rAghava 5065016c tatas tasyAkSikAkasya hinasti sma sa dakSiNam 5065017a rAma tvAM sa namaskRtvA rAjJo dazarathasya ca 5065017c visRSTas tu tadA kAkaH pratipede kham Alayam 5065018a evam astravidAM zreSThaH sattvavAJ zIlavAn api 5065018c kimartham astraM rakSaHsu na yojayasi rAghava 5065019a na nAgA nApi gandharvA nAsurA na marudgaNAH 5065019c tava rAma mukhe sthAtuM zaktAH pratisamAdhitum 5065020a tava vIryavataH kaccin mayi yady asti saMbhramaH 5065020c kSipraM sunizitair bANair hanyatAM yudhi rAvaNaH 5065021a bhrAtur Adezam AdAya lakSmaNo vA paraMtapaH 5065021c sa kimarthaM naravaro na mAM rakSati rAghavaH 5065022a zaktau tau puruSavyAghrau vAyvagnisamatejasau 5065022c surANAm api durdharSau kimarthaM mAm upekSataH 5065023a mamaiva duSkRtaM kiM cin mahad asti na saMzayaH 5065023c samarthau sahitau yan mAM nApekSete paraMtapau 5065024a vaidehyA vacanaM zrutvA karuNaM sAzrubhASitam 5065024c punar apy aham AryAM tAm idaM vacanam abruvam 5065025a tvacchokavimukho rAmo devi satyena te zape 5065025c rAme duHkhAbhibhUte ca lakSmaNaH paritapyate 5065026a kathaM cid bhavatI dRSTA na kAlaH parizocitum 5065026c imaM muhUrtaM duHkhAnAm antaM drakSyasi bhAmini 5065027a tAv ubhau narazArdUlau rAjaputrAv ariMdamau 5065027c tvaddarzanakRtotsAhau laGkAM bhasmIkariSyataH 5065028a hatvA ca samare raudraM rAvaNaM saha bAndhavam 5065028c rAghavas tvAM mahAbAhuH svAM purIM nayate dhruvam 5065029a yat tu rAmo vijAnIyAd abhijJAnam anindite 5065029c prItisaMjananaM tasya pradAtuM tattvam arhasi 5065030a sAbhivIkSya dizaH sarvA veNyudgrathanam uttamam 5065030c muktvA vastrAd dadau mahyaM maNim etaM mahAbala 5065031a pratigRhya maNiM divyaM tava heto raghUttama 5065031c zirasA saMpraNamyainAm aham Agamane tvare 5065032a gamane ca kRtotsAham avekSya varavarNinI 5065032c vivardhamAnaM ca hi mAm uvAca janakAtmajA 5065032e azrupUrNamukhI dInA bASpasaMdigdhabhASiNI 5065033a hanuman siMhasaMkAzau tAv ubhau rAmalakSmaNau 5065033c sugrIvaM ca sahAmAtyaM sarvAn brUyA anAmayam 5065034a yathA ca sa mahAbAhur mAM tArayati rAghavaH 5065034c asmAd duHkhAmbusaMrodhAt tat samAdhAtum arhasi 5065035a imaM ca tIvraM mama zokavegaM; rakSobhir ebhiH paribhartsanaM ca 5065035c brUyAs tu rAmasya gataH samIpaM; zivaz ca te 'dhvAstu haripravIra 5065036a etat tavAryA nRparAjasiMha; sItA vacaH prAha viSAdapUrvam 5065036c etac ca buddhvA gaditaM mayA tvaM; zraddhatsva sItAM kuzalAM samagrAm 5066001a athAham uttaraM devyA punar uktaH sasaMbhramam 5066001c tava snehAn naravyAghra sauhAryAd anumAnya ca 5066002a evaM bahuvidhaM vAcyo rAmo dAzarathis tvayA 5066002c yathA mAm ApnuyAc chIghraM hatvA rAvaNam Ahave 5066003a yadi vA manyase vIra vasaikAham ariMdama 5066003c kasmiMz cit saMvRte deze vizrAntaH zvo gamiSyasi 5066004a mama cApy alpabhAgyAyAH sAmnidhyAt tava vAnara 5066004c asya zokavipAkasya muhUrtaM syAd vimokSaNam 5066005a gate hi tvayi vikrAnte punarAgamanAya vai 5066005c prANAnAm api saMdeho mama syAn nAtra saMzayaH 5066006a tavAdarzanajaH zoko bhUyo mAM paritApayet 5066006c duHkhAd duHkhaparAbhUtAM durgatAM duHkhabhAginIm 5066007a ayaM tu vIrasaMdehas tiSThatIva mamAgrataH 5066007c sumahAMs tvatsahAyeSu haryRkSeSu asaMzayaH 5066008a kathaM nu khalu duSpAraM tariSyanti mahodadhim 5066008c tAni haryRkSasainyAni tau vA naravarAtmajau 5066009a trayANAm eva bhUtAnAM sAgarasyAsya laGghane 5066009c zaktiH syAd vainateyasya vAyor vA tava vAnagha 5066010a tad asmin kAryaniyoge vIraivaM duratikrame 5066010c kiM pazyasi samAdhAnaM brUhi kAryavidAM vara 5066011a kAmam asya tvam evaikaH kAryasya parisAdhane 5066011c paryAptaH paravIraghna yazasyas te balodayaH 5066012a balaiH samagrair yadi mAM hatvA rAvaNam Ahave 5066012c vijayI svAM purIM rAmo nayet tat syAd yazaskaram 5066013a yathAhaM tasya vIrasya vanAd upadhinA hRtA 5066013c rakSasA tad bhayAd eva tathA nArhati rAghavaH 5066014a balais tu saMkulAM kRtvA laGkAM parabalArdanaH 5066014c mAM nayed yadi kAkutsthas tat tasya sadRzaM bhavet 5066015a tad yathA tasya vikrAntam anurUpaM mahAtmanaH 5066015c bhavaty AhavazUrasya tathA tvam upapAdaya 5066016a tad arthopahitaM vAkyaM prazritaM hetusaMhitam 5066016c nizamyAhaM tataH zeSaM vAkyam uttaram abruvam 5066017a devi haryRkSasainyAnAm IzvaraH plavatAM varaH 5066017c sugrIvaH sattvasaMpannas tavArthe kRtanizcayaH 5066018a tasya vikramasaMpannAH sattvavanto mahAbalAH 5066018c manaHsaMkalpasaMpAtA nideze harayaH sthitAH 5066019a yeSAM nopari nAdhastAn na tiryak sajjate gatiH 5066019c na ca karmasu sIdanti mahatsv amitatejasaH 5066020a asakRt tair mahAbhAgair vAnarair balasaMyutaiH 5066020c pradakSiNIkRtA bhUmir vAyumArgAnusAribhiH 5066021a madviziSTAz ca tulyAz ca santi tatra vanaukasaH 5066021c mattaH pratyavaraH kaz cin nAsti sugrIvasaMnidhau 5066022a ahaM tAvad iha prAptaH kiM punas te mahAbalAH 5066022c na hi prakRSTAH preSyante preSyante hItare janAH 5066023a tad alaM paritApena devi manyur vyapaitu te 5066023c ekotpAtena te laGkAm eSyanti hariyUthapAH 5066024a mama pRSThagatau tau ca candrasUryAv ivoditau 5066024c tvatsakAzaM mahAbhAge nRsiMhAv AgamiSyataH 5066025a arighnaM siMhasaMkAzaM kSipraM drakSyasi rAghavam 5066025c lakSmaNaM ca dhanuSpANiM laGkA dvAram upasthitam 5066026a nakhadaMSTrAyudhAn vIrAn siMhazArdUlavikramAn 5066026c vAnarAn vAnarendrAbhAn kSipraM drakSyasi saMgatAn 5066027a zailAmbudan nikAzAnAM laGkAmalayasAnuSu 5066027c nardatAM kapimukhyAnAm acirAc choSyase svanam 5066028a nivRttavanavAsaM ca tvayA sArdham ariMdamam 5066028c abhiSiktam ayodhyAyAM kSipraM drakSyasi rAghavam 5066029a tato mayA vAgbhir adInabhASiNI; zivAbhir iSTAbhir abhiprasAditA 5066029c jagAma zAntiM mama maithilAtmajA; tavApi zokena tathAbhipIDitA