% Mahabharata: Svargarohanaparvan % Last updated: Mon Jul 23 2007 % Encoding: ASCII % Electronic text (C) Bhandarkar Oriental Research Institute, % Pune, India, 1999 % 18001001 janamejaya uvAca 18001001a svargaM triviSTapaM prApya mama pUrvapitAmahAH 18001001c pANDavA dhArtarASTrAz ca kAni sthAnAni bhejire 18001002a etad icchAmy ahaM zrotuM sarvavic cAsi me mataH 18001002c maharSiNAbhyanujJAto vyAsenAdbhutakarmaNA 18001003 vaizaMpAyana uvAca 18001003a svargaM triviSTapaM prApya tava pUrvapitAmahAH 18001003c yudhiSThiraprabhRtayo yad akurvata tac chRNu 18001004a svargaM triviSTapaM prApya dharmarAjo yudhiSThiraH 18001004c duryodhanaM zriyA juSTaM dadarzAsInam Asane 18001005a bhrAjamAnam ivAdityaM vIralakSmyAbhisaMvRtam 18001005c devair bhrAjiSNubhiH sAdhyaiH sahitaM puNyakarmabhiH 18001006a tato yudhiSThiro dRSTvA duryodhanam amarSitaH 18001006c sahasA saMnivRtto 'bhUc chriyaM dRSTvA suyodhane 18001007a bruvann uccair vacas tAn vai nAhaM duryodhanena vai 18001007c sahitaH kAmaye lokA&l lubdhenAdIrghadarzinA 18001008a yatkRte pRthivI sarvA suhRdo bAndhavAs tathA 18001008c hatAsmAbhiH prasahyAjau kliSTaiH pUrvaM mahAvane 18001009a draupadI ca sabhAmadhye pAJcAlI dharmacAriNI 18001009c parikliSTAnavadyAGgI patnI no gurusaMnidhau 18001010a svasti devA na me kAmaH suyodhanam udIkSitum 18001010c tatrAhaM gantum icchAmi yatra te bhrAtaro mama 18001011a maivam ity abravIt taM tu nAradaH prahasann iva 18001011c svarge nivAso rAjendra viruddhaM cApi nazyati 18001012a yudhiSThira mahAbAho maivaM vocaH kathaM cana 18001012c duryodhanaM prati nRpaM zRNu cedaM vaco mama 18001013a eSa duryodhano rAjA pUjyate tridazaiH saha 18001013c sadbhiz ca rAjapravarair ya ime svargavAsinaH 18001014a vIralokagatiM prApto yuddhe hutvAtmanas tanum 18001014c yUyaM sarve surasamA yena yuddhe samAsitAH 18001015a sa eSa kSatradharmeNa sthAnam etad avAptavAn 18001015c bhaye mahati yo 'bhIto babhUva pRthivIpatiH 18001016a na tan manasi kartavyaM putra yad dyUtakAritam 18001016c draupadyAz ca pariklezaM na cintayitum arhasi 18001017a ye cAnye 'pi pariklezA yuSmAkaM dyUtakAritAH 18001017c saMgrAmeSv atha vAnyatra na tAn saMsmartum arhasi 18001018a samAgaccha yathAnyAyaM rAjJA duryodhanena vai 18001018c svargo 'yaM neha vairANi bhavanti manujAdhipa 18001019a nAradenaivam uktas tu kururAjo yudhiSThiraH 18001019c bhrAtqn papraccha medhAvI vAkyam etad uvAca ha 18001020a yadi duryodhanasyaite vIralokAH sanAtanAH 18001020c adharmajJasya pApasya pRthivIsuhRdadruhaH 18001021a yatkRte pRthivI naSTA sahayA sarathadvipA 18001021c vayaM ca manyunA dagdhA vairaM praticikIrSavaH 18001022a ye te vIrA mahAtmAno bhrAtaro me mahAvratAH 18001022c satyapratijJA lokasya zUrA vai satyavAdinaH 18001023a teSAm idAnIM ke lokA draSTum icchAmi tAn aham 18001023c karNaM caiva mahAtmAnaM kaunteyaM satyasaMgaram 18001024a dhRSTadyumnaM sAtyakiM ca dhRSTadyumnasya cAtmajAn 18001024c ye ca zastrair vadhaM prAptAH kSatradharmeNa pArthivAH 18001025a kva nu te pArthivA brahman naitAn pazyAmi nArada 18001025c virATadrupadau caiva dhRSTaketumukhAMz ca tAn 18001026a zikhaNDinaM ca pAJcAlyaM draupadeyAMz ca sarvazaH 18001026c abhimanyuM ca durdharSaM draSTum icchAmi nArada 18002001 yudhiSThira uvAca 18002001a neha pazyAmi vibudhA rAdheyam amitaujasam 18002001c bhrAtarau ca mahAtmAnau yudhAmanyUttamaujasau 18002002a juhuvur ye zarIrANi raNavahnau mahArathAH 18002002c rAjAno rAjaputrAz ca ye madarthe hatA raNe 18002003a kva te mahArathAH sarve zArdUlasamavikramAH 18002003c tair apy ayaM jito lokaH kaccit puruSasattamaiH 18002004a yadi lokAn imAn prAptAs te ca sarve mahArathAH 18002004c sthitaM vitta hi mAM devAH sahitaM tair mahAtmabhiH 18002005a kaccin na tair avApto 'yaM nRpair loko 'kSayaH zubhaH 18002005c na tair ahaM vinA vatsye jJAtibhir bhrAtRbhis tathA 18002006a mAtur hi vacanaM zrutvA tadA salilakarmaNi 18002006c karNasya kriyatAM toyam iti tapyAmi tena vai 18002007a idaM ca paritapyAmi punaH punar ahaM surAH 18002007c yan mAtuH sadRzau pAdau tasyAham amitaujasaH 18002008a dRSTvaiva taM nAnugataH karNaM parabalArdanam 18002008c na hy asmAn karNasahitAJ jayec chakro 'pi saMyuge 18002009a tam ahaM yatratatrasthaM draSTum icchAmi sUryajam 18002009c avijJAto mayA yo 'sau ghAtitaH savyasAcinA 18002010a bhImaM ca bhImavikrAntaM prANebhyo 'pi priyaM mama 18002010c arjunaM cendrasaMkAzaM yamau tau ca yamopamau 18002011a draSTum icchAmi tAM cAhaM pAJcAlIM dharmacAriNIm 18002011c na ceha sthAtum icchAmi satyam etad bravImi vaH 18002012a kiM me bhrAtRvihInasya svargeNa surasattamAH 18002012c yatra te sa mama svargo nAyaM svargo mato mama 18002013 devA UcuH 18002013a yadi vai tatra te zraddhA gamyatAM putra mAciram 18002013c priye hi tava vartAmo devarAjasya zAsanAt 18002014 vaizaMpAyana uvAca 18002014a ity uktvA taM tato devA devadUtam upAdizan 18002014c yudhiSThirasya suhRdo darzayeti paraMtapa 18002015a tataH kuntIsuto rAjA devadUtaz ca jagmatuH 18002015c sahitau rAjazArdUla yatra te puruSarSabhAH 18002016a agrato devadUtas tu yayau rAjA ca pRSThataH 18002016c panthAnam azubhaM durgaM sevitaM pApakarmabhiH 18002017a tamasA saMvRtaM ghoraM kezazaivalazAdvalam 18002017c yuktaM pApakRtAM gandhair mAMsazoNitakardamam 18002018a daMzotthAnaM sajhillIkaM makSikAmazakAvRtam 18002018c itaz cetaz ca kuNapaiH samantAt parivAritam 18002019a asthikezasamAkIrNaM kRmikITasamAkulam 18002019c jvalanena pradIptena samantAt pariveSTitam 18002020a ayomukhaiz ca kAkolair gRdhraiz ca samabhidrutam 18002020c sUcImukhais tathA pretair vindhyazailopamair vRtam 18002021a medorudhirayuktaiz ca chinnabAhUrupANibhiH 18002021c nikRttodarapAdaiz ca tatra tatra praveritaiH 18002022a sa tat kuNapadurgandham azivaM romaharSaNam 18002022c jagAma rAjA dharmAtmA madhye bahu vicintayan 18002023a dadarzoSNodakaiH pUrNAM nadIM cApi sudurgamAm 18002023c asipatravanaM caiva nizitakSurasaMvRtam 18002024a karambhavAlukAs taptA AyasIz ca zilAH pRthak 18002024c lohakumbhIz ca tailasya kvAthyamAnAH samantataH 18002025a kUTazAlmalikaM cApi dusparzaM tIkSNakaNTakam 18002025c dadarza cApi kaunteyo yAtanAH pApakarmiNAm 18002026a sa taM durgandham AlakSya devadUtam uvAca ha 18002026c kiyad adhvAnam asmAbhir gantavyam idam IdRzam 18002027a kva ca te bhrAtaro mahyaM tan mamAkhyAtum arhasi 18002027c dezo 'yaM kaz ca devAnAm etad icchAmi veditum 18002028a sa saMnivavRte zrutvA dharmarAjasya bhASitam 18002028c devadUto 'bravIc cainam etAvad gamanaM tava 18002029a nivartitavyaM hi mayA tathAsmy ukto divaukasaiH 18002029c yadi zrAnto 'si rAjendra tvam athAgantum arhasi 18002030a yudhiSThiras tu nirviNNas tena gandhena mUrchitaH 18002030c nivartane dhRtamanAH paryAvartata bhArata 18002031a sa saMnivRtto dharmAtmA duHkhazokasamanvitaH 18002031c zuzrAva tatra vadatAM dInA vAcaH samantataH 18002032a bho bho dharmaja rAjarSe puNyAbhijana pANDava 18002032c anugrahArtham asmAkaM tiSTha tAvan muhUrtakam 18002033a AyAti tvayi durdharSe vAti puNyaH samIraNaH 18002033c tava gandhAnugas tAta yenAsmAn sukham Agamat 18002034a te vayaM pArtha dIrghasya kAlasya puruSarSabha 18002034c sukham AsAdayiSyAmas tvAM dRSTvA rAjasattama 18002035a saMtiSThasva mahAbAho muhUrtam api bhArata 18002035c tvayi tiSThati kauravya yAtanAsmAn na bAdhate 18002036a evaM bahuvidhA vAcaH kRpaNA vedanAvatAm 18002036c tasmin deze sa zuzrAva samantAd vadatAM nRpa 18002037a teSAM tad vacanaM zrutvA dayAvAn dInabhASiNAm 18002037c aho kRcchram iti prAha tasthau sa ca yudhiSThiraH 18002038a sa tA giraH purastAd vai zrutapUrvAH punaH punaH 18002038c glAnAnAM duHkhitAnAM ca nAbhyajAnata pANDavaH 18002039a abudhyamAnas tA vAco dharmaputro yudhiSThiraH 18002039c uvAca ke bhavanto vai kimartham iha tiSThatha 18002040a ity uktAs te tataH sarve samantAd avabhASire 18002040c karNo 'haM bhImaseno 'ham arjuno 'ham iti prabho 18002041a nakulaH sahadevo 'haM dhRSTadyumno 'ham ity uta 18002041c draupadI draupadeyAz ca ity evaM te vicukruzuH 18002042a tA vAcaH sa tadA zrutvA taddezasadRzIr nRpa 18002042c tato vimamRze rAjA kiM nv idaM daivakAritam 18002043a kiM nu tat kaluSaM karma kRtam ebhir mahAtmabhiH 18002043c karNena draupadeyair vA pAJcAlyA vA sumadhyayA 18002044a ya ime pApagandhe 'smin deze santi sudAruNe 18002044c na hi jAnAmi sarveSAM duSkRtaM puNyakarmaNAm 18002045a kiM kRtvA dhRtarASTrasya putro rAjA suyodhanaH 18002045c tathA zriyA yutaH pApaH saha sarvaiH padAnugaiH 18002046a mahendra iva lakSmIvAn Aste paramapUjitaH 18002046c kasyedAnIM vikAro 'yaM yad ime narakaM gatAH 18002047a sarvadharmavidaH zUrAH satyAgamaparAyaNAH 18002047c kSAtradharmaparAH prAjJA yajvAno bhUridakSiNAH 18002048a kiM nu supto 'smi jAgarmi cetayAno na cetaye 18002048c aho cittavikAro 'yaM syAd vA me cittavibhramaH 18002049a evaM bahuvidhaM rAjA vimamarza yudhiSThiraH 18002049c duHkhazokasamAviSTaz cintAvyAkulitendriyaH 18002050a krodham AhArayac caiva tIvraM dharmasuto nRpaH 18002050c devAMz ca garhayAm Asa dharmaM caiva yudhiSThiraH 18002051a sa tIvragandhasaMtapto devadUtam uvAca ha 18002051c gamyatAM bhadra yeSAM tvaM dUtas teSAm upAntikam 18002052a na hy ahaM tatra yAsyAmi sthito 'smIti nivedyatAm 18002052c matsaMzrayAd ime dUta sukhino bhrAtaro hi me 18002053a ity uktaH sa tadA dUtaH pANDuputreNa dhImatA 18002053c jagAma tatra yatrAste devarAjaH zatakratuH 18002054a nivedayAm Asa ca tad dharmarAjacikIrSitam 18002054c yathoktaM dharmaputreNa sarvam eva janAdhipa 18003001 vaizaMpAyana uvAca 18003001a sthite muhUrtaM pArthe tu dharmarAje yudhiSThire 18003001c Ajagmus tatra kauravya devAH zakrapurogamAH 18003002a svayaM vigrahavAn dharmo rAjAnaM prasamIkSitum 18003002c tatrAjagAma yatrAsau kururAjo yudhiSThiraH 18003003a teSu bhAsvaradeheSu puNyAbhijanakarmasu 18003003c samAgateSu deveSu vyagamat tat tamo nRpa 18003004a nAdRzyanta ca tAs tatra yAtanAH pApakarmiNAm 18003004c nadI vaitaraNI caiva kUTazAlmalinA saha 18003005a lohakumbhyaH zilAz caiva nAdRzyanta bhayAnakAH 18003005c vikRtAni zarIrANi yAni tatra samantataH 18003005e dadarza rAjA kaunteyas tAny adRzyAni cAbhavan 18003006a tato vAyuH sukhasparzaH puNyagandhavahaH zivaH 18003006c vavau devasamIpasthaH zItalo 'tIva bhArata 18003007a marutaH saha zakreNa vasavaz cAzvinau saha 18003007c sAdhyA rudrAs tathAdityA ye cAnye 'pi divaukasaH 18003008a sarve tatra samAjagmuH siddhAz ca paramarSayaH 18003008c yatra rAjA mahAtejA dharmaputraH sthito 'bhavat 18003009a tataH zakraH surapatiH zriyA paramayA yutaH 18003009c yudhiSThiram uvAcedaM sAntvapUrvam idaM vacaH 18003010a yudhiSThira mahAbAho prItA devagaNAs tava 18003010c ehy ehi puruSavyAghra kRtam etAvatA vibho 18003010e siddhiH prAptA tvayA rAja&l lokAz cApy akSayAs tava 18003011a na ca manyus tvayA kAryaH zRNu cedaM vaco mama 18003011c avazyaM narakas tAta draSTavyaH sarvarAjabhiH 18003012a zubhAnAm azubhAnAM ca dvau rAzI puruSarSabha 18003012c yaH pUrvaM sukRtaM bhuGkte pazcAn nirayam eti saH 18003012e pUrvaM narakabhAgyas tu pazcAt svargam upaiti saH 18003013a bhUyiSThaM pApakarmA yaH sa pUrvaM svargam aznute 18003013c tena tvam evaM gamito mayA zreyorthinA nRpa 18003014a vyAjena hi tvayA droNa upacIrNaH sutaM prati 18003014c vyAjenaiva tato rAjan darzito narakas tava 18003015a yathaiva tvaM tathA bhImas tathA pArtho yamau tathA 18003015c draupadI ca tathA kRSNA vyAjena narakaM gatAH 18003016a Agaccha narazArdUla muktAs te caiva kilbiSAt 18003016c svapakSAz caiva ye tubhyaM pArthivA nihatA raNe 18003016e sarve svargam anuprAptAs tAn pazya puruSarSabha 18003017a karNaz caiva maheSvAsaH sarvazastrabhRtAM varaH 18003017c sa gataH paramAM siddhiM yadarthaM paritapyase 18003018a taM pazya puruSavyAghram AdityatanayaM vibho 18003018c svasthAnasthaM mahAbAho jahi zokaM nararSabha 18003019a bhrAtqMz cAnyAMs tathA pazya svapakSAMz caiva pArthivAn 18003019c svaM svaM sthAnam anuprAptAn vyetu te mAnaso jvaraH 18003020a anubhUya pUrvaM tvaM kRcchram itaH prabhRti kaurava 18003020c viharasva mayA sArdhaM gatazoko nirAmayaH 18003021a karmaNAM tAta puNyAnAM jitAnAM tapasA svayam 18003021c dAnAnAM ca mahAbAho phalaM prApnuhi pANDava 18003022a adya tvAM devagandharvA divyAz cApsaraso divi 18003022c upasevantu kalyANaM virajombaravAsasaH 18003023a rAjasUyajitA&l lokAn azvamedhAbhivardhitAn 18003023c prApnuhi tvaM mahAbAho tapasaz ca phalaM mahat 18003024a upary upari rAjJAM hi tava lokA yudhiSThira 18003024c harizcandrasamAH pArtha yeSu tvaM vihariSyasi 18003025a mAndhAtA yatra rAjarSir yatra rAjA bhagIrathaH 18003025c dauHSantir yatra bharatas tatra tvaM vihariSyasi 18003026a eSA devanadI puNyA pArtha trailokyapAvanI 18003026c AkAzagaGgA rAjendra tatrAplutya gamiSyasi 18003027a atra snAtasya te bhAvo mAnuSo vigamiSyati 18003027c gatazoko nirAyAso muktavairo bhaviSyasi 18003028a evaM bruvati devendre kauravendraM yudhiSThiram 18003028c dharmo vigrahavAn sAkSAd uvAca sutam AtmanaH 18003029a bho bho rAjan mahAprAjJa prIto 'smi tava putraka 18003029c madbhaktyA satyavAkyena kSamayA ca damena ca 18003030a eSA tRtIyA jijJAsA tava rAjan kRtA mayA 18003030c na zakyase cAlayituM svabhAvAt pArtha hetubhiH 18003031a pUrvaM parIkSito hi tvam AsIr dvaitavanaM prati 18003031c araNIsahitasyArthe tac ca nistIrNavAn asi 18003032a sodaryeSu vinaSTeSu draupadyAM tatra bhArata 18003032c zvarUpadhAriNA putra punas tvaM me parIkSitaH 18003033a idaM tRtIyaM bhrAtqNAm arthe yat sthAtum icchasi 18003033c vizuddho 'si mahAbhAga sukhI vigatakalmaSaH 18003034a na ca te bhrAtaraH pArtha narakasthA vizAM pate 18003034c mAyaiSA devarAjena mahendreNa prayojitA 18003035a avazyaM narakas tAta draSTavyaH sarvarAjabhiH 18003035c tatas tvayA prAptam idaM muhUrtaM duHkham uttamam 18003036a na savyasAcI bhImo vA yamau vA puruSarSabhau 18003036c karNo vA satyavAk zUro narakArhAz ciraM nRpa 18003037a na kRSNA rAjaputrI ca narakArhA yudhiSThira 18003037c ehy ehi bharatazreSTha pazya gaGgAM trilokagAm 18003038a evam uktaH sa rAjarSis tava pUrvapitAmahaH 18003038c jagAma saha dharmeNa sarvaiz ca tridazAlayaiH 18003039a gaGgAM devanadIM puNyAM pAvanIm RSisaMstutAm 18003039c avagAhya tu tAM rAjA tanuM tatyAja mAnuSIm 18003040a tato divyavapur bhUtvA dharmarAjo yudhiSThiraH 18003040c nirvairo gatasaMtApo jale tasmin samAplutaH 18003041a tato yayau vRto devaiH kururAjo yudhiSThiraH 18003041c dharmeNa sahito dhImAn stUyamAno maharSibhiH 18004001 vaizaMpAyana uvAca 18004001a tato yudhiSThiro rAjA devaiH sarSimarudgaNaiH 18004001c pUjyamAno yayau tatra yatra te kurupuMgavAH 18004002a dadarza tatra govindaM brAhmeNa vapuSAnvitam 18004002c tenaiva dRSTapUrveNa sAdRzyenopasUcitam 18004003a dIpyamAnaM svavapuSA divyair astrair upasthitam 18004003c cakraprabhRtibhir ghorair divyaiH puruSavigrahaiH 18004003e upAsyamAnaM vIreNa phalgunena suvarcasA 18004004a aparasminn athoddeze karNaM zastrabhRtAM varam 18004004c dvAdazAdityasahitaM dadarza kurunandanaH 18004005a athAparasminn uddeze marudgaNavRtaM prabhum 18004005c bhImasenam athApazyat tenaiva vapuSAnvitam 18004006a azvinos tu tathA sthAne dIpyamAnau svatejasA 18004006c nakulaM sahadevaM ca dadarza kurunandanaH 18004007a tathA dadarza pAJcAlIM kamalotpalamAlinIm 18004007c vapuSA svargam Akramya tiSThantIm arkavarcasam 18004008a athainAM sahasA rAjA praSTum aicchad yudhiSThiraH 18004008c tato 'sya bhagavAn indraH kathayAm Asa devarAT 18004009a zrIr eSA draupadIrUpA tvadarthe mAnuSaM gatA 18004009c ayonijA lokakAntA puNyagandhA yudhiSThira 18004010a drupadasya kule jAtA bhavadbhiz copajIvitA 18004010c ratyarthaM bhavatAM hy eSA nirmitA zUlapANinA 18004011a ete paJca mahAbhAgA gandharvAH pAvakaprabhAH 18004011c draupadyAs tanayA rAjan yuSmAkam amitaujasaH 18004012a pazya gandharvarAjAnaM dhRtarASTraM manISiNam 18004012c enaM ca tvaM vijAnIhi bhrAtaraM pUrvajaM pituH 18004013a ayaM te pUrvajo bhrAtA kaunteyaH pAvakadyutiH 18004013c sUryaputro 'grajaH zreSTho rAdheya iti vizrutaH 18004013e Adityasahito yAti pazyainaM puruSarSabha 18004014a sAdhyAnAm atha devAnAM vasUnAM marutAm api 18004014c gaNeSu pazya rAjendra vRSNyandhakamahArathAn 18004014e sAtyakipramukhAn vIrAn bhojAMz caiva mahArathAn 18004015a somena sahitaM pazya saubhadram aparAjitam 18004015c abhimanyuM maheSvAsaM nizAkarasamadyutim 18004016a eSa pANDur maheSvAsaH kuntyA mAdryA ca saMgataH 18004016c vimAnena sadAbhyeti pitA tava mamAntikam 18004017a vasubhiH sahitaM pazya bhISmaM zAMtanavaM nRpam 18004017c droNaM bRhaspateH pArzve gurum enaM nizAmaya 18004018a ete cAnye mahIpAlA yodhAs tava ca pANDava 18004018c gandharvaiH sahitA yAnti yakSaiH puNyajanais tathA 18004019a guhyakAnAM gatiM cApi ke cit prAptA nRsattamAH 18004019c tyaktvA dehaM jitasvargAH puNyavAgbuddhikarmabhiH 18005001 janamejaya uvAca 18005001a bhISmadroNau mahAtmAnau dhRtarASTraz ca pArthivaH 18005001c virATadrupadau cobhau zaGkhaz caivottaras tathA 18005002a dhRSTaketur jayatseno rAjA caiva sa satyajit 18005002c duryodhanasutAz caiva zakuniz caiva saubalaH 18005003a karNaputrAz ca vikrAntA rAjA caiva jayadrathaH 18005003c ghaTotkacAdayaz caiva ye cAnye nAnukIrtitAH 18005004a ye cAnye kIrtitAs tatra rAjAno dIptamUrtayaH 18005004c svarge kAlaM kiyantaM te tasthus tad api zaMsa me 18005005a Ahosvic chAzvataM sthAnaM teSAM tatra dvijottama 18005005c ante vA karmaNaH kAM te gatiM prAptA nararSabhAH 18005005e etad icchAmy ahaM zrotuM procyamAnaM tvayA dvija 18005006 sUta uvAca 18005006a ity uktaH sa tu viprarSir anujJAto mahAtmanA 18005006c vyAsena tasya nRpater AkhyAtum upacakrame 18005007 vaizaMpAyana uvAca 18005007a gantavyaM karmaNAm ante sarveNa manujAdhipa 18005007c zRNu guhyam idaM rAjan devAnAM bharatarSabha 18005007e yad uvAca mahAtejA divyacakSuH pratApavAn 18005008a muniH purANaH kauravya pArAzaryo mahAvrataH 18005008c agAdhabuddhiH sarvajJo gatijJaH sarvakarmaNAm 18005009a vasUn eva mahAtejA bhISmaH prApa mahAdyutiH 18005009c aSTAv eva hi dRzyante vasavo bharatarSabha 18005010a bRhaspatiM vivezAtha droNo hy aGgirasAM varam 18005010c kRtavarmA tu hArdikyaH praviveza marudgaNam 18005011a sanatkumAraM pradyumnaH praviveza yathAgatam 18005011c dhRtarASTro dhanezasya lokAn prApa durAsadAn 18005012a dhRtarASTreNa sahitA gAndhArI ca yazasvinI 18005012c patnIbhyAM sahitaH pANDur mahendrasadanaM yayau 18005013a virATadrupadau cobhau dhRSTaketuz ca pArthivaH 18005013c nizaThAkrUrasAmbAz ca bhAnuH kampo viDUrathaH 18005014a bhUrizravAH zalaz caiva bhUriz ca pRthivIpatiH 18005014c ugrasenas tathA kaMso vasudevaz ca vIryavAn 18005015a uttaraz ca saha bhrAtrA zaGkhena narapuMgavaH 18005015c vizveSAM devatAnAM te vivizur narasattamAH 18005016a varcA nAma mahAtejAH somaputraH pratApavAn 18005016c so 'bhimanyur nRsiMhasya phalgunasya suto 'bhavat 18005017a sa yuddhvA kSatradharmeNa yathA nAnyaH pumAn kva cit 18005017c viveza somaM dharmAtmA karmaNo 'nte mahArathaH 18005018a Aviveza raviM karNaH pitaraM puruSarSabha 18005018c dvAparaM zakuniH prApa dhRSTadyumnas tu pAvakam 18005019a dhRtarASTrAtmajAH sarve yAtudhAnA balotkaTAH 18005019c Rddhimanto mahAtmAnaH zastrapUtA divaM gatAH 18005019e dharmam evAvizat kSattA rAjA caiva yudhiSThiraH 18005020a ananto bhagavAn devaH praviveza rasAtalam 18005020c pitAmahaniyogAd dhi yo yogAd gAm adhArayat 18005021a SoDazastrIsahasrANi vAsudevaparigrahaH 18005021c nyamajjanta sarasvatyAM kAlena janamejaya 18005021e tAz cApy apsaraso bhUtvA vAsudevam upAgaman 18005022a hatAs tasmin mahAyuddhe ye vIrAs tu mahArathAH 18005022c ghaTotkacAdayaH sarve devAn yakSAMz ca bhejire 18005023a duryodhanasahAyAz ca rAkSasAH parikIrtitAH 18005023c prAptAs te kramazo rAjan sarvalokAn anuttamAn 18005024a bhavanaM ca mahendrasya kuberasya ca dhImataH 18005024c varuNasya tathA lokAn vivizuH puruSarSabhAH 18005025a etat te sarvam AkhyAtaM vistareNa mahAdyute 18005025c kurUNAM caritaM kRtsnaM pANDavAnAM ca bhArata 18005026 sUta uvAca 18005026a etac chrutvA dvijazreSThAt sa rAjA janamejayaH 18005026c vismito 'bhavad atyarthaM yajJakarmAntareSv atha 18005027a tataH samApayAm AsuH karma tat tasya yAjakAH 18005027c AstIkaz cAbhavat prItaH parimokSya bhujaMgamAn 18005028a tato dvijAtIn sarvAMs tAn dakSiNAbhir atoSayat 18005028c pUjitAz cApi te rAjJA tato jagmur yathAgatam 18005029a visarjayitvA viprAMs tAn rAjApi janamejayaH 18005029c tatas takSazilAyAH sa punar AyAd gajAhvayam 18005030a etat te sarvam AkhyAtaM vaizaMpAyanakIrtitam 18005030c vyAsAjJayA samAkhyAtaM sarpasatre nRpasya ha 18005031a puNyo 'yam itihAsAkhyaH pavitraM cedam uttamam 18005031c kRSNena muninA vipra niyataM satyavAdinA 18005032a sarvajJena vidhijJena dharmajJAnavatA satA 18005032c atIndriyeNa zucinA tapasA bhAvitAtmanA 18005033a aizvarye vartatA caiva sAMkhyayogavidA tathA 18005033c naikatantravibuddhena dRSTvA divyena cakSuSA 18005034a kIrtiM prathayatA loke pANDavAnAM mahAtmanAm 18005034c anyeSAM kSatriyANAM ca bhUridraviNatejasAm 18005035a ya idaM zrAvayed vidvAn sadA parvaNi parvaNi 18005035c dhUtapApmA jitasvargo brahmabhUyAya gacchati 18005036a yaz cedaM zrAvayec chrAddhe brAhmaNAn pAdam antataH 18005036c akSayyam annapAnaM vai pitqMs tasyopatiSThate 18005037a ahnA yad enaH kurute indriyair manasApi vA 18005037c mahAbhAratam AkhyAya pazcAt saMdhyAM pramucyate 18005038a dharme cArthe ca kAme ca mokSe ca bharatarSabha 18005038c yad ihAsti tad anyatra yan nehAsti na tat kva cit 18005039a jayo nAmetihAso 'yaM zrotavyo bhUtim icchatA 18005039c rAjJA rAjasutaiz cApi garbhiNyA caiva yoSitA 18005040a svargakAmo labhet svargaM jayakAmo labhej jayam 18005040c garbhiNI labhate putraM kanyAM vA bahubhAginIm 18005041a anAgataM tribhir varSaiH kRSNadvaipAyanaH prabhuH 18005041c saMdarbhaM bhAratasyAsya kRtavAn dharmakAmyayA 18005042a nArado 'zrAvayad devAn asito devalaH pitqn 18005042c rakSo yakSAJ zuko martyAn vaizaMpAyana eva tu 18005043a itihAsam imaM puNyaM mahArthaM vedasaMmitam 18005043c zrAvayed yas tu varNAMs trIn kRtvA brAhmaNam agrataH 18005044a sa naraH pApanirmuktaH kIrtiM prApyeha zaunaka 18005044c gacchet paramikAM siddhim atra me nAsti saMzayaH 18005045a bhAratAdhyayanAt puNyAd api pAdam adhIyataH 18005045c zraddadhAnasya pUyante sarvapApAny azeSataH 18005046a maharSir bhagavAn vyAsaH kRtvemAM saMhitAM purA 18005046c zlokaiz caturbhir bhagavAn putram adhyApayac chukam 18005047a mAtApitRsahasrANi putradArazatAni ca 18005047c saMsAreSv anubhUtAni yAnti yAsyanti cApare 18005048a harSasthAnasahasrANi bhayasthAnazatAni ca 18005048c divase divase mUDham Avizanti na paNDitam 18005049a UrdhvabAhur viraumy eSa na ca kaz cic chRNoti me 18005049c dharmAd arthaz ca kAmaz ca sa kimarthaM na sevyate 18005050a na jAtu kAmAn na bhayAn na lobhAd; dharmaM tyajej jIvitasyApi hetoH 18005050c nityo dharmaH sukhaduHkhe tv anitye; jIvo nityo hetur asya tv anityaH 18005051a imAM bhAratasAvitrIM prAtar utthAya yaH paThet 18005051c sa bhArataphalaM prApya paraM brahmAdhigacchati 18005052a yathA samudro bhagavAn yathA ca himavAn giriH 18005052c khyAtAv ubhau ratnanidhI tathA bhAratam ucyate 18005053a mahAbhAratam AkhyAnaM yaH paThet susamAhitaH 18005053c sa gacchet paramAM siddhim iti me nAsti saMzayaH 18005054a dvaipAyanoSThapuTaniHsRtam aprameyaM; puNyaM pavitram atha pApaharaM zivaM ca 18005054c yo bhArataM samadhigacchati vAcyamAnaM; kiM tasya puSkarajalair abhiSecanena