% Mahabharata: Sabhaparvan
% Last updated: Wed Apr 19 2006
% Encoding: ASCII
% Electronic text (C) Bhandarkar Oriental Research Institute,
% Pune, India, 1999
%
02001001  vaizaMpAyana uvAca
02001001a tato 'bravIn mayaH pArthaM vAsudevasya saMnidhau
02001001c prAJjaliH zlakSNayA vAcA pUjayitvA punaH punaH
02001002a asmAc ca kRSNAt saMkruddhAt pAvakAc ca didhakSataH
02001002c tvayA trAto 'smi kaunteya brUhi kiM karavANi te
02001003  arjuna uvAca
02001003a kRtam eva tvayA sarvaM svasti gaccha mahAsura
02001003c prItimAn bhava me nityaM prItimanto vayaM ca te
02001004  maya uvAca
02001004a yuktam etat tvayi vibho yathAttha puruSarSabha
02001004c prItipUrvam ahaM kiM cit kartum icchAmi bhArata
02001005a ahaM hi vizvakarmA vai dAnavAnAM mahAkaviH
02001005c so 'haM vai tvatkRte kiM cit kartum icchAmi pANDava
02001006  arjuna uvAca
02001006a prANakRcchrAd vimuktaM tvam AtmAnaM manyase mayA
02001006c evaM gate na zakSyAmi kiM cit kArayituM tvayA
02001007a na cApi tava saMkalpaM mogham icchAmi dAnava
02001007c kRSNasya kriyatAM kiM cit tathA pratikRtaM mayi
02001008  vaizaMpAyana uvAca
02001008a codito vAsudevas tu mayena bharatarSabha
02001008c muhUrtam iva saMdadhyau kim ayaM codyatAm iti
02001009a codayAm Asa taM kRSNaH sabhA vai kriyatAm iti
02001009c dharmarAjasya daiteya yAdRzIm iha manyase
02001010a yAM kRtAM nAnukuryus te mAnavAH prekSya vismitAH
02001010c manuSyaloke kRtsne 'smiMs tAdRzIM kuru vai sabhAm
02001011a yatra divyAn abhiprAyAn pazyema vihitAMs tvayA
02001011c AsurAn mAnuSAMz caiva tAM sabhAM kuru vai maya
02001012a pratigRhya tu tad vAkyaM saMprahRSTo mayas tadA
02001012c vimAnapratimAM cakre pANDavasya sabhAM mudA
02001013a tataH kRSNaz ca pArthaz ca dharmarAje yudhiSThire
02001013c sarvam etad yathAvedya darzayAm Asatur mayam
02001014a tasmai yudhiSThiraH pUjAM yathArham akarot tadA
02001014c sa tu tAM pratijagrAha mayaH satkRtya satkRtaH
02001015a sa pUrvadevacaritaM tatra tatra vizAM pate
02001015c kathayAm Asa daiteyaH pANDuputreSu bhArata
02001016a sa kAlaM kaM cid Azvasya vizvakarmA pracintya ca
02001016c sabhAM pracakrame kartuM pANDavAnAM mahAtmanAm
02001017a abhiprAyeNa pArthAnAM kRSNasya ca mahAtmanaH
02001017c puNye 'hani mahAtejAH kRtakautukamaGgalaH
02001018a tarpayitvA dvijazreSThAn pAyasena sahasrazaH
02001018c dhanaM bahuvidhaM dattvA tebhya eva ca vIryavAn
02001019a sarvartuguNasaMpannAM divyarUpAM manoramAm
02001019c dazakiSkusahasrAM tAM mApayAm Asa sarvataH
02002001  vaizaMpAyana uvAca
02002001a uSitvA khANDavaprasthe sukhavAsaM janArdanaH
02002001c pArthaiH prItisamAyuktaiH pUjanArho 'bhipUjitaH
02002002a gamanAya matiM cakre pitur darzanalAlasaH
02002002c dharmarAjam athAmantrya pRthAM ca pRthulocanaH
02002003a vavande caraNau mUrdhnA jagadvandyaH pitRSvasuH
02002003c sa tayA mUrdhny upAghrAtaH pariSvaktaz ca kezavaH
02002004a dadarzAnantaraM kRSNo bhaginIM svAM mahAyazAH
02002004c tAm upetya hRSIkezaH prItyA bASpasamanvitaH
02002005a arthyaM tathyaM hitaM vAkyaM laghu yuktam anuttamam
02002005c uvAca bhagavAn bhadrAM subhadrAM bhadrabhASiNIm
02002006a tayA svajanagAmIni zrAvito vacanAni saH
02002006c saMpUjitaz cApy asakRc chirasA cAbhivAditaH
02002007a tAm anujJApya vArSNeyaH pratinandya ca bhAminIm
02002007c dadarzAnantaraM kRSNAM dhaumyaM cApi janArdanaH
02002008a vavande ca yathAnyAyaM dhaumyaM puruSasattamaH
02002008c draupadIM sAntvayitvA ca Amantrya ca janArdanaH
02002009a bhrAtqn abhyagamad dhImAn pArthena sahito balI
02002009c bhrAtRbhiH paJcabhiH kRSNo vRtaH zakra ivAmaraiH
02002010a arcayAm Asa devAMz ca dvijAMz ca yadupuMgavaH
02002010c mAlyajapyanamaskArair gandhair uccAvacair api
02002010e sa kRtvA sarvakAryANi pratasthe tasthuSAM varaH
02002011a svasti vAcyArhato viprAn dadhipAtraphalAkSataiH
02002011c vasu pradAya ca tataH pradakSiNam avartata
02002012a kAJcanaM ratham AsthAya tArkSyaketanam Azugam
02002012c gadAcakrAsizArGgAdyair Ayudhaiz ca samanvitam
02002013a tithAv atha ca nakSatre muhUrte ca guNAnvite
02002013c prayayau puNDarIkAkSaH sainyasugrIvavAhanaH
02002014a anvAruroha cApy enaM premNA rAjA yudhiSThiraH
02002014c apAsya cAsya yantAraM dArukaM yantRsattamam
02002014e abhISUn saMprajagrAha svayaM kurupatis tadA
02002015a upAruhyArjunaz cApi cAmaravyajanaM sitam
02002015c rukmadaNDaM bRhan mUrdhni dudhAvAbhipradakSiNam
02002016a tathaiva bhImaseno 'pi yamAbhyAM sahito vazI
02002016c pRSThato 'nuyayau kRSNam Rtvikpaurajanair vRtaH
02002017a sa tathA bhrAtRbhiH sArdhaM kezavaH paravIrahA
02002017c anugamyamAnaH zuzubhe ziSyair iva guruH priyaiH
02002018a pArtham Amantrya govindaH pariSvajya ca pIDitam
02002018c yudhiSThiraM pUjayitvA bhImasenaM yamau tathA
02002019a pariSvakto bhRzaM tAbhyAM yamAbhyAm abhivAditaH
02002019c tatas taiH saMvidaM kRtvA yathAvan madhusUdanaH
02002020a nivartayitvA ca tadA pANDavAn sapadAnugAn
02002020c svAM purIM prayayau kRSNaH puraMdara ivAparaH
02002021a locanair anujagmus te tam A dRSTipathAt tadA
02002021c manobhir anujagmus te kRSNaM prItisamanvayAt
02002022a atRptamanasAm eva teSAM kezavadarzane
02002022c kSipram antardadhe zauriz cakSuSAM priyadarzanaH
02002023a akAmA iva pArthAs te govindagatamAnasAH
02002023c nivRtyopayayuH sarve svapuraM puruSarSabhAH
02002023e syandanenAtha kRSNo 'pi samaye dvArakAm agAt
02003001  vaizaMpAyana uvAca
02003001a athAbravIn mayaH pArtham arjunaM jayatAM varam
02003001c ApRcche tvAM gamiSyAmi kSipram eSyAmi cApy aham
02003002a uttareNa tu kailAsaM mainAkaM parvataM prati
02003002c yakSyamANeSu sarveSu dAnaveSu tadA mayA
02003002e kRtaM maNimayaM bhANDaM ramyaM bindusaraH prati
02003003a sabhAyAM satyasaMdhasya yad AsId vRSaparvaNaH
02003003c AgamiSyAmi tad gRhya yadi tiSThati bhArata
02003004a tataH sabhAM kariSyAmi pANDavAya yazasvine
02003004c manaHprahlAdinIM citrAM sarvaratnavibhUSitAm
02003005a asti bindusarasy eva gadA zreSThA kurUdvaha
02003005c nihitA yauvanAzvena rAjJA hatvA raNe ripUn
02003005e suvarNabindubhiz citrA gurvI bhArasahA dRDhA
02003006a sA vai zatasahasrasya saMmitA sarvaghAtinI
02003006c anurUpA ca bhImasya gANDIvaM bhavato yathA
02003007a vAruNaz ca mahAzaGkho devadattaH sughoSavAn
02003007c sarvam etat pradAsyAmi bhavate nAtra saMzayaH
02003007e ity uktvA so 'suraH pArthaM prAgudIcIm agAd dizam
02003008a uttareNa tu kailAsaM mainAkaM parvataM prati
02003008c hiraNyazRGgo bhagavAn mahAmaNimayo giriH
02003009a ramyaM bindusaro nAma yatra rAjA bhagIrathaH
02003009c dRSTvA bhAgIrathIM gaGgAm uvAsa bahulAH samAH
02003010a yatreSTvA sarvabhUtAnAm IzvareNa mahAtmanA
02003010c AhRtAH kratavo mukhyAH zataM bharatasattama
02003011a yatra yUpA maNimayAz cityAz cApi hiraNmayAH
02003011c zobhArthaM vihitAs tatra na tu dRSTAntataH kRtAH
02003012a yatreSTvA sa gataH siddhiM sahasrAkSaH zacIpatiH
02003012c yatra bhUtapatiH sRSTvA sarvalokAn sanAtanaH
02003012e upAsyate tigmatejA vRto bhUtaiH sahasrazaH
02003013a naranArAyaNau brahmA yamaH sthANuz ca paJcamaH
02003013c upAsate yatra satraM sahasrayugaparyaye
02003014a yatreSTaM vAsudevena satrair varSasahasrakaiH
02003014c zraddadhAnena satataM ziSTasaMpratipattaye
02003015a suvarNamAlino yUpAz cityAz cApy atibhAsvarAH
02003015c dadau yatra sahasrANi prayutAni ca kezavaH
02003016a tatra gatvA sa jagrAha gadAM zaGkhaM ca bhArata
02003016c sphATikaM ca sabhAdravyaM yad AsId vRSaparvaNaH
02003016e kiMkaraiH saha rakSobhir agRhNAt sarvam eva tat
02003017a tad AhRtya tu tAM cakre so 'suro 'pratimAM sabhAm
02003017c vizrutAM triSu lokeSu divyAM maNimayIM zubhAm
02003018a gadAM ca bhImasenAya pravarAM pradadau tadA
02003018c devadattaM ca pArthAya dadau zaGkham anuttamam
02003019a sabhA tu sA mahArAja zAtakumbhamayadrumA
02003019c daza kiSkusahasrANi samantAd AyatAbhavat
02003020a yathA vahner yathArkasya somasya ca yathaiva sA
02003020c bhrAjamAnA tathA divyA babhAra paramaM vapuH
02003021a pratighnatIva prabhayA prabhAm arkasya bhAsvarAm
02003021c prababhau jvalamAneva divyA divyena varcasA
02003022a nagameghapratIkAzA divam AvRtya viSThitA
02003022c AyatA vipulA zlakSNA vipApmA vigataklamA
02003023a uttamadravyasaMpannA maNiprAkAramAlinI
02003023c bahuratnA bahudhanA sukRtA vizvakarmaNA
02003024a na dAzArhI sudharmA vA brahmaNo vApi tAdRzI
02003024c AsId rUpeNa saMpannA yAM cakre 'pratimAM mayaH
02003025a tAM sma tatra mayenoktA rakSanti ca vahanti ca
02003025c sabhAm aSTau sahasrANi kiMkarA nAma rAkSasAH
02003026a antarikSacarA ghorA mahAkAyA mahAbalAH
02003026c raktAkSAH piGgalAkSAz ca zuktikarNAH prahAriNaH
02003027a tasyAM sabhAyAM nalinIM cakArApratimAM mayaH
02003027c vaiDUryapatravitatAM maNinAlamayAmbujAm
02003028a padmasaugandhikavatIM nAnAdvijagaNAyutAm
02003028c puSpitaiH paGkajaiz citrAM kUrmamatsyaiz ca zobhitAm
02003029a sUpatIrthAm akaluSAM sarvartusalilAM zubhAm
02003029c mArutenaiva coddhUtair muktAbindubhir AcitAm
02003030a maNiratnacitAM tAM tu ke cid abhyetya pArthivAH
02003030c dRSTvApi nAbhyajAnanta te 'jJAnAt prapatanty uta
02003031a tAM sabhAm abhito nityaM puSpavanto mahAdrumAH
02003031c Asan nAnAvidhA nIlAH zItacchAyA manoramAH
02003032a kAnanAni sugandhIni puSkariNyaz ca sarvazaH
02003032c haMsakAraNDavayutAz cakravAkopazobhitAH
02003033a jalajAnAM ca mAlyAnAM sthalajAnAM ca sarvazaH
02003033c mAruto gandham AdAya pANDavAn sma niSevate
02003034a IdRzIM tAM sabhAM kRtvA mAsaiH paricaturdazaiH
02003034c niSThitAM dharmarAjAya mayo rAjJe nyavedayat
02004001  vaizaMpAyana uvAca
02004001a tataH pravezanaM cakre tasyAM rAjA yudhiSThiraH
02004001c ayutaM bhojayAm Asa brAhmaNAnAM narAdhipaH
02004002a ghRtapAyasena madhunA bhakSyair mUlaphalais tathA
02004002c ahataiz caiva vAsobhir mAlyair uccAvacair api
02004003a dadau tebhyaH sahasrANi gavAM pratyekazaH prabhuH
02004003c puNyAhaghoSas tatrAsId divaspRg iva bhArata
02004004a vAditrair vividhair gItair gandhair uccAvacair api
02004004c pUjayitvA kuruzreSTho daivatAni nivezya ca
02004005a tatra mallA naTA jhallAH sUtA vaitAlikAs tathA
02004005c upatasthur mahAtmAnaM saptarAtraM yudhiSThiram
02004006a tathA sa kRtvA pUjAM tAM bhrAtRbhiH saha pANDavaH
02004006c tasyAM sabhAyAM ramyAyAM reme zakro yathA divi
02004007a sabhAyAm RSayas tasyAM pANDavaiH saha Asate
02004007c AsAM cakrur narendrAz ca nAnAdezasamAgatAH
02004008a asito devalaH satyaH sarpamAlI mahAzirAH
02004008c arvAvasuH sumitraz ca maitreyaH zunako baliH
02004009a bako dAlbhyaH sthUlazirAH kRSNadvaipAyanaH zukaH
02004009c sumantur jaiminiH pailo vyAsaziSyAs tathA vayam
02004010a tittirir yAjJavalkyaz ca sasuto lomaharSaNaH
02004010c apsuhomyaz ca dhaumyaz ca ANImANDavyakauzikau
02004011a dAmoSNISas traivaNiz ca parNAdo ghaTajAnukaH
02004011c mauJjAyano vAyubhakSaH pArAzaryaz ca sArikau
02004012a balavAkaH zinIvAkaH sutyapAlaH kRtazramaH
02004012c jAtUkarNaH zikhAvAMz ca subalaH pArijAtakaH
02004013a parvataz ca mahAbhAgo mArkaNDeyas tathA muniH
02004013c pavitrapANiH sAvarNir bhAlukir gAlavas tathA
02004014a jaGghAbandhuz ca raibhyaz ca kopavegazravA bhRguH
02004014c haribabhruz ca kauNDinyo babhrumAlI sanAtanaH
02004015a kakSIvAn auzijaz caiva nAciketo 'tha gautamaH
02004015c paiGgo varAhaH zunakaH zANDilyaz ca mahAtapAH
02004015e karkaro veNujaGghaz ca kalApaH kaTha eva ca
02004016a munayo dharmasahitA dhRtAtmAno jitendriyAH
02004016c ete cAnye ca bahavo vedavedAGgapAragAH
02004017a upAsate mahAtmAnaM sabhAyAm RSisattamAH
02004017c kathayantaH kathAH puNyA dharmajJAH zucayo 'malAH
02004018a tathaiva kSatriyazreSThA dharmarAjam upAsate
02004018c zrImAn mahAtmA dharmAtmA muJjaketur vivardhanaH
02004019a saMgrAmajid durmukhaz ca ugrasenaz ca vIryavAn
02004019c kakSasenaH kSitipatiH kSemakaz cAparAjitaH
02004019e kAmbojarAjaH kamalaH kampanaz ca mahAbalaH
02004020a satataM kampayAm Asa yavanAn eka eva yaH
02004020c yathAsurAn kAlakeyAn devo vajradharas tathA
02004021a jaTAsuro madrakAntaz ca rAjA; kuntiH kuNindaz ca kirAtarAjaH
02004021c tathAGgavaGgau saha puNDrakeNa; pANDyoDrarAjau saha cAndhrakeNa
02004022a kirAtarAjaH sumanA yavanAdhipatis tathA
02004022c cANUro devarAtaz ca bhojo bhImarathaz ca yaH
02004023a zrutAyudhaz ca kAliGgo jayatsenaz ca mAgadhaH
02004023c suzarmA cekitAnaz ca suratho 'mitrakarSaNaH
02004024a ketumAn vasudAnaz ca vaideho 'tha kRtakSaNaH
02004024c sudharmA cAniruddhaz ca zrutAyuz ca mahAbalaH
02004025a anUparAjo durdharSaH kSemajic ca sudakSiNaH
02004025c zizupAlaH sahasutaH karUSAdhipatis tathA
02004026a vRSNInAM caiva durdharSAH kumArA devarUpiNaH
02004026c Ahuko vipRthuz caiva gadaH sAraNa eva ca
02004027a akrUraH kRtavarmA ca sAtyakiz ca zineH sutaH
02004027c bhISmako 'thAhRtiz caiva dyumatsenaz ca vIryavAn
02004027e kekayAz ca maheSvAsA yajJasenaz ca saumakiH
02004028a arjunaM cApi saMzritya rAjaputrA mahAbalAH
02004028c azikSanta dhanurvedaM rauravAjinavAsasaH
02004029a tatraiva zikSitA rAjan kumArA vRSNinandanAH
02004029c raukmiNeyaz ca sAmbaz ca yuyudhAnaz ca sAtyakiH
02004030a ete cAnye ca bahavo rAjAnaH pRthivIpate
02004030c dhanaMjayasakhA cAtra nityam Aste sma tumburuH
02004031a citrasenaH sahAmAtyo gandharvApsarasas tathA
02004031c gItavAditrakuzalAH zamyAtAlavizAradAH
02004032a pramANe 'tha layasthAne kiMnarAH kRtanizramAH
02004032c saMcoditAs tumburuNA gandharvAH sahitA jaguH
02004033a gAyanti divyatAnais te yathAnyAyaM manasvinaH
02004033c pANDuputrAn RSIMz caiva ramayanta upAsate
02004034a tasyAM sabhAyAm AsInAH suvratAH satyasaMgarAH
02004034c divIva devA brahmANaM yudhiSThiram upAsate
02005001  vaizaMpAyana uvAca
02005001a tathA tatropaviSTeSu pANDaveSu mahAtmasu
02005001c mahatsu copaviSTeSu gandharveSu ca bhArata
02005002a lokAn anucaran sarvAn Agamat tAM sabhAm RSiH
02005002c nAradaH sumahAtejA RSibhiH sahitas tadA
02005003a pArijAtena rAjendra raivatena ca dhImatA
02005003c sumukhena ca saumyena devarSir amitadyutiH
02005003e sabhAsthAn pANDavAn draSTuM prIyamANo manojavaH
02005004a tam Agatam RSiM dRSTvA nAradaM sarvadharmavit
02005004c sahasA pANDavazreSThaH pratyutthAyAnujaiH saha
02005004e abhyavAdayata prItyA vinayAvanatas tadA
02005005a tadarham AsanaM tasmai saMpradAya yathAvidhi
02005005c arcayAm Asa ratnaiz ca sarvakAmaiz ca dharmavit
02005006a so 'rcitaH pANDavaiH sarvair maharSir vedapAragaH
02005006c dharmakAmArthasaMyuktaM papracchedaM yudhiSThiram
02005007  nArada uvAca
02005007a kaccid arthAz ca kalpante dharme ca ramate manaH
02005007c sukhAni cAnubhUyante manaz ca na vihanyate
02005008a kaccid AcaritAM pUrvair naradeva pitAmahaiH
02005008c vartase vRttim akSINAM dharmArthasahitAM nRSu
02005009a kaccid arthena vA dharmaM dharmeNArtham athApi vA
02005009c ubhau vA prItisAreNa na kAmena prabAdhase
02005010a kaccid arthaM ca dharmaM ca kAmaM ca jayatAM vara
02005010c vibhajya kAle kAlajJa sadA varada sevase
02005011a kaccid rAjaguNaiH SaDbhiH saptopAyAMs tathAnagha
02005011c balAbalaM tathA samyak caturdaza parIkSase
02005012a kaccid AtmAnam anvIkSya parAMz ca jayatAM vara
02005012c tathA saMdhAya karmANi aSTau bhArata sevase
02005013a kaccit prakRtayaH SaT te na luptA bharatarSabha
02005013c ADhyAs tathAvyasaninaH svanuraktAz ca sarvazaH
02005014a kaccin na tarkair dUtair vA ye cApy aparizaGkitAH
02005014c tvatto vA tava vAmAtyair bhidyate jAtu mantritam
02005015a kaccit saMdhiM yathAkAlaM vigrahaM copasevase
02005015c kaccid vRttim udAsIne madhyame cAnuvartase
02005016a kaccid AtmasamA buddhyA zucayo jIvitakSamAH
02005016c kulInAz cAnuraktAz ca kRtAs te vIra mantriNaH
02005017a vijayo mantramUlo hi rAjJAM bhavati bhArata
02005017c susaMvRto mantradhanair amAtyaiH zAstrakovidaiH
02005018a kaccin nidrAvazaM naiSi kaccit kAle vibudhyase
02005018c kaccic cApararAtreSu cintayasy artham arthavit
02005019a kaccin mantrayase naikaH kaccin na bahubhiH saha
02005019c kaccit te mantrito mantro na rASTram anudhAvati
02005020a kaccid arthAn vinizcitya laghumUlAn mahodayAn
02005020c kSipram Arabhase kartuM na vighnayasi tAdRzAn
02005021a kaccin na sarve karmAntAH parokSAs te vizaGkitAH
02005021c sarve vA punar utsRSTAH saMsRSTaM hy atra kAraNam
02005022a kaccid rAjan kRtAny eva kRtaprAyANi vA punaH
02005022c vidus te vIra karmANi nAnavAptAni kAni cit
02005023a kaccit kAraNikAH sarve sarvazAstreSu kovidAH
02005023c kArayanti kumArAMz ca yodhamukhyAMz ca sarvazaH
02005024a kaccit sahasrair mUrkhANAm ekaM krINAsi paNDitam
02005024c paNDito hy arthakRcchreSu kuryAn niHzreyasaM param
02005025a kaccid durgANi sarvANi dhanadhAnyAyudhodakaiH
02005025c yantraiz ca paripUrNAni tathA zilpidhanurdharaiH
02005026a eko 'py amAtyo medhAvI zUro dAnto vicakSaNaH
02005026c rAjAnaM rAjaputraM vA prApayen mahatIM zriyam
02005027a kaccid aSTAdazAnyeSu svapakSe daza paJca ca
02005027c tribhis tribhir avijJAtair vetsi tIrthAni cArakaiH
02005028a kaccid dviSAm aviditaH pratiyattaz ca sarvadA
02005028c nityayukto ripUn sarvAn vIkSase ripusUdana
02005029a kaccid vinayasaMpannaH kulaputro bahuzrutaH
02005029c anasUyur anupraSTA satkRtas te purohitaH
02005030a kaccid agniSu te yukto vidhijJo matimAn RjuH
02005030c hutaM ca hoSyamANaM ca kAle vedayate sadA
02005031a kaccid aGgeSu niSNAto jyotiSAM pratipAdakaH
02005031c utpAteSu ca sarveSu daivajJaH kuzalas tava
02005032a kaccin mukhyA mahatsv eva madhyameSu ca madhyamAH
02005032c jaghanyAz ca jaghanyeSu bhRtyAH karmasu yojitAH
02005033a amAtyAn upadhAtItAn pitRpaitAmahAJ zucIn
02005033c zreSThAJ zreSTheSu kaccit tvaM niyojayasi karmasu
02005034a kaccin nogreNa daNDena bhRzam udvejitaprajAH
02005034c rASTraM tavAnuzAsanti mantriNo bharatarSabha
02005035a kaccit tvAM nAvajAnanti yAjakAH patitaM yathA
02005035c ugrapratigrahItAraM kAmayAnam iva striyaH
02005036a kaccid dhRSTaz ca zUraz ca matimAn dhRtimAJ zuciH
02005036c kulInaz cAnuraktaz ca dakSaH senApatis tava
02005037a kaccid balasya te mukhyAH sarve yuddhavizAradAH
02005037c dRSTApadAnA vikrAntAs tvayA satkRtya mAnitAH
02005038a kaccid balasya bhaktaM ca vetanaM ca yathocitam
02005038c saMprAptakAlaM dAtavyaM dadAsi na vikarSasi
02005039a kAlAtikramaNAd dhy ete bhaktavetanayor bhRtAH
02005039c bhartuH kupyanti daurgatyAt so 'narthaH sumahAn smRtaH
02005040a kaccit sarve 'nuraktAs tvAM kulaputrAH pradhAnataH
02005040c kaccit prANAMs tavArtheSu saMtyajanti sadA yudhi
02005041a kaccin naiko bahUn arthAn sarvazaH sAMparAyikAn
02005041c anuzAssi yathAkAmaM kAmAtmA zAsanAtigaH
02005042a kaccit puruSakAreNa puruSaH karma zobhayan
02005042c labhate mAnam adhikaM bhUyo vA bhaktavetanam
02005043a kaccid vidyAvinItAMz ca narAJ jJAnavizAradAn
02005043c yathArhaM guNataz caiva dAnenAbhyavapadyase
02005044a kaccid dArAn manuSyANAM tavArthe mRtyum eyuSAm
02005044c vyasanaM cAbhyupetAnAM bibharSi bharatarSabha
02005045a kaccid bhayAd upanataM klIbaM vA ripum Agatam
02005045c yuddhe vA vijitaM pArtha putravat parirakSasi
02005046a kaccit tvam eva sarvasyAH pRthivyAH pRthivIpate
02005046c samaz ca nAbhizaGkyaz ca yathA mAtA yathA pitA
02005047a kaccid vyasaninaM zatruM nizamya bharatarSabha
02005047c abhiyAsi javenaiva samIkSya trividhaM balam
02005048a pArSNimUlaM ca vijJAya vyavasAyaM parAjayam
02005048c balasya ca mahArAja dattvA vetanam agrataH
02005049a kaccic ca balamukhyebhyaH pararASTre paraMtapa
02005049c upacchannAni ratnAni prayacchasi yathArhataH
02005050a kaccid AtmAnam evAgre vijitya vijitendriyaH
02005050c parAJ jigISase pArtha pramattAn ajitendriyAn
02005051a kaccit te yAsyataH zatrUn pUrvaM yAnti svanuSThitAH
02005051c sAma dAnaM ca bhedaz ca daNDaz ca vidhivad guNAH
02005052a kaccin mUlaM dRDhaM kRtvA yAtrAM yAsi vizAM pate
02005052c tAMz ca vikramase jetuM jitvA ca parirakSasi
02005053a kaccid aSTAGgasaMyuktA caturvidhabalA camUH
02005053c balamukhyaiH sunItA te dviSatAM pratibAdhanI
02005054a kaccil lavaM ca muSTiM ca pararASTre paraMtapa
02005054c avihAya mahArAja vihaMsi samare ripUn
02005055a kaccit svapararASTreSu bahavo 'dhikRtAs tava
02005055c arthAn samanutiSThanti rakSanti ca parasparam
02005056a kaccid abhyavahAryANi gAtrasaMsparzakAni ca
02005056c ghreyANi ca mahArAja rakSanty anumatAs tava
02005057a kaccit kozaM ca koSThaM ca vAhanaM dvAram Ayudham
02005057c Ayaz ca kRtakalyANais tava bhaktair anuSThitaH
02005058a kaccid Abhyantarebhyaz ca bAhyebhyaz ca vizAM pate
02005058c rakSasy AtmAnam evAgre tAMz ca svebhyo mithaz ca tAn
02005059a kaccin na pAne dyUte vA krIDAsu pramadAsu ca
02005059c pratijAnanti pUrvAhNe vyayaM vyasanajaM tava
02005060a kaccid Ayasya cArdhena caturbhAgena vA punaH
02005060c pAdabhAgais tribhir vApi vyayaH saMzodhyate tava
02005061a kaccij jJAtIn gurUn vRddhAn vaNijaH zilpinaH zritAn
02005061c abhIkSNam anugRhNAsi dhanadhAnyena durgatAn
02005062a kaccid Ayavyaye yuktAH sarve gaNakalekhakAH
02005062c anutiSThanti pUrvAhNe nityam AyavyayaM tava
02005063a kaccid artheSu saMprauDhAn hitakAmAn anupriyAn
02005063c nApakarSasi karmabhyaH pUrvam aprApya kilbiSam
02005064a kaccid viditvA puruSAn uttamAdhamamadhyamAn
02005064c tvaM karmasv anurUpeSu niyojayasi bhArata
02005065a kaccin na lubdhAz caurA vA vairiNo vA vizAM pate
02005065c aprAptavyavahArA vA tava karmasv anuSThitAH
02005066a kaccin na lubdhaiz caurair vA kumAraiH strIbalena vA
02005066c tvayA vA pIDyate rASTraM kaccit puSTAH kRSIvalAH
02005067a kaccid rASTre taDAgAni pUrNAni ca mahAnti ca
02005067c bhAgazo viniviSTAni na kRSir devamAtRkA
02005068a kaccid bIjaM ca bhaktaM ca karSakAyAvasIdate
02005068c pratikaM ca zataM vRddhyA dadAsy RNam anugraham
02005069a kaccit svanuSThitA tAta vArttA te sAdhubhir janaiH
02005069c vArttAyAM saMzritas tAta loko 'yaM sukham edhate
02005070a kaccic chucikRtaH prAjJAH paJca paJca svanuSThitAH
02005070c kSemaM kurvanti saMhatya rAjaJ janapade tava
02005071a kaccin nagaraguptyarthaM grAmA nagaravat kRtAH
02005071c grAmavac ca kRtA rakSA te ca sarve tadarpaNAH
02005072a kaccid balenAnugatAH samAni viSamANi ca
02005072c purANacaurAH sAdhyakSAz caranti viSaye tava
02005073a kaccit striyaH sAntvayasi kaccit tAz ca surakSitAH
02005073c kaccin na zraddadhAsy AsAM kaccid guhyaM na bhASase
02005074a kaccic cArAn nizi zrutvA tat kAryam anucintya ca
02005074c priyANy anubhavaJ zeSe viditvAbhyantaraM janam
02005075a kaccid dvau prathamau yAmau rAtryAM suptvA vizAM pate
02005075c saMcintayasi dharmArthau yAma utthAya pazcime
02005076a kaccid darzayase nityaM manuSyAn samalaMkRtAn
02005076c utthAya kAle kAlajJaH saha pANDava mantribhiH
02005077a kaccid raktAmbaradharAH khaDgahastAH svalaMkRtAH
02005077c abhitas tvAm upAsante rakSaNArtham ariMdama
02005078a kaccid daNDyeSu yamavat pUjyeSu ca vizAM pate
02005078c parIkSya vartase samyag apriyeSu priyeSu ca
02005079a kaccic chArIram AbAdham auSadhair niyamena vA
02005079c mAnasaM vRddhasevAbhiH sadA pArthApakarSasi
02005080a kaccid vaidyAz cikitsAyAm aSTAGgAyAM vizAradAH
02005080c suhRdaz cAnuraktAz ca zarIre te hitAH sadA
02005081a kaccin na mAnAn mohAd vA kAmAd vApi vizAM pate
02005081c arthipratyarthinaH prAptAn apAsyasi kathaM cana
02005082a kaccin na lobhAn mohAd vA vizrambhAt praNayena vA
02005082c AzritAnAM manuSyANAM vRttiM tvaM saMruNatsi ca
02005083a kaccit paurA na sahitA ye ca te rASTravAsinaH
02005083c tvayA saha virudhyante paraiH krItAH kathaM cana
02005084a kaccit te durbalaH zatrur balenopanipIDitaH
02005084c mantreNa balavAn kaz cid ubhAbhyAM vA yudhiSThira
02005085a kaccit sarve 'nuraktAs tvAM bhUmipAlAH pradhAnataH
02005085c kaccit prANAMs tvadartheSu saMtyajanti tvayA hRtAH
02005086a kaccit te sarvavidyAsu guNato 'rcA pravartate
02005086c brAhmaNAnAM ca sAdhUnAM tava niHzreyase zubhA
02005087a kaccid dharme trayImUle pUrvair Acarite janaiH
02005087c vartamAnas tathA kartuM tasmin karmaNi vartase
02005088a kaccit tava gRhe 'nnAni svAdUny aznanti vai dvijAH
02005088c guNavanti guNopetAs tavAdhyakSaM sadakSiNam
02005089a kaccit kratUn ekacitto vAjapeyAMz ca sarvazaH
02005089c puNDarIkAMz ca kArtsnyena yatase kartum AtmavAn
02005090a kaccij jJAtIn gurUn vRddhAn daivatAMs tApasAn api
02005090c caityAMz ca vRkSAn kalyANAn brAhmaNAMz ca namasyasi
02005091a kaccid eSA ca te buddhir vRttir eSA ca te 'nagha
02005091c AyuSyA ca yazasyA ca dharmakAmArthadarzinI
02005092a etayA vartamAnasya buddhyA rASTraM na sIdati
02005092c vijitya ca mahIM rAjA so 'tyantaM sukham edhate
02005093a kaccid Aryo vizuddhAtmA kSAritaz caurakarmaNi
02005093c adRSTazAstrakuzalair na lobhAd vadhyate zuciH
02005094a pRSTo gRhItas tatkArI tajjJair dRSTaH sakAraNaH
02005094c kaccin na mucyate steno dravyalobhAn nararSabha
02005095a vyutpanne kaccid ADhyasya daridrasya ca bhArata
02005095c arthAn na mithyA pazyanti tavAmAtyA hRtA dhanaiH
02005096a nAstikyam anRtaM krodhaM pramAdaM dIrghasUtratAm
02005096c adarzanaM jJAnavatAm AlasyaM kSiptacittatAm
02005097a ekacintanam arthAnAm anarthajJaiz ca cintanam
02005097c nizcitAnAm anArambhaM mantrasyAparirakSaNam
02005098a maGgalyasyAprayogaM ca prasaGgaM viSayeSu ca
02005098c kaccit tvaM varjayasy etAn rAjadoSAMz caturdaza
02005099a kaccit te saphalA vedAH kaccit te saphalaM dhanam
02005099c kaccit te saphalA dArAH kaccit te saphalaM zrutam
02005100  yudhiSThira uvAca
02005100a kathaM vai saphalA vedAH kathaM vai saphalaM dhanam
02005100c kathaM vai saphalA dArAH kathaM vai saphalaM zrutam
02005101  nArada uvAca
02005101a agnihotraphalA vedA dattabhuktaphalaM dhanam
02005101c ratiputraphalA dArAH zIlavRttaphalaM zrutam
02005102  vaizaMpAyana uvAca
02005102a etad AkhyAya sa munir nAradaH sumahAtapAH
02005102c papracchAnantaram idaM dharmAtmAnaM yudhiSThiram
02005103  nArada uvAca
02005103a kaccid abhyAgatA dUrAd vaNijo lAbhakAraNAt
02005103c yathoktam avahAryante zulkaM zulkopajIvibhiH
02005104a kaccit te puruSA rAjan pure rASTre ca mAnitAH
02005104c upAnayanti paNyAni upadhAbhir avaJcitAH
02005105a kaccic chRNoSi vRddhAnAM dharmArthasahitA giraH
02005105c nityam arthavidAM tAta tathA dharmAnudarzinAm
02005106a kaccit te kRSitantreSu goSu puSpaphaleSu ca
02005106c dharmArthaM ca dvijAtibhyo dIyate madhusarpiSI
02005107a dravyopakaraNaM kaccit sarvadA sarvazilpinAm
02005107c cAturmAsyAvaraM samyaG niyataM saMprayacchasi
02005108a kaccit kRtaM vijAnISe kartAraM ca prazaMsasi
02005108c satAM madhye mahArAja satkaroSi ca pUjayan
02005109a kaccit sUtrANi sarvANi gRhNAsi bharatarSabha
02005109c hastisUtrAzvasUtrANi rathasUtrANi cAbhibho
02005110a kaccid abhyasyate zazvad gRhe te bharatarSabha
02005110c dhanurvedasya sUtraM ca yantrasUtraM ca nAgaram
02005111a kaccid astrANi sarvANi brahmadaNDaz ca te 'nagha
02005111c viSayogAz ca te sarve viditAH zatrunAzanAH
02005112a kaccid agnibhayAc caiva sarpavyAlabhayAt tathA
02005112c rogarakSobhayAc caiva rASTraM svaM parirakSasi
02005113a kaccid andhAMz ca mUkAMz ca paGgUn vyaGgAn abAndhavAn
02005113c piteva pAsi dharmajJa tathA pravrajitAn api
02005114  vaizaMpAyana uvAca
02005114a etAH kurUNAm RSabho mahAtmA; zrutvA giro brAhmaNasattamasya
02005114c praNamya pAdAv abhivAdya hRSTo; rAjAbravIn nAradaM devarUpam
02005115a evaM kariSyAmi yathA tvayoktaM; prajJA hi me bhUya evAbhivRddhA
02005115c uktvA tathA caiva cakAra rAjA; lebhe mahIM sAgaramekhalAM ca
02005116  nArada uvAca
02005116a evaM yo vartate rAjA cAturvarNyasya rakSaNe
02005116c sa vihRtyeha susukhI zakrasyaiti salokatAm
02006001  vaizaMpAyana uvAca
02006001a saMpUjyAthAbhyanujJAto maharSer vacanAt param
02006001c pratyuvAcAnupUrvyeNa dharmarAjo yudhiSThiraH
02006002a bhagavan nyAyyam AhaitaM yathAvad dharmanizcayam
02006002c yathAzakti yathAnyAyaM kriyate 'yaM vidhir mayA
02006003a rAjabhir yad yathA kAryaM purA tat tan na saMzayaH
02006003c yathAnyAyopanItArthaM kRtaM hetumad arthavat
02006004a vayaM tu satpathaM teSAM yAtum icchAmahe prabho
02006004c na tu zakyaM tathA gantuM yathA tair niyatAtmabhiH
02006005a evam uktvA sa dharmAtmA vAkyaM tad abhipUjya ca
02006005c muhUrtAt prAptakAlaM ca dRSTvA lokacaraM munim
02006006a nAradaM svastham AsInam upAsIno yudhiSThiraH
02006006c apRcchat pANDavas tatra rAjamadhye mahAmatiH
02006007a bhavAn saMcarate lokAn sadA nAnAvidhAn bahUn
02006007c brahmaNA nirmitAn pUrvaM prekSamANo manojavaH
02006008a IdRzI bhavatA kA cid dRSTapUrvA sabhA kva cit
02006008c ito vA zreyasI brahmaMs tan mamAcakSva pRcchataH
02006009a tac chrutvA nAradas tasya dharmarAjasya bhASitam
02006009c pANDavaM pratyuvAcedaM smayan madhurayA girA
02006010a mAnuSeSu na me tAta dRSTapUrvA na ca zrutA
02006010c sabhA maNimayI rAjan yatheyaM tava bhArata
02006011a sabhAM tu pitRrAjasya varuNasya ca dhImataH
02006011c kathayiSye tathendrasya kailAsanilayasya ca
02006012a brahmaNaz ca sabhAM divyAM kathayiSye gataklamAm
02006012c yadi te zravaNe buddhir vartate bharatarSabha
02006013a nAradenaivam uktas tu dharmarAjo yudhiSThiraH
02006013c prAJjalir bhrAtRbhiH sArdhaM taiz ca sarvair nRpair vRtaH
02006014a nAradaM pratyuvAcedaM dharmarAjo mahAmanAH
02006014c sabhAH kathaya tAH sarvAH zrotum icchAmahe vayam
02006015a kiMdravyAs tAH sabhA brahman kiMvistArAH kimAyatAH
02006015c pitAmahaM ca ke tasyAM sabhAyAM paryupAsate
02006016a vAsavaM devarAjaM ca yamaM vaivasvataM ca ke
02006016c varuNaM ca kuberaM ca sabhAyAM paryupAsate
02006017a etat sarvaM yathAtattvaM devarSe vadatas tava
02006017c zrotum icchAma sahitAH paraM kautUhalaM hi naH
02006018a evam uktaH pANDavena nAradaH pratyuvAca tam
02006018c krameNa rAjan divyAs tAH zrUyantAm iha naH sabhAH
02007001  nArada uvAca
02007001a zakrasya tu sabhA divyA bhAsvarA karmabhir jitA
02007001c svayaM zakreNa kauravya nirmitArkasamaprabhA
02007002a vistIrNA yojanazataM zatam adhyardham AyatA
02007002c vaihAyasI kAmagamA paJcayojanam ucchritA
02007003a jarAzokaklamApetA nirAtaGkA zivA zubhA
02007003c vezmAsanavatI ramyA divyapAdapazobhitA
02007004a tasyAM devezvaraH pArtha sabhAyAM paramAsane
02007004c Aste zacyA mahendrANyA zriyA lakSmyA ca bhArata
02007005a bibhrad vapur anirdezyaM kirITI lohitAGgadaH
02007005c virajombaraz citramAlyo hrIkIrtidyutibhiH saha
02007006a tasyAm upAsate nityaM mahAtmAnaM zatakratum
02007006c marutaH sarvato rAjan sarve ca gRhamedhinaH
02007006e siddhA devarSayaz caiva sAdhyA devagaNAs tathA
02007007a ete sAnucarAH sarve divyarUpAH svalaMkRtAH
02007007c upAsate mahAtmAnaM devarAjam ariMdamam
02007008a tathA devarSayaH sarve pArtha zakram upAsate
02007008c amalA dhUtapApmAno dIpyamAnA ivAgnayaH
02007008e tejasvinaH somayujo vipApA vigataklamAH
02007009a parAzaraH parvataz ca tathA sAvarNigAlavau
02007009c zaGkhaz ca likhitaz caiva tathA gaurazirA muniH
02007010a durvAsAz ca dIrghatapA yAjJavalkyo 'tha bhAlukiH
02007010c uddAlakaH zvetaketus tathA zATyAyanaH prabhuH
02007011a haviSmAMz ca gaviSThaz ca harizcandraz ca pArthivaH
02007011c hRdyaz codarazANDilyaH pArAzaryaH kRSIvalaH
02007012a vAtaskandho vizAkhaz ca vidhAtA kAla eva ca
02007012c anantadantas tvaSTA ca vizvakarmA ca tumburuH
02007013a ayonijA yonijAz ca vAyubhakSA hutAzinaH
02007013c IzAnaM sarvalokasya vajriNaM samupAsate
02007014a sahadevaH sunIthaz ca vAlmIkiz ca mahAtapAH
02007014c samIkaH satyavAMz caiva pracetAH satyasaMgaraH
02007015a medhAtithir vAmadevaH pulastyaH pulahaH kratuH
02007015c maruttaz ca marIciz ca sthANuz cAtrir mahAtapAH
02007016a kakSIvAn gautamas tArkSyas tathA vaizvAnaro muniH
02007016c muniH kAlakavRkSIya AzrAvyo 'tha hiraNyadaH
02007016e saMvarto devahavyaz ca viSvaksenaz ca vIryavAn
02007017a divyA Apas tathauSadhyaH zraddhA medhA sarasvatI
02007017c artho dharmaz ca kAmaz ca vidyutaz cApi pANDava
02007018a jalavAhAs tathA meghA vAyavaH stanayitnavaH
02007018c prAcI dig yajJavAhAz ca pAvakAH saptaviMzatiH
02007019a agnISomau tathendrAgnI mitro 'tha savitAryamA
02007019c bhago vizve ca sAdhyAz ca zukro manthI ca bhArata
02007020a yajJAz ca dakSiNAz caiva grahAH stobhAz ca sarvazaH
02007020c yajJavAhAz ca ye mantrAH sarve tatra samAsate
02007021a tathaivApsaraso rAjan gandharvAz ca manoramAH
02007021c nRtyavAditragItaiz ca hAsyaiz ca vividhair api
02007021e ramayanti sma nRpate devarAjaM zatakratum
02007022a stutibhir maGgalaiz caiva stuvantaH karmabhis tathA
02007022c vikramaiz ca mahAtmAnaM balavRtraniSUdanam
02007023a brahmarAjarSayaH sarve sarve devarSayas tathA
02007023c vimAnair vividhair divyair bhrAjamAnair ivAgnibhiH
02007024a sragviNo bhUSitAz cAnye yAnti cAyAnti cApare
02007024c bRhaspatiz ca zukraz ca tasyAm AyayatuH saha
02007025a ete cAnye ca bahavo yatAtmAno yatavratAH
02007025c vimAnaiz candrasaMkAzaiH somavat priyadarzanAH
02007025e brahmaNo vacanAd rAjan bhRguH saptarSayas tathA
02007026a eSA sabhA mayA rAjan dRSTA puSkaramAlinI
02007026c zatakrator mahArAja yAmyAM zRNu mamAnagha
02008001  nArada uvAca
02008001a kathayiSye sabhAM divyAM yudhiSThira nibodha tAm
02008001c vaivasvatasya yAm arthe vizvakarmA cakAra ha
02008002a taijasI sA sabhA rAjan babhUva zatayojanA
02008002c vistArAyAmasaMpannA bhUyasI cApi pANDava
02008003a arkaprakAzA bhrAjiSNuH sarvataH kAmacAriNI
02008003c naivAtizItA nAtyuSNA manasaz ca praharSiNI
02008004a na zoko na jarA tasyAM kSutpipAse na cApriyam
02008004c na ca dainyaM klamo vApi pratikUlaM na cApy uta
02008005a sarve kAmAH sthitAs tasyAM ye divyA ye ca mAnuSAH
02008005c rasavac ca prabhUtaM ca bhakSyabhojyam ariMdama
02008006a puNyagandhAH srajas tatra nityapuSpaphaladrumAH
02008006c rasavanti ca toyAni zItAny uSNAni caiva ha
02008007a tasyAM rAjarSayaH puNyAs tathA brahmarSayo 'malAH
02008007c yamaM vaivasvataM tAta prahRSTAH paryupAsate
02008008a yayAtir nahuSaH pUrur mAndhAtA somako nRgaH
02008008c trasadasyuz ca turayaH kRtavIryaH zrutazravAH
02008009a aripraNut susiMhaz ca kRtavegaH kRtir nimiH
02008009c pratardanaH zibir matsyaH pRthvakSo 'tha bRhadrathaH
02008010a aiDo maruttaH kuzikaH sAMkAzyaH sAMkRtir bhavaH
02008010c caturazvaH sadazvormiH kArtavIryaz ca pArthivaH
02008011a bharatas tathA surathaH sunItho naiSadho nalaH
02008011c divodAso 'tha sumanA ambarISo bhagIrathaH
02008012a vyazvaH sadazvo vadhryazvaH paJcahastaH pRthuzravAH
02008012c ruSadgur vRSasenaz ca kSupaz ca sumahAbalaH
02008013a ruSadazvo vasumanAH purukutso dhvajI rathI
02008013c ArSTiSeNo dilIpaz ca mahAtmA cApy uzInaraH
02008014a auzInaraH puNDarIkaH zaryAtiH zarabhaH zuciH
02008014c aGgo 'riSTaz ca venaz ca duHSantaH saMjayo jayaH
02008015a bhAGgAsvariH sunIthaz ca niSadho 'tha tviSIrathaH
02008015c karaMdhamo bAhlikaz ca sudyumno balavAn madhuH
02008016a kapotaromA tRNakaH sahadevArjunau tathA
02008016c rAmo dAzarathiz caiva lakSmaNo 'tha pratardanaH
02008017a alarkaH kakSasenaz ca gayo gaurAzva eva ca
02008017c jAmadagnyo 'tha rAmo 'tra nAbhAgasagarau tathA
02008018a bhUridyumno mahAzvaz ca pRthvazvo janakas tathA
02008018c vainyo rAjA vAriSeNaH purujo janamejayaH
02008019a brahmadattas trigartaz ca rAjoparicaras tathA
02008019c indradyumno bhImajAnur gayaH pRSTho nayo 'naghaH
02008020a padmo 'tha mucukundaz ca bhUridyumnaH prasenajit
02008020c ariSTanemiH pradyumnaH pRthagazvo 'jakas tathA
02008021a zataM matsyA nRpatayaH zataM nIpAH zataM hayAH
02008021c dhRtarASTrAz caikazatam azItir janamejayAH
02008022a zataM ca brahmadattAnAm IriNAM vairiNAM zatam
02008022c zaMtanuz caiva rAjarSiH pANDuz caiva pitA tava
02008023a uzadgavaH zataratho devarAjo jayadrathaH
02008023c vRSAdarbhiz ca rAjarSir dhAmnA saha samantriNA
02008024a athApare sahasrANi ye gatAH zazabindavaH
02008024c iSTvAzvamedhair bahubhir mahadbhir bhUridakSiNaiH
02008025a ete rAjarSayaH puNyAH kIrtimanto bahuzrutAH
02008025c tasyAM sabhAyAM rAjarSe vaivasvatam upAsate
02008026a agastyo 'tha mataGgaz ca kAlo mRtyus tathaiva ca
02008026c yajvAnaz caiva siddhAz ca ye ca yogazarIriNaH
02008027a agniSvAttAz ca pitaraH phenapAz coSmapAz ca ye
02008027c svadhAvanto barhiSado mUrtimantas tathApare
02008028a kAlacakraM ca sAkSAc ca bhagavAn havyavAhanaH
02008028c narA duSkRtakarmANo dakSiNAyanamRtyavaH
02008029a kAlasya nayane yuktA yamasya puruSAz ca ye
02008029c tasyAM ziMzapapAlAzAs tathA kAzakuzAdayaH
02008029e upAsate dharmarAjaM mUrtimanto nirAmayAH
02008030a ete cAnye ca bahavaH pitRrAjasabhAsadaH
02008030c azakyAH parisaMkhyAtuM nAmabhiH karmabhis tathA
02008031a asaMbAdhA hi sA pArtha ramyA kAmagamA sabhA
02008031c dIrghakAlaM tapas taptvA nirmitA vizvakarmaNA
02008032a prabhAsantI jvalantIva tejasA svena bhArata
02008032c tAm ugratapaso yAnti suvratAH satyavAdinaH
02008033a zAntAH saMnyAsinaH siddhAH pUtAH puNyena karmaNA
02008033c sarve bhAsvaradehAz ca sarve ca virajombarAH
02008034a citrAGgadAz citramAlyAH sarve jvalitakuNDalAH
02008034c sukRtaiH karmabhiH puNyaiH paribarhair vibhUSitAH
02008035a gandharvAz ca mahAtmAnaH zatazaz cApsarogaNAH
02008035c vAditraM nRttagItaM ca hAsyaM lAsyaM ca sarvazaH
02008036a puNyAz ca gandhAH zabdAz ca tasyAM pArtha samantataH
02008036c divyAni mAlyAni ca tAm upatiSThanti sarvazaH
02008037a zataM zatasahasrANi dharmiNAM taM prajezvaram
02008037c upAsate mahAtmAnaM rUpayuktA manasvinaH
02008038a IdRzI sA sabhA rAjan pitRrAjJo mahAtmanaH
02008038c varuNasyApi vakSyAmi sabhAM puSkaramAlinIm
02009001  nArada uvAca
02009001a yudhiSThira sabhA divyA varuNasya sitaprabhA
02009001c pramANena yathA yAmyA zubhaprAkAratoraNA
02009002a antaHsalilam AsthAya vihitA vizvakarmaNA
02009002c divyaratnamayair vRkSaiH phalapuSpapradair yutA
02009003a nIlapItAsitazyAmaiH sitair lohitakair api
02009003c avatAnais tathA gulmaiH puSpamaJjaridhAribhiH
02009004a tathA zakunayas tasyAM nAnArUpA mRdusvarAH
02009004c anirdezyA vapuSmantaH zatazo 'tha sahasrazaH
02009005a sA sabhA sukhasaMsparzA na zItA na ca gharmadA
02009005c vezmAsanavatI ramyA sitA varuNapAlitA
02009006a yasyAm Aste sa varuNo vAruNyA saha bhArata
02009006c divyaratnAmbaradharo bhUSaNair upazobhitaH
02009007a sragviNo bhUSitAz cApi divyamAlyAnukarSiNaH
02009007c AdityAs tatra varuNaM jalezvaram upAsate
02009008a vAsukis takSakaz caiva nAgaz cairAvatas tathA
02009008c kRSNaz ca lohitaz caiva padmaz citraz ca vIryavAn
02009009a kambalAzvatarau nAgau dhRtarASTrabalAhakau
02009009c maNimAn kuNDaladharaH karkoTakadhanaMjayau
02009010a prahlAdo mUSikAdaz ca tathaiva janamejayaH
02009010c patAkino maNDalinaH phaNavantaz ca sarvazaH
02009011a ete cAnye ca bahavaH sarpAs tasyAM yudhiSThira
02009011c upAsate mahAtmAnaM varuNaM vigataklamAH
02009012a balir vairocano rAjA narakaH pRthivIMjayaH
02009012c prahlAdo vipracittiz ca kAlakhaJjAz ca sarvazaH
02009013a suhanur durmukhaH zaGkhaH sumanAH sumatiH svanaH
02009013c ghaTodaro mahApArzvaH krathanaH piTharas tathA
02009014a vizvarUpaH surUpaz ca virUpo 'tha mahAzirAH
02009014c dazagrIvaz ca vAlI ca meghavAsA dazAvaraH
02009015a kaiTabho viTaTUtaz ca saMhrAdaz cendratApanaH
02009015c daityadAnavasaMghAz ca sarve rucirakuNDalAH
02009016a sragviNo maulinaH sarve tathA divyaparicchadAH
02009016c sarve labdhavarAH zUrAH sarve vigatamRtyavaH
02009017a te tasyAM varuNaM devaM dharmapAzasthitAH sadA
02009017c upAsate mahAtmAnaM sarve sucaritavratAH
02009018a tathA samudrAz catvAro nadI bhAgIrathI ca yA
02009018c kAlindI vidizA veNNA narmadA vegavAhinI
02009019a vipAzA ca zatadruz ca candrabhAgA sarasvatI
02009019c irAvatI vitastA ca sindhur devanadas tathA
02009020a godAvarI kRSNaveNNA kAverI ca saridvarA
02009020c etAz cAnyAz ca saritas tIrthAni ca sarAMsi ca
02009021a kUpAz ca saprasravaNA dehavanto yudhiSThira
02009021c palvalAni taDAgAni dehavanty atha bhArata
02009022a dizas tathA mahI caiva tathA sarve mahIdharAH
02009022c upAsate mahAtmAnaM sarve jalacarAs tathA
02009023a gItavAditravantaz ca gandharvApsarasAM gaNAH
02009023c stuvanto varuNaM tasyAM sarva eva samAsate
02009024a mahIdharA ratnavanto rasA yeSu pratiSThitAH
02009024c sarve vigrahavantas te tam Izvaram upAsate
02009025a eSA mayA saMpatatA vAruNI bharatarSabha
02009025c dRSTapUrvA sabhA ramyA kuberasya sabhAM zRNu
02010001  nArada uvAca
02010001a sabhA vaizravaNI rAjaJ zatayojanam AyatA
02010001c vistIrNA saptatiz caiva yojanAni sitaprabhA
02010002a tapasA nirmitA rAjan svayaM vaizravaNena sA
02010002c zaziprabhA khecarINAM kailAsazikharopamA
02010003a guhyakair uhyamAnA sA khe viSakteva dRzyate
02010003c divyA hemamayair uccaiH pAdapair upazobhitA
02010004a razmivatI bhAsvarA ca divyagandhA manoramA
02010004c sitAbhrazikharAkArA plavamAneva dRzyate
02010005a tasyAM vaizravaNo rAjA vicitrAbharaNAmbaraH
02010005c strIsahasrAvRtaH zrImAn Aste jvalitakuNDalaH
02010006a divAkaranibhe puNye divyAstaraNasaMvRte
02010006c divyapAdopadhAne ca niSaNNaH paramAsane
02010007a mandArANAm udArANAM vanAni surabhINi ca
02010007c saugandhikAnAM cAdAya gandhAn gandhavahaH zuciH
02010008a nalinyAz cAlakAkhyAyAz candanAnAM vanasya ca
02010008c manohRdayasaMhlAdI vAyus tam upasevate
02010009a tatra devAH sagandharvA gaNair apsarasAM vRtAH
02010009c divyatAnena gItAni gAnti divyAni bhArata
02010010a mizrakezI ca rambhA ca citrasenA zucismitA
02010010c cArunetrA ghRtAcI ca menakA puJjikasthalA
02010011a vizvAcI sahajanyA ca pramlocA urvazI irA
02010011c vargA ca saurabheyI ca samIcI budbudA latA
02010012a etAH sahasrazaz cAnyA nRttagItavizAradAH
02010012c upatiSThanti dhanadaM pANDavApsarasAM gaNAH
02010013a anizaM divyavAditrair nRttair gItaiz ca sA sabhA
02010013c azUnyA rucirA bhAti gandharvApsarasAM gaNaiH
02010014a kiMnarA nAma gandharvA narA nAma tathApare
02010014c maNibhadro 'tha dhanadaH zvetabhadraz ca guhyakaH
02010015a kazerako gaNDakaNDuH pradyotaz ca mahAbalaH
02010015c kustumburuH pizAcaz ca gajakarNo vizAlakaH
02010016a varAhakarNaH sAndroSThaH phalabhakSaH phalodakaH
02010016c aGgacUDaH zikhAvarto hemanetro vibhISaNaH
02010017a puSpAnanaH piGgalakaH zoNitodaH pravAlakaH
02010017c vRkSavAsyaniketaz ca cIravAsAz ca bhArata
02010018a ete cAnye ca bahavo yakSAH zatasahasrazaH
02010018c sadA bhagavatI ca zrIs tathaiva nalakUbaraH
02010019a ahaM ca bahuzas tasyAM bhavanty anye ca madvidhAH
02010019c AcAryAz cAbhavaMs tatra tathA devarSayo 'pare
02010020a bhagavAn bhUtasaMghaiz ca vRtaH zatasahasrazaH
02010020c umApatiH pazupatiH zUladhRg bhaganetrahA
02010021a tryambako rAjazArdUla devI ca vigataklamA
02010021c vAmanair vikaTaiH kubjaiH kSatajAkSair manojavaiH
02010022a mAMsamedovasAhArair ugrazravaNadarzanaiH
02010022c nAnApraharaNair ghorair vAtair iva mahAjavaiH
02010022e vRtaH sakhAyam anvAste sadaiva dhanadaM nRpa
02010023a sA sabhA tAdRzI rAjan mayA dRSTAntarikSagA
02010023c pitAmahasabhAM rAjan kathayiSye gataklamAm
02011001  nArada uvAca
02011001a purA devayuge rAjann Adityo bhagavAn divaH
02011001c Agacchan mAnuSaM lokaM didRkSur vigataklamaH
02011002a caran mAnuSarUpeNa sabhAM dRSTvA svayaMbhuvaH
02011002c sabhAm akathayan mahyaM brAhmIM tattvena pANDava
02011003a aprameyaprabhAM divyAM mAnasIM bharatarSabha
02011003c anirdezyAM prabhAvena sarvabhUtamanoramAm
02011004a zrutvA guNAn ahaM tasyAH sabhAyAH pANDunandana
02011004c darzanepsus tathA rAjann Adityam aham abruvam
02011005a bhagavan draSTum icchAmi pitAmahasabhAm aham
02011005c yena sA tapasA zakyA karmaNA vApi gopate
02011006a auSadhair vA tathA yuktair uta vA mAyayA yayA
02011006c tan mamAcakSva bhagavan pazyeyaM tAM sabhAM katham
02011007a tataH sa bhagavAn sUryo mAm upAdAya vIryavAn
02011007c agacchat tAM sabhAM brAhmIM vipApAM vigataklamAm
02011008a evaMrUpeti sA zakyA na nirdeSTuM janAdhipa
02011008c kSaNena hi bibharty anyad anirdezyaM vapus tathA
02011009a na veda parimANaM vA saMsthAnaM vApi bhArata
02011009c na ca rUpaM mayA tAdRg dRSTapUrvaM kadA cana
02011010a susukhA sA sabhA rAjan na zItA na ca gharmadA
02011010c na kSutpipAse na glAniM prApya tAM prApnuvanty uta
02011011a nAnArUpair iva kRtA suvicitraiH subhAsvaraiH
02011011c stambhair na ca dhRtA sA tu zAzvatI na ca sA kSarA
02011012a ati candraM ca sUryaM ca zikhinaM ca svayaMprabhA
02011012c dIpyate nAkapRSThasthA bhAsayantIva bhAskaram
02011013a tasyAM sa bhagavAn Aste vidadhad devamAyayA
02011013c svayam eko 'nizaM rAja&l lokA&l lokapitAmahaH
02011014a upatiSThanti cApy enaM prajAnAM patayaH prabhum
02011014c dakSaH pracetAH pulaho marIciH kazyapas tathA
02011015a bhRgur atrir vasiSThaz ca gautamaz ca tathAGgirAH
02011015c mano 'ntarikSaM vidyAz ca vAyus tejo jalaM mahI
02011016a zabdaH sparzas tathA rUpaM raso gandhaz ca bhArata
02011016c prakRtiz ca vikAraz ca yac cAnyat kAraNaM bhuvaH
02011017a candramAH saha nakSatrair Adityaz ca gabhastimAn
02011017c vAyavaH kratavaz caiva saMkalpaH prANa eva ca
02011018a ete cAnye ca bahavaH svayaMbhuvam upasthitAH
02011018c artho dharmaz ca kAmaz ca harSo dveSas tapo damaH
02011019a AyAnti tasyAM sahitA gandharvApsarasas tathA
02011019c viMzatiH sapta caivAnye lokapAlAz ca sarvazaH
02011020a zukro bRhaspatiz caiva budho 'GgAraka eva ca
02011020c zanaizcaraz ca rAhuz ca grahAH sarve tathaiva ca
02011021a mantro rathaMtaraz caiva harimAn vasumAn api
02011021c AdityAH sAdhirAjAno nAnAdvaMdvair udAhRtAH
02011022a maruto vizvakarmA ca vasavaz caiva bhArata
02011022c tathA pitRgaNAH sarve sarvANi ca havIMSy atha
02011023a RgvedaH sAmavedaz ca yajurvedaz ca pANDava
02011023c atharvavedaz ca tathA parvANi ca vizAM pate
02011024a itihAsopavedAz ca vedAGgAni ca sarvazaH
02011024c grahA yajJAz ca somaz ca daivatAni ca sarvazaH
02011025a sAvitrI durgataraNI vANI saptavidhA tathA
02011025c medhA dhRtiH zrutiz caiva prajJA buddhir yazaH kSamA
02011026a sAmAni stutizastrANi gAthAz ca vividhAs tathA
02011026c bhASyANi tarkayuktAni dehavanti vizAM pate
02011027a kSaNA lavA muhUrtAz ca divA rAtris tathaiva ca
02011027c ardhamAsAz ca mAsAz ca RtavaH SaT ca bhArata
02011028a saMvatsarAH paJcayugam ahorAtrAz caturvidhAH
02011028c kAlacakraM ca yad divyaM nityam akSayam avyayam
02011029a aditir ditir danuz caiva surasA vinatA irA
02011029c kAlakA surabhir devI saramA cAtha gautamI
02011030a AdityA vasavo rudrA marutaz cAzvinAv api
02011030c vizvedevAz ca sAdhyAz ca pitaraz ca manojavAH
02011031a rAkSasAz ca pizAcAz ca dAnavA guhyakAs tathA
02011031c suparNanAgapazavaH pitAmaham upAsate
02011032a devo nArAyaNas tasyAM tathA devarSayaz ca ye
02011032c RSayo vAlakhilyAz ca yonijAyonijAs tathA
02011033a yac ca kiM cit triloke 'smin dRzyate sthANujaGgamam
02011033c sarvaM tasyAM mayA dRSTaM tad viddhi manujAdhipa
02011034a aSTAzItisahasrANi yatInAm UrdhvaretasAm
02011034c prajAvatAM ca paJcAzad RSINAm api pANDava
02011035a te sma tatra yathAkAmaM dRSTvA sarve divaukasaH
02011035c praNamya zirasA tasmai pratiyAnti yathAgatam
02011036a atithIn AgatAn devAn daityAn nAgAn munIMs tathA
02011036c yakSAn suparNAn kAleyAn gandharvApsarasas tathA
02011037a mahAbhAgAn amitadhIr brahmA lokapitAmahaH
02011037c dayAvAn sarvabhUteSu yathArhaM pratipadyate
02011038a pratigRhya ca vizvAtmA svayaMbhUr amitaprabhaH
02011038c sAntvamAnArthasaMbhogair yunakti manujAdhipa
02011039a tathA tair upayAtaiz ca pratiyAtaiz ca bhArata
02011039c AkulA sA sabhA tAta bhavati sma sukhapradA
02011040a sarvatejomayI divyA brahmarSigaNasevitA
02011040c brAhmyA zriyA dIpyamAnA zuzubhe vigataklamA
02011041a sA sabhA tAdRzI dRSTA sarvalokeSu durlabhA
02011041c sabheyaM rAjazArdUla manuSyeSu yathA tava
02011042a etA mayA dRSTapUrvAH sabhA deveSu pANDava
02011042c taveyaM mAnuSe loke sarvazreSThatamA sabhA
02011043  yudhiSThira uvAca
02011043a prAyazo rAjalokas te kathito vadatAM vara
02011043c vaivasvatasabhAyAM tu yathA vadasi vai prabho
02011044a varuNasya sabhAyAM tu nAgAs te kathitA vibho
02011044c daityendrAz caiva bhUyiSThAH saritaH sAgarAs tathA
02011045a tathA dhanapater yakSA guhyakA rAkSasAs tathA
02011045c gandharvApsarasaz caiva bhagavAMz ca vRSadhvajaH
02011046a pitAmahasabhAyAM tu kathitAs te maharSayaH
02011046c sarvadevanikAyAz ca sarvazAstrANi caiva hi
02011047a zatakratusabhAyAM tu devAH saMkIrtitA mune
02011047c uddezataz ca gandharvA vividhAz ca maharSayaH
02011048a eka eva tu rAjarSir harizcandro mahAmune
02011048c kathitas te sabhAnityo devendrasya mahAtmanaH
02011049a kiM karma tenAcaritaM tapo vA niyatavratam
02011049c yenAsau saha zakreNa spardhate sma mahAyazAH
02011050a pitRlokagataz cApi tvayA vipra pitA mama
02011050c dRSTaH pANDur mahAbhAgaH kathaM cAsi samAgataH
02011051a kim uktavAMz ca bhagavann etad icchAmi veditum
02011051c tvattaH zrotum ahaM sarvaM paraM kautUhalaM hi me
02011052  nArada uvAca
02011052a yan mAM pRcchasi rAjendra harizcandraM prati prabho
02011052c tat te 'haM saMpravakSyAmi mAhAtmyaM tasya dhImataH
02011053a sa rAjA balavAn AsIt samrAT sarvamahIkSitAm
02011053c tasya sarve mahIpAlAH zAsanAvanatAH sthitAH
02011054a tenaikaM ratham AsthAya jaitraM hemavibhUSitam
02011054c zastrapratApena jitA dvIpAH sapta narezvara
02011055a sa vijitya mahIM sarvAM sazailavanakAnanAm
02011055c AjahAra mahArAja rAjasUyaM mahAkratum
02011056a tasya sarve mahIpAlA dhanAny Ajahrur AjJayA
02011056c dvijAnAM pariveSTAras tasmin yajJe ca te 'bhavan
02011057a prAdAc ca draviNaM prItyA yAjakAnAM narezvaraH
02011057c yathoktaM tatra tais tasmiMs tataH paJcaguNAdhikam
02011058a atarpayac ca vividhair vasubhir brAhmaNAMs tathA
02011058c prAsarpakAle saMprApte nAnAdigbhyaH samAgatAn
02011059a bhakSyair bhojyaiz ca vividhair yathAkAmapuraskRtaiH
02011059c ratnaughatarpitais tuSTair dvijaiz ca samudAhRtam
02011059e tejasvI ca yazasvI ca nRpebhyo 'bhyadhiko 'bhavat
02011060a etasmAt kAraNAt pArtha harizcandro virAjate
02011060c tebhyo rAjasahasrebhyas tad viddhi bharatarSabha
02011061a samApya ca harizcandro mahAyajJaM pratApavAn
02011061c abhiSiktaH sa zuzubhe sAmrAjyena narAdhipa
02011062a ye cAnye 'pi mahIpAlA rAjasUyaM mahAkratum
02011062c yajante te mahendreNa modante saha bhArata
02011063a ye cApi nidhanaM prAptAH saMgrAmeSv apalAyinaH
02011063c te tatsadaH samAsAdya modante bharatarSabha
02011064a tapasA ye ca tIvreNa tyajantIha kalevaram
02011064c te 'pi tat sthAnam AsAdya zrImanto bhAnti nityazaH
02011065a pitA ca tvAha kaunteya pANDuH kauravanandanaH
02011065c harizcandre zriyaM dRSTvA nRpatau jAtavismayaH
02011066a samartho 'si mahIM jetuM bhrAtaras te vaze sthitAH
02011066c rAjasUyaM kratuzreSTham Aharasveti bhArata
02011067a tasya tvaM puruSavyAghra saMkalpaM kuru pANDava
02011067c gantAras te mahendrasya pUrvaiH saha salokatAm
02011068a bahuvighnaz ca nRpate kratur eSa smRto mahAn
02011068c chidrANy atra hi vAJchanti yajJaghnA brahmarAkSasAH
02011069a yuddhaM ca pRSThagamanaM pRthivIkSayakArakam
02011069c kiM cid eva nimittaM ca bhavaty atra kSayAvaham
02011070a etat saMcintya rAjendra yat kSamaM tat samAcara
02011070c apramattotthito nityaM cAturvarNyasya rakSaNe
02011070e bhava edhasva modasva dAnais tarpaya ca dvijAn
02011071a etat te vistareNoktaM yan mAM tvaM paripRcchasi
02011071c ApRcche tvAM gamiSyAmi dAzArhanagarIM prati
02011072  vaizaMpAyana uvAca
02011072a evam AkhyAya pArthebhyo nArado janamejaya
02011072c jagAma tair vRto rAjann RSibhir yaiH samAgataH
02011073a gate tu nArade pArtho bhrAtRbhiH saha kaurava
02011073c rAjasUyaM kratuzreSThaM cintayAm Asa bhArata
02012001  vaizaMpAyana uvAca
02012001a RSes tad vacanaM zrutvA nizazvAsa yudhiSThiraH
02012001c cintayan rAjasUyAptiM na lebhe zarma bhArata
02012002a rAjarSINAM hi taM zrutvA mahimAnaM mahAtmanAm
02012002c yajvanAM karmabhiH puNyair lokaprAptiM samIkSya ca
02012003a harizcandraM ca rAjarSiM rocamAnaM vizeSataH
02012003c yajvAnaM yajJam AhartuM rAjasUyam iyeSa saH
02012004a yudhiSThiras tataH sarvAn arcayitvA sabhAsadaH
02012004c pratyarcitaz ca taiH sarvair yajJAyaiva mano dadhe
02012005a sa rAjasUyaM rAjendra kurUNAm RSabhaH kratum
02012005c AhartuM pravaNaM cakre manaH saMcintya so 'sakRt
02012006a bhUyaz cAdbhutavIryaujA dharmam evAnupAlayan
02012006c kiM hitaM sarvalokAnAM bhaved iti mano dadhe
02012007a anugRhNan prajAH sarvAH sarvadharmavidAM varaH
02012007c avizeSeNa sarveSAM hitaM cakre yudhiSThiraH
02012008a evaM gate tatas tasmin pitarIvAzvasaJ janAH
02012008c na tasya vidyate dveSTA tato 'syAjAtazatrutA
02012009a sa mantriNaH samAnAyya bhrAtqMz ca vadatAM varaH
02012009c rAjasUyaM prati tadA punaH punar apRcchata
02012010a te pRcchyamAnAH sahitA vaco 'rthyaM mantriNas tadA
02012010c yudhiSThiraM mahAprAjJaM yiyakSum idam abruvan
02012011a yenAbhiSikto nRpatir vAruNaM guNam Rcchati
02012011c tena rAjApi san kRtsnaM samrADguNam abhIpsati
02012012a tasya samrADguNArhasya bhavataH kurunandana
02012012c rAjasUyasya samayaM manyante suhRdas tava
02012013a tasya yajJasya samayaH svAdhInaH kSatrasaMpadA
02012013c sAmnA SaD agnayo yasmiMz cIyante saMzitavrataiH
02012014a darvIhomAn upAdAya sarvAn yaH prApnute kratUn
02012014c abhiSekaM ca yajJAnte sarvajit tena cocyate
02012015a samartho 'si mahAbAho sarve te vazagA vayam
02012015c avicArya mahArAja rAjasUye manaH kuru
02012016a ity evaM suhRdaH sarve pRthak ca saha cAbruvan
02012016c sa dharmyaM pANDavas teSAM vacaH zrutvA vizAM pate
02012016e dhRSTam iSTaM variSThaM ca jagrAha manasArihA
02012017a zrutvA suhRdvacas tac ca jAnaMz cApy AtmanaH kSamam
02012017c punaH punar mano dadhre rAjasUyAya bhArata
02012018a sa bhrAtRbhiH punar dhImAn Rtvigbhiz ca mahAtmabhiH
02012018c dhaumyadvaipAyanAdyaiz ca mantrayAm Asa mantribhiH
02012019  yudhiSThira uvAca
02012019a iyaM yA rAjasUyasya samrADarhasya sukratoH
02012019c zraddadhAnasya vadataH spRhA me sA kathaM bhavet
02012020  vaizaMpAyana uvAca
02012020a evam uktAs tu te tena rAjJA rAjIvalocana
02012020c idam Ucur vacaH kAle dharmAtmAnaM yudhiSThiram
02012020e arhas tvam asi dharmajJa rAjasUyaM mahAkratum
02012021a athaivam ukte nRpatAv Rtvigbhir RSibhis tathA
02012021c mantriNo bhrAtaraz cAsya tad vacaH pratyapUjayan
02012022a sa tu rAjA mahAprAjJaH punar evAtmanAtmavAn
02012022c bhUyo vimamRze pArtho lokAnAM hitakAmyayA
02012023a sAmarthyayogaM saMprekSya dezakAlau vyayAgamau
02012023c vimRzya samyak ca dhiyA kurvan prAjJo na sIdati
02012024a na hi yajJasamArambhaH kevalAtmavipattaye
02012024c bhavatIti samAjJAya yatnataH kAryam udvahan
02012025a sa nizcayArthaM kAryasya kRSNam eva janArdanam
02012025c sarvalokAt paraM matvA jagAma manasA harim
02012026a aprameyaM mahAbAhuM kAmAj jAtam ajaM nRSu
02012026c pANDavas tarkayAm Asa karmabhir devasaMmitaiH
02012027a nAsya kiM cid avijJAtaM nAsya kiM cid akarmajam
02012027c na sa kiM cin na viSahed iti kRSNam amanyata
02012028a sa tu tAM naiSThikIM buddhiM kRtvA pArtho yudhiSThiraH
02012028c guruvad bhUtagurave prAhiNod dUtam aJjasA
02012029a zIghragena rathenAzu sa dUtaH prApya yAdavAn
02012029c dvArakAvAsinaM kRSNaM dvAravatyAM samAsadat
02012030a darzanAkAGkSiNaM pArthaM darzanAkAGkSayAcyutaH
02012030c indrasenena sahita indraprasthaM yayau tadA
02012031a vyatItya vividhAn dezAMs tvarAvAn kSipravAhanaH
02012031c indraprasthagataM pArtham abhyagacchaj janArdanaH
02012032a sa gRhe bhrAtRvad bhrAtrA dharmarAjena pUjitaH
02012032c bhImena ca tato 'pazyat svasAraM prItimAn pituH
02012033a prItaH priyeNa suhRdA reme sa sahitas tadA
02012033c arjunena yamAbhyAM ca guruvat paryupasthitaH
02012034a taM vizrAntaM zubhe deze kSaNinaM kalyam acyutam
02012034c dharmarAjaH samAgamya jJApayat svaM prayojanam
02012035  yudhiSThira uvAca
02012035a prArthito rAjasUyo me na cAsau kevalepsayA
02012035c prApyate yena tat te ha viditaM kRSNa sarvazaH
02012036a yasmin sarvaM saMbhavati yaz ca sarvatra pUjyate
02012036c yaz ca sarvezvaro rAjA rAjasUyaM sa vindati
02012037a taM rAjasUyaM suhRdaH kAryam AhuH sametya me
02012037c tatra me nizcitatamaM tava kRSNa girA bhavet
02012038a ke cid dhi sauhRdAd eva doSaM na paricakSate
02012038c arthahetos tathaivAnye priyam eva vadanty uta
02012039a priyam eva parIpsante ke cid Atmani yad dhitam
02012039c evaMprAyAz ca dRzyante janavAdAH prayojane
02012040a tvaM tu hetUn atItyaitAn kAmakrodhau vyatItya ca
02012040c paramaM naH kSamaM loke yathAvad vaktum arhasi
02013001  zrIkRSNa uvAca
02013001a sarvair guNair mahArAja rAjasUyaM tvam arhasi
02013001c jAnatas tv eva te sarvaM kiM cid vakSyAmi bhArata
02013002a jAmadagnyena rAmeNa kSatraM yad avazeSitam
02013002c tasmAd avarajaM loke yad idaM kSatrasaMjJitam
02013003a kRto 'yaM kulasaMkalpaH kSatriyair vasudhAdhipa
02013003c nidezavAgbhis tat te ha viditaM bharatarSabha
02013004a ailasyekSvAkuvaMzasya prakRtiM paricakSate
02013004c rAjAnaH zreNibaddhAz ca tato 'nye kSatriyA bhuvi
02013005a ailavaMzyAs tu ye rAjaMs tathaivekSvAkavo nRpAH
02013005c tAni caikazataM viddhi kulAni bharatarSabha
02013006a yayAtes tv eva bhojAnAM vistaro 'tiguNo mahAn
02013006c bhajate ca mahArAja vistaraH sa caturdizam
02013007a teSAM tathaiva tAM lakSmIM sarvakSatram upAsate
02013007c so 'vanIM madhyamAM bhuktvA mithobhedeSv amanyata
02013008a caturyus tv aparo rAjA yasminn ekazato 'bhavat
02013008c sa sAmrAjyaM jarAsaMdhaH prApto bhavati yonitaH
02013009a taM sa rAjA mahAprAjJa saMzritya kila sarvazaH
02013009c rAjan senApatir jAtaH zizupAlaH pratApavAn
02013010a tam eva ca mahArAja ziSyavat samupasthitaH
02013010c vakraH karUSAdhipatir mAyAyodhI mahAbalaH
02013011a aparau ca mahAvIryau mahAtmAnau samAzritau
02013011c jarAsaMdhaM mahAvIryaM tau haMsaDibhakAv ubhau
02013012a dantavakraH karUSaz ca kalabho meghavAhanaH
02013012c mUrdhnA divyaM maNiM bibhrad yaM taM bhUtamaNiM viduH
02013013a muraM ca narakaM caiva zAsti yo yavanAdhipau
02013013c aparyantabalo rAjA pratIcyAM varuNo yathA
02013014a bhagadatto mahArAja vRddhas tava pituH sakhA
02013014c sa vAcA praNatas tasya karmaNA caiva bhArata
02013015a snehabaddhas tu pitRvan manasA bhaktimAMs tvayi
02013015c pratIcyAM dakSiNaM cAntaM pRthivyAH pAti yo nRpaH
02013016a mAtulo bhavataH zUraH purujit kuntivardhanaH
02013016c sa te saMnatimAn ekaH snehataH zatrutApanaH
02013017a jarAsaMdhaM gatas tv evaM purA yo na mayA hataH
02013017c puruSottamavijJAto yo 'sau cediSu durmatiH
02013018a AtmAnaM pratijAnAti loke 'smin puruSottamam
02013018c Adatte satataM mohAd yaH sa cihnaM ca mAmakam
02013019a vaGgapuNDrakirAteSu rAjA balasamanvitaH
02013019c pauNDrako vAsudeveti yo 'sau lokeSu vizrutaH
02013020a caturyuH sa mahArAja bhoja indrasakho balI
02013020c vidyAbalAd yo vyajayat pANDyakrathakakaizikAn
02013021a bhrAtA yasyAhRtiH zUro jAmadagnyasamo yudhi
02013021c sa bhakto mAgadhaM rAjA bhISmakaH paravIrahA
02013022a priyANy AcarataH prahvAn sadA saMbandhinaH sataH
02013022c bhajato na bhajaty asmAn apriyeSu vyavasthitaH
02013023a na kulaM na balaM rAjann abhijAnaMs tathAtmanaH
02013023c pazyamAno yazo dIptaM jarAsaMdham upAzritaH
02013024a udIcyabhojAz ca tathA kulAny aSTAdazAbhibho
02013024c jarAsaMdhabhayAd eva pratIcIM dizam AzritAH
02013025a zUrasenA bhadrakArA bodhAH zAlvAH paTaccarAH
02013025c sustharAz ca sukuTTAz ca kuNindAH kuntibhiH saha
02013026a zAlveyAnAM ca rAjAnaH sodaryAnucaraiH saha
02013026c dakSiNA ye ca pAJcAlAH pUrvAH kuntiSu kozalAH
02013027a tathottarAM dizaM cApi parityajya bhayArditAH
02013027c matsyAH saMnyastapAdAz ca dakSiNAM dizam AzritAH
02013028a tathaiva sarvapAJcAlA jarAsaMdhabhayArditAH
02013028c svarASTraM saMparityajya vidrutAH sarvatodizam
02013029a kasya cit tv atha kAlasya kaMso nirmathya bAndhavAn
02013029c bArhadrathasute devyAv upAgacchad vRthAmatiH
02013030a astiH prAptiz ca nAmnA te sahadevAnuje 'bale
02013030c balena tena sa jJAtIn abhibhUya vRthAmatiH
02013031a zraiSThyaM prAptaH sa tasyAsId atIvApanayo mahAn
02013031c bhojarAjanyavRddhais tu pIDyamAnair durAtmanA
02013032a jJAtitrANam abhIpsadbhir asmatsaMbhAvanA kRtA
02013032c dattvAkrUrAya sutanuM tAm AhukasutAM tadA
02013033a saMkarSaNadvitIyena jJAtikAryaM mayA kRtam
02013033c hatau kaMsasunAmAnau mayA rAmeNa cApy uta
02013034a bhaye tu samupakrAnte jarAsaMdhe samudyate
02013034c mantro 'yaM mantrito rAjan kulair aSTAdazAvaraiH
02013035a anAramanto nighnanto mahAstraiH zataghAtibhiH
02013035c na hanyAma vayaM tasya tribhir varSazatair balam
02013036a tasya hy amarasaMkAzau balena balinAM varau
02013036c nAmabhyAM haMsaDibhakAv ity AstAM yodhasattamau
02013037a tAv ubhau sahitau vIrau jarAsaMdhaz ca vIryavAn
02013037c trayas trayANAM lokAnAM paryAptA iti me matiH
02013038a na hi kevalam asmAkaM yAvanto 'nye ca pArthivAH
02013038c tathaiva teSAm AsIc ca buddhir buddhimatAM vara
02013039a atha haMsa iti khyAtaH kaz cid AsIn mahAn nRpaH
02013039c sa cAnyaiH sahito rAjan saMgrAme 'STAdazAvaraiH
02013040a hato haMsa iti proktam atha kenApi bhArata
02013040c tac chrutvA Dibhako rAjan yamunAmbhasy amajjata
02013041a vinA haMsena loke 'smin nAhaM jIvitum utsahe
02013041c ity etAM matim AsthAya Dibhako nidhanaM gataH
02013042a tathA tu DibhakaM zrutvA haMsaH parapuraMjayaH
02013042c prapede yamunAm eva so 'pi tasyAM nyamajjata
02013043a tau sa rAjA jarAsaMdhaH zrutvApsu nidhanaM gatau
02013043c svapuraM zUrasenAnAM prayayau bharatarSabha
02013044a tato vayam amitraghna tasmin pratigate nRpe
02013044c punar AnanditAH sarve mathurAyAM vasAmahe
02013045a yadA tv abhyetya pitaraM sA vai rAjIvalocanA
02013045c kaMsabhAryA jarAsaMdhaM duhitA mAgadhaM nRpam
02013046a codayaty eva rAjendra pativyasanaduHkhitA
02013046c patighnaM me jahIty evaM punaH punar ariMdama
02013047a tato vayaM mahArAja taM mantraM pUrvamantritam
02013047c saMsmaranto vimanaso vyapayAtA narAdhipa
02013048a pRthaktvena drutA rAjan saMkSipya mahatIM zriyam
02013048c prapatAmo bhayAt tasya sadhanajJAtibAndhavAH
02013049a iti saMcintya sarve sma pratIcIM dizam AzritAH
02013049c kuzasthalIM purIM ramyAM raivatenopazobhitAm
02013050a punar nivezanaM tasyAM kRtavanto vayaM nRpa
02013050c tathaiva durgasaMskAraM devair api durAsadam
02013051a striyo 'pi yasyAM yudhyeyuH kiM punar vRSNipuMgavAH
02013051c tasyAM vayam amitraghna nivasAmo 'kutobhayAH
02013052a Alokya girimukhyaM taM mAdhavItIrtham eva ca
02013052c mAdhavAH kuruzArdUla parAM mudam avApnuvan
02013053a evaM vayaM jarAsaMdhAd AditaH kRtakilbiSAH
02013053c sAmarthyavantaH saMbandhAd bhavantaM samupAzritAH
02013054a triyojanAyataM sadma triskandhaM yojanAd adhi
02013054c yojanAnte zatadvAraM vikramakramatoraNam
02013054e aSTAdazAvarair naddhaM kSatriyair yuddhadurmadaiH
02013055a aSTAdaza sahasrANi vrAtAnAM santi naH kule
02013055c Ahukasya zataM putrA ekaikas trizatAvaraH
02013056a cArudeSNaH saha bhrAtrA cakradevo 'tha sAtyakiH
02013056c ahaM ca rauhiNeyaz ca sAmbaH zaurisamo yudhi
02013057a evam ete rathAH sapta rAjann anyAn nibodha me
02013057c kRtavarmA anAdhRSTiH samIkaH samitiMjayaH
02013058a kahvaH zaGkur nidAntaz ca saptaivaite mahArathAH
02013058c putrau cAndhakabhojasya vRddho rAjA ca te daza
02013059a lokasaMhananA vIrA vIryavanto mahAbalAH
02013059c smaranto madhyamaM dezaM vRSNimadhye gatavyathAH
02013060a sa tvaM samrADguNair yuktaH sadA bharatasattama
02013060c kSatre samrAjam AtmAnaM kartum arhasi bhArata
02013061a na tu zakyaM jarAsaMdhe jIvamAne mahAbale
02013061c rAjasUyas tvayA prAptum eSA rAjan matir mama
02013062a tena ruddhA hi rAjAnaH sarve jitvA girivraje
02013062c kandarAyAM girIndrasya siMheneva mahAdvipAH
02013063a so 'pi rAjA jarAsaMdho yiyakSur vasudhAdhipaiH
02013063c ArAdhya hi mahAdevaM nirjitAs tena pArthivAH
02013064a sa hi nirjitya nirjitya pArthivAn pRtanAgatAn
02013064c puram AnIya baddhvA ca cakAra puruSavrajam
02013065a vayaM caiva mahArAja jarAsaMdhabhayAt tadA
02013065c mathurAM saMparityajya gatA dvAravatIM purIm
02013066a yadi tv enaM mahArAja yajJaM prAptum ihecchasi
02013066c yatasva teSAM mokSAya jarAsaMdhavadhAya ca
02013067a samArambho hi zakyo 'yaM nAnyathA kurunandana
02013067c rAjasUyasya kArtsnyena kartuM matimatAM vara
02013068a ity eSA me matI rAjan yathA vA manyase 'nagha
02013068c evaM gate mamAcakSva svayaM nizcitya hetubhiH
02014001  yudhiSThira uvAca
02014001a uktaM tvayA buddhimatA yan nAnyo vaktum arhati
02014001c saMzayAnAM hi nirmoktA tvan nAnyo vidyate bhuvi
02014002a gRhe gRhe hi rAjAnaH svasya svasya priyaMkarAH
02014002c na ca sAmrAjyam AptAs te samrATzabdo hi kRtsnabhAk
02014003a kathaM parAnubhAvajJaH svaM prazaMsitum arhati
02014003c pareNa samavetas tu yaH prazastaH sa pUjyate
02014004a vizAlA bahulA bhUmir bahuratnasamAcitA
02014004c dUraM gatvA vijAnAti zreyo vRSNikulodvaha
02014005a zamam eva paraM manye na tu mokSAd bhavec chamaH
02014005c Arambhe pArameSThyaM tu na prApyam iti me matiH
02014006a evam evAbhijAnanti kule jAtA manasvinaH
02014006c kaz cit kadA cid eteSAM bhavec chreSTho janArdana
02014007  bhIma uvAca
02014007a anArambhaparo rAjA valmIka iva sIdati
02014007c durbalaz cAnupAyena balinaM yo 'dhitiSThati
02014008a atandritas tu prAyeNa durbalo balinaM ripum
02014008c jayet samyaG nayo rAjan nItyArthAn Atmano hitAn
02014009a kRSNe nayo mayi balaM jayaH pArthe dhanaMjaye
02014009c mAgadhaM sAdhayiSyAmo vayaM traya ivAgnayaH
02014010  kRSNa uvAca
02014010a Adatte 'rthaparo bAlo nAnubandham avekSate
02014010c tasmAd ariM na mRSyanti bAlam arthaparAyaNam
02014011a hitvA karAn yauvanAzvaH pAlanAc ca bhagIrathaH
02014011c kArtavIryas tapoyogAd balAt tu bharato vibhuH
02014011e RddhyA maruttas tAn paJca samrAja iti zuzrumaH
02014012a nigrAhyalakSaNaM prApto dharmArthanayalakSaNaiH
02014012c bArhadratho jarAsaMdhas tad viddhi bharatarSabha
02014013a na cainam anurudhyante kulAny ekazataM nRpAH
02014013c tasmAd etad balAd eva sAmrAjyaM kurute 'dya saH
02014014a ratnabhAjo hi rAjAno jarAsaMdham upAsate
02014014c na ca tuSyati tenApi bAlyAd anayam AsthitaH
02014015a mUrdhAbhiSiktaM nRpatiM pradhAnapuruSaM balAt
02014015c Adatte na ca no dRSTo 'bhAgaH puruSataH kva cit
02014016a evaM sarvAn vaze cakre jarAsaMdhaH zatAvarAn
02014016c taM durbalataro rAjA kathaM pArtha upaiSyati
02014017a prokSitAnAM pramRSTAnAM rAjJAM pazupater gRhe
02014017c pazUnAm iva kA prItir jIvite bharatarSabha
02014018a kSatriyaH zastramaraNo yadA bhavati satkRtaH
02014018c nanu sma mAgadhaM sarve pratibAdhema yad vayam
02014019a SaDazItiH samAnItAH zeSA rAjaMz caturdaza
02014019c jarAsaMdhena rAjAnas tataH krUraM prapatsyate
02014020a prApnuyAt sa yazo dIptaM tatra yo vighnam Acaret
02014020c jayed yaz ca jarAsaMdhaM sa samrAN niyataM bhavet
02015001  yudhiSThira uvAca
02015001a samrADguNam abhIpsan vai yuSmAn svArthaparAyaNaH
02015001c kathaM prahiNuyAM bhImaM balAt kevalasAhasAt
02015002a bhImArjunAv ubhau netre mano manye janArdanam
02015002c manazcakSurvihInasya kIdRzaM jIvitaM bhavet
02015003a jarAsaMdhabalaM prApya duSpAraM bhImavikramam
02015003c zramo hi vaH parAjayyAt kim u tatra viceSTitam
02015004a asminn arthAntare yuktam anarthaH pratipadyate
02015004c yathAhaM vimRzAmy ekas tat tAvac chrUyatAM mama
02015005a saMnyAsaM rocaye sAdhu kAryasyAsya janArdana
02015005c pratihanti mano me 'dya rAjasUyo durAsadaH
02015006  vaizaMpAyana uvAca
02015006a pArthaH prApya dhanuHzreSTham akSayyau ca maheSudhI
02015006c rathaM dhvajaM sabhAM caiva yudhiSThiram abhASata
02015007a dhanur astraM zarA vIryaM pakSo bhUmir yazo balam
02015007c prAptam etan mayA rAjan duSprApaM yad abhIpsitam
02015008a kule janma prazaMsanti vaidyAH sAdhu suniSThitAH
02015008c balena sadRzaM nAsti vIryaM tu mama rocate
02015009a kRtavIryakule jAto nirvIryaH kiM kariSyati
02015009c kSatriyaH sarvazo rAjan yasya vRttiH parAjaye
02015010a sarvair api guNair hIno vIryavAn hi tared ripUn
02015010c sarvair api guNair yukto nirvIryaH kiM kariSyati
02015011a dravyabhUtA guNAH sarve tiSThanti hi parAkrame
02015011c jayasya hetuH siddhir hi karma daivaM ca saMzritam
02015012a saMyukto hi balaiH kaz cit pramAdAn nopayujyate
02015012c tena dvAreNa zatrubhyaH kSIyate sabalo ripuH
02015013a dainyaM yathAbalavati tathA moho balAnvite
02015013c tAv ubhau nAzakau hetU rAjJA tyAjyau jayArthinA
02015014a jarAsaMdhavinAzaM ca rAjJAM ca parimokSaNam
02015014c yadi kuryAma yajJArthaM kiM tataH paramaM bhavet
02015015a anArambhe tu niyato bhaved aguNanizcayaH
02015015c guNAn niHsaMzayAd rAjan nairguNyaM manyase katham
02015016a kASAyaM sulabhaM pazcAn munInAM zamam icchatAm
02015016c sAmrAjyaM tu tavecchanto vayaM yotsyAmahe paraiH
02016001  vAsudeva uvAca
02016001a jAtasya bhArate vaMze tathA kuntyAH sutasya ca
02016001c yA vai yuktA matiH seyam arjunena pradarzitA
02016002a na mRtyoH samayaM vidma rAtrau vA yadi vA divA
02016002c na cApi kaM cid amaram ayuddhenApi zuzrumaH
02016003a etAvad eva puruSaiH kAryaM hRdayatoSaNam
02016003c nayena vidhidRSTena yad upakramate parAn
02016004a sunayasyAnapAyasya saMyuge paramaH kramaH
02016004c saMzayo jAyate sAmye sAmyaM ca na bhaved dvayoH
02016005a te vayaM nayam AsthAya zatrudehasamIpagAH
02016005c katham antaM na gacchema vRkSasyeva nadIrayAH
02016005e pararandhre parAkrAntAH svarandhrAvaraNe sthitAH
02016006a vyUDhAnIkair anubalair nopeyAd balavattaram
02016006c iti buddhimatAM nItis tan mamApIha rocate
02016007a anavadyA hy asaMbuddhAH praviSTAH zatrusadma tat
02016007c zatrudeham upAkramya taM kAmaM prApnuyAmahe
02016008a eko hy eva zriyaM nityaM bibharti puruSarSabha
02016008c antarAtmeva bhUtAnAM tatkSaye vai balakSayaH
02016009a atha cet taM nihatyAjau zeSeNAbhisamAgatAH
02016009c prApnuyAma tataH svargaM jJAtitrANaparAyaNAH
02016010  yudhiSThira uvAca
02016010a kRSNa ko 'yaM jarAsaMdhaH kiMvIryaH kiMparAkramaH
02016010c yas tvAM spRSTvAgnisadRzaM na dagdhaH zalabho yathA
02016011  kRSNa uvAca
02016011a zRNu rAjaJ jarAsaMdho yadvIryo yatparAkramaH
02016011c yathA copekSito 'smAbhir bahuzaH kRtavipriyaH
02016012a akSauhiNInAM tisRNAm AsIt samaradarpitaH
02016012c rAjA bRhadratho nAma magadhAdhipatiH patiH
02016013a rUpavAn vIryasaMpannaH zrImAn atulavikramaH
02016013c nityaM dIkSAkRzatanuH zatakratur ivAparaH
02016014a tejasA sUryasadRzaH kSamayA pRthivIsamaH
02016014c yamAntakasamaH kope zriyA vaizravaNopamaH
02016015a tasyAbhijanasaMyuktair guNair bharatasattama
02016015c vyApteyaM pRthivI sarvA sUryasyeva gabhastibhiH
02016016a sa kAzirAjasya sute yamaje bharatarSabha
02016016c upayeme mahAvIryo rUpadraviNasaMmate
02016017a tayoz cakAra samayaM mithaH sa puruSarSabhaH
02016017c nAtivartiSya ity evaM patnIbhyAM saMnidhau tadA
02016018a sa tAbhyAM zuzubhe rAjA patnIbhyAM manujAdhipa
02016018c priyAbhyAm anurUpAbhyAM kareNubhyAm iva dvipaH
02016019a tayor madhyagataz cApi rarAja vasudhAdhipaH
02016019c gaGgAyamunayor madhye mUrtimAn iva sAgaraH
02016020a viSayeSu nimagnasya tasya yauvanam atyagAt
02016020c na ca vaMzakaraH putras tasyAjAyata kaz cana
02016021a maGgalair bahubhir homaiH putrakAmAbhir iSTibhiH
02016021c nAsasAda nRpazreSThaH putraM kulavivardhanam
02016022a atha kAkSIvataH putraM gautamasya mahAtmanaH
02016022c zuzrAva tapasi zrAntam udAraM caNDakauzikam
02016023a yadRcchayAgataM taM tu vRkSamUlam upAzritam
02016023c patnIbhyAM sahito rAjA sarvaratnair atoSayat
02016024a tam abravIt satyadhRtiH satyavAg RSisattamaH
02016024c parituSTo 'smi te rAjan varaM varaya suvrata
02016025a tataH sabhAryaH praNatas tam uvAca bRhadrathaH
02016025c putradarzananairAzyAd bASpagadgadayA girA
02016026  bRhadratha uvAca
02016026a bhagavan rAjyam utsRjya prasthitasya tapovanam
02016026c kiM vareNAlpabhAgyasya kiM rAjyenAprajasya me
02016027  kRSNa uvAca
02016027a etac chrutvA munir dhyAnam agamat kSubhitendriyaH
02016027c tasyaiva cAmravRkSasya chAyAyAM samupAvizat
02016028a tasyopaviSTasya muner utsaGge nipapAta ha
02016028c avAtam azukAdaSTam ekam AmraphalaM kila
02016029a tat pragRhya munizreSTho hRdayenAbhimantrya ca
02016029c rAjJe dadAv apratimaM putrasaMprAptikArakam
02016030a uvAca ca mahAprAjJas taM rAjAnaM mahAmuniH
02016030c gaccha rAjan kRtArtho 'si nivarta manujAdhipa
02016031a yathAsamayam AjJAya tadA sa nRpasattamaH
02016031c dvAbhyAm ekaM phalaM prAdAt patnIbhyAM bharatarSabha
02016032a te tad AmraM dvidhA kRtvA bhakSayAm AsatuH zubhe
02016032c bhAvitvAd api cArthasya satyavAkyAt tathA muneH
02016033a tayoH samabhavad garbhaH phalaprAzanasaMbhavaH
02016033c te ca dRSTvA narapatiH parAM mudam avApa ha
02016034a atha kAle mahAprAjJa yathAsamayam Agate
02016034c prajAyetAm ubhe rAjaJ zarIrazakale tadA
02016035a ekAkSibAhucaraNe ardhodaramukhasphije
02016035c dRSTvA zarIrazakale pravepAte ubhe bhRzam
02016036a udvigne saha saMmantrya te bhaginyau tadAbale
02016036c sajIve prANizakale tatyajAte suduHkhite
02016037a tayor dhAtryau susaMvIte kRtvA te garbhasaMplave
02016037c nirgamyAntaHpuradvArAt samutsRjyAzu jagmatuH
02016038a te catuSpathanikSipte jarA nAmAtha rAkSasI
02016038c jagrAha manujavyAghra mAMsazoNitabhojanA
02016039a kartukAmA sukhavahe zakale sA tu rAkSasI
02016039c saMghaTTayAm Asa tadA vidhAnabalacoditA
02016040a te samAnItamAtre tu zakale puruSarSabha
02016040c ekamUrtikRte vIraH kumAraH samapadyata
02016041a tataH sA rAkSasI rAjan vismayotphullalocanA
02016041c na zazAka samudvoDhuM vajrasAramayaM zizum
02016042a bAlas tAmratalaM muSTiM kRtvA cAsye nidhAya saH
02016042c prAkrozad atisaMrambhAt satoya iva toyadaH
02016043a tena zabdena saMbhrAntaH sahasAntaHpure janaH
02016043c nirjagAma naravyAghra rAjJA saha paraMtapa
02016044a te cAbale pariglAne payaHpUrNapayodhare
02016044c nirAze putralAbhAya sahasaivAbhyagacchatAm
02016045a atha dRSTvA tathAbhUte rAjAnaM ceSTasaMtatim
02016045c taM ca bAlaM subalinaM cintayAm Asa rAkSasI
02016046a nArhAmi viSaye rAjJo vasantI putragRddhinaH
02016046c bAlaM putram upAdAtuM meghalekheva bhAskaram
02016047a sA kRtvA mAnuSaM rUpam uvAca manujAdhipam
02016047c bRhadratha sutas te 'yaM maddattaH pratigRhyatAm
02016048a tava patnIdvaye jAto dvijAtivarazAsanAt
02016048c dhAtrIjanaparityakto mayAyaM parirakSitaH
02016049a tatas te bharatazreSTha kAzirAjasute zubhe
02016049c taM bAlam abhipatyAzu prasnavair abhiSiJcatAm
02016050a tataH sa rAjA saMhRSTaH sarvaM tad upalabhya ca
02016050c apRcchan navahemAbhAM rAkSasIM tAm arAkSasIm
02016051a kA tvaM kamalagarbhAbhe mama putrapradAyinI
02016051c kAmayA brUhi kalyANi devatA pratibhAsi me
02017001  rAkSasy uvAca
02017001a jarA nAmAsmi bhadraM te rAkSasI kAmarUpiNI
02017001c tava vezmani rAjendra pUjitA nyavasaM sukham
02017002a sAhaM pratyupakArArthaM cintayanty anizaM nRpa
02017002c taveme putrazakale dRSTavaty asmi dhArmika
02017003a saMzleSite mayA daivAt kumAraH samapadyata
02017003c tava bhAgyair mahArAja hetumAtram ahaM tv iha
02017004  kRSNa uvAca
02017004a evam uktvA tu sA rAjaMs tatraivAntaradhIyata
02017004c sa gRhya ca kumAraM taM prAvizat svagRhaM nRpaH
02017005a tasya bAlasya yat kRtyaM tac cakAra nRpas tadA
02017005c AjJApayac ca rAkSasyA mAgadheSu mahotsavam
02017006a tasya nAmAkarot tatra prajApatisamaH pitA
02017006c jarayA saMdhito yasmAj jarAsaMdhas tato 'bhavat
02017007a so 'vardhata mahAtejA magadhAdhipateH sutaH
02017007c pramANabalasaMpanno hutAhutir ivAnalaH
02017008a kasya cit tv atha kAlasya punar eva mahAtapAH
02017008c magadhAn upacakrAma bhagavAMz caNDakauzikaH
02017009a tasyAgamanasaMhRSTaH sAmAtyaH sapuraHsaraH
02017009c sabhAryaH saha putreNa nirjagAma bRhadrathaH
02017010a pAdyArghyAcamanIyais tam arcayAm Asa bhArata
02017010c sa nRpo rAjyasahitaM putraM cAsmai nyavedayat
02017011a pratigRhya tu tAM pUjAM pArthivAd bhagavAn RSiH
02017011c uvAca mAgadhaM rAjan prahRSTenAntarAtmanA
02017012a sarvam etan mayA rAjan vijJAtaM jJAnacakSuSA
02017012c putras tu zRNu rAjendra yAdRzo 'yaM bhaviSyati
02017013a asya vIryavato vIryaM nAnuyAsyanti pArthivAH
02017013c devair api visRSTAni zastrANy asya mahIpate
02017013e na rujaM janayiSyanti girer iva nadIrayAH
02017014a sarvamUrdhAbhiSiktAnAm eSa mUrdhni jvaliSyati
02017014c sarveSAM niSprabhakaro jyotiSAm iva bhAskaraH
02017015a enam AsAdya rAjAnaH samRddhabalavAhanAH
02017015c vinAzam upayAsyanti zalabhA iva pAvakam
02017016a eSa zriyaM samuditAM sarvarAjJAM grahISyati
02017016c varSAsv ivoddhatajalA nadIr nadanadIpatiH
02017017a eSa dhArayitA samyak cAturvarNyaM mahAbalaH
02017017c zubhAzubham iva sphItA sarvasasyadharA dharA
02017018a asyAjJAvazagAH sarve bhaviSyanti narAdhipAH
02017018c sarvabhUtAtmabhUtasya vAyor iva zarIriNaH
02017019a eSa rudraM mahAdevaM tripurAntakaraM haram
02017019c sarvalokeSv atibalaH svayaM drakSyati mAgadhaH
02017020a evaM bruvann eva muniH svakAryArthaM vicintayan
02017020c visarjayAm Asa nRpaM bRhadratham athArihan
02017021a pravizya nagaraM caiva jJAtisaMbandhibhir vRtaH
02017021c abhiSicya jarAsaMdhaM magadhAdhipatis tadA
02017021e bRhadratho narapatiH parAM nirvRtim Ayayau
02017022a abhiSikte jarAsaMdhe tadA rAjA bRhadrathaH
02017022c patnIdvayenAnugatas tapovanarato 'bhavat
02017023a tapovanasthe pitari mAtRbhyAM saha bhArata
02017023c jarAsaMdhaH svavIryeNa pArthivAn akarod vaze
02017024a atha dIrghasya kAlasya tapovanagato nRpaH
02017024c sabhAryaH svargam agamat tapas taptvA bRhadrathaH
02017025a tasyAstAM haMsaDibhakAv azastranidhanAv ubhau
02017025c mantre matimatAM zreSThau yuddhazAstravizAradau
02017026a yau tau mayA te kathitau pUrvam eva mahAbalau
02017026c trayas trayANAM lokAnAM paryAptA iti me matiH
02017027a evam eSa tadA vIra balibhiH kukurAndhakaiH
02017027c vRSNibhiz ca mahArAja nItihetor upekSitaH
02018001  vAsudeva uvAca
02018001a patitau haMsaDibhakau kaMsAmAtyau nipAtitau
02018001c jarAsaMdhasya nidhane kAlo 'yaM samupAgataH
02018002a na sa zakyo raNe jetuM sarvair api surAsuraiH
02018002c prANayuddhena jetavyaH sa ity upalabhAmahe
02018003a mayi nItir balaM bhIme rakSitA cAvayorjunaH
02018003c sAdhayiSyAma taM rAjan vayaM traya ivAgnayaH
02018004a tribhir AsAdito 'smAbhir vijane sa narAdhipaH
02018004c na saMdeho yathA yuddham ekenAbhyupayAsyati
02018005a avamAnAc ca lokasya vyAyatatvAc ca dharSitaH
02018005c bhImasenena yuddhAya dhruvam abhyupayAsyati
02018006a alaM tasya mahAbAhur bhImaseno mahAbalaH
02018006c lokasya samudIrNasya nidhanAyAntako yathA
02018007a yadi te hRdayaM vetti yadi te pratyayo mayi
02018007c bhImasenArjunau zIghraM nyAsabhUtau prayaccha me
02018008  vaizaMpAyana uvAca
02018008a evam ukto bhagavatA pratyuvAca yudhiSThiraH
02018008c bhImapArthau samAlokya saMprahRSTamukhau sthitau
02018009a acyutAcyuta mA maivaM vyAharAmitrakarSaNa
02018009c pANDavAnAM bhavAn nAtho bhavantaM cAzritA vayam
02018010a yathA vadasi govinda sarvaM tad upapadyate
02018010c na hi tvam agratas teSAM yeSAM lakSmIH parAGmukhI
02018011a nihataz ca jarAsaMdho mokSitAz ca mahIkSitaH
02018011c rAjasUyaz ca me labdho nideze tava tiSThataH
02018012a kSiprakArin yathA tv etat kAryaM samupapadyate
02018012c mama kAryaM jagatkAryaM tathA kuru narottama
02018013a tribhir bhavadbhir hi vinA nAhaM jIvitum utsahe
02018013c dharmakAmArtharahito rogArta iva durgataH
02018014a na zauriNA vinA pArtho na zauriH pANDavaM vinA
02018014c nAjeyo 'sty anayor loke kRSNayor iti me matiH
02018015a ayaM ca balinAM zreSThaH zrImAn api vRkodaraH
02018015c yuvAbhyAM sahito vIraH kiM na kuryAn mahAyazAH
02018016a supraNIto balaugho hi kurute kAryam uttamam
02018016c andhaM jaDaM balaM prAhuH praNetavyaM vicakSaNaiH
02018017a yato hi nimnaM bhavati nayantIha tato jalam
02018017c yataz chidraM tataz cApi nayante dhIdhanA balam
02018018a tasmAn nayavidhAnajJaM puruSaM lokavizrutam
02018018c vayam Azritya govindaM yatAmaH kAryasiddhaye
02018019a evaM prajJAnayabalaM kriyopAyasamanvitam
02018019c puraskurvIta kAryeSu kRSNa kAryArthasiddhaye
02018020a evam eva yaduzreSThaM pArthaH kAryArthasiddhaye
02018020c arjunaH kRSNam anvetu bhImo 'nvetu dhanaMjayam
02018020e nayo jayo balaM caiva vikrame siddhim eSyati
02018021a evam uktAs tataH sarve bhrAtaro vipulaujasaH
02018021c vArSNeyaH pANDaveyau ca pratasthur mAgadhaM prati
02018022a varcasvinAM brAhmaNAnAM snAtakAnAM paricchadAn
02018022c AcchAdya suhRdAM vAkyair manojJair abhinanditAH
02018023a amarSAd abhitaptAnAM jJAtyarthaM mukhyavAsasAm
02018023c ravisomAgnivapuSAM bhImam AsIt tadA vapuH
02018024a hataM mene jarAsaMdhaM dRSTvA bhImapurogamau
02018024c ekakAryasamudyuktau kRSNau yuddhe 'parAjitau
02018025a Izau hi tau mahAtmAnau sarvakAryapravartane
02018025c dharmArthakAmakAryANAM kAryANAm iva nigrahe
02018026a kurubhyaH prasthitAs te tu madhyena kurujAGgalam
02018026c ramyaM padmasaro gatvA kAlakUTam atItya ca
02018027a gaNDakIyAM tathA zoNaM sadAnIrAM tathaiva ca
02018027c ekaparvatake nadyaH krameNaitya vrajanti te
02018028a saMtIrya sarayUM ramyAM dRSTvA pUrvAMz ca kosalAn
02018028c atItya jagmur mithilAM mAlAM carmaNvatIM nadIm
02018029a uttIrya gaGgAM zoNaM ca sarve te prAGmukhAs trayaH
02018029c kuravorazchadaM jagmur mAgadhaM kSetram acyutAH
02018030a te zazvad godhanAkIrNam ambumantaM zubhadrumam
02018030c gorathaM girim AsAdya dadRzur mAgadhaM puram
02019001  vAsudeva uvAca
02019001a eSa pArtha mahAn svAduH pazumAn nityam ambumAn
02019001c nirAmayaH suvezmADhyo nivezo mAgadhaH zubhaH
02019002a vaihAro vipulaH zailo varAho vRSabhas tathA
02019002c tathaivarSigiris tAta zubhAz caityakapaJcamAH
02019003a ete paJca mahAzRGgAH parvatAH zItaladrumAH
02019003c rakSantIvAbhisaMhatya saMhatAGgA girivrajam
02019004a puSpaveSTitazAkhAgrair gandhavadbhir manoramaiH
02019004c nigUDhA iva lodhrANAM vanaiH kAmijanapriyaiH
02019005a zUdrAyAM gautamo yatra mahAtmA saMzitavrataH
02019005c auzInaryAm ajanayat kAkSIvAdIn sutAn RSiH
02019006a gautamaH kSayaNAd asmAd athAsau tatra vezmani
02019006c bhajate mAgadhaM vaMzaM sa nRpANAm anugrahAt
02019007a aGgavaGgAdayaz caiva rAjAnaH sumahAbalAH
02019007c gautamakSayam abhyetya ramante sma purArjuna
02019008a vanarAjIs tu pazyemAH priyAlAnAM manoramAH
02019008c lodhrANAM ca zubhAH pArtha gautamaukaHsamIpajAH
02019009a arbudaH zakravApI ca pannagau zatrutApanau
02019009c svastikasyAlayaz cAtra maNinAgasya cottamaH
02019010a aparihAryA meghAnAM mAgadheyaM maNeH kRte
02019010c kauziko maNimAMz caiva vavRdhAte hy anugraham
02019011a arthasiddhiM tv anapagAM jarAsaMdho 'bhimanyate
02019011c vayam AsAdane tasya darpam adya nihanma hi
02019012  vaizaMpAyana uvAca
02019012a evam uktvA tataH sarve bhrAtaro vipulaujasaH
02019012c vArSNeyaH pANDaveyau ca pratasthur mAgadhaM puram
02019013a tuSTapuSTajanopetaM cAturvarNyajanAkulam
02019013c sphItotsavam anAdhRSyam Aseduz ca girivrajam
02019014a te 'tha dvAram anAsAdya purasya girim ucchritam
02019014c bArhadrathaiH pUjyamAnaM tathA nagaravAsibhiH
02019015a yatra mASAdam RSabham AsasAda bRhadrathaH
02019015c taM hatvA mASanAlAz ca tisro bherIr akArayat
02019016a Anahya carmaNA tena sthApayAm Asa sve pure
02019016c yatra tAH prANadan bheryo divyapuSpAvacUrNitAH
02019017a mAgadhAnAM suruciraM caityakAntaM samAdravan
02019017c zirasIva jighAMsanto jarAsaMdhajighAMsavaH
02019018a sthiraM suvipulaM zRGgaM sumahAntaM purAtanam
02019018c arcitaM mAlyadAmaiz ca satataM supratiSThitam
02019019a vipulair bAhubhir vIrAs te 'bhihatyAbhyapAtayan
02019019c tatas te mAgadhaM dRSTvA puraM pravivizus tadA
02019020a etasminn eva kAle tu jarAsaMdhaM samarcayan
02019020c paryagni kurvaMz ca nRpaM dviradasthaM purohitAH
02019021a snAtakavratinas te tu bAhuzastrA nirAyudhAH
02019021c yuyutsavaH pravivizur jarAsaMdhena bhArata
02019022a bhakSyamAlyApaNAnAM ca dadRzuH zriyam uttamAm
02019022c sphItAM sarvaguNopetAM sarvakAmasamRddhinIm
02019023a tAM tu dRSTvA samRddhiM te vIthyAM tasyAM narottamAH
02019023c rAjamArgeNa gacchantaH kRSNabhImadhanaMjayAH
02019024a balAd gRhItvA mAlyAni mAlAkArAn mahAbalAH
02019024c virAgavasanAH sarve sragviNo mRSTakuNDalAH
02019025a nivezanam athAjagmur jarAsaMdhasya dhImataH
02019025c govAsam iva vIkSantaH siMhA haimavatA yathA
02019026a zailastambhanibhAs teSAM candanAgurubhUSitAH
02019026c azobhanta mahArAja bAhavo bAhuzAlinAm
02019027a tAn dRSTvA dviradaprakhyAJ zAlaskandhAn ivodgatAn
02019027c vyUDhoraskAn mAgadhAnAM vismayaH samajAyata
02019028a te tv atItya janAkIrNAs tisraH kakSyA nararSabhAH
02019028c ahaMkAreNa rAjAnam upatasthur mahAbalAH
02019029a tAn pAdyamadhuparkArhAn mAnArhAn satkRtiM gatAn
02019029c pratyutthAya jarAsaMdha upatasthe yathAvidhi
02019030a uvAca caitAn rAjAsau svAgataM vo 'stv iti prabhuH
02019030c tasya hy etad vrataM rAjan babhUva bhuvi vizrutam
02019031a snAtakAn brAhmaNAn prAptAJ zrutvA sa samitiMjayaH
02019031c apy ardharAtre nRpatiH pratyudgacchati bhArata
02019032a tAMs tv apUrveNa veSeNa dRSTvA nRpatisattamaH
02019032c upatasthe jarAsaMdho vismitaz cAbhavat tadA
02019033a te tu dRSTvaiva rAjAnaM jarAsaMdhaM nararSabhAH
02019033c idam Ucur amitraghnAH sarve bharatasattama
02019034a svasty astu kuzalaM rAjann iti sarve vyavasthitAH
02019034c taM nRpaM nRpazArdUla vipraikSanta parasparam
02019035a tAn abravIj jarAsaMdhas tadA yAdavapANDavAn
02019035c AsyatAm iti rAjendra brAhmaNacchadmasaMvRtAn
02019036a athopavivizuH sarve trayas te puruSarSabhAH
02019036c saMpradIptAs trayo lakSmyA mahAdhvara ivAgnayaH
02019037a tAn uvAca jarAsaMdhaH satyasaMdho narAdhipaH
02019037c vigarhamANaH kauravya veSagrahaNakAraNAt
02019038a na snAtakavratA viprA bahirmAlyAnulepanAH
02019038c bhavantIti nRloke 'smin viditaM mama sarvazaH
02019039a te yUyaM puSpavantaz ca bhujair jyAghAtalakSaNaiH
02019039c bibhrataH kSAtram ojaz ca brAhmaNyaM pratijAnatha
02019040a evaM virAgavasanA bahirmAlyAnulepanAH
02019040c satyaM vadata ke yUyaM satyaM rAjasu zobhate
02019041a caityakaM ca gireH zRGgaM bhittvA kim iva sadma naH
02019041c advAreNa praviSTAH stha nirbhayA rAjakilbiSAt
02019042a karma caitad viliGgasya kiM vAdya prasamIkSitam
02019042c vadadhvaM vAci vIryaM ca brAhmaNasya vizeSataH
02019043a evaM ca mAm upasthAya kasmAc ca vidhinArhaNAm
02019043c praNItAM no na gRhNIta kAryaM kiM cAsmadAgame
02019044a evam uktas tataH kRSNaH pratyuvAca mahAmanAH
02019044c snigdhagambhIrayA vAcA vAkyaM vAkyavizAradaH
02019045a snAtakavratino rAjan brAhmaNAH kSatriyA vizaH
02019045c vizeSaniyamAz caiSAm avizeSAz ca santy uta
02019046a vizeSavAMz ca satataM kSatriyaH zriyam archati
02019046c puSpavatsu dhruvA zrIz ca puSpavantas tato vayam
02019047a kSatriyo bAhuvIryas tu na tathA vAkyavIryavAn
02019047c apragalbhaM vacas tasya tasmAd bArhadrathe smRtam
02019048a svavIryaM kSatriyANAM ca bAhvor dhAtA nyavezayat
02019048c tad didRkSasi ced rAjan draSTAsy adya na saMzayaH
02019049a advAreNa ripor gehaM dvAreNa suhRdo gRham
02019049c pravizanti sadA santo dvAraM no varjitaM tataH
02019050a kAryavanto gRhAn etya zatruto nArhaNAM vayam
02019050c pratigRhNIma tad viddhi etan naH zAzvataM vratam
02020001  jarAsaMdha uvAca
02020001a na smareyaM kadA vairaM kRtaM yuSmAbhir ity uta
02020001c cintayaMz ca na pazyAmi bhavatAM prati vaikRtam
02020002a vaikRte cAsati kathaM manyadhvaM mAm anAgasam
02020002c ariM vibrUta tad viprAH satAM samaya eSa hi
02020003a atha dharmopaghAtAd dhi manaH samupatapyate
02020003c yo 'nAgasi prasRjati kSatriyo 'pi na saMzayaH
02020004a ato 'nyathAcara&l loke dharmajJaH san mahAvrataH
02020004c vRjinAM gatim Apnoti zreyaso 'py upahanti ca
02020005a trailokye kSatradharmAd dhi zreyAMsaM sAdhucAriNAm
02020005c anAgasaM prajAnAnAH pramAdAd iva jalpatha
02020006  vAsudeva uvAca
02020006a kulakAryaM mahArAja kaz cid ekaH kulodvahaH
02020006c vahate tanniyogAd vai vayam abhyutthitAs trayaH
02020007a tvayA copahRtA rAjan kSatriyA lokavAsinaH
02020007c tad AgaH krUram utpAdya manyase kiM tv anAgasam
02020008a rAjA rAjJaH kathaM sAdhUn hiMsyAn nRpatisattama
02020008c tad rAjJaH saMnigRhya tvaM rudrAyopajihIrSasi
02020009a asmAMs tad eno gaccheta tvayA bArhadrathe kRtam
02020009c vayaM hi zaktA dharmasya rakSaNe dharmacAriNaH
02020010a manuSyANAM samAlambho na ca dRSTaH kadA cana
02020010c sa kathaM mAnuSair devaM yaSTum icchasi zaMkaram
02020011a savarNo hi savarNAnAM pazusaMjJAM kariSyati
02020011c ko 'nya evaM yathA hi tvaM jarAsaMdha vRthAmatiH
02020012a te tvAM jJAtikSayakaraM vayam ArtAnusAriNaH
02020012c jJAtivRddhinimittArthaM viniyantum ihAgatAH
02020013a nAsti loke pumAn anyaH kSatriyeSv iti caiva yat
02020013c manyase sa ca te rAjan sumahAn buddhiviplavaH
02020014a ko hi jAnann abhijanam AtmanaH kSatriyo nRpa
02020014c nAvizet svargam atulaM raNAnantaram avyayam
02020015a svargaM hy eva samAsthAya raNayajJeSu dIkSitAH
02020015c yajante kSatriyA lokAMs tad viddhi magadhAdhipa
02020016a svargayonir jayo rAjan svargayonir mahad yazaH
02020016c svargayonis tapo yuddhe mArgaH so 'vyabhicAravAn
02020017a eSa hy aindro vaijayanto guNo nityaM samAhitaH
02020017c yenAsurAn parAjitya jagat pAti zatakratuH
02020018a svargam AsthAya kasya syAd vigrahitvaM yathA tava
02020018c mAgadhair vipulaiH sainyair bAhulyabaladarpitaiH
02020019a mAvamaMsthAH parAn rAjan nAsti vIryaM nare nare
02020019c samaM tejas tvayA caiva kevalaM manujezvara
02020020a yAvad eva na saMbuddhaM tAvad eva bhavet tava
02020020c viSahyam etad asmAkam ato rAjan bravImi te
02020021a jahi tvaM sadRzeSv eva mAnaM darpaM ca mAgadha
02020021c mA gamaH sasutAmAtyaH sabalaz ca yamakSayam
02020022a dambhodbhavaH kArtavIrya uttaraz ca bRhadrathaH
02020022c zreyaso hy avamanyeha vinezuH sabalA nRpAH
02020023a mumukSamANAs tvattaz ca na vayaM brAhmaNabruvAH
02020023c zaurir asmi hRSIkezo nRvIrau pANDavAv imau
02020024a tvAm AhvayAmahe rAjan sthiro yudhyasva mAgadha
02020024c muJca vA nRpatIn sarvAn mA gamas tvaM yamakSayam
02020025  jarAsaMdha uvAca
02020025a nAjitAn vai narapatIn aham Adadmi kAMz cana
02020025c jitaH kaH paryavasthAtA ko 'tra yo na mayA jitaH
02020026a kSatriyasyaitad evAhur dharmyaM kRSNopajIvanam
02020026c vikramya vazam AnIya kAmato yat samAcaret
02020027a devatArtham upAkRtya rAjJaH kRSNa kathaM bhayAt
02020027c aham adya vimuJceyaM kSAtraM vratam anusmaran
02020028a sainyaM sainyena vyUDhena eka ekena vA punaH
02020028c dvAbhyAM tribhir vA yotsye 'haM yugapat pRthag eva vA
02020029  vaizaMpAyana uvAca
02020029a evam uktvA jarAsaMdhaH sahadevAbhiSecanam
02020029c AjJApayat tadA rAjA yuyutsur bhImakarmabhiH
02020030a sa tu senApatI rAjA sasmAra bharatarSabha
02020030c kauzikaM citrasenaM ca tasmin yuddha upasthite
02020031a yayos te nAmanI loke haMseti Dibhaketi ca
02020031c pUrvaM saMkathite pumbhir nRloke lokasatkRte
02020032a taM tu rAjan vibhuH zaurI rAjAnaM balinAM varam
02020032c smRtvA puruSazArdUla zArdUlasamavikramam
02020033a satyasaMdho jarAsaMdhaM bhuvi bhImaparAkramam
02020033c bhAgam anyasya nirdiSTaM vadhyaM bhUmibhRd acyutaH
02020034a nAtmanAtmavatAM mukhya iyeSa madhusUdanaH
02020034c brahmaNo ''jJAM puraskRtya hantuM haladharAnujaH
02021001  vaizaMpAyana uvAca
02021001a tatas taM nizcitAtmAnaM yuddhAya yadunandanaH
02021001c uvAca vAgmI rAjAnaM jarAsaMdham adhokSajaH
02021002a trayANAM kena te rAjan yoddhuM vitarate manaH
02021002c asmad anyatameneha sajjIbhavatu ko yudhi
02021003a evam uktaH sa kRSNena yuddhaM vavre mahAdyutiH
02021003c jarAsaMdhas tato rAjan bhImasenena mAgadhaH
02021004a dhArayann agadAn mukhyAn nirvRtIr vedanAni ca
02021004c upatasthe jarAsaMdhaM yuyutsuM vai purohitaH
02021005a kRtasvastyayano vidvAn brAhmaNena yazasvinA
02021005c samanahyaj jarAsaMdhaH kSatradharmam anuvrataH
02021006a avamucya kirITaM sa kezAn samanumRjya ca
02021006c udatiSThaj jarAsaMdho velAtiga ivArNavaH
02021007a uvAca matimAn rAjA bhImaM bhImaparAkramam
02021007c bhIma yotsye tvayA sArdhaM zreyasA nirjitaM varam
02021008a evam uktvA jarAsaMdho bhImasenam ariMdamaH
02021008c pratyudyayau mahAtejAH zakraM balir ivAsuraH
02021009a tataH saMmantrya kRSNena kRtasvastyayano balI
02021009c bhImaseno jarAsaMdham AsasAda yuyutsayA
02021010a tatas tau narazArdUlau bAhuzastrau samIyatuH
02021010c vIrau paramasaMhRSTAv anyonyajayakAGkSiNau
02021011a tayor atha bhujAghAtAn nigrahapragrahAt tathA
02021011c AsIt subhImasaMhrAdo vajraparvatayor iva
02021012a ubhau paramasaMhRSTau balenAtibalAv ubhau
02021012c anyonyasyAntaraM prepsU parasparajayaiSiNau
02021013a tad bhImam utsArya janaM yuddham AsId upahvare
02021013c balinoH saMyuge rAjan vRtravAsavayor iva
02021014a prakarSaNAkarSaNAbhyAm abhyAkarSavikarSaNaiH
02021014c AkarSetAM tathAnyonyaM jAnubhiz cAbhijaghnatuH
02021015a tataH zabdena mahatA bhartsayantau parasparam
02021015c pASANasaMghAtanibhaiH prahArair abhijaghnatuH
02021016a vyUDhoraskau dIrghabhujau niyuddhakuzalAv ubhau
02021016c bAhubhiH samasajjetAm AyasaiH parighair iva
02021017a kArttikasya tu mAsasya pravRttaM prathame 'hani
02021017c anArataM divArAtram avizrAntam avartata
02021018a tad vRttaM tu trayodazyAM samavetaM mahAtmanoH
02021018c caturdazyAM nizAyAM tu nivRtto mAgadhaH klamAt
02021019a taM rAjAnaM tathA klAntaM dRSTvA rAjaJ janArdanaH
02021019c uvAca bhImakarmANaM bhImaM saMbodhayann iva
02021020a klAntaH zatrur na kaunteya labhyaH pIDayituM raNe
02021020c pIDyamAno hi kArtsnyena jahyAj jIvitam AtmanaH
02021021a tasmAt te naiva kaunteya pIDanIyo narAdhipaH
02021021c samam etena yudhyasva bAhubhyAM bharatarSabha
02021022a evam uktaH sa kRSNena pANDavaH paravIrahA
02021022c jarAsaMdhasya tad randhraM jJAtvA cakre matiM vadhe
02021023a tatas tam ajitaM jetuM jarAsaMdhaM vRkodaraH
02021023c saMrabhya balinAM mukhyo jagrAha kurunandanaH
02022001  vaizaMpAyana uvAca
02022001a bhImasenas tataH kRSNam uvAca yadunandanam
02022001c buddhim AsthAya vipulAM jarAsaMdhajighAMsayA
02022002a nAyaM pApo mayA kRSNa yuktaH syAd anurodhitum
02022002c prANena yaduzArdUla baddhavaGkSaNavAsasA
02022003a evam uktas tataH kRSNaH pratyuvAca vRkodaram
02022003c tvarayan puruSavyAghro jarAsaMdhavadhepsayA
02022004a yat te daivaM paraM sattvaM yac ca te mAtarizvanaH
02022004c balaM bhIma jarAsaMdhe darzayAzu tad adya naH
02022005a evam uktas tadA bhImo jarAsaMdham ariMdamaH
02022005c utkSipya bhrAmayad rAjan balavantaM mahAbalaH
02022006a bhrAmayitvA zataguNaM bhujAbhyAM bharatarSabha
02022006c babhaJja pRSThe saMkSipya niSpiSya vinanAda ca
02022007a tasya niSpiSyamANasya pANDavasya ca garjataH
02022007c abhavat tumulo nAdaH sarvaprANibhayaMkaraH
02022008a vitresur mAgadhAH sarve strINAM garbhAz ca susruvuH
02022008c bhImasenasya nAdena jarAsaMdhasya caiva ha
02022009a kiM nu svid dhimavAn bhinnaH kiM nu svid dIryate mahI
02022009c iti sma mAgadhA jajJur bhImasenasya nisvanAt
02022010a tato rAjakuladvAri prasuptam iva taM nRpam
02022010c rAtrau parAsum utsRjya nizcakramur ariMdamAH
02022011a jarAsaMdharathaM kRSNo yojayitvA patAkinam
02022011c Aropya bhrAtarau caiva mokSayAm Asa bAndhavAn
02022012a te vai ratnabhujaM kRSNaM ratnArhaM pRthivIzvarAH
02022012c rAjAnaz cakrur AsAdya mokSitA mahato bhayAt
02022013a akSataH zastrasaMpanno jitAriH saha rAjabhiH
02022013c ratham AsthAya taM divyaM nirjagAma girivrajAt
02022014a yaH sa sodaryavAn nAma dviyodhaH kRSNasArathiH
02022014c abhyAsaghAtI saMdRzyo durjayaH sarvarAjabhiH
02022015a bhImArjunAbhyAM yodhAbhyAm AsthitaH kRSNasArathiH
02022015c zuzubhe rathavaryo 'sau durjayaH sarvadhanvibhiH
02022016a zakraviSNU hi saMgrAme ceratus tArakAmaye
02022016c rathena tena taM kRSNa upAruhya yayau tadA
02022017a taptacAmIkarAbheNa kiGkiNIjAlamAlinA
02022017c meghanirghoSanAdena jaitreNAmitraghAtinA
02022018a yena zakro dAnavAnAM jaghAna navatIr nava
02022018c taM prApya samahRSyanta rathaM te puruSarSabhAH
02022019a tataH kRSNaM mahAbAhuM bhrAtRbhyAM sahitaM tadA
02022019c rathasthaM mAgadhA dRSTvA samapadyanta vismitAH
02022020a hayair divyaiH samAyukto ratho vAyusamo jave
02022020c adhiSThitaH sa zuzubhe kRSNenAtIva bhArata
02022021a asaGgI devavihitas tasmin rathavare dhvajaH
02022021c yojanAd dadRze zrImAn indrAyudhasamaprabhaH
02022022a cintayAm Asa kRSNo 'tha garutmantaM sa cAbhyayAt
02022022c kSaNe tasmin sa tenAsIc caityayUpa ivocchritaH
02022023a vyAditAsyair mahAnAdaiH saha bhUtair dhvajAlayaiH
02022023c tasthau rathavare tasmin garutmAn pannagAzanaH
02022024a durnirIkSyo hi bhUtAnAM tejasAbhyadhikaM babhau
02022024c Aditya iva madhyAhne sahasrakiraNAvRtaH
02022025a na sa sajjati vRkSeSu zastraiz cApi na riSyate
02022025c divyo dhvajavaro rAjan dRzyate devamAnuSaiH
02022026a tam AsthAya rathaM divyaM parjanyasamanisvanam
02022026c niryayau puruSavyAghraH pANDavAbhyAM sahAcyutaH
02022027a yaM lebhe vAsavAd rAjA vasus tasmAd bRhadrathaH
02022027c bRhadrathAt krameNaiva prApto bArhadrathaM nRpam
02022028a sa niryayau mahAbAhuH puNDarIkekSaNas tataH
02022028c girivrajAd bahis tasthau same deze mahAyazAH
02022029a tatrainaM nAgarAH sarve satkAreNAbhyayus tadA
02022029c brAhmaNapramukhA rAjan vidhidRSTena karmaNA
02022030a bandhanAd vipramuktAz ca rAjAno madhusUdanam
02022030c pUjayAm Asur Ucuz ca sAntvapUrvam idaM vacaH
02022031a naitac citraM mahAbAho tvayi devakinandana
02022031c bhImArjunabalopete dharmasya paripAlanam
02022032a jarAsaMdhahrade ghore duHkhapaGke nimajjatAm
02022032c rAjJAM samabhyuddharaNaM yad idaM kRtam adya te
02022033a viSNo samavasannAnAM giridurge sudAruNe
02022033c diSTyA mokSAd yazo dIptam AptaM te puruSottama
02022034a kiM kurmaH puruSavyAghra bravIhi puruSarSabha
02022034c kRtam ity eva taj jJeyaM nRpair yady api duSkaram
02022035a tAn uvAca hRSIkezaH samAzvAsya mahAmanAH
02022035c yudhiSThiro rAjasUyaM kratum Ahartum icchati
02022036a tasya dharmapravRttasya pArthivatvaM cikIrSataH
02022036c sarvair bhavadbhir yajJArthe sAhAyyaM dIyatAm iti
02022037a tataH pratItamanasas te nRpA bharatarSabha
02022037c tathety evAbruvan sarve pratijajJuz ca tAM giram
02022038a ratnabhAjaM ca dAzArhaM cakrus te pRthivIzvarAH
02022038c kRcchrAj jagrAha govindas teSAM tadanukampayA
02022039a jarAsaMdhAtmajaz caiva sahadevo mahArathaH
02022039c niryayau sajanAmAtyaH puraskRtya purohitam
02022040a sa nIcaiH prazrito bhUtvA bahuratnapurogamaH
02022040c sahadevo nRNAM devaM vAsudevam upasthitaH
02022041a bhayArtAya tatas tasmai kRSNo dattvAbhayaM tadA
02022041c abhyaSiJcata tatraiva jarAsaMdhAtmajaM tadA
02022042a gatvaikatvaM ca kRSNena pArthAbhyAM caiva satkRtaH
02022042c viveza rAjA matimAn punar bArhadrathaM puram
02022043a kRSNas tu saha pArthAbhyAM zriyA paramayA jvalan
02022043c ratnAny AdAya bhUrINi prayayau puSkarekSaNaH
02022044a indraprastham upAgamya pANDavAbhyAM sahAcyutaH
02022044c sametya dharmarAjAnaM prIyamANo 'bhyabhASata
02022045a diSTyA bhImena balavAJ jarAsaMdho nipAtitaH
02022045c rAjAno mokSitAz ceme bandhanAn nRpasattama
02022046a diSTyA kuzalinau cemau bhImasenadhanaMjayau
02022046c punaH svanagaraM prAptAv akSatAv iti bhArata
02022047a tato yudhiSThiraH kRSNaM pUjayitvA yathArhataH
02022047c bhImasenArjunau caiva prahRSTaH pariSasvaje
02022048a tataH kSINe jarAsaMdhe bhrAtRbhyAM vihitaM jayam
02022048c ajAtazatrur AsAdya mumude bhrAtRbhiH saha
02022049a yathAvayaH samAgamya rAjabhis taiz ca pANDavaH
02022049c satkRtya pUjayitvA ca visasarja narAdhipAn
02022050a yudhiSThirAbhyanujJAtAs te nRpA hRSTamAnasAH
02022050c jagmuH svadezAMs tvaritA yAnair uccAvacais tataH
02022051a evaM puruSazArdUlo mahAbuddhir janArdanaH
02022051c pANDavair ghAtayAm Asa jarAsaMdham ariM tadA
02022052a ghAtayitvA jarAsaMdhaM buddhipUrvam ariMdamaH
02022052c dharmarAjam anujJApya pRthAM kRSNAM ca bhArata
02022053a subhadrAM bhImasenaM ca phalgunaM yamajau tathA
02022053c dhaumyam AmantrayitvA ca prayayau svAM purIM prati
02022054a tenaiva rathamukhyena taruNAdityavarcasA
02022054c dharmarAjavisRSTena divyenAnAdayan dizaH
02022055a tato yudhiSThiramukhAH pANDavA bharatarSabha
02022055c pradakSiNam akurvanta kRSNam akliSTakAriNam
02022056a tato gate bhagavati kRSNe devakinandane
02022056c jayaM labdhvA suvipulaM rAjJAm abhayadAs tadA
02022057a saMvardhitaujaso bhUyaH karmaNA tena bhArata
02022057c draupadyAH pANDavA rAjan parAM prItim avardhayan
02022058a tasmin kAle tu yad yuktaM dharmakAmArthasaMhitam
02022058c tad rAjA dharmataz cakre rAjyapAlanakIrtimAn
02023001  vaizaMpAyana uvAca
02023001a pArthaH prApya dhanuHzreSTham akSayyau ca maheSudhI
02023001c rathaM dhvajaM sabhAM caiva yudhiSThiram abhASata
02023002a dhanur astraM zarA vIryaM pakSo bhUmir yazo balam
02023002c prAptam etan mayA rAjan duSprApaM yad abhIpsitam
02023003a tatra kRtyam ahaM manye kozasyAsya vivardhanam
02023003c karam AhArayiSyAmi rAjJaH sarvAn nRpottama
02023004a vijayAya prayAsyAmi dizaM dhanadarakSitAm
02023004c tithAv atha muhUrte ca nakSatre ca tathA zive
02023005a dhanaMjayavacaH zrutvA dharmarAjo yudhiSThiraH
02023005c snigdhagambhIranAdinyA taM girA pratyabhASata
02023006a svasti vAcyArhato viprAn prayAhi bharatarSabha
02023006c durhRdAm apraharSAya suhRdAM nandanAya ca
02023006e vijayas te dhruvaM pArtha priyaM kAmam avApnuhi
02023007a ity uktaH prayayau pArthaH sainyena mahatA vRtaH
02023007c agnidattena divyena rathenAdbhutakarmaNA
02023008a tathaiva bhImaseno 'pi yamau ca puruSarSabhau
02023008c sasainyAH prayayuH sarve dharmarAjAbhipUjitAH
02023009a dizaM dhanapater iSTAm ajayat pAkazAsaniH
02023009c bhImasenas tathA prAcIM sahadevas tu dakSiNAm
02023010a pratIcIM nakulo rAjan dizaM vyajayad astravit
02023010c khANDavaprastham adhyAste dharmarAjo yudhiSThiraH
02023011  janamejaya uvAca
02023011a dizAm abhijayaM brahman vistareNAnukIrtaya
02023011c na hi tRpyAmi pUrveSAM zRNvAnaz caritaM mahat
02023012  vaizaMpAyana uvAca
02023012a dhanaMjayasya vakSyAmi vijayaM pUrvam eva te
02023012c yaugapadyena pArthair hi vijiteyaM vasuMdharA
02023013a pUrvaM kuNindaviSaye vaze cakre mahIpatIn
02023013c dhanaMjayo mahAbAhur nAtitIvreNa karmaNA
02023014a AnartAn kAlakUTAMz ca kuNindAMz ca vijitya saH
02023014c sumaNDalaM pApajitaM kRtavAn anusainikam
02023015a sa tena sahito rAjan savyasAcI paraMtapaH
02023015c vijigye sakalaM dvIpaM prativindhyaM ca pArthivam
02023016a sakaladvIpavAsAMz ca saptadvIpe ca ye nRpAH
02023016c arjunasya ca sainyAnAM vigrahas tumulo 'bhavat
02023017a sa tAn api maheSvAso vijitya bharatarSabha
02023017c tair eva sahitaH sarvaiH prAgjyotiSam upAdravat
02023018a tatra rAjA mahAn AsId bhagadatto vizAM pate
02023018c tenAsIt sumahad yuddhaM pANDavasya mahAtmanaH
02023019a sa kirAtaiz ca cInaiz ca vRtaH prAgjyotiSo 'bhavat
02023019c anyaiz ca bahubhir yodhaiH sAgarAnUpavAsibhiH
02023020a tataH sa divasAn aSTau yodhayitvA dhanaMjayam
02023020c prahasann abravId rAjA saMgrAme vigataklamaH
02023021a upapannaM mahAbAho tvayi pANDavanandana
02023021c pAkazAsanadAyAde vIryam Ahavazobhini
02023022a ahaM sakhA surendrasya zakrAd anavamo raNe
02023022c na ca zaknomi te tAta sthAtuM pramukhato yudhi
02023023a kim IpsitaM pANDaveya brUhi kiM karavANi te
02023023c yad vakSyasi mahAbAho tat kariSyAmi putraka
02023024  arjuna uvAca
02023024a kurUNAm RSabho rAjA dharmaputro yudhiSThiraH
02023024c tasya pArthivatAm Ipse karas tasmai pradIyatAm
02023025a bhavAn pitRsakhA caiva prIyamANo mayApi ca
02023025c tato nAjJApayAmi tvAM prItipUrvaM pradIyatAm
02023026  bhagadatta uvAca
02023026a kuntImAtar yathA me tvaM tathA rAjA yudhiSThiraH
02023026c sarvam etat kariSyAmi kiM cAnyat karavANi te
02024001  vaizaMpAyana uvAca
02024001a taM vijitya mahAbAhuH kuntIputro dhanaMjayaH
02024001c prayayAv uttarAM tasmAd dizaM dhanadapAlitAm
02024002a antargiriM ca kaunteyas tathaiva ca bahirgirim
02024002c tathoparigiriM caiva vijigye puruSarSabhaH
02024003a vijitya parvatAn sarvAn ye ca tatra narAdhipAH
02024003c tAn vaze sthApayitvA sa ratnAny AdAya sarvazaH
02024004a tair eva sahitaH sarvair anurajya ca tAn nRpAn
02024004c kulUtavAsinaM rAjan bRhantam upajagmivAn
02024005a mRdaGgavaranAdena rathanemisvanena ca
02024005c hastinAM ca ninAdena kampayan vasudhAm imAm
02024006a tato bRhantas taruNo balena caturaGgiNA
02024006c niSkramya nagarAt tasmAd yodhayAm Asa pANDavam
02024007a sumahAn saMnipAto 'bhUd dhanaMjayabRhantayoH
02024007c na zazAka bRhantas tu soDhuM pANDavavikramam
02024008a so 'viSahyatamaM jJAtvA kaunteyaM parvatezvaraH
02024008c upAvartata durmedhA ratnAny AdAya sarvazaH
02024009a sa tad rAjyam avasthApya kulUtasahito yayau
02024009c senAbindum atho rAjan rAjyAd Azu samAkSipat
02024010a modApuraM vAmadevaM sudAmAnaM susaMkulam
02024010c kulUtAn uttarAMz caiva tAMz ca rAjJaH samAnayat
02024011a tatrasthaH puruSair eva dharmarAjasya zAsanAt
02024011c vyajayad dhanaMjayo rAjan dezAn paJca pramANataH
02024012a sa divaHprastham AsAdya senAbindoH puraM mahat
02024012c balena caturaGgeNa nivezam akarot prabhuH
02024013a sa taiH parivRtaH sarvair viSvagazvaM narAdhipam
02024013c abhyagacchan mahAtejAH pauravaM puruSarSabhaH
02024014a vijitya cAhave zUrAn pArvatIyAn mahArathAn
02024014c dhvajinyA vyajayad rAjan puraM pauravarakSitam
02024015a pauravaM tu vinirjitya dasyUn parvatavAsinaH
02024015c gaNAn utsavasaMketAn ajayat sapta pANDavaH
02024016a tataH kAzmIrakAn vIrAn kSatriyAn kSatriyarSabhaH
02024016c vyajayal lohitaM caiva maNDalair dazabhiH saha
02024017a tatas trigartAn kaunteyo dArvAn kokanadAz ca ye
02024017c kSatriyA bahavo rAjann upAvartanta sarvazaH
02024018a abhisArIM tato ramyAM vijigye kurunandanaH
02024018c urazAvAsinaM caiva rocamAnaM raNe 'jayat
02024019a tataH siMhapuraM ramyaM citrAyudhasurakSitam
02024019c prAmathad balam AsthAya pAkazAsanir Ahave
02024020a tataH suhmAMz ca colAMz ca kirITI pANDavarSabhaH
02024020c sahitaH sarvasainyena prAmathat kurunandanaH
02024021a tataH paramavikrAnto bAhlIkAn kurunandanaH
02024021c mahatA parimardena vaze cakre durAsadAn
02024022a gRhItvA tu balaM sAraM phalgu cotsRjya pANDavaH
02024022c daradAn saha kAmbojair ajayat pAkazAsaniH
02024023a prAguttarAM dizaM ye ca vasanty Azritya dasyavaH
02024023c nivasanti vane ye ca tAn sarvAn ajayat prabhuH
02024024a lohAn paramakAmbojAn RSikAn uttarAn api
02024024c sahitAMs tAn mahArAja vyajayat pAkazAsaniH
02024025a RSikeSu tu saMgrAmo babhUvAtibhayaMkaraH
02024025c tArakAmayasaMkAzaH paramarSikapArthayoH
02024026a sa vijitya tato rAjann RSikAn raNamUrdhani
02024026c zukodarasamaprakhyAn hayAn aSTau samAnayat
02024026e mayUrasadRzAn anyAn ubhayAn eva cAparAn
02024027a sa vinirjitya saMgrAme himavantaM saniSkuTam
02024027c zvetaparvatam AsAdya nyavasat puruSarSabhaH
02025001  vaizaMpAyana uvAca
02025001a sa zvetaparvataM vIraH samatikramya bhArata
02025001c dezaM kiMpuruSAvAsaM drumaputreNa rakSitam
02025002a mahatA saMnipAtena kSatriyAntakareNa ha
02025002c vyajayat pANDavazreSThaH kare caiva nyavezayat
02025003a taM jitvA hATakaM nAma dezaM guhyakarakSitam
02025003c pAkazAsanir avyagraH sahasainyaH samAsadat
02025004a tAMs tu sAntvena nirjitya mAnasaM sara uttamam
02025004c RSikulyAz ca tAH sarvA dadarza kurunandanaH
02025005a saro mAnasam AsAdya hATakAn abhitaH prabhuH
02025005c gandharvarakSitaM dezaM vyajayat pANDavas tataH
02025006a tatra tittirikalmASAn maNDUkAkSAn hayottamAn
02025006c lebhe sa karam atyantaM gandharvanagarAt tadA
02025007a uttaraM harivarSaM tu samAsAdya sa pANDavaH
02025007c iyeSa jetuM taM dezaM pAkazAsananandanaH
02025008a tata enaM mahAkAyA mahAvIryA mahAbalAH
02025008c dvArapAlAH samAsAdya hRSTA vacanam abruvan
02025009a pArtha nedaM tvayA zakyaM puraM jetuM kathaM cana
02025009c upAvartasva kalyANa paryAptam idam acyuta
02025010a idaM puraM yaH pravized dhruvaM sa na bhaven naraH
02025010c prIyAmahe tvayA vIra paryApto vijayas tava
02025011a na cApi kiM cij jetavyam arjunAtra pradRzyate
02025011c uttarAH kuravo hy ete nAtra yuddhaM pravartate
02025012a praviSTaz cApi kaunteya neha drakSyasi kiM cana
02025012c na hi mAnuSadehena zakyam atrAbhivIkSitum
02025013a atheha puruSavyAghra kiM cid anyac cikIrSasi
02025013c tad bravIhi kariSyAmo vacanAt tava bhArata
02025014a tatas tAn abravId rAjann arjunaH pAkazAsaniH
02025014c pArthivatvaM cikIrSAmi dharmarAjasya dhImataH
02025015a na pravekSyAmi vo dezaM bAdhyatvaM yadi mAnuSaiH
02025015c yudhiSThirAya yat kiM cit karavan naH pradIyatAm
02025016a tato divyAni vastrANi divyAny AbharaNAni ca
02025016c mokAjinAni divyAni tasmai te pradaduH karam
02025017a evaM sa puruSavyAghro vijigye dizam uttarAm
02025017c saMgrAmAn subahUn kRtvA kSatriyair dasyubhis tathA
02025018a sa vinirjitya rAjJas tAn kare ca vinivezya ha
02025018c dhanAny AdAya sarvebhyo ratnAni vividhAni ca
02025019a hayAMs tittirikalmASAJ zukapatranibhAn api
02025019c mayUrasadRzAMz cAnyAn sarvAn anilaraMhasaH
02025020a vRtaH sumahatA rAjan balena caturaGgiNA
02025020c AjagAma punar vIraH zakraprasthaM purottamam
02026001  vaizaMpAyana uvAca
02026001a etasminn eva kAle tu bhImaseno 'pi vIryavAn
02026001c dharmarAjam anujJApya yayau prAcIM dizaM prati
02026002a mahatA balacakreNa pararASTrAvamardinA
02026002c vRto bharatazArdUlo dviSacchokavivardhanaH
02026003a sa gatvA rAjazArdUlaH pAJcAlAnAM puraM mahat
02026003c pAJcAlAn vividhopAyaiH sAntvayAm Asa pANDavaH
02026004a tataH sa gaNDakIM zUro videhAMz ca nararSabhaH
02026004c vijityAlpena kAlena dazArNAn agamat prabhuH
02026005a tatra dAzArNako rAjA sudharmA lomaharSaNam
02026005c kRtavAn karma bhImena mahad yuddhaM nirAyudham
02026006a bhImasenas tu tad dRSTvA tasya karma paraMtapaH
02026006c adhisenApatiM cakre sudharmANaM mahAbalam
02026007a tataH prAcIM dizaM bhImo yayau bhImaparAkramaH
02026007c sainyena mahatA rAjan kampayann iva medinIm
02026008a so 'zvamedhezvaraM rAjan rocamAnaM sahAnujam
02026008c jigAya samare vIro balena balinAM varaH
02026009a sa taM nirjitya kaunteyo nAtitIvreNa karmaNA
02026009c pUrvadezaM mahAvIryo vijigye kurunandanaH
02026010a tato dakSiNam Agamya pulindanagaraM mahat
02026010c sukumAraM vaze cakre sumitraM ca narAdhipam
02026011a tatas tu dharmarAjasya zAsanAd bharatarSabhaH
02026011c zizupAlaM mahAvIryam abhyayAj janamejaya
02026012a cedirAjo 'pi tac chrutvA pANDavasya cikIrSitam
02026012c upaniSkramya nagarAt pratyagRhNAt paraMtapaH
02026013a tau sametya mahArAja kurucedivRSau tadA
02026013c ubhayor AtmakulayoH kauzalyaM paryapRcchatAm
02026014a tato nivedya tad rASTraM cedirAjo vizAM pate
02026014c uvAca bhImaM prahasan kim idaM kuruSe 'nagha
02026015a tasya bhImas tadAcakhyau dharmarAjacikIrSitam
02026015c sa ca tat pratigRhyaiva tathA cakre narAdhipaH
02026016a tato bhImas tatra rAjann uSitvA tridazAH kSapAH
02026016c satkRtaH zizupAlena yayau sabalavAhanaH
02027001  vaizaMpAyana uvAca
02027001a tataH kumAraviSaye zreNimantam athAjayat
02027001c kosalAdhipatiM caiva bRhadbalam ariMdamaH
02027002a ayodhyAyAM tu dharmajJaM dIrghaprajJaM mahAbalam
02027002c ajayat pANDavazreSTho nAtitIvreNa karmaNA
02027003a tato gopAlakacchaM ca sottamAn api cottarAn
02027003c mallAnAm adhipaM caiva pArthivaM vyajayat prabhuH
02027004a tato himavataH pArzve samabhyetya jaradgavam
02027004c sarvam alpena kAlena dezaM cakre vaze balI
02027005a evaM bahuvidhAn dezAn vijitya puruSarSabhaH
02027005c unnATam abhito jigye kukSimantaM ca parvatam
02027005e pANDavaH sumahAvIryo balena balinAM varaH
02027006a sa kAzirAjaM samare subandhum anivartinam
02027006c vaze cakre mahAbAhur bhImo bhImaparAkramaH
02027007a tataH supArzvam abhitas tathA rAjapatiM kratham
02027007c yudhyamAnaM balAt saMkhye vijigye pANDavarSabhaH
02027008a tato matsyAn mahAtejA malayAMz ca mahAbalAn
02027008c anavadyAn gayAMz caiva pazubhUmiM ca sarvazaH
02027009a nivRtya ca mahAbAhur madarvIkaM mahIdharam
02027009c sopadezaM vinirjitya prayayAv uttarAmukhaH
02027009e vatsabhUmiM ca kaunteyo vijigye balavAn balAt
02027010a bhargANAm adhipaM caiva niSAdAdhipatiM tathA
02027010c vijigye bhUmipAlAMz ca maNimatpramukhAn bahUn
02027011a tato dakSiNamallAMz ca bhogavantaM ca pANDavaH
02027011c tarasaivAjayad bhImo nAtitIvreNa karmaNA
02027012a zarmakAn varmakAMz caiva sAntvenaivAjayat prabhuH
02027012c vaidehakaM ca rAjAnaM janakaM jagatIpatim
02027012e vijigye puruSavyAghro nAtitIvreNa karmaNA
02027013a vaidehasthas tu kaunteya indraparvatam antikAt
02027013c kirAtAnAm adhipatIn vyajayat sapta pANDavaH
02027014a tataH suhmAn prAcyasuhmAn samakSAMz caiva vIryavAn
02027014c vijitya yudhi kaunteyo mAgadhAn upayAd balI
02027015a daNDaM ca daNDadhAraM ca vijitya pRthivIpatIn
02027015c tair eva sahitaH sarvair girivrajam upAdravat
02027016a jArAsaMdhiM sAntvayitvA kare ca vinivezya ha
02027016c tair eva sahito rAjan karNam abhyadravad balI
02027017a sa kampayann iva mahIM balena caturaGgiNA
02027017c yuyudhe pANDavazreSThaH karNenAmitraghAtinA
02027018a sa karNaM yudhi nirjitya vaze kRtvA ca bhArata
02027018c tato vijigye balavAn rAjJaH parvatavAsinaH
02027019a atha modAgiriM caiva rAjAnaM balavattaram
02027019c pANDavo bAhuvIryeNa nijaghAna mahAmRdhe
02027020a tataH pauNDrAdhipaM vIraM vAsudevaM mahAbalam
02027020c kauzikIkacchanilayaM rAjAnaM ca mahaujasam
02027021a ubhau balavRtau vIrAv ubhau tIvraparAkramau
02027021c nirjityAjau mahArAja vaGgarAjam upAdravat
02027022a samudrasenaM nirjitya candrasenaM ca pArthivam
02027022c tAmraliptaM ca rAjAnaM kAcaM vaGgAdhipaM tathA
02027023a suhmAnAm adhipaM caiva ye ca sAgaravAsinaH
02027023c sarvAn mlecchagaNAMz caiva vijigye bharatarSabhaH
02027024a evaM bahuvidhAn dezAn vijitya pavanAtmajaH
02027024c vasu tebhya upAdAya lauhityam agamad balI
02027025a sa sarvAn mlecchanRpatIn sAgaradvIpavAsinaH
02027025c karam AhArayAm Asa ratnAni vividhAni ca
02027026a candanAguruvastrANi maNimuktam anuttamam
02027026c kAJcanaM rajataM vajraM vidrumaM ca mahAdhanam
02027027a sa koTizatasaMkhyena dhanena mahatA tadA
02027027c abhyavarSad ameyAtmA dhanavarSeNa pANDavam
02027028a indraprastham athAgamya bhImo bhImaparAkramaH
02027028c nivedayAm Asa tadA dharmarAjAya tad dhanam
02028001  vaizaMpAyana uvAca
02028001a tathaiva sahadevo 'pi dharmarAjena pUjitaH
02028001c mahatyA senayA sArdhaM prayayau dakSiNAM dizam
02028002a sa zUrasenAn kArtsnyena pUrvam evAjayat prabhuH
02028002c matsyarAjaM ca kauravyo vaze cakre balAd balI
02028003a adhirAjAdhipaM caiva dantavakraM mahAhave
02028003c jigAya karadaM caiva svarAjye saMnyavezayat
02028004a sukumAraM vaze cakre sumitraM ca narAdhipam
02028004c tathaivAparamatsyAMz ca vyajayat sa paTaccarAn
02028005a niSAdabhUmiM gozRGgaM parvatapravaraM tathA
02028005c tarasA vyajayad dhImAJ zreNimantaM ca pArthivam
02028006a navarASTraM vinirjitya kuntibhojam upAdravat
02028006c prItipUrvaM ca tasyAsau pratijagrAha zAsanam
02028007a tataz carmaNvatIkUle jambhakasyAtmajaM nRpam
02028007c dadarza vAsudevena zeSitaM pUrvavairiNA
02028008a cakre tatra sa saMgrAmaM saha bhojena bhArata
02028008c sa tam Ajau vinirjitya dakSiNAbhimukho yayau
02028009a karAMs tebhya upAdAya ratnAni vividhAni ca
02028009c tatas tair eva sahito narmadAm abhito yayau
02028010a vindAnuvindAv Avantyau sainyena mahatA vRtau
02028010c jigAya samare vIrAv AzvineyaH pratApavAn
02028011a tato ratnAny upAdAya purIM mAhiSmatIM yayau
02028011c tatra nIlena rAjJA sa cakre yuddhaM nararSabhaH
02028012a pANDavaH paravIraghnaH sahadevaH pratApavAn
02028012c tato 'sya sumahad yuddham AsId bhIrubhayaMkaram
02028013a sainyakSayakaraM caiva prANAnAM saMzayAya ca
02028013c cakre tasya hi sAhAyyaM bhagavAn havyavAhanaH
02028014a tato hayA rathA nAgAH puruSAH kavacAni ca
02028014c pradIptAni vyadRzyanta sahadevabale tadA
02028015a tataH susaMbhrAntamanA babhUva kurunandanaH
02028015c nottaraM prativaktuM ca zakto 'bhUj janamejaya
02028016  janamejaya uvAca
02028016a kimarthaM bhagavAn agniH pratyamitro 'bhavad yudhi
02028016c sahadevasya yajJArthaM ghaTamAnasya vai dvija
02028017  vaizaMpAyana uvAca
02028017a tatra mAhiSmatIvAsI bhagavAn havyavAhanaH
02028017c zrUyate nigRhIto vai purastAt pAradArikaH
02028018a nIlasya rAjJaH pUrveSAm upanItaz ca so 'bhavat
02028018c tadA brAhmaNarUpeNa caramANo yadRcchayA
02028019a taM tu rAjA yathAzAstram anvazAd dhArmikas tadA
02028019c prajajvAla tataH kopAd bhagavAn havyavAhanaH
02028020a taM dRSTvA vismito rAjA jagAma zirasA kavim
02028020c cakre prasAdaM ca tadA tasya rAjJo vibhAvasuH
02028021a vareNa chandayAm Asa taM nRpaM sviSTakRttamaH
02028021c abhayaM ca sa jagrAha svasainye vai mahIpatiH
02028022a tataH prabhRti ye ke cid ajJAnAt tAM purIM nRpAH
02028022c jigISanti balAd rAjaMs te dahyantIha vahninA
02028023a tasyAM puryAM tadA caiva mAhiSmatyAM kurUdvaha
02028023c babhUvur anabhigrAhyA yoSitaz chandataH kila
02028024a evam agnir varaM prAdAt strINAm aprativAraNe
02028024c svairiNyas tatra nAryo hi yatheSTaM pracaranty uta
02028025a varjayanti ca rAjAnas tad rASTraM puruSottama
02028025c bhayAd agner mahArAja tadA prabhRti sarvadA
02028026a sahadevas tu dharmAtmA sainyaM dRSTvA bhayArditam
02028026c parItam agninA rAjann Akampata yathA giriH
02028027a upaspRzya zucir bhUtvA so 'bravIt pAvakaM tataH
02028027c tvadartho 'yaM samArambhaH kRSNavartman namo 'stu te
02028028a mukhaM tvam asi devAnAM yajJas tvam asi pAvaka
02028028c pAvanAt pAvakaz cAsi vahanAd dhavyavAhanaH
02028029a vedAs tvadarthaM jAtAz ca jAtavedAs tato hy asi
02028029c yajJavighnam imaM kartuM nArhas tvaM havyavAhana
02028030a evam uktvA tu mAdreyaH kuzair AstIrya medinIm
02028030c vidhivat puruSavyAghraH pAvakaM pratyupAvizat
02028031a pramukhe sarvasainyasya bhItodvignasya bhArata
02028031c na cainam atyagAd vahnir velAm iva mahodadhiH
02028032a tam abhyetya zanair vahnir uvAca kurunandanam
02028032c sahadevaM nRNAM devaM sAntvapUrvam idaM vacaH
02028033a uttiSThottiSTha kauravya jijJAseyaM kRtA mayA
02028033c vedmi sarvam abhiprAyaM tava dharmasutasya ca
02028034a mayA tu rakSitavyeyaM purI bharatasattama
02028034c yAvad rAjJo 'sya nIlasya kulavaMzadharA iti
02028034e IpsitaM tu kariSyAmi manasas tava pANDava
02028035a tata utthAya hRSTAtmA prAJjaliH zirasAnataH
02028035c pUjayAm Asa mAdreyaH pAvakaM puruSarSabhaH
02028036a pAvake vinivRtte tu nIlo rAjAbhyayAt tadA
02028036c satkAreNa naravyAghraM sahadevaM yudhAM patim
02028037a pratigRhya ca tAM pUjAM kare ca vinivezya tam
02028037c mAdrIsutas tataH prAyAd vijayI dakSiNAM dizam
02028038a traipuraM sa vaze kRtvA rAjAnam amitaujasam
02028038c nijagrAha mahAbAhus tarasA potanezvaram
02028039a AhRtiM kauzikAcAryaM yatnena mahatA tataH
02028039c vaze cakre mahAbAhuH surASTrAdhipatiM tathA
02028040a surASTraviSayasthaz ca preSayAm Asa rukmiNe
02028040c rAjJe bhojakaTasthAya mahAmAtrAya dhImate
02028041a bhISmakAya sa dharmAtmA sAkSAd indrasakhAya vai
02028041c sa cAsya sasuto rAjan pratijagrAha zAsanam
02028042a prItipUrvaM mahAbAhur vAsudevam avekSya ca
02028042c tataH sa ratnAny AdAya punaH prAyAd yudhAM patiH
02028043a tataH zUrpArakaM caiva gaNaM copakRtAhvayam
02028043c vaze cakre mahAtejA daNDakAMz ca mahAbalaH
02028044a sAgaradvIpavAsAMz ca nRpatIn mlecchayonijAn
02028044c niSAdAn puruSAdAMz ca karNaprAvaraNAn api
02028045a ye ca kAlamukhA nAma narA rAkSasayonayaH
02028045c kRtsnaM kollagiriM caiva muracIpattanaM tathA
02028046a dvIpaM tAmrAhvayaM caiva parvataM rAmakaM tathA
02028046c timiMgilaM ca nRpatiM vaze cakre mahAmatiH
02028047a ekapAdAMz ca puruSAn kevalAn vanavAsinaH
02028047c nagarIM saMjayantIM ca picchaNDaM karahATakam
02028047e dUtair eva vaze cakre karaM cainAn adApayat
02028048a pANDyAMz ca draviDAMz caiva sahitAMz coDrakeralaiH
02028048c andhrAMs talavanAMz caiva kaliGgAn oSTrakarNikAn
02028049a antAkhIM caiva romAM ca yavanAnAM puraM tathA
02028049c dUtair eva vaze cakre karaM cainAn adApayat
02028050a bharukacchaM gato dhImAn dUtAn mAdravatIsutaH
02028050c preSayAm Asa rAjendra paulastyAya mahAtmane
02028050e vibhISaNAya dharmAtmA prItipUrvam ariMdamaH
02028051a sa cAsya pratijagrAha zAsanaM prItipUrvakam
02028051c tac ca kAlakRtaM dhImAn anvamanyata sa prabhuH
02028052a tataH saMpreSayAm Asa ratnAni vividhAni ca
02028052c candanAgurumukhyAni divyAny AbharaNAni ca
02028053a vAsAMsi ca mahArhANi maNIMz caiva mahAdhanAn
02028053c nyavartata tato dhImAn sahadevaH pratApavAn
02028054a evaM nirjitya tarasA sAntvena vijayena ca
02028054c karadAn pArthivAn kRtvA pratyAgacchad ariMdamaH
02028055a dharmarAjAya tat sarvaM nivedya bharatarSabha
02028055c kRtakarmA sukhaM rAjann uvAsa janamejaya
02029001  vaizaMpAyana uvAca
02029001a nakulasya tu vakSyAmi karmANi vijayaM tathA
02029001c vAsudevajitAm AzAM yathAsau vyajayat prabhuH
02029002a niryAya khANDavaprasthAt pratIcIm abhito dizam
02029002c uddizya matimAn prAyAn mahatyA senayA saha
02029003a siMhanAdena mahatA yodhAnAM garjitena ca
02029003c rathanemininAdaiz ca kampayan vasudhAm imAm
02029004a tato bahudhanaM ramyaM gavAzvadhanadhAnyavat
02029004c kArttikeyasya dayitaM rohItakam upAdravat
02029005a tatra yuddhaM mahad vRttaM zUrair mattamayUrakaiH
02029005c marubhUmiM ca kArtsnyena tathaiva bahudhAnyakam
02029006a zairISakaM mahecchaM ca vaze cakre mahAdyutiH
02029006c zibIMs trigartAn ambaSThAn mAlavAn paJcakarpaTAn
02029007a tathA madhyamikAyAMz ca vATadhAnAn dvijAn atha
02029007c punaz ca parivRtyAtha puSkarAraNyavAsinaH
02029008a gaNAn utsavasaMketAn vyajayat puruSarSabhaH
02029008c sindhukUlAzritA ye ca grAmaNeyA mahAbalAH
02029009a zUdrAbhIragaNAz caiva ye cAzritya sarasvatIm
02029009c vartayanti ca ye matsyair ye ca parvatavAsinaH
02029010a kRtsnaM paJcanadaM caiva tathaivAparaparyaTam
02029010c uttarajyotikaM caiva tathA vRndATakaM puram
02029010e dvArapAlaM ca tarasA vaze cakre mahAdyutiH
02029011a ramaThAn hArahUNAMz ca pratIcyAz caiva ye nRpAH
02029011c tAn sarvAn sa vaze cakre zAsanAd eva pANDavaH
02029012a tatrasthaH preSayAm Asa vAsudevAya cAbhibhuH
02029012c sa cAsya dazabhI rAjyaiH pratijagrAha zAsanam
02029013a tataH zAkalam abhyetya madrANAM puTabhedanam
02029013c mAtulaM prItipUrveNa zalyaM cakre vaze balI
02029014a sa tasmin satkRto rAjJA satkArArho vizAM pate
02029014c ratnAni bhUrINy AdAya saMpratasthe yudhAM patiH
02029015a tataH sAgarakukSisthAn mlecchAn paramadAruNAn
02029015c pahlavAn barbarAMz caiva tAn sarvAn anayad vazam
02029016a tato ratnAny upAdAya vaze kRtvA ca pArthivAn
02029016c nyavartata narazreSTho nakulaz citramArgavit
02029017a karabhANAM sahasrANi kozaM tasya mahAtmanaH
02029017c Uhur daza mahArAja kRcchrAd iva mahAdhanam
02029018a indraprasthagataM vIram abhyetya sa yudhiSThiram
02029018c tato mAdrIsutaH zrImAn dhanaM tasmai nyavedayat
02029019a evaM pratIcIM nakulo dizaM varuNapAlitAm
02029019c vijigye vAsudevena nirjitAM bharatarSabhaH
02030001  vaizaMpAyana uvAca
02030001a rakSaNAd dharmarAjasya satyasya paripAlanAt
02030001c zatrUNAM kSapaNAc caiva svakarmaniratAH prajAH
02030002a balInAM samyag AdAnAd dharmataz cAnuzAsanAt
02030002c nikAmavarSI parjanyaH sphIto janapado 'bhavat
02030003a sarvArambhAH supravRttA gorakSaM karSaNaM vaNik
02030003c vizeSAt sarvam evaitat saMjajJe rAjakarmaNaH
02030004a dasyubhyo vaJcakebhyo vA rAjan prati parasparam
02030004c rAjavallabhataz caiva nAzrUyanta mRSA giraH
02030005a avarSaM cAtivarSaM ca vyAdhipAvakamUrchanam
02030005c sarvam etat tadA nAsId dharmanitye yudhiSThire
02030006a priyaM kartum upasthAtuM balikarma svabhAvajam
02030006c abhihartuM nRpA jagmur nAnyaiH kAryaiH pRthak pRthak
02030007a dharmyair dhanAgamais tasya vavRdhe nicayo mahAn
02030007c kartuM yasya na zakyeta kSayo varSazatair api
02030008a svakozasya parImANaM koSThasya ca mahIpatiH
02030008c vijJAya rAjA kaunteyo yajJAyaiva mano dadhe
02030009a suhRdaz caiva taM sarve pRthak ca saha cAbruvan
02030009c yajJakAlas tava vibho kriyatAm atra sAMpratam
02030010a athaivaM bruvatAm eva teSAm abhyAyayau hariH
02030010c RSiH purANo vedAtmA dRzyaz cApi vijAnatAm
02030011a jagatas tasthuSAM zreSThaH prabhavaz cApyayaz ca ha
02030011c bhUtabhavyabhavannAthaH kezavaH kezisUdanaH
02030012a prAkAraH sarvavRSNInAm Apatsv abhayado 'rihA
02030012c balAdhikAre nikSipya saMhatyAnakadundubhim
02030013a uccAvacam upAdAya dharmarAjAya mAdhavaH
02030013c dhanaughaM puruSavyAghro balena mahatA vRtaH
02030014a taM dhanaugham aparyantaM ratnasAgaram akSayam
02030014c nAdayan rathaghoSeNa praviveza purottamam
02030015a asUryam iva sUryeNa nivAtam iva vAyunA
02030015c kRSNena samupetena jahRSe bhArataM puram
02030016a taM mudAbhisamAgamya satkRtya ca yathAvidhi
02030016c saMpRSTvA kuzalaM caiva sukhAsInaM yudhiSThiraH
02030017a dhaumyadvaipAyanamukhair RtvigbhiH puruSarSabhaH
02030017c bhImArjunayamaiz cApi sahitaH kRSNam abravIt
02030018a tvatkRte pRthivI sarvA madvaze kRSNa vartate
02030018c dhanaM ca bahu vArSNeya tvatprasAdAd upArjitam
02030019a so 'ham icchAmi tat sarvaM vidhivad devakIsuta
02030019c upayoktuM dvijAgryeSu havyavAhe ca mAdhava
02030020a tad ahaM yaSTum icchAmi dAzArha sahitas tvayA
02030020c anujaiz ca mahAbAho tan mAnujJAtum arhasi
02030021a sa dIkSApaya govinda tvam AtmAnaM mahAbhuja
02030021c tvayISTavati dAzArha vipApmA bhavitA hy aham
02030022a mAM vApy abhyanujAnIhi sahaibhir anujair vibho
02030022c anujJAtas tvayA kRSNa prApnuyAM kratum uttamam
02030023a taM kRSNaH pratyuvAcedaM bahUktvA guNavistaram
02030023c tvam eva rAjazArdUla samrAD arho mahAkratum
02030023e saMprApnuhi tvayA prApte kRtakRtyAs tato vayam
02030024a yajasvAbhIpsitaM yajJaM mayi zreyasy avasthite
02030024c niyuGkSva cApi mAM kRtye sarvaM kartAsmi te vacaH
02030025  yudhiSThira uvAca
02030025a saphalaH kRSNa saMkalpaH siddhiz ca niyatA mama
02030025c yasya me tvaM hRSIkeza yathepsitam upasthitaH
02030026  vaizaMpAyana uvAca
02030026a anujJAtas tu kRSNena pANDavo bhrAtRbhiH saha
02030026c IhituM rAjasUyAya sAdhanAny upacakrame
02030027a tata AjJApayAm Asa pANDavo 'rinibarhaNaH
02030027c sahadevaM yudhAM zreSThaM mantriNaz caiva sarvazaH
02030028a asmin kratau yathoktAni yajJAGgAni dvijAtibhiH
02030028c tathopakaraNaM sarvaM maGgalAni ca sarvazaH
02030029a adhiyajJAMz ca saMbhArAn dhaumyoktAn kSipram eva hi
02030029c samAnayantu puruSA yathAyogaM yathAkramam
02030030a indraseno vizokaz ca pUruz cArjunasArathiH
02030030c annAdyAharaNe yuktAH santu matpriyakAmyayA
02030031a sarvakAmAz ca kAryantAM rasagandhasamanvitAH
02030031c manoharAH prItikarA dvijAnAM kurusattama
02030032a tad vAkyasamakAlaM tu kRtaM sarvam avedayat
02030032c sahadevo yudhAM zreSTho dharmarAje mahAtmani
02030033a tato dvaipAyano rAjann RtvijaH samupAnayat
02030033c vedAn iva mahAbhAgAn sAkSAn mUrtimato dvijAn
02030034a svayaM brahmatvam akarot tasya satyavatIsutaH
02030034c dhanaMjayAnAm RSabhaH susAmA sAmago 'bhavat
02030035a yAjJavalkyo babhUvAtha brahmiSTho 'dhvaryusattamaH
02030035c pailo hotA vasoH putro dhaumyena sahito 'bhavat
02030036a eteSAM ziSyavargAz ca putrAz ca bharatarSabha
02030036c babhUvur hotragAH sarve vedavedAGgapAragAH
02030037a te vAcayitvA puNyAham IhayitvA ca taM vidhim
02030037c zAstroktaM yojayAm Asus tad devayajanaM mahat
02030038a tatra cakrur anujJAtAH zaraNAny uta zilpinaH
02030038c ratnavanti vizAlAni vezmAnIva divaukasAm
02030039a tata AjJApayAm Asa sa rAjA rAjasattamaH
02030039c sahadevaM tadA sadyo mantriNaM kurusattamaH
02030040a AmantraNArthaM dUtAMs tvaM preSayasvAzugAn drutam
02030040c upazrutya vaco rAjJaH sa dUtAn prAhiNot tadA
02030041a AmantrayadhvaM rASTreSu brAhmaNAn bhUmipAn api
02030041c vizaz ca mAnyAJ zUdrAMz ca sarvAn Anayateti ca
02030042a te sarvAn pRthivIpAlAn pANDaveyasya zAsanAt
02030042c AmantrayAM babhUvuz ca preSayAm Asa cAparAn
02030043a tatas te tu yathAkAlaM kuntIputraM yudhiSThiram
02030043c dIkSayAM cakrire viprA rAjasUyAya bhArata
02030044a dIkSitaH sa tu dharmAtmA dharmarAjo yudhiSThiraH
02030044c jagAma yajJAyatanaM vRto vipraiH sahasrazaH
02030045a bhrAtRbhir jJAtibhiz caiva suhRdbhiH sacivais tathA
02030045c kSatriyaiz ca manuSyendra nAnAdezasamAgataiH
02030045e amAtyaiz ca nRpazreSTho dharmo vigrahavAn iva
02030046a Ajagmur brAhmaNAs tatra viSayebhyas tatas tataH
02030046c sarvavidyAsu niSNAtA vedavedAGgapAragAH
02030047a teSAm AvasathAMz cakrur dharmarAjasya zAsanAt
02030047c bahvannAJ zayanair yuktAn sagaNAnAM pRthak pRthak
02030047e sarvartuguNasaMpannAJ zilpino 'tha sahasrazaH
02030048a teSu te nyavasan rAjan brAhmaNA bhRzasatkRtAH
02030048c kathayantaH kathA bahvIH pazyanto naTanartakAn
02030049a bhuJjatAM caiva viprANAM vadatAM ca mahAsvanaH
02030049c anizaM zrUyate smAtra muditAnAM mahAtmanAm
02030050a dIyatAM dIyatAm eSAM bhujyatAM bhujyatAm iti
02030050c evaMprakArAH saMjalpAH zrUyante smAtra nityazaH
02030051a gavAM zatasahasrANi zayanAnAM ca bhArata
02030051c rukmasya yoSitAM caiva dharmarAjaH pRthag dadau
02030052a prAvartataivaM yajJaH sa pANDavasya mahAtmanaH
02030052c pRthivyAm ekavIrasya zakrasyeva triviSTape
02030053a tato yudhiSThiro rAjA preSayAm Asa pANDavam
02030053c nakulaM hAstinapuraM bhISmAya bharatarSabha
02030054a droNAya dhRtarASTrAya vidurAya kRpAya ca
02030054c bhrAtqNAM caiva sarveSAM ye 'nuraktA yudhiSThire
02031001  vaizaMpAyana uvAca
02031001a sa gatvA hAstinapuraM nakulaH samitiMjayaH
02031001c bhISmam AmantrayAm Asa dhRtarASTraM ca pANDavaH
02031002a prayayuH prItamanaso yajJaM brahmapuraHsarAH
02031002c saMzrutya dharmarAjasya yajJaM yajJavidas tadA
02031003a anye ca zatazas tuSTair manobhir manujarSabha
02031003c draSTukAmAH sabhAM caiva dharmarAjaM ca pANDavam
02031004a digbhyaH sarve samApetuH pArthivAs tatra bhArata
02031004c samupAdAya ratnAni vividhAni mahAnti ca
02031005a dhRtarASTraz ca bhISmaz ca viduraz ca mahAmatiH
02031005c duryodhanapurogAz ca bhrAtaraH sarva eva te
02031006a satkRtyAmantritAH sarve AcAryapramukhA nRpAH
02031006c gAndhArarAjaH subalaH zakuniz ca mahAbalaH
02031007a acalo vRSakaz caiva karNaz ca rathinAM varaH
02031007c RtaH zalyo madrarAjo bAhlikaz ca mahArathaH
02031008a somadatto 'tha kauravyo bhUrir bhUrizravAH zalaH
02031008c azvatthAmA kRpo droNaH saindhavaz ca jayadrathaH
02031009a yajJasenaH saputraz ca zAlvaz ca vasudhAdhipaH
02031009c prAgjyotiSaz ca nRpatir bhagadatto mahAyazAH
02031010a saha sarvais tathA mlecchaiH sAgarAnUpavAsibhiH
02031010c pArvatIyAz ca rAjAno rAjA caiva bRhadbalaH
02031011a pauNDrako vAsudevaz ca vaGgaH kAliGgakas tathA
02031011c AkarSaH kuntalaz caiva vAnavAsyAndhrakAs tathA
02031012a draviDAH siMhalAz caiva rAjA kAzmIrakas tathA
02031012c kuntibhojo mahAtejAH suhmaz ca sumahAbalaH
02031013a bAhlikAz cApare zUrA rAjAnaH sarva eva te
02031013c virATaH saha putraiz ca mAcellaz ca mahArathaH
02031013e rAjAno rAjaputrAz ca nAnAjanapadezvarAH
02031014a zizupAlo mahAvIryaH saha putreNa bhArata
02031014c Agacchat pANDaveyasya yajJaM saMgrAmadurmadaH
02031015a rAmaz caivAniruddhaz ca babhruz ca sahasAraNaH
02031015c gadapradyumnasAmbAz ca cArudeSNaz ca vIryavAn
02031016a ulmuko nizaThaz caiva vIraH prAdyumnir eva ca
02031016c vRSNayo nikhilenAnye samAjagmur mahArathAH
02031017a ete cAnye ca bahavo rAjAno madhyadezajAH
02031017c AjagmuH pANDuputrasya rAjasUyaM mahAkratum
02031018a dadus teSAm AvasathAn dharmarAjasya zAsanAt
02031018c bahukakSyAnvitAn rAjan dIrghikAvRkSazobhitAn
02031019a tathA dharmAtmajas teSAM cakre pUjAm anuttamAm
02031019c satkRtAz ca yathoddiSTAJ jagmur AvasathAn nRpAH
02031020a kailAsazikharaprakhyAn manojJAn dravyabhUSitAn
02031020c sarvataH saMvRtAn uccaiH prAkAraiH sukRtaiH sitaiH
02031021a suvarNajAlasaMvItAn maNikuTTimazobhitAn
02031021c sukhArohaNasopAnAn mahAsanaparicchadAn
02031022a sragdAmasamavacchannAn uttamAgurugandhinaH
02031022c haMsAMzuvarNasadRzAn AyojanasudarzanAn
02031023a asaMbAdhAn samadvArAn yutAn uccAvacair guNaiH
02031023c bahudhAtupinaddhAGgAn himavacchikharAn iva
02031024a vizrAntAs te tato 'pazyan bhUmipA bhUridakSiNam
02031024c vRtaM sadasyair bahubhir dharmarAjaM yudhiSThiram
02031025a tat sadaH pArthivaiH kIrNaM brAhmaNaiz ca mahAtmabhiH
02031025c bhrAjate sma tadA rAjan nAkapRSTham ivAmaraiH
02032001  vaizaMpAyana uvAca
02032001a pitAmahaM guruM caiva pratyudgamya yudhiSThiraH
02032001c abhivAdya tato rAjann idaM vacanam abravIt
02032001e bhISmaM droNaM kRpaM drauNiM duryodhanaviviMzatI
02032002a asmin yajJe bhavanto mAm anugRhNantu sarvazaH
02032002c idaM vaH svam ahaM caiva yad ihAsti dhanaM mama
02032002e prINayantu bhavanto mAM yatheSTam aniyantritAH
02032003a evam uktvA sa tAn sarvAn dIkSitaH pANDavAgrajaH
02032003c yuyoja ha yathAyogam adhikAreSv anantaram
02032004a bhakSyabhojyAdhikAreSu duHzAsanam ayojayat
02032004c parigrahe brAhmaNAnAm azvatthAmAnam uktavAn
02032005a rAjJAM tu pratipUjArthaM saMjayaM saMnyayojayat
02032005c kRtAkRtaparijJAne bhISmadroNau mahAmatI
02032006a hiraNyasya suvarNasya ratnAnAM cAnvavekSaNe
02032006c dakSiNAnAM ca vai dAne kRpaM rAjA nyayojayat
02032006e tathAnyAn puruSavyAghrAMs tasmiMs tasmin nyayojayat
02032007a bAhliko dhRtarASTraz ca somadatto jayadrathaH
02032007c nakulena samAnItAH svAmivat tatra remire
02032008a kSattA vyayakaras tv AsId viduraH sarvadharmavit
02032008c duryodhanas tv arhaNAni pratijagrAha sarvazaH
02032009a sarvalokaH samAvRttaH piprISuH phalam uttamam
02032009c draSTukAmaH sabhAM caiva dharmarAjaM ca pANDavam
02032010a na kaz cid Aharat tatra sahasrAvaram arhaNam
02032010c ratnaiz ca bahubhis tatra dharmarAjam avardhayan
02032011a kathaM nu mama kauravyo ratnadAnaiH samApnuyAt
02032011c yajJam ity eva rAjAnaH spardhamAnA dadur dhanam
02032012a bhavanaiH savimAnAgraiH sodarkair balasaMvRtaiH
02032012c lokarAjavimAnaiz ca brAhmaNAvasathaiH saha
02032013a kRtair Avasathair divyair vimAnapratimais tathA
02032013c vicitrai ratnavadbhiz ca RddhyA paramayA yutaiH
02032014a rAjabhiz ca samAvRttair atIvazrIsamRddhibhiH
02032014c azobhata sado rAjan kaunteyasya mahAtmanaH
02032015a RddhyA ca varuNaM devaM spardhamAno yudhiSThiraH
02032015c SaDagninAtha yajJena so 'yajad dakSiNAvatA
02032015e sarvAJ janAn sarvakAmaiH samRddhaiH samatarpayat
02032016a annavAn bahubhakSyaz ca bhuktavajjanasaMvRtaH
02032016c ratnopahArakarmaNyo babhUva sa samAgamaH
02032017a iDAjyahomAhutibhir mantrazikSAsamanvitaiH
02032017c tasmin hi tatRpur devAs tate yajJe maharSibhiH
02032018a yathA devAs tathA viprA dakSiNAnnamahAdhanaiH
02032018c tatRpuH sarvavarNAz ca tasmin yajJe mudAnvitAH
02033001  vaizaMpAyana uvAca
02033001a tato 'bhiSecanIye 'hni brAhmaNA rAjabhiH saha
02033001c antarvedIM pravivizuH satkArArthaM maharSayaH
02033002a nAradapramukhAs tasyAm antarvedyAM mahAtmanaH
02033002c samAsInAH zuzubhire saha rAjarSibhis tadA
02033003a sametA brahmabhavane devA devarSayo yathA
02033003c karmAntaram upAsanto jajalpur amitaujasaH
02033004a idam evaM na cApy evam evam etan na cAnyathA
02033004c ity Ucur bahavas tatra vitaNDAnAH parasparam
02033005a kRzAn arthAMs tathA ke cid akRzAMs tatra kurvate
02033005c akRzAMz ca kRzAMz cakrur hetubhiH zAstranizcitaiH
02033006a tatra medhAvinaH ke cid artham anyaiH prapUritam
02033006c vicikSipur yathA zyenA nabhogatam ivAmiSam
02033007a ke cid dharmArthasaMyuktAH kathAs tatra mahAvratAH
02033007c remire kathayantaz ca sarvavedavidAM varAH
02033008a sA vedir vedasaMpannair devadvijamaharSibhiH
02033008c AbabhAse samAkIrNA nakSatrair dyaur ivAmalA
02033009a na tasyAM saMnidhau zUdraH kaz cid AsIn na cAvrataH
02033009c antarvedyAM tadA rAjan yudhiSThiranivezane
02033010a tAM tu lakSmIvato lakSmIM tadA yajJavidhAnajAm
02033010c tutoSa nAradaH pazyan dharmarAjasya dhImataH
02033011a atha cintAM samApede sa munir manujAdhipa
02033011c nAradas taM tadA pazyan sarvakSatrasamAgamam
02033012a sasmAra ca purAvRttAM kathAM tAM bharatarSabha
02033012c aMzAvataraNe yAsau brahmaNo bhavane 'bhavat
02033013a devAnAM saMgamaM taM tu vijJAya kurunandana
02033013c nAradaH puNDarIkAkSaM sasmAra manasA harim
02033014a sAkSAt sa vibudhArighnaH kSatre nArAyaNo vibhuH
02033014c pratijJAM pAlayan dhImAJ jAtaH parapuraMjayaH
02033015a saMdideza purA yo 'sau vibudhAn bhUtakRt svayam
02033015c anyonyam abhinighnantaH punar lokAn avApsyatha
02033016a iti nArAyaNaH zaMbhur bhagavAJ jagataH prabhuH
02033016c Adizya vibudhAn sarvAn ajAyata yadukSaye
02033017a kSitAv andhakavRSNInAM vaMze vaMzabhRtAM varaH
02033017c parayA zuzubhe lakSmyA nakSatrANAm ivoDurAT
02033018a yasya bAhubalaM sendrAH surAH sarva upAsate
02033018c so 'yaM mAnuSavan nAma harir Aste 'rimardanaH
02033019a aho bata mahad bhUtaM svayaMbhUr yad idaM svayam
02033019c AdAsyati punaH kSatram evaM balasamanvitam
02033020a ity etAM nAradaz cintAM cintayAm Asa dharmavit
02033020c hariM nArAyaNaM jJAtvA yajJair IDyaM tam Izvaram
02033021a tasmin dharmavidAM zreSTho dharmarAjasya dhImataH
02033021c mahAdhvare mahAbuddhis tasthau sa bahumAnataH
02033022a tato bhISmo 'bravId rAjan dharmarAjaM yudhiSThiram
02033022c kriyatAm arhaNaM rAjJAM yathArham iti bhArata
02033023a AcAryam RtvijaM caiva saMyuktaM ca yudhiSThira
02033023c snAtakaM ca priyaM cAhuH SaD arghyArhAn nRpaM tathA
02033024a etAn arhAn abhigatAn AhuH saMvatsaroSitAn
02033024c ta ime kAlapUgasya mahato 'smAn upAgatAH
02033025a eSAm ekaikazo rAjann arghyam AnIyatAm iti
02033025c atha caiSAM variSThAya samarthAyopanIyatAm
02033026  yudhiSThira uvAca
02033026a kasmai bhavAn manyate 'rgham ekasmai kurunandana
02033026c upanIyamAnaM yuktaM ca tan me brUhi pitAmaha
02033027  vaizaMpAyana uvAca
02033027a tato bhISmaH zAMtanavo buddhyA nizcitya bhArata
02033027c vArSNeyaM manyate kRSNam arhaNIyatamaM bhuvi
02033028a eSa hy eSAM sametAnAM tejobalaparAkramaiH
02033028c madhye tapann ivAbhAti jyotiSAm iva bhAskaraH
02033029a asUryam iva sUryeNa nivAtam iva vAyunA
02033029c bhAsitaM hlAditaM caiva kRSNenedaM sado hi naH
02033030a tasmai bhISmAbhyanujJAtaH sahadevaH pratApavAn
02033030c upajahre 'tha vidhivad vArSNeyAyArghyam uttamam
02033031a pratijagrAha tat kRSNaH zAstradRSTena karmaNA
02033031c zizupAlas tu tAM pUjAM vAsudeve na cakSame
02033032a sa upAlabhya bhISmaM ca dharmarAjaM ca saMsadi
02033032c apAkSipad vAsudevaM cedirAjo mahAbalaH
02034001  zizupAla uvAca
02034001a nAyam arhati vArSNeyas tiSThatsv iha mahAtmasu
02034001c mahIpatiSu kauravya rAjavat pArthivArhaNam
02034002a nAyaM yuktaH samAcAraH pANDaveSu mahAtmasu
02034002c yat kAmAt puNDarIkAkSaM pANDavArcitavAn asi
02034003a bAlA yUyaM na jAnIdhvaM dharmaH sUkSmo hi pANDavAH
02034003c ayaM tatrAbhyatikrAnta Apageyo 'lpadarzanaH
02034004a tvAdRzo dharmayukto hi kurvANaH priyakAmyayA
02034004c bhavaty abhyadhikaM bhISmo lokeSv avamataH satAm
02034005a kathaM hy arAjA dAzArho madhye sarvamahIkSitAm
02034005c arhaNAm arhati tathA yathA yuSmAbhir arcitaH
02034006a atha vA manyase kRSNaM sthaviraM bharatarSabha
02034006c vasudeve sthite vRddhe katham arhati tatsutaH
02034007a atha vA vAsudevo 'pi priyakAmo 'nuvRttavAn
02034007c drupade tiSThati kathaM mAdhavo 'rhati pUjanam
02034008a AcAryaM manyase kRSNam atha vA kurupuMgava
02034008c droNe tiSThati vArSNeyaM kasmAd arcitavAn asi
02034009a RtvijaM manyase kRSNam atha vA kurunandana
02034009c dvaipAyane sthite vipre kathaM kRSNo 'rcitas tvayA
02034010a naiva RtviG na cAcAryo na rAjA madhusUdanaH
02034010c arcitaz ca kuruzreSTha kim anyat priyakAmyayA
02034011a atha vApy arcanIyo 'yaM yuSmAkaM madhusUdanaH
02034011c kiM rAjabhir ihAnItair avamAnAya bhArata
02034012a vayaM tu na bhayAd asya kaunteyasya mahAtmanaH
02034012c prayacchAmaH karAn sarve na lobhAn na ca sAntvanAt
02034013a asya dharmapravRttasya pArthivatvaM cikIrSataH
02034013c karAn asmai prayacchAmaH so 'yam asmAn na manyate
02034014a kim anyad avamAnAd dhi yad imaM rAjasaMsadi
02034014c aprAptalakSaNaM kRSNam arghyeNArcitavAn asi
02034015a akasmAd dharmaputrasya dharmAtmeti yazo gatam
02034015c ko hi dharmacyute pUjAm evaM yuktAM prayojayet
02034015e yo 'yaM vRSNikule jAto rAjAnaM hatavAn purA
02034016a adya dharmAtmatA caiva vyapakRSTA yudhiSThirAt
02034016c kRpaNatvaM niviSTaM ca kRSNe 'rghyasya nivedanAt
02034017a yadi bhItAz ca kaunteyAH kRpaNAz ca tapasvinaH
02034017c nanu tvayApi boddhavyaM yAM pUjAM mAdhavo 'rhati
02034018a atha vA kRpaNair etAm upanItAM janArdana
02034018c pUjAm anarhaH kasmAt tvam abhyanujJAtavAn asi
02034019a ayuktAm AtmanaH pUjAM tvaM punar bahu manyase
02034019c haviSaH prApya niSyandaM prAzituM zveva nirjane
02034020a na tv ayaM pArthivendrANAm avamAnaH prayujyate
02034020c tvAm eva kuravo vyaktaM pralambhante janArdana
02034021a klIbe dArakriyA yAdRg andhe vA rUpadarzanam
02034021c arAjJo rAjavat pUjA tathA te madhusUdana
02034022a dRSTo yudhiSThiro rAjA dRSTo bhISmaz ca yAdRzaH
02034022c vAsudevo 'py ayaM dRSTaH sarvam etad yathAtatham
02034023a ity uktvA zizupAlas tAn utthAya paramAsanAt
02034023c niryayau sadasas tasmAt sahito rAjabhis tadA
02035001  vaizaMpAyana uvAca
02035001a tato yudhiSThiro rAjA zizupAlam upAdravat
02035001c uvAca cainaM madhuraM sAntvapUrvam idaM vacaH
02035002a nedaM yuktaM mahIpAla yAdRzaM vai tvam uktavAn
02035002c adharmaz ca paro rAjan pAruSyaM ca nirarthakam
02035003a na hi dharmaM paraM jAtu nAvabudhyeta pArthiva
02035003c bhISmaH zAMtanavas tv enaM mAvamaMsthA ato 'nyathA
02035004a pazya cemAn mahIpAlAMs tvatto vRddhatamAn bahUn
02035004c mRSyante cArhaNAM kRSNe tadvat tvaM kSantum arhasi
02035005a veda tattvena kRSNaM hi bhISmaz cedipate bhRzam
02035005c na hy enaM tvaM tathA vettha yathainaM veda kauravaH
02035006  bhISma uvAca
02035006a nAsmA anunayo deyo nAyam arhati sAntvanam
02035006c lokavRddhatame kRSNe yo 'rhaNAM nAnumanyate
02035007a kSatriyaH kSatriyaM jitvA raNe raNakRtAM varaH
02035007c yo muJcati vaze kRtvA gurur bhavati tasya saH
02035008a asyAM ca samitau rAjJAm ekam apy ajitaM yudhi
02035008c na pazyAmi mahIpAlaM sAtvatIputratejasA
02035009a na hi kevalam asmAkam ayam arcyatamo 'cyutaH
02035009c trayANAm api lokAnAm arcanIyo janArdanaH
02035010a kRSNena hi jitA yuddhe bahavaH kSatriyarSabhAH
02035010c jagat sarvaM ca vArSNeye nikhilena pratiSThitam
02035011a tasmAt satsv api vRddheSu kRSNam arcAma netarAn
02035011c evaM vaktuM na cArhas tvaM mA bhUt te buddhir IdRzI
02035012a jJAnavRddhA mayA rAjan bahavaH paryupAsitAH
02035012c teSAM kathayatAM zaurer ahaM guNavato guNAn
02035012e samAgatAnAm azrauSaM bahUn bahumatAn satAm
02035013a karmANy api ca yAny asya janmaprabhRti dhImataH
02035013c bahuzaH kathyamAnAni narair bhUyaH zrutAni me
02035014a na kevalaM vayaM kAmAc cedirAja janArdanam
02035014c na saMbandhaM puraskRtya kRtArthaM vA kathaM cana
02035015a arcAmahe 'rcitaM sadbhir bhuvi bhaumasukhAvaham
02035015c yazaH zauryaM jayaM cAsya vijJAyArcAM prayujmahe
02035016a na hi kaz cid ihAsmAbhiH subAlo 'py aparIkSitaH
02035016c guNair vRddhAn atikramya harir arcyatamo mataH
02035017a jJAnavRddho dvijAtInAM kSatriyANAM balAdhikaH
02035017c pUjye tAv iha govinde hetU dvAv api saMsthitau
02035018a vedavedAGgavijJAnaM balaM cApy amitaM tathA
02035018c nRNAM hi loke kasyAsti viziSTaM kezavAd Rte
02035019a dAnaM dAkSyaM zrutaM zauryaM hrIH kIrtir buddhir uttamA
02035019c saMnatiH zrIr dhRtis tuSTiH puSTiz ca niyatAcyute
02035020a tam imaM sarvasaMpannam AcAryaM pitaraM gurum
02035020c arcyam arcitam arcArhaM sarve saMmantum arhatha
02035021a Rtvig gurur vivAhyaz ca snAtako nRpatiH priyaH
02035021c sarvam etad dhRSIkeze tasmAd abhyarcito 'cyutaH
02035022a kRSNa eva hi lokAnAm utpattir api cApyayaH
02035022c kRSNasya hi kRte bhUtam idaM vizvaM samarpitam
02035023a eSa prakRtir avyaktA kartA caiva sanAtanaH
02035023c paraz ca sarvabhUtebhyas tasmAd vRddhatamo 'cyutaH
02035024a buddhir mano mahAn vAyus tejo 'mbhaH khaM mahI ca yA
02035024c caturvidhaM ca yad bhUtaM sarvaM kRSNe pratiSThitam
02035025a Adityaz candramAz caiva nakSatrANi grahAz ca ye
02035025c dizaz copadizaz caiva sarvaM kRSNe pratiSThitam
02035026a ayaM tu puruSo bAlaH zizupAlo na budhyate
02035026c sarvatra sarvadA kRSNaM tasmAd evaM prabhASate
02035027a yo hi dharmaM vicinuyAd utkRSTaM matimAn naraH
02035027c sa vai pazyed yathAdharmaM na tathA cedirAD ayam
02035028a savRddhabAleSv atha vA pArthiveSu mahAtmasu
02035028c ko nArhaM manyate kRSNaM ko vApy enaM na pUjayet
02035029a athemAM duSkRtAM pUjAM zizupAlo vyavasyati
02035029c duSkRtAyAM yathAnyAyaM tathAyaM kartum arhati
02036001  vaizaMpAyana uvAca
02036001a evam uktvA tato bhISmo virarAma mahAyazAH
02036001c vyAjahArottaraM tatra sahadevo 'rthavad vacaH
02036002a kezavaM kezihantAram aprameyaparAkramam
02036002c pUjyamAnaM mayA yo vaH kRSNaM na sahate nRpAH
02036003a sarveSAM balinAM mUrdhni mayedaM nihitaM padam
02036003c evam ukte mayA samyag uttaraM prabravItu saH
02036004a matimantas tu ye ke cid AcAryaM pitaraM gurum
02036004c arcyam arcitam arcArham anujAnantu te nRpAH
02036005a tato na vyAjahAraiSAM kaz cid buddhimatAM satAm
02036005c mAninAM balinAM rAjJAM madhye saMdarzite pade
02036006a tato 'patat puSpavRSTiH sahadevasya mUrdhani
02036006c adRzyarUpA vAcaz cApy abruvan sAdhu sAdhv iti
02036007a Avidhyad ajinaM kRSNaM bhaviSyadbhUtajalpakaH
02036007c sarvasaMzayanirmoktA nAradaH sarvalokavit
02036008a tatrAhUtAgatAH sarve sunIthapramukhA gaNAH
02036008c saMprAdRzyanta saMkruddhA vivarNavadanAs tathA
02036009a yudhiSThirAbhiSekaM ca vAsudevasya cArhaNam
02036009c abruvaMs tatra rAjAno nirvedAd AtmanizcayAt
02036010a suhRdbhir vAryamANAnAM teSAM hi vapur Ababhau
02036010c AmiSAd apakRSTAnAM siMhAnAm iva garjatAm
02036011a taM balaugham aparyantaM rAjasAgaram akSayam
02036011c kurvANaM samayaM kRSNo yuddhAya bubudhe tadA
02036012a pUjayitvA tu pUjArhaM brahmakSatraM vizeSataH
02036012c sahadevo nRNAM devaH samApayata karma tat
02036013a tasminn abhyarcite kRSNe sunIthaH zatrukarSaNaH
02036013c atitAmrekSaNaH kopAd uvAca manujAdhipAn
02036014a sthitaH senApatir vo 'haM manyadhvaM kiM nu sAMpratam
02036014c yudhi tiSThAma saMnahya sametAn vRSNipANDavAn
02036015a iti sarvAn samutsAhya rAjJas tAMz cedipuMgavaH
02036015c yajJopaghAtAya tataH so 'mantrayata rAjabhiH
02037001  vaizaMpAyana uvAca
02037001a tataH sAgarasaMkAzaM dRSTvA nRpatisAgaram
02037001c roSAt pracalitaM sarvam idam Aha yudhiSThiraH
02037002a bhISmaM matimatAM zreSThaM vRddhaM kurupitAmaham
02037002c bRhaspatiM bRhattejAH puruhUta ivArihA
02037003a asau roSAt pracalito mahAn nRpatisAgaraH
02037003c atra yat pratipattavyaM tan me brUhi pitAmaha
02037004a yajJasya ca na vighnaH syAt prajAnAM ca zivaM bhavet
02037004c yathA sarvatra tat sarvaM brUhi me 'dya pitAmaha
02037005a ity uktavati dharmajJe dharmarAje yudhiSThire
02037005c uvAcedaM vaco bhISmas tataH kurupitAmahaH
02037006a mA bhais tvaM kuruzArdUla zvA siMhaM hantum arhati
02037006c zivaH panthAH sunIto 'tra mayA pUrvataraM vRtaH
02037007a prasupte hi yathA siMhe zvAnas tatra samAgatAH
02037007c bhaSeyuH sahitAH sarve tatheme vasudhAdhipAH
02037008a vRSNisiMhasya suptasya tatheme pramukhe sthitAH
02037008c bhaSante tAta saMkruddhAH zvAnaH siMhasya saMnidhau
02037009a na hi saMbudhyate tAvat suptaH siMha ivAcyutaH
02037009c tena siMhIkaroty etAn nRsiMhaz cedipuMgavaH
02037010a pArthivAn pArthivazreSTha zizupAlo 'lpacetanaH
02037010c sarvAn sarvAtmanA tAta netukAmo yamakSayam
02037011a nUnam etat samAdAtuM punar icchaty adhokSajaH
02037011c yad asya zizupAlasthaM tejas tiSThati bhArata
02037012a viplutA cAsya bhadraM te buddhir buddhimatAM vara
02037012c cedirAjasya kaunteya sarveSAM ca mahIkSitAm
02037013a AdAtuM hi naravyAghro yaM yam icchaty ayaM yadA
02037013c tasya viplavate buddhir evaM cedipater yathA
02037014a caturvidhAnAM bhUtAnAM triSu lokeSu mAdhavaH
02037014c prabhavaz caiva sarveSAM nidhanaM ca yudhiSThira
02037015a iti tasya vacaH zrutvA tataz cedipatir nRpaH
02037015c bhISmaM rUkSAkSarA vAcaH zrAvayAm Asa bhArata
02038001  zizupAla uvAca
02038001a vibhISikAbhir bahvIbhir bhISayan sarvapArthivAn
02038001c na vyapatrapase kasmAd vRddhaH san kulapAMsanaH
02038002a yuktam etat tRtIyAyAM prakRtau vartatA tvayA
02038002c vaktuM dharmAd apetArthaM tvaM hi sarvakurUttamaH
02038003a nAvi naur iva saMbaddhA yathAndho vAndham anviyAt
02038003c tathAbhUtA hi kauravyA bhISma yeSAM tvam agraNIH
02038004a pUtanAghAtapUrvANi karmANy asya vizeSataH
02038004c tvayA kIrtayatAsmAkaM bhUyaH pracyAvitaM manaH
02038005a avaliptasya mUrkhasya kezavaM stotum icchataH
02038005c kathaM bhISma na te jihvA zatadheyaM vidIryate
02038006a yatra kutsA prayoktavyA bhISma bAlatarair naraiH
02038006c tam imaM jJAnavRddhaH san gopaM saMstotum icchasi
02038007a yady anena hatA bAlye zakuniz citram atra kim
02038007c tau vAzvavRSabhau bhISma yau na yuddhavizAradau
02038008a cetanArahitaM kASThaM yady anena nipAtitam
02038008c pAdena zakaTaM bhISma tatra kiM kRtam adbhutam
02038009a valmIkamAtraH saptAhaM yady anena dhRto 'calaH
02038009c tadA govardhano bhISma na tac citraM mataM mama
02038010a bhuktam etena bahv annaM krIDatA nagamUrdhani
02038010c iti te bhISma zRNvAnAH paraM vismayam AgatAH
02038011a yasya cAnena dharmajJa bhuktam annaM balIyasaH
02038011c sa cAnena hataH kaMsa ity etan na mahAdbhutam
02038012a na te zrutam idaM bhISma nUnaM kathayatAM satAm
02038012c yad vakSye tvAm adharmajJa vAkyaM kurukulAdhama
02038013a strISu goSu na zastrANi pAtayed brAhmaNeSu ca
02038013c yasya cAnnAni bhuJjIta yaz ca syAc charaNAgataH
02038014a iti santo 'nuzAsanti sajjanA dharmiNaH sadA
02038014c bhISma loke hi tat sarvaM vitathaM tvayi dRzyate
02038015a jJAnavRddhaM ca vRddhaM ca bhUyAMsaM kezavaM mama
02038015c ajAnata ivAkhyAsi saMstuvan kurusattama
02038015e goghnaH strIghnaz ca san bhISma kathaM saMstavam arhati
02038016a asau matimatAM zreSTho ya eSa jagataH prabhuH
02038016c saMbhAvayati yady evaM tvadvAkyAc ca janArdanaH
02038016e evam etat sarvam iti sarvaM tad vitathaM dhruvam
02038017a na gAthA gAthinaM zAsti bahu ced api gAyati
02038017c prakRtiM yAnti bhUtAni bhUliGgazakunir yathA
02038018a nUnaM prakRtir eSA te jaghanyA nAtra saMzayaH
02038018c ataH pApIyasI caiSAM pANDavAnAm apISyate
02038019a yeSAm arcyatamaH kRSNas tvaM ca yeSAM pradarzakaH
02038019c dharmavAk tvam adharmajJaH satAM mArgAd avaplutaH
02038020a ko hi dharmiNam AtmAnaM jAnaJ jJAnavatAM varaH
02038020c kuryAd yathA tvayA bhISma kRtaM dharmam avekSatA
02038021a anyakAmA hi dharmajJa kanyakA prAjJamAninA
02038021c ambA nAmeti bhadraM te kathaM sApahRtA tvayA
02038022a yAM tvayApahRtAM bhISma kanyAM naiSitavAn nRpaH
02038022c bhrAtA vicitravIryas te satAM vRttam anuSThitaH
02038023a dArayor yasya cAnyena miSataH prAjJamAninaH
02038023c tava jAtAny apatyAni sajjanAcarite pathi
02038024a na hi dharmo 'sti te bhISma brahmacaryam idaM vRthA
02038024c yad dhArayasi mohAd vA klIbatvAd vA na saMzayaH
02038025a na tv ahaM tava dharmajJa pazyAmy upacayaM kva cit
02038025c na hi te sevitA vRddhA ya evaM dharmam abruvan
02038026a iSTaM dattam adhItaM ca yajJAz ca bahudakSiNAH
02038026c sarvam etad apatyasya kalAM nArhati SoDazIm
02038027a vratopavAsair bahubhiH kRtaM bhavati bhISma yat
02038027c sarvaM tad anapatyasya moghaM bhavati nizcayAt
02038028a so 'napatyaz ca vRddhaz ca mithyAdharmAnuzAsanAt
02038028c haMsavat tvam apIdAnIM jJAtibhyaH prApnuyA vadham
02038029a evaM hi kathayanty anye narA jJAnavidaH purA
02038029c bhISma yat tad ahaM samyag vakSyAmi tava zRNvataH
02038030a vRddhaH kila samudrAnte kaz cid dhaMso 'bhavat purA
02038030c dharmavAg anyathAvRttaH pakSiNaH so 'nuzAsti ha
02038031a dharmaM carata mAdharmam iti tasya vacaH kila
02038031c pakSiNaH zuzruvur bhISma satataM dharmavAdinaH
02038032a athAsya bhakSyam AjahruH samudrajalacAriNaH
02038032c aNDajA bhISma tasyAnye dharmArtham iti zuzruma
02038033a tasya caiva samabhyAze nikSipyANDAni sarvazaH
02038033c samudrAmbhasy amodanta caranto bhISma pakSiNaH
02038034a teSAm aNDAni sarveSAM bhakSayAm Asa pApakRt
02038034c sa haMsaH saMpramattAnAm apramattaH svakarmaNi
02038035a tataH prakSIyamANeSu teSv aNDeSv aNDajo 'paraH
02038035c azaGkata mahAprAjJas taM kadA cid dadarza ha
02038036a tataH sa kathayAm Asa dRSTvA haMsasya kilbiSam
02038036c teSAM paramaduHkhArtaH sa pakSI sarvapakSiNAm
02038037a tataH pratyakSato dRSTvA pakSiNas te samAgatAH
02038037c nijaghnus taM tadA haMsaM mithyAvRttaM kurUdvaha
02038038a te tvAM haMsasadharmANam apIme vasudhAdhipAH
02038038c nihanyur bhISma saMkruddhAH pakSiNas tam ivANDajam
02038039a gAthAm apy atra gAyanti ye purANavido janAH
02038039c bhISma yAM tAM ca te samyak kathayiSyAmi bhArata
02038040a antarAtmani vinihite; rauSi patraratha vitatham
02038040c aNDabhakSaNam azuci te; karma vAcam atizayate
02039001  zizupAla uvAca
02039001a sa me bahumato rAjA jarAsaMdho mahAbalaH
02039001c yo 'nena yuddhaM neyeSa dAso 'yam iti saMyuge
02039002a kezavena kRtaM yat tu jarAsaMdhavadhe tadA
02039002c bhImasenArjunAbhyAM ca kas tat sAdhv iti manyate
02039003a advAreNa praviSTena chadmanA brahmavAdinA
02039003c dRSTaH prabhAvaH kRSNena jarAsaMdhasya dhImataH
02039004a yena dharmAtmanAtmAnaM brahmaNyam abhijAnatA
02039004c naiSitaM pAdyam asmai tad dAtum agre durAtmane
02039005a bhujyatAm iti tenoktAH kRSNabhImadhanaMjayAH
02039005c jarAsaMdhena kauravya kRSNena vikRtaM kRtam
02039006a yady ayaM jagataH kartA yathainaM mUrkha manyase
02039006c kasmAn na brAhmaNaM samyag AtmAnam avagacchati
02039007a idaM tv AzcaryabhUtaM me yad ime pANDavAs tvayA
02039007c apakRSTAH satAM mArgAn manyante tac ca sAdhv iti
02039008a atha vA naitad AzcaryaM yeSAM tvam asi bhArata
02039008c strIsadharmA ca vRddhaz ca sarvArthAnAM pradarzakaH
02039009  vaizaMpAyana uvAca
02039009a tasya tad vacanaM zrutvA rUkSaM rUkSAkSaraM bahu
02039009c cukopa balinAM zreSTho bhImasenaH pratApavAn
02039010a tasya padmapratIkAze svabhAvAyatavistRte
02039010c bhUyaH krodhAbhitAmrAnte rakte netre babhUvatuH
02039011a trizikhAM bhrukuTIM cAsya dadRzuH sarvapArthivAH
02039011c lalATasthAM trikUTasthAM gaGgAM tripathagAm iva
02039012a dantAn saMdazatas tasya kopAd dadRzur Ananam
02039012c yugAnte sarvabhUtAni kAlasyeva didhakSataH
02039013a utpatantaM tu vegena jagrAhainaM manasvinam
02039013c bhISma eva mahAbAhur mahAsenam ivezvaraH
02039014a tasya bhImasya bhISmeNa vAryamANasya bhArata
02039014c guruNA vividhair vAkyaiH krodhaH prazamam AgataH
02039015a nAticakrAma bhISmasya sa hi vAkyam ariMdamaH
02039015c samuddhUto ghanApAye velAm iva mahodadhiH
02039016a zizupAlas tu saMkruddhe bhImasene narAdhipa
02039016c nAkampata tadA vIraH pauruSe sve vyavasthitaH
02039017a utpatantaM tu vegena punaH punar ariMdamaH
02039017c na sa taM cintayAm Asa siMhaH kSudramRgaM yathA
02039018a prahasaMz cAbravId vAkyaM cedirAjaH pratApavAn
02039018c bhImasenam atikruddhaM dRSTvA bhImaparAkramam
02039019a muJcainaM bhISma pazyantu yAvad enaM narAdhipAH
02039019c matpratApAgninirdagdhaM pataMgam iva vahninA
02039020a tataz cedipater vAkyaM tac chrutvA kurusattamaH
02039020c bhImasenam uvAcedaM bhISmo matimatAM varaH
02040001  bhISma uvAca
02040001a cedirAjakule jAtas tryakSa eSa caturbhujaH
02040001c rAsabhArAvasadRzaM rurAva ca nanAda ca
02040002a tenAsya mAtApitarau tresatus tau sabAndhavau
02040002c vaikRtaM tac ca tau dRSTvA tyAgAya kurutAM matim
02040003a tataH sabhAryaM nRpatiM sAmAtyaM sapurohitam
02040003c cintAsaMmUDhahRdayaM vAg uvAcAzarIriNI
02040004a eSa te nRpate putraH zrImAJ jAto mahAbalaH
02040004c tasmAd asmAn na bhetavyam avyagraH pAhi vai zizum
02040005a na caivaitasya mRtyus tvaM na kAlaH pratyupasthitaH
02040005c mRtyur hantAsya zastreNa sa cotpanno narAdhipa
02040006a saMzrutyodAhRtaM vAkyaM bhUtam antarhitaM tataH
02040006c putrasnehAbhisaMtaptA jananI vAkyam abravIt
02040007a yenedam IritaM vAkyaM mamaiva tanayaM prati
02040007c prAJjalis taM namasyAmi bravItu sa punar vacaH
02040008a zrotum icchAmi putrasya ko 'sya mRtyur bhaviSyati
02040008c antarhitaM tato bhUtam uvAcedaM punar vacaH
02040009a yenotsaGge gRhItasya bhujAv abhyadhikAv ubhau
02040009c patiSyataH kSititale paJcazIrSAv ivoragau
02040010a tRtIyam etad bAlasya lalATasthaM ca locanam
02040010c nimajjiSyati yaM dRSTvA so 'sya mRtyur bhaviSyati
02040011a tryakSaM caturbhujaM zrutvA tathA ca samudAhRtam
02040011c dharaNyAM pArthivAH sarve abhyagacchan didRkSavaH
02040012a tAn pUjayitvA saMprAptAn yathArhaM sa mahIpatiH
02040012c ekaikasya nRpasyAGke putram Aropayat tadA
02040013a evaM rAjasahasrANAM pRthaktvena yathAkramam
02040013c zizur aGke samArUDho na tat prApa nidarzanam
02040014a tataz cedipuraM prAptau saMkarSaNajanArdanau
02040014c yAdavau yAdavIM draSTuM svasAraM tAM pitus tadA
02040015a abhivAdya yathAnyAyaM yathAjyeSThaM nRpAMz ca tAn
02040015c kuzalAnAmayaM pRSTvA niSaNNau rAmakezavau
02040016a abhyarcitau tadA vIrau prItyA cAbhyadhikaM tataH
02040016c putraM dAmodarotsaGge devI saMnyadadhAt svayam
02040017a nyastamAtrasya tasyAGke bhujAv abhyadhikAv ubhau
02040017c petatus tac ca nayanaM nimamajja lalATajam
02040018a tad dRSTvA vyathitA trastA varaM kRSNam ayAcata
02040018c dadasva me varaM kRSNa bhayArtAyA mahAbhuja
02040019a tvaM hy ArtAnAM samAzvAso bhItAnAm abhayaMkaraH
02040019c pitRSvasAraM mA bhaiSIr ity uvAca janArdanaH
02040020a dadAni kaM varaM kiM vA karavANi pitRSvasaH
02040020c zakyaM vA yadi vAzakyaM kariSyAmi vacas tava
02040021a evam uktA tataH kRSNam abravId yadunandanam
02040021c zizupAlasyAparAdhAn kSamethAs tvaM mahAbala
02040022  kRSNa uvAca
02040022a aparAdhazataM kSAmyaM mayA hy asya pitRSvasaH
02040022c putrasya te vadhArhANAM mA tvaM zoke manaH kRthAH
02040023  bhISma uvAca
02040023a evam eSa nRpaH pApaH zizupAlaH sumandadhIH
02040023c tvAM samAhvayate vIra govindavaradarpitaH
02041001  bhISma uvAca
02041001a naiSA cedipater buddhir yayA tvAhvayate 'cyutam
02041001c nUnam eSa jagadbhartuH kRSNasyaiva vinizcayaH
02041002a ko hi mAM bhImasenAdya kSitAv arhati pArthivaH
02041002c kSeptuM daivaparItAtmA yathaiSa kulapAMsanaH
02041003a eSa hy asya mahAbAho tejoMzaz ca harer dhruvam
02041003c tam eva punar AdAtum icchat pRthuyazA hariH
02041004a yenaiSa kuruzArdUla zArdUla iva cedirAT
02041004c garjaty atIva durbuddhiH sarvAn asmAn acintayan
02041005  vaizaMpAyana uvAca
02041005a tato na mamRSe caidyas tad bhISmavacanaM tadA
02041005c uvAca cainaM saMkruddhaH punar bhISmam athottaram
02041006  zizupAla uvAca
02041006a dviSatAM no 'stu bhISmaiSa prabhAvaH kezavasya yaH
02041006c yasya saMstavavaktA tvaM bandivat satatotthitaH
02041007a saMstavAya mano bhISma pareSAM ramate sadA
02041007c yadi saMstauSi rAjJas tvam imaM hitvA janArdanam
02041008a daradaM stuhi bAhlIkam imaM pArthivasattamam
02041008c jAyamAnena yeneyam abhavad dAritA mahI
02041009a vaGgAGgaviSayAdhyakSaM sahasrAkSasamaM bale
02041009c stuhi karNam imaM bhISma mahAcApavikarSaNam
02041010a droNaM drauNiM ca sAdhu tvaM pitAputrau mahArathau
02041010c stuhi stutyAv imau bhISma satataM dvijasattamau
02041011a yayor anyataro bhISma saMkruddhaH sacarAcarAm
02041011c imAM vasumatIM kuryAd azeSAm iti me matiH
02041012a droNasya hi samaM yuddhe na pazyAmi narAdhipam
02041012c azvatthAmnas tathA bhISma na caitau stotum icchasi
02041013a zalyAdIn api kasmAt tvaM na stauSi vasudhAdhipAn
02041013c stavAya yadi te buddhir vartate bhISma sarvadA
02041014a kiM hi zakyaM mayA kartuM yad vRddhAnAM tvayA nRpa
02041014c purA kathayatAM nUnaM na zrutaM dharmavAdinAm
02041015a AtmanindAtmapUjA ca paranindA parastavaH
02041015c anAcaritam AryANAM vRttam etac caturvidham
02041016a yad astavyam imaM zazvan mohAt saMstauSi bhaktitaH
02041016c kezavaM tac ca te bhISma na kaz cid anumanyate
02041017a kathaM bhojasya puruSe vargapAle durAtmani
02041017c samAvezayase sarvaM jagat kevalakAmyayA
02041018a atha vaiSA na te bhaktiH prakRtiM yAti bhArata
02041018c mayaiva kathitaM pUrvaM bhUliGgazakunir yathA
02041019a bhUliGgazakunir nAma pArzve himavataH pare
02041019c bhISma tasyAH sadA vAcaH zrUyante 'rthavigarhitAH
02041020a mA sAhasam itIdaM sA satataM vAzate kila
02041020c sAhasaM cAtmanAtIva carantI nAvabudhyate
02041021a sA hi mAMsArgalaM bhISma mukhAt siMhasya khAdataH
02041021c dantAntaravilagnaM yat tad Adatte 'lpacetanA
02041022a icchataH sA hi siMhasya bhISma jIvaty asaMzayam
02041022c tadvat tvam apy adharmajJa sadA vAcaH prabhASase
02041023a icchatAM pArthivendrANAM bhISma jIvasy asaMzayam
02041023c lokavidviSTakarmA hi nAnyo 'sti bhavatA samaH
02041024  vaizaMpAyana uvAca
02041024a tataz cedipateH zrutvA bhISmaH sa kaTukaM vacaH
02041024c uvAcedaM vaco rAjaMz cedirAjasya zRNvataH
02041025a icchatAM kila nAmAhaM jIvAmy eSAM mahIkSitAm
02041025c yo 'haM na gaNayAmy etAMs tRNAnIva narAdhipAn
02041026a evam ukte tu bhISmeNa tataH saMcukrudhur nRpAH
02041026c ke cij jahRSire tatra ke cid bhISmaM jagarhire
02041027a ke cid Ucur maheSvAsAH zrutvA bhISmasya tad vacaH
02041027c pApo 'valipto vRddhaz ca nAyaM bhISmo 'rhati kSamAm
02041028a hanyatAM durmatir bhISmaH pazuvat sAdhv ayaM nRpaiH
02041028c sarvaiH sametya saMrabdhair dahyatAM vA kaTAgninA
02041029a iti teSAM vacaH zrutvA tataH kurupitAmahaH
02041029c uvAca matimAn bhISmas tAn eva vasudhAdhipAn
02041030a uktasyoktasya nehAntam ahaM samupalakSaye
02041030c yat tu vakSyAmi tat sarvaM zRNudhvaM vasudhAdhipAH
02041031a pazuvad ghAtanaM vA me dahanaM vA kaTAgninA
02041031c kriyatAM mUrdhni vo nyastaM mayedaM sakalaM padam
02041032a eSa tiSThati govindaH pUjito 'smAbhir acyutaH
02041032c yasya vas tvarate buddhir maraNAya sa mAdhavam
02041033a kRSNam AhvayatAm adya yuddhe zArGgagadAdharam
02041033c yAvad asyaiva devasya dehaM vizatu pAtitaH
02042001  vaizaMpAyana uvAca
02042001a tataH zrutvaiva bhISmasya cedirAD uruvikramaH
02042001c yuyutsur vAsudevena vAsudevam uvAca ha
02042002a Ahvaye tvAM raNaM gaccha mayA sArdhaM janArdana
02042002c yAvad adya nihanmi tvAM sahitaM sarvapANDavaiH
02042003a saha tvayA hi me vadhyAH pANDavAH kRSNa sarvathA
02042003c nRpatIn samatikramya yair arAjA tvam arcitaH
02042004a ye tvAM dAsam arAjAnaM bAlyAd arcanti durmatim
02042004c anarham arhavat kRSNa vadhyAs ta iti me matiH
02042004e ity uktvA rAjazArdUlas tasthau garjann amarSaNaH
02042005a evam ukte tataH kRSNo mRdupUrvam idaM vacaH
02042005c uvAca pArthivAn sarvAMs tatsamakSaM ca pANDavAn
02042006a eSa naH zatrur atyantaM pArthivAH sAtvatIsutaH
02042006c sAtvatAnAM nRzaMsAtmA na hito 'napakAriNAm
02042007a prAgjyotiSapuraM yAtAn asmAJ jJAtvA nRzaMsakRt
02042007c adahad dvArakAm eSa svasrIyaH san narAdhipAH
02042008a krIDato bhojarAjanyAn eSa raivatake girau
02042008c hatvA baddhvA ca tAn sarvAn upAyAt svapuraM purA
02042009a azvamedhe hayaM medhyam utsRSTaM rakSibhir vRtam
02042009c pitur me yajJavighnArtham aharat pApanizcayaH
02042010a sauvIrAn pratipattau ca babhror eSa yazasvinaH
02042010c bhAryAm abhyaharan mohAd akAmAM tAm ito gatAm
02042011a eSa mAyApraticchannaH karUSArthe tapasvinIm
02042011c jahAra bhadrAM vaizAlIM mAtulasya nRzaMsakRt
02042012a pitRSvasuH kRte duHkhaM sumahan marSayAmy aham
02042012c diSTyA tv idaM sarvarAjJAM saMnidhAv adya vartate
02042013a pazyanti hi bhavanto 'dya mayy atIva vyatikramam
02042013c kRtAni tu parokSaM me yAni tAni nibodhata
02042014a imaM tv asya na zakSyAmi kSantum adya vyatikramam
02042014c avalepAd vadhArhasya samagre rAjamaNDale
02042015a rukmiNyAm asya mUDhasya prArthanAsIn mumUrSataH
02042015c na ca tAM prAptavAn mUDhaH zUdro vedazrutiM yathA
02042016a evamAdi tataH sarve sahitAs te narAdhipAH
02042016c vAsudevavacaH zrutvA cedirAjaM vyagarhayan
02042017a tatas tad vacanaM zrutvA zizupAlaH pratApavAn
02042017c jahAsa svanavad dhAsaM prahasyedam uvAca ha
02042018a matpUrvAM rukmiNIM kRSNa saMsatsu parikIrtayan
02042018c vizeSataH pArthiveSu vrIDAM na kuruSe katham
02042019a manyamAno hi kaH satsu puruSaH parikIrtayet
02042019c anyapUrvAM striyaM jAtu tvad anyo madhusUdana
02042020a kSama vA yadi te zraddhA mA vA kRSNa mama kSama
02042020c kruddhAd vApi prasannAd vA kiM me tvatto bhaviSyati
02042021a tathA bruvata evAsya bhagavAn madhusUdanaH
02042021c vyapAharac chiraH kruddhaz cakreNAmitrakarSaNaH
02042021e sa papAta mahAbAhur vajrAhata ivAcalaH
02042022a tataz cedipater dehAt tejo 'gryaM dadRzur nRpAH
02042022c utpatantaM mahArAja gaganAd iva bhAskaram
02042023a tataH kamalapatrAkSaM kRSNaM lokanamaskRtam
02042023c vavande tat tadA tejo viveza ca narAdhipa
02042024a tad adbhutam amanyanta dRSTvA sarve mahIkSitaH
02042024c yad viveza mahAbAhuM tat tejaH puruSottamam
02042025a anabhre pravavarSa dyauH papAta jvalitAzaniH
02042025c kRSNena nihate caidye cacAla ca vasuMdharA
02042026a tataH ke cin mahIpAlA nAbruvaMs tatra kiM cana
02042026c atItavAkpathe kAle prekSamANA janArdanam
02042027a hastair hastAgram apare pratyapISann amarSitAH
02042027c apare dazanair oSThAn adazan krodhamUrchitAH
02042028a rahas tu ke cid vArSNeyaM prazazaMsur narAdhipAH
02042028c ke cid eva tu saMrabdhA madhyasthAs tv apare 'bhavan
02042029a prahRSTAH kezavaM jagmuH saMstuvanto maharSayaH
02042029c brAhmaNAz ca mahAtmAnaH pArthivAz ca mahAbalAH
02042030a pANDavas tv abravId bhrAtqn satkAreNa mahIpatim
02042030c damaghoSAtmajaM vIraM saMsAdhayata mA ciram
02042030e tathA ca kRtavantas te bhrAtur vai zAsanaM tadA
02042031a cedInAm Adhipatye ca putram asya mahIpatim
02042031c abhyaSiJcat tadA pArthaH saha tair vasudhAdhipaiH
02042032a tataH sa kururAjasya kratuH sarvasamRddhimAn
02042032c yUnAM prItikaro rAjan saMbabhau vipulaujasaH
02042033a zAntavighnaH sukhArambhaH prabhUtadhanadhAnyavAn
02042033c annavAn bahubhakSyaz ca kezavena surakSitaH
02042034a samApayAm Asa ca taM rAjasUyaM mahAkratum
02042034c taM tu yajJaM mahAbAhur A samApter janArdanaH
02042034e rarakSa bhagavAJ zauriH zArGgacakragadAdharaH
02042035a tatas tv avabhRthasnAtaM dharmarAjaM yudhiSThiram
02042035c samastaM pArthivaM kSatram abhigamyedam abravIt
02042036a diSTyA vardhasi dharmajJa sAmrAjyaM prAptavAn vibho
02042036c AjamIDhAjamIDhAnAM yazaH saMvardhitaM tvayA
02042036e karmaNaitena rAjendra dharmaz ca sumahAn kRtaH
02042037a ApRcchAmo naravyAghra sarvakAmaiH supUjitAH
02042037c svarASTrANi gamiSyAmas tad anujJAtum arhasi
02042038a zrutvA tu vacanaM rAjJAM dharmarAjo yudhiSThiraH
02042038c yathArhaM pUjya nRpatIn bhrAtqn sarvAn uvAca ha
02042039a rAjAnaH sarva evaite prItyAsmAn samupAgatAH
02042039c prasthitAH svAni rASTrANi mAm ApRcchya paraMtapAH
02042039e te 'nuvrajata bhadraM vo viSayAntaM nRpottamAn
02042040a bhrAtur vacanam AjJAya pANDavA dharmacAriNaH
02042040c yathArhaM nRpamukhyAMs tAn ekaikaM samanuvrajan
02042041a virATam anvayAt tUrNaM dhRSTadyumnaH pratApavAn
02042041c dhanaMjayo yajJasenaM mahAtmAnaM mahArathaH
02042042a bhISmaM ca dhRtarASTraM ca bhImaseno mahAbalaH
02042042c droNaM ca sasutaM vIraM sahadevo mahArathaH
02042043a nakulaH subalaM rAjan sahaputraM samanvayAt
02042043c draupadeyAH sasaubhadrAH pArvatIyAn mahIpatIn
02042044a anvagacchaMs tathaivAnyAn kSatriyAn kSatriyarSabhAH
02042044c evaM saMpUjitAs te vai jagmur viprAz ca sarvazaH
02042045a gateSu pArthivendreSu sarveSu bharatarSabha
02042045c yudhiSThiram uvAcedaM vAsudevaH pratApavAn
02042046a ApRcche tvAM gamiSyAmi dvArakAM kurunandana
02042046c rAjasUyaM kratuzreSThaM diSTyA tvaM prAptavAn asi
02042047a tam uvAcaivam uktas tu dharmarAN madhusUdanam
02042047c tava prasAdAd govinda prAptavAn asmi vai kratum
02042048a samastaM pArthivaM kSatraM tvatprasAdAd vazAnugam
02042048c upAdAya baliM mukhyaM mAm eva samupasthitam
02042049a na vayaM tvAm Rte vIra raMsyAmeha kathaM cana
02042049c avazyaM cApi gantavyA tvayA dvAravatI purI
02042050a evam uktaH sa dharmAtmA yudhiSThirasahAyavAn
02042050c abhigamyAbravIt prItaH pRthAM pRthuyazA hariH
02042051a sAmrAjyaM samanuprAptAH putrAs te 'dya pitRSvasaH
02042051c siddhArthA vasumantaz ca sA tvaM prItim avApnuhi
02042052a anujJAtas tvayA cAhaM dvArakAM gantum utsahe
02042052c subhadrAM draupadIM caiva sabhAjayata kezavaH
02042053a niSkramyAntaHpurAc caiva yudhiSThirasahAyavAn
02042053c snAtaz ca kRtajapyaz ca brAhmaNAn svasti vAcya ca
02042054a tato meghavaraprakhyaM syandanaM vai sukalpitam
02042054c yojayitvA mahArAja dArukaH pratyupasthitaH
02042055a upasthitaM rathaM dRSTvA tArkSyapravaraketanam
02042055c pradakSiNam upAvRtya samAruhya mahAmanAH
02042055e prayayau puNDarIkAkSas tato dvAravatIM purIm
02042056a taM padbhyAm anuvavrAja dharmarAjo yudhiSThiraH
02042056c bhrAtRbhiH sahitaH zrImAn vAsudevaM mahAbalam
02042057a tato muhUrtaM saMgRhya syandanapravaraM hariH
02042057c abravIt puNDarIkAkSaH kuntIputraM yudhiSThiram
02042058a apramattaH sthito nityaM prajAH pAhi vizAM pate
02042058c parjanyam iva bhUtAni mahAdrumam ivANDajAH
02042058e bAndhavAs tvopajIvantu sahasrAkSam ivAmarAH
02042059a kRtvA paraspareNaivaM saMvidaM kRSNapANDavau
02042059c anyonyaM samanujJApya jagmatuH svagRhAn prati
02042060a gate dvAravatIM kRSNe sAtvatapravare nRpa
02042060c eko duryodhano rAjA zakuniz cApi saubalaH
02042060e tasyAM sabhAyAM divyAyAm USatus tau nararSabhau
02043001  vaizaMpAyana uvAca
02043001a vasan duryodhanas tasyAM sabhAyAM bharatarSabha
02043001c zanair dadarza tAM sarvAM sabhAM zakuninA saha
02043002a tasyAM divyAn abhiprAyAn dadarza kurunandanaH
02043002c na dRSTapUrvA ye tena nagare nAgasAhvaye
02043003a sa kadA cit sabhAmadhye dhArtarASTro mahIpatiH
02043003c sphATikaM talam AsAdya jalam ity abhizaGkayA
02043004a svavastrotkarSaNaM rAjA kRtavAn buddhimohitaH
02043004c durmanA vimukhaz caiva paricakrAma tAM sabhAm
02043005a tataH sphATikatoyAM vai sphATikAmbujazobhitAm
02043005c vApIM matvA sthalam iti savAsAH prApataj jale
02043006a jale nipatitaM dRSTvA kiMkarA jahasur bhRzam
02043006c vAsAMsi ca zubhAny asmai pradadU rAjazAsanAt
02043007a tathAgataM tu taM dRSTvA bhImaseno mahAbalaH
02043007c arjunaz ca yamau cobhau sarve te prAhasaMs tadA
02043008a nAmarSayat tatas teSAm avahAsam amarSaNaH
02043008c AkAraM rakSamANas tu na sa tAn samudaikSata
02043009a punar vasanam utkSipya pratariSyann iva sthalam
02043009c Aruroha tataH sarve jahasus te punar janAH
02043010a dvAraM ca vivRtAkAraM lalATena samAhanat
02043010c saMvRtaM ceti manvAno dvAradezAd upAramat
02043011a evaM pralambhAn vividhAn prApya tatra vizAM pate
02043011c pANDaveyAbhyanujJAtas tato duryodhano nRpaH
02043012a aprahRSTena manasA rAjasUye mahAkratau
02043012c prekSya tAm adbhutAm RddhiM jagAma gajasAhvayam
02043013a pANDavazrIprataptasya dhyAnaglAnasya gacchataH
02043013c duryodhanasya nRpateH pApA matir ajAyata
02043014a pArthAn sumanaso dRSTvA pArthivAMz ca vazAnugAn
02043014c kRtsnaM cApi hitaM lokam AkumAraM kurUdvaha
02043015a mahimAnaM paraM cApi pANDavAnAM mahAtmanAm
02043015c duryodhano dhArtarASTro vivarNaH samapadyata
02043016a sa tu gacchann anekAgraH sabhAm evAnucintayan
02043016c zriyaM ca tAm anupamAM dharmarAjasya dhImataH
02043017a pramatto dhRtarASTrasya putro duryodhanas tadA
02043017c nAbhyabhASat subalajaM bhASamANaM punaH punaH
02043018a anekAgraM tu taM dRSTvA zakuniH pratyabhASata
02043018c duryodhana kutomUlaM niHzvasann iva gacchasi
02043019  duryodhana uvAca
02043019a dRSTvemAM pRthivIM kRtsnAM yudhiSThiravazAnugAm
02043019c jitAm astrapratApena zvetAzvasya mahAtmanaH
02043020a taM ca yajJaM tathAbhUtaM dRSTvA pArthasya mAtula
02043020c yathA zakrasya deveSu tathAbhUtaM mahAdyute
02043021a amarSeNa susaMpUrNo dahyamAno divAnizam
02043021c zucizukrAgame kAle zuSye toyam ivAlpakam
02043022a pazya sAtvatamukhyena zizupAlaM nipAtitam
02043022c na ca tatra pumAn AsIt kaz cit tasya padAnugaH
02043023a dahyamAnA hi rAjAnaH pANDavotthena vahninA
02043023c kSAntavanto 'parAdhaM taM ko hi taM kSantum arhati
02043024a vAsudevena tat karma tathAyuktaM mahat kRtam
02043024c siddhaM ca pANDaveyAnAM pratApena mahAtmanAm
02043025a tathA hi ratnAny AdAya vividhAni nRpA nRpam
02043025c upatiSThanti kaunteyaM vaizyA iva karapradAH
02043026a zriyaM tathAvidhAM dRSTvA jvalantIm iva pANDave
02043026c amarSavazam Apanno dahye 'ham atathocitaH
02043027a vahnim eva pravekSyAmi bhakSayiSyAmi vA viSam
02043027c apo vApi pravekSyAmi na hi zakSyAmi jIvitum
02043028a ko hi nAma pumA&l loke marSayiSyati sattvavAn
02043028c sapatnAn Rdhyato dRSTvA hAnim Atmana eva ca
02043029a so 'haM na strI na cApy astrI na pumAn nApumAn api
02043029c yo 'haM tAM marSayAmy adya tAdRzIM zriyam AgatAm
02043030a IzvaratvaM pRthivyAz ca vasumattAM ca tAdRzIm
02043030c yajJaM ca tAdRzaM dRSTvA mAdRzaH ko na saMjvaret
02043031a azaktaz caika evAhaM tAm AhartuM nRpazriyam
02043031c sahAyAMz ca na pazyAmi tena mRtyuM vicintaye
02043032a daivam eva paraM manye pauruSaM tu nirarthakam
02043032c dRSTvA kuntIsute zubhrAM zriyaM tAm AhRtAM tathA
02043033a kRto yatno mayA pUrvaM vinAze tasya saubala
02043033c tac ca sarvam atikramya sa vRddho 'psv iva paGkajam
02043034a tena daivaM paraM manye pauruSaM tu nirarthakam
02043034c dhArtarASTrA hi hIyante pArthA vardhanti nityazaH
02043035a so 'haM zriyaM ca tAM dRSTvA sabhAM tAM ca tathAvidhAm
02043035c rakSibhiz cAvahAsaM taM paritapye yathAgninA
02043036a sa mAm abhyanujAnIhi mAtulAdya suduHkhitam
02043036c amarSaM ca samAviSTaM dhRtarASTre nivedaya
02044001  zakunir uvAca
02044001a duryodhana na te 'marSaH kAryaH prati yudhiSThiram
02044001c bhAgadheyAni hi svAni pANDavA bhuJjate sadA
02044002a anekair abhyupAyaiz ca tvayArabdhAH purAsakRt
02044002c vimuktAz ca naravyAghrA bhAgadheyapuraskRtAH
02044003a tair labdhA draupadI bhAryA drupadaz ca sutaiH saha
02044003c sahAyaH pRthivIlAbhe vAsudevaz ca vIryavAn
02044004a labdhaz ca nAbhibhUto 'rthaH pitryo 'MzaH pRthivIpate
02044004c vivRddhas tejasA teSAM tatra kA paridevanA
02044005a dhanaMjayena gANDIvam akSayyau ca maheSudhI
02044005c labdhAny astrANi divyAni tarpayitvA hutAzanam
02044006a tena kArmukamukhyena bAhuvIryeNa cAtmanaH
02044006c kRtA vaze mahIpAlAs tatra kA paridevanA
02044007a agnidAhAn mayaM cApi mokSayitvA sa dAnavam
02044007c sabhAM tAM kArayAm Asa savyasAcI paraMtapaH
02044008a tena caiva mayenoktAH kiMkarA nAma rAkSasAH
02044008c vahanti tAM sabhAM bhImAs tatra kA paridevanA
02044009a yac cAsahAyatAM rAjann uktavAn asi bhArata
02044009c tan mithyA bhrAtaro hIme sahAyAs te mahArathAH
02044010a droNas tava maheSvAsaH saha putreNa dhImatA
02044010c sUtaputraz ca rAdheyo gautamaz ca mahArathaH
02044011a ahaM ca saha sodaryaiH saumadattiz ca vIryavAn
02044011c etais tvaM sahitaH sarvair jaya kRtsnAM vasuMdharAm
02044012  duryodhana uvAca
02044012a tvayA ca sahito rAjann etaiz cAnyair mahArathaiH
02044012c etAn eva vijeSyAmi yadi tvam anumanyase
02044013a eteSu vijiteSv adya bhaviSyati mahI mama
02044013c sarve ca pRthivIpAlAH sabhA sA ca mahAdhanA
02044014  zakunir uvAca
02044014a dhanaMjayo vAsudevo bhImaseno yudhiSThiraH
02044014c nakulaH sahadevaz ca drupadaz ca sahAtmajaiH
02044015a naite yudhi balAj jetuM zakyAH suragaNair api
02044015c mahArathA maheSvAsAH kRtAstrA yuddhadurmadAH
02044016a ahaM tu tad vijAnAmi vijetuM yena zakyate
02044016c yudhiSThiraM svayaM rAjaMs tan nibodha juSasva ca
02044017  duryodhana uvAca
02044017a apramAdena suhRdAm anyeSAM ca mahAtmanAm
02044017c yadi zakyA vijetuM te tan mamAcakSva mAtula
02044018  zakunir uvAca
02044018a dyUtapriyaz ca kaunteyo na ca jAnAti devitum
02044018c samAhUtaz ca rAjendro na zakSyati nivartitum
02044019a devane kuzalaz cAhaM na me 'sti sadRzo bhuvi
02044019c triSu lokeSu kaunteyaM taM tvaM dyUte samAhvaya
02044020a tasyAkSakuzalo rAjann AdAsye 'ham asaMzayam
02044020c rAjyaM zriyaM ca tAM dIptAM tvadarthaM puruSarSabha
02044021a idaM tu sarvaM tvaM rAjJe duryodhana nivedaya
02044021c anujJAtas tu te pitrA vijeSye taM na saMzayaH
02044022  duryodhana uvAca
02044022a tvam eva kurumukhyAya dhRtarASTrAya saubala
02044022c nivedaya yathAnyAyaM nAhaM zakSye nizaMsitum
02045001  vaizaMpAyana uvAca
02045001a anubhUya tu rAjJas taM rAjasUyaM mahAkratum
02045001c yudhiSThirasya nRpater gAndhArIputrasaMyutaH
02045002a priyakRn matam AjJAya pUrvaM duryodhanasya tat
02045002c prajJAcakSuSam AsInaM zakuniH saubalas tadA
02045003a duryodhanavacaH zrutvA dhRtarASTraM janAdhipam
02045003c upagamya mahAprAjJaM zakunir vAkyam abravIt
02045004a duryodhano mahArAja vivarNo hariNaH kRzaH
02045004c dInaz cintAparaz caiva tad viddhi bharatarSabha
02045005a na vai parIkSase samyag asahyaM zatrusaMbhavam
02045005c jyeSThaputrasya zokaM tvaM kimarthaM nAvabudhyase
02045006  dhRtarASTra uvAca
02045006a duryodhana kutomUlaM bhRzam Arto 'si putraka
02045006c zrotavyaz cen mayA so 'rtho brUhi me kurunandana
02045007a ayaM tvAM zakuniH prAha vivarNaM hariNaM kRzam
02045007c cintayaMz ca na pazyAmi zokasya tava saMbhavam
02045008a aizvaryaM hi mahat putra tvayi sarvaM samarpitam
02045008c bhrAtaraH suhRdaz caiva nAcaranti tavApriyam
02045009a AcchAdayasi prAvArAn aznAsi pizitaudanam
02045009c AjAneyA vahanti tvAM kenAsi hariNaH kRzaH
02045010a zayanAni mahArhANi yoSitaz ca manoramAH
02045010c guNavanti ca vezmAni vihArAz ca yathAsukham
02045011a devAnAm iva te sarvaM vAci baddhaM na saMzayaH
02045011c sa dIna iva durdharSaH kasmAc chocasi putraka
02045012  duryodhana uvAca
02045012a aznAmy AcchAdaye cAhaM yathA kupuruSas tathA
02045012c amarSaM dhAraye cograM titikSan kAlaparyayam
02045013a amarSaNaH svAH prakRtIr abhibhUya pare sthitAH
02045013c klezAn mumukSuH parajAn sa vai puruSa ucyate
02045014a saMtoSo vai zriyaM hanti abhimAnaz ca bhArata
02045014c anukrozabhaye cobhe yair vRto nAznute mahat
02045015a na mAm avati tad bhuktaM zriyaM dRSTvA yudhiSThire
02045015c jvalantIm iva kaunteye vivarNakaraNIM mama
02045016a sapatnAn Rdhyato ''tmAnaM hIyamAnaM nizAmya ca
02045016c adRzyAm api kaunteye sthitAM pazyann ivodyatAm
02045016e tasmAd ahaM vivarNaz ca dInaz ca hariNaH kRzaH
02045017a aSTAzItisahasrANi snAtakA gRhamedhinaH
02045017c triMzaddAsIka ekaiko yAn bibharti yudhiSThiraH
02045018a dazAnyAni sahasrANi nityaM tatrAnnam uttamam
02045018c bhuJjate rukmapAtrIbhir yudhiSThiranivezane
02045019a kadalImRgamokAni kRSNazyAmAruNAni ca
02045019c kAmbojaH prAhiNot tasmai parArdhyAn api kambalAn
02045020a rathayoSidgavAzvasya zatazo 'tha sahasrazaH
02045020c triMzataM coSTravAmInAM zatAni vicaranty uta
02045021a pRthagvidhAni ratnAni pArthivAH pRthivIpate
02045021c Aharan kratumukhye 'smin kuntIputrAya bhUrizaH
02045022a na kva cid dhi mayA dRSTas tAdRzo naiva ca zrutaH
02045022c yAdRg dhanAgamo yajJe pANDuputrasya dhImataH
02045023a aparyantaM dhanaughaM taM dRSTvA zatror ahaM nRpa
02045023c zarma naivAdhigacchAmi cintayAno 'nizaM vibho
02045024a brAhmaNA vATadhAnAz ca gomantaH zatasaMghazaH
02045024c traikharvaM balim AdAya dvAri tiSThanti vAritAH
02045025a kamaNDalUn upAdAya jAtarUpamayAJ zubhAn
02045025c evaM baliM samAdAya pravezaM lebhire tataH
02045026a yan naiva madhu zakrAya dhArayanty amarastriyaH
02045026c tad asmai kAMsyam AhArSId vAruNaM kalazodadhiH
02045027a zaikyaM rukmasahasrasya bahuratnavibhUSitam
02045027c dRSTvA ca mama tat sarvaM jvararUpam ivAbhavat
02045028a gRhItvA tat tu gacchanti samudrau pUrvadakSiNau
02045028c tathaiva pazcimaM yAnti gRhItvA bharatarSabha
02045029a uttaraM tu na gacchanti vinA tAta patatribhiH
02045029c idaM cAdbhutam atrAsIt tan me nigadataH zRNu
02045030a pUrNe zatasahasre tu viprANAM pariviSyatAm
02045030c sthApitA tatra saMjJAbhUc chaGkho dhmAyati nityazaH
02045031a muhur muhuH praNadatas tasya zaGkhasya bhArata
02045031c uttamaM zabdam azrauSaM tato romANi me 'hRSan
02045032a pArthivair bahubhiH kIrNam upasthAnaM didRkSubhiH
02045032c sarvaratnAny upAdAya pArthivA vai janezvara
02045033a yajJe tasya mahArAja pANDuputrasya dhImataH
02045033c vaizyA iva mahIpAlA dvijAtipariveSakAH
02045034a na sA zrIr devarAjasya yamasya varuNasya vA
02045034c guhyakAdhipater vApi yA zrI rAjan yudhiSThire
02045035a tAM dRSTvA pANDuputrasya zriyaM paramikAm aham
02045035c zAntiM na parigacchAmi dahyamAnena cetasA
02045036  zakunir uvAca
02045036a yAm etAm uttamAM lakSmIM dRSTavAn asi pANDave
02045036c tasyAH prAptAv upAyaM me zRNu satyaparAkrama
02045037a aham akSeSv abhijJAtaH pRthivyAm api bhArata
02045037c hRdayajJaH paNajJaz ca vizeSajJaz ca devane
02045038a dyUtapriyaz ca kaunteyo na ca jAnAti devitum
02045038c AhUtaz caiSyati vyaktaM dIvyAvety Ahvayasva tam
02045039  vaizaMpAyana uvAca
02045039a evam uktaH zakuninA rAjA duryodhanas tadA
02045039c dhRtarASTram idaM vAkyam apadAntaram abravIt
02045040a ayam utsahate rAjaJ zriyam Ahartum akSavit
02045040c dyUtena pANDuputrasya tad anujJAtum arhasi
02045041  dhRtarASTra uvAca
02045041a kSattA mantrI mahAprAjJaH sthito yasyAsmi zAsane
02045041c tena saMgamya vetsyAmi kAryasyAsya vinizcayam
02045042a sa hi dharmaM puraskRtya dIrghadarzI paraM hitam
02045042c ubhayoH pakSayor yuktaM vakSyaty arthavinizcayam
02045043  duryodhana uvAca
02045043a nivartayiSyati tvAsau yadi kSattA sameSyati
02045043c nivRtte tvayi rAjendra mariSye 'ham asaMzayam
02045044a sa mayi tvaM mRte rAjan vidureNa sukhI bhava
02045044c bhokSyase pRthivIM kRtsnAM kiM mayA tvaM kariSyasi
02045045  vaizaMpAyana uvAca
02045045a ArtavAkyaM tu tat tasya praNayoktaM nizamya saH
02045045c dhRtarASTro 'bravIt preSyAn duryodhanamate sthitaH
02045046a sthUNAsahasrair bRhatIM zatadvArAM sabhAM mama
02045046c manoramAM darzanIyAm Azu kurvantu zilpinaH
02045047a tataH saMstIrya ratnais tAm akSAn AvApya sarvazaH
02045047c sukRtAM supravezAM ca nivedayata me zanaiH
02045048a duryodhanasya zAntyartham iti nizcitya bhUmipaH
02045048c dhRtarASTro mahArAja prAhiNod vidurAya vai
02045049a apRSTvA viduraM hy asya nAsIt kaz cid vinizcayaH
02045049c dyUtadoSAMz ca jAnan sa putrasnehAd akRSyata
02045050a tac chrutvA viduro dhImAn kalidvAram upasthitam
02045050c vinAzamukham utpannaM dhRtarASTram upAdravat
02045051a so 'bhigamya mahAtmAnaM bhrAtA bhrAtaram agrajam
02045051c mUrdhnA praNamya caraNAv idaM vacanam abravIt
02045052a nAbhinandAmi te rAjan vyavasAyam imaM prabho
02045052c putrair bhedo yathA na syAd dyUtahetos tathA kuru
02045053  dhRtarASTra uvAca
02045053a kSattaH putreSu putrair me kalaho na bhaviSyati
02045053c divi devAH prasAdaM naH kariSyanti na saMzayaH
02045054a azubhaM vA zubhaM vApi hitaM vA yadi vAhitam
02045054c pravartatAM suhRddyUtaM diSTam etan na saMzayaH
02045055a mayi saMnihite caiva bhISme ca bharatarSabhe
02045055c anayo daivavihito na kathaM cid bhaviSyati
02045056a gaccha tvaM ratham AsthAya hayair vAtasamair jave
02045056c khANDavaprastham adyaiva samAnaya yudhiSThiram
02045057a na vAryo vyavasAyo me viduraitad bravImi te
02045057c daivam eva paraM manye yenaitad upapadyate
02045058a ity ukto viduro dhImAn naitad astIti cintayan
02045058c ApageyaM mahAprAjJam abhyagacchat suduHkhitaH
02046001  janamejaya uvAca
02046001a kathaM samabhavad dyUtaM bhrAtqNAM tan mahAtyayam
02046001c yatra tad vyasanaM prAptaM pANDavair me pitAmahaiH
02046002a ke ca tatra sabhAstArA rAjAno brahmavittama
02046002c ke cainam anvamodanta ke cainaM pratyaSedhayan
02046003a vistareNaitad icchAmi kathyamAnaM tvayA dvija
02046003c mUlaM hy etad vinAzasya pRthivyA dvijasattama
02046004  sUta uvAca
02046004a evam uktas tadA rAjJA vyAsaziSyaH pratApavAn
02046004c AcacakSe yathAvRttaM tat sarvaM sarvavedavit
02046005  vaizaMpAyana uvAca
02046005a zRNu me vistareNemAM kathAM bharatasattama
02046005c bhUya eva mahArAja yadi te zravaNe matiH
02046006a vidurasya mataM jJAtvA dhRtarASTro 'mbikAsutaH
02046006c duryodhanam idaM vAkyam uvAca vijane punaH
02046007a alaM dyUtena gAndhAre viduro na prazaMsati
02046007c na hy asau sumahAbuddhir ahitaM no vadiSyati
02046008a hitaM hi paramaM manye viduro yat prabhASate
02046008c kriyatAM putra tat sarvam etan manye hitaM tava
02046009a devarSir vAsavagurur devarAjAya dhImate
02046009c yat prAha zAstraM bhagavAn bRhaspatir udAradhIH
02046010a tad veda viduraH sarvaM sarahasyaM mahAkaviH
02046010c sthitaz ca vacane tasya sadAham api putraka
02046011a viduro vApi medhAvI kurUNAM pravaro mataH
02046011c uddhavo vA mahAbuddhir vRSNInAm arcito nRpa
02046012a dyUtena tad alaM putra dyUte bhedo hi dRzyate
02046012c bhede vinAzo rAjyasya tat putra parivarjaya
02046013a pitrA mAtrA ca putrasya yad vai kAryaM paraM smRtam
02046013c prAptas tvam asi tat tAta pitRpaitAmahaM padam
02046014a adhItavAn kRtI zAstre lAlitaH satataM gRhe
02046014c bhrAtRjyeSThaH sthito rAjye vindase kiM na zobhanam
02046015a pRthagjanair alabhyaM yad bhojanAcchAdanaM param
02046015c tat prApto 'si mahAbAho kasmAc chocasi putraka
02046016a sphItaM rASTraM mahAbAho pitRpaitAmahaM mahat
02046016c nityam AjJApayan bhAsi divi devezvaro yathA
02046017a tasya te viditaprajJa zokamUlam idaM katham
02046017c samutthitaM duHkhataraM tan me zaMsitum arhasi
02046018  duryodhana uvAca
02046018a aznAmy AcchAdayAmIti prapazyan pApapUruSaH
02046018c nAmarSaM kurute yas tu puruSaH so 'dhamaH smRtaH
02046019a na mAM prINAti rAjendra lakSmIH sAdhAraNA vibho
02046019c jvalitAm iva kaunteye zriyaM dRSTvA ca vivyathe
02046020a sarvAM hi pRthivIM dRSTvA yudhiSThiravazAnugAm
02046020c sthiro 'smi yo 'haM jIvAmi duHkhAd etad bravImi te
02046021a AvarjitA ivAbhAnti nighnAz caitrakikaukurAH
02046021c kAraskarA lohajaGghA yudhiSThiranivezane
02046022a himavatsAgarAnUpAH sarvaratnAkarAs tathA
02046022c antyAH sarve paryudastA yudhiSThiranivezane
02046023a jyeSTho 'yam iti mAM matvA zreSThaz ceti vizAM pate
02046023c yudhiSThireNa satkRtya yukto ratnaparigrahe
02046024a upasthitAnAM ratnAnAM zreSThAnAm arghahAriNAm
02046024c nAdRzyata paraH prAnto nAparas tatra bhArata
02046025a na me hastaH samabhavad vasu tat pratigRhNataH
02046025c prAtiSThanta mayi zrAnte gRhya dUrAhRtaM vasu
02046026a kRtAM bindusaroratnair mayena sphATikacchadAm
02046026c apazyaM nalinIM pUrNAm udakasyeva bhArata
02046027a vastram utkarSati mayi prAhasat sa vRkodaraH
02046027c zatror RddhivizeSeNa vimUDhaM ratnavarjitam
02046028a tatra sma yadi zaktaH syAM pAtayeyaM vRkodaram
02046028c sapatnenAvahAso hi sa mAM dahati bhArata
02046029a punaz ca tAdRzIm eva vApIM jalajazAlinIm
02046029c matvA zilAsamAM toye patito 'smi narAdhipa
02046030a tatra mAM prAhasat kRSNaH pArthena saha sasvanam
02046030c draupadI ca saha strIbhir vyathayantI mano mama
02046031a klinnavastrasya ca jale kiMkarA rAjacoditAH
02046031c dadur vAsAMsi me 'nyAni tac ca duHkhataraM mama
02046032a pralambhaM ca zRNuSvAnyaM gadato me narAdhipa
02046032c advAreNa vinirgacchan dvArasaMsthAnarUpiNA
02046032e abhihatya zilAM bhUyo lalATenAsmi vikSataH
02046033a tatra mAM yamajau dUrAd Alokya lalitau kila
02046033c bAhubhiH parigRhNItAM zocantau sahitAv ubhau
02046034a uvAca sahadevas tu tatra mAM vismayann iva
02046034c idaM dvAram ito gaccha rAjann iti punaH punaH
02046035a nAmadheyAni ratnAnAM purastAn na zrutAni me
02046035c yAni dRSTAni me tasyAM manas tapati tac ca me
02047001  duryodhana uvAca
02047001a yan mayA pANDavAnAM tu dRSTaM tac chRNu bhArata
02047001c AhRtaM bhUmipAlair hi vasu mukhyaM tatas tataH
02047002a na vinde dRDham AtmAnaM dRSTvAhaM tad arer dhanam
02047002c phalato bhUmito vApi pratipadyasva bhArata
02047003a aiDAMz cailAn vArSadaMzAJ jAtarUpapariSkRtAn
02047003c prAvArAjinamukhyAMz ca kAmbojaH pradadau vasu
02047004a azvAMs tittirikalmASAMs trizataM zukanAsikAn
02047004c uSTravAmIs trizataM ca puSTAH pIluzamIGgudaiH
02047005a govAsanA brAhmaNAz ca dAsamIyAz ca sarvazaH
02047005c prItyarthaM te mahAbhAgA dharmarAjJo mahAtmanaH
02047005e trikharvaM balim AdAya dvAri tiSThanti vAritAH
02047006a kamaNDalUn upAdAya jAtarUpamayAJ zubhAn
02047006c evaM baliM pradAyAtha pravezaM lebhire tataH
02047007a zataM dAsIsahasrANAM kArpAsikanivAsinAm
02047007c zyAmAs tanvyo dIrghakezyo hemAbharaNabhUSitAH
02047007e zUdrA viprottamArhANi rAGkavAny ajinAni ca
02047008a baliM ca kRtsnam AdAya bharukacchanivAsinaH
02047008c upaninyur mahArAja hayAn gAndhAradezajAn
02047009a indrakRSTair vartayanti dhAnyair nadImukhaiz ca ye
02047009c samudraniSkuTe jAtAH parisindhu ca mAnavAH
02047010a te vairAmAH pAradAz ca vaGgAz ca kitavaiH saha
02047010c vividhaM balim AdAya ratnAni vividhAni ca
02047011a ajAvikaM gohiraNyaM kharoSTraM phalajaM madhu
02047011c kambalAn vividhAMz caiva dvAri tiSThanti vAritAH
02047012a prAgjyotiSAdhipaH zUro mlecchAnAm adhipo balI
02047012c yavanaiH sahito rAjA bhagadatto mahArathaH
02047013a AjAneyAn hayAJ zIghrAn AdAyAnilaraMhasaH
02047013c baliM ca kRtsnam AdAya dvAri tiSThati vAritaH
02047014a azmasAramayaM bhANDaM zuddhadantatsarUn asIn
02047014c prAgjyotiSo 'tha tad dattvA bhagadatto 'vrajat tadA
02047015a dvyakSAMs tryakSA&l lalATAkSAn nAnAdigbhyaH samAgatAn
02047015c auSNISAn anivAsAMz ca bAhukAn puruSAdakAn
02047016a ekapAdAMz ca tatrAham apazyaM dvAri vAritAn
02047016c balyarthaM dadatas tasmai hiraNyaM rajataM bahu
02047017a indragopakavarNAbhAJ zukavarNAn manojavAn
02047017c tathaivendrAyudhanibhAn saMdhyAbhrasadRzAn api
02047018a anekavarNAn AraNyAn gRhItvAzvAn manojavAn
02047018c jAtarUpam anarghyaM ca dadus tasyaikapAdakAH
02047019a cInAn hUNAJ zakAn oDrAn parvatAntaravAsinaH
02047019c vArSNeyAn hArahUNAMz ca kRSNAn haimavatAMs tathA
02047020a na pArayAmy abhigatAn vividhAn dvAri vAritAn
02047020c balyarthaM dadatas tasya nAnArUpAn anekazaH
02047021a kRSNagrIvAn mahAkAyAn rAsabhAJ zatapAtinaH
02047021c AhArSur dazasAhasrAn vinItAn dikSu vizrutAn
02047022a pramANarAgasparzADhyaM bAhlIcInasamudbhavam
02047022c aurNaM ca rAGkavaM caiva kITajaM paTTajaM tathA
02047023a kuTTIkRtaM tathaivAnyat kamalAbhaM sahasrazaH
02047023c zlakSNaM vastram akArpAsam AvikaM mRdu cAjinam
02047024a nizitAMz caiva dIrghAsIn RSTizaktiparazvadhAn
02047024c aparAntasamudbhUtAMs tathaiva parazUJ zitAn
02047025a rasAn gandhAMz ca vividhAn ratnAni ca sahasrazaH
02047025c baliM ca kRtsnam AdAya dvAri tiSThanti vAritAH
02047026a zakAs tukhArAH kaGkAz ca romazAH zRGgiNo narAH
02047026c mahAgamAn dUragamAn gaNitAn arbudaM hayAn
02047027a koTizaz caiva bahuzaH suvarNaM padmasaMmitam
02047027c balim AdAya vividhaM dvAri tiSThanti vAritAH
02047028a AsanAni mahArhANi yAnAni zayanAni ca
02047028c maNikAJcanacitrANi gajadantamayAni ca
02047029a rathAMz ca vividhAkArAJ jAtarUpapariSkRtAn
02047029c hayair vinItaiH saMpannAn vaiyAghraparivAraNAn
02047030a vicitrAMz ca paristomAn ratnAni ca sahasrazaH
02047030c nArAcAn ardhanArAcAJ zastrANi vividhAni ca
02047031a etad dattvA mahad dravyaM pUrvadezAdhipo nRpaH
02047031c praviSTo yajJasadanaM pANDavasya mahAtmanaH
02048001  duryodhana uvAca
02048001a dAyaM tu tasmai vividhaM zRNu me gadato 'nagha
02048001c yajJArthaM rAjabhir dattaM mahAntaM dhanasaMcayam
02048002a merumandarayor madhye zailodAm abhito nadIm
02048002c ye te kIcakaveNUnAM chAyAM ramyAm upAsate
02048003a khazA ekAzanAjyohAH pradarA dIrghaveNavaH
02048003c pazupAz ca kuNindAz ca taGgaNAH parataGgaNAH
02048004a te vai pipIlikaM nAma varadattaM pipIlikaiH
02048004c jAtarUpaM droNameyam ahArSuH puJjazo nRpAH
02048005a kRSNA&l lalAmAMz camarAJ zuklAMz cAnyAJ zaziprabhAn
02048005c himavatpuSpajaM caiva svAdu kSaudraM tathA bahu
02048006a uttarebhyaH kurubhyaz cApy apoDhaM mAlyam ambubhiH
02048006c uttarAd api kailAsAd oSadhIH sumahAbalAH
02048007a pArvatIyA baliM cAnyam AhRtya praNatAH sthitAH
02048007c ajAtazatror nRpater dvAri tiSThanti vAritAH
02048008a ye parArdhe himavataH sUryodayagirau nRpAH
02048008c vAriSeNasamudrAnte lohityam abhitaz ca ye
02048008e phalamUlAzanA ye ca kirAtAz carmavAsasaH
02048009a candanAgurukASThAnAM bhArAn kAlIyakasya ca
02048009c carmaratnasuvarNAnAM gandhAnAM caiva rAzayaH
02048010a kairAtikAnAm ayutaM dAsInAM ca vizAM pate
02048010c AhRtya ramaNIyArthAn dUrajAn mRgapakSiNaH
02048011a nicitaM parvatebhyaz ca hiraNyaM bhUrivarcasam
02048011c baliM ca kRtsnam AdAya dvAri tiSThanti vAritAH
02048012a kAyavyA daradA dArvAH zUrA vaiyamakAs tathA
02048012c audumbarA durvibhAgAH pAradA bAhlikaiH saha
02048013a kAzmIrAH kundamAnAz ca paurakA haMsakAyanAH
02048013c zibitrigartayaudheyA rAjanyA madrakekayAH
02048014a ambaSThAH kaukurAs tArkSyA vastrapAH pahlavaiH saha
02048014c vasAtayaH samauleyAH saha kSudrakamAlavaiH
02048015a zauNDikAH kukkurAz caiva zakAz caiva vizAM pate
02048015c aGgA vaGgAz ca puNDrAz ca zAnavatyA gayAs tathA
02048016a sujAtayaH zreNimantaH zreyAMsaH zastrapANayaH
02048016c AhArSuH kSatriyA vittaM zatazo 'jAtazatrave
02048017a vaGgAH kaliGgapatayas tAmraliptAH sapuNDrakAH
02048017c dukUlaM kauzikaM caiva patrorNaM prAvarAn api
02048018a tatra sma dvArapAlais te procyante rAjazAsanAt
02048018c kRtakArAH subalayas tato dvAram avApsyatha
02048019a ISAdantAn hemakakSAn padmavarNAn kuthAvRtAn
02048019c zailAbhAn nityamattAMz ca abhitaH kAmyakaM saraH
02048020a dattvaikaiko dazazatAn kuJjarAn kavacAvRtAn
02048020c kSamAvataH kulInAMz ca dvAreNa prAvizaMs tataH
02048021a ete cAnye ca bahavo gaNA digbhyaH samAgatAH
02048021c anyaiz copAhRtAny atra ratnAnIha mahAtmabhiH
02048022a rAjA citraratho nAma gandharvo vAsavAnugaH
02048022c zatAni catvAry adadad dhayAnAM vAtaraMhasAm
02048023a tumburus tu pramudito gandharvo vAjinAM zatam
02048023c AmrapatrasavarNAnAm adadad dhemamAlinAm
02048024a kRtI tu rAjA kauravya zUkarANAM vizAM pate
02048024c adadad gajaratnAnAM zatAni subahUny api
02048025a virATena tu matsyena balyarthaM hemamAlinAm
02048025c kuJjarANAM sahasre dve mattAnAM samupAhRte
02048026a pAMzurASTrAd vasudAno rAjA SaDviMzatiM gajAn
02048026c azvAnAM ca sahasre dve rAjan kAJcanamAlinAm
02048027a javasattvopapannAnAM vayaHsthAnAM narAdhipa
02048027c baliM ca kRtsnam AdAya pANDavebhyo nyavedayat
02048028a yajJasenena dAsInAM sahasrANi caturdaza
02048028c dAsAnAm ayutaM caiva sadArANAM vizAM pate
02048029a gajayuktA mahArAja rathAH SaDviMzatis tathA
02048029c rAjyaM ca kRtsnaM pArthebhyo yajJArthaM vai niveditam
02048030a samudrasAraM vaiDUryaM muktAH zaGkhAMs tathaiva ca
02048030c zatazaz ca kuthAMs tatra siMhalAH samupAharan
02048031a saMvRtA maNicIrais tu zyAmAs tAmrAntalocanAH
02048031c tAn gRhItvA narAs tatra dvAri tiSThanti vAritAH
02048032a prItyarthaM brAhmaNAz caiva kSatriyAz ca vinirjitAH
02048032c upAjahrur vizaz caiva zUdrAH zuzrUSavo 'pi ca
02048032e prItyA ca bahumAnAc ca abhyagacchan yudhiSThiram
02048033a sarve mlecchAH sarvavarNA AdimadhyAntajAs tathA
02048033c nAnAdezasamutthaiz ca nAnAjAtibhir AgataiH
02048033e paryasta iva loko 'yaM yudhiSThiranivezane
02048034a uccAvacAn upagrAhAn rAjabhiH prahitAn bahUn
02048034c zatrUNAM pazyato duHkhAn mumUrSA me 'dya jAyate
02048035a bhRtyAs tu ye pANDavAnAM tAMs te vakSyAmi bhArata
02048035c yeSAm AmaM ca pakvaM ca saMvidhatte yudhiSThiraH
02048036a ayutaM trINi padmAni gajArohAH sasAdinaH
02048036c rathAnAm arbudaM cApi pAdAtA bahavas tathA
02048037a pramIyamANam ArabdhaM pacyamAnaM tathaiva ca
02048037c visRjyamAnaM cAnyatra puNyAhasvana eva ca
02048038a nAbhuktavantaM nAhRSTaM nAsubhikSaM kathaM cana
02048038c apazyaM sarvavarNAnAM yudhiSThiranivezane
02048039a aSTAzItisahasrANi snAtakA gRhamedhinaH
02048039c triMzaddAsIka ekaiko yAn bibharti yudhiSThiraH
02048039e suprItAH parituSTAz ca te 'py AzaMsanty arikSayam
02048040a dazAnyAni sahasrANi yatInAm UrdhvaretasAm
02048040c bhuJjate rukmapAtrISu yudhiSThiranivezane
02048041a bhuktAbhuktaM kRtAkRtaM sarvam AkubjavAmanam
02048041c abhuJjAnA yAjJasenI pratyavaikSad vizAM pate
02048042a dvau karaM na prayacchetAM kuntIputrAya bhArata
02048042c vaivAhikena pAJcAlAH sakhyenAndhakavRSNayaH
02049001  duryodhana uvAca
02049001a AryAs tu ye vai rAjAnaH satyasaMdhA mahAvratAH
02049001c paryAptavidyA vaktAro vedAntAvabhRthAplutAH
02049002a dhRtimanto hrIniSedhA dharmAtmAno yazasvinaH
02049002c mUrdhAbhiSiktAs te cainaM rAjAnaH paryupAsate
02049003a dakSiNArthaM samAnItA rAjabhiH kAMsyadohanAH
02049003c AraNyA bahusAhasrA apazyaM tatra tatra gAH
02049004a Ajahrus tatra satkRtya svayam udyamya bhArata
02049004c abhiSekArtham avyagrA bhANDam uccAvacaM nRpAH
02049005a bAhlIko ratham AhArSIj jAmbUnadapariSkRtam
02049005c sudakSiNas taM yuyuje zvetaiH kAmbojajair hayaiH
02049006a sunItho 'pratimaM tasya anukarSaM mahAyazAH
02049006c dhvajaM cedipatiH kSipram ahArSIt svayam udyatam
02049007a dAkSiNAtyaH saMnahanaM sraguSNISe ca mAgadhaH
02049007c vasudAno maheSvAso gajendraM SaSTihAyanam
02049008a matsyas tv akSAn avAbadhnAd ekalavya upAnahau
02049008c Avantyas tv abhiSekArtham Apo bahuvidhAs tathA
02049009a cekitAna upAsaGgaM dhanuH kAzya upAharat
02049009c asiM rukmatsaruM zalyaH zaikyaM kAJcanabhUSaNam
02049010a abhyaSiJcat tato dhaumyo vyAsaz ca sumahAtapAH
02049010c nAradaM vai puraskRtya devalaM cAsitaM munim
02049011a prItimanta upAtiSThann abhiSekaM maharSayaH
02049011c jAmadagnyena sahitAs tathAnye vedapAragAH
02049012a abhijagmur mahAtmAnaM mantravad bhUridakSiNam
02049012c mahendram iva devendraM divi saptarSayo yathA
02049013a adhArayac chatram asya sAtyakiH satyavikramaH
02049013c dhanaMjayaz ca vyajane bhImasenaz ca pANDavaH
02049014a upAgRhNAd yam indrAya purAkalpe prajApatiH
02049014c tam asmai zaGkham AhArSId vAruNaM kalazodadhiH
02049015a siktaM niSkasahasreNa sukRtaM vizvakarmaNA
02049015c tenAbhiSiktaH kRSNena tatra me kazmalo 'bhavat
02049016a gacchanti pUrvAd aparaM samudraM cApi dakSiNam
02049016c uttaraM tu na gacchanti vinA tAta patatribhiH
02049017a tatra sma dadhmuH zatazaH zaGkhAn maGgalyakAraNAt
02049017c prANadaMs te samAdhmAtAs tatra romANi me 'hRSan
02049018a praNatA bhUmipAz cApi petur hInAH svatejasA
02049018c dhRSTadyumnaH pANDavAz ca sAtyakiH kezavo 'STamaH
02049019a sattvasthAH zauryasaMpannA anyonyapriyakAriNaH
02049019c visaMjJAn bhUmipAn dRSTvA mAM ca te prAhasaMs tadA
02049020a tataH prahRSTo bIbhatsuH prAdAd dhemaviSANinAm
02049020c zatAny anaDuhAM paJca dvijamukhyeSu bhArata
02049021a naivaM zambarahantAbhUd yauvanAzvo manur na ca
02049021c na ca rAjA pRthur vainyo na cApy AsId bhagIrathaH
02049022a yathAtimAtraM kaunteyaH zriyA paramayA yutaH
02049022c rAjasUyam avApyaivaM harizcandra iva prabhuH
02049023a etAM dRSTvA zriyaM pArthe harizcandre yathA vibho
02049023c kathaM nu jIvitaM zreyo mama pazyasi bhArata
02049024a andheneva yugaM naddhaM viparyastaM narAdhipa
02049024c kanIyAMso vivardhante jyeSThA hIyanti bhArata
02049025a evaM dRSTvA nAbhivindAmi zarma; parIkSamANo 'pi kurupravIra
02049025c tenAham evaM kRzatAM gataz ca; vivarNatAM caiva sazokatAM ca
02050001  dhRtarASTra uvAca
02050001a tvaM vai jyeSTho jyaiSThineyaH putra mA pANDavAn dviSaH
02050001c dveSTA hy asukham Adatte yathaiva nidhanaM tathA
02050002a avyutpannaM samAnArthaM tulyamitraM yudhiSThiram
02050002c adviSantaM kathaM dviSyAt tvAdRzo bharatarSabha
02050003a tulyAbhijanavIryaz ca kathaM bhrAtuH zriyaM nRpa
02050003c putra kAmayase mohAn maivaM bhUH zAmya sAdhv iha
02050004a atha yajJavibhUtiM tAM kAGkSase bharatarSabha
02050004c Rtvijas tava tanvantu saptatantuM mahAdhvaram
02050005a AhariSyanti rAjAnas tavApi vipulaM dhanam
02050005c prItyA ca bahumAnAc ca ratnAny AbharaNAni ca
02050006a anarthAcaritaM tAta parasvaspRhaNaM bhRzam
02050006c svasaMtuSTaH svadharmastho yaH sa vai sukham edhate
02050007a avyApAraH parArtheSu nityodyogaH svakarmasu
02050007c udyamo rakSaNe sveSAm etad vaibhavalakSaNam
02050008a vipattiSv avyatho dakSo nityam utthAnavAn naraH
02050008c apramatto vinItAtmA nityaM bhadrANi pazyati
02050009a antarvedyAM dadad vittaM kAmAn anubhavan priyAn
02050009c krIDan strIbhir nirAtaGkaH prazAmya bharatarSabha
02050010  duryodhana uvAca
02050010a jAnan vai mohayasi mAM nAvi naur iva saMyatA
02050010c svArthe kiM nAvadhAnaM te utAho dveSTi mAM bhavAn
02050011a na santIme dhArtarASTrA yeSAM tvam anuzAsitA
02050011c bhaviSyam artham AkhyAsi sadA tvaM kRtyam AtmanaH
02050012a parapraNeyo 'graNIr hi yaz ca mArgAt pramuhyati
02050012c panthAnam anugaccheyuH kathaM tasya padAnugAH
02050013a rAjan parigataprajJo vRddhasevI jitendriyaH
02050013c pratipannAn svakAryeSu saMmohayasi no bhRzam
02050014a lokavRttAd rAjavRttam anyad Aha bRhaspatiH
02050014c tasmAd rAjJA prayatnena svArthaz cintyaH sadaiva hi
02050015a kSatriyasya mahArAja jaye vRttiH samAhitA
02050015c sa vai dharmo 'stv adharmo vA svavRttau bharatarSabha
02050016a prakAlayed dizaH sarvAH pratodeneva sArathiH
02050016c pratyamitrazriyaM dIptAM bubhUSur bharatarSabha
02050017a pracchanno vA prakAzo vA yo yogo ripubAdhanaH
02050017c tad vai zastraM zastravidAM na zastraM chedanaM smRtam
02050018a asaMtoSaH zriyo mUlaM tasmAt taM kAmayAmy aham
02050018c samucchraye yo yatate sa rAjan paramo nayI
02050019a mamatvaM hi na kartavyam aizvarye vA dhane 'pi vA
02050019c pUrvAvAptaM haranty anye rAjadharmaM hi taM viduH
02050020a adrohe samayaM kRtvA ciccheda namuceH ziraH
02050020c zakraH sA hi matA tasya ripau vRttiH sanAtanI
02050021a dvAv etau grasate bhUmiH sarpo bilazayAn iva
02050021c rAjAnaM cAviroddhAraM brAhmaNaM cApravAsinam
02050022a nAsti vai jAtitaH zatruH puruSasya vizAM pate
02050022c yena sAdhAraNI vRttiH sa zatrur netaro janaH
02050023a zatrupakSaM samRdhyantaM yo mohAt samupekSate
02050023c vyAdhir ApyAyita iva tasya mUlaM chinatti saH
02050024a alpo 'pi hy arir atyantaM vardhamAnaparAkramaH
02050024c valmIko mUlaja iva grasate vRkSam antikAt
02050025a AjamIDha ripor lakSmIr mA te rociSTa bhArata
02050025c eSa bhAraH sattvavatAM nayaH zirasi dhiSThitaH
02050026a janmavRddhim ivArthAnAM yo vRddhim abhikAGkSate
02050026c edhate jJAtiSu sa vai sadyovRddhir hi vikramaH
02050027a nAprApya pANDavaizvaryaM saMzayo me bhaviSyati
02050027c avApsye vA zriyaM tAM hi zeSye vA nihato yudhi
02050028a atAdRzasya kiM me 'dya jIvitena vizAM pate
02050028c vardhante pANDavA nityaM vayaM tu sthiravRddhayaH
02051001  zakunir uvAca
02051001a yAM tvam etAM zriyaM dRSTvA pANDuputre yudhiSThire
02051001c tapyase tAM hariSyAmi dyUtenAhUyatAM paraH
02051002a agatvA saMzayam aham ayuddhvA ca camUmukhe
02051002c akSAn kSipann akSataH san vidvAn aviduSo jaye
02051003a glahAn dhanUMSi me viddhi zarAn akSAMz ca bhArata
02051003c akSANAM hRdayaM me jyAM rathaM viddhi mamAstaram
02051004  duryodhana uvAca
02051004a ayam utsahate rAjaJ zriyam Ahartum akSavit
02051004c dyUtena pANDuputrebhyas tat tubhyaM tAta rocatAm
02051005  dhRtarASTra uvAca
02051005a sthito 'smi zAsane bhrAtur vidurasya mahAtmanaH
02051005c tena saMgamya vetsyAmi kAryasyAsya vinizcayam
02051006  duryodhana uvAca
02051006a vihaniSyati te buddhiM viduro muktasaMzayaH
02051006c pANDavAnAM hite yukto na tathA mama kaurava
02051007a nArabhet parasAmarthyAt puruSaH kAryam AtmanaH
02051007c matisAmyaM dvayor nAsti kAryeSu kurunandana
02051008a bhayaM pariharan manda AtmAnaM paripAlayan
02051008c varSAsu klinnakaTavat tiSThann evAvasIdati
02051009a na vyAdhayo nApi yamaH zreyaHprAptiM pratIkSate
02051009c yAvad eva bhavet kalpas tAvac chreyaH samAcaret
02051010  dhRtarASTra uvAca
02051010a sarvathA putra balibhir vigrahaM te na rocaye
02051010c vairaM vikAraM sRjati tad vai zastram anAyasam
02051011a anartham arthaM manyase rAjaputra; saMgranthanaM kalahasyAtighoram
02051011c tad vai pravRttaM tu yathA kathaM cid; vimokSayec cApy asisAyakAMz ca
02051012  duryodhana uvAca
02051012a dyUte purANair vyavahAraH praNItas; tatrAtyayo nAsti na saMprahAraH
02051012c tad rocatAM zakuner vAkyam adya; sabhAM kSipraM tvam ihAjJApayasva
02051013a svargadvAraM dIvyatAM no viziSTaM; tadvartinAM cApi tathaiva yuktam
02051013c bhaved evaM hy AtmanA tulyam eva; durodaraM pANDavais tvaM kuruSva
02051014  dhRtarASTra uvAca
02051014a vAkyaM na me rocate yat tvayoktaM; yat te priyaM tat kriyatAM narendra
02051014c pazcAt tapsyase tad upAkramya vAkyaM; na hIdRzaM bhAvi vaco hi dharmyam
02051015a dRSTaM hy etad vidureNaivam eva; sarvaM pUrvaM buddhividyAnugena
02051015c tad evaitad avazasyAbhyupaiti; mahad bhayaM kSatriyabIjaghAti
02051016  vaizaMpAyana uvAca
02051016a evam uktvA dhRtarASTro manISI; daivaM matvA paramaM dustaraM ca
02051016c zazAsoccaiH puruSAn putravAkye; sthito rAjA daivasaMmUDhacetAH
02051017a sahasrastambhAM hemavaiDUryacitrAM; zatadvArAM toraNasphATizRGgAm
02051017c sabhAm agryAM krozamAtrAyatAM me; tad vistArAm Azu kurvantu yuktAH
02051018a zrutvA tasya tvaritA nirvizaGkAH; prAjJA dakSAs tAM tathA cakrur Azu
02051018c sarvadravyANy upajahruH sabhAyAM; sahasrazaH zilpinaz cApi yuktAH
02051019a kAlenAlpenAtha niSThAM gatAM tAM; sabhAM ramyAM bahuratnAM vicitrAm
02051019c citrair haimair Asanair abhyupetAm; Acakhyus te tasya rAjJaH pratItAH
02051020a tato vidvAn viduraM mantrimukhyam; uvAcedaM dhRtarASTro narendraH
02051020c yudhiSThiraM rAjaputraM hi gatvA; madvAkyena kSipram ihAnayasva
02051021a sabheyaM me bahuratnA vicitrA; zayyAsanair upapannA mahArhaiH
02051021c sA dRzyatAM bhrAtRbhiH sArdham etya; suhRddyUtaM vartatAm atra ceti
02051022a matam AjJAya putrasya dhRtarASTro narAdhipaH
02051022c matvA ca dustaraM daivam etad rAjA cakAra ha
02051023a anyAyena tathoktas tu viduro viduSAM varaH
02051023c nAbhyanandad vaco bhrAtur vacanaM cedam abravIt
02051024a nAbhinandAmi nRpate praiSam etaM; maivaM kRthAH kulanAzAd bibhemi
02051024c putrair bhinnaiH kalahas te dhruvaM syAd; etac chaGke dyUtakRte narendra
02051025  dhRtarASTra uvAca
02051025a neha kSattaH kalahas tapsyate mAM; na ced daivaM pratilomaM bhaviSyat
02051025c dhAtrA tu diSTasya vaze kiledaM; sarvaM jagac ceSTati na svatantram
02051026a tad adya vidura prApya rAjAnaM mama zAsanAt
02051026c kSipram Anaya durdharSaM kuntIputraM yudhiSThiram
02052001  vaizaMpAyana uvAca
02052001a tataH prAyAd viduro 'zvair udArair; mahAjavair balibhiH sAdhudAntaiH
02052001c balAn niyukto dhRtarASTreNa rAjJA; manISiNAM pANDavAnAM sakAzam
02052002a so 'bhipatya tadadhvAnam AsAdya nRpateH puram
02052002c praviveza mahAbuddhiH pUjyamAno dvijAtibhiH
02052003a sa rAjagRham AsAdya kuberabhavanopamam
02052003c abhyagacchata dharmAtmA dharmaputraM yudhiSThiram
02052004a taM vai rAjA satyadhRtir mahAtmA; ajAtazatrur viduraM yathAvat
02052004c pUjApUrvaM pratigRhyAjamIDhas; tato 'pRcchad dhRtarASTraM saputram
02052005  yudhiSThira uvAca
02052005a vijJAyate te manaso na praharSaH; kaccit kSattaH kuzalenAgato 'si
02052005c kaccit putrAH sthavirasyAnulomA; vazAnugAz cApi vizo 'pi kaccit
02052006  vidura uvAca
02052006a rAjA mahAtmA kuzalI saputra; Aste vRto jJAtibhir indrakalpaiH
02052006c prIto rAjan putragaNair vinItair; vizoka evAtmaratir dRDhAtmA
02052007a idaM tu tvAM kururAjo 'bhyuvAca; pUrvaM pRSTvA kuzalaM cAvyayaM ca
02052007c iyaM sabhA tvatsabhAtulyarUpA; bhrAtqNAM te pazya tAm etya putra
02052008a samAgamya bhrAtRbhiH pArtha tasyAM; suhRddyUtaM kriyatAM ramyatAM ca
02052008c prIyAmahe bhavataH saMgamena; samAgatAH kuravaz caiva sarve
02052009a durodarA vihitA ye tu tatra; mahAtmanA dhRtarASTreNa rAjJA
02052009c tAn drakSyase kitavAn saMniviSTAn; ity Agato 'haM nRpate taj juSasva
02052010  yudhiSThira uvAca
02052010a dyUte kSattaH kalaho vidyate naH; ko vai dyUtaM rocayed budhyamAnaH
02052010c kiM vA bhavAn manyate yuktarUpaM; bhavadvAkye sarva eva sthitAH sma
02052011  vidura uvAca
02052011a jAnAmy ahaM dyUtam anarthamUlaM; kRtaz ca yatno 'sya mayA nivAraNe
02052011c rAjA tu mAM prAhiNot tvatsakAzaM; zrutvA vidvaJ zreya ihAcarasva
02052012  yudhiSThira uvAca
02052012a ke tatrAnye kitavA dIvyamAnA; vinA rAjJo dhRtarASTrasya putraiH
02052012c pRcchAmi tvAM vidura brUhi nas tAn; yair dIvyAmaH zatazaH saMnipatya
02052013  vidura uvAca
02052013a gAndhArarAjaH zakunir vizAM pate; rAjAtidevI kRtahasto matAkSaH
02052013c viviMzatiz citrasenaz ca rAjA; satyavrataH purumitro jayaz ca
02052014  yudhiSThira uvAca
02052014a mahAbhayAH kitavAH saMniviSTA; mAyopadhA devitAro 'tra santi
02052014c dhAtrA tu diSTasya vaze kiledaM; nAdevanaM kitavair adya tair me
02052015a nAhaM rAjJo dhRtarASTrasya zAsanAn; na gantum icchAmi kave durodaram
02052015c iSTo hi putrasya pitA sadaiva; tad asmi kartA vidurAttha mAM yathA
02052016a na cAkAmaH zakuninA devitAhaM; na cen mAM dhRSNur AhvayitA sabhAyAm
02052016c AhUto 'haM na nivarte kadA cit; tad AhitaM zAzvataM vai vrataM me
02052017  vaizaMpAyana uvAca
02052017a evam uktvA viduraM dharmarAjaH; prAyAtrikaM sarvam AjJApya tUrNam
02052017c prAyAc chvobhUte sagaNaH sAnuyAtraH; saha strIbhir draupadIm AdikRtvA
02052018a daivaM prajJAM tu muSNAti tejaz cakSur ivApatat
02052018c dhAtuz ca vazam anveti pAzair iva naraH sitaH
02052019a ity uktvA prayayau rAjA saha kSattrA yudhiSThiraH
02052019c amRSyamANas tat pArthaH samAhvAnam ariMdamaH
02052020a bAhlikena rathaM dattam AsthAya paravIrahA
02052020c paricchanno yayau pArtho bhrAtRbhiH saha pANDavaH
02052021a rAjazriyA dIpyamAno yayau brahmapuraHsaraH
02052021c dhRtarASTreNa cAhUtaH kAlasya samayena ca
02052022a sa hAstinapuraM gatvA dhRtarASTragRhaM yayau
02052022c samiyAya ca dharmAtmA dhRtarASTreNa pANDavaH
02052023a tathA droNena bhISmeNa karNena ca kRpeNa ca
02052023c samiyAya yathAnyAyaM drauNinA ca vibhuH saha
02052024a sametya ca mahAbAhuH somadattena caiva ha
02052024c duryodhanena zalyena saubalena ca vIryavAn
02052025a ye cAnye tatra rAjAnaH pUrvam eva samAgatAH
02052025c jayadrathena ca tathA kurubhiz cApi sarvazaH
02052026a tataH sarvair mahAbAhur bhrAtRbhiH parivAritaH
02052026c praviveza gRhaM rAjJo dhRtarASTrasya dhImataH
02052027a dadarza tatra gAndhArIM devIM patim anuvratAm
02052027c snuSAbhiH saMvRtAM zazvat tArAbhir iva rohiNIm
02052028a abhivAdya sa gAndhArIM tayA ca pratinanditaH
02052028c dadarza pitaraM vRddhaM prajJAcakSuSam Izvaram
02052029a rAjJA mUrdhany upAghrAtAs te ca kauravanandanAH
02052029c catvAraH pANDavA rAjan bhImasenapurogamAH
02052030a tato harSaH samabhavat kauravANAM vizAM pate
02052030c tAn dRSTvA puruSavyAghrAn pANDavAn priyadarzanAn
02052031a vivizus te 'bhyanujJAtA ratnavanti gRhANy atha
02052031c dadRzuz copayAtAs tAn draupadIpramukhAH striyaH
02052032a yAjJasenyAH parAm RddhiM dRSTvA prajvalitAm iva
02052032c snuSAs tA dhRtarASTrasya nAtipramanaso 'bhavan
02052033a tatas te puruSavyAghrA gatvA strIbhis tu saMvidam
02052033c kRtvA vyAyAmapUrvANi kRtyAni pratikarma ca
02052034a tataH kRtAhnikAH sarve divyacandanarUSitAH
02052034c kalyANamanasaz caiva brAhmaNAn svasti vAcya ca
02052035a manojJam azanaM bhuktvA vivizuH zaraNAny atha
02052035c upagIyamAnA nArIbhir asvapan kurunandanAH
02052036a jagAma teSAM sA rAtriH puNyA rativihAriNAm
02052036c stUyamAnAz ca vizrAntAH kAle nidrAm athAtyajan
02052037a sukhoSitAs tAM rajanIM prAtaH sarve kRtAhnikAH
02052037c sabhAM ramyAM pravivizuH kitavair abhisaMvRtAm
02053001  zakunir uvAca
02053001a upastIrNA sabhA rAjan rantuM caite kRtakSaNAH
02053001c akSAn uptvA devanasya samayo 'stu yudhiSThira
02053002  yudhiSThira uvAca
02053002a nikRtir devanaM pApaM na kSAtro 'tra parAkramaH
02053002c na ca nItir dhruvA rAjan kiM tvaM dyUtaM prazaMsasi
02053003a na hi mAnaM prazaMsanti nikRtau kitavasya ha
02053003c zakune maiva no jaiSIr amArgeNa nRzaMsavat
02053004  zakunir uvAca
02053004a yo 'nveti saMkhyAM nikRtau vidhijJaz; ceSTAsv akhinnaH kitavo 'kSajAsu
02053004c mahAmatir yaz ca jAnAti dyUtaM; sa vai sarvaM sahate prakriyAsu
02053005a akSaglahaH so 'bhibhavet paraM nas; tenaiva kAlo bhavatIdam Attha
02053005c dIvyAmahe pArthiva mA vizaGkAM; kuruSva pANaM ca ciraM ca mA kRthAH
02053006  yudhiSThira uvAca
02053006a evam AhAyam asito devalo munisattamaH
02053006c imAni lokadvArANi yo vai saMcarate sadA
02053007a idaM vai devanaM pApaM mAyayA kitavaiH saha
02053007c dharmeNa tu jayo yuddhe tat paraM sAdhu devanam
02053008a nAryA mlecchanti bhASAbhir mAyayA na caranty uta
02053008c ajihmam azaThaM yuddham etat satpuruSavratam
02053009a zaktito brAhmaNAn vandyAJ zikSituM prayatAmahe
02053009c tad vai vittaM mAtidevIr mA jaiSIH zakune param
02053010a nAhaM nikRtyA kAmaye sukhAny uta dhanAni vA
02053010c kitavasyApy anikRter vRttam etan na pUjyate
02053011  zakunir uvAca
02053011a zrotriyo 'zrotriyam uta nikRtyaiva yudhiSThira
02053011c vidvAn aviduSo 'bhyeti nAhus tAM nikRtiM janAH
02053012a evaM tvaM mAm ihAbhyetya nikRtiM yadi manyase
02053012c devanAd vinivartasva yadi te vidyate bhayam
02053013  yudhiSThira uvAca
02053013a AhUto na nivarteyam iti me vratam Ahitam
02053013c vidhiz ca balavAn rAjan diSTasyAsmi vaze sthitaH
02053014a asmin samAgame kena devanaM me bhaviSyati
02053014c pratipANaz ca ko 'nyo 'sti tato dyUtaM pravartatAm
02053015  duryodhana uvAca
02053015a ahaM dAtAsmi ratnAnAM dhanAnAM ca vizAM pate
02053015c madarthe devitA cAyaM zakunir mAtulo mama
02053016  yudhiSThira uvAca
02053016a anyenAnyasya viSamaM devanaM pratibhAti me
02053016c etad vidvann upAdatsva kAmam evaM pravartatAm
02053017  vaizaMpAyana uvAca
02053017a upohyamAne dyUte tu rAjAnaH sarva eva te
02053017c dhRtarASTraM puraskRtya vivizus tAM sabhAM tataH
02053018a bhISmo droNaH kRpaz caiva viduraz ca mahAmatiH
02053018c nAtIvaprItamanasas te 'nvavartanta bhArata
02053019a te dvaMdvazaH pRthak caiva siMhagrIvA mahaujasaH
02053019c siMhAsanAni bhUrINi vicitrANi ca bhejire
02053020a zuzubhe sA sabhA rAjan rAjabhis taiH samAgataiH
02053020c devair iva mahAbhAgaiH samavetais triviSTapam
02053021a sarve vedavidaH zUrAH sarve bhAsvaramUrtayaH
02053021c prAvartata mahArAja suhRddyUtam anantaram
02053022  yudhiSThira uvAca
02053022a ayaM bahudhano rAjan sAgarAvartasaMbhavaH
02053022c maNir hArottaraH zrImAn kanakottamabhUSaNaH
02053023a etad rAjan dhanaM mahyaM pratipANas tu kas tava
02053023c bhavatv eSa kramas tAta jayAmy enaM durodaram
02053024  duryodhana uvAca
02053024a santi me maNayaz caiva dhanAni vividhAni ca
02053024c matsaraz ca na me 'rtheSu jayAmy enaM durodaram
02053025  vaizaMpAyana uvAca
02053025a tato jagrAha zakunis tAn akSAn akSatattvavit
02053025c jitam ity eva zakunir yudhiSThiram abhASata
02054001  yudhiSThira uvAca
02054001a mattaH kaitavakenaiva yaj jito 'smi durodaram
02054001c zakune hanta dIvyAmo glahamAnAH sahasrazaH
02054002a ime niSkasahasrasya kuNDino bharitAH zatam
02054002c kozo hiraNyam akSayyaM jAtarUpam anekazaH
02054002e etad rAjan dhanaM mahyaM tena dIvyAmy ahaM tvayA
02054003  vaizaMpAyana uvAca
02054003a ity uktaH zakuniH prAha jitam ity eva taM nRpam
02054004  yudhiSThira uvAca
02054004a ayaM sahasrasamito vaiyAghraH supravartitaH
02054004c sucakropaskaraH zrImAn kiGkiNIjAlamaNDitaH
02054005a saMhrAdano rAjaratho ya ihAsmAn upAvahat
02054005c jaitro rathavaraH puNyo meghasAgaraniHsvanaH
02054006a aSTau yaM kuraracchAyAH sadazvA rASTrasaMmatAH
02054006c vahanti naiSAm ucyeta padA bhUmim upaspRzan
02054006e etad rAjan dhanaM mahyaM tena dIvyAmy ahaM tvayA
02054007  vaizaMpAyana uvAca
02054007a etac chrutvA vyavasito nikRtiM samupAzritaH
02054007c jitam ity eva zakunir yudhiSThiram abhASata
02054008  yudhiSThira uvAca
02054008a sahasrasaMkhyA nAgA me mattAs tiSThanti saubala
02054008c hemakakSAH kRtApIDAH padmino hemamAlinaH
02054009a sudAntA rAjavahanAH sarvazabdakSamA yudhi
02054009c ISAdantA mahAkAyAH sarve cASTakareNavaH
02054010a sarve ca purabhettAro nagameghanibhA gajAH
02054010c etad rAjan dhanaM mahyaM tena dIvyAmy ahaM tvayA
02054011  vaizaMpAyana uvAca
02054011a tam evaMvAdinaM pArthaM prahasann iva saubalaH
02054011c jitam ity eva zakunir yudhiSThiram abhASata
02054012  yudhiSThira uvAca
02054012a zataM dAsIsahasrANi taruNyo me prabhadrikAH
02054012c kambukeyUradhAriNyo niSkakaNThyaH svalaMkRtAH
02054013a mahArhamAlyAbharaNAH suvastrAz candanokSitAH
02054013c maNIn hema ca bibhratyaH sarvA vai sUkSmavAsasaH
02054014a anusevAM carantImAH kuzalA nRtyasAmasu
02054014c snAtakAnAm amAtyAnAM rAjJAM ca mama zAsanAt
02054014e etad rAjan dhanaM mahyaM tena dIvyAmy ahaM tvayA
02054015  vaizaMpAyana uvAca
02054015a etac chrutvA vyavasito nikRtiM samupAzritaH
02054015c jitam ity eva zakunir yudhiSThiram abhASata
02054016  yudhiSThira uvAca
02054016a etAvanty eva dAsAnAM sahasrANy uta santi me
02054016c pradakSiNAnulomAz ca prAvAravasanAH sadA
02054017a prAjJA medhAvino dakSA yuvAno mRSTakuNDalAH
02054017c pAtrIhastA divArAtram atithIn bhojayanty uta
02054017e etad rAjan dhanaM mahyaM tena dIvyAmy ahaM tvayA
02054018  vaizaMpAyana uvAca
02054018a etac chrutvA vyavasito nikRtiM samupAzritaH
02054018c jitam ity eva zakunir yudhiSThiram abhASata
02054019  yudhiSThira uvAca
02054019a rathAs tAvanta eveme hemabhANDAH patAkinaH
02054019c hayair vinItaiH saMpannA rathibhiz citrayodhibhiH
02054020a ekaiko yatra labhate sahasraparamAM bhRtim
02054020c yudhyato 'yudhyato vApi vetanaM mAsakAlikam
02054020e etad rAjan dhanaM mahyaM tena dIvyAmy ahaM tvayA
02054021  vaizaMpAyana uvAca
02054021a ity evam ukte pArthena kRtavairo durAtmavAn
02054021c jitam ity eva zakunir yudhiSThiram abhASata
02054022  yudhiSThira uvAca
02054022a azvAMs tittirikalmASAn gAndharvAn hemamAlinaH
02054022c dadau citrarathas tuSTo yAMs tAn gANDIvadhanvane
02054022e etad rAjan dhanaM mahyaM tena dIvyAmy ahaM tvayA
02054023  vaizaMpAyana uvAca
02054023a etac chrutvA vyavasito nikRtiM samupAzritaH
02054023c jitam ity eva zakunir yudhiSThiram abhASata
02054024  yudhiSThira uvAca
02054024a rathAnAM zakaTAnAM ca hayAnAM cAyutAni me
02054024c yuktAnAm eva tiSThanti vAhair uccAvacair vRtAH
02054025a evaM varNasya varNasya samuccIya sahasrazaH
02054025c kSIraM pibantas tiSThanti bhuJjAnAH zAlitaNDulAn
02054026a SaSTis tAni sahasrANi sarve pRthulavakSasaH
02054026c etad rAjan dhanaM mahyaM tena dIvyAmy ahaM tvayA
02054027  vaizaMpAyana uvAca
02054027a etac chrutvA vyavasito nikRtiM samupAzritaH
02054027c jitam ity eva zakunir yudhiSThiram abhASata
02054028  yudhiSThira uvAca
02054028a tAmralohaiH parivRtA nidhayo me catuHzatAH
02054028c paJcadrauNika ekaikaH suvarNasyAhatasya vai
02054028e etad rAjan dhanaM mahyaM tena dIvyAmy ahaM tvayA
02054029  vaizaMpAyana uvAca
02054029a etac chrutvA vyavasito nikRtiM samupAzritaH
02054029c jitam ity eva zakunir yudhiSThiram abhASata
02055001  vidura uvAca
02055001a mahArAja vijAnIhi yat tvAM vakSyAmi tac chRNu
02055001c mumUrSor auSadham iva na rocetApi te zrutam
02055002a yad vai purA jAtamAtro rurAva; gomAyuvad visvaraM pApacetAH
02055002c duryodhano bhAratAnAM kulaghnaH; so 'yaM yukto bhavitA kAlahetuH
02055003a gRhe vasantaM gomAyuM tvaM vai matvA na budhyase
02055003c duryodhanasya rUpeNa zRNu kAvyAM giraM mama
02055004a madhu vai mAdhviko labdhvA prapAtaM nAvabudhyate
02055004c Aruhya taM majjati vA patanaM vAdhigacchati
02055005a so 'yaM matto 'kSadevena madhuvan na parIkSate
02055005c prapAtaM budhyate naiva vairaM kRtvA mahArathaiH
02055006a viditaM te mahArAja rAjasv evAsamaJjasam
02055006c andhakA yAdavA bhojAH sametAH kaMsam atyajan
02055007a niyogAc ca hate tasmin kRSNenAmitraghAtinA
02055007c evaM te jJAtayaH sarve modamAnAH zataM samAH
02055008a tvanniyuktaH savyasAcI nigRhNAtu suyodhanam
02055008c nigrahAd asya pApasya modantAM kuravaH sukham
02055009a kAkenemAMz citrabarhAJ zArdUlAn kroSTukena ca
02055009c krINISva pANDavAn rAjan mA majjIH zokasAgare
02055010a tyajet kulArthe puruSaM grAmasyArthe kulaM tyajet
02055010c grAmaM janapadasyArthe AtmArthe pRthivIM tyajet
02055011a sarvajJaH sarvabhAvajJaH sarvazatrubhayaMkaraH
02055011c iti sma bhASate kAvyo jambhatyAge mahAsurAn
02055012a hiraNyaSThIvinaH kaz cit pakSiNo vanagocarAn
02055012c gRhe kila kRtAvAsA&l lobhAd rAjann apIDayat
02055013a sadopabhojyA&l lobhAndho hiraNyArthe paraMtapa
02055013c AyatiM ca tadAtvaM ca ubhe sadyo vyanAzayat
02055014a tadAtvakAmaH pANDUMs tvaM mA druho bharatarSabha
02055014c mohAtmA tapyase pazcAt pakSihA puruSo yathA
02055015a jAtaM jAtaM pANDavebhyaH puSpam Adatsva bhArata
02055015c mAlAkAra ivArAme snehaM kurvan punaH punaH
02055016a vRkSAn aGgArakArIva mainAn dhAkSIH samUlakAn
02055016c mA gamaH sasutAmAtyaH sabalaz ca parAbhavam
02055017a samavetAn hi kaH pArthAn pratiyudhyeta bhArata
02055017c marudbhiH sahito rAjann api sAkSAn marutpatiH
02056001  vidura uvAca
02056001a dyUtaM mUlaM kalahasyAnupAti; mithobhedAya mahate vA raNAya
02056001c yad Asthito 'yaM dhRtarASTrasya putro; duryodhanaH sRjate vairam ugram
02056002a prAtipIyAH zAMtanavA bhaimasenAH sabAhlikAH
02056002c duryodhanAparAdhena kRcchraM prApsyanti sarvazaH
02056003a duryodhano madenaiva kSemaM rASTrAd apohati
02056003c viSANaM gaur iva madAt svayam Arujate balAt
02056004a yaz cittam anveti parasya rAjan; vIraH kaviH svAm atipatya dRSTim
02056004c nAvaM samudra iva bAlanetrAm; Aruhya ghore vyasane nimajjet
02056005a duryodhano glahate pANDavena; priyAyase tvaM jayatIti tac ca
02056005c atinarmAj jAyate saMprahAro; yato vinAzaH samupaiti puMsAm
02056006a AkarSas te 'vAkphalaH kupraNIto; hRdi prauDho mantrapadaH samAdhiH
02056006c yudhiSThireNa saphalaH saMstavo 'stu; sAmnaH surikto 'rimateH sudhanvA
02056007a prAtipIyAH zAMtanavAz ca rAjan; kAvyAM vAcaM zRNuta mAtyagAd vaH
02056007c vaizvAnaraM prajvalitaM sughoram; ayuddhena prazamayatotpatantam
02056008a yadA manyuM pANDavo 'jAtazatrur; na saMyacched akSamayAbhibhUtaH
02056008c vRkodaraH savyasAcI yamau ca; ko 'tra dvIpaH syAt tumule vas tadAnIm
02056009a mahArAja prabhavas tvaM dhanAnAM; purA dyUtAn manasA yAvad iccheH
02056009c bahu vittaM pANDavAMz cej jayes tvaM; kiM tena syAd vasu vindeha pArthAn
02056010a jAnImahe devitaM saubalasya; veda dyUte nikRtiM pArvatIyaH
02056010c yataH prAptaH zakunis tatra yAtu; mAyAyodhI bhArata pArvatIyaH
02057001  duryodhana uvAca
02057001a pareSAm eva yazasA zlAghase tvaM; sadA channaH kutsayan dhArtarASTrAn
02057001c jAnImas tvAM vidura yatpriyas tvaM; bAlAn ivAsmAn avamanyase tvam
02057002a suvijJeyaH puruSo 'nyatrakAmo; nindAprazaMse hi tathA yunakti
02057002c jihvA manas te hRdayaM nirvyanakti; jyAyo nirAha manasaH prAtikUlyam
02057003a utsaGgena vyAla ivAhRto 'si; mArjAravat poSakaM copahaMsi
02057003c bhartRghnatvAn na hi pApIya Ahus; tasmAt kSattaH kiM na bibheSi pApAt
02057004a jitvA zatrUn phalam AptaM mahan no; mAsmAn kSattaH paruSANIha vocaH
02057004c dviSadbhis tvaM saMprayogAbhinandI; muhur dveSaM yAsi naH saMpramohAt
02057005a amitratAM yAti naro 'kSamaM bruvan; nigUhate guhyam amitrasaMstave
02057005c tadAzritApatrapA kiM na bAdhate; yad icchasi tvaM tad ihAdya bhASase
02057006a mA no 'vamaMsthA vidma manas tavedaM; zikSasva buddhiM sthavirANAM sakAzAt
02057006c yazo rakSasva vidura saMpraNItaM; mA vyApRtaH parakAryeSu bhUs tvam
02057007a ahaM karteti vidura mAvamaMsthA; mA no nityaM paruSANIha vocaH
02057007c na tvAM pRcchAmi vidura yad dhitaM me; svasti kSattar mA titikSUn kSiNu tvam
02057008a ekaH zAstA na dvitIyo 'sti zAstA; garbhe zayAnaM puruSaM zAsti zAstA
02057008c tenAnuziSTaH pravaNAd ivAmbho; yathA niyukto 'smi tathA vahAmi
02057009a bhinatti zirasA zailam ahiM bhojayate ca yaH
02057009c sa eva tasya kurute kAryANAm anuzAsanam
02057010a yo balAd anuzAstIha so 'mitraM tena vindati
02057010c mitratAm anuvRttaM tu samupekSeta paNDitaH
02057011a pradIpya yaH pradIptAgniM prAk tvaran nAbhidhAvati
02057011c bhasmApi na sa vindeta ziSTaM kva cana bhArata
02057012a na vAsayet pAravargyaM dviSantaM; vizeSataH kSattar ahitaM manuSyam
02057012c sa yatrecchasi vidura tatra gaccha; susAntvitApi hy asatI strI jahAti
02057013  vidura uvAca
02057013a etAvatA ye puruSaM tyajanti; teSAM sakhyam antavad brUhi rAjan
02057013c rAjJAM hi cittAni pariplutAni; sAntvaM dattvA musalair ghAtayanti
02057014a abAlas tvaM manyase rAjaputra; bAlo 'ham ity eva sumandabuddhe
02057014c yaH sauhRde puruSaM sthApayitvA; pazcAd enaM dUSayate sa bAlaH
02057015a na zreyase nIyate mandabuddhiH; strI zrotriyasyeva gRhe praduSTA
02057015c dhruvaM na roced bharatarSabhasya; patiH kumAryA iva SaSTivarSaH
02057016a anupriyaM ced anukAGkSase tvaM; sarveSu kAryeSu hitAhiteSu
02057016c striyaz ca rAjaJ jaDapaGgukAMz ca; pRccha tvaM vai tAdRzAMz caiva mUDhAn
02057017a labhyaH khalu prAtipIya naro 'nupriyavAg iha
02057017c apriyasya tu pathyasya vaktA zrotA ca durlabhaH
02057018a yas tu dharme parAzvasya hitvA bhartuH priyApriye
02057018c apriyANy Aha pathyAni tena rAjA sahAyavAn
02057019a avyAdhijaM kaTukaM tIkSNam uSNaM; yazomuSaM paruSaM pUtigandhi
02057019c satAM peyaM yan na pibanty asanto; manyuM mahArAja piba prazAmya
02057020a vaicitravIryasya yazo dhanaM ca; vAJchAmy ahaM sahaputrasya zazvat
02057020c yathA tathA vo 'stu namaz ca vo 'stu; mamApi ca svasti dizantu viprAH
02057021a AzIviSAn netraviSAn kopayen na tu paNDitaH
02057021c evaM te 'haM vadAmIdaM prayataH kurunandana
02058001  zakunir uvAca
02058001a bahu vittaM parAjaiSIH pANDavAnAM yudhiSThira
02058001c AcakSva vittaM kaunteya yadi te 'sty aparAjitam
02058002  yudhiSThira uvAca
02058002a mama vittam asaMkhyeyaM yad ahaM veda saubala
02058002c atha tvaM zakune kasmAd vittaM samanupRcchasi
02058003a ayutaM prayutaM caiva kharvaM padmaM tathArbudam
02058003c zaGkhaM caiva nikharvaM ca samudraM cAtra paNyatAm
02058003e etan mama dhanaM rAjaMs tena dIvyAmy ahaM tvayA
02058004  vaizaMpAyana uvAca
02058004a etac chrutvA vyavasito nikRtiM samupAzritaH
02058004c jitam ity eva zakunir yudhiSThiram abhASata
02058005  yudhiSThira uvAca
02058005a gavAzvaM bahudhenUkam asaMkhyeyam ajAvikam
02058005c yat kiM cid anuvarNAnAM prAk sindhor api saubala
02058005e etan mama dhanaM rAjaMs tena dIvyAmy ahaM tvayA
02058006  vaizaMpAyana uvAca
02058006a etac chrutvA vyavasito nikRtiM samupAzritaH
02058006c jitam ity eva zakunir yudhiSThiram abhASata
02058007  yudhiSThira uvAca
02058007a puraM janapado bhUmir abrAhmaNadhanaiH saha
02058007c abrAhmaNAz ca puruSA rAjaJ ziSTaM dhanaM mama
02058007e etad rAjan dhanaM mahyaM tena dIvyAmy ahaM tvayA
02058008  vaizaMpAyana uvAca
02058008a etac chrutvA vyavasito nikRtiM samupAzritaH
02058008c jitam ity eva zakunir yudhiSThiram abhASata
02058009  yudhiSThira uvAca
02058009a rAjaputrA ime rAjaJ zobhante yena bhUSitAH
02058009c kuNDalAni ca niSkAz ca sarvaM cAGgavibhUSaNam
02058009e etan mama dhanaM rAjaMs tena dIvyAmy ahaM tvayA
02058010  vaizaMpAyana uvAca
02058010a etac chrutvA vyavasito nikRtiM samupAzritaH
02058010c jitam ity eva zakunir yudhiSThiram abhASata
02058011  yudhiSThira uvAca
02058011a zyAmo yuvA lohitAkSaH siMhaskandho mahAbhujaH
02058011c nakulo glaha eko me yac caitat svagataM dhanam
02058012  zakunir uvAca
02058012a priyas te nakulo rAjan rAjaputro yudhiSThira
02058012c asmAkaM dhanatAM prApto bhUyas tvaM kena dIvyasi
02058013  vaizaMpAyana uvAca
02058013a evam uktvA tu zakunis tAn akSAn pratyapadyata
02058013c jitam ity eva zakunir yudhiSThiram abhASata
02058014  yudhiSThira uvAca
02058014a ayaM dharmAn sahadevo 'nuzAsti; loke hy asmin paNDitAkhyAM gataz ca
02058014c anarhatA rAjaputreNa tena; tvayA dIvyAmy apriyavat priyeNa
02058015  vaizaMpAyana uvAca
02058015a etac chrutvA vyavasito nikRtiM samupAzritaH
02058015c jitam ity eva zakunir yudhiSThiram abhASata
02058016  zakunir uvAca
02058016a mAdrIputrau priyau rAjaMs tavemau vijitau mayA
02058016c garIyAMsau tu te manye bhImasenadhanaMjayau
02058017  yudhiSThira uvAca
02058017a adharmaM carase nUnaM yo nAvekSasi vai nayam
02058017c yo naH sumanasAM mUDha vibhedaM kartum icchasi
02058018  zakunir uvAca
02058018a garte mattaH prapatati pramattaH sthANum Rcchati
02058018c jyeSTho rAjan variSTho 'si namas te bharatarSabha
02058019a svapne na tAni pazyanti jAgrato vA yudhiSThira
02058019c kitavA yAni dIvyantaH pralapanty utkaTA iva
02058020  yudhiSThira uvAca
02058020a yo naH saMkhye naur iva pAranetA; jetA ripUNAM rAjaputras tarasvI
02058020c anarhatA lokavIreNa tena; dIvyAmy ahaM zakune phalgunena
02058021  vaizaMpAyana uvAca
02058021a etac chrutvA vyavasito nikRtiM samupAzritaH
02058021c jitam ity eva zakunir yudhiSThiram abhASata
02058022  zakunir uvAca
02058022a ayaM mayA pANDavAnAM dhanurdharaH; parAjitaH pANDavaH savyasAcI
02058022c bhImena rAjan dayitena dIvya; yat kaitavyaM pANDava te 'vaziSTam
02058023  yudhiSThira uvAca
02058023a yo no netA yo yudhAM naH praNetA; yathA vajrI dAnavazatrur ekaH
02058023c tiryakprekSI saMhatabhrUr mahAtmA; siMhaskandho yaz ca sadAtyamarSI
02058024a balena tulyo yasya pumAn na vidyate; gadAbhRtAm agrya ihArimardanaH
02058024c anarhatA rAjaputreNa tena; dIvyAmy ahaM bhImasenena rAjan
02058025  vaizaMpAyana uvAca
02058025a etac chrutvA vyavasito nikRtiM samupAzritaH
02058025c jitam ity eva zakunir yudhiSThiram abhASata
02058026  zakunir uvAca
02058026a bahu vittaM parAjaiSIr bhrAtqMz ca sahayadvipAn
02058026c AcakSva vittaM kaunteya yadi te 'sty aparAjitam
02058027  yudhiSThira uvAca
02058027a ahaM viziSTaH sarveSAM bhrAtqNAM dayitas tathA
02058027c kuryAmas te jitAH karma svayam Atmany upaplave
02058028  vaizaMpAyana uvAca
02058028a etac chrutvA vyavasito nikRtiM samupAzritaH
02058028c jitam ity eva zakunir yudhiSThiram abhASata
02058029  zakunir uvAca
02058029a etat pApiSTham akaror yad AtmAnaM parAjitaH
02058029c ziSTe sati dhane rAjan pApa AtmaparAjayaH
02058030  vaizaMpAyana uvAca
02058030a evam uktvA matAkSas tAn glahe sarvAn avasthitAn
02058030c parAjayal lokavIrAn AkSepeNa pRthak pRthak
02058031  zakunir uvAca
02058031a asti vai te priyA devI glaha eko 'parAjitaH
02058031c paNasva kRSNAM pAJcAlIM tayAtmAnaM punar jaya
02058032  yudhiSThira uvAca
02058032a naiva hrasvA na mahatI nAtikRSNA na rohiNI
02058032c sarAgaraktanetrA ca tayA dIvyAmy ahaM tvayA
02058033a zAradotpalapatrAkSyA zAradotpalagandhayA
02058033c zAradotpalasevinyA rUpeNa zrIsamAnayA
02058034a tathaiva syAd AnRzaMsyAt tathA syAd rUpasaMpadA
02058034c tathA syAc chIlasaMpattyA yAm icchet puruSaH striyam
02058035a caramaM saMvizati yA prathamaM pratibudhyate
02058035c A gopAlAvipAlebhyaH sarvaM veda kRtAkRtam
02058036a AbhAti padmavad vaktraM sasvedaM mallikeva ca
02058036c vedImadhyA dIrghakezI tAmrAkSI nAtiromazA
02058037a tayaivaMvidhayA rAjan pAJcAlyAhaM sumadhyayA
02058037c glahaM dIvyAmi cArvaGgyA draupadyA hanta saubala
02058038  vaizaMpAyana uvAca
02058038a evam ukte tu vacane dharmarAjena bhArata
02058038c dhig dhig ity eva vRddhAnAM sabhyAnAM niHsRtA giraH
02058039a cukSubhe sA sabhA rAjan rAjJAM saMjajJire kathAH
02058039c bhISmadroNakRpAdInAM svedaz ca samajAyata
02058040a ziro gRhItvA viduro gatasattva ivAbhavat
02058040c Aste dhyAyann adhovaktro niHzvasan pannago yathA
02058041a dhRtarASTras tu saMhRSTaH paryapRcchat punaH punaH
02058041c kiM jitaM kiM jitam iti hy AkAraM nAbhyarakSata
02058042a jaharSa karNo 'tibhRzaM saha duHzAsanAdibhiH
02058042c itareSAM tu sabhyAnAM netrebhyaH prApataj jalam
02058043a saubalas tv avicAryaiva jitakAzI madotkaTaH
02058043c jitam ity eva tAn akSAn punar evAnvapadyata
02059001  duryodhana uvAca
02059001a ehi kSattar draupadIm Anayasva; priyAM bhAryAM saMmatAM pANDavAnAm
02059001c saMmArjatAM vezma paraitu zIghram; Anando naH saha dAsIbhir astu
02059002  vidura uvAca
02059002a durvibhAvyaM bhavati tvAdRzena; na manda saMbudhyasi pAzabaddhaH
02059002c prapAte tvaM lambamAno na vetsi; vyAghrAn mRgaH kopayase 'tibAlyAt
02059003a AzIviSAH zirasi te pUrNakozA mahAviSAH
02059003c mA kopiSThAH sumandAtman mA gamas tvaM yamakSayam
02059004a na hi dAsItvam ApannA kRSNA bhavati bhArata
02059004c anIzena hi rAjJaiSA paNe nyasteti me matiH
02059005a ayaM dhatte veNur ivAtmaghAtI; phalaM rAjA dhRtarASTrasya putraH
02059005c dyUtaM hi vairAya mahAbhayAya; pakvo na budhyaty ayam antakAle
02059006a nAruMtudaH syAn na nRzaMsavAdI; na hInataH param abhyAdadIta
02059006c yayAsya vAcA para udvijeta; na tAM vaded ruzatIM pApalokyAm
02059007a samuccaranty ativAdA hi vaktrAd; yair AhataH zocati rAtryahAni
02059007c parasya nAmarmasu te patanti; tAn paNDito nAvasRjet pareSu
02059008a ajo hi zastram akhanat kilaikaH; zastre vipanne padbhir apAsya bhUmim
02059008c nikRntanaM svasya kaNThasya ghoraM; tadvad vairaM mA khanIH pANDuputraiH
02059009a na kiM cid IDyaM pravadanti pApaM; vanecaraM vA gRhamedhinaM vA
02059009c tapasvinaM saMparipUrNavidyaM; bhaSanti haivaM zvanarAH sadaiva
02059010a dvAraM sughoraM narakasya jihmaM; na budhyase dhRtarASTrasya putra
02059010c tvAm anvetAro bahavaH kurUNAM; dyUtodaye saha duHzAsanena
02059011a majjanty alAbUni zilAH plavante; muhyanti nAvo 'mbhasi zazvad eva
02059011c mUDho rAjA dhRtarASTrasya putro; na me vAcaH pathyarUpAH zRNoti
02059012a anto nUnaM bhavitAyaM kurUNAM; sudAruNaH sarvaharo vinAzaH
02059012c vAcaH kAvyAH suhRdAM pathyarUpA; na zrUyante vardhate lobha eva
02060001  vaizaMpAyana uvAca
02060001a dhig astu kSattAram iti bruvANo; darpeNa matto dhRtarASTrasya putraH
02060001c avaikSata prAtikAmIM sabhAyAm; uvAca cainaM paramAryamadhye
02060002a tvaM prAtikAmin draupadIm Anayasva; na te bhayaM vidyate pANDavebhyaH
02060002c kSattA hy ayaM vivadaty eva bhIrur; na cAsmAkaM vRddhikAmaH sadaiva
02060003a evam uktaH prAtikAmI sa sUtaH; prAyAc chIghraM rAjavaco nizamya
02060003c pravizya ca zveva sa siMhagoSThaM; samAsadan mahiSIM pANDavAnAm
02060004  prAtikAmy uvAca
02060004a yudhiSThire dyUtamadena matte; duryodhano draupadi tvAm ajaiSIt
02060004c sA prapadya tvaM dhRtarASTrasya vezma; nayAmi tvAM karmaNe yAjJaseni
02060005  draupady uvAca
02060005a kathaM tv evaM vadasi prAtikAmin; ko vai dIvyed bhAryayA rAjaputraH
02060005c mUDho rAjA dyUtamadena matta; Aho nAnyat kaitavam asya kiM cit
02060006  prAtikAmy uvAca
02060006a yadA nAbhUt kaitavam anyad asya; tadAdevIt pANDavo 'jAtazatruH
02060006c nyastAH pUrvaM bhrAtaras tena rAjJA; svayaM cAtmA tvam atho rAjaputri
02060007  draupady uvAca
02060007a gaccha tvaM kitavaM gatvA sabhAyAM pRccha sUtaja
02060007c kiM nu pUrvaM parAjaiSIr AtmAnaM mAM nu bhArata
02060007e etaj jJAtvA tvam Agaccha tato mAM naya sUtaja
02060008  vaizaMpAyana uvAca
02060008a sabhAM gatvA sa covAca draupadyAs tad vacas tadA
02060008c kasyezo naH parAjaiSIr iti tvAm Aha draupadI
02060008e kiM nu pUrvaM parAjaiSIr AtmAnam atha vApi mAm
02060009a yudhiSThiras tu nizceSTo gatasattva ivAbhavat
02060009c na taM sUtaM pratyuvAca vacanaM sAdhv asAdhu vA
02060010  duryodhana uvAca
02060010a ihaitya kRSNA pAJcAlI praznam etaM prabhASatAm
02060010c ihaiva sarve zRNvantu tasyA asya ca yad vacaH
02060011  vaizaMpAyana uvAca
02060011a sa gatvA rAjabhavanaM duryodhanavazAnugaH
02060011c uvAca draupadIM sUtaH prAtikAmI vyathann iva
02060012a sabhyAs tv amI rAjaputry Ahvayanti; manye prAptaH saMkSayaH kauravANAm
02060012c na vai samRddhiM pAlayate laghIyAn; yat tvaM sabhAm eSyasi rAjaputri
02060013  draupady uvAca
02060013a evaM nUnaM vyadadhAt saMvidhAtA; sparzAv ubhau spRzato dhIrabAlau
02060013c dharmaM tv ekaM paramaM prAha loke; sa naH zamaM dhAsyati gopyamAnaH
02060014  vaizaMpAyana uvAca
02060014a yudhiSThiras tu tac chrutvA duryodhanacikIrSitam
02060014c draupadyAH saMmataM dUtaM prAhiNod bharatarSabha
02060015a ekavastrA adhonIvI rodamAnA rajasvalA
02060015c sabhAm Agamya pAJcAlI zvazurasyAgrato 'bhavat
02060016a tatas teSAM mukham Alokya rAjA; duryodhanaH sUtam uvAca hRSTaH
02060016c ihaivaitAm Anaya prAtikAmin; pratyakSam asyAH kuravo bruvantu
02060017a tataH sUtas tasya vazAnugAmI; bhItaz ca kopAd drupadAtmajAyAH
02060017c vihAya mAnaM punar eva sabhyAn; uvAca kRSNAM kim ahaM bravImi
02060018  duryodhana uvAca
02060018a duHzAsanaiSa mama sUtaputro; vRkodarAd udvijate 'lpacetAH
02060018c svayaM pragRhyAnaya yAjJasenIM; kiM te kariSyanty avazAH sapatnAH
02060019a tataH samutthAya sa rAjaputraH; zrutvA bhrAtuH kopaviraktadRSTiH
02060019c pravizya tad vezma mahArathAnAm; ity abravId draupadIM rAjaputrIm
02060020a ehy ehi pAJcAli jitAsi kRSNe; duryodhanaM pazya vimuktalajjA
02060020c kurUn bhajasvAyatapadmanetre; dharmeNa labdhAsi sabhAM paraihi
02060021a tataH samutthAya sudurmanAH sA; vivarNam AmRjya mukhaM kareNa
02060021c ArtA pradudrAva yataH striyas tA; vRddhasya rAjJaH kurupuMgavasya
02060022a tato javenAbhisasAra roSAd; duHzAsanas tAm abhigarjamAnaH
02060022c dIrgheSu nIleSv atha cormimatsu; jagrAha kezeSu narendrapatnIm
02060023a ye rAjasUyAvabhRthe jalena; mahAkratau mantrapUtena siktAH
02060023c te pANDavAnAM paribhUya vIryaM; balAt pramRSTA dhRtarASTrajena
02060024a sa tAM parAmRzya sabhAsamIpam; AnIya kRSNAm atikRSNakezIm
02060024c duHzAsano nAthavatIm anAthavac; cakarSa vAyuH kadalIm ivArtAm
02060025a sA kRSyamANA namitAGgayaSTiH; zanair uvAcAdya rajasvalAsmi
02060025c ekaM ca vAso mama mandabuddhe; sabhAM netuM nArhasi mAm anArya
02060026a tato 'bravIt tAM prasabhaM nigRhya; kezeSu kRSNeSu tadA sa kRSNAm
02060026c kRSNaM ca jiSNuM ca hariM naraM ca; trANAya vikroza nayAmi hi tvAm
02060027a rajasvalA vA bhava yAjJaseni; ekAmbarA vApy atha vA vivastrA
02060027c dyUte jitA cAsi kRtAsi dAsI; dAsISu kAmaz ca yathopajoSam
02060028a prakIrNakezI patitArdhavastrA; duHzAsanena vyavadhUyamAnA
02060028c hrImaty amarSeNa ca dahyamAnA; zanair idaM vAkyam uvAca kRSNA
02060029a ime sabhAyAm upadiSTazAstrAH; kriyAvantaH sarva evendrakalpAH
02060029c gurusthAnA guravaz caiva sarve; teSAm agre notsahe sthAtum evam
02060030a nRzaMsakarmaMs tvam anAryavRtta; mA mAM vivastrAM kRdhi mA vikArSIH
02060030c na marSayeyus tava rAjaputrAH; sendrApi devA yadi te sahAyAH
02060031a dharme sthito dharmasutaz ca rAjA; dharmaz ca sUkSmo nipuNopalabhyaH
02060031c vAcApi bhartuH paramANumAtraM; necchAmi doSaM svaguNAn visRjya
02060032a idaM tv anAryaM kuruvIramadhye; rajasvalAM yat parikarSase mAm
02060032c na cApi kaz cit kurute 'tra pUjAM; dhruvaM tavedaM matam anvapadyan
02060033a dhig astu naSTaH khalu bhAratAnAM; dharmas tathA kSatravidAM ca vRttam
02060033c yatrAbhyatItAM kurudharmavelAM; prekSanti sarve kuravaH sabhAyAm
02060034a droNasya bhISmasya ca nAsti sattvaM; dhruvaM tathaivAsya mahAtmano 'pi
02060034c rAjJas tathA hImam adharmam ugraM; na lakSayante kuruvRddhamukhyAH
02060035a tathA bruvantI karuNaM sumadhyamA; kAkSeNa bhartqn kupitAn apazyat
02060035c sA pANDavAn kopaparItadehAn; saMdIpayAm Asa kaTAkSapAtaiH
02060036a hRtena rAjyena tathA dhanena; ratnaiz ca mukhyair na tathA babhUva
02060036c yathArtayA kopasamIritena; kRSNAkaTAkSeNa babhUva duHkham
02060037a duHzAsanaz cApi samIkSya kRSNAm; avekSamANAM kRpaNAn patIMs tAn
02060037c AdhUya vegena visaMjJakalpAm; uvAca dAsIti hasann ivograH
02060038a karNas tu tad vAkyam atIva hRSTaH; saMpUjayAm Asa hasan sazabdam
02060038c gAndhArarAjaH subalasya putras; tathaiva duHzAsanam abhyanandat
02060039a sabhyAs tu ye tatra babhUvur anye; tAbhyAm Rte dhArtarASTreNa caiva
02060039c teSAm abhUd duHkham atIva kRSNAM; dRSTvA sabhAyAM parikRSyamANAm
02060040  bhISma uvAca
02060040a na dharmasaukSmyAt subhage vivaktuM; zaknomi te praznam imaM yathAvat
02060040c asvo hy azaktaH paNituM parasvaM; striyaz ca bhartur vazatAM samIkSya
02060041a tyajeta sarvAM pRthivIM samRddhAM; yudhiSThiraH satyam atho na jahyAt
02060041c uktaM jito 'smIti ca pANDavena; tasmAn na zaknomi vivektum etat
02060042a dyUte 'dvitIyaH zakunir nareSu; kuntIsutas tena nisRSTakAmaH
02060042c na manyate tAM nikRtiM mahAtmA; tasmAn na te praznam imaM bravImi
02060043  draupady uvAca
02060043a AhUya rAjA kuzalaiH sabhAyAM; duSTAtmabhir naikRtikair anAryaiH
02060043c dyUtapriyair nAtikRtaprayatnaH; kasmAd ayaM nAma nisRSTakAmaH
02060044a sa zuddhabhAvo nikRtipravRttim; abudhyamAnaH kurupANDavAgryaH
02060044c saMbhUya sarvaiz ca jito 'pi yasmAt; pazcAc ca yat kaitavam abhyupetaH
02060045a tiSThanti ceme kuravaH sabhAyAm; IzAH sutAnAM ca tathA snuSANAm
02060045c samIkSya sarve mama cApi vAkyaM; vibrUta me praznam imaM yathAvat
02060046  vaizaMpAyana uvAca
02060046a tathA bruvantIM karuNaM rudantIm; avekSamANAm asakRt patIMs tAn
02060046c duHzAsanaH paruSANy apriyANi; vAkyAny uvAcAmadhurANi caiva
02060047a tAM kRSyamANAM ca rajasvalAM ca; srastottarIyAm atadarhamANAm
02060047c vRkodaraH prekSya yudhiSThiraM ca; cakAra kopaM paramArtarUpaH
02061001  bhIma uvAca
02061001a bhavanti deze bandhakyaH kitavAnAM yudhiSThira
02061001c na tAbhir uta dIvyanti dayA caivAsti tAsv api
02061002a kAzyo yad balim AhArSId dravyaM yac cAnyad uttamam
02061002c tathAnye pRthivIpAlA yAni ratnAny upAharan
02061003a vAhanAni dhanaM caiva kavacAny AyudhAni ca
02061003c rAjyam AtmA vayaM caiva kaitavena hRtaM paraiH
02061004a na ca me tatra kopo 'bhUt sarvasyezo hi no bhavAn
02061004c idaM tv atikRtaM manye draupadI yatra paNyate
02061005a eSA hy anarhatI bAlA pANDavAn prApya kauravaiH
02061005c tvatkRte klizyate kSudrair nRzaMsair nikRtipriyaiH
02061006a asyAH kRte manyur ayaM tvayi rAjan nipAtyate
02061006c bAhU te saMpradhakSyAmi sahadevAgnim Anaya
02061007  arjuna uvAca
02061007a na purA bhImasena tvam IdRzIr vaditA giraH
02061007c parais te nAzitaM nUnaM nRzaMsair dharmagauravam
02061008a na sakAmAH pare kAryA dharmam evAcarottamam
02061008c bhrAtaraM dhArmikaM jyeSThaM nAtikramitum arhati
02061009a AhUto hi parai rAjA kSAtradharmam anusmaran
02061009c dIvyate parakAmena tan naH kIrtikaraM mahat
02061010  bhImasena uvAca
02061010a evam asmikRtaM vidyAM yady asyAhaM dhanaMjaya
02061010c dIpte 'gnau sahitau bAhU nirdaheyaM balAd iva
02061011  vaizaMpAyana uvAca
02061011a tathA tAn duHkhitAn dRSTvA pANDavAn dhRtarASTrajaH
02061011c klizyamAnAM ca pAJcAlIM vikarNa idam abravIt
02061012a yAjJasenyA yad uktaM tad vAkyaM vibrUta pArthivAH
02061012c avivekena vAkyasya narakaH sadya eva naH
02061013a bhISmaz ca dhRtarASTraz ca kuruvRddhatamAv ubhau
02061013c sametya nAhatuH kiM cid viduraz ca mahAmatiH
02061014a bhAradvAjo 'pi sarveSAm AcAryaH kRpa eva ca
02061014c ata etAv api praznaM nAhatur dvijasattamau
02061015a ye tv anye pRthivIpAlAH sametAH sarvato dizaH
02061015c kAmakrodhau samutsRjya te bruvantu yathAmati
02061016a yad idaM draupadI vAkyam uktavaty asakRc chubhA
02061016c vimRzya kasya kaH pakSaH pArthivA vadatottaram
02061017a evaM sa bahuzaH sarvAn uktavAMs tAn sabhAsadaH
02061017c na ca te pRthivIpAlAs tam UcuH sAdhv asAdhu vA
02061018a uktvA tathAsakRt sarvAn vikarNaH pRthivIpatIn
02061018c pANiM pANau viniSpiSya niHzvasann idam abravIt
02061019a vibrUta pRthivIpAlA vAkyaM mA vA kathaM cana
02061019c manye nyAyyaM yad atrAhaM tad dhi vakSyAmi kauravAH
02061020a catvAry Ahur narazreSThA vyasanAni mahIkSitAm
02061020c mRgayAM pAnam akSAMz ca grAmye caivAtisaktatAm
02061021a eteSu hi naraH sakto dharmam utsRjya vartate
02061021c tathAyuktena ca kRtAM kriyAM loko na manyate
02061022a tad ayaM pANDuputreNa vyasane vartatA bhRzam
02061022c samAhUtena kitavair Asthito draupadIpaNaH
02061023a sAdhAraNI ca sarveSAM pANDavAnAm aninditA
02061023c jitena pUrvaM cAnena pANDavena kRtaH paNaH
02061024a iyaM ca kIrtitA kRSNA saubalena paNArthinA
02061024c etat sarvaM vicAryAhaM manye na vijitAm imAm
02061025a etac chrutvA mahAn nAdaH sabhyAnAm udatiSThata
02061025c vikarNaM zaMsamAnAnAM saubalaM ca vinindatAm
02061026a tasminn uparate zabde rAdheyaH krodhamUrchitaH
02061026c pragRhya ruciraM bAhum idaM vacanam abravIt
02061027a dRzyante vai vikarNe hi vaikRtAni bahUny api
02061027c tajjas tasya vinAzAya yathAgnir araNiprajaH
02061028a ete na kiM cid apy Ahuz codyamAnApi kRSNayA
02061028c dharmeNa vijitAM manye manyante drupadAtmajAm
02061029a tvaM tu kevalabAlyena dhArtarASTra vidIryase
02061029c yad bravISi sabhAmadhye bAlaH sthavirabhASitam
02061030a na ca dharmaM yathAtattvaM vetsi duryodhanAvara
02061030c yad bravISi jitAM kRSNAm ajiteti sumandadhIH
02061031a kathaM hy avijitAM kRSNAM manyase dhRtarASTraja
02061031c yadA sabhAyAM sarvasvaM nyastavAn pANDavAgrajaH
02061032a abhyantarA ca sarvasve draupadI bharatarSabha
02061032c evaM dharmajitAM kRSNAM manyase na jitAM katham
02061033a kIrtitA draupadI vAcA anujJAtA ca pANDavaiH
02061033c bhavaty avijitA kena hetunaiSA matA tava
02061034a manyase vA sabhAm etAm AnItAm ekavAsasam
02061034c adharmeNeti tatrApi zRNu me vAkyam uttaram
02061035a eko bhartA striyA devair vihitaH kurunandana
02061035c iyaM tv anekavazagA bandhakIti vinizcitA
02061036a asyAH sabhAm AnayanaM na citram iti me matiH
02061036c ekAmbaradharatvaM vApy atha vApi vivastratA
02061037a yac caiSAM draviNaM kiM cid yA caiSA ye ca pANDavAH
02061037c saubaleneha tat sarvaM dharmeNa vijitaM vasu
02061038a duHzAsana subAlo 'yaM vikarNaH prAjJavAdikaH
02061038c pANDavAnAM ca vAsAMsi draupadyAz cApy upAhara
02061039a tac chrutvA pANDavAH sarve svAni vAsAMsi bhArata
02061039c avakIryottarIyANi sabhAyAM samupAvizan
02061040a tato duHzAsano rAjan draupadyA vasanaM balAt
02061040c sabhAmadhye samAkSipya vyapakraSTuM pracakrame
02061041a AkRSyamANe vasane draupadyAs tu vizAM pate
02061041c tadrUpam aparaM vastraM prAdurAsId anekazaH
02061042a tato halahalAzabdas tatrAsId ghoranisvanaH
02061042c tad adbhutatamaM loke vIkSya sarvamahIkSitAm
02061043a zazApa tatra bhImas tu rAjamadhye mahAsvanaH
02061043c krodhAd visphuramANoSTho viniSpiSya kare karam
02061044a idaM me vAkyam AdaddhvaM kSatriyA lokavAsinaH
02061044c noktapUrvaM narair anyair na cAnyo yad vadiSyati
02061045a yady etad evam uktvA tu na kuryAM pRthivIzvarAH
02061045c pitAmahAnAM sarveSAM nAhaM gatim avApnuyAm
02061046a asya pApasya durjAter bhAratApasadasya ca
02061046c na pibeyaM balAd vakSo bhittvA ced rudhiraM yudhi
02061047a tasya te vacanaM zrutvA sarvalokapraharSaNam
02061047c pracakrur bahulAM pUjAM kutsanto dhRtarASTrajam
02061048a yadA tu vAsasAM rAziH sabhAmadhye samAcitaH
02061048c tato duHzAsanaH zrAnto vrIDitaH samupAvizat
02061049a dhikzabdas tu tatas tatra samabhUl lomaharSaNaH
02061049c sabhyAnAM naradevAnAM dRSTvA kuntIsutAMs tadA
02061050a na vibruvanti kauravyAH praznam etam iti sma ha
02061050c sa janaH krozati smAtra dhRtarASTraM vigarhayan
02061051a tato bAhU samucchritya nivArya ca sabhAsadaH
02061051c viduraH sarvadharmajJa idaM vacanam abravIt
02061052  vidura uvAca
02061052a draupadI praznam uktvaivaM roravIti hy anAthavat
02061052c na ca vibrUta taM praznaM sabhyA dharmo 'tra pIDyate
02061053a sabhAM prapadyate hy ArtaH prajvalann iva havyavAT
02061053c taM vai satyena dharmeNa sabhyAH prazamayanty uta
02061054a dharmapraznam atho brUyAd ArtaH sabhyeSu mAnavaH
02061054c vibrUyus tatra te praznaM kAmakrodhavazAtigAH
02061055a vikarNena yathAprajJam uktaH prazno narAdhipAH
02061055c bhavanto 'pi hi taM praznaM vibruvantu yathAmati
02061056a yo hi praznaM na vibrUyAd dharmadarzI sabhAM gataH
02061056c anRte yA phalAvAptis tasyAH so 'rdhaM samaznute
02061057a yaH punar vitathaM brUyAd dharmadarzI sabhAM gataH
02061057c anRtasya phalaM kRtsnaM saMprApnotIti nizcayaH
02061058a atrApy udAharantImam itihAsaM purAtanam
02061058c prahlAdasya ca saMvAdaM muner AGgirasasya ca
02061059a prahlAdo nAma daityendras tasya putro virocanaH
02061059c kanyAhetor AGgirasaM sudhanvAnam upAdravat
02061060a ahaM jyAyAn ahaM jyAyAn iti kanyepsayA tadA
02061060c tayor devanam atrAsIt prANayor iti naH zrutam
02061061a tayoH praznavivAdo 'bhUt prahlAdaM tAv apRcchatAm
02061061c jyAyAn ka Avayor ekaH praznaM prabrUhi mA mRSA
02061062a sa vai vivadanAd bhItaH sudhanvAnaM vyalokayat
02061062c taM sudhanvAbravIt kruddho brahmadaNDa iva jvalan
02061063a yadi vai vakSyasi mRSA prahlAdAtha na vakSyasi
02061063c zatadhA te ziro vajrI vajreNa prahariSyati
02061064a sudhanvanA tathoktaH san vyathito 'zvatthaparNavat
02061064c jagAma kazyapaM daityaH paripraSTuM mahaujasam
02061065  prahlAda uvAca
02061065a tvaM vai dharmasya vijJAtA daivasyehAsurasya ca
02061065c brAhmaNasya mahAprAjJa dharmakRcchram idaM zRNu
02061066a yo vai praznaM na vibrUyAd vitathaM vApi nirdizet
02061066c ke vai tasya pare lokAs tan mamAcakSva pRcchataH
02061067  kazyapa uvAca
02061067a jAnan na vibruvan praznaM kAmAt krodhAt tathA bhayAt
02061067c sahasraM vAruNAn pAzAn Atmani pratimuJcati
02061068a tasya saMvatsare pUrNe pAza ekaH pramucyate
02061068c tasmAt satyaM tu vaktavyaM jAnatA satyam aJjasA
02061069a viddho dharmo hy adharmeNa sabhAM yatra prapadyate
02061069c na cAsya zalyaM kRntanti viddhAs tatra sabhAsadaH
02061070a ardhaM harati vai zreSThaH pAdo bhavati kartRSu
02061070c pAdaz caiva sabhAsatsu ye na nindanti ninditam
02061071a anenA bhavati zreSTho mucyante ca sabhAsadaH
02061071c eno gacchati kartAraM nindArho yatra nindyate
02061072a vitathaM tu vadeyur ye dharmaM prahlAda pRcchate
02061072c iSTApUrtaM ca te ghnanti sapta caiva parAvarAn
02061073a hRtasvasya hi yad duHkhaM hataputrasya cApi yat
02061073c RNinaM prati yac caiva rAjJA grastasya cApi yat
02061074a striyAH patyA vihInAyAH sArthAd bhraSTasya caiva yat
02061074c adhyUDhAyAz ca yad duHkhaM sAkSibhir vihatasya ca
02061075a etAni vai samAny Ahur duHkhAni tridazezvarAH
02061075c tAni sarvANi duHkhAni prApnoti vitathaM bruvan
02061076a samakSadarzanAt sAkSyaM zravaNAc ceti dhAraNAt
02061076c tasmAt satyaM bruvan sAkSI dharmArthAbhyAM na hIyate
02061077  vidura uvAca
02061077a kazyapasya vacaH zrutvA prahlAdaH putram abravIt
02061077c zreyAn sudhanvA tvatto vai mattaH zreyAMs tathAGgirAH
02061078a mAtA sudhanvanaz cApi zreyasI mAtRtas tava
02061078c virocana sudhanvAyaM prANAnAm Izvaras tava
02061079  sudhanvovAca
02061079a putrasnehaM parityajya yas tvaM dharme pratiSThitaH
02061079c anujAnAmi te putraM jIvatv eSa zataM samAH
02061080  vidura uvAca
02061080a evaM vai paramaM dharmaM zrutvA sarve sabhAsadaH
02061080c yathApraznaM tu kRSNAyA manyadhvaM tatra kiM param
02061081  vaizaMpAyana uvAca
02061081a vidurasya vacaH zrutvA nocuH kiM cana pArthivAH
02061081c karNo duHzAsanaM tv Aha kRSNAM dAsIM gRhAn naya
02061082a tAM vepamAnAM savrIDAM pralapantIM sma pANDavAn
02061082c duHzAsanaH sabhAmadhye vicakarSa tapasvinIm
02062001  draupady uvAca
02062001a purastAt karaNIyaM me na kRtaM kAryam uttaram
02062001c vihvalAsmi kRtAnena karSatA balinA balAt
02062002a abhivAdaM karomy eSAM gurUNAM kurusaMsadi
02062002c na me syAd aparAdho 'yaM yad idaM na kRtaM mayA
02062003  vaizaMpAyana uvAca
02062003a sA tena ca samuddhUtA duHkhena ca tapasvinI
02062003c patitA vilalApedaM sabhAyAm atathocitA
02062004  draupady uvAca
02062004a svayaMvare yAsmi nRpair dRSTA raGge samAgataiH
02062004c na dRSTapUrvA cAnyatra sAham adya sabhAM gatA
02062005a yAM na vAyur na cAdityo dRSTavantau purA gRhe
02062005c sAham adya sabhAmadhye dRzyAmi kurusaMsadi
02062006a yAM na mRSyanti vAtena spRzyamAnAM purA gRhe
02062006c spRzyamAnAM sahante 'dya pANDavAs tAM durAtmanA
02062007a mRSyante kuravaz ceme manye kAlasya paryayam
02062007c snuSAM duhitaraM caiva klizyamAnAm anarhatIm
02062008a kiM tv ataH kRpaNaM bhUyo yad ahaM strI satI zubhA
02062008c sabhAmadhyaM vigAhe 'dya kva nu dharmo mahIkSitAm
02062009a dharmyAH striyaH sabhAM pUrvaM na nayantIti naH zrutam
02062009c sa naSTaH kauraveyeSu pUrvo dharmaH sanAtanaH
02062010a kathaM hi bhAryA pANDUnAM pArSatasya svasA satI
02062010c vAsudevasya ca sakhI pArthivAnAM sabhAm iyAm
02062011a tAm imAM dharmarAjasya bhAryAM sadRzavarNajAm
02062011c brUta dAsIm adAsIM vA tat kariSyAmi kauravAH
02062012a ayaM hi mAM dRDhaM kSudraH kauravANAM yazoharaH
02062012c kliznAti nAhaM tat soDhuM ciraM zakSyAmi kauravAH
02062013a jitAM vApy ajitAM vApi manyadhvaM vA yathA nRpAH
02062013c tathA pratyuktam icchAmi tat kariSyAmi kauravAH
02062014  bhISma uvAca
02062014a uktavAn asmi kalyANi dharmasya tu parAM gatim
02062014c loke na zakyate gantum api viprair mahAtmabhiH
02062015a balavAMs tu yathA dharmaM loke pazyati pUruSaH
02062015c sa dharmo dharmavelAyAM bhavaty abhihitaH paraiH
02062016a na vivektuM ca te praznam etaM zaknomi nizcayAt
02062016c sUkSmatvAd gahanatvAc ca kAryasyAsya ca gauravAt
02062017a nUnam antaH kulasyAsya bhavitA nacirAd iva
02062017c tathA hi kuravaH sarve lobhamohaparAyaNAH
02062018a kuleSu jAtAH kalyANi vyasanAbhyAhatA bhRzam
02062018c dharmyAn mArgAn na cyavante yathA nas tvaM vadhUH sthitA
02062019a upapannaM ca pAJcAli tavedaM vRttam IdRzam
02062019c yat kRcchram api saMprAptA dharmam evAnvavekSase
02062020a ete droNAdayaz caiva vRddhA dharmavido janAH
02062020c zUnyaiH zarIrais tiSThanti gatAsava ivAnatAH
02062021a yudhiSThiras tu prazne 'smin pramANam iti me matiH
02062021c ajitAM vA jitAM vApi svayaM vyAhartum arhati
02062022  vaizaMpAyana uvAca
02062022a tathA tu dRSTvA bahu tat tad evaM; rorUyamANAM kurarIm ivArtAm
02062022c nocur vacaH sAdhv atha vApy asAdhu; mahIkSito dhArtarASTrasya bhItAH
02062023a dRSTvA tu tAn pArthivaputrapautrAMs; tUSNIMbhUtAn dhRtarASTrasya putraH
02062023c smayann ivedaM vacanaM babhASe; pAJcAlarAjasya sutAM tadAnIm
02062024a tiSThatv ayaM prazna udArasattve; bhIme 'rjune sahadeve tathaiva
02062024c patyau ca te nakule yAjJaseni; vadantv ete vacanaM tvatprasUtam
02062025a anIzvaraM vibruvantv Aryamadhye; yudhiSThiraM tava pAJcAli hetoH
02062025c kurvantu sarve cAnRtaM dharmarAjaM; pAJcAli tvaM mokSyase dAsabhAvAt
02062026a dharme sthito dharmarAjo mahAtmA; svayaM cedaM kathayatv indrakalpaH
02062026c Izo vA te yady anIzo 'tha vaiSa; vAkyAd asya kSipram ekaM bhajasva
02062027a sarve hIme kauraveyAH sabhAyAM; duHkhAntare vartamAnAs tavaiva
02062027c na vibruvanty AryasattvA yathAvat; patIMz ca te samavekSyAlpabhAgyAn
02062028a tataH sabhyAH kururAjasya tatra; vAkyaM sarve prazazaMsus tadoccaiH
02062028c celAvedhAMz cApi cakrur nadanto; hA hety AsId api caivAtra nAdaH
02062028e sarve cAsan pArthivAH prItimantaH; kuruzreSThaM dhArmikaM pUjayantaH
02062029a yudhiSThiraM ca te sarve samudaikSanta pArthivAH
02062029c kiM nu vakSyati dharmajJa iti sAcIkRtAnanAH
02062030a kiM nu vakSyati bIbhatsur ajito yudhi pANDavaH
02062030c bhImaseno yamau ceti bhRzaM kautUhalAnvitAH
02062031a tasminn uparate zabde bhImaseno 'bravId idam
02062031c pragRhya vipulaM vRttaM bhujaM candanarUSitam
02062032a yady eSa gurur asmAkaM dharmarAjo yudhiSThiraH
02062032c na prabhuH syAt kulasyAsya na vayaM marSayemahi
02062033a Izo naH puNyatapasAM prANAnAm api cezvaraH
02062033c manyate jitam AtmAnaM yady eSa vijitA vayam
02062034a na hi mucyeta jIvan me padA bhUmim upaspRzan
02062034c martyadharmA parAmRzya pAJcAlyA mUrdhajAn imAn
02062035a pazyadhvam Ayatau vRttau bhujau me parighAv iva
02062035c naitayor antaraM prApya mucyetApi zatakratuH
02062036a dharmapAzasitas tv evaM nAdhigacchAmi saMkaTam
02062036c gauraveNa niruddhaz ca nigrahAd arjunasya ca
02062037a dharmarAjanisRSTas tu siMhaH kSudramRgAn iva
02062037c dhArtarASTrAn imAn pApAn niSpiSeyaM talAsibhiH
02062038a tam uvAca tadA bhISmo droNo vidura eva ca
02062038c kSamyatAm evam ity evaM sarvaM saMbhavati tvayi
02063001  karNa uvAca
02063001a trayaH kileme adhanA bhavanti; dAsaH ziSyaz cAsvatantrA ca nArI
02063001c dAsasya patnI tvaM dhanam asya bhadre; hInezvarA dAsadhanaM ca dAsI
02063002a pravizya sA naH paricArair bhajasva; tat te kAryaM ziSTam Avezya vezma
02063002c IzAH sma sarve tava rAjaputri; bhavanti te dhArtarASTrA na pArthAH
02063003a anyaM vRNISva patim Azu bhAmini; yasmAd dAsyaM na labhase devanena
02063003c anavadyA vai patiSu kAmavRttir; nityaM dAsye viditaM vai tavAstu
02063004a parAjito nakulo bhImaseno; yudhiSThiraH sahadevo 'rjunaz ca
02063004c dAsIbhUtA praviza yAjJaseni; parAjitAs te patayo na santi
02063005a prayojanaM cAtmani kiM nu manyate; parAkramaM pauruSaM ceha pArthaH
02063005c pAJcAlyasya drupadasyAtmajAm imAM; sabhAmadhye yo 'tidevId glaheSu
02063006  vaizaMpAyana uvAca
02063006a tad vai zrutvA bhImaseno 'tyamarSI; bhRzaM nizazvAsa tadArtarUpaH
02063006c rAjAnugo dharmapAzAnubaddho; dahann ivainaM kopaviraktadRSTiH
02063007  bhIma uvAca
02063007a nAhaM kupye sUtaputrasya rAjann; eSa satyaM dAsadharmaH praviSTaH
02063007c kiM vidviSo vAdya mAM dhArayeyur; nAdevIs tvaM yady anayA narendra
02063008  vaizaMpAyana uvAca
02063008a rAdheyasya vacaH zrutvA rAjA duryodhanas tadA
02063008c yudhiSThiram uvAcedaM tUSNIMbhUtam acetasam
02063009a bhImArjunau yamau caiva sthitau te nRpa zAsane
02063009c praznaM prabrUhi kRSNAM tvam ajitAM yadi manyase
02063010a evam uktvA sa kaunteyam apohya vasanaM svakam
02063010c smayann ivaikSat pAJcAlIm aizvaryamadamohitaH
02063011a kadalIdaNDasadRzaM sarvalakSaNapUjitam
02063011c gajahastapratIkAzaM vajrapratimagauravam
02063012a abhyutsmayitvA rAdheyaM bhImam AdharSayann iva
02063012c draupadyAH prekSamANAyAH savyam Urum adarzayat
02063013a vRkodaras tad Alokya netre utphAlya lohite
02063013c provAca rAjamadhye taM sabhAM vizrAvayann iva
02063014a pitRbhiH saha sAlokyaM mA sma gacched vRkodaraH
02063014c yady etam UruM gadayA na bhindyAM te mahAhave
02063015a kruddhasya tasya srotobhyaH sarvebhyaH pAvakArciSaH
02063015c vRkSasyeva vinizceruH koTarebhyaH pradahyataH
02063016  vidura uvAca
02063016a paraM bhayaM pazyata bhImasenAd; budhyadhvaM rAjJo varuNasyeva pAzAt
02063016c daiverito nUnam ayaM purastAt; paro 'nayo bharateSUdapAdi
02063017a atidyUtaM kRtam idaM dhArtarASTrA; ye 'syAM striyaM vivadadhvaM sabhAyAm
02063017c yogakSemo dRzyate vo mahAbhayaH; pApAn mantrAn kuravo mantrayanti
02063018a imaM dharmaM kuravo jAnatAzu; durdRSTe 'smin pariSat saMpraduSyet
02063018c imAM cet pUrvaM kitavo 'glahISyad; Izo 'bhaviSyad aparAjitAtmA
02063019a svapne yathaitad dhi dhanaM jitaM syAt; tad evaM manye yasya dIvyaty anIzaH
02063019c gAndhAriputrasya vaco nizamya; dharmAd asmAt kuravo mApayAta
02063020  duryodhana uvAca
02063020a bhImasya vAkye tadvad evArjunasya; sthito 'haM vai yamayoz caivam eva
02063020c yudhiSThiraM cet pravadanty anIzam; atho dAsyAn mokSyase yAjJaseni
02063021  arjuna uvAca
02063021a Izo rAjA pUrvam AsId glahe naH; kuntIputro dharmarAjo mahAtmA
02063021c Izas tv ayaM kasya parAjitAtmA; taj jAnIdhvaM kuravaH sarva eva
02063022  vaizaMpAyana uvAca
02063022a tato rAjJo dhRtarASTrasya gehe; gomAyur uccair vyAharad agnihotre
02063022c taM rAsabhAH pratyabhASanta rAjan; samantataH pakSiNaz caiva raudrAH
02063023a taM ca zabdaM viduras tattvavedI; zuzrAva ghoraM subalAtmajA ca
02063023c bhISmadroNau gautamaz cApi vidvAn; svasti svastIty api caivAhur uccaiH
02063024a tato gAndhArI viduraz caiva vidvAMs; tam utpAtaM ghoram AlakSya rAjJe
02063024c nivedayAm Asatur Artavat tadA; tato rAjA vAkyam idaM babhASe
02063025a hato 'si duryodhana mandabuddhe; yas tvaM sabhAyAM kurupuMgavAnAm
02063025c striyaM samAbhASasi durvinIta; vizeSato draupadIM dharmapatnIm
02063026a evam uktvA dhRtarASTro manISI; hitAnveSI bAndhavAnAm apAyAt
02063026c kRSNAM pAJcAlIm abravIt sAntvapUrvaM; vimRzyaitat prajJayA tattvabuddhiH
02063027  dhRtarASTra uvAca
02063027a varaM vRNISva pAJcAli matto yad abhikAGkSasi
02063027c vadhUnAM hi viziSTA me tvaM dharmaparamA satI
02063028  draupady uvAca
02063028a dadAsi ced varaM mahyaM vRNomi bharatarSabha
02063028c sarvadharmAnugaH zrImAn adAso 'stu yudhiSThiraH
02063029a manasvinam ajAnanto mA vai brUyuH kumArakAH
02063029c eSa vai dAsaputreti prativindhyaM tam Agatam
02063030a rAjaputraH purA bhUtvA yathA nAnyaH pumAn kva cit
02063030c lAlito dAsaputratvaM pazyan nazyed dhi bhArata
02063031  dhRtarASTra uvAca
02063031a dvitIyaM te varaM bhadre dadAmi varayasva mAm
02063031c mano hi me vitarati naikaM tvaM varam arhasi
02063032  draupady uvAca
02063032a sarathau sadhanuSkau ca bhImasenadhanaMjayau
02063032c nakulaM sahadevaM ca dvitIyaM varaye varam
02063033  dhRtarASTra uvAca
02063033a tRtIyaM varayAsmatto nAsi dvAbhyAM susatkRtA
02063033c tvaM hi sarvasnuSANAM me zreyasI dharmacAriNI
02063034  draupady uvAca
02063034a lobho dharmasya nAzAya bhagavan nAham utsahe
02063034c anarhA varam AdAtuM tRtIyaM rAjasattama
02063035a ekam Ahur vaizyavaraM dvau tu kSatrastriyA varau
02063035c trayas tu rAjJo rAjendra brAhmaNasya zataM varAH
02063036a pApIyAMsa ime bhUtvA saMtIrNAH patayo mama
02063036c vetsyanti caiva bhadrANi rAjan puNyena karmaNA
02064001  karNa uvAca
02064001a yA naH zrutA manuSyeSu striyo rUpeNa saMmatAH
02064001c tAsAm etAdRzaM karma na kasyAM cana zuzrumaH
02064002a krodhAviSTeSu pArtheSu dhArtarASTreSu cApy ati
02064002c draupadI pANDuputrANAM kRSNA zAntir ihAbhavat
02064003a aplave 'mbhasi magnAnAm apratiSThe nimajjatAm
02064003c pAJcAlI pANDuputrANAM naur eSA pAragAbhavat
02064004  vaizaMpAyana uvAca
02064004a tad vai zrutvA bhImasenaH kurumadhye 'tyamarSaNaH
02064004c strI gatiH pANDuputrANAm ity uvAca sudurmanAH
02064005a trINi jyotIMSi puruSa iti vai devalo 'bravIt
02064005c apatyaM karma vidyA ca yataH sRSTAH prajAs tataH
02064006a amedhye vai gataprANe zUnye jJAtibhir ujjhite
02064006c dehe tritayam evaitat puruSasyopajAyate
02064007a tan no jyotir abhihataM dArANAm abhimarzanAt
02064007c dhanaMjaya kathaM svit syAd apatyam abhimRSTajam
02064008  arjuna uvAca
02064008a na caivoktA na cAnuktA hInataH paruSA giraH
02064008c bhAratAH pratijalpanti sadA tUttamapUruSAH
02064009a smaranti sukRtAny eva na vairANi kRtAni ca
02064009c santaH prativijAnanto labdhvA pratyayam AtmanaH
02064010  bhIma uvAca
02064010a ihaivaitAMs turA sarvAn hanmi zatrUn samAgatAn
02064010c atha niSkramya rAjendra samUlAn kRndhi bhArata
02064011a kiM no vivaditeneha kiM naH klezena bhArata
02064011c adyaivaitAn nihanmIha prazAdhi vasudhAm imAm
02064012  vaizaMpAyana uvAca
02064012a ity uktvA bhImasenas tu kaniSThair bhrAtRbhir vRtaH
02064012c mRgamadhye yathA siMho muhuH parigham aikSata
02064013a sAntvyamAno vIjyamAnaH pArthenAkliSTakarmaNA
02064013c svidyate ca mahAbAhur antardAhena vIryavAn
02064014a kruddhasya tasya srotobhyaH karNAdibhyo narAdhipa
02064014c sadhUmaH sasphuliGgArciH pAvakaH samajAyata
02064015a bhrukuTIpuTaduSprekSyam abhavat tasya tan mukham
02064015c yugAntakAle saMprApte kRtAntasyeva rUpiNaH
02064016a yudhiSThiras tam AvArya bAhunA bAhuzAlinam
02064016c maivam ity abravIc cainaM joSam Assveti bhArata
02064017a nivArya taM mahAbAhuM kopasaMraktalocanam
02064017c pitaraM samupAtiSThad dhRtarASTraM kRtAJjaliH
02065001  yudhiSThira uvAca
02065001a rAjan kiM karavAmas te prazAdhy asmAMs tvam IzvaraH
02065001c nityaM hi sthAtum icchAmas tava bhArata zAsane
02065002  dhRtarASTra uvAca
02065002a ajAtazatro bhadraM te ariSTaM svasti gacchata
02065002c anujJAtAH sahadhanAH svarAjyam anuzAsata
02065003a idaM tv evAvaboddhavyaM vRddhasya mama zAsanam
02065003c dhiyA nigaditaM kRtsnaM pathyaM niHzreyasaM param
02065004a vettha tvaM tAta dharmANAM gatiM sUkSmAM yudhiSThira
02065004c vinIto 'si mahAprAjJa vRddhAnAM paryupAsitA
02065005a yato buddhis tataH zAntiH prazamaM gaccha bhArata
02065005c nAdArau kramate zastraM dArau zastraM nipAtyate
02065006a na vairANy abhijAnanti guNAn pazyanti nAguNAn
02065006c virodhaM nAdhigacchanti ye ta uttamapUruSAH
02065007a saMvAde paruSANy Ahur yudhiSThira narAdhamAH
02065007c pratyAhur madhyamAs tv etAn uktAH paruSam uttaram
02065008a naivoktA naiva cAnuktA ahitAH paruSA giraH
02065008c pratijalpanti vai dhIrAH sadA uttamapUruSAH
02065009a smaranti sukRtAny eva na vairANi kRtAny api
02065009c santaH prativijAnanto labdhvA pratyayam AtmanaH
02065010a tathAcaritam AryeNa tvayAsmin satsamAgame
02065010c duryodhanasya pAruSyaM tat tAta hRdi mA kRthAH
02065011a mAtaraM caiva gAndhArIM mAM ca tvadguNakAGkSiNam
02065011c upasthitaM vRddham andhaM pitaraM pazya bhArata
02065012a prekSApUrvaM mayA dyUtam idam AsId upekSitam
02065012c mitrANi draSTukAmena putrANAM ca balAbalam
02065013a azocyAH kuravo rAjan yeSAM tvam anuzAsitA
02065013c mantrI ca viduro dhImAn sarvazAstravizAradaH
02065014a tvayi dharmo 'rjune vIryaM bhImasene parAkramaH
02065014c zraddhA ca guruzuzrUSA yamayoH puruSAgryayoH
02065015a ajAtazatro bhadraM te khANDavaprastham Aviza
02065015c bhrAtRbhis te 'stu saubhrAtraM dharme te dhIyatAM manaH
02065016  vaizaMpAyana uvAca
02065016a ity ukto bharatazreSTho dharmarAjo yudhiSThiraH
02065016c kRtvAryasamayaM sarvaM pratasthe bhrAtRbhiH saha
02065017a te rathAn meghasaMkAzAn AsthAya saha kRSNayA
02065017c prayayur hRSTamanasa indraprasthaM purottamam
02066001  janamejaya uvAca
02066001a anujJAtAMs tAn viditvA saratnadhanasaMcayAn
02066001c pANDavAn dhArtarASTrANAM katham AsIn manas tadA
02066002  vaizaMpAyana uvAca
02066002a anujJAtAMs tAn viditvA dhRtarASTreNa dhImatA
02066002c rAjan duHzAsanaH kSipraM jagAma bhrAtaraM prati
02066003a duryodhanaM samAsAdya sAmAtyaM bharatarSabha
02066003c duHkhArto bharatazreSTha idaM vacanam abravIt
02066004a duHkhenaitat samAnItaM sthaviro nAzayaty asau
02066004c zatrusAd gamayad dravyaM tad budhyadhvaM mahArathAH
02066005a atha duryodhanaH karNaH zakuniz cApi saubalaH
02066005c mithaH saMgamya sahitAH pANDavAn prati mAninaH
02066006a vaicitravIryaM rAjAnaM dhRtarASTraM manISiNam
02066006c abhigamya tvarAyuktAH zlakSNaM vacanam abruvan
02066007  duryodhana uvAca
02066007a na tvayedaM zrutaM rAjan yaj jagAda bRhaspatiH
02066007c zakrasya nItiM pravadan vidvAn devapurohitaH
02066008a sarvopAyair nihantavyAH zatravaH zatrukarSaNa
02066008c purA yuddhAd balAd vApi prakurvanti tavAhitam
02066009a te vayaM pANDavadhanaiH sarvAn saMpUjya pArthivAn
02066009c yadi tAn yodhayiSyAmaH kiM vA naH parihAsyati
02066010a ahIn AzIviSAn kruddhAn daMzAya samupasthitAn
02066010c kRtvA kaNThe ca pRSThe ca kaH samutsraSTum arhati
02066011a AttazastrA rathagatAH kupitAs tAta pANDavAH
02066011c niHzeSaM naH kariSyanti kruddhA hy AzIviSA yathA
02066012a saMnaddho hy arjuno yAti vivRtya parameSudhI
02066012c gANDIvaM muhur Adatte niHzvasaMz ca nirIkSate
02066013a gadAM gurvIM samudyamya tvaritaz ca vRkodaraH
02066013c svarathaM yojayitvAzu niryAta iti naH zrutam
02066014a nakulaH khaDgam AdAya carma cApy aSTacandrakam
02066014c sahadevaz ca rAjA ca cakrur AkAram iGgitaiH
02066015a te tv AsthAya rathAn sarve bahuzastraparicchadAn
02066015c abhighnanto rathavrAtAn senAyogAya niryayuH
02066016a na kSaMsyante tathAsmAbhir jAtu viprakRtA hi te
02066016c draupadyAz ca pariklezaM kas teSAM kSantum arhati
02066017a punar dIvyAma bhadraM te vanavAsAya pANDavaiH
02066017c evam etAn vaze kartuM zakSyAmo bharatarSabha
02066018a te vA dvAdaza varSANi vayaM vA dyUtanirjitAH
02066018c pravizema mahAraNyam ajinaiH prativAsitAH
02066019a trayodazaM ca sajane ajJAtAH parivatsaram
02066019c jJAtAz ca punar anyAni vane varSANi dvAdaza
02066020a nivasema vayaM te vA tathA dyUtaM pravartatAm
02066020c akSAn uptvA punardyUtam idaM dIvyantu pANDavAH
02066021a etat kRtyatamaM rAjann asmAkaM bharatarSabha
02066021c ayaM hi zakunir veda savidyAm akSasaMpadam
02066022a dRDhamUlA vayaM rAjye mitrANi parigRhya ca
02066022c sAravad vipulaM sainyaM satkRtya ca durAsadam
02066023a te ca trayodaze varSe pArayiSyanti ced vratam
02066023c jeSyAmas tAn vayaM rAjan rocatAM te paraMtapa
02066024  dhRtarASTra uvAca
02066024a tUrNaM pratyAnayasvaitAn kAmaM vyadhvagatAn api
02066024c Agacchantu punardyUtam idaM kurvantu pANDavAH
02066025  vaizaMpAyana uvAca
02066025a tato droNaH somadatto bAhlIkaz ca mahArathaH
02066025c viduro droNaputraz ca vaizyAputraz ca vIryavAn
02066026a bhUrizravAH zAMtanavo vikarNaz ca mahArathaH
02066026c mA dyUtam ity abhASanta zamo 'stv iti ca sarvazaH
02066027a akAmAnAM ca sarveSAM suhRdAm arthadarzinAm
02066027c akarot pANDavAhvAnaM dhRtarASTraH sutapriyaH
02066028a athAbravIn mahArAja dhRtarASTraM janezvaram
02066028c putrahArdAd dharmayuktaM gAndhArI zokakarzitA
02066029a jAte duryodhane kSattA mahAmatir abhASata
02066029c nIyatAM paralokAya sAdhv ayaM kulapAMsanaH
02066030a vyanadaj jAtamAtro hi gomAyur iva bhArata
02066030c anto nUnaM kulasyAsya kuravas tan nibodhata
02066031a mA bAlAnAm aziSTAnAm abhimaMsthA matiM prabho
02066031c mA kulasya kSaye ghore kAraNaM tvaM bhaviSyasi
02066032a baddhaM setuM ko nu bhindyAd dhamec chAntaM ca pAvakam
02066032c zame dhRtAn punaH pArthAn kopayet ko nu bhArata
02066033a smarantaM tvAm AjamIDha smArayiSyAmy ahaM punaH
02066033c zAstraM na zAsti durbuddhiM zreyase vetarAya vA
02066034a na vai vRddho bAlamatir bhaved rAjan kathaM cana
02066034c tvannetrAH santu te putrA mA tvAM dIrNAH prahAsiSuH
02066035a zamena dharmeNa parasya buddhyA; jAtA buddhiH sAstu te mA pratIpA
02066035c pradhvaMsinI krUrasamAhitA zrIr; mRduprauDhA gacchati putrapautrAn
02066036a athAbravIn mahArAjo gAndhArIM dharmadarzinIm
02066036c antaH kAmaM kulasyAstu na zakSyAmi nivAritum
02066037a yathecchanti tathaivAstu pratyAgacchantu pANDavAH
02066037c punardyUtaM prakurvantu mAmakAH pANDavaiH saha
02067001  vaizaMpAyana uvAca
02067001a tato vyadhvagataM pArthaM prAtikAmI yudhiSThiram
02067001c uvAca vacanAd rAjJo dhRtarASTrasya dhImataH
02067002a upastIrNA sabhA rAjann akSAn uptvA yudhiSThira
02067002c ehi pANDava dIvyeti pitA tvAm Aha bhArata
02067003  yudhiSThira uvAca
02067003a dhAtur niyogAd bhUtAni prApnuvanti zubhAzubham
02067003c na nivRttis tayor asti devitavyaM punar yadi
02067004a akSadyUte samAhvAnaM niyogAt sthavirasya ca
02067004c jAnann api kSayakaraM nAtikramitum utsahe
02067005  vaizaMpAyana uvAca
02067005a iti bruvan nivavRte bhrAtRbhiH saha pANDavaH
02067005c jAnaMz ca zakuner mAyAM pArtho dyUtam iyAt punaH
02067006a vivizus te sabhAM tAM tu punar eva mahArathAH
02067006c vyathayanti sma cetAMsi suhRdAM bharatarSabhAH
02067007a yathopajoSam AsInAH punardyUtapravRttaye
02067007c sarvalokavinAzAya daivenopanipIDitAH
02067008  zakunir uvAca
02067008a amuJcat sthaviro yad vo dhanaM pUjitam eva tat
02067008c mahAdhanaM glahaM tv ekaM zRNu me bharatarSabha
02067009a vayaM dvAdaza varSANi yuSmAbhir dyUtanirjitAH
02067009c pravizema mahAraNyaM rauravAjinavAsasaH
02067010a trayodazaM ca sajane ajJAtAH parivatsaram
02067010c jJAtAz ca punar anyAni vane varSANi dvAdaza
02067011a asmAbhir vA jitA yUyaM vane varSANi dvAdaza
02067011c vasadhvaM kRSNayA sArdham ajinaiH prativAsitAH
02067012a trayodaze ca nirvRtte punar eva yathocitam
02067012c svarAjyaM pratipattavyam itarair atha vetaraiH
02067013a anena vyavasAyena sahAsmAbhir yudhiSThira
02067013c akSAn uptvA punardyUtam ehi dIvyasva bhArata
02067014  sabhAsada UcuH
02067014a aho dhig bAndhavA nainaM bodhayanti mahad bhayam
02067014c buddhyA bodhyaM na budhyante svayaM ca bharatarSabhAH
02067015  vaizaMpAyana uvAca
02067015a janapravAdAn subahUn iti zRNvan narAdhipaH
02067015c hriyA ca dharmasaGgAc ca pArtho dyUtam iyAt punaH
02067016a jAnann api mahAbuddhiH punardyUtam avartayat
02067016c apy ayaM na vinAzaH syAt kurUNAm iti cintayan
02067017  yudhiSThira uvAca
02067017a kathaM vai madvidho rAjA svadharmam anupAlayan
02067017c AhUto vinivarteta dIvyAmi zakune tvayA
02067018  zakunir uvAca
02067018a gavAzvaM bahudhenUkam aparyantam ajAvikam
02067018c gajAH kozo hiraNyaM ca dAsIdAsaM ca sarvazaH
02067019a eSa no glaha evaiko vanavAsAya pANDavAH
02067019c yUyaM vayaM vA vijitA vasema vanam AzritAH
02067020a anena vyavasAyena dIvyAma bharatarSabha
02067020c samutkSepeNa caikena vanavAsAya bhArata
02067021  vaizaMpAyana uvAca
02067021a pratijagrAha taM pArtho glahaM jagrAha saubalaH
02067021c jitam ity eva zakunir yudhiSThiram abhASata
02068001  vaizaMpAyana uvAca
02068001a vanavAsAya cakrus te matiM pArthAH parAjitAH
02068001c ajinAny uttarIyANi jagRhuz ca yathAkramam
02068002a ajinaiH saMvRtAn dRSTvA hRtarAjyAn ariMdamAn
02068002c prasthitAn vanavAsAya tato duHzAsano 'bravIt
02068003a pravRttaM dhArtarASTrasya cakraM rAjJo mahAtmanaH
02068003c parAbhUtAH pANDuputrA vipattiM paramAM gatAH
02068004a adya devAH saMprayAtAH samair vartmabhir asthalaiH
02068004c guNajyeSThAs tathA jyeSThA bhUyAMso yad vayaM paraiH
02068005a narakaM pAtitAH pArthA dIrghakAlam anantakam
02068005c sukhAc ca hInA rAjyAc ca vinaSTAH zAzvatIH samAH
02068006a balena mattA ye te sma dhArtarASTrAn prahAsiSuH
02068006c te nirjitA hRtadhanA vanam eSyanti pANDavAH
02068007a citrAn saMnAhAn avamuJcantu caiSAM; vAsAMsi divyAni ca bhAnumanti
02068007c nivAsyantAM rurucarmANi sarve; yathA glahaM saubalasyAbhyupetAH
02068008a na santi lokeSu pumAMsa IdRzA; ity eva ye bhAvitabuddhayaH sadA
02068008c jJAsyanti te ''tmAnam ime 'dya pANDavA; viparyaye SaNDhatilA ivAphalAH
02068009a ayaM hi vAsodaya IdRzAnAM; manasvinAM kaurava mA bhaved vaH
02068009c adIkSitAnAm ajinAni yadvad; balIyasAM pazyata pANDavAnAm
02068010a mahAprAjJaH somako yajJasenaH; kanyAM pAJcAlIM pANDavebhyaH pradAya
02068010c akArSId vai duSkRtaM neha santi; klIbAH pArthAH patayo yAjJasenyAH
02068011a sUkSmAn prAvArAn ajinAni coditAn; dRSTvAraNye nirdhanAn apratiSThAn
02068011c kAM tvaM prItiM lapsyase yAjJaseni; patiM vRNISva yam ihAnyam icchasi
02068012a ete hi sarve kuravaH sametAH; kSAntA dAntAH sudraviNopapannAH
02068012c eSAM vRNISvaikatamaM patitve; na tvAM tapet kAlaviparyayo 'yam
02068013a yathAphalAH SaNDhatilA yathA carmamayA mRgAH
02068013c tathaiva pANDavAH sarve yathA kAkayavA api
02068014a kiM pANDavAMs tvaM patitAn upAsse; moghaH zramaH SaNDhatilAn upAsya
02068014c evaM nRzaMsaH paruSANi pArthAn; azrAvayad dhRtarASTrasya putraH
02068015a tad vai zrutvA bhImaseno 'tyamarSI; nirbhartsyoccais taM nigRhyaiva roSAt
02068015c uvAcedaM sahasaivopagamya; siMho yathA haimavataH zRgAlam
02068016  bhImasena uvAca
02068016a krUra pApajanair juSTam akRtArthaM prabhASase
02068016c gAndhAravidyayA hi tvaM rAjamadhye vikatthase
02068017a yathA tudasi marmANi vAkzarair iha no bhRzam
02068017c tathA smArayitA te 'haM kRntan marmANi saMyuge
02068018a ye ca tvAm anuvartante kAmalobhavazAnugAH
02068018c goptAraH sAnubandhAMs tAn neSyAmi yamasAdanam
02068019  vaizaMpAyana uvAca
02068019a evaM bruvANam ajinair vivAsitaM; duHkhAbhibhUtaM parinRtyati sma
02068019c madhye kurUNAM dharmanibaddhamArgaM; gaur gaur iti smAhvayan muktalajjaH
02068020  bhImasena uvAca
02068020a nRzaMsaM paruSaM krUraM zakyaM duHzAsana tvayA
02068020c nikRtyA hi dhanaM labdhvA ko vikatthitum arhati
02068021a mA ha sma sukRtA&l lokAn gacchet pArtho vRkodaraH
02068021c yadi vakSasi bhittvA te na pibec choNitaM raNe
02068022a dhArtarASTrAn raNe hatvA miSatAM sarvadhanvinAm
02068022c zamaM gantAsmi nacirAt satyam etad bravImi vaH
02068023  vaizaMpAyana uvAca
02068023a tasya rAjA siMhagateH sakhelaM; duryodhano bhImasenasya harSAt
02068023c gatiM svagatyAnucakAra mando; nirgacchatAM pANDavAnAM sabhAyAH
02068024a naitAvatA kRtam ity abravIt taM; vRkodaraH saMnivRttArdhakAyaH
02068024c zIghraM hi tvA nihataM sAnubandhaM; saMsmAryAhaM prativakSyAmi mUDha
02068025a etat samIkSyAtmani cAvamAnaM; niyamya manyuM balavAn sa mAnI
02068025c rAjAnugaH saMsadi kauravANAM; viniSkraman vAkyam uvAca bhImaH
02068026a ahaM duryodhanaM hantA karNaM hantA dhanaMjayaH
02068026c zakuniM cAkSakitavaM sahadevo haniSyati
02068027a idaM ca bhUyo vakSyAmi sabhAmadhye bRhad vacaH
02068027c satyaM devAH kariSyanti yan no yuddhaM bhaviSyati
02068028a suyodhanam imaM pApaM hantAsmi gadayA yudhi
02068028c ziraH pAdena cAsyAham adhiSThAsyAmi bhUtale
02068029a vAkyazUrasya caivAsya paruSasya durAtmanaH
02068029c duHzAsanasya rudhiraM pAtAsmi mRgarAD iva
02068030  arjuna uvAca
02068030a naiva vAcA vyavasitaM bhIma vijJAyate satAm
02068030c itaz caturdaze varSe draSTAro yad bhaviSyati
02068031a duryodhanasya karNasya zakunez ca durAtmanaH
02068031c duHzAsanacaturthAnAM bhUmiH pAsyati zoNitam
02068032a asUyitAraM vaktAraM prasraSTAraM durAtmanAm
02068032c bhImasena niyogAt te hantAhaM karNam Ahave
02068033a arjunaH pratijAnIte bhImasya priyakAmyayA
02068033c karNaM karNAnugAMz caiva raNe hantAsmi patribhiH
02068034a ye cAnye pratiyotsyanti buddhimohena mAM nRpAH
02068034c tAMz ca sarvAJ zitair bANair netAsmi yamasAdanam
02068035a caled dhi himavAn sthAnAn niSprabhaH syAd divAkaraH
02068035c zaityaM somAt praNazyeta matsatyaM vicaled yadi
02068036a na pradAsyati ced rAjyam ito varSe caturdaze
02068036c duryodhano hi satkRtya satyam etad bhaviSyati
02068037  vaizaMpAyana uvAca
02068037a ity uktavati pArthe tu zrImAn mAdravatIsutaH
02068037c pragRhya vipulaM bAhuM sahadevaH pratApavAn
02068038a saubalasya vadhaM prepsur idaM vacanam abravIt
02068038c krodhasaMraktanayano niHzvasann iva pannagaH
02068039a akSAn yAn manyase mUDha gAndhArANAM yazohara
02068039c naite 'kSA nizitA bANAs tvayaite samare vRtAH
02068040a yathA caivoktavAn bhImas tvAm uddizya sabAndhavam
02068040c kartAhaM karmaNas tasya kuru kAryANi sarvazaH
02068041a hantAsmi tarasA yuddhe tvAM vikramya sabAndhavam
02068041c yadi sthAsyasi saMgrAme kSatradharmeNa saubala
02068042a sahadevavacaH zrutvA nakulo 'pi vizAM pate
02068042c darzanIyatamo nqNAm idaM vacanam abravIt
02068043a suteyaM yajJasenasya dyUte 'smin dhRtarASTrajaiH
02068043c yair vAcaH zrAvitA rUkSAH sthitair duryodhanapriye
02068044a tAn dhArtarASTrAn durvRttAn mumUrSUn kAlacoditAn
02068044c darzayiSyAmi bhUyiSTham ahaM vaivasvatakSayam
02068045a nidezAd dharmarAjasya draupadyAH padavIM caran
02068045c nirdhArtarASTrAM pRthivIM kartAsmi nacirAd iva
02068046a evaM te puruSavyAghrAH sarve vyAyatabAhavaH
02068046c pratijJA bahulAH kRtvA dhRtarASTram upAgaman
02069001  yudhiSThira uvAca
02069001a AmantrayAmi bharatAMs tathA vRddhaM pitAmaham
02069001c rAjAnaM somadattaM ca mahArAjaM ca bAhlikam
02069002a droNaM kRpaM nRpAMz cAnyAn azvatthAmAnam eva ca
02069002c viduraM dhRtarASTraM ca dhArtarASTrAMz ca sarvazaH
02069003a yuyutsuM saMjayaM caiva tathaivAnyAn sabhAsadaH
02069003c sarvAn Amantrya gacchAmi draSTAsmi punar etya vaH
02069004  vaizaMpAyana uvAca
02069004a na ca kiM cit tadocus te hriyA santo yudhiSThiram
02069004c manobhir eva kalyANaM dadhyus te tasya dhImataH
02069005  vidura uvAca
02069005a AryA pRthA rAjaputrI nAraNyaM gantum arhati
02069005c sukumArI ca vRddhA ca nityaM caiva sukhocitA
02069006a iha vatsyati kalyANI satkRtA mama vezmani
02069006c iti pArthA vijAnIdhvam agadaM vo 'stu sarvazaH
02069007a yudhiSThira vijAnIhi mamedaM bharatarSabha
02069007c nAdharmeNa jitaH kaz cid vyathate vai parAjayAt
02069008a tvaM vai dharmAn vijAnISe yudhAM vettA dhanaMjayaH
02069008c hantArINAM bhImaseno nakulas tv arthasaMgrahI
02069009a saMyantA sahadevas tu dhaumyo brahmaviduttamaH
02069009c dharmArthakuzalA caiva draupadI dharmacAriNI
02069010a anyonyasya priyAH sarve tathaiva priyavAdinaH
02069010c parair abhedyAH saMtuSTAH ko vo na spRhayed iha
02069011a eSa vai sarvakalyANaH samAdhis tava bhArata
02069011c nainaM zatrur viSahate zakreNApi samo 'cyuta
02069012a himavaty anuziSTo 'si merusAvarNinA purA
02069012c dvaipAyanena kRSNena nagare vAraNAvate
02069013a bhRgutuGge ca rAmeNa dRSadvatyAM ca zaMbhunA
02069013c azrauSIr asitasyApi maharSer aJjanaM prati
02069014a draSTA sadA nAradasya dhaumyas te 'yaM purohitaH
02069014c mA hArSIH sAMparAye tvaM buddhiM tAm RSipUjitAm
02069015a purUravasam ailaM tvaM buddhyA jayasi pANDava
02069015c zaktyA jayasi rAjJo 'nyAn RSIn dharmopasevayA
02069016a aindre jaye dhRtamanA yAmye kopavidhAraNe
02069016c visarge caiva kaubere vAruNe caiva saMyame
02069017a AtmapradAnaM saumyatvam adbhyaz caivopajIvanam
02069017c bhUmeH kSamA ca tejaz ca samagraM sUryamaNDalAt
02069018a vAyor balaM viddhi sa tvaM bhUtebhyaz cAtmasaMbhavam
02069018c agadaM vo 'stu bhadraM vo drakSyAmi punarAgatAn
02069019a ApaddharmArthakRcchreSu sarvakAryeSu vA punaH
02069019c yathAvat pratipadyethAH kAle kAle yudhiSThira
02069020a ApRSTo 'sIha kaunteya svasti prApnuhi bhArata
02069020c kRtArthaM svastimantaM tvAM drakSyAmaH punarAgatam
02069021  vaizaMpAyana uvAca
02069021a evam uktas tathety uktvA pANDavaH satyavikramaH
02069021c bhISmadroNau namaskRtya prAtiSThata yudhiSThiraH
02070001  vaizaMpAyana uvAca
02070001a tasmin saMprasthite kRSNA pRthAM prApya yazasvinIm
02070001c ApRcchad bhRzaduHkhArtA yAz cAnyAs tatra yoSitaH
02070002a yathArhaM vandanAzleSAn kRtvA gantum iyeSa sA
02070002c tato ninAdaH sumahAn pANDavAntaHpure 'bhavat
02070003a kuntI ca bhRzasaMtaptA draupadIM prekSya gacchatIm
02070003c zokavihvalayA vAcA kRcchrAd vacanam abravIt
02070004a vatse zoko na te kAryaH prApyedaM vyasanaM mahat
02070004c strIdharmANAm abhijJAsi zIlAcAravatI tathA
02070005a na tvAM saMdeSTum arhAmi bhartqn prati zucismite
02070005c sAdhvIguNasamAdhAnair bhUSitaM te kuladvayam
02070006a sabhAgyAH kuravaz ceme ye na dagdhAs tvayAnaghe
02070006c ariSTaM vraja panthAnaM madanudhyAnabRMhitA
02070007a bhAviny arthe hi satstrINAM vaiklavyaM nopajAyate
02070007c gurudharmAbhiguptA ca zreyaH kSipram avApsyasi
02070008a sahadevaz ca me putraH sadAvekSyo vane vasan
02070008c yathedaM vyasanaM prApya nAsya sIden mahan manaH
02070009a tathety uktvA tu sA devI sravannetrajalAvilA
02070009c zoNitAktaikavasanA muktakezy abhiniryayau
02070010a tAM krozantIM pRthA duHkhAd anuvavrAja gacchatIm
02070010c athApazyat sutAn sarvAn hRtAbharaNavAsasaH
02070011a rurucarmAvRtatanUn hriyA kiM cid avAGmukhAn
02070011c paraiH parItAn saMhRSTaiH suhRdbhiz cAnuzocitAn
02070012a tadavasthAn sutAn sarvAn upasRtyAtivatsalA
02070012c sasvajAnAvadac chokAt tat tad vilapatI bahu
02070013a kathaM saddharmacAritravRttasthitivibhUSitAn
02070013c akSudrAn dRDhabhaktAMz ca daivatejyAparAn sadA
02070014a vyasanaM vaH samabhyAgAt ko 'yaM vidhiviparyayaH
02070014c kasyApadhyAnajaM cedam AgaH pazyAmi vo dhiyA
02070015a syAt tu madbhAgyadoSo 'yaM yAhaM yuSmAn ajIjanam
02070015c duHkhAyAsabhujo 'tyarthaM yuktAn apy uttamair guNaiH
02070016a kathaM vatsyatha durgeSu vaneSv RddhivinAkRtAH
02070016c vIryasattvabalotsAhatejobhir akRzAH kRzAH
02070017a yady etad aham ajJAsyaM vanavAso hi vo dhruvam
02070017c zatazRGgAn mRte pANDau nAgamiSyaM gajAhvayam
02070018a dhanyaM vaH pitaraM manye tapomedhAnvitaM tathA
02070018c yaH putrAdhim asaMprApya svargecchAm akarot priyAm
02070019a dhanyAM cAtIndriyajJAnAm imAM prAptAM parAM gatim
02070019c manye 'dya mAdrIM dharmajJAM kalyANIM sarvathaiva hi
02070020a ratyA matyA ca gatyA ca yayAham abhisaMdhitA
02070020c jIvitapriyatAM mahyaM dhig imAM klezabhAginIm
02070021a evaM vilapatIM kuntIm abhisAntvya praNamya ca
02070021c pANDavA vigatAnandA vanAyaiva pravavrajuH
02070022a vidurAdayaz ca tAm ArtAM kuntIm AzvAsya hetubhiH
02070022c prAvezayan gRhaM kSattuH svayam ArtatarAH zanaiH
02070023a rAjA ca dhRtarASTraH sa zokAkulitacetanaH
02070023c kSattuH saMpreSayAm Asa zIghram AgamyatAm iti
02070024a tato jagAma viduro dhRtarASTranivezanam
02070024c taM paryapRcchat saMvigno dhRtarASTro narAdhipaH
02071001  dhRtarASTra uvAca
02071001a kathaM gacchati kaunteyo dharmarAjo yudhiSThiraH
02071001c bhImasenaH savyasAcI mAdrIputrau ca tAv ubhau
02071002a dhaumyaz caiva kathaM kSattar draupadI vA tapasvinI
02071002c zrotum icchAmy ahaM sarvaM teSAm aGgaviceSTitam
02071003  vidura uvAca
02071003a vastreNa saMvRtya mukhaM kuntIputro yudhiSThiraH
02071003c bAhU vizAlau kRtvA tu bhImo gacchati pANDavaH
02071004a sikatA vapan savyasAcI rAjAnam anugacchati
02071004c mAdrIputraH sahadevo mukham Alipya gacchati
02071005a pAMsUpaliptasarvAGgo nakulaz cittavihvalaH
02071005c darzanIyatamo loke rAjAnam anugacchati
02071006a kRSNA kezaiH praticchAdya mukham AyatalocanA
02071006c darzanIyA prarudatI rAjAnam anugacchati
02071007a dhaumyo yAmyAni sAmAni raudrANi ca vizAM pate
02071007c gAyan gacchati mArgeSu kuzAn AdAya pANinA
02071008  dhRtarASTra uvAca
02071008a vividhAnIha rUpANi kRtvA gacchanti pANDavAH
02071008c tan mamAcakSva vidura kasmAd evaM vrajanti te
02071009  vidura uvAca
02071009a nikRtasyApi te putrair hRte rAjye dhaneSu ca
02071009c na dharmAc calate buddhir dharmarAjasya dhImataH
02071010a yo 'sau rAjA ghRNI nityaM dhArtarASTreSu bhArata
02071010c nikRtyA krodhasaMtapto nonmIlayati locane
02071011a nAhaM janaM nirdaheyaM dRSTvA ghoreNa cakSuSA
02071011c sa pidhAya mukhaM rAjA tasmAd gacchati pANDavaH
02071012a yathA ca bhImo vrajati tan me nigadataH zRNu
02071012c bAhvor bale nAsti samo mameti bharatarSabha
02071013a bAhU vizAlau kRtvA tu tena bhImo 'pi gacchati
02071013c bAhU darzayamAno hi bAhudraviNadarpitaH
02071013e cikIrSan karma zatrubhyo bAhudravyAnurUpataH
02071014a pradizaJ zarasaMpAtAn kuntIputro 'rjunas tadA
02071014c sikatA vapan savyasAcI rAjAnam anugacchati
02071015a asaktAH sikatAs tasya yathA saMprati bhArata
02071015c asaktaM zaravarSANi tathA mokSyati zatruSu
02071016a na me kaz cid vijAnIyAn mukham adyeti bhArata
02071016c mukham Alipya tenAsau sahadevo 'pi gacchati
02071017a nAhaM manAMsy AdadeyaM mArge strINAm iti prabho
02071017c pAMsUpacitasarvAGgo nakulas tena gacchati
02071018a ekavastrA tu rudatI muktakezI rajasvalA
02071018c zoNitAktArdravasanA draupadI vAkyam abravIt
02071019a yatkRte 'ham imAM prAptA teSAM varSe caturdaze
02071019c hatapatyo hatasutA hatabandhujanapriyAH
02071020a bandhuzoNitadigdhAGgyo muktakezyo rajasvalAH
02071020c evaM kRtodakA nAryaH pravekSyanti gajAhvayam
02071021a kRtvA tu nairRtAn darbhAn dhIro dhaumyaH purohitaH
02071021c sAmAni gAyan yAmyAni purato yAti bhArata
02071022a hateSu bhArateSv Ajau kurUNAM guravas tadA
02071022c evaM sAmAni gAsyantIty uktvA dhaumyo 'pi gacchati
02071023a hA hA gacchanti no nAthAH samavekSadhvam IdRzam
02071023c iti paurAH suduHkhArtAH krozanti sma samantataH
02071024a evam AkAraliGgais te vyavasAyaM manogatam
02071024c kathayantaH sma kaunteyA vanaM jagmur manasvinaH
02071025a evaM teSu narAgryeSu niryatsu gajasAhvayAt
02071025c anabhre vidyutaz cAsan bhUmiz ca samakampata
02071026a rAhur agrasad Adityam aparvaNi vizAM pate
02071026c ulkA cApy apasavyaM tu puraM kRtvA vyazIryata
02071027a pravyAharanti kravyAdA gRdhragomAyuvAyasAH
02071027c devAyatanacaityeSu prAkArATTAlakeSu ca
02071028a evam ete mahotpAtA vanaM gacchati pANDave
02071028c bhAratAnAm abhAvAya rAjan durmantrite tava
02071029a nAradaz ca sabhAmadhye kurUNAm agrataH sthitaH
02071029c maharSibhiH parivRto raudraM vAkyam uvAca ha
02071030a itaz caturdaze varSe vinaGkSyantIha kauravAH
02071030c duryodhanAparAdhena bhImArjunabalena ca
02071031a ity uktvA divam Akramya kSipram antaradhIyata
02071031c brAhmIM zriyaM suvipulAM bibhrad devarSisattamaH
02071032a tato duryodhanaH karNaH zakuniz cApi saubalaH
02071032c droNaM dvIpam amanyanta rAjyaM cAsmai nyavedayan
02071033a athAbravIt tato droNo duryodhanam amarSaNam
02071033c duHzAsanaM ca karNaM ca sarvAn eva ca bhAratAn
02071034a avadhyAn pANDavAn Ahur devaputrAn dvijAtayaH
02071034c ahaM tu zaraNaM prAptAn vartamAno yathAbalam
02071035a gatAn sarvAtmanA bhaktyA dhArtarASTrAn sarAjakAn
02071035c notsahe samabhityaktuM daivamUlam ataH param
02071036a dharmataH pANDuputrA vai vanaM gacchanti nirjitAH
02071036c te ca dvAdaza varSANi vane vatsyanti kauravAH
02071037a caritabrahmacaryAz ca krodhAmarSavazAnugAH
02071037c vairaM pratyAnayiSyanti mama duHkhAya pANDavAH
02071038a mayA tu bhraMzito rAjyAd drupadaH sakhivigrahe
02071038c putrArtham ayajat krodhAd vadhAya mama bhArata
02071039a yAjopayAjatapasA putraM lebhe sa pAvakAt
02071039c dhRSTadyumnaM draupadIM ca vedImadhyAt sumadhyamAm
02071040a jvAlAvarNo devadatto dhanuSmAn kavacI zarI
02071040c martyadharmatayA tasmAd iti mAM bhayam Avizat
02071041a gato hi pakSatAM teSAM pArSataH puruSarSabhaH
02071041c sRSTaprANo bhRzataraM tasmAd yotsye tavAribhiH
02071042a madvadhAya zruto hy eSa loke cApy ativizrutaH
02071042c nUnaM so 'yam anuprAptas tvatkRte kAlaparyayaH
02071043a tvaritAH kuruta zreyo naitad etAvatA kRtam
02071043c muhUrtaM sukham evaitat tAlacchAyeva haimanI
02071044a yajadhvaM ca mahAyajJair bhogAn aznIta datta ca
02071044c itaz caturdaze varSe mahat prApsyatha vaizasam
02071045a duryodhana nizamyaitat pratipadya yathecchasi
02071045c sAma vA pANDaveyeSu prayuGkSva yadi manyase
02071046  vaizaMpAyana uvAca
02071046a droNasya vacanaM zrutvA dhRtarASTro 'bravId idam
02071046c samyag Aha guruH kSattar upAvartaya pANDavAn
02071047a yadi vA na nivartante satkRtA yAntu pANDavAH
02071047c sazastrarathapAdAtA bhogavantaz ca putrakAH
02072001  vaizaMpAyana uvAca
02072001a vanaM gateSu pArtheSu nirjiteSu durodare
02072001c dhRtarASTraM mahArAja tadA cintA samAvizat
02072002a taM cintayAnam AsInaM dhRtarASTraM janezvaram
02072002c niHzvasantam anekAgram iti hovAca saMjayaH
02072003a avApya vasusaMpUrNAM vasudhAM vasudhAdhipa
02072003c pravrAjya pANDavAn rAjyAd rAjan kim anuzocasi
02072004  dhRtarASTra uvAca
02072004a azocyaM tu kutas teSAM yeSAM vairaM bhaviSyati
02072004c pANDavair yuddhazauNDair hi mitravadbhir mahArathaiH
02072005  saMjaya uvAca
02072005a tavedaM sukRtaM rAjan mahad vairaM bhaviSyati
02072005c vinAzaH sarvalokasya sAnubandho bhaviSyati
02072006a vAryamANo 'pi bhISmeNa droNena vidureNa ca
02072006c pANDavAnAM priyAM bhAryAM draupadIM dharmacAriNIm
02072007a prAhiNod Anayeheti putro duryodhanas tava
02072007c sUtaputraM sumandAtmA nirlajjaH prAtikAminam
02072008  dhRtarASTra uvAca
02072008a yasmai devAH prayacchanti puruSAya parAbhavam
02072008c buddhiM tasyApakarSanti so 'pAcInAni pazyati
02072009a buddhau kaluSabhUtAyAM vinAze pratyupasthite
02072009c anayo nayasaMkAzo hRdayAn nApasarpati
02072010a anarthAz cArtharUpeNa arthAz cAnartharUpiNaH
02072010c uttiSThanti vinAzAnte naraM tac cAsya rocate
02072011a na kAlo daNDam udyamya ziraH kRntati kasya cit
02072011c kAlasya balam etAvad viparItArthadarzanam
02072012a AsAditam idaM ghoraM tumulaM lomaharSaNam
02072012c pAJcAlIm apakarSadbhiH sabhAmadhye tapasvinIm
02072013a ayonijAM rUpavatIM kule jAtAM vibhAvarIm
02072013c ko nu tAM sarvadharmajJAM paribhUya yazasvinIm
02072014a paryAnayet sabhAmadhyam Rte durdyUtadevinam
02072014c strIdharmiNIM varArohAM zoNitena samukSitAm
02072015a ekavastrAM ca pAJcAlIM pANDavAn abhyavekSatIm
02072015c hRtasvAn bhraSTacittAMs tAn hRtadArAn hRtazriyaH
02072016a vihInAn sarvakAmebhyo dAsabhAvavazaM gatAn
02072016c dharmapAzaparikSiptAn azaktAn iva vikrame
02072017a kruddhAm amarSitAM kRSNAM duHkhitAM kurusaMsadi
02072017c duryodhanaz ca karNaz ca kaTukAny abhyabhASatAm
02072018a tasyAH kRpaNacakSurbhyAM pradahyetApi medinI
02072018c api zeSaM bhaved adya putrANAM mama saMjaya
02072019a bhAratAnAM striyaH sarvA gAndhAryA saha saMgatAH
02072019c prAkrozan bhairavaM tatra dRSTvA kRSNAM sabhAgatAm
02072020a agnihotrANi sAyAhne na cAhUyanta sarvazaH
02072020c brAhmaNAH kupitAz cAsan draupadyAH parikarSaNe
02072021a AsIn niSTAnako ghoro nirghAtaz ca mahAn abhUt
02072021c divolkAz cApatan ghorA rAhuz cArkam upAgrasat
02072021e aparvaNi mahAghoraM prajAnAM janayan bhayam
02072022a tathaiva rathazAlAsu prAdurAsId dhutAzanaH
02072022c dhvajAz ca vyavazIryanta bharatAnAm abhUtaye
02072023a duryodhanasyAgnihotre prAkrozan bhairavaM zivAH
02072023c tAs tadA pratyabhASanta rAsabhAH sarvatodizam
02072024a prAtiSThata tato bhISmo droNena saha saMjaya
02072024c kRpaz ca somadattaz ca bAhlIkaz ca mahArathaH
02072025a tato 'ham abruvaM tatra vidureNa pracoditaH
02072025c varaM dadAni kRSNAyai kAGkSitaM yad yad icchati
02072026a avRNot tatra pAJcAlI pANDavAn amitaujasaH
02072026c sarathAn sadhanuSkAMz cApy anujJAsiSam apy aham
02072027a athAbravIn mahAprAjJo viduraH sarvadharmavit
02072027c etadantAH stha bharatA yad vaH kRSNA sabhAM gatA
02072028a eSA pAJcAlarAjasya sutaiSA zrIr anuttamA
02072028c pAJcAlI pANDavAn etAn daivasRSTopasarpati
02072029a tasyAH pArthAH pariklezaM na kSaMsyante 'tyamarSaNAH
02072029c vRSNayo vA maheSvAsAH pAJcAlA vA mahaujasaH
02072030a tena satyAbhisaMdhena vAsudevena rakSitAH
02072030c AgamiSyati bIbhatsuH pAJcAlair abhirakSitaH
02072031a teSAM madhye maheSvAso bhImaseno mahAbalaH
02072031c AgamiSyati dhunvAno gadAM daNDam ivAntakaH
02072032a tato gANDIvanirghoSaM zrutvA pArthasya dhImataH
02072032c gadAvegaM ca bhImasya nAlaM soDhuM narAdhipAH
02072033a tatra me rocate nityaM pArthaiH sArdhaM na vigrahaH
02072033c kurubhyo hi sadA manye pANDavAJ zaktimattarAn
02072034a tathA hi balavAn rAjA jarAsaMdho mahAdyutiH
02072034c bAhupraharaNenaiva bhImena nihato yudhi
02072035a tasya te zama evAstu pANDavair bharatarSabha
02072035c ubhayoH pakSayor yuktaM kriyatAm avizaGkayA
02072036a evaM gAvalgaNe kSattA dharmArthasahitaM vacaH
02072036c uktavAn na gRhItaM ca mayA putrahitepsayA