% Mahabharata: Udyogaparvan
% Last updated: Tue Jan 23 2024
% Encoding: ASCII
% Electronic text (C) Bhandarkar Oriental Research Institute,
% Pune, India, 1999
%
05001001  vaizaMpAyana uvAca
05001001a kRtvA vivAhaM tu kurupravIrAs; tadAbhimanyor muditasvapakSAH
05001001c vizramya catvAry uSasaH pratItAH; sabhAM virATasya tato 'bhijagmuH
05001002a sabhA tu sA matsyapateH samRddhA; maNipravekottamaratnacitrA
05001002c nyastAsanA mAlyavatI sugandhA; tAm abhyayus te nararAjavaryAH
05001003a athAsanAny AvizatAM purastAd; ubhau virATadrupadau narendrau
05001003c vRddhaz ca mAnyaH pRthivIpatInAM; pitAmaho rAmajanArdanAbhyAm
05001004a pAJcAlarAjasya samIpatas tu; zinipravIraH saharauhiNeyaH
05001004c matsyasya rAjJas tu susaMnikRSTau; janArdanaz caiva yudhiSThiraz ca
05001005a sutAz ca sarve drupadasya rAjJo; bhImArjunau mAdravatIsutau ca
05001005c pradyumnasAmbau ca yudhi pravIrau; virATaputraz ca sahAbhimanyuH
05001006a sarve ca zUrAH pitRbhiH samAnA; vIryeNa rUpeNa balena caiva
05001006c upAvizan draupadeyAH kumArAH; suvarNacitreSu varAsaneSu
05001007a tathopaviSTeSu mahAratheSu; vibhrAjamAnAmbarabhUSaNeSu
05001007c rarAja sA rAjavatI samRddhA; grahair iva dyaur vimalair upetA
05001008a tataH kathAs te samavAyayuktAH; kRtvA vicitrAH puruSapravIrAH
05001008c tasthur muhUrtaM paricintayantaH; kRSNaM nRpAs te samudIkSamANAH
05001009a kathAntam AsAdya ca mAdhavena; saMghaTTitAH pANDavakAryahetoH
05001009c te rAjasiMhAH sahitA hy azRNvan; vAkyaM mahArthaM ca mahodayaM ca
05001010  kRSNa uvAca
05001010a sarvair bhavadbhir viditaM yathAyaM; yudhiSThiraH saubalenAkSavatyAm
05001010c jito nikRtyApahRtaM ca rAjyaM; punaH pravAse samayaH kRtaz ca
05001011a zaktair vijetuM tarasA mahIM ca; satye sthitais tac caritaM yathAvat
05001011c pANDoH sutais tad vratam ugrarUpaM; varSANi SaT sapta ca bhAratAgryaiH
05001012a trayodazaz caiva sudustaro 'yam; ajJAyamAnair bhavatAM samIpe
05001012c klezAn asahyAMz ca titikSamANair; yathoSitaM tad viditaM ca sarvam
05001013a evaM gate dharmasutasya rAjJo; duryodhanasyApi ca yad dhitaM syAt
05001013c tac cintayadhvaM kurupANDavAnAM; dharmyaM ca yuktaM ca yazaskaraM ca
05001014a adharmayuktaM ca na kAmayeta; rAjyaM surANAm api dharmarAjaH
05001014c dharmArthayuktaM ca mahIpatitvaM; grAme 'pi kasmiMz cid ayaM bubhUSet
05001015a pitryaM hi rAjyaM viditaM nRpANAM; yathApakRSTaM dhRtarASTraputraiH
05001015c mithyopacAreNa tathApy anena; kRcchraM mahat prAptam asahyarUpam
05001016a na cApi pArtho vijito raNe taiH; svatejasA dhRtarASTrasya putraiH
05001016c tathApi rAjA sahitaH suhRdbhir; abhIpsate 'nAmayam eva teSAm
05001017a yat tat svayaM pANDusutair vijitya; samAhRtaM bhUmipatIn nipIDya
05001017c tat prArthayante puruSapravIrAH; kuntIsutA mAdravatIsutau ca
05001018a bAlAs tv ime tair vividhair upAyaiH; saMprArthitA hantum amitrasAhAH
05001018c rAjyaM jihIrSadbhir asadbhir ugraiH; sarvaM ca tad vo viditaM yathAvat
05001019a teSAM ca lobhaM prasamIkSya vRddhaM; dharmAtmatAM cApi yudhiSThirasya
05001019c saMbandhitAM cApi samIkSya teSAM; matiM kurudhvaM sahitAH pRthak ca
05001020a ime ca satye 'bhiratAH sadaiva; taM pArayitvA samayaM yathAvat
05001020c ato 'nyathA tair upacaryamANA; hanyuH sametAn dhRtarASTraputrAn
05001021a tair viprakAraM ca nizamya rAjJaH; suhRjjanAs tAn parivArayeyuH
05001021c yuddhena bAdheyur imAMs tathaiva; tair vadhyamAnA yudhi tAMz ca hanyuH
05001022a tathApi neme 'lpatayA samarthAs; teSAM jayAyeti bhaven mataM vaH
05001022c sametya sarve sahitAH suhRdbhis; teSAM vinAzAya yateyur eva
05001023a duryodhanasyApi mataM yathAvan; na jJAyate kiM nu kariSyatIti
05001023c ajJAyamAne ca mate parasya; kiM syAt samArabhyatamaM mataM vaH
05001024a tasmAd ito gacchatu dharmazIlaH; zuciH kulInaH puruSo 'pramattaH
05001024c dUtaH samarthaH prazamAya teSAM; rAjyArdhadAnAya yudhiSThirasya
05001025a nizamya vAkyaM tu janArdanasya; dharmArthayuktaM madhuraM samaM ca
05001025c samAdade vAkyam athAgrajo 'sya; saMpUjya vAkyaM tad atIva rAjan
05002001  baladeva uvAca
05002001a zrutaM bhavadbhir gadapUrvajasya; vAkyaM yathA dharmavad arthavac ca
05002001c ajAtazatroz ca hitaM hitaM ca; duryodhanasyApi tathaiva rAjJaH
05002002a ardhaM hi rAjyasya visRjya vIrAH; kuntIsutAs tasya kRte yatante
05002002c pradAya cArdhaM dhRtarASTraputraH; sukhI sahAsmAbhir atIva modet
05002003a labdhvA hi rAjyaM puruSapravIrAH; samyak pravRtteSu pareSu caiva
05002003c dhruvaM prazAntAH sukham Avizeyus; teSAM prazAntiz ca hitaM prajAnAm
05002004a duryodhanasyApi mataM ca vettuM; vaktuM ca vAkyAni yudhiSThirasya
05002004c priyaM mama syAd yadi tatra kaz cid; vrajec chamArthaM kurupANDavAnAm
05002005a sa bhISmam Amantrya kurupravIraM; vaicitravIryaM ca mahAnubhAvam
05002005c droNaM saputraM viduraM kRpaM ca; gAndhArarAjaM ca sasUtaputram
05002006a sarve ca ye 'nye dhRtarASTraputrA; balapradhAnA nigamapradhAnAH
05002006c sthitAz ca dharmeSu yathA svakeSu; lokapravIrAH zrutakAlavRddhAH
05002007a eteSu sarveSu samAgateSu; paureSu vRddheSu ca saMgateSu
05002007c bravItu vAkyaM praNipAtayuktaM; kuntIsutasyArthakaraM yathA syAt
05002008a sarvAsv avasthAsu ca te na kauTyAd; grasto hi so 'rtho balam Azritais taiH
05002008c priyAbhyupetasya yudhiSThirasya; dyUte pramattasya hRtaM ca rAjyam
05002009a nivAryamANaz ca kurupravIraiH; sarvaiH suhRdbhir hy ayam apy atajjJaH
05002009c gAndhArarAjasya sutaM matAkSaM; samAhvayed devitum AjamIDhaH
05002010a durodarAs tatra sahasrazo 'nye; yudhiSThiro yAn viSaheta jetum
05002010c utsRjya tAn saubalam eva cAyaM; samAhvayat tena jito 'kSavatyAm
05002011a sa dIvyamAnaH pratidevanena; akSeSu nityaM suparAGmukheSu
05002011c saMrambhamANo vijitaH prasahya; tatrAparAdhaH zakuner na kaz cit
05002012a tasmAt praNamyaiva vaco bravItu; vaicitravIryaM bahusAmayuktam
05002012c tathA hi zakyo dhRtarASTraputraH; svArthe niyoktuM puruSeNa tena
05002013  vaizaMpAyana uvAca
05002013a evaM bruvaty eva madhupravIre; zinipravIraH sahasotpapAta
05002013c tac cApi vAkyaM parinindya tasya; samAdade vAkyam idaM samanyuH
05003001  sAtyakir uvAca
05003001a yAdRzaH puruSasyAtmA tAdRzaM saMprabhASate
05003001c yathArUpo 'ntarAtmA te tathArUpaM prabhASase
05003002a santi vai puruSAH zUrAH santi kApuruSAs tathA
05003002c ubhAv etau dRDhau pakSau dRzyete puruSAn prati
05003003a ekasminn eva jAyete kule klIbamahArathau
05003003c phalAphalavatI zAkhe yathaikasmin vanaspatau
05003004a nAbhyasUyAmi te vAkyaM bruvato lAGgaladhvaja
05003004c ye tu zRNvanti te vAkyaM tAn asUyAmi mAdhava
05003005a kathaM hi dharmarAjasya doSam alpam api bruvan
05003005c labhate pariSanmadhye vyAhartum akutobhayaH
05003006a samAhUya mahAtmAnaM jitavanto 'kSakovidAH
05003006c anakSajJaM yathAzraddhaM teSu dharmajayaH kutaH
05003007a yadi kuntIsutaM gehe krIDantaM bhrAtRbhiH saha
05003007c abhigamya jayeyus te tat teSAM dharmato bhavet
05003008a samAhUya tu rAjAnaM kSatradharmarataM sadA
05003008c nikRtyA jitavantas te kiM nu teSAM paraM zubham
05003009a kathaM praNipatec cAyam iha kRtvA paNaM param
05003009c vanavAsAd vimuktas tu prAptaH paitAmahaM padam
05003010a yady ayaM paravittAni kAmayeta yudhiSThiraH
05003010c evam apy ayam atyantaM parAn nArhati yAcitum
05003011a kathaM ca dharmayuktAs te na ca rAjyaM jihIrSavaH
05003011c nivRttavAsAn kaunteyAn ya Ahur viditA iti
05003012a anunItA hi bhISmeNa droNena ca mahAtmanA
05003012c na vyavasyanti pANDUnAM pradAtuM paitRkaM vasu
05003013a ahaM tu tAJ zitair bANair anunIya raNe balAt
05003013c pAdayoH pAtayiSyAmi kaunteyasya mahAtmanaH
05003014a atha te na vyavasyanti praNipAtAya dhImataH
05003014c gamiSyanti sahAmAtyA yamasya sadanaM prati
05003015a na hi te yuyudhAnasya saMrabdhasya yuyutsataH
05003015c vegaM samarthAH saMsoDhuM vajrasyeva mahIdharAH
05003016a ko hi gANDIvadhanvAnaM kaz ca cakrAyudhaM yudhi
05003016c mAM cApi viSahet ko nu kaz ca bhImaM durAsadam
05003017a yamau ca dRDhadhanvAnau yamakalpau mahAdyutI
05003017c ko jijIviSur AsIded dhRSTadyumnaM ca pArSatam
05003018a paJcemAn pANDaveyAMz ca draupadyAH kIrtivardhanAn
05003018c samapramANAn pANDUnAM samavIryAn madotkaTAn
05003019a saubhadraM ca maheSvAsam amarair api duHsaham
05003019c gadapradyumnasAmbAMz ca kAlavajrAnalopamAn
05003020a te vayaM dhRtarASTrasya putraM zakuninA saha
05003020c karNena ca nihatyAjAv abhiSekSyAma pANDavam
05003021a nAdharmo vidyate kaz cic chatrUn hatvAtatAyinaH
05003021c adharmyam ayazasyaM ca zAtravANAM prayAcanam
05003022a hRdgatas tasya yaH kAmas taM kurudhvam atandritAH
05003022c nisRSTaM dhRtarASTreNa rAjyaM prApnotu pANDavaH
05003023a adya pANDusuto rAjyaM labhatAM vA yudhiSThiraH
05003023c nihatA vA raNe sarve svapsyanti vasudhAtale
05004001  drupada uvAca
05004001a evam etan mahAbAho bhaviSyati na saMzayaH
05004001c na hi duryodhano rAjyaM madhureNa pradAsyati
05004002a anuvartsyati taM cApi dhRtarASTraH sutapriyaH
05004002c bhISmadroNau ca kArpaNyAn maurkhyAd rAdheyasaubalau
05004003a baladevasya vAkyaM tu mama jJAne na yujyate
05004003c etad dhi puruSeNAgre kAryaM sunayam icchatA
05004004a na tu vAcyo mRdu vaco dhArtarASTraH kathaM cana
05004004c na hi mArdavasAdhyo 'sau pApabuddhir mato mama
05004005a gardabhe mArdavaM kuryAd goSu tIkSNaM samAcaret
05004005c mRdu duryodhane vAkyaM yo brUyAt pApacetasi
05004006a mRdu vai manyate pApo bhASyamANam azaktijam
05004006c jitam arthaM vijAnIyAd abudho mArdave sati
05004007a etac caiva kariSyAmo yatnaz ca kriyatAm iha
05004007c prasthApayAma mitrebhyo balAny udyojayantu naH
05004008a zalyasya dhRSTaketoz ca jayatsenasya cAbhibhoH
05004008c kekayAnAM ca sarveSAM dUtA gacchantu zIghragAH
05004009a sa tu duryodhano nUnaM preSayiSyati sarvazaH
05004009c pUrvAbhipannAH santaz ca bhajante pUrvacodakam
05004010a tat tvaradhvaM narendrANAM pUrvam eva pracodane
05004010c mahad dhi kAryaM voDhavyam iti me vartate matiH
05004011a zalyasya preSyatAM zIghraM ye ca tasyAnugA nRpAH
05004011c bhagadattAya rAjJe ca pUrvasAgaravAsine
05004012a amitaujase tathogrAya hArdikyAyAhukAya ca
05004012c dIrghaprajJAya mallAya rocamAnAya cAbhibho
05004013a AnIyatAM bRhantaz ca senAbinduz ca pArthivaH
05004013c pApajit prativindhyaz ca citravarmA suvAstukaH
05004014a bAhlIko muJjakezaz ca caidyAdhipatir eva ca
05004014c supArzvaz ca subAhuz ca pauravaz ca mahArathaH
05004015a zakAnAM pahlavAnAM ca daradAnAM ca ye nRpAH
05004015c kAmbojA RSikA ye ca pazcimAnUpakAz ca ye
05004016a jayatsenaz ca kAzyaz ca tathA paJcanadA nRpAH
05004016c krAthaputraz ca durdharSaH pArvatIyAz ca ye nRpAH
05004017a jAnakiz ca suzarmA ca maNimAn pautimatsyakaH
05004017c pAMsurASTrAdhipaz caiva dhRSTaketuz ca vIryavAn
05004018a auDraz ca daNDadhAraz ca bRhatsenaz ca vIryavAn
05004018c aparAjito niSAdaz ca zreNimAn vasumAn api
05004019a bRhadbalo mahaujAz ca bAhuH parapuraMjayaH
05004019c samudraseno rAjA ca saha putreNa vIryavAn
05004020a adAriz ca nadIjaz ca karNaveSTaz ca pArthivaH
05004020c samarthaz ca suvIraz ca mArjAraH kanyakas tathA
05004021a mahAvIraz ca kadruz ca nikaras tumulaH krathaH
05004021c nIlaz ca vIradharmA ca bhUmipAlaz ca vIryavAn
05004022a durjayo dantavaktraz ca rukmI ca janamejayaH
05004022c ASADho vAyuvegaz ca pUrvapAlI ca pArthivaH
05004023a bhUritejA devakaz ca ekalavyasya cAtmajaH
05004023c kArUSakAz ca rAjAnaH kSemadhUrtiz ca vIryavAn
05004024a udbhavaH kSemakaz caiva vATadhAnaz ca pArthivaH
05004024c zrutAyuz ca dRDhAyuz ca zAlvaputraz ca vIryavAn
05004025a kumAraz ca kaliGgAnAm Izvaro yuddhadurmadaH
05004025c eteSAM preSyatAM zIghram etad dhi mama rocate
05004026a ayaM ca brAhmaNaH zIghraM mama rAjan purohitaH
05004026c preSyatAM dhRtarASTrAya vAkyam asmin samarpyatAm
05004027a yathA duryodhano vAcyo yathA zAMtanavo nRpaH
05004027c dhRtarASTro yathA vAcyo droNaz ca viduSAM varaH
05005001  vAsudeva uvAca
05005001a upapannam idaM vAkyaM somakAnAM dhuraMdhare
05005001c arthasiddhikaraM rAjJaH pANDavasya mahaujasaH
05005002a etac ca pUrvakAryaM naH sunItam abhikAGkSatAm
05005002c anyathA hy Acaran karma puruSaH syAt subAlizaH
05005003a kiM tu saMbandhakaM tulyam asmAkaM kurupANDuSu
05005003c yatheSTaM vartamAneSu pANDaveSu ca teSu ca
05005004a te vivAhArtham AnItA vayaM sarve yathA bhavAn
05005004c kRte vivAhe muditA gamiSyAmo gRhAn prati
05005005a bhavAn vRddhatamo rAjJAM vayasA ca zrutena ca
05005005c ziSyavat te vayaM sarve bhavAmeha na saMzayaH
05005006a bhavantaM dhRtarASTraz ca satataM bahu manyate
05005006c AcAryayoH sakhA cAsi droNasya ca kRpasya ca
05005007a sa bhavAn preSayatv adya pANDavArthakaraM vacaH
05005007c sarveSAM nizcitaM tan naH preSayiSyati yad bhavAn
05005008a yadi tAvac chamaM kuryAn nyAyena kurupuMgavaH
05005008c na bhavet kurupANDUnAM saubhrAtreNa mahAn kSayaH
05005009a atha darpAnvito mohAn na kuryAd dhRtarASTrajaH
05005009c anyeSAM preSayitvA ca pazcAd asmAn samAhvayeH
05005010a tato duryodhano mandaH sahAmAtyaH sabAndhavaH
05005010c niSThAm Apatsyate mUDhaH kruddhe gANDIvadhanvani
05005011  vaizaMpAyana uvAca
05005011a tataH satkRtya vArSNeyaM virATaH pRthivIpatiH
05005011c gRhAn prasthApayAm Asa sagaNaM sahabAndhavam
05005012a dvArakAM tu gate kRSNe yudhiSThirapurogamAH
05005012c cakruH sAMgrAmikaM sarvaM virATaz ca mahIpatiH
05005013a tataH saMpreSayAm Asa virATaH saha bAndhavaiH
05005013c sarveSAM bhUmipAlAnAM drupadaz ca mahIpatiH
05005014a vacanAt kurusiMhAnAM matsyapAJcAlayoz ca te
05005014c samAjagmur mahIpAlAH saMprahRSTA mahAbalAH
05005015a tac chrutvA pANDuputrANAM samAgacchan mahad balam
05005015c dhRtarASTrasutaz cApi samAninye mahIpatIn
05005016a samAkulA mahI rAjan kurupANDavakAraNAt
05005016c tadA samabhavat kRtsnA saMprayANe mahIkSitAm
05005017a balAni teSAM vIrANAm Agacchanti tatas tataH
05005017c cAlayantIva gAM devIM saparvatavanAm imAm
05005018a tataH prajJAvayovRddhaM pAJcAlyaH svapurohitam
05005018c kurubhyaH preSayAm Asa yudhiSThiramate tadA
05006001  drupada uvAca
05006001a bhUtAnAM prANinaH zreSThAH prANinAM buddhijIvinaH
05006001c buddhimatsu narAH zreSThA narANAM tu dvijAtayaH
05006002a dvijeSu vaidyAH zreyAMso vaidyeSu kRtabuddhayaH
05006002c sa bhavAn kRtabuddhInAM pradhAna iti me matiH
05006003a kulena ca viziSTo 'si vayasA ca zrutena ca
05006003c prajJayAnavamaz cAsi zukreNAGgirasena ca
05006004a viditaM cApi te sarvaM yathAvRttaH sa kauravaH
05006004c pANDavaz ca yathAvRttaH kuntIputro yudhiSThiraH
05006005a dhRtarASTrasya vidite vaJcitAH pANDavAH paraiH
05006005c vidureNAnunIto 'pi putram evAnuvartate
05006006a zakunir buddhipUrvaM hi kuntIputraM samAhvayat
05006006c anakSajJaM matAkSaH san kSatravRtte sthitaM zucim
05006007a te tathA vaJcayitvA tu dharmaputraM yudhiSThiram
05006007c na kasyAM cid avasthAyAM rAjyaM dAsyanti vai svayam
05006008a bhavAMs tu dharmasaMyuktaM dhRtarASTraM bruvan vacaH
05006008c manAMsi tasya yodhAnAM dhruvam AvartayiSyati
05006009a viduraz cApi tad vAkyaM sAdhayiSyati tAvakam
05006009c bhISmadroNakRpANAM ca bhedaM saMjanayiSyati
05006010a amAtyeSu ca bhinneSu yodheSu vimukheSu ca
05006010c punar ekAgrakaraNaM teSAM karma bhaviSyati
05006011a etasminn antare pArthAH sukham ekAgrabuddhayaH
05006011c senAkarma kariSyanti dravyANAM caiva saMcayam
05006012a bhidyamAneSu ca sveSu lambamAne ca vai tvayi
05006012c na tathA te kariSyanti senAkarma na saMzayaH
05006013a etat prayojanaM cAtra prAdhAnyenopalabhyate
05006013c saMgatyA dhRtarASTraz ca kuryAd dharmyaM vacas tava
05006014a sa bhavAn dharmayuktaz ca dharmyaM teSu samAcaran
05006014c kRpAluSu pariklezAn pANDavAnAM prakIrtayan
05006015a vRddheSu kuladharmaM ca bruvan pUrvair anuSThitam
05006015c vibhetsyati manAMsy eSAm iti me nAtra saMzayaH
05006016a na ca tebhyo bhayaM te 'sti brAhmaNo hy asi vedavit
05006016c dUtakarmaNi yuktaz ca sthaviraz ca vizeSataH
05006017a sa bhavAn puSyayogena muhUrtena jayena ca
05006017c kauraveyAn prayAtv Azu kaunteyasyArthasiddhaye
05006018  vaizaMpAyana uvAca
05006018a tathAnuziSTaH prayayau drupadena mahAtmanA
05006018c purodhA vRttasaMpanno nagaraM nAgasAhvayam
05007001  vaizaMpAyana uvAca
05007001a gate dvAravatIM kRSNe baladeve ca mAdhave
05007001c saha vRSNyandhakaiH sarvair bhojaiz ca zatazas tathA
05007002a sarvam AgamayAm Asa pANDavAnAM viceSTitam
05007002c dhRtarASTrAtmajo rAjA dUtaiH praNihitaiz caraiH
05007003a sa zrutvA mAdhavaM yAtaM sadazvair anilopamaiH
05007003c balena nAtimahatA dvArakAm abhyayAt purIm
05007004a tam eva divasaM cApi kaunteyaH pANDunandanaH
05007004c AnartanagarIM ramyAM jagAmAzu dhanaMjayaH
05007005a tau yAtvA puruSavyAghrau dvArakAM kurunandanau
05007005c suptaM dadRzatuH kRSNaM zayAnaM copajagmatuH
05007006a tataH zayAne govinde praviveza suyodhanaH
05007006c ucchIrSataz ca kRSNasya niSasAda varAsane
05007007a tataH kirITI tasyAnu praviveza mahAmanAH
05007007c pazcArdhe ca sa kRSNasya prahvo 'tiSThat kRtAJjaliH
05007008a pratibuddhaH sa vArSNeyo dadarzAgre kirITinam
05007008c sa tayoH svAgataM kRtvA yathArhaM pratipUjya ca
05007008e tadAgamanajaM hetuM papraccha madhusUdanaH
05007009a tato duryodhanaH kRSNam uvAca prahasann iva
05007009c vigrahe 'smin bhavAn sAhyaM mama dAtum ihArhati
05007010a samaM hi bhavataH sakhyaM mayi caivArjune 'pi ca
05007010c tathA saMbandhakaM tulyam asmAkaM tvayi mAdhava
05007011a ahaM cAbhigataH pUrvaM tvAm adya madhusUdana
05007011c pUrvaM cAbhigataM santo bhajante pUrvasAriNaH
05007012a tvaM ca zreSThatamo loke satAm adya janArdana
05007012c satataM saMmataz caiva sadvRttam anupAlaya
05007013  kRSNa uvAca
05007013a bhavAn abhigataH pUrvam atra me nAsti saMzayaH
05007013c dRSTas tu prathamaM rAjan mayA pArtho dhanaMjayaH
05007014a tava pUrvAbhigamanAt pUrvaM cApy asya darzanAt
05007014c sAhAyyam ubhayor eva kariSyAmi suyodhana
05007015a pravAraNaM tu bAlAnAM pUrvaM kAryam iti zrutiH
05007015c tasmAt pravAraNaM pUrvam arhaH pArtho dhanaMjayaH
05007016a matsaMhananatulyAnAM gopAnAm arbudaM mahat
05007016c nArAyaNA iti khyAtAH sarve saMgrAmayodhinaH
05007017a te vA yudhi durAdharSA bhavantv ekasya sainikAH
05007017c ayudhyamAnaH saMgrAme nyastazastro 'ham ekataH
05007018a AbhyAm anyataraM pArtha yat te hRdyataraM matam
05007018c tad vRNItAM bhavAn agre pravAryas tvaM hi dharmataH
05007019  vaizaMpAyana uvAca
05007019a evam uktas tu kRSNena kuntIputro dhanaMjayaH
05007019c ayudhyamAnaM saMgrAme varayAm Asa kezavam
05007020a sahasrANAM sahasraM tu yodhAnAM prApya bhArata
05007020c kRSNaM cApahRtaM jJAtvA saMprApa paramAM mudam
05007021a duryodhanas tu tat sainyaM sarvam AdAya pArthivaH
05007021c tato 'bhyayAd bhImabalo rauhiNeyaM mahAbalam
05007022a sarvaM cAgamane hetuM sa tasmai saMnyavedayat
05007022c pratyuvAca tataH zaurir dhArtarASTram idaM vacaH
05007023a viditaM te naravyAghra sarvaM bhavitum arhati
05007023c yan mayoktaM virATasya purA vaivAhike tadA
05007024a nigRhyokto hRSIkezas tvadarthaM kurunandana
05007024c mayA saMbandhakaM tulyam iti rAjan punaH punaH
05007025a na ca tad vAkyam uktaM vai kezavaH pratyapadyata
05007025c na cAham utsahe kRSNaM vinA sthAtum api kSaNam
05007026a nAhaM sahAyaH pArthAnAM nApi duryodhanasya vai
05007026c iti me nizcitA buddir vAsudevam avekSya ha
05007027a jAto 'si bhArate vaMze sarvapArthivapUjite
05007027c gaccha yudhyasva dharmeNa kSAtreNa bharatarSabha
05007028a ity evam uktaH sa tadA pariSvajya halAyudham
05007028c kRSNaM cApahRtaM jJAtvA yuddhAn mene jitaM jayam
05007029a so 'bhyayAt kRtavarmANaM dhRtarASTrasuto nRpaH
05007029c kRtavarmA dadau tasya senAm akSauhiNIM tadA
05007030a sa tena sarvasainyena bhImena kurunandanaH
05007030c vRtaH pratiyayau hRSTaH suhRdaH saMpraharSayan
05007031a gate duryodhane kRSNaH kirITinam athAbravIt
05007031c ayudhyamAnaH kAM buddhim AsthAyAhaM tvayA vRtaH
05007032  arjuna uvAca
05007032a bhavAn samarthas tAn sarvAn nihantuM nAtra saMzayaH
05007032c nihantum aham apy ekaH samarthaH puruSottama
05007033a bhavAMs tu kIrtimA&l loke tad yazas tvAM gamiSyati
05007033c yazasA cAham apy arthI tasmAd asi mayA vRtaH
05007034a sArathyaM tu tvayA kAryam iti me mAnasaM sadA
05007034c cirarAtrepsitaM kAmaM tad bhavAn kartum arhati
05007035  vAsudeva uvAca
05007035a upapannam idaM pArtha yat spardhethA mayA saha
05007035c sArathyaM te kariSyAmi kAmaH saMpadyatAM tava
05007036  vaizaMpAyana uvAca
05007036a evaM pramuditaH pArthaH kRSNena sahitas tadA
05007036c vRto dAzArhapravaraiH punar AyAd yudhiSThiram
05008001  vaizaMpAyana uvAca
05008001a zalyaH zrutvA tu dUtAnAM sainyena mahatA vRtaH
05008001c abhyayAt pANDavAn rAjan saha putrair mahArathaiH
05008002a tasya senAnivezo 'bhUd adhyardham iva yojanam
05008002c tathA hi bahulAM senAM sa bibharti nararSabhaH
05008003a vicitrakavacAH zUrA vicitradhvajakArmukAH
05008003c vicitrAbharaNAH sarve vicitrarathavAhanAH
05008004a svadezaveSAbharaNA vIrAH zatasahasrazaH
05008004c tasya senApraNetAro babhUvuH kSatriyarSabhAH
05008005a vyathayann iva bhUtAni kampayann iva medinIm
05008005c zanair vizrAmayan senAM sa yayau yena pANDavaH
05008006a tato duryodhanaH zrutvA mahAsenaM mahAratham
05008006c upAyAntam abhidrutya svayam Anarca bhArata
05008007a kArayAm Asa pUjArthaM tasya duryodhanaH sabhAH
05008007c ramaNIyeSu dezeSu ratnacitrAH svalaMkRtAH
05008008a sa tAH sabhAH samAsAdya pUjyamAno yathAmaraH
05008008c duryodhanasya sacivair deze deze yathArhataH
05008008e AjagAma sabhAm anyAM devAvasathavarcasam
05008009a sa tatra viSayair yuktaH kalyANair atimAnuSaiH
05008009c mene 'bhyadhikam AtmAnam avamene puraMdaram
05008010a papraccha sa tataH preSyAn prahRSTaH kSatriyarSabhaH
05008010c yudhiSThirasya puruSAH ke nu cakruH sabhA imAH
05008010e AnIyantAM sabhAkArAH pradeyArhA hi me matAH
05008011a gUDho duryodhanas tatra darzayAm Asa mAtulam
05008011c taM dRSTvA madrarAjas tu jJAtvA yatnaM ca tasya tam
05008011e pariSvajyAbravIt prIta iSTo 'rtho gRhyatAm iti
05008012  duryodhana uvAca
05008012a satyavAg bhava kalyANa varo vai mama dIyatAm
05008012c sarvasenApraNetA me bhavAn bhavitum arhati
05008013  vaizaMpAyana uvAca
05008013a kRtam ity abravIc chalyaH kim anyat kriyatAm iti
05008013c kRtam ity eva gAndhAriH pratyuvAca punaH punaH
05008014a sa tathA zalyam Amantrya punar AyAt svakaM puram
05008014c zalyo jagAma kaunteyAn AkhyAtuM karma tasya tat
05008015a upaplavyaM sa gatvA tu skandhAvAraM pravizya ca
05008015c pANDavAn atha tAn sarvAJ zalyas tatra dadarza ha
05008016a sametya tu mahAbAhuH zalyaH pANDusutais tadA
05008016c pAdyam arghyaM ca gAM caiva pratyagRhNAd yathAvidhi
05008017a tataH kuzalapUrvaM sa madrarAjo 'risUdanaH
05008017c prItyA paramayA yuktaH samAzliSya yudhiSThiram
05008018a tathA bhImArjunau hRSTau svasrIyau ca yamAv ubhau
05008018c Asane copaviSTas tu zalyaH pArtham uvAca ha
05008019a kuzalaM rAjazArdUla kaccit te kurunandana
05008019c araNyavAsAd diSTyAsi vimukto jayatAM vara
05008020a suduSkaraM kRtaM rAjan nirjane vasatA vane
05008020c bhrAtRbhiH saha rAjendra kRSNayA cAnayA saha
05008021a ajJAtavAsaM ghoraM ca vasatA duSkaraM kRtam
05008021c duHkham eva kutaH saukhyaM rAjyabhraSTasya bhArata
05008022a duHkhasyaitasya mahato dhArtarASTrakRtasya vai
05008022c avApsyasi sukhaM rAjan hatvA zatrUn paraMtapa
05008023a viditaM te mahArAja lokatattvaM narAdhipa
05008023c tasmAl lobhakRtaM kiM cit tava tAta na vidyate
05008024a tato 'syAkathayad rAjA duryodhanasamAgamam
05008024c tac ca zuzrUSitaM sarvaM varadAnaM ca bhArata
05008025  yudhiSThira uvAca
05008025a sukRtaM te kRtaM rAjan prahRSTenAntarAtmanA
05008025c duryodhanasya yad vIra tvayA vAcA pratizrutam
05008025e ekaM tv icchAmi bhadraM te kriyamANaM mahIpate
05008026a bhavAn iha mahArAja vAsudevasamo yudhi
05008026c karNArjunAbhyAM saMprApte dvairathe rAjasattama
05008026e karNasya bhavatA kAryaM sArathyaM nAtra saMzayaH
05008027a tatra pAlyo 'rjuno rAjan yadi matpriyam icchasi
05008027c tejovadhaz ca te kAryaH sauter asmajjayAvahaH
05008027e akartavyam api hy etat kartum arhasi mAtula
05008028  zalya uvAca
05008028a zRNu pANDava bhadraM te yad bravISi durAtmanaH
05008028c tejovadhanimittaM mAM sUtaputrasya saMyuge
05008029a ahaM tasya bhaviSyAmi saMgrAme sArathir dhruvam
05008029c vAsudevena hi samaM nityaM mAM sa hi manyate
05008030a tasyAhaM kuruzArdUla pratIpam ahitaM vacaH
05008030c dhruvaM saMkathayiSyAmi yoddhukAmasya saMyuge
05008031a yathA sa hRtadarpaz ca hRtatejAz ca pANDava
05008031c bhaviSyati sukhaM hantuM satyam etad bravImi te
05008032a evam etat kariSyAmi yathA tAta tvam Attha mAm
05008032c yac cAnyad api zakSyAmi tat kariSyAmi te priyam
05008033a yac ca duHkhaM tvayA prAptaM dyUte vai kRSNayA saha
05008033c paruSANi ca vAkyAni sUtaputrakRtAni vai
05008034a jaTAsurAt pariklezaH kIcakAc ca mahAdyute
05008034c draupadyAdhigataM sarvaM damayantyA yathAzubham
05008035a sarvaM duHkham idaM vIra sukhodarkaM bhaviSyati
05008035c nAtra manyus tvayA kAryo vidhir hi balavattaraH
05008036a duHkhAni hi mahAtmAnaH prApnuvanti yudhiSThira
05008036c devair api hi duHkhAni prAptAni jagatIpate
05008037a indreNa zrUyate rAjan sabhAryeNa mahAtmanA
05008037c anubhUtaM mahad duHkhaM devarAjena bhArata
05009001  yudhiSThira uvAca
05009001a katham indreNa rAjendra sabhAryeNa mahAtmanA
05009001c duHkhaM prAptaM paraM ghoram etad icchAmi veditum
05009002  zalya uvAca
05009002a zRNu rAjan purA vRttam itihAsaM purAtanam
05009002c sabhAryeNa yathA prAptaM duHkham indreNa bhArata
05009003a tvaSTA prajApatir hy AsId devazreSTho mahAtapAH
05009003c sa putraM vai trizirasam indradrohAt kilAsRjat
05009004a aindraM sa prArthayat sthAnaM vizvarUpo mahAdyutiH
05009004c tais tribhir vadanair ghoraiH sUryendujvalanopamaiH
05009005a vedAn ekena so 'dhIte surAm ekena cApibat
05009005c ekena ca dizaH sarvAH pibann iva nirIkSate
05009006a sa tapasvI mRdur dAnto dharme tapasi codyataH
05009006c tapo 'tapyan mahat tIvraM suduzcaram ariMdama
05009007a tasya dRSTvA tapovIryaM sattvaM cAmitatejasaH
05009007c viSAdam agamac chakra indro 'yaM mA bhaved iti
05009008a kathaM sajjeta bhogeSu na ca tapyen mahat tapaH
05009008c vivardhamAnas trizirAH sarvaM tribhuvanaM graset
05009009a iti saMcintya bahudhA buddhimAn bharatarSabha
05009009c AjJApayat so 'psarasas tvaSTRputrapralobhane
05009010a yathA sa sajjet trizirAH kAmabhogeSu vai bhRzam
05009010c kSipraM kuruta gacchadhvaM pralobhayata mAciram
05009011a zRGgAraveSAH suzroNyo bhAvair yuktA manoharaiH
05009011c pralobhayata bhadraM vaH zamayadhvaM bhayaM mama
05009012a asvasthaM hy AtmanAtmAnaM lakSayAmi varAGganAH
05009012c bhayam etan mahAghoraM kSipraM nAzayatAbalAH
05009013  apsarasa UcuH
05009013a tathA yatnaM kariSyAmaH zakra tasya pralobhane
05009013c yathA nAvApsyasi bhayaM tasmAd balaniSUdana
05009014a nirdahann iva cakSurbhyAM yo 'sAv Aste taponidhiH
05009014c taM pralobhayituM deva gacchAmaH sahitA vayam
05009014e yatiSyAmo vaze kartuM vyapanetuM ca te bhayam
05009015  zalya uvAca
05009015a indreNa tAs tv anujJAtA jagmus triziraso 'ntikam
05009015c tatra tA vividhair bhAvair lobhayantyo varAGganAH
05009015e nRtyaM saMdarzayantyaz ca tathaivAGgeSu sauSThavam
05009016a viceruH saMpraharSaM ca nAbhyagacchan mahAtapAH
05009016c indriyANi vaze kRtvA pUrNasAgarasaMnibhaH
05009017a tAs tu yatnaM paraM kRtvA punaH zakram upasthitAH
05009017c kRtAJjalipuTAH sarvA devarAjam athAbruvan
05009018a na sa zakyaH sudurdharSo dhairyAc cAlayituM prabho
05009018c yat te kAryaM mahAbhAga kriyatAM tadanantaram
05009019a saMpUjyApsarasaH zakro visRjya ca mahAmatiH
05009019c cintayAm Asa tasyaiva vadhopAyaM mahAtmanaH
05009020a sa tUSNIM cintayan vIro devarAjaH pratApavAn
05009020c vinizcitamatir dhImAn vadhe triziraso 'bhavat
05009021a vajram asya kSipAmy adya sa kSipraM na bhaviSyati
05009021c zatruH pravRddho nopekSyo durbalo 'pi balIyasA
05009022a zAstrabuddhyA vinizcitya kRtvA buddhiM vadhe dRDhAm
05009022c atha vaizvAnaranibhaM ghorarUpaM bhayAvaham
05009022e mumoca vajraM saMkruddhaH zakras trizirasaM prati
05009023a sa papAta hatas tena vajreNa dRDham AhataH
05009023c parvatasyeva zikharaM praNunnaM medinItale
05009024a taM tu vajrahataM dRSTvA zayAnam acalopamam
05009024c na zarma lebhe devendro dIpitas tasya tejasA
05009024e hato 'pi dIptatejAH sa jIvann iva ca dRzyate
05009025a abhitas tatra takSANaM ghaTamAnaM zacIpatiH
05009025c apazyad abravIc cainaM satvaraM pAkazAsanaH
05009025e kSipraM chindhi zirAMsy asya kuruSva vacanaM mama
05009026  takSovAca
05009026a mahAskandho bhRzaM hy eSa parazur na tariSyati
05009026c kartuM cAhaM na zakSyAmi karma sadbhir vigarhitam
05009027  indra uvAca
05009027a mA bhais tvaM kSipram etad vai kuruSva vacanaM mama
05009027c matprasAdAd dhi te zastraM vajrakalpaM bhaviSyati
05009028  takSovAca
05009028a kaM bhavantam ahaM vidyAM ghorakarmANam adya vai
05009028c etad icchAmy ahaM zrotuM tattvena kathayasva me
05009029  indra uvAca
05009029a aham indro devarAjas takSan viditam astu te
05009029c kuruSvaitad yathoktaM me takSan mA tvaM vicAraya
05009030  takSovAca
05009030a krUreNa nApatrapase kathaM zakreha karmaNA
05009030c RSiputram imaM hatvA brahmahatyAbhayaM na te
05009031  indra uvAca
05009031a pazcAd dharmaM cariSyAmi pAvanArthaM suduzcaram
05009031c zatrur eSa mahAvIryo vajreNa nihato mayA
05009032a adyApi cAham udvignas takSann asmAd bibhemi vai
05009032c kSipraM chindhi zirAMsi tvaM kariSye 'nugrahaM tava
05009033a ziraH pazos te dAsyanti bhAgaM yajJeSu mAnavAH
05009033c eSa te 'nugrahas takSan kSipraM kuru mama priyam
05009034  zalya uvAca
05009034a etac chrutvA tu takSA sa mahendravacanaM tadA
05009034c zirAMsy atha trizirasaH kuThAreNAcchinat tadA
05009035a nikRtteSu tatas teSu niSkrAmaMs trizirAs tv atha
05009035c kapiJjalAs tittirAz ca kalaviGkAz ca sarvazaH
05009036a yena vedAn adhIte sma pibate somam eva ca
05009036c tasmAd vaktrAn viniSpetuH kSipraM tasya kapiJjalAH
05009037a yena sarvA dizo rAjan pibann iva nirIkSate
05009037c tasmAd vaktrAd viniSpetus tittirAs tasya pANDava
05009038a yat surApaM tu tasyAsId vaktraM trizirasas tadA
05009038c kalaviGkA viniSpetus tenAsya bharatarSabha
05009039a tatas teSu nikRtteSu vijvaro maghavAn abhUt
05009039c jagAma tridivaM hRSTas takSApi svagRhAn yayau
05009040a tvaSTA prajApatiH zrutvA zakreNAtha hataM sutam
05009040c krodhasaMraktanayana idaM vacanam abravIt
05009041a tapyamAnaM tapo nityaM kSAntaM dAntaM jitendriyam
05009041c anAparAdhinaM yasmAt putraM hiMsitavAn mama
05009042a tasmAc chakravadhArthAya vRtram utpAdayAmy aham
05009042c lokAH pazyantu me vIryaM tapasaz ca balaM mahat
05009042e sa ca pazyatu devendro durAtmA pApacetanaH
05009043a upaspRzya tataH kruddhas tapasvI sumahAyazAH
05009043c agniM hutvA samutpAdya ghoraM vRtram uvAca ha
05009043e indrazatro vivardhasva prabhAvAt tapaso mama
05009044a so 'vardhata divaM stabdhvA sUryavaizvAnaropamaH
05009044c kiM karomIti covAca kAlasUrya ivoditaH
05009044e zakraM jahIti cApy ukto jagAma tridivaM tataH
05009045a tato yuddhaM samabhavad vRtravAsavayos tadA
05009045c saMkruddhayor mahAghoraM prasaktaM kurusattama
05009046a tato jagrAha devendraM vRtro vIraH zatakratum
05009046c apAvRtya sa jagrAsa vRtraH krodhasamanvitaH
05009047a graste vRtreNa zakre tu saMbhrAntAs tridazAs tadA
05009047c asRjaMs te mahAsattvA jRmbhikAM vRtranAzinIm
05009048a vijRmbhamANasya tato vRtrasyAsyAd apAvRtAt
05009048c svAny aGgAny abhisaMkSipya niSkrAnto balasUdanaH
05009048e tataH prabhRti lokeSu jRmbhikA prANisaMzritA
05009049a jahRSuz ca surAH sarve dRSTvA zakraM viniHsRtam
05009049c tataH pravavRte yuddhaM vRtravAsavayoH punaH
05009049e saMrabdhayos tadA ghoraM suciraM bharatarSabha
05009050a yadA vyavardhata raNe vRtro balasamanvitaH
05009050c tvaSTus tapobalAd vidvAMs tadA zakro nyavartata
05009051a nivRtte tu tadA devA viSAdam agaman param
05009051c sametya zakreNa ca te tvaSTus tejovimohitAH
05009051e amantrayanta te sarve munibhiH saha bhArata
05009052a kiM kAryam iti te rAjan vicintya bhayamohitAH
05009052c jagmuH sarve mahAtmAnaM manobhir viSNum avyayam
05009052e upaviSTA mandarAgre sarve vRtravadhepsavaH
05010001  indra uvAca
05010001a sarvaM vyAptam idaM devA vRtreNa jagad avyayam
05010001c na hy asya sadRzaM kiM cit pratighAtAya yad bhavet
05010002a samartho hy abhavaM pUrvam asamartho 'smi sAMpratam
05010002c kathaM kuryAM nu bhadraM vo duSpradharSaH sa me mataH
05010003a tejasvI ca mahAtmA ca yuddhe cAmitavikramaH
05010003c graset tribhuvanaM sarvaM sadevAsuramAnuSam
05010004a tasmAd vinizcayam imaM zRNudhvaM me divaukasaH
05010004c viSNoH kSayam upAgamya sametya ca mahAtmanA
05010004e tena saMmantrya vetsyAmo vadhopAyaM durAtmanaH
05010005  zalya uvAca
05010005a evam ukte maghavatA devAH sarSigaNAs tadA
05010005c zaraNyaM zaraNaM devaM jagmur viSNuM mahAbalam
05010006a Ucuz ca sarve devezaM viSNuM vRtrabhayArditAH
05010006c tvayA lokAs trayaH krAntAs tribhir vikramaNaiH prabho
05010007a amRtaM cAhRtaM viSNo daityAz ca nihatA raNe
05010007c baliM baddhvA mahAdaityaM zakro devAdhipaH kRtaH
05010008a tvaM prabhuH sarvalokAnAM tvayA sarvam idaM tatam
05010008c tvaM hi deva mahAdevaH sarvalokanamaskRtaH
05010009a gatir bhava tvaM devAnAM sendrANAm amarottama
05010009c jagad vyAptam idaM sarvaM vRtreNAsurasUdana
05010010  viSNur uvAca
05010010a avazyaM karaNIyaM me bhavatAM hitam uttamam
05010010c tasmAd upAyaM vakSyAmi yathAsau na bhaviSyati
05010011a gacchadhvaM sarSigandharvA yatrAsau vizvarUpadhRk
05010011c sAma tasya prayuJjadhvaM tata enaM vijeSyatha
05010012a bhaviSyati gatir devAH zakrasya mama tejasA
05010012c adRzyaz ca pravekSyAmi vajram asyAyudhottamam
05010013a gacchadhvam RSibhiH sArdhaM gandharvaiz ca surottamAH
05010013c vRtrasya saha zakreNa saMdhiM kuruta mAciram
05010014  zalya uvAca
05010014a evam uktAs tu devena RSayas tridazAs tathA
05010014c yayuH sametya sahitAH zakraM kRtvA puraHsaram
05010015a samIpam etya ca tadA sarva eva mahaujasaH
05010015c taM tejasA prajvalitaM pratapantaM dizo daza
05010016a grasantam iva lokAMs trIn sUryAcandramasau yathA
05010016c dadRzus tatra te vRtraM zakreNa saha devatAH
05010017a RSayo 'tha tato 'bhyetya vRtram UcuH priyaM vacaH
05010017c vyAptaM jagad idaM sarvaM tejasA tava durjaya
05010018a na ca zaknoSi nirjetuM vAsavaM bhUrivikramam
05010018c yudhyatoz cApi vAM kAlo vyatItaH sumahAn iha
05010019a pIDyante ca prajAH sarvAH sadevAsuramAnavAH
05010019c sakhyaM bhavatu te vRtra zakreNa saha nityadA
05010019e avApsyasi sukhaM tvaM ca zakralokAMz ca zAzvatAn
05010020a RSivAkyaM nizamyAtha sa vRtraH sumahAbalaH
05010020c uvAca tAMs tadA sarvAn praNamya zirasAsuraH
05010021a sarve yUyaM mahAbhAgA gandharvAz caiva sarvazaH
05010021c yad brUta tac chrutaM sarvaM mamApi zRNutAnaghAH
05010022a saMdhiH kathaM vai bhavitA mama zakrasya cobhayoH
05010022c tejasor hi dvayor devAH sakhyaM vai bhavitA katham
05010023  RSaya UcuH
05010023a sakRt satAM saMgataM lipsitavyaM; tataH paraM bhavitA bhavyam eva
05010023c nAtikramet satpuruSeNa saMgataM; tasmAt satAM saMgataM lipsitavyam
05010024a dRDhaM satAM saMgataM cApi nityaM; brUyAc cArthaM hy arthakRcchreSu dhIraH
05010024c mahArthavat satpuruSeNa saMgataM; tasmAt santaM na jighAMseta dhIraH
05010025a indraH satAM saMmataz ca nivAsaz ca mahAtmanAm
05010025c satyavAdI hy adInaz ca dharmavit suvinizcitaH
05010026a tena te saha zakreNa saMdhir bhavatu zAzvataH
05010026c evaM vizvAsam Agaccha mA te bhUd buddhir anyathA
05010027  zalya uvAca
05010027a maharSivacanaM zrutvA tAn uvAca mahAdyutiH
05010027c avazyaM bhagavanto me mAnanIyAs tapasvinaH
05010028a bravImi yad ahaM devAs tat sarvaM kriyatAm iha
05010028c tataH sarvaM kariSyAmi yad Ucur mAM dvijarSabhAH
05010029a na zuSkeNa na cArdreNa nAzmanA na ca dAruNA
05010029c na zastreNa na vajreNa na divA na tathA nizi
05010030a vadhyo bhaveyaM viprendrAH zakrasya saha daivataiH
05010030c evaM me rocate saMdhiH zakreNa saha nityadA
05010031a bADham ity eva RSayas tam Ucur bharatarSabha
05010031c evaM kRte tu saMdhAne vRtraH pramudito 'bhavat
05010032a yattaH sadAbhavac cApi zakro 'marSasamanvitaH
05010032c vRtrasya vadhasaMyuktAn upAyAn anucintayan
05010032e randhrAnveSI samudvignaH sadAbhUd balavRtrahA
05010033a sa kadA cit samudrAnte tam apazyan mahAsuram
05010033c saMdhyAkAla upAvRtte muhUrte ramyadAruNe
05010034a tataH saMcintya bhagavAn varadAnaM mahAtmanaH
05010034c saMdhyeyaM vartate raudrA na rAtrir divasaM na ca
05010034e vRtraz cAvazyavadhyo 'yaM mama sarvaharo ripuH
05010035a yadi vRtraM na hanmy adya vaJcayitvA mahAsuram
05010035c mahAbalaM mahAkAyaM na me zreyo bhaviSyati
05010036a evaM saMcintayann eva zakro viSNum anusmaran
05010036c atha phenaM tadApazyat samudre parvatopamam
05010037a nAyaM zuSko na cArdro 'yaM na ca zastram idaM tathA
05010037c enaM kSepsyAmi vRtrasya kSaNAd eva naziSyati
05010038a savajram atha phenaM taM kSipraM vRtre nisRSTavAn
05010038c pravizya phenaM taM viSNur atha vRtraM vyanAzayat
05010039a nihate tu tato vRtre dizo vitimirAbhavan
05010039c pravavau ca zivo vAyuH prajAz ca jahRSus tadA
05010040a tato devAH sagandharvA yakSarAkSasapannagAH
05010040c RSayaz ca mahendraM tam astuvan vividhaiH stavaiH
05010041a namaskRtaH sarvabhUtaiH sarvabhUtAni sAntvayan
05010041c hatazatruH prahRSTAtmA vAsavaH saha daivataiH
05010041e viSNuM tribhuvanazreSThaM pUjayAm Asa dharmavit
05010042a tato hate mahAvIrye vRtre devabhayaMkare
05010042c anRtenAbhibhUto 'bhUc chakraH paramadurmanAH
05010042e traizIrSayAbhibhUtaz ca sa pUrvaM brahmahatyayA
05010043a so 'ntam Azritya lokAnAM naSTasaMjJo vicetanaH
05010043c na prAjJAyata devendras tv abhibhUtaH svakalmaSaiH
05010043e praticchanno vasaty apsu ceSTamAna ivoragaH
05010044a tataH pranaSTe devendre brahmahatyAbhayArdite
05010044c bhUmiH pradhvastasaMkAzA nirvRkSA zuSkakAnanA
05010044e vicchinnasrotaso nadyaH sarAMsy anudakAni ca
05010045a saMkSobhaz cApi sattvAnAm anAvRSTikRto 'bhavat
05010045c devAz cApi bhRzaM trastAs tathA sarve maharSayaH
05010046a arAjakaM jagat sarvam abhibhUtam upadravaiH
05010046c tato bhItAbhavan devAH ko no rAjA bhaved iti
05010047a divi devarSayaz cApi devarAjavinAkRtAH
05010047c na ca sma kaz cid devAnAM rAjyAya kurute manaH
05011001  zalya uvAca
05011001a RSayo 'thAbruvan sarve devAz ca tridazezvarAH
05011001c ayaM vai nahuSaH zrImAn devarAjye 'bhiSicyatAm
05011001e te gatvAthAbruvan sarve rAjA no bhava pArthiva
05011002a sa tAn uvAca nahuSo devAn RSigaNAMs tathA
05011002c pitRbhiH sahitAn rAjan parIpsan hitam AtmanaH
05011003a durbalo 'haM na me zaktir bhavatAM paripAlane
05011003c balavAJ jAyate rAjA balaM zakre hi nityadA
05011004a tam abruvan punaH sarve devAH sarSipurogamAH
05011004c asmAkaM tapasA yuktaH pAhi rAjyaM triviSTape
05011005a parasparabhayaM ghoram asmAkaM hi na saMzayaH
05011005c abhiSicyasva rAjendra bhava rAjA triviSTape
05011006a devadAnavayakSANAm RSINAM rakSasAM tathA
05011006c pitRgandharvabhUtAnAM cakSurviSayavartinAm
05011006e teja AdAsyase pazyan balavAMz ca bhaviSyasi
05011007a dharmaM puraskRtya sadA sarvalokAdhipo bhava
05011007c brahmarSIMz cApi devAMz ca gopAyasva triviSTape
05011008a sudurlabhaM varaM labdhvA prApya rAjyaM triviSTape
05011008c dharmAtmA satataM bhUtvA kAmAtmA samapadyata
05011009a devodyAneSu sarveSu nandanopavaneSu ca
05011009c kailAse himavatpRSThe mandare zvetaparvate
05011009e sahye mahendre malaye samudreSu saritsu ca
05011010a apsarobhiH parivRto devakanyAsamAvRtaH
05011010c nahuSo devarAjaH san krIDan bahuvidhaM tadA
05011011a zRNvan divyA bahuvidhAH kathAH zrutimanoharAH
05011011c vAditrANi ca sarvANi gItaM ca madhurasvaram
05011012a vizvAvasur nAradaz ca gandharvApsarasAM gaNAH
05011012c RtavaH SaT ca devendraM mUrtimanta upasthitAH
05011012e mArutaH surabhir vAti manojJaH sukhazItalaH
05011013a evaM hi krIDatas tasya nahuSasya mahAtmanaH
05011013c saMprAptA darzanaM devI zakrasya mahiSI priyA
05011014a sa tAM saMdRzya duSTAtmA prAha sarvAn sabhAsadaH
05011014c indrasya mahiSI devI kasmAn mAM nopatiSThati
05011015a aham indro 'smi devAnAM lokAnAM ca tathezvaraH
05011015c Agacchatu zacI mahyaM kSipram adya nivezanam
05011016a tac chrutvA durmanA devI bRhaspatim uvAca ha
05011016c rakSa mAM nahuSAd brahmaMs tavAsmi zaraNaM gatA
05011017a sarvalakSaNasaMpannAM brahmaMs tvaM mAM prabhASase
05011017c devarAjasya dayitAm atyantasukhabhAginIm
05011018a avaidhavyena saMyuktAm ekapatnIM pativratAm
05011018c uktavAn asi mAM pUrvam RtAM tAM kuru vai giram
05011019a noktapUrvaM ca bhagavan mRSA te kiM cid Izvara
05011019c tasmAd etad bhavet satyaM tvayoktaM dvijasattama
05011020a bRhaspatir athovAca indrANIM bhayamohitAm
05011020c yad uktAsi mayA devi satyaM tad bhavitA dhruvam
05011021a drakSyase devarAjAnam indraM zIghram ihAgatam
05011021c na bhetavyaM ca nahuSAt satyam etad bravImi te
05011021e samAnayiSye zakreNa nacirAd bhavatIm aham
05011022a atha zuzrAva nahuSa indrANIM zaraNaM gatAm
05011022c bRhaspater aGgirasaz cukrodha sa nRpas tadA
05012001  zalya uvAca
05012001a kruddhaM tu nahuSaM jJAtvA devAH sarSipurogamAH
05012001c abruvan devarAjAnaM nahuSaM ghoradarzanam
05012002a devarAja jahi krodhaM tvayi kruddhe jagadvibho
05012002c trastaM sAsuragandharvaM sakiMnaramahoragam
05012003a jahi krodham imaM sAdho na krudhyanti bhavadvidhAH
05012003c parasya patnI sA devI prasIdasva surezvara
05012004a nivartaya manaH pApAt paradArAbhimarzanAt
05012004c devarAjo 'si bhadraM te prajA dharmeNa pAlaya
05012005a evam ukto na jagrAha tad vacaH kAmamohitaH
05012005c atha devAn uvAcedam indraM prati surAdhipaH
05012006a ahalyA dharSitA pUrvam RSipatnI yazasvinI
05012006c jIvato bhartur indreNa sa vaH kiM na nivAritaH
05012007a bahUni ca nRzaMsAni kRtAnIndreNa vai purA
05012007c vaidharmyANy upadhAz caiva sa vaH kiM na nivAritaH
05012008a upatiSThatu mAM devI etad asyA hitaM param
05012008c yuSmAkaM ca sadA devAH zivam evaM bhaviSyati
05012009  devA UcuH
05012009a indrANIm AnayiSyAmo yathecchasi divaspate
05012009c jahi krodham imaM vIra prIto bhava surezvara
05012010  zalya uvAca
05012010a ity uktvA te tadA devA RSibhiH saha bhArata
05012010c jagmur bRhaspatiM vaktum indrANIM cAzubhaM vacaH
05012011a jAnImaH zaraNaM prAptam indrANIM tava vezmani
05012011c dattAbhayAM ca viprendra tvayA devarSisattama
05012012a te tvAM devAH sagandharvA RSayaz ca mahAdyute
05012012c prasAdayanti cendrANI nahuSAya pradIyatAm
05012013a indrAd viziSTo nahuSo devarAjo mahAdyutiH
05012013c vRNotv iyaM varArohA bhartRtve varavarNinI
05012014a evam ukte tu sA devI bASpam utsRjya sasvaram
05012014c uvAca rudatI dInA bRhaspatim idaM vacaH
05012015a nAham icchAmi nahuSaM patim anvAsya taM prabhum
05012015c zaraNAgatAsmi te brahmaMs trAhi mAM mahato bhayAt
05012016  bRhaspatir uvAca
05012016a zaraNAgatAM na tyajeyam indrANi mama nizcitam
05012016c dharmajJAM dharmazIlAM ca na tyaje tvAm anindite
05012017a nAkAryaM kartum icchAmi brAhmaNaH san vizeSataH
05012017c zrutadharmA satyazIlo jAnan dharmAnuzAsanam
05012018a nAham etat kariSyAmi gacchadhvaM vai surottamAH
05012018c asmiMz cArthe purA gItaM brahmaNA zrUyatAm idam
05012019a na tasya bIjaM rohati bIjakAle; na cAsya varSaM varSati varSakAle
05012019c bhItaM prapannaM pradadAti zatrave; na so 'ntaraM labhate trANam icchan
05012020a mogham annaM vindati cApy acetAH; svargAl lokAd bhrazyati naSTaceSTaH
05012020c bhItaM prapannaM pradadAti yo vai; na tasya havyaM pratigRhNanti devAH
05012021a pramIyate cAsya prajA hy akAle; sadA vivAsaM pitaro 'sya kurvate
05012021c bhItaM prapannaM pradadAti zatrave; sendrA devAH praharanty asya vajram
05012022a etad evaM vijAnan vai na dAsyAmi zacIm imAm
05012022c indrANIM vizrutAM loke zakrasya mahiSIM priyAm
05012023a asyA hitaM bhaved yac ca mama cApi hitaM bhavet
05012023c kriyatAM tat surazreSThA na hi dAsyAmy ahaM zacIm
05012024  zalya uvAca
05012024a atha devAs tam evAhur gurum aGgirasAM varam
05012024c kathaM sunItaM tu bhaven mantrayasva bRhaspate
05012025  bRhaspatir uvAca
05012025a nahuSaM yAcatAM devI kiM cit kAlAntaraM zubhA
05012025c indrANIhitam etad dhi tathAsmAkaM bhaviSyati
05012026a bahuvighnakaraH kAlaH kAlaH kAlaM nayiSyati
05012026c darpito balavAMz cApi nahuSo varasaMzrayAt
05012027  zalya uvAca
05012027a tatas tena tathokte tu prItA devAs tam abruvan
05012027c brahman sAdhv idam uktaM te hitaM sarvadivaukasAm
05012027e evam etad dvijazreSTha devI ceyaM prasAdyatAm
05012028a tataH samastA indrANIM devAH sAgnipurogamAH
05012028c Ucur vacanam avyagrA lokAnAM hitakAmyayA
05012029a tvayA jagad idaM sarvaM dhRtaM sthAvarajaGgamam
05012029c ekapatny asi satyA ca gacchasva nahuSaM prati
05012030a kSipraM tvAm abhikAmaz ca vinaziSyati pArthivaH
05012030c nahuSo devi zakraz ca suraizvaryam avApsyati
05012031a evaM vinizcayaM kRtvA indrANI kAryasiddhaye
05012031c abhyagacchata savrIDA nahuSaM ghoradarzanam
05012032a dRSTvA tAM nahuSaz cApi vayorUpasamanvitAm
05012032c samahRSyata duSTAtmA kAmopahatacetanaH
05013001  zalya uvAca
05013001a atha tAm abravId dRSTvA nahuSo devarAT tadA
05013001c trayANAm api lokAnAm aham indraH zucismite
05013001e bhajasva mAM varArohe patitve varavarNini
05013002a evam uktA tu sA devI nahuSeNa pativratA
05013002c prAvepata bhayodvignA pravAte kadalI yathA
05013003a namasya sA tu brahmANaM kRtvA zirasi cAJjalim
05013003c devarAjam athovAca nahuSaM ghoradarzanam
05013004a kAlam icchAmy ahaM labdhuM kiM cit tvattaH surezvara
05013004c na hi vijJAyate zakraH prAptaH kiM vA kva vA gataH
05013005a tattvam etat tu vijJAya yadi na jJAyate prabho
05013005c tato 'haM tvAm upasthAsye satyam etad bravImi te
05013005e evam uktaH sa indrANyA nahuSaH prItimAn abhUt
05013006  nahuSa uvAca
05013006a evaM bhavatu suzroNi yathA mAm abhibhASase
05013006c jJAtvA cAgamanaM kAryaM satyam etad anusmareH
05013007  zalya uvAca
05013007a nahuSeNa visRSTA ca nizcakrAma tataH zubhA
05013007c bRhaspatiniketaM sA jagAma ca tapasvinI
05013008a tasyAH saMzrutya ca vaco devAH sAgnipurogamAH
05013008c mantrayAm Asur ekAgrAH zakrArthaM rAjasattama
05013009a devadevena saMgamya viSNunA prabhaviSNunA
05013009c Ucuz cainaM samudvignA vAkyaM vAkyavizAradAH
05013010a brahmahatyAbhibhUto vai zakraH suragaNezvaraH
05013010c gatiz ca nas tvaM deveza pUrvajo jagataH prabhuH
05013010e rakSArthaM sarvabhUtAnAM viSNutvam upajagmivAn
05013011a tvadvIryAn nihate vRtre vAsavo brahmahatyayA
05013011c vRtaH suragaNazreSTha mokSaM tasya vinirdiza
05013012a teSAM tad vacanaM zrutvA devAnAM viSNur abravIt
05013012c mAm eva yajatAM zakraH pAvayiSyAmi vajriNam
05013013a puNyena hayamedhena mAm iSTvA pAkazAsanaH
05013013c punar eSyati devAnAm indratvam akutobhayaH
05013014a svakarmabhiz ca nahuSo nAzaM yAsyati durmatiH
05013014c kaM cit kAlam imaM devA marSayadhvam atandritAH
05013015a zrutvA viSNoH zubhAM satyAM tAM vANIm amRtopamAm
05013015c tataH sarve suragaNAH sopAdhyAyAH saharSibhiH
05013015e yatra zakro bhayodvignas taM dezam upacakramuH
05013016a tatrAzvamedhaH sumahAn mahendrasya mahAtmanaH
05013016c vavRte pAvanArthaM vai brahmahatyApaho nRpa
05013017a vibhajya brahmahatyAM tu vRkSeSu ca nadISu ca
05013017c parvateSu pRthivyAM ca strISu caiva yudhiSThira
05013018a saMvibhajya ca bhUteSu visRjya ca surezvaraH
05013018c vijvaraH pUtapApmA ca vAsavo 'bhavad AtmavAn
05013019a akampyaM nahuSaM sthAnAd dRSTvA ca balasUdanaH
05013019c tejoghnaM sarvabhUtAnAM varadAnAc ca duHsaham
05013020a tataH zacIpatir vIraH punar eva vyanazyata
05013020c adRzyaH sarvabhUtAnAM kAlAkAGkSI cacAra ha
05013021a pranaSTe tu tataH zakre zacI zokasamanvitA
05013021c hA zakreti tadA devI vilalApa suduHkhitA
05013022a yadi dattaM yadi hutaM guravas toSitA yadi
05013022c ekabhartRtvam evAstu satyaM yady asti vA mayi
05013023a puNyAM cemAm ahaM divyAM pravRttAm uttarAyaNe
05013023c devIM rAtriM namasyAmi sidhyatAM me manorathaH
05013024a prayatA ca nizAM devIm upAtiSThata tatra sA
05013024c pativratAtvAt satyena sopazrutim athAkarot
05013025a yatrAste devarAjo 'sau taM dezaM darzayasva me
05013025c ity AhopazrutiM devI satyaM satyena dRzyatAm
05014001  zalya uvAca
05014001a athainAM rupiNIM sAdhvIm upAtiSThad upazrutiH
05014001c tAM vayorUpasaMpannAM dRSTvA devIm upasthitAm
05014002a indrANI saMprahRSTA sA saMpUjyainAm apRcchata
05014002c icchAmi tvAm ahaM jJAtuM kA tvaM brUhi varAnane
05014003  upazrutir uvAca
05014003a upazrutir ahaM devi tavAntikam upAgatA
05014003c darzanaM caiva saMprAptA tava satyena toSitA
05014004a pativratAsi yuktA ca yamena niyamena ca
05014004c darzayiSyAmi te zakraM devaM vRtraniSUdanam
05014004e kSipram anvehi bhadraM te drakSyase surasattamam
05014005  zalya uvAca
05014005a tatas tAM prasthitAM devIm indrANI sA samanvagAt
05014005c devAraNyAny atikramya parvatAMz ca bahUMs tataH
05014005e himavantam atikramya uttaraM pArzvam Agamat
05014006a samudraM ca samAsAdya bahuyojanavistRtam
05014006c AsasAda mahAdvIpaM nAnAdrumalatAvRtam
05014007a tatrApazyat saro divyaM nAnAzakunibhir vRtam
05014007c zatayojanavistIrNaM tAvad evAyataM zubham
05014008a tatra divyAni padmAni paJcavarNAni bhArata
05014008c SaTpadair upagItAni praphullAni sahasrazaH
05014009a padmasya bhittvA nAlaM ca viveza sahitA tayA
05014009c bisatantupraviSTaM ca tatrApazyac chatakratum
05014010a taM dRSTvA ca susUkSmeNa rUpeNAvasthitaM prabhum
05014010c sUkSmarUpadharA devI babhUvopazrutiz ca sA
05014011a indraM tuSTAva cendrANI vizrutaiH pUrvakarmabhiH
05014011c stUyamAnas tato devaH zacIm Aha puraMdaraH
05014012a kimartham asi saMprAptA vijJAtaz ca kathaM tv aham
05014012c tataH sA kathayAm Asa nahuSasya viceSTitam
05014013a indratvaM triSu lokeSu prApya vIryamadAnvitaH
05014013c darpAviSTaz ca duSTAtmA mAm uvAca zatakrato
05014013e upatiSTha mAm iti krUraH kAlaM ca kRtavAn mama
05014014a yadi na trAsyasi vibho kariSyati sa mAM vaze
05014014c etena cAhaM saMtaptA prAptA zakra tavAntikam
05014014e jahi raudraM mahAbAho nahuSaM pApanizcayam
05014015a prakAzayasva cAtmAnaM daityadAnavasUdana
05014015c tejaH samApnuhi vibho devarAjyaM prazAdhi ca
05015001  zalya uvAca
05015001a evam uktaH sa bhagavAJ zacyA punar athAbravIt
05015001c vikramasya na kAlo 'yaM nahuSo balavattaraH
05015002a vivardhitaz ca RSibhir havyaiH kavyaiz ca bhAmini
05015002c nItim atra vidhAsyAmi devi tAM kartum arhasi
05015003a guhyaM caitat tvayA kAryaM nAkhyAtavyaM zubhe kva cit
05015003c gatvA nahuSam ekAnte bravIhi tanumadhyame
05015004a RSiyAnena divyena mAm upaihi jagatpate
05015004c evaM tava vaze prItA bhaviSyAmIti taM vada
05015005a ity uktA devarAjena patnI sA kamalekSaNA
05015005c evam astv ity athoktvA tu jagAma nahuSaM prati
05015006a nahuSas tAM tato dRSTvA vismito vAkyam abravIt
05015006c svAgataM te varArohe kiM karomi zucismite
05015007a bhaktaM mAM bhaja kalyANi kim icchasi manasvini
05015007c tava kalyANi yat kAryaM tat kariSye sumadhyame
05015008a na ca vrIDA tvayA kAryA suzroNi mayi vizvasa
05015008c satyena vai zape devi kartAsmi vacanaM tava
05015009  indrANy uvAca
05015009a yo me tvayA kRtaH kAlas tam AkAGkSe jagatpate
05015009c tatas tvam eva bhartA me bhaviSyasi surAdhipa
05015010a kAryaM ca hRdi me yat tad devarAjAvadhAraya
05015010c vakSyAmi yadi me rAjan priyam etat kariSyasi
05015010e vAkyaM praNayasaMyuktaM tataH syAM vazagA tava
05015011a indrasya vAjino vAhA hastino 'tha rathAs tathA
05015011c icchAmy aham ihApUrvaM vAhanaM te surAdhipa
05015011e yan na viSNor na rudrasya nAsurANAM na rakSasAm
05015012a vahantu tvAM mahArAja RSayaH saMgatA vibho
05015012c sarve zibikayA rAjann etad dhi mama rocate
05015013a nAsureSu na deveSu tulyo bhavitum arhasi
05015013c sarveSAM teja Adatsva svena vIryeNa darzanAt
05015013e na te pramukhataH sthAtuM kaz cid icchati vIryavAn
05015014  zalya uvAca
05015014a evam uktas tu nahuSaH prAhRSyata tadA kila
05015014c uvAca vacanaM cApi surendras tAm aninditAm
05015015a apUrvaM vAhanam idaM tvayoktaM varavarNini
05015015c dRDhaM me rucitaM devi tvadvazo 'smi varAnane
05015016a na hy alpavIryo bhavati yo vAhAn kurute munIn
05015016c ahaM tapasvI balavAn bhUtabhavyabhavatprabhuH
05015017a mayi kruddhe jagan na syAn mayi sarvaM pratiSThitam
05015017c devadAnavagandharvAH kiMnaroragarAkSasAH
05015018a na me kruddhasya paryAptAH sarve lokAH zucismite
05015018c cakSuSA yaM prapazyAmi tasya tejo harAmy aham
05015019a tasmAt te vacanaM devi kariSyAmi na saMzayaH
05015019c saptarSayo mAM vakSyanti sarve brahmarSayas tathA
05015019e pazya mAhAtmyam asmAkam RddhiM ca varavarNini
05015020a evam uktvA tu tAM devIM visRjya ca varAnanAm
05015020c vimAne yojayitvA sa RSIn niyamam AsthitAn
05015021a abrahmaNyo balopeto matto varamadena ca
05015021c kAmavRttaH sa duSTAtmA vAhayAm Asa tAn RSIn
05015022a nahuSeNa visRSTA ca bRhaspatim uvAca sA
05015022c samayo 'lpAvazeSo me nahuSeNeha yaH kRtaH
05015022e zakraM mRgaya zIghraM tvaM bhaktAyAH kuru me dayAm
05015023a bADham ity eva bhagavAn bRhaspatir uvAca tAm
05015023c na bhetavyaM tvayA devi nahuSAd duSTacetasaH
05015024a na hy eSa sthAsyati ciraM gata eSa narAdhamaH
05015024c adharmajJo maharSINAM vAhanAc ca hataH zubhe
05015025a iSTiM cAhaM kariSyAmi vinAzAyAsya durmateH
05015025c zakraM cAdhigamiSyAmi mA bhais tvaM bhadram astu te
05015026a tataH prajvAlya vidhivaj juhAva paramaM haviH
05015026c bRhaspatir mahAtejA devarAjopalabdhaye
05015027a tasmAc ca bhagavAn devaH svayam eva hutAzanaH
05015027c strIveSam adbhutaM kRtvA sahasAntaradhIyata
05015028a sa dizaH pradizaz caiva parvatAMz ca vanAni ca
05015028c pRthivIM cAntarikSaM ca vicIyAtimanogatiH
05015028e nimeSAntaramAtreNa bRhaspatim upAgamat
05015029  agnir uvAca
05015029a bRhaspate na pazyAmi devarAjam ahaM kva cit
05015029c ApaH zeSAH sadA cApaH praveSTuM notsahAmy aham
05015029e na me tatra gatir brahman kim anyat karavANi te
05015030  zalya uvAca
05015030a tam abravId devagurur apo viza mahAdyute
05015031  agnir uvAca
05015031a nApaH praveSTuM zakSyAmi kSayo me 'tra bhaviSyati
05015031c zaraNaM tvAM prapanno 'smi svasti te 'stu mahAdyute
05015032a adbhyo 'gnir brahmataH kSatram azmano loham utthitam
05015032c teSAM sarvatragaM tejaH svAsu yoniSu zAmyati
05016001  bRhaspatir uvAca
05016001a tvam agne sarvadevAnAM mukhaM tvam asi havyavAT
05016001c tvam antaH sarvabhUtAnAM gUDhaz carasi sAkSivat
05016002a tvAm Ahur ekaM kavayas tvAm Ahus trividhaM punaH
05016002c tvayA tyaktaM jagac cedaM sadyo nazyed dhutAzana
05016003a kRtvA tubhyaM namo viprAH svakarmavijitAM gatim
05016003c gacchanti saha patnIbhiH sutair api ca zAzvatIm
05016004a tvam evAgne havyavAhas tvam eva paramaM haviH
05016004c yajanti satrais tvAm eva yajJaiz ca paramAdhvare
05016005a sRSTvA lokAMs trIn imAn havyavAha; prApte kAle pacasi punaH samiddhaH
05016005c sarvasyAsya bhuvanasya prasUtis; tvam evAgne bhavasi punaH pratiSThA
05016006a tvAm agne jaladAn Ahur vidyutaz ca tvam eva hi
05016006c dahanti sarvabhUtAni tvatto niSkramya hAyanAH
05016007a tvayy Apo nihitAH sarvAs tvayi sarvam idaM jagat
05016007c na te 'sty aviditaM kiM cit triSu lokeSu pAvaka
05016008a svayoniM bhajate sarvo vizasvApo 'vizaGkitaH
05016008c ahaM tvAM vardhayiSyAmi brAhmair mantraiH sanAtanaiH
05016009  zalya uvAca
05016009a evaM stuto havyavAho bhagavAn kavir uttamaH
05016009c bRhaspatim athovAca prItimAn vAkyam uttamam
05016009e darzayiSyAmi te zakraM satyam etad bravImi te
05016010a pravizyApas tato vahniH sasamudrAH sapalvalAH
05016010c AjagAma saras tac ca gUDho yatra zatakratuH
05016011a atha tatrApi padmAni vicinvan bharatarSabha
05016011c anvapazyat sa devendraM bisamadhyagataM sthitam
05016012a Agatya ca tatas tUrNaM tam AcaSTa bRhaspateH
05016012c aNumAtreNa vapuSA padmatantvAzritaM prabhum
05016013a gatvA devarSigandharvaiH sahito 'tha bRhaspatiH
05016013c purANaiH karmabhir devaM tuSTAva balasUdanam
05016014a mahAsuro hataH zakra namucir dAruNas tvayA
05016014c zambaraz ca balaz caiva tathobhau ghoravikramau
05016015a zatakrato vivardhasva sarvAJ zatrUn niSUdaya
05016015c uttiSTha vajrin saMpazya devarSIMz ca samAgatAn
05016016a mahendra dAnavAn hatvA lokAs trAtAs tvayA vibho
05016016c apAM phenaM samAsAdya viSNutejopabRMhitam
05016016e tvayA vRtro hataH pUrvaM devarAja jagatpate
05016017a tvaM sarvabhUteSu vareNya IDyas; tvayA samaM vidyate neha bhUtam
05016017c tvayA dhAryante sarvabhUtAni zakra; tvaM devAnAM mahimAnaM cakartha
05016018a pAhi devAn salokAMz ca mahendra balam Apnuhi
05016018c evaM saMstUyamAnaz ca so 'vardhata zanaiH zanaiH
05016019a svaM caiva vapur AsthAya babhUva sa balAnvitaH
05016019c abravIc ca guruM devo bRhaspatim upasthitam
05016020a kiM kAryam avaziSTaM vo hatas tvASTro mahAsuraH
05016020c vRtraz ca sumahAkAyo grastuM lokAn iyeSa yaH
05016021  bRhaspatir uvAca
05016021a mAnuSo nahuSo rAjA devarSigaNatejasA
05016021c devarAjyam anuprAptaH sarvAn no bAdhate bhRzam
05016022  indra uvAca
05016022a kathaM nu nahuSo rAjyaM devAnAM prApa durlabham
05016022c tapasA kena vA yuktaH kiMvIryo vA bRhaspate
05016023  bRhaspatir uvAca
05016023a devA bhItAH zakram akAmayanta; tvayA tyaktaM mahad aindraM padaM tat
05016023c tadA devAH pitaro 'tharSayaz ca; gandharvasaMghAz ca sametya sarve
05016024a gatvAbruvan nahuSaM zakra tatra; tvaM no rAjA bhava bhuvanasya goptA
05016024c tAn abravIn nahuSo nAsmi zakta; ApyAyadhvaM tapasA tejasA ca
05016025a evam uktair vardhitaz cApi devai; rAjAbhavan nahuSo ghoravIryaH
05016025c trailokye ca prApya rAjyaM tapasvinaH; kRtvA vAhAn yAti lokAn durAtmA
05016026a tejoharaM dRSTiviSaM sughoraM; mA tvaM pazyer nahuSaM vai kadA cit
05016026c devAz ca sarve nahuSaM bhayArtA; na pazyanto gUDharUpAz caranti
05016027  zalya uvAca
05016027a evaM vadaty aGgirasAM variSThe; bRhaspatau lokapAlaH kuberaH
05016027c vaivasvataz caiva yamaH purANo; devaz ca somo varuNaz cAjagAma
05016028a te vai samAgamya mahendram Ucur; diSTyA tvASTro nihataz caiva vRtraH
05016028c diSTyA ca tvAM kuzalinam akSataM ca; pazyAmo vai nihatAriM ca zakra
05016029a sa tAn yathAvat pratibhASya zakraH; saMcodayan nahuSasyAntareNa
05016029c rAjA devAnAM nahuSo ghorarUpas; tatra sAhyaM dIyatAM me bhavadbhiH
05016030a te cAbruvan nahuSo ghorarUpo; dRSTIviSas tasya bibhIma deva
05016030c tvaM ced rAjan nahuSaM parAjayes; tad vai vayaM bhAgam arhAma zakra
05016031a indro 'bravId bhavatu bhavAn apAM patir; yamaH kuberaz ca mahAbhiSekam
05016031c saMprApnuvantv adya sahaiva tena; ripuM jayAmo nahuSaM ghoradRSTim
05016032a tataH zakraM jvalano 'py Aha bhAgaM; prayaccha mahyaM tava sAhyaM kariSye
05016032c tam Aha zakro bhavitAgne tavApi; aindrAgno vai bhAga eko mahAkratau
05016033a evaM saMcintya bhagavAn mahendraH pAkazAsanaH
05016033c kuberaM sarvayakSANAM dhanAnAM ca prabhuM tathA
05016034a vaivasvataM pitqNAM ca varuNaM cApy apAM tathA
05016034c AdhipatyaM dadau zakraH satkRtya varadas tadA
05017001  zalya uvAca
05017001a atha saMcintayAnasya devarAjasya dhImataH
05017001c nahuSasya vadhopAyaM lokapAlaiH sahaiva taiH
05017001e tapasvI tatra bhagavAn agastyaH pratyadRzyata
05017002a so 'bravId arcya devendraM diSTyA vai vardhate bhavAn
05017002c vizvarUpavinAzena vRtrAsuravadhena ca
05017003a diSTyA ca nahuSo bhraSTo devarAjyAt puraMdara
05017003c diSTyA hatAriM pazyAmi bhavantaM balasUdana
05017004  indra uvAca
05017004a svAgataM te maharSe 'stu prIto 'haM darzanAt tava
05017004c pAdyam AcamanIyaM ca gAm arghyaM ca pratIccha me
05017005  zalya uvAca
05017005a pUjitaM copaviSTaM tam Asane munisattamam
05017005c paryapRcchata devezaH prahRSTo brAhmaNarSabham
05017006a etad icchAmi bhagavan kathyamAnaM dvijottama
05017006c paribhraSTaH kathaM svargAn nahuSaH pApanizcayaH
05017007  agastya uvAca
05017007a zRNu zakra priyaM vAkyaM yathA rAjA durAtmavAn
05017007c svargAd bhraSTo durAcAro nahuSo baladarpitaH
05017008a zramArtAs tu vahantas taM nahuSaM pApakAriNam
05017008c devarSayo mahAbhAgAs tathA brahmarSayo 'malAH
05017008e papracchuH saMzayaM deva nahuSaM jayatAM vara
05017009a ya ime brahmaNA proktA mantrA vai prokSaNe gavAm
05017009c ete pramANaM bhavata utAho neti vAsava
05017009e nahuSo neti tAn Aha tamasA mUDhacetanaH
05017010  RSaya UcuH
05017010a adharme saMpravRttas tvaM dharmaM na pratipadyase
05017010c pramANam etad asmAkaM pUrvaM proktaM maharSibhiH
05017011  agastya uvAca
05017011a tato vivadamAnaH sa munibhiH saha vAsava
05017011c atha mAm aspRzan mUrdhni pAdenAdharmapIDitaH
05017012a tenAbhUd dhatatejAH sa niHzrIkaz ca zacIpate
05017012c tatas tam aham Avignam avocaM bhayapIDitam
05017013a yasmAt pUrvaiH kRtaM brahma brahmarSibhir anuSThitam
05017013c aduSTaM dUSayasi vai yac ca mUrdhny aspRzaH padA
05017014a yac cApi tvam RSIn mUDha brahmakalpAn durAsadAn
05017014c vAhAn kRtvA vAhayasi tena svargAd dhataprabhaH
05017015a dhvaMsa pApa paribhraSTaH kSINapuNyo mahItalam
05017015c daza varSasahasrANi sarparUpadharo mahAn
05017015e vicariSyasi pUrNeSu punaH svargam avApsyasi
05017016a evaM bhraSTo durAtmA sa devarAjyAd ariMdama
05017016c diSTyA vardhAmahe zakra hato brAhmaNakaNTakaH
05017017a triviSTapaM prapadyasva pAhi lokAJ zacIpate
05017017c jitendriyo jitAmitraH stUyamAno maharSibhiH
05017018  zalya uvAca
05017018a tato devA bhRzaM tuSTA maharSigaNasaMvRtAH
05017018c pitaraz caiva yakSAz ca bhujagA rAkSasAs tathA
05017019a gandharvA devakanyAz ca sarve cApsarasAM gaNAH
05017019c sarAMsi saritaH zailAH sAgarAz ca vizAM pate
05017020a upagamyAbruvan sarve diSTyA vardhasi zatruhan
05017020c hataz ca nahuSaH pApo diSTyAgastyena dhImatA
05017020e diSTyA pApasamAcAraH kRtaH sarpo mahItale
05018001  zalya uvAca
05018001a tataH zakraH stUyamAno gandharvApsarasAM gaNaiH
05018001c airAvataM samAruhya dvipendraM lakSaNair yutam
05018002a pAvakaz ca mahAtejA maharSiz ca bRhaspatiH
05018002c yamaz ca varuNaz caiva kuberaz ca dhanezvaraH
05018003a sarvair devaiH parivRtaH zakro vRtraniSUdanaH
05018003c gandharvair apsarobhiz ca yAtas tribhuvanaM prabhuH
05018004a sa sametya mahendrANyA devarAjaH zatakratuH
05018004c mudA paramayA yuktaH pAlayAm Asa devarAT
05018005a tataH sa bhagavAMs tatra aGgirAH samadRzyata
05018005c atharvavedamantraiz ca devendraM samapUjayat
05018006a tatas tu bhagavAn indraH prahRSTaH samapadyata
05018006c varaM ca pradadau tasmai atharvAGgirase tadA
05018007a atharvAGgirasaM nAma asmin vede bhaviSyati
05018007c udAharaNam etad dhi yajJabhAgaM ca lapsyase
05018008a evaM saMpUjya bhagavAn atharvAGgirasaM tadA
05018008c vyasarjayan mahArAja devarAjaH zatakratuH
05018009a saMpUjya sarvAMs tridazAn RSIMz cApi tapodhanAn
05018009c indraH pramudito rAjan dharmeNApAlayat prajAH
05018010a evaM duHkham anuprAptam indreNa saha bhAryayA
05018010c ajJAtavAsaz ca kRtaH zatrUNAM vadhakAGkSayA
05018011a nAtra manyus tvayA kAryo yat kliSTo 'si mahAvane
05018011c draupadyA saha rAjendra bhrAtRbhiz ca mahAtmabhiH
05018012a evaM tvam api rAjendra rAjyaM prApsyasi bhArata
05018012c vRtraM hatvA yathA prAptaH zakraH kauravanandana
05018013a durAcAraz ca nahuSo brahmadviT pApacetanaH
05018013c agastyazApAbhihato vinaSTaH zAzvatIH samAH
05018014a evaM tava durAtmAnaH zatravaH zatrusUdana
05018014c kSipraM nAzaM gamiSyanti karNaduryodhanAdayaH
05018015a tataH sAgaraparyantAM bhokSyase medinIm imAm
05018015c bhrAtRbhiH sahito vIra draupadyA ca sahAbhibho
05018016a upAkhyAnam idaM zakravijayaM vedasaMmitam
05018016c rAjJA vyUDheSv anIkeSu zrotavyaM jayam icchatA
05018017a tasmAt saMzrAvayAmi tvAM vijayaM jayatAM vara
05018017c saMstUyamAnA vardhante mahAtmAno yudhiSThira
05018018a kSatriyANAm abhAvo 'yaM yudhiSThira mahAtmanAm
05018018c duryodhanAparAdhena bhImArjunabalena ca
05018019a AkhyAnam indravijayaM ya idaM niyataH paThet
05018019c dhUtapApmA jitasvargaH sa pretyeha ca modate
05018020a na cArijaM bhayaM tasya na cAputro bhaven naraH
05018020c nApadaM prApnuyAt kAM cid dIrgham Ayuz ca vindati
05018020e sarvatra jayam Apnoti na kadA cit parAjayam
05018021  vaizaMpAyana uvAca
05018021a evam AzvAsito rAjA zalyena bharatarSabha
05018021c pUjayAm Asa vidhivac chalyaM dharmabhRtAM varaH
05018022a zrutvA zalyasya vacanaM kuntIputro yudhiSThiraH
05018022c pratyuvAca mahAbAhur madrarAjam idaM vacaH
05018023a bhavAn karNasya sArathyaM kariSyati na saMzayaH
05018023c tatra tejovadhaH kAryaH karNasya mama saMstavaiH
05018024  zalya uvAca
05018024a evam etat kariSyAmi yathA mAM saMprabhASase
05018024c yac cAnyad api zakSyAmi tat kariSyAmy ahaM tava
05018025  vaizaMpAyana uvAca
05018025a tata Amantrya kaunteyAJ zalyo madrAdhipas tadA
05018025c jagAma sabalaH zrImAn duryodhanam ariMdamaH
05019001  vaizaMpAyana uvAca
05019001a yuyudhAnas tato vIraH sAtvatAnAM mahArathaH
05019001c mahatA caturaGgeNa balenAgAd yudhiSThiram
05019002a tasya yodhA mahAvIryA nAnAdezasamAgatAH
05019002c nAnApraharaNA vIrAH zobhayAM cakrire balam
05019003a parazvadhair bhiNDipAlaiH zaktitomaramudgaraiH
05019003c zaktyRSTiparazuprAsaiH karavAlaiz ca nirmalaiH
05019004a khaDgakArmukaniryUhaiH zaraiz ca vividhair api
05019004c tailadhautaiH prakAzadbhis tad azobhata vai balam
05019005a tasya meghaprakAzasya zastrais taiH zobhitasya ca
05019005c babhUva rUpaM sainyasya meghasyeva savidyutaH
05019006a akSauhiNI hi senA sA tadA yaudhiSThiraM balam
05019006c pravizyAntardadhe rAjan sAgaraM kunadI yathA
05019007a tathaivAkSauhiNIM gRhya cedInAm RSabho balI
05019007c dhRSTaketur upAgacchat pANDavAn amitaujasaH
05019008a mAgadhaz ca jayatseno jArAsaMdhir mahAbalaH
05019008c akSauhiNyaiva sainyasya dharmarAjam upAgamat
05019009a tathaiva pANDyo rAjendra sAgarAnUpavAsibhiH
05019009c vRto bahuvidhair yodhair yudhiSThiram upAgamat
05019010a tasya sainyam atIvAsIt tasmin balasamAgame
05019010c prekSaNIyataraM rAjan suveSaM balavat tadA
05019011a drupadasyApy abhUt senA nAnAdezasamAgataiH
05019011c zobhitA puruSaiH zUraiH putraiz cAsya mahArathaiH
05019012a tathaiva rAjA matsyAnAM virATo vAhinIpatiH
05019012c pArvatIyair mahIpAlaiH sahitaH pANDavAn iyAt
05019013a itaz cetaz ca pANDUnAM samAjagmur mahAtmanAm
05019013c akSauhiNyas tu saptaiva vividhadhvajasaMkulAH
05019013e yuyutsamAnAH kurubhiH pANDavAn samaharSayan
05019014a tathaiva dhArtarASTrasya harSaM samabhivardhayan
05019014c bhagadatto mahIpAlaH senAm akSauhiNIM dadau
05019015a tasya cInaiH kirAtaiz ca kAJcanair iva saMvRtam
05019015c babhau balam anAdhRSyaM karNikAravanaM yathA
05019016a tathA bhUrizravAH zUraH zalyaz ca kurunandana
05019016c duryodhanam upAyAtAv akSauhiNyA pRthak pRthak
05019017a kRtavarmA ca hArdikyo bhojAndhakabalaiH saha
05019017c akSauhiNyaiva senAyA duryodhanam upAgamat
05019018a tasya taiH puruSavyAghrair vanamAlAdharair balam
05019018c azobhata yathA mattair vanaM prakrIDitair gajaiH
05019019a jayadrathamukhAz cAnye sindhusauvIravAsinaH
05019019c AjagmuH pRthivIpAlAH kampayanta ivAcalAn
05019020a teSAm akSauhiNI senA bahulA vibabhau tadA
05019020c vidhUyamAnA vAtena bahurUpA ivAmbudAH
05019021a sudakSiNaz ca kAmbojo yavanaiz ca zakais tathA
05019021c upAjagAma kauravyam akSauhiNyA vizAM pate
05019022a tasya senAsamAvAyaH zalabhAnAm ivAbabhau
05019022c sa ca saMprApya kauravyaM tatraivAntardadhe tadA
05019023a tathA mAhiSmatIvAsI nIlo nIlAyudhaiH saha
05019023c mahIpAlo mahAvIryair dakSiNApathavAsibhiH
05019024a Avantyau ca mahIpAlau mahAbalasusaMvRtau
05019024c pRthag akSauhiNIbhyAM tAv abhiyAtau suyodhanam
05019025a kekayAz ca naravyAghrAH sodaryAH paJca pArthivAH
05019025c saMharSayantaH kauravyam akSauhiNyA samAdravan
05019026a itaz cetaz ca sarveSAM bhUmipAnAM mahAtmanAm
05019026c tisro 'nyAH samavartanta vAhinyo bharatarSabha
05019027a evam ekAdazAvRttAH senA duryodhanasya tAH
05019027c yuyutsamAnAH kaunteyAn nAnAdhvajasamAkulAH
05019028a na hAstinapure rAjann avakAzo 'bhavat tadA
05019028c rAjJAM sabalamukhyAnAM prAdhAnyenApi bhArata
05019029a tataH paJcanadaM caiva kRtsnaM ca kurujAGgalam
05019029c tathA rohitakAraNyaM marubhUmiz ca kevalA
05019030a ahicchatraM kAlakUTaM gaGgAkUlaM ca bhArata
05019030c vAraNA vATadhAnaM ca yAmunaz caiva parvataH
05019031a eSa dezaH suvistIrNaH prabhUtadhanadhAnyavAn
05019031c babhUva kauraveyANAM balena susamAkulaH
05019032a tatra sainyaM tathAyuktaM dadarza sa purohitaH
05019032c yaH sa pAJcAlarAjena preSitaH kauravAn prati
05020001  vaizaMpAyana uvAca
05020001a sa tu kauravyam AsAdya drupadasya purohitaH
05020001c satkRto dhRtarASTreNa bhISmeNa vidureNa ca
05020002a sarvaM kauzalyam uktvAdau pRSTvA caivam anAmayam
05020002c sarvasenApraNetqNAM madhye vAkyam uvAca ha
05020003a sarvair bhavadbhir vidito rAjadharmaH sanAtanaH
05020003c vAkyopAdAnahetos tu vakSyAmi vidite sati
05020004a dhRtarASTraz ca pANDuz ca sutAv ekasya vizrutau
05020004c tayoH samAnaM draviNaM paitRkaM nAtra saMzayaH
05020005a dhRtarASTrasya ye putrAs te prAptAH paitRkaM vasu
05020005c pANDuputrAH kathaM nAma na prAptAH paitRkaM vasu
05020006a evaM gate pANDaveyair viditaM vaH purA yathA
05020006c na prAptaM paitRkaM dravyaM dhArtarASTreNa saMvRtam
05020007a prANAntikair apy upAyaiH prayatadbhir anekazaH
05020007c zeSavanto na zakitA nayituM yamasAdanam
05020008a punaz ca vardhitaM rAjyaM svabalena mahAtmabhiH
05020008c chadmanApahRtaM kSudrair dhArtarASTraiH sasaubalaiH
05020009a tad apy anumataM karma tathAyuktam anena vai
05020009c vAsitAz ca mahAraNye varSANIha trayodaza
05020010a sabhAyAM klezitair vIraiH sahabhAryais tathA bhRzam
05020010c araNye vividhAH klezAH saMprAptAs taiH sudAruNAH
05020011a tathA virATanagare yonyantaragatair iva
05020011c prAptaH paramasaMklezo yathA pApair mahAtmabhiH
05020012a te sarve pRSThataH kRtvA tat sarvaM pUrvakilbiSam
05020012c sAmaiva kurubhiH sArdham icchanti kurupuMgavAH
05020013a teSAM ca vRttam AjJAya vRttaM duryodhanasya ca
05020013c anunetum ihArhanti dhRtarASTraM suhRjjanAH
05020014a na hi te vigrahaM vIrAH kurvanti kurubhiH saha
05020014c avinAzena lokasya kAGkSante pANDavAH svakam
05020015a yaz cApi dhArtarASTrasya hetuH syAd vigrahaM prati
05020015c sa ca hetur na mantavyo balIyAMsas tathA hi te
05020016a akSauhiNyo hi saptaiva dharmaputrasya saMgatAH
05020016c yuyutsamAnAH kurubhiH pratIkSante 'sya zAsanam
05020017a apare puruSavyAghrAH sahasrAkSauhiNIsamAH
05020017c sAtyakir bhImasenaz ca yamau ca sumahAbalau
05020018a ekAdazaitAH pRtanA ekataz ca samAgatAH
05020018c ekataz ca mahAbAhur bahurUpo dhanaMjayaH
05020019a yathA kirITI senAbhyaH sarvAbhyo vyatiricyate
05020019c evam eva mahAbAhur vAsudevo mahAdyutiH
05020020a bahulatvaM ca senAnAM vikramaM ca kirITinaH
05020020c buddhimattAM ca kRSNasya buddhvA yudhyeta ko naraH
05020021a te bhavanto yathAdharmaM yathAsamayam eva ca
05020021c prayacchantu pradAtavyaM mA vaH kAlo 'tyagAd ayam
05021001  vaizaMpAyana uvAca
05021001a tasya tad vacanaM zrutvA prajJAvRddho mahAdyutiH
05021001c saMpUjyainaM yathAkAlaM bhISmo vacanam abravIt
05021002a diSTyA kuzalinaH sarve pANDavAH saha bAndhavaiH
05021002c diSTyA sahAyavantaz ca diSTyA dharme ca te ratAH
05021003a diSTyA ca saMdhikAmAs te bhrAtaraH kurunandanAH
05021003c diSTyA na yuddhamanasaH saha dAmodareNa te
05021004a bhavatA satyam uktaM ca sarvam etan na saMzayaH
05021004c atitIkSNaM tu te vAkyaM brAhmaNyAd iti me matiH
05021005a asaMzayaM klezitAs te vane ceha ca pANDavAH
05021005c prAptAz ca dharmataH sarvaM pitur dhanam asaMzayam
05021006a kirITI balavAn pArthaH kRtAstraz ca mahAbalaH
05021006c ko hi pANDusutaM yuddhe viSaheta dhanaMjayam
05021007a api vajradharaH sAkSAt kim utAnye dhanurbhRtaH
05021007c trayANAm api lokAnAM samartha iti me matiH
05021008a bhISme bruvati tad vAkyaM dhRSTam AkSipya manyumAn
05021008c duryodhanaM samAlokya karNo vacanam abravIt
05021009a na tan na viditaM brahma&l loke bhUtena kena cit
05021009c punaruktena kiM tena bhASitena punaH punaH
05021010a duryodhanArthe zakunir dyUte nirjitavAn purA
05021010c samayena gato 'raNyaM pANDuputro yudhiSThiraH
05021011a na taM samayam AdRtya rAjyam icchati paitRkam
05021011c balam Azritya matsyAnAM pAJcAlAnAM ca pArthivaH
05021012a duryodhano bhayAd vidvan na dadyAt padam antataH
05021012c dharmatas tu mahIM kRtsnAM pradadyAc chatrave 'pi ca
05021013a yadi kAGkSanti te rAjyaM pitRpaitAmahaM punaH
05021013c yathApratijJaM kAlaM taM carantu vanam AzritAH
05021014a tato duryodhanasyAGke vartantAm akutobhayAH
05021014c adhArmikAm imAM buddhiM kuryur maurkhyAd dhi kevalam
05021015a atha te dharmam utsRjya yuddham icchanti pANDavAH
05021015c AsAdyemAn kuruzreSThAn smariSyanti vaco mama
05021016  bhISma uvAca
05021016a kiM nu rAdheya vAcA te karma tat smartum arhasi
05021016c eka eva yadA pArthaH SaD rathAJ jitavAn yudhi
05021017a na ced evaM kariSyAmo yad ayaM brAhmaNo 'bravIt
05021017c dhruvaM yudhi hatAs tena bhakSayiSyAma pAMsukAn
05021018  vaizaMpAyana uvAca
05021018a dhRtarASTras tato bhISmam anumAnya prasAdya ca
05021018c avabhartsya ca rAdheyam idaM vacanam abravIt
05021019a asmaddhitam idaM vAkyaM bhISmaH zAMtanavo 'bravIt
05021019c pANDavAnAM hitaM caiva sarvasya jagatas tathA
05021020a cintayitvA tu pArthebhyaH preSayiSyAmi saMjayam
05021020c sa bhavAn pratiyAtv adya pANDavAn eva mAciram
05021021a sa taM satkRtya kauravyaH preSayAm Asa pANDavAn
05021021c sabhAmadhye samAhUya saMjayaM vAkyam abravIt
05022001  dhRtarASTra uvAca
05022001a prAptAn AhuH saMjaya pANDuputrAn; upaplavye tAn vijAnIhi gatvA
05022001c ajAtazatruM ca sabhAjayethA; diSTyAnagha grAmam upasthitas tvam
05022002a sarvAn vadeH saMjaya svastimantaH; kRcchraM vAsam atadarhA niruSya
05022002c teSAM zAntir vidyate 'smAsu zIghraM; mithyopetAnAm upakAriNAM satAm
05022003a nAhaM kva cit saMjaya pANDavAnAM; mithyAvRttiM kAM cana jAtv apazyam
05022003c sarvAM zriyaM hy AtmavIryeNa labdhvA; paryAkArSuH pANDavA mahyam eva
05022004a doSaM hy eSAM nAdhigacche parIkSan; nityaM kaM cid yena garheya pArthAn
05022004c dharmArthAbhyAM karma kurvanti nityaM; sukhapriyA nAnurudhyanti kAmAn
05022005a gharmaM zItaM kSutpipAse tathaiva; nidrAM tandrIM krodhaharSau pramAdam
05022005c dhRtyA caiva prajJayA cAbhibhUya; dharmArthayogAn prayatanti pArthAH
05022006a tyajanti mitreSu dhanAni kAle; na saMvAsAj jIryati maitram eSAm
05022006c yathArhamAnArthakarA hi pArthAs; teSAM dveSTA nAsty AjamIDhasya pakSe
05022007a anyatra pApAd viSamAn mandabuddher; duryodhanAt kSudratarAc ca karNAt
05022007c teSAM hIme hInasukhapriyANAM; mahAtmanAM saMjanayanti tejaH
05022008a utthAnavIryaH sukham edhamAno; duryodhanaH sukRtaM manyate tat
05022008c teSAM bhAgaM yac ca manyeta bAlaH; zakyaM hartuM jIvatAM pANDavAnAm
05022009a yasyArjunaH padavIM kezavaz ca; vRkodaraH sAtyako 'jAtazatroH
05022009c mAdrIputrau sRJjayAz cApi sarve; purA yuddhAt sAdhu tasya pradAnam
05022010a sa hy evaikaH pRthivIM savyasAcI; gANDIvadhanvA praNuded rathasthaH
05022010c tathA viSNuH kezavo 'py apradhRSyo; lokatrayasyAdhipatir mahAtmA
05022011a tiSTheta kas tasya martyaH purastAd; yaH sarvadeveSu vareNya IDyaH
05022011c parjanyaghoSAn pravapaJ zaraughAn; pataMgasaMghAn iva zIghravegAn
05022012a dizaM hy udIcIm api cottarAn kurUn; gANDIvadhanvaikaratho jigAya
05022012c dhanaM caiSAm Aharat savyasAcI; senAnugAn balidAMz caiva cakre
05022013a yaz caiva devAn khANDave savyasAcI; gANDIvadhanvA prajigAya sendrAn
05022013c upAharat phalguno jAtavedase; yazo mAnaM vardhayan pANDavAnAm
05022014a gadAbhRtAM nAdya samo 'sti bhImAd; dhastyAroho nAsti samaz ca tasya
05022014c rathe 'rjunAd Ahur ahInam enaM; bAhvor bale cAyutanAgavIryam
05022015a suzikSitaH kRtavairas tarasvI; dahet kruddhas tarasA dhArtarASTrAn
05022015c sadAtyamarSI balavAn na zakyo; yuddhe jetuM vAsavenApi sAkSAt
05022016a sucetasau balinau zIghrahastau; suzikSitau bhrAtarau phalgunena
05022016c zyenau yathA pakSipUgAn rujantau; mAdrIputrau neha kurUn vizetAm
05022017a teSAM madhye vartamAnas tarasvI; dhRSTadyumnaH pANDavAnAm ihaikaH
05022017c sahAmAtyaH somakAnAM prabarhaH; saMtyaktAtmA pANDavAnAM jayAya
05022018a sahoSitaz caritArtho vayaHsthaH; zAlveyAnAm adhipo vai virATaH
05022018c saha putraiH pANDavArthe ca zazvad; yudhiSThiraM bhakta iti zrutaM me
05022019a avaruddhA balinaH kekayebhyo; maheSvAsA bhrAtaraH paJca santi
05022019c kekayebhyo rAjyam AkAGkSamANA; yuddhArthinaz cAnuvasanti pArthAn
05022020a sarve ca vIrAH pRthivIpatInAM; samAnItAH pANDavArthe niviSTAH
05022020c zUrAn ahaM bhaktimataH zRNomi; prItyA yuktAn saMzritAn dharmarAjam
05022021a giryAzrayA durganivAsinaz ca; yodhAH pRthivyAM kulajA vizuddhAH
05022021c mlecchAz ca nAnAyudhavIryavantaH; samAgatAH pANDavArthe niviSTAH
05022022a pANDyaz ca rAjAmita indrakalpo; yudhi pravIrair bahubhiH sametaH
05022022c samAgataH pANDavArthe mahAtmA; lokapravIro 'prativIryatejAH
05022023a astraM droNAd arjunAd vAsudevAt; kRpAd bhISmAd yena kRtaM zRNomi
05022023c yaM taM kArSNipratimaM prAhur ekaM; sa sAtyakiH pANDavArthe niviSTaH
05022024a apAzritAz cedikarUSakAz ca; sarvotsAhair bhUmipAlaiH sametAH
05022024c teSAM madhye sUryam ivAtapantaM; zriyA vRtaM cedipatiM jvalantam
05022025a astambhanIyaM yudhi manyamAnaM; jyAkarSatAM zreSThatamaM pRthivyAm
05022025c sarvotsAhaM kSatriyANAM nihatya; prasahya kRSNas tarasA mamarda
05022026a yazomAnau vardhayan yAdavAnAM; purAbhinac chizupAlaM samIke
05022026c yasya sarve vardhayanti sma mAnaM; karUSarAjapramukhA narendrAH
05022027a tam asahyaM kezavaM tatra matvA; sugrIvayuktena rathena kRSNam
05022027c saMprAdravaMz cedipatiM vihAya; siMhaM dRSTvA kSudramRgA ivAnye
05022028a yas taM pratIpas tarasA pratyudIyAd; AzaMsamAno dvairathe vAsudevam
05022028c so 'zeta kRSNena hataH parAsur; vAtenevonmathitaH karNikAraH
05022029a parAkramaM me yad avedayanta; teSAm arthe saMjaya kezavasya
05022029c anusmaraMs tasya karmANi viSNor; gAvalgaNe nAdhigacchAmi zAntim
05022030a na jAtu tAJ zatrur anyaH saheta; yeSAM sa syAd agraNIr vRSNisiMhaH
05022030c pravepate me hRdayaM bhayena; zrutvA kRSNAv ekarathe sametau
05022031a no ced gacchet saMgaraM mandabuddhis; tAbhyAM suto me viparItacetAH
05022031c no cet kurUn saMjaya nirdahetAm; indrAviSNU daityasenAM yathaiva
05022031e mato hi me zakrasamo dhanaMjayaH; sanAtano vRSNivIraz ca viSNuH
05022032a dharmArAmo hrIniSedhas tarasvI; kuntIputraH pANDavo 'jAtazatruH
05022032c duryodhanena nikRto manasvI; no cet kruddhaH pradahed dhArtarASTrAn
05022033a nAhaM tathA hy arjunAd vAsudevAd; bhImAd vApi yamayor vA bibhemi
05022033c yathA rAjJaH krodhadIptasya sUta; manyor ahaM bhItataraH sadaiva
05022034a alaM tapobrahmacaryeNa yuktaH; saMkalpo 'yaM mAnasas tasya sidhyet
05022034c tasya krodhaM saMjayAhaM samIke; sthAne jAnan bhRzam asmy adya bhItaH
05022035a sa gaccha zIghraM prahito rathena; pAJcAlarAjasya camUM paretya
05022035c ajAtazatruM kuzalaM sma pRccheH; punaH punaH prItiyuktaM vades tvam
05022036a janArdanaM cApi sametya tAta; mahAmAtraM vIryavatAm udAram
05022036c anAmayaM madvacanena pRccher; dhRtarASTraH pANDavaiH zAntim IpsuH
05022037a na tasya kiM cid vacanaM na kuryAt; kuntIputro vAsudevasya sUta
05022037c priyaz caiSAm Atmasamaz ca kRSNo; vidvAMz caiSAM karmaNi nityayuktaH
05022038a samAnIya pANDavAn sRJjayAMz ca; janArdanaM yuyudhAnaM virATam
05022038c anAmayaM madvacanena pRccheH; sarvAMs tathA draupadeyAMz ca paJca
05022039a yad yat tatra prAptakAlaM parebhyas; tvaM manyethA bhAratAnAM hitaM ca
05022039c tat tad bhASethAH saMjaya rAjamadhye; na mUrchayed yan na bhavec ca yuddham
05023001  vaizaMpAyana uvAca
05023001a rAjJas tu vacanaM zrutvA dhRtarASTrasya saMjayaH
05023001c upaplavyaM yayau draSTuM pANDavAn amitaujasaH
05023002a sa tu rAjAnam AsAdya dharmAtmAnaM yudhiSThiram
05023002c praNipatya tataH pUrvaM sUtaputro 'bhyabhASata
05023003a gAvalgaNiH saMjayaH sUtasUnur; ajAtazatrum avadat pratItaH
05023003c diSTyA rAjaMs tvAm arogaM prapazye; sahAyavantaM ca mahendrakalpam
05023004a anAmayaM pRcchati tvAmbikeyo; vRddho rAjA dhRtarASTro manISI
05023004c kaccid bhImaH kuzalI pANDavAgryo; dhanaMjayas tau ca mAdrItanUjau
05023005a kaccit kRSNA draupadI rAjaputrI; satyavratA vIrapatnI saputrA
05023005c manasvinI yatra ca vAJchasi tvam; iSTAn kAmAn bhArata svastikAmaH
05023006  yudhiSThira uvAca
05023006a gAvalgaNe saMjaya svAgataM te; prItAtmAhaM tvAbhivadAmi sUta
05023006c anAmayaM pratijAne tavAhaM; sahAnujaiH kuzalI cAsmi vidvan
05023007a cirAd idaM kuzalaM bhAratasya; zrutvA rAjJaH kuruvRddhasya sUta
05023007c manye sAkSAd dRSTam ahaM narendraM; dRSTvaiva tvAM saMjaya prItiyogAt
05023008a pitAmaho naH sthaviro manasvI; mahAprAjJaH sarvadharmopapannaH
05023008c sa kauravyaH kuzalI tAta bhISmo; yathApUrvaM vRttir apy asya kaccit
05023009a kaccid rAjA dhRtarASTraH saputro; vaicitravIryaH kuzalI mahAtmA
05023009c mahArAjo bAhlikaH prAtipeyaH; kaccid vidvAn kuzalI sUtaputra
05023010a sa somadattaH kuzalI tAta kaccid; bhUrizravAH satyasaMdhaH zalaz ca
05023010c droNaH saputraz ca kRpaz ca vipro; maheSvAsAH kaccid ete 'py arogAH
05023011a mahAprAjJAH sarvazAstrAvadAtA; dhanurbhRtAM mukhyatamAH pRthivyAm
05023011c kaccin mAnaM tAta labhanta ete; dhanurbhRtaH kaccid ete 'py arogAH
05023012a sarve kurubhyaH spRhayanti saMjaya; dhanurdharA ye pRthivyAM yuvAnaH
05023012c yeSAM rASTre nivasati darzanIyo; maheSvAsaH zIlavAn droNaputraH
05023013a vaizyAputraH kuzalI tAta kaccin; mahAprAjJo rAjaputro yuyutsuH
05023013c karNo 'mAtyaH kuzalI tAta kaccit; suyodhano yasya mando vidheyaH
05023014a striyo vRddhA bhAratAnAM jananyo; mahAnasyo dAsabhAryAz ca sUta
05023014c vadhvaH putrA bhAgineyA bhaginyo; dauhitrA vA kaccid apy avyalIkAH
05023015a kaccid rAjA brAhmaNAnAM yathAvat; pravartate pUrvavat tAta vRttim
05023015c kaccid dAyAn mAmakAn dhArtarASTro; dvijAtInAM saMjaya nopahanti
05023016a kaccid rAjA dhRtarASTraH saputra; upekSate brAhmaNAtikramAn vai
05023016c kaccin na hetor iva vartmabhUta; upekSate teSu sa nyUnavRttim
05023017a etaj jyotir uttamaM jIvaloke; zuklaM prajAnAM vihitaM vidhAtrA
05023017c te cel lobhaM na niyacchanti mandAH; kRtsno nAzo bhavitA kauravANAm
05023018a kaccid rAjA dhRtarASTraH saputro; bubhUSate vRttim amAtyavarge
05023018c kaccin na bhedena jijIviSanti; suhRdrUpA durhRdaz caikamitrAH
05023019a kaccin na pApaM kathayanti tAta; te pANDavAnAM kuravaH sarva eva
05023019c kaccid dRSTvA dasyusaMghAn sametAn; smaranti pArthasya yudhAM praNetuH
05023020a maurvIbhujAgraprahitAn sma tAta; dodhUyamAnena dhanurdhareNa
05023020c gANDIvamuktAn stanayitnughoSAn; ajihmagAn kaccid anusmaranti
05023021a na hy apazyaM kaM cid ahaM pRthivyAM; zrutaM samaM vAdhikam arjunena
05023021c yasyaikaSaSTir nizitAs tIkSNadhArAH; suvAsasaH saMmato hastavApaH
05023022a gadApANir bhImasenas tarasvI; pravepayaJ zatrusaMghAn anIke
05023022c nAgaH prabhinna iva naDvalAsu; caGkramyate kaccid enaM smaranti
05023023a mAdrIputraH sahadevaH kaliGgAn; samAgatAn ajayad dantakUre
05023023c vAmenAsyan dakSiNenaiva yo vai; mahAbalaM kaccid enaM smaranti
05023024a udyann ayaM nakulaH preSito vai; gAvalgaNe saMjaya pazyatas te
05023024c dizaM pratIcIM vazam Anayan me; mAdrIsutaM kaccid enaM smaranti
05023025a abhyAbhavo dvaitavane ya AsId; durmantrite ghoSayAtrAgatAnAm
05023025c yatra mandAJ zatruvazaM prayAtAn; amocayad bhImaseno jayaz ca
05023026a ahaM pazcAd arjunam abhyarakSaM; mAdrIputrau bhImasenaz ca cakre
05023026c gANDIvabhRc chatrusaMghAn udasya; svasty Agamat kaccid enaM smaranti
05023027a na karmaNA sAdhunaikena nUnaM; kartuM zakyaM bhavatIha saMjaya
05023027c sarvAtmanA parijetuM vayaM cen; na zaknumo dhRtarASTrasya putram
05024001  saMjaya uvAca
05024001a yathArhase pANDava tat tathaiva; kurUn kuruzreSTha janaM ca pRcchasi
05024001c anAmayAs tAta manasvinas te; kuruzreSThAn pRcchasi pArtha yAMs tvam
05024002a santy eva vRddhAH sAdhavo dhArtarASTre; santy eva pApAH pANDava tasya viddhi
05024002c dadyAd ripoz cApi hi dhArtarASTraH; kuto dAyA&l lopayed brAhmaNAnAm
05024003a yad yuSmAkaM vartate 'sau na dharmyam; adrugdheSu drugdhavat tan na sAdhu
05024003c mitradhruk syAd dhRtarASTraH saputro; yuSmAn dviSan sAdhuvRttAn asAdhuH
05024004a na cAnujAnAti bhRzaM ca tapyate; zocaty antaH sthaviro 'jAtazatro
05024004c zRNoti hi brAhmaNAnAM sametya; mitradrohaH pAtakebhyo garIyAn
05024005a smaranti tubhyaM naradeva saMgame; yuddhe ca jiSNoz ca yudhAM praNetuH
05024005c samutkRSTe dundubhizaGkhazabde; gadApANiM bhImasenaM smaranti
05024006a mAdrIsutau cApi raNAjimadhye; sarvA dizaH saMpatantau smaranti
05024006c senAM varSantau zaravarSair ajasraM; mahArathau samare duSprakampyau
05024007a na tv eva manye puruSasya rAjann; anAgataM jJAyate yad bhaviSyam
05024007c tvaM ced imaM sarvadharmopapannaH; prAptaH klezaM pANDava kRcchrarUpam
05024008a tvam evaitat sarvam ataz ca bhUyaH; samIkuryAH prajJayAjAtazatro
05024008c na kAmArthaM saMtyajeyur hi dharmaM; pANDoH sutAH sarva evendrakalpAH
05024009a tvam evaitat prajJayAjAtazatro; zamaM kuryA yena zarmApnuyus te
05024009c dhArtarASTrAH pANDavAH sRJjayAz ca; ye cApy anye pArthivAH saMniviSTAH
05024010a yan mAbravId dhRtarASTro nizAyAm; ajAtazatro vacanaM pitA te
05024010c sahAmAtyaH sahaputraz ca rAjan; sametya tAM vAcam imAM nibodha
05025001  yudhiSThira uvAca
05025001a samAgatAH pANDavAH sRJjayAz ca; janArdano yuyudhAno virATaH
05025001c yat te vAkyaM dhRtarASTrAnuziSTaM; gAvalgaNe brUhi tat sUtaputra
05025002  saMjaya uvAca
05025002a ajAtazatruM ca vRkodaraM ca; dhanaMjayaM mAdravatIsutau ca
05025002c Amantraye vAsudevaM ca zauriM; yuyudhAnaM cekitAnaM virATam
05025003a pAJcAlAnAm adhipaM caiva vRddhaM; dhRSTadyumnaM pArSataM yAjJasenim
05025003c sarve vAcaM zRNutemAM madIyAM; vakSyAmi yAM bhUtim icchan kurUNAm
05025004a zamaM rAjA dhRtarASTro 'bhinandann; ayojayat tvaramANo rathaM me
05025004c sabhrAtRputrasvajanasya rAjJas; tad rocatAM pANDavAnAM zamo 'stu
05025005a sarvair dharmaiH samupetAH stha pArthAH; prasthAnena mArdavenArjavena
05025005c jAtAH kule anRzaMsA vadAnyA; hrIniSedhAH karmaNAM nizcayajJAH
05025006a na yujyate karma yuSmAsu hInaM; sattvaM hi vas tAdRzaM bhImasenAH
05025006c udbhAsate hy aJjanabinduvat tac; chukle vastre yad bhavet kilbiSaM vaH
05025007a sarvakSayo dRzyate yatra kRtsnaH; pApodayo nirayo 'bhAvasaMsthaH
05025007c kas tat kuryAj jAtu karma prajAnan; parAjayo yatra samo jayaz ca
05025008a te vai dhanyA yaiH kRtaM jJAtikAryaM; ye vaH putrAH suhRdo bAndhavAz ca
05025008c upakruSTaM jIvitaM saMtyajeyus; tataH kurUNAM niyato vai bhavaH syAt
05025009a te cet kurUn anuzAsya stha pArthA; ninIya sarvAn dviSato nigRhya
05025009c samaM vas taj jIvitaM mRtyunA syAd; yaj jIvadhvaM jJAtivadhe na sAdhu
05025010a ko hy eva yuSmAn saha kezavena; sacekitAnAn pArSatabAhuguptAn
05025010c sasAtyakIn viSaheta prajetuM; labdhvApi devAn sacivAn sahendrAn
05025011a ko vA kurUn droNabhISmAbhiguptAn; azvatthAmnA zalyakRpAdibhiz ca
05025011c raNe prasoDhuM viSaheta rAjan; rAdheyaguptAn saha bhUmipAlaiH
05025012a mahad balaM dhArtarASTrasya rAjJaH; ko vai zakto hantum akSIyamANaH
05025012c so 'haM jaye caiva parAjaye ca; niHzreyasaM nAdhigacchAmi kiM cit
05025013a kathaM hi nIcA iva dauSkuleyA; nirdharmArthaM karma kuryuz ca pArthAH
05025013c so 'haM prasAdya praNato vAsudevaM; pAJcAlAnAm adhipaM caiva vRddham
05025014a kRtAJjaliH zaraNaM vaH prapadye; kathaM svasti syAt kurusRJjayAnAm
05025014c na hy eva te vacanaM vAsudevo; dhanaMjayo vA jAtu kiM cin na kuryAt
05025015a prANAn Adau yAcyamAnaH kuto 'nyad; etad vidvan sAdhanArthaM bravImi
05025015c etad rAjJo bhISmapurogamasya; mataM yad vaH zAntir ihottamA syAt
05026001  yudhiSThira uvAca
05026001a kAM nu vAcaM saMjaya me zRNoSi; yuddhaiSiNIM yena yuddhAd bibheSi
05026001c ayuddhaM vai tAta yuddhAd garIyaH; kas tal labdhvA jAtu yudhyeta sUta
05026002a akurvataz cet puruSasya saMjaya; sidhyet saMkalpo manasA yaM yam icchet
05026002c na karma kuryAd viditaM mamaitad; anyatra yuddhAd bahu yal laghIyaH
05026003a kuto yuddhaM jAtu naraH prajAnan; ko daivazapto 'bhivRNIta yuddham
05026003c sukhaiSiNaH karma kurvanti pArthA; dharmAd ahInaM yac ca lokasya pathyam
05026004a karmodayaM sukham AzaMsamAnaH; kRcchropAyaM tattvataH karma duHkham
05026004c sukhaprepsur vijighAMsuz ca duHkhaM; ya indriyANAM prItivazAnugAmI
05026004e kAmAbhidhyA svazarIraM dunoti; yayA prayukto 'nukaroti duHkham
05026005a yathedhyamAnasya samiddhatejaso; bhUyo balaM vardhate pAvakasya
05026005c kAmArthalAbhena tathaiva bhUyo; na tRpyate sarpiSevAgnir iddhaH
05026005e saMpazyemaM bhogacayaM mahAntaM; sahAsmAbhir dhRtarASTrasya rAjJaH
05026006a nAzreyasAm Izvaro vigrahANAM; nAzreyasAM gItazabdaM zRNoti
05026006c nAzreyasaH sevate mAlyagandhAn; na cApy azreyAMsy anulepanAni
05026007a nAzreyasaH prAvarAn adhyavaste; kathaM tv asmAn saMpraNudet kurubhyaH
05026007c atraiva ca syAd avadhUya eSa; kAmaH zarIre hRdayaM dunoti
05026008a svayaM rAjA viSamasthaH pareSu; sAmasthyam anvicchati tan na sAdhu
05026008c yathAtmanaH pazyati vRttam eva; tathA pareSAm api so 'bhyupaiti
05026009a Asannam agniM tu nidAghakAle; gambhIrakakSe gahane visRjya
05026009c yathA vRddhaM vAyuvazena zocet; kSemaM mumukSuH ziziravyapAye
05026010a prAptaizvaryo dhRtarASTro 'dya rAjA; lAlapyate saMjaya kasya hetoH
05026010c pragRhya durbuddhim anArjave rataM; putraM mandaM mUDham amantriNaM tu
05026011a anAptaH sann Aptatamasya vAcaM; suyodhano vidurasyAvamanya
05026011c sutasya rAjA dhRtarASTraH priyaiSI; saMbudhyamAno vizate 'dharmam eva
05026012a medhAvinaM hy arthakAmaM kurUNAM; bahuzrutaM vAgminaM zIlavantam
05026012c sUta rAjA dhRtarASTraH kurubhyo; na so 'smarad viduraM putrakAmyAt
05026013a mAnaghnasya AtmakAmasya cerSyoH; saMrambhiNaz cArthadharmAtigasya
05026013c durbhASiNo manyuvazAnugasya; kAmAtmano durhRdo bhAvanasya
05026014a aneyasyAzreyaso dIrghamanyor; mitradruhaH saMjaya pApabuddheH
05026014c sutasya rAjA dhRtarASTraH priyaiSI; prapazyamAnaH prajahAd dharmakAmau
05026015a tadaiva me saMjaya dIvyato 'bhUn; no cet kurUn AgataH syAd abhAvaH
05026015c kAvyAM vAcaM viduro bhASamANo; na vindate dhRtarASTrAt prazaMsAm
05026016a kSattur yadA anvavartanta buddhiM; kRcchraM kurUn na tadAbhyAjagAma
05026016c yAvat prajJAm anvavartanta tasya; tAvat teSAM rASTravRddhir babhUva
05026017a tadarthalubdhasya nibodha me 'dya; ye mantriNo dhArtarASTrasya sUta
05026017c duHzAsanaH zakuniH sUtaputro; gAvalgaNe pazya saMmoham asya
05026018a so 'haM na pazyAmi parIkSamANaH; kathaM svasti syAt kurusRJjayAnAm
05026018c Attaizvaryo dhRtarASTraH parebhyaH; pravrAjite vidure dIrghadRSTau
05026019a AzaMsate vai dhRtarASTraH saputro; mahArAjyam asapatnaM pRthivyAm
05026019c tasmiJ zamaH kevalaM nopalabhyo; atyAsannaM madgataM manyate 'rtham
05026020a yat tat karNo manyate pAraNIyaM; yuddhe gRhItAyudham arjunena
05026020c AsaMz ca yuddhAni purA mahAnti; kathaM karNo nAbhavad dvIpa eSAm
05026021a karNaz ca jAnAti suyodhanaz ca; droNaz ca jAnAti pitAmahaz ca
05026021c anye ca ye kuravas tatra santi; yathArjunAn nAsty aparo dhanurdharaH
05026022a jAnanty ete kuravaH sarva eva; ye cApy anye bhUmipAlAH sametAH
05026022c duryodhanaM cAparAdhe carantam; ariMdame phalgune 'vidyamAne
05026023a tenArthabaddhaM manyate dhArtarASTraH; zakyaM hartuM pANDavAnAM mamatvam
05026023c kirITinA tAlamAtrAyudhena; tadvedinA saMyugaM tatra gatvA
05026024a gANDIvavisphAritazabdam AjAv; azRNvAnA dhArtarASTrA dhriyante
05026024c kruddhasya ced bhImasenasya vegAt; suyodhano manyate siddham artham
05026025a indro 'py etan notsahet tAta hartum; aizvaryaM no jIvati bhImasene
05026025c dhanaMjaye nakule caiva sUta; tathA vIre sahadeve madIye
05026026a sa ced etAM pratipadyeta buddhiM; vRddho rAjA saha putreNa sUta
05026026c evaM raNe pANDavakopadagdhA; na nazyeyuH saMjaya dhArtarASTrAH
05026027a jAnAsi tvaM klezam asmAsu vRttaM; tvAM pUjayan saMjayAhaM kSameyam
05026027c yac cAsmAkaM kauravair bhUtapUrvaM; yA no vRttir dhArtarASTre tadAsIt
05026028a adyApi tat tatra tathaiva vartatAM; zAntiM gamiSyAmi yathA tvam Attha
05026028c indraprasthe bhavatu mamaiva rAjyaM; suyodhano yacchatu bhAratAgryaH
05027001  saMjaya uvAca
05027001a dharme nityA pANDava te viceSTA; loke zrutA dRzyate cApi pArtha
05027001c mahAsrAvaM jIvitaM cApy anityaM; saMpazya tvaM pANDava mA vinInazaH
05027002a na ced bhAgaM kuravo 'nyatra yuddhAt; prayacchante tubhyam ajAtazatro
05027002c bhaikSacaryAm andhakavRSNirAjye; zreyo manye na tu yuddhena rAjyam
05027003a alpakAlaM jIvitaM yan manuSye; mahAsrAvaM nityaduHkhaM calaM ca
05027003c bhUyaz ca tad vayaso nAnurUpaM; tasmAt pApaM pANDava mA prasArSIH
05027004a kAmA manuSyaM prasajanta eva; dharmasya ye vighnamUlaM narendra
05027004c pUrvaM naras tAn dhRtimAn vinighna&l; loke prazaMsAM labhate 'navadyAm
05027005a nibandhanI hy arthatRSNeha pArtha; tAm eSato bAdhyate dharma eva
05027005c dharmaM tu yaH pravRNIte sa buddhaH; kAme gRddho hIyate 'rthAnurodhAt
05027006a dharmaM kRtvA karmaNAM tAta mukhyaM; mahApratApaH saviteva bhAti
05027006c hAnena dharmasya mahIm apImAM; labdhvA naraH sIdati pApabuddhiH
05027007a vedo 'dhItaz caritaM brahmacaryaM; yajJair iSTaM brAhmaNebhyaz ca dattam
05027007c paraM sthAnaM manyamAnena bhUya; AtmA datto varSapUgaM sukhebhyaH
05027008a sukhapriye sevamAno 'tivelaM; yogAbhyAse yo na karoti karma
05027008c vittakSaye hInasukho 'tivelaM; duHkhaM zete kAmavegapraNunnaH
05027009a evaM punar arthacaryAprasakto; hitvA dharmaM yaH prakaroty adharmam
05027009c azraddadhat paralokAya mUDho; hitvA dehaM tapyate pretya mandaH
05027010a na karmaNAM vipraNAzo 'sty amutra; puNyAnAM vApy atha vA pApakAnAm
05027010c pUrvaM kartur gacchati puNyapApaM; pazcAt tv etad anuyAty eva kartA
05027011a nyAyopetaM brAhmaNebhyo yadannaM; zraddhApUtaM gandharasopapannam
05027011c anvAhAryeSUttamadakSiNeSu; tathArUpaM karma vikhyAyate te
05027012a iha kSetre kriyate pArtha kAryaM; na vai kiM cid vidyate pretya kAryam
05027012c kRtaM tvayA pAralokyaM ca kAryaM; puNyaM mahat sadbhir anuprazastam
05027013a jahAti mRtyuM ca jarAM bhayaM ca; na kSutpipAse manasaz cApriyANi
05027013c na kartavyaM vidyate tatra kiM cid; anyatra vai indriyaprINanArthAt
05027014a evaMrUpaM karmaphalaM narendra; mAtrAvatA hRdayasya priyeNa
05027014c sa krodhajaM pANDava harSajaM ca; lokAv ubhau mA prahAsIz cirAya
05027015a antaM gatvA karmaNAM yA prazaMsA; satyaM damaz cArjavam AnRzaMsyam
05027015c azvamedho rAjasUyas tatheSTaH; pApasyAntaM karmaNo mA punar gAH
05027016a tac ced evaM dezarUpeNa pArthAH; kariSyadhvaM karma pApaM cirAya
05027016c nivasadhvaM varSapUgAn vaneSu; duHkhaM vAsaM pANDavA dharmahetoH
05027017a apravrajye yojayitvA purastAd; AtmAdhInaM yad balaM te tadAsIt
05027017c nityaM pAJcAlAH sacivAs taveme; janArdano yuyudhAnaz ca vIraH
05027018a matsyo rAjA rukmarathaH saputraH; prahAribhiH saha putrair virATaH
05027018c rAjAnaz ca ye vijitAH purastAt; tvAm eva te saMzrayeyuH samastAH
05027019a mahAsahAyaH pratapan balasthaH; puraskRto vAsudevArjunAbhyAm
05027019c varAn haniSyan dviSato raGgamadhye; vyaneSyathA dhArtarASTrasya darpam
05027020a balaM kasmAd vardhayitvA parasya; nijAn kasmAt karzayitvA sahAyAn
05027020c niruSya kasmAd varSapUgAn vaneSu; yuyutsase pANDava hInakAlam
05027021a aprajJo vA pANDava yudhyamAno; adharmajJo vA bhUtipathAd vyapaiti
05027021c prajJAvAn vA budhyamAno 'pi dharmaM; saMrambhAd vA so 'pi bhUter apaiti
05027022a nAdharme te dhIyate pArtha buddhir; na saMrambhAt karma cakartha pApam
05027022c addhA kiM tat kAraNaM yasya hetoH; prajJAviruddhaM karma cikIrSasIdam
05027023a avyAdhijaM kaTukaM zIrSarogaM; yazomuSaM pApaphalodayaM ca
05027023c satAM peyaM yan na pibanty asanto; manyuM mahArAja piba prazAmya
05027024a pApAnubandhaM ko nu taM kAmayeta; kSamaiva te jyAyasI nota bhogAH
05027024c yatra bhISmaH zAMtanavo hataH syAd; yatra droNaH sahaputro hataH syAt
05027025a kRpaH zalyaH saumadattir vikarNo; viviMzatiH karNaduryodhanau ca
05027025c etAn hatvA kIdRzaM tat sukhaM syAd; yad vindethAs tad anubrUhi pArtha
05027026a labdhvApImAM pRthivIM sAgarAntAM; jarAmRtyU naiva hi tvaM prajahyAH
05027026c priyApriye sukhaduHkhe ca rAjann; evaM vidvAn naiva yuddhaM kuruSva
05027027a amAtyAnAM yadi kAmasya hetor; evaMyuktaM karma cikIrSasi tvam
05027027c apAkrameH saMpradAya svam ebhyo; mA gAs tvaM vai devayAnAt patho 'dya
05028001  yudhiSThira uvAca
05028001a asaMzayaM saMjaya satyam etad; dharmo varaH karmaNAM yat tvam Attha
05028001c jJAtvA tu mAM saMjaya garhayes tvaM; yadi dharmaM yady adharmaM carAmi
05028002a yatrAdharmo dharmarUpANi bibhrad; dharmaH kRtsno dRzyate 'dharmarUpaH
05028002c tathA dharmo dhArayan dharmarUpaM; vidvAMsas taM saMprapazyanti buddhyA
05028003a evam etAv Apadi liGgam etad; dharmAdharmau vRttinityau bhajetAm
05028003c AdyaM liGgaM yasya tasya pramANam; ApaddharmaM saMjaya taM nibodha
05028004a luptAyAM tu prakRtau yena karma; niSpAdayet tat parIpsed vihInaH
05028004c prakRtisthaz cApadi vartamAna; ubhau garhyau bhavataH saMjayaitau
05028005a avilopam icchatAM brAhmaNAnAM; prAyazcittaM vihitaM yad vidhAtrA
05028005c Apady athAkarmasu vartamAnAn; vikarmasthAn saMjaya garhayeta
05028006a manISiNAM tattvavicchedanAya; vidhIyate satsu vRttiH sadaiva
05028006c abrAhmaNAH santi tu ye na vaidyAH; sarvocchedaM sAdhu manyeta tebhyaH
05028007a tadarthA naH pitaro ye ca pUrve; pitAmahA ye ca tebhyaH pare 'nye
05028007c prajJaiSiNo ye ca hi karma cakrur; nAsty antato nAsti nAstIti manye
05028008a yat kiM cid etad vittam asyAM pRthivyAM; yad devAnAM tridazAnAM paratra
05028008c prAjApatyaM tridivaM brahmalokaM; nAdharmataH saMjaya kAmaye tat
05028009a dharmezvaraH kuzalo nItimAMz cApy; upAsitA brAhmaNAnAM manISI
05028009c nAnAvidhAMz caiva mahAbalAMz ca; rAjanyabhojAn anuzAsti kRSNaH
05028010a yadi hy ahaM visRjan syAm agarhyo; yudhyamAno yadi jahyAM svadharmam
05028010c mahAyazAH kezavas tad bravItu; vAsudevas tUbhayor arthakAmaH
05028011a zaineyA hi caitrakAz cAndhakAz ca; vArSNeyabhojAH kaukurAH sRJjayAz ca
05028011c upAsInA vAsudevasya buddhiM; nigRhya zatrUn suhRdo nandayanti
05028012a vRSNyandhakA hy ugrasenAdayo vai; kRSNapraNItAH sarva evendrakalpAH
05028012c manasvinaH satyaparAkramAz ca; mahAbalA yAdavA bhogavantaH
05028013a kAzyo babhruH zriyam uttamAM gato; labdhvA kRSNaM bhrAtaram IzitAram
05028013c yasmai kAmAn varSati vAsudevo; grISmAtyaye megha iva prajAbhyaH
05028014a IdRzo 'yaM kezavas tAta bhUyo; vidmo hy enaM karmaNAM nizcayajJam
05028014c priyaz ca naH sAdhutamaz ca kRSNo; nAtikrame vacanaM kezavasya
05029001  vAsudeva uvAca
05029001a avinAzaM saMjaya pANDavAnAm; icchAmy ahaM bhUtim eSAM priyaM ca
05029001c tathA rAjJo dhRtarASTrasya sUta; sadAzaMse bahuputrasya vRddhim
05029002a kAmo hi me saMjaya nityam eva; nAnyad brUyAM tAn prati zAmyateti
05029002c rAjJaz ca hi priyam etac chRNomi; manye caitat pANDavAnAM samartham
05029003a suduSkaraz cAtra zamo hi nUnaM; pradarzitaH saMjaya pANDavena
05029003c yasmin gRddho dhRtarASTraH saputraH; kasmAd eSAM kalaho nAtra mUrcchet
05029004a tattvaM dharmaM vicaran saMjayeha; mattaz ca jAnAsi yudhiSThirAc ca
05029004c atho kasmAt saMjaya pANDavasya; utsAhinaH pUrayataH svakarma
05029004e yathAkhyAtam AvasataH kuTumbaM; purAkalpAt sAdhu vilopam Attha
05029005a asmin vidhau vartamAne yathAvad; uccAvacA matayo brAhmaNAnAm
05029005c karmaNAhuH siddhim eke paratra; hitvA karma vidyayA siddhim eke
05029005e nAbhuJjAno bhakSyabhojyasya tRpyed; vidvAn apIha viditaM brAhmaNAnAm
05029006a yA vai vidyAH sAdhayantIha karma; tAsAM phalaM vidyate netarAsAm
05029006c tatreha vai dRSTaphalaM tu karma; pItvodakaM zAmyati tRSNayArtaH
05029007a so 'yaM vidhir vihitaH karmaNaiva; tad vartate saMjaya tatra karma
05029007c tatra yo 'nyat karmaNaH sAdhu manyen; moghaM tasya lapitaM durbalasya
05029008a karmaNAmI bhAnti devAH paratra; karmaNaiveha plavate mAtarizvA
05029008c ahorAtre vidadhat karmaNaiva; atandrito nityam udeti sUryaH
05029009a mAsArdhamAsAn atha nakSatrayogAn; atandritaz candramA abhyupaiti
05029009c atandrito dahate jAtavedAH; samidhyamAnaH karma kurvan prajAbhyaH
05029010a atandritA bhAram imaM mahAntaM; bibharti devI pRthivI balena
05029010c atandritAH zIghram apo vahanti; saMtarpayantyaH sarvabhUtAni nadyaH
05029011a atandrito varSati bhUritejAH; saMnAdayann antarikSaM divaM ca
05029011c atandrito brahmacaryaM cacAra; zreSThatvam icchan balabhid devatAnAm
05029012a hitvA sukhaM manasaz ca priyANi; tena zakraH karmaNA zraiSThyam Apa
05029012c satyaM dharmaM pAlayann apramatto; damaM titikSAM samatAM priyaM ca
05029012e etAni sarvANy upasevamAno; devarAjyaM maghavAn prApa mukhyam
05029013a bRhaspatir brahmacaryaM cacAra; samAhitaH saMzitAtmA yathAvat
05029013c hitvA sukhaM pratirudhyendriyANi; tena devAnAm agamad gauravaM saH
05029014a nakSatrANi karmaNAmutra bhAnti; rudrAdityA vasavo 'thApi vizve
05029014c yamo rAjA vaizravaNaH kubero; gandharvayakSApsarasaz ca zubhrAH
05029014e brahmacaryaM vedavidyAH kriyAz ca; niSevamANA munayo 'mutra bhAnti
05029015a jAnann imaM sarvalokasya dharmaM; brAhmaNAnAM kSatriyANAM vizAM ca
05029015c sa kasmAt tvaM jAnatAM jJAnavAn san; vyAyacchase saMjaya kauravArthe
05029016a AmnAyeSu nityasaMyogam asya; tathAzvamedhe rAjasUye ca viddhi
05029016c saMyujyate dhanuSA varmaNA ca; hastatrANai rathazastraiz ca bhUyaH
05029017a te ced ime kauravANAm upAyam; adhigaccheyur avadhenaiva pArthAH
05029017c dharmatrANaM puNyam eSAM kRtaM syAd; Arye vRtte bhImasenaM nigRhya
05029018a te cet pitrye karmaNi vartamAnA; Apadyeran diSTavazena mRtyum
05029018c yathAzaktyA pUrayantaH svakarma; tad apy eSAM nidhanaM syAt prazastam
05029019a utAho tvaM manyase sarvam eva; rAjJAM yuddhe vartate dharmatantram
05029019c ayuddhe vA vartate dharmatantraM; tathaiva te vAcam imAM zRNomi
05029020a cAturvarNyasya prathamaM vibhAgam; avekSya tvaM saMjaya svaM ca karma
05029020c nizamyAtho pANDavAnAM svakarma; prazaMsa vA ninda vA yA matis te
05029021a adhIyIta brAhmaNo 'tho yajeta; dadyAd iyAt tIrthamukhyAni caiva
05029021c adhyApayed yAjayec cApi yAjyAn; pratigrahAn vA viditAn pratIcchet
05029022a tathA rAjanyo rakSaNaM vai prajAnAM; kRtvA dharmeNApramatto 'tha dattvA
05029022c yajJair iSTvA sarvavedAn adhItya; dArAn kRtvA puNyakRd Avased gRhAn
05029023a vaizyo 'dhItya kRSigorakSapaNyair; vittaM cinvan pAlayann apramattaH
05029023c priyaM kurvan brAhmaNakSatriyANAM; dharmazIlaH puNyakRd Avased gRhAn
05029024a paricaryA vandanaM brAhmaNAnAM; nAdhIyIta pratiSiddho 'sya yajJaH
05029024c nityotthito bhUtaye 'tandritaH syAd; eSa smRtaH zUdradharmaH purANaH
05029025a etAn rAjA pAlayann apramatto; niyojayan sarvavarNAn svadharme
05029025c akAmAtmA samavRttiH prajAsu; nAdhArmikAn anurudhyeta kAmAn
05029026a zreyAMs tasmAd yadi vidyeta kaz cid; abhijJAtaH sarvadharmopapannaH
05029026c sa taM duSTam anuziSyAt prajAnan; na ced gRdhyed iti tasmin na sAdhu
05029027a yadA gRdhyet parabhUmiM nRzaMso; vidhiprakopAd balam AdadAnaH
05029027c tato rAjJAM bhavitA yuddham etat; tatra jAtaM varma zastraM dhanuz ca
05029027e indreNedaM dasyuvadhAya karma; utpAditaM varma zastraM dhanuz ca
05029028a steno hared yatra dhanaM hy adRSTaH; prasahya vA yatra hareta dRSTaH
05029028c ubhau garhyau bhavataH saMjayaitau; kiM vai pRthak tvaM dhRtarASTrasya putre
05029028e yo 'yaM lobhAn manyate dharmam etaM; yam icchate manyuvazAnugAmI
05029029a bhAgaH punaH pANDavAnAM niviSTas; taM no 'kasmAd AdadIran pare vai
05029029c asmin pade yudhyatAM no vadho 'pi; zlAghyaH pitryaH pararAjyAd viziSTaH
05029029e etAn dharmAn kauravANAM purANAn; AcakSIthAH saMjaya rAjyamadhye
05029030a ye te mandA mRtyuvazAbhipannAH; samAnItA dhArtarASTreNa mUDhAH
05029030c idaM punaH karma pApIya eva; sabhAmadhye pazya vRttaM kurUNAm
05029031a priyAM bhAryAM draupadIM pANDavAnAM; yazasvinIM zIlavRttopapannAm
05029031c yad upekSanta kuravo bhISmamukhyAH; kAmAnugenoparuddhAM rudantIm
05029032a taM cet tadA te sakumAravRddhA; avArayiSyan kuravaH sametAH
05029032c mama priyaM dhRtarASTro 'kariSyat; putrANAM ca kRtam asyAbhaviSyat
05029033a duHzAsanaH prAtilomyAn ninAya; sabhAmadhye zvazurANAM ca kRSNAm
05029033c sA tatra nItA karuNAny avocan; nAnyaM kSattur nAtham adRSTa kaM cit
05029034a kArpaNyAd eva sahitAs tatra rAjJo; nAzaknuvan prativaktuM sabhAyAm
05029034c ekaH kSattA dharmyam arthaM bruvANo; dharmaM buddhvA pratyuvAcAlpabuddhim
05029035a anuktvA tvaM dharmam evaM sabhAyAm; athecchase pANDavasyopadeSTum
05029035c kRSNA tv etat karma cakAra zuddhaM; suduSkaraM tad dhi sabhAM sametya
05029035e yena kRcchrAt pANDavAn ujjahAra; tathAtmAnaM naur iva sAgaraughAt
05029036a yatrAbravIt sUtaputraH sabhAyAM; kRSNAM sthitAM zvazurANAM samIpe
05029036c na te gatir vidyate yAjJaseni; prapadyedAnIM dhArtarASTrasya vezma
05029036e parAjitAs te patayo na santi; patiM cAnyaM bhAmini tvaM vRNISva
05029037a yo bIbhatsor hRdaye prauDha AsId; asthipracchin marmaghAtI sughoraH
05029037c karNAc charo vAGmayas tigmatejAH; pratiSThito hRdaye phalgunasya
05029038a kRSNAjinAni paridhitsamAnAn; duHzAsanaH kaTukAny abhyabhASat
05029038c ete sarve SaNDhatilA vinaSTAH; kSayaM gatA narakaM dIrghakAlam
05029039a gAndhArarAjaH zakunir nikRtyA; yad abravId dyUtakAle sa pArthAn
05029039c parAjito nakulaH kiM tavAsti; kRSNayA tvaM dIvya vai yAjJasenyA
05029040a jAnAsi tvaM saMjaya sarvam etad; dyUte 'vAcyaM vAkyam evaM yathoktam
05029040c svayaM tv ahaM prArthaye tatra gantuM; samAdhAtuM kAryam etad vipannam
05029041a ahApayitvA yadi pANDavArthaM; zamaM kurUNAm atha cec careyam
05029041c puNyaM ca me syAc caritaM mahodayaM; mucyeraMz ca kuravo mRtyupAzAt
05029042a api vAcaM bhASamANasya kAvyAM; dharmArAmAm arthavatIm ahiMsrAm
05029042c avekSeran dhArtarASTrAH samakSaM; mAM ca prAptaM kuravaH pUjayeyuH
05029043a ato 'nyathA rathinA phalgunena; bhImena caivAhavadaMzitena
05029043c parAsiktAn dhArtarASTrAMs tu viddhi; pradahyamAnAn karmaNA svena mandAn
05029044a parAjitAn pANDaveyAMs tu vAco; raudrarUpA bhASate dhArtarASTraH
05029044c gadAhasto bhImaseno 'pramatto; duryodhanaM smArayitvA hi kAle
05029045a suyodhano manyumayo mahAdrumaH; skandhaH karNaH zakunis tasya zAkhAH
05029045c duHzAsanaH puSpaphale samRddhe; mUlaM rAjA dhRtarASTro 'manISI
05029046a yudhiSThiro dharmamayo mahAdrumaH; skandho 'rjuno bhImaseno 'sya zAkhAH
05029046c mAdrIputrau puSpaphale samRddhe; mUlaM tv ahaM brahma ca brAhmaNAz ca
05029047a vanaM rAjA dhRtarASTraH saputro; vyAghrA vane saMjaya pANDaveyAH
05029047c mA vanaM chindhi savyAghraM mA vyAghrAn nInazo vanAt
05029048a nirvano vadhyate vyAghro nirvyAghraM chidyate vanam
05029048c tasmAd vyAghro vanaM rakSed vanaM vyAghraM ca pAlayet
05029049a latAdharmA dhArtarASTrAH zAlAH saMjaya pANDavAH
05029049c na latA vardhate jAtu anAzritya mahAdrumam
05029050a sthitAH zuzrUSituM pArthAH sthitA yoddhum ariMdamAH
05029050c yat kRtyaM dhRtarASTrasya tat karotu narAdhipaH
05029051a sthitAH zame mahAtmAnaH pANDavA dharmacAriNaH
05029051c yodhAH samRddhAs tad vidvan nAcakSIthA yathAtatham
05030001  saMjaya uvAca
05030001a Amantraye tvA naradevadeva; gacchAmy ahaM pANDava svasti te 'stu
05030001c kaccin na vAcA vRjinaM hi kiM cid; uccAritaM me manaso 'bhiSaGgAt
05030002a janArdanaM bhImasenArjunau ca; mAdrIsutau sAtyakiM cekitAnam
05030002c Amantrya gacchAmi zivaM sukhaM vaH; saumyena mAM pazyata cakSuSA nRpAH
05030003  yudhiSThira uvAca
05030003a anujJAtaH saMjaya svasti gaccha; na no 'kArSIr apriyaM jAtu kiM cit
05030003c vidmaz ca tvA te ca vayaM ca sarve; zuddhAtmAnaM madhyagataM sabhAstham
05030004a Apto dUtaH saMjaya supriyo 'si; kalyANavAk zIlavAn dRSTimAMz ca
05030004c na muhyes tvaM saMjaya jAtu matyA; na ca krudhyer ucyamAno 'pi tathyam
05030005a na marmagAM jAtu vaktAsi rUkSAM; nopastutiM kaTukAM nota zuktAm
05030005c dharmArAmAm arthavatIm ahiMsrAm; etAM vAcaM tava jAnAmi sUta
05030006a tvam eva naH priyatamo 'si dUta; ihAgacched viduro vA dvitIyaH
05030006c abhIkSNadRSTo 'si purA hi nas tvaM; dhanaMjayasyAtmasamaH sakhAsi
05030007a ito gatvA saMjaya kSipram eva; upAtiSThethA brAhmaNAn ye tadarhAH
05030007c vizuddhavIryAMz caraNopapannAn; kule jAtAn sarvadharmopapannAn
05030008a svAdhyAyino brAhmaNA bhikSavaz ca; tapasvino ye ca nityA vaneSu
05030008c abhivAdyA vai madvacanena vRddhAs; tathetareSAM kuzalaM vadethAH
05030009a purohitaM dhRtarASTrasya rAjJa; AcAryAz ca Rtvijo ye ca tasya
05030009c taiz ca tvaM tAta sahitair yathArhaM; saMgacchethAH kuzalenaiva sUta
05030010a AcArya iSTo 'napago vidheyo; vedAn Ipsan brahmacaryaM cacAra
05030010c yo 'straM catuSpAt punar eva cakre; droNaH prasanno 'bhivAdyo yathArham
05030011a adhItavidyaz caraNopapanno; yo 'straM catuSpAt punar eva cakre
05030011c gandharvaputrapratimaM tarasvinaM; tam azvatthAmAnaM kuzalaM sma pRccheH
05030012a zAradvatasyAvasathaM sma gatvA; mahArathasyAstravidAM varasya
05030012c tvaM mAm abhIkSNaM parikIrtayan vai; kRpasya pAdau saMjaya pANinA spRzeH
05030013a yasmiJ zauryam AnRzaMsyaM tapaz ca; prajJA zIlaM zrutisattve dhRtiz ca
05030013c pAdau gRhItvA kurusattamasya; bhISmasya mAM tatra nivedayethAH
05030014a prajJAcakSur yaH praNetA kurUNAM; bahuzruto vRddhasevI manISI
05030014c tasmai rAjJe sthavirAyAbhivAdya; AcakSIthAH saMjaya mAm arogam
05030015a jyeSThaH putro dhRtarASTrasya mando; mUrkhaH zaThaH saMjaya pApazIlaH
05030015c prazAstA vai pRthivI yena sarvA; suyodhanaM kuzalaM tAta pRccheH
05030016a bhrAtA kanIyAn api tasya mandas; tathAzIlaH saMjaya so 'pi zazvat
05030016c maheSvAsaH zUratamaH kurUNAM; duHzAsanaM kuzalaM tAta pRccheH
05030017a vRndArakaM kavim artheSv amUDhaM; mahAprajJaM sarvadharmopapannam
05030017c na tasya yuddhaM rocate vai kadA cid; vaizyAputraM kuzalaM tAta pRccheH
05030018a nikartane devane yo 'dvitIyaz; channopadhaH sAdhudevI matAkSaH
05030018c yo durjayo devitavyena saMkhye; sa citrasenaH kuzalaM tAta vAcyaH
05030019a yasya kAmo vartate nityam eva; nAnyaH zamAd bhAratAnAm iti sma
05030019c sa bAhlikAnAm RSabho manasvI; purA yathA mAbhivadet prasannaH
05030020a guNair anekaiH pravaraiz ca yukto; vijJAnavAn naiva ca niSThuro yaH
05030020c snehAd amarSaM sahate sadaiva; sa somadattaH pUjanIyo mato me
05030021a arhattamaH kuruSu saumadattiH; sa no bhrAtA saMjaya matsakhA ca
05030021c maheSvAso rathinAm uttamo yaH; sahAmAtyaH kuzalaM tasya pRccheH
05030022a ye caivAnye kurumukhyA yuvAnaH; putrAH pautrA bhrAtaraz caiva ye naH
05030022c yaM yam eSAM yena yenAbhigaccher; anAmayaM madvacanena vAcyaH
05030023a ye rAjAnaH pANDavAyodhanAya; samAnItA dhArtarASTreNa ke cit
05030023c vasAtayaH zAlvakAH kekayAz ca; tathAmbaSThA ye trigartAz ca mukhyAH
05030024a prAcyodIcyA dAkSiNAtyAz ca zUrAs; tathA pratIcyAH pArvatIyAz ca sarve
05030024c anRzaMsAH zIlavRttopapannAs; teSAM sarveSAM kuzalaM tAta pRccheH
05030025a hastyArohA rathinaH sAdinaz ca; padAtayaz cAryasaMghA mahAntaH
05030025c AkhyAya mAM kuzalinaM sma teSAm; anAmayaM paripRccheH samagrAn
05030026a tathA rAjJo hy arthayuktAn amAtyAn; dauvArikAn ye ca senAM nayanti
05030026c AyavyayaM ye gaNayanti yuktA; arthAMz ca ye mahataz cintayanti
05030027a gAndhArarAjaH zakuniH pArvatIyo; nikartane yo 'dvitIyo 'kSadevI
05030027c mAnaM kurvan dhArtarASTrasya sUta; mithyAbuddheH kuzalaM tAta pRccheH
05030028a yaH pANDavAn ekarathena vIraH; samutsahaty apradhRSyAn vijetum
05030028c yo muhyatAM mohayitAdvitIyo; vaikartanaM kuzalaM tAta pRccheH
05030029a sa eva bhaktaH sa guruH sa bhRtyaH; sa vai pitA sa ca mAtA suhRc ca
05030029c agAdhabuddhir viduro dIrghadarzI; sa no mantrI kuzalaM tAta pRccheH
05030030a vRddhAH striyo yAz ca guNopapannA; yA jJAyante saMjaya mAtaras tAH
05030030c tAbhiH sarvAbhiH sahitAbhiH sametya; strIbhir vRddhAbhir abhivAdaM vadethAH
05030031a kaccit putrA jIvaputrAH susamyag; vartante vo vRttim anRzaMsarUpAm
05030031c iti smoktvA saMjaya brUhi pazcAd; ajAtazatruH kuzalI saputraH
05030032a yA no bhAryAH saMjaya vettha tatra; tAsAM sarvAsAM kuzalaM tAta pRccheH
05030032c susaMguptAH surabhayo 'navadyAH; kaccid gRhAn AvasathApramattAH
05030033a kaccid vRttiM zvazureSu bhadrAH; kalyANIM vartadhvam anRzaMsarUpAm
05030033c yathA ca vaH syuH patayo 'nukUlAs; tathA vRttim AtmanaH sthApayadhvam
05030034a yA naH snuSAH saMjaya vettha tatra; prAptAH kulebhyaz ca guNopapannAH
05030034c prajAvatyo brUhi sametya tAz ca; yudhiSThiro vo 'bhyavadat prasannaH
05030035a kanyAH svajethAH sadaneSu saMjaya; anAmayaM madvacanena pRSTvA
05030035c kalyANA vaH santu patayo 'nukUlA; yUyaM patInAM bhavatAnukUlAH
05030036a alaMkRtA vastravatyaH sugandhA; abIbhatsAH sukhitA bhogavatyaH
05030036c laghu yAsAM darzanaM vAk ca laghvI; vezastriyaH kuzalaM tAta pRccheH
05030037a dAsIputrA ye ca dAsAH kurUNAM; tadAzrayA bahavaH kubjakhaJjAH
05030037c AkhyAya mAM kuzalinaM sma tebhyo; anAmayaM paripRccher jaghanyam
05030038a kaccid vRttir vartate vai purANI; kaccid bhogAn dhArtarASTro dadAti
05030038c aGgahInAn kRpaNAn vAmanAMz ca; AnRzaMsyAd dhRtarASTro bibharti
05030039a andhAz ca sarve sthavirAs tathaiva; hastAjIvA bahavo ye 'tra santi
05030039c AkhyAya mAM kuzalinaM sma teSAm; anAmayaM paripRccher jaghanyam
05030040a mA bhaiSTa duHkhena kujIvitena; nUnaM kRtaM paralokeSu pApam
05030040c nigRhya zatrUn suhRdo 'nugRhya; vAsobhir annena ca vo bhariSye
05030041a santy eva me brAhmaNebhyaH kRtAni; bhAvIny atho no bata vartayanti
05030041c pazyAmy ahaM yuktarUpAMs tathaiva; tAm eva siddhiM zrAvayethA nRpaM tam
05030042a ye cAnAthA durbalAH sarvakAlam; Atmany eva prayatante 'tha mUDhAH
05030042c tAMz cApi tvaM kRpaNAn sarvathaiva; asmadvAkyAt kuzalaM tAta pRccheH
05030043a ye cApy anye saMzritA dhArtarASTrAn; nAnAdigbhyo 'bhyAgatAH sUtaputra
05030043c dRSTvA tAMz caivArhataz cApi sarvAn; saMpRcchethAH kuzalaM cAvyayaM ca
05030044a evaM sarvAnAgatAbhyAgatAMz ca; rAjJo dUtAn sarvadigbhyo 'bhyupetAn
05030044c pRSTvA sarvAn kuzalaM tAMz ca sUta; pazcAd ahaM kuzalI teSu vAcyaH
05030045a na hIdRzAH santy apare pRthivyAM; ye yodhakA dhArtarASTreNa labdhAH
05030045c dharmas tu nityo mama dharma eva; mahAbalaH zatrunibarhaNAya
05030046a idaM punar vacanaM dhArtarASTraM; suyodhanaM saMjaya zrAvayethAH
05030046c yas te zarIre hRdayaM dunoti; kAmaH kurUn asapatno 'nuziSyAm
05030047a na vidyate yuktir etasya kA cin; naivaMvidhAH syAma yathA priyaM te
05030047c dadasva vA zakrapuraM mamaiva; yudhyasva vA bhAratamukhya vIra
05031001  yudhiSThira uvAca
05031001a uta santam asantaM ca bAlaM vRddhaM ca saMjaya
05031001c utAbalaM balIyAMsaM dhAtA prakurute vaze
05031002a uta bAlAya pANDityaM paNDitAyota bAlatAm
05031002c dadAti sarvam IzAnaH purastAc chukram uccaran
05031003a alaM vijJApanAya syAd AcakSIthA yathAtatham
05031003c atho mantraM mantrayitvA anyonyenAtihRSTavat
05031004a gAvalgaNe kurUn gatvA dhRtarASTraM mahAbalam
05031004c abhivAdyopasaMgRhya tataH pRccher anAmayam
05031005a brUyAz cainaM tvam AsInaM kurubhiH parivAritam
05031005c tavaiva rAjan vIryeNa sukhaM jIvanti pANDavAH
05031006a tava prasAdAd bAlAs te prAptA rAjyam ariMdama
05031006c rAjye tAn sthApayitvAgre nopekSIr vinaziSyataH
05031007a sarvam apy etad ekasya nAlaM saMjaya kasya cit
05031007c tAta saMhatya jIvAmo mA dviSadbhyo vazaM gamaH
05031008a tathA bhISmaM zAMtanavaM bhAratAnAM pitAmaham
05031008c zirasAbhivadethAs tvaM mama nAma prakIrtayan
05031009a abhivAdya ca vaktavyas tato 'smAkaM pitAmahaH
05031009c bhavatA zaMtanor vaMzo nimagnaH punar uddhRtaH
05031010a sa tvaM kuru tathA tAta svamatena pitAmaha
05031010c yathA jIvanti te pautrAH prItimantaH parasparam
05031011a tathaiva viduraM brUyAH kurUNAM mantradhAriNam
05031011c ayuddhaM saumya bhASasva hitakAmo yudhiSThiraH
05031012a atho suyodhanaM brUyA rAjaputram amarSaNam
05031012c madhye kurUNAm AsInam anunIya punaH punaH
05031013a apazyan mAm upekSantaM kRSNAm ekAM sabhAgatAm
05031013c tadduHkham atitikSAma mA vadhISma kurUn iti
05031014a evaM pUrvAparAn klezAn atitikSanta pANDavAH
05031014c yathA balIyasaH santas tat sarvaM kuravo viduH
05031015a yan naH prAvrAjayaH saumya ajinaiH prativAsitAn
05031015c tadduHkham atitikSAma mA vadhISma kurUn iti
05031016a yat tat sabhAyAm Akramya kRSNAM kezeSv adharSayat
05031016c duHzAsanas te 'numate tac cAsmAbhir upekSitam
05031017a yathocitaM svakaM bhAgaM labhemahi paraMtapa
05031017c nivartaya paradravye buddhiM gRddhAM nararSabha
05031018a zAntir evaM bhaved rAjan prItiz caiva parasparam
05031018c rAjyaikadezam api naH prayaccha zamam icchatAm
05031019a kuzasthalaM vRkasthalam AsandI vAraNAvatam
05031019c avasAnaM bhaved atra kiM cid eva tu paJcamam
05031020a bhrAtqNAM dehi paJcAnAM grAmAn paJca suyodhana
05031020c zAntir no 'stu mahAprAjJa jJAtibhiH saha saMjaya
05031021a bhrAtA bhrAtaram anvetu pitA putreNa yujyatAm
05031021c smayamAnAH samAyAntu pAJcAlAH kurubhiH saha
05031022a akSatAn kurupAJcAlAn pazyema iti kAmaye
05031022c sarve sumanasas tAta zAmyAma bharatarSabha
05031023a alam eva zamAyAsmi tathA yuddhAya saMjaya
05031023c dharmArthayor alaM cAhaM mRdave dAruNAya ca
05032001  vaizaMpAyana uvAca
05032001a anujJAtaH pANDavena prayayau saMjayas tadA
05032001c zAsanaM dhRtarASTrasya sarvaM kRtvA mahAtmanaH
05032002a saMprApya hAstinapuraM zIghraM ca praviveza ha
05032002c antaHpuram upasthAya dvAHsthaM vacanam abravIt
05032003a AcakSva mAM dhRtarASTrAya dvAHstha; upAgataM pANDavAnAM sakAzAt
05032003c jAgarti ced abhivades tvaM hi kSattaH; pravizeyaM vidito bhUmipasya
05032004  dvAHstha uvAca
05032004a saMjayo 'yaM bhUmipate namas te; didRkSayA dvAram upAgatas te
05032004c prApto dUtaH pANDavAnAM sakAzAt; prazAdhi rAjan kim ayaM karotu
05032005  dhRtarASTra uvAca
05032005a AcakSva mAM sukhinaM kAlyam asmai; pravezyatAM svAgataM saMjayAya
05032005c na cAham etasya bhavAmy akAlyaH; sa me kasmAd dvAri tiSTheta kSattaH
05032006  vaizaMpAyana uvAca
05032006a tataH pravizyAnumate nRpasya; mahad vezma prAjJazUrAryaguptam
05032006c siMhAsanasthaM pArthivam AsasAda; vaicitravIryaM prAJjaliH sUtaputraH
05032007  saMjaya uvAca
05032007a saMjayo 'haM bhUmipate namas te; prApto 'smi gatvA naradeva pANDavAn
05032007c abhivAdya tvAM pANDuputro manasvI; yudhiSThiraH kuzalaM cAnvapRcchat
05032008a sa te putrAn pRcchati prIyamANaH; kaccit putraiH prIyase naptRbhiz ca
05032008c tathA suhRdbhiH sacivaiz ca rAjan; ye cApi tvAm upajIvanti taiz ca
05032009  dhRtarASTra uvAca
05032009a abhyetya tvAM tAta vadAmi saMjaya; ajAtazatruM ca sukhena pArtham
05032009c kaccit sa rAjA kuzalI saputraH; sahAmAtyaH sAnujaH kauravANAm
05032010  saMjaya uvAca
05032010a sahAmAtyaH kuzalI pANDuputro; bhUyaz cAto yac ca te 'gre mano 'bhUt
05032010c nirNiktadharmArthakaro manasvI; bahuzruto dRSTimAJ zIlavAMz ca
05032011a paraM dharmAt pANDavasyAnRzaMsyaM; dharmaH paro vittacayAn mato 'sya
05032011c sukhapriye dharmahIne na pArtho; 'nurudhyate bhArata tasya viddhi
05032012a paraprayuktaH puruSo viceSTate; sUtraprotA dArumayIva yoSA
05032012c imaM dRSTvA niyamaM pANDavasya; manye paraM karma daivaM manuSyAt
05032013a imaM ca dRSTvA tava karmadoSaM; pAdodarkaM ghoram avarNarUpam
05032013c yAvan naraH kAmayate 'tikAlyaM; tAvan naro 'yaM labhate prazaMsAm
05032014a ajAtazatrus tu vihAya pApaM; jIrNAM tvacaM sarpa ivAsamarthAm
05032014c virocate 'hAryavRttena dhIro; yudhiSThiras tvayi pApaM visRjya
05032015a aGgAtmanaH karma nibodha rAjan; dharmArthayuktAd AryavRttAd apetam
05032015c upakrozaM ceha gato 'si rAjan; nohez ca pApaM prasajed amutra
05032016a sa tvam arthaM saMzayitaM vinA tair; AzaMsase putravazAnugo 'dya
05032016c adharmazabdaz ca mahAn pRthivyAM; nedaM karma tvatsamaM bhAratAgrya
05032017a hInaprajJo dauSkuleyo nRzaMso; dIrghavairI kSatravidyAsv adhIraH
05032017c evaMdharmA nApadaH saMtitIrSed; dhInavIryo yaz ca bhaved aziSTaH
05032018a kule jAto dharmavAn yo yazasvI; bahuzrutaH sukhajIvI yatAtmA
05032018c dharmArthayor grathitayor bibharti; nAnyatra diSTasya vazAd upaiti
05032019a kathaM hi mantrAgryadharo manISI; dharmArthayor Apadi saMpraNetA
05032019c evaMyuktaH sarvamantrair ahIno; anAnRzaMsyaM karma kuryAd amUDhaH
05032020a tavApIme mantravidaH sametya; samAsate karmasu nityayuktAH
05032020c teSAm ayaM balavAn nizcayaz ca; kurukSayArthe nirayo vyapAdi
05032021a akAlikaM kuravo nAbhaviSyan; pApena cet pApam ajAtazatruH
05032021c icchej jAtu tvayi pApaM visRjya; nindA ceyaM tava loke 'bhaviSyat
05032022a kim anyatra viSayAd IzvarANAM; yatra pArthaH paralokaM dadarza
05032022c atyakrAmat sa tathA saMmataH syAn; na saMzayo nAsti manuSyakAraH
05032023a etAn guNAn karmakRtAn avekSya; bhAvAbhAvau vartamAnAv anityau
05032023c balir hi rAjA pAram avindamAno; nAnyat kAlAt kAraNaM tatra mene
05032024a cakSuH zrotre nAsikA tvak ca jihvA; jJAnasyaitAny AyatanAni jantoH
05032024c tAni prItAny eva tRSNAkSayAnte; tAny avyatho duHkhahInaH praNudyAt
05032025a na tv eva manye puruSasya karma; saMvartate suprayuktaM yathAvat
05032025c mAtuH pituH karmaNAbhiprasUtaH; saMvardhate vidhivad bhojanena
05032026a priyApriye sukhaduHkhe ca rAjan; nindAprazaMse ca bhajeta enam
05032026c paras tv enaM garhayate 'parAdhe; prazaMsate sAdhuvRttaM tam eva
05032027a sa tvA garhe bhAratAnAM virodhAd; anto nUnaM bhavitAyaM prajAnAm
05032027c no ced idaM tava karmAparAdhAt; kurUn dahet kRSNavartmeva kakSam
05032028a tvam evaiko jAtaputreSu rAjan; vazaM gantA sarvaloke narendra
05032028c kAmAtmanAM zlAghase dyUtakAle; nAnyac chamAt pazya vipAkam asya
05032029a anAptAnAM pragrahAt tvaM narendra; tathAptAnAM nigrahAc caiva rAjan
05032029c bhUmiM sphItAM durbalatvAd anantAM; na zaktas tvaM rakSituM kauraveya
05032030a anujJAto rathavegAvadhUtaH; zrAnto nipadye zayanaM nRsiMha
05032030c prAtaH zrotAraH kuravaH sabhAyAm; ajAtazatror vacanaM sametAH
05033001  vaizaMpAyana uvAca
05033001a dvAHsthaM prAha mahAprAjJo dhRtarASTro mahIpatiH
05033001c viduraM draSTum icchAmi tam ihAnaya mAciram
05033002a prahito dhRtarASTreNa dUtaH kSattAram abravIt
05033002c Izvaras tvAM mahArAjo mahAprAjJa didRkSati
05033003a evam uktas tu viduraH prApya rAjanivezanam
05033003c abravId dhRtarASTrAya dvAHstha mAM prativedaya
05033004  dvAHstha uvAca
05033004a viduro 'yam anuprApto rAjendra tava zAsanAt
05033004c draSTum icchati te pAdau kiM karotu prazAdhi mAm
05033005  dhRtarASTra uvAca
05033005a pravezaya mahAprAjJaM viduraM dIrghadarzinam
05033005c ahaM hi vidurasyAsya nAkAlyo jAtu darzane
05033006  dvAHstha uvAca
05033006a pravizAntaHpuraM kSattar mahArAjasya dhImataH
05033006c na hi te darzane 'kAlyo jAtu rAjA bravIti mAm
05033007  vaizaMpAyana uvAca
05033007a tataH pravizya viduro dhRtarASTranivezanam
05033007c abravIt prAJjalir vAkyaM cintayAnaM narAdhipam
05033008a viduro 'haM mahAprAjJa saMprAptas tava zAsanAt
05033008c yadi kiM cana kartavyam ayam asmi prazAdhi mAm
05033009  dhRtarASTra uvAca
05033009a saMjayo vidura prApto garhayitvA ca mAM gataH
05033009c ajAtazatroH zvo vAkyaM sabhAmadhye sa vakSyati
05033010a tasyAdya kuruvIrasya na vijJAtaM vaco mayA
05033010c tan me dahati gAtrANi tad akArSIt prajAgaram
05033011a jAgrato dahyamAnasya zreyo yad iha pazyasi
05033011c tad brUhi tvaM hi nas tAta dharmArthakuzalo hy asi
05033012a yataH prAptaH saMjayaH pANDavebhyo; na me yathAvan manasaH prazAntiH
05033012c sarvendriyANy aprakRtiM gatAni; kiM vakSyatIty eva hi me 'dya cintA
05033013  vidura uvAca
05033013a abhiyuktaM balavatA durbalaM hInasAdhanam
05033013c hRtasvaM kAminaM coram Avizanti prajAgarAH
05033014a kaccid etair mahAdoSair na spRSTo 'si narAdhipa
05033014c kaccin na paravitteSu gRdhyan viparitapyase
05033015  dhRtarASTra uvAca
05033015a zrotum icchAmi te dharmyaM paraM naiHzreyasaM vacaH
05033015c asmin rAjarSivaMze hi tvam ekaH prAjJasaMmataH
05033016  vidura uvAca
05033016a niSevate prazastAni ninditAni na sevate
05033016c anAstikaH zraddadhAna etat paNDitalakSaNam
05033017a krodho harSaz ca darpaz ca hrIstambho mAnyamAnitA
05033017c yam arthAn nApakarSanti sa vai paNDita ucyate
05033018a yasya kRtyaM na jAnanti mantraM vA mantritaM pare
05033018c kRtam evAsya jAnanti sa vai paNDita ucyate
05033019a yasya kRtyaM na vighnanti zItam uSNaM bhayaM ratiH
05033019c samRddhir asamRddhir vA sa vai paNDita ucyate
05033020a yasya saMsAriNI prajJA dharmArthAv anuvartate
05033020c kAmAd arthaM vRNIte yaH sa vai paNDita ucyate
05033021a yathAzakti cikIrSanti yathAzakti ca kurvate
05033021c na kiM cid avamanyante paNDitA bharatarSabha
05033022a kSipraM vijAnAti ciraM zRNoti; vijJAya cArthaM bhajate na kAmAt
05033022c nAsaMpRSTo vyupayuGkte parArthe; tat prajJAnaM prathamaM paNDitasya
05033023a nAprApyam abhivAJchanti naSTaM necchanti zocitum
05033023c Apatsu ca na muhyanti narAH paNDitabuddhayaH
05033024a nizcitya yaH prakramate nAntar vasati karmaNaH
05033024c avandhyakAlo vazyAtmA sa vai paNDita ucyate
05033025a AryakarmaNi rajyante bhUtikarmANi kurvate
05033025c hitaM ca nAbhyasUyanti paNDitA bharatarSabha
05033026a na hRSyaty AtmasaMmAne nAvamAnena tapyate
05033026c gAGgo hrada ivAkSobhyo yaH sa paNDita ucyate
05033027a tattvajJaH sarvabhUtAnAM yogajJaH sarvakarmaNAm
05033027c upAyajJo manuSyANAM naraH paNDita ucyate
05033028a pravRttavAk citrakatha UhavAn pratibhAnavAn
05033028c Azu granthasya vaktA ca sa vai paNDita ucyate
05033029a zrutaM prajJAnugaM yasya prajJA caiva zrutAnugA
05033029c asaMbhinnAryamaryAdaH paNDitAkhyAM labheta saH
05033030a azrutaz ca samunnaddho daridraz ca mahAmanAH
05033030c arthAMz cAkarmaNA prepsur mUDha ity ucyate budhaiH
05033031a svam arthaM yaH parityajya parArtham anutiSThati
05033031c mithyA carati mitrArthe yaz ca mUDhaH sa ucyate
05033032a akAmAn kAmayati yaH kAmayAnAn paridviSan
05033032c balavantaM ca yo dveSTi tam Ahur mUDhacetasam
05033033a amitraM kurute mitraM mitraM dveSTi hinasti ca
05033033c karma cArabhate duSTaM tam Ahur mUDhacetasam
05033034a saMsArayati kRtyAni sarvatra vicikitsate
05033034c ciraM karoti kSiprArthe sa mUDho bharatarSabha
05033035a anAhUtaH pravizati apRSTo bahu bhASate
05033035c vizvasaty apramatteSu mUDhacetA narAdhamaH
05033036a paraM kSipati doSeNa vartamAnaH svayaM tathA
05033036c yaz ca krudhyaty anIzaH san sa ca mUDhatamo naraH
05033037a Atmano balam ajJAya dharmArthaparivarjitam
05033037c alabhyam icchan naiSkarmyAn mUDhabuddhir ihocyate
05033038a aziSyaM zAsti yo rAjan yaz ca zUnyam upAsate
05033038c kadaryaM bhajate yaz ca tam Ahur mUDhacetasam
05033039a arthaM mahAntam AsAdya vidyAm aizvaryam eva vA
05033039c vicaraty asamunnaddho yaH sa paNDita ucyate
05033040a ekaH saMpannam aznAti vaste vAsaz ca zobhanam
05033040c yo 'saMvibhajya bhRtyebhyaH ko nRzaMsataras tataH
05033041a ekaH pApAni kurute phalaM bhuGkte mahAjanaH
05033041c bhoktAro vipramucyante kartA doSeNa lipyate
05033042a ekaM hanyAn na vA hanyAd iSur mukto dhanuSmatA
05033042c buddhir buddhimatotsRSTA hanyAd rASTraM sarAjakam
05033043a ekayA dve vinizcitya trIMz caturbhir vaze kuru
05033043c paJca jitvA viditvA SaT sapta hitvA sukhI bhava
05033044a ekaM viSaraso hanti zastreNaikaz ca vadhyate
05033044c sarASTraM saprajaM hanti rAjAnaM mantravisravaH
05033045a ekaH svAdu na bhuJjIta ekaz cArthAn na cintayet
05033045c eko na gacched adhvAnaM naikaH supteSu jAgRyAt
05033046a ekam evAdvitIyaM tad yad rAjan nAvabudhyase
05033046c satyaM svargasya sopAnaM pArAvArasya naur iva
05033047a ekaH kSamAvatAM doSo dvitIyo nopalabhyate
05033047c yad enaM kSamayA yuktam azaktaM manyate janaH
05033048a eko dharmaH paraM zreyaH kSamaikA zAntir uttamA
05033048c vidyaikA paramA dRSTir ahiMsaikA sukhAvahA
05033049a dvAv imau grasate bhUmiH sarpo bilazayAn iva
05033049c rAjAnaM cAviroddhAraM brAhmaNaM cApravAsinam
05033050a dve karmaNI naraH kurvann asmi&l loke virocate
05033050c abruvan paruSaM kiM cid asato nArthayaMs tathA
05033051a dvAv imau puruSavyAghra parapratyayakAriNau
05033051c striyaH kAmitakAminyo lokaH pUjitapUjakaH
05033052a dvAv imau kaNTakau tIkSNau zarIraparizoSaNau
05033052c yaz cAdhanaH kAmayate yaz ca kupyaty anIzvaraH
05033053a dvAv imau puruSau rAjan svargasyopari tiSThataH
05033053c prabhuz ca kSamayA yukto daridraz ca pradAnavAn
05033054a nyAyAgatasya dravyasya boddhavyau dvAv atikramau
05033054c apAtre pratipattiz ca pAtre cApratipAdanam
05033055a trayo nyAyA manuSyANAM zrUyante bharatarSabha
05033055c kanIyAn madhyamaH zreSTha iti vedavido viduH
05033056a trividhAH puruSA rAjann uttamAdhamamadhyamAH
05033056c niyojayed yathAvat tAMs trividheSv eva karmasu
05033057a traya evAdhanA rAjan bhAryA dAsas tathA sutaH
05033057c yat te samadhigacchanti yasya te tasya tad dhanam
05033058a catvAri rAjJA tu mahAbalena; varjyAny AhuH paNDitas tAni vidyAt
05033058c alpaprajJaiH saha mantraM na kuryAn; na dIrghasUtrair alasaiz cAraNaiz ca
05033059a catvAri te tAta gRhe vasantu; zriyAbhijuSTasya gRhasthadharme
05033059c vRddho jJAtir avasannaH kulInaH; sakhA daridro bhaginI cAnapatyA
05033060a catvAry Aha mahArAja sadyaskAni bRhaspatiH
05033060c pRcchate tridazendrAya tAnImAni nibodha me
05033061a devatAnAM ca saMkalpam anubhAvaM ca dhImatAm
05033061c vinayaM kRtavidyAnAM vinAzaM pApakarmaNAm
05033062a paJcAgnayo manuSyeNa paricaryAH prayatnataH
05033062c pitA mAtAgnir AtmA ca guruz ca bharatarSabha
05033063a paJcaiva pUjaya&l loke yazaH prApnoti kevalam
05033063c devAn pitqn manuSyAMz ca bhikSUn atithipaJcamAn
05033064a paJca tvAnugamiSyanti yatra yatra gamiSyasi
05033064c mitrANy amitrA madhyasthA upajIvyopajIvinaH
05033065a paJcendriyasya martyasya chidraM ced ekam indriyam
05033065c tato 'sya sravati prajJA dRteH pAdAd ivodakam
05033066a SaD doSAH puruSeNeha hAtavyA bhUtim icchatA
05033066c nidrA tandrI bhayaM krodha AlasyaM dIrghasUtratA
05033067a SaD imAn puruSo jahyAd bhinnAM nAvam ivArNave
05033067c apravaktAram AcAryam anadhIyAnam Rtvijam
05033068a arakSitAraM rAjAnaM bhAryAM cApriyavAdinIm
05033068c grAmakAmaM ca gopAlaM vanakAmaM ca nApitam
05033069a SaD eva tu guNAH puMsA na hAtavyAH kadA cana
05033069c satyaM dAnam anAlasyam anasUyA kSamA dhRtiH
05033070a SaNNAm Atmani nityAnAm aizvaryaM yo 'dhigacchati
05033070c na sa pApaiH kuto 'narthair yujyate vijitendriyaH
05033071a SaD ime SaTsu jIvanti saptamo nopalabhyate
05033071c corAH pramatte jIvanti vyAdhiteSu cikitsakAH
05033072a pramadAH kAmayAneSu yajamAneSu yAjakAH
05033072c rAjA vivadamAneSu nityaM mUrkheSu paNDitAH
05033073a sapta doSAH sadA rAjJA hAtavyA vyasanodayAH
05033073c prAyazo yair vinazyanti kRtamUlAz ca pArthivAH
05033074a striyo 'kSA mRgayA pAnaM vAkpAruSyaM ca paJcamam
05033074c mahac ca daNDapAruSyam arthadUSaNam eva ca
05033075a aSTau pUrvanimittAni narasya vinaziSyataH
05033075c brAhmaNAn prathamaM dveSTi brAhmaNaiz ca virudhyate
05033076a brAhmaNasvAni cAdatte brAhmaNAMz ca jighAMsati
05033076c ramate nindayA caiSAM prazaMsAM nAbhinandati
05033077a naitAn smarati kRtyeSu yAcitaz cAbhyasUyati
05033077c etAn doSAn naraH prAjJo buddhyA buddhvA vivarjayet
05033078a aSTAv imAni harSasya navanItAni bhArata
05033078c vartamAnAni dRzyante tAny eva susukhAny api
05033079a samAgamaz ca sakhibhir mahAMz caiva dhanAgamaH
05033079c putreNa ca pariSvaGgaH saMnipAtaz ca maithune
05033080a samaye ca priyAlApaH svayUtheSu ca saMnatiH
05033080c abhipretasya lAbhaz ca pUjA ca janasaMsadi
05033081a navadvAram idaM vezma tristhUNaM paJcasAkSikam
05033081c kSetrajJAdhiSThitaM vidvAn yo veda sa paraH kaviH
05033082a daza dharmaM na jAnanti dhRtarASTra nibodha tAn
05033082c mattaH pramatta unmattaH zrAntaH kruddho bubhukSitaH
05033083a tvaramANaz ca bhIruz ca lubdhaH kAmI ca te daza
05033083c tasmAd eteSu bhAveSu na prasajjeta paNDitaH
05033084a atraivodAharantImam itihAsaM purAtanam
05033084c putrArtham asurendreNa gItaM caiva sudhanvanA
05033085a yaH kAmamanyU prajahAti rAjA; pAtre pratiSThApayate dhanaM ca
05033085c vizeSavic chrutavAn kSiprakArI; taM sarvalokaH kurute pramANam
05033086a jAnAti vizvAsayituM manuSyAn; vijJAtadoSeSu dadhAti daNDam
05033086c jAnAti mAtrAM ca tathA kSamAM ca; taM tAdRzaM zrIr juSate samagrA
05033087a sudurbalaM nAvajAnAti kaM cid; yukto ripuM sevate buddhipUrvam
05033087c na vigrahaM rocayate balasthaiH; kAle ca yo vikramate sa dhIraH
05033088a prApyApadaM na vyathate kadA cid; udyogam anvicchati cApramattaH
05033088c duHkhaM ca kAle sahate jitAtmA; dhuraMdharas tasya jitAH sapatnAH
05033089a anarthakaM vipravAsaM gRhebhyaH; pApaiH saMdhiM paradArAbhimarzam
05033089c dambhaM stainyaM paizunaM madyapAnaM; na sevate yaH sa sukhI sadaiva
05033090a na saMrambheNArabhate 'rthavargam; AkAritaH zaMsati tathyam eva
05033090c na mAtrArthe rocayate vivAdaM; nApUjitaH kupyati cApy amUDhaH
05033091a na yo 'bhyasUyaty anukampate ca; na durbalaH prAtibhAvyaM karoti
05033091c nAtyAha kiM cit kSamate vivAdaM; sarvatra tAdRg labhate prazaMsAm
05033092a yo noddhataM kurute jAtu veSaM; na pauruSeNApi vikatthate 'nyAn
05033092c na mUrcchitaH kaTukAny Aha kiM cit; priyaM sadA taM kurute jano 'pi
05033093a na vairam uddIpayati prazAntaM; na darpam Arohati nAstam eti
05033093c na durgato 'smIti karoti manyuM; tam AryazIlaM param Ahur agryam
05033094a na sve sukhe vai kurute praharSaM; nAnyasya duHkhe bhavati pratItaH
05033094c dattvA na pazcAt kurute 'nutApaM; na katthate satpuruSAryazIlaH
05033095a dezAcArAn samayAJ jAtidharmAn; bubhUSate yas tu parAvarajJaH
05033095c sa tatra tatrAdhigataH sadaiva; mahAjanasyAdhipatyaM karoti
05033096a dambhaM mohaM matsaraM pApakRtyaM; rAjadviSTaM paizunaM pUgavairam
05033096c mattonmattair durjanaiz cApi vAdaM; yaH prajJAvAn varjayet sa pradhAnaH
05033097a damaM zaucaM daivataM maGgalAni; prAyazcittaM vividhA&l lokavAdAn
05033097c etAni yaH kurute naityakAni; tasyotthAnaM devatA rAdhayanti
05033098a samair vivAhaM kurute na hInaiH; samaiH sakhyaM vyavahAraM kathAz ca
05033098c guNair viziSTAMz ca purodadhAti; vipazcitas tasya nayAH sunItAH
05033099a mitaM bhuGkte saMvibhajyAzritebhyo; mitaM svapity amitaM karma kRtvA
05033099c dadAty amitreSv api yAcitaH saMs; tam AtmavantaM prajahaty anarthAH
05033100a cikIrSitaM viprakRtaM ca yasya; nAnye janAH karma jAnanti kiM cit
05033100c mantre gupte samyag anuSThite ca; svalpo nAsya vyathate kaz cid arthaH
05033101a yaH sarvabhUtaprazame niviSTaH; satyo mRdur dAnakRc chuddhabhAvaH
05033101c atIva saMjJAyate jJAtimadhye; mahAmaNir jAtya iva prasannaH
05033102a ya AtmanApatrapate bhRzaM naraH; sa sarvalokasya gurur bhavaty uta
05033102c anantatejAH sumanAH samAhitaH; svatejasA sUrya ivAvabhAsate
05033103a vane jAtAH zApadagdhasya rAjJaH; pANDoH putrAH paJca paJcendrakalpAH
05033103c tvayaiva bAlA vardhitAH zikSitAz ca; tavAdezaM pAlayanty Ambikeya
05033104a pradAyaiSAm ucitaM tAta rAjyaM; sukhI putraiH sahito modamAnaH
05033104c na devAnAM nApi ca mAnuSANAM; bhaviSyasi tvaM tarkaNIyo narendra
05034001  dhRtarASTra uvAca
05034001a jAgrato dahyamAnasya yat kAryam anupazyasi
05034001c tad brUhi tvaM hi nas tAta dharmArthakuzalaH zuciH
05034002a tvaM mAM yathAvad vidura prazAdhi; prajJApUrvaM sarvam ajAtazatroH
05034002c yan manyase pathyam adInasattva; zreyaskaraM brUhi tad vai kurUNAm
05034003a pApAzaGkI pApam evAnupazyan; pRcchAmi tvAM vyAkulenAtmanAham
05034003c kave tan me brUhi sarvaM yathAvan; manISitaM sarvam ajAtazatroH
05034004  vidura uvAca
05034004a zubhaM vA yadi vA pApaM dveSyaM vA yadi vA priyam
05034004c apRSTas tasya tad brUyAd yasya necchet parAbhavam
05034005a tasmAd vakSyAmi te rAjan bhavam icchan kurUn prati
05034005c vacaH zreyaskaraM dharmyaM bruvatas tan nibodha me
05034006a mithyopetAni karmANi sidhyeyur yAni bhArata
05034006c anupAyaprayuktAni mA sma teSu manaH kRthAH
05034007a tathaiva yogavihitaM na sidhyet karma yan nRpa
05034007c upAyayuktaM medhAvI na tatra glapayen manaH
05034008a anubandhAn avekSeta sAnubandheSu karmasu
05034008c saMpradhArya ca kurvIta na vegena samAcaret
05034009a anubandhaM ca saMprekSya vipAkAMz caiva karmaNAm
05034009c utthAnam Atmanaz caiva dhIraH kurvIta vA na vA
05034010a yaH pramANaM na jAnAti sthAne vRddhau tathA kSaye
05034010c koze janapade daNDe na sa rAjye 'vatiSThate
05034011a yas tv etAni pramANAni yathoktAny anupazyati
05034011c yukto dharmArthayor jJAne sa rAjyam adhigacchati
05034012a na rAjyaM prAptam ity eva vartitavyam asAMpratam
05034012c zriyaM hy avinayo hanti jarA rUpam ivottamam
05034013a bhakSyottamapraticchannaM matsyo baDizam Ayasam
05034013c rUpAbhipAtI grasate nAnubandham avekSate
05034014a yac chakyaM grasituM grasyaM grastaM pariNamec ca yat
05034014c hitaM ca pariNAme yat tad adyaM bhUtim icchatA
05034015a vanaspater apakvAni phalAni pracinoti yaH
05034015c sa nApnoti rasaM tebhyo bIjaM cAsya vinazyati
05034016a yas tu pakvam upAdatte kAle pariNataM phalam
05034016c phalAd rasaM sa labhate bIjAc caiva phalaM punaH
05034017a yathA madhu samAdatte rakSan puSpANi SaTpadaH
05034017c tadvad arthAn manuSyebhya AdadyAd avihiMsayA
05034018a puSpaM puSpaM vicinvIta mUlacchedaM na kArayet
05034018c mAlAkAra ivArAme na yathAGgArakArakaH
05034019a kiM nu me syAd idaM kRtvA kiM nu me syAd akurvataH
05034019c iti karmANi saMcintya kuryAd vA puruSo na vA
05034020a anArabhyA bhavanty arthAH ke cin nityaM tathAgatAH
05034020c kRtaH puruSakAro 'pi bhaved yeSu nirarthakaH
05034021a kAMz cid arthAn naraH prAjJo laghumUlAn mahAphalAn
05034021c kSipram Arabhate kartuM na vighnayati tAdRzAn
05034022a Rju pazyati yaH sarvaM cakSuSAnupibann iva
05034022c AsInam api tUSNIkam anurajyanti taM prajAH
05034023a cakSuSA manasA vAcA karmaNA ca caturvidham
05034023c prasAdayati lokaM yaH taM loko 'nuprasIdati
05034024a yasmAt trasyanti bhUtAni mRgavyAdhAn mRgA iva
05034024c sAgarAntAm api mahIM labdhvA sa parihIyate
05034025a pitRpaitAmahaM rAjyaM prAptavAn svena tejasA
05034025c vAyur abhram ivAsAdya bhraMzayaty anaye sthitaH
05034026a dharmam Acarato rAjJaH sadbhiz caritam AditaH
05034026c vasudhA vasusaMpUrNA vardhate bhUtivardhanI
05034027a atha saMtyajato dharmam adharmaM cAnutiSThataH
05034027c pratisaMveSTate bhUmir agnau carmAhitaM yathA
05034028a ya eva yatnaH kriyate pararASTrAvamardane
05034028c sa eva yatnaH kartavyaH svarASTraparipAlane
05034029a dharmeNa rAjyaM vindeta dharmeNa paripAlayet
05034029c dharmamUlAM zriyaM prApya na jahAti na hIyate
05034030a apy unmattAt pralapato bAlAc ca parisarpataH
05034030c sarvataH sAram AdadyAd azmabhya iva kAJcanam
05034031a suvyAhRtAni sudhiyAM sukRtAni tatas tataH
05034031c saMcinvan dhIra AsIta zilAhArI zilaM yathA
05034032a gandhena gAvaH pazyanti vedaiH pazyanti brAhmaNAH
05034032c cAraiH pazyanti rAjAnaz cakSurbhyAm itare janAH
05034033a bhUyAMsaM labhate klezaM yA gaur bhavati durduhA
05034033c atha yA suduhA rAjan naiva tAM vinayanty api
05034034a yad ataptaM praNamati na tat saMtApayanty api
05034034c yac ca svayaM nataM dAru na tat saMnAmayanty api
05034035a etayopamayA dhIraH saMnameta balIyase
05034035c indrAya sa praNamate namate yo balIyase
05034036a parjanyanAthAH pazavo rAjAno mitrabAndhavAH
05034036c patayo bAndhavAH strINAM brAhmaNA vedabAndhavAH
05034037a satyena rakSyate dharmo vidyA yogena rakSyate
05034037c mRjayA rakSyate rUpaM kulaM vRttena rakSyate
05034038a mAnena rakSyate dhAnyam azvAn rakSaty anukramaH
05034038c abhIkSNadarzanAd gAvaH striyo rakSyAH kucelataH
05034039a na kulaM vRttahInasya pramANam iti me matiH
05034039c antyeSv api hi jAtAnAM vRttam eva viziSyate
05034040a ya IrSyuH paravitteSu rUpe vIrye kulAnvaye
05034040c sukhe saubhAgyasatkAre tasya vyAdhir anantakaH
05034041a akAryakaraNAd bhItaH kAryANAM ca vivarjanAt
05034041c akAle mantrabhedAc ca yena mAdyen na tat pibet
05034042a vidyAmado dhanamadas tRtIyo 'bhijano madaH
05034042c ete madAvaliptAnAm eta eva satAM damAH
05034043a asanto 'bhyarthitAH sadbhiH kiM cit kAryaM kadA cana
05034043c manyante santam AtmAnam asantam api vizrutam
05034044a gatir AtmavatAM santaH santa eva satAM gatiH
05034044c asatAM ca gatiH santo na tv asantaH satAM gatiH
05034045a jitA sabhA vastravatA samAzA gomatA jitA
05034045c adhvA jito yAnavatA sarvaM zIlavatA jitam
05034046a zIlaM pradhAnaM puruSe tad yasyeha praNazyati
05034046c na tasya jIvitenArtho na dhanena na bandhubhiH
05034047a ADhyAnAM mAMsaparamaM madhyAnAM gorasottaram
05034047c lavaNottaraM daridrANAM bhojanaM bharatarSabha
05034048a saMpannataram evAnnaM daridrA bhuJjate sadA
05034048c kSut svAdutAM janayati sA cADhyeSu sudurlabhA
05034049a prAyeNa zrImatAM loke bhoktuM zaktir na vidyate
05034049c daridrANAM tu rAjendra api kASThaM hi jIryate
05034050a avRttir bhayam antyAnAM madhyAnAM maraNAd bhayam
05034050c uttamAnAM tu martyAnAm avamAnAt paraM bhayam
05034051a aizvaryamadapApiSThA madAH pAnamadAdayaH
05034051c aizvaryamadamatto hi nApatitvA vibudhyate
05034052a indriyair indriyArtheSu vartamAnair anigrahaiH
05034052c tair ayaM tApyate loko nakSatrANi grahair iva
05034053a yo jitaH paJcavargeNa sahajenAtmakarzinA
05034053c Apadas tasya vardhante zuklapakSa ivoDurAT
05034054a avijitya ya AtmAnam amAtyAn vijigISate
05034054c amitrAn vAjitAmAtyaH so 'vazaH parihIyate
05034055a AtmAnam eva prathamaM dezarUpeNa yo jayet
05034055c tato 'mAtyAn amitrAMz ca na moghaM vijigISate
05034056a vazyendriyaM jitAmAtyaM dhRtadaNDaM vikAriSu
05034056c parIkSyakAriNaM dhIram atyantaM zrIr niSevate
05034057a rathaH zarIraM puruSasya rAjan; nAtmA niyantendriyANy asya cAzvAH
05034057c tair apramattaH kuzalaH sadazvair; dAntaiH sukhaM yAti rathIva dhIraH
05034058a etAny anigRhItAni vyApAdayitum apy alam
05034058c avidheyA ivAdAntA hayAH pathi kusArathim
05034059a anartham arthataH pazyann arthaM caivApy anarthataH
05034059c indriyaiH prasRto bAlaH suduHkhaM manyate sukham
05034060a dharmArthau yaH parityajya syAd indriyavazAnugaH
05034060c zrIprANadhanadArebhya kSipraM sa parihIyate
05034061a arthAnAm Izvaro yaH syAd indriyANAm anIzvaraH
05034061c indriyANAm anaizvaryAd aizvaryAd bhrazyate hi saH
05034062a AtmanAtmAnam anvicchen manobuddhIndriyair yataiH
05034062c Atmaiva hy Atmano bandhur Atmaiva ripur AtmanaH
05034063a kSudrAkSeNeva jAlena jhaSAv apihitAv ubhau
05034063c kAmaz ca rAjan krodhaz ca tau prajJAnaM vilumpataH
05034064a samavekSyeha dharmArthau saMbhArAn yo 'dhigacchati
05034064c sa vai saMbhRtasaMbhAraH satataM sukham edhate
05034065a yaH paJcAbhyantarAJ zatrUn avijitya matikSayAn
05034065c jigISati ripUn anyAn ripavo 'bhibhavanti tam
05034066a dRzyante hi durAtmAno vadhyamAnAH svakarmabhiH
05034066c indriyANAm anIzatvAd rAjAno rAjyavibhramaiH
05034067a asaMtyAgAt pApakRtAm apApAMs; tulyo daNDaH spRzate mizrabhAvAt
05034067c zuSkeNArdraM dahyate mizrabhAvAt; tasmAt pApaiH saha saMdhiM na kuryAt
05034068a nijAn utpatataH zatrUn paJca paJcaprayojanAn
05034068c yo mohAn na nigRhNAti tam Apad grasate naram
05034069a anasUyArjavaM zaucaM saMtoSaH priyavAditA
05034069c damaH satyam anAyAso na bhavanti durAtmanAm
05034070a AtmajJAnam anAyAsas titikSA dharmanityatA
05034070c vAk caiva guptA dAnaM ca naitAny antyeSu bhArata
05034071a AkrozaparivAdAbhyAM vihiMsanty abudhA budhAn
05034071c vaktA pApam upAdatte kSamamANo vimucyate
05034072a hiMsA balam asAdhUnAM rAjJAM daNDavidhir balam
05034072c zuzrUSA tu balaM strINAM kSamA guNavatAM balam
05034073a vAksaMyamo hi nRpate suduSkaratamo mataH
05034073c arthavac ca vicitraM ca na zakyaM bahu bhASitum
05034074a abhyAvahati kalyANaM vividhA vAk subhASitA
05034074c saiva durbhASitA rAjann anarthAyopapadyate
05034075a saMrohati zarair viddhaM vanaM parazunA hatam
05034075c vAcA duruktaM bIbhatsaM na saMrohati vAkkSatam
05034076a karNinAlIkanArAcA nirharanti zarIrataH
05034076c vAkzalyas tu na nirhartuM zakyo hRdizayo hi saH
05034077a vAksAyakA vadanAn niSpatanti; yair AhataH zocati rAtryahAni
05034077c parasya nAmarmasu te patanti; tAn paNDito nAvasRjet pareSu
05034078a yasmai devAH prayacchanti puruSAya parAbhavam
05034078c buddhiM tasyApakarSanti so 'pAcInAni pazyati
05034079a buddhau kaluSabhUtAyAM vinAze pratyupasthite
05034079c anayo nayasaMkAzo hRdayAn nApasarpati
05034080a seyaM buddhiH parItA te putrANAM tava bhArata
05034080c pANDavAnAM virodhena na cainAm avabudhyase
05034081a rAjA lakSaNasaMpannas trailokyasyApi yo bhavet
05034081c ziSyas te zAsitA so 'stu dhRtarASTra yudhiSThiraH
05034082a atIva sarvAn putrAMs te bhAgadheyapuraskRtaH
05034082c tejasA prajJayA caiva yukto dharmArthatattvavit
05034083a AnRzaMsyAd anukrozAd yo 'sau dharmabhRtAM varaH
05034083c gauravAt tava rAjendra bahUn klezAMs titikSati
05035001  dhRtarASTra uvAca
05035001a brUhi bhUyo mahAbuddhe dharmArthasahitaM vacaH
05035001c zRNvato nAsti me tRptir vicitrANIha bhASase
05035002  vidura uvAca
05035002a sarvatIrtheSu vA snAnaM sarvabhUteSu cArjavam
05035002c ubhe ete same syAtAm ArjavaM vA viziSyate
05035003a ArjavaM pratipadyasva putreSu satataM vibho
05035003c iha kIrtiM parAM prApya pretya svargam avApsyasi
05035004a yAvat kIrtir manuSyasya puNyA lokeSu gIyate
05035004c tAvat sa puruSavyAghra svargaloke mahIyate
05035005a atrApy udAharantImam itihAsaM purAtanam
05035005c virocanasya saMvAdaM kezinyarthe sudhanvanA
05035006  keziny uvAca
05035006a kiM brAhmaNAH svic chreyAMso ditijAH svid virocana
05035006c atha kena sma paryaGkaM sudhanvA nAdhirohati
05035007  virocana uvAca
05035007a prAjApatyA hi vai zreSThA vayaM kezini sattamAH
05035007c asmAkaM khalv ime lokAH ke devAH ke dvijAtayaH
05035008  keziny uvAca
05035008a ihaivAssva pratIkSAva upasthAne virocana
05035008c sudhanvA prAtar AgantA pazyeyaM vAM samAgatau
05035009  virocana uvAca
05035009a tathA bhadre kariSyAmi yathA tvaM bhIru bhASase
05035009c sudhanvAnaM ca mAM caiva prAtar draSTAsi saMgatau
05035010  sudhanvovAca
05035010a anvAlabhe hiraNmayaM prAhrAde 'haM tavAsanam
05035010c ekatvam upasaMpanno na tv AseyaM tvayA saha
05035011  virocana uvAca
05035011a anvAharantu phalakaM kUrcaM vApy atha vA bRsIm
05035011c sudhanvan na tvam arho 'si mayA saha samAsanam
05035012  sudhanvovAca
05035012a pitApi te samAsInam upAsItaiva mAm adhaH
05035012c bAlaH sukhaidhito gehe na tvaM kiM cana budhyase
05035013  virocana uvAca
05035013a hiraNyaM ca gavAzvaM ca yad vittam asureSu naH
05035013c sudhanvan vipaNe tena praznaM pRcchAva ye viduH
05035014  sudhanvovAca
05035014a hiraNyaM ca gavAzvaM ca tavaivAstu virocana
05035014c prANayos tu paNaM kRtvA praznaM pRcchAva ye viduH
05035015  virocana uvAca
05035015a AvAM kutra gamiSyAvaH prANayor vipaNe kRte
05035015c na hi deveSv ahaM sthAtA na manuSyeSu karhi cit
05035016  sudhanvovAca
05035016a pitaraM te gamiSyAvaH prANayor vipaNe kRte
05035016c putrasyApi sa hetor hi prahrAdo nAnRtaM vadet
05035017  prahrAda uvAca
05035017a imau tau saMpradRzyete yAbhyAM na caritaM saha
05035017c AzIviSAv iva kruddhAv ekamArgam ihAgatau
05035018a kiM vai sahaiva carato na purA carataH saha
05035018c virocanaitat pRcchAmi kiM te sakhyaM sudhanvanA
05035019  virocana uvAca
05035019a na me sudhanvanA sakhyaM prANayor vipaNAvahe
05035019c prahrAda tat tvAM pRcchAmi mA praznam anRtaM vadIH
05035020  prahrAda uvAca
05035020a udakaM madhuparkaM cApy Anayantu sudhanvane
05035020c brahmann abhyarcanIyo 'si zvetA gauH pIvarIkRtA
05035021  sudhanvovAca
05035021a udakaM madhuparkaM ca patha evArpitaM mama
05035021c prahrAda tvaM tu nau praznaM tathyaM prabrUhi pRcchatoH
05035022  prahrAda uvAca
05035022a putro vAnyo bhavAn brahman sAkSye caiva bhavet sthitaH
05035022c tayor vivadatoH praznaM katham asmadvidho vadet
05035023a atha yo naiva prabrUyAt satyaM vA yadi vAnRtam
05035023c etat sudhanvan pRcchAmi durvivaktA sma kiM vaset
05035024  sudhanvovAca
05035024a yAM rAtrim adhivinnA strI yAM caivAkSaparAjitaH
05035024c yAM ca bhArAbhitaptAGgo durvivaktA sma tAM vaset
05035025a nagare pratiruddhaH san bahirdvAre bubhukSitaH
05035025c amitrAn bhUyasaH pazyan durvivaktA sma tAM vaset
05035026a paJca pazvanRte hanti daza hanti gavAnRte
05035026c zatam azvAnRte hanti sahasraM puruSAnRte
05035027a hanti jAtAn ajAtAMz ca hiraNyArthe 'nRtaM vadan
05035027c sarvaM bhUmyanRte hanti mA sma bhUmyanRtaM vadIH
05035028  prahrAda uvAca
05035028a mattaH zreyAn aGgirA vai sudhanvA tvad virocana
05035028c mAtAsya zreyasI mAtus tasmAt tvaM tena vai jitaH
05035029a virocana sudhanvAyaM prANAnAm Izvaras tava
05035029c sudhanvan punar icchAmi tvayA dattaM virocanam
05035030  sudhanvovAca
05035030a yad dharmam avRNIthAs tvaM na kAmAd anRtaM vadIH
05035030c punar dadAmi te tasmAt putraM prahrAda durlabham
05035031a eSa prahrAda putras te mayA datto virocanaH
05035031c pAdaprakSAlanaM kuryAt kumAryAH saMnidhau mama
05035032  vidura uvAca
05035032a tasmAd rAjendra bhUmyarthe nAnRtaM vaktum arhasi
05035032c mA gamaH sasutAmAtyo 'tyayaM putrAn anubhraman
05035033a na devA yaSTim AdAya rakSanti pazupAlavat
05035033c yaM tu rakSitum icchanti buddhyA saMvibhajanti tam
05035034a yathA yathA hi puruSaH kalyANe kurute manaH
05035034c tathA tathAsya sarvArthAH sidhyante nAtra saMzayaH
05035035a na chandAMsi vRjinAt tArayanti; mAyAvinaM mAyayA vartamAnam
05035035c nIDaM zakuntA iva jAtapakSAz; chandAMsy enaM prajahaty antakAle
05035036a mattApAnaM kalahaM pUgavairaM; bhAryApatyor antaraM jJAtibhedam
05035036c rAjadviSTaM strIpumAMsor vivAdaM; varjyAny Ahur yaz ca panthAH praduSTaH
05035037a sAmudrikaM vaNijaM corapUrvaM; zalAkadhUrtaM ca cikitsakaM ca
05035037c ariM ca mitraM ca kuzIlavaM ca; naitAn sAkSyeSv adhikurvIta sapta
05035038a mAnAgnihotram uta mAnamaunaM; mAnenAdhItam uta mAnayajJaH
05035038c etAni catvAry abhayaMkarANi; bhayaM prayacchanty ayathAkRtAni
05035039a agAradAhI garadaH kuNDAzI somavikrayI
05035039c parvakAraz ca sUcI ca mitradhruk pAradArikaH
05035040a bhrUNahA gurutalpI ca yaz ca syAt pAnapo dvijaH
05035040c atitIkSNaz ca kAkaz ca nAstiko vedanindakaH
05035041a sruvapragrahaNo vrAtyaH kInAzaz cArthavAn api
05035041c rakSety uktaz ca yo hiMsyAt sarve brahmahaNaiH samAH
05035042a tRNolkayA jJAyate jAtarUpaM; yuge bhadro vyavahAreNa sAdhuH
05035042c zUro bhayeSv arthakRcchreSu dhIraH; kRcchrAsv Apatsu suhRdaz cArayaz ca
05035043a jarA rUpaM harati hi dhairyam AzA; mRtyuH prANAn dharmacaryAm asUyA
05035043c krodhaH zriyaM zIlam anAryasevA; hriyaM kAmaH sarvam evAbhimAnaH
05035044a zrIr maGgalAt prabhavati prAgalbhyAt saMpravardhate
05035044c dAkSyAt tu kurute mUlaM saMyamAt pratitiSThati
05035045a aSTau guNAH puruSaM dIpayanti; prajJA ca kaulyaM ca damaH zrutaM ca
05035045c parAkramaz cAbahubhASitA ca; dAnaM yathAzakti kRtajJatA ca
05035046a etAn guNAMs tAta mahAnubhAvAn; eko guNaH saMzrayate prasahya
05035046c rAjA yadA satkurute manuSyaM; sarvAn guNAn eSa guNo 'tibhAti
05035047a aSTau nRpemAni manuSyaloke; svargasya lokasya nidarzanAni
05035047c catvAry eSAm anvavetAni sadbhiz; catvAry eSAm anvavayanti santaH
05035048a yajJo dAnam adhyayanaM tapaz ca; catvAry etAny anvavetAni sadbhiH
05035048c damaH satyam Arjavam AnRzaMsyaM; catvAry etAny anvavayanti santaH
05035049a na sA sabhA yatra na santi vRddhA; na te vRddhA ye na vadanti dharmam
05035049c nAsau dharmo yatra na satyam asti; na tat satyaM yac chalenAnuviddham
05035050a satyaM rUpaM zrutaM vidyA kaulyaM zIlaM balaM dhanam
05035050c zauryaM ca citrabhASyaM ca daza saMsargayonayaH
05035051a pApaM kurvan pApakIrtiH pApam evAznute phalam
05035051c puNyaM kurvan puNyakIrtiH puNyam evAznute phalam
05035052a pApaM prajJAM nAzayati kriyamANaM punaH punaH
05035052c naSTaprajJaH pApam eva nityam Arabhate naraH
05035053a puNyaM prajJAM vardhayati kriyamANaM punaH punaH
05035053c vRddhaprajJaH puNyam eva nityam Arabhate naraH
05035054a asUyako dandazUko niSThuro vairakRn naraH
05035054c sa kRcchraM mahad Apnoti nacirAt pApam Acaran
05035055a anasUyaH kRtaprajJaH zobhanAny Acaran sadA
05035055c akRcchrAt sukham Apnoti sarvatra ca virAjate
05035056a prajJAm evAgamayati yaH prAjJebhyaH sa paNDitaH
05035056c prAjJo hy avApya dharmArthau zaknoti sukham edhitum
05035057a divasenaiva tat kuryAd yena rAtrau sukhaM vaset
05035057c aSTamAsena tat kuryAd yena varSAH sukhaM vaset
05035058a pUrve vayasi tat kuryAd yena vRddhaH sukhaM vaset
05035058c yAvajjIvena tat kuryAd yena pretya sukhaM vaset
05035059a jIrNam annaM prazaMsanti bhAryAM ca gatayauvanAm
05035059c zUraM vigatasaMgrAmaM gatapAraM tapasvinam
05035060a dhanenAdharmalabdhena yac chidram apidhIyate
05035060c asaMvRtaM tad bhavati tato 'nyad avadIryate
05035061a gurur AtmavatAM zAstA zAstA rAjA durAtmanAm
05035061c atha pracchannapApAnAM zAstA vaivasvato yamaH
05035062a RSINAM ca nadInAM ca kulAnAM ca mahAtmanAm
05035062c prabhavo nAdhigantavyaH strINAM duzcaritasya ca
05035063a dvijAtipUjAbhirato dAtA jJAtiSu cArjavI
05035063c kSatriyaH svargabhAg rAjaMz ciraM pAlayate mahIm
05035064a suvarNapuSpAM pRthivIM cinvanti puruSAs trayaH
05035064c zUraz ca kRtavidyaz ca yaz ca jAnAti sevitum
05035065a buddhizreSThAni karmANi bAhumadhyAni bhArata
05035065c tAni jaGghAjaghanyAni bhArapratyavarANi ca
05035066a duryodhane ca zakunau mUDhe duHzAsane tathA
05035066c karNe caizvaryam AdhAya kathaM tvaM bhUtim icchasi
05035067a sarvair guNair upetAz ca pANDavA bharatarSabha
05035067c pitRvat tvayi vartante teSu vartasva putravat
05036001  vidura uvAca
05036001a atraivodAharantImam itihAsaM purAtanam
05036001c Atreyasya ca saMvAdaM sAdhyAnAM ceti naH zrutam
05036002a carantaM haMsarUpeNa maharSiM saMzitavratam
05036002c sAdhyA devA mahAprAjJaM paryapRcchanta vai purA
05036003a sAdhyA devA vayam asmo maharSe; dRSTvA bhavantaM na zaknumo 'numAtum
05036003c zrutena dhIro buddhimAMs tvaM mato naH; kAvyAM vAcaM vaktum arhasy udArAm
05036004  haMsa uvAca
05036004a etat kAryam amarAH saMzrutaM me; dhRtiH zamaH satyadharmAnuvRttiH
05036004c granthiM vinIya hRdayasya sarvaM; priyApriye cAtmavazaM nayIta
05036005a AkruzyamAno nAkrozen manyur eva titikSitaH
05036005c AkroSTAraM nirdahati sukRtaM cAsya vindati
05036006a nAkrozI syAn nAvamAnI parasya; mitradrohI nota nIcopasevI
05036006c na cAtimAnI na ca hInavRtto; rUkSAM vAcaM ruzatIM varjayIta
05036007a marmANy asthIni hRdayaM tathAsUn; ghorA vAco nirdahantIha puMsAm
05036007c tasmAd vAcaM ruzatIM rUkSarUpAM; dharmArAmo nityazo varjayIta
05036008a aruMtudaM paruSaM rUkSavAcaM; vAkkaNTakair vitudantaM manuSyAn
05036008c vidyAd alakSmIkatamaM janAnAM; mukhe nibaddhAM nirRtiM vahantam
05036009a paraz ced enam adhividhyeta bANair; bhRzaM sutIkSNair analArkadIptaiH
05036009c viricyamAno 'py atiricyamAno; vidyAt kaviH sukRtaM me dadhAti
05036010a yadi santaM sevate yady asantaM; tapasvinaM yadi vA stenam eva
05036010c vAso yathA raGgavazaM prayAti; tathA sa teSAM vazam abhyupaiti
05036011a vAdaM tu yo na pravaden na vAdayed; yo nAhataH pratihanyAn na ghAtayet
05036011c yo hantukAmasya na pApam icchet; tasmai devAH spRhayanty AgatAya
05036012a avyAhRtaM vyAhRtAc chreya AhuH; satyaM vaded vyAhRtaM tad dvitIyam
05036012c priyaM vaded vyAhRtaM tat tRtIyaM; dharmyaM vaded vyAhRtaM tac caturtham
05036013a yAdRzaiH saMvivadate yAdRzAMz copasevate
05036013c yAdRg icchec ca bhavituM tAdRg bhavati pUruSaH
05036014a yato yato nivartate tatas tato vimucyate
05036014c nivartanAd dhi sarvato na vetti duHkham aNv api
05036015a na jIyate nota jigISate 'nyAn; na vairakRc cApratighAtakaz ca
05036015c nindAprazaMsAsu samasvabhAvo; na zocate hRSyati naiva cAyam
05036016a bhAvam icchati sarvasya nAbhAve kurute matim
05036016c satyavAdI mRdur dAnto yaH sa uttamapUruSaH
05036017a nAnarthakaM sAntvayati pratijJAya dadAti ca
05036017c rAddhAparAddhe jAnAti yaH sa madhyamapUruSaH
05036018a duHzAsanas tUpahantA na zAstA; nAvartate manyuvazAt kRtaghnaH
05036018c na kasya cin mitram atho durAtmA; kalAz caitA adhamasyeha puMsaH
05036019a na zraddadhAti kalyANaM parebhyo 'py AtmazaGkitaH
05036019c nirAkaroti mitrANi yo vai so 'dhamapUruSaH
05036020a uttamAn eva seveta prApte kAle tu madhyamAn
05036020c adhamAMs tu na seveta ya icchec chreya AtmanaH
05036021a prApnoti vai vittam asadbalena; nityotthAnAt prajJayA pauruSeNa
05036021c na tv eva samyag labhate prazaMsAM; na vRttam Apnoti mahAkulAnAm
05036022  dhRtarASTra uvAca
05036022a mahAkulAnAM spRhayanti devA; dharmArthavRddhAz ca bahuzrutAz ca
05036022c pRcchAmi tvAM vidura praznam etaM; bhavanti vai kAni mahAkulAni
05036023  vidura uvAca
05036023a tapo damo brahmavit tvaM vitAnAH; puNyA vivAhAH satatAnnadAnam
05036023c yeSv evaite sapta guNA bhavanti; samyag vRttAs tAni mahAkulAni
05036024a yeSAM na vRttaM vyathate na yonir; vRttaprasAdena caranti dharmam
05036024c ye kIrtim icchanti kule viziSTAM; tyaktAnRtAs tAni mahAkulAni
05036025a anijyayAvivAhaiz ca vedasyotsAdanena ca
05036025c kulAny akulatAM yAnti dharmasyAtikrameNa ca
05036026a devadravyavinAzena brahmasvaharaNena ca
05036026c kulAny akulatAM yAnti brAhmaNAtikrameNa ca
05036027a brAhmaNAnAM paribhavAt parivAdAc ca bhArata
05036027c kulAny akulatAM yAnti nyAsApaharaNena ca
05036028a kulAni samupetAni gobhiH puruSato 'zvataH
05036028c kulasaMkhyAM na gacchanti yAni hInAni vRttataH
05036029a vRttatas tv avihInAni kulAny alpadhanAny api
05036029c kulasaMkhyAM tu gacchanti karSanti ca mahad yazaH
05036030a mA naH kule vairakRt kaz cid astu; rAjAmAtyo mA parasvApahArI
05036030c mitradrohI naikRtiko 'nRtI vA; pUrvAzI vA pitRdevAtithibhyaH
05036031a yaz ca no brAhmaNaM hanyAd yaz ca no brAhmaNAn dviSet
05036031c na naH sa samitiM gacched yaz ca no nirvapet kRSim
05036032a tRNAni bhUmir udakaM vAk caturthI ca sUnRtA
05036032c satAm etAni geheSu nocchidyante kadA cana
05036033a zraddhayA parayA rAjann upanItAni satkRtim
05036033c pravRttAni mahAprAjJa dharmiNAM puNyakarmaNAm
05036034a sUkSmo 'pi bhAraM nRpate syandano vai; zakto voDhuM na tathAnye mahIjAH
05036034c evaM yuktA bhArasahA bhavanti; mahAkulInA na tathAnye manuSyAH
05036035a na tan mitraM yasya kopAd bibheti; yad vA mitraM zaGkitenopacaryam
05036035c yasmin mitre pitarIvAzvasIta; tad vai mitraM saMgatAnItarANi
05036036a yadi ced apy asaMbandho mitrabhAvena vartate
05036036c sa eva bandhus tan mitraM sA gatis tatparAyaNam
05036037a calacittasya vai puMso vRddhAn anupasevataH
05036037c pAriplavamater nityam adhruvo mitrasaMgrahaH
05036038a calacittam anAtmAnam indriyANAM vazAnugam
05036038c arthAH samativartante haMsAH zuSkaM saro yathA
05036039a akasmAd eva kupyanti prasIdanty animittataH
05036039c zIlam etad asAdhUnAm abhraM pAriplavaM yathA
05036040a satkRtAz ca kRtArthAz ca mitrANAM na bhavanti ye
05036040c tAn mRtAn api kravyAdAH kRtaghnAn nopabhuJjate
05036041a arthayed eva mitrANi sati vAsati vA dhane
05036041c nAnarthayan vijAnAti mitrANAM sAraphalgutAm
05036042a saMtApAd bhrazyate rUpaM saMtApAd bhrazyate balam
05036042c saMtApAd bhrazyate jJAnaM saMtApAd vyAdhim Rcchati
05036043a anavApyaM ca zokena zarIraM copatapyate
05036043c amitrAz ca prahRSyanti mA sma zoke manaH kRthAH
05036044a punar naro mriyate jAyate ca; punar naro hIyate vardhate punaH
05036044c punar naro yAcati yAcyate ca; punar naraH zocati zocyate punaH
05036045a sukhaM ca duHkhaM ca bhavAbhavau ca; lAbhAlAbhau maraNaM jIvitaM ca
05036045c paryAyazaH sarvam iha spRzanti; tasmAd dhIro naiva hRSyen na zocet
05036046a calAni hImAni SaDindriyANi; teSAM yad yad vartate yatra yatra
05036046c tatas tataH sravate buddhir asya; chidrodakumbhAd iva nityam ambhaH
05036047  dhRtarASTra uvAca
05036047a tanur uccaH zikhI rAjA mithyopacarito mayA
05036047c mandAnAM mama putrANAM yuddhenAntaM kariSyati
05036048a nityodvignam idaM sarvaM nityodvignam idaM manaH
05036048c yat tat padam anudvignaM tan me vada mahAmate
05036049  vidura uvAca
05036049a nAnyatra vidyAtapasor nAnyatrendriyanigrahAt
05036049c nAnyatra lobhasaMtyAgAc chAntiM pazyAmi te 'nagha
05036050a buddhyA bhayaM praNudati tapasA vindate mahat
05036050c guruzuzrUSayA jJAnaM zAntiM tyAgena vindati
05036051a anAzritA dAnapuNyaM vedapuNyam anAzritAH
05036051c rAgadveSavinirmuktA vicarantIha mokSiNaH
05036052a svadhItasya suyuddhasya sukRtasya ca karmaNaH
05036052c tapasaz ca sutaptasya tasyAnte sukham edhate
05036053a svAstIrNAni zayanAni prapannA; na vai bhinnA jAtu nidrAM labhante
05036053c na strISu rAjan ratim Apnuvanti; na mAgadhaiH stUyamAnA na sUtaiH
05036054a na vai bhinnA jAtu caranti dharmaM; na vai sukhaM prApnuvantIha bhinnAH
05036054c na vai bhinnA gauravaM mAnayanti; na vai bhinnAH prazamaM rocayanti
05036055a na vai teSAM svadate pathyam uktaM; yogakSemaM kalpate nota teSAm
05036055c bhinnAnAM vai manujendra parAyaNaM; na vidyate kiM cid anyad vinAzAt
05036056a saMbhAvyaM goSu saMpannaM saMbhAvyaM brAhmaNe tapaH
05036056c saMbhAvyaM strISu cApalyaM saMbhAvyaM jJAtito bhayam
05036057a tantavo 'py AyatA nityaM tantavo bahulAH samAH
05036057c bahUn bahutvAd AyAsAn sahantIty upamA satAm
05036058a dhUmAyante vyapetAni jvalanti sahitAni ca
05036058c dhRtarASTrolmukAnIva jJAtayo bharatarSabha
05036059a brAhmaNeSu ca ye zUrAH strISu jJAtiSu goSu ca
05036059c vRntAd iva phalaM pakvaM dhRtarASTra patanti te
05036060a mahAn apy ekajo vRkSo balavAn supratiSThitaH
05036060c prasahya eva vAtena zAkhAskandhaM vimarditum
05036061a atha ye sahitA vRkSAH saMghazaH supratiSThitAH
05036061c te hi zIghratamAn vAtAn sahante 'nyonyasaMzrayAt
05036062a evaM manuSyam apy ekaM guNair api samanvitam
05036062c zakyaM dviSanto manyante vAyur drumam ivaikajam
05036063a anyonyasamupaSTambhAd anyonyApAzrayeNa ca
05036063c jJAtayaH saMpravardhante sarasIvotpalAny uta
05036064a avadhyA brAhmaNA gAvaH striyo bAlAz ca jJAtayaH
05036064c yeSAM cAnnAni bhuJjIta ye ca syuH zaraNAgatAH
05036065a na manuSye guNaH kaz cid anyo dhanavatAm api
05036065c anAturatvAd bhadraM te mRtakalpA hi rogiNaH
05036066a avyAdhijaM kaTukaM zIrSarogaM; pApAnubandhaM paruSaM tIkSNam ugram
05036066c satAM peyaM yan na pibanty asanto; manyuM mahArAja piba prazAmya
05036067a rogArditA na phalAny Adriyante; na vai labhante viSayeSu tattvam
05036067c duHkhopetA rogiNo nityam eva; na budhyante dhanabhogAn na saukhyam
05036068a purA hy ukto nAkaros tvaM vaco me; dyUte jitAM draupadIM prekSya rAjan
05036068c duryodhanaM vArayety akSavatyAM; kitavatvaM paNDitA varjayanti
05036069a na tad balaM yan mRdunA virudhyate; mizro dharmas tarasA sevitavyaH
05036069c pradhvaMsinI krUrasamAhitA zrIr; mRduprauDhA gacchati putrapautrAn
05036070a dhArtarASTrAH pANDavAn pAlayantu; pANDoH sutAs tava putrAMz ca pAntu
05036070c ekArimitrAH kuravo hy ekamantrA; jIvantu rAjan sukhinaH samRddhAH
05036071a meDhIbhUtaH kauravANAM tvam adya; tvayy AdhInaM kurukulam AjamIDha
05036071c pArthAn bAlAn vanavAsaprataptAn; gopAyasva svaM yazas tAta rakSan
05036072a saMdhatsva tvaM kauravAn pANDuputrair; mA te 'ntaraM ripavaH prArthayantu
05036072c satye sthitAs te naradeva sarve; duryodhanaM sthApaya tvaM narendra
05037001  vidura uvAca
05037001a saptadazemAn rAjendra manuH svAyaMbhuvo 'bravIt
05037001c vaicitravIrya puruSAn AkAzaM muSTibhir ghnataH
05037002a tAn evendrasya hi dhanur anAmyaM namato 'bravIt
05037002c atho marIcinaH pAdAn anAmyAn namatas tathA
05037003a yaz cAziSyaM zAsati yaz ca kupyate; yaz cAtivelaM bhajate dviSantam
05037003c striyaz ca yo 'rakSati bhadram astu te; yaz cAyAcyaM yAcati yaz ca katthate
05037004a yaz cAbhijAtaH prakaroty akAryaM; yaz cAbalo balinA nityavairI
05037004c azraddadhAnAya ca yo bravIti; yaz cAkAmyaM kAmayate narendra
05037005a vadhvA hAsaM zvazuro yaz ca manyate; vadhvA vasann uta yo mAnakAmaH
05037005c parakSetre nirvapati yaz ca bIjaM; striyaM ca yaH parivadate 'tivelam
05037006a yaz caiva labdhvA na smarAmIty uvAca; dattvA ca yaH katthati yAcyamAnaH
05037006c yaz cAsataH sAntvam upAsatIha; ete 'nuyAnty anilaM pAzahastAH
05037007a yasmin yathA vartate yo manuSyas; tasmiMs tathA vartitavyaM sa dharmaH
05037007c mAyAcAro mAyayA vartitavyaH; sAdhv AcAraH sAdhunA pratyudeyaH
05037008  dhRtarASTra uvAca
05037008a zatAyur uktaH puruSaH sarvavedeSu vai yadA
05037008c nApnoty atha ca tat sarvam AyuH keneha hetunA
05037009  vidura uvAca
05037009a ativAdo 'timAnaz ca tathAtyAgo narAdhipa
05037009c krodhaz cAtivivitsA ca mitradrohaz ca tAni SaT
05037010a eta evAsayas tIkSNAH kRntanty AyUMSi dehinAm
05037010c etAni mAnavAn ghnanti na mRtyur bhadram astu te
05037011a vizvastasyaiti yo dArAn yaz cApi gurutalpagaH
05037011c vRSalIpatir dvijo yaz ca pAnapaz caiva bhArata
05037012a zaraNAgatahA caiva sarve brahmahaNaiH samAH
05037012c etaiH sametya kartavyaM prAyazcittam iti zrutiH
05037013a gRhI vadAnyo 'napaviddhavAkyaH; zeSAnnabhoktApy avihiMsakaz ca
05037013c nAnarthakRt tyaktakaliH kRtajJaH; satyo mRduH svargam upaiti vidvAn
05037014a sulabhAH puruSA rAjan satataM priyavAdinaH
05037014c apriyasya tu pathyasya vaktA zrotA ca durlabhaH
05037015a yo hi dharmaM vyapAzritya hitvA bhartuH priyApriye
05037015c apriyANy Aha pathyAni tena rAjA sahAyavAn
05037016a tyajet kulArthe puruSaM grAmasyArthe kulaM tyajet
05037016c grAmaM janapadasyArthe AtmArthe pRthivIM tyajet
05037017a ApadarthaM dhanaM rakSed dArAn rakSed dhanair api
05037017c AtmAnaM satataM rakSed dArair api dhanair api
05037018a uktaM mayA dyUtakAle 'pi rAjan; naivaM yuktaM vacanaM prAtipIya
05037018c tadauSadhaM pathyam ivAturasya; na rocate tava vaicitravIrya
05037019a kAkair imAMz citrabarhAn mayUrAn; parAjaiSThAH pANDavAn dhArtarASTraiH
05037019c hitvA siMhAn kroSTukAn gUhamAnaH; prApte kAle zocitA tvaM narendra
05037020a yas tAta na krudhyati sarvakAlaM; bhRtyasya bhaktasya hite ratasya
05037020c tasmin bhRtyA bhartari vizvasanti; na cainam Apatsu parityajanti
05037021a na bhRtyAnAM vRttisaMrodhanena; bAhyaM janaM saMjighRkSed apUrvam
05037021c tyajanti hy enam ucitAvaruddhAH; snigdhA hy amAtyAH parihInabhogAH
05037022a kRtyAni pUrvaM parisaMkhyAya sarvANy; AyavyayAv anurUpAM ca vRttim
05037022c saMgRhNIyAd anurUpAn sahAyAn; sahAyasAdhyAni hi duSkarANi
05037023a abhiprAyaM yo viditvA tu bhartuH; sarvANi kAryANi karoty atandrIH
05037023c vaktA hitAnAm anurakta AryaH; zaktijJa Atmeva hi so 'nukampyaH
05037024a vAkyaM tu yo nAdriyate 'nuziSTaH; pratyAha yaz cApi niyujyamAnaH
05037024c prajJAbhimAnI pratikUlavAdI; tyAjyaH sa tAdRk tvarayaiva bhRtyaH
05037025a astabdham aklIbam adIrghasUtraM; sAnukrozaM zlakSNam ahAryam anyaiH
05037025c arogajAtIyam udAravAkyaM; dUtaM vadanty aSTaguNopapannam
05037026a na vizvAsAj jAtu parasya gehaM; gacchen naraz cetayAno vikAle
05037026c na catvare nizi tiSThen nigUDho; na rAjanyAM yoSitaM prArthayIta
05037027a na nihnavaM satragatasya gacchet; saMsRSTamantrasya kusaMgatasya
05037027c na ca brUyAn nAzvasAmi tvayIti; sakAraNaM vyapadezaM tu kuryAt
05037028a ghRNI rAjA puMzcalI rAjabhRtyaH; putro bhrAtA vidhavA bAlaputrA
05037028c senAjIvI coddhRtabhakta eva; vyavahAre vai varjanIyAH syur ete
05037029a guNA daza snAnazIlaM bhajante; balaM rUpaM svaravarNaprazuddhiH
05037029c sparzaz ca gandhaz ca vizuddhatA ca; zrIH saukumAryaM pravarAz ca nAryaH
05037030a guNAz ca SaNmitabhuktaM bhajante; Arogyam Ayuz ca sukhaM balaM ca
05037030c anAvilaM cAsya bhaved apatyaM; na cainam AdyUna iti kSipanti
05037031a akarmazIlaM ca mahAzanaM ca; lokadviSTaM bahumAyaM nRzaMsam
05037031c adezakAlajJam aniSTaveSam; etAn gRhe na prativAsayIta
05037032a kadaryam Akrozakam azrutaM ca; varAkasaMbhUtam amAnyamAninam
05037032c niSThUriNaM kRtavairaM kRtaghnam; etAn bhRzArto 'pi na jAtu yAcet
05037033a saMkliSTakarmANam atipravAdaM; nityAnRtaM cAdRDhabhaktikaM ca
05037033c vikRSTarAgaM bahumAninaM cApy; etAn na seveta narAdhamAn SaT
05037034a sahAyabandhanA hy arthAH sahAyAz cArthabandhanAH
05037034c anyonyabandhanAv etau vinAnyonyaM na sidhyataH
05037035a utpAdya putrAn anRNAMz ca kRtvA; vRttiM ca tebhyo 'nuvidhAya kAM cit
05037035c sthAne kumArIH pratipAdya sarvA; araNyasaMstho munivad bubhUSet
05037036a hitaM yat sarvabhUtAnAm Atmanaz ca sukhAvaham
05037036c tat kuryAd Izvaro hy etan mUlaM dharmArthasiddhaye
05037037a buddhiH prabhAvas tejaz ca sattvam utthAnam eva ca
05037037c vyavasAyaz ca yasya syAt tasyAvRttibhayaM kutaH
05037038a pazya doSAn pANDavair vigrahe tvaM; yatra vyatherann api devAH sazakrAH
05037038c putrair vairaM nityam udvignavAso; yazaHpraNAzo dviSatAM ca harSaH
05037039a bhISmasya kopas tava cendrakalpa; droNasya rAjJaz ca yudhiSThirasya
05037039c utsAdayel lokam imaM pravRddhaH; zveto grahas tiryag ivApatan khe
05037040a tava putrazataM caiva karNaH paJca ca pANDavAH
05037040c pRthivIm anuzAseyur akhilAM sAgarAmbarAm
05037041a dhArtarASTrA vanaM rAjan vyAghrAH pANDusutA matAH
05037041c mA vanaM chindhi savyAghraM mA vyAghrAn nInazo vanAt
05037042a na syAd vanam Rte vyAghrAn vyAghrA na syur Rte vanam
05037042c vanaM hi rakSyate vyAghrair vyAghrAn rakSati kAnanam
05037043a na tathecchanty akalyANAH pareSAM vedituM guNAn
05037043c yathaiSAM jJAtum icchanti nairguNyaM pApacetasaH
05037044a arthasiddhiM parAm icchan dharmam evAditaz caret
05037044c na hi dharmAd apaity arthaH svargalokAd ivAmRtam
05037045a yasyAtmA virataH pApAt kalyANe ca nivezitaH
05037045c tena sarvam idaM buddhaM prakRtir vikRtiz ca yA
05037046a yo dharmam arthaM kAmaM ca yathAkAlaM niSevate
05037046c dharmArthakAmasaMyogaM so 'mutreha ca vindati
05037047a saMniyacchati yo vegam utthitaM krodhaharSayoH
05037047c sa zriyo bhAjanaM rAjan yaz cApatsu na muhyati
05037048a balaM paJcavidhaM nityaM puruSANAM nibodha me
05037048c yat tu bAhubalaM nAma kaniSThaM balam ucyate
05037049a amAtyalAbho bhadraM te dvitIyaM balam ucyate
05037049c dhanalAbhas tRtIyaM tu balam Ahur jigISavaH
05037050a yat tv asya sahajaM rAjan pitRpaitAmahaM balam
05037050c abhijAtabalaM nAma tac caturthaM balaM smRtam
05037051a yena tv etAni sarvANi saMgRhItAni bhArata
05037051c yad balAnAM balaM zreSThaM tat prajJAbalam ucyate
05037052a mahate yo 'pakArAya narasya prabhaven naraH
05037052c tena vairaM samAsajya dUrastho 'smIti nAzvaset
05037053a strISu rAjasu sarpeSu svAdhyAye zatruseviSu
05037053c bhoge cAyuSi vizvAsaM kaH prAjJaH kartum arhati
05037054a prajJAzareNAbhihatasya jantoz; cikitsakAH santi na cauSadhAni
05037054c na homamantrA na ca maGgalAni; nAtharvaNA nApy agadAH susiddhAH
05037055a sarpaz cAgniz ca siMhaz ca kulaputraz ca bhArata
05037055c nAvajJeyA manuSyeNa sarve te hy atitejasaH
05037056a agnis tejo mahal loke gUDhas tiSThati dAruSu
05037056c na copayuGkte tad dAru yAvan no dIpyate paraiH
05037057a sa eva khalu dArubhyo yadA nirmathya dIpyate
05037057c tadA tac ca vanaM cAnyan nirdahaty Azu tejasA
05037058a evam eva kule jAtAH pAvakopamatejasaH
05037058c kSamAvanto nirAkArAH kASThe 'gnir iva zerate
05037059a latAdharmA tvaM saputraH zAlAH pANDusutA matAH
05037059c na latA vardhate jAtu mahAdrumam anAzritA
05037060a vanaM rAjaMs tvaM saputro 'mbikeya; siMhAn vane pANDavAMs tAta viddhi
05037060c siMhair vihInaM hi vanaM vinazyet; siMhA vinazyeyur Rte vanena
05038001  vidura uvAca
05038001a UrdhvaM prANA hy utkrAmanti yUnaH sthavira Ayati
05038001c pratyutthAnAbhivAdAbhyAM punas tAn pratipadyate
05038002a pIThaM dattvA sAdhave 'bhyAgatAya; AnIyApaH parinirNijya pAdau
05038002c sukhaM pRSTvA prativedyAtmasaMsthaM; tato dadyAd annam avekSya dhIraH
05038003a yasyodakaM madhuparkaM ca gAM ca; namantravit pratigRhNAti gehe
05038003c lobhAd bhayAd arthakArpaNyato vA; tasyAnarthaM jIvitam Ahur AryAH
05038004a cikitsakaH zalyakartAvakIrNI; stenaH krUro madyapo bhrUNahA ca
05038004c senAjIvI zrutivikrAyakaz ca; bhRzaM priyo 'py atithir nodakArhaH
05038005a avikreyaM lavaNaM pakvam annaM; dadhi kSIraM madhu tailaM ghRtaM ca
05038005c tilA mAMsaM mUlaphalAni zAkaM; raktaM vAsaH sarvagandhA guDaz ca
05038006a aroSaNo yaH samaloSTakAJcanaH; prahINazoko gatasaMdhivigrahaH
05038006c nindAprazaMsoparataH priyApriye; carann udAsInavad eSa bhikSukaH
05038007a nIvAramUleGgudazAkavRttiH; susaMyatAtmAgnikAryeSv acodyaH
05038007c vane vasann atithiSv apramatto; dhuraMdharaH puNyakRd eSa tApasaH
05038008a apakRtvA buddhimato dUrastho 'smIti nAzvaset
05038008c dIrghau buddhimato bAhU yAbhyAM hiMsati hiMsitaH
05038009a na vizvased avizvaste vizvaste nAtivizvaset
05038009c vizvAsAd bhayam utpannaM mUlAny api nikRntati
05038010a anIrSyur guptadAraH syAt saMvibhAgI priyaMvadaH
05038010c zlakSNo madhuravAk strINAM na cAsAM vazago bhavet
05038011a pUjanIyA mahAbhAgAH puNyAz ca gRhadIptayaH
05038011c striyaH zriyo gRhasyoktAs tasmAd rakSyA vizeSataH
05038012a pitur antaHpuraM dadyAn mAtur dadyAn mahAnasam
05038012c goSu cAtmasamaM dadyAt svayam eva kRSiM vrajet
05038012e bhRtyair vaNijyAcAraM ca putraiH seveta brAhmaNAn
05038013a adbhyo 'gnir brahmataH kSatram azmano loham utthitam
05038013c teSAM sarvatragaM tejaH svAsu yoniSu zAmyati
05038014a nityaM santaH kule jAtAH pAvakopamatejasaH
05038014c kSamAvanto nirAkArAH kASThe 'gnir iva zerate
05038015a yasya mantraM na jAnanti bAhyAz cAbhyantarAz ca ye
05038015c sa rAjA sarvatazcakSuz ciram aizvaryam aznute
05038016a kariSyan na prabhASeta kRtAny eva ca darzayet
05038016c dharmakAmArthakAryANi tathA mantro na bhidyate
05038017a giripRSTham upAruhya prAsAdaM vA rahogataH
05038017c araNye niHzalAke vA tatra mantro vidhIyate
05038018a nAsuhRt paramaM mantraM bhAratArhati veditum
05038018c apaNDito vApi suhRt paNDito vApy anAtmavAn
05038018e amAtye hy arthalipsA ca mantrarakSaNam eva ca
05038019a kRtAni sarvakAryANi yasya vA pArSadA viduH
05038019c gUDhamantrasya nRpates tasya siddhir asaMzayam
05038020a aprazastAni karmANi yo mohAd anutiSThati
05038020c sa teSAM viparibhraMze bhrazyate jIvitAd api
05038021a karmaNAM tu prazastAnAm anuSThAnaM sukhAvaham
05038021c teSAm evAnanuSThAnaM pazcAttApakaraM mahat
05038022a sthAnavRddhikSayajJasya SADguNyaviditAtmanaH
05038022c anavajJAtazIlasya svAdhInA pRthivI nRpa
05038023a amoghakrodhaharSasya svayaM kRtyAnvavekSiNaH
05038023c Atmapratyayakozasya vasudheyaM vasuMdharA
05038024a nAmamAtreNa tuSyeta chatreNa ca mahIpatiH
05038024c bhRtyebhyo visRjed arthAn naikaH sarvaharo bhavet
05038025a brAhmaNo brAhmaNaM veda bhartA veda striyaM tathA
05038025c amAtyaM nRpatir veda rAjA rAjAnam eva ca
05038026a na zatrur aGkam Apanno moktavyo vadhyatAM gataH
05038026c ahatAd dhi bhayaM tasmAj jAyate nacirAd iva
05038027a daivateSu ca yatnena rAjasu brAhmaNeSu ca
05038027c niyantavyaH sadA krodho vRddhabAlAtureSu ca
05038028a nirarthaM kalahaM prAjJo varjayen mUDhasevitam
05038028c kIrtiM ca labhate loke na cAnarthena yujyate
05038029a prasAdo niSphalo yasya krodhaz cApi nirarthakaH
05038029c na taM bhartAram icchanti SaNDhaM patim iva striyaH
05038030a na buddhir dhanalAbhAya na jADyam asamRddhaye
05038030c lokaparyAyavRttAntaM prAjJo jAnAti netaraH
05038031a vidyAzIlavayovRddhAn buddhivRddhAMz ca bhArata
05038031c dhanAbhijanavRddhAMz ca nityaM mUDho 'vamanyate
05038032a anAryavRttam aprAjJam asUyakam adhArmikam
05038032c anarthAH kSipram AyAnti vAgduSTaM krodhanaM tathA
05038033a avisaMvAdanaM dAnaM samayasyAvyatikramaH
05038033c Avartayanti bhUtAni samyak praNihitA ca vAk
05038034a avisaMvAdako dakSaH kRtajJo matimAn RjuH
05038034c api saMkSINakozo 'pi labhate parivAraNam
05038035a dhRtiH zamo damaH zaucaM kAruNyaM vAg aniSThurA
05038035c mitrANAM cAnabhidrohaH saptaitAH samidhaH zriyaH
05038036a asaMvibhAgI duSTAtmA kRtaghno nirapatrapaH
05038036c tAdRG narAdhamo loke varjanIyo narAdhipa
05038037a na sa rAtrau sukhaM zete sasarpa iva vezmani
05038037c yaH kopayati nirdoSaM sadoSo 'bhyantaraM janam
05038038a yeSu duSTeSu doSaH syAd yogakSemasya bhArata
05038038c sadA prasAdanaM teSAM devatAnAm ivAcaret
05038039a ye 'rthAH strISu samAsaktAH prathamotpatiteSu ca
05038039c ye cAnAryasamAsaktAH sarve te saMzayaM gatAH
05038040a yatra strI yatra kitavo yatra bAlo 'nuzAsti ca
05038040c majjanti te 'vazA dezA nadyAm azmaplavA iva
05038041a prayojaneSu ye saktA na vizeSeSu bhArata
05038041c tAn ahaM paNDitAn manye vizeSA hi prasaGginaH
05038042a yaM prazaMsanti kitavA yaM prazaMsanti cAraNAH
05038042c yaM prazaMsanti bandhakyo na sa jIvati mAnavaH
05038043a hitvA tAn parameSvAsAn pANDavAn amitaujasaH
05038043c AhitaM bhArataizvaryaM tvayA duryodhane mahat
05038044a taM drakSyasi paribhraSTaM tasmAt tvaM nacirAd iva
05038044c aizvaryamadasaMmUDhaM baliM lokatrayAd iva
05039001  dhRtarASTra uvAca
05039001a anIzvaro 'yaM puruSo bhavAbhave; sUtraprotA dArumayIva yoSA
05039001c dhAtrA tu diSTasya vaze kilAyaM; tasmAd vada tvaM zravaNe dhRto 'ham
05039002  vidura uvAca
05039002a aprAptakAlaM vacanaM bRhaspatir api bruvan
05039002c labhate buddhyavajJAnam avamAnaM ca bhArata
05039003a priyo bhavati dAnena priyavAdena cAparaH
05039003c mantraM mUlabalenAnyo yaH priyaH priya eva saH
05039004a dveSyo na sAdhur bhavati na medhAvI na paNDitaH
05039004c priye zubhAni karmANi dveSye pApAni bhArata
05039005a na sa kSayo mahArAja yaH kSayo vRddhim Avahet
05039005c kSayaH sa tv iha mantavyo yaM labdhvA bahu nAzayet
05039006a samRddhA guNataH ke cid bhavanti dhanato 'pare
05039006c dhanavRddhAn guNair hInAn dhRtarASTra vivarjayet
05039007  dhRtarASTra uvAca
05039007a sarvaM tvam AyatIyuktaM bhASase prAjJasaMmatam
05039007c na cotsahe sutaM tyaktuM yato dharmas tato jayaH
05039008  vidura uvAca
05039008a svabhAvaguNasaMpanno na jAtu vinayAnvitaH
05039008c susUkSmam api bhUtAnAm upamardaM prayokSyate
05039009a parApavAdaniratAH paraduHkhodayeSu ca
05039009c parasparavirodhe ca yatante satatotthitAH
05039010a sadoSaM darzanaM yeSAM saMvAse sumahad bhayam
05039010c arthAdAne mahAn doSaH pradAne ca mahad bhayam
05039011a ye pApA iti vikhyAtAH saMvAse parigarhitAH
05039011c yuktAz cAnyair mahAdoSair ye narAs tAn vivarjayet
05039012a nivartamAne sauhArde prItir nIce praNazyati
05039012c yA caiva phalanirvRttiH sauhRde caiva yat sukham
05039013a yatate cApavAdAya yatnam Arabhate kSaye
05039013c alpe 'py apakRte mohAn na zAntim upagacchati
05039014a tAdRzaiH saMgataM nIcair nRzaMsair akRtAtmabhiH
05039014c nizAmya nipuNaM buddhyA vidvAn dUrAd vivarjayet
05039015a yo jJAtim anugRhNAti daridraM dInam Aturam
05039015c sa putrapazubhir vRddhiM yazaz cAvyayam aznute
05039016a jJAtayo vardhanIyAs tair ya icchanty AtmanaH zubham
05039016c kulavRddhiM ca rAjendra tasmAt sAdhu samAcara
05039017a zreyasA yokSyase rAjan kurvANo jJAtisatkriyAm
05039017c viguNA hy api saMrakSyA jJAtayo bharatarSabha
05039018a kiM punar guNavantas te tvatprasAdAbhikAGkSiNaH
05039018c prasAdaM kuru dInAnAM pANDavAnAM vizAM pate
05039019a dIyantAM grAmakAH ke cit teSAM vRttyartham Izvara
05039019c evaM loke yazaHprApto bhaviSyasi narAdhipa
05039020a vRddhena hi tvayA kAryaM putrANAM tAta rakSaNam
05039020c mayA cApi hitaM vAcyaM viddhi mAM tvaddhitaiSiNam
05039021a jJAtibhir vigrahas tAta na kartavyo bhavArthinA
05039021c sukhAni saha bhojyAni jJAtibhir bharatarSabha
05039022a saMbhojanaM saMkathanaM saMprItiz ca parasparam
05039022c jJAtibhiH saha kAryANi na virodhaH kathaM cana
05039023a jJAtayas tArayantIha jJAtayo majjayanti ca
05039023c suvRttAs tArayantIha durvRttA majjayanti ca
05039024a suvRtto bhava rAjendra pANDavAn prati mAnada
05039024c adharSaNIyaH zatrUNAM tair vRtas tvaM bhaviSyasi
05039025a zrImantaM jJAtim AsAdya yo jJAtir avasIdati
05039025c digdhahastaM mRga iva sa enas tasya vindati
05039026a pazcAd api narazreSTha tava tApo bhaviSyati
05039026c tAn vA hatAn sutAn vApi zrutvA tad anucintaya
05039027a yena khaTvAM samArUDhaH paritapyeta karmaNA
05039027c AdAv eva na tat kuryAd adhruve jIvite sati
05039028a na kaz cin nApanayate pumAn anyatra bhArgavAt
05039028c zeSasaMpratipattis tu buddhimatsv eva tiSThati
05039029a duryodhanena yady etat pApaM teSu purA kRtam
05039029c tvayA tat kulavRddhena pratyAneyaM narezvara
05039030a tAMs tvaM pade pratiSThApya loke vigatakalmaSaH
05039030c bhaviSyasi narazreSTha pUjanIyo manISiNAm
05039031a suvyAhRtAni dhIrANAM phalataH pravicintya yaH
05039031c adhyavasyati kAryeSu ciraM yazasi tiSThati
05039032a avRttiM vinayo hanti hanty anarthaM parAkramaH
05039032c hanti nityaM kSamA krodham AcAro hanty alakSaNam
05039033a paricchadena kSetreNa vezmanA paricaryayA
05039033c parIkSeta kulaM rAjan bhojanAcchAdanena ca
05039034a yayoz cittena vA cittaM naibhRtaM naibhRtena vA
05039034c sameti prajJayA prajJA tayor maitrI na jIryate
05039035a durbuddhim akRtaprajJaM channaM kUpaM tRNair iva
05039035c vivarjayIta medhAvI tasmin maitrI praNazyati
05039036a avalipteSu mUrkheSu raudrasAhasikeSu ca
05039036c tathaivApetadharmeSu na maitrIm Acared budhaH
05039037a kRtajJaM dhArmikaM satyam akSudraM dRDhabhaktikam
05039037c jitendriyaM sthitaM sthityAM mitram atyAgi ceSyate
05039038a indriyANAm anutsargo mRtyunA na viziSyate
05039038c atyarthaM punar utsargaH sAdayed daivatAny api
05039039a mArdavaM sarvabhUtAnAm anasUyA kSamA dhRtiH
05039039c AyuSyANi budhAH prAhur mitrANAM cAvimAnanA
05039040a apanItaM sunItena yo 'rthaM pratyAninISate
05039040c matim AsthAya sudRDhAM tad akApuruSavratam
05039041a AyatyAM pratikArajJas tadAtve dRDhanizcayaH
05039041c atIte kAryazeSajJo naro 'rthair na prahIyate
05039042a karmaNA manasA vAcA yad abhIkSNaM niSevate
05039042c tad evApaharaty enaM tasmAt kalyANam Acaret
05039043a maGgalAlambhanaM yogaH zrutam utthAnam Arjavam
05039043c bhUtim etAni kurvanti satAM cAbhIkSNadarzanam
05039044a anirvedaH zriyo mUlaM duHkhanAze sukhasya ca
05039044c mahAn bhavaty anirviNNaH sukhaM cAtyantam aznute
05039045a nAtaH zrImattaraM kiM cid anyat pathyatamaM tathA
05039045c prabhaviSNor yathA tAta kSamA sarvatra sarvadA
05039046a kSamed azaktaH sarvasya zaktimAn dharmakAraNAt
05039046c arthAnarthau samau yasya tasya nityaM kSamA hitA
05039047a yat sukhaM sevamAno 'pi dharmArthAbhyAM na hIyate
05039047c kAmaM tad upaseveta na mUDhavratam Acaret
05039048a duHkhArteSu pramatteSu nAstikeSv alaseSu ca
05039048c na zrIr vasaty adAnteSu ye cotsAhavivarjitAH
05039049a Arjavena naraM yuktam ArjavAt savyapatrapam
05039049c azaktimantaM manyanto dharSayanti kubuddhayaH
05039050a atyAryam atidAtAram atizUram ativratam
05039050c prajJAbhimAninaM caiva zrIr bhayAn nopasarpati
05039051a agnihotraphalA vedAH zIlavRttaphalaM zrutam
05039051c ratiputraphalA dArA dattabhuktaphalaM dhanam
05039052a adharmopArjitair arthair yaH karoty aurdhvadehikam
05039052c na sa tasya phalaM pretya bhuGkte 'rthasya durAgamAt
05039053a kAntAravanadurgeSu kRcchrAsv Apatsu saMbhrame
05039053c udyateSu ca zastreSu nAsti zeSavatAM bhayam
05039054a utthAnaM saMyamo dAkSyam apramAdo dhRtiH smRtiH
05039054c samIkSya ca samArambho viddhi mUlaM bhavasya tat
05039055a tapo balaM tApasAnAM brahma brahmavidAM balam
05039055c hiMsA balam asAdhUnAM kSamA guNavatAM balam
05039056a aSTau tAny avrataghnAni Apo mUlaM phalaM payaH
05039056c havir brAhmaNakAmyA ca guror vacanam auSadham
05039057a na tat parasya saMdadhyAt pratikUlaM yad AtmanaH
05039057c saMgraheNaiSa dharmaH syAt kAmAd anyaH pravartate
05039058a akrodhena jayet krodham asAdhuM sAdhunA jayet
05039058c jayet kadaryaM dAnena jayet satyena cAnRtam
05039059a strIdhUrtake 'lase bhIrau caNDe puruSamAnini
05039059c caure kRtaghne vizvAso na kAryo na ca nAstike
05039060a abhivAdanazIlasya nityaM vRddhopasevinaH
05039060c catvAri saMpravardhante kIrtir Ayur yazobalam
05039061a atiklezena ye 'rthAH syur dharmasyAtikrameNa ca
05039061c arer vA praNipAtena mA sma teSu manaH kRthAH
05039062a avidyaH puruSaH zocyaH zocyaM mithunam aprajam
05039062c nirAhArAH prajAH zocyAH zocyaM rASTram arAjakam
05039063a adhvA jarA dehavatAM parvatAnAM jalaM jarA
05039063c asaMbhogo jarA strINAM vAkzalyaM manaso jarA
05039064a anAmnAyamalA vedA brAhmaNasyAvrataM malam
05039064c kautUhalamalA sAdhvI vipravAsamalAH striyaH
05039065a suvarNasya malaM rUpyaM rUpyasyApi malaM trapu
05039065c jJeyaM trapumalaM sIsaM sIsasyApi malaM malam
05039066a na svapnena jayen nidrAM na kAmena striyaM jayet
05039066c nendhanena jayed agniM na pAnena surAM jayet
05039067a yasya dAnajitaM mitram amitrA yudhi nirjitAH
05039067c annapAnajitA dArAH saphalaM tasya jIvitam
05039068a sahasriNo 'pi jIvanti jIvanti zatinas tathA
05039068c dhRtarASTraM vimuJcecchAM na kathaM cin na jIvyate
05039069a yat pRthivyAM vrIhiyavaM hiraNyaM pazavaH striyaH
05039069c nAlam ekasya tat sarvam iti pazyan na muhyati
05039070a rAjan bhUyo bravImi tvAM putreSu samam Acara
05039070c samatA yadi te rAjan sveSu pANDusuteSu ca
05040001  vidura uvAca
05040001a yo 'bhyarthitaH sadbhir asajjamAnaH; karoty arthaM zaktim ahApayitvA
05040001c kSipraM yazas taM samupaiti santam; alaM prasannA hi sukhAya santaH
05040002a mahAntam apy artham adharmayuktaM; yaH saMtyajaty anupAkruSTa eva
05040002c sukhaM sa duHkhAny avamucya zete; jIrNAM tvacaM sarpa ivAvamucya
05040003a anRtaM ca samutkarSe rAjagAmi ca paizunam
05040003c guroz cAlIkanirbandhaH samAni brahmahatyayA
05040004a asUyaikapadaM mRtyur ativAdaH zriyo vadhaH
05040004c azuzrUSA tvarA zlAghA vidyAyAH zatravas trayaH
05040005a sukhArthinaH kuto vidyA nAsti vidyArthinaH sukham
05040005c sukhArthI vA tyajed vidyAM vidyArthI vA sukhaM tyajet
05040006a nAgnis tRpyati kASThAnAM nApagAnAM mahodadhiH
05040006c nAntakaH sarvabhUtAnAM na puMsAM vAmalocanA
05040007a AzA dhRtiM hanti samRddhim antakaH; krodhaH zriyaM hanti yazaH kadaryatA
05040007c apAlanaM hanti pazUMz ca rAjann; ekaH kruddho brAhmaNo hanti rASTram
05040008a ajaz ca kAMsyaM ca rathaz ca nityaM; madhv AkarSaH zakuniH zrotriyaz ca
05040008c vRddho jJAtir avasanno vayasya; etAni te santu gRhe sadaiva
05040009a ajokSA candanaM vINA Adarzo madhusarpiSI
05040009c viSam audumbaraM zaGkhaH svarNaM nAbhiz ca rocanA
05040010a gRhe sthApayitavyAni dhanyAni manur abravIt
05040010c devabrAhmaNapUjArtham atithInAM ca bhArata
05040011a idaM ca tvAM sarvaparaM bravImi; puNyaM padaM tAta mahAviziSTam
05040011c na jAtu kAmAn na bhayAn na lobhAd; dharmaM tyajej jIvitasyApi hetoH
05040012a nityo dharmaH sukhaduHkhe tv anitye; nityo jIvo dhAtur asya tv anityaH
05040012c tyaktvAnityaM pratitiSThasva nitye; saMtuSya tvaM toSaparo hi lAbhaH
05040013a mahAbalAn pazya mahAnubhAvAn; prazAsya bhUmiM dhanadhAnyapUrNAm
05040013c rAjyAni hitvA vipulAMz ca bhogAn; gatAn narendrAn vazam antakasya
05040014a mRtaM putraM duHkhapuSTaM manuSyA; utkSipya rAjan svagRhAn nirharanti
05040014c taM muktakezAH karuNaM rudantaz; citAmadhye kASTham iva kSipanti
05040015a anyo dhanaM pretagatasya bhuGkte; vayAMsi cAgniz ca zarIradhAtUn
05040015c dvAbhyAm ayaM saha gacchaty amutra; puNyena pApena ca veSTyamAnaH
05040016a utsRjya vinivartante jJAtayaH suhRdaH sutAH
05040016c agnau prAstaM tu puruSaM karmAnveti svayaMkRtam
05040017a asmAl lokAd Urdhvam amuSya cAdho; mahat tamas tiSThati hy andhakAram
05040017c tad vai mahAmohanam indriyANAM; budhyasva mA tvAM pralabheta rAjan
05040018a idaM vacaH zakSyasi ced yathAvan; nizamya sarvaM pratipattum evam
05040018c yazaH paraM prApsyasi jIvaloke; bhayaM na cAmutra na ceha te 'sti
05040019a AtmA nadI bhArata puNyatIrthA; satyodakA dhRtikUlA damormiH
05040019c tasyAM snAtaH pUyate puNyakarmA; puNyo hy AtmA nityam ambho 'mbha eva
05040020a kAmakrodhagrAhavatIM paJcendriyajalAM nadIm
05040020c kRtvA dhRtimayIM nAvaM janmadurgANi saMtara
05040021a prajJAvRddhaM dharmavRddhaM svabandhuM; vidyAvRddhaM vayasA cApi vRddham
05040021c kAryAkArye pUjayitvA prasAdya; yaH saMpRcchen na sa muhyet kadA cit
05040022a dhRtyA ziznodaraM rakSet pANipAdaM ca cakSuSA
05040022c cakSuHzrotre ca manasA mano vAcaM ca karmaNA
05040023a nityodakI nityayajJopavItI; nityasvAdhyAyI patitAnnavarjI
05040023c RtaM bruvan gurave karma kurvan; na brAhmaNaz cyavate brahmalokAt
05040024a adhItya vedAn parisaMstIrya cAgnIn; iSTvA yajJaiH pAlayitvA prajAz ca
05040024c gobrAhmaNArthe zastrapUtAntarAtmA; hataH saMgrAme kSatriyaH svargam eti
05040025a vaizyo 'dhItya brAhmaNAn kSatriyAMz ca; dhanaiH kAle saMvibhajyAzritAMz ca
05040025c tretApUtaM dhUmam AghrAya puNyaM; pretya svarge devasukhAni bhuGkte
05040026a brahmakSatraM vaizyavarNaM ca zUdraH; krameNaitAn nyAyataH pUjayAnaH
05040026c tuSTeSv eteSv avyatho dagdhapApas; tyaktvA dehaM svargasukhAni bhuGkte
05040027a cAturvarNyasyaiSa dharmas tavokto; hetuM cAtra bruvato me nibodha
05040027c kSAtrAd dharmAd dhIyate pANDuputras; taM tvaM rAjan rAjadharme niyuGkSva
05040028  dhRtarASTra uvAca
05040028a evam etad yathA mAM tvam anuzAsasi nityadA
05040028c mamApi ca matiH saumya bhavaty evaM yathAttha mAm
05040029a sA tu buddhiH kRtApy evaM pANDavAn prati me sadA
05040029c duryodhanaM samAsAdya punar viparivartate
05040030a na diSTam abhyatikrAntuM zakyaM martyena kena cit
05040030c diSTam eva kRtaM manye pauruSaM tu nirarthakam
05041001  dhRtarASTra uvAca
05041001a anuktaM yadi te kiM cid vAcA vidura vidyate
05041001c tan me zuzrUSave brUhi vicitrANi hi bhASase
05041002  vidura uvAca
05041002a dhRtarASTra kumAro vai yaH purANaH sanAtanaH
05041002c sanatsujAtaH provAca mRtyur nAstIti bhArata
05041003a sa te guhyAn prakAzAMz ca sarvAn hRdayasaMzrayAn
05041003c pravakSyati mahArAja sarvabuddhimatAM varaH
05041004  dhRtarASTra uvAca
05041004a kiM tvaM na veda tad bhUyo yan me brUyAt sanAtanaH
05041004c tvam eva vidura brUhi prajJAzeSo 'sti cet tava
05041005  vidura uvAca
05041005a zUdrayonAv ahaM jAto nAto 'nyad vaktum utsahe
05041005c kumArasya tu yA buddhir veda tAM zAzvatIm aham
05041006a brAhmIM hi yonim ApannaH suguhyam api yo vadet
05041006c na tena garhyo devAnAM tasmAd etad bravImi te
05041007  dhRtarASTra uvAca
05041007a bravIhi vidura tvaM me purANaM taM sanAtanam
05041007c katham etena dehena syAd ihaiva samAgamaH
05041008  vaizaMpAyana uvAca
05041008a cintayAm Asa viduras tam RSiM saMzitavratam
05041008c sa ca tac cintitaM jJAtvA darzayAm Asa bhArata
05041009a sa cainaM pratijagrAha vidhidRSTena karmaNA
05041009c sukhopaviSTaM vizrAntam athainaM viduro 'bravIt
05041010a bhagavan saMzayaH kaz cid dhRtarASTrasya mAnase
05041010c yo na zakyo mayA vaktuM tam asmai vaktum arhasi
05041010e yaM zrutvAyaM manuSyendraH sukhaduHkhAtigo bhavet
05041011a lAbhAlAbhau priyadveSyau yathainaM na jarAntakau
05041011c viSaheran bhayAmarSau kSutpipAse madodbhavau
05041011e aratiz caiva tandrI ca kAmakrodhau kSayodayau
05042001  vaizaMpAyana uvAca
05042001a tato rAjA dhRtarASTro manISI; saMpUjya vAkyaM vidureritaM tat
05042001c sanatsujAtaM rahite mahAtmA; papraccha buddhiM paramAM bubhUSan
05042002  dhRtarASTra uvAca
05042002a sanatsujAta yadIdaM zRNomi; mRtyur hi nAstIti tavopadezam
05042002c devAsurA hy Acaran brahmacaryam; amRtyave tat kataran nu satyam
05042003  sanatsujAta uvAca
05042003a amRtyuH karmaNA ke cin mRtyur nAstIti cApare
05042003c zRNu me bruvato rAjan yathaitan mA vizaGkithAH
05042004a ubhe satye kSatriyAdyapravRtte; moho mRtyuH saMmato yaH kavInAm
05042004c pramAdaM vai mRtyum ahaM bravImi; sadApramAdam amRtatvaM bravImi
05042005a pramAdAd vai asurAH parAbhavann; apramAdAd brahmabhUtA bhavanti
05042005c na vai mRtyur vyAghra ivAtti jantUn; na hy asya rUpam upalabhyate ha
05042006a yamaM tv eke mRtyum ato 'nyam Ahur; AtmAvasannam amRtaM brahmacaryam
05042006c pitRloke rAjyam anuzAsti devaH; zivaH zivAnAm azivo 'zivAnAm
05042007a AsyAd eSa niHsarate narANAM; krodhaH pramAdo moharUpaz ca mRtyuH
05042007c te mohitAs tadvaze vartamAnA; itaH pretAs tatra punaH patanti
05042008a tatas taM devA anu viplavante; ato mRtyur maraNAkhyAm upaiti
05042008c karmodaye karmaphalAnurAgAs; tatrAnu yAnti na taranti mRtyum
05042009a yo 'bhidhyAyann utpatiSNUn nihanyAd; anAdareNApratibudhyamAnaH
05042009c sa vai mRtyur mRtyur ivAtti bhUtvA; evaM vidvAn yo vinihanti kAmAn
05042010a kAmAnusArI puruSaH kAmAn anu vinazyati
05042010c kAmAn vyudasya dhunute yat kiM cit puruSo rajaH
05042011a tamo 'prakAzo bhUtAnAM narako 'yaM pradRzyate
05042011c gRhyanta iva dhAvanti gacchantaH zvabhram unmukhAH
05042012a abhidhyA vai prathamaM hanti cainaM; kAmakrodhau gRhya cainaM tu pazcAt
05042012c ete bAlAn mRtyave prApayanti; dhIrAs tu dhairyeNa taranti mRtyum
05042013a amanyamAnaH kSatriya kiM cid anyan; nAdhIyate tArNa ivAsya vyAghraH
05042013c krodhAl lobhAn mohamayAntarAtmA; sa vai mRtyus tvac charIre ya eSaH
05042014a evaM mRtyuM jAyamAnaM viditvA; jJAne tiSThan na bibhetIha mRtyoH
05042014c vinazyate viSaye tasya mRtyur; mRtyor yathA viSayaM prApya martyaH
05042015  dhRtarASTra uvAca
05042015a ye 'smin dharmAn nAcarantIha ke cit; tathA dharmAn ke cid ihAcaranti
05042015c dharmaH pApena pratihanyate sma; utAho dharmaH pratihanti pApam
05042016  sanatsujAta uvAca
05042016a ubhayam eva tatropabhujyate phalaM; dharmasyaivetarasya ca
05042016c dharmeNAdharmaM praNudatIha vidvAn; dharmo balIyAn iti tasya viddhi
05042017  dhRtarASTra uvAca
05042017a yAn imAn AhuH svasya dharmasya lokAn; dvijAtInAM puNyakRtAM sanAtanAn
05042017c teSAM parikramAn kathayantas tato 'nyAn; naitad vidvan naiva kRtaM ca karma
05042018  sanatsujAta uvAca
05042018a yeSAM bale na vispardhA bale balavatAm iva
05042018c te brAhmaNA itaH pretya svargaloke prakAzate
05042019a yatra manyeta bhUyiSThaM prAvRSIva tRNolapam
05042019c annaM pAnaM ca brAhmaNas taj jIvan nAnusaMjvaret
05042020a yatrAkathayamAnasya prayacchaty azivaM bhayam
05042020c atiriktam ivAkurvan sa zreyAn netaro janaH
05042021a yo vAkathayamAnasya AtmAnaM nAnusaMjvaret
05042021c brahmasvaM nopabhuJjed vA tadannaM saMmataM satAm
05042022a yathA svaM vAntam aznAti zvA vai nityam abhUtaye
05042022c evaM te vAntam aznanti svavIryasyopajIvanAt
05042023a nityam ajJAtacaryA me iti manyeta brAhmaNaH
05042023c jJAtInAM tu vasan madhye naiva vidyeta kiM cana
05042024a ko hy evam antarAtmAnaM brAhmaNo hantum arhati
05042024c tasmAd dhi kiM cit kSatriya brahmAvasati pazyati
05042025a azrAntaH syAd anAdAnAt saMmato nirupadravaH
05042025c ziSTo na ziSTavat sa syAd brAhmaNo brahmavit kaviH
05042026a anADhyA mAnuSe vitte ADhyA vedeSu ye dvijAH
05042026c te durdharSA duSprakampyA vidyAt tAn brahmaNas tanum
05042027a sarvAn sviSTakRto devAn vidyAd ya iha kaz cana
05042027c na samAno brAhmaNasya yasmin prayatate svayam
05042028a yam aprayatamAnaM tu mAnayanti sa mAnitaH
05042028c na mAnyamAno manyeta nAmAnAd abhisaMjvaret
05042029a vidvAMso mAnayantIha iti manyeta mAnitaH
05042029c adharmaviduSo mUDhA lokazAstravizAradAH
05042029e na mAnyaM mAnayiSyanti iti manyed amAnitaH
05042030a na vai mAnaM ca maunaM ca sahitau carataH sadA
05042030c ayaM hi loko mAnasya asau mAnasya tad viduH
05042031a zrIH sukhasyeha saMvAsaH sA cApi paripanthinI
05042031c brAhmI sudurlabhA zrIr hi prajJAhInena kSatriya
05042032a dvArANi tasyA hi vadanti santo; bahuprakArANi durAvarANi
05042032c satyArjave hrIr damazaucavidyAH; SaNmAnamohapratibAdhanAni
05043001  dhRtarASTra uvAca
05043001a Rco yajUMSy adhIte yaH sAmavedaM ca yo dvijaH
05043001c pApAni kurvan pApena lipyate na sa lipyate
05043002  sanatsujAta uvAca
05043002a nainaM sAmAny Rco vApi na yajUMSi vicakSaNa
05043002c trAyante karmaNaH pApAn na te mithyA bravImy aham
05043003a na chandAMsi vRjinAt tArayanti; mAyAvinaM mAyayA vartamAnam
05043003c nIDaM zakuntA iva jAtapakSAz; chandAMsy enaM prajahaty antakAle
05043004  dhRtarASTra uvAca
05043004a na ced vedA vedavidaM zaktAs trAtuM vicakSaNa
05043004c atha kasmAt pralApo 'yaM brAhmaNAnAM sanAtanaH
05043005  sanatsujAta uvAca
05043005a asmi&l loke tapas taptaM phalam anyatra dRzyate
05043005c brAhmaNAnAm ime lokA Rddhe tapasi saMyatAH
05043006  dhRtarASTra uvAca
05043006a kathaM samRddham apy RddhaM tapo bhavati kevalam
05043006c sanatsujAta tad brUhi yathA vidyAma tad vayam
05043007  sanatsujAta uvAca
05043007a krodhAdayo dvAdaza yasya doSAs; tathA nRzaMsAdi SaD atra rAjan
05043007c dharmAdayo dvAdaza cAtatAnAH; zAstre guNA ye viditA dvijAnAm
05043008a krodhaH kAmo lobhamohau vivitsA;kRpAsUyA mAnazokau spRhA ca
05043008c IrSyA jugupsA ca manuSyadoSA; varjyAH sadA dvAdazaite nareNa
05043009a ekaikam ete rAjendra manuSyAn paryupAsate
05043009c lipsamAno 'ntaraM teSAM mRgANAm iva lubdhakaH
05043010a vikatthanaH spRhayAlur manasvI; bibhrat kopaM capalo 'rakSaNaz ca
05043010c ete prAptAH SaN narAn pApadharmAn; prakurvate nota santaH sudurge
05043011a saMbhogasaMvid dviSam edhamAno; dattAnutApI kRpaNo 'balIyAn
05043011c vargaprazaMsI vanitAsu dveSTA; ete 'pare sapta nRzaMsadharmAH
05043012a dharmaz ca satyaM ca damas tapaz ca; amAtsaryaM hrIs titikSAnasUyA
05043012c yajJaz ca dAnaM ca dhRtiH zrutaM ca; mahAvratA dvAdaza brAhmaNasya
05043013a yas tv etebhyaH pravased dvAdazebhyaH; sarvAm apImAM pRthivIM praziSyAt
05043013c tribhir dvAbhyAm ekato vA viziSTo; nAsya svam astIti sa veditavyaH
05043014a damas tyAgo 'pramAdaz ca eteSv amRtam Ahitam
05043014c tAni satyamukhAny Ahur brAhmaNA ye manISiNaH
05043015a damo 'STAdazadoSaH syAt pratikUlaM kRtAkRte
05043015c anRtaM cAbhyasUyA ca kAmArthau ca tathA spRhA
05043016a krodhaH zokas tathA tRSNA lobhaH paizunyam eva ca
05043016c matsaraz ca vivitsA ca paritApas tathA ratiH
05043017a apasmAraH sAtivAdas tathA saMbhAvanAtmani
05043017c etair vimukto doSair yaH sa damaH sadbhir ucyate
05043018a zreyAMs tu SaDvidhas tyAgaH priyaM prApya na hRSyati
05043018c apriye tu samutpanne vyathAM jAtu na cArcchati
05043019a iSTAn dArAMz ca putrAMz ca na cAnyaM yad vaco bhavet
05043019c arhate yAcamAnAya pradeyaM tad vaco bhavet
05043019e apy avAcyaM vadaty eva sa tRtIyo guNaH smRtaH
05043020a tyaktair dravyair yo bhavati nopayuGkte ca kAmataH
05043020c na ca karmasu tad dhInaH ziSyabuddhir naro yathA
05043020e sarvair eva guNair yukto dravyavAn api yo bhavet
05043021a apramAdo 'STadoSaH syAt tAn doSAn parivarjayet
05043021c indriyebhyaz ca paJcabhyo manasaz caiva bhArata
05043021e atItAnAgatebhyaz ca mukto hy etaiH sukhI bhavet
05043022a doSair etair vimuktaM tu guNair etaiH samanvitam
05043022c etat samRddham apy RddhaM tapo bhavati kevalam
05043022e yan mAM pRcchasi rAjendra kiM bhUyaH zrotum icchasi
05043023  dhRtarASTra uvAca
05043023a AkhyAnapaJcamair vedair bhUyiSThaM kathyate janaH
05043023c tathaivAnye caturvedAs trivedAz ca tathApare
05043024a dvivedAz caikavedAz ca anRcaz ca tathApare
05043024c teSAM tu katamaH sa syAd yam ahaM veda brAhmaNam
05043025  sanatsujAta uvAca
05043025a ekasya vedasyAjJAnAd vedAs te bahavo 'bhavan
05043025c satyasyaikasya rAjendra satye kaz cid avasthitaH
05043025e evaM vedam anutsAdya prajJAM mahati kurvate
05043026a dAnam adhyayanaM yajJo lobhAd etat pravartate
05043026c satyAt pracyavamAnAnAM saMkalpo vitatho bhavet
05043027a tato yajJaH pratAyeta satyasyaivAvadhAraNAt
05043027c manasAnyasya bhavati vAcAnyasyota karmaNA
05043027e saMkalpasiddhaH puruSaH saMkalpAn adhitiSThati
05043028a anaibhRtyena vai tasya dIkSitavratam Acaret
05043028c nAmaitad dhAtunirvRttaM satyam eva satAM param
05043028e jJAnaM vai nAma pratyakSaM parokSaM jAyate tapaH
05043029a vidyAd bahu paThantaM tu bahupAThIti brAhmaNam
05043029c tasmAt kSatriya mA maMsthA jalpitenaiva brAhmaNam
05043029e ya eva satyAn nApaiti sa jJeyo brAhmaNas tvayA
05043030a chandAMsi nAma kSatriya tAny atharvA; jagau purastAd RSisarga eSaH
05043030c chandovidas te ya u tAn adhItya; na vedyavedasya vidur na vedyam
05043031a na vedAnAM veditA kaz cid asti; kaz cid vedAn budhyate vApi rAjan
05043031c yo veda vedAn na sa veda vedyaM; satye sthito yas tu sa veda vedyam
05043032a abhijAnAmi brAhmaNam AkhyAtAraM vicakSaNam
05043032c yaz chinnavicikitsaH sann AcaSTe sarvasaMzayAn
05043033a tasya paryeSaNaM gacchet prAcInaM nota dakSiNam
05043033c nArvAcInaM kutas tiryaG nAdizaM tu kathaM cana
05043034a tUSNIMbhUta upAsIta na ceSTen manasA api
05043034c abhyAvarteta brahmAsya antarAtmani vai zritam
05043035a maunAd dhi sa munir bhavati nAraNyavasanAn muniH
05043035c akSaraM tat tu yo veda sa muniH zreSTha ucyate
05043036a sarvArthAnAM vyAkaraNAd vaiyAkaraNa ucyate
05043036c pratyakSadarzI lokAnAM sarvadarzI bhaven naraH
05043037a satye vai brAhmaNas tiSThan brahma pazyati kSatriya
05043037c vedAnAM cAnupUrvyeNa etad vidvan bravImi te
05044001  dhRtarASTra uvAca
05044001a sanatsujAta yad imAM parArthAM; brAhmIM vAcaM pravadasi vizvarUpAm
05044001c parAM hi kAmeSu sudurlabhAM kathAM; tad brUhi me vAkyam etat kumAra
05044002  sanatsujAta uvAca
05044002a naitad brahma tvaramANena labhyaM; yan mAM pRcchasy abhihRSyasy atIva
05044002c avyaktavidyAm abhidhAsye purANIM; buddhyA ca teSAM brahmacaryeNa siddhAm
05044003  dhRtarASTra uvAca
05044003a avyaktavidyAm iti yat sanAtanIM; bravISi tvaM brahmacaryeNa siddhAm
05044003c anArabhyA vasatIhArya kAle; kathaM brAhmaNyam amRtatvaM labheta
05044004  sanatsujAta uvAca
05044004a ye 'smi&l loke vijayantIha kAmAn; brAhmIM sthitim anutitikSamANAH
05044004c ta AtmAnaM nirharantIha dehAn; muJjAd iSIkAm iva sattvasaMsthAH
05044005a zarIram etau kurutaH pitA mAtA ca bhArata
05044005c AcAryazAstA yA jAtiH sA satyA sAjarAmarA
05044006a AcAryayonim iha ye pravizya; bhUtvA garbhaM brahmacaryaM caranti
05044006c ihaiva te zAstrakArA bhavanti; prahAya dehaM paramaM yAnti yogam
05044007a ya AvRNoty avitathena karNA;vRtaM kurvann amRtaM saMprayacchan
05044007c taM manyeta pitaraM mAtaraM ca; tasmai na druhyet kRtam asya jAnan
05044008a guruM ziSyo nityam abhimanyamAnaH; svAdhyAyam icchec chucir apramattaH
05044008c mAnaM na kuryAn na dadhIta roSam; eSa prathamo brahmacaryasya pAdaH
05044009a AcAryasya priyaM kuryAt prANair api dhanair api
05044009c karmaNA manasA vAcA dvitIyaH pAda ucyate
05044010a samA gurau yathA vRttir gurupatnyAM tathA bhavet
05044010c yathoktakArI priyakRt tRtIyaH pAda ucyate
05044011a nAcAryAyehopakRtvA pravAdaM; prAjJaH kurvIta naitad ahaM karomi
05044011c itIva manyeta na bhASayeta; sa vai caturtho brahmacaryasya pAdaH
05044012a evaM vasantaM yad upaplaved dhanam; AcAryAya tad anuprayacchet
05044012c satAM vRttiM bahuguNAm evam eti; guroH putre bhavati ca vRttir eSA
05044013a evaM vasan sarvato vardhatIha; bahUn putrA&l labhate ca pratiSThAm
05044013c varSanti cAsmai pradizo dizaz ca; vasanty asmin brahmacarye janAz ca
05044014a etena brahmacaryeNa devA devatvam Apnuvan
05044014c RSayaz ca mahAbhAgA brahmalokaM manISiNaH
05044015a gandharvANAm anenaiva rUpam apsarasAm abhUt
05044015c etena brahmacaryeNa sUryo ahnAya jAyate
05044016a ya Azayet pATayec cApi rAjan; sarvaM zarIraM tapasA tapyamAnaH
05044016c etenAsau bAlyam atyeti vidvAn; mRtyuM tathA rodhayaty antakAle
05044017a antavantaH kSatriya te jayanti; lokAJ janAH karmaNA nirmitena
05044017c brahmaiva vidvAMs tena abhyeti sarvaM; nAnyaH panthA ayanAya vidyate
05044018  dhRtarASTra uvAca
05044018a AbhAti zuklam iva lohitam iva; atho kRSNam athAJjanaM kAdravaM vA
05044018c tad brAhmaNaH pazyati yo 'tra vidvAn; kathaMrUpaM tad amRtam akSaraM padam
05044019  sanatsujAta uvAca
05044019a nAbhAti zuklam iva lohitam iva; atho kRSNam Ayasam arkavarNam
05044019c na pRthivyAM tiSThati nAntarikSe; naitat samudre salilaM bibharti
05044020a na tArakAsu na ca vidyud AzritaM; na cAbhreSu dRzyate rUpam asya
05044020c na cApi vAyau na ca devatAsu; na tac candre dRzyate nota sUrye
05044021a naivarkSu tan na yajuHSu nApy atharvasu; na caiva dRzyaty amaleSu sAmasu
05044021c rathaMtare bArhate cApi rAjan; mahAvrate naiva dRzyed dhruvaM tat
05044022a apAraNIyaM tamasaH parastAt; tad antako 'py eti vinAzakAle
05044022c aNIyarUpaM kSuradhArayA tan; mahac ca rUpaM tv api parvatebhyaH
05044023a sA pratiSThA tad amRtaM lokAs tad brahma tad yazaH
05044023c bhUtAni jajJire tasmAt pralayaM yAnti tatra ca
05044024a anAmayaM tan mahad udyataM yazo; vAco vikArAn kavayo vadanti
05044024c tasmiJ jagat sarvam idaM pratiSThitaM; ye tad vidur amRtAs te bhavanti
05045001  sanatsujAta uvAca
05045001a yat tac chukraM mahaj jyotir dIpyamAnaM mahad yazaH
05045001c tad vai devA upAsante yasmAd arko virAjate
05045001e yoginas taM prapazyanti bhagavantaM sanAtanam
05045002a zukrAd brahma prabhavati brahma zukreNa vardhate
05045002c tac chukraM jyotiSAM madhye 'taptaM tapati tApanam
05045002e yoginas taM prapazyanti bhagavantaM sanAtanam
05045003a Apo 'tha adbhyaH salilasya madhye; ubhau devau zizriyAte 'ntarikSe
05045003c sa sadhrIcIH sa viSUcIr vasAnA; ubhe bibharti pRthivIM divaM ca
05045003e yoginas taM prapazyanti bhagavantaM sanAtanam
05045004a ubhau ca devau pRthivIM divaM ca; dizaz ca zukraM bhuvanaM bibharti
05045004c tasmAd dizaH saritaz ca sravanti; tasmAt samudrA vihitA mahAntaH
05045004e yoginas taM prapazyanti bhagavantaM sanAtanam
05045005a cakre rathasya tiSThantaM dhruvasyAvyayakarmaNaH
05045005c ketumantaM vahanty azvAs taM divyam ajaraM divi
05045005e yoginas taM prapazyanti bhagavantaM sanAtanam
05045006a na sAdRzye tiSThati rUpam asya; na cakSuSA pazyati kaz cid enam
05045006c manISayAtho manasA hRdA ca; ya evaM vidur amRtAs te bhavanti
05045006e yoginas taM prapazyanti bhagavantaM sanAtanam
05045007a dvAdazapUgAM saritaM devarakSitam
05045007c madhu Izantas tadA saMcaranti ghoram
05045007e yoginas taM prapazyanti bhagavantaM sanAtanam
05045008a tad ardhamAsaM pibati saMcitya bhramaro madhu
05045008c IzAnaH sarvabhUteSu havirbhUtam akalpayat
05045008e yoginas taM prapazyanti bhagavantaM sanAtanam
05045009a hiraNyaparNam azvattham abhipatya apakSakAH
05045009c te tatra pakSiNo bhUtvA prapatanti yathAdizam
05045009e yoginas taM prapazyanti bhagavantaM sanAtanam
05045010a pUrNAt pUrNAny uddharanti pUrNAt pUrNAni cakrire
05045010c haranti pUrNAt pUrNAni pUrNam evAvaziSyate
05045010e yoginas taM prapazyanti bhagavantaM sanAtanam
05045011a tasmAd vai vAyur AyAtas tasmiMz ca prayataH sadA
05045011c tasmAd agniz ca somaz ca tasmiMz ca prANa AtataH
05045012a sarvam eva tato vidyAt tat tad vaktuM na zaknumaH
05045012c yoginas taM prapazyanti bhagavantaM sanAtanam
05045013a apAnaM girati prANaH prANaM girati candramAH
05045013c Adityo girate candram AdityaM girate paraH
05045013e yoginas taM prapazyanti bhagavantaM sanAtanam
05045014a ekaM pAdaM notkSipati salilAd dhaMsa uccaran
05045014c taM cet satatam RtvijaM na mRtyur nAmRtaM bhavet
05045014e yoginas taM prapazyanti bhagavantaM sanAtanam
05045015a evaM devo mahAtmA sa pAvakaM puruSo giran
05045015c yo vai taM puruSaM veda tasyehAtmA na riSyate
05045015e yoginas taM prapazyanti bhagavantaM sanAtanam
05045016a yaH sahasraM sahasrANAM pakSAn saMtatya saMpatet
05045016c madhyame madhya Agacched api cet syAn manojavaH
05045016e yoginas taM prapazyanti bhagavantaM sanAtanam
05045017a na darzane tiSThati rUpam asya; pazyanti cainaM suvizuddhasattvAH
05045017c hito manISI manasAbhipazyed; ye taM zrayeyur amRtAs te bhavanti
05045017e yoginas taM prapazyanti bhagavantaM sanAtanam
05045018a gUhanti sarpA iva gahvarANi; svazikSayA svena vRttena martyAH
05045018c teSu pramuhyanti janA vimUDhA; yathAdhvAnaM mohayante bhayAya
05045018e yoginas taM prapazyanti bhagavantaM sanAtanam
05045019a sadA sadAsatkRtaH syAn na mRtyur amRtaM kutaH
05045019c satyAnRte satyasamAnabandhane; sataz ca yonir asataz caika eva
05045019e yoginas taM prapazyanti bhagavantaM sanAtanam
05045020a na sAdhunA nota asAdhunA vA; samAnam etad dRzyate mAnuSeSu
05045020c samAnam etad amRtasya vidyAd; evaMyukto madhu tad vai parIpset
05045020e yoginas taM prapazyanti bhagavantaM sanAtanam
05045021a nAsyAtivAdA hRdayaM tApayanti; nAnadhItaM nAhutam agnihotram
05045021c mano brAhmIM laghutAm AdadhIta; prajJAnam asya nAma dhIrA labhante
05045021e yoginas taM prapazyanti bhagavantaM sanAtanam
05045022a evaM yaH sarvabhUteSu AtmAnam anupazyati
05045022c anyatrAnyatra yukteSu kiM sa zocet tataH param
05045023a yathodapAne mahati sarvataH saMplutodake
05045023c evaM sarveSu vedeSu brAhmaNasya vijAnataH
05045024a aGguSThamAtraH puruSo mahAtmA; na dRzyate 'sau hRdaye niviSTaH
05045024c ajaz caro divArAtram atandritaz ca; sa taM matvA kavir Aste prasannaH
05045025a aham evAsmi vo mAtA pitA putro 'smy ahaM punaH
05045025c AtmAham api sarvasya yac ca nAsti yad asti ca
05045026a pitAmaho 'smi sthaviraH pitA putraz ca bhArata
05045026c mamaiva yUyam AtmasthA na me yUyaM na vo 'py aham
05045027a Atmaiva sthAnaM mama janma cAtmA; vedaprokto 'ham ajarapratiSThaH
05045028a aNor aNIyAn sumanAH sarvabhUteSu jAgRmi
05045028c pitaraM sarvabhUtAnAM puSkare nihitaM viduH
05046001  vaizaMpAyana uvAca
05046001a evaM sanatsujAtena vidureNa ca dhImatA
05046001c sArdhaM kathayato rAjJaH sA vyatIyAya zarvarI
05046002a tasyAM rajanyAM vyuSTAyAM rAjAnaH sarva eva te
05046002c sabhAm Avivizur hRSTAH sUtasyopadidRkSayA
05046003a zuzrUSamANAH pArthAnAM vaco dharmArthasaMhitam
05046003c dhRtarASTramukhAH sarve yayU rAjasabhAM zubhAm
05046004a sudhAvadAtAM vistIrNAM kanakAjirabhUSitAm
05046004c candraprabhAM surucirAM siktAM paramavAriNA
05046005a rucirair AsanaiH stIrNAM kAJcanair dAravair api
05046005c azmasAramayair dAntaiH svAstIrNaiH sottaracchadaiH
05046006a bhISmo droNaH kRpaH zalyaH kRtavarmA jayadrathaH
05046006c azvatthAmA vikarNaz ca somadattaz ca bAhlikaH
05046007a viduraz ca mahAprAjJo yuyutsuz ca mahArathaH
05046007c sarve ca sahitAH zUrAH pArthivA bharatarSabha
05046007e dhRtarASTraM puraskRtya vivizus tAM sabhAM zubhAm
05046008a duHzAsanaz citrasenaH zakuniz cApi saubalaH
05046008c durmukho duHsahaH karNa ulUko 'tha viviMzatiH
05046009a kururAjaM puraskRtya duryodhanam amarSaNam
05046009c vivizus tAM sabhAM rAjan surAH zakrasado yathA
05046010a Avizadbhis tadA rAjaJ zUraiH parighabAhubhiH
05046010c zuzubhe sA sabhA rAjan siMhair iva girer guhA
05046011a te pravizya maheSvAsAH sabhAM samitizobhanAH
05046011c AsanAni mahArhANi bhejire sUryavarcasaH
05046012a AsanastheSu sarveSu teSu rAjasu bhArata
05046012c dvAHstho nivedayAm Asa sUtaputram upasthitam
05046013a ayaM sa ratha AyAti yo 'yAsIt pANDavAn prati
05046013c dUto nas tUrNam AyAtaH saindhavaiH sAdhuvAhibhiH
05046014a upayAya tu sa kSipraM rathAt praskandya kuNDalI
05046014c praviveza sabhAM pUrNAM mahIpAlair mahAtmabhiH
05046015  saMjaya uvAca
05046015a prApto 'smi pANDavAn gatvA tad vijAnIta kauravAH
05046015c yathAvayaH kurUn sarvAn pratinandanti pANDavAH
05046016a abhivAdayanti vRddhAMz ca vayasyAMz ca vayasyavat
05046016c yUnaz cAbhyavadan pArthAH pratipUjya yathAvayaH
05046017a yathAhaM dhRtarASTreNa ziSTaH pUrvam ito gataH
05046017c abruvaM pANDavAn gatvA tan nibodhata pArthivAH
05047001  dhRtarASTra uvAca
05047001a pRcchAmi tvAM saMjaya rAjamadhye; kim abravId vAkyam adInasattvaH
05047001c dhanaMjayas tAta yudhAM praNetA; durAtmanAM jIvitacchin mahAtmA
05047002  saMjaya uvAca
05047002a duryodhano vAcam imAM zRNotu; yad abravId arjuno yotsyamAnaH
05047002c yudhiSThirasyAnumate mahAtmA; dhanaMjayaH zRNvataH kezavasya
05047003a anvatrasto bAhuvIryaM vidAna; upahvare vAsudevasya dhIraH
05047003c avocan mAM yotsyamAnaH kirITI; madhye brUyA dhArtarASTraM kurUNAm
05047004a ye vai rAjAnaH pANDavAyodhanAya; samAnItAH zRNvatAM cApi teSAm
05047004c yathA samagraM vacanaM mayoktaM; sahAmAtyaM zrAvayethA nRpaM tam
05047005a yathA nUnaM devarAjasya devAH; zuzrUSante vajrahastasya sarve
05047005c tathAzRNvan pANDavAH sRJjayAz ca; kirITinA vAcam uktAM samarthAm
05047006a ity abravId arjuno yotsyamAno; gANDIvadhanvA lohitapadmanetraH
05047006c na ced rAjyaM muJcati dhArtarASTro; yudhiSThirasyAjamIDhasya rAjJaH
05047006e asti nUnaM karma kRtaM purastAd; anirviSTaM pApakaM dhArtarASTraiH
05047007a yeSAM yuddhaM bhImasenArjunAbhyAM; tathAzvibhyAM vAsudevena caiva
05047007c zaineyena dhruvam AttAyudhena; dhRSTadyumnenAtha zikhaNDinA ca
05047007e yudhiSThireNendrakalpena caiva; yo 'padhyAnAn nirdahed gAM divaM ca
05047008a taiz ced yuddhaM manyate dhArtarASTro; nirvRtto 'rthaH sakalaH pANDavAnAm
05047008c mA tat kArSIH pANDavArthAya hetor; upaihi yuddhaM yadi manyase tvam
05047009a yAM tAM vane duHkhazayyAm uvAsa; pravrAjitaH pANDavo dharmacArI
05047009c AziSyate duHkhatarAm anarthAm; antyAM zayyAM dhArtarASTraH parAsuH
05047010a hriyA jJAnena tapasA damena; krodhenAtho dharmaguptyA dhanena
05047010c anyAyavRttaH kurupANDaveyAn; adhyAtiSThad dhArtarASTro durAtmA
05047011a mAyopadhaH praNidhAnArjavAbhyAM; tapodamAbhyAM dharmaguptyA balena
05047011c satyaM bruvan prItiyuktyAnRtena; titikSamANaH klizyamAno 'tivelam
05047012a yadA jyeSThaH pANDavaH saMzitAtmA; krodhaM yat taM varSapUgAn sughoram
05047012c avasraSTA kuruSUdvRttacetAs; tadA yuddhaM dhArtarASTro 'nvatapsyat
05047013a kRSNavartmeva jvalitaH samiddho; yathA dahet kakSam agnir nidAghe
05047013c evaM dagdhA dhArtarASTrasya senAM; yudhiSThiraH krodhadIpto 'nuvIkSya
05047014a yadA draSTA bhImasenaM raNasthaM; gadAhastaM krodhaviSaM vamantam
05047014c durmarSaNaM pANDavaM bhImavegaM; tadA yuddhaM dhArtarASTro 'nvatapsyat
05047015a mahAsiMho gAva iva pravizya; gadApANir dhArtarASTrAn upetya
05047015c yadA bhImo bhImarUpo nihantA; tadA yuddhaM dhArtarASTro 'nvatapsyat
05047016a mahAbhaye vItabhayaH kRtAstraH; samAgame zatrubalAvamardI
05047016c sakRd rathena pratiyAd rathaughAn; padAtisaMghAn gadayAbhinighnan
05047017a sainyAn anekAMs tarasA vimRdnan; yadA kSeptA dhArtarASTrasya sainyam
05047017c chindan vanaM parazuneva zUras; tadA yuddhaM dhArtarASTro 'nvatapsyat
05047018a tRNaprAyaM jvalaneneva dagdhaM; grAmaM yathA dhArtarASTraH samIkSya
05047018c pakvaM sasyaM vaidyuteneva dagdhaM; parAsiktaM vipulaM svaM balaugham
05047019a hatapravIraM vimukhaM bhayArtaM; parAGmukhaM prAyazo 'dhRSTayodham
05047019c zastrArciSA bhImasenena dagdhaM; tadA yuddhaM dhArtarASTro 'nvatapsyat
05047020a upAsaGgAd uddharan dakSiNena; paraHzatAn nakulaz citrayodhI
05047020c yadA rathAgryo rathinaH pracetA; tadA yuddhaM dhArtarASTro 'nvatapsyat
05047021a sukhocito duHkhazayyAM vaneSu; dIrghaM kAlaM nakulo yAm azeta
05047021c AzIviSaH kruddha iva zvasan bhRzaM; tadA yuddhaM dhArtarASTro 'nvatapsyat
05047022a tyaktAtmAnaH pArthivAyodhanAya; samAdiSTA dharmarAjena vIrAH
05047022c rathaiH zubhraiH sainyam abhidravanto; dRSTvA pazcAt tapsyate dhArtarASTraH
05047023a zizUn kRtAstrAn azizuprakAzAn; yadA draSTA kauravaH paJca zUrAn
05047023c tyaktvA prANAn kekayAn Adravantas; tadA yuddhaM dhArtarASTro 'nvatapsyat
05047024a yadA gatodvAham akUjanAkSaM; suvarNatAraM ratham AtatAyI
05047024c dAntair yuktaM sahadevo 'dhirUDhaH; zirAMsi rAjJAM kSepsyate mArgaNaughaiH
05047025a mahAbhaye saMpravRtte rathasthaM; vivartamAnaM samare kRtAstram
05047025c sarvAM dizaM saMpatantaM samIkSya; tadA yuddhaM dhArtarASTro 'nvatapsyat
05047026a hrIniSedho nipuNaH satyavAdI; mahAbalaH sarvadharmopapannaH
05047026c gAndhArim ArcchaMs tumule kSiprakArI; kSeptA janAn sahadevas tarasvI
05047027a yadA draSTA draupadeyAn maheSUJ; zUrAn kRtAstrAn rathayuddhakovidAn
05047027c AzIviSAn ghoraviSAn ivAyatas; tadA yuddhaM dhArtarASTro 'nvatapsyat
05047028a yadAbhimanyuH paravIraghAtI; zaraiH parAn megha ivAbhivarSan
05047028c vigAhitA kRSNasamaH kRtAstras; tadA yuddhaM dhArtarASTro 'nvatapsyat
05047029a yadA draSTA bAlam abAlavIryaM; dviSaccamUM mRtyum ivApatantam
05047029c saubhadram indrapratimaM kRtAstraM; tadA yuddhaM dhArtarASTro 'nvatapsyat
05047030a prabhadrakAH zIghratarA yuvAno; vizAradAH siMhasamAnavIryAH
05047030c yadA kSeptAro dhArtarASTrAn sasainyAMs; tadA yuddhaM dhArtarASTro 'nvatapsyat
05047031a vRddhau virATadrupadau mahArathau; pRthak camUbhyAm abhivartamAnau
05047031c yadA draSTArau dhArtarASTrAn sasainyAMs; tadA yuddhaM dhArtarASTro 'nvatapsyat
05047032a yadA kRtAstro drupadaH pracinvaJ; zirAMsi yUnAM samare rathasthaH
05047032c kruddhaH zaraiz chetsyati cApamuktais; tadA yuddhaM dhArtarASTro 'nvatapsyat
05047033a yadA virATaH paravIraghAtI; marmAntare zatrucamUM praveSTA
05047033c matsyaiH sArdham anRzaMsarUpais; tadA yuddhaM dhArtarASTro 'nvatapsyat
05047034a jyeSThaM mAtsyAnAm anRzaMsarUpaM; virATaputraM rathinaM purastAt
05047034c yadA draSTA daMzitaM pANDavArthe; tadA yuddhaM dhArtarASTro 'nvatapsyat
05047035a raNe hate kauravANAM pravIre; zikhaNDinA sattame zaMtanUje
05047035c na jAtu naH zatravo dhArayeyur; asaMzayaM satyam etad bravImi
05047036a yadA zikhaNDI rathinaH pracinvan; bhISmaM rathenAbhiyAtA varUthI
05047036c divyair hayair avamRdnan rathaughAMs; tadA yuddhaM dhArtarASTro 'nvatapsyat
05047037a yadA draSTA sRJjayAnAm anIke; dhRSTadyumnaM pramukhe rocamAnam
05047037c astraM yasmai guhyam uvAca dhImAn; droNas tadA tapsyati dhArtarASTraH
05047038a yadA sa senApatir aprameyaH; parAbhavann iSubhir dhArtarASTrAn
05047038c droNaM raNe zatrusaho 'bhiyAtA; tadA yuddhaM dhArtarASTro 'nvatapsyat
05047039a hrImAn manISI balavAn manasvI; sa lakSmIvAn somakAnAM prabarhaH
05047039c na jAtu taM zatravo 'nye saheran; yeSAM sa syAd agraNIr vRSNisiMhaH
05047040a brUyAc ca mA pravRNISveti loke; yuddhe 'dvitIyaM sacivaM rathastham
05047040c ziner naptAraM pravRNIma sAtyakiM; mahAbalaM vItabhayaM kRtAstram
05047041a yadA zinInAm adhipo mayoktaH; zaraiH parAn megha iva pravarSan
05047041c pracchAdayiSyaJ zarajAlena yodhAMs; tadA yuddhaM dhArtarASTro 'nvatapsyat
05047042a yadA dhRtiM kurute yotsyamAnaH; sa dIrghabAhur dRDhadhanvA mahAtmA
05047042c siMhasyeva gandham AghrAya gAvaH; saMveSTante zatravo 'smAd yathAgneH
05047043a sa dIrghabAhur dRDhadhanvA mahAtmA; bhindyAd girIn saMharet sarvalokAn
05047043c astre kRtI nipuNaH kSiprahasto; divi sthitaH sUrya ivAbhibhAti
05047044a citraH sUkSmaH sukRto yAdavasya; astre yogo vRSNisiMhasya bhUyAn
05047044c yathAvidhaM yogam AhuH prazastaM; sarvair guNaiH sAtyakis tair upetaH
05047045a hiraNmayaM zvetahayaiz caturbhir; yadA yuktaM syandanaM mAdhavasya
05047045c draSTA yuddhe sAtyaker vai suyodhanas; tadA tapsyaty akRtAtmA sa mandaH
05047046a yadA rathaM hemamaNiprakAzaM; zvetAzvayuktaM vAnaraketum ugram
05047046c draSTA raNe saMyataM kezavena; tadA tapsyaty akRtAtmA sa mandaH
05047047a yadA maurvyAs talaniSpeSam ugraM; mahAzabdaM vajraniSpeSatulyam
05047047c vidhUyamAnasya mahAraNe mayA; gANDIvasya zroSyati mandabuddhiH
05047048a tadA mUDho dhRtarASTrasya putras; taptA yuddhe durmatir duHsahAyaH
05047048c dRSTvA sainyaM bANavarSAndhakAraM; prabhajyantaM gokulavad raNAgre
05047049a balAhakAd uccarantIva vidyut; sahasraghnI dviSatAM saMgameSu
05047049c asthicchido marmabhido vamec charAMs; tadA yuddhaM dhArtarASTro 'nvatapsyat
05047050a yadA draSTA jyAmukhAd bANasaMghAn; gANDIvamuktAn patataH zitAgrAn
05047050c nAgAn hayAn varmiNaz cAdadAnAMs; tadA yuddhaM dhArtarASTro 'nvatapsyat
05047051a yadA mandaH parabANAn vimuktAn; mameSubhir hriyamANAn pratIpam
05047051c tiryag vidvAMz chidyamAnAn kSuraprais; tadA yuddhaM dhArtarASTro 'nvatapsyat
05047052a yadA vipAThA madbhujavipramuktA; dvijAH phalAnIva mahIruhAgrAt
05047052c pracchettAra uttamAGgAni yUnAM; tadA yuddhaM dhArtarASTro 'nvatapsyat
05047053a yadA draSTA patataH syandanebhyo; mahAgajebhyo 'zvagatAMz ca yodhAn
05047053c zarair hatAn pAtitAMz caiva raGge; tadA yuddhaM dhArtarASTro 'nvatapsyat
05047054a padAtisaMghAn rathasaMghAn samantAd; vyAttAnanaH kAla ivAtateSuH
05047054c praNotsyAmi jvalitair bANavarSaiH; zatrUMs tadA tapsyati mandabuddhiH
05047055a sarvA dizaH saMpatatA rathena; rajodhvastaM gANDivenApakRttam
05047055c yadA draSTA svabalaM saMpramUDhaM; tadA pazcAt tapsyati mandabuddhiH
05047056a kAMdigbhUtaM chinnagAtraM visaMjJaM; duryodhano drakSyati sarvasainyam
05047056c hatAzvavIrAgryanarendranAgaM; pipAsitaM zrAntapatraM bhayArtam
05047057a ArtasvaraM hanyamAnaM hataM ca; vikIrNakezAsthikapAlasaMgham
05047057c prajApateH karma yathArdhaniSThitaM; tadA dRSTvA tapsyate mandabuddhiH
05047058a yadA rathe gANDivaM vAsudevaM; divyaM zaGkhaM pAJcajanyaM hayAMz ca
05047058c tUNAv akSayyau devadattaM ca mAM ca; draSTA yuddhe dhArtarASTraH sametAn
05047059a udvartayan dasyusaMghAn sametAn; pravartayan yugam anyad yugAnte
05047059c yadA dhakSyAmy agnivat kauraveyAMs; tadA taptA dhRtarASTraH saputraH
05047060a sahabhrAtA sahaputraH sasainyo; bhraSTaizvaryaH krodhavazo 'lpacetAH
05047060c darpasyAnte vihite vepamAnaH; pazcAn mandas tapsyati dhArtarASTraH
05047061a pUrvAhNe mAM kRtajapyaM kadA cid; vipraH provAcodakAnte manojJam
05047061c kartavyaM te duSkaraM karma pArtha; yoddhavyaM te zatrubhiH savyasAcin
05047062a indro vA te harivAn vajrahastaH; purastAd yAtu samare 'rIn vinighnan
05047062c sugrIvayuktena rathena vA te; pazcAt kRSNo rakSatu vAsudevaH
05047063a vavre cAhaM vajrahastAn mahendrAd; asmin yuddhe vAsudevaM sahAyam
05047063c sa me labdho dasyuvadhAya kRSNo; manye caitad vihitaM daivatair me
05047064a ayudhyamAno manasApi yasya; jayaM kRSNaH puruSasyAbhinandet
05047064c dhruvaM sarvAn so 'bhyatIyAd amitrAn; sendrAn devAn mAnuSe nAsti cintA
05047065a sa bAhubhyAM sAgaram uttitIrSen; mahodadhiM salilasyAprameyam
05047065c tejasvinaM kRSNam atyantazUraM; yuddhena yo vAsudevaM jigISet
05047066a giriM ya iccheta talena bhettuM; ziloccayaM zvetam atipramANam
05047066c tasyaiva pANiH sanakho vizIryen; na cApi kiM cit sa gires tu kuryAt
05047067a agniM samiddhaM zamayed bhujAbhyAM; candraM ca sUryaM ca nivArayeta
05047067c hared devAnAm amRtaM prasahya; yuddhena yo vAsudevaM jigISet
05047068a yo rukmiNIm ekarathena bhojyAm; utsAdya rAjJAM viSayaM prasahya
05047068c uvAha bhAryAM yazasA jvalantIM; yasyAM jajJe raukmiNeyo mahAtmA
05047069a ayaM gAndhArAMs tarasA saMpramathya; jitvA putrAn nagnajitaH samagrAn
05047069c baddhaM mumoca vinadantaM prasahya; sudarzanIyaM devatAnAM lalAmam
05047070a ayaM kavATe nijaghAna pANDyaM; tathA kaliGgAn dantakUre mamarda
05047070c anena dagdhA varSapUgAn vinAthA; vArANasI nagarI saMbabhUva
05047071a yaM sma yuddhe manyate 'nyair ajeyam; ekalavyaM nAma niSAdarAjam
05047071c vegeneva zailam abhihatya jambhaH; zete sa kRSNena hataH parAsuH
05047072a tathograsenasya sutaM praduSTaM; vRSNyandhakAnAM madhyagAM tapantam
05047072c apAtayad baladevadvitIyo; hatvA dadau cograsenAya rAjyam
05047073a ayaM saubhaM yodhayAm Asa khasthaM; vibhISaNaM mAyayA zAlvarAjam
05047073c saubhadvAri pratyagRhNAc chataghnIM; dorbhyAM ka enaM viSaheta martyaH
05047074a prAgjyotiSaM nAma babhUva durgaM; puraM ghoram asurANAm asahyam
05047074c mahAbalo narakas tatra bhaumo; jahArAdityA maNikuNDale zubhe
05047075a na taM devAH saha zakreNa sehire; samAgatA AharaNAya bhItAH
05047075c dRSTvA ca te vikramaM kezavasya; balaM tathaivAstram avAraNIyam
05047076a jAnanto 'sya prakRtiM kezavasya; nyayojayan dasyuvadhAya kRSNam
05047076c sa tat karma pratizuzrAva duSkaram; aizvaryavAn siddhiSu vAsudevaH
05047077a nirmocane SaT sahasrANi hatvA; saMchidya pAzAn sahasA kSurAntAn
05047077c muraM hatvA vinihatyaugharAkSasaM; nirmocanaM cApi jagAma vIraH
05047078a tatraiva tenAsya babhUva yuddhaM; mahAbalenAtibalasya viSNoH
05047078c zete sa kRSNena hataH parAsur; vAteneva mathitaH karNikAraH
05047079a AhRtya kRSNo maNikuNDale te; hatvA ca bhaumaM narakaM muraM ca
05047079c zriyA vRto yazasA caiva dhImAn; pratyAjagAmApratimaprabhAvaH
05047080a tasmai varAn adadaMs tatra devA; dRSTvA bhImaM karma raNe kRtaM tat
05047080c zramaz ca te yudhyamAnasya na syAd; AkAze vA apsu caiva kramaH syAt
05047081a zastrANi gAtre ca na te kramerann; ity eva kRSNaz ca tataH kRtArthaH
05047081c evaMrUpe vAsudeve 'prameye; mahAbale guNasaMpat sadaiva
05047082a tam asahyaM viSNum anantavIryam; AzaMsate dhArtarASTro balena
05047082c yadA hy enaM tarkayate durAtmA; tac cApy ayaM sahate 'smAn samIkSya
05047083a paryAgataM mama kRSNasya caiva; yo manyate kalahaM saMprayujya
05047083c zakyaM hartuM pANDavAnAM mamatvaM; tad veditA saMyugaM tatra gatvA
05047084a namaskRtvA zAMtanavAya rAjJe; droNAyAtho sahaputrAya caiva
05047084c zAradvatAyApratidvandvine ca; yotsyAmy ahaM rAjyam abhIpsamAnaH
05047085a dharmeNAstraM niyataM tasya manye; yo yotsyate pANDavair dharmacArI
05047085c mithyAglahe nirjitA vai nRzaMsaiH; saMvatsarAn dvAdaza pANDuputrAH
05047086a avApya kRcchraM vihitaM hy araNye; dIrghaM kAlaM caikam ajJAtacaryAm
05047086c te hy akasmAj jIvitaM pANDavAnAM; na mRSyante dhArtarASTrAH padasthAH
05047087a te ced asmAn yudhyamAnAJ jayeyur; devair apIndrapramukhaiH sahAyaiH
05047087c dharmAd adharmaz carito garIyAn; iti dhruvaM nAsti kRtaM na sAdhu
05047088a na ced imaM puruSaM karmabaddhaM; na ced asmAn manyate 'sau viziSTAn
05047088c AzaMse 'haM vAsudevadvitIyo; duryodhanaM sAnubandhaM nihantum
05047089a na ced idaM karma nareSu baddhaM; na vidyate puruSasya svakarma
05047089c idaM ca tac cApi samIkSya nUnaM; parAjayo dhArtarASTrasya sAdhuH
05047090a pratyakSaM vaH kuravo yad bravImi; yudhyamAnA dhArtarASTrA na santi
05047090c anyatra yuddhAt kuravaH parIpsan; na yudhyatAM zeSa ihAsti kaz cit
05047091a hatvA tv ahaM dhArtarASTrAn sakarNAn; rAjyaM kurUNAm avajetA samagram
05047091c yad vaH kAryaM tat kurudhvaM yathAsvam; iSTAn dArAn AtmajAMz copabhuGkta
05047092a apy evaM no brAhmaNAH santi vRddhA; bahuzrutAH zIlavantaH kulInAH
05047092c sAMvatsarA jyotiSi cApi yuktA; nakSatrayogeSu ca nizcayajJAH
05047093a uccAvacaM daivayuktaM rahasyaM; divyAH praznA mRgacakrA muhUrtAH
05047093c kSayaM mahAntaM kurusRJjayAnAM; nivedayante pANDavAnAM jayaM ca
05047094a tathA hi no manyate 'jAtazatruH; saMsiddhArtho dviSatAM nigrahAya
05047094c janArdanaz cApy aparokSavidyo; na saMzayaM pazyati vRSNisiMhaH
05047095a ahaM ca jAnAmi bhaviSyarUpaM; pazyAmi buddhyA svayam apramattaH
05047095c dRSTiz ca me na vyathate purANI; yudhyamAnA dhArtarASTrA na santi
05047096a anAlabdhaM jRmbhati gANDivaM dhanur; anAlabdhA kampati me dhanurjyA
05047096c bANAz ca me tUNamukhAd visRjya; muhur muhur gantum uzanti caiva
05047097a saikyaH kozAn niHsarati prasanno; hitveva jIrNAm uragas tvacaM svAm
05047097c dhvaje vAco raudrarUpA vadanti; kadA ratho yokSyate te kirITin
05047098a gomAyusaMghAz ca vadanti rAtrau; rakSAMsy atho niSpatanty antarikSAt
05047098c mRgAH zRgAlAH zitikaNThAz ca kAkA; gRdhrA baDAz caiva tarakSavaz ca
05047099a suparNapAtAz ca patanti pazcAd; dRSTvA rathaM zvetahayaprayuktam
05047099c ahaM hy ekaH pArthivAn sarvayodhAJ; zarAn varSan mRtyulokaM nayeyam
05047100a samAdadAnaH pRthag astramArgAn; yathAgnir iddho gahanaM nidAghe
05047100c sthUNAkarNaM pAzupataM ca ghoraM; tathA brahmAstraM yac ca zakro viveda
05047101a vadhe dhRto vegavataH pramuJcan; nAhaM prajAH kiM cid ivAvaziSye
05047101c zAntiM lapsye paramo hy eSa bhAvaH; sthiro mama brUhi gAvalgaNe tAn
05047102a nityaM punaH sacivair yair avocad; devAn apIndrapramukhAn sahAyAn
05047102c tair manyate kalahaM saMprayujya; sa dhArtarASTraH pazyata moham asya
05047103a vRddho bhISmaH zAMtanavaH kRpaz ca; droNaH saputro viduraz ca dhImAn
05047103c ete sarve yad vadante tad astu; AyuSmantaH kuravaH santu sarve
05048001  vaizaMpAyana uvAca
05048001a samaveteSu sarveSu teSu rAjasu bhArata
05048001c duryodhanam idaM vAkyaM bhISmaH zAMtanavo 'bravIt
05048002a bRhaspatiz cozanA ca brahmANaM paryupasthitau
05048002c marutaz ca sahendreNa vasavaz ca sahAzvinau
05048003a AdityAz caiva sAdhyAz ca ye ca saptarSayo divi
05048003c vizvAvasuz ca gandharvaH zubhAz cApsarasAM gaNAH
05048004a namaskRtvopajagmus te lokavRddhaM pitAmaham
05048004c parivArya ca vizvezaM paryAsata divaukasaH
05048005a teSAM manaz ca tejaz cApy AdadAnau divaukasAm
05048005c pUrvadevau vyatikrAntau naranArAyaNAv RSI
05048006a bRhaspatiz ca papraccha brAhmaNaM kAv imAv iti
05048006c bhavantaM nopatiSThete tau naH zaMsa pitAmaha
05048007  brahmovAca
05048007a yAv etau pRthivIM dyAM ca bhAsayantau tapasvinau
05048007c jvalantau rocamAnau ca vyApyAtItau mahAbalau
05048008a naranArAyaNAv etau lokAl lokaM samAsthitau
05048008c Urjitau svena tapasA mahAsattvaparAkramau
05048009a etau hi karmaNA lokAn nandayAm Asatur dhruvau
05048009c asurANAm abhAvAya devagandharvapUjitau
05048010  vaizaMpAyana uvAca
05048010a jagAma zakras tac chrutvA yatra tau tepatus tapaH
05048010c sArdhaM devagaNaiH sarvair bRhaspatipurogamaiH
05048011a tadA devAsure ghore bhaye jAte divaukasAm
05048011c ayAcata mahAtmAnau naranArAyaNau varam
05048012a tAv abrUtAM vRNISveti tadA bharatasattama
05048012c athaitAv abravIc chakraH sAhyaM naH kriyatAm iti
05048013a tatas tau zakram abrUtAM kariSyAvo yad icchasi
05048013c tAbhyAM ca sahitaH zakro vijigye daityadAnavAn
05048014a nara indrasya saMgrAme hatvA zatrUn paraMtapaH
05048014c paulomAn kAlakhaJjAMz ca sahasrANi zatAni ca
05048015a eSa bhrAnte rathe tiSThan bhallenApaharac chiraH
05048015c jambhasya grasamAnasya yajJam arjuna Ahave
05048016a eSa pAre samudrasya hiraNyapuram Arujat
05048016c hatvA SaSTisahasrANi nivAtakavacAn raNe
05048017a eSa devAn sahendreNa jitvA parapuraMjayaH
05048017c atarpayan mahAbAhur arjuno jAtavedasam
05048017e nArAyaNas tathaivAtra bhUyaso 'nyAJ jaghAna ha
05048018a evam etau mahAvIryau tau pazyata samAgatau
05048018c vAsudevArjunau vIrau samavetau mahArathau
05048019a naranArAyaNau devau pUrvadevAv iti zrutiH
05048019c ajeyau mAnuSe loke sendrair api surAsuraiH
05048020a eSa nArAyaNaH kRSNaH phalgunas tu naraH smRtaH
05048020c nArAyaNo naraz caiva sattvam ekaM dvidhAkRtam
05048021a etau hi karmaNA lokAn aznuvAte 'kSayAn dhruvAn
05048021c tatra tatraiva jAyete yuddhakAle punaH punaH
05048022a tasmAt karmaiva kartavyam iti hovAca nAradaH
05048022c etad dhi sarvam AcaSTa vRSNicakrasya vedavit
05048023a zaGkhacakragadAhastaM yadA drakSyasi kezavam
05048023c paryAdadAnaM cAstrANi bhImadhanvAnam arjunam
05048024a sanAtanau mahAtmAnau kRSNAv ekarathe sthitau
05048024c duryodhana tadA tAta smartAsi vacanaM mama
05048025a no ced ayam abhAvaH syAt kurUNAM pratyupasthitaH
05048025c arthAc ca tAta dharmAc ca tava buddhir upaplutA
05048026a na ced grahISyase vAkyaM zrotAsi subahUn hatAn
05048026c tavaiva hi mataM sarve kuravaH paryupAsate
05048027a trayANAm eva ca mataM tattvam eko 'numanyase
05048027c rAmeNa caiva zaptasya karNasya bharatarSabha
05048028a durjAteH sUtaputrasya zakuneH saubalasya ca
05048028c tathA kSudrasya pApasya bhrAtur duHzAsanasya ca
05048029  karNa uvAca
05048029a naivam AyuSmatA vAcyaM yan mAm Attha pitAmaha
05048029c kSatradharme sthito hy asmi svadharmAd anapeyivAn
05048030a kiM cAnyan mayi durvRttaM yena mAM parigarhase
05048030c na hi me vRjinaM kiM cid dhArtarASTrA viduH kva cit
05048031a rAjJo hi dhRtarASTrasya sarvaM kAryaM priyaM mayA
05048031c tathA duryodhanasyApi sa hi rAjye samAhitaH
05048032  vaizaMpAyana uvAca
05048032a karNasya tu vacaH zrutvA bhISmaH zAMtanavaH punaH
05048032c dhRtarASTraM mahArAjam AbhASyedaM vaco 'bravIt
05048033a yad ayaM katthate nityaM hantAhaM pANDavAn iti
05048033c nAyaM kalApi saMpUrNA pANDavAnAM mahAtmanAm
05048034a anayo yo 'yam AgantA putrANAM te durAtmanAm
05048034c tad asya karma jAnIhi sUtaputrasya durmateH
05048035a enam Azritya putras te mandabuddhiH suyodhanaH
05048035c avamanyata tAn vIrAn devaputrAn ariMdamAn
05048036a kiM cApy anena tat karma kRtaM pUrvaM suduSkaram
05048036c tair yathA pANDavaiH sarvair ekaikena kRtaM purA
05048037a dRSTvA virATanagare bhrAtaraM nihataM priyam
05048037c dhanaMjayena vikramya kim anena tadA kRtam
05048038a sahitAn hi kurUn sarvAn abhiyAto dhanaMjayaH
05048038c pramathya cAcchinad gAvaH kim ayaM proSitas tadA
05048039a gandharvair ghoSayAtrAyAM hriyate yat sutas tava
05048039c kva tadA sUtaputro 'bhUd ya idAnIM vRSAyate
05048040a nanu tatrApi pArthena bhImena ca mahAtmanA
05048040c yamAbhyAm eva cAgamya gandharvAs te parAjitAH
05048041a etAny asya mRSoktAni bahUni bharatarSabha
05048041c vikatthanasya bhadraM te sadA dharmArthalopinaH
05048042a bhISmasya tu vacaH zrutvA bhAradvAjo mahAmanAH
05048042c dhRtarASTram uvAcedaM rAjamadhye 'bhipUjayan
05048043a yad Aha bharatazreSTho bhISmas tat kriyatAM nRpa
05048043c na kAmam arthalipsUnAM vacanaM kartum arhasi
05048044a purA yuddhAt sAdhu manye pANDavaiH saha saMgamam
05048044c yad vAkyam arjunenoktaM saMjayena niveditam
05048045a sarvaM tad abhijAnAmi kariSyati ca pANDavaH
05048045c na hy asya triSu lokeSu sadRzo 'sti dhanurdharaH
05048046a anAdRtya tu tad vAkyam arthavad droNabhISmayoH
05048046c tataH sa saMjayaM rAjA paryapRcchata pANDavam
05048047a tadaiva kuravaH sarve nirAzA jIvite 'bhavan
05048047c bhISmadroNau yadA rAjA na samyag anubhASate
05049001  dhRtarASTra uvAca
05049001a kim asau pANDavo rAjA dharmaputro 'bhyabhASata
05049001c zrutvemA bahulAH senAH pratyarthena samAgatAH
05049002a kim icchaty abhisaMrambhAd yotsyamAno yudhiSThiraH
05049002c kasya svid bhrAtRputrANAM cintAsu mukham IkSate
05049003a ke svid enaM vArayanti zAmya yudhyeti vA punaH
05049003c nikRtyA kopitaM mandair dharmajJaM dharmacAriNam
05049004  saMjaya uvAca
05049004a rAjJo mukham udIkSante pAJcAlAH pANDavaiH saha
05049004c yudhiSThirasya bhadraM te sa sarvAn anuzAsti ca
05049005a pRthagbhUtAH pANDavAnAM pAJcAlAnAM rathavrajAH
05049005c AyAntam abhinandanti kuntIputraM yudhiSThiram
05049006a tamaH sUryam ivodyantaM kaunteyaM dIptatejasam
05049006c pAJcAlAH pratinandanti tejorAzim ivodyatam
05049007a A gopAlAvipAlebhyo nandamAnaM yudhiSThiram
05049007c pAJcAlAH kekayA matsyAH pratinandanti pANDavam
05049008a brAhmaNyo rAjaputryaz ca vizAM duhitaraz ca yAH
05049008c krIDantyo 'bhisamAyAnti pArthaM saMnaddham IkSitum
05049009  dhRtarASTra uvAca
05049009a saMjayAcakSva kenAsmAn pANDavA abhyayuJjata
05049009c dhRSTadyumnena senAnyA somakAH kiMbalA iva
05049010  vaizaMpAyana uvAca
05049010a gAvalgaNis tu tat pRSTaH sabhAyAM kurusaMsadi
05049010c niHzvasya subhRzaM dIrghaM muhuH saMcintayann iva
05049010e tatrAnimittato daivAt sUtaM kazmalam Avizat
05049011a tadAcacakSe puruSaH sabhAyAM rAjasaMsadi
05049011c saMjayo 'yaM mahArAja mUrcchitaH patito bhuvi
05049011e vAcaM na sRjate kAM cid dhInaprajJo 'lpacetanaH
05049012  dhRtarASTra uvAca
05049012a apazyat saMjayo nUnaM kuntIputrAn mahArathAn
05049012c tair asya puruSavyAghrair bhRzam udvejitaM manaH
05049013  vaizaMpAyana uvAca
05049013a saMjayaz cetanAM labdhvA pratyAzvasyedam abravIt
05049013c dhRtarASTraM mahArAja sabhAyAM kurusaMsadi
05049014a dRSTavAn asmi rAjendra kuntIputrAn mahArathAn
05049014c matsyarAjagRhAvAsAd avarodhena karzitAn
05049014e zRNu yair hi mahArAja pANDavA abhyayuJjata
05049015a yo naiva roSAn na bhayAn na kAmAn nArthakAraNAt
05049015c na hetuvAdAd dharmAtmA satyaM jahyAt kathaM cana
05049016a yaH pramANaM mahArAja dharme dharmabhRtAM varaH
05049016c ajAtazatruNA tena pANDavA abhyayuJjata
05049017a yasya bAhubale tulyaH pRthivyAM nAsti kaz cana
05049017c yo vai sarvAn mahIpAlAn vaze cakre dhanurdharaH
05049017e tena vo bhImasenena pANDavA abhyayuJjata
05049018a niHsRtAnAM jatugRhAd dhiDimbAt puruSAdakAt
05049018c ya eSAm abhavad dvIpaH kuntIputro vRkodaraH
05049019a yAjJasenIm atho yatra sindhurAjo 'pakRSTavAn
05049019c tatraiSAm abhavad dvIpaH kuntIputro vRkodaraH
05049020a yaz ca tAn saMgatAn sarvAn pANDavAn vAraNAvate
05049020c dahyato mocayAm Asa tena vas te 'bhyayuJjata
05049021a kRSNAyAz caratA prItiM yena krodhavazA hatAH
05049021c pravizya viSamaM ghoraM parvataM gandhamAdanam
05049022a yasya nAgAyutaM vIryaM bhujayoH sAram arpitam
05049022c tena vo bhImasenena pANDavA abhyayuJjata
05049023a kRSNadvitIyo vikramya tuSTyarthaM jAtavedasaH
05049023c ajayad yaH purA vIro yudhyamAnaM puraMdaram
05049024a yaH sa sAkSAn mahAdevaM girizaM zUlapANinam
05049024c toSayAm Asa yuddhena devadevam umApatim
05049025a yaz ca sarvAn vaze cakre lokapAlAn dhanurdharaH
05049025c tena vo vijayenAjau pANDavA abhyayuJjata
05049026a yaH pratIcIM dizaM cakre vaze mlecchagaNAyutAm
05049026c sa tatra nakulo yoddhA citrayodhI vyavasthitaH
05049027a tena vo darzanIyena vIreNAtidhanurbhRtA
05049027c mAdrIputreNa kauravya pANDavA abhyayuJjata
05049028a yaH kAzIn aGgamagadhAn kaliGgAMz ca yudhAjayat
05049028c tena vaH sahadevena pANDavA abhyayuJjata
05049029a yasya vIryeNa sadRzAz catvAro bhuvi mAnavAH
05049029c azvatthAmA dhRSTaketuH pradyumno rukmir eva ca
05049030a tena vaH sahadevena pANDavA abhyayuJjata
05049030c yavIyasA nRvIreNa mAdrInandikareNa ca
05049031a tapaz cacAra yA ghoraM kAzikanyA purA satI
05049031c bhISmasya vadham icchantI pretyApi bharatarSabha
05049032a pAJcAlasya sutA jajJe daivAc ca sa punaH pumAn
05049032c strIpuMsoH puruSavyAghra yaH sa veda guNAguNAn
05049033a yaH kaliGgAn samApede pAJcAlo yuddhadurmadaH
05049033c zikhaNDinA vaH kuravaH kRtAstreNAbhyayuJjata
05049034a yAM yakSaH puruSaM cakre bhISmasya nidhane kila
05049034c maheSvAsena raudreNa pANDavA abhyayuJjata
05049035a maheSvAsA rAjaputrA bhrAtaraH paJca kekayAH
05049035c sumRSTakavacAH zUrAs taiz ca vas te 'bhyayuJjata
05049036a yo dIrghabAhuH kSiprAstro dhRtimAn satyavikramaH
05049036c tena vo vRSNivIreNa yuyudhAnena saMgaraH
05049037a ya AsIc charaNaM kAle pANDavAnAM mahAtmanAm
05049037c raNe tena virATena pANDavA abhyayuJjata
05049038a yaH sa kAzipatI rAjA vArANasyAM mahArathaH
05049038c sa teSAm abhavad yoddhA tena vas te 'bhyayuJjata
05049039a zizubhir durjayaiH saMkhye draupadeyair mahAtmabhiH
05049039c AzIviSasamasparzaiH pANDavA abhyayuJjata
05049040a yaH kRSNasadRzo vIrye yudhiSThirasamo dame
05049040c tenAbhimanyunA saMkhye pANDavA abhyayuJjata
05049041a yaz caivApratimo vIrye dhRSTaketur mahAyazAH
05049041c duHsahaH samare kruddhaH zaizupAlir mahArathaH
05049041e tena vaz cedirAjena pANDavA abhyayuJjata
05049042a yaH saMzrayaH pANDavAnAM devAnAm iva vAsavaH
05049042c tena vo vAsudevena pANDavA abhyayuJjata
05049043a tathA cedipater bhrAtA zarabho bharatarSabha
05049043c karakarSeNa sahitas tAbhyAM vas te 'bhyayuJjata
05049044a jArAsaMdhiH sahadevo jayatsenaz ca tAv ubhau
05049044c drupadaz ca mahAtejA balena mahatA vRtaH
05049044e tyaktAtmA pANDavArthAya yotsyamAno vyavasthitaH
05049045a ete cAnye ca bahavaH prAcyodIcyA mahIkSitaH
05049045c zatazo yAn apAzritya dharmarAjo vyavasthitaH
05050001  dhRtarASTra uvAca
05050001a sarva ete mahotsAhA ye tvayA parikIrtitAH
05050001c ekatas tv eva te sarve sametA bhIma ekataH
05050002a bhImasenAd dhi me bhUyo bhayaM saMjAyate mahat
05050002c kruddhAd amarSaNAt tAta vyAghrAd iva mahAruroH
05050003a jAgarmi rAtrayaH sarvA dIrgham uSNaM ca niHzvasan
05050003c bhIto vRkodarAt tAta siMhAt pazur ivAbalaH
05050004a na hi tasya mahAbAhoH zakrapratimatejasaH
05050004c sainye 'smin pratipazyAmi ya enaM viSahed yudhi
05050005a amarSaNaz ca kaunteyo dRDhavairaz ca pANDavaH
05050005c anarmahAsI sonmAdas tiryakprekSI mahAsvanaH
05050006a mahAvego mahotsAho mahAbAhur mahAbalaH
05050006c mandAnAM mama putrANAM yuddhenAntaM kariSyati
05050007a UrugrAhagRhItAnAM gadAM bibhrad vRkodaraH
05050007c kurUNAm RSabho yuddhe daNDapANir ivAntakaH
05050008a zaikyAyasamayIM ghorAM gadAM kAJcanabhUSitAm
05050008c manasAhaM prapazyAmi brahmadaNDam ivodyatam
05050009a yathA rurUNAM yUtheSu siMho jAtabalaz caret
05050009c mAmakeSu tathA bhImo baleSu vicariSyati
05050010a sarveSAM mama putrANAM sa ekaH krUravikramaH
05050010c bahvAzI vipratIpaz ca bAlye 'pi rabhasaH sadA
05050011a udvepate me hRdayaM yadA duryodhanAdayaH
05050011c bAlye 'pi tena yudhyanto vAraNeneva marditAH
05050012a tasya vIryeNa saMkliSTA nityam eva sutA mama
05050012c sa eva hetur bhedasya bhImo bhImaparAkramaH
05050013a grasamAnam anIkAni naravAraNavAjinAm
05050013c pazyAmIvAgrato bhImaM krodhamUrchitam Ahave
05050014a astre droNArjunasamaM vAyuvegasamaM jave
05050014c saMjayAcakSva me zUraM bhImasenam amarSaNam
05050015a atilAbhaM tu manye 'haM yat tena ripughAtinA
05050015c tadaiva na hatAH sarve mama putrA manasvinA
05050016a yena bhImabalA yakSA rAkSasAz ca samAhatAH
05050016c kathaM tasya raNe vegaM mAnuSaH prasahiSyati
05050017a na sa jAtu vaze tasthau mama bAlo 'pi saMjaya
05050017c kiM punar mama duSputraiH kliSTaH saMprati pANDavaH
05050018a niSThuraH sa ca naiSThuryAd bhajyed api na saMnamet
05050018c tiryakprekSI saMhatabhrUH kathaM zAmyed vRkodaraH
05050019a bRhadaMso 'pratibalo gauras tAla ivodgataH
05050019c pramANato bhImasenaH prAdezenAdhiko 'rjunAt
05050020a javena vAjino 'tyeti balenAtyeti kuJjarAn
05050020c avyaktajalpI madhvakSo madhyamaH pANDavo balI
05050021a iti bAlye zrutaH pUrvaM mayA vyAsamukhAt purA
05050021c rUpato vIryataz caiva yAthAtathyena pANDavaH
05050022a Ayasena sa daNDena rathAn nAgAn hayAn narAn
05050022c haniSyati raNe kruddho bhImaH praharatAM varaH
05050023a amarSI nityasaMrabdho raudraH krUraparAkramaH
05050023c mama tAta pratIpAni kurvan pUrvaM vimAnitaH
05050024a niSkIrNAm AyasIM sthUlAM suparvAM kAJcanIM gadAm
05050024c zataghnIM zatanirhrAdAM kathaM zakSyanti me sutAH
05050025a apAram aplavAgAdhaM samudraM zaraveginam
05050025c bhImasenamayaM durgaM tAta mandAs titIrSavaH
05050026a krozato me na zRNvanti bAlAH paNDitamAninaH
05050026c viSamaM nAvabudhyante prapAtaM madhudarzinaH
05050027a saMyugaM ye kariSyanti nararUpeNa vAyunA
05050027c niyataM coditA dhAtrA siMheneva mahAmRgAH
05050028a zaikyAM tAta catuSkiSkuM SaDasrim amitaujasam
05050028c prahitAM duHkhasaMsparzAM kathaM zakSyanti me sutAH
05050029a gadAM bhrAmayatas tasya bhindato hastimastakAn
05050029c sRkkiNI lelihAnasya bASpam utsRjato muhuH
05050030a uddizya pAtAn patataH kurvato bhairavAn ravAn
05050030c pratIpAn patato mattAn kuJjarAn pratigarjataH
05050031a vigAhya rathamArgeSu varAn uddizya nighnataH
05050031c agneH prajvalitasyeva api mucyeta me prajA
05050032a vIthIM kurvan mahAbAhur drAvayan mama vAhinIm
05050032c nRtyann iva gadApANir yugAntaM darzayiSyati
05050033a prabhinna iva mAtaGgaH prabhaJjan puSpitAn drumAn
05050033c pravekSyati raNe senAM putrANAM me vRkodaraH
05050034a kurvan rathAn vipuruSAn vidhvajAn bhagnapuSkarAn
05050034c Arujan puruSavyAghro rathinaH sAdinas tathA
05050035a gaGgAvega ivAnUpAMs tIrajAn vividhAn drumAn
05050035c pravekSyati mahAsenAM putrANAM mama saMjaya
05050036a vazaM nUnaM gamiSyanti bhImasenabalArditAH
05050036c mama putrAz ca bhRtyAz ca rAjAnaz caiva saMjaya
05050037a yena rAjA mahAvIryaH pravizyAntaHpuraM purA
05050037c vAsudevasahAyena jarAsaMdho nipAtitaH
05050038a kRtsneyaM pRthivI devI jarAsaMdhena dhImatA
05050038c mAgadhendreNa balinA vaze kRtvA pratApitA
05050039a bhISmapratApAt kuravo nayenAndhakavRSNayaH
05050039c te na tasya vazaM jagmuH kevalaM daivam eva vA
05050040a sa gatvA pANDuputreNa tarasA bAhuzAlinA
05050040c anAyudhena vIreNa nihataH kiM tato 'dhikam
05050041a dIrghakAlena saMsiktaM viSam AzIviSo yathA
05050041c sa mokSyati raNe tejaH putreSu mama saMjaya
05050042a mahendra iva vajreNa dAnavAn devasattamaH
05050042c bhImaseno gadApANiH sUdayiSyati me sutAn
05050043a aviSahyam anAvAryaM tIvravegaparAkramam
05050043c pazyAmIvAtitAmrAkSam ApatantaM vRkodaram
05050044a agadasyApy adhanuSo virathasya vivarmaNaH
05050044c bAhubhyAM yudhyamAnasya kas tiSThed agrataH pumAn
05050045a bhISmo droNaz ca vipro 'yaM kRpaH zAradvatas tathA
05050045c jAnanty ete yathaivAhaM vIryajJas tasya dhImataH
05050046a AryavrataM tu jAnantaH saMgarAn na bibhitsavaH
05050046c senAmukheSu sthAsyanti mAmakAnAM nararSabhAH
05050047a balIyaH sarvato diSTaM puruSasya vizeSataH
05050047c pazyann api jayaM teSAM na niyacchAmi yat sutAn
05050048a te purANaM maheSvAsA mArgam aindraM samAsthitAH
05050048c tyakSyanti tumule prANAn rakSantaH pArthivaM yazaH
05050049a yathaiSAM mAmakAs tAta tathaiSAM pANDavA api
05050049c pautrA bhISmasya ziSyAz ca droNasya ca kRpasya ca
05050050a yat tv asmad AzrayaM kiM cid dattam iSTaM ca saMjaya
05050050c tasyApacitim AryatvAt kartAraH sthavirAs trayaH
05050051a AdadAnasya zastraM hi kSatradharmaM parIpsataH
05050051c nidhanaM brAhmaNasyAjau varam evAhur uttamam
05050052a sa vai zocAmi sarvAn vai ye yuyutsanti pANDavAn
05050052c vikruSTaM vidureNAdau tad etad bhayam Agatam
05050053a na tu manye vighAtAya jJAnaM duHkhasya saMjaya
05050053c bhavaty atibale hy etaj jJAnam apy upaghAtakam
05050054a RSayo hy api nirmuktAH pazyanto lokasaMgrahAn
05050054c sukhe bhavanti sukhinas tathA duHkhena duHkhitAH
05050055a kiM punar yo 'ham Asaktas tatra tatra sahasradhA
05050055c putreSu rAjyadAreSu pautreSv api ca bandhuSu
05050056a saMzaye tu mahaty asmin kiM nu me kSamam uttamam
05050056c vinAzaM hy eva pazyAmi kurUNAm anucintayan
05050057a dyUtapramukham AbhAti kurUNAM vyasanaM mahat
05050057c mandenaizvaryakAmena lobhAt pApam idaM kRtam
05050058a manye paryAyadharmo 'yaM kAlasyAtyantagAminaH
05050058c cakre pradhir ivAsakto nAsya zakyaM palAyitum
05050059a kiM nu kAryaM kathaM kuryAM kva nu gacchAmi saMjaya
05050059c ete nazyanti kuravo mandAH kAlavazaM gatAH
05050060a avazo 'haM purA tAta putrANAM nihate zate
05050060c zroSyAmi ninadaM strINAM kathaM mAM maraNaM spRzet
05050061a yathA nidAghe jvalanaH samiddho; dahet kakSaM vAyunA codyamAnaH
05050061c gadAhastaH pANDavas tadvad eva; hantA madIyAn sahito 'rjunena
05051001  dhRtarASTra uvAca
05051001a yasya vai nAnRtA vAcaH pravRttA anuzuzrumaH
05051001c trailokyam api tasya syAd yoddhA yasya dhanaMjayaH
05051002a tasyaiva ca na pazyAmi yudhi gANDIvadhanvanaH
05051002c anizaM cintayAno 'pi yaH pratIyAd rathena tam
05051003a asyataH karNinAlIkAn mArgaNAn hRdayacchidaH
05051003c pratyetA na samaH kaz cid yudhi gANDIvadhanvanaH
05051004a droNakarNau pratIyAtAM yadi vIrau nararSabhau
05051004c mAhAtmyAt saMzayo loke na tv asti vijayo mama
05051005a ghRNI karNaH pramAdI ca AcAryaH sthaviro guruH
05051005c samartho balavAn pArtho dRDhadhanvA jitaklamaH
05051005e bhavet sutumulaM yuddhaM sarvazo 'py aparAjayaH
05051006a sarve hy astravidaH zUrAH sarve prAptA mahad yazaH
05051006c api sarvAmaraizvaryaM tyajeyur na punar jayam
05051006e vadhe nUnaM bhavec chAntis tayor vA phalgunasya vA
05051007a na tu jetArjunasyAsti hantA cAsya na vidyate
05051007c manyus tasya kathaM zAmyen mandAn prati ya utthitaH
05051008a anye 'py astrANi jAnanti jIyante ca jayanti ca
05051008c ekAntavijayas tv eva zrUyate phalgunasya ha
05051009a trayastriMzat samAhUya khANDave 'gnim atarpayat
05051009c jigAya ca surAn sarvAn nAsya vedmi parAjayam
05051010a yasya yantA hRSIkezaH zIlavRttasamo yudhi
05051010c dhruvas tasya jayas tAta yathendrasya jayas tathA
05051011a kRSNAv ekarathe yattAv adhijyaM gANDivaM dhanuH
05051011c yugapat trINi tejAMsi sametAny anuzuzrumaH
05051012a naiva no 'sti dhanus tAdRG na yoddhA na ca sArathiH
05051012c tac ca mandA na jAnanti duryodhanavazAnugAH
05051013a zeSayed azanir dIpto nipatan mUrdhni saMjaya
05051013c na tu zeSaM zarAH kuryur astAs tAta kirITinA
05051014a api cAsyann ivAbhAti nighnann iva ca phalgunaH
05051014c uddharann iva kAyebhyaH zirAMsi zaravRSTibhiH
05051015a api bANamayaM tejaH pradIptam iva sarvataH
05051015c gANDIveddhaM dahetAjau putrANAM mama vAhinIm
05051016a api sA rathaghoSeNa bhayArtA savyasAcinaH
05051016c vitrastA bahulA senA bhAratI pratibhAti me
05051017a yathA kakSaM dahaty agniH pravRddhaH sarvataz caran
05051017c mahArcir aniloddhUtas tadvad dhakSyati mAmakAn
05051018a yadodvaman nizitAn bANasaMghAn; sthAtAtatAyI samare kirITI
05051018c sRSTo 'ntakaH sarvaharo vidhAtrA; yathA bhavet tadvad avAraNIyaH
05051019a yadA hy abhIkSNaM subahUn prakArAJ; zrotAsmi tAn Avasathe kurUNAm
05051019c teSAM samantAc ca tathA raNAgre; kSayaH kilAyaM bharatAn upaiti
05052001  dhRtarASTra uvAca
05052001a yathaiva pANDavAH sarve parAkrAntA jigISavaH
05052001c tathaivAbhisarAs teSAM tyaktAtmAno jaye dhRtAH
05052002a tvam eva hi parAkrAntAn AcakSIthAH parAn mama
05052002c pAJcAlAn kekayAn matsyAn mAgadhAn vatsabhUmipAn
05052003a yaz ca sendrAn imA&l lokAn icchan kuryAd vaze balI
05052003c sa zreSTho jagataH kRSNaH pANDavAnAM jaye dhRtaH
05052004a samastAm arjunAd vidyAM sAtyakiH kSipram AptavAn
05052004c zaineyaH samare sthAtA bIjavat pravapaJ zarAn
05052005a dhRSTadyumnaz ca pAJcAlyaH krUrakarmA mahArathaH
05052005c mAmakeSu raNaM kartA baleSu paramAstravit
05052006a yudhiSThirasya ca krodhAd arjunasya ca vikramAt
05052006c yamAbhyAM bhImasenAc ca bhayaM me tAta jAyate
05052007a amAnuSaM manuSyendrair jAlaM vitatam antarA
05052007c mama senAM haniSyanti tataH krozAmi saMjaya
05052008a darzanIyo manasvI ca lakSmIvAn brahmavarcasI
05052008c medhAvI sukRtaprajJo dharmAtmA pANDunandanaH
05052009a mitrAmAtyaiH susaMpannaH saMpanno yojyayojakaiH
05052009c bhrAtRbhiH zvazuraiH putrair upapanno mahArathaiH
05052010a dhRtyA ca puruSavyAghro naibhRtyena ca pANDavaH
05052010c anRzaMso vadAnyaz ca hrImAn satyaparAkramaH
05052011a bahuzrutaH kRtAtmA ca vRddhasevI jitendriyaH
05052011c taM sarvaguNasaMpannaM samiddham iva pAvakam
05052012a tapantam iva ko mandaH patiSyati pataMgavat
05052012c pANDavAgnim anAvAryaM mumUrSur mUDhacetanaH
05052013a tanur uccaH zikhI rAjA zuddhajAmbUnadaprabhaH
05052013c mandAnAM mama putrANAM yuddhenAntaM kariSyati
05052014a tair ayuddhaM sAdhu manye kuravas tan nibodhata
05052014c yuddhe vinAzaH kRtsnasya kulasya bhavitA dhruvam
05052015a eSA me paramA zAntir yayA zAmyati me manaH
05052015c yadi tv ayuddham iSTaM vo vayaM zAntyai yatAmahe
05052016a na tu naH zikSamANAnAm upekSeta yudhiSThiraH
05052016c jugupsati hy adharmeNa mAm evoddizya kAraNam
05053001  saMjaya uvAca
05053001a evam etan mahArAja yathA vadasi bhArata
05053001c yuddhe vinAzaH kSatrasya gANDIvena pradRzyate
05053002a idaM tu nAbhijAnAmi tava dhIrasya nityazaH
05053002c yat putravazam AgaccheH sattvajJaH savyasAcinaH
05053003a naiSa kAlo mahArAja tava zazvat kRtAgasaH
05053003c tvayA hy evAditaH pArthA nikRtA bharatarSabha
05053004a pitA zreSThaH suhRd yaz ca samyak praNihitAtmavAn
05053004c AstheyaM hi hitaM tena na drogdhA gurur ucyate
05053005a idaM jitam idaM labdham iti zrutvA parAjitAn
05053005c dyUtakAle mahArAja smayase sma kumAravat
05053006a paruSANy ucyamAnAn sma purA pArthAn upekSase
05053006c kRtsnaM rAjyaM jayantIti prapAtaM nAnupazyasi
05053007a pitryaM rAjyaM mahArAja kuravas te sajAGgalAH
05053007c atha vIrair jitAM bhUmim akhilAM pratyapadyathAH
05053008a bAhuvIryArjitA bhUmis tava pArthair niveditA
05053008c mayedaM kRtam ity eva manyase rAjasattama
05053009a grastAn gandharvarAjena majjato hy aplave 'mbhasi
05053009c AninAya punaH pArthaH putrAMs te rAjasattama
05053010a kumAravac ca smayase dyUte vinikRteSu yat
05053010c pANDaveSu vanaM rAjan pravrajatsu punaH punaH
05053011a pravarSataH zaravrAtAn arjunasya zitAn bahUn
05053011c apy arNavA vizuSyeyuH kiM punar mAMsayonayaH
05053012a asyatAM phalgunaH zreSTho gANDIvaM dhanuSAM varam
05053012c kezavaH sarvabhUtAnAM cakrANAM ca sudarzanam
05053013a vAnaro rocamAnaz ca ketuH ketumatAM varaH
05053013c evam etAni saratho vahaJ zvetahayo raNe
05053013e kSapayiSyati no rAjan kAlacakram ivodyatam
05053014a tasyAdya vasudhA rAjan nikhilA bharatarSabha
05053014c yasya bhImArjunau yodhau sa rAjA rAjasattama
05053015a tathA bhImahataprAyAM majjantIM tava vAhinIm
05053015c duryodhanamukhA dRSTvA kSayaM yAsyanti kauravAH
05053016a na hi bhImabhayAd bhItA lapsyante vijayaM vibho
05053016c tava putrA mahArAja rAjAnaz cAnusAriNaH
05053017a matsyAs tvAm adya nArcanti pAJcAlAz ca sakekayAH
05053017c zAlveyAH zUrasenAz ca sarve tvAm avajAnate
05053017e pArthaM hy ete gatAH sarve vIryajJAs tasya dhImataH
05053018a anarhAn eva tu vadhe dharmayuktAn vikarmaNA
05053018c sarvopAyair niyantavyaH sAnugaH pApapUruSaH
05053018e tava putro mahArAja nAtra zocitum arhasi
05053019a dyUtakAle mayA coktaM vidureNa ca dhImatA
05053019c yad idaM te vilapitaM pANDavAn prati bhArata
05053019e anIzeneva rAjendra sarvam etan nirarthakam
05054001  duryodhana uvAca
05054001a na bhetavyaM mahArAja na zocyA bhavatA vayam
05054001c samarthAH sma parAn rAjan vijetuM samare vibho
05054002a vanaM pravrAjitAn pArthAn yad AyAn madhusUdanaH
05054002c mahatA balacakreNa pararASTrAvamardinA
05054003a kekayA dhRSTaketuz ca dhRSTadyumnaz ca pArSataH
05054003c rAjAnaz cAnvayuH pArthAn bahavo 'nye 'nuyAyinaH
05054004a indraprasthasya cAdUrAt samAjagmur mahArathAH
05054004c vyagarhayaMz ca saMgamya bhavantaM kurubhiH saha
05054005a te yudhiSThiram AsInam ajinaiH prativAsitam
05054005c kRSNapradhAnAH saMhatya paryupAsanta bhArata
05054006a pratyAdAnaM ca rAjyasya kAryam Ucur narAdhipAH
05054006c bhavataH sAnubandhasya samucchedaM cikIrSavaH
05054007a zrutvA caitan mayoktAs tu bhISmadroNakRpAs tadA
05054007c jJAtikSayabhayAd rAjan bhItena bharatarSabha
05054008a na te sthAsyanti samaye pANDavA iti me matiH
05054008c samucchedaM hi naH kRtsnaM vAsudevaz cikIrSati
05054009a Rte ca viduraM sarve yUyaM vadhyA mahAtmanaH
05054009c dhRtarASTraz ca dharmajJo na vadhyaH kurusattamaH
05054010a samucchedaM ca kRtsnaM naH kRtvA tAta janArdanaH
05054010c ekarAjyaM kurUNAM sma cikIrSati yudhiSThire
05054011a tatra kiM prAptakAlaM naH praNipAtaH palAyanam
05054011c prANAn vA saMparityajya pratiyudhyAmahe parAn
05054012a pratiyuddhe tu niyataH syAd asmAkaM parAjayaH
05054012c yudhiSThirasya sarve hi pArthivA vazavartinaH
05054013a viraktarASTrAz ca vayaM mitrANi kupitAni naH
05054013c dhikkRtAH pArthivaiH sarvaiH svajanena ca sarvazaH
05054014a praNipAte tu doSo 'sti bandhUnAM zAzvatIH samAH
05054014c pitaraM tv eva zocAmi prajJAnetraM janezvaram
05054014e matkRte duHkham ApannaM klezaM prAptam anantakam
05054015a kRtaM hi tava putraiz ca pareSAm avarodhanam
05054015c matpriyArthaM puraivaitad viditaM te narottama
05054016a te rAjJo dhRtarASTrasya sAmAtyasya mahArathAH
05054016c vairaM pratikariSyanti kulocchedena pANDavAH
05054017a tato droNo 'bravId bhISmaH kRpo drauNiz ca bhArata
05054017c matvA mAM mahatIM cintAm AsthitaM vyathitendriyam
05054018a abhidrugdhAH pare cen no na bhetavyaM paraMtapa
05054018c asamarthAH pare jetum asmAn yudhi janezvara
05054019a ekaikazaH samarthAH smo vijetuM sarvapArthivAn
05054019c Agacchantu vineSyAmo darpam eSAM zitaiH zaraiH
05054020a puraikena hi bhISmeNa vijitAH sarvapArthivAH
05054020c mRte pitary abhikruddho rathenaikena bhArata
05054021a jaghAna subahUMs teSAM saMrabdhaH kurusattamaH
05054021c tatas te zaraNaM jagmur devavratam imaM bhayAt
05054022a sa bhISmaH susamartho 'yam asmAbhiH sahito raNe
05054022c parAn vijetuM tasmAt te vyetu bhIr bharatarSabha
05054022e ity eSAM nizcayo hy AsIt tatkAlam amitaujasAm
05054023a purA pareSAM pRthivI kRtsnAsId vazavartinI
05054023c asmAn punar amI nAdya samarthA jetum Ahave
05054023e chinnapakSAH pare hy adya vIryahInAz ca pANDavAH
05054024a asmatsaMsthA ca pRthivI vartate bharatarSabha
05054024c ekArthAH sukhaduHkheSu mayAnItAz ca pArthivAH
05054025a apy agniM pravizeyus te samudraM vA paraMtapa
05054025c madarthe pArthivAH sarve tad viddhi kurusattama
05054026a unmattam iva cApi tvAM prahasantIha duHkhitam
05054026c vilapantaM bahuvidhaM bhItaM paravikatthane
05054027a eSAM hy ekaikazo rAjJAM samarthaH pANDavAn prati
05054027c AtmAnaM manyate sarvo vyetu te bhayam Agatam
05054028a sarvAM samagrAM senAM me vAsavo 'pi na zaknuyAt
05054028c hantum akSayyarUpeyaM brahmaNApi svayambhuvA
05054029a yudhiSThiraH puraM hitvA paJca grAmAn sa yAcati
05054029c bhIto hi mAmakAt sainyAt prabhAvAc caiva me prabho
05054030a samarthaM manyase yac ca kuntIputraM vRkodaram
05054030c tan mithyA na hi me kRtsnaM prabhAvaM vettha bhArata
05054031a matsamo hi gadAyuddhe pRthivyAM nAsti kaz cana
05054031c nAsIt kaz cid atikrAnto bhavitA na ca kaz cana
05054032a yukto duHkhocitaz cAhaM vidyApAragatas tathA
05054032c tasmAn na bhImAn nAnyebhyo bhayaM me vidyate kva cit
05054033a duryodhanasamo nAsti gadAyAm iti nizcayaH
05054033c saMkarSaNasya bhadraM te yat tadainam upAvasam
05054034a yuddhe saMkarSaNasamo balenAbhyadhiko bhuvi
05054034c gadAprahAraM bhImo me na jAtu viSahed yudhi
05054035a ekaM prahAraM yaM dadyAM bhImAya ruSito nRpa
05054035c sa evainaM nayed ghoraM kSipraM vaivasvatakSayam
05054036a iccheyaM ca gadAhastaM rAjan draSTuM vRkodaram
05054036c suciraM prArthito hy eSa mama nityaM manorathaH
05054037a gadayA nihato hy Ajau mama pArtho vRkodaraH
05054037c vizIrNagAtraH pRthivIM parAsuH prapatiSyati
05054038a gadAprahArAbhihato himavAn api parvataH
05054038c sakRn mayA vizIryeta giriH zatasahasradhA
05054039a sa cApy etad vijAnAti vAsudevArjunau tathA
05054039c duryodhanasamo nAsti gadAyAm iti nizcayaH
05054040a tat te vRkodaramayaM bhayaM vyetu mahAhave
05054040c vyapaneSyAmy ahaM hy enaM mA rAjan vimanA bhava
05054041a tasmin mayA hate kSipram arjunaM bahavo rathAH
05054041c tulyarUpA viziSTAz ca kSepsyanti bharatarSabha
05054042a bhISmo droNaH kRpo drauNiH karNo bhUrizravAs tathA
05054042c prAgjyotiSAdhipaH zalyaH sindhurAjo jayadrathaH
05054043a ekaika eSAM zaktas tu hantuM bhArata pANDavAn
05054043c samastAs tu kSaNenaitAn neSyanti yamasAdanam
05054044a samagrA pArthivI senA pArtham ekaM dhanaMjayam
05054044c kasmAd azaktA nirjetum iti hetur na vidyate
05054045a zaravrAtais tu bhISmeNa zatazo 'tha sahasrazaH
05054045c droNadrauNikRpaiz caiva gantA pArtho yamakSayam
05054046a pitAmaho hi gAGgeyaH zaMtanor adhi bhArata
05054046c brahmarSisadRzo jajJe devair api durutsahaH
05054046e pitrA hy uktaH prasannena nAkAmas tvaM mariSyasi
05054047a brahmarSez ca bharadvAjAd droNyAM droNo vyajAyata
05054047c droNAj jajJe mahArAja drauNiz ca paramAstravit
05054048a kRpaz cAcAryamukhyo 'yaM maharSer gautamAd api
05054048c zarastambodbhavaH zrImAn avadhya iti me matiH
05054049a ayonijaM trayaM hy etat pitA mAtA ca mAtulaH
05054049c azvatthAmno mahArAja sa ca zUraH sthito mama
05054050a sarva ete mahArAja devakalpA mahArathAH
05054050c zakrasyApi vyathAM kuryuH saMyuge bharatarSabha
05054051a bhISmadroNakRpANAM ca tulyaH karNo mato mama
05054051c anujJAtaz ca rAmeNa matsamo 'sIti bhArata
05054052a kuNDale rucire cAstAM karNasya sahaje zubhe
05054052c te zacyarthe mahendreNa yAcitaH sa paraMtapaH
05054052e amoghayA mahArAja zaktyA paramabhImayA
05054053a tasya zaktyopagUDhasya kasmAj jIved dhanaMjayaH
05054053c vijayo me dhruvaM rAjan phalaM pANAv ivAhitam
05054053e abhivyaktaH pareSAM ca kRtsno bhuvi parAjayaH
05054054a ahnA hy ekena bhISmo 'yam ayutaM hanti bhArata
05054054c tat samAz ca maheSvAsA droNadrauNikRpA api
05054055a saMzaptAni ca vRndAni kSatriyANAM paraMtapa
05054055c arjunaM vayam asmAn vA dhanaMjaya iti sma ha
05054056a tAMz cAlam iti manyante savyasAcivadhe vibho
05054056c pArthivAH sa bhavAn rAjann akasmAd vyathate katham
05054057a bhImasene ca nihate ko 'nyo yudhyeta bhArata
05054057c pareSAM tan mamAcakSva yadi vettha paraMtapa
05054058a paJca te bhrAtaraH sarve dhRSTadyumno 'tha sAtyakiH
05054058c pareSAM sapta ye rAjan yodhAH paramakaM balam
05054059a asmAkaM tu viziSTA ye bhISmadroNakRpAdayaH
05054059c drauNir vaikartanaH karNaH somadatto 'tha bAhlikaH
05054060a prAgjyotiSAdhipaH zalya Avantyo 'tha jayadrathaH
05054060c duHzAsano durmukhaz ca duHsahaz ca vizAM pate
05054061a zrutAyuz citrasenaz ca purumitro viviMzatiH
05054061c zalo bhUrizravAz cobhau vikarNaz ca tavAtmajaH
05054062a akSauhiNyo hi me rAjan dazaikA ca samAhRtAH
05054062c nyUnAH pareSAM saptaiva kasmAn me syAt parAjayaH
05054063a balaM triguNato hInaM yodhyaM prAha bRhaspatiH
05054063c parebhyas triguNA ceyaM mama rAjann anIkinI
05054064a guNahInaM pareSAM ca bahu pazyAmi bhArata
05054064c guNodayaM bahuguNam Atmanaz ca vizAM pate
05054065a etat sarvaM samAjJAya balAgryaM mama bhArata
05054065c nyUnatAM pANDavAnAM ca na mohaM gantum arhasi
05054066  vaizaMpAyana uvAca
05054066a ity uktvA saMjayaM bhUyaH paryapRcchata bhArata
05054066c vidhitsuH prAptakAlAni jJAtvA parapuraMjayaH
05055001  duryodhana uvAca
05055001a akSauhiNIH sapta labdhvA rAjabhiH saha saMjaya
05055001c kiM svid icchati kaunteyo yuddhaprepsur yudhiSThiraH
05055002  saMjaya uvAca
05055002a atIva mudito rAjan yuddhaprepsur yudhiSThiraH
05055002c bhImasenArjunau cobhau yamAv api na bibhyataH
05055003a rathaM tu divyaM kaunteyaH sarvA vibhrAjayan dizaH
05055003c mantraM jijJAsamAnaH san bIbhatsuH samayojayat
05055004a tam apazyAma saMnaddhaM meghaM vidyutprabhaM yathA
05055004c sa mantrAn samabhidhyAya hRSyamANo 'bhyabhASata
05055005a pUrvarUpam idaM pazya vayaM jeSyAma saMjaya
05055005c bIbhatsur mAM yathovAca tathAvaimy aham apy uta
05055006  duryodhana uvAca
05055006a prazaMsasy abhinandaMs tAn pArthAn akSaparAjitAn
05055006c arjunasya rathe brUhi katham azvAH kathaM dhvajaH
05055007  saMjaya uvAca
05055007a bhauvanaH saha zakreNa bahucitraM vizAM pate
05055007c rUpANi kalpayAm Asa tvaSTA dhAtrA sahAbhibho
05055008a dhvaje hi tasmin rUpANi cakrus te devamAyayA
05055008c mahAdhanAni divyAni mahAnti ca laghUni ca
05055009a sarvA dizo yojanamAtram antaraM; sa tiryag UrdhvaM ca rurodha vai dhvajaH
05055009c na saMsajjet tarubhiH saMvRto 'pi; tathA hi mAyA vihitA bhauvanena
05055010a yathAkAze zakradhanuH prakAzate; na caikavarNaM na ca vidma kiM nu tat
05055010c tathA dhvajo vihito bhauvanena; bahvAkAraM dRzyate rUpam asya
05055011a yathAgnidhUmo divam eti ruddhvA; varNAn bibhrat taijasaM tac charIram
05055011c tathA dhvajo vihito bhauvanena; na ced bhAro bhavitA nota rodhaH
05055012a zvetAs tasmin vAtavegAH sadazvA; divyA yuktAz citrarathena dattAH
05055012c zataM yat tat pUryate nityakAlaM; hataM hataM dattavaraM purastAt
05055013a tathA rAjJo dantavarNA bRhanto; rathe yuktA bhAnti tadvIryatulyAH
05055013c RzyaprakhyA bhImasenasya vAhA; raNe vAyos tulyavegA babhUvuH
05055014a kalmASAGgAs tittiricitrapRSThA; bhrAtrA dattAH prIyatA phalgunena
05055014c bhrAtur vIrasya svais turaMgair viziSTA; mudA yuktAH sahadevaM vahanti
05055015a mAdrIputraM nakulaM tv AjamIDhaM; mahendradattA harayo vAjimukhyAH
05055015c samA vAyor balavantas tarasvino; vahanti vIraM vRtrazatruM yathendram
05055016a tulyAz caibhir vayasA vikrameNa; javena caivApratirUpAH sadazvAH
05055016c saubhadrAdIn draupadeyAn kumArAn; vahanty azvA devadattA bRhantaH
05056001  dhRtarASTra uvAca
05056001a kAMs tatra saMjayApazyaH pratyarthena samAgatAn
05056001c ye yotsyante pANDavArthe putrasya mama vAhinIm
05056002  saMjaya uvAca
05056002a mukhyam andhakavRSNInAm apazyaM kRSNam Agatam
05056002c cekitAnaM ca tatraiva yuyudhAnaM ca sAtyakim
05056003a pRthag akSauhiNIbhyAM tau pANDavAn abhisaMzritau
05056003c mahArathau samAkhyAtAv ubhau puruSamAninau
05056004a akSauhiNyAtha pAJcAlyo dazabhis tanayair vRtaH
05056004c satyajitpramukhair vIrair dhRSTadyumnapurogamaiH
05056005a drupado vardhayan mAnaM zikhaNDiparipAlitaH
05056005c upAyAt sarvasainyAnAM praticchAdya tadA vapuH
05056006a virATaH saha putrAbhyAM zaGkhenaivottareNa ca
05056006c sUryadattAdibhir vIrair madirAzvapurogamaiH
05056007a sahitaH pRthivIpAlo bhrAtRbhis tanayais tathA
05056007c akSauhiNyaiva sainyasya vRtaH pArthaM samAzritaH
05056008a jArAsaMdhir mAgadhaz ca dhRSTaketuz ca cedirAT
05056008c pRthak pRthag anuprAptau pRthag akSauhiNIvRtau
05056009a kekayA bhrAtaraH paJca sarve lohitakadhvajAH
05056009c akSauhiNIparivRtAH pANDavAn abhisaMzritAH
05056010a etAn etAvatas tatra yAn apazyaM samAgatAn
05056010c ye pANDavArthe yotsyanti dhArtarASTrasya vAhinIm
05056011a yo veda mAnuSaM vyUhaM daivaM gAndharvam Asuram
05056011c sa tasya senApramukhe dhRSTadyumno mahAmanAH
05056012a bhISmaH zAMtanavo rAjan bhAgaH kLptaH zikhaNDinaH
05056012c taM virATo 'nu saMyAtA saha matsyaiH prahAribhiH
05056013a jyeSThasya pANDuputrasya bhAgo madrAdhipo balI
05056013c tau tu tatrAbruvan ke cid viSamau no matAv iti
05056014a duryodhanaH sahasutaH sArdhaM bhrAtRzatena ca
05056014c prAcyAz ca dAkSiNAtyAz ca bhImasenasya bhAgataH
05056015a arjunasya tu bhAgena karNo vaikartano mataH
05056015c azvatthAmA vikarNaz ca saindhavaz ca jayadrathaH
05056016a azakyAz caiva ye ke cit pRthivyAM zUramAninaH
05056016c sarvAMs tAn arjunaH pArthaH kalpayAm Asa bhAgataH
05056017a maheSvAsA rAjaputrA bhrAtaraH paJca kekayAH
05056017c kekayAn eva bhAgena kRtvA yotsyanti saMyuge
05056018a teSAm eva kRto bhAgo mAlavAH zAlvakekayAH
05056018c trigartAnAM ca dvau mukhyau yau tau saMzaptakAv iti
05056019a duryodhanasutAH sarve tathA duHzAsanasya ca
05056019c saubhadreNa kRto bhAgo rAjA caiva bRhadbalaH
05056020a draupadeyA maheSvAsAH suvarNavikRtadhvajAH
05056020c dhRSTadyumnamukhA droNam abhiyAsyanti bhArata
05056021a cekitAnaH somadattaM dvairathe yoddhum icchati
05056021c bhojaM tu kRtavarmANaM yuyudhAno yuyutsati
05056022a sahadevas tu mAdreyaH zUraH saMkrandano yudhi
05056022c svam aMzaM kalpayAm Asa zyAlaM te subalAtmajam
05056023a ulUkaM cApi kaitavyaM ye ca sArasvatA gaNAH
05056023c nakulaH kalpayAm Asa bhAgaM mAdravatIsutaH
05056024a ye cAnye pArthivA rAjan pratyudyAsyanti saMyuge
05056024c samAhvAnena tAMz cApi pANDuputrA akalpayan
05056025a evam eSAm anIkAni pravibhaktAni bhAgazaH
05056025c yat te kAryaM saputrasya kriyatAM tad akAlikam
05056026  dhRtarASTra uvAca
05056026a na santi sarve putrA me mUDhA durdyUtadevinaH
05056026c yeSAM yuddhaM balavatA bhImena raNamUrdhani
05056027a rAjAnaH pArthivAH sarve prokSitAH kAladharmaNA
05056027c gANDIvAgniM pravekSyanti pataGgA iva pAvakam
05056028a vidrutAM vAhinIM manye kRtavairair mahAtmabhiH
05056028c tAM raNe ke 'nuyAsyanti prabhagnAM pANDavair yudhi
05056029a sarve hy atirathAH zUrAH kIrtimantaH pratApinaH
05056029c sUryapAvakayos tulyAs tejasA samitiMjayAH
05056030a yeSAM yudhiSThiro netA goptA ca madhusUdanaH
05056030c yodhau ca pANDavau vIrau savyasAcivRkodarau
05056031a nakulaH sahadevaz ca dhRSTadyumnaz ca pArSataH
05056031c sAtyakir drupadaz caiva dhRSTadyumnasya cAtmajaH
05056032a uttamaujAz ca pAJcAlyo yudhAmanyuz ca durjayaH
05056032c zikhaNDI kSatradevaz ca tathA vairATir uttaraH
05056033a kAzayaz cedayaz caiva matsyAH sarve ca sRJjayAH
05056033c virATaputro babhruz ca pAJcAlAz ca prabhadrakAH
05056034a yeSAm indro 'py akAmAnAM na haret pRthivIm imAm
05056034c vIrANAM raNadhIrANAM ye bhindyuH parvatAn api
05056035a tAn sarvAn guNasaMpannAn amanuSyapratApinaH
05056035c krozato mama duSputro yoddhum icchati saMjaya
05056036  duryodhana uvAca
05056036a ubhau sva ekajAtIyau tathobhau bhUmigocarau
05056036c atha kasmAt pANDavAnAm ekato manyase jayam
05056037a pitAmahaM ca droNaM ca kRpaM karNaM ca durjayam
05056037c jayadrathaM somadattam azvatthAmAnam eva ca
05056038a sucetaso maheSvAsAn indro 'pi sahito 'maraiH
05056038c azaktaH samare jetuM kiM punas tAta pANDavAH
05056039a sarvA ca pRthivI sRSTA madarthe tAta pANDavAn
05056039c AryAn dhRtimataH zUrAn agnikalpAn prabAdhitum
05056040a na mAmakAn pANDavAs te samarthAH prativIkSitum
05056040c parAkrAnto hy ahaM pANDUn saputrAn yoddhum Ahave
05056041a matpriyaM pArthivAH sarve ye cikIrSanti bhArata
05056041c te tAn AvArayiSyanti aiNeyAn iva tantunA
05056042a mahatA rathavaMzena zarajAlaiz ca mAmakaiH
05056042c abhidrutA bhaviSyanti pAJcAlAH pANDavaiH saha
05056043  dhRtarASTra uvAca
05056043a unmatta iva me putro vilapaty eSa saMjaya
05056043c na hi zakto yudhA jetuM dharmarAjaM yudhiSThiram
05056044a jAnAti hi sadA bhISmaH pANDavAnAM yazasvinAm
05056044c balavattAM saputrANAM dharmajJAnAM mahAtmanAm
05056045a yato nArocayam ahaM vigrahaM tair mahAtmabhiH
05056045c kiM tu saMjaya me brUhi punas teSAM viceSTitam
05056046a kas tAMs tarasvino bhUyaH saMdIpayati pANDavAn
05056046c arciSmato maheSvAsAn haviSA pAvakAn iva
05056047  saMjaya uvAca
05056047a dhRSTadyumnaH sadaivaitAn saMdIpayati bhArata
05056047c yudhyadhvam iti mA bhaiSTa yuddhAd bharatasattamAH
05056048a ye ke cit pArthivAs tatra dhArtarASTreNa saMvRtAH
05056048c yuddhe samAgamiSyanti tumule kavacahrade
05056049a tAn sarvAn Ahave kruddhAn sAnubandhAn samAgatAn
05056049c aham ekaH samAdAsye timir matsyAn ivaudakAn
05056050a bhISmaM droNaM kRpaM karNaM drauNiM zalyaM suyodhanam
05056050c etAMz cApi nirotsyAmi veleva makarAlayam
05056051a tathA bruvANaM dharmAtmA prAha rAjA yudhiSThiraH
05056051c tava dhairyaM ca vIryaM ca pAJcAlAH pANDavaiH saha
05056051e sarve samadhirUDhAH sma saMgrAmAn naH samuddhara
05056052a jAnAmi tvAM mahAbAho kSatradharme vyavasthitam
05056052c samartham ekaM paryAptaM kauravANAM yuyutsatAm
05056052e bhavatA yad vidhAtavyaM tan naH zreyaH paraMtapa
05056053a saMgrAmAd apayAtAnAM bhagnAnAM zaraNaiSiNAm
05056053c pauruSaM darzayaJ zUro yas tiSThed agrataH pumAn
05056053e krINIyAt taM sahasreNa nItiman nAma tat padam
05056054a sa tvaM zUraz ca vIraz ca vikrAntaz ca nararSabha
05056054c bhayArtAnAM paritrAtA saMyugeSu na saMzayaH
05056055a evaM bruvati kaunteye dharmAtmani yudhiSThire
05056055c dhRSTadyumna uvAcedaM mAM vaco gatasAdhvasaH
05056056a sarvAJ janapadAn sUta yodhA duryodhanasya ye
05056056c sabAhlIkAn kurUn brUyAH prAtipeyAJ zaradvataH
05056057a sUtaputraM tathA droNaM sahaputraM jayadratham
05056057c duHzAsanaM vikarNaM ca tathA duryodhanaM nRpam
05056058a bhISmaM caiva brUhi gatvA tvam Azu; yudhiSThiraM sAdhunaivAbhyupeta
05056058c mA vo vadhId arjuno devaguptaH; kSipraM yAcadhvaM pANDavaM lokavIram
05056059a naitAdRzo hi yodho 'sti pRthivyAm iha kaz cana
05056059c yathAvidhaH savyasAcI pANDavaH zastravittamaH
05056060a devair hi saMbhRto divyo ratho gANDIvadhanvanaH
05056060c na sa jeyo manuSyeNa mA sma kRdhvaM mano yudhi
05057001  dhRtarASTra uvAca
05057001a kSatratejA brahmacArI kaumArAd api pANDavaH
05057001c tena saMyugam eSyanti mandA vilapato mama
05057002a duryodhana nivartasva yuddhAd bharatasattama
05057002c na hi yuddhaM prazaMsanti sarvAvastham ariMdama
05057003a alam ardhaM pRthivyAs te sahAmAtyasya jIvitum
05057003c prayaccha pANDuputrANAM yathocitam ariMdama
05057004a etad dhi kuravaH sarve manyante dharmasaMhitam
05057004c yat tvaM prazAntim icchethAH pANDuputrair mahAtmabhiH
05057005a aGgemAM samavekSasva putra svAm eva vAhinIm
05057005c jAta eva tava srAvas tvaM tu mohAn na budhyase
05057006a na hy ahaM yuddham icchAmi naitad icchati bAhlikaH
05057006c na ca bhISmo na ca droNo nAzvatthAmA na saMjayaH
05057007a na somadatto na zalyo na kRpo yuddham icchati
05057007c satyavrataH purumitro jayo bhUrizravAs tathA
05057008a yeSu saMpratitiSTheyuH kuravaH pIDitAH paraiH
05057008c te yuddhaM nAbhinandanti tat tubhyaM tAta rocatAm
05057009a na tvaM karoSi kAmena karNaH kArayitA tava
05057009c duHzAsanaz ca pApAtmA zakuniz cApi saubalaH
05057010  duryodhana uvAca
05057010a nAhaM bhavati na droNe nAzvatthAmni na saMjaye
05057010c na vikarNe na kAmboje na kRpe na ca bAhlike
05057011a satyavrate purumitre bhUrizravasi vA punaH
05057011c anyeSu vA tAvakeSu bhAraM kRtvA samAhvaye
05057012a ahaM ca tAta karNaz ca raNayajJaM vitatya vai
05057012c yudhiSThiraM pazuM kRtvA dIkSitau bharatarSabha
05057013a ratho vedI sruvaH khaDgo gadA sruk kavacaM sadaH
05057013c cAturhotraM ca dhuryA me zarA darbhA havir yazaH
05057014a AtmayajJena nRpate iSTvA vaivasvataM raNe
05057014c vijitya svayam eSyAvo hatAmitrau zriyA vRtau
05057015a ahaM ca tAta karNaz ca bhrAtA duHzAsanaz ca me
05057015c ete vayaM haniSyAmaH pANDavAn samare trayaH
05057016a ahaM hi pANDavAn hatvA prazAstA pRthivIm imAm
05057016c mAM vA hatvA pANDuputrA bhoktAraH pRthivIm imAm
05057017a tyaktaM me jIvitaM rAjan dhanaM rAjyaM ca pArthiva
05057017c na jAtu pANDavaiH sArdhaM vaseyam aham acyuta
05057018a yAvad dhi sUcyAs tIkSNAyA vidhyed agreNa mAriSa
05057018c tAvad apy aparityAjyaM bhUmer naH pANDavAn prati
05057019  dhRtarASTra uvAca
05057019a sarvAn vas tAta zocAmi tyakto duryodhano mayA
05057019c ye mandam anuyAsyadhvaM yAntaM vaivasvatakSayam
05057020a rurUNAm iva yUtheSu vyAghrAH praharatAM varAH
05057020c varAn varAn haniSyanti sametA yudhi pANDavAH
05057021a pratIpam iva me bhAti yuyudhAnena bhAratI
05057021c vyastA sImantinI trastA pramRSTA dIrghabAhunA
05057022a saMpUrNaM pUrayan bhUyo balaM pArthasya mAdhavaH
05057022c zaineyaH samare sthAtA bIjavat pravapaJ zarAn
05057023a senAmukhe prayuddhAnAM bhImaseno bhaviSyati
05057023c taM sarve saMzrayiSyanti prAkAram akutobhayam
05057024a yadA drakSyasi bhImena kuJjarAn vinipAtitAn
05057024c vizIrNadantAn giryAbhAn bhinnakumbhAn sazoNitAn
05057025a tAn abhiprekSya saMgrAme vizIrNAn iva parvatAn
05057025c bhIto bhImasya saMsparzAt smartAsi vacanasya me
05057026a nirdagdhaM bhImasenena sainyaM hatarathadvipam
05057026c gatim agner iva prekSya smartAsi vacanasya me
05057027a mahad vo bhayam AgAmi na cec chAmyatha pANDavaiH
05057027c gadayA bhImasenena hatAH zamam upaiSyatha
05057028a mahAvanam iva chinnaM yadA drakSyasi pAtitam
05057028c balaM kurUNAM saMgrAme tadA smartAsi me vacaH
05057029  vaizaMpAyana uvAca
05057029a etAvad uktvA rAjA tu sa sarvAn pRthivIpatIn
05057029c anubhASya mahArAja punaH papraccha saMjayam
05058001  dhRtarASTra uvAca
05058001a yad abrUtAM mahAtmAnau vAsudevadhanaMjayau
05058001c tan me brUhi mahAprAjJa zuzrUSe vacanaM tava
05058002  saMjaya uvAca
05058002a zRNu rAjan yathA dRSTau mayA kRSNadhanaMjayau
05058002c Ucatuz cApi yad vIrau tat te vakSyAmi bhArata
05058003a pAdAGgulIr abhiprekSan prayato 'haM kRtAJjaliH
05058003c zuddhAntaM prAvizaM rAjann AkhyAtuM naradevayoH
05058004a naivAbhimanyur na yamau taM dezam abhiyAnti vai
05058004c yatra kRSNau ca kRSNA ca satyabhAmA ca bhAminI
05058005a ubhau madhvAsavakSIbAv ubhau candanarUSitau
05058005c sragviNau varavastrau tau divyAbharaNabhUSitau
05058006a naikaratnavicitraM tu kAJcanaM mahad Asanam
05058006c vividhAstaraNAstIrNaM yatrAsAtAm ariMdamau
05058007a arjunotsaGgagau pAdau kezavasyopalakSaye
05058007c arjunasya ca kRSNAyAM satyAyAM ca mahAtmanaH
05058008a kAJcanaM pAdapIThaM tu pArtho me prAdizat tadA
05058008c tad ahaM pANinA spRSTvA tato bhUmAv upAvizam
05058009a Urdhvarekhatalau pAdau pArthasya zubhalakSaNau
05058009c pAdapIThAd apahRtau tatrApazyam ahaM zubhau
05058010a zyAmau bRhantau taruNau zAlaskandhAv ivodgatau
05058010c ekAsanagatau dRSTvA bhayaM mAM mahad Avizat
05058011a indraviSNusamAv etau mandAtmA nAvabudhyate
05058011c saMzrayAd droNabhISmAbhyAM karNasya ca vikatthanAt
05058012a nidezasthAv imau yasya mAnasas tasya setsyate
05058012c saMkalpo dharmarAjasya nizcayo me tadAbhavat
05058013a satkRtaz cAnnapAnAbhyAm Acchanno labdhasatkriyaH
05058013c aJjaliM mUrdhni saMdhAya tau saMdezam acodayam
05058014a dhanurbANocitenaikapANinA zubhalakSaNam
05058014c pAdam Anamayan pArthaH kezavaM samacodayat
05058015a indraketur ivotthAya sarvAbharaNabhUSitaH
05058015c indravIryopamaH kRSNaH saMviSTo mAbhyabhASata
05058016a vAcaM sa vadatAM zreSTho hlAdinIM vacanakSamAm
05058016c trAsanIM dhArtarASTrANAM mRdupUrvAM sudAruNAm
05058017a vAcaM tAM vacanArhasya zikSAkSarasamanvitAm
05058017c azrauSam aham iSTArthAM pazcAd dhRdayazoSiNIm
05058018  vAsudeva uvAca
05058018a saMjayedaM vaco brUyA dhRtarASTraM manISiNam
05058018c zRNvataH kurumukhyasya droNasyApi ca zRNvataH
05058019a yajadhvaM vipulair yajJair viprebhyo datta dakSiNAH
05058019c putrair dAraiz ca modadhvaM mahad vo bhayam Agatam
05058020a arthAMs tyajata pAtrebhyaH sutAn prApnuta kAmajAn
05058020c priyaM priyebhyaz carata rAjA hi tvarate jaye
05058021a RNam etat pravRddhaM me hRdayAn nApasarpati
05058021c yad govindeti cukroza kRSNA mAM dUravAsinam
05058022a tejomayaM durAdharSaM gANDIvaM yasya kArmukam
05058022c maddvitIyena teneha vairaM vaH savyasAcinA
05058023a maddvitIyaM punaH pArthaM kaH prArthayitum icchati
05058023c yo na kAlaparIto vApy api sAkSAt puraMdaraH
05058024a bAhubhyAm udvahed bhUmiM dahet kruddha imAH prajAH
05058024c pAtayet tridivAd devAn yo 'rjunaM samare jayet
05058025a devAsuramanuSyeSu yakSagandharvabhogiSu
05058025c na taM pazyAmy ahaM yuddhe pANDavaM yo 'bhyayAd raNe
05058026a yat tad virATanagare zrUyate mahad adbhutam
05058026c ekasya ca bahUnAM ca paryAptaM tan nidarzanam
05058027a ekena pANDuputreNa virATanagare yadA
05058027c bhagnAH palAyanta dizaH paryAptaM tan nidarzanam
05058028a balaM vIryaM ca tejaz ca zIghratA laghuhastatA
05058028c aviSAdaz ca dhairyaM ca pArthAn nAnyatra vidyate
05058029  saMjaya uvAca
05058029a ity abravId dhRSIkezaH pArtham uddharSayan girA
05058029c garjan samayavarSIva gagane pAkazAsanaH
05058030a kezavasya vacaH zrutvA kirITI zvetavAhanaH
05058030c arjunas tan mahad vAkyam abravIl lomaharSaNam
05059001  vaizaMpAyana uvAca
05059001a saMjayasya vacaH zrutvA prajJAcakSur narezvaraH
05059001c tataH saMkhyAtum Arebhe tad vaco guNadoSataH
05059002a prasaMkhyAya ca saukSmyeNa guNadoSAn vicakSaNaH
05059002c yathAvan matitattvena jayakAmaH sutAn prati
05059003a balAbale vinizcitya yAthAtathyena buddhimAn
05059003c zaktiM saMkhyAtum Arebhe tadA vai manujAdhipaH
05059004a devamAnuSayoH zaktyA tejasA caiva pANDavAn
05059004c kurUJ zaktyAlpatarayA duryodhanam athAbravIt
05059005a duryodhaneyaM cintA me zazvan nApy upazAmyati
05059005c satyaM hy etad ahaM manye pratyakSaM nAnumAnataH
05059006a AtmajeSu paraM snehaM sarvabhUtAni kurvate
05059006c priyANi caiSAM kurvanti yathAzakti hitAni ca
05059007a evam evopakartqNAM prAyazo lakSayAmahe
05059007c icchanti bahulaM santaH pratikartuM mahat priyam
05059008a agniH sAcivyakartA syAt khANDave tat kRtaM smaran
05059008c arjunasyAtibhIme 'smin kurupANDusamAgame
05059009a jAtagRdhyAbhipannAz ca pANDavAnAm anekazaH
05059009c dharmAdayo bhaviSyanti samAhUtA divaukasaH
05059010a bhISmadroNakRpAdInAM bhayAd azanisaMmitam
05059010c rirakSiSantaH saMrambhaM gamiSyantIti me matiH
05059011a te devasahitAH pArthA na zakyAH prativIkSitum
05059011c mAnuSeNa naravyAghrA vIryavanto 'strapAragAH
05059012a durAsadaM yasya divyaM gANDIvaM dhanur uttamam
05059012c vAruNau cAkSayau divyau zarapUrNau maheSudhI
05059013a vAnaraz ca dhvajo divyo niHsaGgo dhUmavad gatiH
05059013c rathaz ca caturantAyAM yasya nAsti samas tviSA
05059014a mahAmeghanibhaz cApi nirghoSaH zrUyate janaiH
05059014c mahAzanisamaH zabdaH zAtravANAM bhayaMkaraH
05059015a yaM cAtimAnuSaM vIrye kRtsno loko vyavasyati
05059015c devAnAm api jetAraM yaM viduH pArthivA raNe
05059016a zatAni paJca caiveSUn udvapann iva dRzyate
05059016c nimeSAntaramAtreNa muJcan dUraM ca pAtayan
05059017a yam Aha bhISmo droNaz ca kRpo drauNis tathaiva ca
05059017c madrarAjas tathA zalyo madhyasthA ye ca mAnavAH
05059018a yuddhAyAvasthitaM pArthaM pArthivair atimAnuSaiH
05059018c azakyaM rathazArdUlaM parAjetum ariMdamam
05059019a kSipaty ekena vegena paJca bANazatAni yaH
05059019c sadRzaM bAhuvIryeNa kArtavIryasya pANDavam
05059020a tam arjunaM maheSvAsaM mahendropendrarakSitam
05059020c nighnantam iva pazyAmi vimarde 'smin mahAmRdhe
05059021a ity evaM cintayan kRtsnam ahorAtrANi bhArata
05059021c anidro niHsukhaz cAsmi kurUNAM zamacintayA
05059022a kSayodayo 'yaM sumahAn kurUNAM pratyupasthitaH
05059022c asya cet kalahasyAntaH zamAd anyo na vidyate
05059023a zamo me rocate nityaM pArthais tAta na vigrahaH
05059023c kurubhyo hi sadA manye pANDavAJ zaktimattarAn
05060001  vaizaMpAyana uvAca
05060001a pitur etad vacaH zrutvA dhArtarASTro 'tyamarSaNaH
05060001c AdhAya vipulaM krodhaM punar evedam abravIt
05060002a azakyA devasacivAH pArthAH syur iti yad bhavAn
05060002c manyate tadbhayaM vyetu bhavato rAjasattama
05060003a akAmadveSasaMyogAd drohAl lobhAc ca bhArata
05060003c upekSayA ca bhAvAnAM devA devatvam Apnuvan
05060004a iti dvaipAyano vyAso nAradaz ca mahAtapAH
05060004c jAmadagnyaz ca rAmo naH kathAm akathayat purA
05060005a naiva mAnuSavad devAH pravartante kadA cana
05060005c kAmAl lobhAd anukrozAd dveSAc ca bharatarSabha
05060006a yadi hy agniz ca vAyuz ca dharma indro 'zvinAv api
05060006c kAmayogAt pravarteran na pArthA duHkham ApnuyuH
05060007a tasmAn na bhavatA cintA kAryaiSA syAt kadA cana
05060007c daiveSv apekSakA hy ete zazvad bhAveSu bhArata
05060008a atha cet kAmasaMyogAd dveSAl lobhAc ca lakSyate
05060008c deveSu devaprAmANyaM naiva tad vikramiSyati
05060009a mayAbhimantritaH zazvaj jAtavedAH prazaMsati
05060009c didhakSuH sakalA&l lokAn parikSipya samantataH
05060010a yad vA paramakaM tejo yena yuktA divaukasaH
05060010c mamApy anupamaM bhUyo devebhyo viddhi bhArata
05060011a pradIryamANAM vasudhAM girINAM zikharANi ca
05060011c lokasya pazyato rAjan sthApayAmy abhimantraNAt
05060012a cetanAcetanasyAsya jaGgamasthAvarasya ca
05060012c vinAzAya samutpannaM mahAghoraM mahAsvanam
05060013a azmavarSaM ca vAyuM ca zamayAmIha nityazaH
05060013c jagataH pazyato 'bhIkSNaM bhUtAnAm anukampayA
05060014a stambhitAsv apsu gacchanti mayA rathapadAtayaH
05060014c devAsurANAM bhAvAnAm aham ekaH pravartitA
05060015a akSauhiNIbhir yAn dezAn yAmi kAryeNa kena cit
05060015c tatrApo me pravartante yatra yatrAbhikAmaye
05060016a bhayAni viSaye rAjan vyAlAdIni na santi me
05060016c mattaH suptAni bhUtAni na hiMsanti bhayaMkarAH
05060017a nikAmavarSI parjanyo rAjan viSayavAsinAm
05060017c dharmiSThAz ca prajAH sarvA Itayaz ca na santi me
05060018a azvinAv atha vAyvagnI marudbhiH saha vRtrahA
05060018c dharmaz caiva mayA dviSTAn notsahante 'bhirakSitum
05060019a yadi hy ete samarthAH syur maddviSas trAtum ojasA
05060019c na sma trayodaza samAH pArthA duHkham avApnuyuH
05060020a naiva devA na gandharvA nAsurA na ca rAkSasAH
05060020c zaktAs trAtuM mayA dviSTaM satyam etad bravImi te
05060021a yad abhidhyAmy ahaM zazvac chubhaM vA yadi vAzubham
05060021c naitad vipannapUrvaM me mitreSv ariSu cobhayoH
05060022a bhaviSyatIdam iti vA yad bravImi paraMtapa
05060022c nAnyathA bhUtapUrvaM tat satyavAg iti mAM viduH
05060023a lokasAkSikam etan me mAhAtmyaM dikSu vizrutam
05060023c AzvAsanArthaM bhavataH proktaM na zlAghayA nRpa
05060024a na hy ahaM zlAghano rAjan bhUtapUrvaH kadA cana
05060024c asad AcaritaM hy etad yad AtmAnaM prazaMsati
05060025a pANDavAMz caiva matsyAMz ca pAJcAlAn kekayaiH saha
05060025c sAtyakiM vAsudevaM ca zrotAsi vijitAn mayA
05060026a saritaH sAgaraM prApya yathA nazyanti sarvazaH
05060026c tathaiva te vinaGkSyanti mAm AsAdya sahAnvayAH
05060027a parA buddhiH paraM tejo vIryaM ca paramaM mayi
05060027c parA vidyA paro yogo mama tebhyo viziSyate
05060028a pitAmahaz ca droNaz ca kRpaH zalyaH zalas tathA
05060028c astreSu yat prajAnanti sarvaM tan mayi vidyate
05060029a ity uktvA saMjayaM bhUyaH paryapRcchata bhArata
05060029c jJAtvA yuyutsuH kAryANi prAptakAlam ariMdama
05061001  vaizaMpAyana uvAca
05061001a tathA tu pRcchantam atIva pArthAn; vaicitravIryaM tam acintayitvA
05061001c uvAca karNo dhRtarASTraputraM; praharSayan saMsadi kauravANAm
05061002a mithyA pratijJAya mayA yad astraM; rAmAd dhRtaM brahmapuraM purastAt
05061002c vijJAya tenAsmi tadaivam uktas; tavAntakAle 'pratibhAsyatIti
05061003a mahAparAdhe hy api saMnatena; maharSiNAhaM guruNA ca zaptaH
05061003c zaktaH pradagdhuM hy api tigmatejAH; sasAgarAm apy avaniM maharSiH
05061004a prasAditaM hy asya mayA mano 'bhUc; chuzrUSayA svena ca pauruSeNa
05061004c tatas tad astraM mama sAvazeSaM; tasmAt samartho 'smi mamaiSa bhAraH
05061005a nimeSamAtraM tam RSiprasAdam; avApya pAJcAlakarUSamatsyAn
05061005c nihatya pArthAMz ca saputrapautrA&l; lokAn ahaM zastrajitAn prapatsye
05061006a pitAmahas tiSThatu te samIpe; droNaz ca sarve ca narendramukhyAH
05061006c yathApradhAnena balena yAtvA; pArthAn haniSyAmi mamaiSa bhAraH
05061007a evaM bruvANaM tam uvAca bhISmaH; kiM katthase kAlaparItabuddhe
05061007c na karNa jAnAsi yathA pradhAne; hate hatAH syur dhRtarASTraputrAH
05061008a yat khANDavaM dAhayatA kRtaM hi; kRSNadvitIyena dhanaMjayena
05061008c zrutvaiva tat karma niyantum AtmA; zakyas tvayA vai saha bAndhavena
05061009a yAM cApi zaktiM tridazAdhipas te; dadau mahAtmA bhagavAn mahendraH
05061009c bhasmIkRtAM tAM patitAM vizIrNAM; cakrAhatAM drakSyasi kezavena
05061010a yas te zaraH sarpamukho vibhAti; sadAgryamAlyair mahitaH prayatnAt
05061010c sa pANDuputrAbhihataH zaraughaiH; saha tvayA yAsyati karNa nAzam
05061011a bANasya bhaumasya ca karNa hantA; kirITinaM rakSati vAsudevaH
05061011c yas tvAdRzAnAM ca garIyasAM ca; hantA ripUNAM tumule pragADhe
05061012  karNa uvAca
05061012a asaMzayaM vRSNipatir yathoktas; tathA ca bhUyaz ca tato mahAtmA
05061012c ahaM yad uktaH paruSaM tu kiM cit; pitAmahas tasya phalaM zRNotu
05061013a nyasyAmi zastrANi na jAtu saMkhye; pitAmaho drakSyati mAM sabhAyAm
05061013c tvayi prazAnte tu mama prabhAvaM; drakSyanti sarve bhuvi bhUmipAlAH
05061014  vaizaMpAyana uvAca
05061014a ity evam uktvA sa mahAdhanuSmAn; hitvA sabhAM svaM bhavanaM jagAma
05061014c bhISmas tu duryodhanam eva rAjan; madhye kurUNAM prahasann uvAca
05061015a satyapratijJaH kila sUtaputras; tathA sa bhAraM viSaheta kasmAt
05061015c vyUhaM prativyUhya zirAMsi bhittvA; lokakSayaM pazyata bhImasenAt
05061016a AvantyakAliGgajayadratheSu; vedidhvaje tiSThati bAhlike ca
05061016c ahaM haniSyAmi sadA pareSAM; sahasrazaz cAyutazaz ca yodhAn
05061017a yadaiva rAme bhagavaty anindye; brahma bruvANaH kRtavAMs tad astram
05061017c tadaiva dharmaz ca tapaz ca naSTaM; vaikartanasyAdhamapUruSasya
05061018a athoktavAkye nRpatau tu bhISme; nikSipya zastrANi gate ca karNe
05061018c vaicitravIryasya suto 'lpabuddhir; duryodhanaH zAMtanavaM babhASe
05062001  duryodhana uvAca
05062001a sadRzAnAM manuSyeSu sarveSAM tulyajanmanAm
05062001c katham ekAntatas teSAM pArthAnAM manyase jayam
05062002a sarve sma samajAtIyAH sarve mAnuSayonayaH
05062002c pitAmaha vijAnISe pArtheSu vijayaM katham
05062003a nAhaM bhavati na droNe na kRpe na ca bAhlike
05062003c anyeSu ca narendreSu parAkramya samArabhe
05062004a ahaM vaikartanaH karNo bhrAtA duHzAsanaz ca me
05062004c pANDavAn samare paJca haniSyAmaH zitaiH zaraiH
05062005a tato rAjan mahAyajJair vividhair bhUridakSiNaiH
05062005c brAhmaNAMs tarpayiSyAmi gobhir azvair dhanena ca
05062006  vidura uvAca
05062006a zakunInAm ihArthAya pAzaM bhUmAv ayojayat
05062006c kaz cic chAkunikas tAta pUrveSAm iti zuzruma
05062007a tasmin dvau zakunau baddhau yugapat samapauruSau
05062007c tAv upAdAya taM pAzaM jagmatuH khacarAv ubhau
05062008a tau vihAyasam AkrAntau dRSTvA zAkunikas tadA
05062008c anvadhAvad anirviNNo yena yena sma gacchataH
05062009a tathA tam anudhAvantaM mRgayuM zakunArthinam
05062009c Azramastho muniH kaz cid dadarzAtha kRtAhnikaH
05062010a tAv antarikSagau zIghram anuyAntaM mahIcaram
05062010c zlokenAnena kauravya papraccha sa munis tadA
05062011a vicitram idam AzcaryaM mRgahan pratibhAti me
05062011c plavamAnau hi khacarau padAtir anudhAvasi
05062012  zAkunika uvAca
05062012a pAzam ekam ubhAv etau sahitau harato mama
05062012c yatra vai vivadiSyete tatra me vazam eSyataH
05062013  vidura uvAca
05062013a tau vivAdam anuprAptau zakunau mRtyusaMdhitau
05062013c vigRhya ca sudurbuddhI pRthivyAM saMnipetatuH
05062014a tau yudhyamAnau saMrabdhau mRtyupAzavazAnugau
05062014c upasRtyAparijJAto jagrAha mRgayus tadA
05062015a evaM ye jJAtayo 'rtheSu mitho gacchanti vigraham
05062015c te 'mitravazam AyAnti zakunAv iva vigrahAt
05062016a saMbhojanaM saMkathanaM saMprazno 'tha samAgamaH
05062016c etAni jJAtikAryANi na virodhaH kadA cana
05062017a yasmin kAle sumanasaH sarve vRddhAn upAsate
05062017c siMhaguptam ivAraNyam apradhRSyA bhavanti te
05062018a ye 'rthaM saMtatam AsAdya dInA iva samAsate
05062018c zriyaM te saMprayacchanti dviSadbhyo bharatarSabha
05062019a dhUmAyante vyapetAni jvalanti sahitAni ca
05062019c dhRtarASTrolmukAnIva jJAtayo bharatarSabha
05062020a idam anyat pravakSyAmi yathA dRSTaM girau mayA
05062020c zrutvA tad api kauravya yathA zreyas tathA kuru
05062021a vayaM kirAtaiH sahitA gacchAmo girim uttaram
05062021c brAhmaNair devakalpaiz ca vidyAjambhakavAtikaiH
05062022a kuJjabhUtaM giriM sarvam abhito gandhamAdanam
05062022c dIpyamAnauSadhigaNaM siddhagandharvasevitam
05062023a tatra pazyAmahe sarve madhu pItam amAkSikam
05062023c maruprapAte viSame niviSTaM kumbhasaMmitam
05062024a AzIviSai rakSyamANaM kuberadayitaM bhRzam
05062024c yat prAzya puruSo martyo amaratvaM nigacchati
05062025a acakSur labhate cakSur vRddho bhavati vai yuvA
05062025c iti te kathayanti sma brAhmaNA jambhasAdhakAH
05062026a tataH kirAtAs tad dRSTvA prArthayanto mahIpate
05062026c vinezur viSame tasmin sasarpe girigahvare
05062027a tathaiva tava putro 'yaM pRthivIm eka icchati
05062027c madhu pazyati saMmohAt prapAtaM nAnupazyati
05062028a duryodhano yoddhumanAH samare savyasAcinA
05062028c na ca pazyAmi tejo 'sya vikramaM vA tathAvidham
05062029a ekena ratham AsthAya pRthivI yena nirjitA
05062029c pratIkSamANo yo vIraH kSamate vIkSitaM tava
05062030a drupado matsyarAjaz ca saMkruddhaz ca dhanaMjayaH
05062030c na zeSayeyuH samare vAyuyuktA ivAgnayaH
05062031a aGke kuruSva rAjAnaM dhRtarASTra yudhiSThiram
05062031c yudhyator hi dvayor yuddhe naikAntena bhavej jayaH
05063001  dhRtarASTra uvAca
05063001a duryodhana vijAnIhi yat tvAM vakSyAmi putraka
05063001c utpathaM manyase mArgam anabhijJa ivAdhvagaH
05063002a paJcAnAM pANDuputrANAM yat tejaH pramimISasi
05063002c paJcAnAm iva bhUtAnAM mahatAM sumahAtmanAm
05063003a yudhiSThiraM hi kaunteyaM paraM dharmam ihAsthitam
05063003c parAM gatim asaMprekSya na tvaM vettum ihArhasi
05063004a bhImasenaM ca kaunteyaM yasya nAsti samo bale
05063004c raNAntakaM tarkayase mahAvAtam iva drumaH
05063005a sarvazastrabhRtAM zreSThaM meruM zikhariNAm iva
05063005c yudhi gANDIvadhanvAnaM ko nu yudhyeta buddhimAn
05063006a dhRSTadyumnaz ca pAJcAlyaH kam ivAdya na zAtayet
05063006c zatrumadhye zarAn muJcan devarAD azanIm iva
05063007a sAtyakiz cApi durdharSaH saMmato 'ndhakavRSNiSu
05063007c dhvaMsayiSyati te senAM pANDaveyahite rataH
05063008a yaH punaH pratimAnena trI&l lokAn atiricyate
05063008c taM kRSNaM puNDarIkAkSaM ko nu yudhyeta buddhimAn
05063009a ekato hy asya dArAz ca jJAtayaz ca sabAndhavAH
05063009c AtmA ca pRthivI ceyam ekataz ca dhanaMjayaH
05063010a vAsudevo 'pi durdharSo yatAtmA yatra pANDavaH
05063010c aviSahyaM pRthivyApi tad balaM yatra kezavaH
05063011a tiSTha tAta satAM vAkye suhRdAm arthavAdinAm
05063011c vRddhaM zAMtanavaM bhISmaM titikSasva pitAmaham
05063012a mAM ca bruvANaM zuzrUSa kurUNAm arthavAdinam
05063012c droNaM kRpaM vikarNaM ca mahArAjaM ca bAhlikam
05063013a ete hy api yathaivAhaM mantum arhasi tAMs tathA
05063013c sarve dharmavido hy ete tulyasnehAz ca bhArata
05063014a yat tad virATanagare saha bhrAtRbhir agrataH
05063014c utsRjya gAH susaMtrastaM balaM te samazIryata
05063015a yac caiva tasmin nagare zrUyate mahad adbhutam
05063015c ekasya ca bahUnAM ca paryAptaM tan nidarzanam
05063016a arjunas tat tathAkArSIt kiM punaH sarva eva te
05063016c sabhrAtqn abhijAnIhi vRttyA ca pratipAdaya
05064001  vaizaMpAyana uvAca
05064001a evam uktvA mahAprAjJo dhRtarASTraH suyodhanam
05064001c punar eva mahAbhAgaH saMjayaM paryapRcchata
05064002a brUhi saMjaya yac cheSaM vAsudevAd anantaram
05064002c yad arjuna uvAca tvAM paraM kautUhalaM hi me
05064003  saMjaya uvAca
05064003a vAsudevavacaH zrutvA kuntIputro dhanaMjayaH
05064003c uvAca kAle durdharSo vAsudevasya zRNvataH
05064004a pitAmahaM zAMtanavaM dhRtarASTraM ca saMjaya
05064004c droNaM kRpaM ca karNaM ca mahArAjaM ca bAhlikam
05064005a drauNiM ca somadattaM ca zakuniM cApi saubalam
05064005c duHzAsanaM zalaM caiva purumitraM viviMzatim
05064006a vikarNaM citrasenaM ca jayatsenaM ca pArthivam
05064006c vindAnuvindAv Avantyau durmukhaM cApi kauravam
05064007a saindhavaM duHsahaM caiva bhUrizravasam eva ca
05064007c bhagadattaM ca rAjAnaM jalasaMdhaM ca pArthivam
05064008a ye cApy anye pArthivAs tatra yoddhuM; samAgatAH kauravANAM priyArtham
05064008c mumUrSavaH pANDavAgnau pradIpte; samAnItA dhArtarASTreNa sUta
05064009a yathAnyAyaM kauzalaM vandanaM ca; samAgatA madvacanena vAcyAH
05064009c idaM brUyAH saMjaya rAjamadhye; suyodhanaM pApakRtAM pradhAnam
05064010a amarSaNaM durmatiM rAjaputraM; pApAtmAnaM dhArtarASTraM sulubdham
05064010c sarvaM mamaitad vacanaM samagraM; sahAmAtyaM saMjaya zrAvayethAH
05064011a evaM pratiSThApya dhanaMjayo mAM; tato 'rthavad dharmavac cApi vAkyam
05064011c provAcedaM vAsudevaM samIkSya; pArtho dhImA&l lohitAntAyatAkSaH
05064012a yathA zrutaM te vadato mahAtmano; madhupravIrasya vacaH samAhitam
05064012c tathaiva vAcyaM bhavatA hi madvacaH; samAgateSu kSitipeSu sarvazaH
05064013a zarAgnidhUme rathaneminAdite; dhanuHsruveNAstrabalApahAriNA
05064013c yathA na homaH kriyate mahAmRdhe; tathA sametya prayatadhvam AdRtAH
05064014a na cet prayacchadhvam amitraghAtino; yudhiSThirasyAMzam abhIpsitaM svakam
05064014c nayAmi vaH svAzvapadAtikuJjarAn; dizaM pitqNAm azivAM zitaiH zaraiH
05064015a tato 'ham Amantrya caturbhujaM hariM; dhanaMjayaM caiva namasya satvaraH
05064015c javena saMprApta ihAmaradyute; tavAntikaM prApayituM vaco mahat
05065001  vaizaMpAyana uvAca
05065001a duryodhane dhArtarASTre tad vaco 'pratinandati
05065001c tUSNIMbhUteSu sarveSu samuttasthur narezvarAH
05065002a utthiteSu mahArAja pRthivyAM sarvarAjasu
05065002c rahite saMjayaM rAjA paripraSTuM pracakrame
05065003a AzaMsamAno vijayaM teSAM putravazAnugaH
05065003c Atmanaz ca pareSAM ca pANDavAnAM ca nizcayam
05065004  dhRtarASTra uvAca
05065004a gAvalgaNe brUhi naH sAraphalgu; svasenAyAM yAvad ihAsti kiM cit
05065004c tvaM pANDavAnAM nipuNaM vettha sarvaM; kim eSAM jyAyaH kim u teSAM kanIyaH
05065005a tvam etayoH sAravit sarvadarzI; dharmArthayor nipuNo nizcayajJaH
05065005c sa me pRSTaH saMjaya brUhi sarvaM; yudhyamAnAH katare 'smin na santi
05065006  saMjaya uvAca
05065006a na tvAM brUyAM rahite jAtu kiM cid; asUyA hi tvAM prasaheta rAjan
05065006c Anayasva pitaraM saMzitavrataM; gAMdhArIM ca mahiSIm AjamIDha
05065007a tau te 'sUyAM vinayetAM narendra; dharmajJau tau nipuNau nizcayajJau
05065007c tayos tu tvAM saMnidhau tad vadeyaM; kRtsnaM mataM vAsudevArjunAbhyAm
05065008  vaizaMpAyana uvAca
05065008a tatas tan matam AjJAya saMjayasyAtmajasya ca
05065008c abhyupetya mahAprAjJaH kRSNadvaipAyano 'bravIt
05065009a saMpRcchate dhRtarASTrAya saMjaya; AcakSva sarvaM yAvad eSo 'nuyuGkte
05065009c sarvaM yAvad vettha tasmin yathAvad; yAthAtathyaM vAsudeve 'rjune ca
05066001  saMjaya uvAca
05066001a arjuno vAsudevaz ca dhanvinau paramArcitau
05066001c kAmAd anyatra saMbhUtau sarvAbhAvAya saMmitau
05066002a dyAm antaraM samAsthAya yathAyuktaM manasvinaH
05066002c cakraM tad vAsudevasya mAyayA vartate vibho
05066003a sApahnavaM pANDaveSu pANDavAnAM susaMmatam
05066003c sArAsArabalaM jJAtvA tat samAsena me zRNu
05066004a narakaM zambaraM caiva kaMsaM caidyaM ca mAdhavaH
05066004c jitavAn ghorasaMkAzAn krIDann iva janArdanaH
05066005a pRthivIM cAntarikSaM ca dyAM caiva puruSottamaH
05066005c manasaiva viziSTAtmA nayaty AtmavazaM vazI
05066006a bhUyo bhUyo hi yad rAjan pRcchase pANDavAn prati
05066006c sArAsArabalaM jJAtuM tan me nigadataH zRNu
05066007a ekato vA jagat kRtsnam ekato vA janArdanaH
05066007c sArato jagataH kRtsnAd atirikto janArdanaH
05066008a bhasma kuryAj jagad idaM manasaiva janArdanaH
05066008c na tu kRtsnaM jagac chaktaM bhasma kartuM janArdanam
05066009a yataH satyaM yato dharmo yato hrIr ArjavaM yataH
05066009c tato bhavati govindo yataH kRSNas tato jayaH
05066010a pRthivIM cAntarikSaM ca divaM ca puruSottamaH
05066010c viceSTayati bhUtAtmA krIDann iva janArdanaH
05066011a sa kRtvA pANDavAn satraM lokaM saMmohayann iva
05066011c adharmaniratAn mUDhAn dagdhum icchati te sutAn
05066012a kAlacakraM jagaccakraM yugacakraM ca kezavaH
05066012c Atmayogena bhagavAn parivartayate 'nizam
05066013a kAlasya ca hi mRtyoz ca jaGgamasthAvarasya ca
05066013c Izate bhagavAn ekaH satyam etad bravImi te
05066014a Izann api mahAyogI sarvasya jagato hariH
05066014c karmANy Arabhate kartuM kInAza iva durbalaH
05066015a tena vaJcayate lokAn mAyAyogena kezavaH
05066015c ye tam eva prapadyante na te muhyanti mAnavAH
05067001  dhRtarASTra uvAca
05067001a kathaM tvaM mAdhavaM vettha sarvalokamahezvaram
05067001c katham enaM na vedAhaM tan mamAcakSva saMjaya
05067002  saMjaya uvAca
05067002a vidyA rAjan na te vidyA mama vidyA na hIyate
05067002c vidyAhInas tamodhvasto nAbhijAnAti kezavam
05067003a vidyayA tAta jAnAmi triyugaM madhusUdanam
05067003c kartAram akRtaM devaM bhUtAnAM prabhavApyayam
05067004  dhRtarASTra uvAca
05067004a gAvalgaNe 'tra kA bhaktir yA te nityA janArdane
05067004c yayA tvam abhijAnAsi triyugaM madhusUdanam
05067005  saMjaya uvAca
05067005a mAyAM na seve bhadraM te na vRthAdharmam Acare
05067005c zuddhabhAvaM gato bhaktyA zAstrAd vedmi janArdanam
05067006  dhRtarASTra uvAca
05067006a duryodhana hRSIkezaM prapadyasva janArdanam
05067006c Apto naH saMjayas tAta zaraNaM gaccha kezavam
05067007  duryodhana uvAca
05067007a bhagavAn devakIputro lokaM cen nihaniSyati
05067007c pravadann arjune sakhyaM nAhaM gacche 'dya kezavam
05067008  dhRtarASTra uvAca
05067008a avAg gAndhAri putras te gacchaty eSa sudurmatiH
05067008c IrSyur durAtmA mAnI ca zreyasAM vacanAtigaH
05067009  gAndhAry uvAca
05067009a aizvaryakAma duSTAtman vRddhAnAM zAsanAtiga
05067009c aizvaryajIvite hitvA pitaraM mAM ca bAliza
05067010a vardhayan durhRdAM prItiM mAM ca zokena vardhayan
05067010c nihato bhImasenena smartAsi vacanaM pituH
05067011  vyAsa uvAca
05067011a dayito 'si rAjan kRSNasya dhRtarASTra nibodha me
05067011c yasya te saMjayo dUto yas tvAM zreyasi yokSyate
05067012a jAnAty eSa hRSIkezaM purANaM yac ca vai navam
05067012c zuzrUSamANam ekAgraM mokSyate mahato bhayAt
05067013a vaicitravIrya puruSAH krodhaharSatamovRtAH
05067013c sitA bahuvidhaiH pAzair ye na tuSTAH svakair dhanaiH
05067014a yamasya vazam AyAnti kAmamUDhAH punaH punaH
05067014c andhanetrA yathaivAndhA nIyamAnAH svakarmabhiH
05067015a eSa ekAyanaH panthA yena yAnti manISiNaH
05067015c taM dRSTvA mRtyum atyeti mahAMs tatra na sajjate
05067016  dhRtarASTra uvAca
05067016a aGga saMjaya me zaMsa panthAnam akutobhayam
05067016c yena gatvA hRSIkezaM prApnuyAM zAntim uttamAm
05067017  saMjaya uvAca
05067017a nAkRtAtmA kRtAtmAnaM jAtu vidyAj janArdanam
05067017c Atmanas tu kriyopAyo nAnyatrendriyanigrahAt
05067018a indriyANAm udIrNAnAM kAmatyAgo 'pramAdataH
05067018c apramAdo 'vihiMsA ca jJAnayonir asaMzayam
05067019a indriyANAM yame yatto bhava rAjann atandritaH
05067019c buddhiz ca mA te cyavatu niyacchaitAM yatas tataH
05067020a etaj jJAnaM vidur viprA dhruvam indriyadhAraNam
05067020c etaj jJAnaM ca panthAz ca yena yAnti manISiNaH
05067021a aprApyaH kezavo rAjann indriyair ajitair nRbhiH
05067021c AgamAdhigato yogAd vazI tattve prasIdati
05068001  dhRtarASTra uvAca
05068001a bhUyo me puNDarIkAkSaM saMjayAcakSva pRcchate
05068001c nAmakarmArthavit tAta prApnuyAM puruSottamam
05068002  saMjaya uvAca
05068002a zrutaM me tasya devasya nAmanirvacanaM zubham
05068002c yAvat tatrAbhijAne 'ham aprameyo hi kezavaH
05068003a vasanAt sarvabhUtAnAM vasutvAd devayonitaH
05068003c vAsudevas tato vedyo vRSatvAd vRSNir ucyate
05068004a maunAd dhyAnAc ca yogAc ca viddhi bhArata mAdhavam
05068004c sarvatattvalayAc caiva madhuhA madhusUdanaH
05068005a kRSir bhUvAcakaH zabdo Naz ca nirvRtivAcakaH
05068005c kRSNas tadbhAvayogAc ca kRSNo bhavati zAzvataH
05068006a puNDarIkaM paraM dhAma nityam akSayam akSaram
05068006c tadbhAvAt puNDarIkAkSo dasyutrAsAj janArdanaH
05068007a yataH sattvaM na cyavate yac ca sattvAn na hIyate
05068007c sattvataH sAtvatas tasmAd ArSabhAd vRSabhekSaNaH
05068008a na jAyate janitryAM yad ajas tasmAd anIkajit
05068008c devAnAM svaprakAzatvAd damAd dAmodaraM viduH
05068009a harSAt saukhyAt sukhaizvaryAd dhRSIkezatvam aznute
05068009c bAhubhyAM rodasI bibhran mahAbAhur iti smRtaH
05068010a adho na kSIyate jAtu yasmAt tasmAd adhokSajaH
05068010c narANAm ayanAc cApi tena nArAyaNaH smRtaH
05068010e pUraNAt sadanAc caiva tato 'sau puruSottamaH
05068011a asataz ca sataz caiva sarvasya prabhavApyayAt
05068011c sarvasya ca sadA jJAnAt sarvam enaM pracakSate
05068012a satye pratiSThitaH kRSNaH satyam atra pratiSThitam
05068012c satyAt satyaM ca govindas tasmAt satyo 'pi nAmataH
05068013a viSNur vikramaNAd eva jayanAj jiSNur ucyate
05068013c zAzvatatvAd anantaz ca govindo vedanAd gavAm
05068014a atattvaM kurute tattvaM tena mohayate prajAH
05068014c evaMvidho dharmanityo bhagavAn munibhiH saha
05068014e AgantA hi mahAbAhur AnRzaMsyArtham acyutaH
05069001  dhRtarASTra uvAca
05069001a cakSuSmatAM vai spRhayAmi saMjaya; drakSyanti ye vAsudevaM samIpe
05069001c vibhrAjamAnaM vapuSA pareNa; prakAzayantaM pradizo dizaz ca
05069002a IrayantaM bhAratIM bhAratAnAm; abhyarcanIyAM zaMkarIM sRJjayAnAm
05069002c bubhUSadbhir grahaNIyAm anindyAM; parAsUnAm agrahaNIyarUpAm
05069003a samudyantaM sAtvatam ekavIraM; praNetAram RSabhaM yAdavAnAm
05069003c nihantAraM kSobhaNaM zAtravANAM; muSNantaM ca dviSatAM vai yazAMsi
05069004a draSTAro hi kuravas taM sametA; mahAtmAnaM zatruhaNaM vareNyam
05069004c bruvantaM vAcam anRzaMsarUpAM; vRSNizreSThaM mohayantaM madIyAn
05069005a RSiM sanAtanatamaM vipazcitaM; vAcaH samudraM kalazaM yatInAm
05069005c ariSTanemiM garuDaM suparNaM; patiM prajAnAM bhuvanasya dhAma
05069006a sahasrazIrSaM puruSaM purANam; anAdimadhyAntam anantakIrtim
05069006c zukrasya dhAtAram ajaM janitraM; paraM parebhyaH zaraNaM prapadye
05069007a trailokyanirmANakaraM janitraM; devAsurANAm atha nAgarakSasAm
05069007c narAdhipAnAM viduSAM pradhAnam; indrAnujaM taM zaraNaM prapadye
05070001  vaizaMpAyana uvAca
05070001a saMjaye pratiyAte tu dharmarAjo yudhiSThiraH
05070001c abhyabhASata dAzArham RSabhaM sarvasAtvatAm
05070002a ayaM sa kAlaH saMprApto mitrANAM me janArdana
05070002c na ca tvad anyaM pazyAmi yo na Apatsu tArayet
05070003a tvAM hi mAdhava saMzritya nirbhayA mohadarpitam
05070003c dhArtarASTraM sahAmAtyaM svam aMzam anuyuJjmahe
05070004a yathA hi sarvAsv Apatsu pAsi vRSNIn ariMdama
05070004c tathA te pANDavA rakSyAH pAhy asmAn mahato bhayAt
05070005  bhagavAn uvAca
05070005a ayam asmi mahAbAho brUhi yat te vivakSitam
05070005c kariSyAmi hi tat sarvaM yat tvaM vakSyasi bhArata
05070006  yudhiSThira uvAca
05070006a zrutaM te dhRtarASTrasya saputrasya cikIrSitam
05070006c etad dhi sakalaM kRSNa saMjayo mAM yad abravIt
05070007a tan mataM dhRtarASTrasya so 'syAtmA vivRtAntaraH
05070007c yathoktaM dUta AcaSTe vadhyaH syAd anyathA bruvan
05070008a apradAnena rAjyasya zAntim asmAsu mArgati
05070008c lubdhaH pApena manasA carann asamam AtmanaH
05070009a yat tad dvAdaza varSANi vane nirvyuSitA vayam
05070009c chadmanA zaradaM caikAM dhRtarASTrasya zAsanAt
05070010a sthAtA naH samaye tasmin dhRtarASTra iti prabho
05070010c nAhAsma samayaM kRSNa tad dhi no brAhmaNA viduH
05070011a vRddho rAjA dhRtarASTraH svadharmaM nAnupazyati
05070011c pazyan vA putragRddhitvAn mandasyAnveti zAsanam
05070012a suyodhanamate tiSThan rAjAsmAsu janArdana
05070012c mithyA carati lubdhaH saMz caran priyam ivAtmanaH
05070013a ito duHkhataraM kiM nu yatrAhaM mAtaraM tataH
05070013c saMvidhAtuM na zaknomi mitrANAM vA janArdana
05070014a kAzibhiz cedipAJcAlair matsyaiz ca madhusUdana
05070014c bhavatA caiva nAthena paJca grAmA vRtA mayA
05070015a kuzasthalaM vRkasthalam AsandI vAraNAvatam
05070015c avasAnaM ca govinda kiM cid evAtra paJcamam
05070016a paJca nas tAta dIyantAM grAmA vA nagarANi vA
05070016c vasema sahitA yeSu mA ca no bharatA nazan
05070017a na ca tAn api duSTAtmA dhArtarASTro 'numanyate
05070017c svAmyam Atmani matvAsAv ato duHkhataraM nu kim
05070018a kule jAtasya vRddhasya paravitteSu gRdhyataH
05070018c lobhaH prajJAnam Ahanti prajJA hanti hatA hriyam
05070019a hrIr hatA bAdhate dharmaM dharmo hanti hataH zriyam
05070019c zrIr hatA puruSaM hanti puruSasyAsvatA vadhaH
05070020a asvato hi nivartante jJAtayaH suhRdartvijaH
05070020c apuSpAd aphalAd vRkSAd yathA tAta patatriNaH
05070021a etac ca maraNaM tAta yad asmAt patitAd iva
05070021c jJAtayo vinivartante pretasattvAd ivAsavaH
05070022a nAtaH pApIyasIM kAM cid avasthAM zambaro 'bravIt
05070022c yatra naivAdya na prAtar bhojanaM pratidRzyate
05070023a dhanam AhuH paraM dharmaM dhane sarvaM pratiSThitam
05070023c jIvanti dhanino loke mRtA ye tv adhanA narAH
05070024a ye dhanAd apakarSanti naraM svabalam AzritAH
05070024c te dharmam arthaM kAmaM ca pramathnanti naraM ca tam
05070025a etAm avasthAM prApyaike maraNaM vavrire janAH
05070025c grAmAyaike vanAyaike nAzAyaike pravavrajuH
05070026a unmAdam eke puSyanti yAnty anye dviSatAM vazam
05070026c dAsyam eke nigacchanti pareSAm arthahetunA
05070027a Apad evAsya maraNAt puruSasya garIyasI
05070027c zriyo vinAzas tad dhy asya nimittaM dharmakAmayoH
05070028a yad asya dharmyaM maraNaM zAzvataM lokavartma tat
05070028c samantAt sarvabhUtAnAM na tad atyeti kaz cana
05070029a na tathA bAdhyate kRSNa prakRtyA nirdhano janaH
05070029c yathA bhadrAM zriyaM prApya tayA hInaH sukhaidhitaH
05070030a sa tadAtmAparAdhena saMprApto vyasanaM mahat
05070030c sendrAn garhayate devAn nAtmAnaM ca kathaM cana
05070031a na cAsmin sarvazAstrANi prataranti nigarhaNAm
05070031c so 'bhikrudhyati bhRtyAnAM suhRdaz cAbhyasUyati
05070032a taM tadA manyur evaiti sa bhUyaH saMpramuhyati
05070032c sa mohavazam ApannaH krUraM karma niSevate
05070033a pApakarmAtyayAyaiva saMkaraM tena puSyati
05070033c saMkaro narakAyaiva sA kASThA pApakarmaNAm
05070034a na cet prabudhyate kRSNa narakAyaiva gacchati
05070034c tasya prabodhaH prajJaiva prajJAcakSur na riSyati
05070035a prajJAlAbhe hi puruSaH zAstrANy evAnvavekSate
05070035c zAstranityaH punar dharmaM tasya hrIr aGgam uttamam
05070036a hrImAn hi pApaM pradveSTi tasya zrIr abhivardhate
05070036c zrImAn sa yAvad bhavati tAvad bhavati pUruSaH
05070037a dharmanityaH prazAntAtmA kAryayogavahaH sadA
05070037c nAdharme kurute buddhiM na ca pApeSu vartate
05070038a ahrIko vA vimUDho vA naiva strI na punaH pumAn
05070038c nAsyAdhikAro dharme 'sti yathA zUdras tathaiva saH
05070039a hrImAn avati devAMz ca pitqn AtmAnam eva ca
05070039c tenAmRtatvaM vrajati sA kASThA puNyakarmaNAm
05070040a tad idaM mayi te dRSTaM pratyakSaM madhusUdana
05070040c yathA rAjyAt paribhraSTo vasAmi vasatIr imAH
05070041a te vayaM na zriyaM hAtum alaM nyAyena kena cit
05070041c atra no yatamAnAnAM vadhaz ced api sAdhu tat
05070042a tatra naH prathamaH kalpo yad vayaM te ca mAdhava
05070042c prazAntAH samabhUtAz ca zriyaM tAm aznuvImahi
05070043a tatraiSA paramA kASThA raudrakarmakSayodayA
05070043c yad vayaM kauravAn hatvA tAni rASTrANy azImahi
05070044a ye punaH syur asaMbaddhA anAryAH kRSNa zatravaH
05070044c teSAm apy avadhaH kAryaH kiM punar ye syur IdRzAH
05070045a jJAtayaz ca hi bhUyiSThAH sahAyA guravaz ca naH
05070045c teSAM vadho 'tipApIyAn kiM nu yuddhe 'sti zobhanam
05070046a pApaH kSatriyadharmo 'yaM vayaM ca kSatrabAndhavAH
05070046c sa naH svadharmo 'dharmo vA vRttir anyA vigarhitA
05070047a zUdraH karoti zuzrUSAM vaizyA vipaNijIvinaH
05070047c vayaM vadhena jIvAmaH kapAlaM brAhmaNair vRtam
05070048a kSatriyaH kSatriyaM hanti matsyo matsyena jIvati
05070048c zvA zvAnaM hanti dAzArha pazya dharmo yathAgataH
05070049a yuddhe kRSNa kalir nityaM prANAH sIdanti saMyuge
05070049c balaM tu nItimAtrAya haThe jayaparAjayau
05070050a nAtmacchandena bhUtAnAM jIvitaM maraNaM tathA
05070050c nApy akAle sukhaM prApyaM duHkhaM vApi yadUttama
05070051a eko hy api bahUn hanti ghnanty ekaM bahavo 'py uta
05070051c zUraM kApuruSo hanti ayazasvI yazasvinam
05070052a jayaz caivobhayor dRSTa ubhayoz ca parAjayaH
05070052c tathaivApacayo dRSTo vyapayAne kSayavyayau
05070053a sarvathA vRjinaM yuddhaM ko ghnan na pratihanyate
05070053c hatasya ca hRSIkeza samau jayaparAjayau
05070054a parAjayaz ca maraNAn manye naiva viziSyate
05070054c yasya syAd vijayaH kRSNa tasyApy apacayo dhruvam
05070055a antato dayitaM ghnanti ke cid apy apare janAH
05070055c tasyAGga balahInasya putrAn bhrAtqn apazyataH
05070055e nirvedo jIvite kRSNa sarvataz copajAyate
05070056a ye hy eva vIrA hrImanta AryAH karuNavedinaH
05070056c ta eva yuddhe hanyante yavIyAn mucyate janaH
05070057a hatvApy anuzayo nityaM parAn api janArdana
05070057c anubandhaz ca pApo 'tra zeSaz cApy avaziSyate
05070058a zeSo hi balam AsAdya na zeSam avazeSayet
05070058c sarvocchede ca yatate vairasyAntavidhitsayA
05070059a jayo vairaM prasRjati duHkham Aste parAjitaH
05070059c sukhaM prazAntaH svapiti hitvA jayaparAjayau
05070060a jAtavairaz ca puruSo duHkhaM svapiti nityadA
05070060c anirvRtena manasA sasarpa iva vezmani
05070061a utsAdayati yaH sarvaM yazasA sa viyujyate
05070061c akIrtiM sarvabhUteSu zAzvatIM sa niyacchati
05070062a na hi vairANi zAmyanti dIrghakAlakRtAny api
05070062c AkhyAtAraz ca vidyante pumAMz cotpadyate kule
05070063a na cApi vairaM vaireNa kezava vyupazAmyati
05070063c haviSAgnir yathA kRSNa bhUya evAbhivardhate
05070064a ato 'nyathA nAsti zAntir nityam antaram antataH
05070064c antaraM lipsamAnAnAm ayaM doSo nirantaraH
05070065a pauruSeyo hi balavAn Adhir hRdayabAdhanaH
05070065c tasya tyAgena vA zAntir nivRttyA manaso 'pi vA
05070066a atha vA mUlaghAtena dviSatAM madhusUdana
05070066c phalanirvRttir iddhA syAt tan nRzaMsataraM bhavet
05070067a yA tu tyAgena zAntiH syAt tad Rte vadha eva saH
05070067c saMzayAc ca samucchedAd dviSatAm Atmanas tathA
05070068a na ca tyaktuM tad icchAmo na cecchAmaH kulakSayam
05070068c atra yA praNipAtena zAntiH saiva garIyasI
05070069a sarvathA yatamAnAnAm ayuddham abhikAGkSatAm
05070069c sAntve pratihate yuddhaM prasiddham aparAkramam
05070070a pratighAtena sAntvasya dAruNaM saMpravartate
05070070c tac chunAm iva gopAde paNDitair upalakSitam
05070071a lAGgUlacAlanaM kSveDaH pratirAvo vivartanam
05070071c dantadarzanam ArAvas tato yuddhaM pravartate
05070072a tatra yo balavAn kRSNa jitvA so 'tti tad AmiSam
05070072c evam eva manuSyeSu vizeSo nAsti kaz cana
05070073a sarvathA tv etad ucitaM durbaleSu balIyasAm
05070073c anAdaro virodhaz ca praNipAtI hi durbalaH
05070074a pitA rAjA ca vRddhaz ca sarvathA mAnam arhati
05070074c tasmAn mAnyaz ca pUjyaz ca dhRtarASTro janArdana
05070075a putrasnehas tu balavAn dhRtarASTrasya mAdhava
05070075c sa putravazam ApannaH praNipAtaM prahAsyati
05070076a tatra kiM manyase kRSNa prAptakAlam anantaram
05070076c katham arthAc ca dharmAc ca na hIyemahi mAdhava
05070077a IdRze hy arthakRcchre 'smin kam anyaM madhusUdana
05070077c upasaMpraSTum arhAmi tvAm Rte puruSottama
05070078a priyaz ca priyakAmaz ca gatijJaH sarvakarmaNAm
05070078c ko hi kRSNAsti nas tvAdRk sarvanizcayavit suhRt
05070079  vaizaMpAyana uvAca
05070079a evam uktaH pratyuvAca dharmarAjaM janArdanaH
05070079c ubhayor eva vAm arthe yAsyAmi kurusaMsadam
05070080a zamaM tatra labheyaM ced yuSmadartham ahApayan
05070080c puNyaM me sumahad rAjaMz caritaM syAn mahAphalam
05070081a mocayeyaM mRtyupAzAt saMrabdhAn kurusRJjayAn
05070081c pANDavAn dhArtarASTrAMz ca sarvAM ca pRthivIm imAm
05070082  yudhiSThira uvAca
05070082a na mamaitan mataM kRSNa yat tvaM yAyAH kurUn prati
05070082c suyodhanaH sUktam api na kariSyati te vacaH
05070083a sametaM pArthivaM kSatraM suyodhanavazAnugam
05070083c teSAM madhyAvataraNaM tava kRSNa na rocaye
05070084a na hi naH prINayed dravyaM na devatvaM kutaH sukham
05070084c na ca sarvAmaraizvaryaM tava rodhena mAdhava
05070085  bhagavAn uvAca
05070085a jAnAmy etAM mahArAja dhArtarASTrasya pApatAm
05070085c avAcyAs tu bhaviSyAmaH sarvaloke mahIkSitAm
05070086a na cApi mama paryAptAH sahitAH sarvapArthivAH
05070086c kruddhasya pramukhe sthAtuM siMhasyevetare mRgAH
05070087a atha cet te pravarteran mayi kiM cid asAMpratam
05070087c nirdaheyaM kurUn sarvAn iti me dhIyate matiH
05070088a na jAtu gamanaM tatra bhavet pArtha nirarthakam
05070088c arthaprAptiH kadA cit syAd antato vApy avAcyatA
05070089  yudhiSThira uvAca
05070089a yat tubhyaM rocate kRSNa svasti prApnuhi kauravAn
05070089c kRtArthaM svastimantaM tvAM drakSyAmi punarAgatam
05070090a viSvaksena kurUn gatvA bhAratAJ zamayeH prabho
05070090c yathA sarve sumanasaH saha syAmaH sucetasaH
05070091a bhrAtA cAsi sakhA cAsi bIbhatsor mama ca priyaH
05070091c sauhRdenAvizaGkyo 'si svasti prApnuhi bhUtaye
05070092a asmAn vettha parAn vettha vetthArthaM vettha bhASitam
05070092c yad yad asmaddhitaM kRSNa tat tad vAcyaH suyodhanaH
05070093a yad yad dharmeNa saMyuktam upapadyed dhitaM vacaH
05070093c tat tat kezava bhASethAH sAntvaM vA yadi vetarat
05071001  bhagavAn uvAca
05071001a saMjayasya zrutaM vAkyaM bhavataz ca zrutaM mayA
05071001c sarvaM jAnAmy abhiprAyaM teSAM ca bhavataz ca yaH
05071002a tava dharmAzritA buddhis teSAM vairAzritA matiH
05071002c yad ayuddhena labhyeta tat te bahumataM bhavet
05071003a na ca tan naiSThikaM karma kSatriyasya vizAM pate
05071003c Ahur AzramiNaH sarve yad bhaikSaM kSatriyaz caret
05071004a jayo vadho vA saMgrAme dhAtrA diSTaH sanAtanaH
05071004c svadharmaH kSatriyasyaiSa kArpaNyaM na prazasyate
05071005a na hi kArpaNyam AsthAya zakyA vRttir yudhiSThira
05071005c vikramasva mahAbAho jahi zatrUn ariMdama
05071006a atigRddhAH kRtasnehA dIrghakAlaM sahoSitAH
05071006c kRtamitrAH kRtabalA dhArtarASTrAH paraMtapa
05071007a na paryAyo 'sti yat sAmyaM tvayi kuryur vizAM pate
05071007c balavattAM hi manyante bhISmadroNakRpAdibhiH
05071008a yAvac ca mArdavenaitAn rAjann upacariSyasi
05071008c tAvad ete hariSyanti tava rAjyam ariMdama
05071009a nAnukrozAn na kArpaNyAn na ca dharmArthakAraNAt
05071009c alaM kartuM dhArtarASTrAs tava kAmam ariMdama
05071010a etad eva nimittaM te pANDavAs tu yathA tvayi
05071010c nAnvatapyanta kaupInaM tAvat kRtvApi duSkaram
05071011a pitAmahasya droNasya vidurasya ca dhImataH
05071011c pazyatAM kurumukhyAnAM sarveSAm eva tattvataH
05071012a dAnazIlaM mRduM dAntaM dharmakAmam anuvratam
05071012c yat tvAm upadhinA rAjan dyUtenAvaJcayat tadA
05071012e na cApatrapate pApo nRzaMsas tena karmaNA
05071013a tathAzIlasamAcAre rAjan mA praNayaM kRthAH
05071013c vadhyAs te sarvalokasya kiM punas tava bhArata
05071014a vAgbhis tv apratirUpAbhir atudat sakanIyasam
05071014c zlAghamAnaH prahRSTaH san bhASate bhrAtRbhiH saha
05071015a etAvat pANDavAnAM hi nAsti kiM cid iha svakam
05071015c nAmadheyaM ca gotraM ca tad apy eSAM na ziSyate
05071016a kAlena mahatA caiSAM bhaviSyati parAbhavaH
05071016c prakRtiM te bhajiSyanti naSTaprakRtayo janAH
05071017a etAz cAnyAz ca paruSA vAcaH sa samudIrayan
05071017c zlAghate jJAtimadhye sma tvayi pravrajite vanam
05071018a ye tatrAsan samAnItAs te dRSTvA tvAm anAgasam
05071018c azrukaNThA rudantaz ca sabhAyAm Asate tadA
05071019a na cainam abhyanandaMs te rAjAno brAhmaNaiH saha
05071019c sarve duryodhanaM tatra nindanti sma sabhAsadaH
05071020a kulInasya ca yA nindA vadhaz cAmitrakarzana
05071020c mahAguNo vadho rAjan na tu nindA kujIvikA
05071021a tadaiva nihato rAjan yadaiva nirapatrapaH
05071021c ninditaz ca mahArAja pRthivyAM sarvarAjasu
05071022a ISatkAryo vadhas tasya yasya cAritram IdRzam
05071022c praskambhanapratistabdhaz chinnamUla iva drumaH
05071023a vadhyaH sarpa ivAnAryaH sarvalokasya durmatiH
05071023c jahy enaM tvam amitraghna mA rAjan vicikitsithAH
05071024a sarvathA tvatkSamaM caitad rocate ca mamAnagha
05071024c yat tvaM pitari bhISme ca praNipAtaM samAcareH
05071025a ahaM tu sarvalokasya gatvA chetsyAmi saMzayam
05071025c yeSAm asti dvidhAbhAvo rAjan duryodhanaM prati
05071026a madhye rAjJAm ahaM tatra prAtipauruSikAn guNAn
05071026c tava saMkIrtayiSyAmi ye ca tasya vyatikramAH
05071027a bruvatas tatra me vAkyaM dharmArthasahitaM hitam
05071027c nizamya pArthivAH sarve nAnAjanapadezvarAH
05071028a tvayi saMpratipatsyante dharmAtmA satyavAg iti
05071028c tasmiMz cAdhigamiSyanti yathA lobhAd avartata
05071029a garhayiSyAmi caivainaM paurajAnapadeSv api
05071029c vRddhabAlAn upAdAya cAturvarNyasamAgame
05071030a zamaM ced yAcamAnas tvaM na dharmaM tatra lapsyase
05071030c kurUn vigarhayiSyanti dhRtarASTraM ca pArthivAH
05071031a tasmi&l lokaparityakte kiM kAryam avaziSyate
05071031c hate duryodhane rAjan yad anyat kriyatAm iti
05071032a yAtvA cAhaM kurUn sarvAn yuSmadartham ahApayan
05071032c yatiSye prazamaM kartuM lakSayiSye ca ceSTitam
05071033a kauravANAM pravRttiM ca gatvA yuddhAdhikArikAm
05071033c nizAmya vinivartiSye jayAya tava bhArata
05071034a sarvathA yuddham evAham AzaMsAmi paraiH saha
05071034c nimittAni hi sarvANi tathA prAdurbhavanti me
05071035a mRgAH zakuntAz ca vadanti ghoraM; hastyazvamukhyeSu nizAmukheSu
05071035c ghorANi rUpANi tathaiva cAgnir; varNAn bahUn puSyati ghorarUpAn
05071035e manuSyalokakSapaNo 'tha ghoro; no ced anuprApta ihAntakaH syAt
05071036a zastrANi patraM kavacAn rathAMz ca; nAgAn dhvajAMz ca pratipAdayitvA
05071036c yodhAz ca sarve kRtanizramAs te; bhavantu hastyazvaratheSu yattAH
05071036e sAMgrAmikaM te yad upArjanIyaM; sarvaM samagraM kuru tan narendra
05071037a duryodhano na hy alam adya dAtuM; jIvaMs tavaitan nRpate kathaM cit
05071037c yat te purastAd abhavat samRddhaM; dyUte hRtaM pANDavamukhya rAjyam
05072001  bhImasena uvAca
05072001a yathA yathaiva zAntiH syAt kurUNAM madhusUdana
05072001c tathA tathaiva bhASethA mA sma yuddhena bhISayeH
05072002a amarSI nityasaMrabdhaH zreyodveSI mahAmanAH
05072002c nograM duryodhano vAcyaH sAmnaivainaM samAcareH
05072003a prakRtyA pApasattvaz ca tulyacetAz ca dasyubhiH
05072003c aizvaryamadamattaz ca kRtavairaz ca pANDavaiH
05072004a adIrghadarzI niSThUrI kSeptA krUraparAkramaH
05072004c dIrghamanyur aneyaz ca pApAtmA nikRtipriyaH
05072005a mriyetApi na bhajyeta naiva jahyAt svakaM matam
05072005c tAdRzena zamaM kRSNa manye paramaduSkaram
05072006a suhRdAm apy avAcInas tyaktadharmaH priyAnRtaH
05072006c pratihanty eva suhRdAM vAcaz caiva manAMsi ca
05072007a sa manyuvazam ApannaH svabhAvaM duSTam AsthitaH
05072007c svabhAvAt pApam anveti tRNais tunna ivoragaH
05072008a duryodhano hi yatsenaH sarvathA viditas tava
05072008c yacchIlo yatsvabhAvaz ca yadbalo yatparAkramaH
05072009a purA prasannAH kuravaH sahaputrAs tathA vayam
05072009c indrajyeSThA ivAbhUma modamAnAH sabAndhavAH
05072010a duryodhanasya krodhena bhAratA madhusUdana
05072010c dhakSyante zizirApAye vanAnIva hutAzanaiH
05072011a aSTAdazeme rAjAnaH prakhyAtA madhusUdana
05072011c ye samuccicchidur jJAtIn suhRdaz ca sabAndhavAn
05072012a asurANAM samRddhAnAM jvalatAm iva tejasA
05072012c paryAyakAle dharmasya prApte balir ajAyata
05072013a haihayAnAm udAvarto nIpAnAM janamejayaH
05072013c bahulas tAlajaGghAnAM kRmINAm uddhato vasuH
05072014a ajabinduH suvIrANAM surASTrANAM kuzarddhikaH
05072014c arkajaz ca balIhAnAM cInAnAM dhautamUlakaH
05072015a hayagrIvo videhAnAM varapraz ca mahaujasAm
05072015c bAhuH sundaravegAnAM dIptAkSANAM purUravAH
05072016a sahajaz cedimatsyAnAM pracetAnAM bRhadbalaH
05072016c dhAraNaz cendravatsAnAM mukuTAnAM vigAhanaH
05072017a zamaz ca nandivegAnAm ity ete kulapAMsanAH
05072017c yugAnte kRSNa saMbhUtAH kuleSu puruSAdhamAH
05072018a apy ayaM naH kurUNAM syAd yugAnte kAlasaMbhRtaH
05072018c duryodhanaH kulAGgAro jaghanyaH pApapUruSaH
05072019a tasmAn mRdu zanair enaM brUyA dharmArthasaMhitam
05072019c kAmAnubandhabahulaM nogram ugraparAkramam
05072020a api duryodhanaM kRSNa sarve vayam adhazcarAH
05072020c nIcair bhUtvAnuyAsyAmo mA sma no bharatA nazan
05072021a apy udAsInavRttiH syAd yathA naH kurubhiH saha
05072021c vAsudeva tathA kAryaM na kurUn anayaH spRzet
05072022a vAcyaH pitAmaho vRddho ye ca kRSNa sabhAsadaH
05072022c bhrAtqNAm astu saubhrAtraM dhArtarASTraH prazAmyatAm
05072023a aham etad bravImy evaM rAjA caiva prazaMsati
05072023c arjuno naiva yuddhArthI bhUyasI hi dayArjune
05073001  vaizaMpAyana uvAca
05073001a etac chrutvA mahAbAhuH kezavaH prahasann iva
05073001c abhUtapUrvaM bhImasya mArdavopagataM vacaH
05073002a girer iva laghutvaM tac chItatvam iva pAvake
05073002c matvA rAmAnujaH zauriH zArGgadhanvA vRkodaram
05073003a saMtejayaMs tadA vAgbhir mAtarizveva pAvakam
05073003c uvAca bhImam AsInaM kRpayAbhipariplutam
05073004a tvam anyadA bhImasena yuddham eva prazaMsasi
05073004c vadhAbhinandinaH krUrAn dhArtarASTrAn mimardiSuH
05073005a na ca svapiSi jAgarSi nyubjaH zeSe paraMtapa
05073005c ghorAm azAntAM ruzatIM sadA vAcaM prabhASase
05073006a niHzvasann agnivarNena saMtaptaH svena manyunA
05073006c aprazAntamanA bhIma sadhUma iva pAvakaH
05073007a ekAnte niSTanaJ zeSe bhArArta iva durbalaH
05073007c api tvAM ke cid unmattaM manyante 'tadvido janAH
05073008a Arujya vRkSAn nirmUlAn gajaH paribhujann iva
05073008c nighnan padbhiH kSitiM bhIma niSTanan paridhAvasi
05073009a nAsmiJ jane 'bhiramase rahaH kSiyasi pANDava
05073009c nAnyaM nizi divA vApi kadA cid abhinandasi
05073010a akasmAt smayamAnaz ca rahasy Asse rudann iva
05073010c jAnvor mUrdhAnam AdhAya ciram Asse pramIlitaH
05073011a bhrukuTiM ca punaH kurvann oSThau ca vilihann iva
05073011c abhIkSNaM dRzyase bhIma sarvaM tan manyukAritam
05073012a yathA purastAt savitA dRzyate zukram uccaran
05073012c yathA ca pazcAn nirmukto dhruvaM paryeti razmivAn
05073013a tathA satyaM bravImy etan nAsti tasya vyatikramaH
05073013c hantAhaM gadayAbhyetya duryodhanam amarSaNam
05073014a iti sma madhye bhrAtqNAM satyenAlabhase gadAm
05073014c tasya te prazame buddhir dhIyate 'dya paraMtapa
05073015a aho yuddhapratIpAni yuddhakAla upasthite
05073015c pazyasIvApratIpAni kiM tvAM bhIr bhIma vindati
05073016a aho pArtha nimittAni viparItAni pazyasi
05073016c svapnAnte jAgarAnte ca tasmAt prazamam icchasi
05073017a aho nAzaMsase kiM cit puMstvaM klIba ivAtmani
05073017c kazmalenAbhipanno 'si tena te vikRtaM manaH
05073018a udvepate te hRdayaM manas te praviSIdati
05073018c UrustambhagRhIto 'si tasmAt prazamam icchasi
05073019a anityaM kila martyasya cittaM pArtha calAcalam
05073019c vAtavegapracalitA aSThIlA zAlmaler iva
05073020a tavaiSA vikRtA buddhir gavAM vAg iva mAnuSI
05073020c manAMsi pANDuputrANAM majjayaty aplavAn iva
05073021a idaM me mahad AzcaryaM parvatasyeva sarpaNam
05073021c yad IdRzaM prabhASethA bhImasenAsamaM vacaH
05073022a sa dRSTvA svAni karmANi kule janma ca bhArata
05073022c uttiSThasva viSAdaM mA kRthA vIra sthiro bhava
05073023a na caitad anurUpaM te yat te glAnir ariMdama
05073023c yad ojasA na labhate kSatriyo na tad aznute
05074001  vaizaMpAyana uvAca
05074001a tathokto vAsudevena nityamanyur amarSaNaH
05074001c sadazvavat samAdhAvad babhASe tadanantaram
05074002a anyathA mAM cikIrSantam anyathA manyase 'cyuta
05074002c praNItabhAvam atyantaM yudhi satyaparAkramam
05074003a vettha dAzArha sattvaM me dIrghakAlaM sahoSitaH
05074003c uta vA mAM na jAnAsi plavan hrada ivAplavaH
05074003e tasmAd apratirUpAbhir vAgbhir mAM tvaM samarchasi
05074004a kathaM hi bhImasenaM mAM jAnan kaz cana mAdhava
05074004c brUyAd apratirUpANi yathA mAM vaktum arhasi
05074005a tasmAd idaM pravakSyAmi vacanaM vRSNinandana
05074005c AtmanaH pauruSaM caiva balaM ca na samaM paraiH
05074006a sarvathA nAryakarmaitat prazaMsA svayam AtmanaH
05074006c ativAdApaviddhas tu vakSyAmi balam AtmanaH
05074007a pazyeme rodasI kRSNa yayor Asann imAH prajAH
05074007c acale cApy anante ca pratiSThe sarvamAtarau
05074008a yadIme sahasA kruddhe sameyAtAM zile iva
05074008c aham ete nigRhNIyAM bAhubhyAM sacarAcare
05074009a pazyaitad antaraM bAhvor mahAparighayor iva
05074009c ya etat prApya mucyeta na taM pazyAmi pUruSam
05074010a himavAMz ca samudraz ca vajrI ca balabhit svayam
05074010c mayAbhipannaM trAyeran balam AsthAya na trayaH
05074011a yudhyeyaM kSatriyAn sarvAn pANDaveSv AtatAyinaH
05074011c adhaH pAdatalenaitAn adhiSThAsyAmi bhUtale
05074012a na hi tvaM nAbhijAnAsi mama vikramam acyuta
05074012c yathA mayA vinirjitya rAjAno vazagAH kRtAH
05074013a atha cen mAM na jAnAsi sUryasyevodyataH prabhAm
05074013c vigADhe yudhi saMbAdhe vetsyase mAM janArdana
05074014a kiM mAtyavAkSIH paruSair vraNaM sUcyA ivAnagha
05074014c yathAmati bravImy etad viddhi mAm adhikaM tataH
05074015a draSTAsi yudhi saMbAdhe pravRtte vaizase 'hani
05074015c mayA praNunnAn mAtaGgAn rathinaH sAdinas tathA
05074016a tathA narAn abhikruddhaM nighnantaM kSatriyarSabhAn
05074016c draSTA mAM tvaM ca lokaz ca vikarSantaM varAn varAn
05074017a na me sIdanti majjAno na mamodvepate manaH
05074017c sarvalokAd abhikruddhAn na bhayaM vidyate mama
05074018a kiM tu sauhRdam evaitat kRpayA madhusUdana
05074018c sarvAMs titikSe saMklezAn mA sma no bharatA nazan
05075001  bhagavAn uvAca
05075001a bhAvaM jijJAsamAno 'haM praNayAd idam abruvam
05075001c na cAkSepAn na pANDityAn na krodhAn na vivakSayA
05075002a vedAhaM tava mAhAtmyam uta te veda yad balam
05075002c uta te veda karmANi na tvAM paribhavAmy aham
05075003a yathA cAtmani kalyANaM saMbhAvayasi pANDava
05075003c sahasraguNam apy etat tvayi saMbhAvayAmy aham
05075004a yAdRze ca kule janma sarvarAjAbhipUjite
05075004c bandhubhiz ca suhRdbhiz ca bhIma tvam asi tAdRzaH
05075005a jijJAsanto hi dharmasya saMdigdhasya vRkodara
05075005c paryAyaM na vyavasyanti daivamAnuSayor janAH
05075006a sa eva hetur bhUtvA hi puruSasyArthasiddhiSu
05075006c vinAze 'pi sa evAsya saMdigdhaM karma pauruSam
05075007a anyathA paridRSTAni kavibhir doSadarzibhiH
05075007c anyathA parivartante vegA iva nabhasvataH
05075008a sumantritaM sunItaM ca nyAyataz copapAditam
05075008c kRtaM mAnuSyakaM karma daivenApi virudhyate
05075009a daivam apy akRtaM karma pauruSeNa vihanyate
05075009c zItam uSNaM tathA varSaM kSutpipAse ca bhArata
05075010a yad anyad diSTabhAvasya puruSasya svayaMkRtam
05075010c tasmAd anavarodhaz ca vidyate tatra lakSaNam
05075011a lokasya nAnyato vRttiH pANDavAnyatra karmaNaH
05075011c evaMbuddhiH pravarteta phalaM syAd ubhayAnvayAt
05075012a ya evaM kRtabuddhiH san karmasv eva pravartate
05075012c nAsiddhau vyathate tasya na siddhau harSam aznute
05075013a tatreyam arthamAtrA me bhImasena vivakSitA
05075013c naikAntasiddhir mantavyA kurubhiH saha saMyuge
05075014a nAtipraNItarazmiH syAt tathA bhavati paryaye
05075014c viSAdam arched glAniM vA etadarthaM bravImi te
05075015a zvobhUte dhRtarASTrasya samIpaM prApya pANDava
05075015c yatiSye prazamaM kartuM yuSmadartham ahApayan
05075016a zamaM cet te kariSyanti tato 'nantaM yazo mama
05075016c bhavatAM ca kRtaH kAmas teSAM ca zreya uttamam
05075017a te ced abhinivekSyanti nAbhyupaiSyanti me vacaH
05075017c kuravo yuddham evAtra raudraM karma bhaviSyati
05075018a asmin yuddhe bhImasena tvayi bhAraH samAhitaH
05075018c dhUr arjunena dhAryA syAd voDhavya itaro janaH
05075019a ahaM hi yantA bIbhatsor bhavitA saMyuge sati
05075019c dhanaMjayasyaiSa kAmo na hi yuddhaM na kAmaye
05075020a tasmAd AzaGkamAno 'haM vRkodara matiM tava
05075020c tudann aklIbayA vAcA tejas te samadIpayam
05076001  arjuna uvAca
05076001a uktaM yudhiSThireNaiva yAvad vAcyaM janArdana
05076001c tava vAkyaM tu me zrutvA pratibhAti paraMtapa
05076002a naiva prazamam atra tvaM manyase sukaraM prabho
05076002c lobhAd vA dhRtarASTrasya dainyAd vA samupasthitAt
05076003a aphalaM manyase cApi puruSasya parAkramam
05076003c na cAntareNa karmANi pauruSeNa phalodayaH
05076004a tad idaM bhASitaM vAkyaM tathA ca na tathaiva ca
05076004c na caitad evaM draSTavyam asAdhyam iti kiM cana
05076005a kiM caitan manyase kRcchram asmAkaM pApam AditaH
05076005c kurvanti teSAM karmANi yeSAM nAsti phalodayaH
05076006a saMpAdyamAnaM samyak ca syAt karma saphalaM prabho
05076006c sa tathA kRSNa vartasva yathA zarma bhavet paraiH
05076007a pANDavAnAM kurUNAM ca bhavAn paramakaH suhRt
05076007c surANAm asurANAM ca yathA vIra prajApatiH
05076008a kurUNAM pANDavAnAM ca pratipatsva nirAmayam
05076008c asmaddhitam anuSThAtuM na manye tava duSkaram
05076009a evaM cet kAryatAm eti kAryaM tava janArdana
05076009c gamanAd evam eva tvaM kariSyasi na saMzayaH
05076010a cikIrSitam athAnyat te tasmin vIra durAtmani
05076010c bhaviSyati tathA sarvaM yathA tava cikIrSitam
05076011a zarma taiH saha vA no 'stu tava vA yac cikIrSitam
05076011c vicAryamANo yaH kAmas tava kRSNa sa no guruH
05076012a na sa nArhati duSTAtmA vadhaM sasutabAndhavaH
05076012c yena dharmasute dRSTvA na sA zrIr upamarSitA
05076013a yac cApy apazyatopAyaM dharmiSThaM madhusUdana
05076013c upAyena nRzaMsena hRtA durdyUtadevinA
05076014a kathaM hi puruSo jAtaH kSatriyeSu dhanurdharaH
05076014c samAhUto nivarteta prANatyAge 'py upasthite
05076015a adharmeNa jitAn dRSTvA vane pravrajitAMs tathA
05076015c vadhyatAM mama vArSNeya nirgato 'sau suyodhanaH
05076016a na caitad adbhutaM kRSNa mitrArthe yac cikIrSasi
05076016c kriyA kathaM nu mukhyA syAn mRdunA vetareNa vA
05076017a atha vA manyase jyAyAn vadhas teSAm anantaram
05076017c tad eva kriyatAm Azu na vicAryam atas tvayA
05076018a jAnAsi hi yathA tena draupadI pApabuddhinA
05076018c parikliSTA sabhAmadhye tac ca tasyApi marSitam
05076019a sa nAma samyag varteta pANDaveSv iti mAdhava
05076019c na me saMjAyate buddhir bIjam uptam ivoSare
05076020a tasmAd yan manyase yuktaM pANDavAnAM ca yad dhitam
05076020c tad Azu kuru vArSNeya yan naH kAryam anantaram
05077001  bhagavAn uvAca
05077001a evam etan mahAbAho yathA vadasi pANDava
05077001c sarvaM tv idaM samAyattaM bIbhatso karmaNor dvayoH
05077002a kSetraM hi rasavac chuddhaM karSakeNopapAditam
05077002c Rte varSaM na kaunteya jAtu nirvartayet phalam
05077003a tatra vai pauruSaM brUyur AsekaM yatnakAritam
05077003c tatra cApi dhruvaM pazyec choSaNaM daivakAritam
05077004a tad idaM nizcitaM buddhyA pUrvair api mahAtmabhiH
05077004c daive ca mAnuSe caiva saMyuktaM lokakAraNam
05077005a ahaM hi tat kariSyAmi paraM puruSakArataH
05077005c daivaM tu na mayA zakyaM karma kartuM kathaM cana
05077006a sa hi dharmaM ca satyaM ca tyaktvA carati durmatiH
05077006c na hi saMtapyate tena tathArUpeNa karmaNA
05077007a tAM cApi buddhiM pApiSThAM vardhayanty asya mantriNaH
05077007c zakuniH sUtaputraz ca bhrAtA duHzAsanas tathA
05077008a sa hi tyAgena rAjyasya na zamaM samupeSyati
05077008c antareNa vadhAt pArtha sAnubandhaH suyodhanaH
05077009a na cApi praNipAtena tyaktum icchati dharmarAT
05077009c yAcyamAnas tu rAjyaM sa na pradAsyati durmatiH
05077010a na tu manye sa tad vAcyo yad yudhiSThirazAsanam
05077010c uktaM prayojanaM tatra dharmarAjena bhArata
05077011a tathA pApas tu tat sarvaM na kariSyati kauravaH
05077011c tasmiMz cAkriyamANe 'sau lokavadhyo bhaviSyati
05077012a mama cApi sa vadhyo vai jagataz cApi bhArata
05077012c yena kaumArake yUyaM sarve viprakRtAs tathA
05077013a vipraluptaM ca vo rAjyaM nRzaMsena durAtmanA
05077013c na copazAmyate pApaH zriyaM dRSTvA yudhiSThire
05077014a asakRc cApy ahaM tena tvatkRte pArtha bheditaH
05077014c na mayA tad gRhItaM ca pApaM tasya cikIrSitam
05077015a jAnAsi hi mahAbAho tvam apy asya paraM matam
05077015c priyaM cikIrSamANaM ca dharmarAjasya mAm api
05077016a sa jAnaMs tasya cAtmAnaM mama caiva paraM matam
05077016c ajAnann iva cAkasmAd arjunAdyAbhizaGkase
05077017a yac cApi paramaM divyaM tac cApy avagataM tvayA
05077017c vidhAnavihitaM pArtha kathaM zarma bhavet paraiH
05077018a yat tu vAcA mayA zakyaM karmaNA cApi pANDava
05077018c kariSye tad ahaM pArtha na tv AzaMse zamaM paraiH
05077019a kathaM goharaNe brUyAd icchaJ zarma tathAvidham
05077019c yAcyamAno 'pi bhISmeNa saMvatsaragate 'dhvani
05077020a tadaiva te parAbhUtA yadA saMkalpitAs tvayA
05077020c lavazaH kSaNazaz cApi na ca tuSTaH suyodhanaH
05077021a sarvathA tu mayA kAryaM dharmarAjasya zAsanam
05077021c vibhAvyaM tasya bhUyaz ca karma pApaM durAtmanaH
05078001  nakula uvAca
05078001a uktaM bahuvidhaM vAkyaM dharmarAjena mAdhava
05078001c dharmajJena vadAnyena dharmayuktaM ca tattvataH
05078002a matam AjJAya rAjJaz ca bhImasenena mAdhava
05078002c saMzamo bAhuvIryaM ca khyApitaM mAdhavAtmanaH
05078003a tathaiva phalgunenApi yad uktaM tat tvayA zrutam
05078003c Atmanaz ca mataM vIra kathitaM bhavatAsakRt
05078004a sarvam etad atikramya zrutvA paramataM bhavAn
05078004c yat prAptakAlaM manyethAs tat kuryAH puruSottama
05078005a tasmiMs tasmin nimitte hi mataM bhavati kezava
05078005c prAptakAlaM manuSyeNa svayaM kAryam ariMdama
05078006a anyathA cintito hy arthaH punar bhavati so 'nyathA
05078006c anityamatayo loke narAH puruSasattama
05078007a anyathA buddhayo hy Asann asmAsu vanavAsiSu
05078007c adRzyeSv anyathA kRSNa dRzyeSu punar anyathA
05078008a asmAkam api vArSNeya vane vicaratAM tadA
05078008c na tathA praNayo rAjye yathA saMprati vartate
05078009a nivRttavanavAsAn naH zrutvA vIra samAgatAH
05078009c akSauhiNyo hi saptemAs tvatprasAdAj janArdana
05078010a imAn hi puruSavyAghrAn acintyabalapauruSAn
05078010c AttazastrAn raNe dRSTvA na vyathed iha kaH pumAn
05078011a sa bhavAn kurumadhye taM sAntvapUrvaM bhayAnvitam
05078011c brUyAd vAkyaM yathA mando na vyatheta suyodhanaH
05078012a yudhiSThiraM bhImasenaM bIbhatsuM cAparAjitam
05078012c sahadevaM ca mAM caiva tvAM ca rAmaM ca kezava
05078013a sAtyakiM ca mahAvIryaM virATaM ca sahAtmajam
05078013c drupadaM ca sahAmAtyaM dhRSTadyumnaM ca pArSatam
05078014a kAzirAjaM ca vikrAntaM dhRSTaketuM ca cedipam
05078014c mAMsazoNitabhRn martyaH pratiyudhyeta ko yudhi
05078015a sa bhavAn gamanAd eva sAdhayiSyaty asaMzayam
05078015c iSTam arthaM mahAbAho dharmarAjasya kevalam
05078016a viduraz caiva bhISmaz ca droNaz ca sahabAhlikaH
05078016c zreyaH samarthA vijJAtum ucyamAnaM tvayAnagha
05078017a te cainam anuneSyanti dhRtarASTraM janAdhipam
05078017c taM ca pApasamAcAraM sahAmAtyaM suyodhanam
05078018a zrotA cArthasya viduras tvaM ca vaktA janArdana
05078018c kam ivArthaM vivartantaM sthApayetAM na vartmani
05079001  sahadeva uvAca
05079001a yad etat kathitaM rAjJA dharma eSa sanAtanaH
05079001c yathA tu yuddham eva syAt tathA kAryam ariMdama
05079002a yadi prazamam iccheyuH kuravaH pANDavaiH saha
05079002c tathApi yuddhaM dAzArha yojayethAH sahaiva taiH
05079003a kathaM nu dRSTvA pAJcAlIM tathA kliSTAM sabhAgatAm
05079003c avadhena prazAmyeta mama manyuH suyodhane
05079004a yadi bhImArjunau kRSNa dharmarAjaz ca dhArmikaH
05079004c dharmam utsRjya tenAhaM yoddhum icchAmi saMyuge
05079005  sAtyakir uvAca
05079005a satyam Aha mahAbAho sahadevo mahAmatiH
05079005c duryodhanavadhe zAntis tasya kopasya me bhavet
05079006a jAnAsi hi yathA dRSTvA cIrAjinadharAn vane
05079006c tavApi manyur udbhUto duHkhitAn prekSya pANDavAn
05079007a tasmAn mAdrIsutaH zUro yad Aha puruSarSabhaH
05079007c vacanaM sarvayodhAnAM tan mataM puruSottama
05079008  vaizaMpAyana uvAca
05079008a evaM vadati vAkyaM tu yuyudhAne mahAmatau
05079008c subhImaH siMhanAdo 'bhUd yodhAnAM tatra sarvazaH
05079009a sarve hi sarvato vIrAs tad vacaH pratyapUjayan
05079009c sAdhu sAdhv iti zaineyaM harSayanto yuyutsavaH
05080001  vaizaMpAyana uvAca
05080001a rAjJas tu vacanaM zrutvA dharmArthasahitaM hitam
05080001c kRSNA dAzArham AsInam abravIc chokakarSitA
05080002a sutA drupadarAjasya svasitAyatamUrdhajA
05080002c saMpUjya sahadevaM ca sAtyakiM ca mahAratham
05080003a bhImasenaM ca saMzAntaM dRSTvA paramadurmanAH
05080003c azrupUrNekSaNA vAkyam uvAcedaM manasvinI
05080004a viditaM te mahAbAho dharmajJa madhusUdana
05080004c yathA nikRtim AsthAya bhraMzitAH pANDavAH sukhAt
05080005a dhRtarASTrasya putreNa sAmAtyena janArdana
05080005c yathA ca saMjayo rAjJA mantraM rahasi zrAvitaH
05080006a yudhiSThireNa dAzArha tac cApi viditaM tava
05080006c yathoktaH saMjayaz caiva tac ca sarvaM zrutaM tvayA
05080007a paJca nas tAta dIyantAM grAmA iti mahAdyute
05080007c kuzasthalaM vRkasthalam AsandI vAraNAvatam
05080008a avasAnaM mahAbAho kiM cid eva tu paJcamam
05080008c iti duryodhano vAcyaH suhRdaz cAsya kezava
05080009a tac cApi nAkarod vAkyaM zrutvA kRSNa suyodhanaH
05080009c yudhiSThirasya dAzArha hrImataH saMdhim icchataH
05080010a apradAnena rAjyasya yadi kRSNa suyodhanaH
05080010c saMdhim icchen na kartavyas tatra gatvA kathaM cana
05080011a zakSyanti hi mahAbAho pANDavAH sRJjayaiH saha
05080011c dhArtarASTrabalaM ghoraM kruddhaM pratisamAsitum
05080012a na hi sAmnA na dAnena zakyo 'rthas teSu kaz cana
05080012c tasmAt teSu na kartavyA kRpA te madhusUdana
05080013a sAmnA dAnena vA kRSNa ye na zAmyanti zatravaH
05080013c moktavyas teSu daNDaH syAj jIvitaM parirakSatA
05080014a tasmAt teSu mahAdaNDaH kSeptavyaH kSipram acyuta
05080014c tvayA caiva mahAbAho pANDavaiH saha sRJjayaiH
05080015a etat samarthaM pArthAnAM tava caiva yazaskaram
05080015c kriyamANaM bhavet kRSNa kSatrasya ca sukhAvaham
05080016a kSatriyeNa hi hantavyaH kSatriyo lobham AsthitaH
05080016c akSatriyo vA dAzArha svadharmam anutiSThatA
05080017a anyatra brAhmaNAt tAta sarvapApeSv avasthitAt
05080017c gurur hi sarvavarNAnAM brAhmaNaH prasRtAgrabhuk
05080018a yathAvadhye bhaved doSo vadhyamAne janArdana
05080018c sa vadhyasyAvadhe dRSTa iti dharmavido viduH
05080019a yathA tvAM na spRzed eSa doSaH kRSNa tathA kuru
05080019c pANDavaiH saha dAzArha sRJjayaiz ca sasainikaiH
05080020a punar uktaM ca vakSyAmi vizrambheNa janArdana
05080020c kA nu sImantinI mAdRk pRthivyAm asti kezava
05080021a sutA drupadarAjasya vedimadhyAt samutthitA
05080021c dhRSTadyumnasya bhaginI tava kRSNa priyA sakhI
05080022a AjamIDhakulaM prAptA snuSA pANDor mahAtmanaH
05080022c mahiSI pANDuputrANAM paJcendrasamavarcasAm
05080023a sutA me paJcabhir vIraiH paJca jAtA mahArathAH
05080023c abhimanyur yathA kRSNa tathA te tava dharmataH
05080024a sAhaM kezagrahaM prAptA parikliSTA sabhAM gatA
05080024c pazyatAM pANDuputrANAM tvayi jIvati kezava
05080025a jIvatsu kauraveyeSu pAJcAleSv atha vRSNiSu
05080025c dAsIbhUtAsmi pApAnAM sabhAmadhye vyavasthitA
05080026a nirAmarSeSv aceSTeSu prekSamANeSu pANDuSu
05080026c trAhi mAm iti govinda manasA kAGkSito 'si me
05080027a yatra mAM bhagavAn rAjA zvazuro vAkyam abravIt
05080027c varaM vRNISva pAJcAli varArhAsi matAsi me
05080028a adAsAH pANDavAH santu sarathAH sAyudhA iti
05080028c mayokte yatra nirmuktA vanavAsAya kezava
05080029a evaMvidhAnAM duHkhAnAm abhijJo 'si janArdana
05080029c trAhi mAM puNDarIkAkSa sabhartRjJAtibAndhavAm
05080030a nanv ahaM kRSNa bhISmasya dhRtarASTrasya cobhayoH
05080030c snuSA bhavAmi dharmeNa sAhaM dAsIkRtAbhavam
05080031a dhig balaM bhImasenasya dhik pArthasya dhanuSmatAm
05080031c yatra duryodhanaH kRSNa muhUrtam api jIvati
05080032a yadi te 'ham anugrAhyA yadi te 'sti kRpA mayi
05080032c dhArtarASTreSu vai kopaH sarvaH kRSNa vidhIyatAm
05080033a ity uktvA mRdusaMhAraM vRjinAgraM sudarzanam
05080033c sunIlam asitApAGgI puNyagandhAdhivAsitam
05080034a sarvalakSaNasaMpannaM mahAbhujagavarcasam
05080034c kezapakSaM varArohA gRhya savyena pANinA
05080035a padmAkSI puNDarIkAkSam upetya gajagAminI
05080035c azrupUrNekSaNA kRSNA kRSNaM vacanam abravIt
05080036a ayaM te puNDarIkAkSa duHzAsanakaroddhRtaH
05080036c smartavyaH sarvakAleSu pareSAM saMdhim icchatA
05080037a yadi bhImArjunau kRSNa kRpaNau saMdhikAmukau
05080037c pitA me yotsyate vRddhaH saha putrair mahArathaiH
05080038a paJca caiva mahAvIryAH putrA me madhusUdana
05080038c abhimanyuM puraskRtya yotsyanti kurubhiH saha
05080039a duHzAsanabhujaM zyAmaM saMchinnaM pAMsuguNThitam
05080039c yady ahaM taM na pazyAmi kA zAntir hRdayasya me
05080040a trayodaza hi varSANi pratIkSantyA gatAni me
05080040c nidhAya hRdaye manyuM pradIptam iva pAvakam
05080041a vidIryate me hRdayaM bhImavAkzalyapIDitam
05080041c yo 'yam adya mahAbAhur dharmaM samanupazyati
05080042a ity uktvA bASpasannena kaNThenAyatalocanA
05080042c ruroda kRSNA sotkampaM sasvaraM bASpagadgadam
05080043a stanau pInAyatazroNI sahitAv abhivarSatI
05080043c dravIbhUtam ivAtyuSNam utsRjad vAri netrajam
05080044a tAm uvAca mahAbAhuH kezavaH parisAntvayan
05080044c acirAd drakSyase kRSNe rudatIr bharatastriyaH
05080045a evaM tA bhIru rotsyanti nihatajJAtibAndhavAH
05080045c hatamitrA hatabalA yeSAM kruddhAsi bhAmini
05080046a ahaM ca tat kariSyAmi bhImArjunayamaiH saha
05080046c yudhiSThiraniyogena daivAc ca vidhinirmitAt
05080047a dhArtarASTrAH kAlapakvA na cec chRNvanti me vacaH
05080047c zeSyante nihatA bhUmau zvazRgAlAdanIkRtAH
05080048a caled dhi himavAJ zailo medinI zatadhA bhavet
05080048c dyauH patec ca sanakSatrA na me moghaM vaco bhavet
05080049a satyaM te pratijAnAmi kRSNe bASpo nigRhyatAm
05080049c hatAmitrAJ zriyA yuktAn acirAd drakSyase patIn
05081001  arjuna uvAca
05081001a kurUNAm adya sarveSAM bhavAn suhRd anuttamaH
05081001c saMbandhI dayito nityam ubhayoH pakSayor api
05081002a pANDavair dhArtarASTrANAM pratipAdyam anAmayam
05081002c samarthaH prazamaM caiSAM kartuM tvam asi kezava
05081003a tvam itaH puNDarIkAkSa suyodhanam amarSaNam
05081003c zAntyarthaM bhArataM brUyA yat tad vAcyam amitrahan
05081004a tvayA dharmArthayuktaM ced uktaM zivam anAmayam
05081004c hitaM nAdAsyate bAlo diSTasya vazam eSyati
05081005  bhagavAn uvAca
05081005a dharmyam asmaddhitaM caiva kurUNAM yad anAmayam
05081005c eSa yAsyAmi rAjAnaM dhRtarASTram abhIpsayA
05081006  vaizaMpAyana uvAca
05081006a tato vyapete tamasi sUrye vimala udgate
05081006c maitre muhUrte saMprApte mRdvarciSi divAkare
05081007a kaumude mAsi revatyAM zaradante himAgame
05081007c sphItasasyasukhe kAle kalyaH sattvavatAM varaH
05081008a maGgalyAH puNyanirghoSA vAcaH zRNvaMz ca sUnRtAH
05081008c brAhmaNAnAM pratItAnAm RSINAm iva vAsavaH
05081009a kRtvA paurvAhNikaM kRtyaM snAtaH zucir alaMkRtaH
05081009c upatasthe vivasvantaM pAvakaM ca janArdanaH
05081010a RSabhaM pRSTha Alabhya brAhmaNAn abhivAdya ca
05081010c agniM pradakSiNaM kRtvA pazyan kalyANam agrataH
05081011a tat pratijJAya vacanaM pANDavasya janArdanaH
05081011c ziner naptAram AsInam abhyabhASata sAtyakim
05081012a ratha AropyatAM zaGkhaz cakraM ca gadayA saha
05081012c upAsaGgAz ca zaktyaz ca sarvapraharaNAni ca
05081013a duryodhano hi duSTAtmA karNaz ca sahasaubalaH
05081013c na ca zatrur avajJeyaH prAkRto 'pi balIyasA
05081014a tatas tan matam AjJAya kezavasya puraHsarAH
05081014c prasasrur yojayiSyanto rathaM cakragadAbhRtaH
05081015a taM dIptam iva kAlAgnim AkAzagam ivAdhvagam
05081015c candrasUryaprakAzAbhyAM cakrAbhyAM samalaMkRtam
05081016a ardhacandraiz ca candraiz ca matsyaiH samRgapakSibhiH
05081016c puSpaiz ca vividhaiz citraM maNiratnaiz ca sarvazaH
05081017a taruNAdityasaMkAzaM bRhantaM cArudarzanam
05081017c maNihemavicitrAGgaM sudhvajaM supatAkinam
05081018a sUpaskaram anAdhRSyaM vaiyAghraparivAraNam
05081018c yazoghnaM pratyamitrANAM yadUnAM nandivardhanam
05081019a vAjibhiH sainyasugrIvameghapuSpabalAhakaiH
05081019c snAtaiH saMpAdayAM cakruH saMpannaiH sarvasaMpadA
05081020a mahimAnaM tu kRSNasya bhUya evAbhivardhayan
05081020c sughoSaH patagendreNa dhvajena yuyuje rathaH
05081021a taM meruzikharaprakhyaM meghadundubhinisvanam
05081021c Aruroha rathaM zaurir vimAnam iva puNyakRt
05081022a tataH sAtyakim Aropya prayayau puruSottamaH
05081022c pRthivIM cAntarikSaM ca rathaghoSeNa nAdayan
05081023a vyapoDhAbhraghanaH kAlaH kSaNena samapadyata
05081023c zivaz cAnuvavau vAyuH prazAntam abhavad rajaH
05081024a pradakSiNAnulomAz ca maGgalyA mRgapakSiNaH
05081024c prayANe vAsudevasya babhUvur anuyAyinaH
05081025a maGgalyArthapadaiH zabdair anvavartanta sarvazaH
05081025c sArasAH zatapatrAz ca haMsAz ca madhusUdanam
05081026a mantrAhutimahAhomair hUyamAnaz ca pAvakaH
05081026c pradakSiNazikho bhUtvA vidhUmaH samapadyata
05081027a vasiSTho vAmadevaz ca bhUridyumno gayaH krathaH
05081027c zukranAradavAlmIkA marutaH kuziko bhRguH
05081028a brahmadevarSayaz caiva kRSNaM yadusukhAvaham
05081028c pradakSiNam avartanta sahitA vAsavAnujam
05081029a evam etair mahAbhAgair maharSigaNasAdhubhiH
05081029c pUjitaH prayayau kRSNaH kurUNAM sadanaM prati
05081030a taM prayAntam anuprAyAt kuntIputro yudhiSThiraH
05081030c bhImasenArjunau cobhau mAdrIputrau ca pANDavau
05081031a cekitAnaz ca vikrAnto dhRSTaketuz ca cedipaH
05081031c drupadaH kAzirAjaz ca zikhaNDI ca mahArathaH
05081032a dhRSTadyumnaH saputraz ca virATaH kekayaiH saha
05081032c saMsAdhanArthaM prayayuH kSatriyAH kSatriyarSabham
05081033a tato 'nuvrajya govindaM dharmarAjo yudhiSThiraH
05081033c rAjJAM sakAze dyutimAn uvAcedaM vacas tadA
05081034a yo naiva kAmAn na bhayAn na lobhAn nArthakAraNAt
05081034c anyAyam anuvarteta sthirabuddhir alolupaH
05081035a dharmajJo dhRtimAn prAjJaH sarvabhUteSu kezavaH
05081035c IzvaraH sarvabhUtAnAM devadevaH pratApavAn
05081036a taM sarvaguNasaMpannaM zrIvatsakRtalakSaNam
05081036c saMpariSvajya kaunteyaH saMdeSTum upacakrame
05081037a yA sA bAlyAt prabhRty asmAn paryavardhayatAbalA
05081037c upavAsatapaHzIlA sadA svastyayane ratA
05081038a devatAtithipUjAsu guruzuzrUSaNe ratA
05081038c vatsalA priyaputrA ca priyAsmAkaM janArdana
05081039a suyodhanabhayAd yA no 'trAyatAmitrakarzana
05081039c mahato mRtyusaMbAdhAd uttaran naur ivArNavAt
05081040a asmatkRte ca satataM yayA duHkhAni mAdhava
05081040c anubhUtAny aduHkhArhA tAM sma pRccher anAmayam
05081041a bhRzam AzvAsayez cainAM putrazokapariplutAm
05081041c abhivAdya svajethAz ca pANDavAn parikIrtayan
05081042a UDhAt prabhRti duHkhAni zvazurANAm ariMdama
05081042c nikArAn atadarhA ca pazyantI duHkham aznute
05081043a api jAtu sa kAlaH syAt kRSNa duHkhaviparyayaH
05081043c yad ahaM mAtaraM kliSTAM sukhe dadhyAm ariMdama
05081044a pravrajanto 'nvadhAvat sA kRpaNA putragRddhinI
05081044c rudatIm apahAyainAm upagacchAma yad vanam
05081045a na nUnaM mriyate duHkhaiH sA cej jIvati kezava
05081045c tathA putrAdhibhir gADham ArtA hy AnartasatkRtA
05081046a abhivAdyA tu sA kRSNa tvayA madvacanAd vibho
05081046c dhRtarASTraz ca kauravyo rAjAnaz ca vayo 'dhikAH
05081047a bhISmaM droNaM kRpaM caiva mahArAjaM ca bAhlikam
05081047c drauNiM ca somadattaM ca sarvAMz ca bharatAn pRthak
05081048a viduraM ca mahAprAjJaM kurUNAM mantradhAriNam
05081048c agAdhabuddhiM dharmajJaM svajethA madhusUdana
05081049a ity uktvA kezavaM tatra rAjamadhye yudhiSThiraH
05081049c anujJAto nivavRte kRSNaM kRtvA pradakSiNam
05081050a vrajann eva tu bIbhatsuH sakhAyaM puruSarSabham
05081050c abravIt paravIraghnaM dAzArham aparAjitam
05081051a yad asmAkaM vibho vRttaM purA vai mantranizcaye
05081051c ardharAjyasya govinda viditaM sarvarAjasu
05081052a tac ced dadyAd asaGgena satkRtyAnavamanya ca
05081052c priyaM me syAn mahAbAho mucyeran mahato bhayAt
05081053a ataz ced anyathA kartA dhArtarASTro 'nupAyavit
05081053c antaM nUnaM kariSyAmi kSatriyANAM janArdana
05081054a evam ukte pANDavena paryahRSyad vRkodaraH
05081054c muhur muhuH krodhavazAt prAvepata ca pANDavaH
05081055a vepamAnaz ca kaunteyaH prAkrozan mahato ravAn
05081055c dhanaMjayavacaH zrutvA harSotsiktamanA bhRzam
05081056a tasya taM ninadaM zrutvA saMprAvepanta dhanvinaH
05081056c vAhanAni ca sarvANi zakRnmUtraM prasusruvuH
05081057a ity uktvA kezavaM tatra tathA coktvA vinizcayam
05081057c anujJAto nivavRte pariSvajya janArdanam
05081058a teSu rAjasu sarveSu nivRtteSu janArdanaH
05081058c tUrNam abhyapatad dhRSTaH sainyasugrIvavAhanaH
05081059a te hayA vAsudevasya dArukeNa pracoditAH
05081059c panthAnam Acemur iva grasamAnA ivAmbaram
05081060a athApazyan mahAbAhur RSIn adhvani kezavaH
05081060c brAhmyA zriyA dIpyamAnAn sthitAn ubhayataH pathi
05081061a so 'vatIrya rathAt tUrNam abhivAdya janArdanaH
05081061c yathAvat tAn RSIn sarvAn abhyabhASata pUjayan
05081062a kaccil lokeSu kuzalaM kaccid dharmaH svanuSThitaH
05081062c brAhmaNAnAM trayo varNAH kaccit tiSThanti zAsane
05081063a tebhyaH prayujya tAM pUjAM provAca madhusUdanaH
05081063c bhagavantaH kva saMsiddhAH kA vIthI bhavatAm iha
05081064a kiM vA bhagavatAM kAryam ahaM kiM karavANi vaH
05081064c kenArthenopasaMprAptA bhagavanto mahItalam
05081065a tam abravIj jAmadagnya upetya madhusUdanam
05081065c pariSvajya ca govindaM purA sucarite sakhA
05081066a devarSayaH puNyakRto brAhmaNAz ca bahuzrutAH
05081066c rAjarSayaz ca dAzArha mAnayantas tapasvinaH
05081067a devAsurasya draSTAraH purANasya mahAdyute
05081067c sametaM pArthivaM kSatraM didRkSantaz ca sarvataH
05081068a sabhAsadaz ca rAjAnas tvAM ca satyaM janArdana
05081068c etan mahat prekSaNIyaM draSTuM gacchAma kezava
05081069a dharmArthasahitA vAcaH zrotum icchAma mAdhava
05081069c tvayocyamAnAH kuruSu rAjamadhye paraMtapa
05081070a bhISmadroNAdayaz caiva viduraz ca mahAmatiH
05081070c tvaM ca yAdavazArdUla sabhAyAM vai sameSyatha
05081071a tava vAkyAni divyAni tatra teSAM ca mAdhava
05081071c zrotum icchAma govinda satyAni ca zubhAni ca
05081072a ApRSTo 'si mahAbAho punar drakSyAmahe vayam
05081072c yAhy avighnena vai vIra drakSyAmas tvAM sabhAgatam
05082001  vaizaMpAyana uvAca
05082001a prayAntaM devakIputraM paravIrarujo daza
05082001c mahArathA mahAbAhum anvayuH zastrapANayaH
05082002a padAtInAM sahasraM ca sAdinAM ca paraMtapa
05082002c bhojyaM ca vipulaM rAjan preSyAz ca zatazo 'pare
05082003  janamejaya uvAca
05082003a kathaM prayAto dAzArho mahAtmA madhusUdanaH
05082003c kAni vA vrajatas tasya nimittAni mahaujasaH
05082004  vaizaMpAyana uvAca
05082004a tasya prayANe yAny Asann adbhutAni mahAtmanaH
05082004c tAni me zRNu divyAni daivAny autpAtikAni ca
05082005a anabhre 'zaninirghoSaH savidyutsamajAyata
05082005c anvag eva ca parjanyaH prAvarSad vighane bhRzam
05082006a pratyag Uhur mahAnadyaH prAGmukhAH sindhusattamAH
05082006c viparItA dizaH sarvA na prAjJAyata kiM cana
05082007a prAjvalann agnayo rAjan pRthivI samakampata
05082007c udapAnAz ca kumbhAz ca prAsiJcaJ zatazo jalam
05082008a tamaHsaMvRtam apy AsIt sarvaM jagad idaM tadA
05082008c na dizo nAdizo rAjan prajJAyante sma reNunA
05082009a prAdurAsIn mahAJ zabdaH khe zarIraM na dRzyate
05082009c sarveSu rAjan dezeSu tad adbhutam ivAbhavat
05082010a prAmathnAd dhAstinapuraM vAto dakSiNapazcimaH
05082010c Arujan gaNazo vRkSAn paruSo bhImanisvanaH
05082011a yatra yatra tu vArSNeyo vartate pathi bhArata
05082011c tatra tatra sukho vAyuH sarvaM cAsIt pradakSiNam
05082012a vavarSa puSpavarSaM ca kamalAni ca bhUrizaH
05082012c samaz ca panthA nirduHkho vyapetakuzakaNTakaH
05082013a sa gacchan brAhmaNai rAjaMs tatra tatra mahAbhujaH
05082013c arcyate madhuparkaiz ca sumanobhir vasupradaH
05082014a taM kiranti mahAtmAnaM vanyaiH puSpaiH sugandhibhiH
05082014c striyaH pathi samAgamya sarvabhUtahite ratam
05082015a sa zAlibhavanaM ramyaM sarvasasyasamAcitam
05082015c sukhaM paramadharmiSTham atyagAd bharatarSabha
05082016a pazyan bahupazUn grAmAn ramyAn hRdayatoSaNAn
05082016c purANi ca vyatikrAman rASTrANi vividhAni ca
05082017a nityahRSTAH sumanaso bhAratair abhirakSitAH
05082017c nodvignAH paracakrANAm anayAnAm akovidAH
05082018a upaplavyAd athAyAntaM janAH puranivAsinaH
05082018c pathy atiSThanta sahitA viSvaksenadidRkSayA
05082019a te tu sarve sunAmAnam agnim iddham iva prabhum
05082019c arcayAm Asur arcyaM taM dezAtithim upasthitam
05082020a vRkasthalaM samAsAdya kezavaH paravIrahA
05082020c prakIrNarazmAv Aditye vimale lohitAyati
05082021a avatIrya rathAt tUrNaM kRtvA zaucaM yathAvidhi
05082021c rathamocanam Adizya saMdhyAm upaviveza ha
05082022a dAruko 'pi hayAn muktvA paricarya ca zAstrataH
05082022c mumoca sarvaM varmANi muktvA cainAn avAsRjat
05082023a abhyatItya tu tat sarvam uvAca madhusUdanaH
05082023c yudhiSThirasya kAryArtham iha vatsyAmahe kSapAm
05082024a tasya tan matam AjJAya cakrur AvasathaM narAH
05082024c kSaNena cAnnapAnAni guNavanti samArjayan
05082025a tasmin grAme pradhAnAs tu ya Asan brAhmaNA nRpa
05082025c AryAH kulInA hrImanto brAhmIM vRttim anuSThitAH
05082026a te 'bhigamya mahAtmAnaM hRSIkezam ariMdamam
05082026c pUjAM cakrur yathAnyAyam AzIrmaGgalasaMyutAm
05082027a te pUjayitvA dAzArhaM sarvalokeSu pUjitam
05082027c nyavedayanta vezmAni ratnavanti mahAtmane
05082028a tAn prabhuH kRtam ity uktvA satkRtya ca yathArhataH
05082028c abhyetya teSAM vezmAni punar AyAt sahaiva taiH
05082029a sumRSTaM bhojayitvA ca brAhmaNAMs tatra kezavaH
05082029c bhuktvA ca saha taiH sarvair avasat tAM kSapAM sukham
05083001  vaizaMpAyana uvAca
05083001a tathA dUtaiH samAjJAya AyAntaM madhusUdanam
05083001c dhRtarASTro 'bravId bhISmam arcayitvA mahAbhujam
05083002a droNaM ca saMjayaM caiva viduraM ca mahAmatim
05083002c duryodhanaM ca sAmAtyaM hRSTaromAbravId idam
05083003a adbhutaM mahad AzcaryaM zrUyate kurunandana
05083003c striyo bAlAz ca vRddhAz ca kathayanti gRhe gRhe
05083004a satkRtyAcakSate cAnye tathaivAnye samAgatAH
05083004c pRthagvAdAz ca vartante catvareSu sabhAsu ca
05083005a upayAsyati dAzArhaH pANDavArthe parAkramI
05083005c sa no mAnyaz ca pUjyaz ca sarvathA madhusUdanaH
05083006a tasmin hi yAtrA lokasya bhUtAnAm Izvaro hi saH
05083006c tasmin dhRtiz ca vIryaM ca prajJA caujaz ca mAdhave
05083007a sa mAnyatAM narazreSThaH sa hi dharmaH sanAtanaH
05083007c pUjito hi sukhAya syAd asukhaH syAd apUjitaH
05083008a sa cet tuSyati dAzArha upacArair ariMdamaH
05083008c kRtsnAn sarvAn abhiprAyAn prApsyAmaH sarvarAjasu
05083009a tasya pUjArtham adyaiva saMvidhatsva paraMtapa
05083009c sabhAH pathi vidhIyantAM sarvakAmasamAhitAH
05083010a yathA prItir mahAbAho tvayi jAyeta tasya vai
05083010c tathA kuruSva gAndhAre kathaM vA bhISma manyase
05083011a tato bhISmAdayaH sarve dhRtarASTraM janAdhipam
05083011c UcuH paramam ity evaM pUjayanto 'sya tad vacaH
05083012a teSAm anumataM jJAtvA rAjA duryodhanas tadA
05083012c sabhAvAstUni ramyANi pradeSTum upacakrame
05083013a tato dezeSu dezeSu ramaNIyeSu bhAgazaH
05083013c sarvaratnasamAkIrNAH sabhAz cakrur anekazaH
05083014a AsanAni vicitrANi yuktAni vividhair guNaiH
05083014c striyo gandhAn alaMkArAn sUkSmANi vasanAni ca
05083015a guNavanty annapAnAni bhojyAni vividhAni ca
05083015c mAlyAni ca sugandhIni tAni rAjA dadau tataH
05083016a vizeSataz ca vAsArthaM sabhAM grAme vRkasthale
05083016c vidadhe kauravo rAjA bahuratnAM manoramAm
05083017a etad vidhAya vai sarvaM devArham atimAnuSam
05083017c Acakhyau dhRtarASTrAya rAjA duryodhanas tadA
05083018a tAH sabhAH kezavaH sarvA ratnAni vividhAni ca
05083018c asamIkSyaiva dAzArha upAyAt kurusadma tat
05084001  dhRtarASTra uvAca
05084001a upaplavyAd iha kSattar upayAto janArdanaH
05084001c vRkasthale nivasati sa ca prAtar iheSyati
05084002a AhukAnAm adhipatiH purogaH sarvasAtvatAm
05084002c mahAmanA mahAvIryo mahAmAtro janArdanaH
05084003a sphItasya vRSNivaMzasya bhartA goptA ca mAdhavaH
05084003c trayANAm api lokAnAM bhagavAn prapitAmahaH
05084004a vRSNyandhakAH sumanaso yasya prajJAm upAsate
05084004c AdityA vasavo rudrA yathA buddhiM bRhaspateH
05084005a tasmai pUjAM prayokSyAmi dAzArhAya mahAtmane
05084005c pratyakSaM tava dharmajJa tan me kathayataH zRNu
05084006a ekavarNaiH sukRSNAGgair bAhlijAtair hayottamaiH
05084006c caturyuktAn rathAMs tasmai raukmAn dAsyAmi SoDaza
05084007a nityaprabhinnAn mAtaGgAn ISAdantAn prahAriNaH
05084007c aSTAnucaram ekaikam aSTau dAsyAmi kezave
05084008a dAsInAm aprajAtAnAM zubhAnAM rukmavarcasAm
05084008c zatam asmai pradAsyAmi dAsAnAm api tAvataH
05084009a AvikaM bahu susparzaM pArvatIyair upAhRtam
05084009c tad apy asmai pradAsyAmi sahasrANi dazASTa ca
05084010a ajinAnAM sahasrANi cInadezodbhavAni ca
05084010c tAny apy asmai pradAsyAmi yAvad arhati kezavaH
05084011a divA rAtrau ca bhAty eSa sutejA vimalo maNiH
05084011c tam apy asmai pradAsyAmi tam apy arhati kezavaH
05084012a ekenApi pataty ahnA yojanAni caturdaza
05084012c yAnam azvatarIyuktaM dAsye tasmai tad apy aham
05084013a yAvanti vAhanAny asya yAvantaH puruSAz ca te
05084013c tato 'STaguNam apy asmai bhojyaM dAsyAmy ahaM sadA
05084014a mama putrAz ca pautrAz ca sarve duryodhanAd Rte
05084014c pratyudyAsyanti dAzArhaM rathair mRSTair alaMkRtAH
05084015a svalaMkRtAz ca kalyANyaH pAdair eva sahasrazaH
05084015c vAramukhyA mahAbhAgaM pratyudyAsyanti kezavam
05084016a nagarAd api yAH kAz cid gamiSyanti janArdanam
05084016c draSTuM kanyAz ca kalyANyas tAz ca yAsyanty anAvRtAH
05084017a sastrIpuruSabAlaM hi nagaraM madhusUdanam
05084017c udIkSate mahAtmAnaM bhAnumantam iva prajAH
05084018a mahAdhvajapatAkAz ca kriyantAM sarvatodizam
05084018c jalAvasikto virajAH panthAs tasyeti cAnvazAt
05084019a duHzAsanasya ca gRhaM duryodhanagRhAd varam
05084019c tad asya kriyatAM kSipraM susaMmRSTam alaMkRtam
05084020a etad dhi rucirAkAraiH prAsAdair upazobhitam
05084020c zivaM ca ramaNIyaM ca sarvartu sumahAdhanam
05084021a sarvam asmin gRhe ratnaM mama duryodhanasya ca
05084021c yad yad arhet sa vArSNeyas tat tad deyam asaMzayam
05085001  vidura uvAca
05085001a rAjan bahumataz cAsi trailokyasyApi sattamaH
05085001c saMbhAvitaz ca lokasya saMmataz cAsi bhArata
05085002a yat tvam evaMgate brUyAH pazcime vayasi sthitaH
05085002c zAstrAd vA supratarkAd vA susthiraH sthaviro hy asi
05085003a lekhAzmanIva bhAH sUrye mahormir iva sAgare
05085003c dharmas tvayi mahAn rAjann iti vyavasitAH prajAH
05085004a sadaiva bhAvito loko guNaughais tava pArthiva
05085004c guNAnAM rakSaNe nityaM prayatasva sabAndhavaH
05085005a ArjavaM pratipadyasva mA bAlyAd bahudhA nazIH
05085005c rAjyaM putrAMz ca pautrAMz ca suhRdaz cApi supriyAn
05085006a yat tvaM ditsasi kRSNAya rAjann atithaye bahu
05085006c etad anyac ca dAzArhaH pRthivIm api cArhati
05085007a na tu tvaM dharmam uddizya tasya vA priyakAraNAt
05085007c etad icchasi kRSNAya satyenAtmAnam Alabhe
05085008a mAyaiSAtattvam evaitac chadmaitad bhUridakSiNa
05085008c jAnAmi te mataM rAjan gUDhaM bAhyena karmaNA
05085009a paJca paJcaiva lipsanti grAmakAn pANDavA nRpa
05085009c na ca ditsasi tebhyas tAMs tac chamaM kaH kariSyati
05085010a arthena tu mahAbAhuM vArSNeyaM tvaM jihIrSasi
05085010c anenaivAbhyupAyena pANDavebhyo bibhitsasi
05085011a na ca vittena zakyo 'sau nodyamena na garhayA
05085011c anyo dhanaMjayAt kartum etat tattvaM bravImi te
05085012a veda kRSNasya mAhAtmyaM vedAsya dRDhabhaktitAm
05085012c atyAjyam asya jAnAmi prANais tulyaM dhanaMjayam
05085013a anyat kumbhAd apAM pUrNAd anyat pAdAvasecanAt
05085013c anyat kuzalasaMpraznAn naiSiSyati janArdanaH
05085014a yat tv asya priyam AtithyaM mAnArhasya mahAtmanaH
05085014c tad asmai kriyatAM rAjan mAnArho hi janArdanaH
05085015a AzaMsamAnaH kalyANaM kurUn abhyeti kezavaH
05085015c yenaiva rAjann arthena tad evAsmA upAkuru
05085016a zamam icchati dAzArhas tava duryodhanasya ca
05085016c pANDavAnAM ca rAjendra tad asya vacanaM kuru
05085017a pitAsi rAjan putrAs te vRddhas tvaM zizavaH pare
05085017c vartasva pitRvat teSu vartante te hi putravat
05086001  duryodhana uvAca
05086001a yad Aha viduraH kRSNe sarvaM tat satyam ucyate
05086001c anurakto hy asaMhAryaH pArthAn prati janArdanaH
05086002a yat tu satkArasaMyuktaM deyaM vasu janArdane
05086002c anekarUpaM rAjendra na tad deyaM kadA cana
05086003a dezaH kAlas tathAyukto na hi nArhati kezavaH
05086003c maMsyaty adhokSajo rAjan bhayAd arcati mAm iti
05086004a avamAnaz ca yatra syAt kSatriyasya vizAM pate
05086004c na tat kuryAd budhaH kAryam iti me nizcitA matiH
05086005a sa hi pUjyatamo devaH kRSNaH kamalalocanaH
05086005c trayANAm api lokAnAM viditaM mama sarvathA
05086006a na tu tasmin pradeyaM syAt tathA kAryagatiH prabho
05086006c vigrahaH samupArabdho na hi zAmyaty avigrahAt
05086007  vaizaMpAyana uvAca
05086007a tasya tad vacanaM zrutvA bhISmaH kurupitAmahaH
05086007c vaicitravIryaM rAjAnam idaM vacanam abravIt
05086008a satkRto 'satkRto vApi na krudhyeta janArdanaH
05086008c nAlam anyam avajJAtum avajJAto 'pi kezavaH
05086009a yat tu kAryaM mahAbAho manasA kAryatAM gatam
05086009c sarvopAyair na tac chakyaM kena cit kartum anyathA
05086010a sa yad brUyAn mahAbAhus tat kAryam avizaGkayA
05086010c vAsudevena tIrthena kSipraM saMzAmya pANDavaiH
05086011a dharmyam arthyaM sa dharmAtmA dhruvaM vaktA janArdanaH
05086011c tasmin vAcyAH priyA vAco bhavatA bAndhavaiH saha
05086012  duryodhana uvAca
05086012a na paryAyo 'sti yad rAjaJ zriyaM niSkevalAm aham
05086012c taiH sahemAm upAznIyAM jIvaJ jIvaiH pitAmaha
05086013a idaM tu sumahat kAryaM zRNu me yat samarthitam
05086013c parAyaNaM pANDavAnAM niyaMsyAmi janArdanam
05086014a tasmin baddhe bhaviSyanti vRSNayaH pRthivI tathA
05086014c pANDavAz ca vidheyA me sa ca prAtar iheSyati
05086015a atropAyaM yathA samyaG na budhyeta janArdanaH
05086015c na cApAyo bhavet kaz cit tad bhavAn prabravItu me
05086016  vaizaMpAyana uvAca
05086016a tasya tad vacanaM zrutvA ghoraM kRSNAbhisaMhitam
05086016c dhRtarASTraH sahAmAtyo vyathito vimanAbhavat
05086017a tato duryodhanam idaM dhRtarASTro 'bravId vacaH
05086017c maivaM vocaH prajApAla naiSa dharmaH sanAtanaH
05086018a dUtaz ca hi hRSIkezaH saMbandhI ca priyaz ca naH
05086018c apApaH kauraveyeSu kathaM bandhanam arhati
05086019  bhISma uvAca
05086019a parIto dhRtarASTrAyaM tava putraH sumandadhIH
05086019c vRNoty anarthaM na tv arthaM yAcyamAnaH suhRdgaNaiH
05086020a imam utpathi vartantaM pApaM pApAnubandhinam
05086020c vAkyAni suhRdAM hitvA tvam apy asyAnuvartase
05086021a kRSNam akliSTakarmANam AsAdyAyaM sudurmatiH
05086021c tava putraH sahAmAtyaH kSaNena na bhaviSyati
05086022a pApasyAsya nRzaMsasya tyaktadharmasya durmateH
05086022c notsahe 'narthasaMyuktAM vAcaM zrotuM kathaM cana
05086023  vaizaMpAyana uvAca
05086023a ity uktvA bharatazreSTho vRddhaH paramamanyumAn
05086023c utthAya tasmAt prAtiSThad bhISmaH satyaparAkramaH
05087001  vaizaMpAyana uvAca
05087001a prAtar utthAya kRSNas tu kRtavAn sarvam Ahnikam
05087001c brAhmaNair abhyanujJAtaH prayayau nagaraM prati
05087002a taM prayAntaM mahAbAhum anujJApya tato nRpa
05087002c paryavartanta te sarve vRkasthalanivAsinaH
05087003a dhArtarASTrAs tam AyAntaM pratyujjagmuH svalaMkRtAH
05087003c duryodhanam Rte sarve bhISmadroNakRpAdayaH
05087004a paurAz ca bahulA rAjan hRSIkezaM didRkSavaH
05087004c yAnair bahuvidhair anye padbhir eva tathApare
05087005a sa vai pathi samAgamya bhISmeNAkliSTakarmaNA
05087005c droNena dhArtarASTraiz ca tair vRto nagaraM yayau
05087006a kRSNasaMmAnanArthaM ca nagaraM samalaMkRtam
05087006c babhUvU rAjamArgAz ca bahuratnasamAcitAH
05087007a na sma kaz cid gRhe rAjaMs tadAsId bharatarSabha
05087007c na strI na vRddho na zizur vAsudevadidRkSayA
05087008a rAjamArge narA na sma saMbhavanty avaniM gatAH
05087008c tathA hi sumahad rAjan hRSIkezapravezane
05087009a AvRtAni varastrIbhir gRhANi sumahAnty api
05087009c pracalantIva bhAreNa dRzyante sma mahItale
05087010a tathA ca gatimantas te vAsudevasya vAjinaH
05087010c pranaSTagatayo 'bhUvan rAjamArge narair vRte
05087011a sa gRhaM dhRtarASTrasya prAvizac chatrukarzanaH
05087011c pANDuraM puNDarIkAkSaH prAsAdair upazobhitam
05087012a tisraH kakSyA vyatikramya kezavo rAjavezmanaH
05087012c vaicitravIryaM rAjAnam abhyagacchad ariMdamaH
05087013a abhyAgacchati dAzArhe prajJAcakSur narezvaraH
05087013c sahaiva droNabhISmAbhyAm udatiSThan mahAyazAH
05087014a kRpaz ca somadattaz ca mahArAjaz ca bAhlikaH
05087014c Asanebhyo 'calan sarve pUjayanto janArdanam
05087015a tato rAjAnam AsAdya dhRtarASTraM yazasvinam
05087015c sa bhISmaM pUjayAm Asa vArSNeyo vAgbhir aJjasA
05087016a teSu dharmAnupUrvIM tAM prayujya madhusUdanaH
05087016c yathAvayaH samIyAya rAjabhis tatra mAdhavaH
05087017a atha droNaM saputraM sa bAhlIkaM ca yazasvinam
05087017c kRpaM ca somadattaM ca samIyAya janArdanaH
05087018a tatrAsId UrjitaM mRSTaM kAJcanaM mahad Asanam
05087018c zAsanAd dhRtarASTrasya tatropAvizad acyutaH
05087019a atha gAM madhuparkaM cApy udakaM ca janArdane
05087019c upajahrur yathAnyAyaM dhRtarASTrapurohitAH
05087020a kRtAtithyas tu govindaH sarvAn parihasan kurUn
05087020c Aste saMbandhakaM kurvan kurubhiH parivAritaH
05087021a so 'rcito dhRtarASTreNa pUjitaz ca mahAyazAH
05087021c rAjAnaM samanujJApya nirAkrAmad ariMdamaH
05087022a taiH sametya yathAnyAyaM kurubhiH kurusaMsadi
05087022c vidurAvasathaM ramyam upAtiSThata mAdhavaH
05087023a viduraH sarvakalyANair abhigamya janArdanam
05087023c arcayAm Asa dAzArhaM sarvakAmair upasthitam
05087024a kRtAtithyaM tu govindaM viduraH sarvadharmavit
05087024c kuzalaM pANDuputrANAm apRcchan madhusUdanam
05087025a prIyamANasya suhRdo viduSo buddhisattamaH
05087025c dharmanityasya ca tadA gatadoSasya dhImataH
05087026a tasya sarvaM savistAraM pANDavAnAM viceSTitam
05087026c kSattur AcaSTa dAzArhaH sarvapratyakSadarzivAn
05088001  vaizaMpAyana uvAca
05088001a athopagamya viduram aparAhNe janArdanaH
05088001c pitRSvasAraM govindaH so 'bhyagacchad ariMdamaH
05088002a sA dRSTvA kRSNam AyAntaM prasannAdityavarcasam
05088002c kaNThe gRhItvA prAkrozat pRthA pArthAn anusmaran
05088003a teSAM sattvavatAM madhye govindaM sahacAriNam
05088003c cirasya dRSTvA vArSNeyaM bASpam AhArayat pRthA
05088004a sAbravIt kRSNam AsInaM kRtAtithyaM yudhAM patim
05088004c bASpagadgadapUrNena mukhena parizuSyatA
05088005a ye te bAlyAt prabhRtyeva guruzuzrUSaNe ratAH
05088005c parasparasya suhRdaH saMmatAH samacetasaH
05088006a nikRtyA bhraMzitA rAjyAj janArhA nirjanaM gatAH
05088006c vinItakrodhaharSAz ca brahmaNyAH satyavAdinaH
05088007a tyaktvA priyasukhe pArthA rudantIm apahAya mAm
05088007c ahArSuz ca vanaM yAntaH samUlaM hRdayaM mama
05088008a atadarhA mahAtmAnaH kathaM kezava pANDavAH
05088008c USur mahAvane tAta siMhavyAghragajAkule
05088009a bAlA vihInAH pitrA te mayA satatalAlitAH
05088009c apazyantaH svapitarau katham USur mahAvane
05088010a zaGkhadundubhinirghoSair mRdaGgair vaiNavair api
05088010c pANDavAH samabodhyanta bAlyAt prabhRti kezava
05088011a ye sma vAraNazabdena hayAnAM heSitena ca
05088011c rathanemininAdaiz ca vyabodhyanta sadA gRhe
05088012a zaGkhabherIninAdena veNuvINAnunAdinA
05088012c puNyAhaghoSamizreNa pUjyamAnA dvijAtibhiH
05088013a vastrai ratnair alaMkAraiH pUjayanto dvijanmanaH
05088013c gIrbhir maGgalayuktAbhir brAhmaNAnAM mahAtmanAm
05088014a arcitair arcanArhaiz ca stuvadbhir abhinanditAH
05088014c prAsAdAgreSv abodhyanta rAGkavAjinazAyinaH
05088015a te nUnaM ninadaM zrutvA zvApadAnAM mahAvane
05088015c na smopayAnti nidrAM vai atadarhA janArdana
05088016a bherImRdaGganinadaiH zaGkhavaiNavanisvanaiH
05088016c strINAM gItaninAdaiz ca madhurair madhusUdana
05088017a bandimAgadhasUtaiz ca stuvadbhir bodhitAH katham
05088017c mahAvane vyabodhyanta zvApadAnAM rutena te
05088018a hrImAn satyadhRtir dAnto bhUtAnAm anukampitA
05088018c kAmadveSau vaze kRtvA satAM vartmAnuvartate
05088019a ambarISasya mAndhAtur yayAter nahuSasya ca
05088019c bharatasya dilIpasya ziber auzInarasya ca
05088020a rAjarSINAM purANAnAM dhuraM dhatte durudvahAm
05088020c zIlavRttopasaMpanno dharmajJaH satyasaMgaraH
05088021a rAjA sarvaguNopetas trailokyasyApi yo bhavet
05088021c ajAtazatrur dharmAtmA zuddhajAmbUnadaprabhaH
05088022a zreSThaH kuruSu sarveSu dharmataH zrutavRttataH
05088022c priyadarzano dIrghabhujaH kathaM kRSNa yudhiSThiraH
05088023a yaH sa nAgAyutaprANo vAtaraMhA vRkodaraH
05088023c amarSI pANDavo nityaM priyo bhrAtuH priyaMkaraH
05088024a kIcakasya ca sajJAter yo hantA madhusUdana
05088024c zUraH krodhavazAnAM ca hiDimbasya bakasya ca
05088025a parAkrame zakrasamo vAyuvegasamo jave
05088025c mahezvarasamaH krodhe bhImaH praharatAM varaH
05088026a krodhaM balam amarSaM ca yo nidhAya paraMtapaH
05088026c jitAtmA pANDavo 'marSI bhrAtus tiSThati zAsane
05088027a tejorAziM mahAtmAnaM balaugham amitaujasam
05088027c bhImaM pradarzanenApi bhImasenaM janArdana
05088027e taM mamAcakSva vArSNeya katham adya vRkodaraH
05088028a Aste parighabAhuH sa madhyamaH pANDavo 'cyuta
05088028c arjunenArjuno yaH sa kRSNa bAhusahasriNA
05088028e dvibAhuH spardhate nityam atItenApi kezava
05088029a kSipaty ekena vegena paJca bANazatAni yaH
05088029c iSvastre sadRzo rAjJaH kArtavIryasya pANDavaH
05088030a tejasAdityasadRzo maharSipratimo dame
05088030c kSamayA pRthivItulyo mahendrasamavikramaH
05088031a AdhirAjyaM mahad dIptaM prathitaM madhusUdana
05088031c AhRtaM yena vIryeNa kurUNAM sarvarAjasu
05088032a yasya bAhubalaM ghoraM kauravAH paryupAsate
05088032c sa sarvarathinAM zreSThaH pANDavaH satyavikramaH
05088033a yo 'pAzrayaH pANDavAnAM devAnAm iva vAsavaH
05088033c sa te bhrAtA sakhA caiva katham adya dhanaMjayaH
05088034a dayAvAn sarvabhUteSu hrIniSedho mahAstravit
05088034c mRduz ca sukumAraz ca dhArmikaz ca priyaz ca me
05088035a sahadevo maheSvAsaH zUraH samitizobhanaH
05088035c bhrAtqNAM kRSNa zuzrUSur dharmArthakuzalo yuvA
05088036a sadaiva sahadevasya bhrAtaro madhusUdana
05088036c vRttaM kalyANavRttasya pUjayanti mahAtmanaH
05088037a jyeSThApacAyinaM vIraM sahadevaM yudhAM patim
05088037c zuzrUSuM mama vArSNeya mAdrIputraM pracakSva me
05088038a sukumAro yuvA zUro darzanIyaz ca pANDavaH
05088038c bhrAtqNAM kRSNa sarveSAM priyaH prANo bahizcaraH
05088039a citrayodhI ca nakulo maheSvAso mahAbalaH
05088039c kaccit sa kuzalI kRSNa vatso mama sukhaidhitaH
05088040a sukhocitam aduHkhArhaM sukumAraM mahAratham
05088040c api jAtu mahAbAho pazyeyaM nakulaM punaH
05088041a pakSmasaMpAtaje kAle nakulena vinAkRtA
05088041c na labhAmi sukhaM vIra sAdya jIvAmi pazya mAm
05088042a sarvaiH putraiH priyatamA draupadI me janArdana
05088042c kulInA zIlasaMpannA sarvaiH samuditA guNaiH
05088043a putralokAt patilokAn vRNvAnA satyavAdinI
05088043c priyAn putrAn parityajya pANDavAn anvapadyata
05088044a mahAbhijanasaMpannA sarvakAmaiH supUjitA
05088044c IzvarI sarvakalyANI draupadI katham acyuta
05088045a patibhiH paJcabhiH zUrair agnikalpaiH prahAribhiH
05088045c upapannA maheSvAsair draupadI duHkhabhAginI
05088046a caturdazam imaM varSaM yan nApazyam ariMdama
05088046c putrAdhibhiH paridyUnAM draupadIM satyavAdinIm
05088047a na nUnaM karmabhiH puNyair aznute puruSaH sukham
05088047c draupadI cet tathAvRttA nAznute sukham avyayam
05088048a na priyo mama kRSNAya bIbhatsur na yudhiSThiraH
05088048c bhImaseno yamau vApi yad apazyaM sabhAgatAm
05088049a na me duHkhataraM kiM cid bhUtapUrvaM tato 'dhikam
05088049c yad draupadIM nivAtasthAM zvazurANAM samIpagAm
05088050a AnAyitAm anAryeNa krodhalobhAnuvartinA
05088050c sarve praikSanta kurava ekavastrAM sabhAgatAm
05088051a tatraiva dhRtarASTraz ca mahArAjaz ca bAhlikaH
05088051c kRpaz ca somadattaz ca nirviNNAH kuravas tathA
05088052a tasyAM saMsadi sarvasyAM kSattAraM pUjayAmy aham
05088052c vRttena hi bhavaty Aryo na dhanena na vidyayA
05088053a tasya kRSNa mahAbuddher gambhIrasya mahAtmanaH
05088053c kSattuH zIlam alaMkAro lokAn viSTabhya tiSThati
05088054a sA zokArtA ca hRSTA ca dRSTvA govindam Agatam
05088054c nAnAvidhAni duHkhAni sarvANy evAnvakIrtayat
05088055a pUrvair AcaritaM yat tat kurAjabhir ariMdama
05088055c akSadyUtaM mRgavadhaH kaccid eSAM sukhAvaham
05088056a tan mAM dahati yat kRSNA sabhAyAM kurusaMnidhau
05088056c dhArtarASTraiH parikliSTA yathA nakuzalaM tathA
05088057a nirvAsanaM ca nagarAt pravrajyA ca paraMtapa
05088057c nAnAvidhAnAM duHkhAnAm AvAso 'smi janArdana
05088057e ajJAtacaryA bAlAnAm avarodhaz ca kezava
05088058a na sma klezatamaM me syAt putraiH saha paraMtapa
05088058c duryodhanena nikRtA varSam adya caturdazam
05088059a duHkhAd api sukhaM na syAd yadi puNyaphalakSayaH
05088059c na me vizeSo jAtv AsId dhArtarASTreSu pANDavaiH
05088060a tena satyena kRSNa tvAM hatAmitraM zriyA vRtam
05088060c asmAd vimuktaM saMgrAmAt pazyeyaM pANDavaiH saha
05088060e naiva zakyAH parAjetuM sattvaM hy eSAM tathAgatam
05088061a pitaraM tv eva garheyaM nAtmAnaM na suyodhanam
05088061c yenAhaM kuntibhojAya dhanaM dhUrtair ivArpitA
05088062a bAlAM mAm Aryakas tubhyaM krIDantIM kanduhastakAm
05088062c adadAt kuntibhojAya sakhA sakhye mahAtmane
05088063a sAhaM pitrA ca nikRtA zvazuraiz ca paraMtapa
05088063c atyantaduHkhitA kRSNa kiM jIvitaphalaM mama
05088064a yan mA vAg abravIn naktaM sUtake savyasAcinaH
05088064c putras te pRthivIM jetA yazaz cAsya divaM spRzet
05088065a hatvA kurUn grAmajanye rAjyaM prApya dhanaMjayaH
05088065c bhrAtRbhiH saha kaunteyas trIn medhAn AhariSyati
05088066a nAhaM tAm abhyasUyAmi namo dharmAya vedhase
05088066c kRSNAya mahate nityaM dharmo dhArayati prajAH
05088067a dharmaz ced asti vArSNeya tathA satyaM bhaviSyati
05088067c tvaM cApi tat tathA kRSNa sarvaM saMpAdayiSyasi
05088068a na mAM mAdhava vaidhavyaM nArthanAzo na vairitA
05088068c tathA zokAya bhavati yathA putrair vinAbhavaH
05088069a yAhaM gANDIvadhanvAnaM sarvazastrabhRtAM varam
05088069c dhanaMjayaM na pazyAmi kA zAntir hRdayasya me
05088070a idaM caturdazaM varSaM yan nApazyaM yudhiSThiram
05088070c dhanaMjayaM ca govinda yamau taM ca vRkodaram
05088071a jIvanAzaM pranaSTAnAM zrAddhaM kurvanti mAnavAH
05088071c arthatas te mama mRtAs teSAM cAhaM janArdana
05088072a brUyA mAdhava rAjAnaM dharmAtmAnaM yudhiSThiram
05088072c bhUyAMs te hIyate dharmo mA putraka vRthA kRthAH
05088073a parAzrayA vAsudeva yA jIvAmi dhig astu mAm
05088073c vRtteH kRpaNalabdhAyA apratiSThaiva jyAyasI
05088074a atho dhanaMjayaM brUyA nityodyuktaM vRkodaram
05088074c yadarthaM kSatriyA sUte tasya kAlo 'yam AgataH
05088075a asmiMz ced Agate kAle kAlo vo 'tikramiSyati
05088075c lokasaMbhAvitAH santaH sunRzaMsaM kariSyatha
05088076a nRzaMsena ca vo yuktAMs tyajeyaM zAzvatIH samAH
05088076c kAle hi samanuprApte tyaktavyam api jIvitam
05088077a mAdrIputrau ca vaktavyau kSatradharmaratau sadA
05088077c vikrameNArjitAn bhogAn vRNItaM jIvitAd api
05088078a vikramAdhigatA hy arthAH kSatradharmeNa jIvataH
05088078c mano manuSyasya sadA prINanti puruSottama
05088079a gatvA brUhi mahAbAho sarvazastrabhRtAM varam
05088079c arjunaM pANDavaM vIraM draupadyAH padavIM cara
05088080a viditau hi tavAtyantaM kruddhAv iva yathAntakau
05088080c bhImArjunau nayetAM hi devAn api parAM gatim
05088081a tayoz caitad avajJAnaM yat sA kRSNA sabhAM gatA
05088081c duHzAsanaz ca karNaz ca paruSANy abhyabhASatAm
05088082a duryodhano bhImasenam abhyagacchan manasvinam
05088082c pazyatAM kurumukhyAnAM tasya drakSyati yat phalam
05088083a na hi vairaM samAsAdya prazAmyati vRkodaraH
05088083c sucirAd api bhImasya na hi vairaM prazAmyati
05088083e yAvadantaM na nayati zAtravAJ zatrukarzanaH
05088084a na duHkhaM rAjyaharaNaM na ca dyUte parAjayaH
05088084c pravrAjanaM ca putrANAM na me tad duHkhakAraNam
05088085a yat tu sA bRhatI zyAmA ekavastrA sabhAM gatA
05088085c azRNot paruSA vAcas tato duHkhataraM nu kim
05088086a strIdharmiNI varArohA kSatradharmaratA sadA
05088086c nAdhyagacchat tathA nAthaM kRSNA nAthavatI satI
05088087a yasyA mama saputrAyAs tvaM nAtho madhusUdana
05088087c rAmaz ca balinAM zreSThaH pradyumnaz ca mahArathaH
05088088a sAham evaMvidhaM duHkhaM sahe 'dya puruSottama
05088088c bhIme jIvati durdharSe vijaye cApalAyini
05088089a tata AzvAsayAm Asa putrAdhibhir abhiplutAm
05088089c pitRSvasAraM zocantIM zauriH pArthasakhaH pRthAm
05088090a kA nu sImantinI tvAdRg lokeSv asti pitRSvasaH
05088090c zUrasya rAjJo duhitA AjamIDhakulaM gatA
05088091a mahAkulInA bhavatI hradAd dhradam ivAgatA
05088091c IzvarI sarvakalyANI bhartrA paramapUjitA
05088092a vIrasUr vIrapatnI ca sarvaiH samuditA guNaiH
05088092c sukhaduHkhe mahAprAjJe tvAdRzI soDhum arhati
05088093a nidrAtandrI krodhaharSau kSutpipAse himAtapau
05088093c etAni pArthA nirjitya nityaM vIrAH sukhe ratAH
05088094a tyaktagrAmyasukhAH pArthA nityaM vIrasukhapriyAH
05088094c na te svalpena tuSyeyur mahotsAhA mahAbalAH
05088095a antaM dhIrA niSevante madhyaM grAmyasukhapriyAH
05088095c uttamAMz ca pariklezAn bhogAMz cAtIva mAnuSAn
05088096a anteSu remire dhIrA na te madhyeSu remire
05088096c antaprAptiM sukhAm Ahur duHkham antaram antayoH
05088097a abhivAdayanti bhavatIM pANDavAH saha kRSNayA
05088097c AtmAnaM ca kuzalinaM nivedyAhur anAmayam
05088098a arogAn sarvasiddhArthAn kSipraM drakSyasi pANDavAn
05088098c IzvarAn sarvalokasya hatAmitrAJ zriyA vRtAn
05088099a evam AzvAsitA kuntI pratyuvAca janArdanam
05088099c putrAdhibhir abhidhvastA nigRhyAbuddhijaM tamaH
05088100a yad yat teSAM mahAbAho pathyaM syAn madhusUdana
05088100c yathA yathA tvaM manyethAH kuryAH kRSNa tathA tathA
05088101a avilopena dharmasya anikRtyA paraMtapa
05088101c prabhAvajJAsmi te kRSNa satyasyAbhijanasya ca
05088102a vyavasthAyAM ca mitreSu buddhivikramayos tathA
05088102c tvam eva naH kule dharmas tvaM satyaM tvaM tapo mahat
05088103a tvaM trAtA tvaM mahad brahma tvayi sarvaM pratiSThitam
05088103c yathaivAttha tathaivaitat tvayi satyaM bhaviSyati
05088104a tAm Amantrya ca govindaH kRtvA cAbhipradakSiNam
05088104c prAtiSThata mahAbAhur duryodhanagRhAn prati
05089001  vaizaMpAyana uvAca
05089001a pRthAm Amantrya govindaH kRtvA cApi pradakSiNam
05089001c duryodhanagRhaM zaurir abhyagacchad ariMdamaH
05089002a lakSmyA paramayA yuktaM puraMdaragRhopamam
05089002c tasya kakSyA vyatikramya tisro dvAHsthair avAritaH
05089003a tato 'bhraghanasaMkAzaM girikUTam ivocchritam
05089003c zriyA jvalantaM prAsAdam Aruroha mahAyazAH
05089004a tatra rAjasahasraiz ca kurubhiz cAbhisaMvRtam
05089004c dhArtarASTraM mahAbAhuM dadarzAsInam Asane
05089005a duHzAsanaM ca karNaM ca zakuniM cApi saubalam
05089005c duryodhanasamIpe tAn AsanasthAn dadarza saH
05089006a abhyAgacchati dAzArhe dhArtarASTro mahAyazAH
05089006c udatiSThat sahAmAtyaH pUjayan madhusUdanam
05089007a sametya dhArtarASTreNa sahAmAtyena kezavaH
05089007c rAjabhis tatra vArSNeyaH samAgacchad yathAvayaH
05089008a tatra jAmbUnadamayaM paryaGkaM supariSkRtam
05089008c vividhAstaraNAstIrNam abhyupAvizad acyutaH
05089009a tasmin gAM madhuparkaM ca upahRtya janArdane
05089009c nivedayAm Asa tadA gRhAn rAjyaM ca kauravaH
05089010a tatra govindam AsInaM prasannAdityavarcasam
05089010c upAsAM cakrire sarve kuravo rAjabhiH saha
05089011a tato duryodhano rAjA vArSNeyaM jayatAM varam
05089011c nyamantrayad bhojanena nAbhyanandac ca kezavaH
05089012a tato duryodhanaH kRSNam abravId rAjasaMsadi
05089012c mRdupUrvaM zaThodarkaM karNam AbhASya kauravaH
05089013a kasmAd annAni pAnAni vAsAMsi zayanAni ca
05089013c tvadartham upanItAni nAgrahIs tvaM janArdana
05089014a ubhayoz cAdadaH sAhyam ubhayoz ca hite rataH
05089014c saMbandhI dayitaz cAsi dhRtarASTrasya mAdhava
05089015a tvaM hi govinda dharmArthau vettha tattvena sarvazaH
05089015c tatra kAraNam icchAmi zrotuM cakragadAdhara
05089016a sa evam ukto govindaH pratyuvAca mahAmanAH
05089016c oghameghasvanaH kAle pragRhya vipulaM bhujam
05089017a anambUkRtam agrastam anirastam asaMkulam
05089017c rAjIvanetro rAjAnaM hetumadvAkyam uttamam
05089018a kRtArthA bhuJjate dUtAH pUjAM gRhNanti caiva hi
05089018c kRtArthaM mAM sahAmAtyas tvam arciSyasi bhArata
05089019a evam uktaH pratyuvAca dhArtarASTro janArdanam
05089019c na yuktaM bhavatAsmAsu pratipattum asAMpratam
05089020a kRtArthaM cAkRtArthaM ca tvAM vayaM madhusUdana
05089020c yatAmahe pUjayituM govinda na ca zaknumaH
05089021a na ca tat kAraNaM vidmo yasmin no madhusUdana
05089021c pUjAM kRtAM prIyamANair nAmaMsthAH puruSottama
05089022a vairaM no nAsti bhavatA govinda na ca vigrahaH
05089022c sa bhavAn prasamIkSyaitan nedRzaM vaktum arhati
05089023a evam uktaH pratyuvAca dhArtarASTraM janArdanaH
05089023c abhivIkSya sahAmAtyaM dAzArhaH prahasann iva
05089024a nAhaM kAmAn na saMrambhAn na dveSAn nArthakAraNAt
05089024c na hetuvAdAl lobhAd vA dharmaM jahyAM kathaM cana
05089025a saMprItibhojyAny annAni ApadbhojyAni vA punaH
05089025c na ca saMprIyase rAjan na cApy ApadgatA vayam
05089026a akasmAd dviSase rAjaJ janmaprabhRti pANDavAn
05089026c priyAnuvartino bhrAtqn sarvaiH samuditAn guNaiH
05089027a akasmAc caiva pArthAnAM dveSaNaM nopapadyate
05089027c dharme sthitAH pANDaveyAH kas tAn kiM vaktum arhati
05089028a yas tAn dveSTi sa mAM dveSTi yas tAn anu sa mAm anu
05089028c aikAtmyaM mAM gataM viddhi pANDavair dharmacAribhiH
05089029a kAmakrodhAnuvartI hi yo mohAd virurutsate
05089029c guNavantaM ca yo dveSTi tam AhuH puruSAdhamam
05089030a yaH kalyANaguNAJ jJAtIn mohAl lobhAd didRkSate
05089030c so 'jitAtmAjitakrodho na ciraM tiSThati zriyam
05089031a atha yo guNasaMpannAn hRdayasyApriyAn api
05089031c priyeNa kurute vazyAMz ciraM yazasi tiSThati
05089032a sarvam etad abhoktavyam annaM duSTAbhisaMhitam
05089032c kSattur ekasya bhoktavyam iti me dhIyate matiH
05089033a evam uktvA mahAbAhur duryodhanam amarSaNam
05089033c nizcakrAma tataH zubhrAd dhArtarASTranivezanAt
05089034a niryAya ca mahAbAhur vAsudevo mahAmanAH
05089034c nivezAya yayau vezma vidurasya mahAtmanaH
05089035a tam abhyagacchad droNaz ca kRpo bhISmo 'tha bAhlikaH
05089035c kuravaz ca mahAbAhuM vidurasya gRhe sthitam
05089036a te 'bhigamyAbruvaMs tatra kuravo madhusUdanam
05089036c nivedayAmo vArSNeya saratnAMs te gRhAnvayam
05089037a tAn uvAca mahAtejAH kauravAn madhusUdanaH
05089037c sarve bhavanto gacchantu sarvA me 'pacitiH kRtA
05089038a yAteSu kuruSu kSattA dAzArham aparAjitam
05089038c abhyarcayAm Asa tadA sarvakAmaiH prayatnavAn
05089039a tataH kSattAnnapAnAni zucIni guNavanti ca
05089039c upAharad anekAni kezavAya mahAtmane
05089040a tair tarpayitvA prathamaM brAhmaNAn madhusUdanaH
05089040c vedavidbhyo dadau kRSNaH paramadraviNAny api
05089041a tato 'nuyAyibhiH sArdhaM marudbhir iva vAsavaH
05089041c vidurAnnAni bubhuje zucIni guNavanti ca
05090001  vaizaMpAyana uvAca
05090001a taM bhuktavantam AzvastaM nizAyAM viduro 'bravIt
05090001c nedaM samyag vyavasitaM kezavAgamanaM tava
05090002a arthadharmAtigo mUDhaH saMrambhI ca janArdana
05090002c mAnaghno mAnakAmaz ca vRddhAnAM zAsanAtigaH
05090003a dharmazAstrAtigo mando durAtmA pragrahaM gataH
05090003c aneyaH zreyasAM pApo dhArtarASTro janArdana
05090004a kAmAtmA prAjJamAnI ca mitradhruk sarvazaGkitaH
05090004c akartA cAkRtajJaz ca tyaktadharmaH priyAnRtaH
05090005a etaiz cAnyaiz ca bahubhir doSair eSa samanvitaH
05090005c tvayocyamAnaH zreyo 'pi saMrambhAn na grahISyati
05090006a senAsamudayaM dRSTvA pArthivaM madhusUdana
05090006c kRtArthaM manyate bAla AtmAnam avicakSaNaH
05090007a ekaH karNaH parAJ jetuM samartha iti nizcitam
05090007c dhArtarASTrasya durbuddheH sa zamaM nopayAsyati
05090008a bhISme droNe kRpe karNe droNaputre jayadrathe
05090008c bhUyasIM vartate vRttiM na zame kurute manaH
05090009a nizcitaM dhArtarASTrANAM sakarNAnAM janArdana
05090009c bhISmadroNakRpAn pArthA na zaktAH prativIkSitum
05090010a saMvic ca dhArtarASTrANAM sarveSAm eva kezava
05090010c zame prayatamAnasya tava saubhrAtrakAGkSiNaH
05090011a na pANDavAnAm asmAbhiH pratideyaM yathocitam
05090011c iti vyavasitAs teSu vacanaM syAn nirarthakam
05090012a yatra sUktaM duruktaM ca samaM syAn madhusUdana
05090012c na tatra pralapet prAjJo badhireSv iva gAyanaH
05090013a avijAnatsu mUDheSu nirmaryAdeSu mAdhava
05090013c na tvaM vAkyaM bruvan yuktaz cANDAleSu dvijo yathA
05090014a so 'yaM balastho mUDhaz ca na kariSyati te vacaH
05090014c tasmin nirarthakaM vAkyam uktaM saMpatsyate tava
05090015a teSAM samupaviSTAnAM sarveSAM pApacetasAm
05090015c tava madhyAvataraNaM mama kRSNa na rocate
05090016a durbuddhInAm aziSTAnAM bahUnAM pApacetasAm
05090016c pratIpaM vacanaM madhye tava kRSNa na rocate
05090017a anupAsitavRddhatvAc chriyA mohAc ca darpitaH
05090017c vayodarpAd amarSAc ca na te zreyo grahISyati
05090018a balaM balavad apy asya yadi vakSyasi mAdhava
05090018c tvayy asya mahatI zaGkA na kariSyati te vacaH
05090019a nedam adya yudhA zakyam indreNApi sahAmaraiH
05090019c iti vyavasitAH sarve dhArtarASTrA janArdana
05090020a teSv evam upapanneSu kAmakrodhAnuvartiSu
05090020c samartham api te vAkyam asamarthaM bhaviSyati
05090021a madhye tiSThan hastyanIkasya mando; rathAzvayuktasya balasya mUDhaH
05090021c duryodhano manyate vItamanyuH; kRtsnA mayeyaM pRthivI jiteti
05090022a AzaMsate dhRtarASTrasya putro; mahArAjyam asapatnaM pRthivyAm
05090022c tasmiJ zamaH kevalo nopalabhyo; baddhaM santam AgataM manyate 'rtham
05090023a paryasteyaM pRthivI kAlapakvA; duryodhanArthe pANDavAn yoddhukAmAH
05090023c samAgatAH sarvayodhAH pRthivyAM; rAjAnaz ca kSitipAlaiH sametAH
05090024a sarve caite kRtavairAH purastAt; tvayA rAjAno hRtasArAz ca kRSNa
05090024c tavodvegAt saMzritA dhArtarASTrAn; susaMhatAH saha karNena vIrAH
05090025a tyaktAtmAnaH saha duryodhanena; sRSTA yoddhuM pANDavAn sarvayodhAH
05090025c teSAM madhye pravizethA yadi tvaM; na tan mataM mama dAzArha vIra
05090026a teSAM samupaviSTAnAM bahUnAM duSTacetasAm
05090026c kathaM madhyaM prapadyethAH zatrUNAM zatrukarzana
05090027a sarvathA tvaM mahAbAho devair api durutsahaH
05090027c prabhAvaM pauruSaM buddhiM jAnAmi tava zatruhan
05090028a yA me prItiH pANDaveSu bhUyaH sA tvayi mAdhava
05090028c premNA ca bahumAnAc ca sauhRdAc ca bravImy aham
05091001  bhagavAn uvAca
05091001a yathA brUyAn mahAprAjJo yathA brUyAd vicakSaNaH
05091001c yathA vAcyas tvadvidhena suhRdA madvidhaH suhRt
05091002a dharmArthayuktaM tathyaM ca yathA tvayy upapadyate
05091002c tathA vacanam ukto 'smi tvayaitat pitRmAtRvat
05091003a satyaM prAptaM ca yuktaM cApy evam eva yathAttha mAm
05091003c zRNuSvAgamane hetuM vidurAvahito bhava
05091004a daurAtmyaM dhArtarASTrasya kSatriyANAM ca vairitAm
05091004c sarvam etad ahaM jAnan kSattaH prApto 'dya kauravAn
05091005a paryastAM pRthivIM sarvAM sAzvAM sarathakuJjarAm
05091005c yo mocayen mRtyupAzAt prApnuyAd dharmam uttamam
05091006a dharmakAryaM yataJ zaktyA na cec chaknoti mAnavaH
05091006c prApto bhavati tat puNyam atra me nAsti saMzayaH
05091007a manasA cintayan pApaM karmaNA nAbhirocayan
05091007c na prApnoti phalaM tasya evaM dharmavido viduH
05091008a so 'haM yatiSye prazamaM kSattaH kartum amAyayA
05091008c kurUNAM sRJjayAnAM ca saMgrAme vinaziSyatAm
05091009a seyam Apan mahAghorA kuruSv eva samutthitA
05091009c karNaduryodhanakRtA sarve hy ete tadanvayAH
05091010a vyasanaiH klizyamAnaM hi yo mitraM nAbhipadyate
05091010c anunIya yathAzakti taM nRzaMsaM vidur budhAH
05091011a A kezagrahaNAn mitram akAryAt saMnivartayan
05091011c avAcyaH kasya cid bhavati kRtayatno yathAbalam
05091012a tat samarthaM zubhaM vAkyaM dharmArthasahitaM hitam
05091012c dhArtarASTraH sahAmAtyo grahItuM vidurArhati
05091013a hitaM hi dhArtarASTrANAM pANDavAnAM tathaiva ca
05091013c pRthivyAM kSatriyANAM ca yatiSye 'ham amAyayA
05091014a hite prayatamAnaM mAM zaGked duryodhano yadi
05091014c hRdayasya ca me prItir AnRNyaM ca bhaviSyati
05091015a jJAtInAM hi mitho bhede yan mitraM nAbhipadyate
05091015c sarvayatnena madhyasthaM na tan mitraM vidur budhAH
05091016a na mAM brUyur adharmajJA mUDhA asuhRdas tathA
05091016c zakto nAvArayat kRSNaH saMrabdhAn kurupANDavAn
05091017a ubhayoH sAdhayann artham aham Agata ity uta
05091017c tatra yatnam ahaM kRtvA gaccheyaM nRSv avAcyatAm
05091018a mama dharmArthayuktaM hi zrutvA vAkyam anAmayam
05091018c na ced AdAsyate bAlo diSTasya vazam eSyati
05091019a ahApayan pANDavArthaM yathAvac; chamaM kurUNAM yadi cAcareyam
05091019c puNyaM ca me syAc caritaM mahArthaM; mucyeraMz ca kuravo mRtyupAzAt
05091020a api vAcaM bhASamANasya kAvyAM; dharmArAmAm arthavatIm ahiMsrAm
05091020c avekSeran dhArtarASTrAH samarthAM; mAM ca prAptaM kuravaH pUjayeyuH
05091021a na cApi mama paryAptAH sahitAH sarvapArthivAH
05091021c kruddhasya pramukhe sthAtuM siMhasyevetare mRgAH
05091022  vaizaMpAyana uvAca
05091022a ity evam uktvA vacanaM vRSNInAm RSabhas tadA
05091022c zayane sukhasaMsparze zizye yadusukhAvahaH
05092001  vaizaMpAyana uvAca
05092001a tathA kathayator eva tayor buddhimatos tadA
05092001c zivA nakSatrasaMpannA sA vyatIyAya zarvarI
05092002a dharmArthakAmayuktAz ca vicitrArthapadAkSarAH
05092002c zRNvato vividhA vAco vidurasya mahAtmanaH
05092003a kathAbhir anurUpAbhiH kRSNasyAmitatejasaH
05092003c akAmasyeva kRSNasya sA vyatIyAya zarvarI
05092004a tatas tu svarasaMpannA bahavaH sUtamAgadhAH
05092004c zaGkhadundubhinirghoSaiH kezavaM pratyabodhayan
05092005a tata utthAya dAzArha RSabhaH sarvasAtvatAm
05092005c sarvam AvazyakaM cakre prAtaHkAryaM janArdanaH
05092006a kRtodakAryajapyaH sa hutAgniH samalaMkRtaH
05092006c tata Adityam udyantam upAtiSThata mAdhavaH
05092007a atha duryodhanaH kRSNaM zakuniz cApi saubalaH
05092007c saMdhyAM tiSThantam abhyetya dAzArham aparAjitam
05092008a AcakSetAM tu kRSNasya dhRtarASTraM sabhAgatam
05092008c kurUMz ca bhISmapramukhAn rAjJaH sarvAMz ca pArthivAn
05092009a tvAm arthayante govinda divi zakram ivAmarAH
05092009c tAv abhyanandad govindaH sAmnA paramavalgunA
05092010a tato vimala Aditye brAhmaNebhyo janArdanaH
05092010c dadau hiraNyaM vAsAMsi gAz cAzvAMz ca paraMtapaH
05092011a visRSTavantaM ratnAni dAzArham aparAjitam
05092011c tiSThantam upasaMgamya vavande sArathis tadA
05092012a tam upasthitam AjJAya rathaM divyaM mahAmanAH
05092012c mahAbhraghananirghoSaM sarvaratnavibhUSitam
05092013a agniM pradakSiNaM kRtvA brAhmaNAMz ca janArdanaH
05092013c kaustubhaM maNim Amucya zriyA paramayA jvalan
05092014a kurubhiH saMvRtaH kRSNo vRSNibhiz cAbhirakSitaH
05092014c AtiSThata rathaM zauriH sarvayAdavanandanaH
05092015a anvAruroha dAzArhaM viduraH sarvadharmavit
05092015c sarvaprANabhRtAM zreSThaM sarvadharmabhRtAM varam
05092016a tato duryodhanaH kRSNaM zakuniz cApi saubalaH
05092016c dvitIyena rathenainam anvayAtAM paraMtapam
05092017a sAtyakiH kRtavarmA ca vRSNInAM ca mahArathAH
05092017c pRSThato 'nuyayuH kRSNaM rathair azvair gajair api
05092018a teSAM hemapariSkArA yuktAH paramavAjibhiH
05092018c gacchatAM ghoSiNaz citrAz cAru babhrAjire rathAH
05092019a saMmRSTasaMsiktarajaH pratipede mahApatham
05092019c rAjarSicaritaM kAle kRSNo dhImAJ zriyA jvalan
05092020a tataH prayAte dAzArhe prAvAdyantaikapuSkarAH
05092020c zaGkhAz ca dadhmire tatra vAdyAny anyAni yAni ca
05092021a pravIrAH sarvalokasya yuvAnaH siMhavikramAH
05092021c parivArya rathaM zaurer agacchanta paraMtapAH
05092022a tato 'nye bahusAhasrA vicitrAdbhutavAsasaH
05092022c asiprAsAyudhadharAH kRSNasyAsan puraHsarAH
05092023a gajAH paraHzatAs tatra varAz cAzvAH sahasrazaH
05092023c prayAntam anvayur vIraM dAzArham aparAjitam
05092024a puraM kurUNAM saMvRttaM draSTukAmaM janArdanam
05092024c savRddhabAlaM sastrIkaM rathyAgatam ariMdamam
05092025a vedikApAzritAbhiz ca samAkrAntAny anekazaH
05092025c pracalantIva bhAreNa yoSidbhir bhavanAny uta
05092026a saMpUjyamAnaH kurubhiH saMzRNvan vividhAH kathAH
05092026c yathArhaM pratisatkurvan prekSamANaH zanair yayau
05092027a tataH sabhAM samAsAdya kezavasyAnuyAyinaH
05092027c sazaGkhair veNunirghoSair dizaH sarvA vyanAdayan
05092028a tataH sA samitiH sarvA rAjJAm amitatejasAm
05092028c saMprAkampata harSeNa kRSNAgamanakAGkSayA
05092029a tato 'bhyAzagate kRSNe samahRSyan narAdhipAH
05092029c zrutvA taM rathanirghoSaM parjanyaninadopamam
05092030a AsAdya tu sabhAdvAram RSabhaH sarvasAtvatAm
05092030c avatIrya rathAc chauriH kailAsazikharopamAt
05092031a nagameghapratIkAzAM jvalantIm iva tejasA
05092031c mahendrasadanaprakhyAM praviveza sabhAM tataH
05092032a pANau gRhItvA viduraM sAtyakiM ca mahAyazAH
05092032c jyotIMSy Adityavad rAjan kurUn pracchAdayaJ zriyA
05092033a agrato vAsudevasya karNaduryodhanAv ubhau
05092033c vRSNayaH kRtavarmA ca Asan kRSNasya pRSThataH
05092034a dhRtarASTraM puraskRtya bhISmadroNAdayas tataH
05092034c Asanebhyo 'calan sarve pUjayanto janArdanam
05092035a abhyAgacchati dAzArhe prajJAcakSur mahAmanAH
05092035c sahaiva bhISmadroNAbhyAm udatiSThan mahAyazAH
05092036a uttiSThati mahArAje dhRtarASTre janezvare
05092036c tAni rAjasahasrANi samuttasthuH samantataH
05092037a AsanaM sarvatobhadraM jAmbUnadapariSkRtam
05092037c kRSNArthe kalpitaM tatra dhRtarASTrasya zAsanAt
05092038a smayamAnas tu rAjAnaM bhISmadroNau ca mAdhavaH
05092038c abhyabhASata dharmAtmA rAjJaz cAnyAn yathAvayaH
05092039a tatra kezavam AnarcuH samyag abhyAgataM sabhAm
05092039c rAjAnaH pArthivAH sarve kuravaz ca janArdanam
05092040a tatra tiSThan sa dAzArho rAjamadhye paraMtapaH
05092040c apazyad antarikSasthAn RSIn parapuraMjayaH
05092041a tatas tAn abhisaMprekSya nAradapramukhAn RSIn
05092041c abhyabhASata dAzArho bhISmaM zAMtanavaM zanaiH
05092042a pArthivIM samitiM draSTum RSayo 'bhyAgatA nRpa
05092042c nimantryantAm Asanaiz ca satkAreNa ca bhUyasA
05092043a naiteSv anupaviSTeSu zakyaM kena cid Asitum
05092043c pUjA prayujyatAm Azu munInAM bhAvitAtmanAm
05092044a RSIJ zAMtanavo dRSTvA sabhAdvAram upasthitAn
05092044c tvaramANas tato bhRtyAn AsanAnIty acodayat
05092045a AsanAny atha mRSTAni mahAnti vipulAni ca
05092045c maNikAJcanacitrANi samAjahrus tatas tataH
05092046a teSu tatropaviSTeSu gRhItArgheSu bhArata
05092046c niSasAdAsane kRSNo rAjAnaz ca yathAsanam
05092047a duHzAsanaH sAtyakaye dadAv Asanam uttamam
05092047c viviMzatir dadau pIThaM kAJcanaM kRtavarmaNe
05092048a avidUre 'tha kRSNasya karNaduryodhanAv ubhau
05092048c ekAsane mahAtmAnau niSIdatur amarSaNau
05092049a gAndhArarAjaH zakunir gAndhArair abhirakSitaH
05092049c niSasAdAsane rAjA sahaputro vizAM pate
05092050a viduro maNipIThe tu zuklaspardhyAjinottare
05092050c saMspRzann AsanaM zaurer mahAmatir upAvizat
05092051a cirasya dRSTvA dAzArhaM rAjAnaH sarvapArthivAH
05092051c amRtasyeva nAtRpyan prekSamANA janArdanam
05092052a atasIpuSpasaMkAzaH pItavAsA janArdanaH
05092052c vyabhrAjata sabhAmadhye hemnIvopahito maNiH
05092053a tatas tUSNIM sarvam AsId govindagatamAnasam
05092053c na tatra kaz cit kiM cid dhi vyAjahAra pumAn kva cit
05093001  vaizaMpAyana uvAca
05093001a teSv AsIneSu sarveSu tUSNIMbhUteSu rAjasu
05093001c vAkyam abhyAdade kRSNaH sudaMSTro dundubhisvanaH
05093002a jImUta iva gharmAnte sarvAM saMzrAvayan sabhAm
05093002c dhRtarASTram abhiprekSya samabhASata mAdhavaH
05093003a kurUNAM pANDavAnAM ca zamaH syAd iti bhArata
05093003c aprayatnena vIrANAm etad yatitum AgataH
05093004a rAjan nAnyat pravaktavyaM tava niHzreyasaM vacaH
05093004c viditaM hy eva te sarvaM veditavyam ariMdama
05093005a idam adya kulaM zreSThaM sarvarAjasu pArthiva
05093005c zrutavRttopasaMpannaM sarvaiH samuditaM guNaiH
05093006a kRpAnukampA kAruNyam AnRzaMsyaM ca bhArata
05093006c tathArjavaM kSamA satyaM kuruSv etad viziSyate
05093007a tasminn evaMvidhe rAjan kule mahati tiSThati
05093007c tvannimittaM vizeSeNa neha yuktam asAMpratam
05093008a tvaM hi vArayitA zreSThaH kurUNAM kurusattama
05093008c mithyA pracaratAM tAta bAhyeSv AbhyantareSu ca
05093009a te putrAs tava kauravya duryodhanapurogamAH
05093009c dharmArthau pRSThataH kRtvA pracaranti nRzaMsavat
05093010a aziSTA gatamaryAdA lobhena hRtacetasaH
05093010c sveSu bandhuSu mukhyeSu tad vettha bharatarSabha
05093011a seyam Apan mahAghorA kuruSv eva samutthitA
05093011c upekSyamANA kauravya pRthivIM ghAtayiSyati
05093012a zakyA ceyaM zamayituM tvaM ced icchasi bhArata
05093012c na duSkaro hy atra zamo mato me bharatarSabha
05093013a tvayy adhInaH zamo rAjan mayi caiva vizAM pate
05093013c putrAn sthApaya kauravya sthApayiSyAmy ahaM parAn
05093014a AjJA tava hi rAjendra kAryA putraiH sahAnvayaiH
05093014c hitaM balavad apy eSAM tiSThatAM tava zAsane
05093015a tava caiva hitaM rAjan pANDavAnAm atho hitam
05093015c zame prayatamAnasya mama zAsanakAGkSiNAm
05093016a svayaM niSkalam AlakSya saMvidhatsva vizAM pate
05093016c sahabhUtAs tu bharatAs tavaiva syur janezvara
05093017a dharmArthayos tiSTha rAjan pANDavair abhirakSitaH
05093017c na hi zakyAs tathAbhUtA yatnAd api narAdhipa
05093018a na hi tvAM pANDavair jetuM rakSyamANaM mahAtmabhiH
05093018c indro 'pi devaiH sahitaH prasaheta kuto nRpAH
05093019a yatra bhISmaz ca droNaz ca kRpaH karNo viviMzatiH
05093019c azvatthAmA vikarNaz ca somadatto 'tha bAhlikaH
05093020a saindhavaz ca kaliGgaz ca kAmbojaz ca sudakSiNaH
05093020c yudhiSThiro bhImasenaH savyasAcI yamau tathA
05093021a sAtyakiz ca mahAtejA yuyutsuz ca mahArathaH
05093021c ko nu tAn viparItAtmA yudhyeta bharatarSabha
05093022a lokasyezvaratAM bhUyaH zatrubhiz cApradhRSyatAm
05093022c prApsyasi tvam amitraghna sahitaH kurupANDavaiH
05093023a tasya te pRthivIpAlAs tvatsamAH pRthivIpate
05093023c zreyAMsaz caiva rAjAnaH saMdhAsyante paraMtapa
05093024a sa tvaM putraiz ca pautraiz ca bhrAtRbhiH pitRbhis tathA
05093024c suhRdbhiH sarvato guptaH sukhaM zakSyasi jIvitum
05093025a etAn eva purodhAya satkRtya ca yathA purA
05093025c akhilAM bhokSyase sarvAM pRthivIM pRthivIpate
05093026a etair hi sahitaH sarvaiH pANDavaiH svaiz ca bhArata
05093026c anyAn vijeSyase zatrUn eSa svArthas tavAkhilaH
05093027a tair evopArjitAM bhUmiM bhokSyase ca paraMtapa
05093027c yadi saMpatsyase putraiH sahAmAtyair narAdhipa
05093028a saMyuge vai mahArAja dRzyate sumahAn kSayaH
05093028c kSaye cobhayato rAjan kaM dharmam anupazyasi
05093029a pANDavair nihataiH saMkhye putrair vApi mahAbalaiH
05093029c yad vindethAH sukhaM rAjaMs tad brUhi bharatarSabha
05093030a zUrAz ca hi kRtAstrAz ca sarve yuddhAbhikAGkSiNaH
05093030c pANDavAs tAvakAz caiva tAn rakSa mahato bhayAt
05093031a na pazyema kurUn sarvAn pANDavAMz caiva saMyuge
05093031c kSINAn ubhayataH zUrAn rathebhyo rathibhir hatAn
05093032a samavetAH pRthivyAM hi rAjAno rAjasattama
05093032c amarSavazam ApannA nAzayeyur imAH prajAH
05093033a trAhi rAjann imaM lokaM na nazyeyur imAH prajAH
05093033c tvayi prakRtim Apanne zeSaM syAt kurunandana
05093034a zuklA vadAnyA hrImanta AryAH puNyAbhijAtayaH
05093034c anyonyasacivA rAjaMs tAn pAhi mahato bhayAt
05093035a ziveneme bhUmipAlAH samAgamya parasparam
05093035c saha bhuktvA ca pItvA ca pratiyAntu yathAgRham
05093036a suvAsasaH sragviNaz ca satkRtya bharatarSabha
05093036c amarSAMz ca nirAkRtya vairANi ca paraMtapa
05093037a hArdaM yat pANDaveSv AsIt prApte 'sminn AyuSaH kSaye
05093037c tad eva te bhavatv adya zazvac ca bharatarSabha
05093038a bAlA vihInAH pitrA te tvayaiva parivardhitAH
05093038c tAn pAlaya yathAnyAyaM putrAMz ca bharatarSabha
05093039a bhavataiva hi rakSyAs te vyasaneSu vizeSataH
05093039c mA te dharmas tathaivArtho nazyeta bharatarSabha
05093040a Ahus tvAM pANDavA rAjann abhivAdya prasAdya ca
05093040c bhavataH zAsanAd duHkham anubhUtaM sahAnugaiH
05093041a dvAdazemAni varSANi vane nirvyuSitAni naH
05093041c trayodazaM tathAjJAtaiH sajane parivatsaram
05093042a sthAtA naH samaye tasmin piteti kRtanizcayAH
05093042c nAhAsma samayaM tAta tac ca no brAhmaNA viduH
05093043a tasmin naH samaye tiSTha sthitAnAM bharatarSabha
05093043c nityaM saMklezitA rAjan svarAjyAMzaM labhemahi
05093044a tvaM dharmam arthaM yuJjAnaH samyaG nas trAtum arhasi
05093044c gurutvaM bhavati prekSya bahUn klezAMs titikSmahe
05093045a sa bhavAn mAtRpitRvad asmAsu pratipadyatAm
05093045c guror garIyasI vRttir yA ca ziSyasya bhArata
05093046a pitrA sthApayitavyA hi vayam utpatham AsthitAH
05093046c saMsthApaya pathiSv asmAMs tiSTha rAjan svavartmani
05093047a Ahuz cemAM pariSadaM putrAs te bharatarSabha
05093047c dharmajJeSu sabhAsatsu neha yuktam asAMpratam
05093048a yatra dharmo hy adharmeNa satyaM yatrAnRtena ca
05093048c hanyate prekSamANAnAM hatAs tatra sabhAsadaH
05093049a viddho dharmo hy adharmeNa sabhAM yatra prapadyate
05093049c na cAsya zalyaM kRntanti viddhAs tatra sabhAsadaH
05093049e dharma etAn Arujati yathA nady anukUlajAn
05093050a ye dharmam anupazyantas tUSNIM dhyAyanta Asate
05093050c te satyam Ahur dharmaM ca nyAyyaM ca bharatarSabha
05093051a zakyaM kim anyad vaktuM te dAnAd anyaj janezvara
05093051c bruvantu vA mahIpAlAH sabhAyAM ye samAsate
05093051e dharmArthau saMpradhAryaiva yadi satyaM bravImy aham
05093052a pramuJcemAn mRtyupAzAt kSatriyAn kSatriyarSabha
05093052c prazAmya bharatazreSTha mA manyuvazam anvagAH
05093053a pitryaM tebhyaH pradAyAMzaM pANDavebhyo yathocitam
05093053c tataH saputraH siddhArtho bhuGkSva bhogAn paraMtapa
05093054a ajAtazatruM jAnISe sthitaM dharme satAM sadA
05093054c saputre tvayi vRttiM ca vartate yAM narAdhipa
05093055a dAhitaz ca nirastaz ca tvAm evopAzritaH punaH
05093055c indraprasthaM tvayaivAsau saputreNa vivAsitaH
05093056a sa tatra nivasan sarvAn vazam AnIya pArthivAn
05093056c tvanmukhAn akarod rAjan na ca tvAm atyavartata
05093057a tasyaivaM vartamAnasya saubalena jihIrSatA
05093057c rASTrANi dhanadhAnyaM ca prayuktaH paramopadhiH
05093058a sa tAm avasthAM saMprApya kRSNAM prekSya sabhAgatAm
05093058c kSatradharmAd ameyAtmA nAkampata yudhiSThiraH
05093059a ahaM tu tava teSAM ca zreya icchAmi bhArata
05093059c dharmAd arthAt sukhAc caiva mA rAjan nInazaH prajAH
05093060a anartham arthaM manvAnA arthaM vAnartham AtmanaH
05093060c lobhe 'tiprasRtAn putrAn nigRhNISva vizAM pate
05093061a sthitAH zuzrUSituM pArthAH sthitA yoddhum ariMdamAH
05093061c yat te pathyatamaM rAjaMs tasmiMs tiSTha paraMtapa
05093062a tad vAkyaM pArthivAH sarve hRdayaiH samapUjayan
05093062c na tatra kaz cid vaktuM hi vAcaM prAkrAmad agrataH
05094001  vaizaMpAyana uvAca
05094001a tasminn abhihite vAkye kezavena mahAtmanA
05094001c stimitA hRSTaromANa Asan sarve sabhAsadaH
05094002a kaH svid uttaram etasmAd vaktum utsahate pumAn
05094002c iti sarve manobhis te cintayanti sma pArthivAH
05094003a tathA teSu ca sarveSu tUSNIMbhUteSu rAjasu
05094003c jAmadagnya idaM vAkyam abravIt kurusaMsadi
05094004a imAm ekopamAM rAjaJ zRNu satyAm azaGkitaH
05094004c tAM zrutvA zreya Adatsva yadi sAdhv iti manyase
05094005a rAjA dambhodbhavo nAma sArvabhaumaH purAbhavat
05094005c akhilAM bubhuje sarvAM pRthivIm iti naH zrutam
05094006a sa sma nityaM nizApAye prAtar utthAya vIryavAn
05094006c brAhmaNAn kSatriyAMz caiva pRcchann Aste mahArathaH
05094007a asti kaz cid viziSTo vA madvidho vA bhaved yudhi
05094007c zUdro vaizyaH kSatriyo vA brAhmaNo vApi zastrabhRt
05094008a iti bruvann anvacarat sa rAjA pRthivIm imAm
05094008c darpeNa mahatA mattaH kaM cid anyam acintayan
05094009a taM sma vaidyA akRpaNA brAhmaNAH sarvato 'bhayAH
05094009c pratyaSedhanta rAjAnaM zlAghamAnaM punaH punaH
05094010a pratiSidhyamAno 'py asakRt pRcchaty eva sa vai dvijAn
05094010c abhimAnI zriyA mattas tam Ucur brAhmaNAs tadA
05094011a tapasvino mahAtmAno vedavratasamanvitAH
05094011c udIryamANaM rAjAnaM krodhadIptA dvijAtayaH
05094012a anekajananaM sakhyaM yayoH puruSasiMhayoH
05094012c tayos tvaM na samo rAjan bhavitAsi kadA cana
05094013a evam uktaH sa rAjA tu punaH papraccha tAn dvijAn
05094013c kva tau vIrau kvajanmAnau kiMkarmANau ca kau ca tau
05094014  brAhmaNA UcuH
05094014a naro nArAyaNaz caiva tApasAv iti naH zrutam
05094014c AyAtau mAnuSe loke tAbhyAM yudhyasva pArthiva
05094015a zrUyate tau mahAtmAnau naranArAyaNAv ubhau
05094015c tapo ghoram anirdezyaM tapyete gandhamAdane
05094016  rAma uvAca
05094016a sa rAjA mahatIM senAM yojayitvA SaDaGginIm
05094016c amRSyamANaH saMprAyAd yatra tAv aparAjitau
05094017a sa gatvA viSamaM ghoraM parvataM gandhamAdanam
05094017c mRgayANo 'nvagacchat tau tApasAv aparAjitau
05094018a tau dRSTvA kSutpipAsAbhyAM kRzau dhamanisaMtatau
05094018c zItavAtAtapaiz caiva karzitau puruSottamau
05094018e abhigamyopasaMgRhya paryapRcchad anAmayam
05094019a tam arcitvA mUlaphalair Asanenodakena ca
05094019c nyamantrayetAM rAjAnaM kiM kAryaM kriyatAm iti
05094020  dambhodbhava uvAca
05094020a bAhubhyAM me jitA bhUmir nihatAH sarvazatravaH
05094020c bhavadbhyAM yuddham AkAGkSann upayAto 'smi parvatam
05094020e AtithyaM dIyatAm etat kAGkSitaM me ciraM prati
05094021  naranArAyaNAv UcatuH
05094021a apetakrodhalobho 'yam Azramo rAjasattama
05094021c na hy asminn Azrame yuddhaM kutaH zastraM kuto 'nRjuH
05094021e anyatra yuddham AkAGkSva bahavaH kSatriyAH kSitau
05094022  rAma uvAca
05094022a ucyamAnas tathApi sma bhUya evAbhyabhASata
05094022c punaH punaH kSamyamANaH sAntvyamAnaz ca bhArata
05094022e dambhodbhavo yuddham icchann Ahvayaty eva tApasau
05094023a tato naras tv iSIkANAM muSTim AdAya kaurava
05094023c abravId ehi yudhyasva yuddhakAmuka kSatriya
05094024a sarvazastrANi cAdatsva yojayasva ca vAhinIm
05094024c ahaM hi te vineSyAmi yuddhazraddhAm itaH param
05094025  dambhodbhava uvAca
05094025a yady etad astram asmAsu yuktaM tApasa manyase
05094025c etenApi tvayA yotsye yuddhArthI hy aham AgataH
05094026  rAma uvAca
05094026a ity uktvA zaravarSeNa sarvataH samavAkirat
05094026c dambhodbhavas tApasaM taM jighAMsuH sahasainikaH
05094027a tasya tAn asyato ghorAn iSUn paratanucchidaH
05094027c kadarthIkRtya sa munir iSIkAbhir apAnudat
05094028a tato 'smai prAsRjad ghoram aiSIkam aparAjitaH
05094028c astram apratisaMdheyaM tad adbhutam ivAbhavat
05094029a teSAm akSINi karNAMz ca nastakAMz caiva mAyayA
05094029c nimittavedhI sa munir iSIkAbhiH samarpayat
05094030a sa dRSTvA zvetam AkAzam iSIkAbhiH samAcitam
05094030c pAdayor nyapatad rAjA svasti me 'stv iti cAbravIt
05094031a tam abravIn naro rAjaJ zaraNyaH zaraNaiSiNAm
05094031c brahmaNyo bhava dharmAtmA mA ca smaivaM punaH kRthAH
05094032a mA ca darpasamAviSTaH kSepsIH kAMz cit kadA cana
05094032c alpIyAMsaM viziSTaM vA tat te rAjan paraM hitam
05094033a kRtaprajJo vItalobho nirahaMkAra AtmavAn
05094033c dAntaH kSAnto mRduH kSemaH prajAH pAlaya pArthiva
05094034a anujJAtaH svasti gaccha maivaM bhUyaH samAcareH
05094034c kuzalaM brAhmaNAn pRccher Avayor vacanAd bhRzam
05094035a tato rAjA tayoH pAdAv abhivAdya mahAtmanoH
05094035c pratyAjagAma svapuraM dharmaM caivAcinod bhRzam
05094036a sumahac cApi tat karma yan nareNa kRtaM purA
05094036c tato guNaiH subahubhiH zreSTho nArAyaNo 'bhavat
05094037a tasmAd yAvad dhanuHzreSThe gANDIve 'straM na yujyate
05094037c tAvat tvaM mAnam utsRjya gaccha rAjan dhanaMjayam
05094038a kAkudIkaM zukaM nAkam akSisaMtarjanaM tathA
05094038c saMtAnaM nartanaM ghoram Asyamodakam aSTamam
05094039a etair viddhAH sarva eva maraNaM yAnti mAnavAH
05094039c unmattAz ca viceSTante naSTasaMjJA vicetasaH
05094040a svapante ca plavante ca chardayanti ca mAnavAH
05094040c mUtrayante ca satataM rudanti ca hasanti ca
05094041a asaMkhyeyA guNAH pArthe tadviziSTo janArdanaH
05094041c tvam eva bhUyo jAnAsi kuntIputraM dhanaMjayam
05094042a naranArAyaNau yau tau tAv evArjunakezavau
05094042c vijAnIhi mahArAja pravIrau puruSarSabhau
05094043a yady etad evaM jAnAsi na ca mAm atizaGkase
05094043c AryAM matiM samAsthAya zAmya bhArata pANDavaiH
05094044a atha cen manyase zreyo na me bhedo bhaved iti
05094044c prazAmya bharatazreSTha mA ca yuddhe manaH kRthAH
05094045a bhavatAM ca kuruzreSTha kulaM bahumataM bhuvi
05094045c tat tathaivAstu bhadraM te svArtham evAnucintaya
05095001  vaizaMpAyana uvAca
05095001a jAmadagnyavacaH zrutvA kaNvo 'pi bhagavAn RSiH
05095001c duryodhanam idaM vAkyam abravIt kurusaMsadi
05095002a akSayaz cAvyayaz caiva brahmA lokapitAmahaH
05095002c tathaiva bhagavantau tau naranArAyaNAv RSI
05095003a AdityAnAM hi sarveSAM viSNur ekaH sanAtanaH
05095003c ajayyaz cAvyayaz caiva zAzvataH prabhur IzvaraH
05095004a nimittamaraNAs tv anye candrasUryau mahI jalam
05095004c vAyur agnis tathAkAzaM grahAs tArAgaNAs tathA
05095005a te ca kSayAnte jagato hitvA lokatrayaM sadA
05095005c kSayaM gacchanti vai sarve sRjyante ca punaH punaH
05095006a muhUrtamaraNAs tv anye mAnuSA mRgapakSiNaH
05095006c tiryagyonyaz ca ye cAnye jIvalokacarAH smRtAH
05095007a bhUyiSThena tu rAjAnaH zriyaM bhuktvAyuSaH kSaye
05095007c maraNaM pratigacchanti bhoktuM sukRtaduSkRtam
05095008a sa bhavAn dharmaputreNa zamaM kartum ihArhati
05095008c pANDavAH kuravaz caiva pAlayantu vasuMdharAm
05095009a balavAn aham ity eva na mantavyaM suyodhana
05095009c balavanto hi balibhir dRzyante puruSarSabha
05095010a na balaM balinAM madhye balaM bhavati kaurava
05095010c balavanto hi te sarve pANDavA devavikramAH
05095011a atrApy udAharantImam itihAsaM purAtanam
05095011c mAtaler dAtukAmasya kanyAM mRgayato varam
05095012a matas trailokyarAjasya mAtalir nAma sArathiH
05095012c tasyaikaiva kule kanyA rUpato lokavizrutA
05095013a guNakezIti vikhyAtA nAmnA sA devarUpiNI
05095013c zriyA ca vapuSA caiva striyo 'nyAH sAtiricyate
05095014a tasyAH pradAnasamayaM mAtaliH saha bhAryayA
05095014c jJAtvA vimamRze rAjaMs tatparaH paricintayan
05095015a dhik khalv alaghuzIlAnAm ucchritAnAM yazasvinAm
05095015c narANAm RddhasattvAnAM kule kanyAprarohaNam
05095016a mAtuH kulaM pitRkulaM yatra caiva pradIyate
05095016c kulatrayaM saMzayitaM kurute kanyakA satAm
05095017a devamAnuSalokau dvau mAnasenaiva cakSuSA
05095017c avagAhyaiva vicitau na ca me rocate varaH
05095018a na devAn naiva ditijAn na gandharvAn na mAnuSAn
05095018c arocayaM varakRte tathaiva bahulAn RSIn
05095019a bhAryayA tu sa saMmantrya saha rAtrau sudharmayA
05095019c mAtalir nAgalokAya cakAra gamane matim
05095020a na me devamanuSyeSu guNakezyAH samo varaH
05095020c rUpato dRzyate kaz cin nAgeSu bhavitA dhruvam
05095021a ity Amantrya sudharmAM sa kRtvA cAbhipradakSiNam
05095021c kanyAM zirasy upAghrAya praviveza mahItalam
05096001  kaNva uvAca
05096001a mAtalis tu vrajan mArge nAradena maharSiNA
05096001c varuNaM gacchatA draSTuM samAgacchad yadRcchayA
05096002a nArado 'thAbravId enaM kva bhavAn gantum udyataH
05096002c svena vA sUta kAryeNa zAsanAd vA zatakratoH
05096003a mAtalir nAradenaivaM saMpRSTaH pathi gacchatA
05096003c yathAvat sarvam AcaSTa svakAryaM varuNaM prati
05096004a tam uvAcAtha sa munir gacchAvaH sahitAv iti
05096004c salilezadidRkSArtham aham apy udyato divaH
05096005a ahaM te sarvam AkhyAsye darzayan vasudhAtalam
05096005c dRSTvA tatra varaM kaM cid rocayiSyAva mAtale
05096006a avagAhya tato bhUmim ubhau mAtalinAradau
05096006c dadRzAte mahAtmAnau lokapAlam apAM patim
05096007a tatra devarSisadRzIM pUjAM prApa sa nAradaH
05096007c mahendrasadRzIM caiva mAtaliH pratyapadyata
05096008a tAv ubhau prItamanasau kAryavattAM nivedya ha
05096008c varuNenAbhyanujJAtau nAgalokaM viceratuH
05096009a nAradaH sarvabhUtAnAm antarbhUminivAsinAm
05096009c jAnaMz cakAra vyAkhyAnaM yantuH sarvam azeSataH
05096010  nArada uvAca
05096010a dRSTas te varuNas tAta putrapautrasamAvRtaH
05096010c pazyodakapateH sthAnaM sarvatobhadram Rddhimat
05096011a eSa putro mahAprAjJo varuNasyeha gopateH
05096011c eSa taM zIlavRttena zaucena ca viziSyate
05096012a eSo 'sya putro 'bhimataH puSkaraH puSkarekSaNaH
05096012c rUpavAn darzanIyaz ca somaputryA vRtaH patiH
05096013a jyotsnAkAlIti yAm Ahur dvitIyAM rUpataH zriyam
05096013c Adityasyaiva goH putro jyeSThaH putraH kRtaH smRtaH
05096014a bhavanaM pazya vAruNyA yad etat sarvakAJcanam
05096014c yAM prApya suratAM prAptAH surAH surapateH sakhe
05096015a etAni hRtarAjyAnAM daiteyAnAM sma mAtale
05096015c dIpyamAnAni dRzyante sarvapraharaNAny uta
05096016a akSayANi kilaitAni vivartante sma mAtale
05096016c anubhAvaprayuktAni surair avajitAni ha
05096017a atra rAkSasajAtyaz ca bhUtajAtyaz ca mAtale
05096017c divyapraharaNAz cAsan pUrvadaivatanirmitAH
05096018a agnir eSa mahArciSmAJ jAgarti varuNahrade
05096018c vaiSNavaM cakram AviddhaM vidhUmena haviSmatA
05096019a eSa gANDImayaz cApo lokasaMhArasaMbhRtaH
05096019c rakSyate daivatair nityaM yatas tad gANDivaM dhanuH
05096020a eSa kRtye samutpanne tat tad dhArayate balam
05096020c sahasrazatasaMkhyena prANena satataM dhruvam
05096021a azAsyAn api zAsty eSa rakSobandhuSu rAjasu
05096021c sRSTaH prathamajo daNDo brahmaNA brahmavAdinA
05096022a etac chatraM narendrANAM mahac chakreNa bhASitam
05096022c putrAH salilarAjasya dhArayanti mahodayam
05096023a etat salilarAjasya chatraM chatragRhe sthitam
05096023c sarvataH salilaM zItaM jImUta iva varSati
05096024a etac chatrAt paribhraSTaM salilaM somanirmalam
05096024c tamasA mUrchitaM yAti yena nArchati darzanam
05096025a bahUny adbhutarUpANi draSTavyAnIha mAtale
05096025c tava kAryoparodhas tu tasmAd gacchAva mAciram
05097001  nArada uvAca
05097001a etat tu nAgalokasya nAbhisthAne sthitaM puram
05097001c pAtAlam iti vikhyAtaM daityadAnavasevitam
05097002a idam adbhiH samaM prAptA ye ke cid dhruvajaGgamAH
05097002c pravizanto mahAnAdaM nadanti bhayapIDitAH
05097003a atrAsuro 'gniH satataM dIpyate vAribhojanaH
05097003c vyApAreNa dhRtAtmAnaM nibaddhaM samabudhyata
05097004a atrAmRtaM suraiH pItvA nihitaM nihatAribhiH
05097004c ataH somasya hAniz ca vRddhiz caiva pradRzyate
05097005a atra divyaM hayaziraH kAle parvaNi parvaNi
05097005c uttiSThati suvarNAbhaM vArbhir ApUrayaJ jagat
05097006a yasmAd atra samagrAs tAH patanti jalamUrtayaH
05097006c tasmAt pAtAlam ity etat khyAyate puram uttamam
05097007a airAvato 'smAt salilaM gRhItvA jagato hitaH
05097007c megheSv AmuJcate zItaM yan mahendraH pravarSati
05097008a atra nAnAvidhAkArAs timayo naikarUpiNaH
05097008c apsu somaprabhAM pItvA vasanti jalacAriNaH
05097009a atra sUryAMzubhir bhinnAH pAtAlatalam AzritAH
05097009c mRtA divasataH sUta punar jIvanti te nizi
05097010a udaye nityazaz cAtra candramA razmibhir vRtaH
05097010c amRtaM spRzya saMsparzAt saMjIvayati dehinaH
05097011a atra te 'dharmaniratA baddhAH kAlena pIDitAH
05097011c daiteyA nivasanti sma vAsavena hRtazriyaH
05097012a atra bhUtapatir nAma sarvabhUtamahezvaraH
05097012c bhUtaye sarvabhUtAnAm acarat tapa uttamam
05097013a atra govratino viprAH svAdhyAyAmnAyakarzitAH
05097013c tyaktaprANA jitasvargA nivasanti maharSayaH
05097014a yatratatrazayo nityaM yenakenacidAzitaH
05097014c yenakenacidAcchannaH sa govrata ihocyate
05097015a airAvato nAgarAjo vAmanaH kumudo 'JjanaH
05097015c prasUtAH supratIkasya vaMze vAraNasattamAH
05097016a pazya yady atra te kaz cid rocate guNato varaH
05097016c varayiSyAva taM gatvA yatnam AsthAya mAtale
05097017a aNDam etaj jale nyastaM dIpyamAnam iva zriyA
05097017c A prajAnAM nisargAd vai nodbhidyati na sarpati
05097018a nAsya jAtiM nisargaM vA kathyamAnaM zRNomi vai
05097018c pitaraM mAtaraM vApi nAsya jAnAti kaz cana
05097019a ataH kila mahAn agnir antakAle samutthitaH
05097019c dhakSyate mAtale sarvaM trailokyaM sacarAcaram
05097020  kaNva uvAca
05097020a mAtalis tv abravIc chrutvA nAradasyAtha bhASitam
05097020c na me 'tra rocate kaz cid anyato vraja mAciram
05098001  nArada uvAca
05098001a hiraNyapuram ity etat khyAtaM puravaraM mahat
05098001c daityAnAM dAnavAnAM ca mAyAzatavicAriNAm
05098002a analpena prayatnena nirmitaM vizvakarmaNA
05098002c mayena manasA sRSTaM pAtAlatalam Azritam
05098003a atra mAyAsahasrANi vikurvANA mahaujasaH
05098003c dAnavA nivasanti sma zUrA dattavarAH purA
05098004a naite zakreNa nAnyena varuNena yamena vA
05098004c zakyante vazam AnetuM tathaiva dhanadena ca
05098005a asurAH kAlakhaJjAz ca tathA viSNupadodbhavAH
05098005c nairRtA yAtudhAnAz ca brahmavedodbhavAz ca ye
05098006a daMSTriNo bhImarUpAz ca nivasanty AtmarakSiNaH
05098006c mAyAvIryopasaMpannA nivasanty AtmarakSiNaH
05098007a nivAtakavacA nAma dAnavA yuddhadurmadAH
05098007c jAnAsi ca yathA zakro naitAJ zaknoti bAdhitum
05098008a bahuzo mAtale tvaM ca tava putraz ca gomukhaH
05098008c nirbhagno devarAjaz ca sahaputraH zacIpatiH
05098009a pazya vezmAni raukmANi mAtale rAjatAni ca
05098009c karmaNA vidhiyuktena yuktAny upagatAni ca
05098010a vaiDUryaharitAnIva pravAlarucirANi ca
05098010c arkasphaTikazubhrANi vajrasArojjvalAni ca
05098011a pArthivAnIva cAbhAnti punar nagamayAni ca
05098011c zailAnIva ca dRzyante tArakANIva cApy uta
05098012a sUryarUpANi cAbhAnti dIptAgnisadRzAni ca
05098012c maNijAlavicitrANi prAMzUni nibiDAni ca
05098013a naitAni zakyaM nirdeSTuM rUpato dravyatas tathA
05098013c guNataz caiva siddhAni pramANaguNavanti ca
05098014a AkrIDAn pazya daityAnAM tathaiva zayanAny uta
05098014c ratnavanti mahArhANi bhAjanAny AsanAni ca
05098015a jaladAbhAMs tathA zailAMs toyaprasravaNAnvitAn
05098015c kAmapuSpaphalAMz caiva pAdapAn kAmacAriNaH
05098016a mAtale kaz cid atrApi rucitas te varo bhavet
05098016c atha vAnyAM dizaM bhUmer gacchAva yadi manyase
05098017  kaNva uvAca
05098017a mAtalis tv abravId enaM bhASamANaM tathAvidham
05098017c devarSe naiva me kAryaM vipriyaM tridivaukasAm
05098018a nityAnuSaktavairA hi bhrAtaro devadAnavAH
05098018c aripakSeNa saMbandhaM rocayiSyAmy ahaM katham
05098019a anyatra sAdhu gacchAvo draSTuM nArhAmi dAnavAn
05098019c jAnAmi tu tathAtmAnaM ditsAtmakamalaM yathA
05099001  nArada uvAca
05099001a ayaM lokaH suparNAnAM pakSiNAM pannagAzinAm
05099001c vikrame gamane bhAre naiSAm asti parizramaH
05099002a vainateyasutaiH sUta SaDbhis tatam idaM kulam
05099002c sumukhena sunAmnA ca sunetreNa suvarcasA
05099003a surUpapakSirAjena subalena ca mAtale
05099003c vardhitAni prasUtyA vai vinatAkulakartRbhiH
05099004a pakSirAjAbhijAtyAnAM sahasrANi zatAni ca
05099004c kazyapasya tato vaMze jAtair bhUtivivardhanaiH
05099005a sarve hy ete zriyA yuktAH sarve zrIvatsalakSaNAH
05099005c sarve zriyam abhIpsanto dhArayanti balAny uta
05099006a karmaNA kSatriyAz caite nirghRNA bhogibhojinaH
05099006c jJAtisaMkSayakartRtvAd brAhmaNyaM na labhanti vai
05099007a nAmAni caiSAM vakSyAmi yathA prAdhAnyataH zRNu
05099007c mAtale zlAghyam etad dhi kulaM viSNuparigraham
05099008a daivataM viSNur eteSAM viSNur eva parAyaNam
05099008c hRdi caiSAM sadA viSNur viSNur eva gatiH sadA
05099009a suvarNacUDo nAgAzI dAruNaz caNDatuNDakaH
05099009c analaz cAnilaz caiva vizAlAkSo 'tha kuNDalI
05099010a kAzyapir dhvajaviSkambho vainateyo 'tha vAmanaH
05099010c vAtavego dizAcakSur nimeSo nimiSas tathA
05099011a trivAraH saptavAraz ca vAlmIkir dvIpakas tathA
05099011c daityadvIpaH sariddvIpaH sArasaH padmakesaraH
05099012a sumukhaH sukhaketuz ca citrabarhas tathAnaghaH
05099012c meghakRt kumudo dakSaH sarpAntaH somabhojanaH
05099013a gurubhAraH kapotaz ca sUryanetraz cirAntakaH
05099013c viSNudhanvA kumAraz ca paribarho haris tathA
05099014a susvaro madhuparkaz ca hemavarNas tathaiva ca
05099014c malayo mAtarizvA ca nizAkaradivAkarau
05099015a ete pradezamAtreNa mayoktA garuDAtmajAH
05099015c prAdhAnyato 'tha yazasA kIrtitAH prANataz ca te
05099016a yady atra na ruciH kA cid ehi gacchAva mAtale
05099016c taM nayiSyAmi dezaM tvAM ruciM yatropalapsyase
05100001  nArada uvAca
05100001a idaM rasAtalaM nAma saptamaM pRthivItalam
05100001c yatrAste surabhir mAtA gavAm amRtasaMbhavA
05100002a kSarantI satataM kSIraM pRthivIsArasaMbhavam
05100002c SaNNAM rasAnAM sAreNa rasam ekam anuttamam
05100003a amRtenAbhitRptasya sAram udgirataH purA
05100003c pitAmahasya vadanAd udatiSThad aninditA
05100004a yasyAH kSIrasya dhArAyA nipatantyA mahItale
05100004c hradaH kRtaH kSIranidhiH pavitraM param uttamam
05100005a puSpitasyeva phenasya paryantam anuveSTitam
05100005c pibanto nivasanty atra phenapA munisattamAH
05100006a phenapA nAma nAmnA te phenAhArAz ca mAtale
05100006c ugre tapasi vartante yeSAM bibhyati devatAH
05100007a asyAz catasro dhenvo 'nyA dikSu sarvAsu mAtale
05100007c nivasanti dizApAlyo dhArayantyo dizaH smRtAH
05100008a pUrvAM dizaM dhArayate surUpA nAma saurabhI
05100008c dakSiNAM haMsakA nAma dhArayaty aparAM dizam
05100009a pazcimA vAruNI dik ca dhAryate vai subhadrayA
05100009c mahAnubhAvayA nityaM mAtale vizvarUpayA
05100010a sarvakAmadughA nAma dhenur dhArayate dizam
05100010c uttarAM mAtale dharmyAM tathailavilasaMjJitAm
05100011a AsAM tu payasA mizraM payo nirmathya sAgare
05100011c manthAnaM mandaraM kRtvA devair asurasaMhitaiH
05100012a uddhRtA vAruNI lakSmIr amRtaM cApi mAtale
05100012c uccaiHzravAz cAzvarAjo maNiratnaM ca kaustubham
05100013a sudhAhAreSu ca sudhAM svadhAbhojiSu ca svadhAm
05100013c amRtaM cAmRtAzeSu surabhiH kSarate payaH
05100014a atra gAthA purA gItA rasAtalanivAsibhiH
05100014c paurANI zrUyate loke gIyate yA manISibhiH
05100015a na nAgaloke na svarge na vimAne triviSTape
05100015c parivAsaH sukhas tAdRg rasAtalatale yathA
05101001  nArada uvAca
05101001a iyaM bhogavatI nAma purI vAsukipAlitA
05101001c yAdRzI devarAjasya purIvaryAmarAvatI
05101002a eSa zeSaH sthito nAgo yeneyaM dhAryate sadA
05101002c tapasA lokamukhyena prabhAvamahatA mahI
05101003a zvetoccayanibhAkAro nAnAvidhavibhUSaNaH
05101003c sahasraM dhArayan mUrdhnAM jvAlAjihvo mahAbalaH
05101004a iha nAnAvidhAkArA nAnAvidhavibhUSaNAH
05101004c surasAyAH sutA nAgA nivasanti gatavyathAH
05101005a maNisvastikacakrAGkAH kamaNDalukalakSaNAH
05101005c sahasrasaMkhyA balinaH sarve raudrAH svabhAvataH
05101006a sahasrazirasaH ke cit ke cit paJcazatAnanAH
05101006c zatazIrSAs tathA ke cit ke cit triziraso 'pi ca
05101007a dvipaJcazirasaH ke cit ke cit saptamukhAs tathA
05101007c mahAbhogA mahAkAyAH parvatAbhogabhoginaH
05101008a bahUnIha sahasrANi prayutAny arbudAni ca
05101008c nAgAnAm ekavaMzAnAM yathAzreSThAMs tu me zRNu
05101009a vAsukis takSakaz caiva karkoTakadhanaMjayau
05101009c kAlIyo nahuSaz caiva kambalAzvatarAv ubhau
05101010a bAhyakuNDo maNir nAgas tathaivApUraNaH khagaH
05101010c vAmanaz cailapatraz ca kukuraH kukuNas tathA
05101011a Aryako nandakaz caiva tathA kalazapotakau
05101011c kailAsakaH piJjarako nAgaz cairAvatas tathA
05101012a sumanomukho dadhimukhaH zaGkho nandopanandakau
05101012c AptaH koTanakaz caiva zikhI niSThUrikas tathA
05101013a tittirir hastibhadraz ca kumudo mAlyapiNDakaH
05101013c dvau padmau puNDarIkaz ca puSpo mudgaraparNakaH
05101014a karavIraH pITharakaH saMvRtto vRtta eva ca
05101014c piNDAro bilvapatraz ca mUSikAdaH zirISakaH
05101015a dilIpaH zaGkhazIrSaz ca jyotiSko 'thAparAjitaH
05101015c kauravyo dhRtarASTraz ca kumAraH kuzakas tathA
05101016a virajA dhAraNaz caiva subAhur mukharo jayaH
05101016c badhirAndhau vikuNDaz ca virasaH surasas tathA
05101017a ete cAnye ca bahavaH kazyapasyAtmajAH smRtAH
05101017c mAtale pazya yady atra kaz cit te rocate varaH
05101018  kaNva uvAca
05101018a mAtalis tv ekam avyagraH satataM saMnirIkSya vai
05101018c papraccha nAradaM tatra prItimAn iva cAbhavat
05101019a sthito ya eSa purataH kauravyasyAryakasya ca
05101019c dyutimAn darzanIyaz ca kasyaiSa kulanandanaH
05101020a kaH pitA jananI cAsya katamasyaiSa bhoginaH
05101020c vaMzasya kasyaiSa mahAn ketubhUta iva sthitaH
05101021a praNidhAnena dhairyeNa rUpeNa vayasA ca me
05101021c manaH praviSTo devarSe guNakezyAH patir varaH
05101022a mAtaliM prItimanasaM dRSTvA sumukhadarzanAt
05101022c nivedayAm Asa tadA mAhAtmyaM janma karma ca
05101023a airAvatakule jAtaH sumukho nAma nAgarAT
05101023c Aryakasya mataH pautro dauhitro vAmanasya ca
05101024a etasya hi pitA nAgaz cikuro nAma mAtale
05101024c nacirAd vainateyena paJcatvam upapAditaH
05101025a tato 'bravIt prItamanA mAtalir nAradaM vacaH
05101025c eSa me rucitas tAta jAmAtA bhujagottamaH
05101026a kriyatAm atra yatno hi prItimAn asmy anena vai
05101026c asya nAgapater dAtuM priyAM duhitaraM mune
05102001  nArada uvAca
05102001a sUto 'yaM mAtalir nAma zakrasya dayitaH suhRt
05102001c zuciH zIlaguNopetas tejasvI vIryavAn balI
05102002a zakrasyAyaM sakhA caiva mantrI sArathir eva ca
05102002c alpAntaraprabhAvaz ca vAsavena raNe raNe
05102003a ayaM harisahasreNa yuktaM jaitraM rathottamam
05102003c devAsureSu yuddheSu manasaiva niyacchati
05102004a anena vijitAn azvair dorbhyAM jayati vAsavaH
05102004c anena prahRte pUrvaM balabhit praharaty uta
05102005a asya kanyA varArohA rUpeNAsadRzI bhuvi
05102005c sattvazIlaguNopetA guNakezIti vizrutA
05102006a tasyAsya yatnAc caratas trailokyam amaradyute
05102006c sumukho bhavataH pautro rocate duhituH patiH
05102007a yadi te rocate saumya bhujagottama mAciram
05102007c kriyatAm Aryaka kSipraM buddhiH kanyApratigrahe
05102008a yathA viSNukule lakSmIr yathA svAhA vibhAvasoH
05102008c kule tava tathaivAstu guNakezI sumadhyamA
05102009a pautrasyArthe bhavAMs tasmAd guNakezIM pratIcchatu
05102009c sadRzIM pratirUpasya vAsavasya zacIm iva
05102010a pitRhInam api hy enaM guNato varayAmahe
05102010c bahumAnAc ca bhavatas tathaivairAvatasya ca
05102010e sumukhasya guNaiz caiva zIlazaucadamAdibhiH
05102011a abhigamya svayaM kanyAm ayaM dAtuM samudyataH
05102011c mAtales tasya saMmAnaM kartum arho bhavAn api
05102012  kaNva uvAca
05102012a sa tu dInaH prahRSTaz ca prAha nAradam AryakaH
05102012c vriyamANe tathA pautre putre ca nidhanaM gate
05102013a na me naitad bahumataM devarSe vacanaM tava
05102013c sakhA zakrasya saMyuktaH kasyAyaM nepsito bhavet
05102014a kAraNasya tu daurbalyAc cintayAmi mahAmune
05102014c asya dehakaras tAta mama putro mahAdyute
05102014e bhakSito vainateyena duHkhArtAs tena vai vayam
05102015a punar eva ca tenoktaM vainateyena gacchatA
05102015c mAsenAnyena sumukhaM bhakSayiSya iti prabho
05102016a dhruvaM tathA tad bhavitA jAnImas tasya nizcayam
05102016c tena harSaH pranaSTo me suparNavacanena vai
05102017a mAtalis tv abravId enaM buddhir atra kRtA mayA
05102017c jAmAtRbhAvena vRtaH sumukhas tava putrajaH
05102018a so 'yaM mayA ca sahito nAradena ca pannagaH
05102018c trilokezaM surapatiM gatvA pazyatu vAsavam
05102019a zeSeNaivAsya kAryeNa prajJAsyAmy aham AyuSaH
05102019c suparNasya vighAte ca prayatiSyAmi sattama
05102020a sumukhaz ca mayA sArdhaM devezam abhigacchatu
05102020c kAryasaMsAdhanArthAya svasti te 'stu bhujaMgama
05102021a tatas te sumukhaM gRhya sarva eva mahaujasaH
05102021c dadRzuH zakram AsInaM devarAjaM mahAdyutim
05102022a saMgatyA tatra bhagavAn viSNur AsIc caturbhujaH
05102022c tatas tat sarvam Acakhyau nArado mAtaliM prati
05102023a tataH puraMdaraM viSNur uvAca bhuvanezvaram
05102023c amRtaM dIyatAm asmai kriyatAm amaraiH samaH
05102024a mAtalir nAradaz caiva sumukhaz caiva vAsava
05102024c labhantAM bhavataH kAmAt kAmam etaM yathepsitam
05102025a puraMdaro 'tha saMcintya vainateyaparAkramam
05102025c viSNum evAbravId enaM bhavAn eva dadAtv iti
05102026  viSNur uvAca
05102026a Izas tvam asi lokAnAM carANAm acarAz ca ye
05102026c tvayA dattam adattaM kaH kartum utsahate vibho
05102027  kaNva uvAca
05102027a prAdAc chakras tatas tasmai pannagAyAyur uttamam
05102027c na tv enam amRtaprAzaM cakAra balavRtrahA
05102028a labdhvA varaM tu sumukhaH sumukhaH saMbabhUva ha
05102028c kRtadAro yathAkAmaM jagAma ca gRhAn prati
05102029a nAradas tv Aryakaz caiva kRtakAryau mudA yutau
05102029c pratijagmatur abhyarcya devarAjaM mahAdyutim
05103001  kaNva uvAca
05103001a garuDas tat tu zuzrAva yathAvRttaM mahAbalaH
05103001c AyuHpradAnaM zakreNa kRtaM nAgasya bhArata
05103002a pakSavAtena mahatA ruddhvA tribhuvanaM khagaH
05103002c suparNaH paramakruddho vAsavaM samupAdravat
05103003  garuDa uvAca
05103003a bhagavan kim avajJAnAt kSudhAM prati bhaye mama
05103003c kAmakAravaraM dattvA punaz calitavAn asi
05103004a nisargAt sarvabhUtAnAM sarvabhUtezvareNa me
05103004c AhAro vihito dhAtrA kimarthaM vAryate tvayA
05103005a vRtaz caiSa mahAnAgaH sthApitaH samayaz ca me
05103005c anena ca mayA deva bhartavyaH prasavo mahAn
05103006a etasmiMs tv anyathAbhUte nAnyaM hiMsitum utsahe
05103006c krIDase kAmakAreNa devarAja yathecchakam
05103007a so 'haM prANAn vimokSyAmi tathA parijano mama
05103007c ye ca bhRtyA mama gRhe prItimAn bhava vAsava
05103008a etac caivAham arhAmi bhUyaz ca balavRtrahan
05103008c trailokyasyezvaro yo 'haM parabhRtyatvam AgataH
05103009a tvayi tiSThati deveza na viSNuH kAraNaM mama
05103009c trailokyarAja rAjyaM hi tvayi vAsava zAzvatam
05103010a mamApi dakSasya sutA jananI kazyapaH pitA
05103010c aham apy utsahe lokAn samastAn voDhum aJjasA
05103011a asahyaM sarvabhUtAnAM mamApi vipulaM balam
05103011c mayApi sumahat karma kRtaM daiteyavigrahe
05103012a zrutazrIH zrutasenaz ca vivasvAn rocanAmukhaH
05103012c prasabhaH kAlakAkSaz ca mayApi ditijA hatAH
05103013a yat tu dhvajasthAnagato yatnAt paricarAmy aham
05103013c vahAmi caivAnujaM te tena mAm avamanyase
05103014a ko 'nyo bhArasaho hy asti ko 'nyo 'sti balavattaraH
05103014c mayA yo 'haM viziSTaH san vahAmImaM sabAndhavam
05103015a avajJAya tu yat te 'haM bhojanAd vyaparopitaH
05103015c tena me gauravaM naSTaM tvattaz cAsmAc ca vAsava
05103016a adityAM ya ime jAtA balavikramazAlinaH
05103016c tvam eSAM kila sarveSAM vizeSAd balavattaraH
05103017a so 'haM pakSaikadezena vahAmi tvAM gataklamaH
05103017c vimRza tvaM zanais tAta ko nv atra balavAn iti
05103018  kaNva uvAca
05103018a tasya tad vacanaM zrutvA khagasyodarkadAruNam
05103018c akSobhyaM kSobhayaMs tArkSyam uvAca rathacakrabhRt
05103019a garutman manyase ''tmAnaM balavantaM sudurbalam
05103019c alam asmatsamakSaM te stotum AtmAnam aNDaja
05103020a trailokyam api me kRtsnam azaktaM dehadhAraNe
05103020c aham evAtmanAtmAnaM vahAmi tvAM ca dhAraye
05103021a imaM tAvan mamaikaM tvaM bAhuM savyetaraM vaha
05103021c yady enaM dhArayasy ekaM saphalaM te vikatthitam
05103022a tataH sa bhagavAMs tasya skandhe bAhuM samAsajat
05103022c nipapAta sa bhArArto vihvalo naSTacetanaH
05103023a yAvAn hi bhAraH kRtsnAyAH pRthivyAH parvataiH saha
05103023c ekasyA dehazAkhAyAs tAvad bhAram amanyata
05103024a na tv enaM pIDayAm Asa balena balavattaraH
05103024c tato hi jIvitaM tasya na vyanInazad acyutaH
05103025a vipakSaH srastakAyaz ca vicetA vihvalaH khagaH
05103025c mumoca patrANi tadA gurubhAraprapIDitaH
05103026a sa viSNuM zirasA pakSI praNamya vinatAsutaH
05103026c vicetA vihvalo dInaH kiM cid vacanam abravIt
05103027a bhagava&l lokasArasya sadRzena vapuSmatA
05103027c bhujena svairamuktena niSpiSTo 'smi mahItale
05103028a kSantum arhasi me deva vihvalasyAlpacetasaH
05103028c baladAhavidagdhasya pakSiNo dhvajavAsinaH
05103029a na vijJAtaM balaM deva mayA te paramaM vibho
05103029c tena manyAmy ahaM vIryam Atmano 'sadRzaM paraiH
05103030a tataz cakre sa bhagavAn prasAdaM vai garutmataH
05103030c maivaM bhUya iti snehAt tadA cainam uvAca ha
05103031a tathA tvam api gAndhAre yAvat pANDusutAn raNe
05103031c nAsAdayasi tAn vIrAMs tAvaj jIvasi putraka
05103032a bhImaH praharatAM zreSTho vAyuputro mahAbalaH
05103032c dhanaMjayaz cendrasuto na hanyAtAM tu kaM raNe
05103033a viSNur vAyuz ca zakraz ca dharmas tau cAzvinAv ubhau
05103033c ete devAs tvayA kena hetunA zakyam IkSitum
05103034a tad alaM te virodhena zamaM gaccha nRpAtmaja
05103034c vAsudevena tIrthena kulaM rakSitum arhasi
05103035a pratyakSo hy asya sarvasya nArado 'yaM mahAtapAH
05103035c mAhAtmyaM yat tadA viSNor yo 'yaM cakragadAdharaH
05103036  vaizaMpAyana uvAca
05103036a duryodhanas tu tac chrutvA niHzvasan bhRkuTImukhaH
05103036c rAdheyam abhisaMprekSya jahAsa svanavat tadA
05103037a kadarthIkRtya tad vAkyam RSeH kaNvasya durmatiH
05103037c UruM gajakarAkAraM tADayann idam abravIt
05103038a yathaivezvarasRSTo 'smi yad bhAvi yA ca me gatiH
05103038c tathA maharSe vartAmi kiM pralApaH kariSyati
05104001  janamejaya uvAca
05104001a anarthe jAtanirbandhaM parArthe lobhamohitam
05104001c anAryakeSv abhirataM maraNe kRtanizcayam
05104002a jJAtInAM duHkhakartAraM bandhUnAM zokavardhanam
05104002c suhRdAM klezadAtAraM dviSatAM harSavardhanam
05104003a kathaM nainaM vimArgasthaM vArayantIha bAndhavAH
05104003c sauhRdAd vA suhRtsnigdho bhagavAn vA pitAmahaH
05104004  vaizaMpAyana uvAca
05104004a uktaM bhagavatA vAkyam uktaM bhISmeNa yat kSamam
05104004c uktaM bahuvidhaM caiva nAradenApi tac chRNu
05104005  nArada uvAca
05104005a durlabho vai suhRc chrotA durlabhaz ca hitaH suhRt
05104005c tiSThate hi suhRd yatra na bandhus tatra tiSThati
05104006a zrotavyam api pazyAmi suhRdAM kurunandana
05104006c na kartavyaz ca nirbandho nirbandho hi sudAruNaH
05104007a atrApy udAharantImam itihAsaM purAtanam
05104007c yathA nirbandhataH prApto gAlavena parAjayaH
05104008a vizvAmitraM tapasyantaM dharmo jijJAsayA purA
05104008c abhyagacchat svayaM bhUtvA vasiSTho bhagavAn RSiH
05104009a saptarSINAm anyatamaM veSam AsthAya bhArata
05104009c bubhukSuH kSudhito rAjann AzramaM kauzikasya ha
05104010a vizvAmitro 'tha saMbhrAntaH zrapayAm Asa vai carum
05104010c paramAnnasya yatnena na ca sa pratyapAlayat
05104011a annaM tena yadA bhuktam anyair dattaM tapasvibhiH
05104011c atha gRhyAnnam atyuSNaM vizvAmitro 'bhyupAgamat
05104012a bhuktaM me tiSTha tAvat tvam ity uktvA bhagavAn yayau
05104012c vizvAmitras tato rAjan sthita eva mahAdyutiH
05104013a bhaktaM pragRhya mUrdhnA tad bAhubhyAM pArzvato 'gamat
05104013c sthitaH sthANur ivAbhyAze nizceSTo mArutAzanaH
05104014a tasya zuzrUSaNe yatnam akarod gAlavo muniH
05104014c gauravAd bahumAnAc ca hArdena priyakAmyayA
05104015a atha varSazate pUrNe dharmaH punar upAgamat
05104015c vAsiSThaM veSam AsthAya kauzikaM bhojanepsayA
05104016a sa dRSTvA zirasA bhaktaM dhriyamANaM maharSiNA
05104016c tiSThatA vAyubhakSeNa vizvAmitreNa dhImatA
05104017a pratigRhya tato dharmas tathaivoSNaM tathA navam
05104017c bhuktvA prIto 'smi viprarSe tam uktvA sa munir gataH
05104018a kSatrabhAvAd apagato brAhmaNatvam upAgataH
05104018c dharmasya vacanAt prIto vizvAmitras tadAbhavat
05104019a vizvAmitras tu ziSyasya gAlavasya tapasvinaH
05104019c zuzrUSayA ca bhaktyA ca prItimAn ity uvAca tam
05104019e anujJAto mayA vatsa yatheSTaM gaccha gAlava
05104020a ity uktaH pratyuvAcedaM gAlavo munisattamam
05104020c prIto madhurayA vAcA vizvAmitraM mahAdyutim
05104021a dakSiNAM kAM prayacchAmi bhavate gurukarmaNi
05104021c dakSiNAbhir upetaM hi karma sidhyati mAnavam
05104022a dakSiNAnAM hi sRSTAnAm apavargeNa bhujyate
05104022c svarge kratuphalaM sadbhir dakSiNA zAntir ucyate
05104022e kim AharAmi gurvarthaM bravItu bhagavAn iti
05104023a jAnamAnas tu bhagavAJ jitaH zuzrUSaNena ca
05104023c vizvAmitras tam asakRd gaccha gacchety acodayat
05104024a asakRd gaccha gaccheti vizvAmitreNa bhASitaH
05104024c kiM dadAnIti bahuzo gAlavaH pratyabhASata
05104025a nirbandhatas tu bahuzo gAlavasya tapasvinaH
05104025c kiM cid AgatasaMrambho vizvAmitro 'bravId idam
05104026a ekataHzyAmakarNAnAM zatAny aSTau dadasva me
05104026c hayAnAM candrazubhrANAM gaccha gAlava mAciram
05105001  nArada uvAca
05105001a evam uktas tadA tena vizvAmitreNa dhImatA
05105001c nAste na zete nAhAraM kurute gAlavas tadA
05105002a tvagasthibhUto hariNaz cintAzokaparAyaNaH
05105002c zocamAno 'timAtraM sa dahyamAnaz ca manyunA
05105003a kutaH puSTAni mitrANi kuto 'rthAH saMcayaH kutaH
05105003c hayAnAM candrazubhrANAM zatAny aSTau kuto mama
05105004a kuto me bhojanazraddhA sukhazraddhA kutaz ca me
05105004c zraddhA me jIvitasyApi chinnA kiM jIvitena me
05105005a ahaM pAraM samudrasya pRthivyA vA paraM parAt
05105005c gatvAtmAnaM vimuJcAmi kiM phalaM jIvitena me
05105006a adhanasyAkRtArthasya tyaktasya vividhaiH phalaiH
05105006c RNaM dhArayamANasya kutaH sukham anIhayA
05105007a suhRdAM hi dhanaM bhuktvA kRtvA praNayam Ipsitam
05105007c pratikartum azaktasya jIvitAn maraNaM varam
05105008a pratizrutya kariSyeti kartavyaM tad akurvataH
05105008c mithyAvacanadagdhasya iSTApUrtaM praNazyati
05105009a na rUpam anRtasyAsti nAnRtasyAsti saMtatiH
05105009c nAnRtasyAdhipatyaM ca kuta eva gatiH zubhA
05105010a kutaH kRtaghnasya yazaH kutaH sthAnaM kutaH sukham
05105010c azraddheyaH kRtaghno hi kRtaghne nAsti niSkRtiH
05105011a na jIvaty adhanaH pApaH kutaH pApasya tantraNam
05105011c pApo dhruvam avApnoti vinAzaM nAzayan kRtam
05105012a so 'haM pApaH kRtaghnaz ca kRpaNaz cAnRto 'pi ca
05105012c guror yaH kRtakAryaH saMs tat karomi na bhASitam
05105012e so 'haM prANAn vimokSyAmi kRtvA yatnam anuttamam
05105013a arthanA na mayA kA cit kRtapUrvA divaukasAm
05105013c mAnayanti ca mAM sarve tridazA yajJasaMstare
05105014a ahaM tu vibudhazreSThaM devaM tribhuvanezvaram
05105014c viSNuM gacchAmy ahaM kRSNaM gatiM gatimatAM varam
05105015a bhogA yasmAt pratiSThante vyApya sarvAn surAsurAn
05105015c prayato draSTum icchAmi mahAyoginam avyayam
05105016a evam ukte sakhA tasya garuDo vinatAtmajaH
05105016c darzayAm Asa taM prAha saMhRSTaH priyakAmyayA
05105017a suhRd bhavAn mama mataH suhRdAM ca mataH suhRt
05105017c IpsitenAbhilASeNa yoktavyo vibhave sati
05105018a vibhavaz cAsti me vipra vAsavAvarajo dvija
05105018c pUrvam uktas tvadarthaM ca kRtaH kAmaz ca tena me
05105019a sa bhavAn etu gacchAva nayiSye tvAM yathAsukham
05105019c dezaM pAraM pRthivyA vA gaccha gAlava mAciram
05106001  suparNa uvAca
05106001a anuziSTo 'smi devena gAlavAjJAtayoninA
05106001c brUhi kAm anusaMyAmi draSTuM prathamato dizam
05106002a pUrvAM vA dakSiNAM vAham atha vA pazcimAM dizam
05106002c uttarAM vA dvijazreSTha kuto gacchAmi gAlava
05106003a yasyAm udayate pUrvaM sarvalokaprabhAvanaH
05106003c savitA yatra saMdhyAyAM sAdhyAnAM vartate tapaH
05106004a yasyAM pUrvaM matir jAtA yayA vyAptam idaM jagat
05106004c cakSuSI yatra dharmasya yatra caiSa pratiSThitaH
05106005a hutaM yatomukhair havyaM sarpate sarvatodizam
05106005c etad dvAraM dvijazreSTha divasasya tathAdhvanaH
05106006a yatra pUrvaM prasUtA vai dAkSAyaNyaH prajAH striyaH
05106006c yasyAM dizi pravRddhAz ca kazyapasyAtmasaMbhavAH
05106007a yatomUlA surANAM zrIr yatra zakro 'bhyaSicyata
05106007c surarAjyena viprarSe devaiz cAtra tapaz citam
05106008a etasmAt kAraNAd brahman pUrvety eSA dig ucyate
05106008c yasmAt pUrvatare kAle pUrvam eSAvRtA suraiH
05106009a ata eva ca pUrveSAM pUrvAm AzAm avekSatAm
05106009c pUrvakAryANi kAryANi daivAni sukham IpsatA
05106010a atra vedAJ jagau pUrvaM bhagavA&l lokabhAvanaH
05106010c atraivoktA savitrAsIt sAvitrI brahmavAdiSu
05106011a atra dattAni sUryeNa yajUMSi dvijasattama
05106011c atra labdhavaraiH somaH suraiH kratuSu pIyate
05106012a atra tRptA hutavahAH svAM yonim upabhuJjate
05106012c atra pAtAlam Azritya varuNaH zriyam Apa ca
05106013a atra pUrvaM vasiSThasya paurANasya dvijarSabha
05106013c sUtiz caiva pratiSThA ca nidhanaM ca prakAzate
05106014a oMkArasyAtra jAyante sUtayo dazatIr daza
05106014c pibanti munayo yatra havirdhAne sma somapAH
05106015a prokSitA yatra bahavo varAhAdyA mRgA vane
05106015c zakreNa yatra bhAgArthe daivateSu prakalpitAH
05106016a atrAhitAH kRtaghnAz ca mAnuSAz cAsurAz ca ye
05106016c udayaMs tAn hi sarvAn vai krodhAd dhanti vibhAvasuH
05106017a etad dvAraM trilokasya svargasya ca sukhasya ca
05106017c eSa pUrvo dizAbhAgo vizAvainaM yadIcchasi
05106018a priyaM kAryaM hi me tasya yasyAsmi vacane sthitaH
05106018c brUhi gAlava yAsyAmi zRNu cApy aparAM dizam
05107001  suparNa uvAca
05107001a iyaM vivasvatA pUrvaM zrautena vidhinA kila
05107001c gurave dakSiNA dattA dakSiNety ucyate 'tha dik
05107002a atra lokatrayasyAsya pitRpakSaH pratiSThitaH
05107002c atroSmapAnAM devAnAM nivAsaH zrUyate dvija
05107003a atra vizve sadA devAH pitRbhiH sArdham Asate
05107003c ijyamAnAH sma lokeSu saMprAptAs tulyabhAgatAm
05107004a etad dvitIyaM dharmasya dvAram AcakSate dvija
05107004c truTizo lavazaz cAtra gaNyate kAlanizcayaH
05107005a atra devarSayo nityaM pitRlokarSayas tathA
05107005c tathA rAjarSayaH sarve nivasanti gatavyathAH
05107006a atra dharmaz ca satyaM ca karma cAtra nizAmyate
05107006c gatir eSA dvijazreSTha karmaNAtmAvasAdinaH
05107007a eSA dik sA dvijazreSTha yAM sarvaH pratipadyate
05107007c vRtA tv anavabodhena sukhaM tena na gamyate
05107008a nairRtAnAM sahasrANi bahUny atra dvijarSabha
05107008c sRSTAni pratikUlAni draSTavyAny akRtAtmabhiH
05107009a atra mandarakuJjeSu viprarSisadaneSu ca
05107009c gandharvA gAnti gAthA vai cittabuddhiharA dvija
05107010a atra sAmAni gAthAbhiH zrutvA gItAni raivataH
05107010c gatadAro gatAmAtyo gatarAjyo vanaM gataH
05107011a atra sAvarNinA caiva yavakrItAtmajena ca
05107011c maryAdA sthApitA brahman yAM sUryo nAtivartate
05107012a atra rAkSasarAjena paulastyena mahAtmanA
05107012c rAvaNena tapaz cIrtvA surebhyo 'maratA vRtA
05107013a atra vRttena vRtro 'pi zakrazatrutvam IyivAn
05107013c atra sarvAsavaH prAptAH punar gacchanti paJcadhA
05107014a atra duSkRtakarmANo narAH pacyanti gAlava
05107014c atra vaitaraNI nAma nadI vitaraNair vRtA
05107014e atra gatvA sukhasyAntaM duHkhasyAntaM prapadyate
05107015a atrAvRtto dinakaraH kSarate surasaM payaH
05107015c kASThAM cAsAdya dhAniSThAM himam utsRjate punaH
05107016a atrAhaM gAlava purA kSudhArtaH paricintayan
05107016c labdhavAn yudhyamAnau dvau bRhantau gajakacchapau
05107017a atra zakradhanur nAma sUryAj jAto mahAn RSiH
05107017c vidur yaM kapilaM devaM yenAttAH sagarAtmajAH
05107018a atra siddhAH zivA nAma brAhmaNA vedapAragAH
05107018c adhItya sakhilAn vedAn Alabhante yamakSayam
05107019a atra bhogavatI nAma purI vAsukipAlitA
05107019c takSakeNa ca nAgena tathaivairAvatena ca
05107020a atra niryANakAleSu tamaH saMprApyate mahat
05107020c abhedyaM bhAskareNApi svayaM vA kRSNavartmanA
05107021a eSa tasyApi te mArgaH paritApasya gAlava
05107021c brUhi me yadi gantavyaM pratIcIM zRNu vA mama
05108001  suparNa uvAca
05108001a iyaM dig dayitA rAjJo varuNasya tu gopateH
05108001c sadA salilarAjasya pratiSThA cAdir eva ca
05108002a atra pazcAd ahaH sUryo visarjayati bhAH svayam
05108002c pazcimety abhivikhyAtA dig iyaM dvijasattama
05108003a yAdasAm atra rAjyena salilasya ca guptaye
05108003c kazyapo bhagavAn devo varuNaM smAbhyaSecayat
05108004a atra pItvA samastAn vai varuNasya rasAMs tu SaT
05108004c jAyate taruNaH somaH zuklasyAdau tamisrahA
05108005a atra pazcAt kRtA daityA vAyunA saMyatAs tadA
05108005c niHzvasanto mahAnAgair arditAH suSupur dvija
05108006a atra sUryaM praNayinaM pratigRhNAti parvataH
05108006c asto nAma yataH saMdhyA pazcimA pratisarpati
05108007a ato rAtriz ca nidrA ca nirgatA divasakSaye
05108007c jAyate jIvalokasya hartum ardham ivAyuSaH
05108008a atra devIM ditiM suptAm AtmaprasavadhAriNIm
05108008c vigarbhAm akaroc chakro yatra jAto marudgaNaH
05108009a atra mUlaM himavato mandaraM yAti zAzvatam
05108009c api varSasahasreNa na cAsyAnto 'dhigamyate
05108010a atra kAJcanazailasya kAJcanAmbuvahasya ca
05108010c udadhes tIram AsAdya surabhiH kSarate payaH
05108011a atra madhye samudrasya kabandhaH pratidRzyate
05108011c svarbhAnoH sUryakalpasya somasUryau jighAMsataH
05108012a suvarNaziraso 'py atra hariromNaH pragAyataH
05108012c adRzyasyAprameyasya zrUyate vipulo dhvaniH
05108013a atra dhvajavatI nAma kumArI harimedhasaH
05108013c AkAze tiSTha tiSTheti tasthau sUryasya zAsanAt
05108014a atra vAyus tathA vahnir ApaH khaM caiva gAlava
05108014c AhnikaM caiva naizaM ca duHkhasparzaM vimuJcati
05108014e ataH prabhRti sUryasya tiryag Avartate gatiH
05108015a atra jyotIMSi sarvANi vizanty AdityamaNDalam
05108015c aSTAviMzatirAtraM ca caGkramya saha bhAnunA
05108015e niSpatanti punaH sUryAt somasaMyogayogataH
05108016a atra nityaM sravantInAM prabhavaH sAgarodayaH
05108016c atra lokatrayasyApas tiSThanti varuNAzrayAH
05108017a atra pannagarAjasyApy anantasya nivezanam
05108017c anAdinidhanasyAtra viSNoH sthAnam anuttamam
05108018a atrAnalasakhasyApi pavanasya nivezanam
05108018c maharSeH kazyapasyAtra mArIcasya nivezanam
05108019a eSa te pazcimo mArgo digdvAreNa prakIrtitaH
05108019c brUhi gAlava gacchAvo buddhiH kA dvijasattama
05109001  suparNa uvAca
05109001a yasmAd uttAryate pApAd yasmAn niHzreyaso 'znute
05109001c tasmAd uttAraNaphalAd uttarety ucyate budhaiH
05109002a uttarasya hiraNyasya parivApasya gAlava
05109002c mArgaH pazcimapUrvAbhyAM digbhyAM vai madhyamaH smRtaH
05109003a asyAM dizi variSThAyAm uttarAyAM dvijarSabha
05109003c nAsaumyo nAvidheyAtmA nAdharmyo vasate janaH
05109004a atra nArAyaNaH kRSNo jiSNuz caiva narottamaH
05109004c badaryAm Azramapade tathA brahmA ca zAzvataH
05109005a atra vai himavatpRSThe nityam Aste mahezvaraH
05109005c atra rAjyena viprANAM candramAz cAbhyaSicyata
05109006a atra gaGgAM mahAdevaH patantIM gaganAc cyutAm
05109006c pratigRhya dadau loke mAnuSe brahmavittama
05109007a atra devyA tapas taptaM mahezvaraparIpsayA
05109007c atra kAmaz ca roSaz ca zailaz comA ca saMbabhuH
05109008a atra rAkSasayakSANAM gandharvANAM ca gAlava
05109008c Adhipatyena kailAse dhanado 'py abhiSecitaH
05109009a atra caitrarathaM ramyam atra vaikhAnasAzramaH
05109009c atra mandAkinI caiva mandaraz ca dvijarSabha
05109010a atra saugandhikavanaM nairRtair abhirakSyate
05109010c zADvalaM kadalIskandham atra saMtAnakA nagAH
05109011a atra saMyamanityAnAM siddhAnAM svairacAriNAm
05109011c vimAnAny anurUpANi kAmabhogyAni gAlava
05109012a atra te RSayaH sapta devI cArundhatI tathA
05109012c atra tiSThati vai svAtir atrAsyA udayaH smRtaH
05109013a atra yajJaM samAruhya dhruvaM sthAtA pitAmahaH
05109013c jyotIMSi candrasUryau ca parivartanti nityazaH
05109014a atra gAyantikAdvAraM rakSanti dvijasattamAH
05109014c dhAmA nAma mahAtmAno munayaH satyavAdinaH
05109015a na teSAM jJAyate sUtir nAkRtir na tapaz citam
05109015c parivartasahasrANi kAmabhogyAni gAlava
05109016a yathA yathA pravizati tasmAt parataraM naraH
05109016c tathA tathA dvijazreSTha pravilIyati gAlava
05109017a na tat kena cid anyena gatapUrvaM dvijarSabha
05109017c Rte nArAyaNaM devaM naraM vA jiSNum avyayam
05109018a atra kailAsam ity uktaM sthAnam ailavilasya tat
05109018c atra vidyutprabhA nAma jajJire 'psaraso daza
05109019a atra viSNupadaM nAma kramatA viSNunA kRtam
05109019c trilokavikrame brahmann uttarAM dizam Azritam
05109020a atra rAjJA maruttena yajJeneSTaM dvijottama
05109020c uzIrabIje viprarSe yatra jAmbUnadaM saraH
05109021a jImUtasyAtra viprarSer upatasthe mahAtmanaH
05109021c sAkSAd dhaimavataH puNyo vimalaH kamalAkaraH
05109022a brAhmaNeSu ca yat kRtsnaM svantaM kRtvA dhanaM mahat
05109022c vavre vanaM maharSiH sa jaimUtaM tad vanaM tataH
05109023a atra nityaM dizApAlAH sAyaM prAtar dvijarSabha
05109023c kasya kAryaM kim iti vai parikrozanti gAlava
05109024a evam eSA dvijazreSTha guNair anyair dig uttarA
05109024c uttareti parikhyAtA sarvakarmasu cottarA
05109025a etA vistarazas tAta tava saMkIrtitA dizaH
05109025c catasraH kramayogena kAmAzAM gantum icchasi
05109026a udyato 'haM dvijazreSTha tava darzayituM dizaH
05109026c pRthivIM cAkhilAM brahmaMs tasmAd Aroha mAM dvija
05110001  gAlava uvAca
05110001a garutman bhujagendrAre suparNa vinatAtmaja
05110001c naya mAM tArkSya pUrveNa yatra dharmasya cakSuSI
05110002a pUrvam etAM dizaM gaccha yA pUrvaM parikIrtitA
05110002c daivatAnAM hi sAMnidhyam atra kIrtitavAn asi
05110003a atra satyaM ca dharmaz ca tvayA samyak prakIrtitaH
05110003c iccheyaM tu samAgantuM samastair daivatair aham
05110003e bhUyaz ca tAn surAn draSTum iccheyam aruNAnuja
05110004  nArada uvAca
05110004a tam Aha vinatAsUnur Arohasveti vai dvijam
05110004c ArurohAtha sa munir garuDaM gAlavas tadA
05110005  gAlava uvAca
05110005a kramamANasya te rUpaM dRzyate pannagAzana
05110005c bhAskarasyeva pUrvAhNe sahasrAMzor vivasvataH
05110006a pakSavAtapraNunnAnAM vRkSANAm anugAminAm
05110006c prasthitAnAm iva samaM pazyAmIha gatiM khaga
05110007a sasAgaravanAm urvIM sazailavanakAnanAm
05110007c AkarSann iva cAbhAsi pakSavAtena khecara
05110008a samInanAganakraM ca kham ivAropyate jalam
05110008c vAyunA caiva mahatA pakSavAtena cAnizam
05110009a tulyarUpAnanAn matsyAMs timimatsyAMs timiMgilAn
05110009c nAgAMz ca naravaktrAMz ca pazyAmy unmathitAn iva
05110010a mahArNavasya ca ravaiH zrotre me badhirIkRte
05110010c na zRNomi na pazyAmi nAtmano vedmi kAraNam
05110011a zanaiH sAdhu bhavAn yAtu brahmahatyAm anusmaran
05110011c na dRzyate ravis tAta na dizo na ca khaM khaga
05110012a tama eva tu pazyAmi zarIraM te na lakSaye
05110012c maNIva jAtyau pazyAmi cakSuSI te 'ham aNDaja
05110013a zarIre tu na pazyAmi tava caivAtmanaz ca ha
05110013c pade pade tu pazyAmi salilAd agnim utthitam
05110014a sa me nirvApya sahasA cakSuSI zAmyate punaH
05110014c tan nivarta mahAn kAlo gacchato vinatAtmaja
05110015a na me prayojanaM kiM cid gamane pannagAzana
05110015c saMnivarta mahAvega na vegaM viSahAmi te
05110016a gurave saMzrutAnIha zatAny aSTau hi vAjinAm
05110016c ekataHzyAmakarNAnAM zubhrANAM candravarcasAm
05110017a teSAM caivApavargAya mArgaM pazyAmi nANDaja
05110017c tato 'yaM jIvitatyAge dRSTo mArgo mayAtmanaH
05110018a naiva me 'sti dhanaM kiM cin na dhanenAnvitaH suhRt
05110018c na cArthenApi mahatA zakyam etad vyapohitum
05110019  nArada uvAca
05110019a evaM bahu ca dInaM ca bruvANaM gAlavaM tadA
05110019c pratyuvAca vrajann eva prahasan vinatAtmajaH
05110020a nAtiprajJo 'si viprarSe yo ''tmAnaM tyaktum icchasi
05110020c na cApi kRtrimaH kAlaH kAlo hi paramezvaraH
05110021a kim ahaM pUrvam eveha bhavatA nAbhicoditaH
05110021c upAyo 'tra mahAn asti yenaitad upapadyate
05110022a tad eSa RSabho nAma parvataH sAgarorasi
05110022c atra vizramya bhuktvA ca nivartiSyAva gAlava
05111001  nArada uvAca
05111001a RSabhasya tataH zRGge nipatya dvijapakSiNau
05111001c zANDilIM brAhmaNIM tatra dadRzAte taponvitAm
05111002a abhivAdya suparNas tu gAlavaz cAbhipUjya tAm
05111002c tayA ca svAgatenoktau viSTare saMniSIdatuH
05111003a siddham annaM tayA kSipraM balimantropabRMhitam
05111003c bhuktvA tRptAv ubhau bhUmau suptau tAv annamohitau
05111004a muhUrtAt pratibuddhas tu suparNo gamanepsayA
05111004c atha bhraSTatanUjAGgam AtmAnaM dadRze khagaH
05111005a mAMsapiNDopamo 'bhUt sa mukhapAdAnvitaH khagaH
05111005c gAlavas taM tathA dRSTvA viSaNNaH paryapRcchata
05111006a kim idaM bhavatA prAptam ihAgamanajaM phalam
05111006c vAso 'yam iha kAlaM tu kiyantaM nau bhaviSyati
05111007a kiM nu te manasA dhyAtam azubhaM dharmadUSaNam
05111007c na hy ayaM bhavataH svalpo vyabhicAro bhaviSyati
05111008a suparNo 'thAbravId vipraM pradhyAtaM vai mayA dvija
05111008c imAM siddhAm ito netuM tatra yatra prajApatiH
05111009a yatra devo mahAdevo yatra viSNuH sanAtanaH
05111009c yatra dharmaz ca yajJaz ca tatreyaM nivased iti
05111010a so 'haM bhagavatIM yAce praNataH priyakAmyayA
05111010c mayaitan nAma pradhyAtaM manasA zocatA kila
05111011a tad evaM bahumAnAt te mayehAnIpsitaM kRtam
05111011c sukRtaM duSkRtaM vA tvaM mAhAtmyAt kSantum arhasi
05111012a sA tau tadAbravIt tuSTA patagendradvijarSabhau
05111012c na bhetavyaM suparNo 'si suparNa tyaja saMbhramam
05111013a ninditAsmi tvayA vatsa na ca nindAM kSamAmy aham
05111013c lokebhyaH sa paribhrazyed yo mAM nindeta pApakRt
05111014a hInayAlakSaNaiH sarvais tathAninditayA mayA
05111014c AcAraM pratigRhNantyA siddhiH prApteyam uttamA
05111015a AcArAl labhate dharmam AcArAl labhate dhanam
05111015c AcArAc chriyam Apnoti AcAro hanty alakSaNam
05111016a tadAyuSman khagapate yatheSTaM gamyatAm itaH
05111016c na ca te garhaNIyApi garhitavyAH striyaH kva cit
05111017a bhavitAsi yathApUrvaM balavIryasamanvitaH
05111017c babhUvatus tatas tasya pakSau draviNavattarau
05111018a anujJAtaz ca zANDilyA yathAgatam upAgamat
05111018c naiva cAsAdayAm Asa tathArUpAMs turaMgamAn
05111019a vizvAmitro 'tha taM dRSTvA gAlavaM cAdhvani sthitam
05111019c uvAca vadatAM zreSTho vainateyasya saMnidhau
05111020a yas tvayA svayam evArthaH pratijJAto mama dvija
05111020c tasya kAlo 'pavargasya yathA vA manyate bhavAn
05111021a pratIkSiSyAmy ahaM kAlam etAvantaM tathA param
05111021c yathA saMsidhyate vipra sa mArgas tu nizamyatAm
05111022a suparNo 'thAbravId dInaM gAlavaM bhRzaduHkhitam
05111022c pratyakSaM khalv idAnIM me vizvAmitro yad uktavAn
05111023a tad Agaccha dvijazreSTha mantrayiSyAva gAlava
05111023c nAdattvA gurave zakyaM kRtsnam arthaM tvayAsitum
05112001  nArada uvAca
05112001a athAha gAlavaM dInaM suparNaH patatAM varaH
05112001c nirmitaM vahninA bhUmau vAyunA vaidhitaM tathA
05112001e yasmAd dhiraNmayaM sarvaM hiraNyaM tena cocyate
05112002a dhatte dhArayate cedam etasmAt kAraNAd dhanam
05112002c tad etat triSu lokeSu dhanaM tiSThati zAzvatam
05112003a nityaM proSThapadAbhyAM ca zukre dhanapatau tathA
05112003c manuSyebhyaH samAdatte zukraz cittArjitaM dhanam
05112004a ajaikapAdahirbudhnyai rakSyate dhanadena ca
05112004c evaM na zakyate labdhum alabdhavyaM dvijarSabha
05112005a Rte ca dhanam azvAnAM nAvAptir vidyate tava
05112005c arthaM yAcAtra rAjAnaM kaM cid rAjarSivaMzajam
05112005e apIDya rAjA paurAn hi yo nau kuryAt kRtArthinau
05112006a asti somAnvavAye me jAtaH kaz cin nRpaH sakhA
05112006c abhigacchAvahe taM vai tasyAsti vibhavo bhuvi
05112007a yayAtir nAma rAjarSir nAhuSaH satyavikramaH
05112007c sa dAsyati mayA cokto bhavatA cArthitaH svayam
05112008a vibhavaz cAsya sumahAn AsId dhanapater iva
05112008c evaM sa tu dhanaM vidvAn dAnenaiva vyazodhayat
05112009a tathA tau kathayantau ca cintayantau ca yat kSamam
05112009c pratiSThAne narapatiM yayAtiM pratyupasthitau
05112010a pratigRhya ca satkAram arghAdiM bhojanaM varam
05112010c pRSTaz cAgamane hetum uvAca vinatAsutaH
05112011a ayaM me nAhuSa sakhA gAlavas tapaso nidhiH
05112011c vizvAmitrasya ziSyo 'bhUd varSANy ayutazo nRpa
05112012a so 'yaM tenAbhyanujJAta upakArepsayA dvijaH
05112012c tam Aha bhagavAn kAM te dadAni gurudakSiNAm
05112013a asakRt tena coktena kiM cid AgatamanyunA
05112013c ayam uktaH prayaccheti jAnatA vibhavaM laghu
05112014a ekataHzyAmakarNAnAM zubhrANAM zuddhajanmanAm
05112014c aSTau zatAni me dehi hayAnAM candravarcasAm
05112015a gurvartho dIyatAm eSa yadi gAlava manyase
05112015c ity evam Aha sakrodho vizvAmitras tapodhanaH
05112016a so 'yaM zokena mahatA tapyamAno dvijarSabhaH
05112016c azaktaH pratikartuM tad bhavantaM zaraNaM gataH
05112017a pratigRhya naravyAghra tvatto bhikSAM gatavyathaH
05112017c kRtvApavargaM gurave cariSyati mahat tapaH
05112018a tapasaH saMvibhAgena bhavantam api yokSyate
05112018c svena rAjarSitapasA pUrNaM tvAM pUrayiSyati
05112019a yAvanti romANi haye bhavanti hi narezvara
05112019c tAvato vAjidA lokAn prApnuvanti mahIpate
05112020a pAtraM pratigrahasyAyaM dAtuM pAtraM tathA bhavAn
05112020c zaGkhe kSIram ivAsaktaM bhavatv etat tathopamam
05113001  nArada uvAca
05113001a evam uktaH suparNena tathyaM vacanam uttamam
05113001c vimRzyAvahito rAjA nizcitya ca punaH punaH
05113002a yaSTA kratusahasrANAM dAtA dAnapatiH prabhuH
05113002c yayAtir vatsakAzIza idaM vacanam abravIt
05113003a dRSTvA priyasakhaM tArkSyaM gAlavaM ca dvijarSabham
05113003c nidarzanaM ca tapaso bhikSAM zlAghyAM ca kIrtitAm
05113004a atItya ca nRpAn anyAn AdityakulasaMbhavAn
05113004c matsakAzam anuprAptAv etau buddhim avekSya ca
05113005a adya me saphalaM janma tAritaM cAdya me kulam
05113005c adyAyaM tArito dezo mama tArkSya tvayAnagha
05113006a vaktum icchAmi tu sakhe yathA jAnAsi mAM purA
05113006c na tathA vittavAn asmi kSINaM vittaM hi me sakhe
05113007a na ca zakto 'smi te kartuM mogham AgamanaM khaga
05113007c na cAzAm asya viprarSer vitathAM kartum utsahe
05113008a tat tu dAsyAmi yat kAryam idaM saMpAdayiSyati
05113008c abhigamya hatAzo hi nivRtto dahate kulam
05113009a nAtaH paraM vainateya kiM cit pApiSTham ucyate
05113009c yathAzAnAzanaM loke dehi nAstIti vA vacaH
05113010a hatAzo hy akRtArthaH san hataH saMbhAvito naraH
05113010c hinasti tasya putrAMz ca pautrAMz cAkurvato 'rthinAm
05113011a tasmAc caturNAM vaMzAnAM sthApayitrI sutA mama
05113011c iyaM surasutaprakhyA sarvadharmopacAyinI
05113012a sadA devamanuSyANAm asurANAM ca gAlava
05113012c kAGkSitA rUpato bAlA sutA me pratigRhyatAm
05113013a asyAH zulkaM pradAsyanti nRpA rAjyam api dhruvam
05113013c kiM punaH zyAmakarNAnAM hayAnAM dve catuHzate
05113014a sa bhavAn pratigRhNAtu mamemAM mAdhavIM sutAm
05113014c ahaM dauhitravAn syAM vai vara eSa mama prabho
05113015a pratigRhya ca tAM kanyAM gAlavaH saha pakSiNA
05113015c punar drakSyAva ity uktvA pratasthe saha kanyayA
05113016a upalabdham idaM dvAram azvAnAm iti cANDajaH
05113016c uktvA gAlavam ApRcchya jagAma bhavanaM svakam
05113017a gate patagarAje tu gAlavaH saha kanyayA
05113017c cintayAnaH kSamaM dAne rAjJAM vai zulkato 'gamat
05113018a so 'gacchan manasekSvAkuM haryazvaM rAjasattamam
05113018c ayodhyAyAM mahAvIryaM caturaGgabalAnvitam
05113019a kozadhAnyabalopetaM priyapauraM dvijapriyam
05113019c prajAbhikAmaM zAmyantaM kurvANaM tapa uttamam
05113020a tam upAgamya vipraH sa haryazvaM gAlavo 'bravIt
05113020c kanyeyaM mama rAjendra prasavaiH kulavardhinI
05113021a iyaM zulkena bhAryArthe haryazva pratigRhyatAm
05113021c zulkaM te kIrtayiSyAmi tac chrutvA saMpradhAryatAm
05114001  nArada uvAca
05114001a haryazvas tv abravId rAjA vicintya bahudhA tataH
05114001c dIrgham uSNaM ca niHzvasya prajAhetor nRpottamaH
05114002a unnateSUnnatA SaTsu sUkSmA sUkSmeSu saptasu
05114002c gambhIrA triSu gambhIreSv iyaM raktA ca paJcasu
05114003a bahudevAsurAlokA bahugandharvadarzanA
05114003c bahulakSaNasaMpannA bahuprasavadhAriNI
05114004a samartheyaM janayituM cakravartinam Atmajam
05114004c brUhi zulkaM dvijazreSTha samIkSya vibhavaM mama
05114005  gAlava uvAca
05114005a ekataHzyAmakarNAnAM zatAny aSTau dadasva me
05114005c hayAnAM candrazubhrANAM dezajAnAM vapuSmatAm
05114006a tatas tava bhavitrIyaM putrANAM jananI zubhA
05114006c araNIva hutAzAnAM yonir AyatalocanA
05114007  nArada uvAca
05114007a etac chrutvA vaco rAjA haryazvaH kAmamohitaH
05114007c uvAca gAlavaM dIno rAjarSir RSisattamam
05114008a dve me zate saMnihite hayAnAM yad vidhAs tava
05114008c eSTavyAH zatazas tv anye caranti mama vAjinaH
05114009a so 'ham ekam apatyaM vai janayiSyAmi gAlava
05114009c asyAm etaM bhavAn kAmaM saMpAdayatu me varam
05114010a etac chrutvA tu sA kanyA gAlavaM vAkyam abravIt
05114010c mama datto varaH kaz cit kena cid brahmavAdinA
05114011a prasUtyante prasUtyante kanyaiva tvaM bhaviSyasi
05114011c sa tvaM dadasva mAM rAjJe pratigRhya hayottamAn
05114012a nRpebhyo hi caturbhyas te pUrNAny aSTau zatAni vai
05114012c bhaviSyanti tathA putrA mama catvAra eva ca
05114013a kriyatAM mama saMhAro gurvarthaM dvijasattama
05114013c eSA tAvan mama prajJA yathA vA manyase dvija
05114014a evam uktas tu sa muniH kanyayA gAlavas tadA
05114014c haryazvaM pRthivIpAlam idaM vacanam abravIt
05114015a iyaM kanyA narazreSTha haryazva pratigRhyatAm
05114015c caturbhAgena zulkasya janayasvaikam Atmajam
05114016a pratigRhya sa tAM kanyAM gAlavaM pratinandya ca
05114016c samaye dezakAle ca labdhavAn sutam Ipsitam
05114017a tato vasumanA nAma vasubhyo vasumattaraH
05114017c vasuprakhyo narapatiH sa babhUva vasupradaH
05114018a atha kAle punar dhImAn gAlavaH pratyupasthitaH
05114018c upasaMgamya covAca haryazvaM prItimAnasam
05114019a jAto nRpa sutas te 'yaM bAlabhAskarasaMnibhaH
05114019c kAlo gantuM narazreSTha bhikSArtham aparaM nRpam
05114020a haryazvaH satyavacane sthitaH sthitvA ca pauruSe
05114020c durlabhatvAd dhayAnAM ca pradadau mAdhavIM punaH
05114021a mAdhavI ca punar dIptAM parityajya nRpazriyam
05114021c kumArI kAmato bhUtvA gAlavaM pRSThato 'nvagAt
05114022a tvayy eva tAvat tiSThantu hayA ity uktavAn dvijaH
05114022c prayayau kanyayA sArdhaM divodAsaM prajezvaram
05115001  gAlava uvAca
05115001a mahAvIryo mahIpAlaH kAzInAm IzvaraH prabhuH
05115001c divodAsa iti khyAto bhaimasenir narAdhipaH
05115002a tatra gacchAvahe bhadre zanair Agaccha mA zucaH
05115002c dhArmikaH saMyame yuktaH satyaz caiva janezvaraH
05115003  nArada uvAca
05115003a tam upAgamya sa munir nyAyatas tena satkRtaH
05115003c gAlavaH prasavasyArthe taM nRpaM pratyacodayat
05115004  divodAsa uvAca
05115004a zrutam etan mayA pUrvaM kim uktvA vistaraM dvija
05115004c kAGkSito hi mayaiSo 'rthaH zrutvaitad dvijasattama
05115005a etac ca me bahumataM yad utsRjya narAdhipAn
05115005c mAm evam upayAto 'si bhAvi caitad asaMzayam
05115006a sa eva vibhavo 'smAkam azvAnAm api gAlava
05115006c aham apy ekam evAsyAM janayiSyAmi pArthivam
05115007  nArada uvAca
05115007a tathety uktvA dvijazreSThaH prAdAt kanyAM mahIpateH
05115007c vidhipUrvaM ca tAM rAjA kanyAM pratigRhItavAn
05115008a reme sa tasyAM rAjarSiH prabhAvatyAM yathA raviH
05115008c svAhAyAM ca yathA vahnir yathA zacyAM sa vAsavaH
05115009a yathA candraz ca rohiNyAM yathA dhUmorNayA yamaH
05115009c varuNaz ca yathA gauryAM yathA carddhyAM dhanezvaraH
05115010a yathA nArAyaNo lakSmyAM jAhnavyAM ca yathodadhiH
05115010c yathA rudraz ca rudrANyAM yathA vedyAM pitAmahaH
05115011a adRzyantyAM ca vAsiSTho vasiSThaz cAkSamAlayA
05115011c cyavanaz ca sukanyAyAM pulastyaH saMdhyayA yathA
05115012a agastyaz cApi vaidarbhyAM sAvitryAM satyavAn yathA
05115012c yathA bhRguH pulomAyAm adityAM kazyapo yathA
05115013a reNukAyAM yathArcIko haimavatyAM ca kauzikaH
05115013c bRhaspatiz ca tArAyAM zukraz ca zataparvayA
05115014a yathA bhUmyAM bhUmipatir urvazyAM ca purUravAH
05115014c RcIkaH satyavatyAM ca sarasvatyAM yathA manuH
05115015a tathA tu ramamANasya divodAsasya bhUpateH
05115015c mAdhavI janayAm Asa putram ekaM pratardanam
05115016a athAjagAma bhagavAn divodAsaM sa gAlavaH
05115016c samaye samanuprApte vacanaM cedam abravIt
05115017a niryAtayatu me kanyAM bhavAMs tiSThantu vAjinaH
05115017c yAvad anyatra gacchAmi zulkArthaM pRthivIpate
05115018a divodAso 'tha dharmAtmA samaye gAlavasya tAm
05115018c kanyAM niryAtayAm Asa sthitaH satye mahIpatiH
05116001  nArada uvAca
05116001a tathaiva sA zriyaM tyaktvA kanyA bhUtvA yazasvinI
05116001c mAdhavI gAlavaM vipram anvayAt satyasaMgarA
05116002a gAlavo vimRzann eva svakAryagatamAnasaH
05116002c jagAma bhojanagaraM draSTum auzInaraM nRpam
05116003a tam uvAcAtha gatvA sa nRpatiM satyavikramam
05116003c iyaM kanyA sutau dvau te janayiSyati pArthivau
05116004a asyAM bhavAn avAptArtho bhavitA pretya ceha ca
05116004c somArkapratisaMkAzau janayitvA sutau nRpa
05116005a zulkaM tu sarvadharmajJa hayAnAM candravarcasAm
05116005c ekataHzyAmakarNAnAM deyaM mahyaM catuHzatam
05116006a gurvartho 'yaM samArambho na hayaiH kRtyam asti me
05116006c yadi zakyaM mahArAja kriyatAM mA vicAryatAm
05116007a anapatyo 'si rAjarSe putrau janaya pArthiva
05116007c pitqn putraplavena tvam AtmAnaM caiva tAraya
05116008a na putraphalabhoktA hi rAjarSe pAtyate divaH
05116008c na yAti narakaM ghoraM yatra gacchanty anAtmajAH
05116009a etac cAnyac ca vividhaM zrutvA gAlavabhASitam
05116009c uzInaraH prativaco dadau tasya narAdhipaH
05116010a zrutavAn asmi te vAkyaM yathA vadasi gAlava
05116010c vidhis tu balavAn brahman pravaNaM hi mano mama
05116011a zate dve tu mamAzvAnAm IdRzAnAM dvijottama
05116011c itareSAM sahasrANi subahUni caranti me
05116012a aham apy ekam evAsyAM janayiSyAmi gAlava
05116012c putraM dvija gataM mArgaM gamiSyAmi parair aham
05116013a mUlyenApi samaM kuryAM tavAhaM dvijasattama
05116013c paurajAnapadArthaM tu mamArtho nAtmabhogataH
05116014a kAmato hi dhanaM rAjA pArakyaM yaH prayacchati
05116014c na sa dharmeNa dharmAtman yujyate yazasA na ca
05116015a so 'haM pratigrahISyAmi dadAtv etAM bhavAn mama
05116015c kumArIM devagarbhAbhAm ekaputrabhavAya me
05116016a tathA tu bahukalyANam uktavantaM narAdhipam
05116016c uzInaraM dvijazreSTho gAlavaH pratyapUjayat
05116017a uzInaraM pratigrAhya gAlavaH prayayau vanam
05116017c reme sa tAM samAsAdya kRtapuNya iva zriyam
05116018a kandareSu ca zailAnAM nadInAM nirjhareSu ca
05116018c udyAneSu vicitreSu vaneSUpavaneSu ca
05116019a harmyeSu ramaNIyeSu prAsAdazikhareSu ca
05116019c vAtAyanavimAneSu tathA garbhagRheSu ca
05116020a tato 'sya samaye jajJe putro bAlaraviprabhaH
05116020c zibir nAmnAbhivikhyAto yaH sa pArthivasattamaH
05116021a upasthAya sa taM vipro gAlavaH pratigRhya ca
05116021c kanyAM prayAtas tAM rAjan dRSTavAn vinatAtmajam
05117001  nArada uvAca
05117001a gAlavaM vainateyo 'tha prahasann idam abravIt
05117001c diSTyA kRtArthaM pazyAmi bhavantam iha vai dvija
05117002a gAlavas tu vacaH zrutvA vainateyena bhASitam
05117002c caturbhAgAvaziSTaM tad Acakhyau kAryam asya hi
05117003a suparNas tv abravId enaM gAlavaM patatAM varaH
05117003c prayatnas te na kartavyo naiSa saMpatsyate tava
05117004a purA hi kanyakubje vai gAdheH satyavatIM sutAm
05117004c bhAryArthe 'varayat kanyAm RcIkas tena bhASitaH
05117005a ekataHzyAmakarNAnAM hayAnAM candravarcasAm
05117005c bhagavan dIyatAM mahyaM sahasram iti gAlava
05117006a RcIkas tu tathety uktvA varuNasyAlayaM gataH
05117006c azvatIrthe hayA&l labdhvA dattavAn pArthivAya vai
05117007a iSTvA te puNDarIkeNa dattA rAjJA dvijAtiSu
05117007c tebhyo dve dve zate krItvA prAptAs te pArthivais tadA
05117008a aparANy api catvAri zatAni dvijasattama
05117008c nIyamAnAni saMtAre hRtAny Asan vitastayA
05117008e evaM na zakyam aprApyaM prAptuM gAlava karhi cit
05117009a imAm azvazatAbhyAM vai dvAbhyAM tasmai nivedaya
05117009c vizvAmitrAya dharmAtman SaDbhir azvazataiH saha
05117009e tato 'si gatasaMmohaH kRtakRtyo dvijarSabha
05117010a gAlavas taM tathety uktvA suparNasahitas tataH
05117010c AdAyAzvAMz ca kanyAM ca vizvAmitram upAgamat
05117011  gAlava uvAca
05117011a azvAnAM kAGkSitArthAnAM SaD imAni zatAni vai
05117011c zatadvayena kanyeyaM bhavatA pratigRhyatAm
05117012a asyAM rAjarSibhiH putrA jAtA vai dhArmikAs trayaH
05117012c caturthaM janayatv ekaM bhavAn api narottama
05117013a pUrNAny evaM zatAny aSTau turagANAM bhavantu te
05117013c bhavato hy anRNo bhUtvA tapaH kuryAM yathAsukham
05117014  nArada uvAca
05117014a vizvAmitras tu taM dRSTvA gAlavaM saha pakSiNA
05117014c kanyAM ca tAM varArohAm idam ity abravId vacaH
05117015a kim iyaM pUrvam eveha na dattA mama gAlava
05117015c putrA mamaiva catvAro bhaveyuH kulabhAvanAH
05117016a pratigRhNAmi te kanyAm ekaputraphalAya vai
05117016c azvAz cAzramam AsAdya tiSThantu mama sarvazaH
05117017a sa tayA ramamANo 'tha vizvAmitro mahAdyutiH
05117017c AtmajaM janayAm Asa mAdhavIputram aSTakam
05117018a jAtamAtraM sutaM taM ca vizvAmitro mahAdyutiH
05117018c saMyojyArthais tathA dharmair azvais taiH samayojayat
05117019a athASTakaH puraM prAyAt tadA somapuraprabham
05117019c niryAtya kanyAM ziSyAya kauziko 'pi vanaM yayau
05117020a gAlavo 'pi suparNena saha niryAtya dakSiNAm
05117020c manasAbhipratItena kanyAm idam uvAca ha
05117021a jAto dAnapatiH putras tvayA zUras tathAparaH
05117021c satyadharmarataz cAnyo yajvA cApi tathAparaH
05117022a tad Agaccha varArohe tAritas te pitA sutaiH
05117022c catvAraz caiva rAjAnas tathAhaM ca sumadhyame
05117023a gAlavas tv abhyanujJAya suparNaM pannagAzanam
05117023c pitur niryAtya tAM kanyAM prayayau vanam eva ha
05118001  nArada uvAca
05118001a sa tu rAjA punas tasyAH kartukAmaH svayaMvaram
05118001c upagamyAzramapadaM gaGgAyamunasaMgame
05118002a gRhItamAlyadAmAM tAM ratham Aropya mAdhavIm
05118002c pUrur yaduz ca bhaginIm Azrame paryadhAvatAm
05118003a nAgayakSamanuSyANAM patatrimRgapakSiNAm
05118003c zailadrumavanaukAnAm AsIt tatra samAgamaH
05118004a nAnApuruSadezAnAm Izvaraiz ca samAkulam
05118004c RSibhir brahmakalpaiz ca samantAd AvRtaM vanam
05118005a nirdizyamAneSu tu sA vareSu varavarNinI
05118005c varAn utkramya sarvAMs tAn vanaM vRtavatI varam
05118006a avatIrya rathAt kanyA namaskRtvA ca bandhuSu
05118006c upagamya vanaM puNyaM tapas tepe yayAtijA
05118007a upavAsaiz ca vividhair dIkSAbhir niyamais tathA
05118007c Atmano laghutAM kRtvA babhUva mRgacAriNI
05118008a vaiDUryAGkurakalpAni mRdUni haritAni ca
05118008c carantI zaSpamukhyAni tiktAni madhurANi ca
05118009a sravantInAM ca puNyAnAM surasAni zucIni ca
05118009c pibantI vArimukhyAni zItAni vimalAni ca
05118010a vaneSu mRgarAjeSu siMhaviproSiteSu ca
05118010c dAvAgnivipramukteSu zUnyeSu gahaneSu ca
05118011a carantI hariNaiH sArdhaM mRgIva vanacAriNI
05118011c cacAra vipulaM dharmaM brahmacaryeNa saMvRtA
05118012a yayAtir api pUrveSAM rAjJAM vRttam anuSThitaH
05118012c bahuvarSasahasrAyur ayujat kAladharmaNA
05118013a pUrur yaduz ca dvau vaMzau vardhamAnau narottamau
05118013c tAbhyAM pratiSThito loke paraloke ca nAhuSaH
05118014a mahIyate narapatir yayAtiH svargam AsthitaH
05118014c maharSikalpo nRpatiH svargAgryaphalabhug vibhuH
05118015a bahuvarSasahasrAkhye kAle bahuguNe gate
05118015c rAjarSiSu niSaNNeSu mahIyaHsu maharSiSu
05118016a avamene narAn sarvAn devAn RSigaNAMs tathA
05118016c yayAtir mUDhavijJAno vismayAviSTacetanaH
05118017a tatas taM bubudhe devaH zakro balaniSUdanaH
05118017c te ca rAjarSayaH sarve dhig dhig ity evam abruvan
05118018a vicAraz ca samutpanno nirIkSya nahuSAtmajam
05118018c ko nv ayaM kasya vA rAjJaH kathaM vA svargam AgataH
05118019a karmaNA kena siddho 'yaM kva vAnena tapaz citam
05118019c kathaM vA jJAyate svarge kena vA jJAyate 'py uta
05118020a evaM vicArayantas te rAjAnaH svargavAsinaH
05118020c dRSTvA papracchur anyonyaM yayAtiM nRpatiM prati
05118021a vimAnapAlAH zatazaH svargadvArAbhirakSiNaH
05118021c pRSTA AsanapAlAz ca na jAnImety athAbruvan
05118022a sarve te hy AvRtajJAnA nAbhyajAnanta taM nRpam
05118022c sa muhUrtAd atha nRpo hataujA abhavat tadA
05119001  nArada uvAca
05119001a atha pracalitaH sthAnAd AsanAc ca paricyutaH
05119001c kampitenaiva manasA dharSitaH zokavahninA
05119002a mlAnasragbhraSTavijJAnaH prabhraSTamukuTAGgadaH
05119002c vighUrNan srastasarvAGgaH prabhraSTAbharaNAmbaraH
05119003a adRzyamAnas tAn pazyann apazyaMz ca punaH punaH
05119003c zUnyaH zUnyena manasA prapatiSyan mahItalam
05119004a kiM mayA manasA dhyAtam azubhaM dharmadUSaNam
05119004c yenAhaM calitaH sthAnAd iti rAjA vyacintayat
05119005a te tu tatraiva rAjAnaH siddhAz cApsarasas tathA
05119005c apazyanta nirAlambaM yayAtiM taM paricyutam
05119006a athaitya puruSaH kaz cit kSINapuNyanipAtakaH
05119006c yayAtim abravId rAjan devarAjasya zAsanAt
05119007a atIva madamattas tvaM na kaM cin nAvamanyase
05119007c mAnena bhraSTaH svargas te nArhas tvaM pArthivAtmaja
05119007e na ca prajJAyase gaccha patasveti tam abravIt
05119008a pateyaM satsv iti vacas trir uktvA nahuSAtmajaH
05119008c patiSyaMz cintayAm Asa gatiM gatimatAM varaH
05119009a etasminn eva kAle tu naimiSe pArthivarSabhAn
05119009c caturo 'pazyata nRpas teSAM madhye papAta saH
05119010a pratardano vasumanAH zibirauzInaro 'STakaH
05119010c vAjapeyena yajJena tarpayanti surezvaram
05119011a teSAm adhvarajaM dhUmaM svargadvAram upasthitam
05119011c yayAtir upajighran vai nipapAta mahIM prati
05119012a bhUmau svarge ca saMbaddhAM nadIM dhUmamayIM nRpaH
05119012c sa gaGgAm iva gacchantIm Alambya jagatIpatiH
05119013a zrImatsv avabhRthAgryeSu caturSu pratibandhuSu
05119013c madhye nipatito rAjA lokapAlopameSu ca
05119014a caturSu hutakalpeSu rAjasiMhamahAgniSu
05119014c papAta madhye rAjarSir yayAtiH puNyasaMkSaye
05119015a tam AhuH pArthivAH sarve pratimAnam iva zriyaH
05119015c ko bhavAn kasya vA bandhur dezasya nagarasya vA
05119016a yakSo vApy atha vA devo gandharvo rAkSaso 'pi vA
05119016c na hi mAnuSarUpo 'si ko vArthaH kAGkSitas tvayA
05119017  yayAtir uvAca
05119017a yayAtir asmi rAjarSiH kSINapuNyaz cyuto divaH
05119017c pateyaM satsv iti dhyAyan bhavatsu patitas tataH
05119018  rAjAna UcuH
05119018a satyam etad bhavatu te kAGkSitaM puruSarSabha
05119018c sarveSAM naH kratuphalaM dharmaz ca pratigRhyatAm
05119019  yayAtir uvAca
05119019a nAhaM pratigrahadhano brAhmaNaH kSatriyo hy aham
05119019c na ca me pravaNA buddhiH parapuNyavinAzane
05119020  nArada uvAca
05119020a etasminn eva kAle tu mRgacaryAkramAgatAm
05119020c mAdhavIM prekSya rAjAnas te 'bhivAdyedam abruvan
05119021a kim AgamanakRtyaM te kiM kurmaH zAsanaM tava
05119021c AjJApyA hi vayaM sarve tava putrAs tapodhane
05119022a teSAM tad bhASitaM zrutvA mAdhavI parayA mudA
05119022c pitaraM samupAgacchad yayAtiM sA vavanda ca
05119023a dRSTvA mUrdhnA natAn putrAMs tApasI vAkyam abravIt
05119023c dauhitrAs tava rAjendra mama putrA na te parAH
05119023e ime tvAM tArayiSyanti diSTam etat purAtanam
05119024a ahaM te duhitA rAjan mAdhavI mRgacAriNI
05119024c mayApy upacito dharmas tato 'rdhaM pratigRhyatAm
05119025a yasmAd rAjan narAH sarve apatyaphalabhAginaH
05119025c tasmAd icchanti dauhitrAn yathA tvaM vasudhAdhipa
05119026a tatas te pArthivAH sarve zirasA jananIM tadA
05119026c abhivAdya namaskRtya mAtAmaham athAbruvan
05119027a uccair anupamaiH snigdhaiH svarair ApUrya medinIm
05119027c mAtAmahaM nRpatayas tArayanto divaz cyutam
05119028a atha tasmAd upagato gAlavo 'py Aha pArthivam
05119028c tapaso me 'STabhAgena svargam ArohatAM bhavAn
05120001  nArada uvAca
05120001a pratyabhijJAtamAtro 'tha sadbhis tair narapuMgavaH
05120001c yayAtir divyasaMsthAno babhUva vigatajvaraH
05120002a divyamAlyAmbaradharo divyAbharaNabhUSitaH
05120002c divyagandhaguNopeto na pRthvIm aspRzat padA
05120003a tato vasumanAH pUrvam uccair uccArayan vacaH
05120003c khyAto dAnapatir loke vyAjahAra nRpaM tadA
05120004a prAptavAn asmi yal loke sarvavarNeSv agarhayA
05120004c tad apy atha ca dAsyAmi tena saMyujyatAM bhavAn
05120005a yat phalaM dAnazIlasya kSamAzIlasya yat phalam
05120005c yac ca me phalam AdhAne tena saMyujyatAM bhavAn
05120006a tataH pratardano 'py Aha vAkyaM kSatriyapuMgavaH
05120006c yathA dharmaratir nityaM nityaM yuddhaparAyaNaH
05120007a prAptavAn asmi yal loke kSatradharmodbhavaM yazaH
05120007c vIrazabdaphalaM caiva tena saMyujyatAM bhavAn
05120008a zibirauzInaro dhImAn uvAca madhurAM giram
05120008c yathA bAleSu nArISu vaihAryeSu tathaiva ca
05120009a saMgareSu nipAteSu tathApad vyasaneSu ca
05120009c anRtaM noktapUrvaM me tena satyena khaM vraja
05120010a yathA prANAMz ca rAjyaM ca rAjan karma sukhAni ca
05120010c tyajeyaM na punaH satyaM tena satyena khaM vraja
05120011a yathA satyena me dharmo yathA satyena pAvakaH
05120011c prItaH zakraz ca satyena tena satyena khaM vraja
05120012a aSTakas tv atha rAjarSiH kauziko mAdhavIsutaH
05120012c anekazatayajvAnaM vacanaM prAha dharmavit
05120013a zatazaH puNDarIkA me gosavAz ca citAH prabho
05120013c kratavo vAjapeyAz ca teSAM phalam avApnuhi
05120014a na me ratnAni na dhanaM na tathAnye paricchadAH
05120014c kratuSv anupayuktAni tena satyena khaM vraja
05120015a yathA yathA hi jalpanti dauhitrAs taM narAdhipam
05120015c tathA tathA vasumatIM tyaktvA rAjA divaM yayau
05120016a evaM sarve samastAs te rAjAnaH sukRtais tadA
05120016c yayAtiM svargato bhraSTaM tArayAm Asur aJjasA
05120017a dauhitrAH svena dharmeNa yajJadAnakRtena vai
05120017c caturSu rAjavaMzeSu saMbhUtAH kulavardhanAH
05120017e mAtAmahaM mahAprAjJaM divam Aropayanti te
05120018  rAjAna UcuH
05120018a rAjadharmaguNopetAH sarvadharmaguNAnvitAH
05120018c dauhitrAs te vayaM rAjan divam Aroha pArthivaH
05121001  nArada uvAca
05121001a sadbhir AropitaH svargaM pArthivair bhUridakSiNaiH
05121001c abhyanujJAya dauhitrAn yayAtir divam AsthitaH
05121002a abhivRSTaz ca varSeNa nAnApuSpasugandhinA
05121002c pariSvaktaz ca puNyena vAyunA puNyagandhinA
05121003a acalaM sthAnam Aruhya dauhitraphalanirjitam
05121003c karmabhiH svair upacito jajvAla parayA zriyA
05121004a upagItopanRttaz ca gandharvApsarasAM gaNaiH
05121004c prItyA pratigRhItaz ca svarge dundubhinisvanaiH
05121005a abhiSTutaz ca vividhair devarAjarSicAraNaiH
05121005c arcitaz cottamArgheNa daivatair abhinanditaH
05121006a prAptaH svargaphalaM caiva tam uvAca pitAmahaH
05121006c nirvRtaM zAntamanasaM vacobhis tarpayann iva
05121007a catuSpAdas tvayA dharmaz cito lokyena karmaNA
05121007c akSayas tava loko 'yaM kIrtiz caivAkSayA divi
05121007e punas tavAdya rAjarSe sukRteneha karmaNA
05121008a AvRtaM tamasA cetaH sarveSAM svargavAsinAm
05121008c yena tvAM nAbhijAnanti tato 'jJAtvAsi pAtitaH
05121009a prItyaiva cAsi dauhitrais tAritas tvam ihAgataH
05121009c sthAnaM ca pratipanno 'si karmaNA svena nirjitam
05121009e acalaM zAzvataM puNyam uttamaM dhruvam avyayam
05121010  yayAtir uvAca
05121010a bhagavan saMzayo me 'sti kaz cit taM chettum arhasi
05121010c na hy anyam aham arhAmi praSTuM lokapitAmaha
05121011a bahuvarSasahasrAntaM prajApAlanavardhitam
05121011c anekakratudAnaughair arjitaM me mahat phalam
05121012a kathaM tad alpakAlena kSINaM yenAsmi pAtitaH
05121012c bhagavan vettha lokAMz ca zAzvatAn mama nirjitAn
05121013  pitAmaha uvAca
05121013a bahuvarSasahasrAntaM prajApAlanavardhitam
05121013c anekakratudAnaughair yat tvayopArjitaM phalam
05121014a tad anenaiva doSeNa kSINaM yenAsi pAtitaH
05121014c abhimAnena rAjendra dhikkRtaH svargavAsibhiH
05121015a nAyaM mAnena rAjarSe na balena na hiMsayA
05121015c na zAThyena na mAyAbhir loko bhavati zAzvataH
05121016a nAvamAnyAs tvayA rAjann avarotkRSTamadhyamAH
05121016c na hi mAnapradagdhAnAM kaz cid asti samaH kva cit
05121017a patanArohaNam idaM kathayiSyanti ye narAH
05121017c viSamANy api te prAptAs tariSyanti na saMzayaH
05121018  nArada uvAca
05121018a eSa doSo 'bhimAnena purA prApto yayAtinA
05121018c nirbandhataz cAtimAtraM gAlavena mahIpate
05121019a zrotavyaM hitakAmAnAM suhRdAM bhUtim icchatAm
05121019c na kartavyo hi nirbandho nirbandho hi kSayodayaH
05121020a tasmAt tvam api gAndhAre mAnaM krodhaM ca varjaya
05121020c saMdhatsva pANDavair vIra saMrambhaM tyaja pArthiva
05121021a dadAti yat pArthiva yat karoti; yad vA tapas tapyati yaj juhoti
05121021c na tasya nAzo 'sti na cApakarSo; nAnyas tad aznAti sa eva kartA
05121022a idaM mahAkhyAnam anuttamaM mataM; bahuzrutAnAM gataroSarAgiNAm
05121022c samIkSya loke bahudhA pradhAvitA; trivargadRSTiH pRthivIm upAznute
05122001  dhRtarASTra uvAca
05122001a bhagavann evam evaitad yathA vadasi nArada
05122001c icchAmi cAham apy evaM na tv Izo bhagavann aham
05122002  vaizaMpAyana uvAca
05122002a evam uktvA tataH kRSNam abhyabhASata bhArata
05122002c svargyaM lokyaM ca mAm Attha dharmyaM nyAyyaM ca kezava
05122003a na tv ahaM svavazas tAta kriyamANaM na me priyam
05122003c aGga duryodhanaM kRSNa mandaM zAstrAtigaM mama
05122004a anunetuM mahAbAho yatasva puruSottama
05122004c suhRtkAryaM tu sumahat kRtaM te syAj janArdana
05122005a tato 'bhyAvRtya vArSNeyo duryodhanam amarSaNam
05122005c abravIn madhurAM vAcaM sarvadharmArthatattvavit
05122006a duryodhana nibodhedaM madvAkyaM kurusattama
05122006c samarthaM te vizeSeNa sAnubandhasya bhArata
05122007a mahAprAjJa kule jAtaH sAdhv etat kartum arhasi
05122007c zrutavRttopasaMpannaH sarvaiH samudito guNaiH
05122008a dauSkuleyA durAtmAno nRzaMsA nirapatrapAH
05122008c ta etad IdRzaM kuryur yathA tvaM tAta manyase
05122009a dharmArthayuktA loke 'smin pravRttir lakSyate satAm
05122009c asatAM viparItA tu lakSyate bharatarSabha
05122010a viparItA tv iyaM vRttir asakRl lakSyate tvayi
05122010c adharmaz cAnubandho 'tra ghoraH prANaharo mahAn
05122011a anekazas tvannimittam ayazasyaM ca bhArata
05122011c tam anarthaM pariharann AtmazreyaH kariSyasi
05122012a bhrAtqNAm atha bhRtyAnAM mitrANAM ca paraMtapa
05122012c adharmyAd ayazasyAc ca karmaNas tvaM pramokSyase
05122013a prAjJaiH zUrair mahotsAhair Atmavadbhir bahuzrutaiH
05122013c saMdhatsva puruSavyAghra pANDavair bharatarSabha
05122014a tad dhitaM ca priyaM caiva dhRtarASTrasya dhImataH
05122014c pitAmahasya droNasya vidurasya mahAmateH
05122015a kRpasya somadattasya bAhlIkasya ca dhImataH
05122015c azvatthAmno vikarNasya saMjayasya vizAM pate
05122016a jJAtInAM caiva bhUyiSThaM mitrANAM ca paraMtapa
05122016c zame zarma bhavet tAta sarvasya jagatas tathA
05122017a hrImAn asi kule jAtaH zrutavAn anRzaMsavAn
05122017c tiSTha tAta pituH zAstre mAtuz ca bharatarSabha
05122018a etac chreyo hi manyante pitA yac chAsti bhArata
05122018c uttamApadgataH sarvaH pituH smarati zAsanam
05122019a rocate te pitus tAta pANDavaiH saha saMgamaH
05122019c sAmAtyasya kuruzreSTha tat tubhyaM tAta rocatAm
05122020a zrutvA yaH suhRdAM zAstraM martyo na pratipadyate
05122020c vipAkAnte dahaty enaM kiMpAkam iva bhakSitam
05122021a yas tu niHzreyasaM vAkyaM mohAn na pratipadyate
05122021c sa dIrghasUtro hInArthaH pazcAttApena yujyate
05122022a yas tu niHzreyasaM zrutvA prAptam evAbhipadyate
05122022c Atmano matam utsRjya sa loke sukham edhate
05122023a yo 'rthakAmasya vacanaM prAtikUlyAn na mRSyate
05122023c zRNoti pratikUlAni dviSatAM vazam eti saH
05122024a satAM matam atikramya yo 'satAM vartate mate
05122024c zocante vyasane tasya suhRdo nacirAd iva
05122025a mukhyAn amAtyAn utsRjya yo nihInAn niSevate
05122025c sa ghorAm ApadaM prApya nottAram adhigacchati
05122026a yo 'satsevI vRthAcAro na zrotA suhRdAM sadA
05122026c parAn vRNIte svAn dveSTi taM gauH zapati bhArata
05122027a sa tvaM virudhya tair vIrair anyebhyas trANam icchasi
05122027c aziSTebhyo 'samarthebhyo mUDhebhyo bharatarSabha
05122028a ko hi zakrasamAJ jJAtIn atikramya mahArathAn
05122028c anyebhyas trANam AzaMset tvad anyo bhuvi mAnavaH
05122029a janmaprabhRti kaunteyA nityaM vinikRtAs tvayA
05122029c na ca te jAtu kupyanti dharmAtmAno hi pANDavAH
05122030a mithyApracaritAs tAta janmaprabhRti pANDavAH
05122030c tvayi samyaG mahAbAho pratipannA yazasvinaH
05122031a tvayApi pratipattavyaM tathaiva bharatarSabha
05122031c sveSu bandhuSu mukhyeSu mA manyuvazam anvagAH
05122032a trivargayuktA prAjJAnAm ArambhA bharatarSabha
05122032c dharmArthAv anurudhyante trivargAsaMbhave narAH
05122033a pRthak tu viniviSTAnAM dharmaM dhIro 'nurudhyate
05122033c madhyamo 'rthaM kaliM bAlaH kAmam evAnurudhyate
05122034a indriyaiH prasRto lobhAd dharmaM viprajahAti yaH
05122034c kAmArthAv anupAyena lipsamAno vinazyati
05122035a kAmArthau lipsamAnas tu dharmam evAditaz caret
05122035c na hi dharmAd apaity arthaH kAmo vApi kadA cana
05122036a upAyaM dharmam evAhus trivargasya vizAM pate
05122036c lipsamAno hi tenAzu kakSe 'gnir iva vardhate
05122037a sa tvaM tAtAnupAyena lipsase bharatarSabha
05122037c AdhirAjyaM mahad dIptaM prathitaM sarvarAjasu
05122038a AtmAnaM takSati hy eSa vanaM parazunA yathA
05122038c yaH samyag vartamAneSu mithyA rAjan pravartate
05122039a na tasya hi matiM chindyAd yasya necchet parAbhavam
05122039c avicchinnasya dhIrasya kalyANe dhIyate matiH
05122040a tyaktAtmAnaM na bAdheta triSu lokeSu bhArata
05122040c apy anyaM prAkRtaM kiM cit kim u tAn pANDavarSabhAn
05122041a amarSavazam Apanno na kiM cid budhyate naraH
05122041c chidyate hy AtataM sarvaM pramANaM pazya bhArata
05122042a zreyas te durjanAt tAta pANDavaiH saha saMgamaH
05122042c tair hi saMprIyamANas tvaM sarvAn kAmAn avApsyasi
05122043a pANDavair nirjitAM bhUmiM bhuJjAno rAjasattama
05122043c pANDavAn pRSThataH kRtvA trANam AzaMsase 'nyataH
05122044a duHzAsane durviSahe karNe cApi sasaubale
05122044c eteSv aizvaryam AdhAya bhUtim icchasi bhArata
05122045a na caite tava paryAptA jJAne dharmArthayos tathA
05122045c vikrame cApy aparyAptAH pANDavAn prati bhArata
05122046a na hIme sarvarAjAnaH paryAptAH sahitAs tvayA
05122046c kruddhasya bhImasenasya prekSituM mukham Ahave
05122047a idaM saMnihitaM tAta samagraM pArthivaM balam
05122047c ayaM bhISmas tathA droNaH karNaz cAyaM tathA kRpaH
05122048a bhUrizravAH saumadattir azvatthAmA jayadrathaH
05122048c azaktAH sarva evaite pratiyoddhuM dhanaMjayam
05122049a ajeyo hy arjunaH kruddhaH sarvair api surAsuraiH
05122049c mAnuSair api gandharvair mA yuddhe ceta AdhithAH
05122050a dRzyatAM vA pumAn kaz cit samagre pArthive bale
05122050c yo 'rjunaM samare prApya svastimAn Avrajed gRhAn
05122051a kiM te janakSayeNeha kRtena bharatarSabha
05122051c yasmiJ jite jitaM te syAt pumAn ekaH sa dRzyatAm
05122052a yaH sa devAn sagandharvAn sayakSAsurapannagAn
05122052c ajayat khANDavaprasthe kas taM yudhyeta mAnavaH
05122053a tathA virATanagare zrUyate mahad adbhutam
05122053c ekasya ca bahUnAM ca paryAptaM tan nidarzanam
05122054a tam ajeyam anAdhRSyaM vijetuM jiSNum acyutam
05122054c AzaMsasIha samare vIram arjunam Urjitam
05122055a maddvitIyaM punaH pArthaM kaH prArthayitum arhati
05122055c yuddhe pratIpam AyAntam api sAkSAt puraMdaraH
05122056a bAhubhyAm uddhared bhUmiM dahet kruddha imAH prajAH
05122056c pAtayet tridivAd devAn yo 'rjunaM samare jayet
05122057a pazya putrAMs tathA bhrAtqJ jJAtIn saMbandhinas tathA
05122057c tvatkRte na vinazyeyur ete bharatasattama
05122058a astu zeSaM kauravANAM mA parAbhUd idaM kulam
05122058c kulaghna iti nocyethA naSTakIrtir narAdhipa
05122059a tvAm eva sthApayiSyanti yauvarAjye mahArathAH
05122059c mahArAjye ca pitaraM dhRtarASTraM janezvaram
05122060a mA tAta zriyam AyAntIm avamaMsthAH samudyatAm
05122060c ardhaM pradAya pArthebhyo mahatIM zriyam Apsyasi
05122061a pANDavaiH saMzamaM kRtvA kRtvA ca suhRdAM vacaH
05122061c saMprIyamANo mitraiz ca ciraM bhadrANy avApsyasi
05123001  vaizaMpAyana uvAca
05123001a tataH zAMtanavo bhISmo duryodhanam amarSaNam
05123001c kezavasya vacaH zrutvA provAca bharatarSabha
05123002a kRSNena vAkyam ukto 'si suhRdAM zamam icchatA
05123002c anupazyasva tat tAta mA manyuvazam anvagAH
05123003a akRtvA vacanaM tAta kezavasya mahAtmanaH
05123003c zreyo na jAtu na sukhaM na kalyANam avApsyasi
05123004a dharmyam arthaM mahAbAhur Aha tvAM tAta kezavaH
05123004c tam artham abhipadyasva mA rAjan nInazaH prajAH
05123005a imAM zriyaM prajvalitAM bhAratIM sarvarAjasu
05123005c jIvato dhRtarASTrasya daurAtmyAd bhraMzayiSyasi
05123006a AtmAnaM ca sahAmAtyaM saputrapazubAndhavam
05123006c sahamitram asadbuddhyA jIvitAd bhraMzayiSyasi
05123007a atikrAman kezavasya tathyaM vacanam arthavat
05123007c pituz ca bharatazreSTha vidurasya ca dhImataH
05123008a mA kulaghno 'ntapuruSo durmatiH kApathaM gamaH
05123008c pitaraM mAtaraM caiva vRddhau zokAya mA dadaH
05123009a atha droNo 'bravIt tatra duryodhanam idaM vacaH
05123009c amarSavazam ApannaM niHzvasantaM punaH punaH
05123010a dharmArthayuktaM vacanam Aha tvAM tAta kezavaH
05123010c tathA bhISmaH zAMtanavas taj juSasva narAdhipa
05123011a prAjJau medhAvinau dAntAv arthakAmau bahuzrutau
05123011c Ahatus tvAM hitaM vAkyaM tad Adatsva paraMtapa
05123012a anutiSTha mahAprAjJa kRSNabhISmau yad UcatuH
05123012c mA vaco laghubuddhInAM samAsthAs tvaM paraMtapa
05123013a ye tvAM protsAhayanty ete naite kRtyAya karhi cit
05123013c vairaM pareSAM grIvAyAM pratimokSyanti saMyuge
05123014a mA kurUJ jIghanaH sarvAn putrAn bhrAtqMs tathaiva ca
05123014c vAsudevArjunau yatra viddhy ajeyaM balaM hi tat
05123015a etac caiva mataM satyaM suhRdoH kRSNabhISmayoH
05123015c yadi nAdAsyase tAta pazcAt tapsyasi bhArata
05123016a yathoktaM jAmadagnyena bhUyAn eva tato 'rjunaH
05123016c kRSNo hi devakIputro devair api durutsahaH
05123017a kiM te sukhapriyeNeha proktena bharatarSabha
05123017c etat te sarvam AkhyAtaM yathecchasi tathA kuru
05123017e na hi tvAm utsahe vaktuM bhUyo bharatasattama
05123018a tasmin vAkyAntare vAkyaM kSattApi viduro 'bravIt
05123018c duryodhanam abhiprekSya dhArtarASTram amarSaNam
05123019a duryodhana na zocAmi tvAm ahaM bharatarSabha
05123019c imau tu vRddhau zocAmi gAndhArIM pitaraM ca te
05123020a yAv anAthau cariSyete tvayA nAthena durhRdA
05123020c hatamitrau hatAmAtyau lUnapakSAv iva dvijau
05123021a bhikSukau vicariSyete zocantau pRthivIm imAm
05123021c kulaghnam IdRzaM pApaM janayitvA kupUruSam
05123022a atha duryodhanaM rAjA dhRtarASTro 'bhyabhASata
05123022c AsInaM bhrAtRbhiH sArdhaM rAjabhiH parivAritam
05123023a duryodhana nibodhedaM zauriNoktaM mahAtmanA
05123023c Adatsva zivam atyantaM yogakSemavad avyayam
05123024a anena hi sahAyena kRSNenAkliSTakarmaNA
05123024c iSTAn sarvAn abhiprAyAn prApsyAmaH sarvarAjasu
05123025a susaMhitaH kezavena gaccha tAta yudhiSThiram
05123025c cara svastyayanaM kRtsnaM bhAratAnAm anAmayam
05123026a vAsudevena tIrthena tAta gacchasva saMgamam
05123026c kAlaprAptam idaM manye mA tvaM duryodhanAtigAH
05123027a zamaM ced yAcamAnaM tvaM pratyAkhyAsyasi kezavam
05123027c tvadartham abhijalpantaM na tavAsty aparAbhavaH
05124001  vaizaMpAyana uvAca
05124001a dhRtarASTravacaH zrutvA bhISmadroNau samarthya tau
05124001c duryodhanam idaM vAkyam UcatuH zAsanAtigam
05124002a yAvat kRSNAv asaMnaddhau yAvat tiSThati gANDivam
05124002c yAvad dhaumyo na senAgnau juhotIha dviSadbalam
05124003a yAvan na prekSate kruddhaH senAM tava yudhiSThiraH
05124003c hrIniSedho maheSvAsas tAvac chAmyatu vaizasam
05124004a yAvan na dRzyate pArthaH sveSv anIkeSv avasthitaH
05124004c bhImaseno maheSvAsas tAvac chAmyatu vaizasam
05124005a yAvan na carate mArgAn pRtanAm abhiharSayan
05124005c yAvan na zAtayaty Ajau zirAMsi gajayodhinAm
05124006a gadayA vIraghAtinyA phalAnIva vanaspateH
05124006c kAlena paripakvAni tAvac chAmyatu vaizasam
05124007a nakulaH sahadevaz ca dhRSTadyumnaz ca pArSataH
05124007c virATaz ca zikhaNDI ca zaizupAliz ca daMzitAH
05124008a yAvan na pravizanty ete nakrA iva mahArNavam
05124008c kRtAstrAH kSipram asyantas tAvac chAmyatu vaizasam
05124009a yAvan na sukumAreSu zarIreSu mahIkSitAm
05124009c gArdhrapatrAH patanty ugrAs tAvac chAmyatu vaizasam
05124010a candanAgarudigdheSu hAraniSkadhareSu ca
05124010c noraHsu yAvad yodhAnAM maheSvAsair maheSavaH
05124011a kRtAstraiH kSipram asyadbhir dUrapAtibhir AyasAH
05124011c abhilakSyair nipAtyante tAvac chAmyatu vaizasam
05124012a abhivAdayamAnaM tvAM zirasA rAjakuJjaraH
05124012c pANibhyAM pratigRhNAtu dharmarAjo yudhiSThiraH
05124013a dhvajAGkuzapatAkAGkaM dakSiNaM te sudakSiNaH
05124013c skandhe nikSipatAM bAhuM zAntaye bharatarSabha
05124014a ratnauSadhisametena ratnAGgulitalena ca
05124014c upaviSTasya pRSThaM te pANinA parimArjatu
05124015a zAlaskandho mahAbAhus tvAM svajAno vRkodaraH
05124015c sAmnAbhivadatAM cApi zAntaye bharatarSabha
05124016a arjunena yamAbhyAM ca tribhis tair abhivAditaH
05124016c mUrdhni tAn samupAghrAya premNAbhivada pArthiva
05124017a dRSTvA tvAM pANDavair vIrair bhrAtRbhiH saha saMgatam
05124017c yAvad AnandajAzrUNi pramuJcantu narAdhipAH
05124018a ghuSyatAM rAjadhAnISu sarvasaMpan mahIkSitAm
05124018c pRthivI bhrAtRbhAvena bhujyatAM vijvaro bhava
05125001  vaizaMpAyana uvAca
05125001a zrutvA duryodhano vAkyam apriyaM kurusaMsadi
05125001c pratyuvAca mahAbAhuM vAsudevaM yazasvinam
05125002a prasamIkSya bhavAn etad vaktum arhati kezava
05125002c mAm eva hi vizeSeNa vibhASya parigarhase
05125003a bhaktivAdena pArthAnAm akasmAn madhusUdana
05125003c bhavAn garhayate nityaM kiM samIkSya balAbalam
05125004a bhavAn kSattA ca rAjA ca AcAryo vA pitAmahaH
05125004c mAm eva parigarhante nAnyaM kaM cana pArthivam
05125005a na cAhaM lakSaye kaM cid vyabhicAram ihAtmanaH
05125005c atha sarve bhavanto mAM vidviSanti sarAjakAH
05125006a na cAhaM kaM cid atyartham aparAdham ariMdama
05125006c vicintayan prapazyAmi susUkSmam api kezava
05125007a priyAbhyupagate dyUte pANDavA madhusUdana
05125007c jitAH zakuninA rAjyaM tatra kiM mama duSkRtam
05125008a yat punar draviNaM kiM cit tatrAjIyanta pANDavAH
05125008c tebhya evAbhyanujJAtaM tat tadA madhusUdana
05125009a aparAdho na cAsmAkaM yat te hy akSaparAjitAH
05125009c ajeyA jayatAM zreSTha pArthAH pravrAjitA vanam
05125010a kena cApy apavAdena virudhyante 'ribhiH saha
05125010c azaktAH pANDavAH kRSNa prahRSTAH pratyamitravat
05125011a kim asmAbhiH kRtaM teSAM kasmin vA punar Agasi
05125011c dhArtarASTrAJ jighAMsanti pANDavAH sRJjayaiH saha
05125012a na cApi vayam ugreNa karmaNA vacanena vA
05125012c vitrastAH praNamAmeha bhayAd api zatakratoH
05125013a na ca taM kRSNa pazyAmi kSatradharmam anuSThitam
05125013c utsaheta yudhA jetuM yo naH zatrunibarhaNa
05125014a na hi bhISmakRpadroNAH sagaNA madhusUdana
05125014c devair api yudhA jetuM zakyAH kim uta pANDavaiH
05125015a svadharmam anutiSThanto yadi mAdhava saMyuge
05125015c zastreNa nidhanaM kAle prApsyAmaH svargam eva tat
05125016a mukhyaz caivaiSa no dharmaH kSatriyANAM janArdana
05125016c yac chayImahi saMgrAme zaratalpagatA vayam
05125017a te vayaM vIrazayanaM prApsyAmo yadi saMyuge
05125017c apraNamyaiva zatrUNAM na nas tapsyati mAdhava
05125018a kaz ca jAtu kule jAtaH kSatradharmeNa vartayan
05125018c bhayAd vRttiM samIkSyaivaM praNamed iha kasya cit
05125019a udyacched eva na named udyamo hy eva pauruSam
05125019c apy aparvaNi bhajyeta na named iha kasya cit
05125020a iti mAtaGgavacanaM parIpsanti hitepsavaH
05125020c dharmAya caiva praNamed brAhmaNebhyaz ca madvidhaH
05125021a acintayan kaM cid anyaM yAvajjIvaM tathAcaret
05125021c eSa dharmaH kSatriyANAM matam etac ca me sadA
05125022a rAjyAMzaz cAbhyanujJAto yo me pitrA purAbhavat
05125022c na sa labhyaH punar jAtu mayi jIvati kezava
05125023a yAvac ca rAjA dhriyate dhRtarASTro janArdana
05125023c nyastazastrA vayaM te vApy upajIvAma mAdhava
05125024a yady adeyaM purA dattaM rAjyaM paravato mama
05125024c ajJAnAd vA bhayAd vApi mayi bAle janArdana
05125025a na tad adya punar labhyaM pANDavair vRSNinandana
05125025c dhriyamANe mahAbAho mayi saMprati kezava
05125026a yAvad dhi sUcyAs tIkSNAyA vidhyed agreNa mAdhava
05125026c tAvad apy aparityAjyaM bhUmer naH pANDavAn prati
05126001  vaizaMpAyana uvAca
05126001a tataH prahasya dAzArhaH krodhaparyAkulekSaNaH
05126001c duryodhanam idaM vAkyam abravIt kurusaMsadi
05126002a lapsyase vIrazayanaM kAmam etad avApsyasi
05126002c sthiro bhava sahAmAtyo vimardo bhavitA mahAn
05126003a yac caivaM manyase mUDha na me kaz cid vyatikramaH
05126003c pANDaveSv iti tat sarvaM nibodhata narAdhipAH
05126004a zriyA saMtapyamAnena pANDavAnAM mahAtmanAm
05126004c tvayA durmantritaM dyUtaM saubalena ca bhArata
05126005a kathaM ca jJAtayas tAta zreyAMsaH sAdhusaMmatAH
05126005c tathAnyAyyam upasthAtuM jihmenAjihmacAriNaH
05126006a akSadyUtaM mahAprAjJa satAm aratinAzanam
05126006c asatAM tatra jAyante bhedAz ca vyasanAni ca
05126007a tad idaM vyasanaM ghoraM tvayA dyUtamukhaM kRtam
05126007c asamIkSya sadAcAraiH sArdhaM pApAnubandhanaiH
05126008a kaz cAnyo jJAtibhAryAM vai viprakartuM tathArhati
05126008c AnIya ca sabhAM vaktuM yathoktA draupadI tvayA
05126009a kulInA zIlasaMpannA prANebhyo 'pi garIyasI
05126009c mahiSI pANDuputrANAM tathA vinikRtA tvayA
05126010a jAnanti kuravaH sarve yathoktAH kurusaMsadi
05126010c duHzAsanena kaunteyAH pravrajantaH paraMtapAH
05126011a samyagvRtteSv alubdheSu satataM dharmacAriSu
05126011c sveSu bandhuSu kaH sAdhuz cared evam asAMpratam
05126012a nRzaMsAnAm anAryANAM paruSANAM ca bhASaNam
05126012c karNaduHzAsanAbhyAM ca tvayA ca bahuzaH kRtam
05126013a saha mAtrA pradagdhuM tAn bAlakAn vAraNAvate
05126013c AsthitaH paramaM yatnaM na samRddhaM ca tat tava
05126014a USuz ca suciraM kAlaM pracchannAH pANDavAs tadA
05126014c mAtrA sahaikacakrAyAM brAhmaNasya nivezane
05126015a viSeNa sarpabandhaiz ca yatitAH pANDavAs tvayA
05126015c sarvopAyair vinAzAya na samRddhaM ca tat tava
05126016a evaMbuddhiH pANDaveSu mithyAvRttiH sadA bhavAn
05126016c kathaM te nAparAdho 'sti pANDaveSu mahAtmasu
05126017a kRtvA bahUny akAryANi pANDaveSu nRzaMsavat
05126017c mithyAvRttir anAryaH sann adya vipratipadyase
05126018a mAtApitRbhyAM bhISmeNa droNena vidureNa ca
05126018c zAmyeti muhur ukto 'si na ca zAmyasi pArthiva
05126019a zame hi sumahAn arthas tava pArthasya cobhayoH
05126019c na ca rocayase rAjan kim anyad buddhilAghavAt
05126020a na zarma prApsyase rAjann utkramya suhRdAM vacaH
05126020c adharmyam ayazasyaM ca kriyate pArthiva tvayA
05126021a evaM bruvati dAzArhe duryodhanam amarSaNam
05126021c duHzAsana idaM vAkyam abravIt kurusaMsadi
05126022a na cet saMdhAsyase rAjan svena kAmena pANDavaiH
05126022c baddhvA kila tvAM dAsyanti kuntIputrAya kauravAH
05126023a vaikartanaM tvAM ca mAM ca trIn etAn manujarSabha
05126023c pANDavebhyaH pradAsyanti bhISmo droNaH pitA ca te
05126024a bhrAtur etad vacaH zrutvA dhArtarASTraH suyodhanaH
05126024c kruddhaH prAtiSThatotthAya mahAnAga iva zvasan
05126025a viduraM dhRtarASTraM ca mahArAjaM ca bAhlikam
05126025c kRpaM ca somadattaM ca bhISmaM droNaM janArdanam
05126026a sarvAn etAn anAdRtya durmatir nirapatrapaH
05126026c aziSTavad amaryAdo mAnI mAnyAvamAnitA
05126027a taM prasthitam abhiprekSya bhrAtaro manujarSabham
05126027c anujagmuH sahAmAtyA rAjAnaz cApi sarvazaH
05126028a sabhAyAm utthitaM kruddhaM prasthitaM bhrAtRbhiH saha
05126028c duryodhanam abhiprekSya bhISmaH zAMtanavo 'bravIt
05126029a dharmArthAv abhisaMtyajya saMrambhaM yo 'numanyate
05126029c hasanti vyasane tasya durhRdo nacirAd iva
05126030a durAtmA rAjaputro 'yaM dhArtarASTro 'nupAyavit
05126030c mithyAbhimAnI rAjyasya krodhalobhavazAnugaH
05126031a kAlapakvam idaM manye sarvakSatraM janArdana
05126031c sarve hy anusRtA mohAt pArthivAH saha mantribhiH
05126032a bhISmasyAtha vacaH zrutvA dAzArhaH puSkarekSaNaH
05126032c bhISmadroNamukhAn sarvAn abhyabhASata vIryavAn
05126033a sarveSAM kuruvRddhAnAM mahAn ayam atikramaH
05126033c prasahya mandam aizvarye na niyacchata yan nRpam
05126034a tatra kAryam ahaM manye prAptakAlam ariMdamAH
05126034c kriyamANe bhavec chreyas tat sarvaM zRNutAnaghAH
05126035a pratyakSam etad bhavatAM yad vakSyAmi hitaM vacaH
05126035c bhavatAm AnukUlyena yadi roceta bhAratAH
05126036a bhojarAjasya vRddhasya durAcAro hy anAtmavAn
05126036c jIvataH pitur aizvaryaM hRtvA manyuvazaM gataH
05126037a ugrasenasutaH kaMsaH parityaktaH sa bAndhavaiH
05126037c jJAtInAM hitakAmena mayA zasto mahAmRdhe
05126038a AhukaH punar asmAbhir jJAtibhiz cApi satkRtaH
05126038c ugrasenaH kRto rAjA bhojarAjanyavardhanaH
05126039a kaMsam ekaM parityajya kulArthe sarvayAdavAH
05126039c saMbhUya sukham edhante bhAratAndhakavRSNayaH
05126040a api cApy avadad rAjan parameSThI prajApatiH
05126040c vyUDhe devAsure yuddhe 'bhyudyateSv AyudheSu ca
05126041a dvaidhIbhUteSu lokeSu vinazyatsu ca bhArata
05126041c abravIt sRSTimAn devo bhagavA&l lokabhAvanaH
05126042a parAbhaviSyanty asurA daiteyA dAnavaiH saha
05126042c AdityA vasavo rudrA bhaviSyanti divaukasaH
05126043a devAsuramanuSyAz ca gandharvoragarAkSasAH
05126043c asmin yuddhe susaMyattA haniSyanti parasparam
05126044a iti matvAbravId dharmaM parameSThI prajApatiH
05126044c varuNAya prayacchaitAn baddhvA daiteyadAnavAn
05126045a evam uktas tato dharmo niyogAt parameSThinaH
05126045c varuNAya dadau sarvAn baddhvA daiteyadAnavAn
05126046a tAn baddhvA dharmapAzaiz ca svaiz ca pAzair jalezvaraH
05126046c varuNaH sAgare yatto nityaM rakSati dAnavAn
05126047a tathA duryodhanaM karNaM zakuniM cApi saubalam
05126047c baddhvA duHzAsanaM cApi pANDavebhyaH prayacchata
05126048a tyajet kulArthe puruSaM grAmasyArthe kulaM tyajet
05126048c grAmaM janapadasyArthe AtmArthe pRthivIM tyajet
05126049a rAjan duryodhanaM baddhvA tataH saMzAmya pANDavaiH
05126049c tvatkRte na vinazyeyuH kSatriyAH kSatriyarSabha
05127001  vaizaMpAyana uvAca
05127001a kRSNasya vacanaM zrutvA dhRtarASTro janezvaraH
05127001c viduraM sarvadharmajJaM tvaramANo 'bhyabhASata
05127002a gaccha tAta mahAprAjJAM gAndhArIM dIrghadarzinIm
05127002c Anayeha tayA sArdham anuneSyAmi durmatim
05127003a yadi sApi durAtmAnaM zamayed duSTacetasam
05127003c api kRSNasya suhRdas tiSThema vacane vayam
05127004a api lobhAbhibhUtasya panthAnam anudarzayet
05127004c durbuddher duHsahAyasya samarthaM bruvatI vacaH
05127005a api no vyasanaM ghoraM duryodhanakRtaM mahat
05127005c zamayec cirarAtrAya yogakSemavad avyayam
05127006a rAjJas tu vacanaM zrutvA viduro dIrghadarzinIm
05127006c AnayAm Asa gAndhArIM dhRtarASTrasya zAsanAt
05127007  dhRtarASTra uvAca
05127007a eSa gAndhAri putras te durAtmA zAsanAtigaH
05127007c aizvaryalobhAd aizvaryaM jIvitaM ca prahAsyati
05127008a aziSTavad amaryAdaH pApaiH saha durAtmabhiH
05127008c sabhAyA nirgato mUDho vyatikramya suhRdvacaH
05127009  vaizaMpAyana uvAca
05127009a sA bhartur vacanaM zrutvA rAjaputrI yazasvinI
05127009c anvicchantI mahac chreyo gAndhArI vAkyam abravIt
05127010a Anayeha sutaM kSipraM rAjyakAmukam Aturam
05127010c na hi rAjyam aziSTena zakyaM dharmArthalopinA
05127011a tvaM hy evAtra bhRzaM garhyo dhRtarASTra sutapriyaH
05127011c yo jAnan pApatAm asya tatprajJAm anuvartase
05127012a sa eSa kAmamanyubhyAM pralabdho moham AsthitaH
05127012c azakyo 'dya tvayA rAjan vinivartayituM balAt
05127013a rAjyapradAne mUDhasya bAlizasya durAtmanaH
05127013c duHsahAyasya lubdhasya dhRtarASTro 'znute phalam
05127014a kathaM hi svajane bhedam upekSeta mahAmatiH
05127014c bhinnaM hi svajanena tvAM prasahiSyanti zatravaH
05127015a yA hi zakyA mahArAja sAmnA dAnena vA punaH
05127015c nistartum ApadaH sveSu daNDaM kas tatra pAtayet
05127016a zAsanAd dhRtarASTrasya duryodhanam amarSaNam
05127016c mAtuz ca vacanAt kSattA sabhAM prAvezayat punaH
05127017a sa mAtur vacanAkAGkSI praviveza sabhAM punaH
05127017c abhitAmrekSaNaH krodhAn niHzvasann iva pannagaH
05127018a taM praviSTam abhiprekSya putram utpatham Asthitam
05127018c vigarhamANA gAndhArI samarthaM vAkyam abravIt
05127019a duryodhana nibodhedaM vacanaM mama putraka
05127019c hitaM te sAnubandhasya tathAyatyAM sukhodayam
05127020a bhISmasya tu pituz caiva mama cApacitiH kRtA
05127020c bhaved droNamukhAnAM ca suhRdAM zAmyatA tvayA
05127021a na hi rAjyaM mahAprAjJa svena kAmena zakyate
05127021c avAptuM rakSituM vApi bhoktuM vA bharatarSabha
05127022a na hy avazyendriyo rAjyam aznIyAd dIrgham antaram
05127022c vijitAtmA tu medhAvI sa rAjyam abhipAlayet
05127023a kAmakrodhau hi puruSam arthebhyo vyapakarSataH
05127023c tau tu zatrU vinirjitya rAjA vijayate mahIm
05127024a lokezvaraprabhutvaM hi mahad etad durAtmabhiH
05127024c rAjyaM nAmepsitaM sthAnaM na zakyam abhirakSitum
05127025a indriyANi mahat prepsur niyacched arthadharmayoH
05127025c indriyair niyatair buddhir vardhate 'gnir ivendhanaiH
05127026a avidheyAni hImAni vyApAdayitum apy alam
05127026c avidheyA ivAdAntA hayAH pathi kusArathim
05127027a avijitya ya AtmAnam amAtyAn vijigISate
05127027c ajitAtmAjitAmAtyaH so 'vazaH parihIyate
05127028a AtmAnam eva prathamaM dezarUpeNa yo jayet
05127028c tato 'mAtyAn amitrAMz ca na moghaM vijigISate
05127029a vazyendriyaM jitAmAtyaM dhRtadaNDaM vikAriSu
05127029c parIkSyakAriNaM dhIram atyantaM zrIr niSevate
05127030a kSudrAkSeNeva jAlena jhaSAv apihitAv ubhau
05127030c kAmakrodhau zarIrasthau prajJAnaM tau vilumpataH
05127031a yAbhyAM hi devAH svaryAtuH svargasyApidadhur mukham
05127031c bibhyato 'nuparAgasya kAmakrodhau sma vardhitau
05127032a kAmaM krodhaM ca lobhaM ca dambhaM darpaM ca bhUmipaH
05127032c samyag vijetuM yo veda sa mahIm abhijAyate
05127033a satataM nigrahe yukta indriyANAM bhaven nRpaH
05127033c Ipsann arthaM ca dharmaM ca dviSatAM ca parAbhavam
05127034a kAmAbhibhUtaH krodhAd vA yo mithyA pratipadyate
05127034c sveSu cAnyeSu vA tasya na sahAyA bhavanty uta
05127035a ekIbhUtair mahAprAjJaiH zUrair arinibarhaNaiH
05127035c pANDavaiH pRthivIM tAta bhokSyase sahitaH sukhI
05127036a yathA bhISmaH zAMtanavo droNaz cApi mahArathaH
05127036c Ahatus tAta tat satyam ajeyau kRSNapANDavau
05127037a prapadyasva mahAbAhuM kRSNam akliSTakAriNam
05127037c prasanno hi sukhAya syAd ubhayor eva kezavaH
05127038a suhRdAm arthakAmAnAM yo na tiSThati zAsane
05127038c prAjJAnAM kRtavidyAnAM sa naraH zatrunandanaH
05127039a na yuddhe tAta kalyANaM na dharmArthau kutaH sukham
05127039c na cApi vijayo nityaM mA yuddhe ceta AdhithAH
05127040a bhISmeNa hi mahAprAjJa pitrA te bAhlikena ca
05127040c datto 'MzaH pANDuputrANAM bhedAd bhItair ariMdama
05127041a tasya caitat pradAnasya phalam adyAnupazyasi
05127041c yad bhuGkSe pRthivIM sarvAM zUrair nihatakaNTakAm
05127042a prayaccha pANDuputrANAM yathocitam ariMdama
05127042c yadIcchasi sahAmAtyo bhoktum ardhaM mahIkSitAm
05127043a alam ardhaM pRthivyAs te sahAmAtyasya jIvanam
05127043c suhRdAM vacane tiSThan yazaH prApsyasi bhArata
05127044a zrImadbhir Atmavadbhir hi buddhimadbhir jitendriyaiH
05127044c pANDavair vigrahas tAta bhraMzayen mahataH sukhAt
05127045a nigRhya suhRdAM manyuM zAdhi rAjyaM yathocitam
05127045c svam aMzaM pANDuputrebhyaH pradAya bharatarSabha
05127046a alam ahnA nikAro 'yaM trayodaza samAH kRtaH
05127046c zamayainaM mahAprAjJa kAmakrodhasamedhitam
05127047a na caiSa zaktaH pArthAnAM yas tvadartham abhIpsati
05127047c sUtaputro dRDhakrodho bhrAtA duHzAsanaz ca te
05127048a bhISme droNe kRpe karNe bhImasene dhanaMjaye
05127048c dhRSTadyumne ca saMkruddhe na syuH sarvAH prajA dhruvam
05127049a amarSavazam Apanno mA kurUMs tAta jIghanaH
05127049c sarvA hi pRthivI spRSTA tvatpANDavakRte vadham
05127050a yac ca tvaM manyase mUDha bhISmadroNakRpAdayaH
05127050c yotsyante sarvazaktyeti naitad adyopapadyate
05127051a samaM hi rAjyaM prItiz ca sthAnaM ca vijitAtmanAm
05127051c pANDaveSv atha yuSmAsu dharmas tv abhyadhikas tataH
05127052a rAjapiNDabhayAd ete yadi hAsyanti jIvitam
05127052c na hi zakSyanti rAjAnaM yudhiSThiram udIkSitum
05127053a na lobhAd arthasaMpattir narANAm iha dRzyate
05127053c tad alaM tAta lobhena prazAmya bharatarSabha
05128001  vaizaMpAyana uvAca
05128001a tat tu vAkyam anAdRtya so 'rthavan mAtRbhASitam
05128001c punaH pratasthe saMrambhAt sakAzam akRtAtmanAm
05128002a tataH sabhAyA nirgamya mantrayAm Asa kauravaH
05128002c saubalena matAkSeNa rAjJA zakuninA saha
05128003a duryodhanasya karNasya zakuneH saubalasya ca
05128003c duHzAsanacaturthAnAm idam AsId viceSTitam
05128004a purAyam asmAn gRhNAti kSiprakArI janArdanaH
05128004c sahito dhRtarASTreNa rAjJA zAMtanavena ca
05128005a vayam eva hRSIkezaM nigRhNIma balAd iva
05128005c prasahya puruSavyAghram indro vairocaniM yathA
05128006a zrutvA gRhItaM vArSNeyaM pANDavA hatacetasaH
05128006c nirutsAhA bhaviSyanti bhagnadaMSTrA ivoragAH
05128007a ayaM hy eSAM mahAbAhuH sarveSAM zarma varma ca
05128007c asmin gRhIte varade RSabhe sarvasAtvatAm
05128007e nirudyamA bhaviSyanti pANDavAH somakaiH saha
05128008a tasmAd vayam ihaivainaM kezavaM kSiprakAriNam
05128008c krozato dhRtarASTrasya baddhvA yotsyAmahe ripUn
05128009a teSAM pApam abhiprAyaM pApAnAM duSTacetasAm
05128009c iGgitajJaH kaviH kSipram anvabudhyata sAtyakiH
05128010a tadartham abhiniSkramya hArdikyena sahAsthitaH
05128010c abravIt kRtavarmANaM kSipraM yojaya vAhinIm
05128011a vyUDhAnIkaH sabhAdvAram upatiSThasva daMzitaH
05128011c yAvad AkhyAmy ahaM caitat kRSNAyAkliSTakarmaNe
05128012a sa pravizya sabhAM vIraH siMho giriguhAm iva
05128012c AcaSTa tam abhiprAyaM kezavAya mahAtmane
05128013a dhRtarASTraM tataz caiva viduraM cAnvabhASata
05128013c teSAm etam abhiprAyam AcacakSe smayann iva
05128014a dharmAd apetam arthAc ca karma sAdhuvigarhitam
05128014c mandAH kartum ihecchanti na cAvApyaM kathaM cana
05128015a purA vikurvate mUDhAH pApAtmAnaH samAgatAH
05128015c dharSitAH kAmamanyubhyAM krodhalobhavazAnugAH
05128016a imaM hi puNDarIkAkSaM jighRkSanty alpacetasaH
05128016c paTenAgniM prajvalitaM yathA bAlA yathA jaDAH
05128017a sAtyakes tad vacaH zrutvA viduro dIrghadarzivAn
05128017c dhRtarASTraM mahAbAhum abravIt kurusaMsadi
05128018a rAjan parItakAlAs te putrAH sarve paraMtapa
05128018c ayazasyam azakyaM ca karma kartuM samudyatAH
05128019a imaM hi puNDarIkAkSam abhibhUya prasahya ca
05128019c nigrahItuM kilecchanti sahitA vAsavAnujam
05128020a imaM puruSazArdUlam apradhRSyaM durAsadam
05128020c AsAdya na bhaviSyanti pataMgA iva pAvakam
05128021a ayam icchan hi tAn sarvAn yatamAnAJ janArdanaH
05128021c siMho mRgAn iva kruddho gamayed yamasAdanam
05128022a na tv ayaM ninditaM karma kuryAt kRSNaH kathaM cana
05128022c na ca dharmAd apakrAmed acyutaH puruSottamaH
05128023a vidureNaivam ukte tu kezavo vAkyam abravIt
05128023c dhRtarASTram abhiprekSya suhRdAM zRNvatAM mithaH
05128024a rAjann ete yadi kruddhA mAM nigRhNIyur ojasA
05128024c ete vA mAm ahaM vainAn anujAnIhi pArthiva
05128025a etAn hi sarvAn saMrabdhAn niyantum aham utsahe
05128025c na tv ahaM ninditaM karma kuryAM pApaM kathaM cana
05128026a pANDavArthe hi lubhyantaH svArthAd dhAsyanti te sutAH
05128026c ete ced evam icchanti kRtakAryo yudhiSThiraH
05128027a adyaiva hy aham etAMz ca ye caitAn anu bhArata
05128027c nigRhya rAjan pArthebhyo dadyAM kiM duSkRtaM bhavet
05128028a idaM tu na pravarteyaM ninditaM karma bhArata
05128028c saMnidhau te mahArAja krodhajaM pApabuddhijam
05128029a eSa duryodhano rAjan yathecchati tathAstu tat
05128029c ahaM tu sarvAn samayAn anujAnAmi bhArata
05128030a etac chrutvA tu viduraM dhRtarASTro 'bhyabhASata
05128030c kSipram Anaya taM pApaM rAjyalubdhaM suyodhanam
05128031a sahamitraM sahAmAtyaM sasodaryaM sahAnugam
05128031c zaknuyAM yadi panthAnam avatArayituM punaH
05128032a tato duryodhanaM kSattA punaH prAvezayat sabhAm
05128032c akAmaM bhrAtRbhiH sArdhaM rAjabhiH parivAritam
05128033a atha duryodhanaM rAjA dhRtarASTro 'bhyabhASata
05128033c karNaduHzAsanAbhyAM ca rAjabhiz cAbhisaMvRtam
05128034a nRzaMsa pApabhUyiSTha kSudrakarmasahAyavAn
05128034c pApaiH sahAyaiH saMhatya pApaM karma cikIrSasi
05128035a azakyam ayazasyaM ca sadbhiz cApi vigarhitam
05128035c yathA tvAdRzako mUDho vyavasyet kulapAMsanaH
05128036a tvam imaM puNDarIkAkSam apradhRSyaM durAsadam
05128036c pApaiH sahAyaiH saMhatya nigrahItuM kilecchasi
05128037a yo na zakyo balAtkartuM devair api savAsavaiH
05128037c taM tvaM prArthayase manda bAlaz candramasaM yathA
05128038a devair manuSyair gandharvair asurair uragaiz ca yaH
05128038c na soDhuM samare zakyas taM na budhyasi kezavam
05128039a durgrahaH pANinA vAyur duHsparzaH pANinA zazI
05128039c durdharA pRthivI mUrdhnA durgrahaH kezavo balAt
05128040a ity ukte dhRtarASTreNa kSattApi viduro 'bravIt
05128040c duryodhanam abhiprekSya dhArtarASTram amarSaNam
05128041a saubhadvAre vAnarendro dvivido nAma nAmataH
05128041c zilAvarSeNa mahatA chAdayAm Asa kezavam
05128042a grahItukAmo vikramya sarvayatnena mAdhavam
05128042c grahItuM nAzakat tatra taM tvaM prArthayase balAt
05128043a nirmocane SaTsahasrAH pAzair baddhvA mahAsurAH
05128043c grahItuM nAzakaMz cainaM taM tvaM prArthayase balAt
05128044a prAgjyotiSagataM zauriM narakaH saha dAnavaiH
05128044c grahItuM nAzakat tatra taM tvaM prArthayase balAt
05128045a anena hi hatA bAlye pUtanA zizunA tathA
05128045c govardhano dhAritaz ca gavArthe bharatarSabha
05128046a ariSTo dhenukaz caiva cANUraz ca mahAbalaH
05128046c azvarAjaz ca nihataH kaMsaz cAriSTam Acaran
05128047a jarAsaMdhaz ca vakraz ca zizupAlaz ca vIryavAn
05128047c bANaz ca nihataH saMkhye rAjAnaz ca niSUditAH
05128048a varuNo nirjito rAjA pAvakaz cAmitaujasA
05128048c pArijAtaM ca haratA jitaH sAkSAc chacIpatiH
05128049a ekArNave zayAnena hatau tau madhukaiTabhau
05128049c janmAntaram upAgamya hayagrIvas tathA hataH
05128050a ayaM kartA na kriyate kAraNaM cApi pauruSe
05128050c yad yad icched ayaM zauris tat tat kuryAd ayatnataH
05128051a taM na budhyasi govindaM ghoravikramam acyutam
05128051c AzIviSam iva kruddhaM tejorAzim anirjitam
05128052a pradharSayan mahAbAhuM kRSNam akliSTakAriNam
05128052c pataMgo 'gnim ivAsAdya sAmAtyo na bhaviSyasi
05129001  vaizaMpAyana uvAca
05129001a vidureNaivam ukte tu kezavaH zatrupUgahA
05129001c duryodhanaM dhArtarASTram abhyabhASata vIryavAn
05129002a eko 'ham iti yan mohAn manyase mAM suyodhana
05129002c paribhUya ca durbuddhe grahItuM mAM cikIrSasi
05129003a ihaiva pANDavAH sarve tathaivAndhakavRSNayaH
05129003c ihAdityAz ca rudrAz ca vasavaz ca maharSibhiH
05129004a evam uktvA jahAsoccaiH kezavaH paravIrahA
05129004c tasya saMsmayataH zaurer vidyudrUpA mahAtmanaH
05129004e aGguSThamAtrAs tridazA mumucuH pAvakArciSaH
05129005a tasya brahmA lalATastho rudro vakSasi cAbhavat
05129005c lokapAlA bhujeSv Asann agnir AsyAd ajAyata
05129006a AdityAz caiva sAdhyAz ca vasavo 'thAzvinAv api
05129006c marutaz ca sahendreNa vizvedevAs tathaiva ca
05129006e babhUvuz caiva rUpANi yakSagandharvarakSasAm
05129007a prAdurAstAM tathA dorbhyAM saMkarSaNadhanaMjayau
05129007c dakSiNe 'thArjuno dhanvI halI rAmaz ca savyataH
05129008a bhImo yudhiSThiraz caiva mAdrIputrau ca pRSThataH
05129008c andhakA vRSNayaz caiva pradyumnapramukhAs tataH
05129009a agre babhUvuH kRSNasya samudyatamahAyudhAH
05129009c zaGkhacakragadAzaktizArGgalAGgalanandakAH
05129010a adRzyantodyatAny eva sarvapraharaNAni ca
05129010c nAnAbAhuSu kRSNasya dIpyamAnAni sarvazaH
05129011a netrAbhyAM nastataz caiva zrotrAbhyAM ca samantataH
05129011c prAdurAsan mahAraudrAH sadhUmAH pAvakArciSaH
05129011e romakUpeSu ca tathA sUryasyeva marIcayaH
05129012a taM dRSTvA ghoram AtmAnaM kezavasya mahAtmanaH
05129012c nyamIlayanta netrANi rAjAnas trastacetasaH
05129013a Rte droNaM ca bhISmaM ca viduraM ca mahAmatim
05129013c saMjayaM ca mahAbhAgam RSIMz caiva tapodhanAn
05129013e prAdAt teSAM sa bhagavAn divyaM cakSur janArdanaH
05129014a tad dRSTvA mahad AzcaryaM mAdhavasya sabhAtale
05129014c devadundubhayo neduH puSpavarSaM papAta ca
05129015a cacAla ca mahI kRtsnA sAgaraz cApi cukSubhe
05129015c vismayaM paramaM jagmuH pArthivA bharatarSabha
05129016a tataH sa puruSavyAghraH saMjahAra vapuH svakam
05129016c tAM divyAm adbhutAM citrAm RddhimattAm ariMdamaH
05129017a tataH sAtyakim AdAya pANau hArdikyam eva ca
05129017c RSibhis tair anujJAto niryayau madhusUdanaH
05129018a RSayo 'ntarhitA jagmus tatas te nAradAdayaH
05129018c tasmin kolAhale vRtte tad adbhutam abhUt tadA
05129019a taM prasthitam abhiprekSya kauravAH saha rAjabhiH
05129019c anujagmur naravyAghraM devA iva zatakratum
05129020a acintayann ameyAtmA sarvaM tad rAjamaNDalam
05129020c nizcakrAma tataH zauriH sadhUma iva pAvakaH
05129021a tato rathena zubhreNa mahatA kiGkiNIkinA
05129021c hemajAlavicitreNa laghunA meghanAdinA
05129022a sUpaskareNa zubhreNa vaiyAghreNa varUthinA
05129022c sainyasugrIvayuktena pratyadRzyata dArukaH
05129023a tathaiva ratham AsthAya kRtavarmA mahArathaH
05129023c vRSNInAM saMmato vIro hArdikyaH pratyadRzyata
05129024a upasthitarathaM zauriM prayAsyantam ariMdamam
05129024c dhRtarASTro mahArAjaH punar evAbhyabhASata
05129025a yAvad balaM me putreSu pazyasy etaj janArdana
05129025c pratyakSaM te na te kiM cit parokSaM zatrukarzana
05129026a kurUNAM zamam icchantaM yatamAnaM ca kezava
05129026c viditvaitAm avasthAM me nAtizaGkitum arhasi
05129027a na me pApo 'sty abhiprAyaH pANDavAn prati kezava
05129027c jJAtam eva hi te vAkyaM yan mayoktaH suyodhanaH
05129028a jAnanti kuravaH sarve rAjAnaz caiva pArthivAH
05129028c zame prayatamAnaM mAM sarvayatnena mAdhava
05129029a tato 'bravIn mahAbAhur dhRtarASTraM janezvaram
05129029c droNaM pitAmahaM bhISmaM kSattAraM bAhlikaM kRpam
05129030a pratyakSam etad bhavatAM yad vRttaM kurusaMsadi
05129030c yathA cAziSTavan mando roSAd asakRd utthitaH
05129031a vadaty anIzam AtmAnaM dhRtarASTro mahIpatiH
05129031c ApRcche bhavataH sarvAn gamiSyAmi yudhiSThiram
05129032a Amantrya prasthitaM zauriM rathasthaM puruSarSabham
05129032c anujagmur maheSvAsAH pravIrA bharatarSabhAH
05129033a bhISmo droNaH kRpaH kSattA dhRtarASTro 'tha bAhlikaH
05129033c azvatthAmA vikarNaz ca yuyutsuz ca mahArathaH
05129034a tato rathena zubhreNa mahatA kiGkiNIkinA
05129034c kurUNAM pazyatAM prAyAt pRthAM draSTuM pitRSvasAm
05130001  vaizaMpAyana uvAca
05130001a pravizyAtha gRhaM tasyAz caraNAv abhivAdya ca
05130001c Acakhyau tat samAsena yad vRttaM kurusaMsadi
05130002  vAsudeva uvAca
05130002a uktaM bahuvidhaM vAkyaM grahaNIyaM sahetukam
05130002c RSibhiz ca mayA caiva na cAsau tad gRhItavAn
05130003a kAlapakvam idaM sarvaM duryodhanavazAnugam
05130003c ApRcche bhavatIM zIghraM prayAsye pANDavAn prati
05130004a kiM vAcyAH pANDaveyAs te bhavatyA vacanAn mayA
05130004c tad brUhi tvaM mahAprAjJe zuzrUSe vacanaM tava
05130005  kunty uvAca
05130005a brUyAH kezava rAjAnaM dharmAtmAnaM yudhiSThiram
05130005c bhUyAMs te hIyate dharmo mA putraka vRthA kRthAH
05130006a zrotriyasyeva te rAjan mandakasyAvipazcitaH
05130006c anuvAkahatA buddhir dharmam evaikam IkSate
05130007a aGgAvekSasva dharmaM tvaM yathA sRSTaH svayaMbhuvA
05130007c urastaH kSatriyaH sRSTo bAhuvIryopajIvitA
05130007e krUrAya karmaNe nityaM prajAnAM paripAlane
05130008a zRNu cAtropamAm ekAM yA vRddhebhyaH zrutA mayA
05130008c mucukundasya rAjarSer adadAt pRthivIm imAm
05130008e purA vaizravaNaH prIto na cAsau tAM gRhItavAn
05130009a bAhuvIryArjitaM rAjyam aznIyAm iti kAmaye
05130009c tato vaizravaNaH prIto vismitaH samapadyata
05130010a mucukundas tato rAjA so 'nvazAsad vasuMdharAm
05130010c bAhuvIryArjitAM samyak kSatradharmam anuvrataH
05130011a yaM hi dharmaM carantIha prajA rAjJA surakSitAH
05130011c caturthaM tasya dharmasya rAjA bhArata vindati
05130012a rAjA carati ced dharmaM devatvAyaiva kalpate
05130012c sa ced adharmaM carati narakAyaiva gacchati
05130013a daNDanItiH svadharmeNa cAturvarNyaM niyacchati
05130013c prayuktA svAminA samyag adharmebhyaz ca yacchati
05130014a daNDanItyAM yadA rAjA samyak kArtsnyena vartate
05130014c tadA kRtayugaM nAma kAlaH zreSThaH pravartate
05130015a kAlo vA kAraNaM rAjJo rAjA vA kAlakAraNam
05130015c iti te saMzayo mA bhUd rAjA kAlasya kAraNam
05130016a rAjA kRtayugasraSTA tretAyA dvAparasya ca
05130016c yugasya ca caturthasya rAjA bhavati kAraNam
05130017a kRtasya kAraNAd rAjA svargam atyantam aznute
05130017c tretAyAH kAraNAd rAjA svargaM nAtyantam aznute
05130017e pravartanAd dvAparasya yathAbhAgam upAznute
05130018a tato vasati duSkarmA narake zAzvatIH samAH
05130018c rAjadoSeNa hi jagat spRzyate jagataH sa ca
05130019a rAjadharmAn avekSasva pitRpaitAmahocitAn
05130019c naitad rAjarSivRttaM hi yatra tvaM sthAtum icchasi
05130020a na hi vaiklavyasaMsRSTa AnRzaMsye vyavasthitaH
05130020c prajApAlanasaMbhUtaM kiM cit prApa phalaM nRpaH
05130021a na hy etAm AziSaM pANDur na cAhaM na pitAmahaH
05130021c prayuktavantaH pUrvaM te yayA carasi medhayA
05130022a yajJo dAnaM tapaH zauryaM prajAsaMtAnam eva ca
05130022c mAhAtmyaM balam ojaz ca nityam AzaMsitaM mayA
05130023a nityaM svAhA svadhA nityaM dadur mAnuSadevatAH
05130023c dIrgham Ayur dhanaM putrAn samyag ArAdhitAH zubhAH
05130024a putreSv AzAsate nityaM pitaro daivatAni ca
05130024c dAnam adhyayanaM yajJaM prajAnAM paripAlanam
05130025a etad dharmam adharmaM vA janmanaivAbhyajAyathAH
05130025c te stha vaidyAH kule jAtA avRttyA tAta pIDitAH
05130026a yat tu dAnapatiM zUraM kSudhitAH pRthivIcarAH
05130026c prApya tRptAH pratiSThante dharmaH ko 'bhyadhikas tataH
05130027a dAnenAnyaM balenAnyaM tathA sUnRtayAparam
05130027c sarvataH pratigRhNIyAd rAjyaM prApyeha dhArmikaH
05130028a brAhmaNaH pracared bhaikSaM kSatriyaH paripAlayet
05130028c vaizyo dhanArjanaM kuryAc chUdraH paricarec ca tAn
05130029a bhaikSaM vipratiSiddhaM te kRSir naivopapadyate
05130029c kSatriyo 'si kSatAt trAtA bAhuvIryopajIvitA
05130030a pitryam aMzaM mahAbAho nimagnaM punar uddhara
05130030c sAmnA dAnena bhedena daNDenAtha nayena ca
05130031a ito duHkhataraM kiM nu yad ahaM hInabAndhavA
05130031c parapiNDam udIkSAmi tvAM sUtvAmitranandana
05130032a yudhyasva rAjadharmeNa mA nimajjIH pitAmahAn
05130032c mA gamaH kSINapuNyas tvaM sAnujaH pApikAM gatim
05131001  kunty uvAca
05131001a atrApy udAharantImam itihAsaM purAtanam
05131001c vidurAyAz ca saMvAdaM putrasya ca paraMtapa
05131002a atra zreyaz ca bhUyaz ca yathA sA vaktum arhati
05131002c yazasvinI manyumatI kule jAtA vibhAvarI
05131003a kSatradharmaratA dhanyA vidurA dIrghadarzinI
05131003c vizrutA rAjasaMsatsu zrutavAkyA bahuzrutA
05131004a vidurA nAma vai satyA jagarhe putram aurasam
05131004c nirjitaM sindhurAjena zayAnaM dInacetasam
05131004e anandanam adharmajJaM dviSatAM harSavardhanam
05131005a na mayA tvaM na pitrAsi jAtaH kvAbhyAgato hy asi
05131005c nirmanyur upazAkhIyaH puruSaH klIbasAdhanaH
05131006a yAvajjIvaM nirAzo 'si kalyANAya dhuraM vaha
05131006c mAtmAnam avamanyasva mainam alpena bIbharaH
05131006e manaH kRtvA sukalyANaM mA bhais tvaM pratisaMstabha
05131007a uttiSTha he kApuruSa mA zeSvaivaM parAjitaH
05131007c amitrAn nandayan sarvAn nirmAno bandhuzokadaH
05131008a supUrA vai kunadikA supUro mUSikAJjaliH
05131008c susaMtoSaH kApuruSaH svalpakenApi tuSyati
05131009a apy arer Arujan daMSTrAm Azveva nidhanaM vraja
05131009c api vA saMzayaM prApya jIvite 'pi parAkrama
05131010a apy areH zyenavac chidraM pazyes tvaM viparikraman
05131010c vinadan vAtha vA tUSNIM vyomni vAparizaGkitaH
05131011a tvam evaM pretavac cheSe kasmAd vajrahato yathA
05131011c uttiSTha he kApuruSa mA zeSvaivaM parAjitaH
05131012a mAstaM gamas tvaM kRpaNo vizrUyasva svakarmaNA
05131012c mA madhye mA jaghanye tvaM mAdho bhUs tiSTha corjitaH
05131013a alAtaM tindukasyeva muhUrtam api vijvala
05131013c mA tuSAgnir ivAnarciH kAkaraGkhA jijIviSuH
05131013e muhUrtaM jvalitaM zreyo na tu dhUmAyitaM ciram
05131014a mA ha sma kasya cid gehe janI rAjJaH kharImRduH
05131014c kRtvA mAnuSyakaM karma sRtvAjiM yAvad uttamam
05131014e dharmasyAnRNyam Apnoti na cAtmAnaM vigarhate
05131015a alabdhvA yadi vA labdhvA nAnuzocanti paNDitAH
05131015c AnantaryaM cArabhate na prANAnAM dhanAyate
05131016a udbhAvayasva vIryaM vA tAM vA gaccha dhruvAM gatim
05131016c dharmaM putrAgrataH kRtvA kiMnimittaM hi jIvasi
05131017a iSTApUrtaM hi te klIba kIrtiz ca sakalA hatA
05131017c vicchinnaM bhogamUlaM te kiMnimittaM hi jIvasi
05131018a zatrur nimajjatA grAhyo jaGghAyAM prapatiSyatA
05131018c viparicchinnamUlo 'pi na viSIdet kathaM cana
05131018e udyamya dhuram utkarSed AjAneyakRtaM smaran
05131019a kuru sattvaM ca mAnaM ca viddhi pauruSam AtmanaH
05131019c udbhAvaya kulaM magnaM tvatkRte svayam eva hi
05131020a yasya vRttaM na jalpanti mAnavA mahad adbhutam
05131020c rAzivardhanamAtraM sa naiva strI na punaH pumAn
05131021a dAne tapasi zaurye ca yasya na prathitaM yazaH
05131021c vidyAyAm arthalAbhe vA mAtur uccAra eva saH
05131022a zrutena tapasA vApi zriyA vA vikrameNa vA
05131022c janAn yo 'bhibhavaty anyAn karmaNA hi sa vai pumAn
05131023a na tv eva jAlmIM kApAlIM vRttim eSitum arhasi
05131023c nRzaMsyAm ayazasyAM ca duHkhAM kApuruSocitAm
05131024a yam enam abhinandeyur amitrAH puruSaM kRzam
05131024c lokasya samavajJAtaM nihInAzanavAsasam
05131025a aholAbhakaraM dInam alpajIvanam alpakam
05131025c nedRzaM bandhum AsAdya bAndhavaH sukham edhate
05131026a avRttyaiva vipatsyAmo vayaM rASTrAt pravAsitAH
05131026c sarvakAmarasair hInAH sthAnabhraSTA akiMcanAH
05131027a avarNakAriNaM satsu kulavaMzasya nAzanam
05131027c kaliM putrapravAdena saMjaya tvAm ajIjanam
05131028a niramarSaM nirutsAhaM nirvIryam arinandanam
05131028c mA sma sImantinI kA cij janayet putram IdRzam
05131029a mA dhUmAya jvalAtyantam Akramya jahi zAtravAn
05131029c jvala mUrdhany amitrANAM muhUrtam api vA kSaNam
05131030a etAvAn eva puruSo yad amarSI yad akSamI
05131030c kSamAvAn niramarSaz ca naiva strI na punaH pumAn
05131031a saMtoSo vai zriyaM hanti tathAnukroza eva ca
05131031c anutthAnabhaye cobhe nirIho nAznute mahat
05131032a ebhyo nikRtipApebhyaH pramuJcAtmAnam AtmanA
05131032c AyasaM hRdayaM kRtvA mRgayasva punaH svakam
05131033a puraM viSahate yasmAt tasmAt puruSa ucyate
05131033c tam Ahur vyarthanAmAnaM strIvad ya iha jIvati
05131034a zUrasyorjitasattvasya siMhavikrAntagAminaH
05131034c diSTabhAvaM gatasyApi vighase modate prajA
05131035a ya AtmanaH priyasukhe hitvA mRgayate zriyam
05131035c amAtyAnAm atho harSam AdadhAty acireNa saH
05131036  putra uvAca
05131036a kiM nu te mAm apazyantyAH pRthivyA api sarvayA
05131036c kim AbharaNakRtyaM te kiM bhogair jIvitena vA
05131037  mAtovAca
05131037a kim adyakAnAM ye lokA dviSantas tAn avApnuyuH
05131037c ye tv AdRtAtmanAM lokAH suhRdas tAn vrajantu naH
05131038a bhRtyair vihIyamAnAnAM parapiNDopajIvinAm
05131038c kRpaNAnAm asattvAnAM mA vRttim anuvartithAH
05131039a anu tvAM tAta jIvantu brAhmaNAH suhRdas tathA
05131039c parjanyam iva bhUtAni devA iva zatakratum
05131040a yam AjIvanti puruSaM sarvabhUtAni saMjaya
05131040c pakvaM drumam ivAsAdya tasya jIvitam arthavat
05131041a yasya zUrasya vikrAntair edhante bAndhavAH sukham
05131041c tridazA iva zakrasya sAdhu tasyeha jIvitam
05131042a svabAhubalam Azritya yo 'bhyujjIvati mAnavaH
05131042c sa loke labhate kIrtiM paratra ca zubhAM gatim
05132001  vidurovAca
05132001a athaitasyAm avasthAyAM pauruSaM hAtum icchasi
05132001c nihInasevitaM mArgaM gamiSyasy acirAd iva
05132002a yo hi tejo yathAzakti na darzayati vikramAt
05132002c kSatriyo jIvitAkAGkSI stena ity eva taM viduH
05132003a arthavanty upapannAni vAkyAni guNavanti ca
05132003c naiva saMprApnuvanti tvAM mumUrSum iva bheSajam
05132004a santi vai sindhurAjasya saMtuSTA bahavo janAH
05132004c daurbalyAd Asate mUDhA vyasanaughapratIkSiNaH
05132005a sahAyopacayaM kRtvA vyavasAyya tatas tataH
05132005c anuduSyeyur apare pazyantas tava pauruSam
05132006a taiH kRtvA saha saMghAtaM giridurgAlayAMz cara
05132006c kAle vyasanam AkAGkSan naivAyam ajarAmaraH
05132007a saMjayo nAmataz ca tvaM na ca pazyAmi tat tvayi
05132007c anvarthanAmA bhava me putra mA vyarthanAmakaH
05132008a samyagdRSTir mahAprAjJo bAlaM tvAM brAhmaNo 'bravIt
05132008c ayaM prApya mahat kRcchraM punar vRddhiM gamiSyati
05132009a tasya smarantI vacanam AzaMse vijayaM tava
05132009c tasmAt tAta bravImi tvAM vakSyAmi ca punaH punaH
05132010a yasya hy arthAbhinirvRttau bhavanty ApyAyitAH pare
05132010c tasyArthasiddhir niyatA nayeSv arthAnusAriNaH
05132011a samRddhir asamRddhir vA pUrveSAM mama saMjaya
05132011c evaM vidvAn yuddhamanA bhava mA pratyupAhara
05132012a nAtaH pApIyasIM kAM cid avasthAM zambaro 'bravIt
05132012c yatra naivAdya na prAtar bhojanaM pratidRzyate
05132013a patiputravadhAd etat paramaM duHkham abravIt
05132013c dAridryam iti yat proktaM paryAyamaraNaM hi tat
05132014a ahaM mahAkule jAtA hradAd dhradam ivAgatA
05132014c IzvarI sarvakalyANair bhartrA paramapUjitA
05132015a mahArhamAlyAbharaNAM sumRSTAmbaravAsasam
05132015c purA dRSTvA suhRdvargo mAm apazyat sudurgatAm
05132016a yadA mAM caiva bhAryAM ca draSTAsi bhRzadurbale
05132016c na tadA jIvitenArtho bhavitA tava saMjaya
05132017a dAsakarmakarAn bhRtyAn AcAryartvik purohitAn
05132017c avRttyAsmAn prajahato dRSTvA kiM jIvitena te
05132018a yadi kRtyaM na pazyAmi tavAdyeha yathA purA
05132018c zlAghanIyaM yazasyaM ca kA zAntir hRdayasya me
05132019a neti ced brAhmaNAn brUyAM dIryate hRdayaM mama
05132019c na hy ahaM na ca me bhartA neti brAhmaNam uktavAn
05132020a vayam AzrayaNIyAH sma nAzritAraH parasya ca
05132020c sAnyAn Azritya jIvantI parityakSyAmi jIvitam
05132021a apAre bhava naH pAram aplave bhava naH plavaH
05132021c kuruSva sthAnam asthAne mRtAn saMjIvayasva naH
05132022a sarve te zatravaH sahyA na cej jIvitum icchasi
05132022c atha ced IdRzIM vRttiM klIbAm abhyupapadyase
05132023a nirviNNAtmA hatamanA muJcaitAM pApajIvikAm
05132023c ekazatruvadhenaiva zUro gacchati vizrutim
05132024a indro vRtravadhenaiva mahendraH samapadyata
05132024c mAhendraM ca grahaM lebhe lokAnAM cezvaro 'bhavat
05132025a nAma vizrAvya vA saMkhye zatrUn AhUya daMzitAn
05132025c senAgraM vApi vidrAvya hatvA vA puruSaM varam
05132026a yadaiva labhate vIraH suyuddhena mahad yazaH
05132026c tadaiva pravyathante 'sya zatravo vinamanti ca
05132027a tyaktvAtmAnaM raNe dakSaM zUraM kApuruSA janAH
05132027c avazAH pUrayanti sma sarvakAmasamRddhibhiH
05132028a rAjyaM vApy ugravibhraMzaM saMzayo jIvitasya vA
05132028c pralabdhasya hi zatror vai zeSaM kurvanti sAdhavaH
05132029a svargadvAropamaM rAjyam atha vApy amRtopamam
05132029c ruddham ekAyane matvA patolmuka ivAriSu
05132030a jahi zatrUn raNe rAjan svadharmam anupAlaya
05132030c mA tvA pazyet sukRpaNaM zatruH zrImAn kadA cana
05132031a asmadIyaiz ca zocadbhir nadadbhiz ca parair vRtam
05132031c api tvAM nAnupazyeyaM dInA dInam avasthitam
05132032a uSya sauvIrakanyAbhiH zlAghasvArthair yathA purA
05132032c mA ca saindhavakanyAnAm avasan no vazaM gamaH
05132033a yuvA rUpeNa saMpanno vidyayAbhijanena ca
05132033c yas tvAdRzo vikurvIta yazasvI lokavizrutaH
05132033e voDhavye dhury anaDuvan manye maraNam eva tat
05132034a yadi tvAm anupazyAmi parasya priyavAdinam
05132034c pRSThato 'nuvrajantaM vA kA zAntir hRdayasya me
05132035a nAsmiJ jAtu kule jAto gacched yo 'nyasya pRSThataH
05132035c na tvaM parasyAnudhuraM tAta jIvitum arhasi
05132036a ahaM hi kSatrahRdayaM veda yat parizAzvatam
05132036c pUrvaiH pUrvataraiH proktaM paraiH paratarair api
05132037a yo vai kaz cid ihAjAtaH kSatriyaH kSatradharmavit
05132037c bhayAd vRttisamIkSo vA na named iha kasya cit
05132038a udyacched eva na named udyamo hy eva pauruSam
05132038c apy aparvaNi bhajyeta na named iha kasya cit
05132039a mAtaGgo matta iva ca parIyAt sumahAmanAH
05132039c brAhmaNebhyo namen nityaM dharmAyaiva ca saMjaya
05132040a niyacchann itarAn varNAn vinighnan sarvaduSkRtaH
05132040c sasahAyo 'sahAyo vA yAvajjIvaM tathA bhavet
05133001  putra uvAca
05133001a kRSNAyasasyeva ca te saMhatya hRdayaM kRtam
05133001c mama mAtas tv akaruNe vairaprajJe hy amarSaNe
05133002a aho kSatrasamAcAro yatra mAm aparaM yathA
05133002c IdRzaM vacanaM brUyAd bhavatI putram ekajam
05133003a kiM nu te mAm apazyantyAH pRthivyA api sarvayA
05133003c kim AbharaNakRtyaM te kiM bhogair jIvitena vA
05133004  mAtovAca
05133004a sarvArambhA hi viduSAM tAta dharmArthakAraNAt
05133004c tAn evAbhisamIkSyAhaM saMjaya tvAm acUcudam
05133005a sa samIkSyakramopeto mukhyaH kAlo 'yam AgataH
05133005c asmiMz ced Agate kAle kAryaM na pratipadyase
05133005e asaMbhAvitarUpas tvaM sunRzaMsaM kariSyasi
05133006a taM tvAm ayazasA spRSTaM na brUyAM yadi saMjaya
05133006c kharIvAtsalyam Ahus tan niHsAmarthyam ahetukam
05133007a sadbhir vigarhitaM mArgaM tyaja mUrkhaniSevitam
05133007c avidyA vai mahaty asti yAm imAM saMzritAH prajAH
05133008a tava syAd yadi sadvRttaM tena me tvaM priyo bhaveH
05133008c dharmArthaguNayuktena netareNa kathaM cana
05133008e daivamAnuSayuktena sadbhir Acaritena ca
05133009a yo hy evam avinItena ramate putranaptRNA
05133009c anutthAnavatA cApi moghaM tasya prajAphalam
05133010a akurvanto hi karmANi kurvanto ninditAni ca
05133010c sukhaM naiveha nAmutra labhante puruSAdhamAH
05133011a yuddhAya kSatriyaH sRSTaH saMjayeha jayAya ca
05133011c krUrAya karmaNe nityaM prajAnAM paripAlane
05133011e jayan vA vadhyamAno vA prApnotIndrasalokatAm
05133012a na zakrabhavane puNye divi tad vidyate sukham
05133012c yad amitrAn vaze kRtvA kSatriyaH sukham aznute
05133013a manyunA dahyamAnena puruSeNa manasvinA
05133013c nikRteneha bahuzaH zatrUn pratijigISayA
05133014a AtmAnaM vA parityajya zatrUn vA vinipAtya vai
05133014c ato 'nyena prakAreNa zAntir asya kuto bhavet
05133015a iha prAjJo hi puruSaH svalpam apriyam icchati
05133015c yasya svalpaM priyaM loke dhruvaM tasyAlpam apriyam
05133016a priyAbhAvAc ca puruSo naiva prApnoti zobhanam
05133016c dhruvaM cAbhAvam abhyeti gatvA gaGgeva sAgaram
05133017  putra uvAca
05133017a neyaM matis tvayA vAcyA mAtaH putre vizeSataH
05133017c kAruNyam evAtra pazya bhUtveha jaDamUkavat
05133018  mAtovAca
05133018a ato me bhUyasI nandir yad evam anupazyasi
05133018c codyaM mAM codayasy etad bhRzaM vai codayAmi te
05133019a atha tvAM pUjayiSyAmi hatvA vai sarvasaindhavAn
05133019c ahaM pazyAmi vijayaM kRtsnaM bhAvinam eva te
05133020  putra uvAca
05133020a akozasyAsahAyasya kutaH svid vijayo mama
05133020c ity avasthAM viditvemAm AtmanAtmani dAruNAm
05133020e rAjyAd bhAvo nivRtto me tridivAd iva duSkRteH
05133021a IdRzaM bhavatI kaM cid upAyam anupazyati
05133021c tan me pariNataprajJe samyak prabrUhi pRcchate
05133021e kariSyAmi hi tat sarvaM yathAvad anuzAsanam
05133022  mAtovAca
05133022a putrAtmA nAvamantavyaH pUrvAbhir asamRddhibhiH
05133022c abhUtvA hi bhavanty arthA bhUtvA nazyanti cApare
05133023a amarSeNaiva cApy arthA nArabdhavyAH subAlizaiH
05133023c sarveSAM karmaNAM tAta phale nityam anityatA
05133024a anityam iti jAnanto na bhavanti bhavanti ca
05133024c atha ye naiva kurvanti naiva jAtu bhavanti te
05133025a aikaguNyam anIhAyAm abhAvaH karmaNAM phalam
05133025c atha dvaiguNyam IhAyAM phalaM bhavati vA na vA
05133026a yasya prAg eva viditA sarvArthAnAm anityatA
05133026c nuded vRddhisamRddhI sa pratikUle nRpAtmaja
05133027a utthAtavyaM jAgRtavyaM yoktavyaM bhUtikarmasu
05133027c bhaviSyatIty eva manaH kRtvA satatam avyathaiH
05133027e maGgalAni puraskRtya brAhmaNaiz cezvaraiH saha
05133028a prAjJasya nRpater Azu vRddhir bhavati putraka
05133028c abhivartati lakSmIs taM prAcIm iva divAkaraH
05133029a nidarzanAny upAyAMz ca bahUny uddharSaNAni ca
05133029c anudarzitarUpo 'si pazyAmi kuru pauruSam
05133029e puruSArtham abhipretaM samAhartum ihArhasi
05133030a kruddhA&l lubdhAn parikSINAn avakSiptAn vimAnitAn
05133030c spardhinaz caiva ye ke cit tAn yukta upadhAraya
05133031a etena tvaM prakAreNa mahato bhetsyase gaNAn
05133031c mahAvega ivoddhUto mAtarizvA balAhakAn
05133032a teSAm agrapradAyI syAH kalyotthAyI priyaMvadaH
05133032c te tvAM priyaM kariSyanti puro dhAsyanti ca dhruvam
05133033a yadaiva zatrur jAnIyAt sapatnaM tyaktajIvitam
05133033c tadaivAsmAd udvijate sarpAd vezmagatAd iva
05133034a taM viditvA parAkrAntaM vaze na kurute yadi
05133034c nirvAdair nirvaded enam antatas tad bhaviSyati
05133035a nirvAdAd AspadaM labdhvA dhanavRddhir bhaviSyati
05133035c dhanavantaM hi mitrANi bhajante cAzrayanti ca
05133036a skhalitArthaM punas tAta saMtyajanty api bAndhavAH
05133036c apy asminn Azrayante ca jugupsanti ca tAdRzam
05133037a zatruM kRtvA yaH sahAyaM vizvAsam upagacchati
05133037c ataH saMbhAvyam evaitad yad rAjyaM prApnuyAd iti
05134001  mAtovAca
05134001a naiva rAjJA daraH kAryo jAtu kasyAM cid Apadi
05134001c atha ced api dIrNaH syAn naiva varteta dIrNavat
05134002a dIrNaM hi dRSTvA rAjAnaM sarvam evAnudIryate
05134002c rASTraM balam amAtyAz ca pRthak kurvanti te matim
05134003a zatrUn eke prapadyante prajahaty apare punaH
05134003c anv eke prajihIrSanti ye purastAd vimAnitAH
05134004a ya evAtyantasuhRdas ta enaM paryupAsate
05134004c azaktayaH svastikAmA baddhavatsA iDA iva
05134004e zocantam anuzocanti pratItAn iva bAndhavAn
05134005a api te pUjitAH pUrvam api te suhRdo matAH
05134005c ye rASTram abhimanyante rAjJo vyasanam IyuSaH
05134005e mA dIdaras tvaM suhRdo mA tvAM dIrNaM prahAsiSuH
05134006a prabhAvaM pauruSaM buddhiM jijJAsantyA mayA tava
05134006c ullapantyA samAzvAsaM balavAn iva durbalam
05134007a yady etat saMvijAnAsi yadi samyag bravImy aham
05134007c kRtvAsaumyam ivAtmAnaM jayAyottiSTha saMjaya
05134008a asti naH kozanicayo mahAn aviditas tava
05134008c tam ahaM veda nAnyas tam upasaMpAdayAmi te
05134009a santi naikazatA bhUyaH suhRdas tava saMjaya
05134009c sukhaduHkhasahA vIra zatArhA anivartinaH
05134010a tAdRzA hi sahAyA vai puruSasya bubhUSataH
05134010c ISad ujjihataH kiM cit sacivAH zatrukarzanAH
05134011  putra uvAca
05134011a kasya tv IdRzakaM vAkyaM zrutvApi svalpacetasaH
05134011c tamo na vyapahanyeta sucitrArthapadAkSaram
05134012a udake dhUr iyaM dhAryA sartavyaM pravaNe mayA
05134012c yasya me bhavatI netrI bhaviSyad bhUtadarzinI
05134013a ahaM hi vacanaM tvattaH zuzrUSur aparAparam
05134013c kiM cit kiM cit prativadaMs tUSNIm AsaM muhur muhuH
05134014a atRpyann amRtasyeva kRcchrAl labdhasya bAndhavAt
05134014c udyacchAmy eSa zatrUNAM niyamAya jayAya ca
05134015  kunty uvAca
05134015a sadazva iva sa kSiptaH praNunno vAkyasAyakaiH
05134015c tac cakAra tathA sarvaM yathAvad anuzAsanam
05134016a idam uddharSaNaM bhImaM tejovardhanam uttamam
05134016c rAjAnaM zrAvayen mantrI sIdantaM zatrupIDitam
05134017a jayo nAmetihAso 'yaM zrotavyo vijigISuNA
05134017c mahIM vijayate kSipraM zrutvA zatrUMz ca mardati
05134018a idaM puMsavanaM caiva vIrAjananam eva ca
05134018c abhIkSNaM garbhiNI zrutvA dhruvaM vIraM prajAyate
05134019a vidyAzUraM tapaHzUraM damazUraM tapasvinam
05134019c brAhmyA zriyA dIpyamAnaM sAdhuvAdena saMmatam
05134020a arciSmantaM balopetaM mahAbhAgaM mahAratham
05134020c dhRSTavantam anAdhRSyaM jetAram aparAjitam
05134021a niyantAram asAdhUnAM goptAraM dharmacAriNAm
05134021c tadarthaM kSatriyA sUte vIraM satyaparAkramam
05135001  kunty uvAca
05135001a arjunaM kezava brUyAs tvayi jAte sma sUtake
05135001c upopaviSTA nArIbhir Azrame parivAritA
05135002a athAntarikSe vAg AsId divyarUpA manoramA
05135002c sahasrAkSasamaH kunti bhaviSyaty eSa te sutaH
05135003a eSa jeSyati saMgrAme kurUn sarvAn samAgatAn
05135003c bhImasenadvitIyaz ca lokam udvartayiSyati
05135004a putras te pRthivIM jetA yazaz cAsya divaspRzam
05135004c hatvA kurUn grAmajanye vAsudevasahAyavAn
05135005a pitryam aMzaM pranaSTaM ca punar apy uddhariSyati
05135005c bhrAtRbhiH sahitaH zrImAMs trIn medhAn AhariSyati
05135006a taM satyasaMdhaM bIbhatsuM savyasAcinam acyuta
05135006c yathAham evaM jAnAmi balavantaM durAsadam
05135006e tathA tad astu dAzArha yathA vAg abhyabhASata
05135007a dharmaz ced asti vArSNeya tathA satyaM bhaviSyati
05135007c tvaM cApi tat tathA kRSNa sarvaM saMpAdayiSyasi
05135008a nAhaM tad abhyasUyAmi yathA vAg abhyabhASata
05135008c namo dharmAya mahate dharmo dhArayati prajAH
05135009a etad dhanaMjayo vAcyo nityodyukto vRkodaraH
05135009c yadarthaM kSatriyA sUte tasya kAlo 'yam AgataH
05135009e na hi vairaM samAsAdya sIdanti puruSarSabhAH
05135010a viditA te sadA buddhir bhImasya na sa zAmyati
05135010c yAvad antaM na kurute zatrUNAM zatrukarzanaH
05135011a sarvadharmavizeSajJAM snuSAM pANDor mahAtmanaH
05135011c brUyA mAdhava kalyANIM kRSNAM kRSNa yazasvinIm
05135012a yuktam etan mahAbhAge kule jAte yazasvini
05135012c yan me putreSu sarveSu yathAvat tvam avartithAH
05135013a mAdrIputrau ca vaktavyau kSatradharmaratAv ubhau
05135013c vikrameNArjitAn bhogAn vRNItaM jIvitAd api
05135014a vikramAdhigatA hy arthAH kSatradharmeNa jIvataH
05135014c mano manuSyasya sadA prINanti puruSottama
05135015a yac ca vaH prekSamANAnAM sarvadharmopacAyinI
05135015c pAJcAlI paruSANy uktA ko nu tat kSantum arhati
05135016a na rAjyaharaNaM duHkhaM dyUte cApi parAjayaH
05135016c pravrAjanaM sutAnAM vA na me tad duHkhakAraNam
05135017a yat tu sA bRhatI zyAmA sabhAyAM rudatI tadA
05135017c azrauSIt paruSA vAcas tan me duHkhataraM matam
05135018a strIdharmiNI varArohA kSatradharmaratA sadA
05135018c nAdhyagacchat tadA nAthaM kRSNA nAthavatI satI
05135019a taM vai brUhi mahAbAho sarvazastrabhRtAM varam
05135019c arjunaM puruSavyAghraM draupadyAH padavIM cara
05135020a viditau hi tavAtyantaM kruddhAv iva yamAntakau
05135020c bhImArjunau nayetAM hi devAn api parAM gatim
05135021a tayoz caitad avajJAnaM yat sA kRSNA sabhAgatA
05135021c duHzAsanaz ca yad bhImaM kaTukAny abhyabhASata
05135021e pazyatAM kuruvIrANAM tac ca saMsmArayeH punaH
05135022a pANDavAn kuzalaM pRccheH saputrAn kRSNayA saha
05135022c mAM ca kuzalinIM brUyAs teSu bhUyo janArdana
05135022e ariSTaM gaccha panthAnaM putrAn me paripAlaya
05135023  vaizaMpAyana uvAca
05135023a abhivAdyAtha tAM kRSNaH kRtvA cAbhipradakSiNam
05135023c nizcakrAma mahAbAhuH siMhakhelagatis tataH
05135024a tato visarjayAm Asa bhISmAdIn kurupuMgavAn
05135024c Aropya ca rathe karNaM prAyAt sAtyakinA saha
05135025a tataH prayAte dAzArhe kuravaH saMgatA mithaH
05135025c jajalpur mahad AzcaryaM kezave paramAdbhutam
05135026a pramUDhA pRthivI sarvA mRtyupAzasitA kRtA
05135026c duryodhanasya bAlizyAn naitad astIti cAbruvan
05135027a tato niryAya nagarAt prayayau puruSottamaH
05135027c mantrayAm Asa ca tadA karNena suciraM saha
05135028a visarjayitvA rAdheyaM sarvayAdavanandanaH
05135028c tato javena mahatA tUrNam azvAn acodayat
05135029a te pibanta ivAkAzaM dArukeNa pracoditAH
05135029c hayA jagmur mahAvegA manomArutaraMhasaH
05135030a te vyatItya tam adhvAnaM kSipraM zyenA ivAzugAH
05135030c uccaiH sUryam upaplavyaM zArGgadhanvAnam Avahan
05136001  vaizaMpAyana uvAca
05136001a kuntyAs tu vacanaM zrutvA bhISmadroNau mahArathau
05136001c duryodhanam idaM vAkyam UcatuH zAsanAtigam
05136002a zrutaM te puruSavyAghra kuntyAH kRSNasya saMnidhau
05136002c vAkyam arthavad avyagram uktaM dharmyam anuttamam
05136003a tat kariSyanti kaunteyA vAsudevasya saMmatam
05136003c na hi te jAtu zAmyerann Rte rAjyena kaurava
05136004a klezitA hi tvayA pArthA dharmapAzasitAs tadA
05136004c sabhAyAM draupadI caiva taiz ca tan marSitaM tava
05136005a kRtAstraM hy arjunaM prApya bhImaM ca kRtanizramam
05136005c gANDIvaM ceSudhI caiva rathaM ca dhvajam eva ca
05136005e sahAyaM vAsudevaM ca na kSaMsyati yudhiSThiraH
05136006a pratyakSaM te mahAbAho yathA pArthena dhImatA
05136006c virATanagare pUrvaM sarve sma yudhi nirjitAH
05136007a dAnavAn ghorakarmANo nivAtakavacAn yudhi
05136007c raudram astraM samAdhAya dagdhavAn astravahninA
05136008a karNaprabhRtayaz ceme tvaM cApi kavacI rathI
05136008c mokSitA ghoSayAtrAyAM paryAptaM tan nidarzanam
05136009a prazAmya bharatazreSTha bhrAtRbhiH saha pANDavaiH
05136009c rakSemAM pRthivIM sarvAM mRtyor daMSTrAntaraM gatAm
05136010a jyeSTho bhrAtA dharmazIlo vatsalaH zlakSNavAk zuciH
05136010c taM gaccha puruSavyAghraM vyapanIyeha kilbiSam
05136011a dRSTaz cet tvaM pANDavena vyapanItazarAsanaH
05136011c prasannabhrukuTiH zrImAn kRtA zAntiH kulasya naH
05136012a tam abhyetya sahAmAtyaH pariSvajya nRpAtmajam
05136012c abhivAdaya rAjAnaM yathApUrvam ariMdama
05136013a abhivAdayamAnaM tvAM pANibhyAM bhImapUrvajaH
05136013c pratigRhNAtu sauhArdAt kuntIputro yudhiSThiraH
05136014a siMhaskandhorubAhus tvAM vRttAyatamahAbhujaH
05136014c pariSvajatu bAhubhyAM bhImaH praharatAM varaH
05136015a siMhagrIvo guDAkezas tatas tvAM puSkarekSaNaH
05136015c abhivAdayatAM pArthaH kuntIputro dhanaMjayaH
05136016a Azvineyau naravyAghrau rUpeNApratimau bhuvi
05136016c tau ca tvAM guruvat premNA pUjayA pratyudIyatAm
05136017a muJcantv AnandajAzrUNi dAzArhapramukhA nRpAH
05136017c saMgaccha bhrAtRbhiH sArdhaM mAnaM saMtyajya pArthiva
05136018a prazAdhi pRthivIM kRtsnAM tatas taM bhrAtRbhiH saha
05136018c samAliGgya ca harSeNa nRpA yAntu parasparam
05136019a alaM yuddhena rAjendra suhRdAM zRNu kAraNam
05136019c dhruvaM vinAzo yuddhe hi kSatriyANAM pradRzyate
05136020a jyotIMSi pratikUlAni dAruNA mRgapakSiNaH
05136020c utpAtA vividhA vIra dRzyante kSatranAzanAH
05136021a vizeSata ihAsmAkaM nimittAni vinAzane
05136021c ulkAbhir hi pradIptAbhir vadhyate pRtanA tava
05136022a vAhanAny aprahRSTAni rudantIva vizAM pate
05136022c gRdhrAs te paryupAsante sainyAni ca samantataH
05136023a nagaraM na yathApUrvaM tathA rAjanivezanam
05136023c zivAz cAzivanirghoSA dIptAM sevanti vai dizam
05136024a kuru vAkyaM pitur mAtur asmAkaM ca hitaiSiNAm
05136024c tvayy Ayatto mahAbAho zamo vyAyAma eva ca
05136025a na cet kariSyasi vacaH suhRdAm arikarzana
05136025c tapsyase vAhinIM dRSTvA pArthabANaprapIDitAm
05136026a bhImasya ca mahAnAdaM nadataH zuSmiNo raNe
05136026c zrutvA smartAsi me vAkyaM gANDIvasya ca nisvanam
05136026e yady etad apasavyaM te bhaviSyati vaco mama
05137001  vaizaMpAyana uvAca
05137001a evam uktas tu vimanAs tiryagdRSTir adhomukhaH
05137001c saMhatya ca bhruvor madhyaM na kiM cid vyAjahAra ha
05137002a taM vai vimanasaM dRSTvA saMprekSyAnyonyam antikAt
05137002c punar evottaraM vAkyam uktavantau nararSabhau
05137003  bhISma uvAca
05137003a zuzrUSum anasUyaM ca brahmaNyaM satyasaMgaram
05137003c pratiyotsyAmahe pArtham ato duHkhataraM nu kim
05137004  droNa uvAca
05137004a azvatthAmni yathA putre bhUyo mama dhanaMjaye
05137004c bahumAnaH paro rAjan saMnatiz ca kapidhvaje
05137005a taM cet putrAt priyataraM pratiyotsye dhanaMjayam
05137005c kSatradharmam anuSThAya dhig astu kSatrajIvikAm
05137006a yasya loke samo nAsti kaz cid anyo dhanurdharaH
05137006c matprasAdAt sa bIbhatsuH zreyAn anyair dhanurdharaiH
05137007a mitradhrug duSTabhAvaz ca nAstiko 'thAnRjuH zaThaH
05137007c na satsu labhate pUjAM yajJe mUrkha ivAgataH
05137008a vAryamANo 'pi pApebhyaH pApAtmA pApam icchati
05137008c codyamAno 'pi pApena zubhAtmA zubham icchati
05137009a mithyopacaritA hy ete vartamAnA hy anu priye
05137009c ahitatvAya kalpante doSA bharatasattama
05137010a tvam uktaH kuruvRddhena mayA ca vidureNa ca
05137010c vAsudevena ca tathA zreyo naivAbhipadyase
05137011a asti me balam ity eva sahasA tvaM titIrSasi
05137011c sagrAhanakramakaraM gaGgAvegam ivoSNage
05137012a vAsa eva yathA hi tvaM prAvRNvAno 'dya manyase
05137012c srajaM tyaktAm iva prApya lobhAd yaudhiSThirIM zriyam
05137013a draupadIsahitaM pArthaM sAyudhair bhrAtRbhir vRtam
05137013c vanastham api rAjyasthaH pANDavaM ko 'tijIvati
05137014a nideze yasya rAjAnaH sarve tiSThanti kiMkarAH
05137014c tam ailavilam AsAdya dharmarAjo vyarAjata
05137015a kuberasadanaM prApya tato ratnAny avApya ca
05137015c sphItam Akramya te rASTraM rAjyam icchanti pANDavAH
05137016a dattaM hutam adhItaM ca brAhmaNAs tarpitA dhanaiH
05137016c Avayor gatam Ayuz ca kRtakRtyau ca viddhi nau
05137017a tvaM tu hitvA sukhaM rAjyaM mitrANi ca dhanAni ca
05137017c vigrahaM pANDavaiH kRtvA mahad vyasanam Apsyasi
05137018a draupadI yasya cAzAste vijayaM satyavAdinI
05137018c tapoghoravratA devI na tvaM jeSyasi pANDavam
05137019a mantrI janArdano yasya bhrAtA yasya dhanaMjayaH
05137019c sarvazastrabhRtAM zreSThaM kathaM jeSyasi pANDavam
05137020a sahAyA brAhmaNA yasya dhRtimanto jitendriyAH
05137020c tam ugratapasaM vIraM kathaM jeSyasi pANDavam
05137021a punar uktaM ca vakSyAmi yat kAryaM bhUtim icchatA
05137021c suhRdA majjamAneSu suhRtsu vyasanArNave
05137022a alaM yuddhena tair vIraiH zAmya tvaM kuruvRddhaye
05137022c mA gamaH sasutAmAtyaH sabalaz ca parAbhavam
05138001  dhRtarASTra uvAca
05138001a rAjaputraiH parivRtas tathAmAtyaiz ca saMjaya
05138001c upAropya rathe karNaM niryAto madhusUdanaH
05138002a kim abravId rathopasthe rAdheyaM paravIrahA
05138002c kAni sAntvAni govindaH sUtaputre prayuktavAn
05138003a oghameghasvanaH kAle yat kRSNaH karNam abravIt
05138003c mRdu vA yadi vA tIkSNaM tan mamAcakSva saMjaya
05138004  saMjaya uvAca
05138004a AnupUrvyeNa vAkyAni zlakSNAni ca mRdUni ca
05138004c priyANi dharmayuktAni satyAni ca hitAni ca
05138005a hRdayagrahaNIyAni rAdheyaM madhusUdanaH
05138005c yAny abravId ameyAtmA tAni me zRNu bhArata
05138006  vAsudeva uvAca
05138006a upAsitAs te rAdheya brAhmaNA vedapAragAH
05138006c tattvArthaM paripRSTAz ca niyatenAnasUyayA
05138007a tvam eva karNa jAnAsi vedavAdAn sanAtanAn
05138007c tvaM hy eva dharmazAstreSu sUkSmeSu pariniSThitaH
05138008a kAnInaz ca sahoDhaz ca kanyAyAM yaz ca jAyate
05138008c voDhAraM pitaraM tasya prAhuH zAstravido janAH
05138009a so 'si karNa tathA jAtaH pANDoH putro 'si dharmataH
05138009c nigrahAd dharmazAstrANAm ehi rAjA bhaviSyasi
05138010a pitRpakSe hi te pArthA mAtRpakSe ca vRSNayaH
05138010c dvau pakSAv abhijAnIhi tvam etau puruSarSabha
05138011a mayA sArdham ito yAtam adya tvAM tAta pANDavAH
05138011c abhijAnantu kaunteyaM pUrvajAtaM yudhiSThirAt
05138012a pAdau tava grahISyanti bhrAtaraH paJca pANDavAH
05138012c draupadeyAs tathA paJca saubhadraz cAparAjitaH
05138013a rAjAno rAjaputrAz ca pANDavArthe samAgatAH
05138013c pAdau tava grahISyanti sarve cAndhakavRSNayaH
05138014a hiraNmayAMz ca te kumbhAn rAjatAn pArthivAMs tathA
05138014c oSadhyaH sarvabIjAni sarvaratnAni vIrudhaH
05138015a rAjanyA rAjakanyAz cApy Anayantv abhiSecanam
05138015c SaSThe ca tvAM tathA kAle draupady upagamiSyati
05138016a adya tvAm abhiSiJcantu cAturvaidyA dvijAtayaH
05138016c purohitaH pANDavAnAM vyAghracarmaNy avasthitam
05138017a tathaiva bhrAtaraH paJca pANDavAH puruSarSabhAH
05138017c draupadeyAs tathA paJca pAJcAlAz cedayas tathA
05138018a ahaM ca tvAbhiSekSyAmi rAjAnaM pRthivIpatim
05138018c yuvarAjo 'stu te rAjA kuntIputro yudhiSThiraH
05138019a gRhItvA vyajanaM zvetaM dharmAtmA saMzitavrataH
05138019c upAnvArohatu rathaM kuntIputro yudhiSThiraH
05138020a chatraM ca te mahac chvetaM bhImaseno mahAbalaH
05138020c abhiSiktasya kaunteya kaunteyo dhArayiSyati
05138021a kiGkiNIzatanirghoSaM vaiyAghraparivAraNam
05138021c rathaM zvetahayair yuktam arjuno vAhayiSyati
05138022a abhimanyuz ca te nityaM pratyAsanno bhaviSyati
05138022c nakulaH sahadevaz ca draupadeyAz ca paJca ye
05138023a pAJcAlAs tvAnuyAsyanti zikhaNDI ca mahArathaH
05138023c ahaM ca tvAnuyAsyAmi sarve cAndhakavRSNayaH
05138023e dAzArhAH parivArAs te dAzArNAz ca vizAM pate
05138024a bhuGkSva rAjyaM mahAbAho bhrAtRbhiH saha pANDavaiH
05138024c japair homaiz ca saMyukto maGgalaiz ca pRthagvidhaiH
05138025a purogamAz ca te santu draviDAH saha kuntalaiH
05138025c AndhrAs tAlacarAz caiva cUcupA veNupAs tathA
05138026a stuvantu tvAdya bahuzaH stutibhiH sUtamAgadhAH
05138026c vijayaM vasuSeNasya ghoSayantu ca pANDavAH
05138027a sa tvaM parivRtaH pArthair nakSatrair iva candramAH
05138027c prazAdhi rAjyaM kaunteya kuntIM ca pratinandaya
05138028a mitrANi te prahRSyantu vyathantu ripavas tathA
05138028c saubhrAtraM caiva te 'dyAstu bhrAtRbhiH saha pANDavaiH
05139001  karNa uvAca
05139001a asaMzayaM sauhRdAn me praNayAc cAttha kezava
05139001c sakhyena caiva vArSNeya zreyaskAmatayaiva ca
05139002a sarvaM caivAbhijAnAmi pANDoH putro 'smi dharmataH
05139002c nigrahAd dharmazAstrANAM yathA tvaM kRSNa manyase
05139003a kanyA garbhaM samAdhatta bhAskarAn mAM janArdana
05139003c AdityavacanAc caiva jAtaM mAM sA vyasarjayat
05139004a so 'smi kRSNa tathA jAtaH pANDoH putro 'smi dharmataH
05139004c kuntyA tv aham apAkIrNo yathA na kuzalaM tathA
05139005a sUto hi mAm adhiratho dRSTvaiva anayad gRhAn
05139005c rAdhAyAz caiva mAM prAdAt sauhArdAn madhusUdana
05139006a matsnehAc caiva rAdhAyAH sadyaH kSIram avAtarat
05139006c sA me mUtraM purISaM ca pratijagrAha mAdhava
05139007a tasyAH piNDavyapanayaM kuryAd asmadvidhaH katham
05139007c dharmavid dharmazAstrANAM zravaNe satataM rataH
05139008a tathA mAm abhijAnAti sUtaz cAdhirathaH sutam
05139008c pitaraM cAbhijAnAmi tam ahaM sauhRdAt sadA
05139009a sa hi me jAtakarmAdi kArayAm Asa mAdhava
05139009c zAstradRSTena vidhinA putraprItyA janArdana
05139010a nAma me vasuSeNeti kArayAm Asa vai dvijaiH
05139010c bhAryAz coDhA mama prApte yauvane tena kezava
05139011a tAsu putrAz ca pautrAz ca mama jAtA janArdana
05139011c tAsu me hRdayaM kRSNa saMjAtaM kAmabandhanam
05139012a na pRthivyA sakalayA na suvarNasya rAzibhiH
05139012c harSAd bhayAd vA govinda anRtaM vaktum utsahe
05139013a dhRtarASTrakule kRSNa duryodhanasamAzrayAt
05139013c mayA trayodaza samA bhuktaM rAjyam akaNTakam
05139014a iSTaM ca bahubhir yajJaiH saha sUtair mayAsakRt
05139014c AvAhAz ca vivAhAz ca saha sUtaiH kRtA mayA
05139015a mAM ca kRSNa samAzritya kRtaH zastrasamudyamaH
05139015c duryodhanena vArSNeya vigrahaz cApi pANDavaiH
05139016a tasmAd raNe dvairathe mAM pratyudyAtAram acyuta
05139016c vRtavAn paramaM hRSTaH pratIpaM savyasAcinaH
05139017a vadhAd bandhAd bhayAd vApi lobhAd vApi janArdana
05139017c anRtaM notsahe kartuM dhArtarASTrasya dhImataH
05139018a yadi hy adya na gaccheyaM dvairathaM savyasAcinA
05139018c akIrtiH syAd dhRSIkeza mama pArthasya cobhayoH
05139019a asaMzayaM hitArthAya brUyAs tvaM madhusUdana
05139019c sarvaM ca pANDavAH kuryus tvadvazitvAn na saMzayaH
05139020a mantrasya niyamaM kuryAs tvam atra puruSottama
05139020c etad atra hitaM manye sarvayAdavanandana
05139021a yadi jAnAti mAM rAjA dharmAtmA saMzitavrataH
05139021c kuntyAH prathamajaM putraM na sa rAjyaM grahISyati
05139022a prApya cApi mahad rAjyaM tad ahaM madhusUdana
05139022c sphItaM duryodhanAyaiva saMpradadyAm ariMdama
05139023a sa eva rAjA dharmAtmA zAzvato 'stu yudhiSThiraH
05139023c netA yasya hRSIkezo yoddhA yasya dhanaMjayaH
05139024a pRthivI tasya rASTraM ca yasya bhImo mahArathaH
05139024c nakulaH sahadevaz ca draupadeyAz ca mAdhava
05139025a uttamaujA yudhAmanyuH satyadharmA ca somakiH
05139025c caidyaz ca cekitAnaz ca zikhaNDI cAparAjitaH
05139026a indragopakavarNAz ca kekayA bhrAtaras tathA
05139026c indrAyudhasavarNaz ca kuntibhojo mahArathaH
05139027a mAtulo bhImasenasya senajic ca mahArathaH
05139027c zaGkhaH putro virATasya nidhis tvaM ca janArdana
05139028a mahAn ayaM kRSNa kRtaH kSatrasya samudAnayaH
05139028c rAjyaM prAptam idaM dIptaM prathitaM sarvarAjasu
05139029a dhArtarASTrasya vArSNeya zastrayajJo bhaviSyati
05139029c asya yajJasya vettA tvaM bhaviSyasi janArdana
05139029e AdhvaryavaM ca te kRSNa kratAv asmin bhaviSyati
05139030a hotA caivAtra bIbhatsuH saMnaddhaH sa kapidhvajaH
05139030c gANDIvaM sruk tathAjyaM ca vIryaM puMsAM bhaviSyati
05139031a aindraM pAzupataM brAhmaM sthUNAkarNaM ca mAdhava
05139031c mantrAs tatra bhaviSyanti prayuktAH savyasAcinA
05139032a anuyAtaz ca pitaram adhiko vA parAkrame
05139032c grAvastotraM sa saubhadraH samyak tatra kariSyati
05139033a udgAtAtra punar bhImaH prastotA sumahAbalaH
05139033c vinadan sa naravyAghro nAgAnIkAntakRd raNe
05139034a sa caiva tatra dharmAtmA zazvad rAjA yudhiSThiraH
05139034c japair homaiz ca saMyukto brahmatvaM kArayiSyati
05139035a zaGkhazabdAH samurajA bheryaz ca madhusUdana
05139035c utkRSTasiMhanAdAz ca subrahmaNyo bhaviSyati
05139036a nakulaH sahadevaz ca mAdrIputrau yazasvinau
05139036c zAmitraM tau mahAvIryau samyak tatra kariSyataH
05139037a kalmASadaNDA govinda vimalA rathazaktayaH
05139037c yUpAH samupakalpantAm asmin yajJe janArdana
05139038a karNinAlIkanArAcA vatsadantopabRMhaNAH
05139038c tomarAH somakalazAH pavitrANi dhanUMSi ca
05139039a asayo 'tra kapAlAni puroDAzAH zirAMsi ca
05139039c havis tu rudhiraM kRSNa asmin yajJe bhaviSyati
05139040a idhmAH paridhayaz caiva zaktyo 'tha vimalA gadAH
05139040c sadasyA droNaziSyAz ca kRpasya ca zaradvataH
05139041a iSavo 'tra paristomA muktA gANDIvadhanvanA
05139041c mahArathaprayuktAz ca droNadrauNipracoditAH
05139042a prAtiprasthAnikaM karma sAtyakiH sa kariSyati
05139042c dIkSito dhArtarASTro 'tra patnI cAsya mahAcamUH
05139043a ghaTotkaco 'tra zAmitraM kariSyati mahAbalaH
05139043c atirAtre mahAbAho vitate yajJakarmaNi
05139044a dakSiNA tv asya yajJasya dhRSTadyumnaH pratApavAn
05139044c vaitAne karmaNi tate jAto yaH kRSNa pAvakAt
05139045a yad abruvam ahaM kRSNa kaTukAni sma pANDavAn
05139045c priyArthaM dhArtarASTrasya tena tapye 'dya karmaNA
05139046a yadA drakSyasi mAM kRSNa nihataM savyasAcinA
05139046c punaz citis tadA cAsya yajJasyAtha bhaviSyati
05139047a duHzAsanasya rudhiraM yadA pAsyati pANDavaH
05139047c AnardaM nardataH samyak tadA sutyaM bhaviSyati
05139048a yadA droNaM ca bhISmaM ca pAJcAlyau pAtayiSyataH
05139048c tadA yajJAvasAnaM tad bhaviSyati janArdana
05139049a duryodhanaM yadA hantA bhImaseno mahAbalaH
05139049c tadA samApsyate yajJo dhArtarASTrasya mAdhava
05139050a snuSAz ca prasnuSAz caiva dhRtarASTrasya saMgatAH
05139050c hatezvarA hatasutA hatanAthAz ca kezava
05139051a gAndhAryA saha rodantyaH zvagRdhrakurarAkule
05139051c sa yajJe 'sminn avabhRtho bhaviSyati janArdana
05139052a vidyAvRddhA vayovRddhAH kSatriyAH kSatriyarSabha
05139052c vRthAmRtyuM na kurvIraMs tvatkRte madhusUdana
05139053a zastreNa nidhanaM gacchet samRddhaM kSatramaNDalam
05139053c kurukSetre puNyatame trailokyasyApi kezava
05139054a tad atra puNDarIkAkSa vidhatsva yad abhIpsitam
05139054c yathA kArtsnyena vArSNeya kSatraM svargam avApnuyAt
05139055a yAvat sthAsyanti girayaH saritaz ca janArdana
05139055c tAvat kIrtibhavaH zabdaH zAzvato 'yaM bhaviSyati
05139056a brAhmaNAH kathayiSyanti mahAbhAratam Ahavam
05139056c samAgameSu vArSNeya kSatriyANAM yazodharam
05139057a samupAnaya kaunteyaM yuddhAya mama kezava
05139057c mantrasaMvaraNaM kurvan nityam eva paraMtapa
05140001  saMjaya uvAca
05140001a karNasya vacanaM zrutvA kezavaH paravIrahA
05140001c uvAca prahasan vAkyaM smitapUrvam idaM tadA
05140002a api tvAM na tapet karNa rAjyalAbhopapAdanA
05140002c mayA dattAM hi pRthivIM na prazAsitum icchasi
05140003a dhruvo jayaH pANDavAnAm itIdaM; na saMzayaH kaz cana vidyate 'tra
05140003c jayadhvajo dRzyate pANDavasya; samucchrito vAnararAja ugraH
05140004a divyA mAyA vihitA bhauvanena; samucchritA indraketuprakAzA
05140004c divyAni bhUtAni bhayAvahAni; dRzyanti caivAtra bhayAnakAni
05140005a na sajjate zailavanaspatibhya; UrdhvaM tiryag yojanamAtrarUpaH
05140005c zrImAn dhvajaH karNa dhanaMjayasya; samucchritaH pAvakatulyarUpaH
05140006a yadA drakSyasi saMgrAme zvetAzvaM kRSNasArathim
05140006c aindram astraM vikurvANam ubhe caivAgnimArute
05140007a gANDIvasya ca nirghoSaM visphUrjitam ivAzaneH
05140007c na tadA bhavitA tretA na kRtaM dvAparaM na ca
05140008a yadA drakSyasi saMgrAme kuntIputraM yudhiSThiram
05140008c japahomasamAyuktaM svAM rakSantaM mahAcamUm
05140009a Adityam iva durdharSaM tapantaM zatruvAhinIm
05140009c na tadA bhavitA tretA na kRtaM dvAparaM na ca
05140010a yadA drakSyasi saMgrAme bhImasenaM mahAbalam
05140010c duHzAsanasya rudhiraM pItvA nRtyantam Ahave
05140011a prabhinnam iva mAtaGgaM pratidviradaghAtinam
05140011c na tadA bhavitA tretA na kRtaM dvAparaM na ca
05140012a yadA drakSyasi saMgrAme mAdrIputrau mahArathau
05140012c vAhinIM dhArtarASTrANAM kSobhayantau gajAv iva
05140013a vigADhe zastrasaMpAte paravIrarathArujau
05140013c na tadA bhavitA tretA na kRtaM dvAparaM na ca
05140014a yadA drakSyasi saMgrAme droNaM zAMtanavaM kRpam
05140014c suyodhanaM ca rAjAnaM saindhavaM ca jayadratham
05140015a yuddhAyApatatas tUrNaM vAritAn savyasAcinA
05140015c na tadA bhavitA tretA na kRtaM dvAparaM na ca
05140016a brUyAH karNa ito gatvA droNaM zAMtanavaM kRpam
05140016c saumyo 'yaM vartate mAsaH suprApayavasendhanaH
05140017a pakvauSadhivanasphItaH phalavAn alpamakSikaH
05140017c niSpaGko rasavat toyo nAtyuSNaziziraH sukhaH
05140018a saptamAc cApi divasAd amAvAsyA bhaviSyati
05140018c saMgrAmaM yojayet tatra tAM hy AhuH zakradevatAm
05140019a tathA rAjJo vadeH sarvAn ye yuddhAyAbhyupAgatAH
05140019c yad vo manISitaM tad vai sarvaM saMpAdayAmi vaH
05140020a rAjAno rAjaputrAz ca duryodhanavazAnugAH
05140020c prApya zastreNa nidhanaM prApsyanti gatim uttamAm
05141001  saMjaya uvAca
05141001a kezavasya tu tad vAkyaM karNaH zrutvA hitaM zubham
05141001c abravId abhisaMpUjya kRSNaM madhuniSUdanam
05141001e jAnan mAM kiM mahAbAho saMmohayitum icchasi
05141002a yo 'yaM pRthivyAH kArtsnyena vinAzaH samupasthitaH
05141002c nimittaM tatra zakunir ahaM duHzAsanas tathA
05141002e duryodhanaz ca nRpatir dhRtarASTrasuto 'bhavat
05141003a asaMzayam idaM kRSNa mahad yuddham upasthitam
05141003c pANDavAnAM kurUNAM ca ghoraM rudhirakardamam
05141004a rAjAno rAjaputrAz ca duryodhanavazAnugAH
05141004c raNe zastrAgninA dagdhAH prApsyanti yamasAdanam
05141005a svapnA hi bahavo ghorA dRzyante madhusUdana
05141005c nimittAni ca ghorANi tathotpAtAH sudAruNAH
05141006a parAjayaM dhArtarASTre vijayaM ca yudhiSThire
05141006c zaMsanta iva vArSNeya vividhA lomaharSaNAH
05141007a prAjApatyaM hi nakSatraM grahas tIkSNo mahAdyutiH
05141007c zanaizcaraH pIDayati pIDayan prANino 'dhikam
05141008a kRtvA cAGgArako vakraM jyeSThAyAM madhusUdana
05141008c anurAdhAM prArthayate maitraM saMzamayann iva
05141009a nUnaM mahad bhayaM kRSNa kurUNAM samupasthitam
05141009c vizeSeNa hi vArSNeya citrAM pIDayate grahaH
05141010a somasya lakSma vyAvRttaM rAhur arkam upeSyati
05141010c divaz colkAH patanty etAH sanirghAtAH sakampanAH
05141011a niSTananti ca mAtaGgA muJcanty azrUNi vAjinaH
05141011c pAnIyaM yavasaM cApi nAbhinandanti mAdhava
05141012a prAdurbhUteSu caiteSu bhayam Ahur upasthitam
05141012c nimitteSu mahAbAho dAruNaM prANinAzanam
05141013a alpe bhukte purISaM ca prabhUtam iha dRzyate
05141013c vAjinAM vAraNAnAM ca manuSyANAM ca kezava
05141014a dhArtarASTrasya sainyeSu sarveSu madhusUdana
05141014c parAbhavasya tal liGgam iti prAhur manISiNaH
05141015a prahRSTaM vAhanaM kRSNa pANDavAnAM pracakSate
05141015c pradakSiNA mRgAz caiva tat teSAM jayalakSaNam
05141016a apasavyA mRgAH sarve dhArtarASTrasya kezava
05141016c vAcaz cApy azarIriNyas tat parAbhavalakSaNam
05141017a mayUrAH puSpazakunA haMsAH sArasacAtakAH
05141017c jIvaM jIvakasaMghAz cApy anugacchanti pANDavAn
05141018a gRdhrAH kAkA baDAH zyenA yAtudhAnAH zalAvRkAH
05141018c makSikANAM ca saMghAtA anugacchanti kauravAn
05141019a dhArtarASTrasya sainyeSu bherINAM nAsti nisvanaH
05141019c anAhatAH pANDavAnAM nadanti paTahAH kila
05141020a udapAnAz ca nardanti yathA govRSabhAs tathA
05141020c dhArtarASTrasya sainyeSu tat parAbhavalakSaNam
05141021a mAMsazoNitavarSaM ca vRSTaM devena mAdhava
05141021c tathA gandharvanagaraM bhAnumantam upasthitam
05141021e saprAkAraM saparikhaM savapraM cArutoraNam
05141022a kRSNaz ca parighas tatra bhAnum AvRtya tiSThati
05141022c udayAstamaye saMdhye vedayAno mahad bhayam
05141022e ekA sRg vAzate ghoraM tat parAbhavalakSaNam
05141023a kRSNagrIvAz ca zakunA lambamAnA bhayAnakAH
05141023c saMdhyAm abhimukhA yAnti tat parAbhavalakSaNam
05141024a brAhmaNAn prathamaM dveSTi gurUMz ca madhusUdana
05141024c bhRtyAn bhaktimataz cApi tat parAbhavalakSaNam
05141025a pUrvA dig lohitAkArA zastravarNA ca dakSiNA
05141025c AmapAtrapratIkAzA pazcimA madhusUdana
05141026a pradIptAz ca dizaH sarvA dhArtarASTrasya mAdhava
05141026c mahad bhayaM vedayanti tasminn utpAtalakSaNe
05141027a sahasrapAdaM prAsAdaM svapnAnte sma yudhiSThiraH
05141027c adhirohan mayA dRSTaH saha bhrAtRbhir acyuta
05141028a zvetoSNISAz ca dRzyante sarve te zuklavAsasaH
05141028c AsanAni ca zubhrANi sarveSAm upalakSaye
05141029a tava cApi mayA kRSNa svapnAnte rudhirAvilA
05141029c AntreNa pRthivI dRSTA parikSiptA janArdana
05141030a asthisaMcayam ArUDhaz cAmitaujA yudhiSThiraH
05141030c suvarNapAtryAM saMhRSTo bhuktavAn ghRtapAyasam
05141031a yudhiSThiro mayA dRSTo grasamAno vasuMdharAm
05141031c tvayA dattAm imAM vyaktaM bhokSyate sa vasuMdharAm
05141032a uccaM parvatam ArUDho bhImakarmA vRkodaraH
05141032c gadApANir naravyAghro vIkSann iva mahIm imAm
05141033a kSapayiSyati naH sarvAn sa suvyaktaM mahAraNe
05141033c viditaM me hRSIkeza yato dharmas tato jayaH
05141034a pANDuraM gajam ArUDho gANDIvI sa dhanaMjayaH
05141034c tvayA sArdhaM hRSIkeza zriyA paramayA jvalan
05141035a yUyaM sarvAn vadhiSyadhvaM tatra me nAsti saMzayaH
05141035c pArthivAn samare kRSNa duryodhanapurogamAn
05141036a nakulaH sahadevaz ca sAtyakiz ca mahArathaH
05141036c zuddhakeyUrakaNThatrAH zuklamAlyAmbarAvRtAH
05141037a adhirUDhA naravyAghrA naravAhanam uttamam
05141037c traya ete mahAmAtrAH pANDuracchatravAsasaH
05141038a zvetoSNISAz ca dRzyante traya eva janArdana
05141038c dhArtarASTrasya sainyeSu tAn vijAnIhi kezava
05141039a azvatthAmA kRpaz caiva kRtavarmA ca sAtvataH
05141039c raktoSNISAz ca dRzyante sarve mAdhava pArthivAH
05141040a uSTrayuktaM samArUDhau bhISmadroNau janArdana
05141040c mayA sArdhaM mahAbAho dhArtarASTreNa cAbhibho
05141041a agastyazAstAM ca dizaM prayAtAH sma janArdana
05141041c acireNaiva kAlena prApsyAmo yamasAdanam
05141042a ahaM cAnye ca rAjAno yac ca tat kSatramaNDalam
05141042c gANDIvAgniM pravekSyAma iti me nAsti saMzayaH
05141043  kRSNa uvAca
05141043a upasthitavinAzeyaM nUnam adya vasuMdharA
05141043c tathA hi me vacaH karNa nopaiti hRdayaM tava
05141044a sarveSAM tAta bhUtAnAM vinAze samupasthite
05141044c anayo nayasaMkAzo hRdayAn nApasarpati
05141045  karNa uvAca
05141045a api tvA kRSNa pazyAma jIvanto 'smAn mahAraNAt
05141045c samuttIrNA mahAbAho vIrakSayavinAzanAt
05141046a atha vA saMgamaH kRSNa svarge no bhavitA dhruvam
05141046c tatredAnIM sameSyAmaH punaH sArdhaM tvayAnagha
05141047  saMjaya uvAca
05141047a ity uktvA mAdhavaM karNaH pariSvajya ca pIDitam
05141047c visarjitaH kezavena rathopasthAd avAtarat
05141048a tataH svaratham AsthAya jAmbUnadavibhUSitam
05141048c sahAsmAbhir nivavRte rAdheyo dInamAnasaH
05141049a tataH zIghrataraM prAyAt kezavaH sahasAtyakiH
05141049c punar uccArayan vANIM yAhi yAhIti sArathim
05142001  vaizaMpAyana uvAca
05142001a asiddhAnunaye kRSNe kurubhyaH pANDavAn gate
05142001c abhigamya pRthAM kSattA zanaiH zocann ivAbravIt
05142002a jAnAsi me jIvaputre bhAvaM nityam anugrahe
05142002c krozato na ca gRhNIte vacanaM me suyodhanaH
05142003a upapanno hy asau rAjA cedipAJcAlakekayaiH
05142003c bhImArjunAbhyAM kRSNena yuyudhAnayamair api
05142004a upaplavye niviSTo 'pi dharmam eva yudhiSThiraH
05142004c kAGkSate jJAtisauhArdAd balavAn durbalo yathA
05142005a rAjA tu dhRtarASTro 'yaM vayovRddho na zAmyati
05142005c mattaH putramadenaiva vidharme pathi vartate
05142006a jayadrathasya karNasya tathA duHzAsanasya ca
05142006c saubalasya ca durbuddhyA mithobhedaH pravartate
05142007a adharmeNa hi dharmiSThaM hRtaM vai rAjyam IdRzam
05142007c yeSAM teSAm ayaM dharmaH sAnubandho bhaviSyati
05142008a hriyamANe balAd dharme kurubhiH ko na saMjvaret
05142008c asAmnA kezave yAte samudyokSyanti pANDavAH
05142009a tataH kurUNAm anayo bhavitA vIranAzanaH
05142009c cintayan na labhe nidrAm ahaHsu ca nizAsu ca
05142010a zrutvA tu kuntI tad vAkyam arthakAmena bhASitam
05142010c aniSTanantI duHkhArtA manasA vimamarza ha
05142011a dhig astv arthaM yatkRte 'yaM mahAJ jJAtivadhe kSayaH
05142011c vartsyate suhRdAM hy eSAM yuddhe 'smin vai parAbhavaH
05142012a pANDavAz cedipAJcAlA yAdavAz ca samAgatAH
05142012c bhAratair yadi yotsyanti kiM nu duHkham ataH param
05142013a pazye doSaM dhruvaM yuddhe tathA yuddhe parAbhavam
05142013c adhanasya mRtaM zreyo na hi jJAtikSaye jayaH
05142014a pitAmahaH zAMtanava AcAryaz ca yudhAM patiH
05142014c karNaz ca dhArtarASTrArthaM vardhayanti bhayaM mama
05142015a nAcAryaH kAmavAJ ziSyair droNo yudhyeta jAtu cit
05142015c pANDaveSu kathaM hArdaM kuryAn na ca pitAmahaH
05142016a ayaM tv eko vRthAdRSTir dhArtarASTrasya durmateH
05142016c mohAnuvartI satataM pApo dveSTi ca pANDavAn
05142017a mahaty anarthe nirbandhI balavAMz ca vizeSataH
05142017c karNaH sadA pANDavAnAM tan me dahati sAMpratam
05142018a AzaMse tv adya karNasya mano 'haM pANDavAn prati
05142018c prasAdayitum AsAdya darzayantI yathAtatham
05142019a toSito bhagavAn yatra durvAsA me varaM dadau
05142019c AhvAnaM devasaMyuktaM vasantyAH pitRvezmani
05142020a sAham antaHpure rAjJaH kuntibhojapuraskRtA
05142020c cintayantI bahuvidhaM hRdayena vidUyatA
05142021a balAbalaM ca mantrANAM brAhmaNasya ca vAgbalam
05142021c strIbhAvAd bAlabhAvAc ca cintayantI punaH punaH
05142022a dhAtryA vizrabdhayA guptA sakhIjanavRtA tadA
05142022c doSaM pariharantI ca pituz cAritrarakSiNI
05142023a kathaM nu sukRtaM me syAn nAparAdhavatI katham
05142023c bhaveyam iti saMcintya brAhmaNaM taM namasya ca
05142024a kautUhalAt tu taM labdhvA bAlizyAd AcaraM tadA
05142024c kanyA satI devam arkam AsAdayam ahaM tataH
05142025a yo 'sau kAnInagarbho me putravat parivartitaH
05142025c kasmAn na kuryAd vacanaM pathyaM bhrAtRhitaM tathA
05142026a iti kuntI vinizcitya kAryaM nizcitam uttamam
05142026c kAryArtham abhiniryAya yayau bhAgIrathIM prati
05142027a Atmajasya tatas tasya ghRNinaH satyasaGginaH
05142027c gaGgAtIre pRthAzRNvad upAdhyayananisvanam
05142028a prAGmukhasyordhvabAhoH sA paryatiSThata pRSThataH
05142028c japyAvasAnaM kAryArthaM pratIkSantI tapasvinI
05142029a atiSThat sUryatApArtA karNasyottaravAsasi
05142029c kauravyapatnI vArSNeyI padmamAleva zuSyatI
05142030a A pRSThatApAj japtvA sa parivRtya yatavrataH
05142030c dRSTvA kuntIm upAtiSThad abhivAdya kRtAJjaliH
05142030e yathAnyAyaM mahAtejA mAnI dharmabhRtAM varaH
05143001  karNa uvAca
05143001a rAdheyo 'ham AdhirathiH karNas tvAm abhivAdaye
05143001c prAptA kimarthaM bhavatI brUhi kiM karavANi te
05143002  kunty uvAca
05143002a kaunteyas tvaM na rAdheyo na tavAdhirathaH pitA
05143002c nAsi sUtakule jAtaH karNa tad viddhi me vacaH
05143003a kAnInas tvaM mayA jAtaH pUrvajaH kukSiNA dhRtaH
05143003c kuntibhojasya bhavane pArthas tvam asi putraka
05143004a prakAzakarmA tapano yo 'yaM devo virocanaH
05143004c ajIjanat tvAM mayy eSa karNa zastrabhRtAM varam
05143005a kuNDalI baddhakavaco devagarbhaH zriyA vRtaH
05143005c jAtas tvam asi durdharSa mayA putra pitur gRhe
05143006a sa tvaM bhrAtqn asaMbuddhvA mohAd yad upasevase
05143006c dhArtarASTrAn na tad yuktaM tvayi putra vizeSataH
05143007a etad dharmaphalaM putra narANAM dharmanizcaye
05143007c yat tuSyanty asya pitaro mAtA cApy ekadarzinI
05143008a arjunenArjitAM pUrvaM hRtAM lobhAd asAdhubhiH
05143008c Acchidya dhArtarASTrebhyo bhuGkSva yaudhiSThirIM zriyam
05143009a adya pazyantu kuravaH karNArjunasamAgamam
05143009c saubhrAtreNa tad AlakSya saMnamantAm asAdhavaH
05143010a karNArjunau vai bhavatAM yathA rAmajanArdanau
05143010c asAdhyaM kiM nu loke syAd yuvayoH sahitAtmanoH
05143011a karNa zobhiSyase nUnaM paJcabhir bhrAtRbhir vRtaH
05143011c vedaiH parivRto brahmA yathA vedAGgapaJcamaiH
05143012a upapanno guNaiH zreSTho jyeSThaH zreSTheSu bandhuSu
05143012c sUtaputreti mA zabdaH pArthas tvam asi vIryavAn
05144001  vaizaMpAyana uvAca
05144001a tataH sUryAn nizcaritAM karNaH zuzrAva bhAratIm
05144001c duratyayAM praNayinIM pitRvad bhAskareritAm
05144002a satyam Aha pRthA vAkyaM karNa mAtRvacaH kuru
05144002c zreyas te syAn naravyAghra sarvam Acaratas tathA
05144003a evam uktasya mAtrA ca svayaM pitrA ca bhAnunA
05144003c cacAla naiva karNasya matiH satyadhRtes tadA
05144004  karNa uvAca
05144004a na te na zraddadhe vAkyaM kSatriye bhASitaM tvayA
05144004c dharmadvAraM mamaitat syAn niyogakaraNaM tava
05144005a akaron mayi yat pApaM bhavatI sumahAtyayam
05144005c avakIrNo 'smi te tena tad yazaHkIrtinAzanam
05144006a ahaM ca kSatriyo jAto na prAptaH kSatrasatkriyAm
05144006c tvatkRte kiM nu pApIyaH zatruH kuryAn mamAhitam
05144007a kriyAkAle tv anukrozam akRtvA tvam imaM mama
05144007c hInasaMskArasamayam adya mAM samacUcudaH
05144008a na vai mama hitaM pUrvaM mAtRvac ceSTitaM tvayA
05144008c sA mAM saMbodhayasy adya kevalAtmahitaiSiNI
05144009a kRSNena sahitAt ko vai na vyatheta dhanaMjayAt
05144009c ko 'dya bhItaM na mAM vidyAt pArthAnAM samitiM gatam
05144010a abhrAtA viditaH pUrvaM yuddhakAle prakAzitaH
05144010c pANDavAn yadi gacchAmi kiM mAM kSatraM vadiSyati
05144011a sarvakAmaiH saMvibhaktaH pUjitaz ca sadA bhRzam
05144011c ahaM vai dhArtarASTrANAM kuryAM tad aphalaM katham
05144012a upanahya parair vairaM ye mAM nityam upAsate
05144012c namaskurvanti ca sadA vasavo vAsavaM yathA
05144013a mama prANena ye zatrUJ zaktAH pratisamAsitum
05144013c manyante 'dya kathaM teSAm ahaM bhindyAM manoratham
05144014a mayA plavena saMgrAmaM titIrSanti duratyayam
05144014c apAre pArakAmA ye tyajeyaM tAn ahaM katham
05144015a ayaM hi kAlaH saMprApto dhArtarASTropajIvinAm
05144015c nirveSTavyaM mayA tatra prANAn aparirakSatA
05144016a kRtArthAH subhRtA ye hi kRtyakAla upasthite
05144016c anavekSya kRtaM pApA vikurvanty anavasthitAH
05144017a rAjakilbiSiNAM teSAM bhartRpiNDApahAriNAm
05144017c naivAyaM na paro loko vidyate pApakarmaNAm
05144018a dhRtarASTrasya putrANAm arthe yotsyAmi te sutaiH
05144018c balaM ca zaktiM cAsthAya na vai tvayy anRtaM vade
05144019a AnRzaMsyam atho vRttaM rakSan satpuruSocitam
05144019c ato 'rthakaram apy etan na karomy adya te vacaH
05144020a na tu te 'yaM samArambho mayi mogho bhaviSyati
05144020c vadhyAn viSahyAn saMgrAme na haniSyAmi te sutAn
05144020e yudhiSThiraM ca bhImaM ca yamau caivArjunAd Rte
05144021a arjunena samaM yuddhaM mama yaudhiSThire bale
05144021c arjunaM hi nihatyAjau saMprAptaM syAt phalaM mayA
05144021e yazasA cApi yujyeyaM nihataH savyasAcinA
05144022a na te jAtu naziSyanti putrAH paJca yazasvini
05144022c nirarjunAH sakarNA vA sArjunA vA hate mayi
05144023  vaizaMpAyana uvAca
05144023a iti karNavacaH zrutvA kuntI duHkhAt pravepatI
05144023c uvAca putram AzliSya karNaM dhairyAd akampitam
05144024a evaM vai bhAvyam etena kSayaM yAsyanti kauravAH
05144024c yathA tvaM bhASase karNa daivaM tu balavattaram
05144025a tvayA caturNAM bhrAtqNAm abhayaM zatrukarzana
05144025c dattaM tat pratijAnIhi saMgarapratimocanam
05144026a anAmayaM svasti ceti pRthAtho karNam abravIt
05144026c tAM karNo 'bhyavadat prItas tatas tau jagmatuH pRthak
05145001  vaizaMpAyana uvAca
05145001a Agamya hAstinapurAd upaplavyam ariMdamaH
05145001c pANDavAnAM yathAvRttaM kezavaH sarvam uktavAn
05145002a saMbhASya suciraM kAlaM mantrayitvA punaH punaH
05145002c svam evAvasathaM zaurir vizrAmArthaM jagAma ha
05145003a visRjya sarvAn nRpatIn virATapramukhAMs tadA
05145003c pANDavA bhrAtaraH paJca bhAnAv astaMgate sati
05145004a saMdhyAm upAsya dhyAyantas tam eva gatamAnasAH
05145004c AnAyya kRSNaM dAzArhaM punar mantram amantrayan
05145005  yudhiSThira uvAca
05145005a tvayA nAgapuraM gatvA sabhAyAM dhRtarASTrajaH
05145005c kim uktaH puNDarIkAkSa tan naH zaMsitum arhasi
05145006  vAsudeva uvAca
05145006a mayA nAgapuraM gatvA sabhAyAM dhRtarASTrajaH
05145006c tathyaM pathyaM hitaM cokto na ca gRhNAti durmatiH
05145007  yudhiSThira uvAca
05145007a tasminn utpatham Apanne kuruvRddhaH pitAmahaH
05145007c kim uktavAn hRSIkeza duryodhanam amarSaNam
05145007e AcAryo vA mahAbAho bhAradvAjaH kim abravIt
05145008a pitA yavIyAn asmAkaM kSattA dharmabhRtAM varaH
05145008c putrazokAbhisaMtaptaH kim Aha dhRtarASTrajam
05145009a kiM ca sarve nRpatayaH sabhAyAM ye samAsate
05145009c uktavanto yathAtattvaM tad brUhi tvaM janArdana
05145010a uktavAn hi bhavAn sarvaM vacanaM kurumukhyayoH
05145010c kAmalobhAbhibhUtasya mandasya prAjJamAninaH
05145011a apriyaM hRdaye mahyaM tan na tiSThati kezava
05145011c teSAM vAkyAni govinda zrotum icchAmy ahaM vibho
05145012a yathA ca nAbhipadyeta kAlas tAta tathA kuru
05145012c bhavAn hi no gatiH kRSNa bhavAn nAtho bhavAn guruH
05145013  vAsudeva uvAca
05145013a zRNu rAjan yathA vAkyam ukto rAjA suyodhanaH
05145013c madhye kurUNAM rAjendra sabhAyAM tan nibodha me
05145014a mayA vai zrAvite vAkye jahAsa dhRtarASTrajaH
05145014c atha bhISmaH susaMkruddha idaM vacanam abravIt
05145015a duryodhana nibodhedaM kulArthe yad bravImi te
05145015c tac chrutvA rAjazArdUla svakulasya hitaM kuru
05145016a mama tAta pitA rAjaJ zaMtanur lokavizrutaH
05145016c tasyAham eka evAsaM putraH putravatAM varaH
05145017a tasya buddhiH samutpannA dvitIyaH syAt kathaM sutaH
05145017c ekaputram aputraM vai pravadanti manISiNaH
05145018a na cocchedaM kulaM yAyAd vistIryeta kathaM yazaH
05145018c tasyAham IpsitaM buddhvA kAlIM mAtaram Avaham
05145019a pratijJAM duSkarAM kRtvA pitur arthe kulasya ca
05145019c arAjA cordhvaretAz ca yathA suviditaM tava
05145019e pratIto nivasAmy eSa pratijJAm anupAlayan
05145020a tasyAM jajJe mahAbAhuH zrImAn kurukulodvahaH
05145020c vicitravIryo dharmAtmA kanIyAn mama pArthivaH
05145021a svaryAte 'haM pitari taM svarAjye saMnyavezayam
05145021c vicitravIryaM rAjAnaM bhRtyo bhUtvA hy adhazcaraH
05145022a tasyAhaM sadRzAn dArAn rAjendra samudAvaham
05145022c jitvA pArthivasaMghAtam api te bahuzaH zrutam
05145023a tato rAmeNa samare dvandvayuddham upAgamam
05145023c sa hi rAmabhayAd ebhir nAgarair vipravAsitaH
05145023e dAreSv atiprasaktaz ca yakSmANaM samapadyata
05145024a yadA tv arAjake rASTre na vavarSa surezvaraH
05145024c tadAbhyadhAvan mAm eva prajAH kSudbhayapIDitAH
05145025  prajA UcuH
05145025a upakSINAH prajAH sarvA rAjA bhava bhavAya naH
05145025c Itayo nuda bhadraM te zaMtanoH kulavardhana
05145026a pIDyante te prajAH sarvA vyAdhibhir bhRzadAruNaiH
05145026c alpAvaziSTA gAGgeya tAH paritrAtum arhasi
05145027a vyAdhIn praNudya vIra tvaM prajA dharmeNa pAlaya
05145027c tvayi jIvati mA rASTraM vinAzam upagacchatu
05145028  bhISma uvAca
05145028a prajAnAM krozatInAM vai naivAkSubhyata me manaH
05145028c pratijJAM rakSamANasya sadvRttaM smaratas tathA
05145029a tataH paurA mahArAja mAtA kAlI ca me zubhA
05145029c bhRtyAH purohitAcAryA brAhmaNAz ca bahuzrutAH
05145029e mAm Ucur bhRzasaMtaptA bhava rAjeti saMtatam
05145030a pratIparakSitaM rASTraM tvAM prApya vinaziSyati
05145030c sa tvam asmaddhitArthaM vai rAjA bhava mahAmate
05145031a ity uktaH prAJjalir bhUtvA duHkhito bhRzam AturaH
05145031c tebhyo nyavedayaM putra pratijJAM pitRgauravAt
05145031e UrdhvaretA hy arAjA ca kulasyArthe punaH punaH
05145032a tato 'haM prAJjalir bhUtvA mAtaraM saMprasAdayam
05145032c nAmba zaMtanunA jAtaH kauravaM vaMzam udvahan
05145032e pratijJAM vitathAM kuryAm iti rAjan punaH punaH
05145033a vizeSatas tvadarthaM ca dhuri mA mAM niyojaya
05145033c ahaM preSyaz ca dAsaz ca tavAmba sutavatsale
05145034a evaM tAm anunIyAhaM mAtaraM janam eva ca
05145034c ayAcaM bhrAtRdAreSu tadA vyAsaM mahAmunim
05145035a saha mAtrA mahArAja prasAdya tam RSiM tadA
05145035c apatyArtham ayAcaM vai prasAdaM kRtavAMz ca saH
05145035e trIn sa putrAn ajanayat tadA bharatasattama
05145036a andhaH karaNahIneti na vai rAjA pitA tava
05145036c rAjA tu pANDur abhavan mahAtmA lokavizrutaH
05145037a sa rAjA tasya te putrAH pitur dAyAdyahAriNaH
05145037c mA tAta kalahaM kArSI rAjyasyArdhaM pradIyatAm
05145038a mayi jIvati rAjyaM kaH saMprazAset pumAn iha
05145038c mAvamaMsthA vaco mahyaM zamam icchAmi vaH sadA
05145039a na vizeSo 'sti me putra tvayi teSu ca pArthiva
05145039c matam etat pitus tubhyaM gAndhAryA vidurasya ca
05145040a zrotavyaM yadi vRddhAnAM mAtizaGkIr vaco mama
05145040c nAzayiSyasi mA sarvam AtmAnaM pRthivIM tathA
05146001  vAsudeva uvAca
05146001a bhISmeNokte tato droNo duryodhanam abhASata
05146001c madhye nRpANAM bhadraM te vacanaM vacanakSamaH
05146002a prAtIpaH zaMtanus tAta kulasyArthe yathotthitaH
05146002c tathA devavrato bhISmaH kulasyArthe sthito 'bhavat
05146003a tataH pANDur narapatiH satyasaMdho jitendriyaH
05146003c rAjA kurUNAM dharmAtmA suvrataH susamAhitaH
05146004a jyeSThAya rAjyam adadAd dhRtarASTrAya dhImate
05146004c yavIyasas tathA kSattuH kuruvaMzavivardhanaH
05146005a tataH siMhAsane rAjan sthApayitvainam acyutam
05146005c vanaM jagAma kauravyo bhAryAbhyAM sahito 'nagha
05146006a nIcaiH sthitvA tu vidura upAste sma vinItavat
05146006c preSyavat puruSavyAghro vAlavyajanam utkSipan
05146007a tataH sarvAH prajAs tAta dhRtarASTraM janezvaram
05146007c anvapadyanta vidhivad yathA pANDuM narAdhipam
05146008a visRjya dhRtarASTrAya rAjyaM sa vidurAya ca
05146008c cacAra pRthivIM pANDuH sarvAM parapuraMjayaH
05146009a kozasaMjanane dAne bhRtyAnAM cAnvavekSaNe
05146009c bharaNe caiva sarvasya viduraH satyasaMgaraH
05146010a saMdhivigrahasaMyukto rAjJaH saMvAhanakriyAH
05146010c avaikSata mahAtejA bhISmaH parapuraMjayaH
05146011a siMhAsanastho nRpatir dhRtarASTro mahAbalaH
05146011c anvAsyamAnaH satataM vidureNa mahAtmanA
05146012a kathaM tasya kule jAtaH kulabhedaM vyavasyasi
05146012c saMbhUya bhrAtRbhiH sArdhaM bhuGkSva bhogAJ janAdhipa
05146013a bravImy ahaM na kArpaNyAn nArthahetoH kathaM cana
05146013c bhISmeNa dattam aznAmi na tvayA rAjasattama
05146014a nAhaM tvatto 'bhikAGkSiSye vRttyupAyaM janAdhipa
05146014c yato bhISmas tato droNo yad bhISmas tv Aha tat kuru
05146015a dIyatAM pANDuputrebhyo rAjyArdham arikarzana
05146015c samam AcAryakaM tAta tava teSAM ca me sadA
05146016a azvatthAmA yathA mahyaM tathA zvetahayo mama
05146016c bahunA kiM pralApena yato dharmas tato jayaH
05146017a evam ukte mahArAja droNenAmitatejasA
05146017c vyAjahAra tato vAkyaM viduraH satyasaMgaraH
05146017e pitur vadanam anvIkSya parivRtya ca dharmavit
05146018a devavrata nibodhedaM vacanaM mama bhASataH
05146018c pranaSTaH kauravo vaMzas tvayAyaM punar uddhRtaH
05146019a tan me vilapamAnasya vacanaM samupekSase
05146019c ko 'yaM duryodhano nAma kule 'smin kulapAMsanaH
05146020a yasya lobhAbhibhUtasya matiM samanuvartase
05146020c anAryasyAkRtajJasya lobhopahatacetasaH
05146020e atikrAmati yaH zAstraM pitur dharmArthadarzinaH
05146021a ete nazyanti kuravo duryodhanakRtena vai
05146021c yathA te na praNazyeyur mahArAja tathA kuru
05146022a mAM caiva dhRtarASTraM ca pUrvam eva mahAdyute
05146022c citrakAra ivAlekhyaM kRtvA mA sma vinAzaya
05146022e prajApatiH prajAH sRSTvA yathA saMharate tathA
05146023a nopekSasva mahAbAho pazyamAnaH kulakSayam
05146023c atha te 'dya matir naSTA vinAze pratyupasthite
05146023e vanaM gaccha mayA sArdhaM dhRtarASTreNa caiva ha
05146024a baddhvA vA nikRtiprajJaM dhArtarASTraM sudurmatim
05146024c sAdhv idaM rAjyam adyAstu pANDavair abhirakSitam
05146025a prasIda rAjazArdUla vinAzo dRzyate mahAn
05146025c pANDavAnAM kurUNAM ca rAjJAM cAmitatejasAm
05146026a virarAmaivam uktvA tu viduro dInamAnasaH
05146026c pradhyAyamAnaH sa tadA niHzvasaMz ca punaH punaH
05146027a tato 'tha rAjJaH subalasya putrI; dharmArthayuktaM kulanAzabhItA
05146027c duryodhanaM pApamatiM nRzaMsaM; rAjJAM samakSaM sutam Aha kopAt
05146028a ye pArthivA rAjasabhAM praviSTA; brahmarSayo ye ca sabhAsado 'nye
05146028c zRNvantu vakSyAmi tavAparAdhaM; pApasya sAmAtyaparicchadasya
05146029a rAjyaM kurUNAm anupUrvabhogyaM; kramAgato naH kuladharma eSaH
05146029c tvaM pApabuddhe 'tinRzaMsakarman; rAjyaM kurUNAm anayAd vihaMsi
05146030a rAjye sthito dhRtarASTro manISI; tasyAnujo viduro dIrghadarzI
05146030c etAv atikramya kathaM nRpatvaM; duryodhana prArthayase 'dya mohAt
05146031a rAjA ca kSattA ca mahAnubhAvau; bhISme sthite paravantau bhavetAm
05146031c ayaM tu dharmajJatayA mahAtmA; na rAjyakAmo nRvaro nadIjaH
05146032a rAjyaM tu pANDor idam apradhRSyaM; tasyAdya putrAH prabhavanti nAnye
05146032c rAjyaM tad etan nikhilaM pANDavAnAM; paitAmahaM putrapautrAnugAmi
05146033a yad vai brUte kurumukhyo mahAtmA; devavrataH satyasaMdho manISI
05146033c sarvaM tad asmAbhir ahatya dharmaM; grAhyaM svadharmaM paripAlayadbhiH
05146034a anujJayA cAtha mahAvratasya; brUyAn nRpo yad viduras tathaiva
05146034c kAryaM bhavet tat suhRdbhir niyujya; dharmaM puraskRtya sudIrghakAlam
05146035a nyAyAgataM rAjyam idaM kurUNAM; yudhiSThiraH zAstu vai dharmaputraH
05146035c pracodito dhRtarASTreNa rAjJA; puraskRtaH zAMtanavena caiva
05147001  vAsudeva uvAca
05147001a evam ukte tu gAndhAryA dhRtarASTro janezvaraH
05147001c duryodhanam uvAcedaM nRpamadhye janAdhipa
05147002a duryodhana nibodhedaM yat tvAM vakSyAmi putraka
05147002c tathA tat kuru bhadraM te yady asti pitRgauravam
05147003a somaH prajApatiH pUrvaM kurUNAM vaMzavardhanaH
05147003c somAd babhUva SaSTho vai yayAtir nahuSAtmajaH
05147004a tasya putrA babhUvuz ca paJca rAjarSisattamAH
05147004c teSAM yadur mahAtejA jyeSThaH samabhavat prabhuH
05147005a pUrur yavIyAMz ca tato yo 'smAkaM vaMzavardhanaH
05147005c zarmiSThAyAH saMprasUto duhitur vRSaparvaNaH
05147006a yaduz ca bharatazreSTha devayAnyAH suto 'bhavat
05147006c dauhitras tAta zukrasya kAvyasyAmitatejasaH
05147007a yAdavAnAM kulakaro balavAn vIryasaMmataH
05147007c avamene sa tu kSatraM darpapUrNaH sumandadhIH
05147008a na cAtiSThat pituH zAstre baladarpavimohitaH
05147008c avamene ca pitaraM bhrAtqMz cApy aparAjitaH
05147009a pRthivyAM caturantAyAM yadur evAbhavad balI
05147009c vaze kRtvA sa nRpatIn avasan nAgasAhvaye
05147010a taM pitA paramakruddho yayAtir nahuSAtmajaH
05147010c zazApa putraM gAndhAre rAjyAc ca vyaparopayat
05147011a ya cainam anvavartanta bhrAtaro baladarpitam
05147011c zazApa tAn api kruddho yayAtis tanayAn atha
05147012a yavIyAMsaM tataH pUruM putraM svavazavartinam
05147012c rAjye nivezayAm Asa vidheyaM nRpasattamaH
05147013a evaM jyeSTho 'py athotsikto na rAjyam abhijAyate
05147013c yavIyAMso 'bhijAyante rAjyaM vRddhopasevayA
05147014a tathaiva sarvadharmajJaH pitur mama pitAmahaH
05147014c pratIpaH pRthivIpAlas triSu lokeSu vizrutaH
05147015a tasya pArthivasiMhasya rAjyaM dharmeNa zAsataH
05147015c trayaH prajajJire putrA devakalpA yazasvinaH
05147016a devApir abhavaj jyeSTho bAhlIkas tadanantaram
05147016c tRtIyaH zaMtanus tAta dhRtimAn me pitAmahaH
05147017a devApis tu mahAtejAs tvagdoSI rAjasattamaH
05147017c dhArmikaH satyavAdI ca pituH zuzrUSaNe rataH
05147018a paurajAnapadAnAM ca saMmataH sAdhusatkRtaH
05147018c sarveSAM bAlavRddhAnAM devApir hRdayaMgamaH
05147019a prAjJaz ca satyasaMdhaz ca sarvabhUtahite rataH
05147019c vartamAnaH pituH zAstre brAhmaNAnAM tathaiva ca
05147020a bAhlIkasya priyo bhrAtA zaMtanoz ca mahAtmanaH
05147020c saubhrAtraM ca paraM teSAM sahitAnAM mahAtmanAm
05147021a atha kAlasya paryAye vRddho nRpatisattamaH
05147021c saMbhArAn abhiSekArthaM kArayAm Asa zAstrataH
05147021e maGgalAni ca sarvANi kArayAm Asa cAbhibhUH
05147022a taM brAhmaNAz ca vRddhAz ca paurajAnapadaiH saha
05147022c sarve nivArayAm Asur devAper abhiSecanam
05147023a sa tac chrutvA tu nRpatir abhiSekanivAraNam
05147023c azrukaNTho 'bhavad rAjA paryazocata cAtmajam
05147024a evaM vadAnyo dharmajJaH satyasaMdhaz ca so 'bhavat
05147024c priyaH prajAnAm api saMs tvagdoSeNa pradUSitaH
05147025a hInAGgaM pRthivIpAlaM nAbhinandanti devatAH
05147025c iti kRtvA nRpazreSThaM pratyaSedhan dvijarSabhAH
05147026a tataH pravyathitAtmAsau putrazokasamanvitaH
05147026c mamAra taM mRtaM dRSTvA devApiH saMzrito vanam
05147027a bAhlIko mAtulakule tyaktvA rAjyaM vyavasthitaH
05147027c pitRbhrAtqn parityajya prAptavAn puram Rddhimat
05147028a bAhlIkena tv anujJAtaH zaMtanur lokavizrutaH
05147028c pitary uparate rAjan rAjA rAjyam akArayat
05147029a tathaivAhaM matimatA paricintyeha pANDunA
05147029c jyeSThaH prabhraMzito rAjyAd dhInAGga iti bhArata
05147030a pANDus tu rAjyaM saMprAptaH kanIyAn api san nRpaH
05147030c vinAze tasya putrANAm idaM rAjyam ariMdama
05147030e mayy abhAgini rAjyAya kathaM tvaM rAjyam icchasi
05147031a yudhiSThiro rAjaputro mahAtmA; nyAyAgataM rAjyam idaM ca tasya
05147031c sa kauravasyAsya janasya bhartA; prazAsitA caiva mahAnubhAvaH
05147032a sa satyasaMdhaH satatApramattaH; zAstre sthito bandhujanasya sAdhuH
05147032c priyaH prajAnAM suhRdAnukampI; jitendriyaH sAdhujanasya bhartA
05147033a kSamA titikSA dama ArjavaM ca; satyavratatvaM zrutam apramAdaH
05147033c bhUtAnukampA hy anuzAsanaM ca; yudhiSThire rAjaguNAH samastAH
05147034a arAjaputras tvam anAryavRtto; lubdhas tathA bandhuSu pApabuddhiH
05147034c kramAgataM rAjyam idaM pareSAM; hartuM kathaM zakSyasi durvinItaH
05147035a prayaccha rAjyArdham apetamohaH; savAhanaM tvaM saparicchadaM ca
05147035c tato 'vazeSaM tava jIvitasya; sahAnujasyaiva bhaven narendra
05148001  vAsudeva uvAca
05148001a evam ukte tu bhISmeNa droNena vidureNa ca
05148001c gAndhAryA dhRtarASTreNa na ca mando 'nvabudhyata
05148002a avadhUyotthitaH kruddho roSAt saMraktalocanaH
05148002c anvadravanta taM pazcAd rAjAnas tyaktajIvitAH
05148003a ajJApayac ca rAjJas tAn pArthivAn duSTacetasaH
05148003c prayAdhvaM vai kurukSetraM puSyo 'dyeti punaH punaH
05148004a tatas te pRthivIpAlAH prayayuH sahasainikAH
05148004c bhISmaM senApatiM kRtvA saMhRSTAH kAlacoditAH
05148005a akSauhiNyo dazaikA ca pArthivAnAM samAgatAH
05148005c tAsAM pramukhato bhISmas tAlaketur vyarocata
05148005e yad atra yuktaM prAptaM ca tad vidhatsva vizAM pate
05148006a uktaM bhISmeNa yad vAkyaM droNena vidureNa ca
05148006c gAndhAryA dhRtarASTreNa samakSaM mama bhArata
05148006e etat te kathitaM rAjan yadvRttaM kurusaMsadi
05148007a sAma Adau prayuktaM me rAjan saubhrAtram icchatA
05148007c abhedAt kuruvaMzasya prajAnAM ca vivRddhaye
05148008a punar bhedaz ca me yukto yadA sAma na gRhyate
05148008c karmAnukIrtanaM caiva devamAnuSasaMhitam
05148009a yadA nAdriyate vAkyaM sAmapUrvaM suyodhanaH
05148009c tadA mayA samAnIya bheditAH sarvapArthivAH
05148010a adbhutAni ca ghorANi dAruNAni ca bhArata
05148010c amAnuSANi karmANi darzitAni ca me vibho
05148011a bhartsayitvA tu rAjJas tAMs tRNIkRtya suyodhanam
05148011c rAdheyaM bhISayitvA ca saubalaM ca punaH punaH
05148012a nyUnatAM dhArtarASTrANAM nindAM caiva punaH punaH
05148012c bhedayitvA nRpAn sarvAn vAgbhir mantreNa cAsakRt
05148013a punaH sAmAbhisaMyuktaM saMpradAnam athAbruvam
05148013c abhedAt kuruvaMzasya kAryayogAt tathaiva ca
05148014a te bAlA dhRtarASTrasya bhISmasya vidurasya ca
05148014c tiSTheyuH pANDavAH sarve hitvA mAnam adhazcarAH
05148015a prayacchantu ca te rAjyam anIzAs te bhavantu ca
05148015c yathAha rAjA gAGgeyo viduraz ca tathAstu tat
05148016a sarvaM bhavatu te rAjyaM paJca grAmAn visarjaya
05148016c avazyaM bharaNIyA hi pitus te rAjasattama
05148017a evam uktas tu duSTAtmA naiva bhAvaM vyamuJcata
05148017c daNDaM caturthaM pazyAmi teSu pApeSu nAnyathA
05148018a niryAtAz ca vinAzAya kurukSetraM narAdhipAH
05148018c etat te kathitaM sarvaM yadvRttaM kurusaMsadi
05148019a na te rAjyaM prayacchanti vinA yuddhena pANDava
05148019c vinAzahetavaH sarve pratyupasthitamRtyavaH
05149001  vaizaMpAyana uvAca
05149001a janArdanavacaH zrutvA dharmarAjo yudhiSThiraH
05149001c bhrAtqn uvAca dharmAtmA samakSaM kezavasya ha
05149002a zrutaM bhavadbhir yadvRttaM sabhAyAM kurusaMsadi
05149002c kezavasyApi yad vAkyaM tat sarvam avadhAritam
05149003a tasmAt senAvibhAgaM me kurudhvaM narasattamAH
05149003c akSauhiNyas tu saptaitAH sametA vijayAya vai
05149004a tAsAM me patayaH sapta vikhyAtAs tAn nibodhata
05149004c drupadaz ca virATaz ca dhRSTadyumnazikhaNDinau
05149005a sAtyakiz cekitAnaz ca bhImasenaz ca vIryavAn
05149005c ete senApraNetAro vIrAH sarve tanutyajaH
05149006a sarve vedavidaH zUrAH sarve sucaritavratAH
05149006c hrImanto nItimantaz ca sarve yuddhavizAradAH
05149006e iSvastrakuzalAz caiva tathA sarvAstrayodhinaH
05149007a saptAnAm api yo netA senAnAM pravibhAgavit
05149007c yaH saheta raNe bhISmaM zarArciHpAvakopamam
05149008a tvaM tAvat sahadevAtra prabrUhi kurunandana
05149008c svamataM puruSavyAghra ko naH senApatiH kSamaH
05149009  sahadeva uvAca
05149009a saMyukta ekaduHkhaz ca vIryavAMz ca mahIpatiH
05149009c yaM samAzritya dharmajJaM svam aMzam anuyuJjmahe
05149010a matsyo virATo balavAn kRtAstro yuddhadurmadaH
05149010c prasahiSyati saMgrAme bhISmaM tAMz ca mahArathAn
05149011  vaizaMpAyana uvAca
05149011a tathokte sahadevena vAkye vAkyavizAradaH
05149011c nakulo 'nantaraM tasmAd idaM vacanam Adade
05149012a vayasA zAstrato dhairyAt kulenAbhijanena ca
05149012c hrImAn kulAnvitaH zrImAn sarvazAstravizAradaH
05149013a veda cAstraM bharadvAjAd durdharSaH satyasaMgaraH
05149013c yo nityaM spardhate droNaM bhISmaM caiva mahAbalam
05149014a zlAghyaH pArthivasaMghasya pramukhe vAhinIpatiH
05149014c putrapautraiH parivRtaH zatazAkha iva drumaH
05149015a yas tatApa tapo ghoraM sadAraH pRthivIpatiH
05149015c roSAd droNavinAzAya vIraH samitizobhanaH
05149016a pitevAsmAn samAdhatte yaH sadA pArthivarSabhaH
05149016c zvazuro drupado 'smAkaM senAm agre prakarSatu
05149017a sa droNabhISmAv AyAntau sahed iti matir mama
05149017c sa hi divyAstravid rAjA sakhA cAGgiraso nRpaH
05149018a mAdrIsutAbhyAm ukte tu svamate kurunandanaH
05149018c vAsavir vAsavasamaH savyasAcy abravId vacaH
05149019a yo 'yaM tapaHprabhAvena RSisaMtoSaNena ca
05149019c divyaH puruSa utpanno jvAlAvarNo mahAbalaH
05149020a dhanuSmAn kavacI khaDgI ratham Aruhya daMzitaH
05149020c divyair hayavarair yuktam agnikuNDAt samutthitaH
05149021a garjann iva mahAmegho rathaghoSeNa vIryavAn
05149021c siMhasaMhanano vIraH siMhavikrAntavikramaH
05149022a siMhorasko mahAbAhuH siMhavakSA mahAbalaH
05149022c siMhapragarjano vIraH siMhaskandho mahAdyutiH
05149023a subhrUH sudaMSTraH suhanuH subAhuH sumukho 'kRzaH
05149023c sujatruH suvizAlAkSaH supAdaH supratiSThitaH
05149024a abhedyaH sarvazastrANAM prabhinna iva vAraNaH
05149024c jajJe droNavinAzAya satyavAdI jitendriyaH
05149025a dhRSTadyumnam ahaM manye sahed bhISmasya sAyakAn
05149025c vajrAzanisamasparzAn dIptAsyAn uragAn iva
05149026a yamadUtasamAn vege nipAte pAvakopamAn
05149026c rAmeNAjau viSahitAn vajraniSpeSadAruNAn
05149027a puruSaM taM na pazyAmi yaH saheta mahAvratam
05149027c dhRSTadyumnam Rte rAjann iti me dhIyate matiH
05149028a kSiprahastaz citrayodhI mataH senApatir mama
05149028c abhedyakavacaH zrImAn mAtaGga iva yUthapaH
05149029  bhIma uvAca
05149029a vadhArthaM yaH samutpannaH zikhaNDI drupadAtmajaH
05149029c vadanti siddhA rAjendra RSayaz ca samAgatAH
05149030a yasya saMgrAmamadhyeSu divyam astraM vikurvataH
05149030c rUpaM drakSyanti puruSA rAmasyeva mahAtmanaH
05149031a na taM yuddheSu pazyAmi yo vibhindyAc chikhaNDinam
05149031c zastreNa samare rAjan saMnaddhaM syandane sthitam
05149032a dvairathe viSahen nAnyo bhISmaM rAjan mahAvratam
05149032c zikhaNDinam Rte vIraM sa me senApatir mataH
05149033  yudhiSThira uvAca
05149033a sarvasya jagatas tAta sArAsAraM balAbalam
05149033c sarvaM jAnAti dharmAtmA gatam eSyac ca kezavaH
05149034a yam Aha kRSNo dAzArhaH so 'stu no vAhinIpatiH
05149034c kRtAstro hy akRtAstro vA vRddho vA yadi vA yuvA
05149035a eSa no vijaye mUlam eSa tAta viparyaye
05149035c atra prANAz ca rAjyaM ca bhAvAbhAvau sukhAsukhe
05149036a eSa dhAtA vidhAtA ca siddhir atra pratiSThitA
05149036c yam Aha kRSNo dAzArhaH sa naH senApatiH kSamaH
05149036e bravItu vadatAM zreSTho nizA samativartate
05149037a tataH senApatiM kRtvA kRSNasya vazavartinam
05149037c rAtrizeSe vyatikrAnte prayAsyAmo raNAjiram
05149037e adhivAsitazastrAz ca kRtakautukamaGgalAH
05149038  vaizaMpAyana uvAca
05149038a tasya tad vacanaM zrutvA dharmarAjasya dhImataH
05149038c abravIt puNDarIkAkSo dhanaMjayam avekSya ha
05149039a mamApy ete mahArAja bhavadbhir ya udAhRtAH
05149039c netAras tava senAyAH zUrA vikrAntayodhinaH
05149039e sarva ete samarthA hi tava zatrUn pramarditum
05149040a indrasyApi bhayaM hy ete janayeyur mahAhave
05149040c kiM punar dhArtarASTrANAM lubdhAnAM pApacetasAm
05149041a mayApi hi mahAbAho tvatpriyArtham ariMdama
05149041c kRto yatno mahAMs tatra zamaH syAd iti bhArata
05149041e dharmasya gatam AnRNyaM na sma vAcyA vivakSatAm
05149042a kRtArthaM manyate bAlaH so ''tmAnam avicakSaNaH
05149042c dhArtarASTro balasthaM ca manyate ''tmAnam AturaH
05149043a yujyatAM vAhinI sAdhu vadhasAdhyA hi te matAH
05149043c na dhArtarASTrAH zakSyanti sthAtuM dRSTvA dhanaMjayam
05149044a bhImasenaM ca saMkruddhaM yamau cApi yamopamau
05149044c yuyudhAnadvitIyaM ca dhRSTadyumnam amarSaNam
05149045a abhimanyuM draupadeyAn virATadrupadAv api
05149045c akSauhiNIpatIMz cAnyAn narendrAn dRDhavikramAn
05149046a sAravad balam asmAkaM duSpradharSaM durAsadam
05149046c dhArtarASTrabalaM saMkhye vadhiSyati na saMzayaH
05149047a evam ukte tu kRSNena saMprahRSyan narottamAH
05149047c teSAM prahRSTamanasAM nAdaH samabhavan mahAn
05149048a yoga ity atha sainyAnAM tvaratAM saMpradhAvatAm
05149048c hayavAraNazabdaz ca nemighoSaz ca sarvazaH
05149048e zaGkhadundubhinirghoSas tumulaH sarvato 'bhavat
05149049a prayAsyatAM pANDavAnAM sasainyAnAM samantataH
05149049c gaGgeva pUrNA durdharSA samadRzyata vAhinI
05149050a agrAnIke bhImaseno mAdrIputrau ca daMzitau
05149050c saubhadro draupadeyAz ca dhRSTadyumnaz ca pArSataH
05149050e prabhadrakAz ca pAJcAlA bhImasenamukhA yayuH
05149051a tataH zabdaH samabhavat samudrasyeva parvaNi
05149051c hRSTAnAM saMprayAtAnAM ghoSo divam ivAspRzat
05149052a prahRSTA daMzitA yodhAH parAnIkavidAraNAH
05149052c teSAM madhye yayau rAjA kuntIputro yudhiSThiraH
05149053a zakaTApaNavezAz ca yAnayugyaM ca sarvazaH
05149053c kozayantrAyudhaM caiva ye ca vaidyAz cikitsakAH
05149054a phalgu yac ca balaM kiM cit tathaiva kRzadurbalam
05149054c tat saMgRhya yayau rAjA ye cApi paricArakAH
05149055a upaplavye tu pAJcAlI draupadI satyavAdinI
05149055c saha strIbhir nivavRte dAsIdAsasamAvRtA
05149056a kRtvA mUlapratIkArAn gulmaiH sthAvarajaGgamaiH
05149056c skandhAvAreNa mahatA prayayuH pANDunandanAH
05149057a dadato gAM hiraNyaM ca brAhmaNair abhisaMvRtAH
05149057c stUyamAnA yayU rAjan rathair maNivibhUSitaiH
05149058a kekayA dhRSTaketuz ca putraH kAzyasya cAbhibhUH
05149058c zreNimAn vasudAnaz ca zikhaNDI cAparAjitaH
05149059a hRSTAs tuSTAH kavacinaH sazastrAH samalaMkRtAH
05149059c rAjAnam anvayuH sarve parivArya yudhiSThiram
05149060a jaghanArdhe virATaz ca yajJasenaz ca somakiH
05149060c sudharmA kuntibhojaz ca dhRSTadyumnasya cAtmajAH
05149061a rathAyutAni catvAri hayAH paJcaguNAs tataH
05149061c pattisainyaM dazaguNaM sAdinAm ayutAni SaT
05149062a anAdhRSTiz cekitAnaz cedirAjo 'tha sAtyakiH
05149062c parivArya yayuH sarve vAsudevadhanaMjayau
05149063a AsAdya tu kurukSetraM vyUDhAnIkAH prahAriNaH
05149063c pANDavAH samadRzyanta nardanto vRSabhA iva
05149064a te 'vagAhya kurukSetraM zaGkhAn dadhmur ariMdamAH
05149064c tathaiva dadhmatuH zaGkhau vAsudevadhanaMjayau
05149065a pAJcajanyasya nirghoSaM visphUrjitam ivAzaneH
05149065c nizamya sarvasainyAni samahRSyanta sarvazaH
05149066a zaGkhadundubhisaMsRSTaH siMhanAdas tarasvinAm
05149066c pRthivIM cAntarikSaM ca sAgarAMz cAnvanAdayat
05149067a tato deze same snigdhe prabhUtayavasendhane
05149067c nivezayAm Asa tadA senAM rAjA yudhiSThiraH
05149068a parihRtya zmazAnAni devatAyatanAni ca
05149068c AzramAMz ca maharSINAM tIrthAny AyatanAni ca
05149069a madhurAnUSare deze zive puNye mahIpatiH
05149069c nivezaM kArayAm Asa kuntIputro yudhiSThiraH
05149070a tataz ca punar utthAya sukhI vizrAntavAhanaH
05149070c prayayau pRthivIpAlair vRtaH zatasahasrazaH
05149071a vidrAvya zatazo gulmAn dhArtarASTrasya sainikAn
05149071c paryakrAmat samantAc ca pArthena saha kezavaH
05149072a zibiraM mApayAm Asa dhRSTadyumnaz ca pArSataH
05149072c sAtyakiz ca rathodAro yuyudhAnaH pratApavAn
05149073a AsAdya saritaM puNyAM kurukSetre hiraNvatIm
05149073c sUpatIrthAM zucijalAM zarkarApaGkavarjitAm
05149074a khAnayAm Asa parikhAM kezavas tatra bhArata
05149074c guptyartham api cAdizya balaM tatra nyavezayat
05149075a vidhir yaH zibirasyAsIt pANDavAnAM mahAtmanAm
05149075c tadvidhAni narendrANAM kArayAm Asa kezavaH
05149076a prabhUtajalakASThAni durAdharSatarANi ca
05149076c bhakSyabhojyopapannAni zatazo 'tha sahasrazaH
05149077a zibirANi mahArhANi rAjJAM tatra pRthak pRthak
05149077c vimAnAnIva rAjendra niviSTAni mahItale
05149078a tatrAsaJ zilpinaH prAjJAH zatazo dattavetanAH
05149078c sarvopakaraNair yuktA vaidyAz ca suvizAradAH
05149079a jyAdhanurvarmazastrANAM tathaiva madhusarpiSoH
05149079c sasarjarasapAMsUnAM rAzayaH parvatopamAH
05149080a bahUdakaM suyavasaM tuSAGgArasamanvitam
05149080c zibire zibire rAjA saMcakAra yudhiSThiraH
05149081a mahAyantrANi nArAcAs tomararSTiparazvadhAH
05149081c dhanUMSi kavacAdIni hRdy abhUvan nRNAM tadA
05149082a gajAH kaGkaTasaMnAhA lohavarmottaracchadAH
05149082c adRzyaMs tatra giryAbhAH sahasrazatayodhinaH
05149083a niviSTAn pANDavAMs tatra jJAtvA mitrANi bhArata
05149083c abhisasrur yathoddezaM sabalAH sahavAhanAH
05149084a caritabrahmacaryAs te somapA bhUridakSiNAH
05149084c jayAya pANDuputrANAM samAjagmur mahIkSitaH
05150001  janamejaya uvAca
05150001a yudhiSThiraM sahAnIkam upayAntaM yuyutsayA
05150001c saMniviSTaM kurukSetre vAsudevena pAlitam
05150002a virATadrupadAbhyAM ca saputrAbhyAM samanvitam
05150002c kekayair vRSNibhiz caiva pArthivaiH zatazo vRtam
05150003a mahendram iva cAdityair abhiguptaM mahArathaiH
05150003c zrutvA duryodhano rAjA kiM kAryaM pratyapadyata
05150004a etad icchAmy ahaM zrotuM vistareNa tapodhana
05150004c saMbhrame tumule tasmin yadAsIt kurujAGgale
05150005a vyathayeyur hi devAnAM senAm api samAgame
05150005c pANDavA vAsudevaz ca virATadrupadau tathA
05150006a dhRSTadyumnaz ca pAJcAlyaH zikhaNDI ca mahArathaH
05150006c yuyudhAnaz ca vikrAnto devair api durAsadaH
05150007a etad icchAmy ahaM zrotuM vistareNa tapodhana
05150007c kurUNAM pANDavAnAM ca yad yad AsId viceSTitam
05150008  vaizaMpAyana uvAca
05150008a pratiyAte tu dAzArhe rAjA duryodhanas tadA
05150008c karNaM duHzAsanaM caiva zakuniM cAbravId idam
05150009a akRtenaiva kAryeNa gataH pArthAn adhokSajaH
05150009c sa enAn manyunAviSTo dhruvaM vakSyaty asaMzayam
05150010a iSTo hi vAsudevasya pANDavair mama vigrahaH
05150010c bhImasenArjunau caiva dAzArhasya mate sthitau
05150011a ajAtazatrur apy adya bhImArjunavazAnugaH
05150011c nikRtaz ca mayA pUrvaM saha sarvaiH sahodaraiH
05150012a virATadrupadau caiva kRtavairau mayA saha
05150012c tau ca senApraNetArau vAsudevavazAnugau
05150013a bhavitA vigrahaH so 'yaM tumulo lomaharSaNaH
05150013c tasmAt sAMgrAmikaM sarvaM kArayadhvam atandritAH
05150014a zibirANi kurukSetre kriyantAM vasudhAdhipAH
05150014c suparyAptAvakAzAni durAdeyAni zatrubhiH
05150015a AsannajalakASThAni zatazo 'tha sahasrazaH
05150015c acchedyAhAramArgANi ratnoccayacitAni ca
05150015e vividhAyudhapUrNAni patAkAdhvajavanti ca
05150016a samAz ca teSAM panthAnaH kriyantAM nagarAd bahiH
05150016c prayANaM ghuSyatAm adya zvobhUta iti mAciram
05150017a te tatheti pratijJAya zvobhUte cakrire tathA
05150017c hRSTarUpA mahAtmAno vinAzAya mahIkSitAm
05150018a tatas te pArthivAH sarve tac chrutvA rAjazAsanam
05150018c Asanebhyo mahArhebhya udatiSThann amarSitAH
05150019a bAhUn parighasaMkAzAn saMspRzantaH zanaiH zanaiH
05150019c kAJcanAGgadadIptAMz ca candanAgarubhUSitAn
05150020a uSNISANi niyacchantaH puNDarIkanibhaiH karaiH
05150020c antarIyottarIyANi bhUSaNAni ca sarvazaH
05150021a te rathAn rathinaH zreSThA hayAMz ca hayakovidAH
05150021c sajjayanti sma nAgAMz ca nAgazikSAsu niSThitAH
05150022a atha varmANi citrANi kAJcanAni bahUni ca
05150022c vividhAni ca zastrANi cakruH sajjAni sarvazaH
05150023a padAtayaz ca puruSAH zastrANi vividhAni ca
05150023c upajahruH zarIreSu hemacitrANy anekazaH
05150024a tad utsava ivodagraM saMprahRSTanarAvRtam
05150024c nagaraM dhArtarASTrasya bhAratAsIt samAkulam
05150025a janaughasalilAvarto rathanAgAzvamInavAn
05150025c zaGkhadundubhinirghoSaH kozasaMcayaratnavAn
05150026a citrAbharaNavarmormiH zastranirmalaphenavAn
05150026c prAsAdamAlAdrivRto rathyApaNamahAhradaH
05150027a yodhacandrodayodbhUtaH kururAjamahArNavaH
05150027c adRzyata tadA rAjaMz candrodaya ivArNavaH
05151001  vaizaMpAyana uvAca
05151001a vAsudevasya tad vAkyam anusmRtya yudhiSThiraH
05151001c punaH papraccha vArSNeyaM kathaM mando 'bravId idam
05151002a asminn abhyAgate kAle kiM ca naH kSamam acyuta
05151002c kathaM ca vartamAnA vai svadharmAn na cyavemahi
05151003a duryodhanasya karNasya zakuneH saubalasya ca
05151003c vAsudeva matajJo 'si mama sabhrAtRkasya ca
05151004a vidurasyApi te vAkyaM zrutaM bhISmasya cobhayoH
05151004c kuntyAz ca vipulaprajJa prajJA kArtsnyena te zrutA
05151005a sarvam etad atikramya vicArya ca punaH punaH
05151005c yan naH kSamaM mahAbAho tad bravIhy avicArayan
05151006a zrutvaitad dharmarAjasya dharmArthasahitaM vacaH
05151006c meghadundubhinirghoSaH kRSNo vacanam abravIt
05151007a uktavAn asmi yad vAkyaM dharmArthasahitaM hitam
05151007c na tu tan nikRtiprajJe kauravye pratitiSThati
05151008a na ca bhISmasya durmedhAH zRNoti vidurasya vA
05151008c mama vA bhASitaM kiM cit sarvam evAtivartate
05151009a na sa kAmayate dharmaM na sa kAmayate yazaH
05151009c jitaM sa manyate sarvaM durAtmA karNam AzritaH
05151010a bandham AjJApayAm Asa mama cApi suyodhanaH
05151010c na ca taM labdhavAn kAmaM durAtmA zAsanAtigaH
05151011a na ca bhISmo na ca droNo yuktaM tatrAhatur vacaH
05151011c sarve tam anuvartante Rte viduram acyuta
05151012a zakuniH saubalaz caiva karNaduHzAsanAv api
05151012c tvayy ayuktAny abhASanta mUDhA mUDham amarSaNam
05151013a kiM ca tena mayoktena yAny abhASanta kauravAH
05151013c saMkSepeNa durAtmAsau na yuktaM tvayi vartate
05151014a na pArthiveSu sarveSu ya ime tava sainikAH
05151014c yat pApaM yan na kalyANaM sarvaM tasmin pratiSThitam
05151015a na cApi vayam atyarthaM parityAgena karhi cit
05151015c kauravaiH zamam icchAmas tatra yuddham anantaram
05151016a tac chrutvA pArthivAH sarve vAsudevasya bhASitam
05151016c abruvanto mukhaM rAjJaH samudaikSanta bhArata
05151017a yudhiSThiras tv abhiprAyam upalabhya mahIkSitAm
05151017c yogam AjJApayAm Asa bhImArjunayamaiH saha
05151018a tataH kilakilAbhUtam anIkaM pANDavasya ha
05151018c AjJApite tadA yoge samahRSyanta sainikAH
05151019a avadhyAnAM vadhaM pazyan dharmarAjo yudhiSThiraH
05151019c niSTanan bhImasenaM ca vijayaM cedam abravIt
05151020a yadarthaM vanavAsaz ca prAptaM duHkhaM ca yan mayA
05151020c so 'yam asmAn upaity eva paro 'narthaH prayatnataH
05151021a yasmin yatnaH kRto 'smAbhiH sa no hInaH prayatnataH
05151021c akRte tu prayatne 'smAn upAvRttaH kalir mahAn
05151022a kathaM hy avadhyaiH saMgrAmaH kAryaH saha bhaviSyati
05151022c kathaM hatvA gurUn vRddhAn vijayo no bhaviSyati
05151023a tac chrutvA dharmarAjasya savyasAcI paraMtapaH
05151023c yad uktaM vAsudevena zrAvayAm Asa tad vacaH
05151024a uktavAn devakIputraH kuntyAz ca vidurasya ca
05151024c vacanaM tat tvayA rAjan nikhilenAvadhAritam
05151025a na ca tau vakSyato 'dharmam iti me naiSThikI matiH
05151025c na cApi yuktaM kaunteya nivartitum ayudhyataH
05151026a tac chrutvA vAsudevo 'pi savyasAcivacas tadA
05151026c smayamAno 'bravIt pArtham evam etad iti bruvan
05151027a tatas te dhRtasaMkalpA yuddhAya sahasainikAH
05151027c pANDaveyA mahArAja tAM rAtriM sukham Avasan
05152001  vaizaMpAyana uvAca
05152001a vyuSitAyAM rajanyAM tu rAjA duryodhanas tataH
05152001c vyabhajat tAny anIkAni daza caikaM ca bhArata
05152002a narahastirathAzvAnAM sAraM madhyaM ca phalgu ca
05152002c sarveSv eteSv anIkeSu saMdideza mahIpatiH
05152003a sAnukarSAH satUNIrAH savarUthAH satomarAH
05152003c sopAsaGgAH sazaktIkAH saniSaGgAH sapothikAH
05152004a sadhvajAH sapatAkAz ca sazarAsanatomarAH
05152004c rajjubhiz ca vicitrAbhiH sapAzAH saparistarAH
05152005a sakacagrahavikSepAH satailaguDavAlukAH
05152005c sAzIviSaghaTAH sarve sasarjarasapAMsavaH
05152006a saghaNTAphalakAH sarve vAsIvRkSAdanAnvitAH
05152006c vyAghracarmaparIvArA vRtAz ca dvIpicarmabhiH
05152007a savastayaH sazRGgAz ca saprAsavividhAyudhAH
05152007c sakuThArAH sakuddAlAH satailakSaumasarpiSaH
05152008a citrAnIkAH suvapuSo jvalitA iva pAvakAH
05152008c tathA kavacinaH zUrAH zastreSu kRtanizramAH
05152009a kulInA hayayonijJAH sArathye vinivezitAH
05152009c baddhAriSTA baddhakakSyA baddhadhvajapatAkinaH
05152010a caturyujo rathAH sarve sarve zastrasamAyutAH
05152010c saMhRSTavAhanAH sarve sarve zatazarAsanAH
05152011a dhuryayor hayayor ekas tathAnyau pArSNisArathI
05152011c tau cApi rathinAM zreSThau rathI ca hayavit tathA
05152012a nagarANIva guptAni durAdeyAni zatrubhiH
05152012c Asan rathasahasrANi hemamAlIni sarvazaH
05152013a yathA rathAs tathA nAgA baddhakakSyAH svalaMkRtAH
05152013c babhUvuH sapta puruSA ratnavanta ivAdrayaH
05152014a dvAv aGkuzadharau teSu dvAv uttamadhanurdharau
05152014c dvau varAsidharau rAjann ekaH zaktipatAkadhRk
05152015a gajair mattaiH samAkIrNaM savarmAyudhakozakaiH
05152015c tad babhUva balaM rAjan kauravyasya sahasrazaH
05152016a vicitrakavacAmuktaiH sapatAkaiH svalaMkRtaiH
05152016c sAdibhiz copasaMpannA Asann ayutazo hayAH
05152017a susaMgrAhAH susaMtoSA hemabhANDaparicchadAH
05152017c anekazatasAhasrAs te ca sAdivaze sthitAH
05152018a nAnArUpavikArAz ca nAnAkavacazastriNaH
05152018c padAtino narAs tatra babhUvur hemamAlinaH
05152019a rathasyAsan daza gajA gajasya daza vAjinaH
05152019c narA daza hayasyAsan pAdarakSAH samantataH
05152020a rathasya nAgAH paJcAzan nAgasyAsaJ zataM hayAH
05152020c hayasya puruSAH sapta bhinnasaMdhAnakAriNaH
05152021a senA paJcazataM nAgA rathAs tAvanta eva ca
05152021c dazasenA ca pRtanA pRtanA dazavAhinI
05152022a vAhinI pRtanA senA dhvajinI sAdinI camUH
05152022c akSauhiNIti paryAyair niruktAtha varUthinI
05152022e evaM vyUDhAny anIkAni kauraveyeNa dhImatA
05152023a akSauhiNyo dazaikA ca saMkhyAtAH sapta caiva ha
05152023c akSauhiNyas tu saptaiva pANDavAnAm abhUd balam
05152023e akSauhiNyo dazaikA ca kauravANAm abhUd balam
05152024a narANAM paJcapaJcAzad eSA pattir vidhIyate
05152024c senAmukhaM ca tisras tA gulma ity abhisaMjJitaH
05152025a daza gulmA gaNas tv AsId gaNAs tv ayutazo 'bhavan
05152025c duryodhanasya senAsu yotsyamAnAH prahAriNaH
05152026a tatra duryodhano rAjA zUrAn buddhimato narAn
05152026c prasamIkSya mahAbAhuz cakre senApatIMs tadA
05152027a pRthag akSauhiNInAM ca praNetqn narasattamAn
05152027c vidhipUrvaM samAnIya pArthivAn abhyaSecayat
05152028a kRpaM droNaM ca zalyaM ca saindhavaM ca mahAratham
05152028c sudakSiNaM ca kAmbojaM kRtavarmANam eva ca
05152029a droNaputraM ca karNaM ca bhUrizravasam eva ca
05152029c zakuniM saubalaM caiva bAhlIkaM ca mahAratham
05152030a divase divase teSAM prativelaM ca bhArata
05152030c cakre sa vividhAH saMjJAH pratyakSaM ca punaH punaH
05152031a tathA viniyatAH sarve ye ca teSAM padAnugAH
05152031c babhUvuH sainikA rAjan rAjJaH priyacikIrSavaH
05153001  vaizaMpAyana uvAca
05153001a tataH zAMtanavaM bhISmaM prAJjalir dhRtarASTrajaH
05153001c saha sarvair mahIpAlair idaM vacanam abravIt
05153002a Rte senApraNetAraM pRtanA sumahaty api
05153002c dIryate yuddham AsAdya pipIlikapuTaM yathA
05153003a na hi jAtu dvayor buddhiH samA bhavati karhi cit
05153003c zauryaM ca nAma netqNAM spardhate ca parasparam
05153004a zrUyate ca mahAprAjJa haihayAn amitaujasaH
05153004c abhyayur brAhmaNAH sarve samucchritakuzadhvajAH
05153005a tAn anvayus tadA vaizyAH zUdrAz caiva pitAmaha
05153005c ekatas tu trayo varNA ekataH kSatriyarSabhAH
05153006a te sma yuddheSv abhajyanta trayo varNAH punaH punaH
05153006c kSatriyAs tu jayanty eva bahulaM caikato balam
05153007a tatas te kSatriyAn eva papracchur dvijasattamAH
05153007c tebhyaH zazaMsur dharmajJA yAthAtathyaM pitAmaha
05153008a vayam ekasya zRNumo mahAbuddhimato raNe
05153008c bhavantas tu pRthak sarve svabuddhivazavartinaH
05153009a tatas te brAhmaNAz cakrur ekaM senApatiM dvijam
05153009c nayeSu kuzalaM zUram ajayan kSatriyAMs tataH
05153010a evaM ye kuzalaM zUraM hite sthitam akalmaSam
05153010c senApatiM prakurvanti te jayanti raNe ripUn
05153011a bhavAn uzanasA tulyo hitaiSI ca sadA mama
05153011c asaMhAryaH sthito dharme sa naH senApatir bhava
05153012a razmIvatAm ivAdityo vIrudhAm iva candramAH
05153012c kubera iva yakSANAM marutAm iva vAsavaH
05153013a parvatAnAM yathA meruH suparNaH patatAm iva
05153013c kumAra iva bhUtAnAM vasUnAm iva havyavAT
05153014a bhavatA hi vayaM guptAH zakreNeva divaukasaH
05153014c anAdhRSyA bhaviSyAmas tridazAnAm api dhruvam
05153015a prayAtu no bhavAn agre devAnAm iva pAvakiH
05153015c vayaM tvAm anuyAsyAmaH saurabheyA ivarSabham
05153016  bhISma uvAca
05153016a evam etan mahAbAho yathA vadasi bhArata
05153016c yathaiva hi bhavanto me tathaiva mama pANDavAH
05153017a api caiva mayA zreyo vAcyaM teSAM narAdhipa
05153017c yoddhavyaM tu tavArthAya yathA sa samayaH kRtaH
05153018a na tu pazyAmi yoddhAram AtmanaH sadRzaM bhuvi
05153018c Rte tasmAn naravyAghrAt kuntIputrAd dhanaMjayAt
05153019a sa hi veda mahAbAhur divyAny astrANi sarvazaH
05153019c na tu mAM vivRto yuddhe jAtu yudhyeta pANDavaH
05153020a ahaM sa ca kSaNenaiva nirmanuSyam idaM jagat
05153020c kuryAM zastrabalenaiva sasurAsurarAkSasam
05153021a na tv evotsAdanIyA me pANDoH putrA narAdhipa
05153021c tasmAd yodhAn haniSyAmi prayogeNAyutaM sadA
05153022a evam eSAM kariSyAmi nidhanaM kurunandana
05153022c na cet te mAM haniSyanti pUrvam eva samAgame
05153023a senApatis tv ahaM rAjan samayenApareNa te
05153023c bhaviSyAmi yathAkAmaM tan me zrotum ihArhasi
05153024a karNo vA yudhyatAM pUrvam ahaM vA pRthivIpate
05153024c spardhate hi sadAtyarthaM sUtaputro mayA raNe
05153025  karNa uvAca
05153025a nAhaM jIvati gAGgeye yotsye rAjan kathaM cana
05153025c hate bhISme tu yotsyAmi saha gANDIvadhanvanA
05153026  vaizaMpAyana uvAca
05153026a tataH senApatiM cakre vidhivad bhUridakSiNam
05153026c dhRtarASTrAtmajo bhISmaM so 'bhiSikto vyarocata
05153027a tato bherIz ca zaGkhAMz ca zatazaz caiva puSkarAn
05153027c vAdayAm Asur avyagrAH puruSA rAjazAsanAt
05153028a siMhanAdAz ca vividhA vAhanAnAM ca nisvanAH
05153028c prAdurAsann anabhre ca varSaM rudhirakardamam
05153029a nirghAtAH pRthivIkampA gajabRMhitanisvanAH
05153029c AsaMz ca sarvayodhAnAM pAtayanto manAMsy uta
05153030a vAcaz cApy azarIriNyo divaz colkAH prapedire
05153030c zivAz ca bhayavedinyo nedur dIptasvarA bhRzam
05153031a senApatye yadA rAjA gAGgeyam abhiSiktavAn
05153031c tadaitAny ugrarUpANi abhavaJ zatazo nRpa
05153032a tataH senApatiM kRtvA bhISmaM parabalArdanam
05153032c vAcayitvA dvijazreSThAn niSkair gobhiz ca bhUrizaH
05153033a vardhamAno jayAzIrbhir niryayau sainikair vRtaH
05153033c ApageyaM puraskRtya bhrAtRbhiH sahitas tadA
05153033e skandhAvAreNa mahatA kurukSetraM jagAma ha
05153034a parikramya kurukSetraM karNena saha kauravaH
05153034c zibiraM mApayAm Asa same deze narAdhipaH
05153035a madhurAnUSare deze prabhUtayavasendhane
05153035c yathaiva hAstinapuraM tadvac chibiram Ababhau
05154001  janamejaya uvAca
05154001a ApageyaM mahAtmAnaM bhISmaM zastrabhRtAM varam
05154001c pitAmahaM bhAratAnAM dhvajaM sarvamahIkSitAm
05154002a bRhaspatisamaM buddhyA kSamayA pRthivIsamam
05154002c samudram iva gAmbhIrye himavantam iva sthiram
05154003a prajApatim ivaudArye tejasA bhAskaropamam
05154003c mahendram iva zatrUNAM dhvaMsanaM zaravRSTibhiH
05154004a raNayajJe pratibhaye svAbhIle lomaharSaNe
05154004c dIkSitaM cirarAtrAya zrutvA rAjA yudhiSThiraH
05154005a kim abravIn mahAbAhuH sarvadharmavizAradaH
05154005c bhImasenArjunau vApi kRSNo vA pratyapadyata
05154006  vaizaMpAyana uvAca
05154006a ApaddharmArthakuzalo mahAbuddhir yudhiSThiraH
05154006c sarvAn bhrAtqn samAnIya vAsudevaM ca sAtvatam
05154006e uvAca vadatAM zreSThaH sAntvapUrvam idaM vacaH
05154007a paryAkrAmata sainyAni yattAs tiSThata daMzitAH
05154007c pitAmahena vo yuddhaM pUrvam eva bhaviSyati
05154007e tasmAt saptasu senAsu praNetqn mama pazyata
05154008  vAsudeva uvAca
05154008a yathArhati bhavAn vaktum asmin kAla upasthite
05154008c tathedam arthavad vAkyam uktaM te bharatarSabha
05154009a rocate me mahAbAho kriyatAM yad anantaram
05154009c nAyakAs tava senAyAm abhiSicyantu sapta vai
05154010  vaizaMpAyana uvAca
05154010a tato drupadam AnAyya virATaM zinipuMgavam
05154010c dhRSTadyumnaM ca pAJcAlyaM dhRSTaketuM ca pArthivam
05154010e zikhaNDinaM ca pAJcAlyaM sahadevaM ca mAgadham
05154011a etAn sapta maheSvAsAn vIrAn yuddhAbhinandinaH
05154011c senApraNetqn vidhivad abhyaSiJcad yudhiSThiraH
05154012a sarvasenApatiM cAtra dhRSTadyumnam upAdizat
05154012c droNAntahetor utpanno ya iddhAj jAtavedasaH
05154013a sarveSAm eva teSAM tu samastAnAM mahAtmanAm
05154013c senApatipatiM cakre guDAkezaM dhanaMjayam
05154014a arjunasyApi netA ca saMyantA caiva vAjinAm
05154014c saMkarSaNAnujaH zrImAn mahAbuddhir janArdanaH
05154015a tad dRSTvopasthitaM yuddhaM samAsannaM mahAtyayam
05154015c prAvizad bhavanaM rAjJaH pANDavasya halAyudhaH
05154016a sahAkrUraprabhRtibhir gadasAmbolmukAdibhiH
05154016c raukmiNeyAhukasutaiz cArudeSNapurogamaiH
05154017a vRSNimukhyair abhigatair vyAghrair iva balotkaTaiH
05154017c abhigupto mahAbAhur marudbhir iva vAsavaH
05154018a nIlakauzeyavasanaH kailAsazikharopamaH
05154018c siMhakhelagatiH zrImAn madaraktAntalocanaH
05154019a taM dRSTvA dharmarAjaz ca kezavaz ca mahAdyutiH
05154019c udatiSThat tadA pArtho bhImakarmA vRkodaraH
05154020a gANDIvadhanvA ye cAnye rAjAnas tatra ke cana
05154020c pUjayAM cakrur abhyetya te sma sarve halAyudham
05154021a tatas taM pANDavo rAjA kare pasparza pANinA
05154021c vAsudevapurogAs tu sarva evAbhyavAdayan
05154022a virATadrupadau vRddhAv abhivAdya halAyudhaH
05154022c yudhiSThireNa sahita upAvizad ariMdamaH
05154023a tatas teSUpaviSTeSu pArthiveSu samantataH
05154023c vAsudevam abhiprekSya rauhiNeyo 'bhyabhASata
05154024a bhavitAyaM mahAraudro dAruNaH puruSakSayaH
05154024c diSTam etad dhruvaM manye na zakyam ativartitum
05154025a asmAd yuddhAt samuttIrNAn api vaH sasuhRjjanAn
05154025c arogAn akSatair dehaiH pazyeyam iti me matiH
05154026a sametaM pArthivaM kSatraM kAlapakvam asaMzayam
05154026c vimardaH sumahAn bhAvI mAMsazoNitakardamaH
05154027a ukto mayA vAsudevaH punaH punar upahvare
05154027c saMbandhiSu samAM vRttiM vartasva madhusUdana
05154028a pANDavA hi yathAsmAkaM tathA duryodhano nRpaH
05154028c tasyApi kriyatAM yuktyA saparyeti punaH punaH
05154029a tac ca me nAkarod vAkyaM tvadarthe madhusUdanaH
05154029c niviSTaH sarvabhAvena dhanaMjayam avekSya ca
05154030a dhruvo jayaH pANDavAnAm iti me nizcitA matiH
05154030c tathA hy abhinivezo 'yaM vAsudevasya bhArata
05154031a na cAham utsahe kRSNam Rte lokam udIkSitum
05154031c tato 'ham anuvartAmi kezavasya cikIrSitam
05154032a ubhau ziSyau hi me vIrau gadAyuddhavizAradau
05154032c tulyasneho 'smy ato bhIme tathA duryodhane nRpe
05154033a tasmAd yAsyAmi tIrthAni sarasvatyA niSevitum
05154033c na hi zakSyAmi kauravyAn nazyamAnAn upekSitum
05154034a evam uktvA mahAbAhur anujJAtaz ca pANDavaiH
05154034c tIrthayAtrAM yayau rAmo nivartya madhusUdanam
05155001  vaizaMpAyana uvAca
05155001a etasminn eva kAle tu bhISmakasya mahAtmanaH
05155001c hiraNyalomno nRpateH sAkSAd indrasakhasya vai
05155002a AhRtInAm adhipater bhojasyAtiyazasvinaH
05155002c dAkSiNAtyapateH putro dikSu rukmIti vizrutaH
05155003a yaH kiMpuruSasiMhasya gandhamAdanavAsinaH
05155003c ziSyaH kRtsnaM dhanurvedaM catuSpAdam avAptavAn
05155004a yo mAhendraM dhanur lebhe tulyaM gANDIvatejasA
05155004c zArGgeNa ca mahAbAhuH saMmitaM divyam akSayam
05155005a trINy evaitAni divyAni dhanUMSi divicAriNAm
05155005c vAruNaM gANDivaM tatra mAhendraM vijayaM dhanuH
05155006a zArGgaM tu vaiSNavaM prAhur divyaM tejomayaM dhanuH
05155006c dhArayAm Asa yat kRSNaH parasenAbhayAvaham
05155007a gANDIvaM pAvakAl lebhe khANDave pAkazAsaniH
05155007c drumAd rukmI mahAtejA vijayaM pratyapadyata
05155008a saMchidya mauravAn pAzAn nihatya muram ojasA
05155008c nirjitya narakaM bhaumam AhRtya maNikuNDale
05155009a SoDaza strIsahasrANi ratnAni vividhAni ca
05155009c pratipede hRSIkezaH zArGgaM ca dhanur uttamam
05155010a rukmI tu vijayaM labdhvA dhanur meghasamasvanam
05155010c vibhISayann iva jagat pANDavAn abhyavartata
05155011a nAmRSyata purA yo 'sau svabAhubaladarpitaH
05155011c rukmiNyA haraNaM vIro vAsudevena dhImatA
05155012a kRtvA pratijJAM nAhatvA nivartiSyAmi kezavam
05155012c tato 'nvadhAvad vArSNeyaM sarvazastrabhRtAM varam
05155013a senayA caturaGgiNyA mahatyA dUrapAtayA
05155013c vicitrAyudhavarmiNyA gaGgayeva pravRddhayA
05155014a sa samAsAdya vArSNeyaM yogAnAm IzvaraM prabhum
05155014c vyaMsito vrIDito rAjann AjagAma sa kuNDinam
05155015a yatraiva kRSNena raNe nirjitaH paravIrahA
05155015c tatra bhojakaTaM nAma cakre nagaram uttamam
05155016a sainyena mahatA tena prabhUtagajavAjinA
05155016c puraM tad bhuvi vikhyAtaM nAmnA bhojakaTaM nRpa
05155017a sa bhojarAjaH sainyena mahatA parivAritaH
05155017c akSauhiNyA mahAvIryaH pANDavAn samupAgamat
05155018a tataH sa kavacI khaDgI zarI dhanvI talI rathI
05155018c dhvajenAdityavarNena praviveza mahAcamUm
05155019a viditaH pANDaveyAnAM vAsudevapriyepsayA
05155019c yudhiSThiras tu taM rAjA pratyudgamyAbhyapUjayat
05155020a sa pUjitaH pANDusutair yathAnyAyaM susatkRtaH
05155020c pratipUjya ca tAn sarvAn vizrAntaH sahasainikaH
05155020e uvAca madhye vIrANAM kuntIputraM dhanaMjayam
05155021a sahAyo 'smi sthito yuddhe yadi bhIto 'si pANDava
05155021c kariSyAmi raNe sAhyam asahyaM tava zatrubhiH
05155022a na hi me vikrame tulyaH pumAn astIha kaz cana
05155022c nihatya samare zatrUMs tava dAsyAmi phalguna
05155023a ity ukto dharmarAjasya kezavasya ca saMnidhau
05155023c zRNvatAM pArthivendrANAm anyeSAM caiva sarvazaH
05155024a vAsudevam abhiprekSya dharmarAjaM ca pANDavam
05155024c uvAca dhImAn kaunteyaH prahasya sakhipUrvakam
05155025a yudhyamAnasya me vIra gandharvaiH sumahAbalaiH
05155025c sahAyo ghoSayAtrAyAM kas tadAsIt sakhA mama
05155026a tathA pratibhaye tasmin devadAnavasaMkule
05155026c khANDave yudhyamAnasya kaH sahAyas tadAbhavat
05155027a nivAtakavacair yuddhe kAlakeyaiz ca dAnavaiH
05155027c tatra me yudhyamAnasya kaH sahAyas tadAbhavat
05155028a tathA virATanagare kurubhiH saha saMgare
05155028c yudhyato bahubhis tAta kaH sahAyo 'bhavan mama
05155029a upajIvya raNe rudraM zakraM vaizravaNaM yamam
05155029c varuNaM pAvakaM caiva kRpaM droNaM ca mAdhavam
05155030a dhArayan gANDivaM divyaM dhanus tejomayaM dRDham
05155030c akSayyazarasaMyukto divyAstraparibRMhitaH
05155031a kauravANAM kule jAtaH pANDoH putro vizeSataH
05155031c droNaM vyapadizaJ ziSyo vAsudevasahAyavAn
05155032a katham asmadvidho brUyAd bhIto 'smIty ayazaskaram
05155032c vacanaM narazArdUla vajrAyudham api svayam
05155033a nAsmi bhIto mahAbAho sahAyArthaz ca nAsti me
05155033c yathAkAmaM yathAyogaM gaccha vAnyatra tiSTha vA
05155034a vinivartya tato rukmI senAM sAgarasaMnibhAm
05155034c duryodhanam upAgacchat tathaiva bharatarSabha
05155035a tathaiva cAbhigamyainam uvAca sa narAdhipaH
05155035c pratyAkhyAtaz ca tenApi sa tadA zUramAninA
05155036a dvAv eva tu mahArAja tasmAd yuddhAd vyapeyatuH
05155036c rauhiNeyaz ca vArSNeyo rukmI ca vasudhAdhipaH
05155037a gate rAme tIrthayAtrAM bhISmakasya sute tathA
05155037c upAvizan pANDaveyA mantrAya punar eva hi
05155038a samitir dharmarAjasya sA pArthivasamAkulA
05155038c zuzubhe tArakAcitrA dyauz candreNeva bhArata
05156001  janamejaya uvAca
05156001a tathA vyUDheSv anIkeSu kurukSetre dvijarSabha
05156001c kim akurvanta kuravaH kAlenAbhipracoditAH
05156002  vaizaMpAyana uvAca
05156002a tathA vyUDheSv anIkeSu yat teSu bharatarSabha
05156002c dhRtarASTro mahArAja saMjayaM vAkyam abravIt
05156003a ehi saMjaya me sarvam AcakSvAnavazeSataH
05156003c senAniveze yadvRttaM kurupANDavasenayoH
05156004a diSTam eva paraM manye pauruSaM cApy anarthakam
05156004c yad ahaM jAnamAno 'pi yuddhadoSAn kSayodayAn
05156005a tathApi nikRtiprajJaM putraM durdyUtadevinam
05156005c na zaknomi niyantuM vA kartuM vA hitam AtmanaH
05156006a bhavaty eva hi me sUta buddhir doSAnudarzinI
05156006c duryodhanaM samAsAdya punaH sA parivartate
05156007a evaM gate vai yad bhAvi tad bhaviSyati saMjaya
05156007c kSatradharmaH kila raNe tanutyAgo 'bhipUjitaH
05156008  saMjaya uvAca
05156008a tvadyukto 'yam anuprazno mahArAja yathArhasi
05156008c na tu duryodhane doSam imam Asaktum arhasi
05156008e zRNuSvAnavazeSeNa vadato mama pArthiva
05156009a ya Atmano duzcaritAd azubhaM prApnuyAn naraH
05156009c enasA na sa daivaM vA kAlaM vA gantum arhati
05156010a mahArAja manuSyeSu nindyaM yaH sarvam Acaret
05156010c sa vadhyaH sarvalokasya ninditAni samAcaran
05156011a nikArA manujazreSTha pANDavais tvatpratIkSayA
05156011c anubhUtAH sahAmAtyair nikRtair adhidevane
05156012a hayAnAM ca gajAnAM ca rAjJAM cAmitatejasAm
05156012c vaizasaM samare vRttaM yat tan me zRNu sarvazaH
05156013a sthiro bhUtvA mahArAja sarvalokakSayodayam
05156013c yathAbhUtaM mahAyuddhe zrutvA mA vimanA bhava
05156014a na hy eva kartA puruSaH karmaNoH zubhapApayoH
05156014c asvatantro hi puruSaH kAryate dAruyantravat
05156015a ke cid IzvaranirdiSTAH ke cid eva yadRcchayA
05156015c pUrvakarmabhir apy anye traidham etad vikRSyate
05157001  saMjaya uvAca
05157001a hiraNvatyAM niviSTeSu pANDaveSu mahAtmasu
05157001c duryodhano mahArAja karNena saha bhArata
05157002a saubalena ca rAjendra tathA duHzAsanena ca
05157002c AhUyopahvare rAjann ulUkam idam abravIt
05157003a ulUka gaccha kaitavya pANDavAn sahasomakAn
05157003c gatvA mama vaco brUhi vAsudevasya zRNvataH
05157004a idaM tat samanuprAptaM varSapUgAbhicintitam
05157004c pANDavAnAM kurUNAM ca yuddhaM lokabhayaMkaram
05157005a yad etat katthanAvAkyaM saMjayo mahad abravIt
05157005c madhye kurUNAM kaunteya tasya kAlo 'yam AgataH
05157005e yathA vaH saMpratijJAtaM tat sarvaM kriyatAm iti
05157006a amarSaM rAjyaharaNaM vanavAsaM ca pANDava
05157006c draupadyAz ca pariklezaM saMsmaran puruSo bhava
05157007a yadarthaM kSatriyA sUte garbhaM tad idam Agatam
05157007c balaM vIryaM ca zauryaM ca paraM cApy astralAghavam
05157007e pauruSaM darzayan yuddhe kopasya kuru niSkRtim
05157008a parikliSTasya dInasya dIrghakAloSitasya ca
05157008c na sphuTed dhRdayaM kasya aizvaryAd bhraMzitasya ca
05157009a kule jAtasya zUrasya paravitteSu gRdhyataH
05157009c AcchinnaM rAjyam Akramya kopaM kasya na dIpayet
05157010a yat tad uktaM mahad vAkyaM karmaNA tad vibhAvyatAm
05157010c akarmaNA katthitena santaH kupuruSaM viduH
05157011a amitrANAM vaze sthAnaM rAjyasya ca punarbhavaH
05157011c dvAv arthau yudhyamAnasya tasmAt kuruta pauruSam
05157012a asmAn vA tvaM parAjitya prazAdhi pRthivIm imAm
05157012c atha vA nihato 'smAbhir vIralokaM gamiSyasi
05157013a rASTrAt pravrAjanaM klezaM vanavAsaM ca pANDava
05157013c kRSNAyAz ca pariklezaM saMsmaran puruSo bhava
05157014a apriyANAM ca vacane pravrajatsu punaH punaH
05157014c amarSaM darzayAdya tvam amarSo hy eva pauruSam
05157015a krodho balaM tathA vIryaM jJAnayogo 'stralAghavam
05157015c iha te pArtha dRzyantAM saMgrAme puruSo bhava
05157016a taM ca tUbarakaM mUDhaM bahvAzinam avidyakam
05157016c ulUka madvaco brUyA asakRd bhImasenakam
05157017a azaktenaiva yac chaptaM sabhAmadhye vRkodara
05157017c duHzAsanasya rudhiraM pIyatAM yadi zakyate
05157018a lohAbhihAro nirvRttaH kurukSetram akardamam
05157018c puSTAs te 'zvA bhRtA yodhAH zvo yudhyasva sakezavaH
05158001  saMjaya uvAca
05158001a senAnivezaM saMprApya kaitavyaH pANDavasya ha
05158001c samAgataH pANDaveyair yudhiSThiram abhASata
05158002a abhijJo dUtavAkyAnAM yathoktaM bruvato mama
05158002c duryodhanasamAdezaM zrutvA na kroddhum arhasi
05158003  yudhiSThira uvAca
05158003a ulUka na bhayaM te 'sti brUhi tvaM vigatajvaraH
05158003c yan mataM dhArtarASTrasya lubdhasyAdIrghadarzinaH
05158004  saMjaya uvAca
05158004a tato dyutimatAM madhye pANDavAnAM mahAtmanAm
05158004c sRJjayAnAM ca sarveSAM kRSNasya ca yazasvinaH
05158005a drupadasya saputrasya virATasya ca saMnidhau
05158005c bhUmipAnAM ca sarveSAM madhye vAkyaM jagAda ha
05158006a idaM tvAm abravId rAjA dhArtarASTro mahAmanAH
05158006c zRNvatAM kuruvIrANAM tan nibodha narAdhipa
05158007a parAjito 'si dyUtena kRSNA cAnAyitA sabhAm
05158007c zakyo 'marSo manuSyeNa kartuM puruSamAninA
05158008a dvAdazaiva tu varSANi vane dhiSNyAd vivAsitAH
05158008c saMvatsaraM virATasya dAsyam AsthAya coSitAH
05158009a amarSaM rAjyaharaNaM vanavAsaM ca pANDava
05158009c draupadyAz ca pariklezaM saMsmaran puruSo bhava
05158010a azaktena ca yac chaptaM bhImasenena pANDava
05158010c duHzAsanasya rudhiraM pIyatAM yadi zakyate
05158011a lohAbhihAro nirvRttaH kurukSetram akardamam
05158011c samaH panthA bhRtA yodhAH zvo yudhyasva sakezavaH
05158012a asamAgamya bhISmeNa saMyuge kiM vikatthase
05158012c ArurukSur yathA mandaH parvataM gandhamAdanam
05158013a droNaM ca yudhyatAM zreSThaM zacIpatisamaM yudhi
05158013c ajitvA saMyuge pArtha rAjyaM katham ihecchasi
05158014a brAhme dhanuSi cAcAryaM vedayor antaraM dvayoH
05158014c yudhi dhuryam avikSobhyam anIkadharam acyutam
05158015a droNaM mohAd yudhA pArtha yaj jigISasi tan mRSA
05158015c na hi zuzruma vAtena merum unmathitaM girim
05158016a anilo vA vahen meruM dyaur vApi nipaten mahIm
05158016c yugaM vA parivarteta yady evaM syAd yathAttha mAm
05158017a ko hy AbhyAM jIvitAkAGkSI prApyAstram arimardanam
05158017c gajo vAjI naro vApi punaH svasti gRhAn vrajet
05158018a katham AbhyAm abhidhyAtaH saMsRSTo dAruNena vA
05158018c raNe jIvan vimucyeta padA bhUmim upaspRzan
05158019a kiM darduraH kUpazayo yathemAM; na budhyase rAjacamUM sametAm
05158019c durAdharSAM devacamUprakAzAM; guptAM narendrais tridazair iva dyAm
05158020a prAcyaiH pratIcyair atha dAkSiNAtyair; udIcyakAmbojazakaiH khazaiz ca
05158020c zAlvaiH samatsyaiH kurumadhyadezair; mlecchaiH pulindair draviDAndhrakAJcyaiH
05158021a nAnAjanaughaM yudhi saMpravRddhaM; gAGgaM yathA vegam avAraNIyam
05158021c mAM ca sthitaM nAgabalasya madhye; yuyutsase manda kim alpabuddhe
05158022a ity evam uktvA rAjAnaM dharmaputraM yudhiSThiram
05158022c abhyAvRtya punar jiSNum ulUkaH pratyabhASata
05158023a akatthamAno yudhyasva katthase 'rjuna kiM bahu
05158023c paryAyAt siddhir etasya naitat sidhyati katthanAt
05158024a yadIdaM katthanAt sidhyet karma loke dhanaMjaya
05158024c sarve bhaveyuH siddhArthA bahu kattheta durgataH
05158025a jAnAmi te vAsudevaM sahAyaM; jAnAmi te gANDivaM tAlamAtram
05158025c jAnAmy etat tvAdRzo nAsti yoddhA; rAjyaM ca te jAnamAno harAmi
05158026a na tu paryAyadharmeNa siddhiM prApnoti bhUyasIm
05158026c manasaiva hi bhUtAni dhAtA prakurute vaze
05158027a trayodaza samA bhuktaM rAjyaM vilapatas tava
05158027c bhUyaz caiva prazAsiSye nihatya tvAM sabAndhavam
05158028a kva tadA gANDivaM te 'bhUd yat tvaM dAsapaNe jitaH
05158028c kva tadA bhImasenasya balam AsIc ca phalguna
05158029a sagadAd bhImasenAc ca pArthAc caiva sagANDivAt
05158029c na vai mokSas tadA vo 'bhUd vinA kRSNAm aninditAm
05158030a sA vo dAsyaM samApannAn mokSayAm Asa bhAminI
05158030c amAnuSyasamAyuktAn dAsyakarmaNy avasthitAn
05158031a avocaM yat SaNDhatilAn ahaM vas tathyam eva tat
05158031c dhRtA hi veNI pArthena virATanagare tadA
05158032a sUdakarmaNi ca zrAntaM virATasya mahAnase
05158032c bhImasenena kaunteya yac ca tan mama pauruSam
05158033a evam eva sadA daNDaM kSatriyAH kSatriye dadhuH
05158033c zreNyAM kakSyAM ca veNyAM ca saMyuge yaH palAyate
05158034a na bhayAd vAsudevasya na cApi tava phalguna
05158034c rAjyaM pratipradAsyAmi yudhyasva sahakezavaH
05158035a na mAyA hIndrajAlaM vA kuhakA vA vibhISaNI
05158035c Attazastrasya me yuddhe vahanti pratigarjanAH
05158036a vAsudevasahasraM vA phalgunAnAM zatAni vA
05158036c AsAdya mAm amogheSuM draviSyanti dizo daza
05158037a saMyugaM gaccha bhISmeNa bhindhi tvaM zirasA girim
05158037c prataremaM mahAgAdhaM bAhubhyAM puruSodadhim
05158038a zAradvatamahImAnaM viviMzatijhaSAkulam
05158038c bRhadbalasamuccAlaM saumadattitimiMgilam
05158039a duHzAsanaughaM zalazalyamatsyaM; suSeNacitrAyudhanAganakram
05158039c jayadrathAdriM purumitragAdhaM; durmarSaNodaM zakuniprapAtam
05158040a zastraugham akSayyam atipravRddhaM; yadAvagAhya zramanaSTacetAH
05158040c bhaviSyasi tvaM hatasarvabAndhavas; tadA manas te paritApam eSyati
05158041a tadA manas te tridivAd ivAzucer; nivartatAM pArtha mahIprazAsanAt
05158041c rAjyaM prazAstuM hi sudurlabhaM tvayA; bubhUSatA svarga ivAtapasvinA
05159001  saMjaya uvAca
05159001a ulUkas tv arjunaM bhUyo yathoktaM vAkyam abravIt
05159001c AzIviSam iva kruddhaM tudan vAkyazalAkayA
05159002a tasya tad vacanaM zrutvA ruSitAH pANDavA bhRzam
05159002c prAg eva bhRzasaMkruddhAH kaitavyena pradharSitAH
05159003a nAsaneSv avatiSThanta bAhUMz caiva vicikSipuH
05159003c AzIviSA iva kruddhA vIkSAM cakruH parasparam
05159004a avAkzirA bhImasenaH samudaikSata kezavam
05159004c netrAbhyAM lohitAntAbhyAm AzIviSa iva zvasan
05159005a ArtaM vAtAtmajaM dRSTvA krodhenAbhihataM bhRzam
05159005c utsmayann iva dAzArhaH kaitavyaM pratyabhASata
05159006a prayAhi zIghraM kaitavya brUyAz caiva suyodhanam
05159006c zrutaM vAkyaM gRhIto 'rtho mataM yat te tathAstu tat
05159007a madvacaz cApi bhUyas te vaktavyaH sa suyodhanaH
05159007c zva idAnIM pradRzyethAH puruSo bhava durmate
05159008a manyase yac ca mUDha tvaM na yotsyati janArdanaH
05159008c sArathyena vRtaH pArthair iti tvaM na bibheSi ca
05159009a jaghanyakAlam apy etad bhaved yat sarvapArthivAn
05159009c nirdaheyam ahaM krodhAt tRNAnIva hutAzanaH
05159010a yudhiSThiraniyogAt tu phalgunasya mahAtmanaH
05159010c kariSye yudhyamAnasya sArathyaM viditAtmanaH
05159011a yady utpatasi lokAMs trIn yady Avizasi bhUtalam
05159011c tatra tatrArjunarathaM prabhAte drakSyase 'grataH
05159012a yac cApi bhImasenasya manyase moghagarjitam
05159012c duHzAsanasya rudhiraM pItam ity avadhAryatAm
05159013a na tvAM samIkSate pArtho nApi rAjA yudhiSThiraH
05159013c na bhImaseno na yamau pratikUlaprabhASiNam
05160001  saMjaya uvAca
05160001a duryodhanasya tad vAkyaM nizamya bharatarSabhaH
05160001c netrAbhyAm atitAmrAbhyAM kaitavyaM samudaikSata
05160002a sa kezavam abhiprekSya guDAkezo mahAyazAH
05160002c abhyabhASata kaitavyaM pragRhya vipulaM bhujam
05160003a svavIryaM yaH samAzritya samAhvayati vai parAn
05160003c abhItaH pUrayaJ zaktiM sa vai puruSa ucyate
05160004a paravIryaM samAzritya yaH samAhvayate parAn
05160004c kSatrabandhur azaktatvAl loke sa puruSAdhamaH
05160005a sa tvaM pareSAM vIryeNa manyase vIryam AtmanaH
05160005c svayaM kApuruSo mUDhaH parAMz ca kSeptum icchasi
05160006a yas tvaM vRddhaM sarvarAjJAM hitabuddhiM jitendriyam
05160006c maraNAya mahAbuddhiM dIkSayitvA vikatthase
05160007a bhAvas te vidito 'smAbhir durbuddhe kulapAMsana
05160007c na haniSyanti gAGgeyaM pANDavA ghRNayeti ca
05160008a yasya vIryaM samAzritya dhArtarASTra vikatthase
05160008c hantAsmi prathamaM bhISmaM miSatAM sarvadhanvinAm
05160009a kaitavya gatvA bharatAn sametya; suyodhanaM dhArtarASTraM bravIhi
05160009c tathety Aha arjunaH savyasAcI; nizAvyapAye bhavitA vimardaH
05160010a yad vo 'bravId vAkyam adInasattvo; madhye kurUNAM harSayan satyasaMdhaH
05160010c ahaM hantA pANDavAnAm anIkaM; zAlveyakAMz ceti mamaiSa bhAraH
05160011a hanyAm ahaM droNam Rte hi lokaM; na te bhayaM vidyate pANDavebhyaH
05160011c tato hi te labdhatamaM ca rAjyaM; kSayaM gatAH pANDavAz ceti bhAvaH
05160012a sa darpapUrNo na samIkSase tvam; anartham Atmany api vartamAnam
05160012c tasmAd ahaM te prathamaM samUhe; hantA samakSaM kuruvRddham eva
05160013a sUryodaye yuktasenaH pratIkSya; dhvajI rathI rakSa ca satyasaMdham
05160013c ahaM hi vaH pazyatAM dvIpam enaM; rathAd bhISmaM pAtayitAsmi bANaiH
05160014a zvobhUte katthanAvAkyaM vijJAsyati suyodhanaH
05160014c arditaM zarajAlena mayA dRSTvA pitAmaham
05160015a yad uktaz ca sabhAmadhye puruSo hrasvadarzanaH
05160015c kruddhena bhImasenena bhrAtA duHzAsanas tava
05160016a adharmajJo nityavairI pApabuddhir nRzaMsakRt
05160016c satyAM pratijJAM nacirAd rakSyase tAM suyodhana
05160017a abhimAnasya darpasya krodhapAruSyayos tathA
05160017c naiSThuryasyAvalepasya AtmasaMbhAvanasya ca
05160018a nRzaMsatAyAs taikSNyasya dharmavidveSaNasya ca
05160018c adharmasyAtivAdasya vRddhAtikramaNasya ca
05160019a darzanasya ca vakrasya kRtsnasyApanayasya ca
05160019c drakSyasi tvaM phalaM tIvram acireNa suyodhana
05160020a vAsudevadvitIye hi mayi kruddhe narAdhipa
05160020c AzA te jIvite mUDha rAjye vA kena hetunA
05160021a zAnte bhISme tathA droNe sUtaputre ca pAtite
05160021c nirAzo jIvite rAjye putreSu ca bhaviSyasi
05160022a bhrAtqNAM nidhanaM dRSTvA putrANAM ca suyodhana
05160022c bhImasenena nihato duSkRtAni smariSyasi
05160023a na dvitIyAM pratijJAM hi pratijJAsyati kezavaH
05160023c satyaM bravImy ahaM hy etat sarvaM satyaM bhaviSyati
05160024a ity uktaH kaitavo rAjaMs tad vAkyam upadhArya ca
05160024c anujJAto nivavRte punar eva yathAgatam
05160025a upAvRtya tu pANDubhyaH kaitavyo dhRtarASTrajam
05160025c gatvA yathoktaM tat sarvam uvAca kurusaMsadi
05160026a kezavArjunayor vAkyaM nizamya bharatarSabhaH
05160026c duHzAsanaM ca karNaM ca zakuniM cAbhyabhASata
05160027a AjJApayata rAjJaz ca balaM mitrabalaM tathA
05160027c yathA prAg udayAt sarvA yuktA tiSThaty anIkinI
05160028a tataH karNasamAdiSTA dUtAH pratvaritA rathaiH
05160028c uSTravAmIbhir apy anye sadazvaiz ca mahAjavaiH
05160029a tUrNaM pariyayuH senAM kRtsnAM karNasya zAsanAt
05160029c AjJApayanto rAjJas tAn yogaH prAg udayAd iti
05161001  saMjaya uvAca
05161001a ulUkasya vacaH zrutvA kuntIputro yudhiSThiraH
05161001c senAM niryApayAm Asa dhRSTadyumnapurogamAm
05161002a padAtinIM nAgavatIM rathinIm azvavRndinIm
05161002c caturvidhabalAM bhImAm akampyAM pRthivIm iva
05161003a bhImasenAdibhir guptAM sArjunaiz ca mahArathaiH
05161003c dhRSTadyumnavazAM durgAM sAgarastimitopamAm
05161004a tasyAs tv agre maheSvAsaH pAJcAlyo yuddhadurmadaH
05161004c droNaprepsur anIkAni dhRSTadyumnaH prakarSati
05161005a yathAbalaM yathotsAhaM rathinaH samupAdizat
05161005c arjunaM sUtaputrAya bhImaM duryodhanAya ca
05161006a azvatthAmne ca nakulaM zaibyaM ca kRtavarmaNe
05161006c saindhavAya ca vArSNeyaM yuyudhAnam upAdizat
05161007a zikhaNDinaM ca bhISmAya pramukhe samakalpayat
05161007c sahadevaM zakunaye cekitAnaM zalAya ca
05161008a dhRSTaketuM ca zalyAya gautamAyottamaujasam
05161008c draupadeyAMz ca paJcabhyas trigartebhyaH samAdizat
05161009a vRSasenAya saubhadraM zeSANAM ca mahIkSitAm
05161009c samarthaM taM hi mene vai pArthAd abhyadhikaM raNe
05161010a evaM vibhajya yodhAMs tAn pRthak ca saha caiva ha
05161010c jvAlAvarNo maheSvAso droNam aMzam akalpayat
05161011a dhRSTadyumno maheSvAsaH senApatipatis tataH
05161011c vidhivad vyUhya medhAvI yuddhAya dhRtamAnasaH
05161012a yathAdiSTAny anIkAni pANDavAnAm ayojayat
05161012c jayAya pANDuputrANAM yattas tasthau raNAjire
05162001  dhRtarASTra uvAca
05162001a pratijJAte phalgunena vadhe bhISmasya saMjaya
05162001c kim akurvanta me mandAH putrA duryodhanAdayaH
05162002a hatam eva hi pazyAmi gAGgeyaM pitaraM raNe
05162002c vAsudevasahAyena pArthena dRDhadhanvanA
05162003a sa cAparimitaprajJas tac chrutvA pArthabhASitam
05162003c kim uktavAn maheSvAso bhISmaH praharatAM varaH
05162004a senApatyaM ca saMprApya kauravANAM dhuraMdharaH
05162004c kim aceSTata gAGgeyo mahAbuddhiparAkramaH
05162005  vaizaMpAyana uvAca
05162005a tatas tat saMjayas tasmai sarvam eva nyavedayat
05162005c yathoktaM kuruvRddhena bhISmeNAmitatejasA
05162006  saMjaya uvAca
05162006a senApatyam anuprApya bhISmaH zAMtanavo nRpa
05162006c duryodhanam uvAcedaM vacanaM harSayann iva
05162007a namaskRtvA kumArAya senAnye zaktipANaye
05162007c ahaM senApatis te 'dya bhaviSyAmi na saMzayaH
05162008a senAkarmaNy abhijJo 'smi vyUheSu vividheSu ca
05162008c karma kArayituM caiva bhRtAn apy abhRtAMs tathA
05162009a yAtrAyAneSu yuddheSu labdhaprazamaneSu ca
05162009c bhRzaM veda mahArAja yathA veda bRhaspatiH
05162010a vyUhAn api mahArambhAn daivagAndharvamAnuSAn
05162010c tair ahaM mohayiSyAmi pANDavAn vyetu te jvaraH
05162011a so 'haM yotsyAmi tattvena pAlayaMs tava vAhinIm
05162011c yathAvac chAstrato rAjan vyetu te mAnaso jvaraH
05162012  duryodhana uvAca
05162012a na vidyate me gAGgeya bhayaM devAsureSv api
05162012c samasteSu mahAbAho satyam etad bravImi te
05162013a kiM punas tvayi durdharSe senApatye vyavasthite
05162013c droNe ca puruSavyAghre sthite yuddhAbhinandini
05162014a bhavadbhyAM puruSAgryAbhyAM sthitAbhyAM vijayo mama
05162014c na durlabhaM kuruzreSTha devarAjyam api dhruvam
05162015a rathasaMkhyAM tu kArtsnyena pareSAm Atmanas tathA
05162015c tathaivAtirathAnAM ca vettum icchAmi kaurava
05162016a pitAmaho hi kuzalaH pareSAm Atmanas tathA
05162016c zrotum icchAmy ahaM sarvaiH sahaibhir vasudhAdhipaiH
05162017  bhISma uvAca
05162017a gAndhAre zRNu rAjendra rathasaMkhyAM svake bale
05162017c ye rathAH pRthivIpAla tathaivAtirathAz ca ye
05162018a bahUnIha sahasrANi prayutAny arbudAni ca
05162018c rathAnAM tava senAyAM yathAmukhyaM tu me zRNu
05162019a bhavAn agre rathodAraH saha sarvaiH sahodaraiH
05162019c duHzAsanaprabhRtibhir bhrAtRbhiH zatasaMmitaiH
05162020a sarve kRtapraharaNAz chedyabhedyavizAradAH
05162020c rathopasthe gajaskandhe gadAyuddhe 'sicarmaNi
05162021a saMyantAraH prahartAraH kRtAstrA bhArasAdhanAH
05162021c iSvastre droNaziSyAz ca kRpasya ca zaradvataH
05162022a ete haniSyanti raNe pAJcAlAn yuddhadurmadAn
05162022c kRtakilbiSAH pANDaveyair dhArtarASTrA manasvinaH
05162023a tato 'haM bharatazreSTha sarvasenApatis tava
05162023c zatrUn vidhvaMsayiSyAmi kadarthIkRtya pANDavAn
05162023e na tv Atmano guNAn vaktum arhAmi vidito 'smi te
05162024a kRtavarmA tv atiratho bhojaH praharatAM varaH
05162024c arthasiddhiM tava raNe kariSyati na saMzayaH
05162025a astravidbhir anAdhRSyo dUrapAtI dRDhAyudhaH
05162025c haniSyati ripUMs tubhyaM mahendro dAnavAn iva
05162026a madrarAjo maheSvAsaH zalyo me 'tiratho mataH
05162026c spardhate vAsudevena yo vai nityaM raNe raNe
05162027a bhAgineyAn nijAMs tyaktvA zalyas te rathasattamaH
05162027c eSa yotsyati saMgrAme kRSNaM cakragadAdharam
05162028a sAgarormisamair vegaiH plAvayann iva zAtravAn
05162028c bhUrizravAH kRtAstraz ca tava cApi hitaH suhRt
05162029a saumadattir maheSvAso rathayUthapayUthapaH
05162029c balakSayam amitrANAM sumahAntaM kariSyati
05162030a sindhurAjo mahArAja mato me dviguNo rathaH
05162030c yotsyate samare rAjan vikrAnto rathasattamaH
05162031a draupadIharaNe pUrvaM parikliSTaH sa pANDavaiH
05162031c saMsmaraMs taM pariklezaM yotsyate paravIrahA
05162032a etena hi tadA rAjaMs tapa AsthAya dAruNam
05162032c sudurlabho varo labdhaH pANDavAn yoddhum Ahave
05162033a sa eSa rathazArdUlas tad vairaM saMsmaran raNe
05162033c yotsyate pANDavAMs tAta prANAMs tyaktvA sudustyajAn
05163001  bhISma uvAca
05163001a sudakSiNas tu kAmbojo ratha ekaguNo mataH
05163001c tavArthasiddhim AkAGkSan yotsyate samare paraiH
05163002a etasya rathasiMhasya tavArthe rAjasattama
05163002c parAkramaM yathendrasya drakSyanti kuravo yudhi
05163003a etasya rathavaMzo hi tigmavegaprahAriNAm
05163003c kAmbojAnAM mahArAja zalabhAnAm ivAyatiH
05163004a nIlo mAhiSmatIvAsI nIlavarmadharas tava
05163004c rathavaMzena zatrUNAM kadanaM vai kariSyati
05163005a kRtavairaH purA caiva sahadevena pArthivaH
05163005c yotsyate satataM rAjaMs tavArthe kurusattama
05163006a vindAnuvindAv Avantyau sametau rathasattamau
05163006c kRtinau samare tAta dRDhavIryaparAkramau
05163007a etau tau puruSavyAghrau ripusainyaM pradhakSyataH
05163007c gadAprAsAsinArAcais tomaraiz ca bhujacyutaiH
05163008a yuddhAbhikAmau samare krIDantAv iva yUthapau
05163008c yUthamadhye mahArAja vicarantau kRtAntavat
05163009a trigartA bhrAtaraH paJca rathodArA matA mama
05163009c kRtavairAz ca pArthena virATanagare tadA
05163010a makarA iva rAjendra samuddhatataraGgiNIm
05163010c gaGgAM vikSobhayiSyanti pArthAnAM yudhi vAhinIm
05163011a te rathAH paJca rAjendra yeSAM satyaratho mukham
05163011c ete yotsyanti samare saMsmarantaH purA kRtam
05163012a vyalIkaM pANDaveyena bhImasenAnujena ha
05163012c dizo vijayatA rAjaJ zvetavAhena bhArata
05163013a te haniSyanti pArthAnAM samAsAdya mahArathAn
05163013c varAn varAn maheSvAsAn kSatriyANAM dhuraMdharAH
05163014a lakSmaNas tava putras tu tathA duHzAsanasya ca
05163014c ubhau tau puruSavyAghrau saMgrAmeSv anivartinau
05163015a taruNau sukumArau ca rAjaputrau tarasvinau
05163015c yuddhAnAM ca vizeSajJau praNetArau ca sarvazaH
05163016a rathau tau rathazArdUla matau me rathasattamau
05163016c kSatradharmaratau vIrau mahat karma kariSyataH
05163017a daNDadhAro mahArAja ratha eko nararSabhaH
05163017c yotsyate samaraM prApya svena sainyena pAlitaH
05163018a bRhadbalas tathA rAjA kausalyo rathasattamaH
05163018c ratho mama matas tAta dRDhavegaparAkramaH
05163019a eSa yotsyati saMgrAme svAM camUM saMpraharSayan
05163019c ugrAyudho maheSvAso dhArtarASTrahite rataH
05163020a kRpaH zAradvato rAjan rathayUthapayUthapaH
05163020c priyAn prANAn parityajya pradhakSyati ripUMs tava
05163021a gautamasya maharSer ya AcAryasya zaradvataH
05163021c kArttikeya ivAjeyaH zarastambAt suto 'bhavat
05163022a eSa senAM bahuvidhAM vividhAyudhakArmukAm
05163022c agnivat samare tAta cariSyati vimardayan
05164001  bhISma uvAca
05164001a zakunir mAtulas te 'sau ratha eko narAdhipa
05164001c prasajya pANDavair vairaM yotsyate nAtra saMzayaH
05164002a etasya sainyA durdharSAH samare 'pratiyAyinaH
05164002c vikRtAyudhabhUyiSThA vAyuvegasamA jave
05164003a droNaputro maheSvAsaH sarveSAm ati dhanvinAm
05164003c samare citrayodhI ca dRDhAstraz ca mahArathaH
05164004a etasya hi mahArAja yathA gANDIvadhanvanaH
05164004c zarAsanAd vinirmuktAH saMsaktA yAnti sAyakAH
05164005a naiSa zakyo mayA vIraH saMkhyAtuM rathasattamaH
05164005c nirdahed api lokAMs trIn icchann eSa mahAyazAH
05164006a krodhas tejaz ca tapasA saMbhRto ''zramavAsinA
05164006c droNenAnugRhItaz ca divyair astrair udAradhIH
05164007a doSas tv asya mahAn eko yenaiSa bharatarSabha
05164007c na me ratho nAtiratho mataH pArthivasattama
05164008a jIvitaM priyam atyartham AyuSkAmaH sadA dvijaH
05164008c na hy asya sadRzaH kaz cid ubhayoH senayor api
05164009a hanyAd ekarathenaiva devAnAm api vAhinIm
05164009c vapuSmAMs talaghoSeNa sphoTayed api parvatAn
05164010a asaMkhyeyaguNo vIraH prahartA dAruNadyutiH
05164010c daNDapANir ivAsahyaH kAlavat pracariSyati
05164011a yugAntAgnisamaH krodhe siMhagrIvo mahAmatiH
05164011c eSa bhArata yuddhasya pRSThaM saMzamayiSyati
05164012a pitA tv asya mahAtejA vRddho 'pi yuvabhir varaH
05164012c raNe karma mahat kartA tatra me nAsti saMzayaH
05164013a astravegAniloddhUtaH senAkakSendhanotthitaH
05164013c pANDuputrasya sainyAni pradhakSyati jaye dhRtaH
05164014a rathayUthapayUthAnAM yUthapaH sa nararSabhaH
05164014c bhAradvAjAtmajaH kartA karma tIvraM hitAya vaH
05164015a sarvamUrdhAbhiSiktAnAm AcAryaH sthaviro guruH
05164015c gacched antaM sRJjayAnAM priyas tv asya dhanaMjayaH
05164016a naiSa jAtu maheSvAsaH pArtham akliSTakAriNam
05164016c hanyAd AcAryakaM dIptaM saMsmRtya guNanirjitam
05164017a zlAghaty eSa sadA vIraH pArthasya guNavistaraiH
05164017c putrAd abhyadhikaM caiva bhAradvAjo 'nupazyati
05164018a hanyAd ekarathenaiva devagandharvadAnavAn
05164018c ekIbhUtAn api raNe divyair astraiH pratApavAn
05164019a pauravo rAjazArdUlas tava rAjan mahArathaH
05164019c mato mama ratho vIra paravIrarathArujaH
05164020a svena sainyena sahitaH pratapaJ zatruvAhinIm
05164020c pradhakSyati sa pAJcAlAn kakSaM kRSNagatir yathA
05164021a satyavrato rathavaro rAjaputro mahArathaH
05164021c tava rAjan ripubale kAlavat pracariSyati
05164022a etasya yodhA rAjendra vicitrakavacAyudhAH
05164022c vicariSyanti saMgrAme nighnantaH zAtravAMs tava
05164023a vRSaseno rathAgryas te karNaputro mahArathaH
05164023c pradhakSyati ripUNAM te balAni balinAM varaH
05164024a jalasaMdho mahAtejA rAjan rathavaras tava
05164024c tyakSyate samare prANAn mAgadhaH paravIrahA
05164025a eSa yotsyati saMgrAme gajaskandhavizAradaH
05164025c rathena vA mahAbAhuH kSapayaJ zatruvAhinIm
05164026a ratha eSa mahArAja mato mama nararSabhaH
05164026c tvadarthe tyakSyati prANAn saha sainyo mahAraNe
05164027a eSa vikrAntayodhI ca citrayodhI ca saMgare
05164027c vItabhIz cApi te rAjaJ zAtravaiH saha yotsyate
05164028a bAhlIko 'tirathaz caiva samare cAnivartitA
05164028c mama rAjan mato yuddhe zUro vaivasvatopamaH
05164029a na hy eSa samaraM prApya nivarteta kathaM cana
05164029c yathA satatago rAjan nAbhihatya parAn raNe
05164030a senApatir mahArAja satyavAMs te mahArathaH
05164030c raNeSv adbhutakarmA ca rathaH pararathArujaH
05164031a etasya samaraM dRSTvA na vyathAsti kathaM cana
05164031c utsmayann abhyupaity eSa parAn rathapathe sthitAn
05164032a eSa cAriSu vikrAntaH karma satpuruSocitam
05164032c kartA vimarde sumahat tvadarthe puruSottamaH
05164033a alAyudho rAkSasendraH krUrakarmA mahAbalaH
05164033c haniSyati parAn rAjan pUrvavairam anusmaran
05164034a eSa rAkSasasainyAnAM sarveSAM rathasattamaH
05164034c mAyAvI dRDhavairaz ca samare vicariSyati
05164035a prAgjyotiSAdhipo vIro bhagadattaH pratApavAn
05164035c gajAGkuzadharazreSTho rathe caiva vizAradaH
05164036a etena yuddham abhavat purA gANDIvadhanvanaH
05164036c divasAn subahUn rAjann ubhayor jayagRddhinoH
05164037a tataH sakhAyaM gAndhAre mAnayan pAkazAsanam
05164037c akarot saMvidaM tena pANDavena mahAtmanA
05164038a eSa yotsyati saMgrAme gajaskandhavizAradaH
05164038c airAvatagato rAjA devAnAm iva vAsavaH
05165001  bhISma uvAca
05165001a acalo vRSakaz caiva bhrAtarau sahitAv ubhau
05165001c rathau tava durAdharSau zatrUn vidhvaMsayiSyataH
05165002a balavantau naravyAghrau dRDhakrodhau prahAriNau
05165002c gAndhAramukhyau taruNau darzanIyau mahAbalau
05165003a sakhA te dayito nityaM ya eSa raNakarkazaH
05165003c protsAhayati rAjaMs tvAM vigrahe pANDavaiH saha
05165004a paruSaH katthano nIcaH karNo vaikartanas tava
05165004c mantrI netA ca bandhuz ca mAnI cAtyantam ucchritaH
05165005a eSa naiva rathaH pUrNo nApy evAtiratho nRpa
05165005c viyuktaH kavacenaiSa sahajena vicetanaH
05165005e kuNDalAbhyAM ca divyAbhyAM viyuktaH satataM ghRNI
05165006a abhizApAc ca rAmasya brAhmaNasya ca bhASaNAt
05165006c karaNAnAM viyogAc ca tena me 'rdharatho mataH
05165006e naiSa phalgunam AsAdya punar jIvan vimokSyate
05165007  saMjaya uvAca
05165007a tato 'bravIn mahAbAhur droNaH zastrabhRtAM varaH
05165007c evam etad yathAttha tvaM na mithyAstIti kiM cana
05165008a raNe raNe 'timAnI ca vimukhaz caiva dRzyate
05165008c ghRNI karNaH pramAdI ca tena me 'rdharatho mataH
05165009a etac chrutvA tu rAdheyaH krodhAd utphullalocanaH
05165009c uvAca bhISmaM rAjendra tudan vAgbhiH pratodavat
05165010a pitAmaha yatheSTaM mAM vAkzarair upakRntasi
05165010c anAgasaM sadA dveSAd evam eva pade pade
05165010e marSayAmi ca tat sarvaM duryodhanakRtena vai
05165011a tvaM tu mAM manyase 'zaktaM yathA kApuruSaM tathA
05165011c bhavAn ardharatho mahyaM mato nAsty atra saMzayaH
05165012a sarvasya jagataz caiva gAGgeya na mRSA vade
05165012c kurUNAm ahito nityaM na ca rAjAvabudhyate
05165013a ko hi nAma samAneSu rAjasUdAttakarmasu
05165013c tejovadham imaM kuryAd vibhedayiSur Ahave
05165013e yathA tvaM guNanirdezAd aparAdhaM cikIrSasi
05165014a na hAyanair na palitair na vittair na ca bandhubhiH
05165014c mahArathatvaM saMkhyAtuM zakyaM kSatrasya kaurava
05165015a balajyeSThaM smRtaM kSatraM mantrajyeSThA dvijAtayaH
05165015c dhanajyeSThAH smRtA vaizyAH zUdrAs tu vayasAdhikAH
05165016a yathecchakaM svayaMgrAhAd rathAn atirathAMs tathA
05165016c kAmadveSasamAyukto mohAt prakurute bhavAn
05165017a duryodhana mahAbAho sAdhu samyag avekSyatAm
05165017c tyajyatAM duSTabhAvo 'yaM bhISmaH kilbiSakRt tava
05165018a bhinnA hi senA nRpate duHsaMdheyA bhavaty uta
05165018c maulApi puruSavyAghra kim u nAnA samutthitA
05165019a eSAM dvaidhaM samutpannaM yodhAnAM yudhi bhArata
05165019c tejovadho naH kriyate pratyakSeNa vizeSataH
05165020a rathAnAM kva ca vijJAnaM kva ca bhISmo 'lpacetanaH
05165020c aham AvArayiSyAmi pANDavAnAm anIkinIm
05165021a AsAdya mAm amogheSuM gamiSyanti dizo daza
05165021c pANDavAH sahapaJcAlAH zArdUlaM vRSabhA iva
05165022a kva ca yuddhavimardo vA mantrAH suvyAhRtAni vA
05165022c kva ca bhISmo gatavayA mandAtmA kAlamohitaH
05165023a spardhate hi sadA nityaM sarveNa jagatA saha
05165023c na cAnyaM puruSaM kaM cin manyate moghadarzanaH
05165024a zrotavyaM khalu vRddhAnAm iti zAstranidarzanam
05165024c na tv evApy ativRddhAnAM punar bAlA hi te matAH
05165025a aham eko haniSyAmi pANDavAn nAtra saMzayaH
05165025c suyuddhe rAjazArdUla yazo bhISmaM gamiSyati
05165026a kRtaH senApatis tv eSa tvayA bhISmo narAdhipa
05165026c senApatiM guNo gantA na tu yodhAn kathaM cana
05165027a nAhaM jIvati gAGgeye yotsye rAjan kathaM cana
05165027c hate tu bhISme yodhAsmi sarvair eva mahArathaiH
05166001  bhISma uvAca
05166001a samudyato 'yaM bhAro me sumahAn sAgaropamaH
05166001c dhArtarASTrasya saMgrAme varSapUgAbhicintitaH
05166002a tasminn abhyAgate kAle pratapte lomaharSaNe
05166002c mithobhedo na me kAryas tena jIvasi sUtaja
05166003a na hy ahaM nAdya vikramya sthaviro 'pi zizos tava
05166003c yuddhazraddhAM raNe chindyAM jIvitasya ca sUtaja
05166004a jAmadagnyena rAmeNa mahAstrANi pramuJcatA
05166004c na me vyathAbhavat kA cit tvaM tu me kiM kariSyasi
05166005a kAmaM naitat prazaMsanti santo ''tmabalasaMstavam
05166005c vakSyAmi tu tvAM saMtapto nihIna kulapAMsana
05166006a sametaM pArthivaM kSatraM kAzirAjJaH svayaMvare
05166006c nirjityaikarathenaiva yat kanyAs tarasA hRtAH
05166007a IdRzAnAM sahasrANi viziSTAnAm atho punaH
05166007c mayaikena nirastAni sasainyAni raNAjire
05166008a tvAM prApya vairapuruSaM kurUNAm anayo mahAn
05166008c upasthito vinAzAya yatasva puruSo bhava
05166009a yudhyasva pArthaM samare yena vispardhase saha
05166009c drakSyAmi tvAM vinirmuktam asmAd yuddhAt sudurmate
05166010  saMjaya uvAca
05166010a tam uvAca tato rAjA dhArtarASTro mahAmanAH
05166010c mAm avekSasva gAGgeya kAryaM hi mahad udyatam
05166011a cintyatAm idam evAgre mama niHzreyasaM param
05166011c ubhAv api bhavantau me mahat karma kariSyataH
05166012a bhUyaz ca zrotum icchAmi pareSAM rathasattamAn
05166012c ye caivAtirathAs tatra tathaiva rathayUthapAH
05166013a balAbalam amitrANAM zrotum icchAmi kaurava
05166013c prabhAtAyAM rajanyAM vai idaM yuddhaM bhaviSyati
05166014  bhISma uvAca
05166014a ete rathAs te saMkhyAtAs tathaivAtirathA nRpa
05166014c ye cApy ardharathA rAjan pANDavAnAm ataH zRNu
05166015a yadi kautUhalaM te 'dya pANDavAnAM bale nRpa
05166015c rathasaMkhyAM mahAbAho sahaibhir vasudhAdhipaiH
05166016a svayaM rAjA rathodAraH pANDavaH kuntinandanaH
05166016c agnivat samare tAta cariSyati na saMzayaH
05166017a bhImasenas tu rAjendra ratho 'STaguNasaMmitaH
05166017c nAgAyutabalo mAnI tejasA na sa mAnuSaH
05166018a mAdrIputrau tu rathinau dvAv eva puruSarSabhau
05166018c azvinAv iva rUpeNa tejasA ca samanvitau
05166019a ete camUmukhagatAH smarantaH klezam AtmanaH
05166019c rudravat pracariSyanti tatra me nAsti saMzayaH
05166020a sarva eva mahAtmAnaH zAlaskandhA ivodgatAH
05166020c prAdezenAdhikAH pumbhir anyais te ca pramANataH
05166021a siMhasaMhananAH sarve pANDuputrA mahAbalAH
05166021c caritabrahmacaryAz ca sarve cAtitapasvinaH
05166022a hrImantaH puruSavyAghrA vyAghrA iva balotkaTAH
05166022c jave prahAre saMmarde sarva evAtimAnuSAH
05166022e sarve jitamahIpAlA digjaye bharatarSabha
05166023a na caiSAM puruSAH ke cid AyudhAni gadAH zarAn
05166023c viSahanti sadA kartum adhijyAny api kaurava
05166023e udyantuM vA gadAM gurvIM zarAn vApi prakarSitum
05166024a jave lakSyasya haraNe bhojye pAMsuvikarSaNe
05166024c bAlair api bhavantas taiH sarva eva vizeSitAH
05166025a te te sainyaM samAsAdya vyAghrA iva balotkaTAH
05166025c vidhvaMsayiSyanti raNe mA sma taiH saha saMgamaH
05166026a ekaikazas te saMgrAme hanyuH sarvAn mahIkSitaH
05166026c pratyakSaM tava rAjendra rAjasUye yathAbhavat
05166027a draupadyAz ca pariklezaM dyUte ca paruSA giraH
05166027c te saMsmarantaH saMgrAme vicariSyanti kAlavat
05166028a lohitAkSo guDAkezo nArAyaNasahAyavAn
05166028c ubhayoH senayor vIra ratho nAstIha tAdRzaH
05166029a na hi deveSu vA pUrvaM dAnaveSUrageSu vA
05166029c rAkSaseSv atha yakSeSu nareSu kuta eva tu
05166030a bhUto 'tha vA bhaviSyo vA rathaH kaz cin mayA zrutaH
05166030c samAyukto mahArAja yathA pArthasya dhImataH
05166031a vAsudevaz ca saMyantA yoddhA caiva dhanaMjayaH
05166031c gANDIvaM ca dhanur divyaM te cAzvA vAtaraMhasaH
05166032a abhedyaM kavacaM divyam akSayyau ca maheSudhI
05166032c astragrAmaz ca mAhendro raudraH kaubera eva ca
05166033a yAmyaz ca vAruNaz caiva gadAz cograpradarzanAH
05166033c vajrAdIni ca mukhyAni nAnApraharaNAni vai
05166034a dAnavAnAM sahasrANi hiraNyapuravAsinAm
05166034c hatAny ekarathenAjau kas tasya sadRzo rathaH
05166035a eSa hanyAd dhi saMrambhI balavAn satyavikramaH
05166035c tava senAM mahAbAhuH svAM caiva paripAlayan
05166036a ahaM cainaM pratyudiyAm AcAryo vA dhanaMjayam
05166036c na tRtIyo 'sti rAjendra senayor ubhayor api
05166036e ya enaM zaravarSANi varSantam udiyAd rathI
05166037a jImUta iva gharmAnte mahAvAtasamIritaH
05166037c samAyuktas tu kaunteyo vAsudevasahAyavAn
05166037e taruNaz ca kRtI caiva jIrNAv AvAm ubhAv api
05166038  saMjaya uvAca
05166038a etac chrutvA tu bhISmasya rAjJAM dadhvaMsire tadA
05166038c kAJcanAGgadinaH pInA bhujAz candanarUSitAH
05166039a manobhiH saha sAvegaiH saMsmRtya ca purAtanam
05166039c sAmarthyaM pANDaveyAnAM yathApratyakSadarzanAt
05167001  bhISma uvAca
05167001a draupadeyA mahArAja sarve paJca mahArathAH
05167001c vairATir uttaraz caiva ratho mama mahAn mataH
05167002a abhimanyur mahArAja rathayUthapayUthapaH
05167002c samaH pArthena samare vAsudevena vA bhavet
05167003a laghv astraz citrayodhI ca manasvI dRDhavikramaH
05167003c saMsmaran vai pariklezaM svapitur vikramiSyati
05167004a sAtyakir mAdhavaH zUro rathayUthapayUthapaH
05167004c eSa vRSNipravIrANAm amarSI jitasAdhvasaH
05167005a uttamaujAs tathA rAjan ratho mama mahAn mataH
05167005c yudhAmanyuz ca vikrAnto rathodAro nararSabhaH
05167006a eteSAM bahusAhasrA rathA nAgA hayAs tathA
05167006c yotsyante te tanuM tyaktvA kuntIputrapriyepsayA
05167007a pANDavaiH saha rAjendra tava senAsu bhArata
05167007c agnimArutavad rAjann AhvayantaH parasparam
05167008a ajeyau samare vRddhau virATadrupadAv ubhau
05167008c mahArathau mahAvIryau matau me puruSarSabhau
05167009a vayovRddhAv api tu tau kSatradharmaparAyaNau
05167009c yatiSyete paraM zaktyA sthitau vIragate pathi
05167010a saMbandhakena rAjendra tau tu vIryabalAnvayAt
05167010c AryavRttau maheSvAsau snehapAzasitAv ubhau
05167011a kAraNaM prApya tu narAH sarva eva mahAbhujAH
05167011c zUrA vA kAtarA vApi bhavanti narapuMgava
05167012a ekAyanagatAv etau pArthena dRDhabhaktikau
05167012c tyaktvA prANAn paraM zaktyA ghaTitArau narAdhipa
05167013a pRthag akSauhiNIbhyAM tAv ubhau saMyati dAruNau
05167013c saMbandhibhAvaM rakSantau mahat karma kariSyataH
05167014a lokavIrau maheSvAsau tyaktAtmAnau ca bhArata
05167014c pratyayaM parirakSantau mahat karma kariSyataH
05168001  bhISma uvAca
05168001a pAJcAlarAjasya suto rAjan parapuraMjayaH
05168001c zikhaNDI rathamukhyo me mataH pArthasya bhArata
05168002a eSa yotsyati saMgrAme nAzayan pUrvasaMsthitim
05168002c paraM yazo viprathayaMs tava senAsu bhArata
05168003a etasya bahulAH senAH pAJcAlAz ca prabhadrakAH
05168003c tenAsau rathavaMzena mahat karma kariSyati
05168004a dhRSTadyumnaz ca senAnIH sarvasenAsu bhArata
05168004c mato me 'tiratho rAjan droNaziSyo mahArathaH
05168005a eSa yotsyati saMgrAme sUdayan vai parAn raNe
05168005c bhagavAn iva saMkruddhaH pinAkI yugasaMkSaye
05168006a etasya tadrathAnIkaM kathayanti raNapriyAH
05168006c bahutvAt sAgaraprakhyaM devAnAm iva saMyuge
05168007a kSatradharmA tu rAjendra mato me 'rdharatho nRpa
05168007c dhRSTadyumnasya tanayo bAlyAn nAtikRtazramaH
05168008a zizupAlasuto vIraz cedirAjo mahArathaH
05168008c dhRSTaketur maheSvAsaH saMbandhI pANDavasya ha
05168009a eSa cedipatiH zUraH saha putreNa bhArata
05168009c mahArathenAsukaraM mahat karma kariSyati
05168010a kSatradharmarato mahyaM mataH parapuraMjayaH
05168010c kSatradevas tu rAjendra pANDaveSu rathottamaH
05168010e jayantaz cAmitaujAz ca satyajic ca mahArathaH
05168011a mahArathA mahAtmAnaH sarve pAJcAlasattamAH
05168011c yotsyante samare tAta saMrabdhA iva kuJjarAH
05168012a ajo bhojaz ca vikrAntau pANDaveSu mahArathau
05168012c pANDavAnAM sahAyArthe paraM zaktyA yatiSyataH
05168012e zIghrAstrau citrayoddhArau kRtinau dRDhavikramau
05168013a kekayAH paJca rAjendra bhrAtaro yuddhadurmadAH
05168013c sarva ete rathodArAH sarve lohitakadhvajAH
05168014a kAzikaH sukumAraz ca nIlo yaz cAparo nRpaH
05168014c sUryadattaz ca zaGkhaz ca madirAzvaz ca nAmataH
05168015a sarva ete rathodArAH sarve cAhavalakSaNAH
05168015c sarvAstraviduSaH sarve mahAtmAno matA mama
05168016a vArdhakSemir mahArAja ratho mama mahAn mataH
05168016c citrAyudhaz ca nRpatir mato me rathasattamaH
05168016e sa hi saMgrAmazobhI ca bhaktaz cApi kirITinaH
05168017a cekitAnaH satyadhRtiH pANDavAnAM mahArathau
05168017c dvAv imau puruSavyAghrau rathodArau matau mama
05168018a vyAghradattaz ca rAjendra candrasenaz ca bhArata
05168018c matau mama rathodArau pANDavAnAM na saMzayaH
05168019a senAbinduz ca rAjendra krodhahantA ca nAmataH
05168019c yaH samo vAsudevena bhImasenena cAbhibhUH
05168019e sa yotsyatIha vikramya samare tava sainikaiH
05168020a mAM droNaM ca kRpaM caiva yathA saMmanyate bhavAn
05168020c tathA sa samarazlAghI mantavyo rathasattamaH
05168021a kAzyaH paramazIghrAstraH zlAghanIyo rathottamaH
05168021c ratha ekaguNo mahyaM mataH parapuraMjayaH
05168022a ayaM ca yudhi vikrAnto mantavyo 'STaguNo rathaH
05168022c satyajit samarazlAghI drupadasyAtmajo yuvA
05168023a gataH so 'tirathatvaM hi dhRSTadyumnena saMmitaH
05168023c pANDavAnAM yazaskAmaH paraM karma kariSyati
05168024a anuraktaz ca zUraz ca ratho 'yam aparo mahAn
05168024c pANDyarAjo mahAvIryaH pANDavAnAM dhuraMdharaH
05168025a dRDhadhanvA maheSvAsaH pANDavAnAM rathottamaH
05168025c zreNimAn kauravazreSTha vasudAnaz ca pArthivaH
05168025e ubhAv etAv atirathau matau mama paraMtapa
05169001  bhISma uvAca
05169001a rocamAno mahArAja pANDavAnAM mahArathaH
05169001c yotsyate 'maravat saMkhye parasainyeSu bhArata
05169002a purujit kuntibhojaz ca maheSvAso mahAbalaH
05169002c mAtulo bhImasenasya sa ca me 'tiratho mataH
05169003a eSa vIro maheSvAsaH kRtI ca nipuNaz ca ha
05169003c citrayodhI ca zaktaz ca mato me rathapuMgavaH
05169004a sa yotsyati hi vikramya maghavAn iva dAnavaiH
05169004c yodhAz cAsya parikhyAtAH sarve yuddhavizAradAH
05169005a bhAgineyakRte vIraH sa kariSyati saMgare
05169005c sumahat karma pANDUnAM sthitaH priyahite nRpaH
05169006a bhaimasenir mahArAja haiDimbo rAkSasezvaraH
05169006c mato me bahumAyAvI rathayUthapayUthapaH
05169007a yotsyate samare tAta mAyAbhiH samarapriyaH
05169007c ye cAsya rAkSasAH zUrAH sacivA vazavartinaH
05169008a ete cAnye ca bahavo nAnAjanapadezvarAH
05169008c sametAH pANDavasyArthe vAsudevapurogamAH
05169009a ete prAdhAnyato rAjan pANDavasya mahAtmanaH
05169009c rathAz cAtirathAz caiva ye cApy ardharathA matAH
05169010a neSyanti samare senAM bhImAM yaudhiSThirIM nRpa
05169010c mahendreNeva vIreNa pAlyamAnAM kirITinA
05169011a tair ahaM samare vIra tvAm Ayadbhir jayaiSibhiH
05169011c yotsyAmi jayam AkAGkSann atha vA nidhanaM raNe
05169012a pArthaM ca vAsudevaM ca cakragANDIvadhAriNau
05169012c saMdhyAgatAv ivArkendU sameSye puruSottamau
05169013a ye caiva te rathodArAH pANDuputrasya sainikAH
05169013c sahasainyAn ahaM tAMz ca pratIyAM raNamUrdhani
05169014a ete rathAz cAtirathAz ca tubhyaM; yathApradhAnaM nRpa kIrtitA mayA
05169014c tathA rAjann ardharathAz ca ke cit; tathaiva teSAm api kauravendra
05169015a arjunaM vAsudevaM ca ye cAnye tatra pArthivAH
05169015c sarvAn AvArayiSyAmi yAvad drakSyAmi bhArata
05169016a pAJcAlyaM tu mahAbAho nAhaM hanyAM zikhaNDinam
05169016c udyateSum abhiprekSya pratiyudhyantam Ahave
05169017a lokas tad veda yad ahaM pituH priyacikIrSayA
05169017c prAptaM rAjyaM parityajya brahmacarye dhRtavrataH
05169018a citrAGgadaM kauravANAm ahaM rAjye 'bhyaSecayam
05169018c vicitravIryaM ca zizuM yauvarAjye 'bhyaSecayam
05169019a devavratatvaM vikhyApya pRthivyAM sarvarAjasu
05169019c naiva hanyAM striyaM jAtu na strIpUrvaM kathaM cana
05169020a sa hi strIpUrvako rAjaJ zikhaNDI yadi te zrutaH
05169020c kanyA bhUtvA pumAJ jAto na yotsye tena bhArata
05169021a sarvAMs tv anyAn haniSyAmi pArthivAn bharatarSabha
05169021c yAn sameSyAmi samare na tu kuntIsutAn nRpa
05170001  duryodhana uvAca
05170001a kimarthaM bharatazreSTha na hanyAs tvaM zikhaNDinam
05170001c udyateSum atho dRSTvA samareSv AtatAyinam
05170002a pUrvam uktvA mahAbAho pANDavAn saha somakaiH
05170002c vadhiSyAmIti gAGgeya tan me brUhi pitAmaha
05170003  bhISma uvAca
05170003a zRNu duryodhana kathAM sahaibhir vasudhAdhipaiH
05170003c yadarthaM yudhi saMprekSya nAhaM hanyAM zikhaNDinam
05170004a mahArAjo mama pitA zaMtanur bharatarSabhaH
05170004c diSTAntaM prApa dharmAtmA samaye puruSarSabha
05170005a tato 'haM bharatazreSTha pratijJAM paripAlayan
05170005c citrAGgadaM bhrAtaraM vai mahArAjye 'bhyaSecayam
05170006a tasmiMz ca nidhanaM prApte satyavatyA mate sthitaH
05170006c vicitravIryaM rAjAnam abhyaSiJcaM yathAvidhi
05170007a mayAbhiSikto rAjendra yavIyAn api dharmataH
05170007c vicitravIryo dharmAtmA mAm eva samudaikSata
05170008a tasya dArakriyAM tAta cikIrSur aham apy uta
05170008c anurUpAd iva kulAd iti cintya mano dadhe
05170009a tathAzrauSaM mahAbAho tisraH kanyAH svayaMvare
05170009c rUpeNApratimAH sarvAH kAzirAjasutAs tadA
05170009e ambA caivAmbikA caiva tathaivAmbAlikAparA
05170010a rAjAnaz ca samAhUtAH pRthivyAM bharatarSabha
05170010c ambA jyeSThAbhavat tAsAm ambikA tv atha madhyamA
05170010e ambAlikA ca rAjendra rAjakanyA yavIyasI
05170011a so 'ham ekarathenaiva gataH kAzipateH purIm
05170011c apazyaM tA mahAbAho tisraH kanyAH svalaMkRtAH
05170011e rAjJaz caiva samAvRttAn pArthivAn pRthivIpate
05170012a tato 'haM tAn nRpAn sarvAn AhUya samare sthitAn
05170012c ratham AropayAM cakre kanyAs tA bharatarSabha
05170013a vIryazulkAz ca tA jJAtvA samAropya rathaM tadA
05170013c avocaM pArthivAn sarvAn ahaM tatra samAgatAn
05170013e bhISmaH zAMtanavaH kanyA haratIti punaH punaH
05170014a te yatadhvaM paraM zaktyA sarve mokSAya pArthivAH
05170014c prasahya hi nayAmy eSa miSatAM vo narAdhipAH
05170015a tatas te pRthivIpAlAH samutpetur udAyudhAH
05170015c yogo yoga iti kruddhAH sArathIMz cApy acodayan
05170016a te rathair meghasaMkAzair gajaiz ca gajayodhinaH
05170016c pRSThyaiz cAzvair mahIpAlAH samutpetur udAyudhAH
05170017a tatas te mAM mahIpAlAH sarva eva vizAM pate
05170017c rathavrAtena mahatA sarvataH paryavArayan
05170018a tAn ahaM zaravarSeNa mahatA pratyavArayam
05170018c sarvAn nRpAMz cApy ajayaM devarAD iva dAnavAn
05170019a teSAm ApatatAM citrAn dhvajAn hemapariSkRtAn
05170019c ekaikena hi bANena bhUmau pAtitavAn aham
05170020a hayAMz caiSAM gajAMz caiva sArathIMz cApy ahaM raNe
05170020c apAtayaM zarair dIptaiH prahasan puruSarSabha
05170021a te nivRttAz ca bhagnAz ca dRSTvA tal lAghavaM mama
05170021c athAhaM hAstinapuram AyAM jitvA mahIkSitaH
05170022a ato 'haM tAz ca kanyA vai bhrAtur arthAya bhArata
05170022c tac ca karma mahAbAho satyavatyai nyavedayam
05171001  bhISma uvAca
05171001a tato 'haM bharatazreSTha mAtaraM vIramAtaram
05171001c abhigamyopasaMgRhya dAzeyIm idam abruvam
05171002a imAH kAzipateH kanyA mayA nirjitya pArthivAn
05171002c vicitravIryasya kRte vIryazulkA upArjitAH
05171003a tato mUrdhany upAghrAya paryazrunayanA nRpa
05171003c Aha satyavatI hRSTA diSTyA putra jitaM tvayA
05171004a satyavatyAs tv anumate vivAhe samupasthite
05171004c uvAca vAkyaM savrIDA jyeSThA kAzipateH sutA
05171005a bhISma tvam asi dharmajJaH sarvazAstravizAradaH
05171005c zrutvA ca dharmyaM vacanaM mahyaM kartum ihArhasi
05171006a mayA zAlvapatiH pUrvaM manasAbhivRto varaH
05171006c tena cAsmi vRtA pUrvaM rahasy avidite pituH
05171007a kathaM mAm anyakAmAM tvaM rAjaJ zAstram adhItya vai
05171007c vAsayethA gRhe bhISma kauravaH san vizeSataH
05171008a etad buddhyA vinizcitya manasA bharatarSabha
05171008c yat kSamaM te mahAbAho tad ihArabdhum arhasi
05171009a sa mAM pratIkSate vyaktaM zAlvarAjo vizAM pate
05171009c kRpAM kuru mahAbAho mayi dharmabhRtAM vara
05171009e tvaM hi satyavrato vIra pRthivyAm iti naH zrutam
05172001  bhISma uvAca
05172001a tato 'haM samanujJApya kAlIM satyavatIM tadA
05172001c mantriNaz ca dvijAMz caiva tathaiva ca purohitAn
05172001e samanujJAsiSaM kanyAM jyeSThAm ambAM narAdhipa
05172002a anujJAtA yayau sA tu kanyA zAlvapateH puram
05172002c vRddhair dvijAtibhir guptA dhAtryA cAnugatA tadA
05172002e atItya ca tam adhvAnam AsasAda narAdhipam
05172003a sA tam AsAdya rAjAnaM zAlvaM vacanam abravIt
05172003c AgatAhaM mahAbAho tvAm uddizya mahAdyute
05172004a tAm abravIc chAlvapatiH smayann iva vizAM pate
05172004c tvayAnyapUrvayA nAhaM bhAryArthI varavarNini
05172005a gaccha bhadre punas tatra sakAzaM bhAratasya vai
05172005c nAham icchAmi bhISmeNa gRhItAM tvAM prasahya vai
05172006a tvaM hi nirjitya bhISmeNa nItA prItimatI tadA
05172006c parAmRzya mahAyuddhe nirjitya pRthivIpatIn
05172006e nAhaM tvayy anyapUrvAyAM bhAryArthI varavarNini
05172007a katham asmadvidho rAjA parapUrvAM pravezayet
05172007c nArIM viditavijJAnaH pareSAM dharmam Adizan
05172007e yatheSTaM gamyatAM bhadre mA te kAlo 'tyagAd ayam
05172008a ambA tam abravId rAjann anaGgazarapIDitA
05172008c maivaM vada mahIpAla naitad evaM kathaM cana
05172009a nAsmi prItimatI nItA bhISmeNAmitrakarzana
05172009c balAn nItAsmi rudatI vidrAvya pRthivIpatIn
05172010a bhajasva mAM zAlvapate bhaktAM bAlAm anAgasam
05172010c bhaktAnAM hi parityAgo na dharmeSu prazasyate
05172011a sAham Amantrya gAGgeyaM samareSv anivartinam
05172011c anujJAtA ca tenaiva tavaiva gRham AgatA
05172012a na sa bhISmo mahAbAhur mAm icchati vizAM pate
05172012c bhrAtRhetoH samArambho bhISmasyeti zrutaM mayA
05172013a bhaginyau mama ye nIte ambikAmbAlike nRpa
05172013c prAdAd vicitravIryAya gAGgeyo hi yavIyase
05172014a yathA zAlvapate nAnyaM naraM dhyAmi kathaM cana
05172014c tvAm Rte puruSavyAghra tathA mUrdhAnam Alabhe
05172015a na cAnyapUrvA rAjendra tvAm ahaM samupasthitA
05172015c satyaM bravImi zAlvaitat satyenAtmAnam Alabhe
05172016a bhajasva mAM vizAlAkSa svayaM kanyAm upasthitAm
05172016c ananyapUrvAM rAjendra tvatprasAdAbhikAGkSiNIm
05172017a tAm evaM bhASamANAM tu zAlvaH kAzipateH sutAm
05172017c atyajad bharatazreSTha tvacaM jIrNAm ivoragaH
05172018a evaM bahuvidhair vAkyair yAcyamAnas tayAnagha
05172018c nAzraddadhac chAlvapatiH kanyAyA bharatarSabha
05172019a tataH sA manyunAviSTA jyeSThA kAzipateH sutA
05172019c abravIt sAzrunayanA bASpavihvalayA girA
05172020a tvayA tyaktA gamiSyAmi yatra yatra vizAM pate
05172020c tatra me santu gatayaH santaH satyaM yathAbruvam
05172021a evaM saMbhASamANAM tu nRzaMsaH zAlvarAT tadA
05172021c paryatyajata kauravya karuNaM paridevatIm
05172022a gaccha gaccheti tAM zAlvaH punaH punar abhASata
05172022c bibhemi bhISmAt suzroNi tvaM ca bhISmaparigrahaH
05172023a evam uktA tu sA tena zAlvenAdIrghadarzinA
05172023c nizcakrAma purAd dInA rudatI kurarI yathA
05173001  bhISma uvAca
05173001a sA niSkramantI nagarAc cintayAm Asa bhArata
05173001c pRthivyAM nAsti yuvatir viSamasthatarA mayA
05173001e bAndhavair viprahInAsmi zAlvena ca nirAkRtA
05173002a na ca zakyaM punar gantuM mayA vAraNasAhvayam
05173002c anujJAtAsmi bhISmeNa zAlvam uddizya kAraNam
05173003a kiM nu garhAmy athAtmAnam atha bhISmaM durAsadam
05173003c Ahosvit pitaraM mUDhaM yo me 'kArSIt svayaMvaram
05173004a mamAyaM svakRto doSo yAhaM bhISmarathAt tadA
05173004c pravRtte vaizase yuddhe zAlvArthaM nApataM purA
05173004e tasyeyaM phalanirvRttir yad ApannAsmi mUDhavat
05173005a dhig bhISmaM dhik ca me mandaM pitaraM mUDhacetasam
05173005c yenAhaM vIryazulkena paNyastrIvat praveritA
05173006a dhiG mAM dhik zAlvarAjAnaM dhig dhAtAram athApi ca
05173006c yeSAM durnItabhAvena prAptAsmy Apadam uttamAm
05173007a sarvathA bhAgadheyAni svAni prApnoti mAnavaH
05173007c anayasyAsya tu mukhaM bhISmaH zAMtanavo mama
05173008a sA bhISme pratikartavyam ahaM pazyAmi sAMpratam
05173008c tapasA vA yudhA vApi duHkhahetuH sa me mataH
05173008e ko nu bhISmaM yudhA jetum utsaheta mahIpatiH
05173009a evaM sA parinizcitya jagAma nagarAd bahiH
05173009c AzramaM puNyazIlAnAM tApasAnAM mahAtmanAm
05173009e tatas tAm avasad rAtriM tApasaiH parivAritA
05173010a Acakhyau ca yathA vRttaM sarvam Atmani bhArata
05173010c vistareNa mahAbAho nikhilena zucismitA
05173010e haraNaM ca visargaM ca zAlvena ca visarjanam
05173011a tatas tatra mahAn AsId brAhmaNaH saMzitavrataH
05173011c zaikhAvatyas tapovRddhaH zAstre cAraNyake guruH
05173012a ArtAM tAm Aha sa muniH zaikhAvatyo mahAtapAH
05173012c niHzvasantIM satIM bAlAM duHkhazokaparAyaNAm
05173013a evaM gate kiM nu bhadre zakyaM kartuM tapasvibhiH
05173013c Azramasthair mahAbhAgais taponityair mahAtmabhiH
05173014a sA tv enam abravId rAjan kriyatAM madanugrahaH
05173014c pravrAjitum ihecchAmi tapas tapsyAmi duzcaram
05173015a mayaivaitAni karmANi pUrvadeheSu mUDhayA
05173015c kRtAni nUnaM pApAni teSAm etat phalaM dhruvam
05173016a notsaheyaM punar gantuM svajanaM prati tApasAH
05173016c pratyAkhyAtA nirAnandA zAlvena ca nirAkRtA
05173017a upadiSTam ihecchAmi tApasyaM vItakalmaSAH
05173017c yuSmAbhir devasaMkAzAH kRpA bhavatu vo mayi
05173018a sa tAm AzvAsayat kanyAM dRSTAntAgamahetubhiH
05173018c sAntvayAm Asa kAryaM ca pratijajJe dvijaiH saha
05174001  bhISma uvAca
05174001a tatas te tApasAH sarve kAryavanto 'bhavaMs tadA
05174001c tAM kanyAM cintayanto vai kiM kAryam iti dharmiNaH
05174002a ke cid AhuH pitur vezma nIyatAm iti tApasAH
05174002c ke cid asmadupAlambhe matiM cakrur dvijottamAH
05174003a ke cic chAlvapatiM gatvA niyojyam iti menire
05174003c neti ke cid vyavasyanti pratyAkhyAtA hi tena sA
05174004a evaM gate kiM nu zakyaM bhadre kartuM manISibhiH
05174004c punar Ucuz ca te sarve tApasAH saMzitavratAH
05174005a alaM pravrajiteneha bhadre zRNu hitaM vacaH
05174005c ito gacchasva bhadraM te pitur eva nivezanam
05174006a pratipatsyati rAjA sa pitA te yad anantaram
05174006c tatra vatsyasi kalyANi sukhaM sarvaguNAnvitA
05174006e na ca te 'nyA gatir nyAyyA bhaved bhadre yathA pitA
05174007a patir vApi gatir nAryAH pitA vA varavarNini
05174007c gatiH patiH samasthAyA viSame tu pitA gatiH
05174008a pravrajyA hi suduHkheyaM sukumAryA vizeSataH
05174008c rAjaputryAH prakRtyA ca kumAryAs tava bhAmini
05174009a bhadre doSA hi vidyante bahavo varavarNini
05174009c Azrame vai vasantyAs te na bhaveyuH pitur gRhe
05174010a tatas tu te 'bruvan vAkyaM brAhmaNAs tAM tapasvinIm
05174010c tvAm ihaikAkinIM dRSTvA nirjane gahane vane
05174010e prArthayiSyanti rAjendrAs tasmAn maivaM manaH kRthAH
05174011  ambovAca
05174011a na zakyaM kAzinagarIM punar gantuM pitur gRhAn
05174011c avajJAtA bhaviSyAmi bAndhavAnAM na saMzayaH
05174012a uSitA hy anyathA bAlye pitur vezmani tApasAH
05174012c nAhaM gamiSye bhadraM vas tatra yatra pitA mama
05174012e tapas taptum abhIpsAmi tApasaiH paripAlitA
05174013a yathA pare 'pi me loke na syAd evaM mahAtyayaH
05174013c daurbhAgyaM brAhmaNazreSThAs tasmAt tapsyAmy ahaM tapaH
05174014  bhISma uvAca
05174014a ity evaM teSu vipreSu cintayatsu tathA tathA
05174014c rAjarSis tad vanaM prAptas tapasvI hotravAhanaH
05174015a tatas te tApasAH sarve pUjayanti sma taM nRpam
05174015c pUjAbhiH svAgatAdyAbhir Asanenodakena ca
05174016a tasyopaviSTasya tato vizrAntasyopazRNvataH
05174016c punar eva kathAM cakruH kanyAM prati vanaukasaH
05174017a ambAyAs tAM kathAM zrutvA kAzirAjJaz ca bhArata
05174017c sa vepamAna utthAya mAtur asyAH pitA tadA
05174017e tAM kanyAm aGkam Aropya paryAzvAsayata prabho
05174018a sa tAm apRcchat kArtsnyena vyasanotpattim AditaH
05174018c sA ca tasmai yathAvRttaM vistareNa nyavedayat
05174019a tataH sa rAjarSir abhUd duHkhazokasamanvitaH
05174019c kAryaM ca pratipede tan manasA sumahAtapAH
05174020a abravId vepamAnaz ca kanyAm ArtAM suduHkhitaH
05174020c mA gAH pitRgRhaM bhadre mAtus te janako hy aham
05174021a duHkhaM chetsyAmi te 'haM vai mayi vartasva putrike
05174021c paryAptaM te manaH putri yad evaM parizuSyasi
05174022a gaccha madvacanAd rAmaM jAmadagnyaM tapasvinam
05174022c rAmas tava mahad duHkhaM zokaM cApanayiSyati
05174022e haniSyati raNe bhISmaM na kariSyati ced vacaH
05174023a taM gaccha bhArgavazreSThaM kAlAgnisamatejasam
05174023c pratiSThApayitA sa tvAM same pathi mahAtapAH
05174024a tatas tu sasvaraM bASpam utsRjantI punaH punaH
05174024c abravIt pitaraM mAtuH sA tadA hotravAhanam
05174025a abhivAdayitvA zirasA gamiSye tava zAsanAt
05174025c api nAmAdya pazyeyam AryaM taM lokavizrutam
05174026a kathaM ca tIvraM duHkhaM me haniSyati sa bhArgavaH
05174026c etad icchAmy ahaM zrotum atha yAsyAmi tatra vai
05175001  hotravAhana uvAca
05175001a rAmaM drakSyasi vatse tvaM jAmadagnyaM mahAvane
05175001c ugre tapasi vartantaM satyasaMdhaM mahAbalam
05175002a mahendre vai girizreSThe rAmaM nityam upAsate
05175002c RSayo vedaviduSo gandharvApsarasas tathA
05175003a tatra gacchasva bhadraM te brUyAz cainaM vaco mama
05175003c abhivAdya pUrvaM zirasA tapovRddhaM dRDhavratam
05175004a brUyAz cainaM punar bhadre yat te kAryaM manISitam
05175004c mayi saMkIrtite rAmaH sarvaM tat te kariSyati
05175005a mama rAmaH sakhA vatse prItiyuktaH suhRc ca me
05175005c jamadagnisuto vIraH sarvazastrabhRtAM varaH
05175006a evaM bruvati kanyAM tu pArthive hotravAhane
05175006c akRtavraNaH prAdurAsId rAmasyAnucaraH priyaH
05175007a tatas te munayaH sarve samuttasthuH sahasrazaH
05175007c sa ca rAjA vayovRddhaH sRJjayo hotravAhanaH
05175008a tataH pRSTvA yathAnyAyam anyonyaM te vanaukasaH
05175008c sahitA bharatazreSTha niSeduH parivArya tam
05175009a tatas te kathayAm AsuH kathAs tAs tA manoramAH
05175009c kAntA divyAz ca rAjendra prItiharSamudA yutAH
05175010a tataH kathAnte rAjarSir mahAtmA hotravAhanaH
05175010c rAmaM zreSThaM maharSINAm apRcchad akRtavraNam
05175011a kva saMprati mahAbAho jAmadagnyaH pratApavAn
05175011c akRtavraNa zakyo vai draSTuM vedavidAM varaH
05175012  akRtavraNa uvAca
05175012a bhavantam eva satataM rAmaH kIrtayati prabho
05175012c sRJjayo me priyasakho rAjarSir iti pArthiva
05175013a iha rAmaH prabhAte zvo bhaviteti matir mama
05175013c draSTAsy enam ihAyAntaM tava darzanakAGkSayA
05175014a iyaM ca kanyA rAjarSe kimarthaM vanam AgatA
05175014c kasya ceyaM tava ca kA bhavatIcchAmi veditum
05175015  hotravAhana uvAca
05175015a dauhitrIyaM mama vibho kAzirAjasutA zubhA
05175015c jyeSThA svayaMvare tasthau bhaginIbhyAM sahAnagha
05175016a iyam ambeti vikhyAtA jyeSThA kAzipateH sutA
05175016c ambikAmbAlike tv anye yavIyasyau tapodhana
05175017a sametaM pArthivaM kSatraM kAzipuryAM tato 'bhavat
05175017c kanyAnimittaM brahmarSe tatrAsId utsavo mahAn
05175018a tataH kila mahAvIryo bhISmaH zAMtanavo nRpAn
05175018c avAkSipya mahAtejAs tisraH kanyA jahAra tAH
05175019a nirjitya pRthivIpAlAn atha bhISmo gajAhvayam
05175019c AjagAma vizuddhAtmA kanyAbhiH saha bhArata
05175020a satyavatyai nivedyAtha vivAhArtham anantaram
05175020c bhrAtur vicitravIryasya samAjJApayata prabhuH
05175021a tato vaivAhikaM dRSTvA kanyeyaM samupArjitam
05175021c abravIt tatra gAGgeyaM mantrimadhye dvijarSabha
05175022a mayA zAlvapatir vIra manasAbhivRtaH patiH
05175022c na mAm arhasi dharmajJa paracittAM pradApitum
05175023a tac chrutvA vacanaM bhISmaH saMmantrya saha mantribhiH
05175023c nizcitya visasarjemAM satyavatyA mate sthitaH
05175024a anujJAtA tu bhISmeNa zAlvaM saubhapatiM tataH
05175024c kanyeyaM muditA vipra kAle vacanam abravIt
05175025a visarjitAsmi bhISmeNa dharmaM mAM pratipAdaya
05175025c manasAbhivRtaH pUrvaM mayA tvaM pArthivarSabha
05175026a pratyAcakhyau ca zAlvo 'pi cAritrasyAbhizaGkitaH
05175026c seyaM tapovanaM prAptA tApasye 'bhiratA bhRzam
05175027a mayA ca pratyabhijJAtA vaMzasya parikIrtanAt
05175027c asya duHkhasya cotpattiM bhISmam eveha manyate
05175028  ambovAca
05175028a bhagavann evam evaitad yathAha pRthivIpatiH
05175028c zarIrakartA mAtur me sRJjayo hotravAhanaH
05175029a na hy utsahe svanagaraM pratiyAtuM tapodhana
05175029c avamAnabhayAc caiva vrIDayA ca mahAmune
05175030a yat tu mAM bhagavAn rAmo vakSyati dvijasattama
05175030c tan me kAryatamaM kAryam iti me bhagavan matiH
05176001  akRtavraNa uvAca
05176001a duHkhadvayam idaM bhadre katarasya cikIrSasi
05176001c pratikartavyam abale tat tvaM vatse bravIhi me
05176002a yadi saubhapatir bhadre niyoktavyo mate tava
05176002c niyokSyati mahAtmA taM rAmas tvaddhitakAmyayA
05176003a athApageyaM bhISmaM taM rAmeNecchasi dhImatA
05176003c raNe vinirjitaM draSTuM kuryAt tad api bhArgavaH
05176004a sRJjayasya vacaH zrutvA tava caiva zucismite
05176004c yad atrAnantaraM kAryaM tad adyaiva vicintyatAm
05176005  ambovAca
05176005a apanItAsmi bhISmeNa bhagavann avijAnatA
05176005c na hi jAnAti me bhISmo brahmaJ zAlvagataM manaH
05176006a etad vicArya manasA bhavAn eva vinizcayam
05176006c vicinotu yathAnyAyaM vidhAnaM kriyatAM tathA
05176007a bhISme vA kuruzArdUle zAlvarAje 'tha vA punaH
05176007c ubhayor eva vA brahman yad yuktaM tat samAcara
05176008a niveditaM mayA hy etad duHkhamUlaM yathAtatham
05176008c vidhAnaM tatra bhagavan kartum arhasi yuktitaH
05176009  akRtavraNa uvAca
05176009a upapannam idaM bhadre yad evaM varavarNini
05176009c dharmaM prati vaco brUyAH zRNu cedaM vaco mama
05176010a yadi tvAm Apageyo vai na nayed gajasAhvayam
05176010c zAlvas tvAM zirasA bhIru gRhNIyAd rAmacoditaH
05176011a tena tvaM nirjitA bhadre yasmAn nItAsi bhAmini
05176011c saMzayaH zAlvarAjasya tena tvayi sumadhyame
05176012a bhISmaH puruSamAnI ca jitakAzI tathaiva ca
05176012c tasmAt pratikriyA yuktA bhISme kArayituM tvayA
05176013  ambovAca
05176013a mamApy eSa mahAn brahman hRdi kAmo 'bhivartate
05176013c ghAtayeyaM yadi raNe bhISmam ity eva nityadA
05176014a bhISmaM vA zAlvarAjaM vA yaM vA doSeNa gacchasi
05176014c prazAdhi taM mahAbAho yatkRte 'haM suduHkhitA
05176015  bhISma uvAca
05176015a evaM kathayatAm eva teSAM sa divaso gataH
05176015c rAtriz ca bharatazreSTha sukhazItoSNamArutA
05176016a tato rAmaH prAdurAsIt prajvalann iva tejasA
05176016c ziSyaiH parivRto rAjaJ jaTAcIradharo muniH
05176017a dhanuSpANir adInAtmA khaDgaM bibhrat parazvadhI
05176017c virajA rAjazArdUla so 'bhyayAt sRJjayaM nRpam
05176018a tatas taM tApasA dRSTvA sa ca rAjA mahAtapAH
05176018c tasthuH prAJjalayaH sarve sA ca kanyA tapasvinI
05176019a pUjayAm Asur avyagrA madhuparkeNa bhArgavam
05176019c arcitaz ca yathAyogaM niSasAda sahaiva taiH
05176020a tataH pUrvavyatItAni kathayete sma tAv ubhau
05176020c sRJjayaz ca sa rAjarSir jAmadagnyaz ca bhArata
05176021a tataH kathAnte rAjarSir bhRguzreSThaM mahAbalam
05176021c uvAca madhuraM kAle rAmaM vacanam arthavat
05176022a rAmeyaM mama dauhitrI kAzirAjasutA prabho
05176022c asyAH zRNu yathAtattvaM kAryaM kAryavizArada
05176023a paramaM kathyatAM ceti tAM rAmaH pratyabhASata
05176023c tataH sAbhyagamad rAmaM jvalantam iva pAvakam
05176024a sA cAbhivAdya caraNau rAmasya zirasA zubhA
05176024c spRSTvA padmadalAbhAbhyAM pANibhyAm agrataH sthitA
05176025a ruroda sA zokavatI bASpavyAkulalocanA
05176025c prapede zaraNaM caiva zaraNyaM bhRgunandanam
05176026  rAma uvAca
05176026a yathAsi sRJjayasyAsya tathA mama nRpAtmaje
05176026c brUhi yat te manoduHkhaM kariSye vacanaM tava
05176027  ambovAca
05176027a bhagavaJ zaraNaM tvAdya prapannAsmi mahAvrata
05176027c zokapaGkArNavAd ghorAd uddharasva ca mAM vibho
05176028  bhISma uvAca
05176028a tasyAz ca dRSTvA rUpaM ca vayaz cAbhinavaM punaH
05176028c saukumAryaM paraM caiva rAmaz cintAparo 'bhavat
05176029a kim iyaM vakSyatIty evaM vimRzan bhRgusattamaH
05176029c iti dadhyau ciraM rAmaH kRpayAbhipariplutaH
05176030a kathyatAm iti sA bhUyo rAmeNoktA zucismitA
05176030c sarvam eva yathAtattvaM kathayAm Asa bhArgave
05176031a tac chrutvA jAmadagnyas tu rAjaputryA vacas tadA
05176031c uvAca tAM varArohAM nizcityArthavinizcayam
05176032a preSayiSyAmi bhISmAya kuruzreSThAya bhAmini
05176032c kariSyati vaco dharmyaM zrutvA me sa narAdhipaH
05176033a na cet kariSyati vaco mayoktaM jAhnavIsutaH
05176033c dhakSyAmy enaM raNe bhadre sAmAtyaM zastratejasA
05176034a atha vA te matis tatra rAjaputri nivartate
05176034c tAvac chAlvapatiM vIraM yojayAmy atra karmaNi
05176035  ambovAca
05176035a visarjitAsmi bhISmeNa zrutvaiva bhRgunandana
05176035c zAlvarAjagataM ceto mama pUrvaM manISitam
05176036a saubharAjam upetyAham abruvaM durvacaM vacaH
05176036c na ca mAM pratyagRhNAt sa cAritraparizaGkitaH
05176037a etat sarvaM vinizcitya svabuddhyA bhRgunandana
05176037c yad atraupayikaM kAryaM tac cintayitum arhasi
05176038a mamAtra vyasanasyAsya bhISmo mUlaM mahAvrataH
05176038c yenAhaM vazam AnItA samutkSipya balAt tadA
05176039a bhISmaM jahi mahAbAho yatkRte duHkham IdRzam
05176039c prAptAhaM bhRguzArdUla carAmy apriyam uttamam
05176040a sa hi lubdhaz ca mAnI ca jitakAzI ca bhArgava
05176040c tasmAt pratikriyA kartuM yuktA tasmai tvayAnagha
05176041a eSa me hriyamANAyA bhAratena tadA vibho
05176041c abhavad dhRdi saMkalpo ghAtayeyaM mahAvratam
05176042a tasmAt kAmaM mamAdyemaM rAma saMvartayAnagha
05176042c jahi bhISmaM mahAbAho yathA vRtraM puraMdaraH
05177001  bhISma uvAca
05177001a evam uktas tadA rAmo jahi bhISmam iti prabho
05177001c uvAca rudatIM kanyAM codayantIM punaH punaH
05177002a kAzye kAmaM na gRhNAmi zastraM vai varavarNini
05177002c Rte brahmavidAM hetoH kim anyat karavANi te
05177003a vAcA bhISmaz ca zAlvaz ca mama rAjJi vazAnugau
05177003c bhaviSyato 'navadyAGgi tat kariSyAmi mA zucaH
05177004a na tu zastraM grahISyAmi kathaM cid api bhAmini
05177004c Rte niyogAd viprANAm eSa me samayaH kRtaH
05177005  ambovAca
05177005a mama duHkhaM bhagavatA vyapaneyaM yatas tataH
05177005c tat tu bhISmaprasUtaM me taM jahIzvara mAciram
05177006  rAma uvAca
05177006a kAzikanye punar brUhi bhISmas te caraNAv ubhau
05177006c zirasA vandanArho 'pi grahISyati girA mama
05177007  ambovAca
05177007a jahi bhISmaM raNe rAma mama ced icchasi priyam
05177007c pratizrutaM ca yadi tat satyaM kartum ihArhasi
05177008  bhISma uvAca
05177008a tayoH saMvadator evaM rAjan rAmAmbayos tadA
05177008c akRtavraNo jAmadagnyam idaM vacanam abravIt
05177009a zaraNAgatAM mahAbAho kanyAM na tyaktum arhasi
05177009c jahi bhISmaM raNe rAma garjantam asuraM yathA
05177010a yadi bhISmas tvayAhUto raNe rAma mahAmune
05177010c nirjito 'smIti vA brUyAt kuryAd vA vacanaM tava
05177011a kRtam asyA bhavet kAryaM kanyAyA bhRgunandana
05177011c vAkyaM satyaM ca te vIra bhaviSyati kRtaM vibho
05177012a iyaM cApi pratijJA te tadA rAma mahAmune
05177012c jitvA vai kSatriyAn sarvAn brAhmaNeSu pratizrutam
05177013a brAhmaNaH kSatriyo vaizyaH zUdraz caiva raNe yadi
05177013c brahmadviD bhavitA taM vai haniSyAmIti bhArgava
05177014a zaraNaM hi prapannAnAM bhItAnAM jIvitArthinAm
05177014c na zakSyAmi parityAgaM kartuM jIvan kathaM cana
05177015a yaz ca kSatraM raNe kRtsnaM vijeSyati samAgatam
05177015c dRptAtmAnam ahaM taM ca haniSyAmIti bhArgava
05177016a sa evaM vijayI rAma bhISmaH kurukulodvahaH
05177016c tena yudhyasva saMgrAme sametya bhRgunandana
05177017  rAma uvAca
05177017a smarAmy ahaM pUrvakRtAM pratijJAm RSisattama
05177017c tathaiva ca kariSyAmi yathA sAmnaiva lapsyate
05177018a kAryam etan mahad brahman kAzikanyAmanogatam
05177018c gamiSyAmi svayaM tatra kanyAm AdAya yatra saH
05177019a yadi bhISmo raNazlAghI na kariSyati me vacaH
05177019c haniSyAmy enam udriktam iti me nizcitA matiH
05177020a na hi bANA mayotsRSTAH sajjantIha zarIriNAm
05177020c kAyeSu viditaM tubhyaM purA kSatriyasaMgare
05177021  bhISma uvAca
05177021a evam uktvA tato rAmaH saha tair brahmavAdibhiH
05177021c prayANAya matiM kRtvA samuttasthau mahAmanAH
05177022a tatas te tAm uSitvA tu rajanIM tatra tApasAH
05177022c hutAgnayo japtajapyAH pratasthur majjighAMsayA
05177023a abhyagacchat tato rAmaH saha tair brAhmaNarSabhaiH
05177023c kurukSetraM mahArAja kanyayA saha bhArata
05177024a nyavizanta tataH sarve parigRhya sarasvatIm
05177024c tApasAs te mahAtmAno bhRguzreSThapuraskRtAH
05178001  bhISma uvAca
05178001a tatas tRtIye divase same deze vyavasthitaH
05178001c preSayAm Asa me rAjan prApto 'smIti mahAvrataH
05178002a tam Agatam ahaM zrutvA viSayAntaM mahAbalam
05178002c abhyagacchaM javenAzu prItyA tejonidhiM prabhum
05178003a gAM puraskRtya rAjendra brAhmaNaiH parivAritaH
05178003c Rtvigbhir devakalpaiz ca tathaiva ca purohitaiH
05178004a sa mAm abhigataM dRSTvA jAmadagnyaH pratApavAn
05178004c pratijagrAha tAM pUjAM vacanaM cedam abravIt
05178005a bhISma kAM buddhim AsthAya kAzirAjasutA tvayA
05178005c akAmeyam ihAnItA punaz caiva visarjitA
05178006a vibhraMzitA tvayA hIyaM dharmAvApteH parAvarAt
05178006c parAmRSTAM tvayA hImAM ko hi gantum ihArhati
05178007a pratyAkhyAtA hi zAlvena tvayA nIteti bhArata
05178007c tasmAd imAM manniyogAt pratigRhNISva bhArata
05178008a svadharmaM puruSavyAghra rAjaputrI labhatv iyam
05178008c na yuktam avamAno 'yaM kartuM rAjJA tvayAnagha
05178009a tatas taM nAtimanasaM samudIkSyAham abruvam
05178009c nAham enAM punar dadyAM bhrAtre brahman kathaM cana
05178010a zAlvasyAham iti prAha purA mAm iha bhArgava
05178010c mayA caivAbhyanujJAtA gatA saubhapuraM prati
05178011a na bhayAn nApy anukrozAn na lobhAn nArthakAmyayA
05178011c kSatradharmam ahaM jahyAm iti me vratam Ahitam
05178012a atha mAm abravId rAmaH krodhaparyAkulekSaNaH
05178012c na kariSyasi ced etad vAkyaM me kurupuMgava
05178013a haniSyAmi sahAmAtyaM tvAm adyeti punaH punaH
05178013c saMrambhAd abravId rAmaH krodhaparyAkulekSaNaH
05178014a tam ahaM gIrbhir iSTAbhiH punaH punar ariMdamam
05178014c ayAcaM bhRguzArdUlaM na caiva prazazAma saH
05178015a tam ahaM praNamya zirasA bhUyo brAhmaNasattamam
05178015c abruvaM kAraNaM kiM tad yat tvaM yoddhum ihecchasi
05178016a iSvastraM mama bAlasya bhavataiva caturvidham
05178016c upadiSTaM mahAbAho ziSyo 'smi tava bhArgava
05178017a tato mAm abravId rAmaH krodhasaMraktalocanaH
05178017c jAnISe mAM guruM bhISma na cemAM pratigRhNase
05178017e sutAM kAzyasya kauravya matpriyArthaM mahIpate
05178018a na hi te vidyate zAntir anyathA kurunandana
05178018c gRhANemAM mahAbAho rakSasva kulam AtmanaH
05178018e tvayA vibhraMzitA hIyaM bhartAraM nAbhigacchati
05178019a tathA bruvantaM tam ahaM rAmaM parapuraMjayam
05178019c naitad evaM punar bhAvi brahmarSe kiM zrameNa te
05178020a gurutvaM tvayi saMprekSya jAmadagnya purAtanam
05178020c prasAdaye tvAM bhagavaMs tyaktaiSA hi purA mayA
05178021a ko jAtu parabhAvAM hi nArIM vyAlIm iva sthitAm
05178021c vAsayeta gRhe jAnan strINAM doSAn mahAtyayAn
05178022a na bhayAd vAsavasyApi dharmaM jahyAM mahAdyute
05178022c prasIda mA vA yad vA te kAryaM tat kuru mAciram
05178023a ayaM cApi vizuddhAtman purANe zrUyate vibho
05178023c maruttena mahAbuddhe gItaH zloko mahAtmanA
05178024a guror apy avaliptasya kAryAkAryam ajAnataH
05178024c utpathapratipannasya kAryaM bhavati zAsanam
05178025a sa tvaM gurur iti premNA mayA saMmAnito bhRzam
05178025c guruvRttaM na jAnISe tasmAd yotsyAmy ahaM tvayA
05178026a guruM na hanyAM samare brAhmaNaM ca vizeSataH
05178026c vizeSatas tapovRddham evaM kSAntaM mayA tava
05178027a udyateSum atho dRSTvA brAhmaNaM kSatrabandhuvat
05178027c yo hanyAt samare kruddho yudhyantam apalAyinam
05178027e brahmahatyA na tasya syAd iti dharmeSu nizcayaH
05178028a kSatriyANAM sthito dharme kSatriyo 'smi tapodhana
05178028c yo yathA vartate yasmiMs tathA tasmin pravartayan
05178028e nAdharmaM samavApnoti naraH zreyaz ca vindati
05178029a arthe vA yadi vA dharme samartho dezakAlavit
05178029c anarthasaMzayApannaH zreyAn niHsaMzayena ca
05178030a yasmAt saMzayite 'rthe 'smin yathAnyAyaM pravartase
05178030c tasmAd yotsyAmi sahitas tvayA rAma mahAhave
05178030e pazya me bAhuvIryaM ca vikramaM cAtimAnuSam
05178031a evaM gate 'pi tu mayA yac chakyaM bhRgunandana
05178031c tat kariSye kurukSetre yotsye vipra tvayA saha
05178031e dvaMdve rAma yatheSTaM te sajjo bhava mahAmune
05178032a tatra tvaM nihato rAma mayA zarazatAcitaH
05178032c lapsyase nirjitA&l lokAJ zastrapUto mahAraNe
05178033a sa gaccha vinivartasva kurukSetraM raNapriya
05178033c tatraiSyAmi mahAbAho yuddhAya tvAM tapodhana
05178034a api yatra tvayA rAma kRtaM zaucaM purA pituH
05178034c tatrAham api hatvA tvAM zaucaM kartAsmi bhArgava
05178035a tatra gacchasva rAma tvaM tvaritaM yuddhadurmada
05178035c vyapaneSyAmi te darpaM paurANaM brAhmaNabruva
05178036a yac cApi katthase rAma bahuzaH pariSatsu vai
05178036c nirjitAH kSatriyA loke mayaikeneti tac chRNu
05178037a na tadA jAyate bhISmo madvidhaH kSatriyo 'pi vA
05178037c yas te yuddhamayaM darpaM kAmaM ca vyapanAzayet
05178038a so 'haM jAto mahAbAho bhISmaH parapuraMjayaH
05178038c vyapaneSyAmi te darpaM yuddhe rAma na saMzayaH
05179001  bhISma uvAca
05179001a tato mAm abravId rAmaH prahasann iva bhArata
05179001c diSTyA bhISma mayA sArdhaM yoddhum icchasi saMgare
05179002a ayaM gacchAmi kauravya kurukSetraM tvayA saha
05179002c bhASitaM tat kariSyAmi tatrAgaccheH paraMtapa
05179003a tatra tvAM nihataM mAtA mayA zarazatAcitam
05179003c jAhnavI pazyatAM bhISma gRdhrakaGkabaDAzanam
05179004a kRpaNaM tvAm abhiprekSya siddhacAraNasevitA
05179004c mayA vinihataM devI rodatAm adya pArthiva
05179005a atadarhA mahAbhAgA bhagIrathasutA nadI
05179005c yA tvAm ajIjanan mandaM yuddhakAmukam Aturam
05179006a ehi gaccha mayA bhISma yuddham adyaiva vartatAm
05179006c gRhANa sarvaM kauravya rathAdi bharatarSabha
05179007a iti bruvANaM tam ahaM rAmaM parapuraMjayam
05179007c praNamya zirasA rAjann evam astv ity athAbruvam
05179008a evam uktvA yayau rAmaH kurukSetraM yuyutsayA
05179008c pravizya nagaraM cAhaM satyavatyai nyavedayam
05179009a tataH kRtasvastyayano mAtrA pratyabhinanditaH
05179009c dvijAtIn vAcya puNyAhaM svasti caiva mahAdyute
05179010a ratham AsthAya ruciraM rAjataM pANDurair hayaiH
05179010c sUpaskaraM svadhiSThAnaM vaiyAghraparivAraNam
05179011a upapannaM mahAzastraiH sarvopakaraNAnvitam
05179011c tat kulInena vIreNa hayazAstravidA nRpa
05179012a yuktaM sUtena ziSTena bahuzo dRSTakarmaNA
05179012c daMzitaH pANDureNAhaM kavacena vapuSmatA
05179013a pANDuraM kArmukaM gRhya prAyAM bharatasattama
05179013c pANDureNAtapatreNa dhriyamANena mUrdhani
05179014a pANDuraiz cAmaraiz cApi vIjyamAno narAdhipa
05179014c zuklavAsAH sitoSNISaH sarvazuklavibhUSaNaH
05179015a stUyamAno jayAzIrbhir niSkramya gajasAhvayAt
05179015c kurukSetraM raNakSetram upAyAM bharatarSabha
05179016a te hayAz coditAs tena sUtena paramAhave
05179016c avahan mAM bhRzaM rAjan manomArutaraMhasaH
05179017a gatvAhaM tat kurukSetraM sa ca rAmaH pratApavAn
05179017c yuddhAya sahasA rAjan parAkrAntau parasparam
05179018a tataH saMdarzane 'tiSThaM rAmasyAtitapasvinaH
05179018c pragRhya zaGkhapravaraM tataH prAdhamam uttamam
05179019a tatas tatra dvijA rAjaMs tApasAz ca vanaukasaH
05179019c apazyanta raNaM divyaM devAH sarSigaNAs tadA
05179020a tato divyAni mAlyAni prAdurAsan muhur muhuH
05179020c vAditrANi ca divyAni meghavRndAni caiva ha
05179021a tatas te tApasAH sarve bhArgavasyAnuyAyinaH
05179021c prekSakAH samapadyanta parivArya raNAjiram
05179022a tato mAm abravId devI sarvabhUtahitaiSiNI
05179022c mAtA svarUpiNI rAjan kim idaM te cikIrSitam
05179023a gatvAhaM jAmadagnyaM taM prayAciSye kurUdvaha
05179023c bhISmeNa saha mA yotsIH ziSyeNeti punaH punaH
05179024a mA maivaM putra nirbandhaM kuru vipreNa pArthiva
05179024c jAmadagnyena samare yoddhum ity avabhartsayat
05179025a kiM na vai kSatriyaharo haratulyaparAkramaH
05179025c viditaH putra rAmas te yatas tvaM yoddhum icchasi
05179026a tato 'ham abruvaM devIm abhivAdya kRtAJjaliH
05179026c sarvaM tad bharatazreSTha yathAvRttaM svayaMvare
05179027a yathA ca rAmo rAjendra mayA pUrvaM prasAditaH
05179027c kAzirAjasutAyAz ca yathA kAmaH purAtanaH
05179028a tataH sA rAmam abhyetya jananI me mahAnadI
05179028c madarthaM tam RSiM devI kSamayAm Asa bhArgavam
05179028e bhISmeNa saha mA yotsIH ziSyeNeti vaco 'bravIt
05179029a sa ca tAm Aha yAcantIM bhISmam eva nivartaya
05179029c na hi me kurute kAmam ity ahaM tam upAgamam
05179030  saMjaya uvAca
05179030a tato gaGgA sutasnehAd bhISmaM punar upAgamat
05179030c na cAsyAH so 'karod vAkyaM krodhaparyAkulekSaNaH
05179031a athAdRzyata dharmAtmA bhRguzreSTho mahAtapAH
05179031c AhvayAm Asa ca punar yuddhAya dvijasattamaH
05180001  bhISma uvAca
05180001a tam ahaM smayann iva raNe pratyabhASaM vyavasthitam
05180001c bhUmiSThaM notsahe yoddhuM bhavantaM ratham AsthitaH
05180002a Aroha syandanaM vIra kavacaM ca mahAbhuja
05180002c badhAna samare rAma yadi yoddhuM mayecchasi
05180003a tato mAm abravId rAmaH smayamAno raNAjire
05180003c ratho me medinI bhISma vAhA vedAH sadazvavat
05180004a sUto me mAtarizvA vai kavacaM vedamAtaraH
05180004c susaMvIto raNe tAbhir yotsye 'haM kurunandana
05180005a evaM bruvANo gAndhAre rAmo mAM satyavikramaH
05180005c zaravrAtena mahatA sarvataH paryavArayat
05180006a tato 'pazyaM jAmadagnyaM rathe divye vyavasthitam
05180006c sarvAyudhadhare zrImaty adbhutopamadarzane
05180007a manasA vihite puNye vistIrNe nagaropame
05180007c divyAzvayuji saMnaddhe kAJcanena vibhUSite
05180008a dhvajena ca mahAbAho somAlaMkRtalakSmaNA
05180008c dhanurdharo baddhatUNo baddhagodhAGgulitravAn
05180009a sArathyaM kRtavAMs tatra yuyutsor akRtavraNaH
05180009c sakhA vedavid atyantaM dayito bhArgavasya ha
05180010a AhvayAnaH sa mAM yuddhe mano harSayatIva me
05180010c punaH punar abhikrozann abhiyAhIti bhArgavaH
05180011a tam Adityam ivodyantam anAdhRSyaM mahAbalam
05180011c kSatriyAntakaraM rAmam ekam ekaH samAsadam
05180012a tato 'haM bANapAteSu triSu vAhAn nigRhya vai
05180012c avatIrya dhanur nyasya padAtir RSisattamam
05180013a abhyagacchaM tadA rAmam arciSyan dvijasattamam
05180013c abhivAdya cainaM vidhivad abruvaM vAkyam uttamam
05180014a yotsye tvayA raNe rAma viziSTenAdhikena ca
05180014c guruNA dharmazIlena jayam AzAssva me vibho
05180015  rAma uvAca
05180015a evam etat kuruzreSTha kartavyaM bhUtim icchatA
05180015c dharmo hy eSa mahAbAho viziSTaiH saha yudhyatAm
05180016a zapeyaM tvAM na ced evam AgacchethA vizAM pate
05180016c yudhyasva tvaM raNe yatto dhairyam Alambya kaurava
05180017a na tu te jayam AzAse tvAM hi jetum ahaM sthitaH
05180017c gaccha yudhyasva dharmeNa prIto 'smi caritena te
05180018  bhISma uvAca
05180018a tato 'haM taM namaskRtya ratham Aruhya satvaraH
05180018c prAdhmApayaM raNe zaGkhaM punar hemavibhUSitam
05180019a tato yuddhaM samabhavan mama tasya ca bhArata
05180019c divasAn subahUn rAjan parasparajigISayA
05180020a sa me tasmin raNe pUrvaM prAharat kaGkapatribhiH
05180020c SaSTyA zataiz ca navabhiH zarANAm agnivarcasAm
05180021a catvAras tena me vAhAH sUtaz caiva vizAM pate
05180021c pratiruddhAs tathaivAhaM samare daMzitaH sthitaH
05180022a namaskRtya ca devebhyo brAhmaNebhyaz ca bhArata
05180022c tam ahaM smayann iva raNe pratyabhASaM vyavasthitam
05180023a AcAryatA mAnitA me nirmaryAde hy api tvayi
05180023c bhUyas tu zRNu me brahman saMpadaM dharmasaMgrahe
05180024a ye te vedAH zarIrasthA brAhmaNyaM yac ca te mahat
05180024c tapaz ca sumahat taptaM na tebhyaH praharAmy aham
05180025a prahare kSatradharmasya yaM tvaM rAma samAsthitaH
05180025c brAhmaNaH kSatriyatvaM hi yAti zastrasamudyamAt
05180026a pazya me dhanuSo vIryaM pazya bAhvor balaM ca me
05180026c eSa te kArmukaM vIra dvidhA kurmi sasAyakam
05180027a tasyAhaM nizitaM bhallaM prAhiNvaM bharatarSabha
05180027c tenAsya dhanuSaH koTiz chinnA bhUmim athAgamat
05180028a nava cApi pRSatkAnAM zatAni nataparvaNAm
05180028c prAhiNvaM kaGkapatrANAM jAmadagnyarathaM prati
05180029a kAye viSaktAs tu tadA vAyunAbhisamIritAH
05180029c celuH kSaranto rudhiraM nAgA iva ca te zarAH
05180030a kSatajokSitasarvAGgaH kSaran sa rudhiraM vraNaiH
05180030c babhau rAmas tadA rAjan merur dhAtUn ivotsRjan
05180031a hemantAnte 'zoka iva raktastabakamaNDitaH
05180031c babhau rAmas tadA rAjan kva cit kiMzukasaMnibhaH
05180032a tato 'nyad dhanur AdAya rAmaH krodhasamanvitaH
05180032c hemapuGkhAn sunizitAJ zarAMs tAn hi vavarSa saH
05180033a te samAsAdya mAM raudrA bahudhA marmabhedinaH
05180033c akampayan mahAvegAH sarpAnalaviSopamAH
05180034a tato 'haM samavaSTabhya punar AtmAnam Ahave
05180034c zatasaMkhyaiH zaraiH kruddhas tadA rAmam avAkiram
05180035a sa tair agnyarkasaMkAzaiH zarair AzIviSopamaiH
05180035c zitair abhyardito rAmo mandacetA ivAbhavat
05180036a tato 'haM kRpayAviSTo vinindyAtmAnam AtmanA
05180036c dhig dhig ity abruvaM yuddhaM kSatraM ca bharatarSabha
05180037a asakRc cAbruvaM rAjaJ zokavegapariplutaH
05180037c aho bata kRtaM pApaM mayedaM kSatrakarmaNA
05180038a gurur dvijAtir dharmAtmA yad evaM pIDitaH zaraiH
05180038c tato na prAharaM bhUyo jAmadagnyAya bhArata
05180039a athAvatApya pRthivIM pUSA divasasaMkSaye
05180039c jagAmAstaM sahasrAMzus tato yuddham upAramat
05181001  bhISma uvAca
05181001a Atmanas tu tataH sUto hayAnAM ca vizAM pate
05181001c mama cApanayAm Asa zalyAn kuzalasaMmataH
05181002a snAtopavRttais turagair labdhatoyair avihvalaiH
05181002c prabhAta udite sUrye tato yuddham avartata
05181003a dRSTvA mAM tUrNam AyAntaM daMzitaM syandane sthitam
05181003c akarod ratham atyarthaM rAmaH sajjaM pratApavAn
05181004a tato 'haM rAmam AyAntaM dRSTvA samarakAGkSiNam
05181004c dhanuHzreSThaM samutsRjya sahasAvataraM rathAt
05181005a abhivAdya tathaivAhaM ratham Aruhya bhArata
05181005c yuyutsur jAmadagnyasya pramukhe vItabhIH sthitaH
05181006a tato mAM zaravarSeNa mahatA samavAkirat
05181006c ahaM ca zaravarSeNa varSantaM samavAkiram
05181007a saMkruddho jAmadagnyas tu punar eva patatriNaH
05181007c preSayAm Asa me rAjan dIptAsyAn uragAn iva
05181008a tAn ahaM nizitair bhallaiH zatazo 'tha sahasrazaH
05181008c acchidaM sahasA rAjann antarikSe punaH punaH
05181009a tatas tv astrANi divyAni jAmadagnyaH pratApavAn
05181009c mayi pracodayAm Asa tAny ahaM pratyaSedhayam
05181010a astrair eva mahAbAho cikIrSann adhikAM kriyAm
05181010c tato divi mahAn nAdaH prAdurAsIt samantataH
05181011a tato 'ham astraM vAyavyaM jAmadagnye prayuktavAn
05181011c pratyAjaghne ca tad rAmo guhyakAstreNa bhArata
05181012a tato 'stram aham Agneyam anumantrya prayuktavAn
05181012c vAruNenaiva rAmas tad vArayAm Asa me vibhuH
05181013a evam astrANi divyAni rAmasyAham avArayam
05181013c rAmaz ca mama tejasvI divyAstravid ariMdamaH
05181014a tato mAM savyato rAjan rAmaH kurvan dvijottamaH
05181014c urasy avidhyat saMkruddho jAmadagnyo mahAbalaH
05181015a tato 'haM bharatazreSTha saMnyaSIdaM rathottame
05181015c atha mAM kazmalAviSTaM sUtas tUrNam apAvahat
05181015e gorutaM bharatazreSTha rAmabANaprapIDitam
05181016a tato mAm apayAtaM vai bhRzaM viddham acetasam
05181016c rAmasyAnucarA hRSTAH sarve dRSTvA pracukruzuH
05181016e akRtavraNaprabhRtayaH kAzikanyA ca bhArata
05181017a tatas tu labdhasaMjJo 'haM jJAtvA sUtam athAbruvam
05181017c yAhi sUta yato rAmaH sajjo 'haM gatavedanaH
05181018a tato mAm avahat sUto hayaiH paramazobhitaiH
05181018c nRtyadbhir iva kauravya mArutapratimair gatau
05181019a tato 'haM rAmam AsAdya bANajAlena kaurava
05181019c avAkiraM susaMrabdhaH saMrabdhaM vijigISayA
05181020a tAn Apatata evAsau rAmo bANAn ajihmagAn
05181020c bANair evAcchinat tUrNam ekaikaM tribhir Ahave
05181021a tatas te mRditAH sarve mama bANAH susaMzitAH
05181021c rAmabANair dvidhA chinnAH zatazo 'tha mahAhave
05181022a tataH punaH zaraM dIptaM suprabhaM kAlasaMmitam
05181022c asRjaM jAmadagnyAya rAmAyAhaM jighAMsayA
05181023a tena tv abhihato gADhaM bANacchedavazaM gataH
05181023c mumoha sahasA rAmo bhUmau ca nipapAta ha
05181024a tato hAhAkRtaM sarvaM rAme bhUtalam Azrite
05181024c jagad bhArata saMvignaM yathArkapatane 'bhavat
05181025a tata enaM susaMvignAH sarva evAbhidudruvuH
05181025c tapodhanAs te sahasA kAzyA ca bhRgunandanam
05181026a ta enaM saMpariSvajya zanair AzvAsayaMs tadA
05181026c pANibhir jalazItaiz ca jayAzIrbhiz ca kaurava
05181027a tataH sa vihvalo vAkyaM rAma utthAya mAbravIt
05181027c tiSTha bhISma hato 'sIti bANaM saMdhAya kArmuke
05181028a sa mukto nyapatat tUrNaM pArzve savye mahAhave
05181028c yenAhaM bhRzasaMvigno vyAghUrNita iva drumaH
05181029a hatvA hayAMs tato rAjaJ zIghrAstreNa mahAhave
05181029c avAkiran mAM vizrabdho bANais tair lomavAhibhiH
05181030a tato 'ham api zIghrAstraM samare 'prativAraNam
05181030c avAsRjaM mahAbAho te 'ntarAdhiSThitAH zarAH
05181030e rAmasya mama caivAzu vyomAvRtya samantataH
05181031a na sma sUryaH pratapati zarajAlasamAvRtaH
05181031c mAtarizvAntare tasmin megharuddha ivAnadat
05181032a tato vAyoH prakampAc ca sUryasya ca marIcibhiH
05181032c abhitApAt svabhAvAc ca pAvakaH samajAyata
05181033a te zarAH svasamutthena pradIptAz citrabhAnunA
05181033c bhUmau sarve tadA rAjan bhasmabhUtAH prapedire
05181034a tadA zatasahasrANi prayutAny arbudAni ca
05181034c ayutAny atha kharvANi nikharvANi ca kaurava
05181034e rAmaH zarANAM saMkruddho mayi tUrNam apAtayat
05181035a tato 'haM tAn api raNe zarair AzIviSopamaiH
05181035c saMchidya bhUmau nRpate 'pAtayaM pannagAn iva
05181036a evaM tad abhavad yuddhaM tadA bharatasattama
05181036c saMdhyAkAle vyatIte tu vyapAyAt sa ca me guruH
05182001  bhISma uvAca
05182001a samAgatasya rAmeNa punar evAtidAruNam
05182001c anyedyus tumulaM yuddhaM tadA bharatasattama
05182002a tato divyAstravic chUro divyAny astrANy anekazaH
05182002c ayojayata dharmAtmA divase divase vibhuH
05182003a tAny ahaM tatpratIghAtair astrair astrANi bhArata
05182003c vyadhamaM tumule yuddhe prANAMs tyaktvA sudustyajAn
05182004a astrair astreSu bahudhA hateSv atha ca bhArgavaH
05182004c akrudhyata mahAtejAs tyaktaprANaH sa saMyuge
05182005a tataH zaktiM prAhiNod ghorarUpAm; astrai ruddho jAmadagnyo mahAtmA
05182005c kAlotsRSTAM prajvalitAm ivolkAM; saMdIptAgrAM tejasAvRtya lokAn
05182006a tato 'haM tAm iSubhir dIpyamAnaiH; samAyAntIm antakAlArkadIptAm
05182006c chittvA tridhA pAtayAm Asa bhUmau; tato vavau pavanaH puNyagandhiH
05182007a tasyAM chinnAyAM krodhadIpto 'tha rAmaH; zaktIr ghorAH prAhiNod dvAdazAnyAH
05182007c tAsAM rUpaM bhArata nota zakyaM; tejasvitvAl lAghavAc caiva vaktum
05182008a kiM tv evAhaM vihvalaH saMpradRzya; digbhyaH sarvAs tA maholkA ivAgneH
05182008c nAnArUpAs tejasogreNa dIptA; yathAdityA dvAdaza lokasaMkSaye
05182009a tato jAlaM bANamayaM vivRtya; saMdRzya bhittvA zarajAlena rAjan
05182009c dvAdazeSUn prAhiNavaM raNe 'haM; tataH zaktIr vyadhamaM ghorarUpAH
05182010a tato 'parA jAmadagnyo mahAtmA; zaktIr ghorAH prAkSipad dhemadaNDAH
05182010c vicitritAH kAJcanapaTTanaddhA; yathA maholkA jvalitAs tathA tAH
05182011a tAz cApy ugrAz carmaNA vArayitvA; khaDgenAjau pAtitA me narendra
05182011c bANair divyair jAmadagnyasya saMkhye; divyAMz cAzvAn abhyavarSaM sasUtAn
05182012a nirmuktAnAM pannagAnAM sarUpA; dRSTvA zaktIr hemacitrA nikRttAH
05182012c prAduzcakre divyam astraM mahAtmA; krodhAviSTo haihayezapramAthI
05182013a tataH zreNyaH zalabhAnAm ivogrAH; samApetur vizikhAnAM pradIptAH
05182013c samAcinoc cApi bhRzaM zarIraM; hayAn sUtaM sarathaM caiva mahyam
05182014a rathaH zarair me nicitaH sarvato 'bhUt; tathA hayAH sArathiz caiva rAjan
05182014c yugaM ratheSA ca tathaiva cakre; tathaivAkSaH zarakRtto 'tha bhagnaH
05182015a tatas tasmin bANavarSe vyatIte; zaraugheNa pratyavarSaM guruM tam
05182015c sa vikSato mArgaNair brahmarAzir; dehAd ajasraM mumuce bhUri raktam
05182016a yathA rAmo bANajAlAbhitaptas; tathaivAhaM subhRzaM gADhaviddhaH
05182016c tato yuddhaM vyaramac cAparAhNe; bhAnAv astaM prArthayAne mahIdhram
05183001  bhISma uvAca
05183001a tataH prabhAte rAjendra sUrye vimala udgate
05183001c bhArgavasya mayA sArdhaM punar yuddham avartata
05183002a tato bhrAnte rathe tiSThan rAmaH praharatAM varaH
05183002c vavarSa zaravarSANi mayi zakra ivAcale
05183003a tena sUto mama suhRc charavarSeNa tADitaH
05183003c nipapAta rathopasthe mano mama viSAdayan
05183004a tataH sUtaH sa me 'tyarthaM kazmalaM prAvizan mahat
05183004c pRthivyAM ca zarAghAtAn nipapAta mumoha ca
05183005a tataH sUto 'jahAt prANAn rAmabANaprapIDitaH
05183005c muhUrtAd iva rAjendra mAM ca bhIr Avizat tadA
05183006a tataH sUte hate rAjan kSipatas tasya me zarAn
05183006c pramattamanaso rAmaH prAhiNon mRtyusaMmitAn
05183007a tataH sUtavyasaninaM viplutaM mAM sa bhArgavaH
05183007c zareNAbhyahanad gADhaM vikRSya balavad dhanuH
05183008a sa me jatrvantare rAjan nipatya rudhirAzanaH
05183008c mayaiva saha rAjendra jagAma vasudhAtalam
05183009a matvA tu nihataM rAmas tato mAM bharatarSabha
05183009c meghavad vyanadac coccair jahRSe ca punaH punaH
05183010a tathA tu patite rAjan mayi rAmo mudA yutaH
05183010c udakrozan mahAnAdaM saha tair anuyAyibhiH
05183011a mama tatrAbhavan ye tu kauravAH pArzvataH sthitAH
05183011c AgatA ye ca yuddhaM taj janAs tatra didRkSavaH
05183011e ArtiM paramikAM jagmus te tadA mayi pAtite
05183012a tato 'pazyaM pAtito rAjasiMha; dvijAn aSTau sUryahutAzanAbhAn
05183012c te mAM samantAt parivArya tasthuH; svabAhubhiH parigRhyAjimadhye
05183013a rakSyamANaz ca tair viprair nAhaM bhUmim upAspRzam
05183013c antarikSe sthito hy asmi tair viprair bAndhavair iva
05183013e svapann ivAntarikSe ca jalabindubhir ukSitaH
05183014a tatas te brAhmaNA rAjann abruvan parigRhya mAm
05183014c mA bhair iti samaM sarve svasti te 'stv iti cAsakRt
05183015a tatas teSAm ahaM vAgbhis tarpitaH sahasotthitaH
05183015c mAtaraM saritAM zreSThAm apazyaM ratham AsthitAm
05183016a hayAz ca me saMgRhItAs tayA vai; mahAnadyA saMyati kauravendra
05183016c pAdau jananyAH pratipUjya cAhaM; tathArSTiSeNaM ratham abhyaroham
05183017a rarakSa sA mama rathaM hayAMz copaskarANi ca
05183017c tAm ahaM prAJjalir bhUtvA punar eva vyasarjayam
05183018a tato 'haM svayam udyamya hayAMs tAn vAtaraMhasaH
05183018c ayudhyaM jAmadagnyena nivRtte 'hani bhArata
05183019a tato 'haM bharatazreSTha vegavantaM mahAbalam
05183019c amuJcaM samare bANaM rAmAya hRdayacchidam
05183020a tato jagAma vasudhAM bANavegaprapIDitaH
05183020c jAnubhyAM dhanur utsRjya rAmo mohavazaM gataH
05183021a tatas tasmin nipatite rAme bhUrisahasrade
05183021c Avavrur jaladA vyoma kSaranto rudhiraM bahu
05183022a ulkAz ca zatazaH petuH sanirghAtAH sakampanAH
05183022c arkaM ca sahasA dIptaM svarbhAnur abhisaMvRNot
05183023a vavuz ca vAtAH paruSAz calitA ca vasuMdharA
05183023c gRdhrA baDAz ca kaGkAz ca paripetur mudA yutAH
05183024a dIptAyAM dizi gomAyur dAruNaM muhur unnadat
05183024c anAhatA dundubhayo vinedur bhRzanisvanAH
05183025a etad autpAtikaM ghoram AsId bharatasattama
05183025c visaMjJakalpe dharaNIM gate rAme mahAtmani
05183026a tato ravir mandamarIcimaNDalo; jagAmAstaM pAMsupuJjAvagADhaH
05183026c nizA vyagAhat sukhazItamArutA; tato yuddhaM pratyavahArayAvaH
05183027a evaM rAjann avahAro babhUva; tataH punar vimale 'bhUt sughoram
05183027c kAlyaM kAlyaM viMzatiM vai dinAni; tathaiva cAnyAni dinAni trINi
05184001  bhISma uvAca
05184001a tato 'haM nizi rAjendra praNamya zirasA tadA
05184001c brAhmaNAnAM pitqNAM ca devatAnAM ca sarvazaH
05184002a naktaMcarANAM bhUtAnAM rajanyAz ca vizAM pate
05184002c zayanaM prApya rahite manasA samacintayam
05184003a jAmadagnyena me yuddham idaM paramadAruNam
05184003c ahAni subahUny adya vartate sumahAtyayam
05184004a na ca rAmaM mahAvIryaM zaknomi raNamUrdhani
05184004c vijetuM samare vipraM jAmadagnyaM mahAbalam
05184005a yadi zakyo mayA jetuM jAmadagnyaH pratApavAn
05184005c daivatAni prasannAni darzayantu nizAM mama
05184006a tato 'haM nizi rAjendra prasuptaH zaravikSataH
05184006c dakSiNenaiva pArzvena prabhAtasamaye iva
05184007a tato 'haM vipramukhyais tair yair asmi patito rathAt
05184007c utthApito dhRtaz caiva mA bhair iti ca sAntvitaH
05184008a ta eva mAM mahArAja svapnadarzanam etya vai
05184008c parivAryAbruvan vAkyaM tan nibodha kurUdvaha
05184009a uttiSTha mA bhair gAGgeya bhayaM te nAsti kiM cana
05184009c rakSAmahe naravyAghra svazarIraM hi no bhavAn
05184010a na tvAM rAmo raNe jetA jAmadagnyaH kathaM cana
05184010c tvam eva samare rAmaM vijetA bharatarSabha
05184011a idam astraM sudayitaM pratyabhijJAsyate bhavAn
05184011c viditaM hi tavApy etat pUrvasmin dehadhAraNe
05184012a prAjApatyaM vizvakRtaM prasvApaM nAma bhArata
05184012c na hIdaM veda rAmo 'pi pRthivyAM vA pumAn kva cit
05184013a tat smarasva mahAbAho bhRzaM saMyojayasva ca
05184013c na ca rAmaH kSayaM gantA tenAstreNa narAdhipa
05184014a enasA ca na yogaM tvaM prApsyase jAtu mAnada
05184014c svapsyate jAmadagnyo 'sau tvadbANabalapIDitaH
05184015a tato jitvA tvam evainaM punar utthApayiSyasi
05184015c astreNa dayitenAjau bhISma saMbodhanena vai
05184016a evaM kuruSva kauravya prabhAte ratham AsthitaH
05184016c prasuptaM vA mRtaM vApi tulyaM manyAmahe vayam
05184017a na ca rAmeNa martavyaM kadA cid api pArthiva
05184017c tataH samutpannam idaM prasvApaM yujyatAm iti
05184018a ity uktvAntarhitA rAjan sarva eva dvijottamAH
05184018c aSTau sadRzarUpAs te sarve bhAsvaramUrtayaH
05185001  bhISma uvAca
05185001a tato rAtryAM vyatItAyAM pratibuddho 'smi bhArata
05185001c taM ca saMcintya vai svapnam avApaM harSam uttamam
05185002a tataH samabhavad yuddhaM mama tasya ca bhArata
05185002c tumulaM sarvabhUtAnAM lomaharSaNam adbhutam
05185003a tato bANamayaM varSaM vavarSa mayi bhArgavaH
05185003c nyavArayam ahaM taM ca zarajAlena bhArata
05185004a tataH paramasaMkruddhaH punar eva mahAtapAH
05185004c hyastanenaiva kopena zaktiM vai prAhiNon mayi
05185005a indrAzanisamasparzAM yamadaNDopamaprabhAm
05185005c jvalantIm agnivat saMkhye lelihAnAM samantataH
05185006a tato bharatazArdUla dhiSNyam AkAzagaM yathA
05185006c sA mAm abhyahanat tUrNam aMsadeze ca bhArata
05185007a athAsRG me 'sravad ghoraM girer gairikadhAtuvat
05185007c rAmeNa sumahAbAho kSatasya kSatajekSaNa
05185008a tato 'haM jAmadagnyAya bhRzaM krodhasamanvitaH
05185008c preSayaM mRtyusaMkAzaM bANaM sarpaviSopamam
05185009a sa tenAbhihato vIro lalATe dvijasattamaH
05185009c azobhata mahArAja sazRGga iva parvataH
05185010a sa saMrabdhaH samAvRtya bANaM kAlAntakopamam
05185010c saMdadhe balavat kRSya ghoraM zatrunibarhaNam
05185011a sa vakSasi papAtograH zaro vyAla iva zvasan
05185011c mahIM rAjaMs tataz cAham agacchaM rudhirAvilaH
05185012a avApya tu punaH saMjJAM jAmadagnyAya dhImate
05185012c prAhiNvaM vimalAM zaktiM jvalantIm azanIm iva
05185013a sA tasya dvijamukhyasya nipapAta bhujAntare
05185013c vihvalaz cAbhavad rAjan vepathuz cainam Avizat
05185014a tata enaM pariSvajya sakhA vipro mahAtapAH
05185014c akRtavraNaH zubhair vAkyair AzvAsayad anekadhA
05185015a samAzvastas tadA rAmaH krodhAmarSasamanvitaH
05185015c prAduzcakre tadA brAhmaM paramAstraM mahAvrataH
05185016a tatas tatpratighAtArthaM brAhmam evAstram uttamam
05185016c mayA prayuktaM jajvAla yugAntam iva darzayat
05185017a tayor brahmAstrayor AsId antarA vai samAgamaH
05185017c asaMprApyaiva rAmaM ca mAM ca bhAratasattama
05185018a tato vyomni prAdurabhUt teja eva hi kevalam
05185018c bhUtAni caiva sarvANi jagmur ArtiM vizAM pate
05185019a RSayaz ca sagandharvA devatAz caiva bhArata
05185019c saMtApaM paramaM jagmur astratejobhipIDitAH
05185020a tataz cacAla pRthivI saparvatavanadrumA
05185020c saMtaptAni ca bhUtAni viSAdaM jagmur uttamam
05185021a prajajvAla nabho rAjan dhUmAyante dizo daza
05185021c na sthAtum antarikSe ca zekur AkAzagAs tadA
05185022a tato hAhAkRte loke sadevAsurarAkSase
05185022c idam antaram ity eva yoktukAmo 'smi bhArata
05185023a prasvApam astraM dayitaM vacanAd brahmavAdinAm
05185023c cintitaM ca tad astraM me manasi pratyabhAt tadA
05186001  bhISma uvAca
05186001a tato halahalAzabdo divi rAjan mahAn abhUt
05186001c prasvApaM bhISma mA srAkSIr iti kauravanandana
05186002a ayuJjam eva caivAhaM tad astraM bhRgunandane
05186002c prasvApaM mAM prayuJjAnaM nArado vAkyam abravIt
05186003a ete viyati kauravya divi devagaNAH sthitAH
05186003c te tvAM nivArayanty adya prasvApaM mA prayojaya
05186004a rAmas tapasvI brahmaNyo brAhmaNaz ca guruz ca te
05186004c tasyAvamAnaM kauravya mA sma kArSIH kathaM cana
05186005a tato 'pazyaM diviSThAn vai tAn aSTau brahmavAdinaH
05186005c te mAM smayanto rAjendra zanakair idam abruvan
05186006a yathAha bharatazreSTha nAradas tat tathA kuru
05186006c etad dhi paramaM zreyo lokAnAM bharatarSabha
05186007a tataz ca pratisaMhRtya tad astraM svApanaM mRdhe
05186007c brahmAstraM dIpayAM cakre tasmin yudhi yathAvidhi
05186008a tato rAmo ruSito rAjaputra; dRSTvA tad astraM vinivartitaM vai
05186008c jito 'smi bhISmeNa sumandabuddhir; ity eva vAkyaM sahasA vyamuJcat
05186009a tato 'pazyat pitaraM jAmadagnyaH; pitus tathA pitaraM tasya cAnyam
05186009c ta evainaM saMparivArya tasthur; Ucuz cainaM sAntvapUrvaM tadAnIm
05186010a mA smaivaM sAhasaM vatsa punaH kArSIH kathaM cana
05186010c bhISmeNa saMyugaM gantuM kSatriyeNa vizeSataH
05186011a kSatriyasya tu dharmo 'yaM yad yuddhaM bhRgunandana
05186011c svAdhyAyo vratacaryA ca brAhmaNAnAM paraM dhanam
05186012a idaM nimitte kasmiMz cid asmAbhir upamantritam
05186012c zastradhAraNam atyugraM tac ca kAryaM kRtaM tvayA
05186013a vatsa paryAptam etAvad bhISmeNa saha saMyuge
05186013c vimardas te mahAbAho vyapayAhi raNAd itaH
05186014a paryAptam etad bhadraM te tava kArmukadhAraNam
05186014c visarjayaitad durdharSa tapas tapyasva bhArgava
05186015a eSa bhISmaH zAMtanavo devaiH sarvair nivAritaH
05186015c nivartasva raNAd asmAd iti caiva pracoditaH
05186016a rAmeNa saha mA yotsIr guruNeti punaH punaH
05186016c na hi rAmo raNe jetuM tvayA nyAyyaH kurUdvaha
05186016e mAnaM kuruSva gAGgeya brAhmaNasya raNAjire
05186017a vayaM tu guravas tubhyaM tatas tvAM vArayAmahe
05186017c bhISmo vasUnAm anyatamo diSTyA jIvasi putraka
05186018a gAGgeyaH zaMtanoH putro vasur eSa mahAyazAH
05186018c kathaM tvayA raNe jetuM rAma zakyo nivarta vai
05186019a arjunaH pANDavazreSThaH puraMdarasuto balI
05186019c naraH prajApatir vIraH pUrvadevaH sanAtanaH
05186020a savyasAcIti vikhyAtas triSu lokeSu vIryavAn
05186020c bhISmamRtyur yathAkAlaM vihito vai svayaMbhuvA
05186021a evam uktaH sa pitRbhiH pitqn rAmo 'bravId idam
05186021c nAhaM yudhi nivarteyam iti me vratam Ahitam
05186022a na nivartitapUrvaM ca kadA cid raNamUrdhani
05186022c nivartyatAm ApageyaH kAmaM yuddhAt pitAmahAH
05186022e na tv ahaM vinivartiSye yuddhAd asmAt kathaM cana
05186023a tatas te munayo rAjann RcIkapramukhAs tadA
05186023c nAradenaiva sahitAH samAgamyedam abruvan
05186024a nivartasva raNAt tAta mAnayasva dvijottamAn
05186024c nety avocam ahaM tAMz ca kSatradharmavyapekSayA
05186025a mama vratam idaM loke nAhaM yuddhAt kathaM cana
05186025c vimukho vinivarteyaM pRSThato 'bhyAhataH zaraiH
05186026a nAhaM lobhAn na kArpaNyAn na bhayAn nArthakAraNAt
05186026c tyajeyaM zAzvataM dharmam iti me nizcitA matiH
05186027a tatas te munayaH sarve nAradapramukhA nRpa
05186027c bhAgIrathI ca me mAtA raNamadhyaM prapedire
05186028a tathaivAttazaro dhanvI tathaiva dRDhanizcayaH
05186028c sthito 'ham Ahave yoddhuM tatas te rAmam abruvan
05186028e sametya sahitA bhUyaH samare bhRgunandanam
05186029a nAvanItaM hi hRdayaM viprANAM zAmya bhArgava
05186029c rAma rAma nivartasva yuddhAd asmAd dvijottama
05186029e avadhyo hi tvayA bhISmas tvaM ca bhISmasya bhArgava
05186030a evaM bruvantas te sarve pratirudhya raNAjiram
05186030c nyAsayAM cakrire zastraM pitaro bhRgunandanam
05186031a tato 'haM punar evAtha tAn aSTau brahmavAdinaH
05186031c adrAkSaM dIpyamAnAn vai grahAn aSTAv ivoditAn
05186032a te mAM sapraNayaM vAkyam abruvan samare sthitam
05186032c praihi rAmaM mahAbAho guruM lokahitaM kuru
05186033a dRSTvA nivartitaM rAmaM suhRdvAkyena tena vai
05186033c lokAnAM ca hitaM kurvann aham apy Adade vacaH
05186034a tato 'haM rAmam AsAdya vavande bhRzavikSataH
05186034c rAmaz cAbhyutsmayan premNA mAm uvAca mahAtapAH
05186035a tvatsamo nAsti loke 'smin kSatriyaH pRthivIcaraH
05186035c gamyatAM bhISma yuddhe 'smiMs toSito 'haM bhRzaM tvayA
05186036a mama caiva samakSaM tAM kanyAm AhUya bhArgavaH
05186036c uvAca dInayA vAcA madhye teSAM tapasvinAm
05187001  rAma uvAca
05187001a pratyakSam etal lokAnAM sarveSAm eva bhAmini
05187001c yathA mayA paraM zaktyA kRtaM vai pauruSaM mahat
05187002a na caiva yudhi zaknomi bhISmaM zastrabhRtAM varam
05187002c vizeSayitum atyartham uttamAstrANi darzayan
05187003a eSA me paramA zaktir etan me paramaM balam
05187003c yatheSTaM gamyatAM bhadre kim anyad vA karomi te
05187004a bhISmam eva prapadyasva na te 'nyA vidyate gatiH
05187004c nirjito hy asmi bhISmeNa mahAstrANi pramuJcatA
05187005  bhISma uvAca
05187005a evam uktvA tato rAmo viniHzvasya mahAmanAH
05187005c tUSNIm AsIt tadA kanyA provAca bhRgunandanam
05187006a bhagavann evam evaitad yathAha bhagavAMs tathA
05187006c ajeyo yudhi bhISmo 'yam api devair udAradhIH
05187007a yathAzakti yathotsAhaM mama kAryaM kRtaM tvayA
05187007c anidhAya raNe vIryam astrANi vividhAni ca
05187008a na caiSa zakyate yuddhe vizeSayitum antataH
05187008c na cAham enaM yAsyAmi punar bhISmaM kathaM cana
05187009a gamiSyAmi tu tatrAhaM yatra bhISmaM tapodhana
05187009c samare pAtayiSyAmi svayam eva bhRgUdvaha
05187010a evam uktvA yayau kanyA roSavyAkulalocanA
05187010c tapase dhRtasaMkalpA mama cintayatI vadham
05187011a tato mahendraM saha tair munibhir bhRgusattamaH
05187011c yathAgataM yayau rAmo mAm upAmantrya bhArata
05187012a tato 'haM ratham Aruhya stUyamAno dvijAtibhiH
05187012c pravizya nagaraM mAtre satyavatyai nyavedayam
05187012e yathAvRttaM mahArAja sA ca mAM pratyanandata
05187013a puruSAMz cAdizaM prAjJAn kanyAvRttAntakarmaNi
05187013c divase divase hy asyA gatajalpitaceSTitam
05187013e pratyAharaMz ca me yuktAH sthitAH priyahite mama
05187014a yadaiva hi vanaM prAyAt kanyA sA tapase dhRtA
05187014c tadaiva vyathito dIno gatacetA ivAbhavam
05187015a na hi mAM kSatriyaH kaz cid vIryeNa vijayed yudhi
05187015c Rte brahmavidas tAta tapasA saMzitavratAt
05187016a api caitan mayA rAjan nArade 'pi niveditam
05187016c vyAse caiva bhayAt kAryaM tau cobhau mAm avocatAm
05187017a na viSAdas tvayA kAryo bhISma kAzisutAM prati
05187017c daivaM puruSakAreNa ko nivartitum utsahet
05187018a sA tu kanyA mahArAja pravizyAzramamaNDalam
05187018c yamunAtIram Azritya tapas tepe 'timAnuSam
05187019a nirAhArA kRzA rUkSA jaTilA malapaGkinI
05187019c SaN mAsAn vAyubhakSA ca sthANubhUtA tapodhanA
05187020a yamunAtIram AsAdya saMvatsaram athAparam
05187020c udavAsaM nirAhArA pArayAm Asa bhAminI
05187021a zIrNaparNena caikena pArayAm Asa cAparam
05187021c saMvatsaraM tIvrakopA pAdAGguSThAgradhiSThitA
05187022a evaM dvAdaza varSANi tApayAm Asa rodasI
05187022c nivartyamAnApi tu sA jJAtibhir naiva zakyate
05187023a tato 'gamad vatsabhUmiM siddhacAraNasevitAm
05187023c AzramaM puNyazIlAnAM tApasAnAM mahAtmanAm
05187024a tatra puNyeSu dezeSu sAplutAGgI divAnizam
05187024c vyacarat kAzikanyA sA yathAkAmavicAriNI
05187025a nandAzrame mahArAja tatolUkAzrame zubhe
05187025c cyavanasyAzrame caiva brahmaNaH sthAna eva ca
05187026a prayAge devayajane devAraNyeSu caiva ha
05187026c bhogavatyAM tathA rAjan kauzikasyAzrame tathA
05187027a mANDavyasyAzrame rAjan dilIpasyAzrame tathA
05187027c rAmahrade ca kauravya pailagArgyasya cAzrame
05187028a eteSu tIrtheSu tadA kAzikanyA vizAM pate
05187028c AplAvayata gAtrANi tIvram AsthAya vai tapaH
05187029a tAm abravIt kauraveya mama mAtA jalotthitA
05187029c kimarthaM klizyase bhadre tathyam etad bravIhi me
05187030a sainAm athAbravId rAjan kRtAJjalir aninditA
05187030c bhISmo rAmeNa samare na jitaz cArulocane
05187031a ko 'nyas tam utsahej jetum udyateSuM mahIpatim
05187031c sAhaM bhISmavinAzAya tapas tapsye sudAruNam
05187032a carAmi pRthivIM devi yathA hanyAm ahaM nRpam
05187032c etad vrataphalaM dehe parasmin syAd yathA hi me
05187033a tato 'bravIt sAgaragA jihmaM carasi bhAmini
05187033c naiSa kAmo 'navadyAGgi zakyaH prAptuM tvayAbale
05187034a yadi bhISmavinAzAya kAzye carasi vai vratam
05187034c vratasthA ca zarIraM tvaM yadi nAma vimokSyasi
05187034e nadI bhaviSyasi zubhe kuTilA vArSikodakA
05187035a dustIrthA cAnabhijJeyA vArSikI nASTamAsikI
05187035c bhImagrAhavatI ghorA sarvabhUtabhayaMkarI
05187036a evam uktvA tato rAjan kAzikanyAM nyavartata
05187036c mAtA mama mahAbhAgA smayamAneva bhAminI
05187037a kadA cid aSTame mAsi kadA cid dazame tathA
05187037c na prAznItodakam api punaH sA varavarNinI
05187038a sA vatsabhUmiM kauravya tIrthalobhAt tatas tataH
05187038c patitA paridhAvantI punaH kAzipateH sutA
05187039a sA nadI vatsabhUmyAM tu prathitAmbeti bhArata
05187039c vArSikI grAhabahulA dustIrthA kuTilA tathA
05187040a sA kanyA tapasA tena bhAgArdhena vyajAyata
05187040c nadI ca rAjan vatseSu kanyA caivAbhavat tadA
05188001  bhISma uvAca
05188001a tatas te tApasAH sarve tapase dhRtanizcayAm
05188001c dRSTvA nyavartayaMs tAta kiM kAryam iti cAbruvan
05188002a tAn uvAca tataH kanyA tapovRddhAn RSIMs tadA
05188002c nirAkRtAsmi bhISmeNa bhraMzitA patidharmataH
05188003a vadhArthaM tasya dIkSA me na lokArthaM tapodhanAH
05188003c nihatya bhISmaM gaccheyaM zAntim ity eva nizcayaH
05188004a yatkRte duHkhavasatim imAM prAptAsmi zAzvatIm
05188004c patilokAd vihInA ca naiva strI na pumAn iha
05188005a nAhatvA yudhi gAGgeyaM nivarteyaM tapodhanAH
05188005c eSa me hRdi saMkalpo yadartham idam udyatam
05188006a strIbhAve parinirviNNA puMstvArthe kRtanizcayA
05188006c bhISme praticikIrSAmi nAsmi vAryeti vai punaH
05188007a tAM devo darzayAm Asa zUlapANir umApatiH
05188007c madhye teSAM maharSINAM svena rUpeNa bhAminIm
05188008a chandyamAnA vareNAtha sA vavre matparAjayam
05188008c vadhiSyasIti tAM devaH pratyuvAca manasvinIm
05188009a tataH sA punar evAtha kanyA rudram uvAca ha
05188009c upapadyet kathaM deva striyo mama jayo yudhi
05188009e strIbhAvena ca me gADhaM manaH zAntam umApate
05188010a pratizrutaz ca bhUteza tvayA bhISmaparAjayaH
05188010c yathA sa satyo bhavati tathA kuru vRSadhvaja
05188010e yathA hanyAM samAgamya bhISmaM zAMtanavaM yudhi
05188011a tAm uvAca mahAdevaH kanyAM kila vRSadhvajaH
05188011c na me vAg anRtaM bhadre prAha satyaM bhaviSyati
05188012a vadhiSyasi raNe bhISmaM puruSatvaM ca lapsyase
05188012c smariSyasi ca tat sarvaM deham anyaM gatA satI
05188013a drupadasya kule jAtA bhaviSyasi mahArathaH
05188013c zIghrAstraz citrayodhI ca bhaviSyasi susaMmataH
05188014a yathoktam eva kalyANi sarvam etad bhaviSyati
05188014c bhaviSyasi pumAn pazcAt kasmAc cit kAlaparyayAt
05188015a evam uktvA mahAtejAH kapardI vRSabhadhvajaH
05188015c pazyatAm eva viprANAM tatraivAntaradhIyata
05188016a tataH sA pazyatAM teSAM maharSINAm aninditA
05188016c samAhRtya vanAt tasmAt kASThAni varavarNinI
05188017a citAM kRtvA sumahatIM pradAya ca hutAzanam
05188017c pradIpte 'gnau mahArAja roSadIptena cetasA
05188018a uktvA bhISmavadhAyeti praviveza hutAzanam
05188018c jyeSThA kAzisutA rAjan yamunAm abhito nadIm
05189001  duryodhana uvAca
05189001a kathaM zikhaNDI gAGgeya kanyA bhUtvA satI tadA
05189001c puruSo 'bhavad yudhi zreSTha tan me brUhi pitAmaha
05189002  bhISma uvAca
05189002a bhAryA tu tasya rAjendra drupadasya mahIpateH
05189002c mahiSI dayitA hy AsId aputrA ca vizAM pate
05189003a etasminn eva kAle tu drupado vai mahIpatiH
05189003c apatyArthaM mahArAja toSayAm Asa zaMkaram
05189004a asmadvadhArthaM nizcitya tapo ghoraM samAsthitaH
05189004c lebhe kanyAM mahAdevAt putro me syAd iti bruvan
05189005a bhagavan putram icchAmi bhISmaM praticikIrSayA
05189005c ity ukto devadevena strIpumAMs te bhaviSyati
05189006a nivartasva mahIpAla naitaj jAtv anyathA bhavet
05189006c sa tu gatvA ca nagaraM bhAryAm idam uvAca ha
05189007a kRto yatno mayA devi putrArthe tapasA mahAn
05189007c kanyA bhUtvA pumAn bhAvI iti cokto 'smi zaMbhunA
05189008a punaH punar yAcyamAno diSTam ity abravIc chivaH
05189008c na tad anyad dhi bhavitA bhavitavyaM hi tat tathA
05189009a tataH sA niyatA bhUtvA RtukAle manasvinI
05189009c patnI drupadarAjasya drupadaM saMviveza ha
05189010a lebhe garbhaM yathAkAlaM vidhidRSTena hetunA
05189010c pArSatAt sA mahIpAla yathA mAM nArado 'bravIt
05189011a tato dadhAra taM garbhaM devI rAjIvalocanA
05189011c tAM sa rAjA priyAM bhAryAM drupadaH kurunandana
05189011e putrasnehAn mahAbAhuH sukhaM paryacarat tadA
05189012a aputrasya tato rAjJo drupadasya mahIpateH
05189012c kanyAM pravararUpAM tAM prAjAyata narAdhipa
05189013a aputrasya tu rAjJaH sA drupadasya yazasvinI
05189013c khyApayAm Asa rAjendra putro jAto mameti vai
05189014a tataH sa rAjA drupadaH pracchannAyA narAdhipa
05189014c putravat putrakAryANi sarvANi samakArayat
05189015a rakSaNaM caiva mantrasya mahiSI drupadasya sA
05189015c cakAra sarvayatnena bruvANA putra ity uta
05189015e na hi tAM veda nagare kaz cid anyatra pArSatAt
05189016a zraddadhAno hi tad vAkyaM devasyAdbhutatejasaH
05189016c chAdayAm Asa tAM kanyAM pumAn iti ca so 'bravIt
05189017a jAtakarmANi sarvANi kArayAm Asa pArthivaH
05189017c puMvad vidhAnayuktAni zikhaNDIti ca tAM viduH
05189018a aham ekas tu cAreNa vacanAn nAradasya ca
05189018c jJAtavAn devavAkyena ambAyAs tapasA tathA
05190001  bhISma uvAca
05190001a cakAra yatnaM drupadaH sarvasmin svajane mahat
05190001c tato lekhyAdiSu tathA zilpeSu ca paraM gatA
05190001e iSvastre caiva rAjendra droNaziSyo babhUva ha
05190002a tasya mAtA mahArAja rAjAnaM varavarNinI
05190002c codayAm Asa bhAryArthaM kanyAyAH putravat tadA
05190003a tatas tAM pArSato dRSTvA kanyAM saMprAptayauvanAm
05190003c striyaM matvA tadA cintAM prapede saha bhAryayA
05190004  drupada uvAca
05190004a kanyA mameyaM saMprAptA yauvanaM zokavardhinI
05190004c mayA pracchAditA ceyaM vacanAc chUlapANinaH
05190005a na tan mithyA mahArAjJi bhaviSyati kathaM cana
05190005c trailokyakartA kasmAd dhi tan mRSA kartum arhati
05190006  bhAryovAca
05190006a yadi te rocate rAjan vakSyAmi zRNu me vacaH
05190006c zrutvedAnIM prapadyethAH svakAryaM pRSatAtmaja
05190007a kriyatAm asya nRpate vidhivad dArasaMgrahaH
05190007c satyaM bhavati tad vAkyam iti me nizcitA matiH
05190008  bhISma uvAca
05190008a tatas tau nizcayaM kRtvA tasmin kArye 'tha dampatI
05190008c varayAM cakratuH kanyAM dazArNAdhipateH sutAm
05190009a tato rAjA drupado rAjasiMhaH; sarvAn rAjJaH kulataH saMnizAmya
05190009c dAzArNakasya nRpates tanUjAM; zikhaNDine varayAm Asa dArAn
05190010a hiraNyavarmeti nRpo yo 'sau dAzArNakaH smRtaH
05190010c sa ca prAdAn mahIpAlaH kanyAM tasmai zikhaNDine
05190011a sa ca rAjA dazArNeSu mahAn AsIn mahIpatiH
05190011c hiraNyavarmA durdharSo mahAseno mahAmanAH
05190012a kRte vivAhe tu tadA sA kanyA rAjasattama
05190012c yauvanaM samanuprAptA sA ca kanyA zikhaNDinI
05190013a kRtadAraH zikhaNDI tu kAmpilyaM punar Agamat
05190013c na ca sA veda tAM kanyAM kaM cit kAlaM striyaM kila
05190014a hiraNyavarmaNaH kanyA jJAtvA tAM tu zikhaNDinIm
05190014c dhAtrINAM ca sakhInAM ca vrIDamAnA nyavedayat
05190014e kanyAM pAJcAlarAjasya sutAM tAM vai zikhaNDinIm
05190015a tatas tA rAjazArdUla dhAtryo dAzArNikAs tadA
05190015c jagmur ArtiM parAM duHkhAt preSayAm Asur eva ca
05190016a tato dazArNAdhipateH preSyAH sarvaM nyavedayan
05190016c vipralambhaM yathAvRttaM sa ca cukrodha pArthivaH
05190017a zikhaNDy api mahArAja puMvad rAjakule tadA
05190017c vijahAra mudA yuktaH strItvaM naivAtirocayan
05190018a tataH katipayAhasya tac chrutvA bharatarSabha
05190018c hiraNyavarmA rAjendra roSAd ArtiM jagAma ha
05190019a tato dAzArNako rAjA tIvrakopasamanvitaH
05190019c dUtaM prasthApayAm Asa drupadasya nivezane
05190020a tato drupadam AsAdya dUtaH kAJcanavarmaNaH
05190020c eka ekAntam utsArya raho vacanam abravIt
05190021a dazArNarAjo rAjaMs tvAm idaM vacanam abravIt
05190021c abhiSaGgAt prakupito vipralabdhas tvayAnagha
05190022a avamanyase mAM nRpate nUnaM durmantritaM tava
05190022c yan me kanyAM svakanyArthe mohAd yAcitavAn asi
05190023a tasyAdya vipralambhasya phalaM prApnuhi durmate
05190023c eSa tvAM sajanAmAtyam uddharAmi sthiro bhava
05191001  bhISma uvAca
05191001a evam uktasya dUtena drupadasya tadA nRpa
05191001c corasyeva gRhItasya na prAvartata bhAratI
05191002a sa yatnam akarot tIvraM saMbandhair anusAntvanaiH
05191002c dUtair madhurasaMbhASair naitad astIti saMdizan
05191003a sa rAjA bhUya evAtha kRtvA tattvata Agamam
05191003c kanyeti pAJcAlasutAM tvaramANo 'bhiniryayau
05191004a tataH saMpreSayAm Asa mitrANAm amitaujasAm
05191004c duhitur vipralambhaM taM dhAtrINAM vacanAt tadA
05191005a tataH samudayaM kRtvA balAnAM rAjasattamaH
05191005c abhiyAne matiM cakre drupadaM prati bhArata
05191006a tataH saMmantrayAm Asa mitraiH saha mahIpatiH
05191006c hiraNyavarmA rAjendra pAJcAlyaM pArthivaM prati
05191007a tatra vai nizcitaM teSAm abhUd rAjJAM mahAtmanAm
05191007c tathyaM ced bhavati hy etat kanyA rAjaJ zikhaNDinI
05191007e baddhvA pAJcAlarAjAnam AnayiSyAmahe gRhAn
05191008a anyaM rAjAnam AdhAya pAJcAleSu narezvaram
05191008c ghAtayiSyAma nRpatiM drupadaM sazikhaNDinam
05191009a sa tadA dUtam AjJAya punaH kSattAram IzvaraH
05191009c prAsthApayat pArSatAya hanmIti tvAM sthiro bhava
05191010a sa prakRtyA ca vai bhIruH kilbiSI ca narAdhipaH
05191010c bhayaM tIvram anuprApto drupadaH pRthivIpatiH
05191011a visRjya dUtaM dAzArNaM drupadaH zokakarzitaH
05191011c sametya bhAryAM rahite vAkyam Aha narAdhipaH
05191012a bhayena mahatAviSTo hRdi zokena cAhataH
05191012c pAJcAlarAjo dayitAM mAtaraM vai zikhaNDinaH
05191013a abhiyAsyati mAM kopAt saMbandhI sumahAbalaH
05191013c hiraNyavarmA nRpatiH karSamANo varUthinIm
05191014a kim idAnIM kariSyAmi mUDhaH kanyAm imAM prati
05191014c zikhaNDI kila putras te kanyeti parizaGkitaH
05191015a iti nizcitya tattvena samitraH sabalAnugaH
05191015c vaJcito 'smIti manvAno mAM kiloddhartum icchati
05191016a kim atra tathyaM suzroNi kiM mithyA brUhi zobhane
05191016c zrutvA tvattaH zubhe vAkyaM saMvidhAsyAmy ahaM tathA
05191017a ahaM hi saMzayaM prApto bAlA ceyaM zikhaNDinI
05191017c tvaM ca rAjJi mahat kRcchraM saMprAptA varavarNini
05191018a sA tvaM sarvavimokSAya tattvam AkhyAhi pRcchataH
05191018c tathA vidadhyAM suzroNi kRtyasyAsya zucismite
05191018e zikhaNDini ca mA bhais tvaM vidhAsye tatra tattvataH
05191019a kriyayAhaM varArohe vaJcitaH putradharmataH
05191019c mayA dAzArNako rAjA vaJcitaz ca mahIpatiH
05191019e tad AcakSva mahAbhAge vidhAsye tatra yad dhitam
05191020a jAnatApi narendreNa khyApanArthaM parasya vai
05191020c prakAzaM coditA devI pratyuvAca mahIpatim
05192001  bhISma uvAca
05192001a tataH zikhaNDino mAtA yathAtattvaM narAdhipa
05192001c AcacakSe mahAbAho bhartre kanyAM zikhaNDinIm
05192002a aputrayA mayA rAjan sapatnInAM bhayAd idam
05192002c kanyA zikhaNDinI jAtA puruSo vai niveditaH
05192003a tvayA caiva narazreSTha tan me prItyAnumoditam
05192003c putrakarma kRtaM caiva kanyAyAH pArthivarSabha
05192003e bhAryA coDhA tvayA rAjan dazArNAdhipateH sutA
05192004a tvayA ca prAg abhihitaM devavAkyArthadarzanAt
05192004c kanyA bhUtvA pumAn bhAvIty evaM caitad upekSitam
05192005a etac chrutvA drupado yajJasenaH; sarvaM tattvaM mantravidbhyo nivedya
05192005c mantraM rAjA mantrayAm Asa rAjan; yad yad yuktaM rakSaNe vai prajAnAm
05192006a saMbandhakaM caiva samarthya tasmin; dAzArNake vai nRpatau narendra
05192006c svayaM kRtvA vipralambhaM yathAvan; mantraikAgro nizcayaM vai jagAma
05192007a svabhAvaguptaM nagaram ApatkAle tu bhArata
05192007c gopayAm Asa rAjendra sarvataH samalaMkRtam
05192008a ArtiM ca paramAM rAjA jagAma saha bhAryayA
05192008c dazArNapatinA sArdhaM virodhe bharatarSabha
05192009a kathaM saMbandhinA sArdhaM na me syAd vigraho mahAn
05192009c iti saMcintya manasA daivatAny arcayat tadA
05192010a taM tu dRSTvA tadA rAjan devI devaparaM tathA
05192010c arcAM prayuJjAnam atho bhAryA vacanam abravIt
05192011a devAnAM pratipattiz ca satyA sAdhumatA sadA
05192011c sA tu duHkhArNavaM prApya naH syAd arcayatAM bhRzam
05192012a daivatAni ca sarvANi pUjyantAM bhUridakSiNaiH
05192012c agnayaz cApi hUyantAM dAzArNapratiSedhane
05192013a ayuddhena nivRttiM ca manasA cintayAbhibho
05192013c devatAnAM prasAdena sarvam etad bhaviSyati
05192014a mantribhir mantritaM sArdhaM tvayA yat pRthulocana
05192014c purasyAsyAvinAzAya tac ca rAjaMs tathA kuru
05192015a daivaM hi mAnuSopetaM bhRzaM sidhyati pArthiva
05192015c parasparavirodhAt tu nAnayoH siddhir asti vai
05192016a tasmAd vidhAya nagare vidhAnaM sacivaiH saha
05192016c arcayasva yathAkAmaM daivatAni vizAM pate
05192017a evaM saMbhASamANau tau dRSTvA zokaparAyaNau
05192017c zikhaNDinI tadA kanyA vrIDiteva manasvinI
05192018a tataH sA cintayAm Asa matkRte duHkhitAv ubhau
05192018c imAv iti tataz cakre matiM prANavinAzane
05192019a evaM sA nizcayaM kRtvA bhRzaM zokaparAyaNA
05192019c jagAma bhavanaM tyaktvA gahanaM nirjanaM vanam
05192020a yakSeNarddhimatA rAjan sthUNAkarNena pAlitam
05192020c tadbhayAd eva ca jano visarjayati tad vanam
05192021a tatra sthUNasya bhavanaM sudhAmRttikalepanam
05192021c lAjollApikadhUmADhyam uccaprAkAratoraNam
05192022a tat pravizya zikhaNDI sA drupadasyAtmajA nRpa
05192022c anaznatI bahutithaM zarIram upazoSayat
05192023a darzayAm Asa tAM yakSaH sthUNo madhvakSasaMyutaH
05192023c kimartho 'yaM tavArambhaH kariSye brUhi mAciram
05192024a azakyam iti sA yakSaM punaH punar uvAca ha
05192024c kariSyAmIti cainAM sa pratyuvAcAtha guhyakaH
05192025a dhanezvarasyAnucaro varado 'smi nRpAtmaje
05192025c adeyam api dAsyAmi brUhi yat te vivakSitam
05192026a tataH zikhaNDI tat sarvam akhilena nyavedayat
05192026c tasmai yakSapradhAnAya sthUNAkarNAya bhArata
05192027a Apanno me pitA yakSa nacirAd vinaziSyati
05192027c abhiyAsyati saMkruddho dazArNAdhipatir hi tam
05192028a mahAbalo mahotsAhaH sa hemakavaco nRpaH
05192028c tasmAd rakSasva mAM yakSa pitaraM mAtaraM ca me
05192029a pratijJAto hi bhavatA duHkhapratinayo mama
05192029c bhaveyaM puruSo yakSa tvatprasAdAd aninditaH
05192030a yAvad eva sa rAjA vai nopayAti puraM mama
05192030c tAvad eva mahAyakSa prasAdaM kuru guhyaka
05193001  bhISma uvAca
05193001a zikhaNDivAkyaM zrutvAtha sa yakSo bharatarSabha
05193001c provAca manasA cintya daivenopanipIDitaH
05193001e bhavitavyaM tathA tad dhi mama duHkhAya kaurava
05193002a bhadre kAmaM kariSyAmi samayaM tu nibodha me
05193002c kiM cit kAlAntaraM dAsye puMliGgaM svam idaM tava
05193002e AgantavyaM tvayA kAle satyam etad bravImi te
05193003a prabhuH saMkalpasiddho 'smi kAmarUpI vihaMgamaH
05193003c matprasAdAt puraM caiva trAhi bandhUMz ca kevalAn
05193004a strIliGgaM dhArayiSyAmi tvadIyaM pArthivAtmaje
05193004c satyaM me pratijAnIhi kariSyAmi priyaM tava
05193005  zikhaNDy uvAca
05193005a pratidAsyAmi bhagava&l liGgaM punar idaM tava
05193005c kiM cit kAlAntaraM strItvaM dhArayasva nizAcara
05193006a pratiprayAte dAzArNe pArthive hemavarmaNi
05193006c kanyaivAhaM bhaviSyAmi puruSas tvaM bhaviSyasi
05193007  bhISma uvAca
05193007a ity uktvA samayaM tatra cakrAte tAv ubhau nRpa
05193007c anyonyasyAnabhidrohe tau saMkrAmayatAM tataH
05193008a strIliGgaM dhArayAm Asa sthUNo yakSo narAdhipa
05193008c yakSarUpaM ca tad dIptaM zikhaNDI pratyapadyata
05193009a tataH zikhaNDI pAJcAlyaH puMstvam AsAdya pArthiva
05193009c viveza nagaraM hRSTaH pitaraM ca samAsadat
05193009e yathAvRttaM tu tat sarvam Acakhyau drupadasya ca
05193010a drupadas tasya tac chrutvA harSam AhArayat param
05193010c sabhAryas tac ca sasmAra mahezvaravacas tadA
05193011a tataH saMpreSayAm Asa dazArNAdhipater nRpa
05193011c puruSo 'yaM mama sutaH zraddhattAM me bhavAn iti
05193012a atha dAzArNako rAjA sahasAbhyAgamat tadA
05193012c pAJcAlarAjaM drupadaM duHkhAmarSasamanvitaH
05193013a tataH kAmpilyam AsAdya dazArNAdhipatis tadA
05193013c preSayAm Asa satkRtya dUtaM brahmavidAM varam
05193014a brUhi madvacanAd dUta pAJcAlyaM taM nRpAdhamam
05193014c yad vai kanyAM svakanyArthe vRtavAn asi durmate
05193014e phalaM tasyAvalepasya drakSyasy adya na saMzayaH
05193015a evam uktas tu tenAsau brAhmaNo rAjasattama
05193015c dUtaH prayAto nagaraM dAzArNanRpacoditaH
05193016a tata AsAdayAm Asa purodhA drupadaM pure
05193016c tasmai pAJcAlako rAjA gAm arghyaM ca susatkRtam
05193016e prApayAm Asa rAjendra saha tena zikhaNDinA
05193017a tAM pUjAM nAbhyanandat sa vAkyaM cedam uvAca ha
05193017c yad uktaM tena vIreNa rAjJA kAJcanavarmaNA
05193018a yat te 'ham adhamAcAra duhitrarthe 'smi vaJcitaH
05193018c tasya pApasya karaNAt phalaM prApnuhi durmate
05193019a dehi yuddhaM narapate mamAdya raNamUrdhani
05193019c uddhariSyAmi te sadyaH sAmAtyasutabAndhavam
05193020a tad upAlambhasaMyuktaM zrAvitaH kila pArthivaH
05193020c dazArNapatidUtena mantrimadhye purodhasA
05193021a abravId bharatazreSTha drupadaH praNayAnataH
05193021c yad Aha mAM bhavAn brahman saMbandhivacanAd vacaH
05193021e tasyottaraM prativaco dUta eva vadiSyati
05193022a tataH saMpreSayAm Asa drupado 'pi mahAtmane
05193022c hiraNyavarmaNe dUtaM brAhmaNaM vedapAragam
05193023a samAgamya tu rAjJA sa dazArNapatinA tadA
05193023c tad vAkyam Adade rAjan yad uktaM drupadena ha
05193024a AgamaH kriyatAM vyaktaM kumAro vai suto mama
05193024c mithyaitad uktaM kenApi tan na zraddheyam ity uta
05193025a tataH sa rAjA drupadasya zrutvA; vimarzayukto yuvatIr variSThAH
05193025c saMpreSayAm Asa sucArurUpAH; zikhaNDinaM strI pumAn veti vettum
05193026a tAH preSitAs tattvabhAvaM viditvA; prItyA rAjJe tac chazaMsur hi sarvam
05193026c zikhaNDinaM puruSaM kauravendra; dazArNarAjAya mahAnubhAvam
05193027a tataH kRtvA tu rAjA sa AgamaM prItimAn atha
05193027c saMbandhinA samAgamya hRSTo vAsam uvAsa ha
05193028a zikhaNDine ca muditaH prAdAd vittaM janezvaraH
05193028c hastino 'zvAMz ca gAz caiva dAsyo bahuzatAs tathA
05193028e pUjitaz ca pratiyayau nivartya tanayAM kila
05193029a vinItakilbiSe prIte hemavarmaNi pArthive
05193029c pratiyAte tu dAzArNe hRSTarUpA zikhaNDinI
05193030a kasya cit tv atha kAlasya kubero naravAhanaH
05193030c lokAnuyAtrAM kurvANaH sthUNasyAgAn nivezanam
05193031a sa tadgRhasyopari vartamAna; AlokayAm Asa dhanAdhigoptA
05193031c sthUNasya yakSasya nizAmya vezma; svalaMkRtaM mAlyaguNair vicitram
05193032a lAjaiz ca gandhaiz ca tathA vitAnair; abhyarcitaM dhUpanadhUpitaM ca
05193032c dhvajaiH patAkAbhir alaMkRtaM ca; bhakSyAnnapeyAmiSadattahomam
05193033a tat sthAnaM tasya dRSTvA tu sarvataH samalaMkRtam
05193033c athAbravId yakSapatis tAn yakSAn anugAMs tadA
05193034a svalaMkRtam idaM vezma sthUNasyAmitavikramAH
05193034c nopasarpati mAM cApi kasmAd adya sumandadhIH
05193035a yasmAj jAnan sumandAtmA mAm asau nopasarpati
05193035c tasmAt tasmai mahAdaNDo dhAryaH syAd iti me matiH
05193036  yakSA UcuH
05193036a drupadasya sutA rAjan rAjJo jAtA zikhaNDinI
05193036c tasyai nimitte kasmiMz cit prAdAt puruSalakSaNam
05193037a agrahIl lakSaNaM strINAM strIbhUtas tiSThate gRhe
05193037c nopasarpati tenAsau savrIDaH strIsvarUpavAn
05193038a etasmAt kAraNAd rAjan sthUNo na tvAdya pazyati
05193038c zrutvA kuru yathAnyAyaM vimAnam iha tiSThatAm
05193039  bhISma uvAca
05193039a AnIyatAM sthUNa iti tato yakSAdhipo 'bravIt
05193039c kartAsmi nigrahaM tasyety uvAca sa punaH punaH
05193040a so 'bhyagacchata yakSendram AhUtaH pRthivIpate
05193040c strIsvarUpo mahArAja tasthau vrIDAsamanvitaH
05193041a taM zazApa susaMkruddho dhanadaH kurunandana
05193041c evam eva bhavatv asya strItvaM pApasya guhyakAH
05193042a tato 'bravId yakSapatir mahAtmA; yasmAd adAs tv avamanyeha yakSAn
05193042c zikhaNDine lakSaNaM pApabuddhe; strIlakSaNaM cAgrahIH pApakarman
05193043a apravRttaM sudurbuddhe yasmAd etat kRtaM tvayA
05193043c tasmAd adya prabhRty eva tvaM strI sa puruSas tathA
05193044a tataH prasAdayAm Asur yakSA vaizravaNaM kila
05193044c sthUNasyArthe kuruSvAntaM zApasyeti punaH punaH
05193045a tato mahAtmA yakSendraH pratyuvAcAnugAminaH
05193045c sarvAn yakSagaNAMs tAta zApasyAntacikIrSayA
05193046a hate zikhaNDini raNe svarUpaM pratipatsyate
05193046c sthUNo yakSo nirudvego bhavatv iti mahAmanAH
05193047a ity uktvA bhagavAn devo yakSarAkSasapUjitaH
05193047c prayayau saha taiH sarvair nimeSAntaracAribhiH
05193048a sthUNas tu zApaM saMprApya tatraiva nyavasat tadA
05193048c samaye cAgamat taM vai zikhaNDI sa kSapAcaram
05193049a so 'bhigamyAbravId vAkyaM prApto 'smi bhagavann iti
05193049c tam abravIt tataH sthUNaH prIto 'smIti punaH punaH
05193050a ArjavenAgataM dRSTvA rAjaputraM zikhaNDinam
05193050c sarvam eva yathAvRttam AcacakSe zikhaNDine
05193051  yakSa uvAca
05193051a zapto vaizravaNenAsmi tvatkRte pArthivAtmaja
05193051c gacchedAnIM yathAkAmaM cara lokAn yathAsukham
05193052a diSTam etat purA manye na zakyam ativartitum
05193052c gamanaM tava ceto hi paulastyasya ca darzanam
05193053  bhISma uvAca
05193053a evam uktaH zikhaNDI tu sthUNayakSeNa bhArata
05193053c pratyAjagAma nagaraM harSeNa mahatAnvitaH
05193054a pUjayAm Asa vividhair gandhamAlyair mahAdhanaiH
05193054c dvijAtIn devatAz cApi caityAn atha catuSpathAn
05193055a drupadaH saha putreNa siddhArthena zikhaNDinA
05193055c mudaM ca paramAM lebhe pAJcAlyaH saha bAndhavaiH
05193056a ziSyArthaM pradadau cApi droNAya kurupuMgava
05193056c zikhaNDinaM mahArAja putraM strIpUrviNaM tathA
05193057a pratipede catuSpAdaM dhanurvedaM nRpAtmajaH
05193057c zikhaNDI saha yuSmAbhir dhRSTadyumnaz ca pArSataH
05193058a mama tv etac carAs tAta yathAvat pratyavedayan
05193058c jaDAndhabadhirAkArA ye yuktA drupade mayA
05193059a evam eSa mahArAja strIpumAn drupadAtmajaH
05193059c saMbhUtaH kauravazreSTha zikhaNDI rathasattamaH
05193060a jyeSThA kAzipateH kanyA ambA nAmeti vizrutA
05193060c drupadasya kule jAtA zikhaNDI bharatarSabha
05193061a nAham enaM dhanuSpANiM yuyutsuM samupasthitam
05193061c muhUrtam api pazyeyaM prahareyaM na cApy uta
05193062a vratam etan mama sadA pRthivyAm api vizrutam
05193062c striyAM strIpUrvake cApi strInAmni strIsvarUpiNi
05193063a na muJceyam ahaM bANAn iti kauravanandana
05193063c na hanyAm aham etena kAraNena zikhaNDinam
05193064a etat tattvam ahaM veda janma tAta zikhaNDinaH
05193064c tato nainaM haniSyAmi samareSv AtatAyinam
05193065a yadi bhISmaH striyaM hanyAd dhanyAd AtmAnam apy uta
05193065c nainaM tasmAd dhaniSyAmi dRSTvApi samare sthitam
05193066  saMjaya uvAca
05193066a etac chrutvA tu kauravyo rAjA duryodhanas tadA
05193066c muhUrtam iva sa dhyAtvA bhISme yuktam amanyata
05194001  saMjaya uvAca
05194001a prabhAtAyAM tu zarvaryAM punar eva sutas tava
05194001c madhye sarvasya sainyasya pitAmaham apRcchata
05194002a pANDaveyasya gAGgeya yad etat sainyam uttamam
05194002c prabhUtanaranAgAzvaM mahArathasamAkulam
05194003a bhImArjunaprabhRtibhir maheSvAsair mahAbalaiH
05194003c lokapAlopamair guptaM dhRSTadyumnapurogamaiH
05194004a apradhRSyam anAvAryam udvRttam iva sAgaram
05194004c senAsAgaram akSobhyam api devair mahAhave
05194005a kena kAlena gAGgeya kSapayethA mahAdyute
05194005c AcAryo vA maheSvAsaH kRpo vA sumahAbalaH
05194006a karNo vA samarazlAghI drauNir vA dvijasattamaH
05194006c divyAstraviduSaH sarve bhavanto hi bale mama
05194007a etad icchAmy ahaM jJAtuM paraM kautUhalaM hi me
05194007c hRdi nityaM mahAbAho vaktum arhasi tan mama
05194008  bhISma uvAca
05194008a anurUpaM kuruzreSTha tvayy etat pRthivIpate
05194008c balAbalam amitrANAM sveSAM ca yadi pRcchasi
05194009a zRNu rAjan mama raNe yA zaktiH paramA bhavet
05194009c astravIryaM raNe yac ca bhujayoz ca mahAbhuja
05194010a Arjavenaiva yuddhena yoddhavya itaro janaH
05194010c mAyAyuddhena mAyAvI ity etad dharmanizcayaH
05194011a hanyAm ahaM mahAbAho pANDavAnAm anIkinIm
05194011c divase divase kRtvA bhAgaM prAgAhnikaM mama
05194012a yodhAnAM dazasAhasraM kRtvA bhAgaM mahAdyute
05194012c sahasraM rathinAm ekam eSa bhAgo mato mama
05194013a anenAhaM vidhAnena saMnaddhaH satatotthitaH
05194013c kSapayeyaM mahat sainyaM kAlenAnena bhArata
05194014a yadi tv astrANi muJceyaM mahAnti samare sthitaH
05194014c zatasAhasraghAtIni hanyAM mAsena bhArata
05194015  saMjaya uvAca
05194015a zrutvA bhISmasya tad vAkyaM rAjA duryodhanas tadA
05194015c paryapRcchata rAjendra droNam aGgirasAM varam
05194016a AcArya kena kAlena pANDuputrasya sainikAn
05194016c nihanyA iti taM droNaH pratyuvAca hasann iva
05194017a sthaviro 'smi kuruzreSTha mandaprANaviceSTitaH
05194017c astrAgninA nirdaheyaM pANDavAnAm anIkinIm
05194018a yathA bhISmaH zAMtanavo mAseneti matir mama
05194018c eSA me paramA zaktir etan me paramaM balam
05194019a dvAbhyAm eva tu mAsAbhyAM kRpaH zAradvato 'bravIt
05194019c drauNis tu dazarAtreNa pratijajJe balakSayam
05194019e karNas tu paJcarAtreNa pratijajJe mahAstravit
05194020a tac chrutvA sUtaputrasya vAkyaM sAgaragAsutaH
05194020c jahAsa sasvanaM hAsaM vAkyaM cedam uvAca ha
05194021a na hi tAvad raNe pArthaM bANakhaDgadhanurdharam
05194021c vAsudevasamAyuktaM rathenodyantam acyutam
05194022a samAgacchasi rAdheya tenaivam abhimanyase
05194022c zakyam evaM ca bhUyaz ca tvayA vaktuM yatheSTataH
05195001  vaizaMpAyana uvAca
05195001a etac chrutvA tu kaunteyaH sarvAn bhrAtqn upahvare
05195001c AhUya bharatazreSTha idaM vacanam abravIt
05195002a dhArtarASTrasya sainyeSu ye cArapuruSA mama
05195002c te pravRttiM prayacchanti mamemAM vyuSitAM nizAm
05195003a duryodhanaH kilApRcchad ApageyaM mahAvratam
05195003c kena kAlena pANDUnAM hanyAH sainyam iti prabho
05195004a mAseneti ca tenokto dhArtarASTraH sudurmatiH
05195004c tAvatA cApi kAlena droNo 'pi pratyajAnata
05195005a gautamo dviguNaM kAlam uktavAn iti naH zrutam
05195005c drauNis tu dazarAtreNa pratijajJe mahAstravit
05195006a tathA divyAstravit karNaH saMpRSTaH kurusaMsadi
05195006c paJcabhir divasair hantuM sa sainyaM pratijajJivAn
05195007a tasmAd aham apIcchAmi zrotum arjuna te vacaH
05195007c kAlena kiyatA zatrUn kSapayer iti saMyuge
05195008a evam ukto guDAkezaH pArthivena dhanaMjayaH
05195008c vAsudevam avekSyedaM vacanaM pratyabhASata
05195009a sarva ete mahAtmAnaH kRtAstrAz citrayodhinaH
05195009c asaMzayaM mahArAja hanyur eva balaM tava
05195010a apaitu te manastApo yathAsatyaM bravImy aham
05195010c hanyAm ekarathenAhaM vAsudevasahAyavAn
05195011a sAmarAn api lokAMs trIn sahasthAvarajaGgamAn
05195011c bhUtaM bhavyaM bhaviSyac ca nimeSAd iti me matiH
05195012a yat tad ghoraM pazupatiH prAdAd astraM mahan mama
05195012c kairAte dvandvayuddhe vai tad idaM mayi vartate
05195013a yad yugAnte pazupatiH sarvabhUtAni saMharan
05195013c prayuGkte puruSavyAghra tad idaM mayi vartate
05195014a tan na jAnAti gAGgeyo na droNo na ca gautamaH
05195014c na ca droNasuto rAjan kuta eva tu sUtajaH
05195015a na tu yuktaM raNe hantuM divyair astraiH pRthagjanam
05195015c Arjavenaiva yuddhena vijeSyAmo vayaM parAn
05195016a tatheme puruSavyAghrAH sahAyAs tava pArthiva
05195016c sarve divyAstraviduSaH sarve yuddhAbhinandinaH
05195017a vedAntAvabhRthasnAtAH sarva ete 'parAjitAH
05195017c nihanyuH samare senAM devAnAm api pANDava
05195018a zikhaNDI yuyudhAnaz ca dhRSTadyumnaz ca pArSataH
05195018c bhImaseno yamau cobhau yudhAmanyUttamaujasau
05195019a virATadrupadau cobhau bhISmadroNasamau yudhi
05195019c svayaM cApi samartho 'si trailokyotsAdane api
05195020a krodhAd yaM puruSaM pazyes tvaM vAsavasamadyute
05195020c kSipraM na sa bhaved vyaktam iti tvAM vedmi kaurava
05196001  vaizaMpAyana uvAca
05196001a tataH prabhAte vimale dhArtarASTreNa coditAH
05196001c duryodhanena rAjAnaH prayayuH pANDavAn prati
05196002a AplAvya zucayaH sarve sragviNaH zuklavAsasaH
05196002c gRhItazastrA dhvajinaH svasti vAcya hutAgnayaH
05196003a sarve vedavidaH zUrAH sarve sucaritavratAH
05196003c sarve karmakRtaz caiva sarve cAhavalakSaNAH
05196004a AhaveSu parA&l lokAJ jigISanto mahAbalAH
05196004c ekAgramanasaH sarve zraddadhAnAH parasya ca
05196005a vindAnuvindAv Avantyau kekayA bAhlikaiH saha
05196005c prayayuH sarva evaite bhAradvAjapurogamAH
05196006a azvatthAmA zAMtanavaH saindhavo 'tha jayadrathaH
05196006c dAkSiNAtyAH pratIcyAz ca pArvatIyAz ca ye rathAH
05196007a gAndhArarAjaH zakuniH prAcyodIcyAz ca sarvazaH
05196007c zakAH kirAtA yavanAH zibayo 'tha vasAtayaH
05196008a svaiH svair anIkaiH sahitAH parivArya mahAratham
05196008c ete mahArathAH sarve dvitIye niryayur bale
05196009a kRtavarmA sahAnIkas trigartAz ca mahAbalAH
05196009c duryodhanaz ca nRpatir bhrAtRbhiH parivAritaH
05196010a zalo bhUrizravAH zalyaH kausalyo 'tha bRhadbalaH
05196010c ete pazcAd avartanta dhArtarASTrapurogamAH
05196011a te samena pathA yAtvA yotsyamAnA mahArathAH
05196011c kurukSetrasya pazcArdhe vyavatiSThanta daMzitAH
05196012a duryodhanas tu zibiraM kArayAm Asa bhArata
05196012c yathaiva hAstinapuraM dvitIyaM samalaMkRtam
05196013a na vizeSaM vijAnanti purasya zibirasya vA
05196013c kuzalA api rAjendra narA nagaravAsinaH
05196014a tAdRzAny eva durgANi rAjJAm api mahIpatiH
05196014c kArayAm Asa kauravyaH zatazo 'tha sahasrazaH
05196015a paJcayojanam utsRjya maNDalaM tad raNAjiram
05196015c senAnivezAs te rAjann AvizaJ zatasaMghazaH
05196016a tatra te pRthivIpAlA yathotsAhaM yathAbalam
05196016c vivizuH zibirANy Azu dravyavanti sahasrazaH
05196017a teSAM duryodhano rAjA sasainyAnAM mahAtmanAm
05196017c vyAdideza sabAhyAnAM bhakSyabhojyam anuttamam
05196018a sagajAzvamanuSyANAM ye ca zilpopajIvinaH
05196018c ye cAnye 'nugatAs tatra sUtamAgadhabandinaH
05196019a vaNijo gaNikA vArA ye caiva prekSakA janAH
05196019c sarvAMs tAn kauravo rAjA vidhivat pratyavaikSata
05197001  vaizaMpAyana uvAca
05197001a tathaiva rAjA kaunteyo dharmaputro yudhiSThiraH
05197001c dhRSTadyumnamukhAn vIrAMz codayAm Asa bhArata
05197002a cedikAzikarUSANAM netAraM dRDhavikramam
05197002c senApatim amitraghnaM dhRSTaketum athAdizat
05197003a virATaM drupadaM caiva yuyudhAnaM zikhaNDinam
05197003c pAJcAlyau ca maheSvAsau yudhAmanyUttamaujasau
05197004a te zUrAz citravarmANas taptakuNDaladhAriNaH
05197004c AjyAvasiktA jvalitA dhiSNyeSv iva hutAzanAH
05197004e azobhanta maheSvAsA grahAH prajvalitA iva
05197005a so 'tha sainyaM yathAyogaM pUjayitvA nararSabhaH
05197005c dideza tAny anIkAni prayANAya mahIpatiH
05197006a abhimanyuM bRhantaM ca draupadeyAMz ca sarvazaH
05197006c dhRSTadyumnamukhAn etAn prAhiNot pANDunandanaH
05197007a bhImaM ca yuyudhAnaM ca pANDavaM ca dhanaMjayam
05197007c dvitIyaM preSayAm Asa balaskandhaM yudhiSThiraH
05197008a bhANDaM samAropayatAM caratAM saMpradhAvatAm
05197008c hRSTAnAM tatra yodhAnAM zabdo divam ivAspRzat
05197009a svayam eva tataH pazcAd virATadrupadAnvitaH
05197009c tathAnyaiH pRthivIpAlaiH saha prAyAn mahIpatiH
05197010a bhImadhanvAyanI senA dhRSTadyumnapuraskRtA
05197010c gaGgeva pUrNA stimitA syandamAnA vyadRzyata
05197011a tataH punar anIkAni vyayojayata buddhimAn
05197011c mohayan dhRtarASTrasya putrANAM buddhinisravam
05197012a draupadeyAn maheSvAsAn abhimanyuM ca pANDavaH
05197012c nakulaM sahadevaM ca sarvAMz caiva prabhadrakAn
05197013a daza cAzvasahasrANi dvisAhasraM ca dantinaH
05197013c ayutaM ca padAtInAM rathAH paJcazatAs tathA
05197014a bhImasenaM ca durdharSaM prathamaM prAdizad balam
05197014c madhyame tu virATaM ca jayatsenaM ca mAgadham
05197015a mahArathau ca pAJcAlyau yudhAmanyUttamaujasau
05197015c vIryavantau mahAtmAnau gadAkArmukadhAriNau
05197015e anvayAtAM tato madhye vAsudevadhanaMjayau
05197016a babhUvur atisaMrabdhAH kRtapraharaNA narAH
05197016c teSAM viMzatisAhasrA dhvajAH zUrair adhiSThitAH
05197017a paJca nAgasahasrANi rathavaMzAz ca sarvazaH
05197017c padAtayaz ca ye zUrAH kArmukAsigadAdharAH
05197017e sahasrazo 'nvayuH pazcAd agrataz ca sahasrazaH
05197018a yudhiSThiro yatra sainye svayam eva balArNave
05197018c tatra te pRthivIpAlA bhUyiSThaM paryavasthitAH
05197019a tatra nAgasahasrANi hayAnAm ayutAni ca
05197019c tathA rathasahasrANi padAtInAM ca bhArata
05197019e yad AzrityAbhiyuyudhe dhArtarASTraM suyodhanam
05197020a tato 'nye zatazaH pazcAt sahasrAyutazo narAH
05197020c nadantaH prayayus teSAm anIkAni sahasrazaH
05197021a tatra bherIsahasrANi zaGkhAnAm ayutAni ca
05197021c vAdayanti sma saMhRSTAH sahasrAyutazo narAH